HKBP RESSORT ADIANNANGKA

ACARA PARTANGIANGAN KELUARGA

UJUNG BULAN JUNI 2023
1. Parade diri (Martangiang na hohom)
2. Marende BE No 787 : 1 – 2 “Ingkon Monang Hita”
3. Tangiang Pamuhai
4. Manjaha Turpuk : Ulaon ni Apostel 4 : 12
5. Manjaha Hatorangan ni Turpuk :

TUHAN NA PALUAHON
Apostel Petrus dohot Johannes ditangkup jala dipamasuk tu bagasan hurungan, ala
mangajari dohot mambaritahon taringot haluaon dibagsan Jesus Kritus dohot haheheonNa sian
angka na mate tu haloan godang halak. Ndang tahutan Apostel Petrus dohot Johannes nangpe
diboan tu rapot ni angka malim dohot siboto surat. Ndang mardua roha manang mabiar Apostel
Petrus dohot Johannes, alai baliksa, marhite panogunoguaon ni Tondi Parbadia gabe
marpanindangion do nasida “Ndang adong haluaon dibagasan manang ise asing ni Jesus Kristus.
Haluaon na dibaritahon jala dihinatindanghon ni Apostel Petrus dohot Johannes, marasing
do sian pangantusion ni angka malim dohot siboto surat sian tonga-tonga ni halak Jahudi nang
hita dipartingkian sisaonari. Ia haluaon na taantusi ima, malua sian hamaolon, manang
parungkilon, manang malum sian parsahiton marhite na diurupi jolma na asing, manang molo
male adong na mangalehon mangan dohot lan na asing.
. Haluaon na binaritahon jala na hinatindanghon Apostel Petrus dohot Johannes ima haluaon
sian dosa dohot hamatean salelengnilelengna. Ndang tarbahen jolma malua sian dosa, holan
Jesus Kristus do na talup paluahon hajolmaon i sian dosa (Joh. 3:16) jala holan Jesus Kristus do
dalan haluaon dohot hasintongan na namangolu on (Joh. 14:6). Debata mangalehon dalan
haluaon tu saluhut hajolmaon holan marhite Jesus Kristus. Ai ndang adong dalan asa dapotan
haluaon sian dosa dohot hamatean na salelelngnilelengna, so holan marhite Jesus Kristus. Disiala
ni i marsitutu jala satia ma hita mangihuthon jala mangolu hombar tu lomo ni roha ni Tuhanta
Jesus Kristus. Amen.

6. Martangiang : Manghamauliatehon haluaon na pinatupa ni Debata marhitenite Tuhan

Jesus Kristus.
7. Marende : BE. No. 518 : 1 – 2 “Marsinondang Dibaen Jesus” (Pelean)
8. Tangiang Aleamanami