OBAR NI SUHUT PATOBANGKON

Manakala nangkin surdu napuran nami tu adopan ni sidang adaton on mada

hatana martaringot di harumbukan paompu nami si Sutan rap dohot gadis ni mora
sian Tombang Bustak.

Dibagasan ni i madung marpupu do ami kehe tu bagas ni mora mambolus

tangga-tangga ni paradatan. Mudah-mudahan sude tangga-tangga ni adat madung
salose ma tu tombang bustak.

Di ari Minggui madung dilehen mora ma wali anso adong dalan nami
patobang daganakon sapanjang adat.

Satorusna di potang ni ari i madung di surdu mora gadisna tu paompu nami

si Sutan. Torus ami udurkon tu bagas nami. Madung dijagit namboruna dohot
godang ni roa.

Satorusna di ari na sa borngin madung marlagut ma ami markahanggi,

maranak boru, marhatobangon, Marmora, dohot na di patobang di banua on.
Madung ami jamitahon utang adat na di oban ni si Sutan. Madung rap manjagit
dohot godang ni roa.

Satorusna ami paido sada ari buat patobang daganakon manurut sepanjang
adat. Sesuai menurut pokat di ari sadarion na nangkan patobang daganak on
sapanjang adat. Harani ima so surdu napuran nami tu sidang adat on.

Na mangido ma ami anso di patobang ma daganakon sapanjang adat satorusna di

tabalkon goar matobang ni si Sutan.

Satorusna anso di lehen jolo hata pasu-pasu tu daganak na dua simanjujung on.

Tarsaima hatana sian au, tu kahanggi doma hata on.

 OBAR MARPOKAT

Mana kala nangkin surdu napuran nami on mada hata na, martaringot di
harumbukan ni pahompu nami dibagas on namargoar si Sutan dohot gadis ni mora
na sian tombang bustak, dibagasan ni i madung marpupu do hami kehe tu tombang
bustak mambolus tangga-tangga ni paradatan, mudah-mudahan sude tangga-tangga
ni adat madung salose ma tu bagas ni mora.

Di hari minggu i dung salose obar adat namadung dilehen mora ma wali
adatna ansodong dalan nami patobang daganak on sapanjang adat.

Di potang ni ari i madung di surduon mora gadisna tu si Sutan mandung

hami hudurkon tu bagas on di jagit namboru dohot godang ni roha

Akan tetapi ngana pade dope olat ni i, ingkon dijamitaon dope tu hita
sasudena. Surdu napuran nami namarsapa ma hami on sanga margodang ni roha do
hita manarimona.

Muda margodang ni roha do hita dison ma hami mangido sada ari natama
buat patobang daganakon sapanjang adat.

Muda adong do ari natama di hita sudena dison juo ma ami mangguruon
karejo sanga sonjia carana disadari patobang daganakon sapanjang adat. Na
manyorahkon na ma ami tu sidang adat on.

Saima hatana sian au tu kahanggi doma hatana.