Assalamualaikum warahmatullahi wabarakatuh

‫الحمدهلل‬...

Se abdinah amoljheaghi sadejeh guruh sareng sadejeh Rabu se jumamber panggeliyen. Abdinah
paggun emod ka debunah ebuh: " Nak, Mon tadek elmoh dunnyah areyah petteng. Oreng se molang
elmoh areyah guruh. Mon terro deddiyeh oreng se ontong koduh ta'dhim ka guruh". Debunah ebuh
kakdintoh se deddih bisah abdinah ngarteh dha' ka pentingah elmuh ban jasa guruh.

Oreng madureh molaeh ghik kene' eyajerih ebuleng kadih ponapah caranah ngormat da' ka oreng
towah, guruh sareng pemimpin. Hal Kakdintoh ampon bedeh e dedebuwen " Bhapa' Bhabu' Guruh Ratoh".
Dedebuwen kakdintoh koduh bisah paggun e emod sareng santreh e zaman milenial akadhih samangken
kalaben cangginah teknologi se bisah ngakses ponapah bisaos se ekasokanih saenggenah bisah loppah dek
ka ghuruh karena ampon ajer ka internet.

Ta'dhim dek ka ghuruh kakdintoh aropaaghi sala settong akhlak se moljeh karenah ghuruh ampon
abuleng adidik apareng elmuh otamanah abdinah sareng ajunan molaeh ghik kenek ghuruh kakdintoh
kalaben sabber abuleng adidik caranah noles caranah Maos apareng nasehat sehingga abdinah sareng
ajunan bisah deddih oreng se agunah.

E zaman samangken abdinah sareng ajunan ghik manggiih bedeh settong santreh se ampon
ontong sukses e delem pendidikan loppah dek ka jasanah oreng sepponah. Bedeh jugen oreng sepponah
Kakdintoh nyaleh cak ngocak dek ka gurunah potranah polanah amargeh lembaga pendidikan epon anerap
aghi sanget disiplin.

Kurikulum se paleng anyar ezaman samangken enggi kak dintoh P5 (Proyek Penguatan Profil
Pelajar Pancasila) Sareng PPRA (Profil Pelajar Rahmatan Lil Alamin) se ngajeraghi nilai- nilai Pancasila
Sareng semangat kabhangsaan. Se bisah ma emod identitas sebagai bhangsa Indonesia. Se aropaaghi
bhangsah se rajeh ber integritas sareng mampir asaeng e delem skala internasional.

Kalaben potensi demografi se ekaandik bhangsa Indonesia kakdintoh aropaaghi sanget strategis.
Kalaben hal Kakdintoh ngereng asareng sadejeh guruh abdinah sareng ajunan bisah deddih oreng se
ontong ezaman se bekal deteng.

Pamator bungkasen. Abdinah mator sakalangkong dek kasadejeh guruh sadunnyah. Karenah
manabi sobung jasanah ajunan abdinah sadejeh tak bekal bedeh deddih akadih samangken.

Dek ka oreng seppo abdinah. Mator sakalangkong se ampon adidik marejeh abdinah e negeri se
sangat jumamber kakdintoh. Selamat hari guru malar mogheh sadejeh guruh e nagereh Indonesia tettep
e delem peyarsanah tor Olle barokah sareng gusteh Allah SWT.

Malarmogeh pendidikan Indonesia sajen majuh. Sehingga nagereh Indonesia deddih sejahtera
baldatun thayyibun wa robbun Ghafur. Wassalamu'alaikum warahmatullahi wabarakatuh.