BORANGAN SUNDA

Assallammualaikum wr.wb
Sampurasun…..
Kumaha daramang sadayana…..
Enya lamun teu damang mah moal ay di dieu panginten

Cidek kamari tatanggi abi teu damang

Di candak ka puskesmas……iih teu di parios da teu gaduh KTP
Lebet ka bale desa bade ngadamel KTP…..iih di tolak da teu gaduh surat vaksin
Ka puskesmas deui bade ngadamel surat vaksin ….iih teu ditampi da teu gaduh KTP tea

Ntos ka puskesmas ka bale desa deui…..

Ntos ka bale desa ka puskemas deui…..
Euh ka buru maot dijalan atuh….

Matak sing sarehatnya sadayana

Jiga abi leutik oge sehat ae abi mah
Sanes stunting da emang leutik keneh kelas 2 sd atuh
Yeuh leutik teh da awakna, sapopoe mah sok nganggo parabot kolot
Muhun parabot bapa abi (bedog)…
Unggal dinten abi sok kakadekan ae di pengkeren bumi ngadamel cocoan
Da saur bapa oge beh awet duit teu jajan teuing….

Abi mah jalmi bebas

Tara nyeuri hate
Bebas Merdeka hate abi mah, merdekaaa…..
Nyangkut soal Merdeka, emut kurikulum Pendidikan nu ayena
Di anggo disadayana sakola
Ka lebet sakola abi

Kurikulum Merdeka belajar

Ka pungkur mah abi teh murid pang kedulna pami di piwarang di ajar teh
Kedul ngerjaken PR…
Kedul ngerjaken tugas…
Kedul diajar…
Aah pokona mah kedul ae

Tapi sa atos aya kurikulum Merdeka belajar ieu teh, abi jadi rajin…
Rajin di setrap…..
Nya di setrap lantaran abi kedul tea janten di setrap
Ngajanteng ae di payunen papan tulis

Nu teu ka hartos dina kurikulum Merdeka belajar ieu teh

Unggal dinten abi sok di pasihan tugas ku ibu guru
Unggal dinten…naha…nya…kunaha…
Pan bapa abi tos mayar LKS ka sakola
tapi kunaon tugasna dikerjakeun ku abi sanes ku ibu guru
Saking seueur na tugas abi kerja kelompok sareng rerencangan dugi ka sonten
Teu wawartos ka bapa
Eta si bapa malarian abi
Ka alun-alun….
Ka sakola….
Eh pas papendak … abi teh atoh pisan aya bapa teh di dieu
Eh bapa mah malah nyebat kieu mana bedog bapa henteu tinggalen
Gusti….horeng teh nyaah keneh ka bedog ti batan ka anak

Sakitu nu kapihartur….
simkuring pamit…
Wassallammualaikum wr.wb
 KAPAL MENTA DUIT
Karya Darpan

Kapal menta duit

Di dunya keur sarwa sulit
Loba nu gering loba kasakit
Loba nu teu kabeuli obat
Nu hutang salaput hulu
Hirupna teu maju-maju

Kapal menta duit

Rek dipake meuli baju
Meuli buku meuli sapatu
Nu mahal kabina-bina

Kapal menta duit

Rek dibangun jalan lempeng
Ti kota ka imah kuring
Di sisi kebon nu jempling
Sisina lampu baranang

Kapal menta duit

Mun teu mere kajeun teuing
Rek nungguan kapal sejen
Sugan aya nu berehan