BAHAN SERMON JAMITA

HKI RESORT SIGALINGGING

PENTAKOSTA II, SENIN 29 MEI 2024

EV. 4 MUSA 27: 18 - 23 EP. 2 KORINT 5: 1 - 5

OJAHAN :

TONDI NA MANGGOHI ANGKA PARTOGI

Di bukku 4 Musa 27: 18-23 patoranghon na naeng marganti raja ni bangso
Israel sian si Musa gabe tu si Josua. Pargantian ni raja masa alani Debata
pasahaton tona tu si Musa di tikki si Musa marumur 120 tahun (5 Musa 31: 2)
alana si Muasa ingkon mate. Si Muasa nunga gabe raja bangso Israel uju sian
Mesir, di gunung Sinai sahat tu manjakkon tano Kanaan. Alai Debata dang di
paloas anggo si Muasa lao tua Kanaan alani dosa naung di ulahon ibana (4 Muasa
20: 2-13; 27: 14). Dosa naung diulahon nisi Musa ima hatiha i si Musa dohot si
Harun naung mangalo patik ni Debata di tingki bangso Israel mangalo hatani
Debata. Nangpe si Musa naung mangido tu Debata pangelehon hamatean nanaeng
rotu ibana (5 Muasa 3:24-25), alai Debata torus do mangulahon angka naung di
sangkapi Na hian. Adong pe angka sangkap ni Debata mamilit panggantti ni si
Musa lao gabe raja ni bangso Israel sahat tu tano Kanaan. Ayat 18 dipilit Debata
do si Josua anak ni si Nun lao mangganti si Muasa. Boasa pola ingkon si Josua
piliton ni Debata? alana Debata mamboto si Josua sada jolma na di gohi Tondi
Parbadia, jadi:

1. Josua mangolu marhite-hite pangaramotion ni Tondi Parbadia ni Debata.

2. Josua gabe sahalak jolma na unduk tu Debata dohot tu si Musa.
3. Si Josua gabe sada halak na serep marroha lao manghobasi Debata, Muasa
nang dohot bangso Israel.
4. Josua gabe sada halak na barani songon.
 a. Josua barani lao membala bangsa Israel
b. Josua barani lao mamparalohon halak Amalek.
c. Si Josua barani marsaksi lao mangalo hata-hata sian halak parjahat.
5. Josua gabe jolma na serep marroha jala gok lasniroha, burju, mabiar tu
Debata, marsogo ni roha tu halak na mongkus, mangolu hombar tu
aturan/sangkap ni Debata.
6. Di pake Debata do si Josua lao pasahathon barita nauli tu halak Israel (Josua
4:1; 6:2; 7:10).
7. Josua sada jolma na marleheng songon parmahan jala marsahala.
8. Dang di sangsihon Debata be pangalaho ni ngolu nisi Josua, di tingki Debata
manure si Musa laho manjadihon ibana gabe Raja ni bangso Israel, si Musa pe
porsea jala dang ragu be dina pinilit ni Debata si Josua. Di boto Debata do ia
si Josua didongani Tondi Parbadia di tingki lai manguluhon, mangajari bangso
Israel. Ay. 19 di suru Debata do si Muasa asa laho mangojangkon si Josua lao
panggantina:
a. Musa ikkon mangojangkon si Josua: “ampehon ma tangan di ginjang na”
(ay. 18) artina: Musa manorushon harajaonna tusi Josua, Debata pasahatton
Tondi Parbadia tusi Josua alani Tondi Porbadia mandongani si Josua gabe
raja na marbisuk.
b. Musa ingkon mambuan Josua tu adopan nisi Eleazar jala manempathon si
Josua di jolo ni sudena bangso gabe sada jolma na tarpilit ni Debata lao
gabe raja di pardalanan ni bangso Israel.
c. Musa mangalean sada tano lao manjaga bangso Israel. Si Josua ingkon
tanggung jawab songon sada raja na burju tu bangso Israel.
d. Musa mangalean tusi Josua sada panagajaran asa si Josua boi gabe uluan na
din a di parsangapi halak Israel, alani bangso Israel gabe boi mangoloi hata
nisi Josua (Ay. 20).

Musa ingkon mangangkat sada halak parhalado Eleazar gabe sada halak
pangajari disi Josua (ay. 21). Josua ingkon jongjong di jolo ni si Eleazar lao
manjalo pangajaran ni Debata. Nangpe si Josua nungga di dongani Tondi Parbadia
jala gabe sada raja, alai si Josua ingkon manjalo pangajarion ni Debata jala dalan
sian Debata, alani i sude angka habisuhon, aturan, haputuson naung di ulahon ni si
Josua hombar tu naung ditonahon ni Debata. Musa mangulahon hombar tu nanung
di ajarhon ni Debata, gabe di aojakhon ibana ma si Josua dohot las ni roha. Debata
dang mamilit angka anakhon nisi Musa laho gabe raja di bangso Israel jala si Musa
dang gabe raja be di bangso Israel, alai nangpe songoni las do roha nisi Musa alani
pangojakhonon nisi Josua raja ni bangso Israel. Musa dang holan mamingkirhon
pangoluanna sandiri jala si Musa pe dang holan mamingkiri anakhonna asa gabe
sada raja. Musa patujolohon pangidoan ni Debata laho mampalua bangso Israel
sahat tua tano parpadanan.

Angka Damang dohot dainang na hinaholongan, aha ma siputihonta sian

turpuk on. On ma

1. Ia si Josua di ramoti Tondi ni Debata alani i si Josua marpangalaho na

denggan, marsahala, dang mura mabiar, serep marroha. Tondi ni Debata na
mandongani si Josua mangajari si Josua asa gabe Debata di pangasahon di
ngoluna, manjalo pangajarion nasian Debata alani i sudena angka habisuhon,
dohot angka nadiulana dohot keputusanna marhite-hite Debata. Songon si
Josua na di ramoti Tondi ni Debata, nang songonima di Minggunta Pentakosta
on, hita mamestahon haroroni Tondi Parbadia tu sude jolma na manghaporseai
Debata. Tondi Parbadia na ro jala mian di ngolunta na gabe ruas ni Debata
paingothon hita asa Debata dang hea lao maninggalhon hita jolma. Tondi
parbadia torus do mandongaoni hita. Tondi Parbadia torus do mandongani
hita. Tondi Parbadia na adong di ngolunta ingkon manguluhon hita lao
mandalani parngoluonta. Tondi Porbadia ingkon mambahen ngolunta gabe
serep marroha, dang mura mabiar,
2. Di bagasan namagganti angka uluan on, olo do sipata dang denggan
pardalanan alani angka elat ni roha, alana adong angka naso rela jala angka
raja na parjolo dang olo dope di ganti.raj na parjolo marpangidoan asa ibana
manang angka pinomparna gabe raja na imbaru. Alai molo jolma na asing
tarpilit raja na parjolo naeng mambahen agka cara asa pargatian i dang
mardalan dohot denggan. Hata ni Debata paingothon hita, asa Debata pe
mansangkapi angka raja naingkon marganti. Diharoro ni Debata di angka
namajadihon pargantian ni raja na di pangido ni Debata, alani i ibana pe
marlas ni roha lao mandukung si Josua gabe sada raja. Hita pe ingkon
marsiajar do sian si Musa naso olo cemburu, marserep ni roha di tingki ibana
ingkon pasahathon harajaonna dang tu dirina, dang tu ianakhonna manang tu
angka keluargana. Alai tusi Josua. Marsiajar sian si Mua, boama hia ingkon
mandukung adong angka pagantian ni sada-sada jabatan. Debata na mamilit
raja na baru. Debata do tong na mangalean Tondi Prbadia tu raja na baru asa
raja na baru boi madalathon angka tugas na dohot denggan sesuai dohot naung
di sangkapi Debata. Amen.