Lontar Roga Sangara Bumi

Om Awighnam Astu Namo Sidham

Nihan Widhi Sastra, Roga Sangara Bumi, saking niti Bhagawan Dharmaloka, katama de sang
aji ring Majapahit, tekaning Bali Madya, apa lwirnya, ritatkalaning ganti kali bhumi. Dewata
matilar ring madhyapada, mantuk maring swargan mahameru, ginantianing Bhuta, sabhumi
sami wwang kasusupan Bhuta, bahur ikang jagat perang sumelur, ratu ameseh lawan pada
ratu, gering sasab marana tan pegat, ngendah laraning wwang, gumigil panas uyang, akweh
pejah, desa tepi ning tasik tembening agering, mutah mising kadadak mati, mantra usada
punah. Pandhita bingung, Weda Mantra tanpa sari.

Aywa tan yatna Sang Bhujangga Aji, angemit praja mandala, anggawe kayowananing rat,
danakena watek Paṇḍitaji, anguncaraken Weda, angundurakẹṇ gering marana ika,
anggelaraken mantra, akasatawa, Sang Pandhita Buddhi, anggelaraken Weda, Bayu Astawa,
sang Pandhita byuh sisya, anggelaraken teja astawa, sadhana;
wedyasuci, 3 soroh, saji 3 soroh, sasayut Dirghayusa Bhumi pras panyeneng,
mapanggungan ring pangabhaktyan Sang Ratu,
lukat ikang bhumi antuk homa tirtha duluran nawa ratna paideran, tekaning jadma kabeh
ko angabhakti aneda urip dulurin;

pracaru ring lawang lawang sega sapunjung, iwak bawi ingolah, jajatah
lembat asem, ring kahyangan sami
salwiring sanggar paumahan, katur ring hyang,
punjungan putih kuning, dakṣiṇa canang pateh swang, segehan limang
tanding, iwak bawang jahe, caru ika masanggah cucuk, magenah ring
singgahaning lawang tengen, mapenjor carang tiing, makober wastra putih
masurat ganapati, mwang bajra, cakra, dandha, pasah, trisula.

Pukulun paduka-Bhatara Ganapati,

manusan paduka Bhatara minta urip,
kataman gering kameranan,
prangen tedahaken sarwa bhuta sasab kabeh,
yan sida waras anak sanak putu rabininghulun,
hulun angaturaken; tiningkah wedaya gana munggwing sanggar akasa,
Ong namo stute Ganapati, sarwa wighna winasanam, sarwa mara
wicitram, sarwạ roga winasanam.
Yan tepet de sang Pandhitaji anggelaraken, phalanya jerih kang sarwa bhuta sasab marana.
Hana ling Bhatara Putrajaya ring Basukih, uduh sang saji Bali, yatna ta kita mangemit praja
mandala, mwang bhaktinta ring sarwa dewa, yan hana wwang ring nagarakrama, kena cukil
daking, gering tan wenang tinamban, dening jadma kena sapa, upadrawaning, jadmanya
olih dewata, haywa inge ring desa pakraman genahnya, yan sira ratu tan mamituhu pawarah
ku, aku mulih maring Giri Mahameru, angadakaken gering sasab marana ring sarwa jaga
mangkana ling Bhatara munggwing Widhi Sastra, mwang yan sira punggawa ratu ring Bali
Madya, yan sira nora pada ngawe tawur agung, ri panguluning jagat ring Basukih ngalimang
tahun pancawalikrama, wastu gumi kali tan pegat idep aku andawut uriping manusa
gadakang gering tutumpur sasab marana kweh, tekaning dipanya, macengilan ri samanya
kadang tunggalan, masairu lawan kadang, yadyapin hana mangarcana aku, tan mantuk ring
Basukih, aku matilar maring Giri Semeru, tan mahyun muwah sinungsung de manusa loka
apan manusa loka panjadman kala katung, telas.

Mwah tingkahing gering kameranan, gumigil ngebus, kapati-pati, rebah wwang kataman
gering tan tulungen, akweh mati, tan mandi sarwa usadha Pahosyan ikang wwang anahen
laragering, sakuwu tan ana ingsal, Hyang ing wukir aweh lara, katur ring Bhatara Suryaloka
riluhuring akasa, aparab Bhatara Druwaresi, uriping dewata kabeh, Bhatara Druwesi, maraga
Sang Hyang Titah, sira nitah dewata kabeh, mahyun Bhatara Drumesi niwakang gering
kameranan, wisya mawak angin, geni mawak angina mawak angin, mretha mawak wishya,
ngawisyanin wwang manusa loka, Hyang ring wukir nglebang bhuta sasab munggwing Jawa
Jambudwipa, ring gowwa matakep umahing sasab, mengaken lawan bikang giha Bhatara,
mampehikang sasab, mahlar pawana, mawisia geni, satengah kalebang de Bhatara, ana
sahasra kwehnya, kinwan mangringin manusa, anadah manusa, Bhatara Yama dadi
mangwanin sasab, ana sipat Bhatara Yama, mamwiti sang dumadi, patuwuhing janma mati,
yatika wenang pati, mangkana ling Bhatara Yama, ring watek bhuta sasab, mwah rupa ning
sasab, I Bhuta pangawan wenang agung wenang alit, ngendah rupanya, sumusuping salwiring
pangan kenum.

Yan sang aji Bali mrekertiyang gumi rahayu, wenang angaturaken guru piduka, mapinunas
urip jagat nira, ri hyanging wukir ring Basukih, mwang ri Hyang ing sagara, mwah ring
Panggulan Danu, wenang pada malabuh gentuh, wenang Pancawalikrama ring Basukih,
rahayu ikang rat, yan nora mangkana, tan rahayu ikang rat.

Mwang sang amawa bhumi, sabanwarakrama, sapunpunya teka wenang mapinunas, ring
hyang Druwaresi akasa, ngaturang guru piduka, Bhatara ring giri Bali, mwah ring Hyang
Baruna, lwirnya katupat kelanan sasalaran itik ayam, tiwakang ring samudra, mwah
panguluning setra, ngaturang guru piduka, yan mangkana, wenang tiwakin caru panglebar I
Bhuta sasab, yan durung mangkana, tiwakin caru, tan prasida ikang caru, bhuta sumangkin
rusuh mwah ikang sasab wireh durung mapinunas ring Hyang catur, mangkana kajaring Widhi
Sastra.
ma :
Pukulun hyang Ratnangkara, Hyang sagara geni, manusanira nunas urip
bhuktinen sajinira dana becik, Ong sidhirastu yanamah swaha.
Mwah;
• ka 6. tekaning gering kebus tan tulungan, makweh pejah kemaranan, sasab Bhatara
luhuring akasa, mamatenin jadma, ca, tepening desa kidul, iwak bawi, ji, 40, oleh dena
sangkep, punjungan petang pujung, iwak petang tanding.
• Ka. 7. tekaning gering, salwiring lara, mwah sasab, Bhatara Guru maweh lara, :ca,
sega amanca warna, iwak ayam berumbun ingolah cinaronaken ring smasana.
• Ka. 8. ka. 3. tekaning lindu titir, pangataging gering sasab ring desa tepi siring, sasab
Bhatara Surya, sasab Bhatara Baruna, sasab Hyanging Wukir, wenang angaturaken guru
piduka, ring Bhatara Gunung Agung, ring Bhatara Surya, ring Bhatara Baruna, mangde uriping
bhuwana, lwiring guru piduka, : tumpeng guru, sasayut pengambeyan peras panyeneng,
sasantun, soda putih kuning makembaran, mwah sasayut dirghayusa bhumi, nga, panulak
maranapati, mwang durmanggalapati.
• Ka. 6. tekaning lindu titir, ika pangataging gering marana, rawuh geringnya ngebus
uyang gumigil, rebah wwang agering akweh mati, Bhatara Suryageni ring akasa, maweh lara,
I Bhuta Brahma ngungang, sasab Bhatara Surya, pakwih ikang wwang lara kapanasan,
mangke teka wenang sang jadma kabeh, angaturaken pangenteg urip, ring kahyangan ring
sanggar, lwirnya: canang daksina, sarwa putih sekarnya, soda putih kuning makembaran,
malih canang masekar putih kuning.
• Ka. 7. tekaning lindhu titir, prang sumelur kajarnya.
• Ka. 8. tekaning lindhu titir, gering kadadak mutah missing, akweh wwang pejah
kajarnya.
• Ka. 9. tekaning lindhu titir, kumebeng ikang rat, ulun minggat ritwannya.
• Ka. 10. tekaning lindhu titir, hayu ikang rat, pangatagging Bhatara mahyang ring
manusha, Jyesta, sadha, tekaning lindhu titir, gering makweh tan tinulungan.
• Ka. 4. Ka. 5. tekaning lindhu titir, pangataging watek dewata suka girang, mahyang
ring madyapada, yowana ikang bhumi phalanya, saing tinandur wredhi, sang ratu dharma
rahayu.
Ling Bhatara Swamandhala, ring bhuh palaka ring rat, anggawe uriping bhuwana,
ritatkalaning bhumi kena gering jaramarana, salwiring gering akweh mati, aywa maren
mapinunas urip Hyang Bhagawati ri pangulu ning setra agung, ngrihinin mapinunas, nuju
rawuh sasih, ka. 4, ka. 5, ka. 6, ka. 7, ka. 8, ka. 9, wusan, banten aturan suci asoroh,
daksina pras sega pangkonan iwak bawi, ingolah denasangkep, jadmane pada ngaturang
papranian ring dalem, maka swang, satuwuk nangken sasih ka 6, ka. 7, k. 8, ring bale agung,
mwang ring puseh, mangkana ling Sanghyang Swamandhala munggwing sastra, yan tetep
mangkana, doh ikang gering marana tekaning desa ika, hana Bhatara Swechandawegin desa
ika, yan nora samangkana, rug ikang manusa loka, kapara gering marana, dening kali yuga
bhumi, dewa maraga bhuta, tan sidha pracaru, Sarwa mahlar maka caru, wus mangkana,
sarwa pasu maka caru, wus mangkana, macaru sarwa pasu, sasab sarwa mahelar, I Bhuta
Gagak macucukageni, nga, sasab sarwa pasu, I Bhuta Garong, nga, sasab beberes, I Bhuta
Kala Singha, nga, sasab manusa, Sang Hyang Kalantaka Mretyu, nga, andawut uriping
manusa, samangkana lwirnya.

Iti Widhi Sastra, sangkayan niti Bhatara Druwaresi, sira mustikaning Dewa, wenang sira
angurip jagat, amateni jagat, wenang tan kawara dening Bhatara ring martyaloka, sahana
ning dewata nawa sanga, panca dewata, catur dewata, Sang Hyang Tri Purusa, asing dewata
aparhyangan ring rasatala, yadyan prasada padasana meru kunang, kakawasa denira Bhatara
Druwaresi, sira munggweng swarga Surya Loka, mwah Candra Loka, sira jiwaning dewata
kabeh, sira humider laku lakuning Bhatara Surya Candra mangetan mangulon, sira maraga
siptaning bhumi, hala hayu, sira maraga sarwa rupa, sarwa teja, sarwa tirtha, sarwa
rupaning agni, sira nitah Bhatara kabeh, ring martya loka, Sang Hyang Brahma Wisnu Iswara,
Siwa sadha Siwa paramasiwa, sira pada pranata ring Hyang Druwaresi, sira maraga titah,
karane ana Widhi Sastra, katama de Sang Hyang Empu Yogiswara, sira ta kramaning dadi
manusa utama wangsa, dadi panenggeking jagat, sahelwaning Bharatawarsa, yan ritekaning
kali yuganing bhumi, prang sumelur, gering makweh, mahabhaya nikang rat, salah wetu
salah rupa, ika angadakaken gering mageng, akweh paparitaning jagat, angajaraken alaning
jagat, ndi hangadakaken dhurmanggala ning jagat, sira paduka Bhatara Druwaresi,
sangkayan kalemahan dhurmanggala ning jagat, sira paduka Bhatara Druwaresi, sangkayan
kalemahan sari-sari, mretan Bhatara Baruna olih manusah sabhumi, tekaning kahyanganira,
ring gumi maksya tan pegat kahili dening letuh, sawaning wong sadosa, bwangakni ring
samudra, mangkana prawerti sang ratu ring madyapadha, kaplepekana weci lungguhira
Bhatara Baruna, mahyun kapratistha Sang Hyang Sagara sidha telas letuhin kahyanganira
Bhatara Baruna, hana tinitah denira Bhatara Druwaresi, upakara malabuh gentuh,
lwirnya:

guling pabangkit, matitimamah wedus sapalaken, kadi tingkahing upakara

maslang, malih guling pabangkit asoroh, guling pabangkit katuring Hyang
tengahing sagara asoroh, maduluran tatebasan madanadan, madudusa
agung, angedagang sanggar tawang rong tiga,
ring tepining sagara, neduhang sahananing pangadegan Widhi ring sagara,
sabhumi punpunanira swang, mwah katuring sagara, bwangakna ring
samudra, itik, ayam wedus, celeng, sampi, saha tegen-tegenan,maduluran
suci, tatebasan, daksina, pras malih caru ring areping sanggar tawang, kebo
kinelet, dagingnya ingolah dadi, 40 tanding, asu bang bungkem, sata amanca
warna, itik belang kalung, sami ngareping sanggar tawang,
pandhita ngrayunin, Bhuda ring paselang,
mangkana kramanya sang ratu bhakti ri Hyang Arnawa, hayu ikang rat kabeh, yan nora
samangkana yasanira sang adrewe gumi, yadyan ring jagat, pupug papalining Hyang ring
kentel Bhuwana, ya nora terus makretti ri Sanghyang Arnawa, rebah ikang rat, apa kalane
mangkana, krodha Hyang Baruna, Hyang Mina Rudra Hyang Nagaraja, Hyang Lembwara, sira
anamburaken wisyeng jagat, saking telenging samudra, gring tan pantara anlugrubug, kala
kali laraning wwang gering kadadak, kena upas beruang, tan sidha tinambanan, asing pangan
kenum mesi wisia, rusak ikang bhumi, makweh siptaning pejah, kageringan, mangkana sang
ratu, yan tan minahayu sagara, Sang Hyang Sagara maka huriping, rat, mangkana kajejring
aji, ling sanghyang dhruwaresi, munggwing aji, o.

Nyan paparitaning bhumi rusak, amanggih bhaya sang ratu, ana siptaning bhumi, apa
lwirnya, yan ana salwiring salah wetu, salah rupa, sering wetunya mangkana, ika cihnaning
jagat rusak, ideping wang salah krama akweh, ne tan wenang wenangaken, gering kabaya-
baya ikang bhumi, ideping wang tan bhakti, terpti ring twan, receh ikang bhumi, sang prabhu
nuhuk idep asing kinarsa, mamanasi wadwa, wadwa meweh prih daging laku, pan keni
kenining twan, panas ideping wwang kreśa, pakuwih kang janma, ideping twas satata
angarcana gawe, sang juru loba ring pakolih, rusak ikang rat, haru hara ikang bhumi, ideping
wwang kulang kaling, gering tan pegat, yadyan gawen upakara pambayuh bhumi, Hyang
karegedan olih bhuta, sarwa saji katur ring Widhi, kalaraban dening letuh, Widhi mur tan
suka mahyang ring bhumi, sarwa bhuta mawak dewa mawak kala, pangrubedaning bhumi
gawen precaru suka ambhukti caru, sumingkin jenek wehi bhukti, nora maren geringe
mangalahlah, dening twara ada panundung sakit, wedha mantra ndatan mandi, mangkana
kajaring sastra.

Mwah laraping jagat rusak pidukan Bhatara kalih, ndyata: sira Bhatara Druwaresi malingga
luhuring akasa, Sanghyang Anantasana ring sapta patala, pada dhuhka sira, ring sang
munggweng andhabhuwana, riteka ning kali sanghara bhumi, Brahma amurti, sarwa Bhuta
pisaca gananumadi manusa, horang ikang rat, tan patutur ikang wwang, amesehan lawan
sanak, taskara pada galak, ideping wwang Amanda manadi twan, pramada ring sang dharma,
mwah paparitaning gumi, sarwa sato tan pinaka kali kalinya, mwah salah rupa, salah wetu,
mwah sang sadhaka pralaya tan pakalingan, mwang kapaten patenan, lindhu titir, wwang
salah laki lakinya, tan katenger dening wwang coksa baksa idheping wwang, mantra tan
mandi, wisia, marana. Letuh ikang bhūmi, kacampuran tekeng rasatala, duhka Sanghyang
Anantabhoga, katapak gigir nira dening wwong kasmala, mapanas gigir nira, molah ikutnira,
kumeter ikang rat, angajaraken hala hayuning jagat mwang Sanghyang luhuring akasa,
paduka Bhatara Druwaresi, sira mustikaning dewa, sinembah dening dewata kabeh, sira
uriping dewata, sira umider laku Bhatara Surya ring akasa, angetan angulwan sadaka, dhuka
anon ikang rat, harep amuburaken bhuwana manusatala, anggawe hentyaning sang
gumantya dewata madeg ring martyaloka, tekeng dhipaning jagat, ring manusha pada, apan
panjadman kala katung ika wwang kabeh, tatan ana wanginya tekaning Surya Loka, trus
tekaning sapta patala ring Baruna sthana, kapelepekan aweci letuh, mwah capala pakata,
tan ana pambayuning Barunasthana, magleng Bhatara Druwaresi winentang lawasnira,
makatungtungning astra, wisia kalakuta, tiiwaken ring mānusapada, matemahan raksasa,
nga, Bhuta Brekala, tan pawak, kadi windu rupanya, masarira angina, apwi, toya, sira
angadakaken gering gerubug, kadadak mati, yakita gering kena hantu, prana, nga : menggal
mati, jiwanya age analap, wakne dalem angganya, pinangan olih Si Bhūta Bregala, bhūta ika
wenang ageng, wenang alit, kawasta mawak suksma, dadi angunduh daging jajroan
sangagering, inwataken ring Sang Hyang Kala Mayapati, ika angadakaken gering gerubug,
mutah missing, weteng lara mawuwudesa, tan siddha tinamben, yan dīrghayusa jadma
sabhumi nira, maren kataman gering jaramarana, wenang sang ratu punggawa sami, pada
ring guminira, ngaksama bhakti nunas urip, ring paduka Bhatara Druwaresi;
banten katur ring akasa, suci lakshana, 2 soroh, maduluran saji, iwak itik
putih jambul ginuling, rayunan putih kuning makembaran, iwak sarwa suci,
mwah paduluranya kabeh, cecepan, sajeng denasuci, rantasan panca rupa,
mwah pasucian, banten gawenang panggungan panyawang, pangadegnya, 6
depa, magenah ring pangabhaktian sang ratu, malih rin sor guling pabangkit
asoroh, den agenep, sah panggungan,

malih caru ring natar, iwak bawi, ji, 900, olah den agenep, dadi 99, ilohin
panggungan ika, ulun bawine di tengah, malih iwak mahisha, olah den
agenep, dadi 80 tanding, sangkui, 80, mastakaning mahisha ring tengah malih
caru banten maolah den agenep, dadi 60 tanding, mastakaning banten ring
tengah, maduluran iwak sawah, iwak sagara, iwak gunung, malih iwak mesa
ingolah den agenep, dadi 40 tanding, mastakanya ring tengah, asu bang
bungkem masambleh, sega sokan, tuak abruk, sega agung, pras penyeneng,
panukun jiwa, arta aketi,

sang angastrenin panyawang sang pandhita, anggelaraken Weda Dhruwathawa, Bhatarane

luhuring akasa, manih brāhamana Buddha, anggelaraken weda pangastawan ring Bhatara
Anantabhoga. Malih pracaru ring sor, senggu angastrenin, weda pūrwa gumi, pangateg sarwa
Bhuta.

Malih pamyak gering kamaranan, akeh mati, ca:

katipat kelanan, katur ring sagara, maduluran tegen-tegenan, masalaran itik
ayam, suci a soroh, tiwakakena ring sagara kabeh, mangkana kajaring aji
Widhi Sastra katama antuk sira Empu Kuturan, saking Majapahit.

Mwah tingkahing jagat rusak, Bhatara Putrajaya mantuk maring Giri Sumeru, Sang Hyang
Basuki mantuk maring Sagara, maraga Sang Hyang Baruna, pada ngawijilang gering sasab,
Bhatara Putrajaya ring Basukih, bhuta manca warna, pada suksma mawanan bhayu bajra
mahantu bajageni, kruna rupa, marambut agni, naka ganjira malela wresani, sumusuping
angga manusa pejah kena sasab, wenang agung alit, yan kacaritan nisya tan kabranan ring
para bhuta, gering gumigil, panas karahatan, mangkana panakiting wwang kena gering
Brahma, Sasab Bhatara Baruna, bhuta mahulu naga, tan pira kwehnya, angadakang gering,
saksana mati, sasab metu saking Surya Loka, gruddha ngebeking antariksa, ngamijilang sasab
geni, kahudanan asing kapangan kinum wisia geni, laraning wwang agering ngebus kapati
pati, rebah wwang kataman gering, akweh mati tan tulungan, tan wenang carunen,
sumingkin angerusuh ring manusa sabhumi, Sasab Bhatara Yama, Bhuta Angga Rare, tan pira
kwehnya, sumusup ring garbha, amangan daging jaroning manusa, gering mutah mising
kadadak mati tan tinulungan, mangkana lingning sastra, mangke teka wenang Sang Aji Bali,
mwah witek punggawa, ngarcana bhatara Siwaditya, Bhatara Siwageni, bhatara giri
jagatnatha, minta uriping jagat, ngambe Bhatara Putrajaya, mangke mantuk maring
Besakih, makadi Hyang Basukih, sweca urip ring manusa pada lwring upakaranya:
sasayut pangambeyan, pras panyeneng rayunan putih kuning, sasayut
dirghayusa bhumi,
pinunas ring Bhatara Putrajaya ring Basuki, mapinunas ring Bhatara Basukih, pinunas ring
Bhatara Surya, pinunas ring Bhatara Yama, ngarcana Bhatara, ring kahyangan meru,
ngarcana Bhatara Surya ring sanggar akasa, ngarcana Bhatara Baruna ring samudra, ngarcana
Sang Hyang Basukih nyawang, ngarcana Bhatara Yama ring setragung, pada masuci daksina,
sajanma kabeh maturan sasayut pager tuwuh, sinowang sowang, sodaan canang, Bhatarane
matur tunasin uriping jagate, samangkana lingira Bhatara ring akasa, munggwing Widhi
Sastra, katama olih nira sangaji Bali, ing kina kina.

Nyan Widhi Sastra ngarannya, saking nithi Sang Hyang Swamandala, Sang Hyang Surya akasa,
katama de sang ratu ing kina kina, jumeneng ring Bhumi Bharatawarsha, ritatkalaning bhumi
nuju kaliyuga, ratu ameseh lawan pada ratu, rug kang ikang bhumi, tan ana tunggal rumaksa
bhumi, obah ikang rat, tan pegat kageringan, rabah ikang wwang kataman gering, larania
panas, mati makweh, ri gumi nira sang ratu, aywa wineh anyekeh sawa, pendemen juga
swang swang, nistha madya uttama wangsa, ne tan wenang pinendem, sang Pinandhita juga,
aywa suwe ring greha, age bhina sami juga, sangkane tan wenang sang Pandhita rikalaning
antaka pinendem, apan sang Pandhita maraga Surya, maraga geni, yan kedeh pwa sang ratu
amandem sang Pandhita, kena upadrawa ikang bhuwana agung, tekeng ratunya, panas ikang
rat, mawetu kali rugrag rug ikang bhumi, aja amendem sang pandhita, mwah yan ana
pamangku widhi, nora mapodgala, pendemen juga ring setra, yan nora mapendem, sarwa
dewa moktah, tan mahyang ring desa ika, mur mantuk maring swargan, lumra sahananing
marananusup ring kadatwaning sang ratu, apan guminira kagenahan sawa, suka egar sarwa
bhuta, amangan manusa, mwah sarwa bhuta gana pisaca dengen suka girang angambun
śawa, sarwa dewa ring para kahyangan telas moksa mantuk maring swarga Surya Loka, sang
ratu katama lara, olih para dewata, hyanging wukir Mahameru prasada piduka, dening watek
bhuta sama lugraha nusup sarwa sasab, mornahomah ring kahyangan sami, tekaning
kahyangan sang ratu, ngawisesa desa ika, teka wenang sahing pejah aja amreteka, ri
sedeking bhumi kataman gering, haywa angekes sawa ring wesma, pendemen juga, yan nora
pendem olahanya tan papegatan gering marana teka, mangkana lingira Bhatara
swamandhala, aja ima-ima,
Mwah yan ana kahyangan sasembahan sang brahmana, mwang sang ratu, pada sinambeh de
sang ratu, yan ana pralinggan Bhatara ring kahyangan ika, masanding maparek tan maselat
marga, ritekaning kapatian kurenan de mangku Bhatara, age preteka, aja anglimari salek
suwenya, yan ana kalangan gumi bhaya, kinwan de sang ratu dohaken anyekeh wangke ika,
tan kararaban kahyangan ika, yan pramahimba marep sama juga, dohaken wangke, yang
anti pamrateka, mulih ring dunungania nguni aywa nyekeh sawa ring dunungan de mangku,
suwe suwenya, leteh parhyangan sang ratu, roh de mangku angukung cemer, maparek, yan
doh angekes sawa selat marga selat rurung, limang dina de mangku kena cuntaka, dadi de
mangku ulah-ulih ring kahyangan, ngaturang pasucian, yan de mangku nyekeh wangke ring
umahnya, salawase tan wenang ulah-ulih ring kahyangan, yan tutug mabasmi, mwah
cuntaka, wenang mara ring kahyangan

Mwah tekaning gering kameranan, rebah sang agering mati makuweh sadesa-desa, aywa
mreteka wangke, pendem juga, sawangsa nista madya utama, yadyan pamongmong widhi,
yan nora masurudayu, kapatak siwa dwara nya de sang pandhita brahmana, dudu amangku
Widhi Uttama, wenang pendem juga, ne tan wenang pendem sang Brahmana Pandhita,
mangkana ling Bhatara Putrajaya jumeneng ring Basukih, aywa sang punggawa ratu ring Bali,
amurug kajaring aji iki, phalanya mur ikang Widhi, mantuk maring giri Sumeru, aniwakaken
upadrawa, ring sang ratu ring Bali, maweweh gering kamaranan tan pegat, rug rebah ikang
jagat, mangkana kajaring sastra, pakarya sira Empu Kuturan, jumeneng ring Majapahit.

Nyan prawesa guminira sang ratu, katiban durmanghala, lwirnya,

yan ana hyanglalah umanjing ring kadatwanira sang ratu, tur anginum we kalaning hudan,
ya ana samangkana, iku tekaning alpa yusa sang ratu cihna ning rusak, age pinahayu, pilih
dirghayusha aywa liwar pitung heri, aniwakaken caru, yan liwar pitung heri, tan prasida
moktah wighna nira, mangkana kajaring aji, pracarunya;

ngadegang sanggar tawang rong tiga,

ring kadatwannya, mapanggungan agung, maguling pabangkit den agenep,
mungah suci ring sanggar tawang, 7 soroh, denasangkep, caru ring sor,
maguling babangkit den agenep, carunya kebo, kambing, banteng, angsa, itik
belang kalung, siap manca warna, tiningkah kadi tawur agung, mangkana
kramanya.

Mwah yan ana buron kidang menjangan sengan, malayu layu larinya, dateng ring desa
pakraman, umanjing ring umah, mider palayunya, yan ana samangkana lwirnya dahat
mahala, yatika cihnaning desa ika, janma katadah kala, karaning i kidang tinitah de Sang
Hyang Kali Yuga, umanjing ring desa ika, apan desa ika tan pajiwa tan pabhayu, tulia karana
maha durgama, yan tan pinahayu, satata kawighnam desa ika, mapa laksananya, majengilan
lawan rowang, corok cinorok lawan kadangnya, matemahan rusak gumi ika, apan kacatreng
kala, pamahayunya;
adegakena sanggar tawang rong tiga, munggah suci, 5 soroh, den agenep,
tiningkah kadi madudus agung, caru ring sor, tiningkah panca sanak
denagenep, ring catuspata deśa ika genahing acaru.
Malih ring kahyangan, dalem puseh bale agung, ngaturang pangenteg, lwirnya suci daksina,
rayunan, pras panyeneng, maduluran sasayut, prayascita, durmanggala, aywa sang rumaksa
praja tan prayatna, namel guminira, anggawe kayowananing bhuminira, mangkana tata
kramanya.

Nyan prawesaning ratu rusak, kataman durmanggala, lwirnya : yan sang ratu katibeng
utpata, kahyangan pangabhaktyanya katunwan, muah katibeng karubuhan taru, yan sira
katekaning gering baya, pati tengeranya samangkana.

Mwah sang ratu, ri karya ngawangun karya yadnya, amuja dewa, amuja pitra, katiban
utpata, kalinus dening pawana, bayubajra wagyut rempakang umah, mwah linggih arcane
widhi pitra ala temen kajaring aji. Mwang yan ana ratu ngawangun sarwa karya, minahayu
dewa, pitra, katama bayubajra angrempakaken prasada, umah, linggih dewa, linggih pitra,
yogya maprayascita, ngaturang utisaji, ri sira Bhatara Surya ring akasa, makadi ring
Bhagawan Druwaresi, dening sira angideraken lakuning Bhatara Surya, sira anggawe
durmanggalaning bhumi, agelar sipta eng bhuwana.
Ana carunya;
saji 2, genep saupakaraning saji, wangunan sanggar tawang
panyawang, lumekas dang guru amuja parikrama, ngastawa Surya,

ma :
Om Suryaccanam dhruwam dewam, Surya sakalam sariram,
Brahma pawwatho bhaswaram, locanam jagat indranam,
Dewa dewa guru dewa, dhruwa suryo maharodram,
mrettanam sudha bhuhlokam, sarwa nara pratistanam.
Om siddhi swasti ya namah.
Pukulun Sanghyang Surya Candra, lintang tranggana, makadi sira
Bhatara Bhagawan Dhruwasakti, nghulun angaturaken saji,
uripen, manusaninghulun, sidhaning karya-ninghulun,
tan amanggih upadrawa de Bhatara.

Nyan durmanggalaning sang ratu katibeng gering kabaya baya, apa lwirnya, yan ana
kahyangan sang ratu, karubuhan taru agung, matemahan rusak, mwah ana katunwan, mwah
ana pralingga arca sasembahannya, runtuh ring gedong panyimpenan, mwah yan ana raja
karya uttama, lwirnya, amuja dewa, amuja pitra, bhuta yadnya, katibeng bayu bajra,
rempak rug wawangunan, yan ana sang ratu katibeng utpata mangkana, tanurung amangguh
baya gering kamaran, age pinihayu, wangunen sanggar akasa panyawangan ring geger;
banten suci genep 2 soroh, saji mwah banten durmanggala, sasayut
prayascita, sami sarwa suci, munggah syur mas, syur tambaga, syur salaka,
sami madaging tirtha empul,
upakara ika katur ring Bhatara Surya, makadi ring Sang Hyang Resi Druwasakti, apan
siranggawe ala ayuning bhuwana, anggawe sipta ring manushaloka, anggawe
durmanggalaning rat, sira Sang Hyang Druwaresi angiderang laku Sang Hyang Surya angetan,
mangde sira siddha punah salwiring ala ring sarira.
Iti pangastawanira, ma :
Om Surya jagatpati, surya netram tri bhuh lokam,
Dhruwa dewam maha saktyam, Brahma Surya jagatpatyam.
Bhagawan dhruwastunityam, wahanam Surya awanam,
rupa krura nagarupam, Wisnu wenana sariram.
Cakra dresanya wahanam, Wisnu dewa masariram,
moga ya moga kresna twam warsha sarira amawam.
Agni jwala rudram murtyam, surya tejo maha tiksnam,
Bhagawanta Dhruwatmakam, wahanam surya antaram.
Pukulun Bhatara Siwaditya, manusanira aneda nugraha kadirghayushan,
tan kagelehan dening sarwa dewa bhuta, sarwa durga,
waluya hning jati tan patalutuh, mwah yan ana durmita
durmanggalaning jagat,
nugrahen kulun tan kataman wiroga upadrawa, de Bhatara sowing-
sowang,mwah watek Kingkara Bhuta, tan kana miroga nghulun,
Om sidhirastu yanamah swaha.

Malih malikat manawa ratna, salwiring karya prayascita.

Nyan tengeran durmala, yan ana buron umanjing ring umah, durmanggala sang ratu,
nagaranira rusak, waneh yan ana yang lalah manjing ri ngumah, tur angnum we, ring
kadatwan sang ratu, sang prabhu rusak. Mwah yan karubuhan kaywagung nora kapawanan,
rusak sajanma ika, Kunang yan ana lindu titir tan pegat, durmanggala kali ageng, nga,
mwang yan ana bintang kukus ring akasa, sang prabhu pejah ring perang, Kunang yan ana
bintang dupa, sang brahmana lara pati.

Malih yan ana lwih mageng sindunya, hudan makesekah, rubuh tang wreksa kahili dening
lwah adres, tekaning sagara urugan, durmala dalem ika, pejah ring rana kriya.

Malih yan ana uler lulut kanaka, tumuwuh ring kadatwan sang ratu, mwah groda ring
paseban, sinaputan dening sabang lungsir, durmanggalan sang prabhu, mawiwilan ring sanak
manca ratu, tekaning rusak saneh-saneh.

Malih yan ana bayu madres, anganubaken grehan sang ratu, yan sang prabhu mangkat aprang
pejah ring nira rana, Malih yan hudan rudira, ring kadatwan sag ratu, durmanggalan sang
ratu pejah ring paprangan. Muwah yan ana hudan sega, lebhu, hudan api, durmanggalan
jagat rusak

Kunang ana asu ngalulu, rahina wengi angalup, ring mangga agung, gagak muni rikala wengi,
prawesaning janma katanam gering kabaya baya, aywa prayatna sang bhujangga aji,
andamel ikang rat, lamakane apageh ikang bhuwana, aywa sang prabhu ngulah kasukan,
kena panas tis ikang jagat, ginawe nira sang ratu
Malih ana durmanggala, sadesa-desa, dok aperang lawan dok, sarwa kumangkang-
kumingking, mameseh lawan rowangnya, mwah masirat-sirat rudira ring natar mwang ring
salönya, tengeran kaprejayeng satru teka, mwah gering tan papegatan lara, mati
samangkana.

Ling Bhagawan Gargha, angajaraken utapataning jagat, ring sang bhupalakeng jagat,
munggwing sastra sarwa dresti, prasiptaning jagat kabeh, ala kalawan ayu. Yata pinahayu
kang jagat denagelis, asing katibeng durmanggala, gawenen prayascitaning jagat,
angadegakena sanggar tutuan, ring kahyangan panghuluning jagat, rawuhing desa kahyangan
wwong sudra, sadesa-desa, yan nguttamayang, maguling pabangkit yan madya sasayut
durmanggala, mwah sasayut prayascita tanang adegang sanggar tutuan, yan nistha sasayut
prayascita juga, gawenan dewek juga, sami sajanma pada maprayascita, mangening-ening,
angilangang ludhaka ning jagat, anggawe dirghayusaning sarira. Mwah ana durmanggalaning
jagat, wyaktinya, yan ana sima banwa sakrama desa, sapunpunanira sang ratu, ring gumi
tepi siring amanca desa, kidul wetan kulwa madya, sapunpunanira sang ratu, kataman
durmanggala, pati teka, lwirnya yan ana rudira katon dening wwang, ring sale-salenya,
mwah sagenah rudira ika, ala kapanggihannya, gering sasab marana, kapati pati desa ika,
rusak bhumi katiban mangkana, desa tan paguna, dewa mur, bayuning wwang kahuyup antuk
Sang Hyang Kala Mretyu, manke kayatnakena de sang bujangga aji, ring niti sadananing
alaning bhumi.
Ana pamahayunya, Sa:
asu winangun urip, asu bang bungkem, itik belang kalung, winangun urip,
sawung manca warna, kinlet, dagingnya ingolah sami, tandingannya mwah
skulnya, kwehnya wilangin uriping dina panca wara, suci 4 soroh, masanggah
tutuan, sasayut pangambeyan, genah acaru ring perempatan agung, janma
kabeh maprayascita, narira sasayut prayascita.

Mwah angajaraken durmanggala, lwirnya : karubuhan sanggar, karubuhan lumbung, umah

katunwan api pantara, yan ana wwang katibeng utpata mangkana, baya teka gering tan
pegat, cendet yusa, lungsur kasukan, dewa malalis, age pinahayu, aja angliwari adasa heri,
yan liwaring adasa heri, tan prasidha karya, sampun kacatreng kala, lwir upakaranya;
malukat Manawa ratna, sahupakaraning panglukatan, duluri pangambeyan,
peras penyeneng, majapati, suci ring puseh, ring bale agung, sira apada
abresiha sarwa hening, saha sasayut durmanggala,mangkana kramanya.

Nyan durmanggalaning ratu, kataman gering kabaya-baya, angajaraken ala pati, yan ana
parhyanganira sang ratu, rebah katibeng taru, mwah katunwing api, mwang tangis karungu
ring puri kala wengi, yatikangajaraken ala baya teka, yan sering ikang tangis karenga denira,
mwah wwong ngarenga tangis ika, hyang nyanging puri manangis arep mur dening puri ika
kagelehan;
wenang ambe hyangnya, pangenteg linggih ring sanggar, banten suci, sasayut
panganbeyan, malih caru panca sanak, madudus alit,
Mwah pracaru ring sang bhuta tungtung tangis;
 itik putih ireng bang 3, pada kinelet dagingya inolah dena sangkep, dadi 18
tanding, skulnya 10 punjung saha rakanya, kakletan ika winadahan don
tatlunjungan, 3, kawangi, 18 suci 1, sajeng, daksina, 1 bras catuan, arta,
8000.

ma :
Ong indah ta kita kamung Raja Bhuta, Sang Kala Sungsang Bhuwana,
Sang Kala Sapu Jagat, Sang Kala Manngsa Bhuwana,
iti tadah sajinira,
asing kirang asing luput sampun tan geng rena sinampura,
mangke sira pada wehen sang amanggih lara,
manawi kacandet atamnira sang agering, kakungkung antuk Sang Bhuta
Tiga Sakti,
mangke antukaken ring raga walunan ipun,
mengke sang Bhuta Tiga Wisesha mantuk ring kahyanganira swang-
swang.
Om Sang Kala Sungsang Bhuwana, mulih ring Bhatara Wisnu maring
uttara,
iniring dening Bhuta Ireng, petang atus petang dasa kwehnya.
Ong Sang Kala Sapuh Jagat, mantuk ring Bhatara Iswara maring purwa,
kaniring antuk I Bhuta Putih, limang atus limang dasa lima kwehing sarwa
bhuta,
Sang Kala Mangsa Bhuwana, mantuk ring Bhatara Brahma, maring,
daksina,
iniring dening Bhuta Abang sangang atus sangang puluh sanga :
sakwehing bhuta kabeh, poma mundur,
Ong durgampati masariram, kala kingkara mossatam,
kala mretyu punah sitam, sarwa wighna winasanam.
Ong yang, Ong Ing,
Ong mang namaswaha ho sat,
Ong Ang Ung Mang,
Ong Ing, Ong Wang,
Ong sidhi rastu yanamah,
Ang Ung Mang Ong, Sa Ba Ta A I Na Ma Si Wa Ya Ong.

Nihan prewesaning bhumi katiban ala, apa lwiring prawesa, kebo sampi jaran wedus asu
celeng banyak itik ayam, aslwiring iwen iwening manusa, salah kalih, tani rowangnya pinaka
lakinya, tani istrinya pinaka istrinya, angapa ulah ning sarwa pasu, mwang triyak, kebo
asanggama lawan sampi, sampi asanggama lawan misa, mahisa asanggama alawan kuda,
wdus asanggama lawan baberes, sregala asanggama lawan celeng, salwiring salah timpal,
kunang ikang wwang, angrabinin anak temen, angrabinin sanak, yatika angajaraken alaning
bhumi, mwah wetuning salah rupanya nguni, durbala ikang rat, wwang menggal mati,
menggal matuha, gering sasab marana, bhuminira, mwang pan kameranan, dening tikus, we
malit, panas karahatan, angadakan gering ngebus, aring ikang rat, harohara sang prabhu
angamel ikang rat, apan kasalisuh sangaraning jagat rusak, mangke kayatnankena de sang
bhujangga aji, rumaksa punang jagat nggawe kayohananikang rat, ana pamahayunya, age
pinahayu ratira, aja angliwari tahunan, pracarunya :
 ambhumi suddha, maprayascita ikang rat, tekeng manusanya,
carunya : asu bang bungkem, itik welang kalung, sata amanca warna,
tiningkah kadi caru manca sanak, malih sata wiring, itik belang, celeng
butuhan, pada masambleh, sega triwarna magibung, bawang jahe marajang,
siratin getih sasamblehan ika, twak akreci, segehan agung denangenan,
sasayut prayascita, durmanggala, pageh tuwuh lara malaradan, masanggah
tutuan, banten panglukatan denasangkep, munggah suci 2 soroh, malih
panukun jiwa ri sang bhuta jagat sasantun mawadah sok, bras akulatk, arta
60.000, malih pangenteg bhumi, banten tumpeng 9 warna, dadi awadah, sata
brumbun linambarang, katipat pandawa, tulung urip 5 kawangen 9, muncuk
dapdap 9 muncuk, tunjung, away inge, sang rumaksa jagat, nggawe
pamahayun bhumi, mwah yan ana bhuminira katibang gering anda kacacar,
maduluran pariwesa ning gumi teka kadi sahika, gering kacacar saranta
rawuh, maweweh gering kameranan, desti teluh trangjana magalak, wwang
ritepi siring, desa kulwan kidul mider, gering karahatan wisianira Hyang
Baruna, age labahan ri tengahin sagara, malabuh gentuh sangatahun.

Mwah ana durmanggala, maka cihnaning baya pati teka, apanya parhyangan ngawitin hala,
yan ana kahyangan agung pangabhaktyanira, kapangan dening apuy, mwah katekaning
gering kabaya-baya, mwah ana tangis ring grehanya, karungu dening wwang, Bhuta Rudita,
mwang hyanging umahnya angajaraken pati, I Bhuta teka andawut atmaning agering, muwah
yan ana gawe suka duka, tan pantara teka bayu bajra umyut, angrusak wawangunan,
durmanggala ika, mapuhara gering kabaya-baya, mwah yan ana wwang katibeng
durmanggala kadi sahika, hana tangis karungu ring grehannya wengi.
Iti pambahayunya, panulak durmanggala sang agering, Sa :
itik belang kinelet, itik putih kinelet, itik ireng kinelet, dagingnya inolah
denasangkep, itik bang jajatah, 9, olahannya atanding, itik putih jajatah, 5,
olahannya atanding, itik ireng jajatah, 4, olahannya atanding, tumpeng
bang, 2, tumpeng putih 2, tumpeng ireng 2, saha raka, daksina 3 bras bang,
putih, ireng, sami makulak, pada wijinan sowing, artha 8000, duluran caru
manca sata, asu bang bungkem, itik belang kalung, sanggah tutuan, maguling
babangkit, saha malukat, sasayut durmanggala, sasayut prayascita, ring
natar acaru,sang pandita angastrenin.

Mwah yan ana kalihalah, tiba ring grehanira sang ratu, tur anginum we, katon tejanya ring
natar, yan ana samangkana, sang ratu rusak kajarnya. Mwah yan ana hyanglalah rumambat
ing awan, mwah ring desa, ring wratmara agung, anyakra bhumi, mider ring awan, yan ana
samangkana, bhumi nira sang ratu rusak, kamarana gering, tan pantara wighna, asing
katibanan utpata samangkana, ingajaraken mangde pati.

Mwah yan ana wandhira, ring paseban sang ratu, sinaputan dening kabang lungsir, kadi
akemul dodot, durmanggala ika, gumin sang ratu rusak, pada majengilan lawan kadang
sanak, pada ratu, dadi ameseha lawan pada ratu, ikang jagat tan pahalingan, mwah yan ana
lulut emas ring grehanira sang ratu, malawas tan ilang, sawulan rwang tahun, kari teka
lawas sang ratu ika tan pegat, kabaya baya-pati.
Mwah guminira sang ratu, tatan pegat katibanan upata, apa luirnya anak ameteng, manak
salah rupa, mwah salah wetu, tan pakarupaning mulanya kabeh, ika rupanya, sanggar gumi.
Mwah yan ana kori agung, sinambering kilap, ala awanan sang adrewe greha ika, amanggih
durbala tan pegat. Mwah grehan sang ratu rusak, katiban dening bayu bajra, yan rikala
mangkat aprang sang ratu, kajarnya pralaya ring rana kriya. Mwah yan ana tunggul ketes
kapawanan, mwang murddhaning tedung muletak ring ambara, mwah garubuh tan pawanan,
ala teka ri sang ratu, wadwan sang ratu mwah para mantra kataman gering pati teka.

Kunang kadatwanira sang ratu, karubuhan taru agung, mwang kahyanganira karubuhan taru
agung, ala dahat, angajaraken gering bayapati. Kunang yan ana hudan rudira ri kadatwan
sang ratu, mwah hudan sega, durmanggalan sang ratu pejah ring rananggana.

Kunang yan ana hudan lebhu, hudan apwi, durmanggalaning jagat rusak ka jarring aji.
Kunang rikalaning sang ratu amanggih lara gering kabaya-baya, ana tangis ring kadatwanira
kala wengi, karenga dening wwong, ika durmanggalaning pati teka, sira sang kataman
gēring.

Malih durmanggalaning sadesa-desa, dok aperang lawan dok, sregala aprang lawan asu,
sarwa kumangkang kumingking, pada ameseh mesehan lawan rowangnya, mwang ikang rah
katon ring salaring natar, ring awan agung, tan katon ripanangkanya, kadi sinirat kang rudira
katon saunggwannya, ala dahat, tengeran desa ika kena gering sasab marana kapati pati.
Mwah yan ana durmanggala hudan sada smu kuning wenya tumiba, madewa sudha, nga
: rahayu hudan ika, kang katibanan mangkana.

Mwah yan ana hudan putih wenya, rahayu ikang desa katibeng hudan mangkana, madoh kang
phalanya. Yan ana sawang ireng we nikang hudan, baya ikang rat, asing kahudanan
mangkana, gering kebayajarnya. Mwang yan abang wening hudan ika, pralaya ikang jagat,
kayat de sang ratu rumaksa jagat, anggawe kayowananing jagat, teka wenang sang bhuh
lokeng jagat ngarcana Hyang satata, masadya uriping jagat, satang anggawe pambahayuning
sarwa durmanggalaning bhuwana, malih bhuwana sarira, pracaruring durmanggala,
pamargin caru ika, nista madya utama.
Yan uttamanya caru ika;
ngadegang sanggar tawang rong tiga, pracaru kebo, wdus, banyak, itik belang
kalung, sata manca warna, asu bang bungkem, banteng,
yan madya carunya;
tiningkah manca sanak ngadegang sanggah tutuan, carunya : wedus, banteng,
angsa, itik belang kalung, sata manca warna, asu bang bungkem, genahing
acaru, ring catuspata, desa katibeng durmanggala, malih ngaturang
pangenteg, buminira ring kahyangan, dalem, puseh, mwah sahananing para
kahyangan desa ika, bantennya suci den agenep, mwah sakuwu-kuwu
mebhumi sudha, mabanten sasayut durmanggala, sasayut prayascita, sasayut
pangambeyan, catur ring kamulan, upakara ika sira pandhita wenang amuja,
 yan nora samangkana, mur ikang dewa, matilar tan pawintun muwah, rug
robah, ikang rat, mangkana kajaring sastra.

Nyan pracaru durmanggala, salwiring durmanggala, yan karubuh taru agung, karubuhan
lumbung, kapanjingan buron, kapanjingan kuwung-kuwung, kalebon amuk, kasambering
gelap, ginepok dening linus, salwiring durmanggala, lwir upakaranya;
tningkah caru panca sanak, maprayascita gumi, nangkludang desa, ring
parampatan, genahing acaru, ngadegang sanggar tawang rong tiga, munggah
suci den agenep, macatur mawedya, ring sor guling babangkit, den agenep,
yan ring kuwunya sowing, mabanten sasayut pangambeyan, prayascita
durmanggalaning jagat, ngaturang pengentas ring sanggarnya, suci, 1,
daksina 1, canang maraca, ajuman putih kuning, tan Manawa ratna, lwiring
toya empul, toya salukat, toya mangening, mangkana kwehing toya,sang
angastrenin sang pandhita wenang away sang bhujangga aji asmurung linging
sastra.

Mwah durmanggalaning jagat, yan karubuhan sanggar, wwang mangkana karubuhan lumbung
tan kapawanan, sangkanya, umah katunwingapwi, yan ana wwang katibeng samangkana,
baya pati gering tan pegat, kagenahin bhuta karang ika, pamali gumi magenah ring karang
ika, age pinahayu, yan tan pinahayu, gering tan pegat, bicari mili, baya pati cendet tuwuh,
lungsur kasukan, dewi malalis, upadrawa mili, saking kawitan, yan mahyun dirghayusa, pina
hayu de agelis, yan liwar sampun kacatreng kala, lwring upakaranya;
malukat Manawa ratna ring sanggar banten panglukatan, dhandang 1, isuh-
isuh den agenep, sasayut durmanggala, prayascita, pangambeyan 1, pras
panyeneng, sang brahmana angastrenin.

Mwah yan durmanggalaning sudra, yan ana umahing sudra, klaphajrah kali ring umahnya,
sinambering gelap, yan ana samangkana, age pinahayu;
panca sata, maguling babangkit, asoroh, malukat toya, 20 bulakan, sasayut
madan adan, 11 tanding, panyapuh lara, malih toya 7 bulakan, toya empul,
segening, sudhamala, pecampuhan, mangening, toya pasih, salukat,
malihnya sasih, cengkirnya kinasturi, mwah cengkiring nyuh gading, sibuh
pepek nyuh gading, daksina, 1 suci bang, katur ring Hyang Kamulan.
Malih yan sampun magentos antuk sang madruwe karang karubuhan, yadyan sanggar,
lumbung, ikang lakar sami genten, puput kadi dangu, malih macaru manca sanak, ring
karang ika, pambahayu sarira, pambahayu karang pomahan, pambahayu wewangunan,
mangkana kajaring sastra, niti Bhagawan Gargha, yan nora kadi kajaring sastra ika, amuhara
durbala katama sang angastrenin pandhitane sampun wruhing pamarisudha wighna, wruh
ring panglukatan nawaratna, yanora samangkana, tan kaparisudha salwiring mala ika.

Mwah durmanggalaning sang ratu, kataman gering kabaya-baya, angajaraken pati, yan ana
tangis ring kadatwanira tur sring karungu dening wwang jro puri, hyang hyanging puri arep
mur dening puri ika kagelehan, dening sarwa bhuta, ambe hyangnya gawenang pangenteg
linggih, Hyang ring sanggar, banten suci, sasayut pangambeyan, durmanggala, pracarun sang
bhuta, mawan tangis,
Sa :
itik putih, ireng, abang, pada kinlet, daging olah den asangkep, dadiang 18
tanding, punjungan putih kuning, saha rakanya, kakletan ika, mawadah don
tarujungan, 3, muncuk kawangen, 18 besik suci, 1 sajeng rateng, daksina 1,
bras 4 kulak, genep upakaraning daksina, arta 8000,
Iti mantranya :
Oh indah kita kamung raja bhuta, sang kala sungsang bwana,
sang kala sapuh bwana, sang kala mangsa bwana,
iti tadah sajinira, asing kirang luput ipun, geng rena sinampura,
sang adruwe caru, wehen ya ama nggih dirghayusa,
manawi kancadet kungkung atma jiwitane syanu,
mangke antukakena ring raga walunane syanu,
Ong siddhirastu ya namah swaha,
Ong Sang Bang Tang Ang Ing, Nang Mang Sing Wang Yang, Ang Ung Mang.

Nyan durmanggalaning jagat, apa lwirnya, nora kalaning wetunya kadi kuna-kuna, mangke
wetunya lyan, salah wetu salah rupa, yadiapi sang kanya garbhini, wekasan manak salah
rupa, salah wetu, wenang metu, tan metu, wenang manak tan manak katon, yanora kadi
kuna-kuna, wiunya, rupanya, kadi patunggal tunggalannya nguni, ala ikang rat, mwah
salwiring ameteng, salwiring manak anak, tan ana anaknya katon dening wwang ala ikang
rat, kala kali lumarap, corah magalak, gawur kang jagat, eweh sang amawa bhumi, maniking
bhumi mur, sarwa mantra usadhi punah, sang pandhita duhka amangguh wyadhi,
kretakretpa tan siddha kirti, gring makweh, we malit, sarang ikang rat, ideping wwang
amada madani twan, loba moha matsarya, panasangkar ikang rat, harohara ikang rat,
ajengilan lawan pada ratu, angadakaen kali tan pegat, Hyang ring ukir miroga bhumi, malih
pangdaning Bhatara luhuring akasa, ndya Bhatara luhuring akasa, sira Bhatara Druwagni,
umideraken lakuning Surya Candra, siranggawe teja rupa, mwang paparitaning jagay hala
hayu, yan mahyun kayowananing jagatira sang ratu, angilanganga sanggar ikang rat, wangun
karya ripanguluning jagat, ngeka dasa wikrama, riwus mangkana.

Mwah wangunen karya sabanwa banwa punpunan sang ratu, ring martyapada madewa hara,
amuspa hyang ring bale agung, sabumi bumi ngusaba desa, panyegjeg bhumi, mangkana
kramanya, hayu ikang rat, mangkana kajaring sastra.

Nyan paparitaning bumi hala hayu, saking pembedan Bhatara Druwagni, umideraken laku
Sanghyang Surya Candra, angetan angulwan, sang gumawe para siptaning bhumi hala hayu,
maraga teja, tan kena kaparawa dening hyang kabeh, sira maraga huriping sarwa jagat,
mwah yan hana ratu katibeng durmanggala, larapaning baya teka, yan ana kahyangan sang
ratu rusak rebah tan pakarana, baya sang ratu katekaning rusak, age pinahayu ambe ikang
hyang, maguling babangkit, madudus alit macaru manca sanak, mabhumi suddha,
mangkana kramanya.
Mwah ana durmanggalaning jagat, baya tekaning rusak, yan ana wang kanya, ameteng taya
manak hluh, mwah salwiring manak-anak, sedengnya metu anaknya, dadi tan katon metu
anaknya, yan ana gumi kagenahan mangkana, baya ika, mahala sing kagenahan mangkana,
kateka ning gumi rusak, ila bhumi sepa ika, nga, maniking jagat mur, tanpa Widdhi, tan
pahyang bhumi ika, wenang pinahayu jagat ika, anyegjeg bhumi, ngambe hyanging jagat
mangkana kajaring sastra, wusana bhumi Widdhi Sastra.

Nyan pawiting gring ngebus, rebah tan tulungan, sasih ka 6, tembening gring, desa tepi siring
sagara ika, wenang angaturang pracaru, ri tengahing sagara, saha tegen-tegenan, sarwa
pikulan, katipat kelanan, bantal, sami katuring sagara, kang sinambat Hyang Baruna, I
Lembhuhara, I Sarppa Mina, I Kala Sunya, I Mina Rodra, I Mina Agung, samangkana.

Nyan tingkahing bhuminira sang ratu, katibeng Roga Sanghara Bhumi, apa lwirnya, tan pegat
katibeng gring ila agung, gring tan wenang sambut, kala sanghara bhuminira sang ratu, away
ima age pinahayu, amrediaken manda panangkaning gring ika, ana pamarisuddhanya, ring
bhuminira sang ratu, anambeyunya, ring kahyangan bale agung, ring desa pakramannya,
lwirnya;
maguling babangkit, asoroh, den agenep, sangkepin upakara panyegjeg desa,
kadi upakara panyegjeg manusha sarwa rateng, ngadegang linggih Bhatara
Surya, pamarginnya nistha Madhya uttama, neduhang parahyangan ring bale
agung, saha unen-unennya, upakara ika, mamargi ring purnamaning kartika.
Mwah banten ring sanggar paumahannya, sahyunan, daksina pras panyeneng,
sasayut prayassita, duluri pangambeyan, sajanmane swang maprayascita,
pada swang janmane natab sasayut sagrehannya,
samangkana upakaranya, saking wacanan Widdhi Hyang Putrajaya ring Besakih, ring sira Mpu
Kuturan, yanora mangkana, tan pegating gring mangkana, ngalimbak gring mala ika,
kalalahan sang panenggeking jagat, away murug ling sastra iki, panugrahan Bhatara
Putrajaya ring Besakih, kena upadrawa, away tan prayatna ring niti, Sang Bhujangga Aji,
angemit hala hayuning jagat, mwah catur yuganing jagat, kretta rahaywan ikang rat treat,
dwapara, madya rahayuning jagat, kali sanghara, eweh ikang rat, bawur ikang rat,
majengilan ikang bhumi, ratu pada ratu, prang tan pegat, gring sasab mrana, arig ikang rat,
asing tandur rusak, pari kamaranan, ring guminira sang ratu, sarwa guna lungsur, mantra
tan mandiyan anggawe rahayuning jagat, sang prabhu palakeng rat, ngawangun karya
uttama ring Basukih, lwirnya;
ngekadasa ludra, malih panyegjeg gumi, Pancawalikrama, mbhuta yajna,
magkana ling Bhatara munggwing sastra, telas.

Ling Ang Shara Eka Bhuwana, katama ring Bhagawan Atri, sira angajaraken
karogasangharagumi, salwiring utpata durmanggalaning jagat, kalinganya yan ana sima
banwa panyegeh bhuminira sang ratu, kataman durmanggalaning, lwirnya kasiratan rudira
desanira, tatan katon panangkanya adreswetunya rudira ika, angajaraken hana satru,
rumempakeng bhuminira, sang ratu pralaya ika, yanora wetuning rudhira ika, satrunira sang
prabhu angrimpinakenaya, lawan sahayanira kabeh, apasang bhiseka arip, angerugaken sang
ratu kinelikan, away sang bhujanggaji, tan prayatna ring niti, ndamel ala ayuning
rat, amuhara pralaya, ikang karaton, yan mayun pamurnaning jagat, apanggih dirghayusa,
wenang pinahayu, lwirnya;
guling babangkit asoroh, genep, angadeg sanggar tawang, munggah suci den
agenep, yan utama ring puser agung, yan Madhya ring bale agung, madudus
alit, maprayascita bhumi, mahayu sanjata ritepining tasik, upakara kadi
mamanggung, bhrunasthawa, maduluran caru sata wangkas, itik belang
kalung, asu bang bungkem, bawi rega, ji, 250, sami masambleh, sega
pangkonan, 5 pangkon, iwak bawi olah den agenep, nasih asu nasi bang,
mawadah sok, putih uning ireng, mawadah sok, nasin sata wangkas, abang
putih, mawadah sok, sami madaging sarwa embank-emban, buah bancangan,
base ambungan, klapa sami mabungkul, sami mawa pras, malih daksina, 1,
genep saupakaraning sasantun, arta, 700, acaru wahu sandikala, sang
pandhita angastrenin, mantra kala astawa, malih durggastawa, mangkana
krama angilangang durmanggalaning bhumi, ayu ikang rat.

Nyan pracaru, salwiring katiben durmala, yan ana hyanglalah manjing ring kadatwan sang
ratu, yadyan ring umahing paradesa, mapwara pati kajarnya, pambayunya;
guling babangkit asoroh, genep sahupakaranya, ngadegang sanggar tutuwan,
munggah suci laksana, 2 soroh, mawedya, macatur, Magana, ring sanggar den
agenep, daksina widdhi widana, arta 4000, ri soring natar guling babangkit,
asoroh, manih pagneyan, gelarsanga, malih sor, caru banyak winangun urip,
dagingnya olah, dadya, 70, tanding bebek belang kalung, winangun urip,
dagingnya oleh, dadya, 80 tanding, itik putih winangun hurip, dagingnya oleh
dadya 50 tanding, bawi winangun urip, dagingnya olah, dadya 50 tanding,
bawi winangun urip, dagingnya olah, dadyang 40 tanding, mwah nasinya,
anut kwehing olahannya, aduluran canang maraca, sami masangkwi, sami
mawa suci sowing-sowang, nyiu-nyiuan, 5 klabang mikuh, 5 bidang,
maduluran sajeng, toya anyar, takep api, sowing, pabresihan, tpung tawar,
lis, tatbus, kwangen, 33 besik, malih asu bang bungkem, malayang-layang,
dagingnya olah dadi 90 tanding, gnahing caru, itik putih kangin, angsa kauh,
bawi kaja, asu kelod, bebek belang kalung di tengah, malih sata amanca
warna, binayang baying, olah dagingnya, tandingannya anut uriping dina,
saha nasinya anut warnaning sata, padudusan den agenep, ngaran padudusan
mawraspatikalpa, prayascita awak, mwah karang,paruk catur kumbha,
genep sahupakaraning padudusan, prayascita, malukat Manawa ratna, sira
sang brahmana ngatresnin.

Nyan durmanggalaning bhuminira sang ratu, yan ana hyanglalah, tiba ring umah ring desa
ring wratmara, tejanya katon dening wwang, saputering desa ika, ala kapangguh ring desa
ika, rug ikang krama desa, tekaning janma ika, majengilan lawan sanak, pada ngagem
pisuna, mamati-mati paling saling mesehin, dewa malalis, ring desa ika, karanjingan Kala
Dengen, mwah tatangganing Desa Pangrurah, mati bhiniseka dening wwang, rusak ikang
bhumi, away sang bhujangga aji, tan yatna ring niti, pinahayunen ikang jagat,
sapahomanira, wenang macaru;
 sata wangkas masambleh, itik belang kalung, masambleh, suci asoroh,
pangkonan 2, iwak bawi madah pras panyeneng acaru ring parampatan,
guling babangkit asoroh, sanggar tutuan, munggah suci 2 soroh, macatur
mawedhya, madudus mawraspatikalpa, bawi trus gunung, makacaru, ji, 500,
kinlet dagingnya oleh, dadi 40 tanding, klabang mikuh, manih asu bang
bungkem, masambleh, sata wiring masambleh, segehan agung, iwak bawi
akarang, madaging jajrowan matah, pras panyeneng, sasantun, arta, 1700,
sang brahmana angastrenin, desa ika, rawuhing manusanya, malukat, sami ngaturang guru
piduka, ring dalem puseh desa, lwiring guru piduka; sasayut pangambeyan suci asoroh,
salaran bebek syap, tegen-tegenan, nunas pangenteg, janmane sami.

Nihan tingkahing wwang katibeng durmanggala, ndya kunang, sanggar karubuhan taru
agung, katunwan apwi, katiban uler lutut, lutut mas lutut salaka, lutut tambaga,
sarupaning lutut, yan lutut mas sang ineman baya kapanggih, yan lutut salaka, tan pegat
amanggih baya, yan lutut tambaga, wyadi tanapegat gering makweh, wenang pinahayu
denagelis, away angliwari salek, yan liwar salek, tan siddha purnha;
guling babangkit iwak itik asoroh, guling babangkit celeng, asoroh,
padudusan mawraspatikalpa, ngadegang sanggar tutuan, suci 2 soroh,
masasapuh, caru nista Madhya uttama, yan nista panca sata,

yadyan menak sudra, nista Madhya upakaranya, mangkana kajaring sastra, yanora pinahayu,
kadi ilining we, wighna tka, meh katkeng rusak, reh sampun kacatreng Bhatara Kala, ika
uripnya, kalinganya aja kapihneng, yan katiban durmanggala, den prayatna juga, mangkana
kajaring sastra.

Iti Widhi Sastra Roga Sanghara Purna.

Nyan pracarun gering anut sasih;

• ka 1, tekaning gring, Kalan Bhatara andadi gring, ngawisyanin jagat, gringnya panas
tis, ngetor uyang, carunya, bilang lawang swang mananceb sanggah cucuk, magenah
singgahaning lawang kiwa, bantennya tumpeng tri warna, iwaknya ayam putih kuning
ingolah, dadi 3 tanding, raka tri warna, sekar tri rupa, canang 3 tanding, ring sor segehan
matabuh twak yeh anyar, sambat Kala Bregala.
• Ka, 2, tekaning gring, Bhatara Ratnaning Rat maweh lara, gringnya nyapnyap, pati
dulame, kebus tur poyok kabhicarinan uripnya, caru bilang lawang, masanggah cucuk,
genahang ring lawang kiwa, daging sujang, mesi twak lawan toyanya, bantennya, tumpeng
2, iwak sate lembat bawi urab bang urab putih, canang gantal, rook sapasang, makober
wastra putih, ring sor segehan, matabuh twak yeh, sambat balan Bhatara Ratnhaning Rat.
• Ka, 3, tekaning lara Kalan Bhatara Jagatpati milara, laranya panas uyang, tur ngetor
langu linyun, sirah, carunya masanggah cucuk, genahang ring lawang tengen, bantennya
katipat maňca warna, iwak palem udang, grang yuyu, isin sawah, canang, 5, tanding
segehan, sambat Kala Prayoni.
• Ka, 4, tekaning gring, Kalan Bhatara Kusumajati maweh lara, laranya kebus buka
panggang, uyang tan nahen empah, kanti petang we, tigang wetan, kawasa mangan,
mangedot ring we, carunya masangguh cucuk ri singgahaning lawang, maplawa rwaning
waringin, bantennya, tumpeng kuning adahanan, iwak sata putih, ingolah, 1 tanding,
rakanya sakawenang, canang gantal arum, 5, tanding, rook, 4, mesi menyan, twak asujang,
ring segehan matabuh twak yeh, sambat Kala Wigraha Bhumi.
• Ka, 5, tekaning lara, geringnya warang rakwa, gumigil, panas uyang, sirah langu
mangurek, tan kawasa tangi, Kalan Bhatara Jagatkrana amilara, caru masanggah cucuk,
magenah singgahaning lawang kiwa, banten penek, 2 iwak bawi ingolah, jajatah lembat
asem, saha raka, canang 2 tanding, twak atekor, segehan, sambat Kala Mangsha
• Ka, 6, tekaning gring, kena sasab merana gringnya, panas buka panggang, paling pati
dulame, apuhara pati, dinulurin bicari galak, kalan Bhatara Moda milara, carunya masanggah
cucuk, maplawa rwaning taru tulak twak ring sujang, magenah samping lawang, banten
tumpeng ireng acanan, iwak jajatah calon, urab bang urab putih, rakanya jaja gina, biu
malablab, ring sor segehan, 9 tanding, iwak jajrowan bawi matah rateng, getih atakir,
sambat Bhuta Ngadang Samaya Pati.
• Ka, 7, tekaning lara, laran pasbehel henyem, makuwa kaku wetengnya, ngareges
panas bahang basangnya, tur gimigil, ndigang dina makesyeb, mirib tong bakat tulung, caru
masanggah cucuk singgahaning lawang, banten tumpeng bang adahanan, iwak ayam wiring
pinanggang, saha raka, segehan dinatah sanggah kamulane, caru nasi apunjung, iwak bawi
akarang, segehan limang tanding, iwak urab bang putih, twak atapan, sambat kala ngadang
samaya.
• Ka, 8, tekaning gring, gringnya ngutah missing, mangebus langu, pamalinan,
lelengedan, Kalan Bhatari Durgha aweh lara, caru masanggah cucuk, ring singgahaning
lawang, banten tumpeng, 5 bungkul, matadah don talujungan, iwak rumbah gile, kakomoh
abang, kakumbuh kacang, calon agung 5, katih, rakanya geti-geti, biu kayu, twak
abungbung, malih nasi atakilan, iwak taluh bukasem, magantung di sanggah cucuke, sambat
Sang Kala Dengen.
• Ka, 9, tekaning lara, kalan Bhatara Geni Milara, laranya marapa huyang, manglu
laranya, caru masanggah cucuk ring singgahaning lawang, sanggahika malahapan, bantenya
mapupuk atin bawi magoreng, iwak taluh madadar, mwah twak, yeh anyar mawadah sujang,
dilahapane, pras panyeneng, ring sor segehan, 9, tanding sambat Kaki Kala Rogha.
• Ka, 10, tekaning gring, gringnya mangebus uyang, caru masanggah cucuk ring lawang,
bantennya sega sapunjung, iwak sasate calon, urab bang urab putih, ring sor segehan, 9
tanding, tabuh twak yeh.
• Jyesta tekaning lara mwang sadha, tekaning gring, gringnya pahad, ngalangu, caru
masangah cucuk, ring lawang, banten tumpeng adahanan, iwak jajatah siap, urab bang urab
putih, jangan pepe kinulub, ring sor segehan.
Nyan kalaning gring kamaranan, mwang gring tutumpur, acaru juga ring parampatan
lwirnya:
bencit binalulang katulang mastakanya, daginge matah sasigar, rateng
sasigar, olah den agenep, getih mentah salimas, bawang jahe, pisang
kembang, sege liwet maworan kacang, ayam pinanggang, mwah srapah ayam,
balulang ika, matatahan sangkwi, sambat Bhatara Durga Dewi, Bhuta
Kamanjaya.
Malih bilang pamesu;
wangunan sanggah cucuk, bantenya nasi tepeng mawor kacang, iwaknya
jajrowan bawi, mentah rateng mentah salimas bawang jahe, rakanya biu,
kayu malablab, caniganya rwaning biu kayu, tlujungan, plawanya sembung,
miana cemeng, sambat nini Bhatari Durga, Kaki Bhuta Kamajaya,
ring sor; segehan, matabuh twak arak, tekaning di pampatane, yan macaru
kala kajeng kliwon, wus acaru, ngawentenang kaklecan,
sambating acaru, Bhuta Macan Anggereng, Bhuta Patih Padma, Bhuta Dmang Pangwari,
Bhuta Rangga Singha, Tumenggung Bontila, Bhuta Rangga Papanggel, amangana samadaya,
ri huwus sira amangan, muliha maring sangkanira sowing-sowang, away tengsun pinengguh
pati-pati, anglarapaken ewalatengsun. Mwah yaning ambhuta yadnya wenang, yan ring
umah, areping lawang, yan ring desa, mwah ring banjar, dulurana puja kanguttama.

Nyan sasuwuk tutumpur, mwah gring kamaranan,

sa;
timrah rinajah siddha pati, pendem, ritengahing natar, ring tengahing desa
kunang, banten tumpeng putih kuning, sata binendem, angadegaken sanggah
ring tengahing natar, ring desa kunang,
iki pembayu desa, Bhuta Sanga kinon rumaksaya, basukining desa, tanananing apakapaka,
amaling anumpunga, ambahaka, mari denya, utawi awus, marana baya, mwang tutumpur
tan kenadenya.
Sa;

tumpeng aslinya danan, bawi ji, 900 ingolah denaegep, sasari arta, 900,
ma;
Ong Sang Bhuta Putih, sang Bhuta Dadu, Sang Bhuta Abang,
Sang Bhuta Karah, Sang Bhuta Kuning, Sang Bhuta Ijo,
Sang Bhuta Ireng, Sang Bhuta Biru, Sang Bhuta Siwa Sidhapati,
mapupula ta kita kabeh,
Bhuta Nawa Maha sakti, kita pada rumaksaha basu kining desa,
tan ananing apakapaka, tan hana ning abahaka mwah maling,
tan ana salwiring durmanggala, mwah kamaranan baya, tutumpur, sami
tan kenaha,
Ong siddhirastu, tatastu, astu swaha.
Wong desa ika sami pesu sega kejemetan, ring bale agung, iwaknya ayam sinaraten, ri
huwusing pinuja, pinaro sowing, binawa ri tangguning desa, wong desa sami sor singgih,
pada ngambil toya ri bale agung, malih wong desa sor singgih, pada mebanten nasi jit
kuskusan, ring dalem, iwaknya sudang taluh, uyah areng, Iti mokta siddha lepas.

Mwah yan ana sampi kebo sarwa wenang wenang, yanya gring tutumpur kamaranan,
sa;
toya wadahi sibuh emeng, wija kuning, mwah kayu panggal buaya, tingkahing
amantra, angrepi Sanghyang Surya,
ma:
Ong siramaya Dhanawa, sira makon I Yayap,
menguwugin pakarangan mamine,
tan wenang sira Maya Dhanhawa,
Makaon I Yayap, manguhungin pakarang ku ne,
aran I Maya Dhanawa I rubuh,
I Dewa Maya Dhanhawa,
makon manguhugin pakarangan jrone,
toya ika, siratang ider kiwa, ping, 3, ring umah, panggal buaya ika, tancebaken ring umah,
rajah sidha pati.