“JAPIN CERITA”

SEBUAH TEATER TRADISIONAL

KALIMANTAN SELATAN

BISA BISA MAANDAK AWAK

Amang Udui/RT : M Arief Acil Nani : Salamah Wahyu : Taufik

Abah Amat : M Wildan Julak Amas : Tiara Bima : Hafiz

Mama Idah : Norma Acil Yati : Ruth Ayu :

Nini Timah : Nor Kamila Amang Udi : Dimas Widia : Viona

Aluh Ijum : Erma Sari Amang Juhri : Fakhri

Aluh Inur : Shilfa Julak Enong : Yeni

Kai Iyus : Ruswanto Julak Minah : Dewi

Amang Dani : Haddad Acil Bayah : Salsa

Seluruh pemain masuk dengan diiringi musik dan gerakan japin.

Dengan Bismillah kami bamula.

Langkahkan batis kanan lawan kiwa.

Puji dan syukur pada yang Maha Esa.

Mudahan kita diberkahinya.

Shalawat salam kami kirimkan.

Pada paduka Rasul serta junjungannya.-

BABAK I

Dirumah Abah Amat, sanja parak adzan maghrib kaluarga Abah Amat habut handak makanan.Abah Amat
duduk dimuka tipi sambil manunggui bini manyiapakan makanan.

Abah Amat : Jum uy Jum

Aluh Ijum : Pun, kanapa bah?

Abah Amat : Sudah jua kah mama nyawa bememasak, lapar banar dah nah abah.
Aluh Ijum : Sudah bah ai, mama sudah beeandak dimeja tinggal manunggui nini, pian handak makan wahini kah atau
manuntungakan malihat barita?.

Abah Amat : Wahinian gin nak ai, sadang kiau nini gin sana

Abah Amat balalakas kadapur dan si ijum mengiauakan Nini Timah. Ijum mambuka lawang kamar nini Timah.

Aluh Ijum : Nini lajui kita makanan, mama tuntung dah bamasak.

Nini Timah : Iih iih, ikam badahulu ha, nini betimpungas hulu.

Aluh Ijum : Inggih ni ai

Dimeja makan, Abah Amat, Mama Idah, Nini Timah, Aluh Ijum, Aluh Inur sudah siap handak makanan.
Bekekajutan ada nang mengetok lawang sambil baassalamualaikum.

Abah Amat : Siapa tuh besesanjaan hari, lihati pang mama nyawa.

Mama Idah manuju ruang tamu ,malihati siapa gerang yang beketok tu. Mama Idah mambukai lawang.

Mama Idah : Eh Amang Udui, kanapa tih Amang Udui?

Amang Udui : Anu nah aku handak batamu pang lawan Amat satumat ada nang handak dipandirakan,panting.

Mama Idah : Ay iyakah, inggih masuk dulum pian duduk ulun mangiau akan.

Amang Udui : Iih ayuha

 Didapur

Abah Amat : Siapa ma?.

Mama Idah : Itu Amang Udui handak bapandir lawan pian satumat, penting jar.

Abah Amat : Bah iyakah, mana parut lapar nah, ayuja dimana sidin?

Mama Idah: Tuh, duduk diruang tamu.

Abah Amat badiri maninggalakan meja makan, kada jadi makan.

Aluh Inur: Uma kayapa ni ma?ulun lapar banar sudah, bila mahadangi abah kalawasan kena.

Mama Idah: Ayuja sudah makan makan ha buhan pian, ma lajui ma pian makan jua badahulu.Mama handak manuangakan
banyu dulu nah.

Diruang Tamu

Abah Amat: Eh dui/basalaman

Amang Udui : Nah iya iya/sambil mambalas salaman

Abah Amat : /duduk. Ada apa dui?

Amang Udui : Anu Mat ai aku handak bapadah lawan ikam tadi siang ada dosen UMLAM karumah ku, anu jar inya ni
bapadah handak batitip kakanakan kuliahan wadah ku,kayapa yu?jar nya tadi kakanakan./bapikir,uuu iih KKN kah jar tadi.

Abah Amat : Iyakah,iih iih habistu pang?

Amang Udui : Handak maanu tugas kuliah maulah project apakah kada ingat aku, nang wadahnya parak rumah ikam sini
tuh disubarang sana jar wadah nang diintainya parak pahumaan Julak Udi.

Abah Amat : Iyakah,hiih hiih.

Amang Udui : Nah iih,kakanakannya baampat kawakah aku batitip dirumah ikam ni tataiga malam?.

Mama Idah masuk mambawa banyu

Mama Idah : Nah mang, sambil diminum banyunya.

Amang Udui : Uma mariputinya, iih iih makasih.

Abah Amat : Ini uma nya ai ada nang handak bamalam wadah kita ni,kakankan kuliahan baampat handak KKN,kayapa?

Mama Idah : Ayuja bah ai, tapi rumah nang kaini pang mang dui ai,kadapapa lah?.

Amang Udui : Bah kada papa, ngarannya jua inya tugas sakulah mau kada mau ai.

Mama Idah: Ayu ai bah ai, kadapapa iyalo?

Abah Amat: Iih dui ai

Amang Udui: Nah iih iih, bujuran lah?.

Abah Amat & Mama Idah : Inggih

Amang Udui: Isuk aku habari lagi Mat ai dipahumaan kah kina, kuminum lah?

Abah Amat & Mama Idah : /baunggut

Amang Udui : Nah, ayu ai langsung ja aku.Makasih banyak lah./basalaman

Abah Amat & Mama Idah : Inggih sama sama.

Amang Udui: Assalamualaikum

Abah Amat & Mama Idah : Waalaikumsalam.

Mama Idah mangunci lawang, jui bah makanan ai kita.Kaisukan harinya dimuka palataran Mama
Idah bedadai tapasan. Datanglah Amang Udui lawan urang baampat.

Amang Udui: Assalamualaikum

Mama Idah: Waalaikumsalam

Amang Udui: Adakah Amatnya?

Mama Ida: Hadang ulun kiau akan, sidin mandi tadi limpah bulik kapahumaan,duduk dulu mang ai.

Amang Udui : Iya iya

Abah Amat & Mama Idah kaluar.

Abah Amat: Nah iya iya./baunggut sambil takurihing.

Amang Udui : Ini nah Mat kakanakan yang kukisahakan sumalam.

Wahyu : Iya pak,bu ini kami ber empat ada tugas kuliah disini.
Mama Idah : Uuu ada lakiannya jua kah?nah kada kawa nih kami manampungakan,takutan kalo pina kanapa napa ngalih
kina kita.

Amang Udui : Ayy hiih leh bujur jua,hann kada kapikiran lagi aku

Widia : Yu, kita yakin mau tinggal disini?banyak nyamuk ah, kumuh lagi.

Ayu : Hustt gaboleh gitu.

Wahyu : Yaudah Bu,Pak si Ayu sama Widia tinggal disini aja, kami bisa nyari tempat yang lain.

Amang Udui : Ohiih bujurrr bujurrr pintar tih ikam

Widia : Ihhhh berarti akuuu kepisahhhh sama Bima donggg.

Wahyu : Jangan gitu,namanya juga tugas kuliah.

Bima : Iya nanti aku sering sering kesini kok.

Amang Udui : Yasudah yang babiniannya pahadangan dirumah sini haja hulu.

Ayu : Iya pak,saya sama Widia biar disini.

Mama Idah : Ayo silahkan masuk, bawai barang barang nya.

Mama Idah,Ayu, dan Widia masuk kedalam rumah sambil beberes barang barang mereka dikamar.

Amang Udui : Ayuja Mat ai aku mancariakan wadah gasan nang lalakian badua ni.

Abah Amat : Iih iih,maap ai dulu nah dui ai.

Amang Udui : Iih kadapapa,ayuja lah.Assalamualaikum.

Abah Amat : Waalaikumsalam

Amang Udui lawan lakian nang badua tadi bajalan sasambil Amang Udui bapikir kamana maandak
bubuhannya ni.

Amang Udui : Nah iih,kita karumah Kai Iyus pang.

Wahyu : Iya pak.

Sasampainya dirumah Kai Iyus

Amang Udui : Assalamualaikum kaeeeee.

Kai Iyus : Waalaikumsalam.

Amang Udui,Wahyu,Bima basalaman lawan Kai Iyus

Amang Udui : Haur kah pian kai?si Dani adakah dirumah?

Kai Iyus : Kada,Dani ke Kelurahan tadi ada apa nih dui?ay duduk dulu duduk.

Amang Udui : Ini kai ai,ulun handak bapandir lawan pian,lakian nang badua ni mahasiswa, handak KKN disini.

Wahyu : Iya kek kami mau ada tugas kuliah disini.

Amang Udui : Nah,ulun ni mancariakan pangguringan hagan nang badua ni.Yang badua babinian tadi dirumah si
Amat,wadahnya teparak kai ai disini.
 Dani datang bakandaraan,bingung malihat ada urang dipalataran.

Amang Dani : Ehh Amang Udui,baapaan nih?

Kai Iyus : Ini nah Dan,sidin handak batitip lakian badua ni,handak KKN jar,pas banar tempatnya parak sini.

Bima : Iya pak bolehkan kami tinggal disini?enak kayanya ya yu bersih juga ga kaya rumah yang tadi

Wahyu menyenggol tangan Bima.

Amang Dani : Ayuja tuh ada ai kamar bebuangan dihiga kamar kai tuh.

Wahyu : Wah,makasih banyak pak.

Keesokan paginya,mereka berempat berkumpul di pinggir sawah didekat tukang sayur

Ayu : Wid,harusnya kamu bangun nya dipagiin lagi dong,bantu bantu Ibu Idah juga, kita kan udah numpang.

Widia : Iihhh kamu kenapa sih aku kan masih ngantuk,males juga ah bantuin rumahnya kumuh gitu jijik.

Acil Bayah : Uyyy dinggg baapaan babuahan pian,habut habut?

Widia : Ihhhh bibi diem deh gausah ikut ikutan,jualan sayur aja sana.

Wahyu : Husttt Wid gaboleh gitu ga sopan,ga enak didenger warga kalo teriak teriak gitu.Ayo dah jalan.

Sesampainya ditengah sawah ,Bima dan Widia berfoto-foto,sedangkan Wahyu dan Ayu asyik mengobrol
soal project KKNnya.

Julak Enong : Uma liati nang badua ngitu,pina anu banar bagambar,kakanakan dari mana tih?.
Amang Juhri : Hiih leh kakanakan mana yu?

Ditukang sayur

Acil Bayah : Harat banar lah muha kakanakan wahini,kada tahu supan santun kah yu, buhan mana kah ngituh

Acil Nani : Iih buhan kakanakan mana lah,asaan suah malihat dirumah Amat kah tadi tu.

Nini Timah datang handak batatukar sayur

Nini Timah : Kanapaan nih pina habut buhan ikam?.

Acil Bayah : Itu nah ni ai, ada kakanakan tadi baampat badirian disitu pina habut habut ulun tagur ai

Acil Nani : Iih ni ai bujur, mambari sangkal lalu ,ditagur Acil Bayah kada tahu tahu muhanya

Nini Timah : Hadang,kakanakan nang mana garang?

Acil Bayah : /manunjuk.Ngitu nah ni

Nini Timah tadiam sambil bapikir ,bafirasat kayanya buhan kakanakan yang bamalam dirumah sidin yang
dipandirakan Acil Bayah wan Acil Nani.

Kada seapa lewat Idah habis manukar uyah lawan gula diwarung, malihat Nini Timah Idah basinggah ditukang
sayur.

Nini Timah : Nah duitnya Bayah,pas nih,tukarlah.Lajui dah kita bulikan

Sasampainya dirumah, Nini Timah lawan Idah langsung kadapur handak bamasak.
Nini Timah : /mengisai baras.Itu dah ai tadi Acil Bayah lawan Acil Nani tadi memandirakan kakanakan binian nang
bamalam dirumah kita tu.

Mama Idah : Iyakah,apajar ma?

Nini Timah : Ada yang binian dari awal datang kasini yang kada tahu muha tu,kada sopan jar tadi tuh lawan Acil Bayah.

Mama Idah : Ayuja ma ai mungkin inya kada tabiasa kalu.

Nini Timah : Iyaam,tapi kada nyaman jua kita lawan warga,ngarannya kita nang manampung inya.

Mama Idah : Kena ai sambil dipapadahi.

Malamnya si Bima datang karumah Abah Amat handak batamu lawan Widia yang sudah mereka rencanakan siang
tadi.

Bima : /ngechat Widia

Widia pun langsung keluar mendatangi Bima

Widia : /memeluk lengan Bima. Ayo Bim.

Bima : Yuuu

Bima dan Widia langsung keluar tanpa pamit dengan Abah Amat dan Mama Idah. Sambil dijalan mereka membuat
warga sekitar tidak nyaman dengan kelakuan mereka.

Bima & Widia : /bemesra mesra an

Julak Udi : Ayy siapa tuh malam malam kaluar

Julak Enong : Iih siapa tuh pina kaarah hutan situ bakadap kadap

Acil Nani : Ayy itu aku asa pinandu kam,pinanya kakanakan nang KKN dirumah Amat lawan Kai Iyus tu.

Julak Udi : Uuu iyakah, baapaan te inyaaaa.

Julak Enong : Tangii pang mang Udi.

Bima dan Widia masuk kedalam hutan dan bemesraan.

Datang Julak Udin, takajut malihat kelakuan buhannya.

Julak Udin : Ubuyyy… beapaan buhan ikam malam-malam disini bekadap2

/Bima wan Widia tekajut. Lakas lakas Widia bealih pada Bima.

Widia : Ayo kita pergi Bim! /dengan muka panik.

Julak Udin : Umaa ngitu beapaan tadi lah, wajib dipadah akan nih lawan pak eRTe

Isuk harinya, Julak Udin bekisah pas bekumpulan lawan warga lain masalah si kakanakan KKN.

Julak Udin : Ay ay semalam aku tedapat lawan kekanakan buhan KKN

Julak Enong : uh, yang bekadap-kadap semalam tu kah

Acil Nani : ay iih, kyp kisahnya imbah ikam tangii semalam

Julak Udin : Kada dihiraninya aku kam, langsung bejauhan buhannya.

Julak Minah : Astagfirullah… bekelakuan banar buhannya disini

Acil Bayah : /menyahuti sambil menyusuni sayur. Kita padah akan ja pang lawan Udui, kalo pina kanapa napa kita nang
ngalih.

Berataan warga nang satuju. Barumbungan warga kerumah pa RT handak melapur.

Julak Udin : /mengatuk lawang. Assalamualaikum…

Amang Udui : Wa’alaikum salam… /amang Udui tekajut. Nangapa nih pina barumbungan.

Acil Nani : Malam tadi Dui ai, kami malihat kekanakan KKN bedua, lakian wan binian bejalan kearah hutan. Suruh ai Julak
Udin mendatangi.

Julak Udin : sekali kudatangi pina panik muhanya,langsung ai maninggalakan aku

Amang Udui : /takajut. Ayy iyakah,yang mana yu urangnya,inya baampat sumalam lakian badua binian badua.

Acil Bayah : Nang itu nah, nang kutagur diparak pahumaan semalam sapa ngarannya. Biniannya nang pina aksi putih
urangnya, bedandan dandan

Julak Udin : Lakiannya nang pina teganal awaknya.

Amang Udui : ohhhh… Bisa si Widia wan Bima nih. Kelakuannya dasar mina melalain mulai awal.

Julak Minah : Kami nih mehaya akan kalu kenapa-napa. Kena warga nang kana, kasian jua pian. Amun ada kejadian nang
kada baik, habis am kampong kita viral.

Acil Nani : Kita datangi ai wahinian Dui ai, kerumah Amat

 Beramiaan warga lawan pa RT ke rumah Amat

Abah Amat : /histeris muha abah amat melihat warga pa RT kerumahnya

Amang Udui : Assalamua’laikum..

Abah Amat : Kenapa nih rami-rami.

Amang udui : Kayni nah Mat ai, ini masalah kekanakan nang bemalam wadah ikam. Jar buhan warga, buhan kekanakan nih
ada nang bekelakuan, meulah warga kada nyaman. Jadi aku kesini nih handak memadahi ai dulu.

Abah Amat : Astagafirullah… Ada bemacam-macam kah buhannya nih.

Amang Udui : Ujar buhannya ada pang, malam tadi talihat lakian wan binian bededuaan handak kearah hutan.

Abah Amat : /muha abah Amat pina kada nyaman. Hadang kukiau akan buhannya.

Takumpul nang beampat kekanakan KKN

Amang Udui : Bujur kah sumalam buhan ikam ada nang beduaan.

/Tediam buhan kekanakan KKN

Nini Timah : Kenapa pulang buhan ikam nih.

/Dikisah akan Amat tentang buhannya ke wadah Nini Timah

Nini Timah : iih mengaku ja nah sapa nang tadi malam dilihat buhannya.

/merasa kd nyaman Widia lawan Bima mengaku

Widia : Sa..saya Bu, sama Bima yang kemaren diliat warga

Amang Udui : Kada beapa-apa lo buhan ikam. Soalnya kena kampung kami nang kana. Ayuja dah kdpp, kena buhan ikam
jangan kyni lagi.

/Amang udui wan Abah Amat menasehati buhannya.

Kekanakan KKN Intropeksi diri

“Jadi buhan ikam berataan bebisa bisa membawa diri wadah urang, jangan sembarangan, sakulah bulih tinggi tapi tatakrama
itu nang paling penting.”