BIBB3103

Elherty Jata anak Philip (PISMP BIB2 Ambilan Jun 2017)

Tanya 2: Lambang terminologi jaku Iban ditengkua bala nembiak enggau raban bansa. Beri
penemu nuan senentang pekara tu.

Ba penemu aku, lambang terminologi jaku Iban empai tentu ditengkua bala nembiak enggau
raban bansa kemaya hari tu. Kebuah pia, jaku Iban enda dikemeratka kelebih agi dalam ruang
bilik ti enda ngembuan penemu ti tinggi dalam jaku Iban. Apai indai ti enda bekenaka jaku Iban
lebuh komunikasyen enggau anak sida tau meri penanggul dalam pengawa nengkua lambang
terminologi jaku Iban. Diambika chunto, apai indai ti lebih ngena jaku ribai baka leka jaku bird
tau meri penanggul ngagai anak deka ngingatka lambang tauka simbol jelu burung nya. Lebuh
ditanya bakani lambang tauka simbol burung, nembiak ti suah agi ngena leka jaku bird nya tau
saru penemu. Nya kebuah lambang terminologi jaku Iban empai ditengkua bala nembiak
enggau raban bansa kemaya hari tu.

Kelimpah ari nya, lambang terminlogi jaku Iban dipadahka empai tentu ditengkua bala nembiak
enggau raban bansa laban bisi sekeda pikir runding siku-siku orang ti madahka jaku Iban tu
udah tinggal jeman. Enggau nya, sida deka ngajar anak sida ngena jaku bukai baka jaku
Melayu, jaku Cina enggau jaku English bepun ari mit. Pengawa tu tau disukung enggau
penemu Noam Chomsky ti madahka nembiak bisi ngembuan Language Acquisition Device
(LAD) bepun ari ada. Pengawa tu mih ti meri penanggul ngagai pengawa nengkua lambang
terminologi jaku Iban tu. Diambika chunto, nembiak ti diajar bekenaka jaku bukai bepun ari
pengawa ada bisi ngembuan penanggul ngelala lambang terminologi ti bisi dalam jaku Iban tu.

Nangkanka nya, bala nembiak enggau raban bansa enda ulih nengkua lambang terminologi
jaku Iban laban enda ditelebaka ngena jaku Iban standard. Jaku Iban standard nya endang
patut dikemeratka ngambika semua bansa Iban ti datai ari pelilih menua ke bebida tau meretika
jaku pangan diri lebuh bekomunikasyen. Diambika chunto, nembiak ti enda ngemeratka jaku
Iban standard lebuh ngena leka jaku baka jagan tauka kelanta tau ngembuan penanggul
ngelala lambang terminologi perengka nya. Kebuah pia, leka jaku jagan nya lebih agi dikena ba
pelilih menua bagi kedua baka Saratok, Betong enggau ti bukai tang leka jaku kelanta nya lebih
agi dikena ba menua Kanowit, Kapit, Sibu enggau ti bukai. Nya alai, lebuh berandau enggau
pangan diri, sida tu tau saru penemu deka meretika utai nya laban enda ngembuan terminologi
ti sebaka senentang pekara nya.
Disimpulka enggau jaku pandak, lambang terminologi jaku Iban tu endang empai ditengkua
bala nembiak enggau raban bansa kemaya hari tu. Nya alai, semua orang patut ngambi berat
senentang pekara ti bisi dikenataika ba atas nya. Apai indai patut ngembuan runding ti tebuka
ngambika enda ngumbai jaku Iban tu jaku ti enda ulih besemekih enggau jaku bansa Iban. Sida
mega patut anak diri empu ngambi lebih ngemeratka jaku Iban. Ba sekula, jaku Iban ti standard
patut diajar ngagai bala nembiak. Enggau nya, bala nembiak tauka raban bansa tau nengkua
lambang terminologi jaku Iban enggau manah.