MODUL PEMBELAJARAN

BAHASA JAWA
GLADHEN 1 – Ayo Nylametake Manungsa, Kewan,
Lan Tetuwuhan

Piwulangan 1
Teks Informasi
KD 3.1 : Mengenal, memahami, dan mengidentifikasi teks informasi yang diperoleh dari berbagai media
berbahasa daerah secara lisan/ tertulis.

Opo Kowe Ngerti Jenising Wacan?

1. Eksposisi/ paparan/ informasi yaiku teks/ wacan sing isine paparan/ katrangan
ngenani masalah tertamtu pemikiran kanggo njelasake, nerangake, apa-apa sing
iso nambah wawasan pemaos.
Tuladha:
a. Carane nggawe tempe
b. Faedahe KUD
Ciri-ciri wacan eksposisi/ paparan/ informasi :
a. Katrangan sing disampekno adhedhasar kasunyatan (pamahaman, panaliten,
utawa percobaan)
b. Grafik, data, itunga-itungan, fungsine dadi pendukung
c. Asipat menehi katrangan saengga pemaos nambah wawasane.
2. Narasi yaiku teks/ wacan sing isine prastawa sing disusun kanthi runtut sehingga
mbentuk alur crita.
Ciri-cirine wacan narasi :
a. Critane disampekno kanthi urut adhedhasar urutan prastawa
b. Biasane ana paraga ing njerone
c. Crita arupa kasunyatan utawa khayalan.
3. Deskripsi yaiku teks/ wacan sing nggambarake keadaan rupa/ swasana tartamtu
kaya wong/ panggonan sesuai karo objek sing sakbenere sehingga pemaos kaya-
kaya ndeleng dhewe, ngrasa, ngrungokane bab kasebut.
Tuladha :
a. Kaendahan Kutha Malang
b. Kahanan Kutha Malang Jaman Biyen
4. Argumentasi yaiku teks/ wacan sing isine panemu ngenani apa-apa sing
dikanteni alasan-alasan sing masuk akal, runtut lan nyajeake bukti-bukti arupa
data/ fakta/ konsep sehingga pemaos nyakini panemune penulis.
5. Persuasi yaiku teks/ wacan sing isine ajakan marang wong kanggo nglakoni apa-
apa nganggo cara manehi alasan sing nyakinake para pemaos.
Ciri-cirine teks/ wacan persuasive
a. Penulis pahami menawa panemune lan pemahamane pemaos iso diubah
b. Ngupayaake njelasake lan narik kapecayaan pemaos.
c. Ngupayaake nyiptaake kasarujukan utawa kasalarasan liwat kapecayaan penulis
lan pemaos.
d. Ngupayaake nyingkiri konflik supaya kapercayaan ora ilang lan supaya
kasarujukan panemune iso wujud.
e. Ndudukake fakta-fakta lan data kanggo nguatake panemune (argumentasine)

utawa dalil.
 Ayo Maca

TEKS INFORMASI

Nylametake Makhluk Urip

Manungsa mono pancen ora bisa dipisahake karo makhluk urip liyane. Amarga makhluk urip
liyane sato kewan lan tetuwuhan sejatine iku kang aweh panguripan manungsa. Kabeh kebutuhan
manungsa gumantung marang alam, sato kewan, lan tetuwuhan.

Contone kewan iwen kaya pitik, bebek, menthok dipurih daginge lan endhoge kanggo lawuh.
Raja kaya yaiku sapi, wedhus dipurih susune kanggo omben-omben sing nyehatake, daginge kanggo
maneka warna masakan, lan kulitekena kanggo tas, sepatu, sabuk, lan karya seni kang edi peni.
Semono uga tetuwuhan kaya pari ngasilake beras diolah dadi sego, kacang, bayem, kanggo kena
dienggo jangan, gedhang, apel, duren, rambutan kena dienggo buahe.

Ing Negara Indonesia sugih maneka warna jenis tetuwuhan. Malah ana jenis tetuwuhan
langka mung ana ing Indonesia kaya kembang bangke, utawa misuwur karan kembang Reflessia
Arnoldi, ing Kalimantan uga kesuwur karo jenise anggrek kang maneka warna uga nduweni jenis
wit-witan gedhe seng kena kanggo bangunan kaya meranti, jati, lan garu sing saiki wis meh langka
amarga dibabadi manungsa.

Saliyane tetuwuhan Indonesia uga nduweni maneka warna jenis sato kewan kang sebagian
wis langka kaya macan tutul, gajah, tapir, anoa, komoda, cendrwasih, banteng lan liyan-liyane.

Alam, tetuwuhan, lan sato kewan kudu dislametake supaya ora punah. Alas-alas kang gundul
kudu ditanduri maneh, ora kena dibabadi sapenake dhewe, anane suaka marga satwa kanggo
nylametake sato kewan tertamtu, uga perlu dianaake panggonan kanggo nangkarake sato kewan sing
wis langka supaya bisa ngrembaka.

Nylametake makhluk urip sejatine nylametake pangguripane manungsa dhewe. Nylametake

makhluk urip iku tanggung jawabe kita kabeh, pemerintah lang warga masyarakat.
Wangsulana pitakon-pitakon ing ngisor iki sarana lisan!

1. Apa sebabe manungsa iku ora bisa dipisahake karo makhluk urip liyane?
Wangsulan : ……………………………………………………………………..
……………………………………………………………………………………
2. Apa contone kebutuhan manungsa sing gumantung marang sato kewan lan
tetuwuhan?
Wangsulan : ……………………………………………………………………..
……………………………………………………………………………………
3. Apa bae jenise tetuwuhan lan kewan langka ing Indonesia?
Wangsulan : ……………………………………………………………………..
……………………………………………………………………………………
4. Piye carane nylametake makhluk urip?
Wangsulan : ……………………………………………………………………..
……………………………………………………………………………………
5. Sapa sing nduwuni tanggung jawab nylametake makhluk urip?
Wangsulan : ……………………………………………………………………..
……………………………………………………………………………………