e-Journal JJPBB Universitas Pendidikan Ganesha

Jurusan Pendidikan Bahasa Bali (Vol: 2, No: 1 Tahun 2015)

SESELEH GUNA SARAT WATEK PAAJAH-AJAH RING

SAJERONING GEGURITAN RAJAPALA

Gd Yuli Sutrawan1,
I. A. Sukma Wirani1, I W. Artika2

Jurusan Pendidikan Bahasa Bali

Universitas Pendidikan Ganesha
Singaraja, Indonesia

e-mail: {gedeyulisyutrawan@yahoo.co.id,dayu.sukma@yahoo.co.id,
batungsel@yahoo.com}@undiksha.ac.id

Kuub
Tetilikan puniki marupa tetilikan deskriptif kualitatif, sane manadosang “geguritan
Rajapala” pinaka jejering lan “guna sarat watek paajah-ajah” pinaka panandang
tetilikan puniki. Nyelehin wangun kriya sastra nenten prasida lempasri sajeroning
tetilikan sastra.Punika matetujon anggen ngruruh tur manggih unteng sane mungguh
ring karya sastra. Antuk seseleh wangunkriya sastra kalanturang antuk nyelehin guna
saratnnyane.Studi dokumentasi kaanggen pinaka tata cara mupulang data lan
pirantinyane inggih punika kartu data taler analisisnyane kawantu antuk teknik nyatet
tur nerjemahang. Wangun sane kaselehin sajeroning geguritan Rajapala inggih
punika wangun intrinsik, minakadinnyane penokohan, latar, deskripsi basa, pamargin
carita, muah guna saratnyane. Geguritan Rajapala kepah manados kalih, pahan
kapertama nyaritayang kahuripan Ken Rajapala lan pahan kaping rwa nyaritayang
kahuripan Ki Durma. Guna sarat sane wenten ring geguritan Rajapala inggih
punikamapaiketan sareng watek paajah-ajah. Guna sarat punika kapanggih saking
guna sarat paiketan rerama sareng pianak, pianak sareng rerama, parekan sareng
rajanyane, muah raja sareng panjaknyane.

Kruna jejaton: watek Paajah-ajah, geguritan Rajapala.

Abstrak
Penelitian ini merupakan penelitian deskriptif kualitatif, yang menjadikan “Geguritan
Rajapala” sebagai subjek dan “nilai pendidikan karakter” sebagai objek
penelitian.Menganalisis unsur karya sastra tidak terlepas dari inti penelitian
sastra.Hal tersebut bertujuan tuntuk mencari dan mendapatkan inti yang termuat
dalam karya sastra.Berdasarkan unsur karya sastra tersebut dilanjutkan
menganalisis nilai-nilai yang termuat pada geguritan Rajapala. Studi dokumentasi
digunakan sebagai cara pengumpulan data dan instrumennya adalah kartu data
dengan dibantu dengan teknik catat dan menterjemahkan. Unsur yang dianalisis
dalam geguritan Rajapala adalah unsur intrinsik, komponen-komponennya meliputi
penokohan, latar, deskripsi bahasa, alur, dan nilai-nilainya.Geguritan Rajapala dibagi
menjadi dua bagian, bagian pertama menceritakan kehidupan Ken Rajapala dan
bagian kedua menceritakan kehidupan Ki Durma.Nilai-nilai yang terdapat dalam
geguritan Rajapala yaitu yang berhubungan dengan pendidikan karakter.Berbagai
nilai pendidikan karakter tersebut diperoleh dari nilai-nilai hubungan antara orang tua
dengan anak, anak dengan orang tua, abdi dengan rajanya, dan raja dengan
rakyatnya.

Kata Kunci: pendidikan Karakter, geguritan Rajapala

Abstract
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)

This study was designed as a descriptive qualitative study. The subject of this study
was "geguritan rajapala" meanwhile the object was "character values". Analyzing
literature elements cannot be separated from literature studies, this is aimed at
finding and gaining the points existing in the literature. Based on those elements, the
values contained in the literature can be analyzed. The method used to collect the
data was documentation and the instruments used were data card completed with
note and ttanslate technique. The elements analyzed in geguritan rajapala were
characterization, setting, language description, plot, and the values. Geguritan
rajapala was divided into two parts. The first part told about the story of Ken rajapala
meanwhile the second part told about the story of ki durma. The values contained in
geguritan rajapala were related to character education. The various character values
were derived from the relation between parents and children, the relation between
children and parents, the relation between servants and kings, and the relation
between king and his people.

Keywords: character values, geguritan Rajapala

PURWAKA basa, aksara lan sastra Bali sane

Kasusastraan Bali pinih mabuat
pinaka tetamian saking para leluhur tur
madaging pangweruh sane luihing utama
sane sida ngwetuang wirasa lengleng
ulangun pinaka kamahatmian budaya Bali
(Medera lan sawitra, 2005:5). Tiosan ring
punika, kasusastraan Bali kaanggen
pinaka sesuluh miwah panuntun
nincapang kauripan sajeroning nyanggra
aab jagate sane awor tan pawates
(globalisasi).
Mawasana antuk kawentenan
punika, ring warsa 1992 Pamerintah
Daerah Bali ngwetuang Perda No. 3 sane
ngenenin indik Palestarian Basa, Aksara,
lan Kasusastraan Bali. Daging Perda
punika: kapertama, basa Bali inggih
punika basa daerah sane kaanggen olih
krama Bali sane kaupapira tur
kalimbakang pinaka pangemban
kabudayaan Bali lan tata kahuripan Bali.
Kaping kalih, aksara Bali inggih punika
sistemortografi sane marupa aksara
(abjad) lan sistem pangaksaraan (ejaan),
sane kaanggen nyurat basa Bali, basa
Kawi muah sane lianan. Kaping tiga,
Sastra Bali inggih punika makasami kriya
sastra sesuratan utawi sastra gantian
sane kaanggen, kaselamatang,
kagenahang, lan kaupapira yadiastun
sane marupa gancaran (parwa, usada,
babad, tutur, satua muah sane lianan) lan
mawentuk tembang (kakawin, kidung,
geguritan muah sane lianan).
Tatujon perda punika kaanggen
membina, ngajegang, lan ngalimbakang
kaduenang jagat Baline tur sampun
kaagem olih para krama Bali saking
dumun. Kawentenan punika prasida
kacingak ring Gedong Kirtya, Gedong
Kirtya pinaka sinalih tunggil genah
makudang-kudang kriya sastra bali
kasimpen lan kaupapira. Silih sinunggil
kriya sastra sane wenten ring Gedong
Kirtya inggih punika geguritan.
Geguritan mawit saking kruna
“gurit” sane maartos „gubah‟, „karang‟,
„sadur‟. “Geguritan maartos gubahahan
cerita sane mawentuk tembang” (Kamus
Bali-Indonesia, 2009:236).Geguritan
kawentuk antuk pupuh utawi pupulan
pupuh. Soang-soang pupuh kaiket antuk
pada lingsa ((1) akehnyane carik ring
sajeroning apada, (2) akehnyane wanda
ring acarik, lan (3) labuh suara ring
ungkuring carik ) (Agastia, 1980: 17).
Kawentenan geguritan ring
kebudayaan Bali kacihnayang olih tradisi
mabebasan. Kriya sastra geguritan
madaging makudang-kudang kawigunan,
sakadi srana nglimurang manah, srana
pendidikan, muah srana nelebang nilai-
nilai moral lan kepribadian. Geguritan
kawentenannyane marupa tetamian taler
wenten sane marupa sesuratan anyar.
Geguritan sane marupa tetamian
(geguritan ketoet bagoes, geguritan kedis,
geguriran kamurungan, lan geguritan
Rajapala) lan sane marupa sesuratan
anyar (geguritan penitip kalahin mati,
geguritan dharma, lan geguritan
sewagati).
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
Pinaka sinalih tunggil geguritan sane
marupa tetamian inggih punika geguritan
Rajapala.Geguritan Rajapala puniki druen
I Gusti Gede Putu saking Puri Kawan
Karangasem ring Amlapura sane marupa
lontar tur sampun kaalih aksaraang olih
Anak Agung Ngurah Gde Ngurah ring
warsa 1941. Geguritan Rajapala puniki
kawangun antuk kalih soroh pupuh, inggih
punika pupuh sinom (89 pada) lan pupuh
durma (199 pada).
Manut sane kauningin krama Bali,
geguritan Rajapala puniki nyaritayang
ngenenin Ken Rajapala sane seneng
maboros tur kacunduk sareng widyadari
masiram ring telagane. Rikala punika
mapikayun sarat marabian sareng
widyadari punika tur ngambil silih sinunggil
busanan widyadarine.Santukan marasa
kadesek antuk kawentenan busanannyane
sane ical, Ken Sulasih kayun marabian
sareng Ken Rajapala.Nanging wenten
pinunas ipun Ken Sulasih, yening sampun
madue putra asiki pacang mawali kajagat
kendran.
Cihna kekasuban carita Rajapala
inggih punika carita puniki kaanggen
bantang ring sajeroning lelampahan, balih-
balihan (drama gong, sendratari), taler
para juru ukir seneng pisan ngardi
ukiran/pandil sane nyaritayang para
widyadarine masiram ring telaga sane
kaintip olih Ken Rajapala sakadi foto ring
sor: Sios ring punika taler akeh pisan
wenten gegambaran ngenenin satua
Rajapala sane kaadol ring artshop.
Sujatinnyane daging geguritan
Rajapala punika akeh mungguh guna
sarat sane mabuat sane mabuat majeng
ring krama Bali. Guna sarat sane wenten
sajeroning geguritan Rajapala inggih
punika guna sarat paiketan pianak sareng
reramannyane, paiketan rerama sareng
pianaknyane, paiketan parekan sareng
rajannyane, lan paiketan raja sareng
panjaknyane. Malarapan antuk bebaosan
sane kasurat ring ajeng tetilikan puniki
kalaksanayang, pinaka sinalih tunggil
utsaha nguningayang kajangkepan daging
carita mawit saking wangun intrinsik
ngantos ngenenin guna sarat sane
mungguh ring geguritan punika lan prasida
nglimbakang guna sarat punika mangda
prasida kaanggen sesuluh para yoana Bali
ritatkala ngamarginin kahuripan ring aab
globalisasi puniki. Taler malarapan antuk
tetujon punika, kawentenan guna sarat
puniki kaanggen sinalih tunggil wit/ srana
ngamargiang paajah-ajah pendidikan
karakter.Majalaran atuk punika panilik
nglaksanayang tetilikan sane
mamurda“Guna Sarat Watek Paajah-ajah
ring sajeroning Geguritan Rajapala”.
Sakadi sane sampun katur ring
dadalan pikobet, prasida kasurat bantang
pikobetnyane inggih punika: (1) Sapunapi
wangun intrinsik kriya sastra ring geguritan
Rajapala?, (2) Guna sarat watek paajah-
ajah napi kemanten sane mungguh ring
geguritan Rajapala?Ring sajeroning tetilik
pastika kawentenan tetujon tetilik. Manut
ring bantang pikobet punika, tetujon
tetiliknyane inggih punika: (1) Prasida
uning wangun intrinsik kriya sastra ring
geguritan Rajapala. (2) Prasida uning
guna sarat watek paajah-ajah sane
mungguh ring sajeroning geguritan
Rajapala.
Sepat siku-siku saane kaanggen ring
tetilikan puniki inggih punika: teges sastra,
kasusastraan Bali, tembang, geguritan,
wangun intrinsik, lan guna sarat watek
paajah-ajah. ngenenin teges sastra,
kasusastraan Bali, tembang muah
geguritan sampun katelatarang ring ajeng.
Sastra mawit saking kruna “shastra” ring
bahasa Sansekerta, kakepah dados kalih
kecap inggih punika “sas” lan “tra”, “sas”
madue artos „pituduh‟ utawi „ajah-ajahan‟,
lan “tra” sane madue artos „piranti‟ utawi
„srana‟ (Antara, 2010:1). Taler Gautama
(2007: 2) nguningayang sastra mateges
asapuniki: “Sas”= „nyungkat-nyungkit‟
wiadin „ngukur‟ (mengukur), „tra‟ = „piranti‟.
Saking kalih penampen punika prasida
kacutetang yening sastra inggih punika
sarana utawi piranti ajah-ajahan taler
prasida kaanggen ngukur kawagedan.
Kasusastraan Bali inggih punika saluir
kaweruhan sane becik tur metu saking
budi jenyana para wagmi ring Bali sane
kasurat ngangge basa Bali miwah aksara
Bali lan Latin (Medera lan sawitra,
2005:4). Kasusastraan Bali prasida
kabaosang manut jebar kekuubnyane
(ruang lingkupnyane). Kasusastraan Bali
puniki prasida kakepah manados 4 soroh
inggih punika: manut tata cara
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
nguningayangnyane, manut
wangunnyane, manut masa
kawentenannyane, manut basa sane
kaanggen. Kapertama, manut tata cara
nibakang utawi nyatuayang, kasusastraan
Bali kakepah manados kalih inggih punika
sastra gantian utawi Tutur (Sastra lisan)
lan sastra sesuratan (sastra tertulis).
Kaping kalih, manut wangunnyane
kasusastraan Bali prasida kakepah
manados kekalih inggih punika sastra
tembang (puisi) lan sastra gancaran,
pacaliring utawi (prosa) (Medera, 2005:7).
Kaping tiga, Manut masa kawen-
tenannyane kakusastraan Bali kepah
manados kalih inggih punika sastra Bali
purwa lan sastra Bali anyar. Kaping pat,
manut basa sane kaanggen kasusastraan
Bali punika wenten pitung soroh, inggih
punika: Sastra Bali mabasa Bali Kuna,
Sastra Bali mabasa Jawa Kuna, Satra Bali
mabasa Bali Tengahan, Sastra Bali
mabasa Bali Aga, Sasra Bali mabasa Bali
Sor, Sastra Bali mabasa Bali Singgih,
Sastra Bali mabasa Bali Sansekerta.
Wangun tembang ngranjingang ring
kasusastraan Bali Purwa. Tembang utawi
ring Bali kabaos sekar wantah kekawian
sane kaiket antuk makudang uger-uger,
tur nganggen wirama (Gautama, 2007:
49). Sane kabaos wirama inggih
punika:(a) Pasang surud suara,(b) Manda
prakasaning suara (keras lemuhnyane
suara). Rikalaning matembang, suara
sane kamedalang mangda jangih, merdu
komala, magedung cengkok, taler
artikulasi tembang punika pangda becik.
Pepalihan tembang, puniki prasida kapalih
dados petang soroh inggih punika sekar
rare, sekar alit, sekar madya, lan sekar
agung (Gautama, 2007:51)
Taler tembang (geguritan) inggih
punika gegendingan sane kawentuk
manut ring pada lingsa: (1) guru wilangan,
(2) guru gatra, lan (3) guru ding dong.
Pada lingsa punika mawit saking kalih
kruna, inggih punika pada lan lingsa. Pada
maartos akehnyane kecap/wanda ring
acarik lan lingsa maartos pauwahan suara
a, i, u, e, o ring kecap sane pinih ungkur
ring acarik. Ring sajeroning tembang,
wenten sane kabaos titi suara (tanda
notasi).
Pepalihan tembang, puniki prasida
kapalih dados petang soroh inggih punika
sekar rare, sekar alit, sekar madya, lan
sekar agung (Gautama, 2007:51). (a)
Sekar rare taler pinaka silih sinunggil
gegendingan lan ring Jawa kabaos
dolanan. Gegendingan puniki nyihnayang
rasa seneng, pamekas rasa seneng alit-
alite ri kala maplalian (Medera,2005:8).
Sekar rare puniki madrebe palihan malih
inggih punika: (1) Dolanan inggih punika
gegendingan para alit-alit. Umpaminyane
jenggot uban, putri ayu miwah sane
lianan. (2) Jejangeran inggih punika
gegendingan sane kaanggen pragina
jangere ritatkala masolah sane mawentuk
peparikan (pantun). (3) Gending sangiang
inggih punika gending sane kagendingang
olih pragina sangiange. Upaminnyane
sanghyang jaran, sanghyang dedari,
sanghyang penyalin, miwah sane lianan.
(b) Sekar macepat puniki madrebe
makudang-kudang pepalihan, ring palih
punika soang-soang mawasta pupuh. Ring
Bali ketahnyane sane kauningin wenten
10 soroh pupuh, inggih punika pupuh
Pucung, Mijil, Maskumambang, Pangkur,
Ginada, Ginanti, Sinom, Dangdang Gula,
Semarandana, lan Durma. Nanging
risampune wenten panglimbak, malih
wenten pupuh sane anyar sakadi pupuh
Adri, Gambuh, Demung, lan Megatruh.
Soang-soang pupuh punika madue wirasa
sane malian-lianan, sakadi sane
kawedarang puniki: (1) pupuh
maskumambang nyihnayang kambang
(rasa nerawang), (2) pupuh pucung
nyihnayang rasa guyu utawi ngaur, (3)
pupuh ginanti/kinanti nyihnayang rasa
girang lan tresna, (4) pupuh mijil
nyihnayang rasa alep, kawentenan
kangkat taler kaanggen nyihnayang rasa
kasemaran, (5) pupuh ginada nyihnayang
rasa sedih wiadin jengah, (6) pupuh
pangkur nyihnayang rasa teleb, (7) pupuh
semarandana nyihnayang rasa sedih
ngun-ngun, (8) pupuh durma nyihnayang
rasa bedos, brungas wiadin gedeg, (9)
pupuh dangdang gula nyihnayang rasa
sane alus wiadin lues, (10) pupuh sinom
nyihnayang rasa plapan, susila, (11)
pupuh magatruh nyihnayang rasa nyentil/
sesimbing, (12) pupuh demung
nyihnayang rasa nyantep, (13) pupuh adri
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
nyihnayang rasa nyantep/ nyuksama, (14)
pupuh gambuh nyihnayang rasa ulangun,
(15) pupuh adri nyihnayang rasa
kasmaran (Gautama, 2007:51-52) (c)
Sekar madya (kekidungan/ tembang
tengahan), Ring Sekar Madya nenten
banget wenten pabinayan sareng sekar
macepat. Sakewanten basa ring
sajeroning Sekar Madya nganggen basa
Jawi Tengahan wiadin basa Bali Kawi.
Sekar Madia wiadin kekidungan puniki
manut ring kahanannyane kaanggen ring
sajeroning ngiringang Yadnya utawi Panca
Yadnya. Imbanyane: Kidung Tantri,
Kidung Malat, Kidung Wargasari, miwah
sane lianan (Gautama, 52-53). (d) Sekar
agung (kekawin) Ring sekar agung, pupuh
punika mawasta wirama. Kekawin punika
madaging makudang-kudang wirama.
Ring sajeroning kekawin puniki kaiket
antuk Guru (U) lan Laghu (-). Guru (U)
punika masuara panjang, abot, ngejer,
utawi ngileg.Nanging yening Laghu inggih
punika suara ingan, dangan wiadin
dangan.
Kruna Geguritan mawit saking kruna
gurit sane maartos gubah, karang,
sadur.Geguritan maartos gubahan cerita
sane mawentuk tembang (Kamus Bali-
Indonesia, 2009: 236). Geguritan
kawangun antuk makudang-kudang pupuh
lan pupuh sane ngawungnnyane kaiket
olih uger-uger pada lingsa sane
kawetuang riakala nembangang.
Geguritan nganggen metrum macepat
utawi pupuh sane kawentuk manut pada
lingsa. Pada madue artos carik lan lingsa
madue arti labuh suara ring ungkur soang-
soang carik sajeroning apada. Wenten
tigang parindikan sane pinih mapaiketan
sareng pada lingsa inggih punika: (1)
Guru Gatra, inggih punika akehnyane
carik ring sajeroning apada, (2) Guru
wilangan, inggih punika akehnyane kecap/
wanda ring sajeroning acarik, (3) Guru
suara, inggih punika labuh suara ring
sajeroning kecap/ wanda ring ungkuring
carik.
Siswanto (2013:129) nguningayang,
wangun intrinsik gancaran kakepah
manados 9 (sanga), inggih punika:
pamargin carita (plot), pragina, watek,
penokohan, latar carita (setting), sudut
pandang, paribasa (gaya bahasa),
pabesen, lan unteng.
(1) Sane kabaos pragina inggih
punika para panandang ring sajeroning
kriya fiksi. Yening ngenenin tata cara
pangawi nguningayang pragina punika
kabaos penokohan (Aminuddin, 1984:85).
Pragina ring sajeroning kriya rekaan
pastika madue polah, sikap, parilaksana,
lan watek sane malianan. Ngicen watek
ring sajeroning pragina olih sang pangawi
punika kabaos pawatekan.
Selehin saking peranan lan
keterlibatan ring carita, pragina pasida
kabinayang manados (1) pragina Utama,
(2) ragina Sekunder (pragina bawahan),
lan (3) ragina Komplementer (tambahan).
Yening cingak saking panglimbak
kepribadian pragina, pragina prasida
kepah manados pragina dinamislanstatis.
Selehin saking watek sane kaduenang
pragina, prasida kabinayang dados
pragina protagonislan pragina antagonis
(Aminudin, 1984:85). Pragina protagonis
inggih punika pragina sane wateknyane
kasenengin pangwacen. Ketahnyane,
watek pragina sane sakadi asapunika
inggih punika watek sane becik lanpositif,
sakadi asih, sutindih, dana, melanin
kapatutan, cacep,pradnyan, praragan, lan
satia makanti. Pragina antagonis inggih
punika pragina sane wateknyane tan
kasenengin pangwacen. Pragina puniki
ketahnyane kacihnayang pinaka pragina
sane wateknyane tan becik utawi negatif,
sakadi setata bendu, madaya corah,
seneng mogbogin, nganggen sakancan
naya upaya, nigtig tangkah, iri ati,
bebeger, lan ambisius. Ring sajeroning
kriya fiksi, pragina prasida marupa
manusa utawi pragina makhluk lian sane
kaicen polah sakadi manusa
minakadinyane kancil, meong, kaset, lan
sepatu.
(2) Aminuddin (1984:62) ngicen
watesan ngenenin setting pinaka latar
parindikanring sajeroning kriya sastra fiksi
yadiastun marupa genah, galah, teler
madue kawigunan fisikal lan kawigunan
psikologis. Leo Haminudin lan Frederick
R. Karell (ring Aminuddin, 1984:64)
nguningayang yening latar carita ring
sajeroning kriya fiksi nenten ja wantah
marupa genah, galah, parindikan,
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
kahanan, taler piranti-piranti, nanging taler
prasida marupa kahanan sane mapaiketan
sareng sikap, pamargin pikayunan,
panarka,taler tata kahuripan krama
ritatkala ngamolihang pikobet. Antuk kalih
panampen ring ajeng sane marupa latar
carita inggih punika latar genah, galah, lan
kahanan.
Latar carita mawiguna majeng ring
pangawi lan pangwacen. Majeng ring
pangawi, latar carita prasida kaanggen
ngalimbakang carita. Latar carita prasida
kaanggen nyantenang ngenenin genah,
galah, lan kahanan sane kapolihang
pragina. Pangawi taler prasida nganggen
latar carita pinaka pralambang nganenin
parindikan sane sampun mamargi,
mamargi, lan sane pacang mamargi.
Pangawi taler prasida nganggen latar
carita anggen nguningayang watek
pragina, kahanan carita, pamargin carita,
utawi unteng carita. Majeng ring
pangwacen, latar carita prasida ngwantu
nguningin genah, galah, lan kahanan sane
kapolihang pragina. Latar taler prasida
ngabih pangwacen ring sajeroning
nelebang watek pragina, kahanan carita,
pamargin carita, utawi unteng carita
punika.
(3) Aminuddin (1984:105)
nguningayang sudut pandang inggih
punika tatacara pangawi nguningayang
para pragina ring sajeroning carita. Sudut
Pandang minakadinyane (a) narrator
omniscient, pangawi pinaka pragina utama
sane uning makasami daging carita, (b)
narrator observer, pangawi wantah pinaka
pengamat,(c) narrator observer
omniscient, pangawi wenten ring carita lan
pinaka pengamat (d) Narrator the third
person omniscient, pangawi pinaka sudut
pandang katiga lan uning ring
makasamian daging carita.
(4)Gaya bahasa inggih punika tata
cara pangawi nguningayang daging
pikayunanyane nganggen srana basa
sane lengut, rumaket, taler prasida nudut
pikayunan sang pangwacen (Aminuddin,
1984:71).
Wenten tigang pikobet sane rumaket
pisan paiketannyane sareng gaya bahasa.
Kapertama, ngenenin srana marupa kruna
lan lengkara. Ping kalih, mapaiketan
sareng gayasareng teges lan
kalengutanyane. Lan sane kaping untat
mapaiketan sareng kawentenan sosial
pangawi (Aminuddin, 1984:72).
(5) Pamargin carita inggih punika
dudonan carita sane kawentuk antuk
paletan-paletan parindikan sane
ngwangun carita sane kawetuang olih
para pragina ring carita (Abram ring
Siswanto, 2013:144). Taler Sudjiman (ring
Siswanto, 2013:144) nguningayanag
dudonan carita pinaka jalinan parindikan
ring sajeroning kriya sastra anggen
ngamolihang efek sane kaaptiang.
Wenten makudang-kudang
panampen ngenenin undagan-undagan
parindikan ring sajeroning carita.
Aminuddin (1984:94) minayang undagan-
undagan parindikan antuk pengenalan,
konflik, komplikasi, klimaks, peleraian, lan
penyelesaian. (a) pengenalan inggih
punika undagan parindikan ring sajeroning
carita fiksi, sane nguningayang pragina-
pragina utawi latar carita. sane
kauningayang saking pragina puniki
minakadinnyane, wasta, genah, ceciren
praragan, lan polahnyane. (b) Konflik
inggih punika pikobet sane metu saking
pragina ring carita. (c) Komplikasi inggih
punika madyaning alur caritasane
ngalimbakang konflik. (d) Klimaks inggih
punika undagan alur carita cane
nguningayang pamucuh konflik,
utaminnyane yening kacingak saking
panampen emosional pangwacen, (e)
peleraian inggih punika parindikan-
parindikan ring carita sampun sayan ical
lan carita pacang puput, (f) penyelesaian
inggih punika pinaka pamuput carita.
Unteng inggih punika ide sane
pinaka dasar carita. Unteng mawiguna
pinaka dasar pangawi ring sajeroning
nglimbakang kriya sastra sane kakawi.
Unteng mapaiketan sareng teges lan
tetujon nguningayang carita olih sang
pangawi (Aminuddin, 1984:107). Pangawi
nelebin unteng saking carita sadurung
pangawi punika makarya sesuratan carita
punika, nanging pangwacen prasida uning
ring unteng saking carita punika
risampunne usan nelebang wangun ring
sajeroning carita, nyutetang teges sane
wenten taler prasida maiketang sareng
tetujon kakawian pangawinyane
(Aminuddin, 1984:108).
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
Nilai-nilai sane mungguh ring
sajeroniing carita prasida kacingak saking
psikologi pangawi lan pangwacennyane.
Yening cingak saking pangawinyane, nilai
puniki kasengguh piteket.piteket inggih
punika gagasan sane pinaka dasar kriya
sastra, pabesen sane kauningayang
pangawi majeng ring pangwacen.
Kementrian Pendidikan Nasional
mawit warsa 2010/ 2011 sampun
nglaksanayang ritisan watek paajah-ajah
ring 125 satuan pendidikan sane wenten
ring 16 kabupaten/ kota, 16 provinsi ring
Indonesia. Watek pajah-ajah matetujon
anggen nglimbakang watek-watek dasar
sane sepatutnyane kaduenang olih
sisia.Penghargaanlantanggung jawab
pinaka kalih nilai moral sane pinih utama
sane patut kaajahin ring sekolah. Nilai-nilai
moral sane lianan inggih punika kejujuran,
keadilan, toleransi,kebijaksanaan,
kedisiplinan diri, suka menolong, rasa
kasihan, kerja sama, keteguhan hati lan
makesami guna sarat sane demokrasi.
Watek pajah-ajah sujatinyane inggih
punika pinaka panglimbak saking nilai-nilai
sane mawit saking ideologi panegara
Indonesia, agama, budaya, lan guna sarat
sane ngranjing ring tetujon pajah-ajah
nasional.
Guna sarat sane kalimbakang ring
sajeroning watek pajah-ajah ring
Indonesia kaselehin mawit saking petang
sumber. (1) Agama, krama Indonesia
inggih punika krama sane maagama.
Santukan asapunika, kauripan praragan,
makrama, lan bangsa setata kadasarin
antuk ajah-ajahan agama lan srada. (2)
Pancasila, Negara Kesatuan Republik
Indonesia kaajegang antuk prinsip-prinsip
kauripan kebangsaanlankenegaraan sane
kabaos Pancasila. Sane madue arti, guna
sarat sane mungguh ring pancasila
manados guna sarat sane ngatur kauripan
politik, hukum, ekonomi, kemasyarakatan,
budaya, lan seni. Pajah-ajah budaya lan
watek bangsa matetujon nyayagaang
peserta didik manados warga negara sane
nincap kaluwihannyane, inggih puika
warga negara sane madue kawagedan,
kemauan, lan nerapang nilai-nilai
pancasila ring kahuripan pinaka warga
negara. (3) Budaya, kauripan manusa
pastika kadasarin antuk nilai-nilai budaya
sane kaduenang oluh para krama.
Makadadosnyane nilai-nilai budaya punika
pinaka sumber nilai ring pajah-ajah
budaya lan watek pajah-ajah. 4) tetujon
pendidikan nasional, Undang-Undang
Republik Indonesia nomer 20 warsa 2003
ngenenin Sistem Pendidikan Nasional (UU
Sidiknas) pinaka kawigunan lan tetujon
Pajah-ajah Nasional sane patut kaanggen
ring sajeroning ngalimbakang pajah-
ajahan ring Indonesia.
Manut saking makepapat sumber
guna sarat punika wenten makudang-
kudang guna sarat ring watek pajah-ajah.
Punika wenten 18 guna sarat watek
paajah-ajah inggih punika Religius, Jujur,
Toleransi, Disiplin, Kerja keras, Kreatif,
Mandiri, Demokratis, Rasa ingin tahu,
Semangat kebangsaan, Cinta tanah air,
Menghargai prestasi, Bersahabat/
Komunikatif, Cinta damai, Seneng
ngewacen, Peduli lingkungan, Peduli
sosial, Tanggung jawab (Zubaedi,
2011:74-76). Ring sajeroning
nglaksanayang tetilikan, sane tan prasida
kapasahang inggih punika ngenenin
tetilikan asoroh. Puniki matetujon mangda
uning sadoh napi para sujana
nguningayang utawi nilikin panandang
sane kaselehin.Taler kaaptiang mawit
saking tetilikan asoroh sane sampun
wenten, panilika pacang ngamolihang
panuntun anggen nglaksanaayang
seseleh sane pacang kalaksanayang taler
mawiguna anggen ngimpasin tetilikan
sane pateh tur kalaksanayang
malih.Kajian ngenenin kriya sastra Bali
purwa pastika sampun akeh sane
ngelaksanayang, yadiastun punika
kalaksanayang olih panilik saking dura
Negara utawi saking jagat Bali puniki.
Wenten makudang-kudang sesuratan
utawi tetilikan sane kaanggen, inggih
punika: (1) Ginarsa lan sawitra (1982), ring
tetilikan sane mamurda “ Struktur
Geguritan Pakang Raras”. Gaguritan
puniki marupa carita Panji sane limbak
ring Bali. Antuk punika tetilikan puniki
nganggen teori struktural, mawit saking
teori puniki pacang karereh unteng carita,
genah carita, pawatekan, lan sane kaping
untat pamargin carita. (2) Suwija
(2002)indik Wacana Lagu Pop Bali Raja
Pala: Kajian Bentuk, Fungsi dan Makna.
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
Tetilik puniki marupa Tesis ring program
Pascasarjana, Universitas Udayana
Denpasar. Pikolih tetilik puniki nyantenang
(1) tembang pop Bali Raja Pala pinaka
silih sinunggil wangun kria sastra seni
budaya Bali sane modern. Tembang
puniki kakawi ring warsa 1976 antuk Anak
Agung Made Cakra. (2) tembang pop Bali
Rajapala pinaka cecampuhan seni sastra,
seni suara, lan seni musik taler prasida
dados balih-balihan. (3) kajian
kawigunannyane wenten 5 kawigunan,
inggih punika kawigunan imajinatif, emotif,
informatif, integratif, lan komersial. (4)
panureksan pikolihnyane wenten 6 pikolih
inggih punika pikolih religi, estetika, etika,
edukatif, satya, lan simbolik.
KRAMANING TETILIK
Rikalaning ngemargiang tetilikan,
patut madaging kramaning tetilik sane
kalaksanayang anggen ngarereh
data.Wendra (2011:31) nguningayang,
kramaning tetilik inggih punika tata cara
sane pinih utama kaanggen olih panilik
ritatkala nyawis pikobet ring sajeroning
tetilikan. Makadadosnyane kramaning
tetilik puniki madue kawigunan anggen
muputang saluiring pikobet, yadiastun
sampun wenten sepat siku-siku sane
katelatarang panilik.
Ring sajeroning kramaning tetilik
prasida kawedarang indik 1) palihan tetilik,
2) jejering lan panandang tetilik, 3)
mupulang data, 4) piranti tetilik, lan 5) data
tureksa. Kramaning tetilik punika pacang
katelatarang sejangkepnyane ring sor
puniki.
Ring sajeroning palihan tetili, tetilikan
puniki nganggen tetilikan deskriptif
kualitatif. Data sane nganggen tetilikan
deskriptif kualitatif, kawedarang nganggen
kruna-kruna lan narasi rikala nureksain
data. Data sane kawedarang antuk kruna-
kruna lannarasi inggih punika ngenenin
wangun jeroning lan guna sarat watek
paajah-ajah ring sajeroning geguritan
Rajapala punika.
Jejering ring tetilikan puniki inggih
punika geguritan Rajapala marupa alih
aksara geguritan sane marupa lontar,
druwen I Gusti Gede Putu. Data puniki
kapolihang ring Gedong Kirtya ring paos
itihasa. Geguritan puniki akehnyane 34
kaca, sane kawentuk antuk kalih pupuh
inggih punika pupuh Sinon 89 pada (pada
1-19 lan 219-288) lan Pupuh Durma 199
pada (pada 20-218). Panandang (objek)
ring tetilikan punika inggih punika
ngenenin wangun intrinsiklan Guna Sarat
Watek Paajah-ajah sane wenten ring
geguritan Rajapala.
Tata cara mupulang data ring
sajeroning tetilik puniki inggih punik tata
cara studi dokumentasi. Dokumentasi
mawit saking kruna dokumen sane
mateges pupulan parindikan sane sampun
langkung.Dokumen prasida marupa
sesuratan sakadi satua, babad, awig-awig
miwah sane tiosan.Lianan ring punika,
dokumen prasida marupa gegambaran
sakadi foto, sketsa, miwah sane tiosan.
Punika taler prasida marupa kriya seni
sakadi patung, lukisanlanfilm (Sugiyono,
2006).
Piranti sane kaanggen ring tetilikan
puniki inggih punika kartu data. Ring
sajeroning kartu data, aspek sane pacang
karereh inggih punika wangun
intrinsiklanguna sarat watek paajah-ajah
geguritan Rajapala.
Risampune mupulang data, mangkin
kalanturang antuk nureksain data.Data
sane sampun kapupulang punika
katureksain antuk metode deskriptif
kualitatif.Teknik sane kaanggen ritatkala
nureksain inggih punika deskriptif utawi
teknik data sane kapolihang punika
kaubah miwah katelatarang antuk
lengkara-lengkara utawi kadadosang
uraian.Wenten petang dudonan sane patut
kauratiang ring sajeroning nureksain data
sakadi reduksi data, klasifikasi data,
deskripsi data, lan panyutetan.
PIKOLIH LAN TETEPASAN
Iriki katelatarang indik pikolih lan
tetepasan saking tetilik sane sampun
kalaksanayang. Pikolih tetilik puniki
ngenenin indik wangun intrinsik lan guna
sarat watek paajah-ajah ring sajeroning
geguritan Rajapala.
Geguritan Rajapala sane kaselehin
ring tetilikan puniki marupa salinan saking
lontar antuk No. 460, No. Buku: 3517/IVc,
Kls: IV, Simpan: 2.8, Tanggal Disalin:
07/03/1941, Ket: Kabur, kertasnyane tipis,
ukuran legal, 34 kaca (288 pada),
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
pengetikan: mesin tik. Yadiastun
ketrerangan saking teks punika kirang
becik nanging nenten kapangkih pikobet
sane dahat mialangin rikala nyelehin
geguritan punika.
Uning ring wangun sane
ngawangun carita, inggih punika pinaka
tata cara ngaresepang daging carita.
Carita sane becik inggih punika carita
sane prasida nudut pikayunan sang
pangwacen mangda ngresepang tur
pinaka pamuputnyane prasida nyutetang
daging carita punika. Pangawi iriki pinaka
sang sane ngawi carita pastika madue tata
cara sane malian-lianan ngawedarang
daging caritannyane, sakewanten pastika
pangawi sane becik pacang ngicen
piteket-piteket sane dahat mawiguna
majeng ring pangwacen. Piteket-piteket
punika wenten sane janten wenten ring
carita (kasurat), utawi piteket sane metu
saking kajangkepan carita rikala
pangwacen nyutetang carita punika.
Sajeroning geguritan Rajapala
wangun sane kaselehin wantah ngenenin
wangun intrinsiknyane. Mawit saking
punika prasida kauningin pragina sane
kaselehin manut ring konsep Rwa Bineda,
latar carita, gaya bahasa, lanpamargin
carita ring geguritan Rajapala. Konsep
Rwa Bineda kaanggen ri sajeroning
nyelehin pragina ring geguritan Rajapala
puniki santukan maiketang sareng ajaran
Hindu. Sane kaanggen pinaka konsep
Rwa Bineda inggih punika darma muah
adarma, darma pinaka simbol kabecikan
lan adarma pinaka tungkalikannyane.
Sane pinaka pragina darma inggih punika
wenten 21 diri, lan pragina adarma wenten
3 diri. Pragina punika kabaos darma utawi
adarma kaselehin manut ring parilaksana
muah bebaosan pragina punika. Pragina
sane kapanggih ring geguritan punika
nenten akeh sane jangkep kauningayang
olih pangawi. Sane jangkep kauningayang
inggih punika wantah pragina Ken
Rajapala, Ken Sulasih, Ki Durma, lan Kala
Durgandeni.
Latar caritageguritan Rajapala
puniki kakepah manados tiga, inggih
punika latar genah, galah, muah kahanan.
Soang-soang akehnyane latar sane
kapanggih inggih punika 13 genah, 5
galah, 4 kahanan. Latar sane
kadeskripsiang inggih punika wantah latar
genah kemanten, santukan wantah latar
genah sane pinih jangkep kasobyahang
olih pangawi. Saking 13 genah punika
taler wantah 3 genah kemanten sane
jangkep kauningayang pangawi. Genah
punika inggih punika: ring telaga (rikala
Ken Rajapala maboros), ring Carangsari
(Ki Durma nyeneng agung), lan ring telaga
(rikala Ki Durma maboros).
Ngenenin gaya bahasa ring
geguritan Rajapala wenten kalih
parindikan sane kaselehin inggih punika
ngenenin basa sane kaanggen (deskripsi
Basa) lanparibasa Bali. Basa sane
kaanggen ring geguritan Rajapala inggih
punika nganggen basa Bali Tengahan.
Basa Bali Tengahan inggih punika pinaka
basa Bali sane keni pengaruh saking basa
Jawa Kuna.Yadiastun basa Bali punika
keni pengaruh saking basa Jawa Kuna,
nanging nenten ngicalang basa Bali
punika.Sane pinih janten kacingak yening
geguritan Rajapala nganggen basa Bali
tengahan inggih punika kaanggennyane
afiksasi saking basa kawi.Sakadi pangater
a-, seselan -in-, -um-, muahpangiring -
aken.Ngenenin paribasa Bali sane
munggih ring geguritan Rajapala inggih
punika sesenggakan. “Sesengggakan”
kacriang antuk kruna kadi, sakadi, lan
buka, paribasa sane kapolihang inggih
punika: (1) kadi rupaning toya letek
ginawe camani, sane maartos kawentenan
padewekannyane sakadi toyane sane
letek tur kaanggen pawangsuhan pastika
nenten prasida mangedasang. (2)adulur
kadi tulis, sane martos para jadmane
kasenggakang sakadi tulisane sane
maririgan. (3) kadi angganing
dadaliumeng anggagana umor, maartos
kawentenan jadmane sane doh samar-
samar kakantenang. (4) kadi kapuk
salamba tiba kanginan, sane maartos
kawentenan Ken Rajapala sane kiris
karupayang sakadi kapuk sane sambyar
katempuh angin.
Pamargin carita/lelintihan ring
geguritan Rajapala kawedarang manut
insiden sane wenten ring carita punika.
Geguritan Rajapalakakepah manados
kalih pamargin carita/lelintihan, inggih
punika pahan sane nyaritayang kahuripan
Ken Rajapala lan kahuripan Ki Durma.
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)
Ring pahan sane nyaritayang Ken
Rajapala, pamargin caritanyane kakawitin
saking Ken Rajapala sane maboros
ngantos pinaka pamuputnyane lunga
ngelarang yasa kerti (matapa). Pahan
sane nyaritayang Ki Durma, pamargin
caritanyane kakawitin saking Ki Durma
sane urip praragan ngantos pinaka
pamuputnyane matemu sareng Diah Ayu
Anom.
Yadiastun carita punika mamurda
geguritan Rajapala, nanging pinaka
unteng bebaosannyane nyaritayang Ki
Durma pinaka pianak Ken Rajapala
sareng Ken Sulasih. Unteng saking
paletan kapertama punika tan ja lian
nyaritayang Ken Rajapala sane madue
Rabi widyadari maparab Ken Sulasih, tur
madue putra asiki maparab Ki Durma. Iriki
madaging piteket sane janten kasurat
marupa pupuh-pupuh, akehnyane inggih
punika 17 piteket. Piteket punika pinaka
pitutur Ken Rajapala majeng ring Ki
Durma sadurung ipun ngelarang yasa kerti
(matapa) ring alase. Piteket punika
mapaiketan pesan sareng sapunapi
pratingkang manados manusa.Yadiastun
karya sastra geguritan Rajapala puniki
sampun lami kekaryanin, nanging piteket
punika prasida kaangen ring aab jagate
sakadi mangkin.
Ring paletan sane kaping kalih,
pinaka unteng caritanyane inggih punika
nyaritayang Ki Durma sane urip praragan
ngantos prasida manados jadma sane
mautama. Pragina puniki madue polah
sane asih majeng ring rerama, krama,
teler ring pamerintah. Yadiastun ipun
katinggal ajinnyane ngelarang petapan,
nanging Ki Durma setata menget ring
pitutur ajinnyane tur kaanggen pinaka
panuntun ngamargiang kahuripannyane.
Ring paletan kalih puiki taler madaging
piteket sane dahat becik. Piteketnyane
inggih punika asih bakti I pianak sareng I
rerama lan pamerintah. Lianan saking Ki
Durma sane kayun ngincepang pitutur
ajinnyane, Ki durma taler sarat pesan
manggih ajinnyane.Yadiastun akeh
pialang sane kapanggih rikala ipun
ngaruruh ajinnyane, nanging Ki Durma
setata mautsaha.Ngantos ipun prasida
matemu sareng ajinnyane sane pinih
asihin ipun.
Makudang-kudang guna sarat taler
madaging ring geguritan Rajapala puniki,
sakadi sane sampun kapolihang ring
pikolih tetilikan. Guna sarat punika pinih
rumaket ring konsep Tri Hita Karana,
sakemaon paiketan jadma sareng
palemahan nenten akeh sane kasurat.
Guna sarat punika taler prasida ngranjing
ring watek paajah-ajah, (1) ring sajeroning
guna sarat paiketan jadma sareng Ida
Sang Hyang Widhi Wasa, guna sarat
watek paajah-ajah sane kapolihang inggih
punika Religius.(2)ring sajeroning guna
sarat paiketan rerama sareng pianak
akeh kapanggih guna sarat sane marupa
pitutur Ken Rajapala Majeng ring Ki
Durma. Sakewanten guna sarat punika
nenten prasida ngranjing ring watek
paajah-ajah, santukan punika wantah
marupa pabesen. Ring sajeroning guna
sarat paiketan pianak sareng
reramannyane, guna sarat sane
kapolihang inggih punika Ki Durma sane
kayun ngincepang tur nglaksanayang
pitutur saking ajinnyane prasida ngranjing
ring guna sarat watek paajah-ajah disiplin.
(3) ring sajeroning guna sarat paiketan
jadama sareng jadma, guna sarat watek
paajah-ajah sane kapolihanag inggih
punika bersahabat/komunikatif. (4)ring
sajeroning guna sarat ngenenin paiketan
parekan sareng Rajanyane, guna saret
sane kapolihang inggih punika Ki Durma
sanetangkil ka puri malajahang raga tur
kabaosang Ki Durma sane kayun
ngamejahang raksasane yadiastun antuk
mangetohang urip. Guna sarat punika
pinaka bakti parekan sareng rajannyane
lan prasida ngranjing ring guna sarat
watek paajah-ajah cinta tanah air.
Saking makudang-kudang guna
sarat punika, prasida kamedalang ring
pangaajahan watek paajah-ajah. Guru
pangajian prasida nganggen geguritan
Rajapala puniki pinaka srana pangajahan
santukan akeh madaging guna sarat sane
pinih mabuat pinaka jalaran anggen
nincapang watek sane becik ring angga
para sisia utawi mahasisia.
Tetilikan puniki pinaka untengnyane
nilikin indik guna sarat watek pajah-ajah
ring sajeroning geguritan Rajapala,
sakewanten sadurungnyane sampun
kalaksanayang nyelehin wangun intinsik
 e-Journal JJPBB Universitas Pendidikan Ganesha
Jurusan Pendidikan Bahasa Bali (Vol: 2, No: 1 Tahun 2015)

saking geguritan puniki mangda Kumaidi. 2005. Pengukuran Bekal Awal

kapolihang kayaktian saking geguritan Belajar dan Pengembangan Tesnya.
Rajapala puniki. Akeh malih sane prasida Jurnal Ilmu Pendidikan. Jilid 5, No.
katilikin saking geguritan Rajapala puniki, 4,
sakadi struktur forma awinan puniki
Kuntoro, T. 2006. Pengembangan
mawentuk geguritan, guna sarat sosial,
Kurikulum Pelatihan Magang di STM
kawentenan geguritan/carita Rajapala ring
Nasional Semarang: Suatu Studi
krama Bali, muah sane tiosan. Panilik
Berdasarkan Dunia Usaha. Tesis
ngaptiang mangda panilik sane tiosan
tidak diterbitkan. Semarang: PPS
prasida nglanturang tetilikan puniki.
UNNES
KAPUSTAKAAN Pitunov, B. 13 Desember 2007. Sekolah
Aminuddin. 1984. Pengantar Apresiasi Unggulan Ataukah Sekolah
Sastra. Malang: IKIP Malang Pengunggulan ? Majapahit Pos, hlm.
Antara, I G.P. 2011.Prosa Fiksi Bali: 4 & 11
Pengertian Fungsi Aspek Klasifikasi Waseso, M.G. 2001. Isi dan Format Jurnal
Contoh. Singaraja: Fakultas Bahasa Ilmiah. Makalah disajikan dalam
dan Seni, Universitas Pendidikan Seminar Lokakarya Penulisan artikel
Ganesha. dan Pengelolaan jurnal Ilmiah,
Gautama, W.B. 2007. Kasusastraan Bali: Universitas Lambungmangkurat, 9-
Cakepan Panuntun Mlajahin 11Agustus
Kasusastraan Bali. Surabaya:
Paramita.
-------, 2007.Kamus Bali
Indonesia.Surabaya: Paramita
Ginarsa, I K.lan sawitra. 1982. Struktur
Geguritan Pakang Raras. Denpasar:
Pusat Pembinaan dan
Pengembangan Bahasa,
Departemen Pendidikan dan
Kebudayaan.
Medera, I N. 2005.Kasusastraan Bali.
Denpasar: Dinas Kebudayaan
Provinsi Bali.
Putra, I N.D. 2005.Tonggak Baru Sastra
Bali Modern.Denpasar: Program
Studi Magister Kajian Budaya Unud.
Siswanto, W. 2013.Pengantar Teori
sastra.Malang: Aditya Media
Publising.
Sugiyono. 2006. Metode Penelitian Bisnis.
Bandung: CV Yreme.
Suwija, I N. 2002.Wacana Lagu Pop Bali
Raja Pala: Kajian Bentuk, Fungsi
dan Makna. Denpasar:Program
Pascasarjana, UNUD.

Kansil, C.L. 2002. Orientasi Baru

Penyelenggaraan Pendidikan
Program Profesional dalam
Memenuhi Kebutuhan Dunia
Industri. Transpor, XX(4): 54-5 (4):
57-61