0 penilaian0% menganggap dokumen ini bermanfaat (0 suara)
29 tayangan2 halaman
Ringkasan dari dokumen tersebut adalah:
1. Dokumen tersebut membahas tentang kasih persaudaraan berdasarkan cerita Raja Daud dan Yonatan putra Raja Saul dalam Alkitab 2 Samuel 1:17-27.
2. Daud sangat berduka cita atas kematian Saul dan Yonatan setelah mendengar berita kematian mereka.
3. Dokumen ini mengajak umat Kristen untuk saling memaafkan dan mencintai sesama seperti Daud dan Yon
Ringkasan dari dokumen tersebut adalah:
1. Dokumen tersebut membahas tentang kasih persaudaraan berdasarkan cerita Raja Daud dan Yonatan putra Raja Saul dalam Alkitab 2 Samuel 1:17-27.
2. Daud sangat berduka cita atas kematian Saul dan Yonatan setelah mendengar berita kematian mereka.
3. Dokumen ini mengajak umat Kristen untuk saling memaafkan dan mencintai sesama seperti Daud dan Yon
Ringkasan dari dokumen tersebut adalah:
1. Dokumen tersebut membahas tentang kasih persaudaraan berdasarkan cerita Raja Daud dan Yonatan putra Raja Saul dalam Alkitab 2 Samuel 1:17-27.
2. Daud sangat berduka cita atas kematian Saul dan Yonatan setelah mendengar berita kematian mereka.
3. Dokumen ini mengajak umat Kristen untuk saling memaafkan dan mencintai sesama seperti Daud dan Yon
TOPIK: PARHAHAMARANGGION DI BAGASAN HOLONG (KASIH PERSAUDARAAN) EV: 2 SAMUEL 1:17-27 I. PATUJOLO Ise do hahaangginta? Ndada holan na saama dohot saina, na marlapatan alani parmudaron. Uju ro halak paboahon tu Jesus huhut mandok: Di balian do inangmu dohot angka anggim, naeng manghatai tu Ho! Alai dialusi Jesus ma na paboahon i: Ise do goaron dainang, jala ise do dohonon anggingku?... Ai na mangulahon lomo ni roha ni Damanng na di banua ginjang, ido anggingku, i do ibotongku, ido dainang (Mat.12:48-50). Sian pandohan on, marlapatanma: Ndang boi tabatasi parhahamaranggion i holan sian parmudaron. Alai tangkas angka na mangulahon lomo ni roha ni Debata, ima na marhahamaranggi di bagasan Tuhan i. Jadi, tangkas ma na marhahamaranggi do hita on di bagasan Jesus Kristus i. Ai na rap dipalua do hita sian uhuman ni dosa, jala na ingkon mangulahon Patik ni Debata do hita ima pangarimpunan ni patik i: Manghaholongi Debata sian nasa ateate, hosa dohot roha jala manghaholongi dongan jolma doshon diri sandiri (Pat.Mat.22:37-39). II. HATORANGAN Di bagasan turpuk 2 Samuel 1 on, idaonta ma songon dia pangalaho parhahamaranggion ni si David dohot si Jonatan, anak ni si Saul raja Israel na ginantihon ni si David ujui. Atik pe mansai sogo roha ni si Saul marnida si David ala naung bangkit ibana gabe raja Israel, jala disangkapi si Saul do mamunuh si David, alai tongtong do dihaholongi si David ibana. Ndang dibaloshon si David, na jat na binahen ni si Saul tu ibana atik pe godang kesempatan di ibana laho mamunuh si Saul. Alai na marpadan ma si David dohot si Jonatan anak ni si Saul i. Ai na maraleale do nasida nadua huhut marpadan, paboa na marsihaholongan do nasida di bagasan parhahamaranggion. Atik pe mansai sogo roha ni si Saul, ama ni si Jonatan marnida si David alealenai, na hot do si Jonatan dohot si David marsihaholongan songon na marhahamaranggi, sahat tu hamatean (1 Sam.20:1-23). Asing ni i muse, ujungna gabe dialap si David do boru ni si Saul gabe pardihutana ima na margoar Mikhal, ala mansai holong roha ni si Mikhal mida ibana suang songon i do si David (1 Sam.18:27). Di bagasan turpuk on, dipabotohon do barita paboa naung mate si Saul dohot si Jonatan anakna di parporangan maradophon halak Amalek. Sahat do barita hamamate ni nasida na dua tu si David, raja na manggomgomi Israel ujui. Marsak situtu do roha ni si David umbege barita hamamate ni si Saul dohot si Jonatan alealenai, naung nietongna songon na marhahamaranggi nasida. Alani, mangandungi ma si David manangisi si Saul, simatuanai dohot si Jonatan. Jala isi ni andungnai ma na gabe turpuk jamita sadarion. Molo tapaihutihut isi ni andung ni raja David on, dapot hita ma hata poda nang sipaingot naummarga ima: a. Ingkon umbalga do holong ni roha sian rimas Holong ima pangarimpunan patik di hita angka halak Kristen. Pargabus do halak na mandok: Holong rohana di Debata; hape dihosomi do donganna. Ai na so manghaholongi donganna na niidana, tung songon dia ma haholonganna Debata na so niidana? (1 Joh.4:20). Halak Kristen ingkon marsiajar sian pengalaman ni raja David di bagasan turpuk on. Dipatuduhon si David do paboa na unduk ibana tu patik ni Debata jala satia ima di padan naung niuarihonna rap dohot si Jonatan alealena i, naung nietongna songon anggina (ay.26). Songon dia pe sogo ni roha ni si Saul ama ni si Jonatan marnida si David, tongtong do dihaholongi si David si Jonatan dohot si Saul amanai. Ndang gabe las rohana, marolopolop dohot manortori dung dibege naung mate si Saul dohot si Jonatan di parporangan. Gariada marsak jala tumatangis huhut mangandungi do raja David. Ndang gabe dihalashon ibana hamamate ni musuna. Jadi, unang ma tasangkapi sangkap hamagoan dohot hamatean di angka jolma na manghasogohon hita manang tagoari nasida songon musuh. b. Ingkon rade manesa dosa dohot hasalaan ni dongan maradophon hita “Pengampunan” mansai ringkot jumpang di ngolu parhahamaranggion. Ndang adong na singkop hata dohot pangalaho ni jolma di portibion. Nang si David sandiri pe di bagasan pardalanan ni ngoluna songon sahalak raja ibana, hea do ibana madabu tu bagasan dosa ima marhite na sumangkapi sangkap na roa maradophon si Uria, asa naeng buatonna si Batsyeba jolma ni si Uria gabe jolmana. Disangkapi do mamunuh si Uria marhitehite mambahen ibana di jolo di na marporang maradophon musu ni Israel ujui. Saut do sangkap ni si David, alai gabe tarrimas Debata, gabe mate do anakna tubuna sian si Batsyeba i. Alai di ginjang ni i, mangido hasesaan ni dosa do si David laos ditangihon Debata tangiangna i. Nang hita pe ingkon sai na rade do manesa dosa manang hasalaan ni donganta maradophon hita songon tangiangta i: Sesa ma dosanami songon panesanami di dosa ni dongan na mardosa tu hami (Isi ni tangiang Ale Amanami: Mat.6:12). c. Ingkon rade tumangianghon dongan Ingkon tangiang na denggan do pasahatonta tu Debata, tarlumobi tumangianghon donganta jolma, na manghaholongi hita suang songon i nang manghasogohon hita. Unang ma tabaloshon na jat alo ni na jat, ingkon holong do naumbalga sipatupaonta maradophon sude dongan jolma. Marhitehite naung rade hita manesa dosa nang hasalaan ni donganta, tontu gabe tau ma hita tumangianghon nasida di bagasan tangiangta be. d. Hatindanghon ma na denggan na pinatupa ni dongan jolma Unang ma holan na roa na binahen ni dongan na sai tapaingotingot di bagasan rohanta, ujungna holan sogo ni roha nama na manggohi rohanta. Ingkon taingot do na denggan na binahen ni donganta tu hita, jala hita pe ingkon rade intropeksi dirinta be. Ai hita pe tontu di sada tingki hea patupahon na so denggan maradophon dongan jolma. Taingotma, unang ma hita loja manghatindanghon na denggan i. Songon si David di bagasan turpuk on, di ari hamamate ni si Saul na mamusuhi ibana, dohot si Jonatan alealenai. Ndang adong sanghababa be hatana na manghatindanghon na roa taringot tu pangalaho ni si Saul maradophon ibana. Alai na denggan i do di hatindanghon ibana, tarlumobi naung marujung ngolu jolma na manghasogohon ibana i. e. Harahon ma donganmu mangulahon holong! Unang baloshon hamu na jat alo ni na jat, ringkoti hamu ma na denggan di jolo ni halak saluhutna! (Rom 12:17). Unang ma baloshon hamu na jat alo ni na jat, panginsahion alo ni panginsahion, lam mamasumasu ma hamu, ai naeng teanonmuna do pasupasu, umbahen na tarjou hamu (1 Petrus 3:9). III. PANIMPULI Topik Minggu “Parhahamaranggion di bagasan holong”, manjouhon hita asa lam mangharinggashon ulaon na denggan di bagasan holong na sian Tuhan i. Songon hata ni BE. 656 “Parhahamaranggion”, Parhahamaranggion i lam hot jala togu, singkop ma hasadaon i di Jesus i burju. Rap sauduran hita be marholong na tutu, mardame marlas roha ma di Jesus i tutu… Amen.