TERTIB ACARA PESTA NATAL

UNIVERSITAS SISINGAMANGARAJA XII TAPANULI (UNITA)

SABTU 09 DESEMBER 2017

Tapanuli Utara, Senin, 23 Desember 2013

Thema:
Marroha holong ma hita ala Ibana jumolo manghaholongi hita
(1 Johannes 4:19)

1
 TERTIB ACARA PESTA NATAL
UNIVERSITAS SISINGAMANGARAJA XII TAPANULI (UNITA)
SABTU 09 DESEMBER 2017

Thema : Thema: Hendaklah Damai Sejahtera Kristus Memerintah Dalam

Hatimu (Kolose 3:15)
Sub. Thema: Dengan Perayaan Natal seluruh civitas akademik Unita memiliki
hati yang damai , sehingga disebut sebagai anak-anak Allah
pembawa damai kepada masayarakat sekitar, dan juga kepada alam
dan lingkungan.

A. Pangaradeon
Pandita/Parjamita/Dosen Borhat prosesi, di jolo nasida sahalak Mahasiswa,
maniop sada lilin na balga naung galak. Jongjong ma di altar nasida sude
ditongatonga ma Mahasiswa i.

U :Didok Tuhanta Jesus Kristus, Ahu do Panondang ni portibion, na so

tupa mardalan di na holom ganup na mangihuthon Ahu.

H :Laos Tuhanta Jesus do muse mandok: Hamu do panondang ni portibi

on.
U+H :Antong angka naung manjalo sinondang sian Tuhanta, naeng
marsinondang tu na humaliang, asa gabe pasupasu.

B. Acara Pagalak lilin: (Tetap di iringi Musik na lambok: B.E 616:1)

1. Rektor
2. Utusan Dekan
3. Utusan Dosen
4. Utusan Undangan/Alumni
5. Utusan Pegawai
6. Utusan Mahasiswa
7. Parjamita.

2
C. Patujolo: (L=Liturgis, A=Ama, I=Ina/Perempuan, N=Naposo, S=Sude,
P=Parjamita).
L: Selamat ari Pesta Natal ma di hita saluhutna. Hamuna dongan
sahaporseaon, tama do hita mandok mauliate tu Jahowa borngin on, ai
dipapungu asi ni rohana do hita laho mangkalashon parningotan di ari
hatutubu ni Tuhanta Jesus Kristus na manobus dosa ni portibi on, beta ma
hita, itaendehon ma Jahowa itasomba ma Kristus partanobatoan ni
hatuaonta.
H: Las do rohanami mandapothon Jesus naung tubu i, itaolophon ma Ibana
marhitehite pujipujian dohot unduk serep ni rohanta, beta ma hita
itaendehon ma Jahowa , itaolophon ma partabobatoan ni hatuaonta.

L: Bagasnai antong huaso ni Debata na so hadodoan na tangkas mangiring-

iring naposona Pengurus yayasan, Ibu Rektor, amang Bupati Tapanuli
Utara dohot sude jajaranna na saleleng ni dua periode on mangula di
pemerintahan Tapanuli Utara on. Nunga godang naung tarsuan angka na
denggan marhite panghobasion i, jala nunga godang naung parbue jala
didai natorop, anggiat ma tutu nang tu angka tingki na ro asa songon hau
na marparbue na manongtong marparbue, asa gabe pasupasu tu angka
halak na humaliang.

H :Laos songon i muse naeng hirtap hita martangiang asa nang tu tingki
nanaeng ro, asa sai tongtong Tuhanta na mandongani, asa boi nian
marudut angka ulaon panghobasion nasida di pemerintahan Kabupaten
Tapanuli Utara, laho paulushon sintasinta, laho manorushon angka ulaon
nauli naungpinungka nasida, manguduti angka na tartading dope, dohot
mandungkapi angka na marigat.

L: Antong hamu angka dongan, taparade ma dirinta, asa tasomba Tuhanta i

dibagasan dame dohot las ni roha. Tabaritahon ma hata on, nunga tubu
Kristus, nunga songgop hadameon, asa saluhut jolma taruli las ni roha
naung pinarade ni Kristus. Andorang so tapungka kebaktianta, jumolo ma
hita martangiang di bagasan rohanta be, …amen. Marende ma hita.

D. KEBAKTIAN
1. Marende BE No. 591:1-3 “Boru Sion” Bl. 591.
 Boru sion. Las roham, las roham, Jerusalem, ai na ro do Rajami,
padamehon ho tongtong. Boru Sion las roham, las roham, Jerusalem.
3
  Anak Daud ro ma Ho, pasupasu abngsoMon, harajaonMu hot tongtong,
dame ma di tano on. Hosianna ro ma Ho, pasupasu bangsoMon.

 (Jongjong): Hosianna ro ma Ho, masuk Ho tu rohangkon, baen mardame

tondingkon lao manjangkon haroroM. Anak Daud ro ma Ho, masuk Ho tu
rohangkon.

2. Votum-Introitus.
L: Marhitehite goar ni Debata Ama dohot Goar ni Anakna Tuhan Jesus
Kristus dohot goar ni Tondi Porbadia, Amen.
H: Mangendehon: 3 5 .6 5 4 3 . . 1 . 1 2 . 2 3 . 2 1 . 2 3
A si roham di a hu mar ni da da ngol ho on.
L: Patuginjang ma tohangmuna hamu ale angka harbangan, patuginjang ma
hamu ale angka pintu sian na robi, asa bongot raja ni hamuliaon i.
A: Ise Ibana ulaning raja ni hamuliaon i?.
L: Ima Jahowa na gogo jala ulubalang , Jahowa ulubalang ni hamusuon.
N: Patuginjang ma Tohangmuna, hamu ale angka harbangan, patuginjang ma
hamu ale angka pintu sian narobi, asa bongot raja ni hamuliaon i.
I: Ise Ibana ulaning raja ni hamuliaon i?, ima Jahowa Zebaot.
H: Mangendehon: Asi roham di ahu marnida dangol hon.
L: Martangiang ma hita, Ale Tuhan Debata Amanami na di banuaginjang ,
Ama ni Tuhan Jesus Kristus Tuhannami na tubu di huta Betlehem sai
pinuji ma goarmu na badia i ala nunga di tingkir Ho hami bangsoM na di
portibi on. Gok las ni roha do hami nuaeng alani i, ala naung tinopotmu
ganup hami, ganup keluarganami laho mangalehon dame dohot paposhon
roha nami. Hatam di borngin on mangalehon gogo tu angka naposom
naung pinillitmu marhobas di pemerintahan Tapanuli Utara on, asa
margogo nasida jala marsihohot, mangula ulaon naung pinasahatMu, ai
tangkas huboto hami dang magopo halojaon ni angka naposoM na
manghaburjuhon ulaonna, antong ro ma Ho tumpahi ma hami saluhutna.
U+H: Amen. (hundul).
3. Koor:
4. Marende huria B.E No: 598:1. “Bege Ende ni Suruan” Bl. 598.
 Bege ande ni suruan, sangap ma di Tuhan i, Nunga tubu Sipalua, Raja
Sipardame i, dipadame Debatanta do diriNa tu pardosa, nunga tubgu
Kristus i, di huta Bethlehem i, Ende ni Suruan i, sangap ma di Tuhan i.

4
5. Liturgi Situasional ( Patik dohot Hasesaan ni Dosa).
L: Tongon do tahilala panogu-noguon ni Debata di hita di na sataon on,
songon i panogunoguon ni Debata di Kabupaten Tapanuli Utara di na
sataon on. Nangpe mamolus ragam ni angka hamaolon, alai dilehon
Debata do hagogoon di angka naposona mangulahon ulaon i. Marlas ni
roha do hita jala marolop-olop di ari pesta Natal di borngin on marningot
balga ni holong naung pinapatar ni Debata tu hita dohot tu ganup
keluarganta be marhite Tuhan Jesus Kristus na tubu di Bethlehem. Ai
marhite hatutubuna i gabe tangkas tapanghilalahon asi ni roha ni Debata
marnida pardangolanta binahen ni dosanta, laos hatutubuNa i mambutbut
roha biar sian keluarganta sian anakhonta mangadopi zaman on.

A: Nunga tubu Tuhan Jesus na gabe Tanduk haluaon di hita ama, hape sipata
hami angka ama hurang marpos ni roha, ai holsoan, mabiar. Songon
pimpinan ni rumatangga hami sipata hurang bertanggung jawab, sipata
lupa hami di ulaonnami, lupa hami songon uluan panogu-nogu, gabe
sipata madabu hami gabe sitogu-togu on. Sipata hurang nianturehon
ulaonniba siganup ari di kantor, gabe marungutungut ala godang angka
hamaolon. Ise do na tuk mangurupi hami?.

H: Mangendehon: Ende No 61:10 Holsomi holsona, dihilalai, sai

pasonangonna na niainna I 2x…..Bl. 2.

I: Boha do tutu tarbahen ahu marpesta Natal di borngin on?, ai tung mansai
loja do huhilala hami angka ina nuaeng, niula do ulaon siganup ari, laho
mangurupi angka ama, asa adong patupaon di bagas, jotjot do hami angka
ina sai bobonosan, sipata niorom nama diri unang tinuhor angka pahean na
uli, ala ni angka kebutuhan na lam meningkat, termasuk arga ni angka
situhoron, dohot dope pangalaho ni anakhon, dohot muse pangalaho ni
ama-ama sipingkiran, alani i gabe olo ma iba sipata holsoan, ise do
mangurupi hami?.

H: Mangendehon: Holsomi holsoNa, dihilalai, sai pasonangonna na

niainna I 2x.

N: Godang do na mambahen sai guga roha nami angka naposo di tingki on, ai
ala ni angka perkembangan zaman jotjot do hami tarela tu hagiot-hagoiot
5
 ni rohanami, gabe pasudasuda tingki di internet, facebook, dohot angka na
asing. Huhilala hami do sipata hira naung lam dao sian natoras, hurang
panogu-noguon sian natoras, jotjot nialo, nioto-otoan, jala nigabusan, ale
Tuhan asi ma roham di hami.

H: Mangendehon: Holsomi holsoNa di hilala I, sai pasonangonna na

niainna I, 2x.

A+I: Ala ni angka sipingkiran jotjot hami marsalisi di tonga ni jabu, gabe
marpangontak tu dakdanak, ala lalap hami di angka ulaon, robot dope
borngin nunga nitinggalhon angka dakdanak, jala dung pe borngin muse
asa mulak hami tu jabu, alani i gabe hurang panogu-noguonnami tu hamu
angka ianakhonnami. Di Natal borngin on anju hamu ma hami angka
natoras di angka hahurangan i. Ale Tuhan asi roham di hami.

H: Mangendehon: Holsomi holsona di hilalai, sai pasonangonna na

niainnai 2x.

L: Barita na tajalo di borngin on mandok: Jesus Sipalua hita, ida ma

gabegabean ma sada na marbaju, jala tumubuhon sada anak, jala
bahenonna ma goarna: Immanuel. Ibana ma donganta asa adong
haporusan ni jolma na holsoan i, ai ganup halak kristen ingkon adong pos
ni roha paboa sude na masa i tongtong do Debata na paluahon dohot
manarihon hita . Amen.

6. Koor:
7. Marende BE No 53:2+4 “Dibethlehem do Tubu” BL .51
 Tu holong ni rohana hubonom rohangkon, hulehon di Ibana sude na di au
on, olo olo sude na di au on,
 Burju naeng lehononku di Ho rohangkinon, asi rohaM Tuhanku urupi au
tongtong, olo, olo urupi au tongtong.

8. Liturgi I : Gabe daging ma Hata i:

Proolog: Debata do bonana dohot ujungna Ibana do Alpha dohot Omega na so
marmula jala na so marujung. Ibana naung ro tuportibi on dibagasan daging.
Dungi gabe daging ma hatai jala maringan di tonga-tonga ni hajolmaon.

6
 Johanes 1:1: Rudi Sitanggang Johanes 1:6: Josua Sihombing
Johanes 1:2: Bintang Hutasoit Johanes 1:7: Kasi Kantor Perpustakan
Johanes 1:3:D.Mantovani Lbn.Tobing Johanes 1:8: Manalu, Kasi PPT

Johanes 1:4: Donny Simmora Johanes 1:9: Frans Harahap

Johanes 1:5: Marito Simanjuntak Johanes 1:10: Kasi Ketapang

9. Liturgi II: Panompaon:

Prolog: Debata na marmulia na manompa nasa na adong, sian na so adong
gabe adong. Saluhutna ditompa marhite HataNa. Jala ditompa do jolma tumiru
rupana jala rupaNa ditiruhon Debata laho manompa baoa dohot boruboru
nasida ditompa. Asa dirajai nasa natinompa bahen pasupasu tu halak na
humaliang.

Psalm 8: 4: Sekdis Dinsos Nakertrans 1 Musa 1:5:Kabag Ris&Persidangan DPRD

Psalm 8: 6: Sekdis DUK & CatPil 1 Musa 1:6: Kabid Pemsos Bappeda
1 Mua 1:1-2:Cipta karya&Perumahan 1 Musa 1:7: Kabid Keuangan Penloka
1 Musa 1:3:Sekdis Kehutanan 1 Musa 1:27: Kabid Perum&Pemukiman
1 Musa 1:4 Sekdis Penloka 1 Musa 1:28: Kabid PLS Dinas Pendidikan

10. Liturgi III. :Pangalaosion di Patik ni Debata gabe madabu tu dosa:

Prolog: Dang sonang jolmai di nauli diporlak eden napinauli ni Debata, dilaosi
nasida do patik ni Debata. Tarela jolmai di ela-ela ni sibolis pangago i. Gabe
sega ma parsaoran ni Debata dohot jolma, songon i dohot donganna jolma
nang dohot na humaliangna pe.

1 Musa 3:1-2 : Kabag PP Rom 7:22 : Kabag Kesra

1 Musa 3:3-4: Kabag Perekonomian Rom 7:23-24 : Ibu Kabag kesra
1 Musa 3:5-6: Ibu Kabag Perekonmian Psalm 53:4 : Kabag Hukor
1 Musa 3:7-8: Kabag Pemuda&Ol.Raga Jeremia 17:9 : Ibu Kabag Hukor
K1 Musa 3:9-10:Ibu Kabag Pemuda&OR Parjamita 7:9 : Kabag Umper

11. Liturgi IV: Ngolu na Marpanghirimon:

Prolog: Songon hau nahona taba,na so adong panghirimon be ingkon
mangolu, hape dipatubu Debata sada tumbur na tigor,. Songon i do bangso
Israel naung dao sian Debata, alai dipatubu Debata panghirimon na angolu
marhite bagabagaNa di haroro ni Mesias laho paluahon nasida sian habuangan
7
 Babel, songon i do saluhut jolma na madabu tu dosa, alai dibagabagahon do
mesias laho paluahon hita sian dosa dohot hamatean i.

1 Musa 3 : 15: Kabag Pemerintahan 2 Korint 5:21: Ibu Kabag Pengram

Jesaya 60 : 1 :Ibu Kabag Pemerintahan Psalm 119:116: Kakan Perpustakaan
Jesaya 60 : 2 :Kabag Humas&Protokol Psalm 119:117 : Ibu Kakan Perpustakan
Jesaya 60 : 3 :Ibu Kabag Humas&Protk 2 Korintus 5:17: Sekretaris KPUD
1 Korint 1:30 :Kabag Pengram Kolose1:16-17:IbuSkeretaris KPUD
12. Koor:
13. Liturgi V: Baga-baga Haluaon:
Prolog: Dibagasan pardangolan ni jolma i, nunga hira na mandaon
panghilalaanna, songon halak na so marpanghirimon. Alai ditingki si songon i
adong do bagabaga taringot tu haluaon. Di angka na masihol di haluaon
dibagabagahon Debata do na gabe tanduk haluaon di jolma i ima Mesias
Sipalua i na ingkon tubu di Bethelehem.

Psalm 24:7-8 : Dir.Akper Taput Jesaya 9:4: Dir. PDAM Mual Natio
Psalm 24:9-10: Ibu Dir.Akper Jesaya 40:3-4: Ib Dir.PDAM Mual Natio
Jesaya 9:1 : Dir. Akbid Taput Sakaria 9:9 : Dir. RSU Swadana Tartung
Jesaya 9:2 : Bapak Dir.Akbid Mika 5:1: Ibu Dir.RSU.Swadana Tarutug

Jesaya 9:3: : Dir.Perusda Pertanian Jesaya 11:1-2: Kakan PPT

14. Liturgi VI: Bagabaga Hatutubu ni Mesias:

Prolog: Dibagasan holong ni roha na mamolin Debata manghaholongi jolma
marhite na masuru Anakna na sasadai tu portibi on laho paluahon hita sian
dosa dohot hamatean. Tama do hita tutu manghalashon haroronai marhite na
mangungkap rohanta laho manjangkon Ibana naung ro tu portibi on, asa dohot
hita taruli.
Jeremia 33:14: Kakan Lingk.hidup Lukas 1:27: Ibu Kakan Polinmas

Jeremia 33:15: Ibu kakan Lingk.Hidup Lukas 1:28 : Kadis Pariwisata&budaya

Jeremia 33:16: Kakan Satpol PP Lukas 1:29: Ibu Kadis pariwisata&budaya

Johanes 3:16 : Ibu Kakan Satpol PP Lukas 1:30: Kadis Perhubungan

Lukas 1:26 : Kakan Kesbang Polinmas Maleaki 3:1: Ibu Kadis Perhubungan

15. Liturgi VII: Hatutubu ni Jesus:

8
 Prolog: Naung leleng pinaima nunga jumpang, ima naung binagabagahon ni
angka panurirang sian narobi. Na ingkon tubu ma Jesus tu portibi on sian sada
halak namarbaju na margoar maria di huta ni si daud na margoar Bethlehem.
Na ro do Ibana mamboan haluaon, mangalehon gogo dohot hangoluan.
Hatiuron na binoanna i ma patiurhon rohanta ganup marsadasada.

Lukas 2: 1-2: Kadis Pendidikan Lukas 2:8: Iibu Kadis Kesehatan

Lukas 2: 3-4: Ibu Kadis Pendidikan
Lukas 2: 5: Kadis PUK
Lukas 2: 6: Ibu Kadis PUK
Lukas 2:7: Kadis Kesehatan
Lukas 2:9: Kadis Cipta Kaya&Perumahan
Lukas 2:10: Ibu Kadis Cipta Karya& Perum
Lukas 2:11: Kadis Koperindag
Lukas 2:12: Ibu Kadis Koperindag
Lukas 2:13-14:Kadis Kependudukan

16. REFLEKSI : YESUS NA PEAK DI PANGGAGATAN

P :Di hamu angka dongan sahaporseaon dongan nahinaholongan dibagasan
Jesus Kristus. Hatutubu ni Jesus di bara ni pinahan di inganan na sopatut
jala inganan na lea, rap dohot angka dorbia, patuduhon haradeonNa manaon
haberniton asa dohot Ibana manghilala na hinilala ni jolma na di
pardangolan i.

H :Peak do ibana dibagasan pangagatan ni pinahan i, aha do nanaeng

putihonta sian na masa i?, molo rade Ibana na sangap i marhaleaon, asa
naeng paulionna parsaoran ni jolma dohot Debata sumuang tu hadengganon.

P :Ima tanda ni sun hinalea, songon jolma napinapulik. Ima patuduhon

hinabalga ni holong ni roha na so hadodoan jala na so halompoan.
Diajarhon i do asa gabe parholong ni roha nasongon i ma jolma tu donganna
jolma.

H :Parade ma rohanami ale Tuhan manjangkon harorom tu bagasan rohanami,

sai tubu ma holong na marsihaholongan, tubu ma roha na marsianjuan.

P :Molo rade Tuhanta manghaholongi hita, ima mangalehon gogo dohot las ni
roha di hita, asa margogo mangula ulaonta. Nangpe sipata ingkon godang
taadopi angka hamaolon di ulaonta be, alai taingot ma Jesus naung tubu di
bethlehem do mangalehon gogo di hita ganup.

9
 P :Molo rade Tuhanta manghaholongi hita, ima mangonjar rohanta asa
tongtong mangulahon ulaonta dibagasan holong dohot hasintongan, dao ma
sian hita anngka roha nanaeng manegai ulaon ni angka dongan, alai naeng
ma tahe jumpang rim ni tahi dohot na marsiaminaminan. Di angka halak na
manjalo hatutubu ni Jesus i tongtong ma maringan hadameon. Ai dang
marisuang angka halojanta di adopan ni Debata. Alani tajangkon ma Ibana
naung tubu di Bethlehem asa tubu tu rohanta be, jongjong ma hita
mangendehon Ende no 54:1-2: “Sonang ni Borngin nai”

Marende No. 54 :1-2 “ Sonang ni Bornginna I” (Jongjong Sude, jala sude

natorop manip lilin na metmet di tanganna be)
 Sonang ni bornginnai uju ro Jesus I, sonang modom do halak sude,holan
dua na dungo dope, mangingani anakna Jesus Tuhanta i.

 Denggan ni bornginna I,uju ro Jesus I, tu parmahan di Bethlehem I,

dipaboa na di surgo I, nunga ro Sipangolu Jesus Tuhanta i.

17. Liturgi VIII: Tajalo hatiuron asa marsinondang:

Prolog: Nunga tajalo hatiuron na sian ginjang i, na mangalehon gogo di hita
mangula ulaonta. Asa naeng ma dohot hita marsinondang songon lilin i, na
rade malala asa marsinondang, songon i Tuhanta rade ro tu portibi na lea asa
gabe malua jolma.

Johanes 1:14: Ka.Badan Penanggulangan Bencana Daerah

Mateus 5:14: Ibu.Ka.Penanggulangan Bencana Daerah
Mateus 5:16: Kadis Pasar Kebersihan dan Taman
Johanes 8:12: Ibu Kadis Pasar Kebersihan dan Taman
Epeseus 5:8: Kadis Pertanian & Perkebunan
Epesus 5: 9: Ibu Kadis Pertanian & Perkebunan
Johannes 12:46: Kadis Perikanan &Peternakan
1 Petrus 2:9: Ibu Kadis Perikanan &Peternakan
1 Tessalonik 5: 5-6: Kadis PENLOKA
Galatia 5:22: Ibu Kadis PENLOKA
Epesus 6: 10: Sekwan
Mateus 5:16: Ibu Sekwan

18. Marende No. 49:1-2: “ Sai ro ma tu Bara” Bl. 47.

 Sai ro ma tu Bara di Bethlehem on, hamuna porsea, hatop ma tuson,
marnida halasan ni rohanta i, ti nongos ni ama na di surgo i.
10
19. Liturgi IX: Liturgi Pujipujian tu Debata
Prolog: Tama do hita mamuji jala pasangap Debata disiala haradeonNa
naung tuat tu portibi on, maninggalhon hasangaponna, rade Ibana tuat tu
haleaon. Haradeonna dohot holongNa ima mangonjar rohanta mamuji dohot
pasangap Tuhanta.

Psalm 118:24: Inspektur Psalm 106: 2: Ka. Bappeda

Psalm 118:25: Ibu Ispektur
Psalm 118:26: Ka. BP4K
Psalm 118: 28: Ibu Ka. BP4K
Psalm 118:29: Ka, BKD
Psalm 106: 1 : Ibu Ka, BKD
Psalm 106: 3: Ibu Ka. Bappeda
Psalm 106: 4: Ka. Bapenas&Pemdes
Psalm 106: 5:Ibu Ka, Bapenas & Pemdes
Psalm 103:1: Ka. Badan KB &PKSs
Psalm 103:2: Ibu Ka.Badan KB&PKS

20. Liturgi X: Liturgi Refleksi

Prolog: Begeonta ma marhite liturgi na parpudi di ditingki on songon dia do
pangauhononta di hatutubu ni Jesus di dirinta, na tahilala tongtong margogoihon hita jala
mandogani hita. jala songon dia hita asa tongtong marpos ni roha mandalani ariari ni
ngolunta.

1. Asisten Ekbang Dan Sosial:

Ale angka dongan tasungkun ma be ma jolo dirinta, songon dia do hita mangarade
diri laho manjangkon Jesus Sipalua naung tubu i?, angka aha ma naung taparade
di ari Natal on?, angka dia ma naung tahobasi manomunomu haroro ni Sipalua i
tu ganup bagasta dohot rohanta be ?.

2. Ibu Asisten Ekbang Dan Sosial

Adong do na mandok: Ianggo siparadeon ganup jumpang ari Natal ima angka
pangkean na imbaru, kue na tabo, ia so i sipanganon , jagal marhite na marbinda.
Adong deba na paradehon angka kuekue Natal dohot Taon Baru, adong na
paradehon angka pahean na imbaru dohot angka na asing, pokokna angka na tabo
na mambahen sonang ma roha, ai sahali sataon do Natal on.

3. Asisten Adimistrasi dan Umum

Jadi na songon i do hape dipingkiri deba sian angka halak kristen i manomunomu
dohot mangarade diri manjangkon ari Natal, patut do gabe adong mandok gabe
mambahen boban do ari Natal on. Adong muse mandok ingkon godang ma nian
pemasukan di bulan Desember on asa tabo mulak marnatal dohot Taon Baru.
Hape ndada i na rumingkot, rohanta na manjangkon hatutubu ni Jesus i, as gabe
11
tongtong hita marlas ni roha mandalani ari ari ni ngolunta. Tarlobi songon ulaula
ni Debata hita marhobas di pemerintahan Kabupaten Tapanuli utara on.

4. Ibu Asisten Administrasi Umum

Tarpatudos ma nuaeng songon parmahan na na gok las ni roha, umbege barita naung
tubu Sipalua. Nangpe ngali ari alai tiur do langit i, di haroro ni surusuruan sian
banuaginjang paboahon naung tubu Sipalua. Marende ma angka pardisurgo,
marolopolop ma saluhut nasa natinompa. Barita las niroha i ,mambutbut roha biar
sian angka parmahan i, dohot mambutbut roha biar, lomos, kwatir sian diri ni angka
naporsea, alai manuanhon pos ni roha, na gabe pargogo di hita mandalani ariari ni
ngolunta.

5. Staf Ahli Bidang Ekonomi & Keuangan

Hatutubu ni Jesus i manuanhon pos ni roha, asa hirtap mangalangka tu jolo. Pos
niroha na borhat sian panghirimon na togu, paboa tongtong do Debata manarihon
ngolunta di ragam ni angka hamaolon na taadopi. Nangpe sipata olo do ro tu
pingkiranta atik na so marguna do angka na taulahon i, atik na so marlaba do hita
mambahen na denggan i. Alai anggo di Debata dang hea marisuang angka halojaon
ni naporsea, sai manghorhon pasupasu do i tu na humaliang.

6. Ibu Staf Ahli Bidang Ekonomi dan Keuangan

Songon haroro ni udan tu tano na dangaron, na boi mamornohi tanoi, jala gabe tubu
angka suansuanan na arga. Songon i do hata ni Debata mamornohi roha ni saluhut
jolma, jala dang hea mulak boti udan i tu langit so jolo dibornohi tano hadabuanna i.
Sipata do rohanta songon tano na mahiang i na masihol di udan laho mambornohi.
Molo rade hita mangungkap rohanta sai na rade do tongtong Debata mangalehon
hataNa jaloonta laho mambornohi rohanta.

7. Wakil Bupati Tapanuli Utara

Dipangido Tuhan Jesus do asa gabe songon palito na marsinondang hita di ngolunta,
laho manorangi na humaliang hita. Songon lilin rupani, na rade malala holan asa boi
marsinondang. Asa neng paloason ni Debata hita, siboan hatiuron molo adong disi
haholomon, siboan dame molo adong disi hagunturon, siboan uhum hasintongan
molo adong disi pargutugutuon. Songon nanidok ni tuhan Jesus na di Mateus 5: 9 na
mandok: Martua ma sibahen dame ai goaron do nasida anak ni Debata.

8. Ibu Wakil Bupati Tapanuli Utara

12
 Disiala hatutubu ni Tuhanta tama do hita marlas ni roha sian sandok
ngolunta, songon na nidokna di Psalm 30: 5: “ Puji ma Jahowa hamu ale
angka na niasianNa, jala endehon hamu ma barita ni habadiaonNa i. Ndada
sere manang perak pinangido ni Tuhanta sian hita, alai roha na ias sambing
dohot sandok ngolunta do gabe pelean na arga di Debata.

9. Bupati Tapanuli Utara

Didok hata ni Debata di 1 Korintus15:57 Alai mauliate ma di Debata, na
pamonang hita marhitehite Tuhanta Jesus Kristus!. Ibana naung ro tu portibion do
na mangalehon gogo, bisuk, hahipason di hita saluhutna laho mandalani ari-ari ni
ngolunta, songon i laho mangula angka ulaonta. Laos mauliate do dohononta tu
Debata na mangaloas hita saluhutna mangula di Pemerintahan Kabupaten
Tapanuli Utara on. Dada sian gogonta i, alai basabasa ni Debata na sumurung doi,
silehonlehon ni Debata tu hita. Tangkas do i hupanghilalahon hami dohot
keluarga di tingki on, mauliate ma di Debata na paloashon naposona on, marhobas
di kabupaten Tapanuli Utara saleleng ni dua periode on. Nunga godang naung
tasuan angka nauli, adong naung tubu jala marparbue, alai adong do tutu na
ingkon sitamboran dope. Marhite i ingkon manggogo dope hita martangiang
huhut mangula asa lam denggan partubuna. Ingkon adong jala lam torop halak na
rade manambori, dao ma angka na manegai, na mangarotaki, jala sai unang ma
adong angka na mambutbuti. Dipasupasu Debata do hita asa gabe pasu pasu tu
saluhut na humaliang.

10. Ibu Bupati Tapanuli Utara

HataMi ma tutu Tuhan na gabe sulusulu didalannami na holom jala tungkot
didalannami na landit na saleleng on, umbahen boi hami saluhutna marhobas
mangurupi naposoM na gabe Bupati di Kabupaten Tapanuli Utara na saleleng ni 2
periode on. Naeng ma nian songon hasadaon ni na marhahamaranggi hami, di
nanidokMua di Psalm 133:1+3: “Ida ma, dengganna i dohot sonangnai, molo tung
pungu sahundulan angka na marhahamaranggi!, Songon nambur ni Hermon, na
mabaor tu angka dolok Sion, ai disi do diparbaga Jahowa pasupasu, hangoluan
sahat ro di salelenglelengna. Molo jumpang hasadaon di hami disi ma diparbaga
Ho nang angka pasupasu, sai pasada ma hami ale Tuhan Jesus naung tubu di
Bethlehem, sai tubu ma Ho dibagasan rohanami, pasada ma hami dibagasan
holongMi, amen.

21. Marende B.E No: 52:1. “ Hatuaon do” Bl.55.

13
  Hatuaon do las ni roha do, hatutubu ni Jesus i, laho do jolma ro ma
Tuhanta, las be, las be ma rohanta i. mago do jolma ro ma Tuhanta, las
be, las be ma rohanta i.

22. Jamita:

23. Marende B.E No: 62:1----“Halalas Ni Roha Godang” Bl. 172

 Halalas ni roha godang na hubaritahon on, nunga tubu Sipalua di hita
jolma on, hasangapon di Debata, laos dame, dame, dame ma di jolma,
lomo ni roha ni Debata do hita jolma on.

 Ai saborngin on do binsar bintang din a holom i, sumondangi hagolapon

na di rohanta i, hasangapon di Debata….dst

 Tuhan Jesus hadomuan na disuru Debata, na pasaehon sude dosa di

dolok Golgata, hasanagapon di Debata ..dst...

24. Responsoria Panutup (P = Parjamita)

P: Jongjong ma hita saluhutna, Ale Debata Amanami na di banuaginjang ,
Gok situtu do las ni roha nami di tingki on, siala hupanghilalahon hami
Godang ni asi dohot holong ni rohaM, ala rade Ho maningkir hami na di
pardangolan on. Nunga tubu Ho di Bethlehem mar hira 2013 taon na
salpu, alai naeng tongtong tubu ma Ho dibagasan rohanami ganup
marsadasada.

H: Parade rohanami gabe ingananmu, songon bara ni pinahan na di

Bethlehem, parade rohanami songon si Maria, parade diri dohot keluarga
nami songon keluarga ni si Josep, na manjalo hasosorangMu di portibi on.
Asa manang aha pe na masa huadopi hami tongtong hami margogo jala
mardame.

P: Huparade hami dirinami songon parroha na sian Purba i mamboan

peleanna tu joloM.

H: Mangendehon Ende no: 49:6 “Sai ro ma tu Bara”……Bl.47.

14
 Tung aha ulaning denggan ni roham silehononnami baen las ni rohaM?,
nang sere nang perak dang pinangidom, ai roha na ias sambing do
lomom.

P: Martangiang ma hita: Ale Amanami na di banuaginjang, Ho do haroroan

ni saluhut silehon-lehon na denggan dohot nasa ulibasa na mauliutus.

H: Hupasahat hami ma sian na nilehonMi pelean nami tu Ho, sai jalo ma i

gabe uap na hushus di joloM, pasu-pasu ma i jala ramoti asa huparhaseang
hami pelean on patimbulhon harajaonMu di tonga-tonga ni huriam dohot
portibi on.

P: Buhai ma rohanami marhitehite Tondim asa lam hutanda hami godang ni

silehon-lehonMi tu hami asa lam girgir hami mandok mauliate tu Ho
marhite-hite Tuhan Jesus Kristus Tuhannami.

H: Mangendehon Ende no 49:7. Antong rohanami ma peleanmi, O Jesus

hasian sai jalo ma i, ias jala sonang ma baen angka i, tongtong gabe
domu ma tu rohaMi.

P: Ale Amanami na di banuaginjang…dst.

H: (Mangendehon): Ai Ho do do nampuna Harajaon, dst…
P: Pasahathon Pasupasu:
H: Mangendehon : Amen, Amen, Amen.

SELAMAT ARI PESTA NATAL MA DI HITA SUDE

Pdt Demak Simanjuntak, MTh

Wakil Direktur STT Guru huria
Seminarium Sipoholon Tarutung

15
 PENYUSUN ACARA:
PDT DEMAK SIMANJUNTAK,MTH,

16