Garong Printer

Pemeran Acting Drama :

1. Mulyadi sbg : Bu RT
2. Arul sbg : Garong 1
3. Jojon Sbg : Garong 2
4. Udin Sbg : Hansip
5. Juhro sbg : Jumadi
6. Ujang sbg : Saman
7. Jajang Saepul sbg : Pa RT
8. Dedi rohman sbg : Pembaca Prolog dan Epilog

Naskah Drama Sunda Garong Pinter

Sinopsis: Di caritakeun di salah sahiji wewengkon keur usum garong nu sok ngagasak sagala
rupa parabotan batur. Dina hiji peuting, si udin anu jadi hansip keur tugas ngaronda, bari
manehna ngomong sorangan:

Udin : “Duh kieu nya jadi hansip di desa terpencil mah, sugan ngaronda teh disuguhan
cikopi jeung roti, titatadi kalah nguyup angin wae.” Hoammmz.. (Bari nundutan).

Keur kitu torojol si jumadi, jelema jangkung gede nu dititah pa RT sangkan titah ngabaturan
si udin nu keur nga ronda peuting eta teh.

Jumadi : Assalamualaikumm Sip !

Hansip : Waalaikum salam, wah aya silaing kadieu euy?
Jumadi : Kuring diutus ku pa RT titah ngabaturan maneh din, bari jeung pang mawakeun
cikopi yeh keur hansip ceunah ubar tunduh.
Hansip : Nah kabeneran, Cik mana atuh kadieukeun cikopi na?
Jumadi : Kieu din kuring rek carita heula, bie pan diperjalanan kadieu teh kuring inget
omongan ceuk pa RT, lamun tunduh ceunah kudu nginum cikopi, nah kaleresan simkuring
teh pas nuju kadiena ngarasa tunduh, nya dileguk weh eta ci kopi teh ku kuring sip, jadi beak
euy ayena.
Hansip : Euhh, maneh mah sarua wae jeung bohong atuh ari kitu mah.
Sabot keur ngarobrol kitu, datang si saman (baturna si udin hansip) bari ti kukurusak sabari
nyodorkeun leungeun terus sasalaman.
Saman : Sip, kumaha jadi teu yeuh ngurilingan kampung teh ayena?
Hansip : Jadi atuh, kan keur kasalametan warga urang keneh supaya aman, tentrem, jeung
sejahtera!
Saman : Tapi kuring mah bingung lamun engke kapangih jeung garong euy, kudu kumaha
newakna?
Hansip : Keun serahkeun tugas eta mah ka uing, urang kerekeb tah garong!
Saman : hayu atuh urang geura mangkat nguring kampung..
Hansip, enjum : Hayu..
Di lain tempat, aya 2 urang garong anu keur asup ka salah sahiji imah. sagala-galana di
gasak, kuat ka katel-katel dapur oge dibawaan ku manehna.
Arul : Buru lalaunan-lalaunan !
Jojon : Buru bantuan, lain lalaunan-lalaunan sateh!
Arul : Sip atuhh, urang rada terehan saeutik asupkeun kana karungna.
Jojon : Bawa tuh katel jeung sosodokna sakalian !
Arul : Keur naon maneh, ngagarong mah sakur anu berharga wungkul weh atuh jon?
Jojon : Ari maneh, kan tadi teh urang geus ngagarong hayam, lamun dek di asakeun, berarti
kudu di goreng heula meren, nah jadi ieu kudu dibawa sakalian.
Arul : Heug atuh kumaha maneh weh! Eh, ari hayamna mana euy?
Jojon : Geus aman, ges ku kuring diasupkeun kana kandangna, pokona mah sip lah.. !
Arul : Ah ari kitumah anger we urang kudu newak deui deleuh, belet sia mah ah!
Dijalan.. Anu tilu urang nu keur tugas ronda eta, ngaliwat imah anu keur digasak ku garong.
Hansip : Cik urang senteran, tuh di belah ditu?
Saman : Sok urang marisah weh ayeuna mah. Urang ka kulon, si hansip ka gigir, jumadi
maneh milu jeung urang duaan!
Hansip : Eh… siahh urang sorangan atuh..?? mane’h mah sok teu baleg ah. Kumaha lamun
papangih jeung garong? Kudu kumaha kuring??
Saman : pan tadi ceuk maneh urang kerekeb cenah?
Hansip : Heuuhh maksud teh urang kerekebna ku tiluan.. (Bari seuri koneng)
Enjum : Geus.. geus.. Hayu urang babarengan weh supaya alus jeung babari newak garong
na !
Suasana di jero imah
Jojon : Buru ari geus pamenangan mah, hayu urang geura kabur, bisi kanyahoan !
Arul : Aih.. Meunang naon ari maneh? parabot dapur wungkul sateh!
Jojon : Cik ari maneh kudu bersukur, meureun rejekina ngan sakieu-sakieuna. geus tong loba
omong bisi katewak manten!
Arul : Ieu jagong moal dibawa sakalian jon??
Jojon : Jagongna urang mah hayang nu ngora, ieu mah naon kieu tina luarna ge geus kolot!
Arul : Sok pesek heula atuh! ragap ku maneh!
Jojon : Ari ieu buluan, berarti geus kolot atuh???
Arul : Ahhh sia mah disaruakeun jeung jelema wae sagala teh!
Jojon : ges bawa tah ku maneh karungna, buru urang kabur..
Arul : Siap..
Sabada kitu, si arul jeung jojon teh langsung kaluar ti imah, bari lumpat ting ngaberetek
alabatan jelema nu di udag jurig, lumpat tikukurusuk!
Saman : “Itu tuh naon nu ngurusuk???” (Bari ngomong lalaunan sabari nunjuk)
Jumadi : Hayu urang tempo!!
Hansip : Buru geura di berik ku maraneh, keun kuring ngomando tidieu weh (bari tetegeh)
Si enjum jeung si saman tuluy merik, sihoreng nu nyurigakeun teh bener wae eta garong.
Tuluy langsung di pegat garong nu duaan tadi bari di kerekeb awakna, ges kitu ngagorowok
ka si Hansip da geus beunang tea garong na.
Saman : Sipp.. Buru kadieu, Garongna geus beunang yeuh !!!
Hansip : Kela kuring kadinya.
Teu lila, si Hansip datang tuluy nanya ka Jumadi jeung saman.
Hansip : Geus pokona mah, aralus lah gawe maraneh! Maraneh deuih garong moal bakalan
salamet siah!
Jojon : Naon buktina pa hansip, yen kuring garong? pami nu di gigireun kuring mah duka
teuing tah, da eta gening mawa karung?
Arul : Sumuhun Pa, eleuhh siahh.. sia nuduh ka kuring?? hayu urang buktikeun di meja
pangadilan. (Bari sora tarik)
Jojon : Ijin heula Pa, kango perkara kieu mah perkara serius, kuring jeung si eta bade
nguruskeun ka meja hejo.
Hansip : Ahh maenya siah aya pangadilan peuting-peuting kieu, geus ngarampih atuh
hakimna ge!
Saman : Ges bawa hela weh ka pa RT, tong loba omong !
Sanggeus kitu, nu limaan eta ngingkig ka pa RT maksad rek ngabereskeun eta masalah. Si
arul jeung jojon atuh weh rada geumpeur yen nu rek di datangan teh imah pa RT.
Hansip : Assalamualaikum Pa RT? (Bari ting gorowok)
Di jero imah, ibu RT ngaharewos jeung noelan ka pa rtna.
Bu RT : Bapa, itu kosna aya tamu, saha nya wengi-wengi kieu???
Pa RT : Mmmm.. Engke bae atuh Bu, isukan ge pan bisa keneh.. Bapa geus teu kuat tunduh..
(Bari sare deui)
Bu RT : Ehh ari Bapa, dangukeun gera aya nu keketok, nya ngajorowok deuih. si Bapa mah
sok kamana wae.
Pa RT : Wahh.. enya geningan, hayu atuh urang sampeurkeun, ari sugan teh ibu ngajakan
ANU..??? Hehee!
Teu kungsi lila, Pa RT make sarung jeng kopeah meleteng, ngingkig muka konci panto.
Pa RT : Aya naraon ieu teh? ngagaranggu kanu sare wae? (Bari semu tunduh)
Hansip : Lapoor pa.. Simkuring parantos kengeng garong pa, dua urang ieu teh bade
dikumahakeun ayena pa?
Pa RT : Sok kajero heula weh jeung maraneh urang rundingkeun.. Kela sakeudeung . . (Bari
asup hela sakedeng) Bu. . bade aya tamu, gera di acuk heula (bari rada tarik ngomongna)

Nah, sageus kitu nu limaan tadi asup ka jero imah, bari ngarundingkeun..
Pa RT : Cing sok, Sip. Caritakeun kumaha mimitina ieu teh?
Hansip : Kieu pa, tadi simkuring sareng rerencangan ronda nguriling kampung. Aya nu
kekeresekan, ku simkuring diteang, tah ieu nu 2-an teh anu dibawa. Mangga weh teu
langkung Pa RT bade dikumahakeuna ayena??!

Si garong nu duaan sing galaleumpeur, Pa RT langsung nanyaan ka dua urang eta.

Pa RT : Naha bener ari maraneh teh garong tea??

Jojon : Sanes pa, abdi mah sanes garong. Piraku garong ganteng kieu?? duka Pa anu di
gigireun abdi mah da geningan nyandak karung (bari sora handap asor)
Arul : Ehhh.. Pa punten ngiring cumarios, piraku pa garong ngaku? da pasti sieuneun ngaku
mah Pa.
Jojon : Eleuh eleuh, wani-wani na eta pituduh ka kuring (bari molototan), punten Pa, abdi
mah da di piwarang ku manehna kieu oge pa.
Arul : Iraha kuring nitah ka maneh??
Jojon : Apanan… (Pa RT langsung motong caritaan)
Pa RT : Ahh tong ribut didieu atuh! . . nu mana ieu teh atuh garongna?
Jojon : Punten pa sanes kirang sopan, kumaha Pa lamun abdi ijin heula bade ka Pangadilan
supados Bapa teu ka ganggu, komo wengi-wengi kieu. Mun tos puguh garong na, abdi duan
kadieu deui! (Bari mawa karung)
Pa RT : Tah kitu atuh alus! Sok indit heula, ke lamun geus puguh karak balik deui nya..??
Si arul jeung jojon kaluar ti Imah Pa RT, diluar manehana bari ngararobrol.
Arul : Jon, ari maneh teh dadi nanaonan molototan ka kuring di jero Imah pa RT? Keuheul?
Jojon : Ehhh kuring mah kitu soteh ekting wungkul, pan ayeuna urang bisa kabur.
Arul : Euh heeuh nya, alus lah otak maneh encer jon.
Dua garong eta kalalabur, suasana di imah pa RT ngadaragoan garong sapeutingan jeput
malah mah neupi ka isuk tapi eweh datang deui, sihoreng teh nyadar yen garong teh geus
nipu maranehana.

# RENGSE
Amanat Drama:
Tina drama ieu, tiasa di candak kacindekan yen dijaman ayeuna urang kedah ningkatkeun
kaamanan diwewengkon masing-masing sangkan lewih aman kahareupna. Pikeun barudak
sakola hayu urang lewih rajin diajar, beh ulah gampil dibobodo kubatur salian eta supardos
urang lewih pinter tangtuna..