PROGRAM LINGKUNGAN CLEAN AND GREEN

Suksma aturang titiang majeng ring genah sane kapaica ring titiang. Sane wangiang
titiang Bapak/Ibu guru punika taler timpal-timpal sareng sami sane tresna asihin titiang.
Sedurung titiang ngaturang pidarta ngiring sareng-sareng ngaturang rasa angayubagia majeng
ring Ida Sang Hyang Widhi Wasa duaning sangkaning paswecan Ida iraga prasida mapulpul
iriki ring genah sane becik puniki. Melarapang antuk nguncarang Pangastungkara.

“Om Swastyastu”

Kawentenan titiang iriki jagi ngaturang pidarta sane indik “Program Lingkungan Clean
and Green”.

Inggih menawi Bapak/Ibu guru sareng timpal-timpal make sami,sampun uning indik
kawentenan jagat Bali puniki. Kawentenan pariwisata ring Bali sampun kasub ka dura negara.
Inggian tradisi Bali sane kasenengin olih para wisatawan sakadi Ngaben,Melasti miwah sane
tiosan. Inggih Bapak/Ibu guru taler timpal-timpal make sami,duaning kadi asapunika buat
kawentenan alam ring Bali sane sampun prasida ngewangun pariwisata ,patutne iraga setata
ngelestariang kawentenan alam punika. Inggian pamargi sane prasida kaanggen jalarang
ngelestariang alam punika akeh. Silih sinunggil sakadi program sane sampun kamedalang olih
guru wisesa inggih punika “Program Clean and Green”. Kruna Clean and Green ring basa
Indonesia madue arti Bersih dan Hijau.

Suksman Program Clean and Green punika ngutsahayang mangda jagat Bali setata
bersih miwah alamnyane asri. Sapunika taler,yening alam lingkungan sampun bersih pastika
iraga sehat lan seger oger. Yening iraga sampun ngelaksanayang punika mawit saking angga
soang-soang pastika Program Clean and Green pacang prasida kamargiang,raris kebersihan
miwah kelestarian alam ring Bali pacang prasida katincapang.

Inggih Bapak/Ibu guru lan timpal-timpal makejang, wantah asapunika titiang prasida
ngaturang atur ring galah puniki, yening wenten kirang langkung atur titiang sane nenten
mungguh ring ida dane, titiang nunas Geng Rene Sinampura. Matur Suksma antuk ring uratian
ida dane sinamian, pinaka pamuput atur titiang antuk Paramasanthi

“Om Santhi, Santhi, Santhi Om”