Ev 4 Juni 2023 1 Musa 1 : 1 – 2, 26 – 28 Haleluya No.

399 : 1 - 2
Parlobeini
Buei do halak na sungkun-sungkun pasal sonaha do proses parjadi ni dunia on anjaha ise do na manompa. Buku 1 Musa 1 on
ma sada buku na mambere pemaparan pasal sonaha do proses tarjadini dunia on ampa isini. Sekaligus buku on laho manulak
teori evolusi na manobut parjadi ni dunia on aima halani adong proses Panjang, tanpa adong na manjadihon. Ibagas buku 1
Musa 1 on ma homa ipatandahon sada pribadi na manjadihon dunia on, janah halani Ia do adong dunia on. Pribadi ai aima
Naibata Jahowa, na dob manjadihon na lape dong gabe adong (Creatio ex Nihilo). Bani bahan ambilanta on, sihol hita iarahkon
mangidah sonaha do tongon habanggalon ni Naibata ibagas na manompa dunia on sonai age jolma, ase boi hita lambin
manandai hadirionta janah mandalankon tanggungjawabta selaku tinompani Naibata hita.

Hatorangan Teks
Naibata do na manompa Langit pakon tanoh (ay 1-2)
“Bani mula ni mulani” (Ibr: Bereshith) on ma kalimat mamungkah panuratan buku on. Hata on sihol patugahkon sonaha
proses panompaon ai ipungkah, anjaha imulai ma panompaon ai humbani nol (tidak ada menjadi ada). Anjaha ijon
ipungkah ma na ginoran panorang/waktu na sihol ipakei jolma sonai age tinompa na legan. Aha ma na sihol itompa bani
mula ni mulani? Ijon isobut: langit pakon tanoh. Langit aima sada Kawasan na laho ipakei Naibata laho mannahkon
benda-benda penerang (Matahari, Bulan, Bintang), sonai age hombun (gabe atap bani jolma pakon tinompa na legan).
Tanoh aima sada Kawasan na laho ipakei Naibata laho manubuhkon suan-suanan, iananni binatang tading sonai age jolma
na sihol itompani (bnd, Jes 45:18). Ijon ma ididah hita sada bentuk ketelitian dan keteraturan kerjani Naibata paima
manompa isi ni parlobei do ipersiapkon iananni. Kondisi ni langit pakon tanoh ai isobut seng marrumang anjaha lumei,
anjaha hagolapan do manrongkob luhung: artini ai lape salosei proses panompaon ai tapi sedang berlangsung do proses
panompaon ai. Jelas golap do tanoh ai halani lape adong benda penerang na boi mambahen lihar ijai (ay 3 do itompa na
lihar ai). Tapi age pe sonai modelni domma ijai nini mayap-ayap tonduy ni Naibata. .Hunjon hita mangidah pori sonai pe
bentuk atap modelni langit pakon tanoh ai tapi domma ibagas kuasa ampa panggomgomion ni Naibata ianan ai, domma
ibagas kendalini.

Naibata do na manompa Jolma in (ay 26-28)

Paima das hita bani ayat 26 anggo ipardiatei hita haganupan proses panompaon ai, adong do proses keteraturan na tarjadi
ijai, lang raus tapi teliti janah ramot botul do Tuhan ai ibagas na mangkorjahon panompaon ai. Sada hal na pasti anggo
ipairik-irik hita proses panompaon na tarjadi bani 1 Musa 1 on, parpudi do jolma in itompa dob isediahon ianan sonai age
ipasirsir do haganupan na porlu bani jolma in ase baru pe itompa jolma in. Humbani proses panompaon jolma on, adong
na songon bedani cara panompaon jolma humbani tinompa na legan. Pitah jolma do na itompa marhitei rupa ni Naibata.
Dong piga-piga hal nab oi ididah hita humbani proses panimpaon jolma on:
1. Tompa Hita ma Jolma songon rupan-Ta. Hunjon dapot hita gambaran seolah-olah proses panompaon ni jolma ai
terjadi dob terjadi do sada diskusi iantara piga-piga halak dalam hal on aima Naibata. Hata Hita boi do memang
mambaen hita gabe bingung pasal hajongjonganni Naibata, sesuai perkembangn teologi para ahli manobut hata Hita
on domma pataridahkon ha-tolu sadaon ni Naibata (Bapa, Anak, pakon Tonduy Napansing). Artini ai humbani padan
na basaia ha tolu sadaon on domma ipatandahon, hubani dunia on, anjaha on do na irealisashon marhitei
hajongjonganni Jesus, sonai age Tonduy Na Pansing bani zaman Padan na Baru ai. Tapi informasi banta, hata Hita
bani pemahaman kuno sihol manggambarhon habanggalon, hatunggugon, ha-maha kuasaon ni Naibata. Hal on terjadi
halani hata Hita=Kita ibagas 1 Musa 1 : 26 itulis dalam bentuk Pluralis Majestatis (jamak untuk mengatakan sesuatu
yang resmi), anjaha on idasarhon hubani hata Ibrani Naibata=Elohim na berbentuk Jamak. Ase ipakei sidea ma hata
Hita bani teks on, halani sonai ma habanggalon, hatunggungon, kuasa pakon hagogohonni Naibata, dob ni iandaihon
halak Ibrani ma Naibata dalam bentuk Jamak. Ai do ase ibagas na manggambarhon ise atap sonaha Naibata ai, sidea
mamakei Pluralis Majestis.
2. Songon rupani Naibata (menurut gambar dan rupa Allah) do hita itompa, on ma salah sada, na mambahen hita
istimewa marimbangkon tinompa na legan ai. Aha do maksudni songon rupa-Ni? Bani dunia kuno Rupa/Gambar
igunahon mangacu hubani patung ni raja na ikirim hu berbagai daerah kerajaan. Ase marhitei patung raja na
rupani/gambarni songon raja ai boi ma rakyat ai mangahapkon kehadiranni raja ai, ibani ianan ai, jadi patung itu
mewakili kehadiran raja bani daerah ai. Anggo iterapkon hita bani proses panompaon on berarti itompa jolma in
songon rupaNi/gambarNya, maka hita jolma on do na mewakili Naibata iatas tanoh on (sedo dalam hal kuasa pakon
hajongjonganta sarupa hita pakon Naibata). Halani ai garis bawahi do tujuan panompaon jolma na gabe wakil ni
Naibata marhitei na ibere parentah na laho “manrajai” tinompa na legan.
3. Manrajai tinompa na legan on do maksud pakon tujuanni Naibata manompa jolma in. Manrajai sedo dalam arti negatif
(Eksploitasi alam) dalam hal on menguasai, menguras, mencederai, menghancurkan na dob adong na laho mamuaskon
hisap-hisapni daging. Tapi manrajai ijon aima dalam rangka manramotkon tinompa ni Niabata bahen hadearon atap
keberlangsungan goluh ni jolma ai sandiri sonai age kesejahteraan tinompa na legan. On do maksudni hita gabe wakil
ni Naibata iatas tanoh on. Halani ai selaku jolma na manjalo mandat manrajai tinompa na legan tontu
martanggungjawab do jolma in hubani Naibata na dob mambere mandat bani jolma in.

Hahonaan:
1. Halongangan banggal do na ibahen Naibata sanggah manompa dunia on sonai age hita. Tontu aha na dob ibahen ni ai
domma boi namin mambahen hita lambin marhabiaran i lobei-lobeini Naibata.
2. Marhitei na ipatugah buku 1 Musa 1 on banta pasal hajongjonganni Naibata na manompa dunia on tontu ulang tubuh uhur
sangsi banta pasal proses panjadi ni dunia on. Halani halak na maruhur sangsi lang mungkin boi mangakui pambahenan
ampa kuasani Naibata bani pargoluhanni.
3. Dalankon hita ma aha na gabe tanggungjawbta selaku wakil ni Naibata iatas tanoh on. Ai marhitei na idalankon hita
tanggungjawabta ijai do hita mampu pataridahkon malas ni uhurta bani haganupan na dob ipasirsir Naibata banta bahen
hagoluhan pakon keberlangsungan ni goluhta.

Pdt. Maruli Sinaga

-Sdk-