HURIA KRISTEN INDONESIA

POS PI SIMPANG SUNGAI DUREN

DAERAH VIII RIAU – SUMBAGSEL

TATA IBADAH MINGGU SEXAGESIMA, 12 FEBRUARI 2023

TEMA :“HATUAON NI HALAK NA MANGOLU HOMBAR TU PATIK NI DEBATA”
KEBAHAGIAAN ORANG YANG HIDUP MENURUT TAURAT TUHAN
01. VOTUM
P : Marhitehite Goar ni Debata Ama, dohot Goar ni AnakNa Tuhan Jesus Kristus, dohot
Goar ni Tondi Parbadia na manompa langit dohot tano on, dipasaor ma dameNa tu
tondinta. Amen!
Rap ma hita mandok di tangiangta i!
P+H: Ale Jesus Tuhan nami bereng ma hami na dison, pinarmahanMi do hami saluhutna na
dison, sai asi rohaM di hami sai pangolu hami on, Amen!
(Hundul Huria)
02. Marende BE. No. 24:1-3 “Tatap Hami On”
Tataphami on napungu dison
Ai na naeng pujionnami denggan ni basaM di hami
Tatap hami on napungu dison
Togu hami on na mardosa on
Ale Jesus Tuhannami, sai asi rohaM di hami
Togu ma tongtong na mardosa on (Musik, 1 ayat)
Sai ajari be hami on sude
Asa lam huboto hami dalan sidalanan nami
Sai ajari be hami on sude
03. AYAT – TANGIANG
04. SINGKAT NI PATIK
P : Tatangihon ma hatani Debata na gabe singkat ni patik di Minggunta sadarion, ima
na tarsurat di Josua 1:8.
“Unang meret buku ni patik on sian pamanganmu, sai pingkirpingkiri ma i arian
dohot borngin, asa di radoti ho, jala di patupa ho, hombar tu sude na tarsurat di
bagasan i, asa maruntung ho di angka dalan mu, jala marmulia parulaon mu.”
Ido sahatna. Antong rap mangido gogo ma hita tuTuhan Debata.
P+H: Ale Tuhan Debata, sai pargogoi ma hami mangulahon na hombar tu hataMi. Amen!
05. Marende BE. No. 677:1+4 “Mansai Lambok”
Mansai lambok Tuhan Jesus manjou, manjou ho dohot au
Ida Ibana paima haroromu, mulak ma ho dohot au
Antong sai ro ma ho, angka na sorat sai ro ma ho
Mansai lambokTuhan Jesus manjou, pardosa mulak ma ho (Jongjong Huria)
Dijangkon Jesus do angka parjahat, mulak ma ho dohot au
Dosam sudena ias sesaonNa, muba ma ho dohot au
Antong sai ro ma ho, angka na sorat sairo ma ho
Mansai lambok Tuhan Jesus manjou, pardosa mulak ma ho
06. TANGIANG PANOPOTAN NI DOSA
07. Marende BE. No. 428:1+3 “Ho Na Loja, Ho Na Sorat”
Ho na loja, ho na sorat, pos roham di Debatam
Di na hansit, di na borat, dipapita do roham
Unang ganggu roha muna, di pandok ni Debatam
PasautonNa baga-baga, pos roham di Debatam
Ala ni padao arsakmu, hot ma tiopTuhanmi
Tu na denggan do ditogu, saluhutna masa i
Unang ganggu roha muna, di pandok ni Debatam
PasautonNa baga-baga, pos roham di Debatam
08. EPISTEL (1 KORINTUS 3:1-9)
09. Marende BE. No. 213:1+3 “Dung Sonang Rohangku”
Dung sonang rohangku dibaen Jesus i, porsuk pe hutaon dison
Na pos do rohangku di Tuhanta i, dipasonang tongtong rohangkon
Sonang do, sonang do, dipasonang tongtong rohangkon (Jongjong Huria)
Diporsan Tuhanku sandok dosangki, bolong tu na dao do dibaen
Nang sada na so jujuronna be i, na martua tondingku nuaeng
 Sonang do, sonang do, dipasonang tongtong rohangkon
10. MANGHATINDANGKON HATA HAPORSEAON
11. Marende BE. No. 128:1… “Ditanda Debatanta” (Pelean I & II)
Ditanda Debatanta na di Ibana i, na metmet nang na balga di nasa bangso i;
Ndang mago loasonNa nang sada sian i
Ditogu do sudena tu hasonangan i, ditogu do sudena tu hasonangan i
Ditanda do nasida dibaen porsea do, nasida di hataNa naung tu nasida ro
I do hangoluanna, i do guruna i
Laos i do sinjata na mangalo dosai, laos i do sinjatana mangalo dosa i
---Intro---
Ditanda do nasida dibaen holong sude, rohana di Ibana nang di donganna pe
Ai i do na mandasdas nasida sai tongtong
Asa tung dipatolhas patikNa i sintong, asa tung dipatolhas patikNa i sintong
12. JAMITA (PSALMEN 119:1-8)
Hangoluan Do HataM Pasupasu HataMi
Hangoluan dohataM, sibegeon nami Pasupasu hataMi, sai suan tu rohangki
Ala asi ni rohaM, o Debata nami Asa marparbuei, ale Jesus Tuhanki
HataMi narade, bahen bohal nami Sai martua jolma i, na umpeop hataMi
Sai patorang ma sude, gabe ngolunami Tangianghu na ma i, sahat ma tu tanganMi
13. Marende BE. No. 256:1-2 “Jesus Kristus I Do Raja”
Jesus Kristus i do Raja pinabangkit ni AmaNa
Manggomgomi sasude, manggomgomi sasude
Jala nasa hajolmaon tu Ibana do marTuhan
ParhatopotonNa be, parhatopotonNa be
Angka surusuruanNa humaliang habangsaNa
Pasangaphon Raja i, pasangaphon Raja i
Na di ginjang marhuaso, harajaonna di tano
Mangoloi patikNa i, mangoloi patikNa i
14. TINGTING – TANGIANG PANGONDIANON
15. Marende BE. No.476:1… “Ndada Au Guru Di Au” (Pel. III..)
Ndada au guru di au be, Jesus do nampuna au
Las rohangku dung hubege, Jesus do nampuna au
Reff: Ndang be au guru di au, Jesus nahumophop au, nampuna au
Tung saleleng au mangolu, Jesus do nampuna au
Ndang di au di Tuhan Jesus, daging dohot rohangki
Saluhutna hupasahat, tu Ho Jesus Tuhanki
Reff: ….
……(Hanya Musik)……
Ulaonku nang artangku, pangke ma baen sangapMi
Diusehon Ho mudarmu, tung tanda do holongMi
Reff:….
16. TANGIANG PANIMPULI
17. KEUANGAN
Tanggal 5 Februari
No Keterangan Nominal Jumlah
1 Saldo 05 Februari Rp.218. 850,-
2 Pemasukan Persembahan I Rp. 48.000,-
Persembahan II Rp. 38.000,- Rp. 193.000,-
Persembahan III Rp. 41.000,-
Pers. Partangiangan Rp. 66,000,-
3 Pengeluaran Aqua 2 Dus Rp. 38.000,-
Print Acara Rp. 20.000,- Rp. 133.000,-
Kons. Partangiangan Rp. 75.000,-
4 Total Saldo Pers. 12 Februari Rp. 278. 850,-
 SELAMAT HARI MINGGU
TUHAN YESUS MEMBERKATI