ACARA PARMINGGUON MINGGU X DUNG TRINITATIS

EV . 1 MUSA 39 : 1 - 5 EP. MATEUS 8 : 5 - 13

TOPIK : G abe Pasu pasu Marhit e Panum pahion Ni Debat a
MINGGU, 13 AGUSTUS 2023
1. Marende Huria BE. 112 : 1 - 3 “O Tondi Parbadia I, Bongoti” BL. 206
♫
Haleluya! Tapuji ma Amanta Tuhan Debata dibaen denggan basaNa.
Sai tong girgir ma hita be pasangap Debatanta i, dibaen asi rohaNa.
Sangap, sangap, Hagogoon, Hatoguon, hapistaran, di Amanta na di ginjang.
♫
Haleluya! Di Jesus i, talehon hasangapon i nang pe pujipujian.
Dilehon do mudarNa i, mamuri hita sasude, parade hatigoran.
Denggan, denggan, parsaoranta tu Tuhanta, badiaNa Songgop do tu huriaNa.
[Musik]
♫
[Jongjong] Haleluya! Di Tondi i, na sangap, na badia i, Tadok mauliate.
Aut unang saor Ibana tu rohanta na so dung togu,
luhutna do mandate. Tua, tua, ma jambarta bahenonNa
salelengna Di adopan ni Debata.

2. Votum - Introitus - Tangiang Pamuhai (A.XV/A.10 - D.XIII/47)

3. Marende Huria BE. 188 : 2 + 5 “Jahowa Siparmahan” BL. 131

♫
Ditogu au tu na tio, aek mata hangoluan;
Dibaen do tondingki sio, di dalan hasonangan.
Sabam rohangku do tongtong, saleleng au di tano on. Baen sangap di goarNa.
♫
Tongtong do denggan ni basaM, jambarhu di ngolungku.
Tongon do asi ni rohaM, mangihut di langkangku.
Dung i dung suda bohalhi sai ingananku jabuMi. Saleleng ni lelengna.

4. Patik ni Debata : GALATIA 5 : 1.

L : Tatangihon ma Patik ni Debata di Minggu sadari on, i ma na tarsurat
di Galatia 5 : 1, Songon on ma HataNa, “Asa saut malua hita umbahen
na dipalua Kristus i hita. Hot ma hamu jongjong antong, jala unang be olo
hamu patuduhon ni auga parhatobanon i!
I ma sahatna. Antong, rap mangido gogo ma hita sian Tuhan
Debata!
L+R: Ale Tuhan Debata, sai pargogoi ma hami mangulahon na hombar tu
patikMi. Amen.
5. Marende Huria BE. 162 : 1 + 4 “O Debata, Mansai” BL. 27
♫
O Debata, mansai balga. Huhut dokdok dosangku!
Na so adong di tano on na tau haporusanku.
♫
[Jongjong] Ai mudar ni anakMu i do gabe pardengganan;
Sae utangki binaenNa i di hau na pinarsilang.

6. Tangiang Manopoti Dosa - Bagabaga Hasesaan Ni Dosa (B.10 - C.14)

7. Koor : Seksi Perempuan

8. Marende Huria BE. 699 : 1 - 2 “Singkop Do Asi Ni Roham”

♫
Singkop do asi ni rohaM tu au na dangol on,
na lilu ahu na hinan nuaeng jumpang do.
♫
Di na hutanda dosangki, gok biar rohangki,
alai ala ni asiMi, mardame rohangki.

9. Epistel : MAT EUS 8 : 5 - 13 (responsoria)

L : Tatangihon ma Hata ni Debata turpuk Epistel di Minggunta sadari on,
i ma na tarsurat di Mateus 8 : 5 - 13.
Marganti soring ma hita manjahasa! “Dung i bongot ma Jesus tu huta
Kapernaum, jadi ro ma tu joloNa sada induk ni soldadu mangelekelek
Ibana, ninna ma:
R : “Ale Tuhan, sai peak do naposongku di jabungku; na sarion do ibana,
mansai bernit diahap.”
L : Dung i ninna Jesus ma mandok ibana: “Ro pe Ahu pamalum sahitna.”
R : Dung i didok induk ni soldadu i ma mangalusi: “Ale Tuhan, na hurang tama
do ahu, tung degeonMu jabungku; dok ma hata sisandok, asa hipas
naposongki!
L : Ai gari ahu, jolma na nirajaan, na mangarajai soldadu; molo hudok tu na
sada: Tu sadu i ma ho!, laho do ibana; ia tu na sada: Tu on ma ho!, ba, ro
do ibana; jala ia hudok tu naposongku: On ma bahen!, jadi i do
dibahen.”
R : Jadi longang ma roha ni Jesus umbegesa, gabe didok ma mandok angka na
mangihuthon Ibana: “Situtu do na Hudok on tu hamu: Gari di halak Israel,
ndang jumpang Ahu haporseaon na songon i.
 L : Alai Hudok ma tu hamu: Torop do na ro sogot sian purba dohot sian
pastima, gabe dongan sapanganan ni si Abraham dohot si Isak dohot si
Jakob di harajaon banua ginjang i.
R : Alai anggo angka anak ni harajaon i hian, sipabalion do i sogot tu na holom
marimpotimpot; disi ma masa angguhangguk dohot na patungoripon.
L : Laos didok Jesus ma mandok induk ni soldadu i: “Laho ma ho, jumpang
ho ma hombar tu haporseaonmi.” Jadi hipas ma naposona i di na
sangombas i.
I do sahatna. Martua do angka na tumangihon hata ni Debata jala na
umpeopsa. Amen.

10. Marende Huria BE. 272 : 3 - 4 “Sai Tole Tole Ro Sude” BL. 249
♫
Solukkon hatigoranmi baen partahananmi.
Nang pe haporseaon i baen lombulombu i.
Nang patta sai ringgas, rohanta pe hiras, Mamaritahon dame i, baen halolomo i.
♫
Antong sai paralohon ma haporseaonmi.
Dipargogoi Debata ma sipartangiang i. Tajom podangta i, i ma hataNa i.
Maruli tumpal do sude na so sumurut be. [Jongjong]

11. Manghatindanghon Haporseaon

12. Koor : PS. Solideo

13. Tingting Huria

14. Koor : Punguan Ama

15. Marende Huria BE. 648 : 1 - 3 “Sangap Di Debata Ama”

(Pel. Ia + Ib)
♫
Sangap di Debata Ama, sangap di AnakNa i,
nang di Tondi Porbadia Debata na songkal i,
Haleluya puji Tuhan salelenglelengna i.
♫
Puji Raja siparholong Sipalua jolma i,
na patauhon hita bongot tu HarajaonNa i,
Haleluya puji Tuhan Raja na tarsilang i.
[Musik]
 ♫
Puji Raja sian surgo Raja ni huria i,
Raja ni saluhut bangso Tuhan na sun sangap i,
langit tano sai endehon sangap di GoarNa i.

16. Jamita : 1 MUSA 39 : 1 - 5.

Topik : “G AB E PASUPASU MARHITE PANUMPAHIO N NI
DEB ATA”

17. Marende Huria BE. 753 : 1 - 3 ”Di Pardalanan Jesus Di Jolongku”

(Pelean II tu Pusat)
♫
Di pardalanan Jesus di jolongku. Holong ni tanganMi manogu au.
Nang di ngolungku Ho do sombaonhu. Tung sonang mardalan raphon au.
Huboto do tangkas panoguonMu. Diiringiring Ho do langkangki.
Sahat ro di ujung ni pardalanhu. Togu ma au jonok tu lambungMi.
♫
Sipata lilu haporseaonhu. Nililianan ni portibi on.
Alai dung Ho hutatap o Tuhanku. Margogo do au di ngolungkon.
Huboto do tangkas panoguonMu. Diiringiring Ho do langkangki.
Sahat ro di ujung ni pardalanhu. Togu ma au jonok tu lambungMi. [Musik]
♫
Patogu ma Tuhan haporseaonku. Asa polin tu Ho manghirim au.
Tu Surgo i patulus pardalanhu. TondiMi maringan ma di au.
Huboto do tangkas panoguonMu. Diiringiring Ho do langkangki.
Sahat ro di ujung ni pardalanhu. Togu ma au jonok tu lambungMi.

18. Tangiang Panimpuli [Jongjong] [P : Parjamita]

[Tangiang Pelean - Ale Amanami - Pasupasu]