IBADAH DITINGKI MAMASUHI BAGAS

(Kel. Dolok Saribu/ br. Siallagan)

1. MARENDE BE NO. 14 : 1-2 (Puji Hamu Jahowa Tutu)

Puji hamu Jahowa tutu, pardenggan basa,

parasi roha saleleng na i;
Pardenggan basa i, parasi roha i.

Ingot tongtong, ale tondingkon

Sude na denggan, na dipasonggop Debata tu Ho;
Denggan basaNa do, na pangoluhon ho.

2. VOTUM – TANGIANG
P: Marhite-hite Goar ni Debata Ama, Anak dohot tondi Parbadia.
J: Amen
P: Molo so Jahowa paulihon bagas, loja sambing do angka na mamandei; molo so Jahowa
marhal hutai, ndang marniula hadudungo ni parhal.
J: Pauli hamu angka bagas, laos ingani hamu, jala pungka hamu angka porlak, laos pangan
hamu parbuena.
P: Ari on do na jinadihon ni Jahowa, marolop-olop jala marlas ni roha ma hita disi
J: Iale Jahowa, sai manumpak ma Ho! Iale Jahowa sai Ho ma mambahen manjadi
P: Mandok mauliate ma hamu di Jahowa, ai pardenggan basa do Ibana, ai ro di
saleleng-lelengna do asi ni rohana I
Haleluya! Martangiang ma Hita.

3. MARENDE BE NO. 464 : 1 (Huboan ma diringku)

Huboan ma diringku, Tuhan hibul tu Ho.

Ai au do tinobusMu, umbaen tarbaen au ro.
Pagalak ma rohangku, dison managam, au.
TondiM i ma suru, na boi manggomgom au.
4. RENUNGAN
5. MARENDE BE NO. 188 : 1-2 (Jahowa Siparmahan au)

Jahowa Siparmahan au, ndang hurang manang aha,

Ai nasa jea dipadao, do sian dorbiaNa
Tongon dibaen na lomak i, lao pangoluhon tondingki,
dibaen asi rohaNa.

Ditogu au tu na tio, aek mata hangoluan;

Dibaen do tondingki sio, di dalan hasonangan.
Sabam rohangku do tongtong, saleleng au di tano on,
Baen sangap di goarNa.

6. TANGIANG PANGONDIANON (Sian Hula-Hula / Tulang)

7. MARENDE BE NO. 512 : 1-2 (Di dalani Jesus tano)
(Pelean)
Didalani Jesus tano dohot laut,
tahi holong ni rohaNa do na saut,
Na mura luhut dibaen TondiNa i,
dung disesa utang ni dosanta i.
Hahaanggi, ro hamu sude, taarahon ma donganta be,
Hahaanggi dao nang jonok be!
Hara tu joloNa donganmu sude.

Nunga monang di jabum hataNa i?

Hata i dipangke ho sinjatam i?
I do hapistaran na sumurung i,
Jumpang do mura sudena baenon nii.
Hahaanggi, ro hamu sude, taarahon ma donganta be,
Hahaanggi dao nang jonok be!
Hara tu joloNa donganmu sude.
8. TANGIANG PANUTUP – PASUPASU

P: Ale Tuhan sahat tu tanganmu ma hupasahat hami bagas on, sai ho ma na mamasu-masu
dohot na manjagai arian dohot borngin.

J: Sai bahen ma bagas on gabe bagas parmianan, bagas pangalapan gogo dohot pangalapan
pasu-pasu.

P: Pasu-pasu ma bagas on gabe bagas partangiangan, inganan mamuji pasangap GoarMu na

Badia i.
Pasu-pasu ma na mangingani bagas on, dohot angka na ro tu bagas on, jala Ho ma manjaga
nasida dina laho masuk, dohot laho ruar muse sian bagas on.

J: Padao ma sude angka na mangambati, dohot angka na marsangkap na roa tu pangisi ni

bagas on, asa sonang nasida mangingani bagas on.

P: Sai tangihon ma tangiang ni na martangiang di bagas on, jala lehon angka na pinangido
nasida tu Ho, hombar tu lomo ni rohaM.

P+J: Ale Tuhan sahat tu tangan-Mu ma hupasahat hami daging nang tondi nami.

P: Rap mandok ma hita tangiang Ale Amanami

P+J: Ale amanami na dibanua ginjang……..

P: TANGIANG PASU-PASU