Telaah Geguritan Mboke - Danar Rama Alfiansyah Pangestu
Telaah Geguritan Mboke - Danar Rama Alfiansyah Pangestu
Mboke
Wanto Tirta
Mboke-mboke
Wektu ngetung dina.
Krasa lara rika lunga
Medhot brayan alam dunya
Mboke-mboke
Dunya brana numpuk ora miguna
Amung mori saukuran awak
Sandhang pangan sapirang-pirang
Ora degawa mlebu luwang
Mung ngelmu sing manfaat
Amal sholeh putra-putri sing ngabekti
Mboke-mboke
Susahing hati kelara-lara
Madhang ora enak
Turu ora kepenak
Awak lemes balung remek
Ngewangwung awang uwung
Kelangan tresnamu pedhot umur
Nglangut
Mboke-mboke
Sengisor kembang kamboja dekubur
Inyong tetep kemutan ora kelipur
Mung bekti sing mesthi
Ndedonganing gusti
Muga-muga dengapura
Sekabehe luput lan dosa
Dene Gusti Kang Kuwasa
Telaah Geguritan “Mboke” Karya Wanto Tirta
Gurit “Mboke” jumbuh karo teorine Sapardi Djoko Damono kang ngandhake yen
karya sastra uga nggambarake manungsa ning alam donya sing dimaksud kasunyatan
sosial. Sakwise maca geguritan iki pamaos iso nafsirke teges karya sastra iki, tegese
kahanan nalikane ditinggal ibu. Prinsip lan teori sastra ingkang jumbuh karo gurit iki,
miturutku struktralisme amerga gurit iki ndarbe makna sakwise dianalisis unsur kaya
ta tema,alur lan sakpanunggalane. Nanging uga ana prinsip psikoanalisis yo kui gurit
kang dianalisis saka simbol lan konflik bawah sadar, simbol kang digunaake yakuwi
“Mboke” lan konflik bawah sadar kui dadi representasi pengalaman penggurit
gayutane Tresna marang ibu nanging saiki malah ibune wis seda.
Suasana ing Geguritan nggambarake trenyuh rasa kangen lan trsna marang ibu opo
meneh nek aca gatra iki “Sengisor kembang kamboja dekubur, Inyong tetep kemutan
ora kelipur. Sakwise analisis unsur lan struktur geguritan iki uga duweni fungsi yo kui
fungsi moralitas. Dibukteni karo pada ke 2 gawe geguritan kalebu fungsi moral kang
nyritaake nelangsa lan abote ditinggal ibu kang mangku teges bektine anak maring
biyung sing wis seda yakuwe amal sholeh.