Kelas/Semester : IX/Gasal Kompetensi Dasar : Memahami cerita wayang Ramayana lakon Anoman Duta Materi : Cerita Ramayana AnomanDuta A. UNSUR INTRINSIK 1. Tema Tema minangka ide pokok utawa permasalahan utama kang ndhasari lakuning carita. 2. Setting Setting minangka latar belakang kang mbiyantu cethaning lakuning carita. Setting ngemot wektu, papan/panggonan, sosial budaya. 3. Punjering carita (sudut pandang) Sudut pandang diperang dadi 3, yaiku: a. Pengarang nggunakake sudut pandang tokoh lan tembung sesulih wong kapisan (kataganti orang pertama), nyritakake apa kang dilakoni, lan ngetokake rasa pangrasane dhewe kanthi tembung-tembung dhewe. b. Pengarang nggunakake sudut pandang tokoh bawahan, dheweke luwih akeh ngamati saka sanjabane carita tinimbang sajroning carita.
Pengarang biayasane nggunakake tembung sesulih wong katelu (kata
ganti orang ketiga). c. Pengarang nggunakake sudut pandang impersonal, dheweke sanyatane dumunung ing sanjabane carita, mung sarwa nyawang, ngrungokake,lan ngerti. Dheweke nyawang tokoh nganti tekan sajroning pikiran lan atine. Mula pengarang ing kene bisa nyritakake rahasia batine tokoh. 4. Alur/plot Alur/plot yaiku rerangkening/ cengkoronganing prastwa/ kadadeyan. Alur diperang dadi 2, yaiku alur maju (progresif) yaiku yen prastawa iku lumaku kanthi trep-trepan adhedhasar kronologi tumuju ing alur carita. Dene alur mundur (flash back progresif) yaiku dumadi saka kang ana sesambungane karo prastawa kang lagi dumadi. 5. Penokohan Penokohan iku nggambarake karakter kanggo paraga/ pelaku. Paraga bisa dingerteni karaktere saka tumindake, ciri fisike, lingkungane, lan sapiturute. 6. Gaya Bahasa Gaya bahasa yaiku gaya kang digunakake ing carita. B. UNSUR EKSTRINSIK Unsur iki ngemot latar belakang penciptaan, sejarah, biografi pengarang, lan sapiturute, sanjabane unsur intrinsik. Gatekna carita Wayang Ramayana ing andhap menika kanthi permati!
Anoman Duta (1)
Anoman menika jejering rewanda ingkang awarna seta, pramila Anoman ugi winastan Rewanda Seta. Piyambakipun putranipun Bathara Bayuingkang patutan kaliyan Dewi Anjani. Ibunipun Anoman inggih menika Dewi Anjani, sedherekipun Subali saha Sugriwa. Nalika kautus dening Raden Ramawijaya, lampahipun Anoman nemahi pambengan ingkang matumpa- tumpa. Tanpa kanyana saderengipun, Anoman dipunracun dening satunggaling dewi ingkang suwaunipun kaanggep mitulungi ngantos piyambakipun nemahi wuta. Begja dene wutanipun Anoman kenging kausadani dening garudha satemah waluya jati. Anoman nglajenganken lampah. Dereng dumugi panggenan ingkang dipuntuju, piyambakipun bandayuda kaliyan Wil Kathaksini, rasekasa ingkang nguwaosi samodra ingkang tumuju dhateng nagari Ngalengkadiraja. Uwal saking regemaning ditya samodra, Anoman kasil tumuju Taman Asoka ing nagari Ngalengkadiraja, papanipun Dewi Shinta kasingidaken. Ing taman menika Anoman kepanggih kaliyan Trijatha, putrinipun Raden Gunawan Wibisana punika rayinipun Prabu Dasamuka.Sumerep kaelokanipun Sang Rewanda Seta, Trijatha wuyung, kasengsem dhumateng Sang Rewanda Seta. Lantaran Trijatha Anoman kasembadan pinanggih kaliyan Dewi Sinta. Anoman lajeng nyaosaken kalpika, inggih ali-ali kagunganipun Raden Rama katur Sang Dewi. Pepanggihan menika kasumerepan dening Indrajit, Putranipun Prabu Dasamuka. Anoman lajeng kapikut, kasowanaken ing ngarsanipun Prabu Dasamuka. Nata Ngalengkadiraja murka, Anoman kapidana besmi. Keplasipun Anoman kaobong. Eloking kadadosan, latu kaobat-abitaken ngantos waradin sanagari. Ngalengkadiraja dados karang abang, kajawi Taman Asoka. Paripurna anggenipun ngawuningani Dewi Sinta, Anoman arsa mundur, matur Raden Ramawijaya. Raden Anoman sembada ngentasi karya, dinuta dening Raden Ramawijaya. Dumugi ing tepis wiringing praja, Anoman kepanggih Raden Gunawan Wibisana ingkang kapidhara(semaput). A. Kaserata tembung-tembung ingkang dereng ngertos tegesipun, lajeng
tegesana ngagem kamus utawi diskusi kalih kanca!
B. Kaserata unsur Intrinsik carita “Anoman Dhuta” ing inggil!
C. Diskusi saged lumantar sarana komunikasi upamanipun kaya WA lan
liya - liyane!
D. Wangsulan saged diserat ing kertas, difoto lan dikirimaken