TANAH SUNDA

Tanah Sunda (wibawa) gemah ripah (tur éndah)

nu ngumbara suka betah
Urang Sunda (Sawawa) sing Towéksa (percéka)
nyagga darma anu nyata

Seuweu Pajajaran
muga tong kas'maran
sing tulatén jeung rumaksa
miara pakaya
mémang sawajibna
getén titén rumawat Tanah Pusaka

Titén kana (pakaya), harta banda (pusaka)

mo' kaduhung waktu jaga
Anu lian (mo'wasa) moal bisa (rumaksa)
ngatur ngolah jeung ngariksa

Gembleng sauyunan
singkil babarengan
ngangkat darajat Ki Sunda
Sunda kukuh kuat
diraksa dirumat
pasti jembar wibawa Indonésia
Karatagan Pahlawan

Teu honcewang sumoreang

Tekadna pahlawan bangsa
Cadu mundur pantrang mulang
Mun maksud tacan laksana
Berjuang keur lemah cai
Lali rabi tur tegang pati
Taya basa menta pamulang tarima
Iklas rido keur korban merdeka

Sinatria danalaga
Bela bangsa jeung nagara
Dibarengan tekad suci
Berjuang keur lemah cai
Teu ngingetkeun ka dirina
Asal nagri bangsa waluya
Kadar jembar raharja mukti wibawa
Gembleng tujuan Pahlawan Bangsa
 CINTA NUSA

Indonesia gemah ripah loh jinawi

Alam endah hejo ngemblok sugih mukti
Subur tutuwuhan
Beunghar pepelakan
Daun hejo ngemploh karaharjaan lemah cai
Kakayon tumuwuh Subur pajangkung-jangkung
Petetan ngawujud sirung pagulung-gulung
Piraku rek rela
Piraku rek tega
Alam anu ngemploh hejo pinareng
Ngarangrangan teu kariksa
Tutuwuhan nutup alas bandawasa
Tatangkalan nutup gunung ngambah reuma
Peryoga dijaga
Diraksa diriksa
Kakayon mangfaat sumber kahirupan bangsa
Mamala tangah ngeblak nuntun gimir ketir
Bahaya gunung urug padataran banjir
Rampah pada dokoh
Samakta sosoroh
Ngagarap tanah ngeblak dipelakan
Tatangkalan hejo ngemploh
Pahlawan Toha

Laras: Pelog atawa Degung

Gerakan: Sedeng
Rumpaka: A. Pemana

Getih suci nyiram bumi

Tulang setra mulang lemah
Babakti nyumkem pertiwi
Cikal bugang putra bangsa

Nyatana Pahlawan Toha

Pahlawan Bandung Selatan

Patriot ti Dayeuh kolot

Tugu ngawangun ngajadi ciri
Tarate mangkak ligar di taman
Jadi bukti gugurna Pahlawan Toha
Mojang Priangan

Angkat ngagandeuang
Bangun taya karingrang
Nganggo sinjang dilamban
Mojang priangan

Mun di erok denok

Mun disanggul ayu
Mun disinjang lenjang
Mojang priangan

Diraksukan kabaya
Nambihan cahayana
Dangdosan sederhana
Mojang priangan

Umat-imut lucu
Sura-seuri nyari
Larak-lirik keupat
Mojang Priangan

Mojang ti Priangan
Lucu sae atikan
Sae basa sopan
Mojang Priangan
Es Lilin

Es lilin mah didorong-dorong

dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi

Es lilin mah ceuceu buatan Bandung

dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi

Itu saha dunungan nu nungtun munding

digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan

raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah geuningan ngaitkeun kincir

ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan
MOBIL BUTUT

Penyanyi : Bungsu Bandung

Mobil butut kaluaran baheula

Sajaman jeung bedil sundut harita
Ayeunamah mobil butut geus carang
Nambangan ge di kota ge geus di larang

Dut durut dut dut

Mobil maju na ngidul
mogok di jalan radiatorna ngebul
Kenekna turun nyiuk cai di solokan
Mobilna nginum jiga kebo di mandian
TALAK TILU

Penyanyi : Bungsu Bandung

Mana nyeri nyeri nyeri teuing

Ceurik ati di tambelakan
Henteu benang ku disabaran
Aduh alah ieung
Tega teh teuing

Indit sore tulunyungna subuh

Abdi tunduh mukakeun tulak
Batin nyeuri ceurik sorangan
Aduh alah ieung
Tega teh teuing

Nyeri-nyeri moal benang di ubaran

Kajen tutumpuran paeh ge teu panasaran
Mempeng ngora keneh
Mempeng urang can batian
Pek geura serahkeun
Talak tilu sakalian

Henteu butuh lalaki curaling

Boga rasa asa ieu aing
Henteu robah teu eling-eling
Aduh alah ieung
tega teh teuing
MAWAR BODAS

Penyanyi : Yayan J

Mapay jalan satapak

Ngajugjug ka hiji lembur
Henteu karasa capena
Sabab aya nu diteang

Hujan angin dor dar gelap

Hunteu aya keur ngiuhan
Sanajan awak rancucut
Teu paduli kajeun teuing

Nu penting mah asal nepi

Ka tempat anu di tuju
Rek ngalongok mawar bodas
Nu moal lila ka ala

Sugan tea moal gagal

Kembang geus aya nu boga
Balik teh asa hoream leumpang ge asa ngalayang

Teu kasawang ti anggalna

Teu kapikir ti tadina
Lamun bakal nyeri hate
Hoream teu sudi teuing
Mikiran pipanyakiteun
Mikiran pipanyakiteun

Diposting oleh Ibing Berg di 2