LAPORAN DRAMA BASA JAWI

“JOKO CENTIL”

Disusun Dening :

Kelompok 2
Anggota :

1. Aprilia Listyaningrum (03)

2. Desi Rahmawati (08)
3. Dewi Pertiwi (09)
4. Hanif Ardhiansyah Yudith (12)
5. Istifa Datul Umrah (15)
6. Mathias Hary Pradana (20)
7. Medica Aulia Bakara (21)
8. Meta Kristiana Prasiska Dewi (22)

Kelas : XII IPA 2

SMA NEGERI 1 MAOS

 TAHUN PELAJARAN 2017/2018

Paraga :

1. Narator = Medica
2. Joko Centil = Hanif

3. 6 Bidadari
a. Bidadari Abang = Mathias
b. Bidadari Jingga (Oren) = Meta
c. Bidadari Ijo =April
d. Bidadari Biru = Istifa
e. Bidadari Nila (Jambon) = Dewi
f. Bidadari Ungu = Desi

4. Biyunge Joko Centil = Desi

5. Bu Bidan = Meta
6. Pak Rt = Dewi
7. Bu Rt = April
8. Bopo Bidadari = Hanif
9. Ratu Bidadari/Ratu Mei = Istifa
10. Pangeran Karta = Mathias

(Musik = Suara Gamelan)

BABAK 1 (Musik = terapi dan relaksasi otak)

Ing jaman gemien dikisahna wonten kahyangan kang endah jenenge Kahyangan
Meikarta. Ing Kahyangan Meikarta wonten widodari ayu kang cacahe 7, jenengane Widodari
Abang, Oren, Kuning, Ijo, Biru, Nila, lan Ungu. Nanging, salah siji widodari mau yaiku
Widodari Kuning sampun rumah tangga lan saiki lagi honey moon nang negara Afrika Selatan.
Ing sawijining dina, para widodari kang lagi sibuk dhewe-dhewe mulai ngrasa bosen, sidane
para Widodari njaluk ijin marang Bopo Widodari arep jalan-jalan marang Bumi.

Bidadari Abang : “Eh, eh, eh para dulur, bosen ora sih nang kayangan bae?.” (karo mbagi
kartu poker)

Bidadari Oren : “Iya koh, ujar-ujare narapidana mbok, dikurung bae.”(rai nesu).

Bidadari Ungu :“Ssssttttt, aja seru-seru mbok Bopo krungu, engko dikespret musbeng.”
(karo nglabang rambute Oren)

Bidadari Ijo : “Ih, aku ana ide lur. Mending dewek jalan-jalan medun meng bumi.
Mbok ketemu anoman versi ganteng, cuci mata lah sekali-kali.”

7 Bidadari : “Setuju, setuju.”

Bidadari Biru : “Tapi sapa jajal sing gelem ijin meng Bopo ?”
Bidadari Nila : “Ungu bae kueh ungu, anak ragil sing paling dieman.” (karo sibuk
pokeran)

Bidadari Ungu : “Hiihh, wani-wanine pada koh....”

7 Bidadari : “Caiirrrrrrrr.”

Bidadari Abang : “Gagean nganahlah, usah protes koe.” (njorogna nila)

Bidadari Nila : “Apaan sih (mliriki Abang), cepetan nganah ngu!”

Sawise iku, Widodari Ungu langsung ijin maring Bopo. Nanging, Widodari Ungu ora
wani ngomong dewek. Urung tekan panggone Bopo, Widodari Ungu mbalik maning.

Bidadari Ijo : “ Eyalahhh, mbalik maning koe ya.”

Bidadari Ungu : “ Aku wedi yu. Yuh lah batiri.”(rai melas, arep nangis)

Bidadari Biru : “Nil batiri nil, koe mbok ragil keloro, manut, awas koe. Janji mbalik turu
kandang ayam nganah.”

Bidadari Nila : “ Nasib, nasib. Yuh lah ngu, manut bae, timbang dikutuk.”(rai nesu)

Bidadari Ungu lan Nila banjur lunga nemoni Bopo.

Bidadari Ungu : “Sugeng Enjing Bopo.” (karo sedeku)

Bopo : “ Sugeng Enjing.”

Bidadari Nila : “ Kita bade nyuwun ijin, kesah dateng Bumi numpak pelangi, Bopo
ngangsalaken nopo mboten ?”

Bopo : “ Arep ngapa? engko gari kesasar, ora bisa bali, urung mbojo luh...”

Bidadari Ungu : “ Nggih mboten Bopo, kan kalih yayu-yayu.”

Bopo : “ Ya wis nganah, pokoke aja bali sendekala merga pelangine wis ilang.”

Bidadari Ungu, Nila : “ Nggih, matur nuwun Bopo.”

(Musik = Suara gamelan)

BABAK 2

Para widodari banjur mabur menyang bumi sarana pelangi (Musik = Suara Angin). Ing tengah
ndalan para widodari weruh kali kang banyune bening banget. Sidane para widodari mudun ing
kali iku banjur adus.

(Musik = Suara air dan burung liar di alam)

Bidadari Abang : “Wah jebule banyu ing bumi iki seger yo.”

Bidadari Oren : “Iya mbakyu, banyune ya resik.”

Bidadari Nila : “Update ah....” (karo nguripke HP)

Bidadari Biru : “Pesbukan wae..” (rai sirik)

Bidadari Ijo : “Alah, ya wis jorna.”

Bidadari Nila : (karo ngetik) “Byur byur adus, gosok gosok adus, bersama Kang
orjolangu di kali Ciliwung Bumi, bagikan.”

Bidadari Biru : “Opo kuwi kang orjolangu barang.”

Bidadari Ijo : “Eh sampeyan arep adus karo kang orjo sing ambune langu sing omah
wetan kali kae?”

Bidadari Nila : “Ngawur, artine iki kuning abang oren biru ijo nila ungu.”

Bidadari Oren : “Owalah, yo sekarep-karepmu lah dik.”

Bidadari Ungu : “Eh sedurunge bali menyang kahyangan jajal mlaku mlaku disik yo.”

Bidadari Ijo : “Iyo mbakyu aku kepengin ndeleng kahanan ing bumi langsung.”

Bidadari Biru : “Hayo sopo ngerti ketemu cogan.”

Bidadari Nila : “Setuju mesti cowo-cowo ing kene bening-bening lan apik kanggo
kesehatan mata.” (karo kedip-kedip)

Bidadari Ungu : “ Iya, Bening-bening sebening cintaku marang Kakang Jarwo.”

Bidadari Biru : “Eh, kowe iki esih cilik, ra patut ngomongi cinta.”

Bidadari Oren : “Banyu kali mandege ing segoro.” (karo nyanyi)

Bidadari Abang : “Sttt aja rosa-rosa. Mengko nek ana sing krungu pie jal”

Bidadari Nila : “Pancen sok-sokan kowe kaya suarane apik wae.”

Bidadari Oren : “Helehhh, kowe kabeh pada ora ngerti, aku iki reinkarnasine Nike Ardila.

(Musik = Nike Ardila, Suara hatiku)

Bidadari Ijo : “Wis wis lah.”

(Musik = Suara air terjun)

Ing bumi ana Jaka Centil kang lagi repek, ora sengaja dheweke weruh para widodari lagi
adus. Banjur Joko Centil mikir sing ora-ora, dheweke pengen ndadekna salah siji bidadari mau
bojone.

Jaka Centil : (intip-intip) “Wah...sapa kuwi? Ayu tenan rupane. Apa iki wektune aku
ketemu jodohku. Wah aku kudu kenalan kieh, tapi kepriwe yah? Oh aku
ngerti, tak jupuk bae slendange. Trus slendhang sing endi yah? Iki wae lah.
Pilihan hati ora bakal tau salah gaes.” (banjur umpetan)

Para widodari ora sadar yen ana Joko Centil sing lagi njupuk slendang. Para widodari
guneman bae nganti kelalen yen wektu wis sore.

Bidadari Ijo : “Dewek ora iso mlaku mlaku dulur, amarga yen pelangine iki wis ilang
mengko dewe ora iso bali menyang kahyangan.”

Bidadari Biru : “Selain kui dewe yo kudu ngati-ati karo wong bumi iki.”

Bidadari Nila : “Iyo bener, wis ayo cepet-cepet mentas mbok mengko kesoren.”

Sawise para Widodari mentas saka sumber. Para Widodari njupuk slendhang dewe-dewe.

Bidadari Abang : “Ana sing ngerti slendangku ora?”

Bidadari Oren : “Mau koe delah nang ngendi?”

Bidadari Biru : “Iya jajal dieling-eling disik.”

Bidadari Abang : (nuding watu gedhe) “Ing watu gedhe kuwi, bareng kowe-kowe kabeh”

Bidadari Ijo : “Aduh jangan-jangan ilang.”

Bidadari Biru : “Apa? ilang?”

Bidadari Nila : “Jajal goleki sing tenanan”

Bidadari Ungu : “Iya paling keno angin kabur.”

Bidadari Oren : “Yen slendange mbakyu Abang ora ketemu mengko ora bisa bali
menyang kahyangan.”

Bidadari Biru : “Jajal nil, WA Bopo.”

Bidadari Nila : (mbukak HP) “O M G, kuotaku entek mbakyu.”

Bidadari Abang : “Aduh lur kepiye iki aku wedi tenan.”

Bidadari Oren : “Uwis aja pada geger mendingan ayo goleki bareng-bareng.”

Bidadari Ijo : “Iyo bener wektune mepet.”

Bidadari Biru : “Siap.”

Bidadari Nila : “Waduh pelangine arep ilang.”

Bidadari Ungu : “Piye sedulur dewe mosok arep ninggalke Mbakyu Abang nang kene.”

Bidadari Oren : “Tapi nek dewe ora lungo mengko dewe ora bisa bali.”

Bidadari Nila : “Ya wis mending dewek munggah, mengko ing kahyangan njaluk tulung
Bopo.”

Bidadari Abang : “Duh lur aja tinggalke aku.”(nangis)

Bidadari Ijo : “Ngapurane mbakyu aku lan para sadulur kudu lunga saiki.”

Bidadari Abang : “Dulur, aku ojo ditinggal dewe”

Para widodari ora iso nemokake slendang duweke Widodari Abang. Banjur widodari
cacah 5 kui pada bali menyang kahyangan. Widodari Abang kudu goleki slendange nganti
ketemu banjur iso bali menyang kahyangan.
Bidadari Abang : (nangis) “Ana ngendi slendhangku ya?”

Jaka Centil : “Deneng kowe kok sedhih banget?”

Bidadari Abang : “Aku kelangan slendhang, apa kowe ngerti?”

Jaka Centil : “Aku ora ngerti. Jenengku Jaka Centil, omahku ana ing desa kulon. Sapa
jenengmu?” (ngajak salaman)

Bidadari Abang : “Aku Abang, aku kesasar nang kene lan arep nggoleti slendhangku”

Jaka Centil :“Yen kowe gelem, kowe olih nginep nang omahku. Sesuk esuk
tekrewangi nggoleti slendhangmu kuwi”

Bidadari Abang : “Wah...matur nuwun Jaka Centil”

BABAK 3 (Musik = Suara gamelan)

Ing kahyangan Meikarta para Widodari ngadep maring Bopo, banjur ngomong yen
slendange Widodari Abang ilang.

Bidadari Nila : (rai melas) ”Bopo ngapuntene, Mbakyu Abang mboten saged wangsul
merga slendange ical.

Bopo : “Sumprit ?” (kaget)

Bidadari Ijo : “Saestu Bopo.”

Bopo : “Hahahahahaha, akhire lunga juga kae wong.”

Bidadari Ijo : “Bopo krungu ora si, dewek ngomong apa?” (karo krisik-krisik)

Bopo : “Krungu.”

Bidadari Oren : “Lah, kenging nopo Bopo bungah?”

Bidadari Biru : “Mbok nggih mbakyu dipuntulung, Bopo.”

Bidadari Oren : “Sesampunipun Ibu seda, Mbakyu Abang sampun kados Ibu kangge kito
Bopo.”

Bopo : (kesuh, menyat saka singgasanane) “Abang kui jan-jane u...”

(urung rampung ngomong, Bopo langsung dicegat nang pengawal)

Bopo : “Wis, siki koe kabeh pada lunga meng kamar.”

Bidadari Ungu : “ Nggih sampun Bopo, kita pamit.”

Sawise iku, para widodari metu, banjur meng kamar karo ngrumpi lan bingung.

Bidadari Nila : “Mesti ana rahasia gede sing ditutup-tutupi Bopo.”

Bidadari Oren : “Ra usah di pikiri bae.”

Bidadari Ijo : “Yo bener, mending turing bae yuh.”

6 Bidadari : “Yuh.”

BABAK 4 (Musik = suara gamelan)

Ing bumi, Joko Centil ngajak Widodari Abang bali menyang umaeh. Tekan umah,
biyunge Joko Centil kaget lan kesuh, merga Joko Centil ora gawa suluh tapi gawa bali bocah
wedon.

Joko Centil : “Assalamu’alaikum, yung.”

Biyunge Joko Centil : “Wa’alaikumsalam. Ya engko sedela.” (mbukak lawang lan kaget). “Sapa
kue til?”

Joko Centil : “Batirku yung, Abang jenenge. Dheweke lagi kesasar, banjur tek gawa
ngeneh.” (melbu umah lan njagong nang mbale)

Biyunge Joko Centil : “Lah ndi sulueh, biyung urung njangan kieh.”

Joko Centil : “Oh iya tek tinggal yung, kelalen koh, ngapurane.”
Biyunge Joko Centil : “Dasar bocah durhaka koe yah!, diprentah nang wong tuwa koh kaya
kue.”

Joko Centil : “Ngapurane yung. Batirku ulih turu kene mbok yung?”

Biyunge Joko Centil : “Ra usah ngeres pikiranmu! Ulih turu kene tapi aja turu karo koe.”

Joko Centil : “Lah sapa sing ngeres. Aso bae luh yung.”

Bidadari Abang : “Matur nuwun nggih bu.”

Biyunge Joko Centil : “ Ya lah.” (rai mbesengut, ora seneng)

BABAK 5 (Musik = suara gamelan)

Ing bumi Bidadari Abang rekasa pisan, merga biyunge Joko Centil nyiksa Bidadari
Abang nang mburine Joko Centil. Esuk-esuk Jaka Centil lagi repek nang alas dene Bidadari
Abang lagi ndeleng TV banjur biyunge Joko Centil kesuh.

Biyunge Joko Centil : “Eh, eh kowe iki ra duwe isin banget yah, ngerti-ngerti numpang nang
gone wong, ko malah asik deleng TV.”

Bidadari Abang : “Ngapunten Ibu, lajeng kula kedah pripun?”

Biyunge Joko Centil : “Kieh klambine dikumbaih.” (mbalangna klambi) “Bar kue trus umaeh
disapuni, dipel, trus gari masak, nek wis beres gari mijeti nyong.
Hahaha.”

Bidadari Abang : “Dasar lu nenek lampir.” (suara lirih)

Biyunge Joko Centil : “Apa?”

Bidadari Abang : “Mboten Ibu, wau wonten Anoman mabur.”

Biyunge Joko Centil : “Edan. Wis cepet dirampungna, awas ya nek ora beres.”

Bidadari Abang : (rai nelangsa) (Musik = Eta terangkanlah)

BABAK 6

Wis ana 3 dina Widodari Abang urip bareng karo Jaka Centil. Jaka Centil mulai ana rasa
marang Widodari Abang. Akhire Jaka Centil langsung nglamar widodari Abang.
Jaka centil : (ndelengna widodari abang) “Ayu tenan koh jan “ (nggrenyem)

Widodari Abang : “Apa? Aku ayu?”

Jaka centil : “Oh ora, mau pas lagi repek aku ketemu batir sd jenengane Ayu.”

Bidadari Abang : “Oh kaya kue.”

Jaka centil pengin ngungkapna perasaane maring Widodari Abang, tapi angel banget goli
ngomong.

Jaka centil : “Bang…..ehmmmm “

Abang : “Dalem, ana apa janeh til?” (mulai penasaran)

Jaka centil : “ehmm … kepriwen yah? Jan..” (gelisah)

Abang : “enten nopo sih til? Di omongaken mawon til mboten nopo-nopo koh”

Jaka centil : “iya bang, huuuufff (buang nafas) sebenere ya aku kuwi seneng marang kowe
kawit dewek ketemu nang kali wingi. Ternyata kali iku ora mung dadi sumber
uripe manungsa, nanging uga dadi sumber cintaku marang koe, eyaaa. Aku pengin
kowe dadi pendampingku selawas-lawase bang.”

Abang : “hah….. apa til? njajal ulangi maning.” (ekspresi kaget tapi Mandan alay)

Jaka centil : “Aku pengin kowe dadi bojoku, gelem ora?” (le ngomong nang kupinge bidadari
Abang)

Abang : “ehmmm, ora bisa til.”

Joko Centil : “Apa?”

Abang : “Maksude ora bisa nolak lamaranmu. Eyaa.” (Musik : Kuch Kuch Ho ta Hai)
Jaka centil : “Alhamdulillah, yo wes lah sesuk bae akade. Siki aku arep meng gone Pak Rt,
njaluk tulung supaya dheweke gelem dadi penghulu.”

Abang : “Eyalah ngebet banget koh til? Ya wis nganah ati-ati, pokoke aja ngasi calon
bojoku kenangapa-apa.”

Jaka centil : “Aku sepet, koe cantik. Lewih cepet, lewih apik. Yo wes aku pamit disit yang.”

Abang : “Apa iku yang?”

Jaka Centil : “Yang iku Sayang. Eeyaa.” (karo kissbye)

Sawise lamarane diterima, Joko centil langsung lunga maring umaeh Pak Rt.

Jaka centil : “Assalamu'alaikum... Pak RT, nang umah ora?”

Pak RT: “Wa'alaikumsalam, oyyy. Sabar-sabar.”

Jaka centil : “Nggih Pak”

Pak RT: “Eh, koe. Sapa si yah?” (karo ngajak mlebu Joko Centil)

Joko Centil : “Joko Centil Pak.” (karo njagong)

Pak Rt : “Eyalah iya yah. Kelalen koh, maklumlah putune wis wolu. Eh koe kan sing
gemien umbelen bae mbok ya ora mari-mari. Wah malah siki gagah pisan. Wis
duwe calon urung kueh?”

Jaka centil : “Hehehe. Nggih pak genah tujuanku meng ngeneh, arep njaluk tulung
panjenengan, dadi penghulu nang nikahanku Pak.”

Bu RT : “Sapa sih tamune pak?” (ijig-ijig teka)

Pak RT : “Owh iki bu Jaka centil lagi pengin dolan”

Bu RT : “owh yaya, arep ngombe apa ?”

Jaka centil : “Mboten usah repot-repot Bu.”

Bu RT : “ya wis lah kebeneran, ndilalah pancen lagi nana gulane.”

Jaka centil : “Nggih bu, kula ngertos. Oh nggih pripun Pak Rt, panjenengan purun mboten?”

Pak RT : “Kapan si acarane?”

Jaka centil : “ngenjang Pak.”

Pak RT : “wele weleh ndadak temen sih acarane, kowe pancen wong lanang sejati, yo wes
aku gelem, tapi sing paling penting amplope.” (karo ngedip-ngedipna mata)

Jaka centil : “hhhh, urusan gampang niku pak, kaya karo sapa lah.” (nyenggol pak Rt)
 Sawise bali saking umaeh Pak Rt, Joko Centil nyuwun ijin marang biyunge kang lagi
sante-sante ndelang rumpi no secret.

(Musik = Suara tayangan rumpi no secret)

Joko Centil : “Yung, aku pengen ngomong serius.”

Ibune Joko Centil : “Nglindur opo kowe? Sekolah ora tamat SD sok-sokan arep ngomong
serius. Engko kecetit kue ilate, obate larang luh.” (nada ngejek)

Joko Centil : “Yung, aja ngaseng gelut. Aku iki pengen mbojo yung.”

Ibune Joko Centil : “Hahaha, ora salah krungu aku, umurmu iki wis lewih kang setengah
abad, gawean ya mung repek. Arep ngempani anak bojo karo apa? Karo
cinta? Mangan kueh cinta. Wareg?”

Joko centil : “Iya yung karo cinta. Sing maune kencot, krasane dadi wareg, sebab cinta
itu buta.”

Ibune Joko Centil : “Helehhh, edan. Emang sapa calone?”

Joko Centil : “Si Abang bu.”

Ibune Joko Centil : “Apa? Ora bisa. Pokoke ora.”

1 menit kemudian. (Musik = Suara detak jam)

Ibune Joko Centil : “Sawise tek pikir-pikir maning. Ulihlah ger koe mbojo karo Abang.
Lagian aku iki wis tuwa, sedurunge aku mati kepengen rasane nimang
putu. Terus, nek karo Abang mbojone, ra perlu lah mas kawin sing larang-
larang.”

Joko Centil : “Alhamdulillah. Kesuwun yung. Nikahane ngesuk yung, siki rika siap-
siap.”

Ibune Joko Centil : “Gampang..”

Dina sesuke, acara sing ditunggu-tunggu yaiku Akad. Joko Centil banget ndledege merga
dheweke arep ngucapna ijab, lan sawise niku, dheweke bakal dadi bojo dunia akhirat karo
Widodari Abang.
Jaka centil : “Iyalah jan rasane dadaku arep copot, kepriwe kie” (Jaka centil mulai gelisah)

Abang : “Sante bae loh til. Yuh tarik nafas, buang nafas, tarik, tahan, tahan terus, buang.
Wis lumayan mbok?”

Jaka centil : “Wis, kesuwun ya. Kowe iki ya..” (Musik = Lagu Sempurna)

Pak Rt : “Jaka Centil wis siap urung?”

Jaka centil : “insyaallah siap” (suara lantang)

Pak Rt : “ya wis yuh dimulai. Bismillahirrohmanirrohim. Saya nikahkan Jaka centil bin..”

Ibune Joko Centil : “Paijo.”

Pak Rt : “bin Paijo dengan Abang binti...”

Joko Centil : “Jarwo.”

Pak Rt : “binti Jarwo dengan mas kawin...”

Ibune Joko centil : “suluh satus biji.”

Pak Rt : “dengan mas kawin suluh satus biji (bingung, Joko centil lan biyunge mantuk
mantuk) dibayar tunai.”

Jaka centil : “Saya terima nikah dan kawinnya Abang binti Jarwo dengan mas kawin suluh
satus biji dibayar tunai.”

Pak Rt : “gimana saksi?”

Saksi (Istifa) : “jelas sah lah”

Jaka centil : “alhamdulillah”

Banjur kabeh tamu pada salam-salaman

Abang : “Alhamdulillah til ijab qobule lancar.”

Jaka centil : “Iya, merga kowe wis dadi bojoku, mulai siki aja nyeluk aku nganggo jenengku,
nanging celuk aku Kakang.”

Abang : “Siyap kakang.”

Joko Centil : (mesem)

BABAK 7
 Wis 9 wulan anggone Joko Centhil rumah tangga karo Widodari Abang. Kehidupane Jaka
Centhil karo bojone ayem tentrem baen ora nana masalah apa-apa. Ing sawijining dina Jaka
Centhil diajak bojone maring mol tuku perlengkapan bayi amarga bojone joko centhil lagi
meteng 8 wulan.

Bidadari Abang : “Kang, kae sarapane uwis mateng, yuh sarapan disit”(karo mesem
mesem)
Joko centhil : “Oke.. yuhh (karo nggandeng bojone)
Bidadari Abang : “Kang, yuh pada maring mol tuku perlengkapan calon anake dewek, dela
maning mbok lahir kie?”
Joko centhil : “Maningmu mbok tembe 8 wulan, koh delamaning lahir mikir apa koe
dik dik. Terus maring mol maning, mol kue adoh.” (karo geleng geleng)
Bidadari Abang : “Kan nggo nyiapna men ngesuk nek wis wulane dadine wis ayem ora
lunga lunga maning loh.”
Joko centhil : “Oh iya yah betul juga. Tapi apa ora kadohen maring mol?”
Bidadari Abang : “Ora lah, kan sekalian jalan jalan, ngapa nang umah baen tulih bosen.
Wong hamil kue kudune butuh refreshing men ibu lan anak sing dikandung
ora stress”
Joko centhil : “Ohh dadi kaya kue yah. (karo mantuk mantuk) Ulih ilmu kang endi koh
kue kayong kayonge joss temen?”
Bidadari Abang : “Biasa kang ibu ibu sing pada blanja nang tukang sayur pas isuk isuk kae
loh. Yo wes tunggu ya kang, aku tak dandan disit.”(melbu kamar)
1 jam kemudian (Musik = Suara detak jam)

Joko centhil : “Genaeh kie sida blanja apa ora? Wis awan soale ngko keburu panas”
Bidadari Abang : (metu kamar) “Aduh, kang mas wetengku kok mules ya.”

Jaka Centil : ( Semaur karo glewean ) “Mules nang apa? Belet ngis ya hehehe.”

Bidadari Abang : ( Kelara lara karo nyekeli weteng ) “Duh mas lara mas, lara pisan kie tulung.”
Jaka Centil : ( Panik lan nyeluki ibune ) “Yung, rika nangendi yah? Minggat apa?”

Ibu : “Ana apa til?”

Jaka Centil : “Iki lho yung, bojoku nang apa? rika ngerti ora?”

Ibu : “Eyalah, nangapa kiye, lairan sewulan maning koh. Ora kepengin meng
kamar mandi kueh?”

Bidadari Abang : “Mboten bu, kulo mboten pengen BAB.” (karo nyekeli weteng)

Ibu : “Owalah, ya wis til cepetan golet dukun bayi.”

Sawise diprentah neng biyunge, Jaka Centil langsung muteri desa kanggo golek dukun
bayi lan langsung dijaluki tulung kanggo mbantu bojone lairan.

Jaka Centil : “Yung kie yung dukune, dukun bayi paling sakti sejagad.”

Ibu : “Ya cepetan ngeneh, langsung kon mlebu bae meng kamar.”

Bidan : “Pundi bu seng badhe lairan, mriki.”

Abang : “Kulo mbah.” ( langsung mancal kasur )

Bidan : “Heh sampeyan sing sopan marang aku ya, aku iki esih 20 tahun, lewih enom
kang rika. Sembarangan!”

Ibu : “Wis lah, yuh bu langsung dimulai.”

Bidan : “Sek sek bu, tek tiliki disit. Wah tesih pembukaan 3 kie. Urung wektune bu,
engko enteni sedela maning.”

Abang : “Aduuuuhhh, lara banget kie yung, bayine gejrol-gejrol baen. Aku wis ra kuat.”

Ibu : “Bu bidan, kepriwe kie? Putuku bakal aman-aman bae mbok. Pokoke rika kudu
nylametna putuku.”

Joko Centil : “Yung, ora usah kaya kue. Pokoke Bu bidan kudu nylametna lorone.”

Ibu : “Sing penting putuku kudu slamet. Tek bayar 10 juta wis.”

Joko Centil : “Pokoke lorone kudu slamet, nek ora, polisi urusane.”

Bidan : (clingak-clinguk, bingung)

Abang : “Stooooooopp. Brisik banget sih. Pada metu ora.”

Bidan : “Saiki ibu kalih Joko centil mekdal rumiyin nggih.”

Ibu : “Iya iya, Ya Gusti mugi-mugi putuku lanang. Aaamiin.”

Joko Centil lan biyunge langsung metu kamar lan nungguni karo deg-degan. Nang njero
kamar, Dukun Bayine usaha sekuat tenaga supaya biyung karo anake bisa slamet.
Abang : “Wis pembukaan pira kie Bu?”

Bidan : “Wah wis bukaan 8 kieh, yuh dimulai baen. Saiki rika ambegan, buang,
ambegan, buang, nek wes enjoy ngegas bae mbak.”

Abang : “Ehmmmm eeeee aaaaa.” (Musik = Suara bayi lahir)

Bidan : “Alhamdulillah, bayine slamet lan waras mba.”

Abang : (pingsan)

Bidan : “Mbak, woyyy. Waduh, mati apa ya? Priwe kie bakalan dipenjara aku. (niliki lan
ngemek nadine) Huuuuhh, jebule mung pingsan.”

Sawise Widodari Abang lairan, Dukun bayi langsung gawa metu bayine kanggo nidokna
marang Joko Centil lan biyunge.

Bidan : “Alhamdulillah bu, mas iki anake sampun lair.”

Ibu : “Alhamdulillah, lanang mbok ?”

Bidan : “Sanes bu, putune njenengan wedon. Sing sabar nggih iki ujian.”

Ibu : “Heehhh. (rai mbesengut, jengkel)

Joko Centil : “Lanang wedon pada bae, sing penting waras slamet yung.”

Ibu : “Koe iki ora ngerti perasaan biyung, gemien aku lan amarhum bapakmu pengen
banget anak wedon, eh malah metune lanang. Mula, koe tek jenengi Joko centil.”

Bidan : “Aaduhhhh, brisik banget sih. Kaeh bojone njenengan, Alhamdulillah esih urip,
nanging saiki lagi pingsan.”

Joko Centil : “Apa?”

Joko Centil lan biyunge langsung melbu kamar. Nanging mbarang melbu kamar kabeh
pada gumun lan kaget.

(Musik = Suara kaget)

Bidan : “Astaghfirullah, sapa kue? Mbak Abang apa? Omegat? Dadi lanang sampeyan?
Amit-amit, ihhhh.” (langsung lunga)”

Ibu : “Iyalah gusti-gusti, cobaan apa maning? Eh bu bidan iki amplope.

Bidan : “Ora usah, hihh, lah jangan-jangan rika lanang. Ahhhhhh. Omegattt.”

BABAK 8

Sawise Bidadari Abang ganti wujud dadi wong lanang, kabeh wong pada kaget, apa
maning Joko Centil. Kanggo ngilangna kebingungan, Bidadari Abang banjur nyritakake kabeh
masa lalune.

Joko centil : “Weh sapa koe? Endi bojoku?”

Abang : “Iki aku kakang, aku Abang.”

Joko Centil : “Ora mungkin.”

Bidadari Abang : “Iya kang, aku ra nglomboni sampeyan, aku iki Abang. Kakang, saiki aku
pengen nidokna kabeh rahasiaku marang sampeyan.” (karo mingsek)

Joko Centil : “Wis telat, koe iki pancen ra ngerti bales budi ya, koe wis tak tulung
nang aku, wis tek wei panggon, mangan, sandang, tapi koe nglarani atiku,
koe nglombo marang aku, koe JAHAT !” (suarane rosa, kesuh banget)

Bidadari Abang : “Kakang, rungokna penjelsanku sek, aku ora niyat nglarani kakang, tapi
aku mung pengen ngilangna kutukanku iki.” (karo nangis)

Jaka Centil : “Kutukan? Koe iki ngomong apa? sing genah!”

Bidadari Abang : “Rong puluh tahun kepungkur, aku iki Pangeran Karta saking
Kahyangan Meikarta, aku mbojo karo bidadari yaiku Ratu Mei kang wis
dadi randa, banjur aku dadi Raja Bidadari.”

Ing Kahyangan Meikarta rong puluh tahun kepungkur.

(Musik = Suara gamelan)

Raja Bidadari : (lagi jegang karo HP an ng njero kamar).

Ratu Bidadari : (mlebu kamar gawa wedang) “Iki wedange mas.”

Raja Bidadari : “Hmmm.” (sibuk dewek karo HP ne).

Ratu Bidadari : “Mbok yo, didelah sek HP ne mas.”

Raja Bidadari : “Brisik, ra usah melu-melu, kie urusanku udu urusanmu.”

Ratu Bidadari : (mbesengut, banjur ngrebut HP ne Raja) “Jenifer Dan, loh sapa kui mas?
Iku mesti wong wedon, apa sampeyan selingkuh mas? Aku iki kurang apa
mas? Apa aku kurang ayu? Tegane sampeyan kaya kui marang aku mas?
Apa sampeyan ora tresna marang aku?”

(Musik = Asal kau bahagia)

Raja Bidadari : “Aku iki ra tau cinta marang koe, ora mungkin aku cinta marang nini-
nini lan randa anak siji koyo kowe, ora level. Aku iki mung pengen dadi
Raja lan duweni kekuwasaan, iku alesanku mbojo karo koe. Hahahaha.”

Ratu Bidadari : “Tegane sampeyan mas, nganti saiki aku tesih sabar ngadepi ulahmu
mas. Sampeyan ngantem aku, aku ora bakal nglawan. Sampeyan gentak
aku, aku meneng. Tapi saiki sampeyan wis kebangeten banget mas, aku
wis ra bisa meneng lan sabar. Aku bakal ngomong marang Romo, supaya
kita pegatan lan kedudukanmu dadi Raja bakal dicopot.” (mlayu metu
kamar)

Raja Bidadari : “Hehh, wani-wani koe ya!” (gentak, banjur geret Ratu supaya ora sida
lunga, lan banjur arep ditampong).

Raja Bidadari : “Koe iki sapa, bisa ngatur-ngatur aku kaya kue. Koe iki wong wedon sing
lemah, ora duwe daya, ora bakal bisa nglawan wong lanang. Hahahaha.”

Ratu Bidadari : “Sampeyan mesti kelalen mas, aku iki duwe kesaktian saking Romo bisa
ngutuk sapa bae. Tek kutuk koe mas, Aku pengen koe dadi wong wedon.”
(Musik = Suara petir)

Raja Bidadari : “Aaaaajaaaa.” (ora let sue, Raja langsung ganti wujud) “Kepiye carane
ngilngana kutukan iki ?” (bersimpuh marang Ratu)
Ratu Bidadari : “Koe kudu ngrasakna apa sing aku rasakna. Kui obate mas.” (banjur Ratu
kena serangan jantung lan mati)

Raja Bidadari : “Dik, dik aja mati disit, ilangna kutukanku disit dik. Aku njaluk ngapura
dik, aku nyesel banget dik.” (nangis)

Banjur anak lanange Ratu teka.

Anake Ratu (Hanif) : (kaget lan nangis) “Ibuuuu. Ibu kengin nopo, ibu tangi bu. Weh koe
sapa? koe ngapakna ibuku? Koe sing mateni ibuku yah?”

Bidadari Abang (Mathias) : (meneng bae)

(Musik = Suara Gamelan)

BABAK 9

Dukun bayi sing ngrewangi Widodari abang lairan kaget weruh bidadari abang ganti
wujud. Banjur dheweke langsung mlayu lan lunga maring umaeh Pak RT.

Bidan : “Assalamu’alaikum, Pak Rt, Bu Rt.”

Bu Rt : “Wa’alaikumsalam. Eh bu bidan, ana apa bu?”

Bidan : “Kawat, kawat.”

Bu Rt : “Loh, kawat ya nang toko bangunan bu.”

Bidan : “Ealah, maksude gawat bu gawat.”

Bu Rt : “Gawat ana apa bu? Ayuh mlebu disit.” (mlebu lan jagong)

Bidan : “Bu sampeyan ngerti kan bojone Joko Centil ?”

Bu Rt : “Iya ngerti. Si Abang kan. Ana apa?”

Bidan : “Ternyata, si Abang kuwe jan-jane wong lanang.”

Pak Rt : “Apa?” (banyu sing arep diinum dadi wutah) “Rika sing bener bae, aja ngarang-
ngarang cerita. Masa si Abang kuwe lanang, wong aku sing dadi penghulu nang
nikahane gemien koh. Aku ngerti lan yakin banget nek Abang kuwe wedon.”

Bu Rt : “Pak?” (gumun)

Pak Rt : “Ora kaya kue bu, maksude kueh, si Abang kan bisa meteng. Masa, dheweke kue
lanang. Ngawur lah bu bidan. Tes gelut karo bojone ya?”

Bu Rt : “Brisik. Eh iya bu, lah saiki mbok si Abang babaran, sampeyan mbok sing
mbantu nglairna?”

Bidan : “Iya, temenan pak rt, bu rt aku ra nglombo. Sumpah, wani mati. Eh ora ding.
Ayuhlah meng nganah bae, sampeyan pada ndeleng dewek.”

Bu Rt : “Ayuh, yuh Pak.”

Pak Rt : “Waduh, jangan-jangan si Abang kuwe manusia jadi-jadian. Bahaya kieh. Wis
nganah pada lunga disit, aku tek nyeluk warga.”

Bu Rt : “Oke Pak.” (lunga karo bu bidan)

BABAK 10 (Musik = suara gamelan)

Joko Centil wis ora bisa sabar lan tambah kesuh marang Widodari Abang sawise
dheweke nyritakake masa lalune.

Joko Centil :“Sapa a koe nang masa lalumu, aku wis ora perduli, aku nyesel wis mbojo
karo manungsa jadi-jadian lan biadab kaya koe. Siki koe lunga kang umah
kie selawas-lawase. Gawa sisan kieh anakmu!” (ngewekna bayine).

Bidadari Abang : “Ampun kang, ampun. Aku rela ninggalake kakang lan desa iki selawase,
nanging aku pengen kakang ngapurani aku.” (nangis)

Joko Centil : “Rungokna, aku ra bakal ngapurani koe! Siki koe lunga dewek pa arep
tek seret nang aku?”

Ibune Joko Centil : “Centil, wis dingapurani bae.”

Joko Centil : “Ora yung, aku wegah.”

Widodari Abang banjur lunga karo nangis-nangis, rombongane Pak Rt lan warga weruh
Widodari Abang banjur dipereki.

Pak Rt : “Sapa kae sing metu kang umaeh Joko Centil karo nangis?”
Bidan : “Nah kue Abang Pak Rt.”

Pak Rt : “Masha Allah, gagah banget ya kalingane.”

Bu Rt : “Wis Pak aja kakehan reka. Ayo kita serbu!”

Warga : “Ayoooooooooo” (mlayu mereki Abang)

Pak Rt : “Woyy, aja main hakim sendiri. Nek nganti mati, aku sing kena masalah.”

Bu Rt : “Heh koe Abang mbok.”

Abang : (tambah nangis)

Bidan : “Ngaku baelah ngaku.”

Bu Rt : “Dasar koe ya, manungsa jadi-jadian. Koe iki lanang opo wedon?”

Warga (isti) : “Dukun koeh ya?”

Bu Rt : “Wis yuh gebugi bae.”

Pak Rt : “Stoooooop. Aja main hakim dewek. Nek pada kaya kue, malah rika sing lewih
bejad ketimbang si Abang. Koe iki Abang udu?”

Abang : “Nggih Pak Rt.”

Pak Rt : “Lah koe siki arep maring ngendi?”

Abang : “Kula badhe lunga saking desa niki Pak.”

Warga (isti) : “Bagus, lunga bae nganah lunga. Aja ngasi desa kie kena wabah gara-gara koe
yah!”

Pak Rt : “Sstttt.”

Nalika Widodari Abang arep lunga, krungu Joko Centil nyeluk Widodari Abang saka
mburi, dheweke lagi mlayu nguber Widodari Abang karo biyunge.

Jaka Centil : “Abang, Abang. Engko, aja lunga disit.”

Abang : (noleh karo mesem)

Jaka Centil : “Aku siki wis ngapurani koe.”

Ibune Joko Centil : “Iya cah, aku uga ngapurani koe.”

Abang : (nangis) “Maturnuwun sanget Kang, Bu.”

Ibune Joko Centil : “Iya, nanging putuku aja koe gawa lunga ya. Patang puluh tahun aku
nungguni putu, lan siki aku wis bisa duwe. Dadi aja digawa ya.”

Joko Centil : “Tulung nrima panjaluke biyungku ya, aku ra bisa dadi anak sing bener,
karo cara kie tok aku bisa nyenengna biyungku.”

Abang : “Oh iya kakang, aku malah dadi bungah banget, merga Ibu lan Kakang
bisa nrima anakku.” (ngewehna bayine marang biyunge Joko Centil)

Joko Centil : “Kesuwun. Aku uga nduwe salah marang koe, nganti saiki aku wis
nglemboni koe. Aku sing jan-jane nyolong slendang mu lan ngumpetna
slendangmu supaya koe ora bisa bali menyang kayangan. Aku njaluk
ngapura ya. Kieh slendangmu tek balekna.”

Abang : “Aku wis ngerti Kakang, nalika koe njukut slendangku, aku sejatine
weruh, nanging aku meneng bae. Amarga, aku ngerti iki mesti cara supaya
kutukanku bisa ilang. Malah aku sing kesuwun banget marang kakang.”

Joko Centil : (mesem) “Brarti pancen wis takdire kaya kie. Saiki koe wis udu dadi
bojoku, nanging aku nganggep koe dadi adi lanangku. Lan anakku bakal
nyeluk koe Bapak kaya dene nyeluk marang aku.”

Ibune Joko Centil : “Kowe ora usah kuatir, anakmu iki bakal dirumat nang wong wedon kang
bakal dadi biyunge, merga si Centil bakal tek jodohna.”

Abang : “Nggih ibu, aku yakin anakku mesti seneng urip nang kene. Saiki aku
pamit menyang kahyangan, aku arep nebus kabeh dosaku lan bakal dadi
pangeran kang apik.”

Banjur Widodari Abang mabur menyang kahyangan. Nang Kahyangan Widodari Abang
utawi Pangeran Karta disambut dening dulur-dulure kang cacahe 6 bidadari. Bopo bidadari uga
wis ngapurani Pangeran Karta kang gemien wis mateni ibune. Pangeran Karta nebus dosane
kanthi dadi Pangeran kang becik lan adil. (Musik = suara gamelan)

Sekian.