Inggih suksma ring ugrawakya antuk galah sane katiba ring sikiang titiang

Bapak lan ibu juri sane wangiang titiang taler para pamilet sane tresnasihin titiang. Sedurung
titiang ngelanturan darma wacana puniki, lugrahyang titiang nunas ica majeng ring Ida Sang
Hyang Widhi Wasa, duaning pasuecan ida, wenten sajeroning rahayu, rahajeng ring genahe
punika, melarapan antuk ngaturang pengastungkara panganjali umat
OM Swastiastu
Inggih ratu ida dane sareng sami sane kasumayang titiang, ring rahina ne mangkin titiang jagi
ngelanturang indik darma wacana sane mamurda ”Putra Suputra Pinaka Dasar Ngelestariang
Budaya Bali”.
Inggih ratu ida dane sane wangiang titiang, nganinin indik putra saputra sane mangkin tegesang
titiang “suputra” mawit saking kruna “putra” polih pengater “su”. “Putra” mapiteges oka utawi
pianak, “su” mapiteges becik utawi luih. Dados ipun suputra mapiteges putra utawi oka sane
pinih becik. Madue putra suptra pinaka harta sane pinih utama, nenten wenten nyaingin ring
jagate, sane prasida nginggihin catur guru minakadi:
 Guru rupaka inggih punika rerama utawi orang tua
 Guru pengajian inggih puniak guru sane wenten ring sekolah
 Guru wisesa inggih punika pemerintah, lan
 Guru Swadhyaya inggih punika Ida Sang Hyang Widhi Wasa

Ratu ida dane sane wangiang titiang, tegesan titiang malih sane kabaos putra sane kaucap putra
suputra punika mangda prasida ngelaksanayang sane kebaos Tri Kaya Parisudha sane mungguh
ring sastra agama. Tri Kaya Parisudha inggih punika ajahin darmaning agama hindu sane
kawangun antung tugang kruna inggih punika, kruna “tri” mapiteges tiga, kruna “kaya”
mapiteges gerak utawi parilaksana, lan “parisudha” tegesnyane parilaksane sane kasuciang.
Dados ipun Tri Kaya Parisuha inggih punika tiga parilaksane sane pinih becik utawi luih. Tiga
parilaksana punika minakadi, Kayika Parisudha, Wacika Parisudha, lan Manacika Parisudha
 Kayika Parisudha inggih punika parilaksane sane becik
 Wacika Parisudha inggih punika mebaos sane becik
 Manacika Parisudha inggih punika manah sane becik
Inggih ida dane sane wangiang titiang ring kayika parisudha iraga sepatutnyane parilaksane sane
pinih becik tur prasida ngelaksanayang sane kabaos Darma Agama lan Darma Negara.
Darma agama inggih punika swardamaning I manusa mangda pateh saking sastra-sastra
agama sane nuntun iraga sareng sami maparilaksana sane becik. Sekadi sane kabaos Tri Hita
Karana, minakadi :
 Parahyangan inggih punika keharmonisan manusa sareng Ida Sang Hyang Widhi Wasa
 Pawongan inggih punika keharmonisan manusa sareng manusa, lan
 Palemahan inggih punika keharmonisan manusa sareng lingkungan
 Darma Negara inggih punika swardamaning I manusa mangda pateh saking awig-awig
guru wisesa sane becik. Sane ngaenan jagate puniki rahayu lan rahajeng. Darma Agama lan
Darma Negara punika mangda prasida ngiket para yowanane ring sajebag jagate puniki sane
prasida ngajeging Budaya lan Adat Istiadat agama Hindu ring desa pekraman.
Inggih ratu ida dane sane banget wangiang titiang, ring galahe sane becik puniki banget pengidih
titiang mangda ratu ida dane madue putra suputra sane dados dasar ngukuhin Agama lan Budaya
Bali. Mangda prasida nyidayang maparilaksana sane pateh ring sastra-sastra gama pinaka
penerus utawi pengwaris keluwarga sane becik.

Inggih ratu ida dane sane wangiang titiang, sekadi tetujon ring guru wisesa sane nganinin indik
keluwarga berencana apang prasida ngemolihang putra-putra sane suputra. Dumogi antuk putra
suputra piniki prasida ngelestaring budaya bali umpami : melajah nyurat lan ngwacen aksara
bali, mekekawin, mekidung, taler medarma wacana sekadi mangkin. Nganinin indk punika
ngiring iraga sareng sami, sikiang kayune antuk ngelestaring budaya bali. Mangda nenten iraga
meneg ring bali, nenten uning ring budaya bali.

Inggih ratu ida dane sinamiang sane wangiang titiang, wantah asapunika sane prasida atur
titiang. Mogi-mogi titiang sareng ratu ida dane sinamian setate ngemolihang kerahajengan lan
kerahayuan. Be balung atur ke pura, kirang langkung titiang nunas geng rena sinampura.
Pamuput titiang ngaturang paramasanthi.

OM Santhi Santhi Santhi OM

Wisnu Tri Atmajaya