KUS JAKU IBAN KOHORT 5

Disediaka raban : Biring Menaning

1. Pengajar Magdalene anak Rundom
2. Pengajar Doris anak Charles Kedu
3. Pengajar Jackson Nibang anak Amas
4. Pengajar Martin anak Sandin
5. Pengajar Christina anak Henry Yan Masing
6. Pengajar Emmanuel anak Johnny

PEMANSANG JAKU IBAN

Jaku Iban sigi udah dikena dalam jeman perintah Brooke, perintah Koloni

British, Era Belidar Status (1976-1996) nyentukka Era Akta Pendidikan 1996.

Lebuh maya perintah Brooke, jaku Iban dikena ba sekula misyen Anglika (St.
Paul) di Banting taun 1853. Buda anak Dana (Orang Kaya Pemancha), Iban keterubah
nemu macha enggau nulis dipaduka nyadi ketekist taun 1863.
Ba perintah Koloni British, jaku Iban (Asian Language) diajar ba sekula

sekondari taun 1955 lalu nyadi mata pelajar peresa tikas Sarawak Junior Certificate

(SJC) dikumbai Sea Dayak taun 1957. Taun 1958-1957 dikumbai Era Emas jaku Iban

lalu opis Borneo Literature Bureau mayuh ngeluarka bup bacha dalam jaku Iban.

Dalam era Belidar Status, Jaku Iban dipajakka ngena chara ti enda legal

(admistratif) ketegal ti cherayan lebuh Akta Pelajaran 1961 diteritka kena 1.1.1976 ba

menua Sarawak. Pia mega ba taun 1986, Menteri Pelajar udah besetuju ngemendarka

jaku Iban nyadi mata pelajar tambah ba skim KBSM di Sarawak aja.

1
Akta Pendidikan 1996

Peruntukan (taga) Akta pasal ngajar jaku

Taga akta pasal ngajar jaku, masuk dalam seksyen 2 Akta Pendididikan 1996

netapka sekula primari perintah tauka sekula primari bantu perintah sereta sekula

sekondari perintah enggau sekula sekondari bantu perintah, ti bekaul enggau

infrastruktur (kemudahan) dikena ngajar jaku kaum asli Sarawak (Iban) enti ditemu

pratik enggau logik enti apai indai enda kurang lima belas iku nembiak ba sekula nya

minta. Pengulih ngatur ngajar jaku Iban bepanggai bendar ba Opis Pelajar (KPM)

dalam empat bidang iya nya sukung ari Y.B Menteri, pemisi penatai belanja, kapasiti

professional enggau pengulih dipejalaika. Jaku Iban diajar endang bepanggai bendar

ba pengulih Opis Pelajar (KPM ) ngatur iya.

Belalauka Peraturan-Peraturan Pendidikan (Kurikulum Kebangsaan) 1997

(Atur-Atur Pelajar Kurikulum Bansa 1997) jaku Iban (kaum asli) ulih diajar nyadi

mata pelajar (subjek) tambah ba tikas primari enggau sekondari. Reti nya nembiak

ulih milih iya ngambi subjek nya tauka enda. Pelajar jaku Iban enda ulih nyadi mata

pelajar elektif .

Akta Pendidikan 1996 nyadi Warta Perintah dalam 1997, lalu meri jaku Iban

status legal dalam sistem pelajar bansa. Dalam taun 1996 Unit Bahasa Etnik

ditumbuhka dikena bejalaika atur akta nya tadi.