KEBAKTIN PENGATAKEN BUJUR I BAS

NGEMBAH MANUK MBUR

(KELUARGA DALVIANUS GINTING RAS HITA APRIANI BR TARIGAN)

I. Rende KEE GBKP No.217:1-2

1. Meriahlah ukurta mujikensa, Dibata raja mbelin si mulia
Pe b’linken min gelarna si badia, ban Ia ngerajaisa sinasana
Reff: Maka bujur nge Dibata man pujin, nai nai nari genduari seh pagin
Ban tandaina kita krina sisuin, sembah ia me madin
2. Dagena mari pujilah Dibata, si inget min kerina pemerena
Lah tetap ras megegeh pe tendinta, mehuli me jadina krajang jelma
Reff:….
II. Votum – SalAM
L : Ibas gelar Dibata Bapa, simada kegeluhen, ibas gelar Jesus Kristus sinaluken
kematen ras ibas gelar Kesah Si Badia si mereken pengertin kerna erti kegeluhen ras
kematen.
Perkuah ate ras dame ibas Dibata Bapa, ibas gelar Jesus Kristus ras kerembaken
Kesah Si Badia, ras Kam kerina gelah. Amin
P : Amin…Amin…Amin…
III. BERITA PERBAHANEN DIBATA KEMPAK KEGELUHEN MANUSIA
“Tupung tulan-tulanku ijadiken, alu megermet isusun ibas bertin nandeku, asum rehh
belinna aku ije alu la ise pe metesa, ije pe idaNdu nge aku. Sipuji Tuhan arah KEE
GBKP No. 289:1-3
1) Lalap sikataken bujur, beritaken kemulianNa
Mbelin pemereNa banta puji gelarNa.
Ref : Dibata kap lilinggementa malem ateta,
Tuhan Dibata penalementa penanam-nanam bas geluhta.
2) K’leng ateNa kapen nusur, lalaplah ngataken bujur
Ingetlah pedahNa rusur, segedang umur Ref : Dibata ... rst
3) Adi seh sura-suranta, labo e perban gegehta.
Maka ula kita lupa, Ia m’rekenca. Ref : Dibata ... rst
IV. PUJI-PUJIN ERKITEKEN PERBAHANEN TUHAN SI MBELIN
L. : Turang ras senina enggo tangkas man banta kuasa Tuhan si mbelin, ija
ibas bertin nande tengah jabu enda enggo ijadiken Dibata sekalak anak si jadi
sinursur jabu ras si nambahi keriahen ukur kerina keluarga ras perpulungen.
Sukut : Ipuji kami kam Tuhan ibas kuasandu si mbelin, ijujurindu pasu-pasu man
kami arah mereken tuah ku jabu kami. Kam kap ngenca Tuhan si ngasup erbahan
sibage man kami. Terpujilah Tuhan.
Kalimbubu : Ipuji kami kam Tuhan, sebab enggo idengkehkenndu pertoton
kami, anak kami sidilaki ras si diberu enggo jumpa tuah iabas pemasu-
masunNdu. Terpujilah Tuhan.
Anak Beru : Ipuji kami Kam Tuhan, sabap kam kap si numpak-numpak
perjabun kekelengen kami sidilaki ras sidiberu seh pe ipetunggungNdu ia duana
ngaloken tuah ibas kam nari. Terpujilah Tuhan.
P : Ipuji kami kam Tuhan, sabap kam kap ulu tuah ibas geluh kami.
Terpujilah Tuhan.
L : Mari dage sipuji Tuhan erkiteken kuasa ras pasu-pasuNa arah KEE GBKP
No. 424:1-2

1. Ipuji kami kam, Dibata si mbelin

Alu ende-enden si meria
Suari ras berngi kawali kami min
Segelah la celus bas percuban
 Reff. Sangap kap kalak Si’rnalem bandu e
Daten tuah ras kesenangen pe
Sangap kap kalak si’ernalem bandu e
Daten tuah ras kesenangen pe
2. Dibata sajalah tetap siman pujin
Endeskenlah G’luhta man bana Min
Tetap ia simperdiateken kita min
Kelengna man banta la erkerin....reff
V. KOTBAH
VI. PENGGAKUN KINITEKEN
VII. PERSEMBAHEN PENGATAKEN BUJUR
Kata Dibata Kerna Persembahen: Sekalak-sekalak iberekennalah sue ras si enggo
itetapkenna ibas ukurna, ula alu pusuh jungut-jungut tah pe bagi si terpaksa, sebab
Dibata engkelengi kalak si mere alu ukur meriah. (2 Korinti 9:7)
Rende KEE GBKP NO. 471
Ermengkah ukurku ras ngataken bujur Tuhan
Kelengi min aku kam empu geluhku
Enda ngenca tuhan persembahenku
Kerina geluhku kesah ras kulangku
La kap lit bas aku erta kebayaken
Si cukup meherga lah ku persembahken
Sada ngenca tuhan lit pemindonku
Aloken min tuhan persembahenku
Pakeken geluhku jadi perkakasndu, segedang geluhku
VIII. KALIMBUBU NGENDESKEN PANGAN MAN SI NATANG TUAH
Kalimbubu : Enda anakku, reh kami orangtuandu,
kalimbubundu maba nakan man bandu anakku gelah ibas kam sanga
natang tuah, seh min kerina sura-suranta. Mekuah ate Dibata kam pe
sehat-sehat. Tetap ersada arihndu duana, gelah pemere Dibata si langa
si idah epe anakku bagi ukurtalah pagi kerina, salang sai dalin si mbelin.
Juah-juahen kam pagi seh mupusken tuah, ula sangkut-sangkut ukur, ula
bera-bera pusuhndu ras ula lit menek-menek.
Sinatang Tuah : Aloken kami kal sura-surandu e kalimbubu kami,
janah asada kal ukur kami ngaloken kerehenndu, mbera-mbera mekuah
ate Dibata man banta kerina, seh kal sura-suranta kerina. Pusuh kami pe
labo ermenek-menek ras ermorah-morah, malem kal ate kami ngaloken
kerehenndu.
IX. PERTOTON SYAFAAT
X. PERTOTON TUHAN
XI. PEMASU-MASUN
L :Bengketlah ku bas kegeluhenndu, teklah maka Dibata tetap ras kam,
bagepe si tetap mereken gegeh ras kuasaNa man banndu, guna si e
alokenlah pasu-pasu I dur Dibata nari:
“Ipasu-pasu janah ikawali Dibata kam, siang ayo Dibata sersinalsal I
babondu, janah melias atena ngenehen kam, itatap Dibata ku kam janah
malem atendu ibahanNa.”
Amin
P : Amin….Amin….Amin….