SASAKALA SITU BAGENDIT

Ceuk sasakala mah asal muasalna situ teh kieu. Jaman baheula dihiji lembur aya saurang
randa beunghar ceuk paribasana mah beungharna Nyi Randa teh estu lubak libuk sagala ge boga.
Kabeungharana mah bruk dijuru bruk di panto. Eta Nyi Randa teh katelahna Nyi Endit, awakna
jangkung rada ngeusi. Tapi sorana cemereng mun pareung nyarekan bujangna atawa barudak suk
lak-lak dasar, bari sorana na tangga katorekan. Rupana mah henteu geulis, kitu weh siga urang
lembur nu sejen, tapi lantaran loba kawawuhanana manehna teh asa panggeulisna di eta lembur.
Sapopoe gawena ngan ukur nembongkeun baju alus jeung perhiasan emas. Komo emasna
sagede nyere digandolan ku liontin sagede jengkol. Gelang kenca katuhu bari ali na reunceum
dina ramo na. Lamun ngeunaan kadaharan unggal poe ngajagrag dina meja iwal ti sangu jeung
deungeuna. Meja sejen aya mangrupa bubuahan, eta kadaharan anu sakitu ngalayahna estu tara
kasoro ku batur sanajan di imahna teh loba anu babantu. Jadi sakitu loba dahareun teh Nyi Endit
mah tara babagi ka batur. Tah ari paparentahan kana gawe mah cerewet pisan, ari muruhan mah
itungan pisan. Ku kitu na urang dinya Nyi Endit teh katelahna Nyi Randa medit. Batur
salemburna geus apal pisan peditna Nyi Randa the lain bae karasa ku bujang-bujangna tapi oge
karasa ku batur salemburna. Di eta lembur Nyi Endit the siga hirup sorangan teu malirre ka
tatangga, oge tara daek nulung kanu butuh tara daek nalang kanu susah. Sapopoe nu dipariksa
ditalingakeun teh ngeunaan harta bandana cenah mah sieun aya nu leungit. Pakean ditumpuk-
tumpuk di lomarian, duit disumput-sumput dihandapeun Kasur.
Pas hiji poe aya hiji aki-aki ka buruanana, eta aki-aki teh teu kanyahoan dimana
datangna, ujug-ujug geuss ngajeungjeun dina hareupeun panto bari ngucapkeun salam ka nu
boga imah

“Assalamu’alaikum nu kagungan bumi aya milik. Punten abdi kumawantun nyungkaeun sangu
sakedik mah lapar abdi teh.” (Kitu pokna bari gek diuk dina emper barang Nyi Endit)

Ngadenge aya nu punten bari rek menta sangu beuh gancang bae mukakeun panto. Endit
ngabedega bari rek tutunjuk gogorowokan:

“Naon rek menta sangu? Emangna urang boga dahareun teh beunang barang penta kitu? Lapar
mah usaha atuh lain baramaen.” (Nyi Endit tohara ngambekna kadatangan aki-aki teh lin bae
tutunjuk ngusir bari jeung nyuntrungkeun eta aki-aki ti emper ka buruan).
“Kaditu indit, tong kadieu deui. “

Eta aki-aki teh tohara nyeurina ngadenge babasaan Nyi Endit nu kasar, ngusir teh meni
kokomoan pisan. Geus kaluar ti luar imah Nyi Endit eta aki-aki ngaleungit teuing kamana
ngaleosna tinggal iteukna we nancep dina buruan imah Nyi Endit.
Euh ambekna Nyi Endit acan eureun rentenan iteuk anu nancep di buruan sangeunahna
wae, eta iteuk dicabut sabari dibalangkeun ka tengah jalan. Tapi aneh bin Ajaib tina tapak iteuk
anu dicecebkeun teh bijil cai mancer ka luhur. Beuki lila beuki gede ngaburial ti jero taneuh nepi
ngagulidag minuhan luhur. Nyi Endit tohara reuwasna. Manehna gogorowokan nitah bujang-
bujangna nyocokan liang cai tapi cai lain ngorotan malah beuki gede terus leb-leban neuleun
sagala nu aya termasuk imah jeung harta bandana Nyi Endit.
“Caah….! Caah…! Caah…!”

Nyi Endit jejeritan menta tulung bari teu lepas ngagandong harta band ana. Tatangga
boro-boro hayang nulungan, kabeh mupuas da bongan manehna ge tara daek nulung ka batur..
Teu lila Nyi Endit teu tembong deui ngilu tileuleup ka jero cai. Eta cai terus ngagulidag beuki
lila bari terus ngabalong nepi ka jadi situ. Eta situ nepi kiwari katelahna Situ Bagendit.
Amanat ti sasakala Situ Bagendit nyaeta hirup teh ulah pelit jeung sarakah tapi kudu
resep ngabantu ka sasama sabab urang teh mahluk social moal bisa hirup sorangan.