Kata Pengalo-ngalo Ras Momo Kata Penaruh Rende : KEE No. 244 : 1-2 “Nusur Min O Kesah Tuhan” Votum - Salam P: Amin… Amin… Amin… Berita Kerna Perbahanen Ras Sura-Sura Dibata (Invocatio) Rende : KEE No. 187: 1-2 “Gegeh Kuasa Kesah Si Badia” Kinilangasupen Manusia Nggeluh i Bas Kesah si Badia (Perp. Kundul) L: Dibata Bapanta si Mulia, enggo reh i bas Kesah si Badia guna nampati manusia. P: Ngaku aku Tuhan, megati lenga kusikapken pusuh ukurku, jadi ingan KesahNdu si Badia ngkuasai kegeluhenku. L: Kesah si Badia, e me penampat si mereken gegeh ras kepentaren si ipadanken Dibata man banta (ndu). P: Ngaku aku Tuhan, megati aku lupa, maka enggo ibereNdu Kesah si Badia jadi Penampat man bangku. Seh maka megati bene ukurku i bas ngalaken perbeben, lepak aku i bas encibalken diri nandangi temanku manusia. Paksa Teneng Rende : KEE No. 304 : 1-2 “O Tuhanku O Dibatangku” Kata Pergegeh i Bas Dibata Nari Rende : KEE No. 227 : 1,2 “Katakenlah Man Pusuhku” Kata Dibata Esekiel 37: 11-14 11 Nina Dibata bangku, "O manusia si ermasap-masap, bangsa Israel bali kap ras tulan-tulan ndai. Ikatakenna maka ia nggo kerah, pengarapenna nggo bene, nggo peltep. 12 Dage ernubuatlah man bangsangKu, Aku TUHAN si Erdolat; Kutalangi me kuburenna, Kupedarat ia, jenari Kubaba mulih ku taneh Israel. 13 Kenca Kutalangi kuburen ingan bangsangKu ikuburken, janah Kupedarat ia i jenari, ietehna me maka Aku kap TUHAN. 14 Kutamaken kesahKu i bas ia, maka nggeluh ia mulihi, jenari Kubere ia ringan i bas negerina jine. Kenca bage ietehna me maka Aku kap TUHAN. Aku, TUHAN nggo melasken katangKu, janah la banci lang Kusehken bagi si Kukataken e." P: Haleluya..... Haleluya..... Haleluya..... Ertoto Khotbah Johanes 16: 4b-15 Pendahin Kesah Si Badia 4b. "Si enda la Kukataken man bandu nai nari sabap ras kam denga Aku. 5 Genduari lawes me Aku ndahi si Nuruh Aku, tapi sekalak pe la kam nungkun, 'Ku ja Kam lawes?' 6 Genduari megogo atendu erdandanken nggo Kukataken si enda man bandu. 7 Tapi Kukataken man bandu: Si tuhuna man bandu ulin kap Aku lawes. Sabap adi la Aku lawes, labo reh Penampat e. Tapi adi lawes Aku, Kusuruh me Ia ndahi kam. 8 Kenca pagi reh Penampat e IpetangkasNa me man bangsa doni enda maka pengertin bangsa doni enda salah kerna dosa, kerna ise si benar bage pe kerna ukumen si reh i bas Dibata nari. 9 IpetangkasNa maka bangsa doni enda salah pengertinna kerna dosa perbahan la ia tek man bangKu. 10 Ipetangkas Penampat e me pagi man bangsa doni enda maka Aku nge benar alu encidahken maka adi lanai Aku idahndu i bas doni enda, e me tandana Aku nggo lawes ndahi Bapa 11 IpetangkasNa maka salah pengertin bangsa doni enda kerna ukumen si rehna i bas Dibata nari alu encidahken maka si Penguasa doni enda nggo iukum. 12 Melala denga ateKu Kukataken man bandu, tapi genduari lenga kam ngasup ngalokenca. 13 Tapi asum reh pagi Kesah si naksiken kebenaren kerna Dibata, IpetangkasNa me man bandu kebenaren kerna Dibata alu serta. Ia ngerana labo bagi ate-AteNa saja, tapi IkatakenNa me kai si IbegiNa dingen IturikenNa kai si nandangi jadi. 14 IpermuliakenNa pagi Aku, sabap IberitakenNa me man bandu kai si IalokenNa i bas Aku nari. 15 Kerina si lit i bas BapangKu sikerajangenKu pe. E me sabapna Kukataken man bandu maka ialoken Kesah e me kai si Kubereken man BaNa gelah IpesehNa man bandu." Thema: “Kesah Sinaksiken Kebenaren” Ertoto Pengakun Kiniteken Lakon Persadan Si Badia Rende : KEE No. 176: 1 “I Bas Toto Kubelasken” Persembahen Rende : KEE No. 445: 1- “Si Pepulung Persembahenta” Pertoton Persembahen ras Syafaat Perpadanen Man Dibata L: Enggo isehken Tuhan padanNa mereken Kesah si Badia guna nampati ras ngajari anak-anakNa. P: Erpadan aku O Tuhan, mereken pusuh ukurku jadi ingan Kesah si Badia si ngajari ras nampati aku. L: Kesah si Badia e me Dibata si reh ras ringan i bas kegeluhenta (ndu). P: Erpadan aku Tuhan, tetap nginget Kam si ngiani diringku arah KesahNdu si Badia. Kam me penampatku si mpengasup aku ngalaken kerina perbeben geluhku. Rende : KEE No. 437 : 1,2 “Bas Perdalanen Geluh” Pertoton Tuhan Pengutusen Ras Pasu-pasu Dibata P: Amin..... Amin..... Amin..... Selamat Wari Minggu Man Banta Kerina