PELEYANNA OCA (DIKSI)

Okara kompolanna oca se agandhu maksot se jharna

Peleyanna oca (diksi) bada tello kaghunaan :

1. Kaangguy pantes ponapa bhunten peleyan oca se epele, kalaban kabadaannepon se edhabuwaghi
conto : Nalekteghi, mareksane, ngoladhi
Nalekteghi : nengale ponapa bhai, aponapa ma sapaneka
Mareksane : nengale sala bhenderra, bada bhuntenna bab se epareksane
Ngoladhi : nengale tape ta sampe ghenna, namong tabates ghan nengale bisaos
2. Kaangguy ngakorraghi, semo ponapa bhunten (resmi atau tidak resmi)
conto : Abdhina / bhadhan kaula, bula, sengko
Abdhina / bhadhan kaula : eghunaaghi neng papangghiyan semo (resmi). Tamaso bhasa enggi
bhunten
Bula : eghunaaghi neng papangghiyan re-saare (tidak resmi) tamaso bhasa enja iya
Sengko : eghunaaghi neng papangghiyan re-saare (tidak resmi) da ka omorra se angodaan
3. Kaangguy panyeddhaepon bhasa (estetis)
conto : jhung rojhung, alako areng-bhareng, alako ghante tolong
jhung rojhung aropaaghi peleyanna oca (diksi) se paleng bhaghus, agandhu rassa se lebbi
katembhang alako areng bhareng, alako ghante tolong.

Denotasi & Konotasi

1. Denotasi oca se andi arte samasthena
conto : alako berra
2. Konotasi oca se andi arte lebbi dari samastena
conto : apello koneng

Makna Umum & Makna khusus

1. Makna Umum oca se ghadhuwan arte se lebbi lebar tor leggha
2. Makna khusus oca se ghadhuwan arte lebbi cope
conto :
Makna Umum Makna Khusus
Ngabas / ngoladhi Nengghu, nyongngo, nyorne, alerek
Ngeba / abhakta Nengteng, nampa, mekol, nyoon

Sinonim & Antonim

1. Sinonim oca se pada artena (oca papadana)
conto : raddhin = esak
raja = agung
neser = taresna
2. Antonim oca se arteepon tabhaliggha (oca alalabanan)
conto : lake >< bine
towa >< ngoda
Raja >< kene

Hipernim & Hiponim

1. Hipernim oca se aghalipoe oca se e babaanna
2. Hiponim oca se artena abali da ka oca se e attasanna
conto :
- Hipernim : Kembhang - Hiponim : Malathe, ghaddhing, kananga