cerita WAYANG jawa

August 7, 2009 by oktaplantlover

Mulabukane Perang Baratayudha

Sadurunge mandhita BegawanAbiyasa kuwi Ratu Ngastina jejuluh Prabu Kresna Dwipayana
duwe anak telu, Raden Destarastra, Raden Pandhudewanata lan Raden Widura. Raden
Destarastra mripale wuta. Raden Pandhu gulune lengeng. Raden Widura sikile gejik. Anake
ratu Ngestina telu-telune cacat. Gandheng Raden Destarastra wuta mula ora dadi ratu. Sing
madeg ratu Raden Pandhu. Jejuluke Prabu Pandudewanata.

Prabu Pandhu duwe anak lima lanang kabeh, mula dijenengi Pandhawa lima. Pambarepe
Raden Punta, panenggake Raden Bratasena, penengahe Raden Janaka banjur kembar Raden
Pinten lan Raden Tangsen.

Raden Destarastra duwe anak satus dijenengi sata kurawa. Tegese kurawa cacah satus, lanang
99 lan wadon siji jenenge Dewi Dursilawati. Pambarepe Raden Jaka Pitana utawa suyudana.
Nomer loro Raden Pursasana, Raden Kartamarma, Raden Durmagati, Raden Citaraksa lan
Raden Citraksi.

Prabu Pandhu mati nalika Pandhawa isih cilik-cilik. Mula keprabon Ngastina banjur
dipasrahake marang adipati Dhestarastra minangka Prabu Wakil. Sang Prabu wakil banjur
wisuda Raden Jaka Pitana dadi ratu Ngastina jejuluke Prabu Duryudana.

Nalika Pandhawa wis gedhe, Raden Puntha wis dadi ratu ing ngamarta. Najan wis dadi
ratu,Prabu Puntadewa tetep njaluk baline keraton Ngastina. Para kurawa ora ngulungake.
Pungkasane dadi perang gedhe kang diarani perang Barathayudha. Perang rebutan warisan
jalaran padha murkane.
Prabu Duryudana murka ora gelem mbalekake. Negara Ngastina sanajan mung dijaluk separo
negara. Prabu Puntadewa ya murka, wis duwe negara isih kemelikan njaluk negara warisan.
Pungkasane perang Barathayudha, para Kurawa mati kabeh kari putune siji aran Raden
Parikesit.

Sedulur tunggal embah Kurawa lan Pandhawa ora kena kanggo tuladha. Jalaran paten-
patenan mung amarga rebutan warisan. Kamangka jeneng sedulur mono kudu rukun. Kaya
unen-unen kuna ”Rukun Agawe santosa. Crah agawe bubrah”