Nama : Gede Alvendy Wiantinu

No. Absen : 18

Nim : 1811171025

Matkul : Bahasa Bali

SAMBRAMA WACANA

Matur suksma antuk galah sane becik puniki sane kapicayang ring padewekan
titiange. Sadurung titiang nguningayang, atur lugrayang titiang ngaturang pangastungkara
“Om Swastyastu”.

 Bapak Kepala Sekolah sane baktinin tiang

 Bapak-Bapak taler Ibu-Ibu Guru sane wangiang titiang
 Bapak Ibu KTU miwah Staf sane kusumayang titiang
 Miwah Para Sameton Sisiane sami sane tresnasihin titiang

Angayubagia uningayang titiang majeng ring Ida Sang Hyang Widhi Wasa, santukan
wantah sangkaning asung kertha wara nugrahan Ida mawinan titiang prasida kacunduk ring
ida dane sareng sami sakadi mangkin. Ring galahe sane becik puniki, titiang jagi nyeledihin
Kelas III-ne matur samatra nganinin indik "Rahina Wanti Warsa utawi Hari Ulang Tahun"
sekolahan druwene.

Matur suksma majeng ring Bapak Kepala Sekolah, Bapak lan Ibu Guru miwah para
sameton sareng sami sane sampun prasida ngerawuhin acara puniki. Titiang pinaka
prawartaka acara nunas geng rena pengampura antuk kekirangannyane acara puniki. Wantah
sekadi asapunika amatra sane prasida baktayang titiang pinaka wangsaning puputang titian
antuk paramasantih “Om Santih Santih Santih Om”.
Nama : Gede Alvendy Wiantinu

No. Absen : 18

Nim : 1811171025

Matkul : Bahasa Bali

Orti Bali

Pungli Mangda Taler Kaselehin ring Pamerintahan

“Om Swastyastu”

Pamiarsa sareng sinamian/ matemu malih sareng titiang Gede Alvendy Wiantinu ring
acara orti bali// Titiang jagi nyarengin ida dane pamiarsa sareng sinamian kirang langkung
limolas menit ring acara orti bali puniki// Semengne mangkin rahina sukra/ wuku wariga/
pinanggal telung dasa November/ warsa kalih tali plekutus// Mungguing orti sane kaaturin
minakadi “Pungli Mangda Taler Kaseleh7in ring Pamerintahan”// Inggih sane mangkin
kawitin titiang antuk orti kapartama//

Tiosan ngruruh genah wisata/ tim CYBER pungli kaaptiang mangda taler nyelehin
pungli ring instansi pemerintahan// Santukan kantos mangkin katureksain kantun wenten
pungli ring pamerintahan// Ring pungkuran puniki akeh OTT saking tim CYBER pungli
majeng prajuru desa sane katangkep// Pungli ring makudang-kudang genah wisata/ yadiastun
pamuput ipun proses hukum kewaliang ring desa pekraman/ nanging parindikan punika patut
keanggen dasar/ mawinan pelaku usaha wiyadin prajuru mangda nenten ngawag makarya
gaguat sane prasida lempas saking hukum nasional// Ketua komisi 2 DPRD Klungkung
Komang Suantara maosang penegak hukum kaaptiang mangda taler nyelehin lembaga
pemerintahan// Santukan praktek pungli katureksain taler wenten irika sekadi ageng retribusi
dasar sane sering lempas saking dana sane ngranjing ring APBD// Pemerintah wiadin
inspektorat kaaptiang sayan sering nyelehin ring lapangan mangda sumeken nglaksanayang
gaguat sane wenten// Sayan akehnyane prajuru desa sane keni kasus pungli/ pamerintah
kaaptiang kantun tedun nyobiahang ring desa pakraman sapunapi makarya awig wiadin
geguat tiosan mangda nenten lempas saking hukum positif sane wenten//

Inggih pamiarsa sareng sinamian wantah kadi asapunika orti sane prasida aturang
titiang// Yening wenten iwang ring pikayun ida dane sareng sami titian nunas geng rena
sinampura// Titiang Gede Alvendy Wiantinu/ puputang titiang antuk paramasantih “Om
Santih Santih Santih Om”