NASKAH DRAMA JAKA TARUB BAHASA JAWA

Miturut cerita seko jawa timur,ana pemuda kang bagus lan aran Jaka tarub.Pemuda iku anake
lanang mbarep mbog rondho.Jaka tarub duwe bojo widodari kang aran nawang wulan sing ayu
tenan.Ana ing kahyangan para widodari cacah 10 pada rembugan arep adus amarga arep pada lunga
menyang adicara ing kahyangan.Ing dalan para widodari kui pada geguyonan.Tekane ing pesanggrahan
jebul banyune ora mili.

Adegan 1 pesanggrahan

Nawang wulan :”Mbak ayo cepet,selak kesoren.”

Nawang ayu :”Iya dik sabar.”

Nawang arum :”wulan ki nggegeri wae lho.”

Nawang kunthi :”eh wis do nggowo sabun drung ki.”

Nawang manis :”Jajal tak tilik.i disik

Waduh aku ora gowo jal.”

Nawang sekar :”Piye to sampeyan ki sembrono jal.”

Nawang wuyung :”Opo sampeyan ki nggowo?”

Nawang sekar :”Yo cetho lho.....ora.”

Nawang yayi :”Huuu podo wae.”

Nawang wulan :”Njur sampeyan ki arep sibin tok po?”

Nawang agni :”Sik ya miturut teori kewidadarian,widodari ora wangi kuwi.......

Yo ora popo ding

Nawang wuyung :”meh omong opo to?”

Nawang yayi :”Wis lah ayo lek luzz .Selak ijo mas.”

Nawang turi :”Mbakyu manis sabune piye?Aja njaluk sabunku lho.”

Nawang manis :”yo mugakno aku batiri tuku sabun anggere.”

Nawang turi :”Yo wis yo,mesakke.Wan sampeyan ki ngrepoti aku wae kok”
Tekane ing pesanggrahan........

Nawang kunthi :”Bariki adus,dandan moblong moblong,bengesan sing kandel.Sopo ngerti

Ketemu anoman versi ganteng

Nawang turi :”Ke mendhem ke”

Nawang wulan :” Ra ana liyane po nganti anoman dibribik.”

Nawang yayi :”Hayo wi,tak kei chanel po?”

Nawang wuyung :”Ha nek mbahne anoman pod wae to.”

Nawang kunthi :”Update ah....(karo nguripke HP)

Nawang ayu :”pesbukan wae..”

Nawang wulan :”Alah mbog dinengke.”

Nawang kunthi : (karo ngetik)”Byur byur adus,gosok gosok adus,bersama Kangsarjolangu di

pesanggrahan kahyangan,bagikan”

Nawang arum :”opo wi kangsarjolangu barang.”

Nawang sekar :”eh sampeyan meh adus karo kang sarjo sing ambune langu sing omah wetan kali kae?”

Nawang kunthi :”Ngawur,artine ki kuning abang salem biru ijo nila ungu.”

Nawang wuyung :”Lha slendangku kok durung disebut.”

Nawang kunthi :”Oh iyo lali,halah rapopo lah.”

Nawang ayu :”Umis wae banyune ra mili ki lho.”

Nawang kunthi :”Weeee tenane mbakyu.Wah rasido wangi ki.”

Nawang turi :”wah njur piye iki banyune asat tenan.”

Nawang yayi :”Mbog sampeyan BBM Dewa tirto.”

Nawang kunthi :”Yo wislah ra usah adus go rexona wae.”

Rada sauntoro dewa tirto lan para pengawale cacah 4 rawuh kanggo mbenerke ledenge kahyangan.

dewa tirto :”Iki podo ngopo kok kumpul kumpul ngarep pesanggrahan?”

Nawang wulan :”duh dewa tirto kula kaliyan sadulur sadulur badhe adus anangin toyanipun mboten
mili,kedah pripun?”
Nawang yayi :”to dewa tirto marai mboten sios adus.Mbog niku pengawalipun dikenken mbenereke
ledeng.Pengawal kok ora peka.”

Dewa tirto :”Sabar to para widodari aku rene pancen tujuane arep ndandani ledeng.”

Pengawal 1 :”kula tueni riyen nggih dewa.”

Dewa tirto :”Yo kono ndang didandani.”

Pengawal 2 :”nggih siap,apa to sik ora kanggo para widodariku iki.”

Pengawal 3 :”koyone pipane kesumpelan ki.”

Pengawal 4 :”yo kowe ki ngalih yo sing nyumpeli ki awakmu kui.”

Dewa tirto :”heh....ora do rusuh to lek ndang didandani jejerku selak mambu iki.”

Nawang kunti :”ahh dewa tirto kiii.”

Pengawal 1 :”nyuwun ngapunten dewa,niki mboten saget didandani dinten menika.”

Pengawal 2 :”poro widodari mboten saget siram wonten mriki.”

Pengawal 3 :”nggih leres,kula aturi pados pesanggrahan liane.”

Pengawal 4 :”lak ra ono wong do mati kabeh ledenge.”

Widodari :”ahhhhhhhh.”

Dewa tirto :”wis ra usah khawatir, para widodariku kowe kabeh adus menyang bumi wae.”

Para widodari banjur siap siap menyang bumi sarana pelangi.Ing bumi ana pawongan loro kakang
adhi kang lagi mancing ing kali.Para widodari adus ing kali iku anangin keletan wit witan.”

Adegan 2 kali

Jaka tarif :”Mas iwake do nandi to iki kok ra nyaut.”

Jaka tarub :”Yo paling gek do sinau to wong arep ujian.”

Jaka tarif :”Mosok to mas.”

Jaka tarub :”ealahh.”

Jaka tarif :”karepmu mas.Eh mas kae ana pelangi mas gek gek arep ana widodari kang ayu ayu
mudhun ing bumi.”

Jaka tarub :”halah pikirane ki lho aneh aneh wae.”

Jaka tarif :”nek pancen ho.o arep kepiye hayo.”

Jaka tarub :”yo tak ajak nikah .”

Jaka tarif :”alah gayamu koyo bagus baguse wae mas.Po yo widodarine gelem?”

Jaka tarub :”wah aja nyepelekake aku we.Syahrini kae mantanku lho.”

Ujug ujug ana suara gembludak koyo ana sing tibo.Jaka tarub lan jaka tarif banjur gage nggoleki.

Jaka tarif :”eh mas opo kae?krungu ra?”

Jaka tarub :”Paling ya kambil do tibo.”

Jaka tarif :”mosok kambil bola bali le tibo.”

Jaka tarub :”yo nek kambile okeh barang sing tibo.”

Jaka tarif :”njur tibo berjamaah ngno?”

Jaka tarub :”karepmu le arep ngarani”

Jaka tarif :”tapi kok koyo ana suara wong mlaku mas.Mosok kambil due sikil.”

Jaka tarub :”yo kan 2015 to.”

Jaka tarif :”emange nek 2015 kabeh njur due sikil po?”

Jaka tarub :”yo due wong mau bengi tak pasangi sikil.”

Jaka tarif :”eh mas jajal meneng sik.Rungokno mas,koyo ono suara wong wadon pada geguyonan
to”

Jaka tarub :”umis to koe tiliki kono ah.”

Jaka tarif :”mosok aku dewe yo wedi to.Ayo batiri.”

Jaka tarub :”eh ho.o ki ono wong podo cekikikan.YO tiliki sedelo”

Pawongan loro kui pada menyat niliki apa to sejatine suara iku.Wong loro pada kaget amarga
kang ana ing kali para widodari kang lagi adus.Jaka tarub kepengin salah sijine widodari mau dadi bojone
anangin sakdurunge ngajak kenalan jaka tarif ngajak bali amarga wedi.Sakdurunge menyat bali Jaka
Tarub njupuk salah sawijinign slendang kang ana ing ngarepe sing warnane ijo duweke nawang wulang.

Adegan 3 kali

Nawang ayu :”wah jebule banyu ing bumi iki seger yo.”

Nawang wulan :”iya mbakyu,banyune ya resik.”

Nawang arum :”eh sedurunge bali menyang kahyangan jajal mlaku mlaku disik yo.”
Nawang sekar :”iyo mbakyu aku kepengin ndelok kahanan ing bumi langsung.”

Nawang kunthi :”hayo sopo ngerti ketemu satrio kang bagus.”

Nawang turi :”setuju mesti satrio ing kene bening bening,apik kanggo kesehatan mata.”

Nawang yayi :”bening bening sebening banyu kali iki.”

Nawang wuyung :”banyu kali mandeke ing segoro.”(karo nyanyi)

Nawang manis :”sttt ampun sengko sengko.Mengko nik ana sing krungu pie jal”

Nawang turi :”hayo manis ki sok koyo suarane apik wae.”

Nawang wulan :”dewe ora iso mlaku mlaku mbak,amarga yen pelangine iki wus ilang mengko dewe
ora iso bali menyang kahyangan.”

Nawang ayu :”selain kui dewe yo kudu ngati ati karo wong bumi iki.”

Nawang agni :”iyo bener,wis ayo cepet cepet ndang go klambi ndag mengko kesoren.”

Para widodari ora ngerti yen slendange nawang wulang dicolong.

Nawang wulang :”mbakyu ana sing ngerti slendangku ora?”

Nawang sekar :”mau kok delehke ngendi”

Nawang turi :”iya jajal dieling eling disik.”

Nawang wulan :”mau ning kene mbakyu,tapi kok ora ana.”

Nawang arum :”aduh aja aja ilang.”

Nawang kunthi :”apa??ilang??

Nawang yayi :”jajal goleki sing tenanan”

Nawang wuyung :”iya paling keno angin kabur.”

Nawang agni :”yen slendange nawang wulan ora ketemu mengko nawang wulan ora bisa bali
menyang kahyangan.”

Nawang wulan :”aduh mbakyu kepiye iki aku wedi tenan.”

Nawang ayu :”uwis ojo do geger mendingan ayo goleki bareng bareng.”

Nawang manis :”iyo bener wektune wong mepet.”

Nawang kunthi :”siap.”

Nawang agni :”waduh pelangine arep ilang.”

Nawang arum :”piye sedulur dewe mosok arep ninggalke nawang wulan ing kene.”

Nawang ayu :”tapi nek dewe ora lungo mengko dewe ora bisa bali.”

Nawang sekar :”ya wis mending dewe munggah mengko ing kahyangan njaluk tulung dewa tirto lan
dewa surya.”

Nawang wulan :”duh mbakyu aja tinggalke aku.”(nangis)

Nawang ayu :”dingapuro adiku aku lan para sadulur kudu lunga saiki.”

Nawang wulan :”mbakyu...mbakyu aku ojo ditinggal dewe”

Para widodari ora iso nemokake slendang duweke nawang wulan.Banjur widodaro cacah 9 kui pada bali
menyang kahyangan.Nawang wulan kudu goleki slendange nganti ketemu banjur iso bali menyang
kahyangan.Ing kahyangan para widodari pada wadul marang dewa nyuwun bantuan.

Adegan 4 kahyangan

Widodari :”dewa tirto dewa surya (bareng bareng regudukan)

Dewa surya :”ana apa kok pada regudukan ngene.”

Dewa tirto :”piye olehe ning bumi,ora ana masalah tha?”

Dewa surya :”ning bumi?ngopo?wah critani marai kepo”

Nawang turi :”duh dewa babagan menika mboten penting sakniki.”

Dewa surya :”lha njur apa sing penting.”

Nawang kunthi :”gawat dewa gawat temenan.”

Nawang arum :”duh dewa kula kaliyan sadulur nyuwun pitulunganipun dewa kekalih.”

Dewa tirto :”lha ana apa to iki sejatine.”

Nawang wuyung :”nawang wulan dewa.”

Nawang sekar :”nggih dewa niki kepripun.”

Dewa surya :”sek tha aja do kemrungsung jajal jelaske alon alon.”

Dewa tirto :’iyo bener ana apa,nawang wulan nopo.”

Dewa surya :”jajal nawang ayu critakno karo aku kok nawang wulan ora ana ing kene.”

Nawang ayu :”kula kaliyan sadulur sedaya ninggalaken nawang wulan ing bumi dewa.”
Dewa tirto :”lha kepiye critane kok iso ditinggal barang.”

Nawang yayi :”wau niku wonten kekadean kang mboten dipun arepake dewa.”

Nawang kunthi :”slendang dewa...slendangipun nawang wulan ical..”

Dewa :”apa???

Nawang manis :”dingapunten dewa kula kaliyan sadulur mboten gadah pilihan malih banjur wangsul
menyang kahyangan.”

Dewa surya :”iki ora podo geguyonan to karo aku gekan.”

Nawang agni :”mboten dewa niki leres.”

Dewa tirto :”uwis digoleki durung.”

Nawang wuyung :”sampun dewa namung mboten ketemu.”

Dewa surya :”tindakanmu ora salah,yen kowe kabeh ora bali menyang kahyangan mengko malah
dadi tambah parah.”

Nawang wuyung :”anangin kepripun nasibipun nawang wulan dewa.”

Dewa tirto :”nawang wulan ora iso bali yen slendange durung ketemu.Nawang wulan kudu golekki
slendange disik nganti ketemu.

Dewa surya :”kowe kabeh kudu sabar ngenteni nawang wulan.”

Widodari :(nangis)

Para widodari ora iso nulungi nawang wulan kejaba nawang wulan dewe kang goleki slendange ing
bumi nganti ketemu kareben iso bali menyang kahyangan.Ing bumi nawang lagi bingung keliling
kampung nakoni wong wong kang ngerti babagan slendang ijo duweke de.e. Nawang wulan banjur
ketemu jaka tarub.

Adegan 5 bumi

Nawang wulan :”aku wis mubeng mubeng anangin slendangku durung ketemu,yen ngene iki aku ora
bisa bali menyang kahyangan maneh.Menawa aku ning kene ora oleh ana wong kang ngerti sejatine asal
usulku,iku bisa mbebayani awakku dewe.Wah kae ana uwong jajal aku tak takon.Nyuwun sewu pak”

Penduduk 1 :”nggih monggo cah ayu.”

Nawang wulan :”kula badhe ngrepoti sekedik.”

Penduduk 2 :”ana apa cah?”

Nawang wulan :”menapa bapak bapak niki semerep slendang warni ijem nggih?”
Penduduk 1 :”wah hayo koyo ngopo cah,slendang ijo ki okeh.”

Penduduk 2 :”aku ning omah yo due slendang ijo gon bojoku.”

Penduduk 1 :”sing kok maksud ki sing koyo ngopo?”

Nawang wulan :”slendang ijo kang pinggiranipun wonten rajutan saking emas.”

Penduduk 1 :”hahahah aneh aneh wae koe ki nduk.”

Nawang wulan :”slendang niku bener bener penting.Bapak semerep mboten.”

Penduduk 2 :”wah aku ora weruh.”

Penduduk 1 :”tuku meneh wae ndug nek pancen penting.”

Penduduk 2 :”po tak ijoli gon bojoku po?ono ke nek werno ijo.”

Nawang wulan :”matur nuwun pak,slendang niku mboten wonten ingkang sade lan mboten saget
dipun ijoli.”

Penduduk 2 :”owalah ha aku ki ora ngerti.”

Penduduk 1 :”awakmu ki aku kok ra tau weruh to,teko teko takon slendang.Seko ngendi asalmu
ndug.”

Nawang wulan :”saking kali.Nggih pun matur nuwun,Pak”

Penduduk 2 :”lah ke gek gek malah sing nunggu kali kono kae.”

Penduduk 1 :”kakean nonton horor we.Yo bali aku wis kesel.”

Nawang wulan banjur mlaku meneh nerusake goleki slendange.Saben wong ditakoni yen menowo ana
sing weruh slendange kui.

Nawang wulan :”bu kula badhe tangklet sekedik.”

Penduduk 3 :”napa nduk cah ayu”

Nawang wulan :”slendang warni ijem kula ical,mbok menawi ibu semerep.”

Penduduk 4 :”waduh aku ora ngerti slendang ijo kui sing kok maksud.”

Penduduk 3 :”apa slendang kui penting banget kanggo awakmu?”

Nawang wulan :”nggih bu,kula mboten saget wangsul menawi slendangipun mboten ketemu.”

Penduduk 4 :”walah mesake temenan to nduk.”

Penduduk 3 :”lha kowe ki omahe ngendi?”

Penduduk 4 :”iyo,hudu wong kene to?aku ra tau weruh sliramu.”

Nawang wulan :”nggih kula mboten saking mriki.”

Penduduk3 :”njur seko ndi,yen adoh mending bali disik wis arep peteng sesuk goleki meneh yen
padang.”

Penduduk 4 :”iyo nduk mengko yen kewengen malah ra wani bali dalane peteng.”

Penduduk 3 :”ho.o sepeteng rupamu yo,Yu?”

Penduduk 4 :”hayo....heh kurang ajar we.”

Nawang wulan :”matur nuwun Bu ananging kula kedah nemokake slendang niku riyen.”

Penduduk 4 :”wah yo dingapuro nduk aku ora iso ngrewangi opo opo.”

Penduduk 3 :”betul,betul betul dingapuro iki meh bali disik mugo mugo sukses yo.”

Penduduk 4 :”sukses le ngopo?”

Penduduk 3 :”olehe golekki slendang to yo.”

Nawang wulan :”nggih matur nuwun bu.”

Nawang wulan sejatine uwis kesel lan putus asa golekki slendange.Nawang wulan banjur leren
njagong.Ujug ujug ana wong tua kang marani deweke.

Mbah roto :”cah ayu,napa kok cahyamu ketok susah.”

Nawang wulan :”nggih mbah kula lagi madosi slendang.”

Mbah roto :”slendang opo sing kok golekki.”

Nawang wulan :”slendang ijem mbah wau kula lagi ing lepen slendangipun ical.”

Mbah roto :”wah yen ning kali ya paling slendangmu wis keli.”

Nawang wulan :”sampun digolekki mboten wonten mbah.”

Mbah roto :”yo yen keli yo berarti ra ono to.”

Nawang wulan :”trus kula kedah pripun mbah.”

Mbah roto :”opo slendang kui kudu ketemu cah ayu.”

Nawang wulan :”nggih mbah,slendang niku penting kagem kula.”(karo nangis)

Mbah roto :”kaya kaya awakmu hudu penduduk desa kene cah ayu,aku ra tau weruh awakmu.”
Nawang wulan :”nggih kula saking desa sak ngandhapipun pucuk gunung.”

Mbah roto :”lha njur awakmu neng kene karo sopo nduk?”

Nawang Wulan :”kulo kiyambakan mbah mboten wonten sedherek sanesipun malih.”

Mbah roto :”njur awakmu rene ki ming arep goleki slendang ngono po?”

Nawang wulan :”mboten mbah kula kaliyan sedulur sedulur kula wau mriki wonten urusan,banjur
slendang kula ical.”

Mbah roto :”lha njur sedulur mu ning ndi saiki?opo ora do ngrewangi golek slendang mu iki yen
pancen penting banget.”

Nawang wulan :”sampun,mbah ananging mboten ketemu.Sakniki sampun pada wangsul malih.”

Mbah roto :”lha kok awakmu ora melu bali yen sedulurmu pada bali.”

Nawang wulan :”kula mboten saget wangsul menawi slendang kula mboten ketemu mbah.”

Mbah roto :”owalah sebab iku slendang kui penting banget kanggo kowe.Yen wis ilang mungkin
angel ketemu cah ayu.”

Nawang wulan : (tambah nangis)

Mbah roto :”walah nduk kok mesaake temenana terus awakmu arep bali menyang ngndi saiki?”

Nawang Wulan :”mboten ngertos mbah kulo galau sakniki.”

Mbah roto :”sopo jenengmu nduk?”

Nawang wulan :”kula nawang wulan mbah.”

Mbah roto :”yowis nduk saiki awakmu melu aku wae.”

Nawang Wulan :”nopo mboten ngrepoti simbah mangke?”

Mbah roto :”ora popo nduk aku malah seneng ana kancane tur yo aku ki urip dewean malah
rejekiku due anak ayune koyo ngene.”

Nawang wulan :”mangke menawi wonten ingkang tanglet pripun mbah.”

Mbah roto :”yo mengko teko sauri yen awakmu putune mbah roto.”

Nawang wulan :”nggih mbah.”

Amarga ora kenal sopo sopo ing bumi,nawang wulan gelem dijak bali ing omahe mbah roto. Saben
dinane Nawang Wulan ugo ngrewangi gaweane simbah. Ing panggonan liyo Ibune Joko tarub karo wong
tuane Rara Wuni lagi ngrembug babagan jejodohan antaranipun Rara Wuni kalro Joko Tarub.
Adegan 6 Sawah

Mbok randha :(kipas kipas leyeh leyeh)”wah dino iki panas tenan.”

Mbok siti :”Iyo mbok randha pancen nangin lak wis arep mongso labuh”

Mbok randha :”Mugo mugo panenan tahun iki ora do gabuk.”

Pak ranu :”aminnnn (bengok karo marani mbok siti)

Mbok siti

:”monggo unjukane diunjuk pak.”

Pak ranu :”wah iki sing ngeteri sego rung teko?”

Mbok randha :”ya sabar tho pak ranu,sedelot meneh lak teko.”

Pak ranu :”mbok randha kok anakmu tekan saiki durung rabi rabi kenang opo?”

Mbok siti :”iyo mbok po sampeyan ora selak kepingin nggendong putu?”

Mbok randha :”hayo piye wong sing digagas we yo durung karep.”

Pak ranu :”lha wis due calon durung.”

Mbok randha :”calon opo?bendinane tani,dolan ro wong wedok we rung tau kok?”

Mbok siti :”wah bahaya kui,mengko dadi bujang lapuk.Selak ra enak.”

pak ranu :”ojo ko ngnono mbok,anake dewe we yo durung rabi to?”

Mbok siti :”oh iyo ding dewe ki due anak yo.Wa nganti ra kelingan aku.”

Mbok randha :”(plolor)la yo kui nek due anak ming ge duen duen tok.”

Pak ranu :”ndang dikon golek bojo mbok wis cukup umur.”

Mbok randha :”yo mengko nek wis karep lak yo omong.La si roro wuni kepiye?”

Mbok siti :”roro wuni ki ayu dadi ra usah kuatir mengko sing arep nglamar okeh.”

Mbog randha :”la kok ket saiki durung rabi,lak yo ora bedo adoh to umure karo jaka tarub ki.”

Pak ranu :”la yo sesuk nek wis karep lak yo omong.”

Mbok rondho :”asem melu melu.Mengko yen kesuen selak dadi prawan tuo llho.”

Mbok siti :”asem ki di bales.”

Pak ranu :”mbok,piye nek jaka tarub karo roro wuni wae.”

Mbok siti :”ho.o kui mengko dewe iso seduluran.Roro wuni yo ayu jaka tarub yo bagus mengko
anake unyu unyu kae.”

Pak ranu :”piye mbok rondho?”

Mbok siti :”wis teko iyo.”

Mbog rondha :”teko iyo teko iyo,mau ngunekke jaka tarub bujang lapuk to.”

Mbog siti :”lha mau yo ngunekke roro wuni prawan tuo.”

Pak ranu :”wis uwis malah,iki ki babagan masa depane anake dewe.”

Mbok randha :”yo nek sing arep nglakoni gelem ra popo.”

Mbok siti :”lha kae anake rene jajal takoni pak.”

Roro wuni moro nggowo rantang kang isine sego kanggo dhahar bapak lan ibune.

Roro wuni :”pak,bu monggo didhahar riyen sekulipun sampun siang.”

Pak ranu :”oh iyo nduk,matur nuwun.Rene tak omongi sedelo.”

Roro wuni :”pripun pak?”(karo nyedaki bapak.e)

Pak ranu :”ngene lho nduk,awakmu kui lak yo wis cukup umur kanggo omah omah nanging tekan
seprene kok yo durung ana sing kok kenalke ning aku.”

Roro wuni :”wong pancen dereng wonten kok pak.”

Mbok siti :”lha kene ki selak kepingin nggendong putu.”

Pak ranu :”Lha kowe ki pengen rabi ora?”

Roro wuni : (mesam mesem)

Pak ranu :”piye nek karo jaka tarub anake mbog randha kuwi.”

Rara wuni :”Lha saene pripun,pak??”

Mbok siti :”lha kowe ki tak tawani malah kok malah ganti takon. Sing arep rabi ki kowe apa aku?

Pak ranu :”hayo kuwi ki. Nek aku ditawani wae aku wes manthu ket mau.”

Mbok siti :”arep njaluk tak pacul po pak”

Mbok rondha :”pendhem wae kuwi.”

Pak ranu :”bojoku galak tenan.”

Sawise pacelathon ing dhuwur, Mbok Randha banjur bali arep ngomongke karo Jaka Tarub babgan
jejodohan

Adegan 7 omahe jaka tarub

Mbok randha :”le,kakangmu nengndi?”

Jaka tarif :”duka mbok,paling nggih ting alas ngapel kepo.”

Mbok randha :”wah kowe ra guyon,aku meh omong penting,jajal golekno kakangmu.”

Jaka tarif :”sanjang penting punapa to mbok?badhe dipun supitke malih nopo?”

Mbok randha :”yo entek to gon kakangmu.”

jaka tarif :”mboten kesusu ajeng diagem kok mbok.”

Jaka tarub :”heh aku krungu padakke.”

Jaka tarif :”owalah ya sukur nek kupingmmu wis ketemu.”

Jaka tarub : (metu seko kamar) aku ki ket mau ning kamar teturon,ojo maen maen we.”

Mbok randha :”wis wis ojo padu wae.Kakang adhi dadi siji rame tenan.”

Jaka tarub :”kono lungo,simbok meh omong penting ro aku.Cah cilik ojo melu melu.”

Jaka tarif :”rasah dikon aku yo wis arep lungo.Ngapel wong malem minggu,emang kowe jones.”

Jaka tarub :”opo wi jones,adhine joker?”

Jaka tarif :”jomblo ngenes.”

Jaka tarub :”asem we (mbalang sandal)

Mbok randha :”rene le tak omongi.”

Jaka tarub :”pripun mbok.Kayane kok awrat sanget.”

Mbok randha :”ki masalah masa depanmu le.”

Jaka tarub :”what happen with my future?enten nopo to mbok”

Mbok randha :”kowe ki kapan le arep rabi.”

Jaka tarub :”nggih nggenjeng to mbok nek enten prawan sing purun.”

Mbok randha :”ha kae anake pak ranu gelem.”

Jaka tarub :”nggih tak pikir riyen mbok.”

Mbok randha :”ojo kesuen olehe mu mikir,mengko selak ditembung wong liyo.”

Jaka tarub :”nggih mbok,kula sakniki tak budhal wonten alas riyen nggih.”

Mbok randha :”yoh,ngati ati yo le.”

Jaka tarub banjur lungo menyang alas karo mikirake omongane simboke mau.Deweke yo bingung
nanging,jaka tarub wegah gawe kuciwo mbok randha nanging deweke ora seneng karo roro wuni,anake
pak ranu.Ing dalan jaka tarub kepetuk nawang wulan lagi nyapu ning ngarep omahe tonggo desone.jaka
tarub kesemsem banjur nyeraki paraga iku.

Adegan 8 latare mbah roto

Jaka tarub :”duh nimas, sapa sjatine awakmu kok aku ora tau weruhi ing daerah kene.”

Nawang wulan :”kula asalipun sanking panggenan inkan tebih saking mriki. Wonten mriki kula
tumut simbah rata”

Jaka tarub :”sapa jenengmu yayi?. Aku jaka tarub saka deso sebelah anake mbok randha sing paling
ganteng dewe nanging durung payu-payu ”

Nawang wulan ;”lha sampean niku dipun sade napa kok mboten payu-payu?”

Jaka tarub :”yo tak dol ning awak mu kuwi nek awakmu gelem ngenyang”

Nawang wulan :”hihihihi kula nawang wulang kangmas”

Jaka tarub :”guyumu spektakuler. Marai aku speechles.”

Nawang wulan :”kangmas saget mawon.kang mas badhe ting pundi.”

Jaka tarub :”aku arep ning alas golek tresna kanggo kowe”

Nawang wulan :”alah dereng napa-napa sampun gombali. “

Jaka tarub :”lha njuk arep apa to?”

Nawang wulan :”ngih pun kangmas kula mlebet riyen. Kula badhe ngrewangi simbah asah-asah riyin.”

Jaka tarub :”atiku aja diasahi ndak tresnaku ilang”

Nawang wulan :”inggih pun mengkeh tak kucek”

Nalika jaka tarub lan nawang wulan lagi geguyonan rara wuni mlegakke seko kadhohan. Deweke
banjur rumangsa ra pantes kanggo jaka tarub. Deweke ngiro nek bocah wadon sing lagi dijak guneman
iku calon bojono jaka tarub.banjur jaka tarub ngundang rara wuni.
Jaka tarub :”eh kosek-kosek aja melbu sek. Arep tak kenalke karo kancaku. Rara wuni,come here
(bengok).”

Rara wuni :”eh kangmas tarub. Pripun mas??”

Jaka tarub :”rene tak kenalke karo kancaku. Rara wuni iki nawang wulan, nawang wulan iki rara
wuni,nawang wulan rara wuni iki jaka tarub”

Nawang wulan :”kangmas ki guyon mawon. sugeng sonten mbak rara(salaman karo rara wuni).”

Rara wuni :”inggih sugeng sonten mbak wulan. Mbak wulan niki sintene mbah rata?.”

Jaka tarub :”iki wayahe mbah rata.”

Rara wuni :”kula dereng nate tepang kalian panjenenagan.”

Nawang wulan :”kula nggih sek sepindah wonten mriki.”

Jaka tarub :”enake nek duwe pacar 2 (ngrangkul rara wuni lan nawang wulan).”

Nawang wulan :”wes to kangmas(ngeculke rangkulane). Yowes kang mas, kula mlebet riyen.Monggo
pinarak rara wuni.”

Jaka tarub :”lha aku ra dikon melbu po?”

Rara wuni :”mboten usah,kula nggih badhe wangsul sampun sonten.”

Jaka tarub :”lho njur aku ki ditinggal dewe po?jomblo meneh ki.Bener adhiku yen aku jones.”

Sak uwise ketemu nawang wulan jaka tarub kerep mesem mesem dewe kesemsem karo nawang
wulan.Deweke due pikiran arep ngajak nawang wulan ketemu karo mbok rondho kareben kenal.

Bengine rara wuni matur marang wong tuane yen deweke ora bisa nampa jejodohan karo jaka
tarub amarga deweke ngrumangsani yen jaka tarub wis due calon dewe.Rara wuni ora gelem ngrusak
sesambetan antaraning jaka tarub lan nawang wulan.

Adegan 9 omahe pak ranu

Mbok siti :”ngopo nduk kok malah ngalamun ning kene.”

Roro wuni :”kula nembe mikir babagan jejodohan inkang mau enjang dipunaturaken kalian
bapak.”

Mbok siti :”yo nek aku ki ora arep kepiye kepiye wong mengko sing arep nglakoni lak yo awakmu
dewe.”

Roro wuni :”menawi kula mboten setuju pripun,Bu?”

Mbok siti :”lha alesane nopo kok ora setuju.”

Roro wuni :”kula khawatir menawi sejatinipun kangmas jaka tarub sampun gadhah calon
estri,Bu?”

pak ranu :”lagi do ngomongke opo iki wong loro kok aku ra diajak.”

Roro wuni :”babagan jejodohan ingkang bapak aturaken marang kula wau pak.”

Pak ranu :”oh lha piye wis setuju awakmu.”

Roro wuni :”dingapunten pak kula malah mikir ajeng mbatalaken jejodohanipun.”

Pak ranu :”lha ngopo to nduk?”

Roro wuni :”kula kuatir pak menawi sejatinipun kangmas jak tarub sampun gadhah calon
estri,Pak.”

Mbok siti :”ananging nduk mau ki mbok randha omong yen jaka tarub ora duwe pacar.”

Pak ranu :”ho.o mau aku yo krungu olehe mbok randha omong.”

Roro wuni :”kula wau semerep kangmas jaka tarub kaliyan calon estrinipun saking deso
sebelah,pak.”

Mbok siti :”mosok to nduk?”

Pak ranu :”mosok mbog randha PHP?”

Mbok siti :”sopo to?sopo?”

Roro wuni :”tiyang estrinipun asmane nawang wulan wayahipun mbah roto.”

Pak ranu :”kok aku gek krungu yo nek mbah roto due putu.”

Mbok siti :”iyo pak,lha anake we lak yo wis ninggal disik to.”

Pak ranu :”po mbah roto asline due anak tersembunyi.”

Mbok siti :”males nek wis berkhayal ko ngono sok ra rasional.”

Pak ranu :”ya wis nek pancen ngnono.Arep kepiye meneh.”

Mbok siti :”opo awakmu karo jaka tarif wae nduk?”

Roro wuni :”rayinipun kangmas jaka tarub ingkang radi sedeng niko ,Pak?”

Pak ranu :”kae ki ora sedeng ning rodo kurang.”

Mbok siti :”po wis ditimbang po kok ngerti nek kurang.”

Pak ranu :”yo analisaku kui lak ra tau mlenceng to.”

(kabeh podo ngguyu)

Sakuwise roro wuni ngandarake keputusane iku banjur wong tuane roro wuni podo sarujuk.Mbok
randha uga gage gage dikandani babagan kui.Esuke jaka tarub sanjang karo mbok randha yen arep
nembung nawang wulan dadi bojone.Jaka tarub ngenalake nawang wulan marang mbok randha.

Adegan 10 omahe jaka tarub

Jaka tarub :”mbok mbok”(karo melbu omah)

Mbok randha :”ana opo to enggane kok bengak bengok.”

Jaka tarub :”mbok aku arep ngenalake calon bojo ku mbog.”

Mbok randha :”he?tenanan iki”

Jaka tarub :”yo tenan to mbog mosok yo geguyonan.”

Mbok randha :”ha ndi bocahe.”

Jaka tarub :”rene nawang wulan,simbokku meh ketemu.”

Nawang wulan :”sugeng siang,mbok kula nawang wulan.”

Mbok randha :”owalah genduk ayu temenan koyo widodari saka kahyangan.”

Nawang wulan :”kula pancen widodari mbok.”

Mbok randha :”haha iso iso wae nduk.”

Let sedelo jaka tarif teko

Jaka tarub :”tarif rene tak omongi.”

Jaka tarif :”arep ngopo”

Jaka tarub :”tak kenalke calon bojoku.”

Jaka tarif :”alah ntut.Ndi to tak weruh.”

Jaka tarub :”yo rene ngeyel.”

Jaka tarif : (NGOWOH) “bujubuneng,ayu temenan,nemu nengdi mas.”

Mbok randha :”huusss nek omong ki nemu padake opo wae.”

Jaka tarub :”ojo meri yo.Wong sabar ki oleh welase gusti.”

Jaka tarif :”ha ning iki lak sadar to pas dijak rne ro kowe.”
Jaka tarub :”ngece tenan to we.”

Nawang wulan :”sugeng siang,niki mesti jaka tarif rayinipun kangmas jaka tarub.”

Jaka tarif :”ho oh ho oh (gagap karo mantuk mantuk)

Jaka tarub : (nonyo jaka tarif) “piye mbok setuju ora.”

Mbok randha :”wis ndang rabi wae.”

Nawang wulan : (mesem mesem.)

Sak lebare oleh restu saka mbok randha,wong kekaron saya cedhak.Cerak dina olehe arep
rabi,nawang wulan ngomong karo jaka tarub sopo sejatine deweke.Nawang wulan ora ngerti yen sing
jupuk slendange biyen kui jaka tarub.Semono uga jaka tarub durung ngerti yen nawang wulan iki
widodari sing due slendang ijo sing dijupuk deweke biyen.

Adegan 11 pinggir kali

Nawang wulan :”mas kula badhe matur kaliyan samapeyan.”

Jaka tarub :”opo dek,babagan opo?”

Nawang wulan :”kula badhe jujur sinten sejatine kula lan saking pundi asalipun kula.”

Jaka tarub :”maksudmu?Sliramu lak putune mbah roto to.”

Nawang wulan :”nggih kula sanjang mekaten lan mbah roto nggih sampun nganggep kula wayahipun.”

Joko tarub :”la yo wis saiki opo meneh sing durung cetho.”

Nawang wulan :”mas tarub ngertos menawi mbah roto menika putranipun mpun mboten
wonten,nopo mboten aneh yen kula teko teko diakokke wayahipun mbah roto.”

Joko tarub :”lha putrane mbah roto lak le sedo lebar due anak to paling.”

Nawang wulan :”mekaten mas,kula sejatinipun mboten saking mayapada mriki.”

Jaka tarub :”piye to aku malah bingung.”

Nawang wulan :”mas joko janji ampun sanjang kaliyan sinten sinten mangke babagan sing badhe kula
aturaken.”

Joko tarub :”iyo aku ora arep ember.”

Nawang wulan :”kula niki widodari saking kahyangan,ananging amargi slendang kula ical,sakniki kula
mboten saget wangsul malih menyang kahyangan.”
 DUUUEERRR Jaka tarub kaget,banjur kelingan karo slendang sing diumpetke ning lumbung
omahejaka tarub.Nanging jaka tarub wedi olehe ngaku banjur meneng wae ora jujur marang nawang
wulan.Jaka tarub wedi yen nawang wulan mengko nesu.Pikire joko tarub arep omong mengko wae yen
nawang wulan wis dadi bojone.

Jaka tarub :”sopo kowe lan seko ngendi asalmu aku ra perduli,sing penting aku tresno karo kowe.”

Nawang wulan :”kula nggih tresno kaliyan penjenengan mas”

Jaka tarub :”matur nuwun dik sampun jujur kaliyan kula.”

Nawang wulan :”kula nggih matur nuwun sampun purun nampi kula sak kahananipun kula.”

Joko tarub :”ora usah kuatir dik,aku ora bakal ninggalake awakmu.”

Nawang wulan :”kula suwun mas joko ampun mblenjani janji nggih.”

Akhire jaka tarub lan nawang wulan dadi bebojoan. Kanugrahan anak 3 wedok kabeh sing jenenge
nawang asih, nawang tirta, nawang alindri. Uripe nawang wulan lan jaka tarup kabak welas asih.
Sawijining dino kekarone padha sungkawa amerga mbok radha nilar donya.

Adegan 12 omahe jaka tarub

Nawang wulan :”sabar mas sabar....sedaya tiyang gesang punika mboten mangertos kapan
wekdhalipun manggih Gusti ingkang Maha Kuwasa.

Jaka tarub :”aku ra percoyo nek simbok bakal ninggalke anake sing ganteng dewe.”

Jaka tarif :”mas mbok sing maton sithik to. Simbok gek wae mungkur ninggalke awake dewe simas
wis ndaggel.sing patut ngomong ngono kuwi aku sing luwih ganteng ki aku”

Nawang wulan :”uwes-uwes.kahanan gek sungkawa koyo ngene kakang adi iseh padha ndagel.”

Banjur anake sing no 3, nawang alindri sing bar tangi turu marani ibune,disusul .Nalika iku nawang
asih,nawang tirta,nawang alindri isih pada cilik.Nawang alindri durung mudeng yen simbahe wis seda.”

Nawang alindri :”ibuk....ibuk simbah ting pundi??”

Nawang wulan :”simbah lagi ngaji,nduk”

Nawang tirta :”yeyeye berati arep entuk berkatan”

Nawang wulan :”huss ora pareng,saru “

Nawang tirta :”kok saru?kan ngagem klambi.

Nawang asih :”maksude ibu ki ora pareng tiyang ngaji kok diarep arep oleh olehe.”

jaka tarif :”wah pinter ki ponakanku.”

Nawang asih :”nggih pinter wong pun sekolahkok .”

Nawang alindri :”nek kula njur sekolahipun kapan?”

Nawang tirta :”ya sesuk nek wis podo aku gek sekolah.”

Nawang alindri :”kok ora saiki wae ngopo to mbak?”

Nawang asih :”yo durung oleh wong isih gembeng kok.”

Jaka tarif :”hayo isih ngompol we.”

Nawang tirta :”hahaha,pak simbah kok mboten ngajak kula nek ngaji.”

Nawang asih :”nggih biasanipun kan ngajak.i to.”

Jaka tarif :”ora dijak.i wong rewel mengko ndag marai rame.”

Nawang tirta :”eh sing sok gawe rame ki nawang alindri kae.”

Nawang alindri :”salahe aku sok dinakali neh.”

Jaka tarup :”nek simbah kesah mboten usah pada nakal nggih.”

Nawang asih :”lha simbah ngaos wonten pundi?”

Nawang wulan :”simbah ngaos wonten griyane Gusti . saiki putu-putune tugase ndongake simbah
supaya seneng nin kono”

Nawang alindri :”gusti sinten,Pak?”

Jaka tarif :”gusti ingkang maha agung.”

Nawang alindri :”niku ting pundi?”

Nawang tirta :”halah takon takon wae.”

Nawang alindri :”ya rapopo kok.Terus simbah kundure kapan?”

Jaka tarif :”wis lah yo bal-balan wae yo”

Jaka tarub :”angger kowe sing dadi bale”

Jaka tarif :”yo rapopo nek sing dadigawange mbak nawang wulan”

Jaka tarub :” antemi kuwi”

Nawang asih :”mosok cah wedok dijak bal balan.”

Nawang tirta :”yo dolanan pasaran wae.Pak lik tarif dadi sing tuku.”
Jaka tarif :”waduh mosok aku kon pasaran.”

Nawang wulan :”wes mending do ngaji wae dongake simbah.Ke kon ngajari pak lik tarif.”

Nawang asih, nawang tirta, lan nawang alindri pada ngji dikancani karo jaka tarif.Nawang
wulan pamit karo jaka tarub arep ngumbahi ning kali,lan pesen marangjoko tarub ora oleh mbuka
kukusan ning pawon.

Nawang wulan :”mas kula tak ting lepen riyen nggih badhe nggumbahi.”

jaka tarub :”yoh ngati ati.Arep tak kancani ora?”

nawang wulan :”mboten usah,kula titip sekk masak sekul.Tulung dijogo genine.”

Jaka tarub :”yoh mengko tak tipasi.”

Nawang wulan :”nanging ampun dibuka kukusanipun menapa ke mawon ingkang dumadi.”

Jaka tarub :”lha nopo to?”

Nawang wulan :”nggih pokokke ampun dibuka yen dibuka kula mangkih duka.”

Nawang wulan banjur menyat ning kali.Jaka tarub curiga karo pesene nawan wulan mau banjur
jaka tarub mbuka kukusane.Jaka tarub kaget amarga ning njero kukusan ming ana beras sak wiji

Adegan 13 pawon

Jaka tarub :”bujubuneng,jebul ki bojoku sekti tenan iso nyulap beras sak wiji dadi sego sak
wakul.Mugakno beras ket biyen ra tau entek malah soyo okeh wae.”

Jaka tarub banjur lungo niliki anake sing lagi ngaji.Nawang wulan bali kaget niliki berase mau
durung malih dadi sego.Nawang wulan ngerti yen pesene mau dilanggar.

Nawang wulan :”mas joko.”

Joko tarub :”nopo dek?”

Nawang wulan :”mau mas joko mbuka kukusan to”(karo nesu)

Joko tarub :”ho oh mau aku niliki segone wis mateng durung.”

Nawang wulan :”kan aku wis omong to ojo dibuka.”

Joko tarub :”aku njaluk ngapuro dik aku ora nyongko.”

Nawang wulan :”sak iki ilang kesaktianku.Aku saiki opo opo kudu susah,nek masak aku kudu numbuk
gabah disik koyo wong liane.Mulai saiki mas joko kudu nyepakke lesung gawe aku.”

Joko tarub :”dingapuro tenan dik aku ora ngerti yen bakal koyo ngene iki dadine.”
Nawang wulan :”wis lah mas sego wis dadi bubur me piye meneh.”

Joko tarif :”segone dadi bubur po?,njur kau mangane piye iki”

Nawang wulan :”takon kangmas mu kui .”

Amarga nawang wulan masak koyo wong biasane,seimpenan beras ing lumbung entek.Nawang
wulan ora ngerti yen slendange sing biyen dicolong disimpen karo joko tarub ning lumbung parine
kui.Saben dino gabah ing lumbung kui dijupuk dadi soyo suwe soyo entek banjur slendang kang
diumpetke kui ketok.Ing sawijining dino nawang wulan arep jupuk beras banjur weruh slendange mau.

Adegan 14 lumbung pari

Nawang wulan :”wah kesel tenan,gaweyan kok ra rampung rampung.Bariki isih nutu barang meneh.
(mbuka lawang lumbung)Wah gabahe geri sitik tenan,iki goro goro mas tarub buka kukusan biyen kae.
(karo jupuk gabah)jajal nek ora kan aku ora kelangan kasektenku.

Eh kui opo kok ijo ijo aku ra tau weruh.(narik slendang)

lho iki lak slendang ku biyen to,kok iso ning kene

Nawang wulan kaget tenan nemokake slendange ning kono.Deweke kroso kuciwo marang bojone
amarga ngroso diapusi.

Nawang wulan :”tegel temenan mas joko tarub ngapusi sak suwene iki.aku kudu nemoni mas tarub.Iki
wis wayahe aku bali menyang kahyangan,ketemu karo para dewa lan sedulur sedulurku.Aku sejatine
widodari dadi panggonanku hudu ning kene.”

Nawang wulan marani joko tarub ning sawah kanggo njaluk kajelasan babagan slendang iki

Adegan 15 sawah

Nawang wulan :”mas....mas joko”

Joko tarub :”nopo dik kok mlayu mlayu.Ono opo ning omah.”

Nawang wulan :”iki opo maksude mas?”(karo nuduhke slendang)

Joko tarub : (kaget) lho kok oleh slendang apik temenan ki nggon sopo dik?”

Nawang wulan :”wis ora usah ngapusi aku meneh.Aku ki salh opo to mas nganti sampeyan tegel koyo
ngene ro aku.”

Joko tarub :”dik ngomong opo to kok koyo ngono kui.”

Nawang wulan :”tegel tegele mas joko ngapusi aku,padahal aku wis jujur opo anane ro
sampeyan.Ngopo ket disik kok ora omong wae nek sing jupuk slendang ku kui mas joko dewe.”
Jako tarub :”duh nawang wulan sing tak tresnani aku njaluk ngapuro,disik aku wedi yen kelangan
awakmu.”

Nawang wulan :”ning ora koyo ngene mas carane ki.Aku bener bener kuciwo karo mas joko.”

Joko tarub :”tulung ngapurani aku dik,aku wegah kelangan kowe.”

Nawang wulan :”telat mas,aku kudu bali menyang kahyangan ketemu karo sedulur sedulurku.Aku wis
ora iso urip ning kene meneh.”

Joko tarub :”terus kepiye karo anak anak.e dewe dik.”

Nawang wulan :”kui kabeh dadi tanggung jawabmu to.Aku titip tulung didik sing apik ben dadi wong
bener.”

Joko tarub :”kok kowe tegel ninggal aku ro anak anak.e dewe dik.”

Nawang wulan :”kowe yo tegel ngapusi aku mas.Omah omah tetahuan jebul aku diapusi koyo ngene.”

Joko tarub :”nanging dewe lak wis janji yen ora arep ninggalake opo wae kahanane awakdewe to
biyen pas ning kali kae.Opo kowe lali dik?”

Nawang wulan :”aku ora lali,nanging koyone sliramu sing lali mas yen sing janji ora arep ninggalke ki ya
mung awakmu aku mung njaluk sampeyan ora mblenjani janji.”

Joko tarub :”nanging aku lak wis iso nrimo awakmu apa anane to dik sak lebare awakmu ngaku.”

Nawang wulan :”sing penting aku ra tau ngapusi panjenengan,aku ra tau ngumpetake opo opo seko
panjenengan mas.”

Joko tarub :”aku ngerti aku salah,ning lak yo awakmu seneng to urip ro aku,dewe ki wis due anak
dik.”

Nawang wulan :”nangin ora mergo diapusi ngene ki mas.Opo panjenengan ora mbayangke aku ora
biso ketemu karo sedulur sedulurku ing kahyangan kono.Aku kudu lunga.”

Joko tarub :”mengko aku kudu omong opo karo nawang asih,nawang tirto,nawang alindri.”

Nawang wulan :”sekarepmu.Nanging cah telu kae tetep dadi anakku,yen suk ben kepengin ketemu aku
gowo wae ning pinggir kali anggon mu weruh aku sepisanan lan jupuk slendangku.Nanging syarate
panjenengan ora pareng muncul pas aku lagi ketemu anak anaku.Wis mas aku kudu lungo sak iki.”

Joko tarub :”nawang.........nawang wulan..........ojo tinggalke aku..

(karo nangis ngoyak nawang wulan)

Nawang wulan banjur lungo ninggalake jaka tarub dewe karo anak anake.Nawang wulan bali menyang
kahyangan ketemu karo para sedulure lan para dewa sing ngasuh nawang wulan biyen.Jaka tarub bali
menyang omahe ketemu anak anak kang lagi podo dolanan karo jaka tarif.Kabeh kedadean seko awal
nganti lungane nawang wulan dicritaake karo jaka tarif.Nganti anak anake dewasa jaka tarub ora tau
ketemu nawang wulan meneh.

RAMPUNG