Densidade Been

Mina no bee la bele kahur malu, maibé se tau sira iha kopu ida, bele aprende barak
kona-ba densidade [masa jenis].

Sasán ne’ebé estudante atu lori: Sasán ne’ebé mestre atu lori:
 kopu vidru ne’ebé transparante –  Kór dose, kahur ho bee uitoan
bele haree liu ninia didin lolon  gabus
 mina uitoan
 bee
 kanuru
 koto ka batar balu
 lilin
 ai-kesak

Tamañu grupu nian: estudante na’in 2 – 4

Atu halo:
Iha esperimentu ne’e, diak liu hatama buat ida ba kopu laran, observa buat ne’ebé
mosu, no tuirmai hakerek observasaun iha kadernu. Tuirmai hatama buat ida tan.
Mestre bele lori sasán hotu iha oin no fó, ida ba ida, ba grupu sira.

1
1. Enxe bee iha kopu to’o 2/3. Tuirmai,
enxe fali mina mais ou menus 1
sentímetru. Haree sá mak mosu.

2. Grupu ida-idak tau kanuru iha meza.

Mestre fó bee ho kór uitoan iha kanuru nia
laran ba grupu ida-idak. Estudante sira tau
liman-fuan ida iha bee ho kór no tuirmai
halo bee turun husi liman no tun iha kopu
laran. Haree didiak sá mak mosu, no halo
dala barak tan.
Baibain, bee ho kór tun neineik iha mina
no sai namkari bainhira to’o bee ne’ebé iha
kraik.

4. Tau koto ka batar ida iha kopu. Haree

sá mak mosu. Tau tan.
Baibain koto tun iha mina no mós iha bee
to’o kopu nia okos.

2
5. Tesi parafina baluk kiikoan ida husi lilin,
no tau iha kopu nia laran. Haree sá mak
mosu. Tau tan. Foti ai-kesak no dudu
parafina tun iha bee nia laran, no haree.
Dala ruma, parafina bele tun iha mina,
maibé namlele iha bee nia leten. Nia la
namlele iha mina nia leten hanesan gabus.

6. Tesi gabus baluk kiikoan ida no tau iha

kopu nia laran. Haree sá mak mosu. Tau
tan. (Se la hetan gabus, bele mós uza ai-
kesak baluk ida.)
Baibain gabus no ai namlele iha mina nia
leten.

7. Ikusliu, kedok hotu hamutuk ho ai-

kesak. Kedok maka’as, no tuirmai hein atu
haree sá mak mosu. Presiza hein kleur,
hanesan minutu lima.
Baibain, buat hotu sei fila fali ba ninia fatin
uluk.

Estudante sira mós bele hatama buat

seluk.

3
Sá mak mosu?
Tanbasá buat balu tun, buat balu namlele?

Atu komprende esperimentu ne’e, tenke hanoin kona-ba gravidade [gravitasi].

Gravidade dada buat hotu ba kraik. Nia dada buat todan maka’as, no nia dada buat
kamaan uitoan de’it. Bainhira enxe bee iha kopu laran, bee tun ba okos tanba gravidade
dada nia. Mós, sei enxe mina iha kopu ne’ebé mamuk, mina sei tun ba okos tanba
gravidade dada nia.

Se tau mina no bee hamutuk iha kopu ida, ida ne’ebé tun ba kraik mak ida ne’ebé iha
densidade boot liu. Densidade mak masa hira iha volume ruma nia laran. Ho lian
matemátika:
ρ = m/v
ρ = densidade
m = masa
v = volume

Mina namlele iha bee nia leten tanba ninia densidade kiik liu bee nian.

Ne’e duni, ita bele halo konkluzaun kona-ba koto, parafina, no gabus ka ai:
*Se koto tun ba okos, ne’e katak koto nia densidade boot liu bee nian no mós mina nian.
*Se parafina tun ba mina nia okos, ne’e katak parafina nia densidade boot liu mina nian.
*Se parafina namlele iha bee nia leten, ne’e katak parafina nia densidade kiik liu bee
nian.
*Se gabus ka ai namlele iha mina nia leten, ne’e katak gabus nia densidade kiik liu bee
nian no mós mina nian.

Buat ruma nia densidade la depende ba ninia forma, no mós la depende ba ninia
tamañu. Densidade depende ba buat rua: masa no volume. Nu’udar ezemplu, fatuk nia
densidade boot liu ai nian. Ita bele hanoin kona-ba fatuk kiikoan liu, hanesan rai-henek
baluk ida, no moos ai boot liu, hanesan ai-hun tomak. Maski rai-henek kiikoan, ninia
densidade sei boot liu ai-hun nian.

Atu prova [membuktikan] buat ne’e, ita bele soe sira rua iha tasi nia laran. Rai-henek sei
tun iha bee nia laran, maibé ai-hun sei namlele. Ne’e tanba iha been ruma nia laran,
buat ne’ebé iha densidade boot liu been ne’e sei tun iha been ne’e nia laran.
Manu-tolun ne’ebe hatama ba iha mina ho bee nia laran, manu-tolun mout liu ba bee nia
okos tanba ninia densidade boot liu bee ho mina nian. Bainhira kahor masin ba mina ho
4
bee, mina kontinua namlele nafatin iha bee leten, signifika katak bee masin nia
densidade boot liu nafatin mina nia densidade no bainhira hatama manu tolun ba iha
mina ho bee masin nia laran, manu tolun namlele de’it iha bee masin nia leten no mina
kontinua namlele iha manu-tolun ho bee masin nia leten. Signifika katak:
 mina nia densidade ki’ik liu manu-tolun ho bee masin nia densidade
 maibe manu-tolun nia densidade ki’ik liu fali bee masin nia densidade tanba ne’e
manu-tolun namlele.

(Atu hetan informasaun tan, haree lisaun “Submarinu,” “Densidade Sólidu,”

“Archimedes,” “Bee Manas,” no “Anin Manas.”)

Ligasaun ba moris:
Bee ne’ebé kahur ho masin, hanesan tasi been, iha Densidade boot liu bee moos nian.
Nune’e, bainhira foin tau bee moos no tasi been hamutuk, sira la kahur malu – bee
moos namlele iha leten. Bele haree ida ne’e mosu iha fatin iha ne’ebé mota suli ba tasi,
hanesan Baucau nia tasi-ibun. Bee moos husi mota ki’ikoan namlele nafatin ba bee tasi
nia leten. Lakleur, bee moos kahur ho tasi been no sira la ketak ona.

Se tau manu tolun iha bee moos, nia tun ba bee okos (koko-took!) Maibé se aumenta
masin barak iha bee laran no kedok, manu tolun sei sa’e no namlele. Ida ne’e prova
katak tasi been nia densidade boot liu bee moos nian.

Se ro nia densidade la’ós kiik liu bee nian, nia la bele namlele. Se tau fatuk ka rai-henek
iha ro, bele aumenta ninia densidade to’o nia tun iha bee.

Diak liu, mestre anima estudante sira atu fila ba uma no halo fali esperimentu ne’e ho
mina oioin, foos, musan oioin, modo no ai-fuan oioin, fatuk, manu tolun, ai, no naran
materiál ida. Haree took: saida mak iha densidade boot, no saida mak iha densidade
kiik.

Lisaun ne’e liga ba:

Eskola Pre-sekundária Livru Testu Fízika 1A, Konsep 2, p. 22.
Eskola Sekundária Livru Testu Fízika 1B, Bab IX, p. 30