Atur Acara Nikah

Bismillahirrahmanirrohim, alhadulilllah, alhamdulillahilladzi ahalannikah wa harromassyifah,

asyhaduan-lailahaillahu wahdahu lasyarikalah, waasyhadu-anna-muhammadan abduhu
warosuluh lanabiyya warosula ba’dah, washolatu wassalamu ‘ala muhammadibni abidillah.
Qolallahu Ta’ala :
‫ت لِقَوْ ٍم يَتَفَ َّكرُونَ َو ِم ْن آيَاتِ ِه َأ ْن‬ ٍ ‫ةً ِإ َّن فِي َذلِكَ آليَا‬
‫ق لَ ُك ْم ِم ْن َأ ْنفُ ِس ُك ْم َأ ْز َواجًا لِتَ ْس ُكنُوا ِإلَ ْيهَا َو َج َع َل بَ ْينَ ُك ْم َم َو َّدةً َو َرحْ َم‬
َ َ‫خَ ل‬
“Dan di antara ayat-ayat-Nya ialah Dia menciptakan untukmu istri-istri dari jenismu sendiri,
supaya kamu merasa nyaman kepadanya, dan dijadikan-Nya di antaramu mawadah dan rahmah.
Sesungguhnya pada yang demikian itu benar-benar terdapat tanda-tanda bagi kaum yang
berpikir” [Ar-Rum 21].

Kawula nuwun saha kunjuk ngarsanipun para ‘alim para kyai linangkung panjenenganipun al-
mukarraom Bp K.H. …………….. ingkang satuhu suka paring piwucal lan nedahaken dating
margi ingkang leres, pramila pantes tinuladda lan kaderekaken menggah dhawuh punapa dene
fatwanipun.
Panjenenganipun para pepundhen, para sesepuh, para pinisepuh ingkang satuhu sampun pana ing
pamawas, lenda ing pitutur, ingkang pantes pinundhi lan kinabekten.
Panjenenganipun para priyangung, para pangarsaning praja, para sarjana sujaneng budi, para
pangemban pangembating nagari, mangka pandam pandoming kawula dasih, ingkang pantes
katuran sagunging pakurmatan.
Para kadang sutrisna mudha wredha ingkang pantes sinudarsana, punapa dena para tamu kakung
sumawana putrid ingkang dahat kalingga murdaning akrami.

Kanthi linambaran pepayung budi rahayu, miwah ngaturaken sewu agunging aksama, mugi
pinarengna kawula hambuka wiwaraning suka wenganing wicara dwaraning kandha, nun inggih
mradhapa awit saking kaparengipun Bp ……………….. sekaliyan ingkang garwa nun inggih
ingkang amengku gati, kawula piniji hanjejeri minangka panitilaksana, saperlu mratitisaken
murih rancaking titilaksana adicara pahargyan prasaja ing dalu kalenggahan punika.

Wondene menggah reroncening tata adicara ingkang sampun rinancang rinacik dening para
kulawangsa nuninggih :
- Sasampunipun putra temanten kakung rawuh wonten ing sasana rinengga, tumunten
kalajengaken adicara pasrah panampi, kalajengaken dhaup panggihing putra temanten
anut satataning adat, ingkang katitisaken juru riyas pangadi busana panjenenganipun Ibu
…………………………. saking …………………….. Dene pasrah temanten kakung
saking panjenenganipun Bp/Ibu …………………… saking tlatah Ngesal-Delik Jawa
Tengah, badhe kasarirani Panjenenganipun Bp. ……… Salajengipun Bp ………………
minangka talanging basa Bp/Ibu …………… kapareng badhe hanampi pasrahing
temanten.
- Paripurna pasrah tampi temanten, sasampunipun temanten sarimbit dalasan para
pangombyong lenggah satata kasuwunaken barakah kanthi kumandaning waosan ayat-
ayat suci Alquranul-karim dening Bp ……………………………..
- Titilaksana salajengipun panjenengan ingkang hamengku gati badhe marak ngabyantara
sami, saperlu ngaturaken pambagyaharja katur panjenenganipun sagung para tamu,
ingkang hanyaraya panjenenganipun Bp Maskuri minangka talanging atur.
 - Pangandikan minangka sabdatama walimatul ‘ursy badhe kasuwunaken lan kababar
saking panjenenganipun Al-Mukarrom Bp. K.H………………………… saking
Candirejo.
- Minagka jangkeping titilaksana pahargyan badhe kasuwunaken pandonga saking
Bp…………………………….
- Wondene minangka pratanda pari purnaning pahargyan, menawi temanten sarimbit
sampun jengkar saking sasana rinengga tumuju wiwaraning pahargyan, tanda yekti
pahargyan sampun paripurna.

Sagung para tamu kakung putri, murih purwa madya wasana tansah manggih rahayu kalis ing
rubeda nir ing sambekala, tansah kaluberan barokah lan rahmating Allah Swt, sumangga
panjenengan sedaya kula dherekaken nenuwun dhumateng Allah Swt. Kanthi maos umml kitab
sesarengan. Li ridhillah ……………………….

Wus samekta ing gati, nun inggih sriatmaja temanten kakung sampun jumeneng wonten
sangajenging wiwara pahargyan, kapareng badhe hanetepi upacara pasrah. Cucuking cundaka
ingkang dipun sarirani panjenenganipun Bp …………………….. minangka talanging basa
saking panjenenganipun Bp/Ibu ……………………. ingkang dipun kanthi para pangombyong,
Kados sampun samekta, kepareng badhe masrahaken risang temanten kakung dhumateng
ngarsaninpun Bp/Ibu ………………………………….., ingkang salajengipun kapranan saha atur
panampi ing kalenggahan punika badhe kasarirani panjenenganipun Bp …………………………
minamngka talanging basa.
Katur panjenenganipun Bp. …………………………. Wekdal sawentahipun kacaosaken.

Satuhu tatas titis, gambling cetha trawaca, tumata datan tumpang suh atur pangandikanipun
rising cundaka hamasrahaken putra temanten kakung. Salajengipun Bp …………………….
Minangka talanging atur Bp/Ibu ……………………….. kepareng badhe hanampi pasrahing
temanten, ing wasana, sasana saha suwasana kawula sumanggaaken, sumangga.

Sampun paripurna upacara pasrah lan tampi temanten, salajengipun putra temanten sarimbit
kapinarakeken ing sasana rinengga, ingkang katitisaken juru riyas pangadi busana panjenenganipun Ibu
…………………………. saking ……………………..

Para rawuh kakung miwah putrid, putra temanten kekalih dalasan para pangombyong sampun
lenggah satata, pramila salajengipun kasuwunaken barakah kanthi kumandaning waosan ayat-
ayat suci Alquranul-karim dening Bp ……………………………..
Kasugengan karahayon miwah nugrahaning Pangeran Ingkang Maha Welas Maha Asih,
Allah Swt. Kawula nuwun saha kunjuk ngarsanipun para ‘alim para kyai ingkang satuhu
suka paring piwucal lan nedahaken dateng margi kautamen, pramila pantes tinuladda lan
kaderekaken menggah dhawuh punapa dene fatwanipun.
Panjenenganipun para pepundhen, para sepuh, para sesepuh, para ajisepuh ingkang
satuhu sampun pana ing pamawas, lebda ing pitutur, ingkang pantes pinundhi lan
kinabekten.
Panjenenganipun para priyangung, para pangarsaning praja, para sarjana sujaneng budi,
para pangemban pangembating nagari, mangka pandam pandoming kawula dasih,
ingkang pantes katuran sagunging pakurmatan.
Para kadang sutrisna mudha wredha ingkang pantes sinudarsana, punapa dena para tamu
kakung sumawana putri ingkang kairing pakurmatan.
Mirunggan panjeneganipun Bp. Putut Suratno Sarimbit garwa ingkang kalingga
murdaning akrami saha bagya mulya.

Kanthi linambaran pepayung budi rahayu, miwah ngaturaken sewu agunging aksama,
nun inggih mradhapa awit saking kaparengipun Bp ……………….. sekaliyan ingkang
garwa pun Ibu …….. dalasan baraya agung saking ………………………ingkang
kawula kepareng matur hamasrahaken temanten kakung wonten ngarsanipun Bapa Putut
Suratno Sekaliyan Ibu dalasan baraya agung saking salatiga.