I Angsa Teken I Kerkuak

Ada ketuturan satua I Angsa mesawitra teken I Kerkuak. Sekadi rwa bineda ne ade jele ade melah,
petuh teken solahne I Angsa ngajak I Kerkuak. Solahne I Angsa polos, jemet tur wicaksan. Melenan
pesan teken I Kerkuak. Solahne jele, demen ngae rusuh lan daya ne liu. Sedek dina anu, I Angsa
paling ngalih amah-amahan, kran di tegale sube telah amah-amahane. Kemu lantas I Angsa ke Tukad
Dangin Desa, ditu ia nolih liu ade be. Mekeneh lantas I Angsa ngajak I Kerkuak kemu ngalih amah. “
we kerkuak, krana di tegale sube telah amah-amahan ne, mai bareng ajak icang ke Tukad Dangin
Desa ngalih amah”. Mesaut lantas I Kerkuak “ yeh ngepas sajan basing cang e layah, mai enggalin
kemu”.

Disubane neked ditu, ditu lantas ia nolih liu ade be. Pesu lantas daye corah ne I kerkuak “yen ne
edum ajak I Angsa sinah cang lakar bedik maan ngamah, krana basang ne gede basang cang e
cenik, jeg liunan ye ne maan ngamah’. I Kerkuak lantas nunden I Angsa numanang bene. “ we cai
kerkuak, yen jani amah onyangan bene , sinah mani poan tusing ade lakar amah. Tumanang bene !”.
Mesaut lantas I Angsa “ yeh saje, tumben benemg otak caine. Mai punduhang bene”. Sube liu tur
mepunduh bene, I angasa nagajak I kerkuak nyawenin bene baan don kladi. Gumi ne sube sanje tur
ngancan peteng , ditu lantas I Kerkuak ngajakin I Angsa mulih. “ we angsa sinah sube peteng, mai
mulih!”. Mesaut lantas I Angsa “ mail an jani mulih, mani buin mai “. Mesaut lantas I Angsa “ mai lan
jani mulih, mani biin mai “. Disubane I Angsa neked jumah, I Kerkuak buin melipetan ke Tukad
Dangin Desa. Jeg kajange bene abane ke beten punyan pulene, telah sing mesisa nang abesik bene.

Sube lantas semengan, teke I Angsa ngajak I Kerkuak ngalih be ane punduhange dibi. Disubane
neked di Tukad Dangin Desa, mekesiab I Angsa. Jeg don kladine dogen ne mesisa “ yihh kije telah
melaib bene? Jeg sing mesisa nang abesik bene. Ajaan gumi kali yuga, be sube mesawenin bisa
ilamng plaibang maling” keto munyine I Angsa memedih. “ yih kije bene? Nyen ne ngamah bene?
Bah mirib ade cicing mai ne ngamah bene dibi sanje!” . nanging I Angsa tusing je sebet, krana ia
nawang ne madan karma phala. Jele parilaksane, jele masih kepanggih, melah perilaksanane , melah
masih kepanggih. I Angsa apaling ngalih amah-amahn, nangin I Kerkuak sube betekan basang ne
nagamah be kanti mesisa.

Sube keto lantas teke I Cicing guding nagih ngidih bene I Kerkuak. “ We Kerkuak, bang je cang ngidih
bene abesik, basang cang e layah gati sing maan ngamah uli ibi sanje”. Mesaut lantas I Kerkuak “
mih ratu jikping srining selat segara pitu, mare cai neked dini sube nagih ngidih be. Neh neh amah be
be cang e, basang cang e sube betek ngamah be”. Kemu lantas I Kerkuak ngalih I Angsa. Sube
tepukine I Angsa , ditu lantas I Kerkuak mesadu ngorang nepukin ade cicing ngamah be.” We Angsa
ditu ade cicing gudig ngamah be. Mirib ye ne maling bene ibi”. Kemu lantas I Angsa ngintip I cicing
guding, jeg tepukinne I cicing gudig ngamah bene. “Bih saje , ye ne ngamah bene, nah sing engkn
amah-amahan nak dadi alih. Mirib layah basang ne uli puan sing ngamah!” keto munyine I Angsa.

Aine sube endang, I Angsa ajak I Kerkuak ngalih amah ke kolam ne Pan Berag. Sube neked ditu
tepukine liu ade be, nanging kolam ne dalem , medaye lantas I Kerkuak. “ we Angsa ca ikan dueg
ngelangi, muh alih bene!” keto munyimne I Kerkuak. Mesaut lantas I Angsa “ we kerkuak, kolame ne
sube ade nak ngelahang, de ngabe bikas jele. Cang sing nyak memaling!”. Mesaut I Kerkuak “ mih
ratu jikping srining selat segara pitu, tunden amonto gen cai sing nyak. Aamun keto cang je tuun
ngalih be!”. Ulian basang ne layah tuun ye I Kerkuak. Konden neked di kolame sube kene jeet,
sangket jaring batisne, ulian dengan sing nepukin ape. Mati lantas I Kerkuak lilit jaring.
Keto sube upah a nake demen melaksana corah, setate daye , tusing taen medalem timpal. Sekadi
gending tyang puniki “ Mule sulit memunahang saktin indriane” artine wiyakti pisan mule sulit
memunahang saktin indriane.