Assalamu'alaikum warahmatullahi wa barakatuh.
Makaten urut reroncening adicara ingkang rinancang saha rinakit dening
Rumentahing puja hastawa saking Ngarsa Dalem Alloh SWT ingkang Maha
Asih, mugi tansah kasajiwa kasarira dening panjenenganipun para rawuh
kakung sumawana putri ingkang dhahat kinurmatan,Nuwun,
Dhumateng panjenenganipun para sesepuh, para pinisepuh ingkang
hanggung mastuti dhumateng pepoyaning kautaman ingkang pantes pinundi,
para alim ulama ingkang tansah luhur ing budi.
para pangemban pangembating praja satriyaning nagari ingkang sinuba ing
pakurmatan,
para sarjana, para sujana sujananing budi ingkang sampun wenang hanampi
wahyuning kasutaman ingkang satuhu bagya mulya.
Mradapa awit saking keparengipun Bapa. Muhammad Mukhlis Aditya Saputra
sakaliyan garwa, kula ingkang kapitedhan sinaraya hambuka wiwaranging
suka, wenganining wicara, dwaraning kandha pinangka jejering pambiwara,
ngaturaken urut reroncening tata upacara ingkang sampun rinakit, rinancang
dening para kulawangsa.
Para rawuh ingkang dhahat kinurmatan, kepareng kula matur menggah
reroncening adicara sakmangkeh.
Adicara ingkang angka setunggal Pambuka
Adicara ingkang angka kalih Pasrah calon penganten kakung
Adicara ingkang angka tiga Tampi pasrah calon penganten kakung
Adicara ingkang angka sekawan Waosan Kitab Suci Al Quran
Adicara ingkang angka gangsal Ijab qobul
Adicara ingkang angka Pambagio harja
Adicara ingkang pungkasan Penutup
kulawarga.
Para lenggah, Adicara ingkang angka sepisan inggih punika pambuka.
Sumangga tinarbuka kanti waosan basmalah sesarengan.
Bismilahirohmanirohim…….
Para lenggah ingkang dhahat kinurmatan. adicara selajengipun pasrah calon
panganten kakung katur dumateng Ibu ima dwijayanti kula sumanggaaken.
Para lenggah ingkang dhahat kinurmatan. adicara selajengipun atur panampi.
katur dumateng ibu fathia fadhila trista kasumanggaaken.
Tataran ingkang angka tiga waosan Kitab Suci Al Quran dening sedherek
Dhumateng panjenenganipun ustazah arsylla riska dewi kula sumanggakaken.
Laksitaning gati salajengipun nun akad nikah risang calon penganten kekalih.
Dhumateng Bapak Naib inggih punika kevian tangguh rabbani saha parapara
ingkang hanawung kridha tumapaking adicara akad nikah, katur dumateng
Bapa Naib kula sumanggaaken.
Para rawuh ingkang tuhu kinabekten. Mekaten adicara suci nikahipun abagus
Muhammad Aulia Arifin Ilham kaliyan rara ayu Nala Gita Nirmala sampun
kalaksanan kanthi raharja nir ing sambekala.
Adicara candaipun inggih punika pambagio harja ingkang dipun sarirani
dening ibu Aprielsa maulida husna.
Para lenggah sedaya ingkang dahat kinurmatan adicara saklajengipun inggih
punika panutup manga kapungkasi kanthi waosan hamdalah.
Alhamdulilahirobbil alamin.
Kasuwun dhumateng panganten sarimbit, ugi bapak ibunipun pinanganten
keparenga jengkar saking wisma upacara, lajeng jumeneng wonten
sangajengipun wiwara, asung pakurmatan konduripun para tamu kanthi jawat
asta. Sumangga, nuwun. Alhirul kalam, billahittaufiq wal hidayah
Wassalamu'alaikum warahmatullahi wabarakatuh.