4. Jinis geguritan
Adhedhasar surasane kang kamot jrone geguritan ing jaman saiki kayata:
a. Ode. surasane ngemot pangalembana marang wong liya, negara apadene kang
dianggep luhur.
b. Himne. Geguritan pangalembana marang Gusti Kang Maha Kawasa.
c. Elegi. Geguritan iki njlentrehake sawijining bab kang nelangsa Ian ngrujit ati.
d. Epigram. Geguritan kang surasane babagan piwulang-piwulang moral, nilai
idhup kang becik Ian bener kang tinulis kanthi ringkes.
e. Satire. Geguritan kang surasane ngenyek kanthi kasar (sarkasme) kang
landhep/sinis tumrap sawijining bab kang ora adil kang ana ing madyaning
bebrayan.
f. Romansa. Geguritan kang surasane babagan katresnan. Tresna ora mung
antarane sisihan, nanging tresna ing maneka warna bab.
g. Balada. Geguritan kang surasane babagan crita utawa lakon kang nyata utawa
mung lamunane pujangga.
5. Trap-trapan panulise geguritan iku kaperang dadi telung trap kang penting
a. Nemtokake ide/tema
b. Nyaring: nyaring informasi kang narik kawigaten.
c. Ngripta geguritan: , minangka proses kang kudu ditindakake kanthi tliti, awit
panulise mbutuhake kreatifitas, intuisi, Ian imajinasi, sarta pengalaman Ian
kaprigelan.
6. Trap-trapane Ian cara kanggo mahami Ian ngudhari surasane geguritan
a. Maca Ian njingglengi geguritan wiwitan nganti pungkasan. Pakaryan iki isa
nemokake gegambaran kanthi global utawa proses penafsiran kawitan.
b. Nggoleki materi-materi kang penting:
i. Irah-irahan (judul) geguritan
ii. Tembung kunci
iii. Gaya basa (majas)
iv. Simbol-simbol
c. Negesi Ian gawe dudutan surasane geguritan.
d. Nggancarake nggunakake basane dhewe.