PARTORDING NI PARTANGIANGAN PUNGUAN SIBATUARA (PARNASIB)
WIL. SAGULUNG, minggu 17 September 2023
Di bagas kel. C.Batura Br.Aritonang
01. Pangaradeon (U= uluan H= Huria)
02. Marende BE-9 : 1, 3 “Hupuji holong ni” Hupuji holong ni rohaMu, o Tuhan Jesus Rajangki. / Tu Ho hulehon ma tondingku, ai i do pinangidoMi. / Huhalupahon ma diringku, mamingkir holong ni rohaMu. Huhilala ingkon martuhan, ingkon mangolu au di Ho. / Ndang jumpang au be hangoluan aut unang dipatupa Ho. / Sai Ho do paradiananhu, sai gok di Ho nama langkangku. 03. Tangiang responsoria U: Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. H: Amen. U: Halleluya! Puji hamu ma Debata di bagasan habadiaonna i, puji hamu ma ibana di hajanghajang ni hagogoonna i! H: Puji hamu ma Ibana ala hagogoonna, angka na sumurung i, puji hamu ma Ibana, hombar tu hinagodang ni hatimbulonna. U: Puji hamu ma Ibana mardongan soara ni sarune, puji hamu ma Ibana mardongan arbap dohot sordam. H: Puji hamu ma Ibana mardongan tali sajak dohot panontoron na marliat, puji hamu ma Ibana mardongan hasapi dohot tulila! U: Puji hamu ma Ibana mardongan ogung panggora, puji hamu ma Ibana mardongan ogung panonggahi! Sude na marhosa ingkon mamuji Jahowa! Halleluya! Martangiang ma hita: Ale Tuhan Debata, na marpungu do hami dibagasan punguan na pinajongjongMon, mandok mauliate do rohanami tu Ho ai tongtong do diiringiring Ho hami sahat tu sadari on. Ale Tuhan, ndang adong sipangasahononnami di pardalanan ni ngolunami on, ia so holan pangurupion dohot panogunoguonMu di hami, i do na hupangido hami sian Ho, di na marsaor hami dohot Ho di partangiangan on, asa urupi jala togutogu hami pardalanan ni ngolunami marhitehite Tuhan Jesus Kristus Tuhannami. Amen. 04. Marende BE-149 : 1, 3 “Ho tongtong ihuthononku” Ho tongtong ihuthononhu, Jesus sipangolu au. / Tung na so tadinghononhu Ho na paluahon au. / Sian sasude dosangku, dohot sian uhum i. / Na tongtong habiaranhu, ala pardosaonhi. Manang aha pe na masa, las ni roha arsak pe. / Tioponhu Ho na basa na marholong roha pe. / Tung saleleng au mangolu, nang dung suda bohalhon. / Ingkon Ho, o Sipangolu, pujionhu sai tongtong. 05. Epistel 06. Marende BE-719 : 1 “Hubege soaraM o Jesus”(Lao manjakhon barita nauli) Hubege soaraM o Jesus, hubege soaraM o Jesus, / hubege soaraM o Jesus na manjouhon ihuthon ma au. / Reff. Togu au Jesus Tuhanku, iringiring ma langkangku, / patuduhon ma dalanMu asa unang, unang lilu au. 07. Renungan/Jamita 08. Marende BE-672 : 3 “Tung godang situtu ulaon” Ala ni i boan ma sondang na tiur i, boan ma hata ni Tuhan i. / Sai urupi na pogos, na mardangol i asa ro tu Jesus Tuhanta i. / Sai patupa ma i ala ni Tuhani, so manghirim balosna tu ho / Debata do marnida na ni ulami manang na adong parbue ni i. 09. Tangiang Pangondianon/ doa syafaat 10. Marende BE No. 802 : 1….”Pangke Tingkim Saonari” (Pelean/ persembahan) Pangke tingkim saonari, dapothon ma Tuhan i Unang godang sidalian, ingot jempek ngolumi Nunga rade hasonangan, di Surgo i, di Surgo i Unang adong nanggo sada Naso parjambar disi Molo taida donganta, na sai marungkil tongtong Unang pasombu sai suda, togu urupi antong Nunga rade hasonangan, di Surgo i, di Surgo i Unang adong nanggo sada Naso parjambar disi 11. Tangiang panutup(Tangiang pasu-pasu) .