KESAH HANDAP BAHASA BANJAR

TEMA : KEBERAGAMAN
TOKOH : PA IZA, UTUH , UDIN , ANANG, SISWA-SISWI
ALUR CERITA : MAJU
LATAR TEMPAT : RUANG KELAS
JUDUL : BAHARATAN WADAI
KARYA : Muhammad Ihza Mahendra, S.Pd.
Disabuah sakulahan ngarannya SDN WASAKA 1 yang mana di SD ngini banyak
banar siswanya nang barbagai macam suku dari berbagai daerah nan gada di Kalimantan
Selatan Pada hari itu buhannya dikalas disuruh Pa Iza mambawa wadai Tradisional, bel
sudah babunyi tandanya siswa mulai masukan dalam kalas , “Assalamualaikum anak-
anak, “ ujar pa Iza , jawab Murid-murid “ waalaikumsalam pa . “nah kayapa habar buhan
pian hari ini sehat barataan kalo “ ujar pa Iza , “ , “inggih pa Alhamdulillah sehat pa “,
jawab murid-murid. Lalu pa Iza manyuruh barataan Murid kelas 6 maungkai bawaan
wadai buhannya, “Nah sakarang buhan pian andak wadai masing-masing diatas meja “
ujar Pa Iza , imbah itu pa Iza maminta saikung murid mambawa wadainya kamuka kalas ,
“ Anang maju kamuka nak bawa wadai pian , sambat akan ngaran wadai nang pian
bawa . “ ujar pa Iza , anang maju kamuka sambil mamabawa wadainya, “ nah ulun hari
ini kakawanan ai mambawa wadai Apam Barabai nah , nyaman banar Apam Barabai nih
manis rasanya gula habangnya asli pa ae paling nyaman sudah pa ae Apam Barabai nih ,
“ Ujar Anang , imbah itu pa Iza Mangiyau Murid Selanjutnya, “ iya beri tepuk tangan
dulu gasan Anang , selanjutnya udin Maju kamuka ,” . lalu Udin maju kamuka sambal
mambawa wadainya , “ nah amun ulun hari ini mambawa Leha kakawanan ae alias
lempeng Hangit , buhan pian lah amun makan Lempeng nih kanyang tu pang isinya gin
ba topping pisang , pokoknya Leha ni paling nyaman pang sudah “, imbah itu banyak
banar murid nang mambawa wadai nang kaya , Gaguduh , Bingka, Bingka Barandam,
Pais pisang , Pais Gumbili, wan nang lainnya sampai murid nang tarakhir dipanggil maju
kamuka tapi inya supan ngarannya utuh Pa Iza pun mangiyau utuh maju ka muka . “ nah
sakarang nang terakhir lah ayo Utuh maju kamuka jangan supan pian tuh ae “. Lalu
siutuh pun maju kamuka sambil mambawa wadainya nang balapis kantongan hirang , “
nah ulun hari ini pa ae mambawa wadai untok tapi wadai untok nang Panjang isinya
pisang talas pa ae ulun katuju bangat untok Panjang nih nyaman di pingkut lawan jua
maulah kanyang amun rasa jangan ditakuni lagi pa ae nyamaaaaan bangat .” jadi imbah
itu asing-asingnya buhan murid-murid baharatan wadai nang buhannya bawa, imbah itu
Pa Iza bapasan , “ nah sudah anak-anak wadai nang pian bawa barataan hari ini nyaman-
nyaman barataan sasuai lawan rasa karakteristiknya, masing-masing wadai ada
kalabihannya, nang ini pang wadai wadai nang pian bawa hari ini marupakan wadai khas
Banu akita jadi kita harus bangga nak ae lawan wadai ampun kita nih jaka kawa tu wadai
nang ampun kita nih kawa Go Internasional nah , itu aja pesan dari bapa .