OM awignam astu nama sidham,

Sane banget wangiang titiang, Bapak Kepala SMP N XXX Batubulan

Sane banget wangiang titiang, Bapak lan Ibu Guru SMP N XXX Batubulan
para staf, pegawai SMP N XXX sane banget kusumayang titiang
miwah para sisia sawitran titiang sane banget tresna sihin titiang

Rahajeng semeng. Punapi gatrane? Domogi makasami becik - becik kemanten. Sadurung titiang
ngelanturang atur, pinih kapertama ngiring iraga sareng sami nunas ica majeng ring Ida Sang Hyang
Widhi Wasa, Tuhan Yang Maha Esa duaning sangkaning paswecan Ida prasida iraga mapupul ring
galahe sane becik puniki, tiang ngaturang pangastungkara ngucapang panganjali umat

OM SWASTIASTU

Inggih Ida dane sane kusumayang titiang, ring galahe sane mangkin, tiang jagi ngewacayang pidarta,
sane memurda "Pendidikan ring sekolah". Yening wenten sane nenten patut, titiang nunas
sinampura.

Gajrita pisan manah titiange, duaning sampun polih nyarengin mapidarta ring galahe sane mangkin.
Mangkin sampun sami sisia sane polih pendidikan ring sekolah. nenten wenten malih sane nenten
masekolah, mekejang alit-alite sampun masekolah, paling bedik mesekolah sanga tiban, sane dados
program pemerintah. Nika dadosne kemajuan ring dunia pendidikan. Pendidikan puniki kaanggen
ngukur unggul wiadin andap kaanan jadmane, unggul wiadin andap kaanan wangsane. Wangsa sane
maju janten madrebe palet pendidikan sane maju. Wangsa sane kirang nglinguang pendidikan alit -
alitnyanne, pastika sampun wangsane punika pacing kasor mepadu arep ring wangsa sane urati ring
pendidikan alit - alitne. Napi malih sakadi mangkin jaman kemajuan, kemajuan ilmu pengetahuan lan
teknologi, yening ten sareng ngepung IPTEK punika, janten pacang katinggalan antuk kemajuan
jaman punika. Liang keneh titiang ring galah e sane mangkin, ring sekolah sampun polih pelajaran
ITL, fasilitas komputer sampun genep keanggen ring siswa makasami, nika makrana SMP N XXX
Batubulan iriki nenten ketinggalan jaman. Bapak lan Ibu guru janten sampun nuutin perkembangan
jaman. Titiang percaye, sisianyapun sami nenten wenten sane ketinggalan jaman.

Suksma atur titiang, majeng ring Bapak lan Ibu guru, sampun prasida ngajahin titiang lan sawitran
titiang makasami. Titiang ngerasa paling aget, sampun masekolah driki, mawinan Bapak lan Ibu guru
sami sampun sabar, ngajahin titiang lan suwitran tiang sareng sami. Titiang rumasa akeh mapiutang
ring para guru mawinan kepradnyanan sampun ngicenin titiang makasami piteket - piteket sane
becik mangdane nemuin kedirgayusan ring peplajahan. Titiang lakar seleg melajah, manut ring bapak
lan Ibu guru.

Ring galahe sane angkin,titiang lan suwitran titiang makasami taler nunas geng rena sinampura ring
para guru lan pegawai iriki yening ring duang tiban tiang masekolah iriki titang makesami mekarya
sane nenten becik.

Inggih, asapunika atur penyanggran titiange ring galahe sane mangkin. Dumogi bapak lan Ibu guru
sareng sami setata polih kerahayuan. Mogi - mogi Ida Sang Hyang Widhi Wasa, Tuhan Yang Maha
Esa sueca nganugrahin iraga sareng sami kerahajengan. Sineb titiang antuk Paramsanti

OM SANTHI SANTHI SANTHI OM