Pangenter Acara
Pangenter Acara
Parikrama nyangra wantiwarsa SMA N 1 Abiansemal sane kaping 40 ring rahina Redite kliwon
wuku Watugunung, tanggal 7 Oktober 2020
Inggih pidaging nawegan tityang majeng ring para uleman lan atiti sareng sami sane wangiang
tityang, riantukan parikrama jagi kakawitin, tityang nunas uratian ida dane sareng sami.
Om swastiastu
Bapak Ibu guru lan staf pegawai SMA N 1 Abiansemal sane wangiang tityang.
Para uleman sareng sami sane nenten prasida tityang nyarca saka siki sane wangiyang tityang.
Pamekas para sisya SMA N 1 Abiansemal lanang istri sane tresna asihin tityang.
Rasa angayubagia atur nguningayang tityang majeng ring Ida Sang Hyang Parama Kawi,
sangkaning asung kerta wara nugrahan Ida, tityang ping kalih ida dane prasida kacunduk,ring
rahinane mangkin Redite kliwon wuku Watugunung, tanggal 7 Oktober warsa 2020, mapaiketan
ring Wanti Warsa SMA N 1 Abiansemal sane kaping 40 (petang dasa), dumogi parikramane
puniki mamargi antar labda karya, tur sidapurna.
Inggih ida dane sareng sami sane wangiang tityang , tityang nunas mangda ledang ngunggahang
pisuguh sane sampun kacumawis ring ajeng suang-suang , sinambi ngunggahang pisuguh jagi
katur sasolahang, “Sekar Jepun”, majeng ring pragina inggih durusang.
Inggih ratu ida dane sareng sami sane wangiang tityang parikarma kelanturang tityang antuk
ngawacen doa, tityang nunas majeng ring ida dane sareng sami mangda ngadeg riin. Majeng ring
sang sane kasudi inggih durusang.
……………..………………………….Pengwacen Doa…………………………………………
Parikrama jagi kalanturang antuk nembangan Lagu Indonesia Raya. Majeng ring sang sane
kasudi inggih durusang.
………………………………………...Indonesia raya………………………………………........
Sane mangkin kalanturang antuk, Atur Piuning saking Ketua Panitia Wanti Warsa sane kaping
SMA N 1 Abiansemal 40, majeng ring Ketua Panitia utawi sane ngangganin inggih durusan
Inggih punika iwawu atur piuning saking Ketua Panitia Wanti Warsa SMA N 1 Abiansemal
Acara selanturnyane inggih punika sambrama wacana saking Bapak Kepala Sekolah SMA N 1
Abiansemal sepisanan mungkah acara Wanti Warsa SMA N 1 Abiansemal sane kaping 40.
Majeng ring Bapak Kepala Sekolah SMA N 1 Abiansemal inggih durusang.
……………………………………..…..Sambrama Wacana……………………………………..
Ida dane para atiti sane wangiang tityang acara Wanti Warsa SMA N 1 Abiansemal sampun
kabungkah olih Bapak Kepala sekolah SMA N 1 Abiansemal sane kacihnayang antuk suaran
gong.
Kapertama pacang kaaturang sasolahan “Tari Jauk Manis”, majeng ring pragina miwah penabuh
inggih durusang.
Kaping kalih ngiring piarsang Tembang saking “Ekstra Vokal Group”, majeng ring sang sane
kasudi inggih durusang.
Ngelantur mangkin ring panglilacita kaping ungkur merupa sasolahan “Barong” majeng ring
pragina miwah penabuh inggih durusang.
Inggih ida dane para uleman lan atiti sareng sami, sane wangiang tityang wantah asapunika
parikrama Wanti Warsa SMA N 1 Abiansemal ring rahinane mangkin, tityang pinaka pangenter
acara nunas geng rena sinampura yening wenten iwang atur tityang iwawu, maka panguntat
puputan tityang antuk paramasanthi
OM Santhi,Santhi,Santhi OM