TITILAR : GIRI HARJA 3 BANDUNG Kacaturkeun, kapungkur aya hiji nagara katelah nagara ``BIANTI PURA”, nyaeta anu di pimpin ku ``PRABU KALAKA MURKA”. Hiji mangsa ieu raja ngayakeun rapat sareng patih na nyaeta ``KALAKA SAKTI”, teras sareng wawakil ti rakyat nyaeta ``KULAKA DENTA”. Atuh ieu raja nyarios kieu : Prabu Kalaka Murka : ``ha ha ha ha ha, di payun calik na senopati” Senopati kalaka sakti : ``sae manga gusti prabu. Aya naon ieu teh gusti?” Kulaka denta : ``enya aya naon ieu teh gusti meuni rame kieu?” Prabu Kalaka Murka : ``kieu yeuh pangna di kumpulkeun teh, urang hirup di dunya moal lami urang salaku manusa kudu iman ka pangeran, sabab saur dauhan kanjeung nabi, balasan ti pangeran mah kumaha amal urang we lamun amal urang sae, urang teh bakal asup surga, tuluy sabalikna lamun urang amalna buruk, maka pasti urang bakal disiksa salamina. Tah, maksad kaula manggil anjeun duaan teh sabenernamah aya pancen kanggo anjeun duaan, sabenernamah ieu teh ngan saukur ka palai kaula. Cing tebak ku salira naon kapalai kaula tina danget ayeuna” Senopati kalaka sakti : ``palai naon gusti, naha palai daging hayam ?” Prabu Kalaka Murka : ``lain, lain palai daging hayam, senopati. Tapi, kaula teh hoyong gaduh hiji mustika namina ``MUSTIKA LAYANG JAMUS KALIMUSADA”. Nyaeta lambang kaagungan nagara Amarta anu kiwari di cekel na ku ``PRABU YUDISTIRA”. Tah, eta mustika teh ayana di nagara 5 pandawa utawi nyaeta nagara Amarta, senopati .” Senopati kalaka sakti : ``oh, jadi gusti prabu teh masihan tugas, kitu?” Prabu Kalaka Murka : ``bener senopati, pek geura kumpulkeun pasukan geura maling eta mustika!. Tapi samemeh anjeun maling layang jamus kalimusada, anjeun kudu maehan nu bogana heula, senopati!” Senopati kalaka sakti : ``saha nu bogana gusti pasrahkeun ka abdi?” Prabu Kalaka Murka: ``teu aya sanes nyaeta ``SEMAR BADRANAYA” anu aya di kampung tumaritis dibelah gunung, ngartos anjeun,hah” Senopati kalaka sakti: ``oh jadi nu gaduh na teh Semar Badranaya?” Prabu Kalaka Murka: ``bener senopati geura siapkeun pasukan!. Ngan omat kaituna anjeun ulah katingali ku bangsa manusa kudu nyiluman!” Senopati kalaka sakti: ``sae mangga, kaula bade ngabantun pasukan.” Prabu Kalaka Murka:``bawa pasukan sacukupna jung geura lumampah!” Senopati kalaka sakti:``permios gusti abdi bade angkat ka eta nagara.” Prabu Kalaka Murka:``hati hati sia di jalan geura init anjeun kaitu”. Kulaka Denta :``dupi jisim abdi gusti. Abdi ge hoyong tugas” Prabu Kalaka Murka :``wayah na urang kuriling ka tepis wiring, anyaclang ka padesaan. Urang tepungan bilih aya warga anu teu dahar!” Kulaka Denta :``sae mangga gusti, permios gusti.” Kacatrkeun ieu senopati Wira denta manggil para pasukan nana, nyaeta manggil para denawa (siluman) Senopati kalaka sakti : ``hei para denawa denawa, kumpul kumpul !” atuh ieu denawa (siluman) anu aya di leuweung teh kalaluar. Aya nu dina jero taneh, aya anu dina jero cai, aya anu dina jero rurumpun, atuh kalaluar dina tempatna. Kusabab, di panggil ku ieu Senopati Wira Denta. Denawa (1) : ``ngahaturkeun sembah pangabaktos gusti senopati” Senopati Wira Denta : ``ditarima calugan (panggil) batur batur!............” Denawa (1) : ``hey, dulur dulur dulur aing, kadieu!!!!!!!!!!!!!!!!!!!!!!!!” Denawa (2) : ``nyangakeun sembah pangabaktos gusti senopati purwa.” Senopati kalaka sakti : ``di tarima denawa, mana nu lainna denawa ?” denawa (2) : ``aya gusti bade di panggil wae, gusti senopati purwa ?” senopati kalaka sakti : ``teu kedah mangga linggih denawa geura calik!” denawa (2) : ``sae mangga kaula bade langsung calik wae, gusti pati.” Kacaturkeun ieu para denawa parantos kumpul di hareupeun ieu senopati. Tuluy, ieu senopati Wira Denta ngajelaskeun maksad & tujuannana. Atuh ieu senopati nyarios kieu : Denawa (2) : ``aya naon ieu teh gusti senopati, salira keur sanimalan Senopati kalaka sakti : ``kieu yeuh pangna di kumpulkeun teh aya perlu kaula teh nyaeta pikeun maling hiji mustika nyaeta ``MUSTIKA LAYANG JAMUS KALIMUSADA”. Lambang kaagungan nagara amarta anu kiwari aya na dina mastaka na prabu yudistira pimpinan amarta anu kaasup kana lima pandawa anu di antawis na nyaeta yudistira, bima, arjuna, sareng aya nu kembar, nyaeta nakula, sadewa” Denawa (1) : ``oh jadi eta nu jadi pancen kaula teh, gusti senopati ?” senopati kalaka sakti : ``nya, hayu urang init ka nagara amarta urang paehan si semar, beres maehan si semar urang maling eta mustika!”. Denawa (1) : ``sae manggga gusti heula nu pamit supaya mimpin kaula”. Kacaturkeu ieu denawa saking nagara bianti pura ngajugjug tumaritis bari jeung teu katempo ku bangsa manusa!. Kacaturkeun cenah, para raja tisatatar madya desa seueur nu mikahayang ka ieu semar badranaya. Ieu ti nagara amarta, gegeden nagar amarta nyaeta ``RADEN JAKATAWANG”, ``RADEN ANTERJA”, RADEN GATOT KACA”, sareng ``RADEN ABI MANYU”, nuju sigap nyaeta ngajaga ieu tumaritis ti serangan para raja anu bade ngala nyawa semar badranaya nyaeta bade nyanak layang jamus kalimusada nyaeta lambang kaagungan nagara amarta. Atuh ieu gegeden nagara amarta anu opat tea teh bagi bagi tugas, nyaeta Raden Jakatawang dibagian laut, Raden Anterja di bagian jero taneh, Raden Abi Manyu di bagian darat, sareng ieu Raden Gatot Kaca di bagean udara kaayaannana. Kacaturkeun, ieu ti leuweung amarta nyaeta aya nu bade nyusup ka nagara amarta, nyaeta ``PRABU ASWATAMA” ti nagara ``ASTINA”. Ieu Prabu Aswatama mawa 3 senopati na nyaeta ``CITRA YUDHA” sareng ``CITRA SOMA”, sareng prajurit na hiji deui, nyaeta ``CITRAKSI”. Atuh ieu Prabu aswatama nyarios kieu : Prabu Aswatama : ``ha haha ha, citra yudha, citra yudha!” Citra yudha : ``abdi, gusti. Aya naon ieu teh gusti prabu ?” Citra Soma : ``kumaha kang, rencana na, naha sukses ?” Citra yudha : ``bangunnamah berhasil ki adi, tenang we” Prabu Aswatama : ``bangunnamah urang teh berhasil, nyaeta pikeun nyusup ka nagara amarta pikeun ngala nyawa si Semar Badranaya. Aing tea atuh raja pang pinterna di ieu karajaan moal aya nubisa ngelehkeun kaningjayaan kaula”. Citraksi : ``sampurasun bos, arek kamana ieu teh aing mah cape, demi alloh aing mah geus cape bos lah arek kamana?” prabu aswatama : ``sia teh mabok belegug, ngomong teu puguh sia, beres mabok jawab sia, ngomong teu puguh sia”. Citraksi : ``heueuh, emang masalah buat ente, nu meuli numeuli, duit duit aing, tong molotot goblok sia teh, santai”. Citra yudha : ``kitu tah nu matak urang ulah mabok teh, bisi kieu mamala na ngomong jadi ngcamling teu puguh kieu” citraksi : ``naon sia make jeung dakwah di hareupeun aing, lain tobat aing mah ngadengekeun dakwah sia mah ngadon pindah agama, geuslah tong kudu dakwah sia mah lah”. Arek kamana bos lah, aing mah geus cape kieulah, jawab bos” prabu aswatama : ``yeuh, ayeuna teh urang teh ayeuna teh arek init nyaeta ka nagara amarta nyaeta arek ngala nyawa semar badranaya pikeun tumbal kasaktian karajaan urang”. Citraksi : ``ah, tahayul bos lah,tong percaya ka nu kitu bos lah musyrik percaya kanu kitu teh lah, meuning percaya ka dewek, yeuh dengekeun bos, si semar teh jalma sangsara aing ge nyaho bos lah, kari kari ayeuna ku ente rek di paehan make polo atuh bro, make utek atuh! Kos jalma mabok”. Citra yudha :``naha sia mah mabok teh jadi kitu, jadi bageur” citraksi : ``geus lah, cicinglah aing mah cape demi aloh lah” Kacaturkeun ieu citra yudha kaget ningali aya jalma hiber. Teu aya sanes ieu teh Raden Gatot Kaca anu nuju patroli atuh ieu raden gatot kaca nu ningali aya prabu aswatama langsung nyampeurkeun ieu prabu aswatama. Atuh ieu raden gatot kaca nyarios kieu : Raden gatot kaca : ``walah, gening aya uwa prabu aswatama ti nagara astina. Boa boa maksadna mah bade ngala nyawa uwa semar ayeuna bade di sampeurkeun ku kaula.” Atuh ieu prabu Aswatama sareng citra yudha oge citra soma kaget kasumpingan gatot kaca. Kitu ujaring carita. Aswatama : ``walah itu gening aya alo aing gatot kaca, hayo ngomong naon we ka si gatot kaca asal ngomong nu sabenerna ngomong we urang pura pura sono kasi gatot kaca ulah nepi ka urang ngomong nu sabenerna siap sadayana” Citra yudha : ``siap gusti siap kaula bakal nurut ka salira ”. citraksi : ``lah, cicinglah si gatot mah ku aing ge eleh sia, geus lila aing teu gelut, kamari aya ucing di gelutan ku aing” prabu aswatama : ``maneh meunang gelut jeung ucing ?” citraksi : ``aing eleh euy, heueh da ucing na ucing leuweung” Kacaturkeun ieu raden gatot kaca parantos nyanghareupan prabu aswatama. Atuh ieu raden gatot kaca nyarios kieu : Raden gatot kaca : ``sampurasun uwa prabu !” prabu aswatama : ``walah, geuning aya alo kaula ti nagara amarta, ditarima gatot kaca, aya naon?” citraksi : ``aduh aya si gatot, damang tot, geus lila aing teu papangih jeung sia tot, damang?” raden gatot kaca : ``ongkohna mah kaula nu naros, aya naon uwa prabu kadieu make jeung jalan leuweung sagala sanes jalan anu biasa ku uwa di anggo jalan ka amarta. Tapi naha ayeuna make jeung nganggo jalan leuweung/hutan?” citraksi : ``tot, sabenerna mah arek maehan si semar tot, sing percaya ka aing bener ieu mah” prabu aswatama : ``hey hey hey hey hey hey” citraksi : ``naon sia, tong sok bararohong sia, bener tot, arek maehan si semar tah tot pusing aing mah tot lah ti kurwa wae, aing mah rek pinah ka Beulah sia tot, ayo tot lawan tot lawan tot, lawan jago lawan ! ulah cicing wae tot!!!!!!!” prabu aswatama : ``kurang ajar sia!!!!!!!!!!!!!!!” citraksi : ``haha, eta teh hayangeun, pinah atuh kadieu kabeh ameh teu garelut, dasar sienan sia” raden gatot kaca : ``jadi bener ieu teh maksad uwa teh rek ngala nyawa uwa semar badranaya” prabu aswatama : ``heueuh bener, kunaon kitu, di bikeun syukur teu di bikeun gelut sia jeung aing, alo aing lain sia, teu butuh aing alo jiga sia” raden gatot kaca : ``lamu kitu, hayu gelut jeung kaula, citraksi, wayahna anjeun ngawahan urang lawan uwa prabu hayu geura ngawahan!!!!!!!!” prabu aswatama : ``lamun kitu, citra yudha oge citra soma wayahna anjeun ngawahan heula ieu mah urusan aing jeung si gatot kaca, geura ngawahan sia !!!!!!!!!!!!!!!!!!!!!!!!!!!!!!!!!!!!!!!”.
Kacaturkeun ieu raden gatot kaca sareng prabu
aswatama gelut kaayaannana, atuh ieu prabu aswatama di jamak ku ieu raden gatot kaca, atuh ieu prabu aswatama lengit nyawana kaayannana. Kacaturkeun ieu ti nagara amarta, ieu panengahing pandawa arjuna anu nuju ngalindungi semar badranaya bimbang kaayanana. Atuh ieu arjuna nyarios kieu :
Arjuna : ``gusti, anu agung kaula bingung naha
seueur anu bade ngala nyawa kakang semar badranaya padahal kakang semar mah ngan saukur jalma biasa tapi naha nu di inceur kakang semar, bingung kaula. Kakang semar, kakang semar !!!!!” semar badranaya : ``ieu nun, aya naon agan?” arjuna : ``hayu urang nyarios heula kang, kaula gaduh cariosan anu kedah di cariokeun ka salira”. Semar badranaya : ``sae mangga agan sae, kaula ge bingung agan, naha seueur anu mikahayang ka kaula teh atuh. Ieu mah takdir kaula meureun”. Arjuna : ``kakang semar, coba panggil si astrajingga (cepot), sareng dawala urang diskusikeun ayeuna sareng kaula ayeuna oge”. Semar badranaya : ``cepot, dawala kadieu jang!”. Cepot : ``sae mangga, pak sae mangga pak, sembah kapihatur agan oge ka bapak abdi !”. arjuna : ``di tarima cepot, ka mana si dawala ?”. semar badranaya : ``nya, kamana adi silaing ?”. cepot : ``aya pak, dawala !, dawala ! kadieu sia !” dawala : ``euy, aya naon, a ?, manggil ka kuring” cepot : ``kadieu seteh, itu di panggila ku bapak sareng juragan arjuna hayo kadieu sia teh !”. dawala : ``sembah kapihatur agan, oge ka bapak!”. Arjuna : `` di tarima dawala, si gareng ka mana ?” dawala : ``nuju nyamut sawah, nuhun agan upami teu aya agan, bapak tos pupus panginteun nya,” arjuna : ``teu nanaon dawala, ieu mah tos tugas kaula, nyaeta pikeun ngalindungi rakyat kaula” dawala : bapak, naha seueur anu hayang ka bapak” semar badranaya : ``teu nyaho dewek ge jang”. Dawala : ``ieu mah meureun geus takdir bapak” semar badranaya : ``meureunan kitu ujang, nya”.
Teu kacatur rapatna, ieu dawala, semar oge
arjuna istirahat heula, atuh tinggal sepot nyalira, kacaturkeun ieu cepot kaget ngadangu sora denawa, teu aya sanes nyaeta sora patih kulaka sakti, atuh ieu astrajingga atanapi cepot nyarios kieu :
Cepot : ``sepi nya euy nepik tiis kieu deui,”
denawa (1) : ``hei manusa, ulah kaget sia !” cepot : ``anyir, dawala, bapak, agan, kadieu” dawala : ``aya naon, a!, manggil ka kuring ?” semar badranaya : ``aya naon jang, manggil” arjuna : ``aya naon cepot manggil kaula,” cepot : ``aya denawa bangunna mah agan” arjuna : ``kakang semar, dawala, wayahna hayu urang tepungan si cepot, karunya !” semar badranaya : ``sae mangga, agan” dawala : sae mangga, aya naon, manggil” cepot : ``aya denawa seteh dngekeun ku sia” senopati kalaka sakti : ulah kaget euy !” arjuna : ``mangga linggih raja denawa !” Kacatur keun ieu senopati kalaka sakti parantos aya di hareupeun ieu arjuna, semar, astrajingga, oge dawala. Atuh ieu senopati kalaka sakti nyarios kieu :
Senopati kalaka sakti : ``ha ha ha ha, anu ngaran semar mana ?”
semar badranaya : ``jisim abdi nun, aya naon naroskeun ?” senopati kalaka sakti : ualah kaget bangsa manusa ieu aing !” cepot : anyir dawala, ieu jelema nepika jangkung gede kieu,” denawa (1) : ``anu ngaran semar teh mana, mana mana mana ?” senopati kalak sakti : ``ganeng belegug itu tuh anu bungkuk” denawa (1) : ``he he, ieu jelema meuni goreng patut kabeh aduh, komo eta nu tengah, eta benget meuni jiga cangcut, aduh aing” cepot : ``jurig kurang ajar sia, kapada sia benget jiga eusi cangcut” denawa (1) : ``ajing, gelut sia jeung aing, sia si pegeg, bau tai” semar badranaya : ``geus sia teh engges kos nu lain kolot we sia” senopati kalaka sakti : ``arek di bikun moal eta semar badranaya, hei arjuna, di bikeun syukur teu di bikeun paeh sia ku aing arjuna” arjuna : ``saha saha nu rek ngala kakang semar, lintang ti kaula nu bakal edan edanan, ti nu lega sia jeung aing hayang nyaho”. Senopati kalaka sakti : ``hayu sia jeung aing hayang nyaho aing” semar badranaya : ``tah, bagean sia lawan tah kadinya wayahna” dawala : ``wayahna kuring mah arek lalajo we ah, teu bisa gelut” cepot : ``ah sia mah, teu asyik ah, heueuh kenaelah aing we ah” denawa (1) : ``aduh euy, yeuh maneh ulah gelut jeung lamun maneh gelut jeung batur berarti maneh geus mengkhianati percintaan urang duaan di tunguan ku aing di pondok bali, siap” cepot : ``dor sia, hayu sia jeung aing geus lila aing teu geulut sia” denawa (1) : ``dor sia, lamun sia teu datang berarti sia teu nyatria”
Kacaturkeun ieu senopati kalaka sakti manggil para prajurit na,
nyaeta denawa/siluman. Atuh ieu senopati kalaka sakti nyarios kieu :
Senopati kalaka sakti : ``hey para denawa, lawan si arjuna !”
Atuh ieu denawa kaluar tina tempatna, nyaeta ngalawan arjuna panengahing pandawa, atuh ieu para denawa nyarios kieu :