Acara MC Akad Nikah
Acara MC Akad Nikah
1
Assalamua’laikum Wr. Wb.
Bapak-bapak, Ibu-ibu para wargi sadayana anu sami llinggih, hormateun
simkuring.
Bismilah, purwa wiwitan ieu pamuka carita minangka pamuka acara. Babasan
padika pagawean lamun nangtung ka jungjunan, sing lulus bantun jeung tumbu
buah seureuhna.Neda panyaksen acara bade dikawitan.
2
MAPAG CALON PANGANTEN PAMEGET
SESERAHAN
Bismillahhirrahmannirahim. 4
Para hadirin, miwah para tatamu sadayana, khususna ka calon
panganten pameget miwah rombongan, bawi raos emutan pribados,
pamali mun dilami-lami, teu kedah dilila-lila, nu dianti-anti ti tatadi,
di dago-dago ti bareto, ayeuna parantos nyampak.
Sok sanaos sami surti, sami uninga maksadna, nanging, kanggo
nyumponan tindak tanduk tata titi duduga.
Peryoga manusa pangesi dunya, anu parantos dipaparinan manah, rasa,
lisan dina saliring dumadi.
Teu cekap ku surti sareng tekad wungkul, namung kedah di sarengan ku
ucap .
Teu sae miulan awi, mere cai geusan mandi, mere huhut tina guguran.
Namung kedah di bejer beaskeun, kembang boled nu tetela.
5
Pembacaan Kalam Ilahi
6
Calon panganten pameget miwah rombongan, mugi teu janten kekeling
galih renghat nya mamanahan, aya naon nya pamaksadan.
Numawi jauh-jauh di jugjug anggang-anggang di teang.
Sumangga geura wakcakeun masing balaka (Sumangga ka pangersa
kasepuhan calon panganten pameget dihaturanan kapayun kanggo
ngadugikeun lebetning kalbu jeroning ati). Mangga ka wawakil ti
panganten pameget nyanggakeun
PANAMPIAN
7
Para wargi sadayana, nembe sami-sami nyakseni gerentes kalbu
kasepuhan ti pihak calon panganten pameget miwah rombongan.
Lain lantung tambuh laku sanes lunta tanpa seja, purwa aya nu di
maksad, seja ngaitkeun janji pasini , manjangkeun simpai babarayaan,
sakotretna tina hate.
Sakeser daun satangkal, sabungkus bareng jeng bungkusna nyerahkeun
panganten pameget sareng cacandakanna.
Sim kuring saukur darma, teu wasa panjang carita. Kanggo pang
walerna mangga nyanggakeun kanu di sepuhkeun ti pihak calon
panganten Istri.Waktos di sayogikeun.
8
Para wargi sadayana, bingah amarwata suta, bingah ka giri-giri,
bingah nu taya papadana.
Nugar cadas mangih emas, mobok manggih gorowong, aya jalan komo
mentas. Jalan gede sasapuan batu turun kesik naek, itu purun ieu daek,
laksana nya pamaksadan.
Kumargi eta mangga geura hayap calon panganten pameget miwah
cacandakanana
Mangga cacandakan hiji di dugikeun secara simbolis ku Ibu calon
panganten pameget di tampi ku Ibu calon panganten istri.
Nusanes namah di antaykeun wae.
(Mangga calon panganten pameget di candak kalebet heula kangge di
dangdosan).
AKAD NIKAH
Para wargi sadayana, 9
DO’A
10
Acara munggaran dugi ka akhir parantos rengse, mugi urang sadayana
aya dina panangtayungan Gusti nu maha suci.
Kukituna kanggo panganteb kahoyong urang sadaya di lajengkeun kana
do’a. Kangge mimpin ieu do’a. mangga ka pangersa ______ di
haturanan.
Ti pribados salaku pangatur waktos, bilih aya basa nu teu sampurna, teu
merenah sareng tata titi, undak unduk basa, hapunten anu di teda. Urang
pungkas ieu acara ku maos hamdalah.