pangajarionMu.

Ale Tondi Parbadia, lehon ma pangidoan nami I hombar tu asi

dohot lomo di rohaM
H : Sai asi ma roham di hami o Tondi Porbadia, papos rohanami .
U : Hasangapon ma di Ama I, Anak dohot Tondi Porbadia, songon di mulana, nuaeng
tontong sahat ro di salelengna.
H : Hulului hami do sian nasa rohanami, urupi hami jala patulus ma sangakap nami
hombar tu lomo ni roham. Sai asi rohaM Tuhan, sai asi roham Tuhan. Amen
U : Tangiang Pelean + Ale amanami na di banua ginjang ….. + pasu-pasu
H : AMEN….AMEN….AMEN
 ACARA KEBAKTIAN PEMBERANGKATAN UJIAN
(HKBP Parpulungan Nauli, 03 April 2016)

01. Marende B.E No. 464 : 1 – 2 Huboan ma diringku

 Huboan ma diringku, Tuhan hibul tu Ho. Ai au do tinobusMu, umbaen tarbaen au ro.
Pagalak ma rohangku dison managam au. TondiMi ma suru na boi managam au.
 Ho sipalua au, sun hinagogoMi. HataM do huhaposi, na so boi muba i. Pagalak ma
….. d.u.

U :Marhite-hite goar ni Debata Ama dohot goar ni AnakNa Tuhan Jesus Kristus dohot
goar ni tondi porbadia, na manompa langit dohot tano on.
H : Amen
U : Marhaposan tu Jahowa ma ho sian nasa roham, jala unang marpangunsandean ho
tu pingkiranmu sandiri. Sai Ibana ma tanda di nasa dalanmu, asa ibana patigor
angka dalanmu.
H : Haleluya, pinuji ma Debata partigor namangalehon angka pasu-pasu tuhita.
U : Biar mida Jahowa do parmulaan ni parbinotoan, alai anggo halak naoto manoisi
hapistaran dohot pangajaran.
H : Haleluya, pinujima Debata na gok hapistaran dohot parbinotoan.
U : Sai dibege na pistar ma i, asa tamba poda di ibana, jala na marohai dapotan ruhut
partogion.
H : Haleluya, pinuji ma Debata na gok hapistaran dohot parbotoan.
U : Martangiang ma hita: ale Tuhan Debata Amanami partigor jala parasi roha di hami.
Tatap ma hami na pungu dison na ro tu adopanMu na badia i. Ai huboto hami hodo
nampuna nasa parbinotoan dohot hapistaran na sumurung. Dibahen i mangelek ma
hami tu Ho asa lehononMu i tu hami hombar tu lomo ni rohaM. Jala boi hupangke
hami parbinotoan dohot hapistaranMi di angka dalan na naeng boluson nami.
Mangasahon goar ni AnakMu Tuhan Jesus Kristus, martangiang hami tu Ho. Amen.

02. Marende B.E. No. 66 : 1 “Debata baen donganmi”

 Debata baen donganmi, lao mangula ulaonmu. Baen ibana haposanmu, sai paserep
rohami. Debata baen donganmi, Debata baen donganmi.

03. Martangiang sian sahalak natoras ni siswa/siswi

04. Marende B.E. No. 814 : 1 + 3

 Sai ajari au Tuhanku di na martangiang au, patuduhon tu rohangku sangkap ni rohaM
di au, songon binaen ni Jesus na manaon humophop au, unang lomo ni rohangku
lomo ni rohaM ma saut.
  Dibagasan Ho Tuhanku boi marlas ni roha au, Ho sambaing haporusanku Ho ma
paluahon au pargogoi ma au Tuhanku ai mansai gale do au, unang lomo ni rohangku,
lomo ni rohaM ma saut.

05. U : Tajaha ma hata ni Debata sian Poda 3 : 19 – 20 dohot Poda 4 : 1 – 9. Marhite

hapistaran do di paojak Jahowa tano on, jala marhite hapantason langit i dipadiri.
H : Marhite parbinotoanNa mabola angka lung i, jala manetekhon nambur angka
ombun parginjang i.
U : Sai tangihon ma, hamu ale angka naha, pangajaran ni sada ama, jala ringkoti hamu
ma gumuruhon pangantusion.
H : Ai poda na denggan do nahulehon tu hamu, unang tung tadingkon hamu patikhu.
U : Ai ahu pe siminik ni damang do ahu, hasudungan jala anak sasada ni dainang.
H : Jadi dipodai ibana ahu, jala didok mandok ahu, sai parate-atehon ma hatangki, jala
diradoti angka tonangku, asa mangolu ho.
U : Sai eahi hapistaran, eahi ma tutu pangantusion, unang tung huhalupahon jala
unang tundaliangka hatani pamanganku.
H : Unang tung tadingkon angka i, asa diramoti ho, sai haholongi ma angka I asa dijaga
nasida ho.
U : Parmulaan ni hapistaran on do : tuhori hapistaran i, jala tuhorhon sandok naniomom
tumuhor pangantusion.
H : Sai pamaolma i, asa dipatimbul ho, marmulia doho bahenonNa, molo
marsingantungan tusi ho.
U : LehononNa do tu ulum bulang-bulang hasoloan, tumpal na jagar situtu basa-
basahononNa tu ho. Ido sahatna, Martua ma angka na umbege ha ni Debata jala
naumpeopsa, Amen.
06. Marende B.E. No. 66 : 1 “Debata baen donganmi”
 Debata baen donganmi, lao mangula ulaonmu. Baen ibana haposanmu, sai paserep
rohami. Debata baen donganmi, Debata baen donganmi

07. Martangiang sahalak sian siswa/siswi

08. Marende B.E. No. 470 : 1 – 2 “Jesus Ho Nampuna au”

 Jesus Ho nampuana au dohot na adong di au, gogo dohot hosangki sahat ma tu
tanganMi
 Sai Rajai ma matangki manangkasi dalanMi, sai patinggil pinggolhi tumangihon
hataMi

09. JAMITA
10. Marende K.J. No. 410 : 1 + 3 (Papungu pelean)
 Tenanglah kini hatiku Tuhan memimpin langkahkku. Di tiap saat an kerja tetap kurasa
tanganNya. Tuhanlah yang membimbingku tanganku dipegang teguh. Hatiku
berserah penuh tanganku dipegang teguh.
 Tak kusesalkan hidupku betapa juga nasibku. Sebab Engkau tetap dekat tanganMu
kupegang erat. Tuhanlah yang membimbingku…..d.u

11. U : O Debata Ama pargogo na so hatudosan. Debata naung manjadihon saluhutna, na

mangalehon tu manisia roha nang pikkiran laho manjamothon sude jadi-jadianMu.
Diparade ho do dirinami bahen ula-ulaM diportibion marhite parbinotoan na sian Ho
i. Dibahen I na mangido do hami tu Ho asa lehon tu hami roha na pantas jala
natorang tarlumobi dinalaho mangadopi ujian hami di angka inganan parsingkolaan
nami be. Pos do rohanami taralusi hami sasude angka sungkun-sungkun ni panguji
nami marhite namangasahon asi ni rohaMi hami. Ale Debata Ama parasiroha, lehon
ma pangidoan nami i hombar tu asi dohot lomo ni rohaM.
H : Sai asi ma roham dihammi o Debata nami Ama, papos rohanami.
Siswa/I : Ale Jesus Kristus naung turun tu portibbion laho manobus saluhut jolma sian dosa.
Huparhatutu hami do sian rohanami na pardosa situtu do hami maradophon angka
natua-tuanami, angka guru manang pangajarinami, angka dongan nami di
parsingkolaan tarlumobi maradophon Ho. Ndang
Natoras : Suang songoni hami natua-tua ni angka inangkhonamion, godang
hahurangannami. Hurang diharingkhoton rohanami do mangajari nasida laho
mangalehon dirina tu Ho. Sipata ndang huingot hami mandasdas nasida laho
marsiajar di angka parsiajaranna nang dihataM.
U : Tobus ma hami ale Jesus Kristus marhite mudarMu na durus di Golgotha, asa tama
hami habaoran ni parbinotoan dohot hapistaran nasian Ho. Didok hataM do :
Pangido hamu ma, sai na lehononNa do tu hamu; lului hamu ma, sai na jumpangan
do hamu; tuktuhi hamu ma sai naungkaponna do di hamu. Dibahen I na mangido
hami tu Ho asa lehon tu hami roha na pantas jala pingkiran na torang tarlumobi di
nalaho mangadopi ujian hami diangka inganan parsingkolaan nami be. Pos do
rohanami taralusi hami sasude angka sungkun-sungkun ni panguji nami marhite
namangasahon asi ni rohaMi, hami di naung sesa saluhut dosa nami. Ale Jesus
Kristus, lehon ma pangidoan nami hombar tuasi dohot lomo ni rohaM.
H : Sai asi roham dihamion o Jesus Kristus, papos rohanami.
U : Ale tondi Porbadia naung saor tu saluhut na porsea. Ho do Tondi pangajari di hami
di saluhut angka siulaonnami. Ajari ma jala lehon tu hami roha na pantas dohot
pingkiran na torang tarlumobi di nalao mangadopi ujian hami di angka inganan
parsingkolaannami be. Pos do rohanami taralusi hami sasude angka sungkun-
sungkun ni panguji nami marhite na mangasahon asi ni rohaMi hami di