KASUSASTRAAN BALI

KASUSASTRAN MAWIT SAKING : (Kasusastraan berasal dari) :

 Kruna sastra : ajah-ajah, ( kata sastra : ajaran-ajaran) :
pengater su : luih/becik ( awalan su : indah / baik )
 Konfik ka-an :kawentenan ( Konfik ka - an : keberadaan )
 Kasusastran : kawentenan ajah-ajah sane luih utawi becik. ( Keberadaan nasehat-nasehat yg
indah atau baik )
 Kasusastran Bali : saluir ajah-ajah utawi kaweruhan sane becik,pakaryan para wagmine ring Bali
sane kasurat mabasa Bali. ( Segala nasehat-nasehat atau ilmu pengetahuan yang baik, hasil
karya para cendikiawan/pengarang di Bali yang ditulis berbahasa Bali )

Kasusastraan Bali purwa

Kasusastran Bali Purwa wénten sané mawangun gancaran miwah tembang.
Gancaran inggih punika : kekawian utawi karangan sané bébas sané nénten akéh kaiket antuk uger-
uger. Kasusastran Bali Purwa sané mawangun gancaran minakadi: Satua-satua Bali sané kapupulang
ring “Kembang Rampe Kasusastran Bali Purwa” , lan Mahabharata, Satua Ni Dyah Tantri, msl

Tembang.
Pepalihan tembang manut pepalihan I Gusti Ketut Ranuh minakadi :
1. Sekar Rare (Gegendingan) : Gending Rare, gending jejangeran, gending sanghyang.
2. Sekar Alit utawi Tembang Macapat: sewarnaning pupuh sané akéh ipun sawatara 10 soroh punika.
Sekar Alit piniki kawangun tur kaiket antuk uger – uger pada lingsa, inggih punika : kecap wanda
miwah wangun suara ring panguntat sajeroning acarik miwah akeh carik sajeroning apada minakadi:
Guru Wilangan , Guru Dingdong, Guru Gatra
3. Sekar Madya (Kidung utawi Tembang Tengahan), punika taler marupa kakawian utawi karangan
sane kawangun antuk sekar madia makadi kidung Tantri, kidung Sri Tanjung, miwah sane lianan.
Kidung punika yening tetesin malih wenten sane marupa :
4. Sekar Agung (Kekawin, Tembang Gede utawi Wirama) inggih punika kekawian utawi karangan
sane kawangun antuk wirama makadi: Kekawin Ramayana olih Empu Yogi Swara, Kekawin Bharata
Yudha olih Empu Sedah miwah Empu Panuluh, miwah sane lianan.

Palawakya (Prosa Liris)

Palawakya puniki wantah karya sastra gancaran sané kawacén manut hreswa (bawak) lan
dhirga (panjang) labuh suarannyané, sané maiketan ring tata titi ngwacén basa Jawa Kuna,
minakadi kasusastraan Parwa, sané lumbrah manut saking kasusastraan épik Mahabrata miwah
kanda sané mawit saking Ramayana miwah kasusastraan tutur.

B. Kasusastraan Bali Anyar

Kasusatraan Bali anyar inggih punika kasusastraan sané nganutin pamargin panglimbak kasusastraan
Indonesia baru, nanging kawéntenannyané, tan sawibuh kasusastraan Indonesia. Yadiastun asapunika,
macihna kasusastraan Baliné kantun maurip, ngantos mangkin,. Sakadi sampun kabaosang ring ajeng
Kasusastraan Bali Anyar kakawitin duk warsa 1931, kaciriang antuk novel “ Nemu Karma “ olih I Wayan
Gobyah. Kasusastraan Bali Anyar kawangun antuk : Novel ( roman ), Cerpen Bali Anyar, Puisi Bali
Anyar, miwah Drama Bali Anyar.
1. Novel Bali Anyar minakadi : Novel Nemu Karma ( 1931 ) olih I Wayan Gobiah, Malancara
Ka Sasak ( 1935 – 1939 ) olih I Gede Srawana ring majalah Djatajoe,
2. Cerpen Bali Anyar minakadi :Ketemu Ring Tampak Siring olih I Made Sanggra, Leak
Lemahan olih Djelantik Santa, Godeg olih Komang Adnyana
3. Puisi Bali Anyar minakadi : Sasih Karo Ring Bali olih I Made Taro, Galang Bulan olih K.
Putra, Mati Nguda olih Putu Sedana, msl
4. Drama Bali Anyar minakadi :Kirana ( Drama Anak – Anak Th. 2005 ) olih I Nyoman
Wanda ( Pondok Temu Wutu Br. Teges Gianyar ) Gusti Ayu Klantir (1999) olih A Wijat S.
Ardi ring buku ”Gending Girang Sisi Pakerisan“