PUPUH SINOM

(DASAR)
Kaketus Saking : Kidung Yadnya, Dinas Kebudayaan Kota
Denpasar 2016
Kadi Imba Sekar Sandat,
Mungguhing Goba Tuna Asri,
Nanging Liyu Manyaratang,
Ngantos Layu Kasungkemin,
Yan Layu Sumangkin Miyik,
Ento Sajan Buatang Tiru,
Tingkahé Manadi Bajang
Sastrané Anggén Nasarin,
Sinah Pangguh,
Ane Madan Kasukertan
Artos Pupuh Sinom
1. Inggih yening rerehang titiang imba, sakadi kawentenan ipun I
sekar sandat
2. Ring kawentenan rupan ipun wiakti nenten nglangenin
3. Sakewanten akeh para jana sane sarat ring kawentenan ipun I sekar
sandat
4. Tamis tamis kantos layu kantun ka alem olih sang ngatonang
5. Santukan nyansan layu, kantun ipun ngimpugang ambu sane miik
sumirit
6. Wantah patapan Ipun I sekar sandat, sane patut setata katulad
7. Pemekas parilaksanane pinaka yowana, sane kantun ngemargiang
brahamacari asrama
8. Nenten wenten sios wantah sastra sane kaanggen, pinaka dasar
geguat ritatkala maparilaksana
9. Pastika prasida kapolihang, sakancan karahayuan sane kaaptiang