MINGGU, TAON BARU

1 JANUARI 2023
Evangelium: Psalmen 8 : 1 – 10

Ale Jahowa Mansai Sangap Do Goarmu

Parhorasan ma di hamu sude ruas ni HKI dohot parhalado, nang tu

hamu sude na pungu dison! Selamat Taon Baru!
Ojahan ni jamita di Taon Baru on ima pujipujian tu Jahowa na
mandok : “Ale Jahowa Mansai Sangap Do GoarMu”. Mansai sangap do
goar ni Jahowa di liat portibi on. Ia portibi, i ma banua ginjang (atas ni
angka langit), banua tonga (tano), banua toru (ditoru ni tano manang
tanoman). Mansai sangap goarNa ala dipatimbul Jahowa do hamuliaonNa di
portibi on. Dohot do di portibi banua toru dipatimbul Jahowa goarNa, i ma
na mulak mangolu Jesus sian na mate, haruar sian tanoman. Alai na
ditaringoti di perikop jamita on, i ma dipatimbul Jahowa do hamuliaonNa di
tano ro di atas ni angka langit. Dipatimbul Jahowa hamuliaonNa marhite
jadijadian ni tanganNa di tano ro di atas ni angka langit.
Mansai Sangap Do Goar Ni Jahowa Ai Dipatimbul Ibana HamuliaonNa
Di Tano
Sian Pamangan Ni Dakdanak Dohot Posoposo dijadihon Jahowa
ParanganNa. Dakdanak dohot posoposo, ndang talup gabe parangan tu
parporangan. Ai ndang adong gellok dohot hajagoonna marporang mangalo
musu. Siondihonon do ia dakdanak. Hape sian pamangan ni angka dakdanak
dohot posoposo dijadihon Jahowa paranganNa laho paonjaphon angka
musuNa. Musu ni Jahowa i ma angka halak na mangalo Ibana dohot sitahi
sudolsudol. Di na bongot Jesus tu Bagas Joro di Jesusalem, dohot do soara
ni angka dakdanak tarbege mangolop-olophon Jesus, mandok “Hosianna di
Anak ni raja Daud” (Mat. 21:15). Sogo situtu ma roha ni angka sintua ni
malim dohot sibotosurat umbege dakdanak angka na manjoujou
pasangaphon Jesus. Ai na hehe do angka sintua ni malim dohot sibotosurat
mangalo Jesus dohot manahi sudolsudol tu Jesus. Baliksa soara ni angka
dakdanak dohot posoposo dipature Jahowa gabe pujipujian di Jesus (Mat.
21:16). Soara pujipujian sian pamangan ni angka dakdanak dohot posoposo
i do parangan na dijadihon Jahowa paonjap musuNa. Na ummetmet
dijadihon Jahowa paonjaphon musu na balga. Soara pujipujian dijadihon
manaluhon sialo dohot sitahi sudolsudol dompak Ibana. On ma barita na uli
tu hita, tarjadihon ni Jahowa do paranganNa manaluhon musu ni na porsea.
Iring-iringonNa do angka na burju mangoloi Ibana. Tung manang aha jala
manang ise pe boi do talup dijadihon Jahowa gabe paranganNa
mangondihon jala pamonang hita sian musu na sai mangalo jala manahi
sudolsudol tu hita. Tarbahen Jahowa do paranganNa mangondihon, palua
hita sian hajahaton ni kelompok parugamo garis keras na sai mangganggu,
mangambat, manutung ro di na mangarumpakhon angka gareja. Dipatimbul
Jahowa do hamuliaonNa di pardalanan ni huriaNa HKI saleleng di taon
2022. Ai diramoti do tondi dohot dagingta. Pos ma rohanta, patimbulon ni
Jahowa do tongtong hamuliaonNa diadopanta di taon 2023 on.
PatimbulonNa do huaso dohot asi ni rohaNa di pardalanan ni HKI nang
keluarganta ganup. Dai jala ida ma hatimbulon ni Jahowa, Debatata i!
Mansai Sangap Do Goar Ni Jahowa Ai Dipatimbul
Ibana HamuliaonNa Ro Di Atas Ni Angka Langit
Ndang holan di tano dipatimbul Jahowa hamuliaonNa. Dipatimbul
Ibana do hamuliaonNa ro di atas ni angka langit. Dibaritahon di 1 Musa 1,
ditompa Debata bulan dohot bintang nang mataniari. Dijadihon angka i di
atas ni angka langit. Ndang adong parsidohoton ni jolma manjadihon angka
i. Ai tung otik pe, so tuk pingkiran ni jolma laho umboto parjadi ni i. Hape
marhite jarijariNa dipauli Jahowa bulan, bintang nang mataniari di atas ni
angka langit (ay. 4). JadijadianNa i patuduhon hamuliaonNa na sumurung
sian sasude.
Bulan dohot bintang ima pangguruan ni borngin, mataniari ima
pangguruan ni arian. Pangguruan na dua i Panondang hangoluan arian dohot
borngin di portibi on. Jahowa do manjadihon panondang hangoluan i.
Dipabotohon ilmu pengetahuan alam do, ia tano on marputar di sumbuna
huhut manghaliangi mataniari. Saleleng marputar tano on adong
partingkian. Alai ia soada mataniari, haholomon do manghuphupi tano on,
soada hangoluan (pah.1 Musa 1:2). Molo so adong mataniari, ndang adong
hangoluan di tano on. Sian sinondang ni mataniari do sinondang ni bulan.
Adong ma arian dohot borngin. Mandongani borngin dijadihon do angka
bintang. Asa molo tatailihon na tolu jadijadian ni Jahowa na di atas ni angka
langit, i ma mataniari, bulan dohot bintang, tangkas ma taboto, tongtong do
Jahowa patimbulhon hamuliaonNa. Ai mataniari, bulan dohot angka bintang
i do panondang hangoluan di tano on jala Jahowa do haroroan ni panondang
hangoluan i. Asa sian Jahowa do hangoluan ro di nasa ulibasa saleleng di
taon 2022 di hita. Haleluya! Dang adong na so tarpatupa ni Jahowa. Sahat ro
di atas ni angka langit tarbahensa hatimbulonNa. Adong do pandohan
“unang holan mamereng dompak ginjang alai mamereng nang tu toru”.
Poda do on asa unang ginjang roha. Alai nuaeng dohonon do, unang holan
mamereng tu toru, tu tano, tu hauma manang ulaonmu, berengma tu langit
di ginjang. Haruar ma sian jabu, sian apartmen jala tailihon parbinsar ni
mataniari di manogot ni ari, bereng ma bulan tula nang angka bintang di
bornginna. Hasangapon ni Debata do saluhutna i na patimbulhon
hamuliaonNa. Asa di na binsar mataniari, marsinondang bulan dohot angka
bintang, tangkas ma taboto, tongtong do dipatimbul Jahowa hamuliaonNa di
atas langit. Hamuliaon ni Jahowa ido hangoluanta. On ma pos ni rohanta,
patimbulon ni Jahowa do hamuliaonNa di taon 2023 diadopanta.

Mansai Sangap Do Goar Ni Jahowa, Tapatimbul Ma HamuliaonNa

Huria na pinarmahan ni Jahowa! Masilelean do angka taon ro di
ujungna sogot. Dilele taon 2023 do taon 2022. Alai dang dilele hita raphon
taon na buruk i asa unang masuk tu taon na imbaru. Diiring-iring Jahowa do
hita tolhas tu taon 2023. Dipaganjang Ibana do taon ni ngolunta asa taeahi
angka hatimbulon. Ndang humurang hita ditompa Debata sian angka na
asing na tinompaNa. Humebat do hita ditompa sian angka i. Humurang
apala otik tahe hita sian Debata dibahen Ibana (ay. 6). Songon dia ma
nidokna humurang apala otik? Ianggo binatang dohot suan-suanan, marhosa
do alai ndang martondi dagingna. Ia jolma ditompa Debata dibagasan
daging na martondi (1 Musa 2:7). Unsur tondi ima jiwa, pingkiran, roha. Di
Psalmen 150:6 didok do asa sude na marhosa mamuji Debata. Hita Ingkon
mamuji Debata sian nasa gogo, roha dohot pingkiran. Pola do didok tu hita
asa songon parrohaon ni Kristus Jesus parrohaonta (Pilippi 2:5). Parrohaon
ni Kristus Jesus, ima parrohaon na humebat (yang mahatahu, mahakasih
dan mahakuasa). Tau humebat sian saluhut parrohaon na di portibi on ma
parrohaon ni hita Kristen, siihuthon Kristus. Gabe huria na hebat di
parrohaon ni Kristus. Ndang hebat marbada, ndang marbada hebat. Na tama
i ma mangihut tu kehebatan ni parrohaon ni Kristus Jesus ma parrohaonta.
Asa taeahi be ma sahebat ni hebatna angka parbinotoan, jabatan, ulaon
manang karya, ro di hamoraon marhite goar ni Kristus Jesus (pah. Joh.
14:12; Kol. 3:17). So tung pahebathebathon, ai gabe so boi do hebat molo
songon i. Halak na hebat, huria na hebat di parrohaon ni Kristus, hatimbulon
ni Debata do i. Hatimbulon i ma gabe barita hasangapon ni goar ni Debata
di portibi on (pah. Mat. 5 : 16; 1 Pet. 2 : 9).
Torop do margoar si “Timbul”. Diparsinta do naeng goarna nian
daina. Diarop do timbulma parbinotoanna, timbul hamoraonna, timbul
habangsana (jabatanna), timbul jadijadianna, jadi timbul ma ibana tutu. Ima
tutu! Alai nuaeng didok do, Jahowa marhabangsa di atas ni angka langit.
Mandok tu hita, Jahowa di atas ni nasa hatimbulonta. Ia timbul angka ruas
ni huria asa lam tangkas do marnida jala manghaposi Jahowa Debata na
tumimbul. Nasa hatimbulonta unang gabe manutup parnidaan tu hatimbulon
ni Jahowa. Dung lam godang diboto jala didai si Adam dohot si Hawa sian
jadijadian ni Jahowa, gabe naeng doshon Debata nasida. Madabu tu ginjang
ni roha jala mansoadahon Jahowa. Angka na ginjang roha dipatutoru do.
Dilele Debata do nasida sian porlak Eden, sian adopanNa (1 Musa 3:24).
Alai nuaeng ditambai Jahowa tingki ni ngolunta na martujuan asa lam
timbul pamujionta di goarNa di taon 2023 on. Pasangaponta Jahowa sian
nasa roha, gogo dohot pingkiran. Pasangaponta Jahowa marhite hata nang
ulaonta (1 Kor. 10:31). Pasangaponta Jahowa sian hamoraonta (Poda 3:9).
Asa tapatimbul dirinta, keluargata, huriata di hamoraon, hagabeon dohot
hasangapon laho patimbulhon Debata dibagasan unduk dohot serep ni roha.
Gabe sai dohononta ma sian hatimbulonta : “Ale Jahowa mansai sangap do
goarMu”! Amen.

Pdt. Firman Sibarani

Ephorus
 MINGGU I DUNG EPHIPANIAS
08 JANUARI 2023
Epistel: Psalmen 29: 1 – 11

Hatigoran Ni Debata Dipajongjong Dibagasan Jesus

I. Sibonsiri
Horas. Huria ni Tuhanta na hinaholongan dibagasan Kristus Jesus.
Nian boi do dohonon lomos hita di na mandalani taon 2022 naung tabolus,
alai ingkon marningot do hita sude na masa di taon na salpu i, termasuk pra
pandemi Covid 19 dohot sude pangkorhonna, torop na so karejo be alani
hona PHK (Putus Hubungan Kerja), torop na so dapotan sipanganon alani
hasusaan, dohot angka na mambahen mabiar hita di taon na salpu i alai
anggo pandonganion ni Tuhan i di hita di taon 2022 sai manongtong do.
Diramoti jala dipargogoi Ibana do hita mamolus sude angka parungkilon i.
Sialani i tontu do tapangido gogo na sian Tuhan i asa dipapatar huasoNa
mandongani hita mandalani taon 2023 on. Pangurupion ni Debata na
mandongani hita di taon na salpu, i do paposhon rohanta na papataron ni
Tuhan i do huasoNa mandongani hita di taon na imbaru on. Domu tusi do na
pinasahat ni goar ni minggu on, Minggu parjolo dung Epiphanias
(Hapapatar ni Jahowa). Dipapatar Tuhan i hadirionNa asa lam pos rohanta
di Ibana. Marpardomuan tusi do tong na pinasahat ni jamita on ala dipapatar
par Psalmen on do hadirion ni Debata na gok hamuliaon dohot hasongkalon
i. Alani tapasangap ma Ibana alani hatigoranNa i naung dipajongjong
dibagasan Jesus Kristus.

II. Hatorangan
Buku psalmen on i ma ende pujipujian na manghatindanghon
hasongkalon dohot hasangapon ni Jahowa. Di ayat 1-2, digoari do na porsea
i anak ni Debata. Songon anak ni Debata, diarahon na porsea i pasangaphon
Jahowa, mangalehon hamuliaon dohot hagogoon, manang pasangaphon
Jahowa, ala soaraNa na songon ronggur gok huaso. Mangihuthon halak
Ugarit, ronggur i ma gombaran soara ni Debata. Dirajumi halak Misir do
parenta ni raja Parao songon ronggur alai gumogo sian i dope soara ni
Jahowa. Dirajumi halak Israel do soara ni Jahowa di atas ni aek, uju
maporus nasida maninggalhon Misir. Di na mardalan nasida di laut Rara,
mahiang laut Rara, alai holan salpu bangso Israel mamolus laut Rara, mulak
aek ni laut Rara i mambahen mate torop parangan ni raja Parao.
Dipatuduhon Jahowa do hagogoonNa marhite ronggur, uju ro halak Palistim
mangarongom halak Israel di na mamele, martangiang si Samuel di Mispa
mangido pangurupion ni Jahowa, asa malua halak Israel sian tangan ni
Palistim. Manghuling ronggur dibahen Jahowa mansai gogo sadarina i
mangalo Palistim gabe gaor jala mabiar halak Palistim laos talu maralohon
Israel.
Marhite buku Psalmen on dipatuduhon Jahowa huasoNa marhite
soaraNa na gogo. Somalna, andorang so manghuling Jahowa, sai jolo di
paro do ronggur laho paradehon roha ni bangsoNa, umbege soaraNa.
Dirajumi par-Psalmen on do ronggur na mardongan api nanghalilintar
diparo do ronggur laho paradehon roha ni bangsoNa umbege soaraNa.
Jahowa na mambahen ponggol angka hau ares ni Libanon, na mambahen
mabiar jolma songon anak ni lombu dohot songon anak ni horbo na
panihalnihalon. Dirajumi ronggur na marangkup api i soara ni Jahowa na
manutung angka na binolusna, na mambahen mabiar jolma. Marhite na
tinompaNa i dipapatar Debata hadirionNa na gok hasongkalon dohot
hagogoon, alani i tama na porsea i mamuji dohot pasangaphon Jahowa.
Ndang adong na manahan maradophon Ibana, ala dohot hagogoon ni
Jahowa, marhite ni soaraNa. Hinorhon ni hasongkalon dohot
habonggalonNa, sude bangso marnida hamuliaon ni Jahowa. Jamita on
manungguli hita asa manghatindanghon hasongkalon ni Jahowa Debatanta.
Boi do marragam dalanta laho manghatindanghon Jahowa. Marhite
parsidohoton marhobas di huria, di masyarakat, dohot marhite na
mamarangehon lomo ni roha ni Tuhan i. Tama hita manghatindanghon
dohot mamuji Tuhan i ala Asi dohot denggan ni basaNa na tajalo.
Tarsongon dia ma na mangonjar hita mamuji dohot manghatindanghon
Tuhan i, ima ala Ibana Sisombaon, Raja ni saluhut jolma dohot sude na
tinompaNa, ndang adong na tuk manahan di joloNa. Pujion jala
hatindanghononta Jahowa ala pangaramotionNa.
Di ujung ni turpuk on, ay 11, didok, "Lehonon ni Jahowa do sogot
pargogo tu bangsona i, tumpahan ni Jahowa do sogot bangsona
mardamedame". Ayat on paingothon na dihaporseai bangso Israel do
Jahowa marhuaso manguhum portibi on, jala dihaporseai na margogo do
Jahowa mamasumasu bangsoNa, na porsea di Ibana mardamedame.
Jumpang dame molo unduk na porsea i tu Jahowa, marhite na
manghagigihon na jat. Manghagigihon na jat ndang holan paholang diri sian
hajahaton alai manghasogohon (membenci) hajahaton. Alani ndang sae
holan mandok, ndang huula be hajahaton, hape pinanotnotan hajahaton i.
Manghagigihon hajahaton, lapatanna marusaho pasohothon hajahaton sian
parngoluon ni jolma. Manghagigihon na jat, ndang sae marhite na
mangaradoti aturan parhuriaon dohot mangaradoti uhum sosial. Godang do
jolma mangulahon na denggan holan ala mabiar tu uhum, ala mabiar tu
penilaian ni na torop. Torop do jolma ndang manangko, ala mabiar
ditangkup Polisi, dohot ala mabiar tarhurung. Torop do jolma mangula na
denggan, holan ala maila diinsahi jolma, ndang ala na mabiar tu Jahowa.
Marparange na denggan hita, ala mabiar jala ala unduk tu Jahowa. Ndang
jadi holan di tangiang hita badia, hape roha dohot ulaonta di na buni ndang
badia. Ndang jadi holan di kebaktian hita burju/badia, hape di inganan na
holip sian pamerengan ni jolma, taula na ramun. Manang didia, manang
sadihari pe, di na patar dohot di na holip, ingkon tapataridahon ngolu na
mabiar tu Jahowa.

III. HAHONAAN
Pardalanan ni ngolunta, ndang tarsirang i sian campur tangan ni
Jahowa. Molo godang pe na mambahen las rohanta, ndang jadi dohononta i
ala gogo dohot haboionta, tung ala asi ni roha ni Tuhan i do. Godang do
jolma na berhasil di ngoluna lupa daratan, ginjang rohana, ndang diingot
hahansitonna na jolo; ndang diingot mandok mauliate tu Tuhan i na
mamasumasu ulaonna. Tapuji Tuhan i ala dipasupasu hita di ulaonta. Molo
marhasil hita di ulaonta, tama hita mamuji Tuhan i, ai keberhasilanta i ndada
ala gogonta, ala pangurupionNa do, basabasa ni Tuhan i do i. Godang do
jolma na so satia tu Tuhan i ala didok rohana ndang diboto Tuhan i na
niulana i, holip do i sian pamerengan ni Tuhan i. Hape sude do na niula ni
jolma diboto Tuhan i. Hasatiaon maradophon Tuhan i do patubuhon
hasatiaonta maradophon donganta. Sahit ni jolma di tingki on i ma sahit
penghianatan. Muramura menghianati dongan ala kepentingan portibi. Ala
egosime jotjot didok, "Karena kepentingan semua menjadi teman, dan
karena kepentingan teman menjadi lawan". Taula na denggan ala mabiar
hita tu Debata Parbinoto na Sun i, ala hasatiaonta di Ibana. Amen.

Pdt. Hotman Hutasoit, M.Th

Sekretaris Jenderal
 MINGGU I DUNG EPHIPANIAS
08 JANUARI 2023
Evangelium; Mateus 3: 13-17

Hatigoran Ni Debata Dipajongjong Dibagasan Jesus

I. Patujolo:
Ala on do pe ombas parjolo, marminggu hita dung taon baru di taon
2023, jumolo ma hupasahat hami tu saluhut ruas ni huria, tamue nang angka
na marholong ni roha tu hurianta HKI, selamat taon baru ma di hita saluhut.
Napaduahon, Tama do hita mandok mauliate tu Tuhanta pardenggan
basa i, ai ita parhatopot do, paboa holan ala ni denggan basa ni Jahowa do,
umbahen na tolhas hita tu taon na imbaru on. Molo taparhatopot do songon
i, marlapatan do i, ringkot do botoonta, adong do sangkap ni Tuhan i tu hita,
umbahen na dipatolhas hita manaripari taon na salpu i. Ai molo itaingot do,
godang hamaolon na masa na ita bolus, tarlobi sahit na mansai maol antusan
ni roha, na mansai bernit panghorhonna tu parngoluon ni jolma di sandok
potibi on, ima sahit na margoar covid-19. Alai, laos gabe patamba semangat
do di hita, di bona taon on. Ai nunga lam tangkas mansohot sumbia nang
pangkhorhon ni Covid-19 i. Anggiat ma di taon 2023, patar lehonon ni
Tuhan, gabe taon parasi ni roha on, jala di patulus ma sangkap hasonangan
na sian Tuhan i, songon na pinaandar-Na marhite panurirang Jeremia na
mandok: “Ai nunga tangkas huboto sangkap angka na husangkapi taringot
tu hamu, ninna Jahowa, sangkap hasonangan do tahe ndada tu hamagoan,
asa ahu mangalehon tu hamu ujung na hinalungunhonmuna.” (Jeremia
29:19).

II. Hatorangan
Ala sangkap hasonangan do di sangkapi Tuhan i, hombar tusi di bona
taon 2023 on, dipaingot do hita marhite turpuk jamita on, songon dia do
dalan sidalananta, jala songon dia do hita laho mandalani ari-ari ni ngolunta
di bagasan sataon bolon on.

1. Pajongjong nasa hatigoran

Di ginjang nunga didok, adong do sangkap hasonangan lehonan ni
Tuhan tu angka naporsea di ibana. Diturpuk on, sangkap Na i tangkas
do masa di parngoluon ni si Yohanes ima na ingkon pajongjong
hatigoran di ngoluna.
Pajongjong hatigoran, ndada ulaon na mura, ai mansai godang do
siadopan, na ro sian diri sandiri nang sian duru pe tahe. Na songon i do
diadopi si Yohanes nang Jesus sandiri pe tahe. Laos ido na patut
putihanta marhite jamita on, asa saut sangkap hatuaon i na sian Tuhan i,
ima:
a. Maralo tu hasomalan na masa di portibi on.
Di turpuk on, masa do uju i haimbaru on na binoan ni si Johanes.
Ima na jou-jou (marjamita) si Johanes di halongonan, mandokhon
asa ganup jolma “Paubahon roha (bertobat), ai nunga songgop
harajaon Banua Ginjang” (ay 2). Gabe ro ma angka pangisi ni
Yerusalem mandapothon ibana tu halongonan i, laos dijangkon si
Yohanes ma nasida, huhut dipatupa si Yohanes ma pandidion di
Aek Jordan i tu angka naung paubahon rohana.(pat. Ay 6).
Uju i di Galilea dope Jesus Kristus. Ro ma nang Jesus mandapothon
si Johanes, huhut mangido asa dohot Jesus tardidi. Umbege
pangidoan i, manjua do si Johanes. Boasa? Sasintongna, panjuaon
ni si Johanes ndada na mandok paboa Jesus ndang talup didionna
ala na so lias sian dosa, ai tangkas do di udut ni alusna i, si Johanes
mandok: Ahu do nian patut Didion Mu. Antong molo songon i
boasa manjua si Johanes, alusna: ala nunga maralo tu hasomalan na
masa di portibi on pangidoan ni Jesus i. Di portibi on, adong do
suhat-suhat na niangkuhon ni sandok portibi on, ima angka na
tumimbo tohonanna, patut do dipasangap angka na di toruna.
Diboto si Johanes do, paboa Jesus ima Mesias jala na sangap,
mamboan sepatuNa pe ndang tama ahu nina si Johanes (Mat 3: 11).
Alai dialusi Jesus do si Johanes mandok: songon i ma jo, tama
tapajongjong hatigoran.
Di hita Halak Batak adong do filosofi (ruhut-ruhut ni ngolu): Somba
marhula-hula, elek marboru, manat mardongan tubu. Di bona taon
songon on, sai di usahahon boru do manopot huhut mangido maaf
tu hula-hulana. Alai boha do molo ndang ro boru i, manang ndang
olo mangido maaf, boi do hula-hula parjolo mandapothon boruna
manang mangido maaf, mansai godang dope naung diaturhon
sebagai tatanan hidup masyarakat, boi do tapahosing jala tapature
laho pajongjong hatigoran?.
Sadari on, turpuk jamita on mansoarahon asa tapatujolo hatigoran
nangpe sipata ingkon haruar sian batasan atau norma naung adong,
asa jumpang sangkap hatuaon naung ni rade ni Tuhan di ngolu i.
 b. Rade nangpe ingkon loja
Molo tajaha evangelium ni si Markus (Markus 1: 9), didok do disi
paboa Jesus tardidi di aek Jordan, ro sian Nazaret di luat Galilea. Si
Markus tangkas manggurithon on, laho pabotohon paboa mansai
ganjang (dao) do pardalanan ni Jesus sian ingananna hinan laho tu
inganan pandidion na pinatupa ni si Johanes di aek Jordan i.
Lapatanna, laho pajongjong hatigoran ndada ulaon na mura, alai
ingkon rade do bahkan loja tahe. Ido na dipatupa Jesus Kristus di
tupuk on, asa gabe sipatondit tu hita jolma.
Itaingot ma, paboa pardalanan na mansai ganjang dope bolusonta di
taon 2023. Asing ni ganjang na, ndang apala itaboto dope songon
dia sibolusonta di taon on. Alai laho mangeahi hatigoran i, ima
Tuhan i sandiri, ringkot asa unang marnaloja. Ido nang disoarahon
si Paulus na mandok: unang manaloja hita mambahen na denggan,
ai na mangotil do hita muse di tingkina, ianggo so pargale hita
nuaeng (Galatia 6: 9).
2. Sai na saut do Sangkap ni Tuhan i
a. Dipangke Tuhan ido jolma dalan pasaaut sangkapNa.
Uju di pesta natal, sai tarbege do sipajojoron na mamaritahon
hatutubu ni Jesus Kristus. Sada na so boi tartading ima taringot tu
parsuru ni Tuhan i tu si Maria, gabegabean nang pe so tumanda
baoa, alai sian Tondi Porbadia do na songgop tu Ibana. Ndang
tarantusan ni si Maria panjou on na tu ibana, ai mansai suhar do tu
pikiran ni jolma. Alai ala rade si Maria di parsuru ni Tuhan i, saut
ma sangkap ni Tuhan i, rot u portibi on mamboan haluaon.
Di turpuk jamita on pe, disuru Jesus Kristus si Johanes mandidi
ibana di sungai Jordan. Parjolo ndang dioloi si Johanes, ala dirohana
ndang tama ibana mandidi Jesus. Alai ala ni pandok ni Jesus ingkon
songon i ma jolo, gabe diulahon si Johanes pangidoan ni Jesus. Tutu
ma, uju bangkit Jesus sian aek i, mijur ma tondi ni Debata songgop
tu Jesus, huhut tarbege soar ana mandok: on do Anakku,
haholongan i, halomoan ni rohangku do Ibana.
Di bona taon 2023 on, disungguli do saluhut angka naporsea i,
paboa disuru Tuhan do hita asa rade dipangke Tuhan i, pasauthon
sangkap na. Molo si Paulus mandok: Surat ni Kritus do hamu na
hupature hami, sinurat so dohot tinta, mahite sian tondi ni Debata na
mangolu, ndada tu panuratan batu, alai di panuratan daging, ima
ate-ate. Itapangke ma tingki na nilehon ni Tuhan, asa gok parbue
bahen sangap di Tuhan, jala las ni roha di jolma manisia.
b. Porsea ma hita, ai Debata do na mandok.
Nunga lobi dua ribu taon na salpu, ro Debata tu portibi on di
bagasan Jesus Kristus, alai sahat ro di tingki on godang do pangisi
ni portibi on, na so porsea di Jesus Kristus, lobi tahe, angka naung
porsea hian pe, godang lam sumurut haporseaonna, hinorhon ni
ragam ni alasan tarlobi angka na mangasahon parbinotoan (logika).
Sasintongna, nunga dipalumba Tuhan marhite panurirang Jesaya
mandok: “Ai songon timbo ni angka langit sian tano on, songon i do
tumimbo angka dalanku sian dalanmuna i, jala angka pingkiranku
sian pingkiranmuna i (Jesaya 55: 9).
Di tupuk on, tangkas do digorithon paboa ndada si Johanes na
mandok ises Jesus i, alai soara sian Banua Ginjang do na mandok:
On do Anakku, haholongan i; halomoan ni rohangku di Ibana.
Antong, nunga dapot tingkina asa marsihotot hita marhaporseaon di
Tuhan Jesus, molo tung na sai laon jotjot dope jumpang halembaon,
nuaeng ma tingkina asa marnaringgas hita mampareahi ngolu ni
partondion i di bagsan Jesus Kristus, asa saut sangkap nauli ni
Tuhan i, huhut dapot angka ondeng di pardalanan ni ngolunta.
Amen.

Pdt. Hotman Hutasoit, M.Th

Parhobas di Kantor Pusat
 MINGGU II DUNG EPHIPANIAS
15 JANUARI 2023
Ep: Johanes 1: 29-42

Panondang Ni Haluaon Ni Saluhut Bangso

I. Patujolo:
Moto ni ngolu ni si Johanenes Pandidi ima mambaritahon haroro ni
Mesias, Birubiru ni Debata namamorsan dosa ni portibion. Birubiru ni
Debata ima Jesus Kristus Mesias naung adong hian andorang so adong hian
dope portibion jala naadong dungkon si Johanes. Ima Jesus natinogos ni
Debata Ama, Laho patotahon tanggungjawabna. Johanes Pandidi mangula
bulus dibagasan hasintongan, jujur, jala barani mansoadahon kepentingan
diri sandiri jala marpusathon tu pamaritaon hasangapon ni Jesus Kristus,
songon naandar tupa dingoluna. Ndang adong roha naing mambuat
hasangapon tu dirina so ganda holan sangkap papatarhon hasangapon dohot
hadaulaton ni Jesus Kristus, Malim nabolon, Birubiru ni Debata napaluahon
dosa ni Portibion.
II. Hatorangan ni Turpuk:
Hadirion ni si Johanes Pandidi ima hadirion nasai tontong
mambaritahon jala martudutuduhon tu Jesus natontong abdul umbalga dohot
ussangap sian dirina sandiri. Gariada tahe didok ibana "na hurang tama do
ahu mangharhari tali ni sipatuNa” (ay 27). Tangkas do diantusi si Johanes
ulaonna ima Holan paradehon dohot mambuka dalan di haroro ni Kristus
Jesus Mesias Anak ni Debata. Ibana do na utama nadipaimaima jala
nanihirim ni sude bangso patupa haluaon.
Ditikki natoropi manukkun si Johanes taringot tu ojahan manang
dasar hak ni sada jolma patupa pandidion (na ibana do Elia manang Mesias
na nipaimaima ni bangso i ). Dohot takkas Johanes mangalusi; dirina ndang
si Elia, ndang Mesias (1: 22-25). Sianon tangkas tarida ia si Johannes
konsisten, jujur jala barani mengambil sikap tidak mau populer didirina
sandiri alai holan martudutuduhon jala mambukka dalan hasangapon dohot
hamuliaon ni Mesias Anak ni Debata nanaing ro dukkon ibana. Alani i do
ditikki di ida ibana Jesus ro di jolona, secara spontan Johanes Pandidi dohot
soara namarsaringar mandok tu angka siseanna "on do Birubiru ni Debata,
na mamorsan dosa ni portibion” (ay 29). Johanes massoarahon dohot
mangarahon sude jolma FOKUS tu Jesus ndang tu parjamita
namansuarahon Jesus.
 Jesus Birubiru ni Debata na ro paluahon jala nagabe pelean nabadia
nasumeahon dirina bahen tobus/pasaehon dosa ni jolma manisia. Jala patar
tarida anak Birubiru ni Debata, gabe pelean nabadia nasumeahon hosanNa
bahen tobus ni dosa ni portibion. Diseahon do hosanna sian haunduhon
dohot pangoloion natama makkopkop jolmai. Jesus olo gabe pelean
namangolu sian pangoloionNa ala ni holongNa namassai balga humongkop
dosa ni jolma manisia. Johannes tung marsitutu situtu mangula paradehon
habobongot ni Tuhani, laho meyakinkan sude jolma naumbege; ia Jesus
Kristus Mesias Birubiru ni Debata na ditongos Debata bahen tobus ni dosa
ni jolma. Tangkas dihatindangkon si Johanes “Huida do Tondi i tuat songon
darapati sian banua ginjangi jala mian di Ibana” (ay 32). Tanda on patotahon
huaso dohot hamuliaon ni Jesus Kristus nasonggop sian Banua ginjang. On
ma nagabe partinandaan di si Johanne asa gabe patar panandaonna di Jesus
namarharoroan sian Debata (Ay 33). Gabe tangkas si Johanes
mangkajongjongkon Jesus Anak ni Debata (ay 34)
Disemangat ni si Johannes mamaritahon barita ni Jesus “on do
Birubiru ni Debata” tarbege tu dua sisean ni si Johanes gabe marhamubaon
mangihuthon Jesus. (ay35-37). Haradeon ni angka sisean i marbalik
mangihuthon Jesus marbikkas sian parsitutuon jala hapadoton ni si Johannes
mamaritahon taringot tu Jesus. Gabe humusor roha ni nadua sisiani
mangihuthon Jesusu ima Andreas dohot Simon. Dipangkobasionna gabe
guru Patar tarida keteladananna gabe guru sejati. Ndang ditahani siseanna
manontong rap dohot ibana alai dipaloas mananda dohot mangihuthon guru
naumbalga jala unsangap sian ibana. Johanes gabe figur guru sejati
namakkalomohon sisianna (nahinaholongan ni rohana) marhamajuon jala
mangeahi ngolu nadumenggan.
III. Panimpuli:
Huria songon parbaritanauli porlu marsiajar sian si Johanes na komit
dohot kosisten mambuka dohot paradeon dalan hasangapon dohot
hamuliaon ni Jesus bongot tu roha ni ganup jolma manisia di sandok
portibion. Tangkas jala patar do di jamitana pabotohon ia Jesus ima Birubiru
ni Debata manang Anak ni Debata na olo gabe pelean nabadia, olo mate
tarsilang humongkop dosa ni saluhut portibio. Pangkophopon i ndang ala
natarpaksa alai sian pangoloionna dohot ias ni rohana; ala ni holong na na
massai balga tu portibion, asa malua sude jolmai (Joh 3;16).
Naporsea naing tangkas marsiajar marguru tu Jesus na rade
berkorban tu donganna Jolma manang maniru si Johannes natontong komit
jala rade mambaritahon hasintongan ni Jesus Kristus. Amin.
 Pdt. Salome Nainggolan S.Th.MM
Kepala Departemen Koinonia HKI
MINGGU II DUNG EPHIPANIAS
15 JANUARI 2023
Ev: Jesaya 49: 1-7

Panondang Ni Haluaon Ni Saluhut Bangso.

I. Patujolo:
Jesaya dijou jala disuru Debata manurirangi bangso Israel di
tongatonga ni pangalaho ni bangso namanundalhon Debata. Andorang so
tarbuang dope nasida tu parhatobanan Babel, nungnga marpangalaho na so
biar mida Tuhan Debata be nasida. Nungnga tumagonan bangso i umbiar
jala marpangkunsandeaan tu pangurupion gogo ni angka bangso sileban
martimbangkon mabiar dohot mangido pangurupion sian Tuhan Debata. Ala
ni ido dipaloas Debata bangso i madabu tu habuangan Babel (Jesaya bindu
1-40). Turpuk nasahat tu hita ditikkion on, ima hamumulak ni nasida sian
habuangan Babel dinamangangguk gobar nasida dihaholomon parhatobanan
Babel jala marpangulahi roha ni Tuhan Debata di pangalaho dosa ni Bangso
i, gabe dipaloas Bangso i haruar sian parhatobanab Babel (Bindu 41-55).
Di turpuk on di papatar; Naposo ni Tuhan i disuru gabe panondang
tu tongatonga ni haholomon ni sude jolma na tinggal di portibion.
Panondang haluaon dihasiholi jala diharingkothon ditikki Bangsoi i madabu
tu haholomon manang godang sitaonon. Songon sihol ni roha ni jolma
dipangurupion tim pemadam kebakaran, molo adong hagoran manang
hatutungan. Godang ni sitaonon/masalah mambahen jolma i targogot jala
mangkonjar dohot mangontang jolma i mangalului pangurupion marhite
parsaoran namarsihohot tu Debata mual ni panondang haluaon i. Laho
pagokkon dohot mangalusi anggukangguk pangidoan ni Bangso Israel
namanolsoli dosa nai; Debata marsuru anakNa ro tu hajolmaon gabe
panondang ni portibion (Johanes 8:12). Panondang ni haluaon ni saluhut
bangso.

II. Hatorangan ni turpuk

Turpuk Jesaya 49:1-7 on patorangkon taringot tu panjouon dohot
parsuruon ni Debata tu naposoNa si Jesaya, pabotohon tu bangso Israel
hababangkit ni Naposo ni Debata (Jesus Kristus) gabe sipalua BangsoNa
jala Panondang tu angka parbegu na di portibion songon na nidok ni ojahan
ni minggutta Panondang ni haluaon ni saluhut bangso.
Songon naposo ni Tuhan i si Jesaya namangula mambaritahon/
marbagabagahon haroro ni Tuhan Jesus gabe Panondang hatiuron na
paluahon portibion sian haholomon ni dosa; Adong 3 ulaon ni naingkon
sipatolhason:
1. Papatarhon hamuliaon ni Tuhan marhitehite Israel (ay 3). Ulaon
na mengharuskan Jesaya paboaboahon sangap hamuliaon ni Tuhan
tu sude jolma manisia so mardia imbar (Pat pslm 30, 31, 33)
2. Paulakkon parsaoran ni Israel songon uju ni si Jakob diparsaoranna
tu Tuhan (ay 5). Artina: Marhite Jesaya Israel dijou asa pajolohon
Tuhan dingoluna sian angka na asing. Masa pembaharuan/
haimbaruon (Restorasi) partondion napajongjongkon hahoton jala
hasadaon ni suku-suku Jakob marsada Pasangap dohot mamuji
Hamuliaon ni Debata (ay 6).
3. Panjouon asa gabe panondang tu angka bangso (ay 6).
Pembaharuan Israel mambahen halongangan bolon di sude bangso
nahumaliang gabe sude bangso-bangso mananda jala mangakkui
hadaulaton ni Tuhan ni Israel. Panondang songgop di parngoluon ni
bangso/jolmai laho mangintopi dohot paujungkon parsorion ni
bangso/jolma i jala mamboan bangso/jolma i, mulak tu Sondang
Haluaon, ima parngoluon/parsaoran na sada, dame, sintong dohot
Debata marhite Hatana Nabadia. Pangurupion sondang haluaon na
binoan ni naposo ni Tuhan Debata dibagasan Jesus Kristus, ndang
terbatas tu sada bangso alai tu sude bangso. Debata marhite haroro ni
NaposoNa, Manjou jala patupahon sangkap nabolon jala naummuli
ima Haluaon tu parngoluon ni nasa bangso, dibagasan holong, dame
dohot hasintongan. Naposo ni Debata ro jala mangula
ditongatongatta, patupahon sangkap halongangan nasian Debata
Ama. Sondang Haluaon nabinoanNa ndang mardongan podang/
kekerasan/ parsalisian alai holan mangasahon HataNa nabadia
natumajom sian podang si dua baba (pat Heb 4: 12); Mamola/
membedah angka pikkiran parsalisian ringring dohot utokutok
natangkang marroha asa marsada,mardame jala masihaholongan.
Apala sian on ma tandaon ni halak saluhutna, hamu siseanku: Molo
masihaholongan hamu sama hamu (Joh 13:35).
Naposo ni Debata ima Jesus Kristus nanimaksud ni si Jesaya di
turpukon gabe panondang ni portibion (Pat. Joh 8:12) namangalehon
haluaon asa malua jolmai sian haholomon ni dosa gabe marsihohot tinggal
di bagasan sondang hatiuron ni Tuhan Jesus. Jolma naung mian dibagasan
sondang hatiuron nasian Tuhan ingkon rade secara bertanggungjawab gabe
panondang di nahumaliangna; gabe sulu manang palito hatiuron tu sude
nahumaliangna. Marhite namangulahon angka ulaon hatiuron patar ma hita
songon nampuna ni Tuhan i; Debata dibagasan hita jala hita dibagasan
Debata; marhite namangulahon sondang haluaon ni Debata gabe patar ma
hita hataridaan ni pasupasu tu sude jolma manisia (nahumaliang: angka raja,
bangso dohot sude natinompa). Mangulahon ulaon hatiuron on ma gabe
tanda mauliate ni rohatta di sondang haluaon ni Tuhan Jesus; asa sude hehe
marnida angka pambahenan ni naporsea mamuji pasangap Debata.

III. Panimpuli
Ditongatonga ni angka ragam ni namasa di ngoutta dijou Tuhan
Jesus do hita asa tontong manjalo jala papatarhon sondang hatiuron ni Hata
ni Tuhanta. Dimanang aha masa pe tontong hita boi gabe panondang di
diritta dohot tu nahumaliang hita (Panondang ni haluaon ni saluhut bangso).
Onma gabe ulaon tanggungjawab ni naporsea dipanjouonna gabe Kristen/
gereja artina dijou haruar sian haholomon tu sondang hatiuron ni Debata.
Alani ido marsitutu jala marlojong ma hita mamaritahon barita nauli dohot
mangula angka tanggungjawabta bage sondang hatiuron mangula barita
nauli laho manondangi portibi namian dope di haholomon. Songon tanda ni
naporsea di Jesus Kristus, dijou do hita gabe panondang ni portibion. Amin

Pdt. Salome Nainggolan S.Th.MM

Kepala Departemen Koinonia HKI
 MINGGU III DUNG EPIPHANIAS
22 JANUARI 2023
Epistel : Mikha 7 : 7 – 20

Hagogoon Ni Debata Napaluahon

I. Patujolo
Mika panurat buku on marharoroan sian huta na margoar Moresyet-
Gat di daerah Juda selatan, 40 kilometer sian Jerusalem (Mik 1:14). Ia
panurirang Mika sazaman dohot panurirang Amos dohot Jesaya. Panurirang
Mika dibagasan hapanurirangon na gok mangkritiki raja Juda na umpos
rohana tu angka koalisi politik internasional sian tu Debata, angka
pangomgom Juda na korup, angka panurirang palsu, angka malim na so
Daulat, angka partigatiga na sintong diarga dohot timbangan dohot angka
panguhum na lomoroha tu suap. Pinatorang panurirang Mika alani dosa
nasida do na umbahen ingkon tarbuang nasida. Pangkobasion Mika
dibagasan tolu rezim ima raja Juda ima Jotam, Ahas dohot Hiskia. Artina
panurirang Mika ditingki halak Israel dang tarbuang dope tu Babel, alai
kehidupan moral dohot partondion ni bangso i bobrok, laos ido na gabe
bonsir paheheon rimas ni Debata tu nasida na so olo marhamubaoniroha.

II. Hatorangan Turpuk

Somal do di portibion molo nungga marhacukupan ngoluna tor
ginjang rohana, so diharingkoton be Tuhan i, so parduli be tu angka
parugamoan. Songoni ma na masa dihalak Israel, secara politis margogo do
nasida, secara ekonomi makmur do nasida. Alai gabe lupa nasida tu
Tuhanna na mula ni angka na denggan dingolu ni jolma. Lam tamba
dinasida angka pasupasu ni Debata gabe lam tamba dibahen nasida angka
panglaho dosa, mamungka sian rakyat jelata sahat tu angka panguhum,
pangomgom dohot raja sude mangulahon dosa. Ditorop ni jolma na parduli
tu Tuhani, alai si Mika tongtong do satia ibana tu Tuhan i, asa ido didok si
Mika alai molo au manatap tu Jahowa do (ay 7). Dihata Ibrani dipangke do
hata ‫ ׇצ פה‬tsaphah (will look) na marlapatan : Manatap (spy), manontong
mamaratehon (keep watch), mamparrohai (look out). Siala adong hubungan
tsaphah tu pangidoan na ditangihon Debata.
Tutu do gabe sisogo do panurirang Mika siala barani ibana
maminsang angka parange dosa ni natoropi, gabe diasangi na torop i ma
panurirang Mika, ido boasa didok panurirang Mika sahira na tinggang jala
mian dibagasan haholomon pangkilalahon nasida (ay 8). Alai umporsea do
panurirang Mika tu hasintongan hata ni Debata sian angka na hilalaon
nasida. Artina porsea do si Mika umgogo do Debata sian angka hamaolon
na niadopan jala na nihilalahon nasida, tolap do Debata paubahon na masa i
dalan mangalehon hasintongan uhumNa tu nasida. Ido boasa didok
panurirang Mika : Sai toguonNa do ahu sogot tu hatiuron idaonku do
hatigoranNa (ay 9), alai idaon ni musungku ma i sogot jadi hungkupan ni
haurahon bohina (ay 10). Artina pos situtu roha ni si Mika na so
marsimbusombu Debata mangida angka hajahaton ni jolma, na ingkon ro do
pamalosonNa, ingkon hona luntak songon gambo do angka siula hajahatoni.
Dison ma hita ditogutogu asa unang gangu roha nta tu hasintongan hat ani
Debata, siala angka na masa. Ingkon pos do rohanta tu Debata, nang pe
sipata mansai paet jala parir angka na masa ditongatonga ni ngolunta. Di na
mangolu on martingki do sude jala ingkon adong proses, dang adong na
tompu mamora manang pogos ingkon adong do prosesna, dang adong na
tompu marsahit manang hipas ingkon adong do dalanna manang prosesna.
Ai nungga songoni uhum na ditotaphon Debata ditingki manompa nasa na
adong, marproses do sude, sian ari parjolo sahat tu ari paonompon. Songoni
do tong na lao paida hapapatar hasintongan hat ani Debata adong prosesna,
ido boasa didok panurirang Mika ‫ יום ׇב ׇנ ה יׄום ֹהא‬banah yom hu yom
namarlapatan ingkon ro do ari parpaulihon (built). Diayat 11 di Bibel
dipangke hata “parik” molo dihata Ibrani dipangke do hata ‫ ׇנ ֵד ר‬gader (walls)
na marlapatan dorpi manang tembok (a wall), handang manang pagar
(fence, hedge). Jadi hata parik lao patoranghon pangomat manang
partahanan. Jadi hagogoon ni Debata ndada holan paulihon ekonomi
manang budaya ni bangsoNa alai dohot do paulihon pangomat, partahanan
manang hasangapon ni hajolmaon i. Siala diayat 12-14 dipatorang si Mika
na ingkon hehe do bangso Assur na markoalisi dohot Misir lao mangago,
mangarimpason manang maniaphon Israel, alai molo ro ari ni Tuhan i laos
gabe dengan do muse bangso ni Tuhan i.
Diayat 14 dipatuduhon si Mika adong do partalian ni Debata dohot
bangsoNa, na so marsombusombu Debata diangka siataonon bangsoNa asal
ma olo bangsoNai paubahon roha. Ido boasa didok si Mika sai parmahani
ma bangsoM marhitehite batahim. Diturpuk on digombarhon Debata songon
‫ ׇר ׇצ ה‬ra’ah (shepherd) na marlapatan parmahan, jala Debata marmahani
bangsoNa marhitehite batahim, molo dihata Ibrani dipangke hata ‫ֵש ֶבט‬
shebet (staff) na marlapatan bona, batang (rod), antuk-antuk, pentungan
(club), batahi, tongkat (staff, scepter). Artina batahi lao patoranghon cara ni
Debata lao maminsang dalan paturehon bangsoNa asa jora diangka ulaon ni
dosa. Tontu lam antusan ma hita lapatan hata ima : na marmahani
marhitehite batahi ima Debata na maminsang asa jora mangulahon dosa asa
boi ture. Diayat 15 diulahi si Mika mancaritahon nanialaman bangsoi di na
robi ditingki Debata patupahon halongangan lao paruarhon bangsoi sian
Misir. Songondia bangso parbegu gabe murak siala mangasang gogo tu
bangso ni Debata (ay 16). Tangkas do dipaboa si Mika nasa jolma na
maralohon parmahanion ni Debata ujung ni ngoluna ingkon mandilat orbuk
songon ulok, ingkon hitirhitir dipartabunion nasida, ingkon dotdot jala
mabiar maradophon angka na pinarmahani Debata (ay 17). Tontu boi ma nta
antusi turpuk on na mandok : Manang ise na olo manjalo pamsinsangion ni
Debata ima parmahanion ni Tuhan i, ingkon ture ma ngoluna sogot.
Molo nta parateatehon angka ayat sebelumna, mansai rimas situtu do
Debata tu parange dosa, dang olo Debata kompromi tu angka parange dosa,
sandok dang marsombu Debata, ingkon dibaloshon. Alai disi jolmai olo
marhamubaoniroha laos disi ma tarida dengan basa ni Debata na mura
rohaNa marpangulahi (ay 18), gabe popoanNa jala reongkononNa angka
dosa dohot hajahaton nta (ay 19). Gabe lehononNa hasintongan tu ngolu nta
songon na binahenNa tu si Jakop, si Abraham angka ompung ni Israel i (ay
20). Gabe boi ma antusanta, alani tangkang nirohanta do asa dang tarjalo
hita dengan bas ani Debata, so olo jora hita mangulahon dosa. Siala disi hita
jora mangulahon dosa jala marhamubaoniroha laos disi ma patar dengan bas
ani Debata dingolunta.

III. Haonaan Jamita

Hagogoon ni Debata na paluahon dang tarjalo jolma i molo so olo
ibana diparmahani Debata ngoluna, marhitehite paminsangion ni Debata na
masa dingoluna. Siala bonsir hasasega ngolu ni jolmai ima dosa, jala
Debatanta dang kompromi tu dosa, sandok dang marsombusombu Debata,
ingkon balosononNa. Alai baliksa molo olo jolmai marhamubaoniroha, disi
ma tarjalo jala patar ma di ibana hagogoon ni Debata na paluahon.

Pdt. Ewen J Silitonga, S.Th

 MINGGU III DUNG EPIPHANIAS
22 JANUARI 2023
Evangelium : 1 Korintus 1 : 10 – 18

Hagogoon Ni Debata Napaluahon

I. Patujolo
Ditingki masa ni apostel Paulus huta Korint ima sada huta
metropolitan halak Gorik, asai masyarakat Korint tardok do marlobi jala
parsiadongan. Alai laos di Korint do masa nasa ragam hajahaton tarlumobi
ma angka dosa pangalangkupon. Hajongjongan huria Korint siala
pangkobasion apostel Paulus na niurupan suami-isteri na margoar Priskillia
dohot Akhwillia (1 Kor 16:19), jala mian do apostel Paulus di huta Korint
hurang lobi 18 bulan (Ul Ap 18:1-17). Andorang ro Barita Nauli tu huta
Korint, ia halak Korint nungga somal manomba ganaganaan ima
hasipelebeguon. Asai dung ditadinghon aposteli huta Korint lao
marbaritanauli tu luat nasing, tor gok do angka tantangan ditongatonga ni
huria i. Surat 1 Korint ni surathon apostel Paulus di huta Epesus ditingki
ibana marbaritanauli disi (Ul Ap 20:31), siala persoalan huria Korint sahat
tu aposteli hatiha ibana di huta Epesus marhitehite utusan sian huria Korint
na mandapothon aposteli di Epesus na margoar Kloe (1 Kor 1:11, 16:17,
7:1). Jadi surat 1 Korint na gabe dalan ni aposteli lao patureturehon na masa
di huria Korint.
II. Hatorangan Turpuk
2.1. Parbolaton/Parsalisihan Namasa Di Huria
Tangkas do pinaboa turpuk on, asa masa pe parbolaton manang
parsalisihan di huria i siala adong pro-kontra ditonga-tonga huria i, songon
na masa di Korint, ima : Deba ruas huria pro kelompok Paulus, na deba pro
kelompok Apollos, na deba pro kelompok Kepas na deba mandok sisean ni
Kristus do anggo hami. Ra molo nta pasuman diangka parsalisihan manang
parbolaton na masa di huria nta saonari siala na deba pro kelompok pandita,
na deba pro kelompok guru huria, na deba pro kelompok sintua dohot lan
nasing. Pangalaho sisongoni didok apostel Paulus ima na na mambinagi
Kristus i do i. Boasa boi Kristus i binagi siala ndada be hata ni Kristusi na
gabe haojahan ni joma i alai tu hata ni jolma na adong di tongatonga huria i.
Ndada be ruas i marojahan tu si napuna hata ima Tuhan Jesus alai tu na
pasahaton hata ni Tuhan i, ima angka parhalado ni Huria i. Sipata olo do
umholong roha ni ruas i tu angka parhalado na pasahaton hat ani Tuhan i
sian Tuhan i sandiri nap una hata i. Ido boasa didok apostel Paulus, boasa
marsalisi hamu siala parhalado huria i, ai tu bagasan parhalado huria i haroa
hamu tardidi, angka parhalado huria i haroa na mate tarsilang humonghop
hamu? Ido boasa didok apostel Paulus dang adong na didi ibana sian huria
Korint asing ni si Krispus, Gayus dohot Stepanus. Boasa dikaithon apostel
Paulus tu pandidion? Siala di Korint sai dietong do pangkat manang
legalitas molo nungga boi mandidi. Jadi pandidion i ndada dilapati lao
mangulahon panuru ni Tuhan Jesus, alai dilapati na gabe pangkat legalitas
parhaladoi do i. Dison ma ingkon manat parhalado mangalapati ulaon ni
huria, asa molo nilehon Tuhan i huaso lao patupahon ulaon pangkobasion ni
huria i, ndada lao pasangaphon diri alai lao pasangaphon Tuhan i do. Asa
ido didok apostel Paulus : Ndada disuru Kristus ahu lao mandidi alai lao
mamaritahon Barita Nauli do manang lao marhata habisuhon. Artina,
ingkon dos lapatan pandidion i dohot Barita Nauli ima haserepon roha,
unang ma diulahon pandidion ni na maralo sian Barita Nauli, ima gabe
dihaginjanghon tohonan huria i. Tangkas didok apostel i, pangalaho
sisongoni angka pangalaho na mangorui silang ni Kristus i do i. Ai jolma
paroha portibi dang arga di ibana silang ni Kristus i, ima lapatanna haotoon
do silang i diroha ni angka jolma na naeng mago. Alai tu jolma na dapotan
haluaon ni Debata, arga do di ibana silang ni Tuhan i, ai hagogoon ni
Debata do silang ni Tuhan i.
2.2. Cara Mangadopi Parbolaton Di Huria
Molo masa parbolaton manang parsalisihan di tongatonga huria i, na
umringkot adong di hita lao mangadopi parbolaton i ima parohaion :
ᴨαρακαλώ parakaleo na marlapatatan mamodai (exhort), mamparkulingi
(admonish), mangapuli (to comfort), mangapoi (encourage). Hajolmaon do
molo masa parsalisihan, ai dang adong jolma na so hea marsalisih dibagasan
ngoluna. Alai asa unang parsalisihan ni gabe parbolatbolaton, dison ma
ringkotna adong parohaion parakaleo, songondia pe masa parsalisihan
ditongatonga ni Huria i, alai ingkon tongtong do ruas dohot parhaladoi huria
marsipangkulingan, mamodai, mangapuli, mangapoi. Dison ma
parsalisihani dang boi mangotap hot ni roha huria i manang sada niroha
dohot sada pingkiran ni huria i.

III. Haonaan Jamita

 Hombar tu ondolan ni jamita nta di minggu III Dung Epiphanias na
mandok : Hagogoon ni Debata na paluahon. Sude do hita porsea ia
hagogoon ni Debata i tolap do i lao paluahon hita, alai dang sude jolmai boi
mangkilalahon hagogoon ni Debata na paluahon i, boasa? Tangkas do
dipaboa turpuk jamita nta ndada tarjalo jolmai hagogoon ni Tuhani na
paluahon i, molo dibagasan ngolu na marsalisih manang na dibagasan
parbolatbolaton. Asai ingkon ta parangehon do parohaion parakaleo ima
parohaion na mamodai, mampangkulingi, mangapuli dohot mangapoi. Asa
manang ise jolma na mangkangoluhon parohaion dohot parange parakleo, tu
ibana hapapatar ni hagogoon ni Debata na paluahon.

Pdt. Ewen J. Silitonga, S.Th

 MINGGU IV DUNG EPIPHANIAS
29 JANUARI 2023
Epistel : 1 Korint 1: 26-31

Debata Do Mual Ni Bisuk Dohot Gogo

I. Patujolo
Adong dua pamikirion di huria Korint taringot Silang ima sada
haotoon. Parjolo, pamikirion Gorik (Yunani), angka na mangondolhon
parbinotoan utok-utok nang pande bisuk, na so manghaporseai Jesus na
tarsilang i, hehe sian na mate. Paduahon, pamikirion Jahudi, na
mangondolhon huaso ni Debata nang Mesias naung leleng dipaimaima dang
tarjalo nasida dibagasan Jesus mate tarsilang, ala mangihuthon pamikirion
nang pangantusion nasida ia Mesias i, na gogo, na bonggal jala na sangap
ndang tartaluhon musu. Diida apostel Paulus pengaruh na dua “pandangan”
on nunga mangula di ngolu ni ruas i.
Siala ni i, dipaingot apostel i angka ruas marhite pangajarion, parjolo
ia barita taringot silang, hamatean nang haheheon ni Kristus, ido na gabe
pamusatan/ unok ni “Barita Na Uli/ Injil”. Na paduahon, asa torop jolma na
gabe manghaporseai Jesus, ima marhite parbaritanaulion. Napatoluhon,
dibagasan parbaritanaulion i, gabe jumpa ma hagogoon ni Debata naung
manaluhon sorop ni dosa nang sibolis pangago, laos mambasabasahon
hangoluan na manongtong di angka na porsea.
Sahat tu partingkian sisonari, sai mangula do sibolis laho
mangaliluhon angka jolma i unang porsea di Kristus i. Boi do dipangke
sibolis angka na pistar, parpangkat, na balga pengaruhna. Alai sai gumogo
do Tuhan i, dang tolap ni habisuhon na sian portibi on manundati sangkap
hatuaon ni Debata, i ma habisuhon ni Debata dibagasan hagogoon ni silang
i. Naeng pangkeonNa angka na gale mangihuthon portibi on, gabe
napopsoNa nanaeng papatarhon hagogoon ni Debata. Tung tangkas jala
patar doi di pardalanan hakristenon sian mulanai sahat tu partingkian
sisonari, nang pe sai marusaha laho mangambati alai justru lam rarat do
hakristenon i di liat portibi on.
II. Hatorangan ni Turpuk
Molo tapamanat satongkin hadirion ni sisean ni Jesus, na
marharoroan sian status sosial na gale jala so mardiha-diha alai boi secara
luar biasa dipangke Tuhan i pararathon hataNa. Sian mulana pe nunga boi
idaonta, dang gumodang dipillit Tuhan i gabe siseanNa angka na bisuk
mangihuthon sibuk, angka na gogo nang na sangap. Memang cenderung do
molo mangihuthon ukuran hajolmaon ia haboion habisuhon nang
parbinotoan i gabe dalan patulushon keberhasilan pararathon Barita Na Uli.
Alai dang songoni cara pandang ni Debata, dipillit Ibana do angka na oto
mangihuthon portibi, angka na gale angka na so adong pengaruhna, asalma
olo nasida unduk tu huaso nang gogo na sian Tuhani. Asa songon na
tarsurat, “Ai ndada pingkiranku pingkiranmuna i, jala ndada dalanmuna
angka dalanku”, ninna Jahowa, (Jesaya 55:8).
Dimulanai, ndang piga angka jolma na sangap tarjou gabe siihuthon
Kristus. Songon angka guru-guru nasida angka na pogos jala na lea, songoni
ma angka na olo marhamubaon jala porsea di Tuhan i. angka siihuthon
Kristus na sian Gorik nang Jahudi gumodang do angka na gale, na oto jala
lea. Angka jolma na biasa di haboion pamikirion, ndang mardihadiha, alai
mansai luar biasa pangantusionna taringot habisuhon ni Debata. Parsidohot
di sangkap hatuaon ni Debata laho pauli-ulihon nasa na tinompa i marhite
hagogoon ni Barita Na Uli.
Andorang so gabe apostel, goarna Saulus na sai mangalele angka
sisean ni Kristus i laho tangkuponna. Alai gabe ibana do ditangkup Tuhan i
laos pangkeonNa laho mangalele angka na mangolu dibagasan
hasipelebeguon dope asa malua jala porsea di Tuhan i. “Pengalaman” ni
apostel i naung tarjou jala tarpillit gabe nasposo ni Tuhan i do disagihon
ibana tu huria Korint. Ia panjouonNai tu hita ndang marsigantung tu
hadirionta, suang songon haluan i tung ala Asi ni RohaNa sambing do (Sola
Grazia), ndang ala ni usahata/ haboionta sandiri. Justru godang do ia
panjounNa tu hita hatiha jolma na so mardihadiha, ndang terkenal, ndang
berpengaruh, ndang jolma na terpandang jala ndang tardok pande bisuk (26-
27,a). Alai hatiha dijou Ibana hita gabe naposona di situasi na songoni,
adong sangkap hatuaonNa na luar biasa ingkon saut marhite ulaonta, i ma
patuduhon haundukonta mangulahon parsuruNa i ( 27,b.28).
Tung andul marasing do dalan ni Tuhan i martimbanghon
pamingkirion portibi. Di Tuhan i boi do Ibana maruba panangko gabe
parbarita nauli, sian pambunu gabe pandita, sian na so masuk di akal di
parnidaan portibi. Uju diulahon Tuhan i sisongoni, ndang marlapatan ala
haboionta, manang ala hasintonganta umbahen dipillit Tuhan i hita, alai
saluhutna tung ala basabasa ni Tuhan i do (Sola grazia). Ndang adong
dalanna gabe tapangasahon hadirionta diadopanNa (29), alai justru ingkon
serep do rohanta jala holan mangasahon Tuhan i ma hita marhite
pujipujianta di Ibana.
Marhuaso do Tuhan i laho mamillit manang mamangke manang ise
pe laho patupahon hamubaon di tonga-tonga ni portibi on. Godang do angka
na marhasil jala panghorhon ni ulaon jolma naung marhasil i gabe
parsiajaran na arga di hita. Andorang tardok jolma na marhasil ibana, tardok
jolma na bodo, kepribadianna na hurang martimbangkon dongan
satorbangna gabe diparuar sian parsingkolaanna. Alai ala pangajarion ni
natorasna tu ibana, jala olo ibana marsiajar dohot ringgas boi ibana
marhamubaon. Songon piso na torus diasa boi gabe tajom. Songon i ma
ibana gabe “penemu bola lampu listrik”, ibana ma na margoar Thomas Alva
Edison. Gabe jolma na mamora jala na bonggal ibana ala penemuanna i.
Molo tapamanat Hata ni Tuhan di Bibeli, jumpangta do angka idaon
gelleng, alai adong potensi na boi manghorhon angka na luar biasa, isarana:
batu ni siarum (biji sesawi) songon balga ni monis alai dung tubu boni i boi
gabe sada suan-suanan na balga. Naposo ni Tuhan si Musa, nang pe bangkol
manghatai, alai dipangke Tuhan i paruarhon bangso Israel sian tano
parhatobanan Misir. Si Jona nang pe holan sangkababa hata na ruar sian
pamanganna, dipangke Tuhan i asa marhamubaon bangso Ninive. Si David
nang pe parmahan jala pardaging na metmet boi manaluhon jolma na bolon
si Goliat. Dakdanak na mamboan lima roti dohot dua dekke, dipangke
Tuhan Jesus mangalehon mangan 5000 halak. Si Timoteus nang pe poso,
alai gabe dongan saulaon ni apostel Paulus pararathon Barita Na Uli. Si
Petrus nang pe parjala dekke na so adong sikolana gabe uluan hakristenon
na parjolo.

III. Hahonaan/ Aplikasi

Hombar tu ojahan ni jamita on “Debata Do Mual Ni Bisuk Dohot Gogo”
ringkot naeng tapahusor-husor dibagasan rohanta:
1). Habisuhon nang hagogon ni Debata boi mangula di angka
manang ise pe nahinalomohonNa naeng pangkeonNa gabe
dongan saulaonNa pasauthon sangkap hatuaonNa i. Ai ndang
mardia imbar di Tuhan i, manang ise pe, aha pe status sosialna,
jolma na biasa manang na luar biasa boi do pangkeonNa.
Songon angka naposona naung tarsurat di buku nabadia i, naung
pinabangkitNa gabe ula-ulaNa, suang songoni ma nang hita.
 Tarjou do hita saluhutna gabe ula-ula na metmet laho
patimbulhon harajaonNai di portibi on, di inganan parmiananta
ganup marsada-sada.
2). Dang boi pangkeonta pikiranta sandiri gabe ruji-ruji laho
menilai ulaon ni Tuhan i. Sandok holan roha sipangoloi do diigil
Tuhan i sian hita, haundukon tu hagogoon nang habisuhon ni
Tuhan i na ingkon pangasahanononta. Tung tahamauliatehon ma
molo diparar Tuhani dope hita gabe ula-ulana. Taulahon ma
dibagasan haserepon ni roha panjounna di hita ganup marsada-
sada, jala ingkon satia do hita mangulahon nasa tohonan naung
pinasahatNai tu hita. Sotung tapangasahon haboion ni
habishonta sandiri, gogonta sandiri, ndang tulus angka ulaon
molo holan mangasahon gogonta sandiri. Sai tapangasahon ma
habisuhon dohot hagogoon na sian Tuhan i di ragam ni
panghobasionta, di tonga-tonga ni Huria nang na humaliang
hita.
3). Hatuaonta do molo tatanda dirinta na oto, na so mardiha-diha,
na so adong pengaruhta alai diparar Tuhan i hita laho pararathon
HataNa. Ai dibagasan HataNa do jumpa habisuhon nang
hagogoonNa, di angka jolma na olo manjanghon HataNa i.
Martua ma hita ai nunga diparade Tuhan di hita tumpal
hangoluan na marhasonangan dung singkop taulahon
panghobasionta uju mangolu hita di portibi on. Marningot baga-
baga ni Tuhan i mangonjar hita dibagasan roha na ias, serep jala
satia mangulahon nasa ulaon hombar tu panjounna tu hita ganup
marsada-sada. Sai songgop ma habisuhon nang hagogoon ni
Tuhan i di panghobasionta, amen.

Pdt. Tumbur MH Siahaan

Kabiro Infokom HKI.
 MINGGU IV DUNG EPIPHANIAS
29 JANUARI 2023
Evangelium: Job 12: 13 – 25

Debata Do Mual Ni Bisuk Dohot Gogo

I. Patujolo
Buku Job, masuk tu horong “Kitab Puisi” dohot habisuhon (Kitab
Hikmat). Sada sian buku habisuhon na adong i, buku Job dang marhahonaan
tu kisah sejarah bangso Israel songon buku-buku na manjoloani buku Job
on. Buku Job marisihon angka sungkun-sungkun taringot hajolmaon, poda
ngolu siganup ari jala taringot unok ni hangoluan nang “emosi” hajolmaon.
Na deba nari mandok ia buku Job i ma buku na marisihon “kisah sejarah”
manang “legenda” taringot tu parungkilon ni ngolu. Alai na pasti buku Job
naeng manghatahon taringot ngolu ni halak na bonar di adopan ni Debata na
mangadopi ragam ni parungkilon ni ngolu, alai marsihohot jala
marpangusandean di holong nang huaso ni Debata di sude situasi.
Holan dua bindu do di buku on na secara langsung manaringoti goar
Job, nang pe angka bindu na asing manghatahon pingkiran nang tona na
sarupa di bagasan “kisah” ni si Job. Buku Jakobus manurat taringot si Job tu
angka halak Kristen na dibagasan parungkilon, asa boi adong putihonna
parsiajaran sian na nialaman ni si Job, boi nasida mangida parsihohoton
nang balga ni haporseaonna tu Tuhan Jahowa. (Jak. 5:11). Andorang so
tarbuang bangso Israel tu Babel, dipabotohon Jahowa tu panurirang
Hesekiel na so tarpalua be Jerusalem nang pe molo adong hatiha i di
Jerusalem si Noah, Daniel nang si Job. Jolma ni Debata na tolu on pasti do
paluaonNa ala ni haporseaon, jala hasintongan ni ngolu nasida, alai huta
Jerusalem ingkon hona uhum ni Debata. (Hes 14:14, 20). Suang songoni
panurirang Jeremia na mangolu andorang habuangan, nang pe dang
manaringoti goar Job secara langsung, alai sarupa songon Job na manolsoli
ari hatutubuna (Jer.20: 14-18). Buku Psalmen marpigahali manaringoti
parsorion ni ngolu ni si Job, haporseaon si Job nang angka donganna na
manjehei ibana (Psalmen 49).
 Job, jolma na daulat dang lias sian parungkilon, na maralo tu
pangantusion hasomalan ni Israel, na so patut jolma na daulat mangolu
dibagasan parungkilon. Laho mangalusi pangantusion na lipe on si Job nang
angka donganna marusaha pabotohon dalan ni pingkiran (bisuk) aha do siala
ni parungkilon ni ngolu i. Marasing do sian lapatan ni habisuhon di buku
Poda, molo habisuhon di buku Job na so boi tardodo ni pikkiran ni jolma.
Mangihuthon habisukon buku Job ia hasonangan nang parungkilon gabe
sada hasadaon na so tarsirang sian habisuhon nang huaso ni Debata.
Tarsirang sian hadaulaton ni jolma nang hasbisuhonna, habisuhon ni Debata
do na manontuhon dalan ni ngolu ni jolma i. Si Job nang angka donganna
boi papatarhon habisuhon nasida ia “dibalik” ragam ni parsorion nang
parungkilon na niadopan si Job adong sangkap ni Debata. Alai lobi sian
parungkilon na manginona tu si Job gabe sada hasadaon sian huaso nang
habisuhon ni Debata. Habishuon na so dapot pikkiran ni jolma, habisuhon
na mansai timbo Debata do marnampunasa.

II. Hatorangan ni Turpuk

Molo tapamanat di bindu 12 on, Si Job mamangke gaya bahasa
“sarkasme”, patuduhon gondok ni rohana tu angka donganna. Dongan na
ingkon mangurupi, mangalehon solusi alai justru sabalikna do na didapot si
Job sian angka donganna. Angka hata ni donganna dang be marimpola di si
Job, nang pe sai dihatahon angka donganna angka hata i, alai nunga hira
istilah “masuk sian hambirang, haruar sian siamun sipareon”. Ala sai
mangarehei angka donganna tu ibana gabe didok ibana “tongon tahe,
hombal hamu do jolma, mate do habisuhon i rap dohot hamu.....” (12:2-3).
Jala di 12:7 didok asa marpanungkun tu angka pinahan, asa nasida
mangajari ho.....” Dang tartiop nasida habishuon ni Debata, dang boi jolma
jala dang tolap ni jolma mangihuthon habisuhon ni Debata. Pangantusion si
songoni do na mambedahon si Job sian angka donganna. Laos ido ojahanna
laho mangalo pangantision na lipe angka donganna i.
Tung tuani ma si Job jolma na daulat jala parhaporseaon na balga tu
Tuhan i, nunga jumolo ibana marsihohot di Tuhan i jala marpangusandean
tu Tuhan i umbahen dang gabe lilu ibana binahen ni angka ale-alenai. Ido
umbahen di ay.13 didok “Mandapot di Ibana habisuhon dohot hagogoon, di
Ibana do panuturion dohot panimbangon.” Tuhan Jesus na ro tu portibi on, i
ma habishon na ro sian surgo. Barita las ni roha na binoan ni Jesus i ma
habisuhon tu hita laho mananda, mamngantusi huhut mamoto dalan
hasintongan ni ngolu on. Marhite habisuhon ni Debata na mian dibagasan
ngolunta, boi hita manganatusi sada situasi nang kondisi di parngoluon, alai
na so dapot diantusi portibi on. Na so “mungkin” mangihuthon portibi, boi
gabe “mungkin” di hita angka na mian habisuhon ni Debata di ngolunta. Boi
do daionta na paet jala na tonggi, alai dang holan na tonggi mambahen tabo
panghilalaan, na paet pe boi mambahen tabo panghilalaan molo mian
habisuhon i di hita.
Marhite turpuk on, dipabotohon Tuhan Jahowa na tumimbul i, Ibana
do bona ni sude habisuhon, pangantusion, panimbangion nang hagogoon.
Sian Ibana do hita taruli di habishon, pangantusion nang panimbangion na
luar biasa. Ingkon tahaporseai angka jolma na sintong, nahinaholonganNa i
dilehon Ibana habisuhon, pangantusion nang panimbangion na sintong.
Tahaporseaima, paboa dibagasan goarNa na badia huhut marmulia i, boi
mangolu hita jala mardalan dibagasan ngolu na sintong, bonar jala tigor
diadopanNa. Alai sabalikna angka jolma na jahat, pargeduk i padaohon
dirina sian hasintongan ni Debata, lam dao sian habishuon ni Debata, lam
lonong do nasida tu ragam ni hajahaton, na mamboan nasida tu hamagoan.
Di Epesus 1:8 didok “naung buas niusehonNa i tu hita mardongan
hapistaran dohot habisuhon godang.” I do umbahen sai marsigantung hita tu
Ibana. Ai holan Ibana do na tuk paluahon hita sian ragam ni hamaolon nang
parungkilon i. Suang songoni di Jakobus 3: 17 didok “Alai anggo habisuhon
na sian ginjang i, sandok na bontor do i, olo mardame, lambok, pangoloi,
gok asi ni roha dohot parbue hadengganon, dao sian hagangguon nang
pangansion.” Marhite pandokan on, sude angka na jahat pasti dang
marharoroan sian ginjang, sian Tuhan i. Marhite hatani Debata on, songon
angka anak ni Debata naung pinaluanai hita, manat ma hita di angka hata na
ruar sian pamanganta. Mangarajai roha nang simangkudapta, asa boi
tarhatahon hita angka hata na sintong na gok bisuk, pangantusion nang
panimbangion i.
Na masa di si Job, tung gabe parsiajaran na mansai arga do di
ngolunta. Sipata dang dapot pikkiran angka na masa di ngolu on, lumobi uju
songgop parungkilon bolon i songon na masa di parngoluon ni si Job. Nang
pe marragam tubu angka sungkun-sungkun i, boasa...... boasa.... alai molo si
Job boi marpanindangion “Hagogoon ni Debata” gumogo sian hagogoon na
adong na boi pamonanghon jolma i sian ragam ni parungkilon nang
hamaolon ni ngolu. Tung tangkas do panindangionna i di turpuk on. Di
ay.14 “Ibana mangarumpakhon, gabe ndang be dapot paulion”, “Ibana
pahurunghon, dang adong natuk paluahon.” Tung so adong hagogoon na boi
mangimbangi hagogoonNa.
Habishuon boi nilapatan, sada parbinotoan nang pangantusion na boi
patupahon ulaon dibagasan hadengganon. Molo habisuhon ni jolma pasti
terbatas, alai habisuhon ni Debata dang adong batasna. Molo jolma dang boi
mangantusi na so tarida jala na so hea masa. Isarana hamatean, molo di
jolma sada “misteri” doi. Suang songoni angka “gejala alam” dang boi
haantusanta i secara “tuntas” nang taringot ragam ni parungkilon ni ngolu.
Holan Debata do na boi mangantusi jala marhuaso laho mambahen na
dumenggan tu angka naung tinompaNai. Ido umbahen dihatindangkon si
Job pambahenan ni Debata na gok huaso nang hagogoon i na boi paluahon
ibana jala mangalehon “solusi” di ragam ni hamaolon ni ngolu i.
Ido umbahen sada kebutuhan di ngolunta on habisuhon ni Debata boi
mian di ngolunta. Asa monang hita di paraloan na masa di portibi on. Molo
mangasahon gogo nang habishuonta sandiri pasti talu do hita, sibolis nama
mangarajai dirinta. Alai molo sadar do hita di keterbatasanta jala olo hita
unduk di toru ni huaso nang hagogoonNa jumpa ma hamonangan nang las
ni roha. Mangihuthon pande bisuk di Bibel i, “Biar mida Debata do jala
padaohon diri sian hajahaton na gabe mula ni habishon i. I do dalan asa
taruli hita di habishon na sian Debata.
Mangihuthon turpuk on sian ay. 17-25, tung so adong do jolma di
portibi on, beha pe pangkatna, huasona, pengaruhna, timbo ni titelna,
godang ni sinamotna, godang ni parbinotoanna tung so mampu i
mangimbangi habisuhon ni Debata. Ala ni i manat hita asa unang olo hita
marpangusandean tu jolma na songoni jala marsigantung tu nasida. Ala
memang jolma na terbatas do sude angka na di portibi on, haru paluahon
dirina ndang tolapsa. Nda holan Debata do na boi paluahon nasa jolma nang
saluhut angka na tinompaNa i.

III. Hahonaan ni Jamita

Angka jolma siginjang roha, sai somal do mambahen dirina
dumenggan sian na asing, mambahen dirina lobi mangantusi sian na asing,
lobi marbisuk martimbanghon na asing. Pangalaho sisongon on do gabe
pamurahu manguhumi donganna jolma. Songon pangalaho ale-ale ni si Job
i. Ala sai manghilala umpistar jala umbisuk gabe pamurahu mandok ala ni
dosana do gabe madabu jolma i tu parmaraan. Ala ni dosana gabe rongom
nang angka hamaolon i nang ragam ni parungkilon ni ngolu.
Diida si Job do haginjangon ni roha ni ale-alenai, hinorhon ni i gabe
mapitung nasida, ndang boi marnida hasisintong ni habisuhon ni Tuhan i.
Hape holan di Debata do habisuhon na “sejati”. Ibana do na marhuaso jala
marbinoto sian sude angka na masa di ngolu ni jolma. Ala ni i, angka jolma
na “menyadari” ia habisuhon na sian Debata do natumimbo sian saluhut
habisuhon ni jolma, dang madabu be tu haginjangon ni roha, manghilala
siboto saluhut. Lumobi na muramura manguhumi donganna jolma. Jala na
jumorbut, pangalaho sisongoni manghilala paboa dang parohon rimas ni
Debata.
Asa sai songon pangalaho ni si Job ma hita, parroha na serep jala
holan mangasahon habisuhon dohot gogo na sian Debata di parngoluonna.
Boi mamutihi angka na arga sian pardalanan ni ngolu on, uju na paet
manang uju na tonggi pe songgop di ngolunta manongtong hita mamuji
Tuhan i. Gabe “pribadi” na marbisuk huhut serep, dao sian pangalaho
ginjang ni roha dohot namuramura manguhumi donganta jolma. Sandok
ingkon olo hita unduk di huaso hagogoon ni Debata jala sai mangido asa
mian habisuhon ni Tuhan i di ngolunta. Gabe jolma na martua ma hita molo
sai mabaor pasupasu ni Tuhani marhite habisuhon, pangantusion nang
panimbangionNa di ngolunta. Martua ma hita na sai patujolohon Hata ni
Tuhani, na gabe bona ni habisuhon i. Debata ma masu-masu hita, amen.

Pdt. Tumbur MH Siahaan

Kabiro Infokom HKI
 MINGGU SEPTUAGESIMA
05 PEBRUARI 2023
Epistel: Jesaya 58:1-9a

Mangolu di Bagasan Hatigoran Hombar tu Uhum Ni Debata

I. Sibonsiri
Di bagasan turpuk on, dipaboa taringot tu ulaon panurirang si Jesaya
laho paingothon angka jolma pardosa na di Sion, lumobi angka na so unduk
tu uhum ni Debata, jala ingkon paboaon ni panurirang i ma angka
pangalaosionansida (ay 1). Hata sipasingot i ndada holan tu angka pardosa
di zaman i, alai dohot tu saluhut generasi. Dietong nasida do boi sesa
dosanasida marhite angka tangiang dohot puasa di pardagingon (Za. 7:3,
d.u.). Hape ndang marlapatan i di jolo ni Debata ala ulaon angka na
marpangansi do songon i. Ndang mamboan hadameon ulaon nasida i ala
ndang marsitutu manang sadalan tu parbue ni ulaonna. Dipodai jala
disungguli panurirang do bangso Israel asa marpuasa di bagasan
hasintongan, na polin hombar tu uhum ni Debata.
Hata Sipaingot Hombar tu Uhum ni Debata (Ay 1-2)
Hata sipaingot dipasahat tujuanna laho manogunogu angka pardosa i
asa disolsoli hasalaanna. Ringkot do paboaon hasalaan ni jolma asa diboto
jala boi paturehon diri. Taingotma di evangelium ni si Johannes, dipaboa
Tuhan Jesus naeng tongosonNa Tondi Parbadia laho paubahon jolma sian
angka pangalahona jala paluahonna sian angka hajahatonna (Joh. 16:7-8).
Ingkon diparade jolma i ma panolsolion ala ro do Tondi Parbadia laho
mangapuli. Ditogihon Tondi i do angka jolma asa manadingkon dalan na
ramun. Songon i do na dipangido Debata tu panurirang Jesaya asa mamboan
angka pardosa i tu panolsolion. Diurupi Debata ma marhite TondiNa laho
mamboan nasida tu hasesaan ni dosa dohot haluaon.
Ingkon tangkas do paboahon hasalaan ni jolma, ndang boi songon
hulinghuling asca. Nang pe angka anak ni si Jakkob, bangso na tarpillit,
ingkon patar do paboaon ni panurirang taringot tu angka hadosaonna. Ulaon
ni panurirang ingkon maniop komitmen pasahathon hata ni Debata termasuk
na marisi uhum. Jala ndang boi marnida bohi, manang ise pe ingkon
dipasingot dohot denggan. Nang pe adong gelar istimewa di keturunan ni si
Jakkob ndang boi nasida malua sian uhum, ala sejajar do sude jolma di jolo
ni Debata. Anak hasian pe ringkot do dipinsang asa diboto hasalaanna jala
diboto laho paubahon roha. Hasalaan na jotjot di angka natuatua ima na sai
mangampini hasalaan ni gellengna, hape lam leleng lam so diboto gellengna
i ma dia na tingkos dohot na so tingkos. Dung balga maol ma dipature. Jadi
holong na mambahen bolong do anggo so olo maminsang gelleng. Ndang
sitolopan angka pangalaosion nasida i, ingkon patar ma dipaboa hadosaon
nasida, asa unang lam bonom tu hadosaon. Ringkot do dipapatar sude, atik
boha adong na so sadar di hasalaanna i. Denggan do molo tapapatar i, dohot
sude na mambahen dokdok ngolunasida. (3 Musa 16:21).
Dison panurirang ingkon gomos maminsang angka pardosa asa
ditangihon. Ingkon tarbege songon sarune, asa unang paula so dibege
nasida. Godang do joma si jogal rungkung na so olo muba jala dipanengel
sipareonna. Jolma naung somal mangulahon dosa gabe sogo mambege
angka singotsingot ni uhum. Alai dison dipangido Debata do panurirang
Jesaya asa gomos maminsang anak ni si Jakkob asa muba jala mulak tu
Debata.
Puasa na so marsitutu (ay 3-5)
Puasa ima sada tradisi na mansai arga. Jala on do na sai
dipangasahon jala dihaginjangkon nasida tu adopan ni Debata. Muruk
rohanasida tu Debata ala na so diparrohahon puasa nasida i. Gabe adong
pangkilalaan na so adil pambahenan ni Debata tu jolma. Jadi suman do
nasida songon halak Parise na sai mangasahon ulaonna (Luk. 18:12).
Songon i do biasa halak parpangansi, sai dietong ulaonna na dumenggan.
Jala sai dipangido rohana do asa gabe sipujion ma ulaonna. Alai taida ma di
ay 3 on, ndang gabe dipuji Debata parpuasaonnasida i. Diboto Debata do
rohanasida i na so marsitutu marpuasa. Ndang sian ias ni rohanasida na
mangulahon ugamo i, alai holan formalitas do. Ndang dibahen nasida ulaon
i laho marparsangapi Debata (Sak 7:5). Diulahon nasida puasa alai huhut do
mangulahon dosa.
Hosuk jala jahat do rohanasida. Didok Debata: “…Ida ma di ari
parpuasaonmuna, apala disi ma disubut hamu rohamu, jala disosaksosak
hamu do pangulamuna”. Digosa nadisa do halak na pogos dohot na gale,
hape molo jolma na marpuasa ingkon olo do paluahon angka na sisongon i,
angka jolma na metmet manang na tama siurupon.
Haporseaon nasida ndang polin ala di bagasan parpuasaonna i huhut
diulahon bada manang parsalisian (ay. 4). Didok nasida marpuasa dohot
tujuan asa unang hona uhum, alai paula so diboto nasida do hasalaannasida
i. Somalna joma sisongoni sai mangulului hasalaan ni halak. Jadi, tujuan ni
puasa laho mangarajai diri sian angka hagiot ni daging gabe sundat manang
batal. Parmusuan i do na gabe mangarajai dirina. Ndang holan hata na jahat,
dohot do mamastapi angka donganna. Dipastap jala digosa nasida do angka
na pogos, dibahen nasida gabe hatoban. Jadi dao do paruasaon nasida i sian
hasintongan. Nunga gabe peol lapatan ni puasa di nasida, tontu ingkon
uhumon do nasida.
Puasa na sisongoni ndang boi sahat i tu banua ginjang. Nang pe
dipagogo soarana di angka kebaktian-kebaktian asa songon dibege jala diida
halak, gabe so marlapatan i di joloni Debata. Jadi ndang sihormaton jolma
sisongoni ala ulaonna pe ndang badia. Ndang lomo rohani Debata di angka
ulaon sisongon i songon angka jolma pangansi. Dipangiar soarana
martangiang asa dibege halak, alai pambahenanna mambahen parungkilon
tu jolma na pogos. Jolma sisongon on ndang holan mangotootoi halak alai
dohot do mangotootoi dirina sandiri.
Ndang sae ulaon puasa molo holan patuduhon bohi na dokdok,
dipatungki uluna songon arung, marpeahan di hori dohot di sirabun. Puasa
na songon i holan patuduhon dompak duru, jala somal do dibahen angka
parpangansi, diajari Tuhan Jesus do hita marpuasa alai ndang holan
patuduhon dompak duru, ingkon dohot do ias di bagasan (Mat. 6:16).
Puasa na Sintong (ay 6-7)
Puasa na sasintongna ima na pasangaphon Debata jala na
mangulahon hatigoran. Aha ma i? Ima na patorukhon dirinta (Im. 16:29).
Sian i tapasahat ma dirinta jala tahatindangkon hagaleonta. Tatopoti angka
dosanta jala tapangido hasesaan ni dosa asa unang hona uhum. Puasa na
dihalomohon Debata ima na marharhari nasa ihot ni dosa, palua angka tali
ni auga, palua halak na nirupa, jala ropuhi nasa auga. Ingkon tarida do i di
ari parpuasaon, tabahen ma angka ulaon na marparbuehon denggan tu angka
donganta.
Ingkon taulahon jala tapatudu hatigoran (keadilan) tu ganup angka
donganta. Puasa na sasintongna ima na mangarajai diri asa unang madabu tu
hadosaon. Ingkon boi mangulahon diakonia manang pelayanan sosial
marhite mambagi angka na di hita i songon roti manang sipanganon tu
angka na male. Manogihon angka na dangol dohot panangkarnangkar tu
jabu (ay. 7). Roti manang sipanganon na tabagi i, ima roti sian dalan na
tigor. Ndang songon angka pardosa na godang sipanganonna alai sian dalan
na so sintong. Manogihon angka na dangol dohot panangkarnangkar na
dimaksud dison ima angka korban kekerasan. Godang do hajahaton hatiha i
na mambolongkon angka jolma na pogos. Alani i, dipangido Debata do
angka na porsea i asa boi mangalehon pangaramotion. Ndada holan na
manogihon tu jabu, alai ingkon rade do mangurupi marhite na mangapuli
dohot mangalehon advokasi asa boi jongjong hatigoran i. Ido puasa na
sasintongna, paluahon angka na tarrante dohot na tarbuang.
Molo adong na marsaemara, ingkon rade do jolma na marpuasa i
mangalehon sebagian abitna. Asa boi diramoti nasida jala malua sian angka
tahi ni parjahat. Abitima sada kebutuhan na mansai ringkot. Ido na
mangaramoti daging sian angka cuaca dohot lingkungan. Lapatanna ingkon
tingil do solidaritasta tu angka na pogos. Unang loas angka kesempatan
halak parjahat mangulahon dosa tu angka na pogos. Unang taloas angka na
gogo patupahon eksploitasi na mambahen angka dongan jolma sega. Jolma
na marpuasa ima na olo paulihon kondisi masyarakat di bagasan hadameon.]
Bagabaga Taringot tu angka parpuasa na sintong (ay 8-9a)
Adong do bagabaga dilehon Debata tu angka na mangulahon puasa
na sintong. Ima angka pasupasu na sian Debata. Bangso Israel naung
marungkil sian habuangan gabe tarapul ala pintor binsar hatiuronna, ai
Debata na mangapuli dohot na pahisarhon nasida sian angka sitaonon i.
Nang pe leleng nasida mangae parungkilon i, gabe mulak do
halojaonnasidai i ala hamonangan i ingkon mulak dibahen Debata. Jala
molo nunga hisar nasida tontu lam martamaba-tamba las ni rohanasida
mangulahon puasa na sintong i. Ndang holan pamatang nasida na hisar,
dohot do roha nasida na ingkon malua sian hatahuton. Suang songon i di
angka parngoluon i pe gabe denggan jala tarpasupasu. Lam marparbue
angka na pinauli ni tangan. Sude arsak ni roha pe gabe ditobus jala lam
tamba ma ringgas ni roha laho pasangaphon Debata.

III. Hahonaan
Molo sai taetong do dirinta on na sintong huhut tapangke ukuran
hasintongan i sian dirinta sandiri, tontu nga bagas sipatureon disi. Na
mangihut, molo sai taetong do kewajiban ni ugamo gabe sada ukuran di
hita, hape talupahon ngolu ni angka donganta, tontu on pe lam bagas do
sipaturehon. Uhum na sian Debata ima na mangajari hita asa mangolu di
bagasan komitmen dohot integritas. Lapatanna ndang boi tarsirang
mangulahon uhum i sian ulaon praktis manghaholongi angka donganta.
Dijou do bangso Israel asa gabe parhitean ni pasupasu tu saluhut
bangso. Uhum na diondolhon dison ima taringot tu praktek puasa na
sintong. Puasa ndang holan membatasi sipanganon dohot siinumon. Alai
lumobi sian i, ima laho mangarajai dirinta sian huaso ni pardagingon. Jala
ndang tama jolma na marpuasa alai sai mambuat angka paruntungan tu diri
sandiri. Ndang dipingkiri harugian dohot parungkilon ni dongan. Sai
dipaksa angka naposona karejo di luar batas.
Puasa na sintong ima na patujolohon asi ni roha. Patuduhon
hatigoran jala mangulahon holong marhite marbagi sinadonganta tu angka
na pogos. Mangalehon dukungan tu angka na gale, jala mangurupi angka
dongan na mardalan di bagasan haholomon asa dapotna hatiuron na sian
Debata. Ido puasa na sintong jala ido na mangulahon uhum na hombar tu
lomo ni roha ni Debata.

Pdt. Dr. Amran Simangunsong

Kadep Litbang HKI
 MINGGU SEPTUAGESIMA
05 PEBRUARI 2023
Evangelium: Jakkobus 1:22-25

Mangolu di Bagasan Hatigoran Hombar tu Uhum Ni Debata

I. Sibonsiri
Surat Jakkobus ditujuhon tu angka huria na di parserahan, di luar
Palestina. Tontu godang angka abatabat di huta ni halak jala godang
marsampur angka tradisi ugamo manang haporseaon ni halak lokal. Jadi
godang angka poda di turpuk on laho margogoihon dohot mangapuli akan
huria na di parserahan i asa marsihohot di bagasan Kristus.
Godang poda ulaon praktis ala ido kebutuhan ni huria hatiha i,
lumobi na manaringoti hubungan haporsaon dohot pambahenan. Di bagasan
turpuk on, diondolhon do uhum na tigor marhite gabe siula hata ndang holan
pananginangi. Hampir sarupa do impolana dohot turpuk ni Epistel, ima
puasa na sintong jala na ber-integritas tu ualon siganup ari.

II. Hatorangan
Siula hata ni Debata (ay 22)
Diajari turpuk on do hita laho manangihon hata ni Debata. Jala
lumobi sian i, ingkon boi gabe siula hata ndang holan pananginangi. Jotjot
do ndang gabe marlapatan angka poda na taparsiajari molo ndang diulahon.
Termasuk di na manangihon hata ni Debata, molo ndang diulahon
marisuang do i. Isarana jotjot ro marminggu, partangiangan, jala begeonta
jamita, alai molo so diulahon jamita i, marisuang do i. Jadi ingkon taulahon
do angka na tarparsiajari, lumobi hata ni Tuhan. Tatangihon,
tarimangrimangi, dung i taulahon ma asa marparbue i di ngolunta. Alani i,
mamparsiajari hata ni Debata ndang cukup holan manangihon dohot
mangapil. Ingkon sahat tu panindangion, jala ingkon sahat gabe siula hata.
Di hata Gorik, hata pananginangi ima, paralogizomenoi, lapatanna
sai mangalului angka sidalian. Sai dietong do cukup holan mananginangi
dohot mangapil. Dirimpu molo nga godang parbinotoanna gabe songon na
tumimbo sangapna sian na asing. Hape pikiranna ndang adong olo laho
mambahen na denggan. Ndang olo marbagi parbinotoan tu angka donganna.
Molo nga songon i, ulaonna pe pasti ndang adong na denggan. On ma na
digoari paotootoon dirina. Jadi ndang goaron on malo justru oto ala
mangolu so marimpola. Haluaon na sian Debata ndang sae holan na
marsiajar komitmen ortodoks alai ingkon digohi marhite na manangihon
hata ni Debata huhut marparbue sian pambahenanna manang komitmen
ortopatos, lapatanna marparbue tu ulaon parasinirohaon (Patud. Kolosse
1:5-6).
Uhum na mamboan hita tu panopotion dohot panolsolion (ay 23-24)
Dipodai Jakkobus do songon dia asa mamparhaseangkon hata ni
Tuhan. Dibahen ma tudosanna songon na mangida sormin. Sian sormin i do
botoon songon dia situasi pardompahanta. Boi do tarida disi molo na adong
dahi di bohi manang di pamatang. Dokter pe ringkot mamangke sormin laho
marnida dahi manang sahit, jala dung tarboto boi ma dibahen ubat na cocok
tusi. Songon i do hata ni Debata, na boi pataridahon angka dosanta, asa boi
hita paubahon dohot paiashon angka dosanta i asa jaloonta hasesaan ni dosa.
Alani i denggan ma taparsiajari hata ni Debata asa boi diajari hita laho
paiashon dirinta. Apostel Paulus pe boi do tarurupi mamereng dirina marhite
sian sormin asa boi gabe ias ibana jala gabe naposo ni Debata (Rom 7:9-12):
“Mangolu do anggo ahu najolo so marpatik dope. Alai ro ma patik i, gabe
mangolu ma dosa i. Alai anggo ahu mate do, jadi gabe hamatean do hape di
ahu patik i, sihorhon hangoluan nian. Ai marbingkas sian i, dipaotooto jala
dipamate dosa i do ahu marhitehite patik i. Asa na badia do patik i, badia do
na tinonahon ni Debata, tigor jala denggan.” Jadi molo denggan do tapangke
hata ni Debata na marlapatan ma i mamparhaseangkon hata ni Debata
marhite patik manang uhum na denggan.
Alai adong do deba na so diboto mamangke sormin. Holan satongkin
dibereng, dung i laho ma gabe lupa ibana tu kondisi ni padompahanna. (ay.
24). Jolma na songon on dipatudos ma i tu na manangihon hata ni Debata,
alai ndang diulahon. Dibege do barita taringot tu panobusion ni Kristus,
boha sahat tu na tarsilang, alai holan olat ni i do. Holan salpu satongkin
ndang diingot be angka dosana, jala ndang diulahon angka ulaon na suman
tu jolma na manopoti dosa. Hape mudar ni Kristus i do na paiashon hita sian
angka dosa.
Alani i martua ma jolma na olo manangihon hata ni Debata suman tu
halak na mamangke sormin dohot denggan. Barita na uli manang
evangelium ima na paluahon hita sian patik ni Yahudi. Patik ni nasida holan
na mamboan tu parhatobanon, molo naeng malua hita sian i, ingkon patik na
sian Kristus i ma. Godang do panindangion taringot tu naposo ni Debata di
Bibel, ingkon boi do i gabe tiruan di parulaon ni halak Kristen. Ido gabe
tiruan manang gabe sormin di ngolunta. Jadi molo na mamangke sormin na
denggan, ingkon manat no manangihon hata ni Debata, dibereng ise na boi
gabe tiruan jala diulahon ma i di ngoluna siganup ari. Alani i, Barita Nauli
ima, patik na paluahon hita sian angka dosa, patik na padengganhon
parangenta asa marhaimbaruon jala mamboan pasupasu tu angka dongan.
Uhum haluaon na sun denggan (ay 25)
Di ayat 25 adong perubahan istilah sian hata (logos) gabe uhum
(nomos). Tontu na nimaksud Jakkobus nomos I ma sada aturan manang
etika ni halak Kristen. Jala uhum on do na manggombarhon haluaon ni
Kristus na dihatindangkon di Bibel. Jadi molo didok uhum haluaon na sun
denggan sarupa do i tu hatigoran ni Barita Nauli. Uhum i ma na gabe
instrumen asa mamboan jolma na porsea gabe lam gomos. Digoari pe na sun
denggan ala kwalitasna tumimbo sian sormin. Molo taida sormin olo do
hurang tangkas ala ndang denggan kwalitas materialna, alai molo uhum
haluaon na sun denggan ima sada aturan na sempurna. Uhum na mamboan
jolma i tu hatiuron, jala uhum na sun denggan ima patik na dipasingkop
Kristus (Mateus 5:17).
Uhum na sun denggan ima na paluahon, ala molo taida ulaon ni
Kristus na pasingkophon uhum gabe mamboan jolma I lam antus tu
panobusion dohot haluaon. Uhum na mangkorhon jolma i gabe siula hata
dohot sijalo pasupasu. Jolma na holan gabe pananginangi, ndang adong
parbuena, ndang marisuang do i di dirina jala ndang adong pangkorhonna tu
dongan jolma. Alai parbue ni siula hata patar do mamboan hadengganon tu
dongan humaliang.
III. Hahonaan
Molo tarajumi sejarah ni HKI, tung jonok do turpuk on manungguli
hajongjongan ni huria na manjunjung baringinna, lumobi di ayat 22. Soetan
Maloe, Ephorus na parjolo i, manghatindangkon ayat on di jolo ni uluan
RMG, paboahon na mampu do halak Batak gabe sitindangi hata ni Debata.
Dos do halak Batak dohot Missionaris Jerman di bagasan panghobasion ni
huria. Dos do parhobas ni halak Batak dohot halak Jerman di jolo ni Debata.
Pangkeon ni Tuhan i do sude jolma laho manghatindangkon dohot
pajongjongkon uhum ni Debata.
Alani I tarjou do sude parhobas nang ruas ni huria laho
manghatindangkon uhum ni Debata. Dipaborhat do hita gabe siula hata, na
marlapatan sipangoloi do hita di uhum ni Debata laos gabe siula hata i ma
hita asa jongjong hatigoran na sian Tuhan i. Gabe siula hata ni Debata ma
hita asa mangolu di bagasan hakristenon na arga, na konsisten. Molo siboto
adat ingkon huhut ma paradat. Siboto poda ingkon gabe parpoda na tiingkos
na mamboan angka jolma tu hatiuron. Gabe siula hita, ima na parsidhot
manghatindangkon haluaon na pinatupa ni Kristus jala mangolu di bagasan
uhum na sintong i.
Pdt. Dr. Amran Simangunsong
 Kadep Litbang HKI

MINGGU SEXAGESIMA, 12 FEBRUARI 2023

MINGGU, ESTOMIHI
19 FEBRUARI 2023
Epistel: Psalmen 99:1-9
 Marsitiopan Tu Jesus Raja Na Mulia

I. Patujolo
Molo adong sungkunsungkun tu hita : aha do tujuan muna laho
marminggu? Aha do alusta disi? Ra olo do godang alus tusi ala marragam
motivasi ni jolma laho marminggu tu gareja. Adong na mandok ia borhat
marminggu tu gareja ima laho mamuji Tuhan, manangihon barita nauli,
dohot na manjalo pasupasu na sian Tuhan i. Alai adong do alus na asing sian
i. Alai nang pe songoni, ganup hita pasti do boi mangalusi sungkunsungkun
i, ima parmingguan na tadohoti bertujuan laho mamuji Tuhan i,
mangendehon hasangapon-Na.
Torop do halak Kristen naso sian ias ni rohana laho mamuji Tuhan
Debata. Pamujian na pinasahat nasida i holan sekedar rutinitas sambing do,
hape diboto nasida do tu ise pamujian i dipasahat, ndada tu jolma alai tu
Tuhan Debata do. Molo diboto do pamujian i dipasahat tu Tuhan Debata,
ingkon sian ias ni roha do pasahathon pamujian i, jala ido na ringkot. Tingki
na mamuji Tuhan i hita, ingkon hibul do rohanta tu Ibana, unang adong na
mambahen hita gabe dang fokus tu pamujian i, unang adong di bagasan roha
: late ni roha, rimas, hansit ni roha, sogo ni roha, dna. Parpsalmen
patuduhon tu hita boha do cara dohot sikap na naeng tapatuduhon laho
mamuji Tuhan i. Di bagasan turpuk on, ditogihon do angka na porsea laho
manghatindanghon hasangapon ni Tuhan i marhite ende pujipujian. Boha do
pamujian i dipasahat parpsalmen? Antong laos tapaihutihut ma turpuk on.

II. Hatorangan Ni Turpuk

Parpsalmen mandok ia Tuhan i Raja do, Raja na mangatasi saluhutna
angka raja-raja, Raja saleleng ni lelengna. Ido umbahen gabe angka hitir ma
angka bangso maradophon Ibana. Raja na gok huaso do ianggo Tuhan i,
tongam do Jahowa di Sion, jala timbul do Ibana gumomgom sude bangso.
Molo taingot do tingki naeng masuk Jesus tu Jerusalem, dijangkon
do Ibana songon sada Raja na sangap jala manghirim do bangso Israel asa
tutu ma haroro-Na i laho paluahon bangso i. Alai ndang songon sangkap
nasida i na masa. Alai nang pe songoni, dipatupa Debata do haluaon tu
bangso i marhite Raja na ro i, Jesus Kristus, marhite cara na binahen ni
Debata. Raja do Kristus i jala Sipalua, ndang songon angka raja na di
portibion Ibana na mambahen pasukan dohot rakyatna gabe korban asal ma
selamat raja i. Kristus i mangalehon ngoluNa asa malua do bangso-Na.
Tuhan i gabe Raja di ngolunta, ndada holan ungkapan sambing alai naeng
mangalehon pangantusion tu hita ia manang ise na porsea maradophon
Ibana sai na ramotan-Na do jala tongtong dipasupasu.
Diarahon parpsalmen do asa dipuji ma Jahowa jala mandok mauliate
tu Ibana. Saluhut bangso ingkon mamuji Jahowa tau hasangapon dohot
hamuliaon di Ibana. Raja na bonar do Jahowa jala na manghaholongi uhum,
nunga dipamasa Jahowa uhum dohot hatigoran di Jakkob. Dung dipuji
GoarNa dohot hasangaponNa i, dipatimbul ma Jahowa jala marsinggang ma
angka na porsea di adopanNa. Timbul do Jahowa mangatasi angka langit,
songon ende ni parpsalmen na mandok “sai patimbul ma dirim, ale Debata,
tu atas ni langit, hamuliaonMu, tu sandok tano on” (Psalmen 57:6).
Sai martinangi do Jahowa di joujou ni angka na porsea. Ditangihon
Jahowa do tangiang ni angka naposoNa ima si Musa, Aron, dohot si Samuel
na gabe perantara antara Tuhan dohot bangso i. Ditogihon parpsalmen do
bangso i asa patimbulhon Jahowa marhite mangendehon ende pujian i tu
Tuhan Jahowa. Boha do muse hita laho patimbulhon Jahowa? Ima marhite
na mangihuthon Jesus Kristus na patuduhon haunduhon dohot haserepon tu
Jahowa jala lomo ni rohaNa do na mangulahon hombar tu sangkap ni Ama
i, songoni ma caranta laho patimbulhon Jahowa.
Dipatuduhon Jahowa do habadiaonNa marhite angka naposo
napinillitNa. Uju i di bagasan ombun na marsijongjong do Ibana manghatai
tu bangso i, alai nuaeng manghatai Ibana tu hita marhite Jesus Kristus, na
Badia sian Debata Jahowa (Joh. 6:69). Dipatuduhon Jahowa do
habadiaonNa di bagasan Jesus Kristus, jala ujungna marhite silang na badia
i. Gabe hagogoon do i di hita laho mandalani ngolunta siganup ari. Songon
sada Raja, Ibana ma na manguluhon hita angka bangsoNa marhite roha
hapantason. Di bagasan habadiaon ni Tuhan i, angka na jungkat dohot
parjahat ndang boi bertahan lama. Molo di bagas joro-Na do hita na
marlapatan do i na dibagasan gomgoman ni Jahowa do hita, ima habadiaon.
Molo taringot tu habadiaon i ima ngolu na marasing dohot ngolu na adong
di portibion. Molo dibahen jolma tu hita angka na jat, ndang balosanta i
hombar tu nabinahenna, alai ingkon boanonta i di bagasan tangiangta.

III. Sipahusorhusoron
Dang adong naso boi diselesaihon Jahowa di angka persoalan
manang perungkilon na di adopi angka jolma manisia. Margogo do Ibana
laho mangurupi angka bangsoNa, alai sipata ragu do jolma di hagogoon
manang huaso ni Jahowa i jala ndang rade roha ni jolma i laho diurupi
Jahowa di angka sitaononna be. Molo tadok do Tuhan i do Raja, unang be
adong keraguan di hita laho mangasahon gogo nang huasoNa laho
mangurupi hita. Molo tadok do Tuhan i Raja, ingkon unduk do hita
maradophon Rajanta i jala sangap bahenonta Ibana. Ringkot do hita angka
na porsea laho manghatindanghon habalgaon dohot hasangapon ni Rajanta i,
asa lam torop muse angka jolma gabe mananda Raja na itasomba i jala gabe
porsea ma nasida.
Tuhan i ma Raja di ginjang ni saluhutna jala na marhuaso di
saluhutna saleleng ni lelengna. Martua ma hita naung porsea ia Tuhan i do
Raja na mangatasi saluhutna jala Ibana do marhitehite Jesus Kristus na
paluahon hita sian dosa. Marolopolop ma angka bangso laho marsomba tu
Tuhan Jahowa i, marsinggang tu jolo ni sidegedegeon ni patna, na badia do
Ibana. Martua ma hita naung ro marsomba tu Ibana, Debata na badia do
Ibana na itasomba, itapuji, jala na itapasangap. Nunga diparade Ibana na
umuli di hita di hangoluan naso ra suda i. Sai dipatimbul ma Jahowa, joujou
ma hita tu Ibana, sai na tangihonon ni Debata do joujounta i jala dialusi.
Martua ma hita naung manjou goar-Na di saluhut angka na masa di
ngolunta, sai martinangi do Jahowa Debatanta i. Amen.

Pdt. R.A.S Simatupang, S. Th

HKI Res. Bukit Batrem

MINGGU, ESTOMIHI
19 FEBRUARI 2023
Evangelium: 2 Pterus 1:16-21
 Marsitiopan Tu Jesus Raja Na Mulia

I. Patujolo
Di masa nuaeng on, nunga tung mansai jotjotan do tarbarita angka
barita naso tutu, manang didok ma i berita bohong manang berita hoax.
Barita i dao sian hasintongan jala bertujuan laho mangganggu pola pikir ni
jolma di hasintongan. Molo sai jotjot do dibaritahon barita hoax i pola sahat
tu ganup ari, olo do barita i gabe tarjalo ni angka natorop jala dirajumi gabe
hasintongan, umbahen gabe terjebak ma di bagasan barita naso tutu manang
naso sintong.
Mansai godang do barita naso tutu dibaritahon angka jolma naso
bertanggung jawab, mulai ma sian persoalan sosial, budaya, nang politik pe,
nang songoni dibidang keagamaan manang haporseaon, tarlumobi ma di
ajaran hakristenon. Barita naso tutu i dibaritahon angka parpoda haliluon
manang panurirang pargapgap na mandok ndang tutu haroro ni Jesus
Kristus paduahalihon. Tujuan ni angka na mambahen barita naso tutu i ima
laho mangganggu haporseaon ni angka na porsea tu Tuhan Jesus Kristus,
asa ditadingkon angka na porsea i Jesus jala diihuthon parpoda haliluon i.
Mangadopi barita hoax on, Hot do haporseaon ni Apostel Petrus umbahen
ndang terpengaruh ibana. Naeng patoguon ni Apostel Petrus do haporseaon
ni angka na porsea asa tongtong manghaporseai Jesus Kristus jala unang
ganggu alani barita naso tutu nabinaritahon ni angka parpoda haliluon. Asa
lam bagas pangantusionta tu turpuk on, tapaihutihut ma hatorangan ni
turpuk on.

II. Hatorangan Ni Turpuk

Surat na ginurithon ni Apostel Petrus on marisihon taringot tu
haporseaon ni halak Kristen ala hatiha i godang angka parpoda haliluon.
Ulaon ni parpoda haliluon on mangarahon angka natorop taringot tu barita
nauli na pinasahat ni Apostel Petrus, didok nasida ma songon turiturian.
Didok angka parpoda haliluon i muse ia ajaran ni Jesus Kristus taringot
haroro-Na paduahalihon, ndang tutu i. Marsangkap do angka parpoda
haliluon i naeng manggugai haporseaon ni angka na porsea i.
Apostel Petrus ima sada sian sisean ni Jesus Kristus, jala ibana do na
gabe saksi rap dohot si Johannes dohot si Jakobus tingki ditogihon Jesus
Kristus nasida nangkok tu atas dolok na timbo. Hatiha i manghatai do Jesus
dohot si Musa dohot si Elia di dolok i, laos manghuling ma soara sian
bagasan ombun i, didok ma: “On do Anak haholonganHu, tangihon hamu
ma Ibana” (Markus 9:2-13). Sian on boi do gabe sada bukti ia Hata ni
Debata i ndada songon turiturian, alai hasintongan do. Dipangke dope sahat
tu sadarion padan na robi ima na laho patuduhon na dipasaut Debata do
saluhutna angka panurirangion na pinasahat-Na marhite angka panurirang,
lumobi ma taringot tu padan ni Debata taringot haroro ni Sipalua i. Sarupa
do isi ni padan na robi dohot padan na imbaru ima taringot haroro ni Sipalua
tu portibion. Hasintongan do ianggo Hata ni Debata ala isina digurithon
angka na porsea marhite pangajarion ni Tondi Parbadia.
Dipatorang si Petrus hadirionna na gabe saksi di hasangapon ni Jesus
Kristus. Haroro ni Jesus Kristus dohot huaso-Na ima sada hasintongan jala
hasintongan i do na gabe mangalo parpoda haliluon i. Tangkas dope diingot
si Petrus angka ajaran na pinasahat ni Jesus dohot angka tanda halongangan
na pinatupa ni Jesus di jolona, angka sisean na asing, dohot angka natorop.
Tangkas dope diingot si Petrus hamamate ni Tuhan Jesus dohot na mulak
mangolu sian hamatean. Sian angka naung didalani si Petrus rap dohot Jesus
Kristus, ndang mungkin barita naso tutu napinasahatna di na marbarita nauli
ibana, pasti do hasintongan i napinasahatna ala mangulahon turgas na
pinasahat ni Tuhan Jesus Kristus do ibana (pat. Mat. 28:19-20). Barita nauli
napinasahat ni Apostel Petrus ima taringot haluaon marhite Jesus Kristus,
saluhut jolma do manghirim di haluaon i. Rela do Ibana mangadopi
parungkilon jala sahat tu na mate holan asa malua angka jolma sian
pardosaonna jala mangolu di bagasan hasintongan dohot lomo ni roha ni
Debata.
Dilehon si Petrus do hatorangan tu angka na porsea i, ia angka
panurirang ndang mungkin pasahathon barita naso tutu taringot tu Hata ni
Debata. Marbarita nauli pe angka sisean i, lumobi ma si Petrus, ndada sian
pikkiran nasida na pinasahatna alai marhite pangajarion sian Tondi Parbadia
do. Jala marhite Tondi ni Debata do umbahen na dibaritahon angka
panurirang di padan na robi taringot tu haroro ni Jesus Kristus jala
disaksihon angka sisean ni Jesus do masa i hatiha na rap nasida dohot Tuhan
Jesus. Laho mangadopi angka parpoda haliluon ima marhite Hata ni Debata.
Ringgas manjaha Hata ni Debata sian Bibel i jala dihangoluhon, pasti dang
ganggu haporseaonta molo tung pe ro angka parpoda haliluon naeng
manggugai haporseaonta. Hata ni Debata na tarsurat di Bibelta i ndada
holan marisihon sejarah songon buku na asing, alai marisihon hasintongan
na sian Debata dohot hasangaponNa marhite na disaksihon angka sisean-Na.
Antong unang be adong keraguan di angka na porsea, sintong do Hata ni
Debata na pinasahat ni angka panurirang nang angka apostel i.
III. Sipahusorhusoron
Huria ni Debata na di portibion na gabe saksi-Na, tongtong ma
pasahathon barita nauli tu saluhut jolma ala ido turgasta dilehon Debata.
Dijou Tuhan Debata do angka sisean-Na dohot angka na pinillit-Na jala
disuru laho mangulahon turgas panghobasion i. Didok Hata ni Debata
marhite surat ni apostel Paulus tu Huria Epesus : “Laos Ibana do
mangalehon deba gabe apostel, deba panurirang, deba evangelis, deba muse
parmahan jala pangajari” (Epesus 4:11). Di masa nuaeng on, angka
parhobas di tongatonga ni huria i nunga lam martamba sahat tu Majelis
Huria dohot angka jabatan na asing, hombar tu angka turgas panghobasion i.
Saluhutna angka perangkat di huria i mangulahon turgasna gabe saksi sian
hasintongan dohot hasangapon ni Jesus Kristus, Raja jala Sipalua i.
Angka parhobas ni Tuhan di tongatonga ni huria i na gabe saksi-Na,
ingkon tangkas do mananda ise Tuhan Jesus Kristus na disaksihon i. Molo
ndang songoni, gabe diraguhon do kesaksian nasida i jala gabe mura ma
diganggu angka parpoda haliluon. Angka parbarita nauli ingkon unduk jala
marserep ni roha do maradophon Tuhan Jesus Kristus. Boi pe dihaporseai
barita nauli napinasahat nasida i ndang alani status hadirion na manang
status ni parngoluonna, alai ala rade do nasida diarahon Tondi Parbadia.
Angka sisean ni Jesus i pe angka jolma na berstatus sosial biasa do, alai
gabe tarbarita do goar nasida ala rade nasida diarahon Tondi Parbadia jala
unduk maradophon Debata.
Godang do na mandok dirina siihuthon Kristus jala gabe saksi-Na,
alai di balik ni i sasintongna adong do maksud tertentu di nasida. Adong do
na malo (mahir) pasahathon Hata ni Debata, hape di balik ni i na naeng
mambuat keuntungan pribadi do ibana sian Hata ni Debata napinasahat-Na
i. Pelayanan yang dibangun atas prinsip seperti ini tidak akan memajukan
kehidupan beriman. Karena itu jangan mudah percaya dan diperdaya oleh
kebesaran lahiriah. Sasahalak didok gabe saksi ni Kristus, ima na olo
mangulahon panghobasion i dibagasan unduk dohot serep ni roha, jala
ndang mambuat keuntungan pribadi alai laho tu hamuliaon dohot
hasangapon ni Debata do. Jala ido napinatuduhon ni Tuhan Jesus Kristus tu
hita saluhutna. Songon si Petrus na gabe saksi ni Kristus, hita pe ingkon
gabe saksi ni Kristus marhite parngoluanta siganup ari (panghataion,
parniulaan, dohot pikkiran). Molo hatiha i diida si Petrus dope angka
panghobasion ni Jesus Kristus dohot ha-Debataon-Na umbahen dibaritahon
ibana ma i tu saluhut jolma. Alai ianggo hita, nang pe ndang idaonta secara
langsung panghobasion ni Jesus Kristus i songon na dialami si Petrus, alai
boi hita porsea tu Ibana marhite haporseaonta (Heber 11:1) jala ingkon
tapasahat do barita nauli i.
Jadi, ringkot hian do manjaha Hata ni Debata dohot mameop i di
bagasan ngolunta asa lam tangkas panandaonta di Tuhan Jesus na tasomba i.
Ai nasa surat i sinihathon ni Debata do jala hasea mamodai, maminsang,
pauliulihon, manogunogu di bagasan hatigoran (2 Tim. 3:16). Marhite na
manjaha Hata ni Debata ganup ari, lam dipatogu ma haporseaonta
maradophon Debata, hot ma Hata ni Debata i di ngolunta. Marganti sorin pe
angka parungkilon nang angka sitaonon jala godang angka parpoda
haliluon, alai ianggo haporseaonta i ndang boi ganggu. Antong lam
tapajonok ma dirinta tu Tuhanta Jesus Kristus jala lam togu ma
haporseaonta asa margogo hita mangalo parpoda haliluon na naeng
mangaliluhon haporseaonta. Amen.

Pdt. R.A.S Simatupang, S. Th

HKI Res. Bukit Batrem

MINGGU INVOKAVIT
26 PEBRUARI 2023
 Epistel: Roma 5:12-19

Debata Mual Ninasa Asiroha

I. Sibonsiri
Adong do dua horong, manang dua parpunguan/kelompok halak
Kristen di Rom, ima Kristen Jahudi dohot Kristen naso Jahudi
(Gorik/Junani). Di huta Rom ima mardomu na dua parpunguan manang
horong/kelompok i. Halak Kristen Jahudi haporseaon nasida marharoroan
sian hasomalon ni Jahudi/Yudaisme hian, na mangondolhon pangajarion
taringot tu patik, haluaon ni jolma ima namangulahon patik ni Jahowa tu si
Musa, haluaon ni jolma ima tanggungjawab ni sahalak jolma tu Debata.
Diondolhon nasida do ringkot ni parsaoran ni sahalak jolma dohot Debata.
Halak Kristen Junani/Gorik marharoroan sian hasomalon ni halak Junani na
gok angka pande bisuk (filsuf) mangondolhon pangajarion taringot tu
pangalaho (moralitas). Marningot i, manat do si Paulus asa unang sega huria
di Rom, hinorhon ni na dua horong/kelompok na marimbar i. Molo si
Paulus sandiri mangolu do ibana dibagasan dua adat na marimbar i (Jahudi
dohot Gorik), alani i pamikkirionna marharoroan sian adat pangantusion ni
Jahudi dohot Gorik, na gabe berpengaruh mai dipanghobasionna. Jala dua
ma status kewarganegaraan na, ima di Gorik dohot Jahudi. Dipatudu ibana
ma dua halak na marimbar ima Jesus dohot si Adam. Halak Jahudi na mura
manjalo pangantusion taringot si Adam, dohot halak Gorik na mura manjalo
pangantusion taringot tu Jesus ala angka pangajarionNa godang taringot tu
bohado marpangalaho (moralitas). Bindu 5 on, dipatorang Apostel Paulus
ma hajolmaon na sian si Adam (dosa) dohot hajolmaon na dibagasan Kristus
(haluaon). Bindu 1-11 dipatorang ibana ma angka jolma na mardosa hian
sian si Adam naung tinobusan ni Jesus, ayat 12-21 dipatorang si Paulus ma
asiniroha ni Debata umbalga do sian dosa. Asiniroha ni Debata ndada holan
manesa dosa na sian si Adam alai dohot do mangalehon hangoluan na
manongtong. Halak Jahudi dohot halak Junani, ngolu ni jolma na so
dipaimbaru ima ngolu dibagasan si Adam naso manjalo Jesus, alai ngolu
napinaimbaru ima ngolu naung manjanghon Tuhan Jesus Kristus.
II. Hatorangan Ni Turpuk
1. Ay.12. Dipatorang apostel Paulus do di turpuk on imbar ni halak
naimbaru, dohot jolma naso dipaimbaru ni Kristus. Halak
naimbaru ima naung tinobus ni Jesus, halak naso dipaimbaru ima
namangolu di hadosaon (Adam), ima na dipatorang ibana imbar ni
Jesus dohot si Adam. Umbaheni do dipangke ibana hata Gorik
hosper/songon/sama seperti, songon. Ima na mambandinghon
 Jesus dohot si Adam. Molo haroroan ni dosa, ima sian jolma na
parjolo ima si Adam, sahat tu pomparan ni si Adam, gabe ro
hamatean tu saluhut jolma. Haroroan ni dosa ndada so
tarbotoboto/tidak datang dengan sendirinya, alai adong do dalanna
sibonsirina ima nadipangan si Adam parbue ni hau nasian porlak
na di parsitongaan ni porlak i . Na dipatorang ni si Paulus di
turpuk on, dosa ima nasa ulaon na maralo hombar tu lomo ni
roha ni Debata. Lam bidang dosa diportibion, lam bidang do nang
hamatean. Umbaheni do ro Jesus Kristus laho manobus dosa ni
jolma naung teanteanan ni si Adam, dosa hamatean naung
mambahen jolma mandao sian Debata.
2. Ay,13-14. Andorang so ro dope patik di hatiha zaman ni si Musa,
saluhut nasa dosa na diula ni jolma ndang dope dijujur Jahowa.
Dipangke do di hata Gorik/Bahasa Aslina di ayat 13, ellogeitai
(not imputed/tidak diperhitungkan/ndang dijujur). Alai boasa dang
dijujur Jahowa dosa ni jolma andorang so zaman nisi Musa, boasa
dung zaman nisi Musa dijujur Jahowa? Sasintongna ima ala ni
habisuhon ni Debata. Ai ndang jujuron ni Jahowa dosa ni Jolma di
hatiha andorang so si Adam ala dang dope ditanda angka jolma
dope patik, dung di zaman nisi Musa pe baru dilehon Debata
patikNa, lapatanna dung di zaman nisi Musa pe ditanda jolma
patik. Alai nang pe ndang dijujur Jahowa dosa i, nungga
manggomgomi hamatean olat nisi Adam sahat tu si Musa. (dosa
sebelum Musa memang tidak diperhitungkan, tetapi maut sudah
berkuasa). Nungga dilaosi si Adam parenta ni Debata (1 Musa
2:17, 3:1) laos songoni do didok di Rom 2:23 pangalosion
dipahombar mai tu patik. Ido umbahen na didok nisi Paulus Rom
4:15, “Ai dihorhon ni Patik I do rimas, alai anggo soada patik i do
rimas; alai anggo so ada patik laos so adong do pangalosion”.
Pangalosion ima parulaon secara sadar, na maralo dohot sangkap
ni Debata. Alai dosa na didokna di ayat 13 ima dosa ndada alani
pangalaho alai huaso na Manahan jolmai (Rom 3:9). Na tangkas
do dosa nungga adong andorang so ro patik,nang pe so dos
pardosaon ni jolma andorang so ro patik dohot tingki dung ro
patik, alai hamatean do upa ni dosa tarmasuk sahat tu jaman nisi
Adam tu si Musa.
Sude do jolma di portibion mardosa, mulai sian si Adam
jolma na parjolo sahat tu si Musa na manjalo patik sian Jahowa.
Nungga adong dosa andorang so ro dope patik, ala pangalosion
 nisi Adam. Jolma mardosa ndada hinorhon ni pangalosion sian
patik, alai dosa do mambahen jolma mangalaosi patik ni Jahowa.
(manusia berdosa bukan karena hukum taurat alai tabiat ni dosa
yang sudah ada sejak zaman Adam membuat manusia melanggar
hukum Taurat).
3. Ay.15-17. Paulus mamakke di hata Gorik paraptamati/offence,
pangalosion dohot hata charismata/asi ni roha. Dipangalosion ni
jolma manghorhon dosa dohot hamatean, alai dapotan haluon do
jolma holan ala asi ni roha ni Debata. Molo ala ni sahalak (Adam)
mambahen jolma tu hamatean alai marhite asiniroha ni Jesus
Kristus dapotan hangoluan do jolma saleleng ni lelengna (Yohanes
3:16) diangka na olo porsea tu Ibana. Dosa na binahen ni si Adam
ido manegai parsaoran ni jolma dohot Debata, umbaheni do ro
Jesus Kristus laho padamehon hita dohot Debata Jahowa.
Turpukta sadarion laho patuduhon tu hita asi ni roha ni Debata
ndang tudos tu dosa na binahen ni sahalak jolma. Ndada alani
haburjuon ni jolma umbahen dilehon Debata haluaon, alai holan
ala asiniroha ni Debata mangida jolma ndang be tolap mangadopi
pangarajaion ni Dosa, nungga tarrante be jolma ala ni dosa tu
hamagoan (Rom 6:23), basabasa ni Jahowa nama mambahen
jolma malua sian panguhumon. Sian Roma 5:12-17 on, Apostel
Paulus patoranghon ima saluhut nasa dosa na di portibion ro
hinorhon dosa pangalosion naung binahen ni jolma na parjolo ima
si Adam. Pardosaon I mambahen jolma tarrante dibagasan dosa
gabe mambahen jolma tu hamagoan, alai ala ni asiniroha ni
Debata dibagasan Jesus dapotan asiniroha ma jolma na umbalga
sian dosa na binahen nisi Adam.
III. Sipahusorhusoron
Asiniroha ni Debata dibagasan Jesus Kristus do umbahen boi
malua Jolma sian dosa, ndada alani haburjuon ni jolma. Marasing do
Hakristenon sian ugamo ni silom na mangajarhon haburjuon/ parulaon na
denggan do manghorhon haluaon sian dosa. Alai molo di Hakristenon,
haluaon I do mambahen jolma gabe mangulahon angka na parulaon na
denggan. Jadi, tanda ni jolma naung mandapot haluaon ima sian parulaonna
na denggan. Ulahon ma angka na denggan patandahon dirim songon
sahalak naung tinobus ni Kristus. Paholang ma dirim sian nasa hajahaton, na
olo patubu dosa. Nungga diputus, digotap Jesus dosa teanteanan na binahen
nisi Adam, umbahen i unang be patubu dosa alani pangalahom. Ai godang
do jolma sala mangantusi, adong pandohan mandok “halak Kristen bebas do
mangulahon dosa ala Jesus do manobus dosa”. Tongon do Jesus manobus
dosa ni jolma alai na tinobus ni Jesus dosa teanteanan do, ai sahali do ibana
tarsilang ndada dua hali. Molo hot dope hita mangulahon dosa dipartingkian
on, hape nungga digarar dosanta dibagasan Jesus, dirinta be nama na
manaon i di ari sogot, ima di ari paruhuman i. “Ai taboto dom naso mate be
Kristus, dung mulak mangolu sian namate pe Ibana, sahali doi, alani
dosa; ia mangolu nuangem di Debata doi, suman tusi ma rajumi hamu
ma dirimuna, songon naung mate di dosa I, alai mangolu di Debata
dibagasan Kristus Jesus, antong unang be dosa I mangarajai dibagasan
dagingmuna na olo mate , mangoloi hisapna (Rom 6:9-11)”.
Haholongi ma Debata, ai nungga parjolo ibana manghaholongi hita
na mangalehon asi ni roha dibagasan Jesus Kristus. Antong marsihohot ma
hita dinamangarodoti patikna songon halak naung tinobusan ni Kristus, asa
dapotan pasupasu hita. “radoti hamu ma angka patikhu, ima dalanna asa
mian hamu dibagasan holong ni rohangku, songon ahu pe na
mangaradoti patik ni Damang gabe mian dibagasan holong ni rohaNa”
(Johanes 15:10). Asa manang ise bongot tu harajaon ni Debata ima jolma
na mangulahon lomo ni roha ni Damang na diginjang i do (Mateus 7:21).

Pdt. Sunggul Manik, S.Th, M.Si

Praeses Daerah II.

MINGGU, INVOKAVIT
26 PEBRUARI 2023
Evangelium: 2 Musa 33:15-33
 Debata Mual Ninasa Asiroha

I. Sibonsiri (Latar Belakang Konteks)

Turpuk jamitanta Minggu on ima taringot pardalanan ni halak Israel
tu tano parpadanan ni Debata dohot bangsoNa (tano Kanaan). Digoari ma
bukku on Exodus molo di hata Indonesia didokmai Keluaran, ima na ruar
halak Israel sian tano parhatobanon Misir tu tano parpadanan I. Tangkas do
hita ida pandonganion ni Debata tu bangso I, uju malean nasida dilehon
Debata do Manna, ditingki mauas nasida dilehon do aek siunumon (bindu
15,16). Ia dung dapot arian hos ni ari dilehon Debata do ombun na
mangalinggomi nasida, uju dapot borngin ni ari dilehon Debata do api
namarsijongjong manulu dalan nasida. Di pardalanan na maol i, didongani
Debata do nasida, ndang diloas Debata bangso i tu hamagoan, ima tanda
holong ni Debata tu nasida. Alai balik do roha ni bangso i, dibahen nasida
do lombu mas (2 Musa 32) bahen sisombaon nasida, ala didok roha nasida
tung mansai leleng si Musa tuat sian dolok Sinai naung lelengna 40 ari (2
Mus 24:12-18; 31:18). Tarrimas ma Debata mangida bangsoNai dohot tu
Malim Aron, mangida pangalaho ni bangsoNai naso unduk nasida di patik
ni Debata. Sian parjolo naung didok Debata tu nasida, ndang jadi bahenon
nasida debata na asing bahen sombaon nasida, ai Ibana do Debata. Tung
naso jadi nasida mangalakkup manomba Debata na asing (2 Mus.20:2-3).
Ala Debata do na paharuarhon nasida sian Misir, ndada debata na asing. Ido
umbahen sibonsiri ni turpuk on.

II. Hatorangan Ni Turpuk

1. Debata Mual Ninasa Asiroha: Ima Debata Nasatia di
PadanNa.
Di bindu 33 on, disuru Debata ma nasida borhat patorushon
pardalanan i, ala naung marpadan hian Debata tu ompu nasida Si
Abraham, Ishak dohot si Jakob. Dibahen Debata do SuruanNa
(ay.1-2) jala dipabali nasia sian angka musu na laho mangago
nasida. Alai ndang didongani Debata nasida, SuruanNa nama
bahenononNa nalaho mandongani nasida, ima tanda ni rimas ni
Debata tu bangso i. Molo marningot pangalaho ni bangso na
tangkang I, ndang be nian dapotan asi ni roha nasida. Alai naung
marpadan do Debata tu ompunasida hian, ido umbahen na
diloas nasida mardalan, ala Debata satia do dipadanNa ndang
songon bangso I naso satia tu Debata. Hasatiaon ni Debata,
ndang tergantung tu hasatiaon ni Jolma, satia do Ibana nang
 pe jolma ndang satia tu Debata.Disuru Debata ma nasida
mananggalhon pahean (mas) nasida (ay 5), ima songon tanda
haunduhon ni bangso i, dohot panolsolion ni nasida di ulaon ni
nasida i. Dungi dibahen si Musa ma undungundung holang sian
parsaoran i (ay 7), disi ma Si Musa pajumpang dohot Debata bohi
tu bohi. Patuduhon naung dipadao Debata sian bangso I, alai ni
hajahaton ni nasida i. si Musa ma na padamehon bangso i dohot
Debata, ia dung masuk si Musa tu undungundung I jong-jong ma
halak Israel di undungundung nasida be, laos turun ma ombun
dinamasuk si Musa tu bagas ni undungundung I (ay.9), dung diida
nasida ombun I marsomba ma nasida di inganan na be. Manghatai
ma si Musa songon na maraleale, alai sasintongna ndada
napaodop bohi songon paodopadop bohi songon manghatai tu
Jolma. Ala Debata na Badia ndang tuk jolma pajonok bohi
Debata, dibandinghon dohot jolma na mardosa. ParjumpahanNa
dohot si Musa ndada songon maraleale tu jolma, alai songon
aleale na olo manangihon donganna, songoni ma Debata na
olo manangihon halak Israel marhite si Musa. Ada hubungan
spiritual/keakraban dengan Tuhan, ido nadidokna
diturpukon na maraleale. Molo na maraleale marholong
niroha, jala gabe dongan dihagogoton (Bnd.Poda 17:17). Tuhan
ma na gabe donganmu, ale-alem dihagogotan, umbahen i pajonok
dirim tu Debata, jou goarNa.

2. Debata Mual Ninasa Asiroha: Ima Debata Manalpuhon

hajahaton ni Jolma diangka na manolsoli dosana.
Dielek si Musa ma Debata asa mulak rohaNa manjalo halak
Israel, dielek si Musa ma Debata asa disalpuhon Debata hasalaan
ni bangso i. ndang tarjalo ni si Musa anggo holan surusuruan
sambing mandongani nasida, alai ingkon Debata do ditongatonga
nasida mandalani pardalanan I (ay.15). dipangidohon si Musa do
unang ma holan dirina jumpangan asi niroha alai dohot ma
bangsoNai (ay.16). didok roha nisi Musa, tu aha ma nasida sahat
tu tano parpadanan i, molo dang rap nasida dohot Debata. Tu
ahama sonang nasida di tano Kanaan molo dang dohot Debata
nasida. Rumingkot do rap dohot Debata nang pe dibagasan
hamaolon, sian dibagasan hasonangan alai dang rap dopot Debata,
ima di roha nisi Musa. Dioloi Debata do pangidoan ni si Musa,
ala naung jumpangan asi ni roha do ibana maradophon Debata
(ay.17). Sian on boido hita ida, na mulak do roha ni Debata di
 bangso i, marnida haunduhon, dohot panollsolion ni bangso i
na dipasahat si Musa tu Debata. Hamubaon ni bangso i dipatudu
ma na olo nasida mananggalhon pahean (mas) dohot na
marsomba nasida tu Debata dung di ida nasida ombun di
undungundung I (ay.10).

3. Debata Mual Ni Nasa Asiniroha : Ima Debata Na

Mandongani Hita di Hamaolon.
Molo hita ida di ayat 16 dohot di ayat 14 tangkas do dipatorang
disi na marpadan Debata tu si Musa, na donganonNa dohot
togutoguonNa do si Musa. Diboto si Musa do rimas ni Debata tu
bangso i, umbahenido dibaranihon si Musa mangidohon ndada
holan dirina didongani alai dohot ma bango Israel. Di oloi Debata
do pangidoan nisi Musa i (ay.17), marhite si Musa dapot asiniroha
do halak Israel , ala ibana naposo ni Debata namanghaholongi
Debata. Dipangido si Musa do muse tanda sian Debata, songon
tanda naung dioloi Debata pangidoanna. Ima na dipangido si
Musa pataridahon HamuliaonNa, dioloi Debata do pangidoan ni
si Musa, laho mangida hamuliaonNa alai ndang diloas Debata si
Musa mangida Ibana sian jolo ni bohiNa (ay.20), ala gok dosa do
jolma marimbanghon Debata na badia jala na marmulia. Sian ayat
on atusaanta ma 40 ari si Musa rap dohot Debata di Sinai alai
adong do batasan. (Bnd. 2 Musa 3: 5, diorai Debata do Si Musa
pajonokhu dohot Debata). Dipaloas Debatama di ida Ibana sian
pudi (Ay.23). tung sian pudi pe di ida si Musa Debata, dilinggomi
marhite dolok batu disima ibana jongjong mangida Debata
(ay.21-22), jala dihungkupi Debatama Ibana. On ma tanda
dibahen Jahowa tusi Musa, na donganon ni Debata nasida.
Umbaheni, ahama na hita habiari molo raphon Debata hita? Molo
Debata do donganta dihamaolon songon bangso Israel na
didongani Debata manang maol pe pardalanan ni ngolu on ditogu-
diiringi tanganNa do hita songon panoguonNa tu halak Israel
(Bnd, Rom 8:31-39).
Pandonganion ni Debata ima marhite asinirohaNa, asiniroha ni
Jahowa dang adong hea mantak/habis nang pe sasintongna dang patut hita
manjalo ala ni dosa naung hita ula. Songon halak Israel i, naso patut be nian
dapotan asi ni roha marnida hajahaton ni nasida. Alai holong asi ni rohaNa
disesa dosanta, marhite naung mate Tuhan Jesus Kritus manobus hita, Jesus
Kristus ma pademehon hita dohot Debata songon si Musa na pademehon
Halak Israel dohot Debata.
III. Hahonaan (Aplikasi)
Sipahusorhusoron
1. Habiari Debatam, Tadingkon Nasa Na Jat.
Dirajumi halak Israel do na sala na diula ni nasida, mambahen
lombu mas bahen sombaon nasida, ido umbahen tarrimas
Debata tu nasida. Ima na marsomba nasida diundungundungna
dung di ida nasida ombun na marsijongjong tanda haroro ni
Debata. Songoni do dingolunta on, ringkot do pangarajumion
ni diri ahado dosa, dohot na jat na ta ula. Ai molo dibagasan
dosa hita, dohot mangula hajahaton na mambahen hita dao sian
Debata, jotjot do hita sasintongna na padaohon diri sian Ibana
marhite na mangula dosa. Idama, ndang na dao nian Debata
sian Halak Israel i, alai polado diula nasida hajahaton
mambahen panombaon tu ganaganaan. Muba ma tadingkon
nasa na jat, molo muba sian hajahaton i disi adong do holong-
asiniroha ni Debata manesa hasalaanta naung hita ula nasai
laon. Minggu on digoari mainvokavit, ima minggu
pangarimangon ni dosanta (perenungan/pra Paskah) andorang
so masuhanta ari hamamate ni Jesus (40 hari sebelum kematian
Yesus).
2. Ringkot do adong parsaoran na rosu dohot Debata/perlu
ada hubungan spiritual yang intim dengan Tuhan. Songon si
Musa naposo ni Debata na adong parsaoranna na rosu dohot
Debata, songonima nian hita rap dohot Debata. Marhite na
mangoloi di HataNa, dohot mangaradoti patikNa. Molo ta oloi
do Debata, huhut mangaradoti patikNa tumpahon ni Debata
jala oloionNa do hita songon pangoloionNa tu si Musa. Bahen
ma undungundung/jabunta ta ganup bahen bagas
partangiangan. Songon si Musa, namambahen undungundung
parjumpahanna dohot Debata. Bohado, Olo do hita patupa
partangiangan dijabunta, rap dohot keluarga? Isarana rap
mangan keluarga huhut martangiang, andorang so modom rap
martangiang. Ringkot do adong parsaoran/hubungan spiritual
atau persekutuan dohot Debata, songon akka naposo ni Debata;
si Musa, Abraham, Daud, dll.

3. Pasahat Sude pardalanan ni ngolum tu Debata.

Molo nga adong parsaoran dohot Debata, urupanNa do hita di
pardalanan ni ngolunta. Songon pangurupion ni Debata tu si
Musa. Pasahat ma sude tu ibana, lului Debata Jahowa binsan
boi dope jumpangan, jou Ibana, asa Mangolu ho (Bnd Yesaya
34:16, Amos 5:4). Songon goar ni Minggunta sadari on,
Invokavit (berserulah kepada ku, jou ma ahu). Jou goar ni
Jahowa di pardalanan ni ngolum di na gale manang uju
tarunjun ho, mangalakka maho dohot Ibana asa toguonNa ho,
marhite na marsaor ho dohot Debata.

Pdt. Sunggul Manik, S.Th, M.Si

Praeses Daerah II.

MINGGU, REMINISCERE
5 MARET 2023
Epistel: Psalmen 121: 1-8
 Dipintori Hinorhon Ni Haporseaon

I. Sibonsiri
Di bukku Psalmen, adong 15 bindu ende hananangkok (ziarah),
mulai ma i sian bindu 120 – 134. Secara khusus di bindu 121, ndang apala
disurathon goar ni parpesalmen i.
Somal do angka ende hananangkok i dipatubegehon angka nanangkon
(peziarah) tu huta Jerusalem uju jumpa ari raya. Adong tolu ari raya ni Israel
siganup taon, ima:
a. Pesta sagu-sagu na so niigaran (roti tak beragi = paskah, pat.2 Musa 12.
b. Pesta ari raya parlape-lapean (pondok daun, pat. 3 Musa 23:34-42),
c. Pesta ari raya sipitu borngin (pat. 2 Musa 34:22, Hari Raya Tujuh
Minggu =Penuaian buah bungaran)
Tolu hali ma di bagasan sataon borhat nasida nangkok (ziarah) tu
Jerusalem, jala tung ganjang do dalan sidalananna. Di halak Israel
namaringanan di luat nadao sian Jerusalem, marragam do rupa ni angka
parungkilon laho manopot inganan hajonjongan ni Bagas Joro ni Debata. Di
las do roha nasida manopot Jerusalem na naeng mamuji Tuhan i, alai tubu
do nang biar ni rohana ai diboto nasida do ia di dalan sidalanan i, bahat
parjahat dohot panamun namansai kejam (pat. Luk. 10 Sahalak nahona
samun naniurupan ni halak Samaria).
Alai nangpe songoni sipata dilele biar roha ni angka nanangkok i
(peziarah) ala terbatas gogona marimbanghon angka parjahat di dalan i,
ndang mangisurut hiras ni rohana tu Jerusalem. Porsea do nasida sai
lehonon ni Jahowa do hahipason jala urupanNa do nasida di pardalanan i.
Jala sai dipapos do rohana di Jahowa, Ibana do Sijaga Israel.
Laos ido naeng idaonta di Psalmen 121 on di Minggunta
Reminiscere (Ingot ma ale Jahowa denggan ni basaM); sai diingot Jahowa
hita, ro Ibana mangurupi dohot paluahon hita.
II. Hatorangan
1. Mangaranap tu Jahowa ai Sian Ibana do ro Pangurupion (1-3)
Ragam do angka namambahen tahutan jala ganggu roha ni halak
Israel hatiha nangkok (ziarah) tu Jerusalem. Adong ma i alani
mansai jahat do panamun, parjahat jala olo mamunu di dalan i.
Alani i sai humordit do nasida manopot huta Jerusalem ai sian
nadao nasida. Jala ndada holan alani angka parjahat, alai dohot do
marsipata alani situasi buruk ni alam. Marnakkok tuat angka dolok
dohot tor sidalananna, jala disi do jotjotan martabuni angka
parjahat i mangonggop namardalan tu Jerusalem.
 Molo mangaranapi parpsalmen dompak dolok; ndang songon
pangantusion ni angka bangso na leban. Molo bangsa naleban
mangaranap tu dolok laho do rohana tu hagogoon ni angka tuhan,
ala ninna di dolok natimbo i adong do angka debata (dewa). Ndang
songoni nanaeng sidohonon ni parpsalmen on. Alai molo sai
mangaranapi humaliang parpsalmen tu dolok mardongan biar, ai ro
do tu rohana; Ise ma ulaning naboi mangurupi hami aut sura ro
parjahat manang masa angka bencana alam di pardalanan i.
Tarbahen do ulangin marlinggom manang martabuni di dolok i?
Hape ndang sian i ro pangurupion, gari tahe disi do martabuni
angka panamun mangonggopi.
Sian Debata do ro pangurupion, ima Ibana; Jahowa Sitompa langit
dohot tano on. Ibana do manompa dohot angka dolok manang tor i.
Ginomgoman ni huaso ni Jahowa do nang angka dolok na disini
angka parjahat monggop di pardalanan. Jala marhuaso do Tuhan i,
pasohothon angka parjahat na di dolok i, ai Ibana do namanompa
nang angka dolok i. Marborngin di dolok i angka nanangkok i jala
hipas, alai ndada ala sian dolok i ro haluaonna, tung sian Tuhan i
do. Ido umbahen sai hiras jala marsiadu nasida mardalan tu
Jerusalem atik pe diboto godang parmaraan di dalan i, ala sai pos
do rohana di Debata, sai urupan ni Tuhan i do nasida di saluhut
pardalanan i.
2. Jahowa Manjaga Hita, Arian Dohot Borngin (4-6)
Ala dao do luat ni angka Israel nanangkok tu Jerusalem mar ari
raya, ingkon marbogngin di dalan i do nasida. Ndang sahat sadari
nasida, molo tung pe borhat sian luatna di manogot ni ari. Ido
umbahen didok parpsalmen i di ayat 4-5; “…ndang olo nok mata,
jala ndang olo modom ianggo Sijaga Israel. Jahowa do Sijaga
ho….” Jala di ayat 6 didok; “Ndang tagamon doiton ni mata ni ari
ho arian, manang bulan pe bornginna i.” Sian i taboto di pardalanan
i do nasida arian dohot borngin. Arian mardalan, borngin modom di
dalan i.
Nang pe songoni, di arian namardalan nasida; dilinggomi
habongNa, dilinggomi huaso ni Debata do nasida, gabe ndang
didoit posi ni mataniari nasida. Di parngoluanta nuaeng,
marlinggom boi do jongjong di toru ni halilu (bayangan) ni sada
hau, manang bangunan. Ndang hona tu namarlinggom i sondang
dohot posi ni ari i, ala diambati hau manang bangunan i. Songoni
do nang nanidok ni parpsalmen on, marlinggom tu Debata, ai gabe
 Tuhan i do mangambati pandoit ni mataniari i. Halongangan do i di
nasida molo di Israel parhorsihan (padang pasir) mardalan di arian
ni ari na posi (ekstrim) hape dang didoit mataniari. Mataniari
namansai posi boi do mambahen gale, pingsan manang marsahit
kulit. Alai ndang masa i tu nasida ai dilinggomi huaso ni Debata do
nasida.
Nang tingki borngin di poltak ni bulan; namarlapatan na mansai
ngali borngin i. Molo modom jala nok mata nasida, ragam do boi
masa parmaraan sian parjahat dohot binatang buas. Alai ianggo
Debata Jahowa ndang dohot tarpodom, ndang nok Ibana, sai dijaga
do bangsoNa Israel asa unang marmara. Laos marhite psalmen on
dipaingothon do muse pangaramotion ni Debata maradophon oppu
nasida (Israel) di parhorsihan uju na sian Mesir tu tano Kanaan.
Dilinggomi Debata do nasida di arian namohop marhite ombun
namarsijongjong (tiang awan), jala dipatiur Jahowa nasida marhite
sinondang ni api namarsijongjong tiang api).
3. Jahowa do Manjaga Nang Tondim, Sahat Ro di Salelengna (7-
8)
Ise do natuk manjaga tondi nang hosanta? Di ayat 7 didok
parpsalmen; “Sai jagaon ni Jahowa do ho sian nasa parmaraan, sai
jagaonna do tondim”. Ndada holan manjaga dagingta Tuhan i sian
nasa ragam ni parmaraan, alai lobi sian i tahe, diramoti jala dijagai
do tondinta. Sai diramoti jala di dongani do bangsoNa di sude
dalanna, ndada holan asa mangolu dagingta alai mangolu dohot
tondi marhaporseaon, jala asa manontong ro di salelengna hita
mangolu rap dohot Ibana.
Nang Jesus Kristus didok do; “Ai ida ma, sai na dongananku do
hamu ganup ari, rasirasa ro ajal ni hasiangan on!” (Mat. 28:20 B)
III. Hahonaanna Dohot Panimpuli
1. Rap dohot Tuhanta ma hita mardalan di saluhut pardalananta, ai
tarbahen Ibana do mangurupi jala pasingkophon angka na ringkot i di
ngolunta.
2. Mangaranap tu Jahowa ma hita ai sian Ibana do ro pangurupion. Unang
ma sai pos be rohanta tu angka hagogoon dohot huaso na di portibi on,
tarlubobi huaso ni angka tondi na hodar, gogo haholomon i.
Itatadinghon ma bangko sisongoni, alai sian Debatanta Sitompa saluhut
ma tapangido pangurupionta.
3. Marlinggom tu huaso ni Debata ma hita, nang sipata ro angka hamaolon
namandoit, manang naboi manahiti, ai sai ondihonNa do hita. Jesus
Kristus do Tuhan namangondihon hita
4. Unang be hita sai tahutan, mabiar jala lomos, ai umbalga do huaso ni
Tuhanta martimbanghon saluhutna angka i. Molo sai marpangunsadean
jala mangaranap tu Jahowa hita, sai pangoluonna do hita, mangolu ma
tondinta nang haporseaonta ro di salelenglelengna. Didok angka hata ni
namalo; Ndanga alani angka hamaolon i umbahen tubu biar i, alai alani
biar i do umbahen marhamaolon hamu. (Bukan kesulitanmu membuat
ketakutanmu, tetapi ketakutanmulah yang membuat engkau kesulitan).
Antong taingot ma hata ni Tuhan i; “Sai jagaon ni Jahowa do ho sian
nasa parmaraan, sai jagaonna do tondim. Sai jagaon ni Jahowa do ho
laho ruar dohot laho bongot, olat ni on ro di salelenglelengna. (Psalmen
121:7-8)

Pdt.Hopol M. Sihombing,STh
HKI Resort Khusus Teladan Medan.

MINGGU REMINISCERE
5 MARET 2023
Evangelium: Rom 4:1-5+ 13-17
 Dipintori Hinorhon Ni Haporseaon

I. Sibonsiri
1. Boasa ingkon dipintori marhite haporseaon ndada marhite ulaon ni
jolma? Naeng baritahononta; Ai ingkon patar hatigoran ni Tuhan i
(keadilan Tuhan) apala nuaeng nang sogot tu saluhut jolma (pat. Rom
3:26). Ai holan Debata sambing do parpintor jala naboi mamintori
saluhut jolma naporsea tu Jesus Kristus. Asa ndang tarbahen jolma hape
paburnang diri di adopan ni dongan jolma tarlumobi di adopan ni
Debata. Ia malua hita, holan ala na pinintoran ni Tuhan i do. Alani i
naeng ma ila rohanta molo paburnang diri, ai ndang alani ulaonta
nadenggan manang alani rohanta na uli umbahen malua sian hamagoan
upa ni dosa i, tung asi ni roha ni Debata do.
2. Taringot tu ojahan: Dipintori Hinorhon ni Haporseaon, taamenhon do i,
ai dang tarpangasahon hita ulaonta dohot gogo gabe tardok hita jolma
napintor manang natigor di adopan ni Tuhan i. Ai didok di Rom 3:9-20,
ai saluhut jolma nunga madabu tu hajahaton jala ginonggoman ni dosa
(dikuasai dosa). Targoar do saluhut jolma namardosa, jala dang adong
namarroha, manang nauso-uso di Debata. Tung saluhut do dang dapot
pujion di adopan ni Tuhan i. Songon i ma saluhut hita pe, nang nuaeng
hagiotta tu dosa do ala ni pardagingon i.
3. Tapamanat ma bindu 3 dohot 4 ! Molo dihatahon ap.Paulus di bindu 3 i,
taringot saluhut (sude) jolma na di portibi on nunga mardosa, jala
saluhut jolma dang margogo paluahon dirina sian hamagoan.
Hamagoan do upa tinuhor ni dosa (pat. Rom 6:23) alani i ingkon
hamagoan hian nama nian ujung ni hajolmaon. Antong aha nama
sipangasahonon? Holan basa-basa ni Debata nama di bagasan Kristus.
Songoni ma ingkon masa asa saluhut jolma dohot bangso malua.
Laos di bindu 4 on ditaringoti ap.Paulus si Abraham, gabe sada bukti
do i; haru si Abraham ompu (leluhur) dohot ama ni naporsea i, dipintori
marhite haporseaon. Ai nang pe tardok si Abraham ama manang ompu ni
naporsea, ndang jumpang si Abraham hapintoran molo sian ulaonna
sambing, ai mardosa do nang si Abraham.
Nang di ayat 5 didok do i; … Sipintori na jahat. Ido umbahen
dihatahon ap.Paulus tu halak Jahudi na di Rom taringot tu si Abraham
sahalak tokoh namansai dihormati jala dijungjung, jala ompu nasida, hape
dang tarbahen pintor so holan ala ni haporseaonna. Ima dihatahon ap.Paulus
asa tarjalo nasida paboa ndang ala uli ni ulaon manang alani Patik i be,
manang alani parsunaton i umbahen malua hita, tung holan alani haporseaon
dohot basa-basa ni Tuhan i do.

II. Hatorangan
1. Abraham Ompu Pardagingon ni Jahudi, jala Ompu Partondion ni
Saluhut Jolma (ayat 1-2)
Di Alkitab, ayat 1, disurat : “bapa leluhur jasmani kita”
patoranghon ompu nasida do si Abraham mangihuthon
pardagingon. Jala tung jotjot do halak Jahudi manang Israel
paburnang diri paboa nasida pomparan ni si Abraham. Nian
ndang apala sala i, alai gabe so marimpola do i ala sai paburnang
diri nasida marhitehon daging ndada alani partondion manang
haporseaonna. Sai didok do nasida pomparan ni Abraham alai
ndang mangantusi nasida taringot tu haporseaon na sasintongna
na di bagasan ni Abraham. Gabe jotjotan ma mangasahon angka
nadapot idaon ni simalolong i ma dipaburnang laos madabu tu
ginjang ni roha (sombong). Songoni ma halak Jahudi hatiha i.
Ido umbahen dipaingot ap.Paulus; Ai molo holan ama
pardagingon sambing do si Abraham, gabe so manghorhon do
haporseaon ni Abraham dohot padan ni Debata na di ibana i tu
angka bangso na di portibi on nang tu hita nuaeng, ai ompu ni
halak Jahudi do ibana di pardagingon i.
Aut sura dapot pintor si Abraham hinorhon ni ulaon pardagingon,
boi do i antong mantat ginjang ni roha (bermegah) tu dirina, alai
ndada dohot tarpangasahon ibana i di adopan ni Debata. Antong
ompu ni saluhut naporsea do ibana mangihuthon haporseaon
partondion i ndada ala ni pardagingon.
2. Porsea Gabe Manghorhon Hasintongan (ayat 3)
Dihatahon ap.Paulus do angka namasa di si Abraham najolo, uju
ndang dope marianakhon ibana. Dihatahon i muse asa tarjalo ni
halak Jahudi na di Rom paboa marhite haporseaon ni si Abraham
do taruli ibana gabe bangso nabolon, ndada holan ala torop ni
anakna sian pardagingon. Di ayat 3 i martudu sian 1 Musa 15:6;
uju manghatai marpadan Debata tu si Abraham, baga-baga ni
Debata mandok marpinompari ma ibana. Ndang saut di si
Abraham baga-baga i ianggo sian alani gogona ai naung suda
gogo do ibana, jala ripena si Sara na hol do. Mangasahon
 marhaporseaon do ibana mameop padan na sian Tuhan i.
Dihaporseai si Abraham do hata ni Tuhan i, gabe dietong Tuhan i
ma i hasintongan. Jala nang pe so masa dope hatiha i, alai gabe
sintong do i masa. Ima haporseaon namanghorhon, ndada alani uli
ni ulaonna mangoloi Patik i. Laos songoni do hita dipintori
Debata, ndada alani pambahenanta, tung alani basa ni Tuhan i do.
3. Asi ni Roha do Parpintoran ndada Upa (ayat 4-5)
Dikritisi ap.Paulus do angka parrohaon ni jolma di Rom, asa nian
manontong martoruk ni roha. Dietong Jahudi do ianggo
hapintoran naung jinalo ni si Abraham ima silehon-lehon sian asi
ni roha ni Debata sekaligus dohot hinorhon ni angka ulaon
nadenggan binahen ni si Abraham (simultan). Hape, ndang
songoni, alai ias do holan ala basa-bas ni Tuhan i!
Molo didok ndang alani ulaon nadenggan hita dipintori, i do tutu
diparhatopot haporseaonta. Alai ndang diambati hata ni Kristus
jolma laho mangulahon na denggan huhut ndang maralo (anti)
hataNa i maradophon angka ulaon na denggan. Apala tahe
hinorhon ni namarhaporseaon do hita gabe tarbahen mangulahon
nadenggan maradophon dongan jolma. Jadi na dikritisi ap.Paulus
ima anggapan manang pangantusion namandok; si Abraham
dipintori ala ni ulaonna angka nadenggan i.
Songoni ma nang hita, molo laho do rohanta mandok, dipintori
Debata hita hinorhon ni angka ulaonta angka na denggan di
bagasan Patik i, gabe tu kesombongan do namasa, ai ndang adong
hita apala rimpas boi mangulahon saluhut nidok ni Patik i.
Didok ap.Paulus ma gabe sada astuan; Ai molo mulaulaon jolma
gabe dijalo upana, ndang sietongon manang rajuman i gabe asi ni
roha, alai tahe upa naso tarjua do i di ibana naung mangula. Alai
di jolma na so mangaradoti ulaon, hape porsea ibana di Debata;
Sipintori na jahat, gabe hatigoran rajumon di ibana. (:4-5). Sian i
do taparhatopot, dipintori Debata do jolma uju pardosa, parjahat
dope jolma i asa ima dalan ni Debata manogihon jolma tu
hangoluan di bagasan haporseaon.
Molo itatorushon tu ayat 6-8, nang si Daud pe dihatahon do;
martua do halak na gabe pintor dirajumi Debata, so sian
parulaonna, jala disesai Debata angka dosa dohot hajahatonna.
Martua ma halak, anggo so dijujur Tuhan i dosana tu ibana!
 Antong ndada upa naso tarjua hinorhon ni ulaon hape rajuman
parpintoran i alai tung basa-basa ni Debata do tu hita saluhut
jolma.
4. Baga-baga ni Debata na tu si Abraham, Dilehon dohot nang tu
Pomparanna (ayat 13-16)
a) Marhite Haporseaon
Di ayat 16 dihatahon; “Dibahen i sian haporseaon i do bagabaga
i, asa sian asi ni roha do, ai naeng hot bagabaga i di sandok
pomparanna i; ndada holan di dongan sapatik ni si Abraham,
dohot do di donganna sahaporseaon, ai ama ni hita saluhutna do
ibana.”
Di padan narobi, 3 ma padan ni Tuhan i tu si Abraham: (1)
Marpinompari gabe bangso nabolon, (2) Mangingani tano
Kanaan, (3) Gabe pasu-pasu tu saluhut bangso.
Dipatorang ap.Paulus do pamikkiron i, paboa rap manghaporseai
do nasida, ia padan ni Debata dipatulus marhite si Abraham. Nang
tu angka bangso sileban (non Jahudi), digogohi Tuhan i do
padanNa, ai dijangkon do bangso naleban naung porsea gabe
huria (gereja) ni Kristus. Antong saluhut bangsa do gabe
pomparan (anak) ni si Abraham marhite haporseaon i. Patar ma
di si padan ni Tuhan i namandok teaon ni si Abraham do tano i
(bumi ini), ala gabe ama ibana di sandok bangso na di tano on
marhite haporseaon.
b) Ndang Alani Patik
Alai ndada alani Patik umbahen dilehon Debata baga-baga
(padan) tu si Abraham dohot pomparanna asa manean tano i, alai
tung alani haporseaonna do. Ai molo mangihuthon Patik i ibana
manghirim asa manean tano on, marisuang do haporseaon i, jala
pesan ma baga-baga i. Boasa gabe songoni? Ai dihatahon do di
ayat 15; “Ai dihorhon patik i do rimas; alai anggo soada patik,
laos so adong do pangalaosion.” Alai ndang namandok; sala Patik
i, umbahen ndang manghorhon pasu-pasu Patik i alai ala dang
margogo Jahudi mangulahon hata ni Patik i, disi do tarida
pangalaosion maradophon Patik i naparo rimas ni Debata. Alai
baliksa, manang didia ndang dipasahat Patik i, ndang tardok disi
adong pangalaosian maradophon Patik. Jala ndada alani
parsunaton umbahen taruli di baga-baga i. Hinorhon ni i ama do si
 Abraham di saluhut jolma, natarsunat dohot na so tarsunat, gabe
saluhut bangso taruli hite (dalan) tu Debata (pat. Rom 3:30)
5. Sada do Debata di Saluhut Bangso, Ibana Sitompa Saluhut Jolma
(ayat 17)
Dijou jala dipabangkit Debata do si Abraham gabe ama ni torop
bangso, asa marhite haporseaon gabe martuhanhon Debatanta,
ima Debata Sipangolu ni angka na mate jala Sitompa naadong
sian na so adong hian.
Sundut parjolo do si Abraham digoar di ompu ni naporsea,
dunghon ni nabinahen ni Debata aek na sumar i manguhum jolma
pardosa. Sian pomparanna ma muse dilehon Tuhan i baga-baga
haluaon asa dipintori, malua jala dapot hangoluan angka naporsea
di sandok tano on. Antong sada do Tuhanta saluhut jolma
naporsea, Ibana do Sipalua. Asa saluhutma marhaporseaon
doshon naung hinaporseaan ni si Abrahan Tuhan Jahowa.
6. Di bagasan Jesus Kristus do hita Dipintori jala Dapot Hangoluan
Mangihuthon Rom 3: 22-25 naung ginohan ni Jesus i do patik i,
Ibana do singkatta manaon upa ni dosa. Alani i, ganup jolma
namarhaporseaon tu Jesus Kristus, dipintori hinorhon ni
haporseaonna. Jala dung dipintori, mardame ma hita jolma dohot
Debata marhitehite Jesus Kristus. Laos marhitehite Ibana do saut
masuk hita tu asi ni roha nabolon i dohot hangoluan namanontong
i. (Pat.Rom 5:1-2). Ai nang ap.Paulus dihatindanghon do; Ai upa
tinuhor ni dosa do hamatean; alai basabasa ni Debata do
hangoluan salelenglelengna marhitehite Kristus Jesus Tuhanta i.
(Rom 6:23)

Hahonaanna dohot Panimpuli

1) Marroha mauliate ma hita di adopan ni Tuhanta Jesus ala ni balga ni asi
ni roha dohot basa-basaNa namamintori hita uju gabe pardosa dope
hita. Ido dalan ni Tuhan i manjou jala manogu-nogu hita tu hangoluan
di bagasan haporseaon dohot hatiuron.
2) Unang ma hita paburnang diri, di adopan ni jolma tarlumobi
maradophon Debata, ai nang hita pe dang tapangasahon hita gogonta,
pikkiran nang uli ni ulaonta ianggo tung paluahon hita sian hamagoaan
ala ni dosa i. Ai upa tinuhor ni dosa do ianggo hamatean (hamagoan),
alai basa-basa ni Debata do hangoluan. Ido da na itahalashon, gabe
marria ni roha hita mangihuthon jala manghaporseai Tuhan Jesus.
3) Manontong ma hita mangasahon haporseaon, ai anak ni si Abraham do
nang hita. Si Abraham do ama jala ompu ni naporsea, ai sahat do baga-
baga ni Tuhan i nang tu saluhut hita.
4) Tapelehon/ tapasahat ma dirinta tu Tuhan i gabe naposoNa,
marhaburjuon mangula ulaon nadenggan tanada mauliate ni rohanta tu
Ibana bahen hasangaponNa. Unang be olo hita parhatobanon ni sibolis i
gabe siula hajahaton. Alai muba ma rohanta jala mangadop tu Tuhan i,
ai nang Jesus pe dipelehon do diriNa bahen hangoluanta, pola tarsilang
jala durus mudarNa asa dapot parpintoran hita.
5) Di Minggunta Remincere sadari on, namarlapatan “Sai ingot ma ale
Jahowa denggan ni basaM”, songoni do hita manghaporseai Tuhanta
Jesus. Mangido di denggan ni basaNa sambing asa dapotan parpintoran
hita. Martangiang do hita; ”Sai ingot ma hami ala ni denggan basaM”,
ndang alani parulaonta naung denggan. Antong marroha mauliate ma
hita tongtong.

Pdt.Hopol M. Sihombing,STh
HKI Resort Khusus Teladan Medan.

MINGGU OKULI
12 MARET 2023
Epistel: Johanes 4: 20 – 26
 Manomba Debata Sian Nasa Roha

I. Patujolo
Sude do hita tontu hea mangendehon Buku Ende No. 223: 1:
“husomba ho Tuhan, tangihon au. sangkapMu ma tongtong pasaut tu au.
Lam ganda bahenon i holong ni rohangki. Sai lam gandai, holong tu Ho”.
Boha do hita patuduhon parsombaonta tu Debata, unang gabe marisuang
parsombaonta tu Ibana ala ndang apala antus pangantusionta taringot
parsombaon na songon dia do na dihalomohon ni Debata sian hita. Torop do
halak mangantusi molo nunga dipatupa parmingguon, didohoti
partangiangan, dipatupa ragam ulaon ni huria, jala dilehon pe saluhut artana
dohot gogona tu huria dang pintor boi dohonon naung dihalomohon Debata
saluhutna i gabe parsombaonna tu Debata. Anggo pangantusion ni halak
Jahudi, parsomobaonnasida do na tutu jala na sintong tu Debata ala
diulahonnasida saluhut ruhutruhut ni parugamoon ni Jahudi na masa di
nasida. Diantusi nasida do parsombaon na sintong di Debata molo diulahon
di bagas joro na adong di Jerusalem, jala halak na marsomba tu Debata na
so di Jerusalem ndang na tutu jala ndang dihalomohon Debata. Masa ma
haginjangon ni roha partondion (kesombongan rohani) halak Jahudi.
Hombar tusi do turpuk jamita epistel di minggu on. Ima rangkaian
panghataion ni Jesus rap dohot parompuan Samaria. Samaria ima huta na
disogohon halak Jahudi, jala dipantanghon Jahudi do jonok, pajumpang
manang manghatai dohot halak Samaria. Sai diantusi halak Jahudi do anggo
halak Samaria ima halak pardosa jala na so jadi parsidohot tu sangkap
haluaon na pinatupa ni Jahowa. Marhite parjumpangan dohot panghation ni
Jesus rap dohot parompuan Samaria i, diajarhon Jesus do taringot
parsombaon na tutu dohot na sintong jala na dihalomohon ni Debata. Asa
lam antus hita mangatusi taringot parsombaon i, masuk ma hita tu
hatorangan ni turpuk

II. Hatorangan ni turpuk

Borhat ma Jesus sian luat Judea tu luat Galilea jala ingkon mamolus
luat Samaria (Joh. 4: 3 – 4). Dao ni luat Judea tu Galilea hurang lobi 200
km. Adong do nian dalan na asing sian Judea tu Galilea so pola mamolus
luat Samaria. Alai anggo turpuk jamita on dibolus Jesus do luat Samaria on.
Molo dipaadop parmusuon na masa di halak Jahudi tu halak Samaria tontu
gabe sihataan ma na binahen ni Jesus on di angka halak Jahudi, boasa
ingkon dibolus ibana huta i? Sahat ma Jesus tu luat Samaria ima di huta
Sikar, huta na mardonokhon ladang na nilehon ni si Jakob tu si Josep
anakna i (ida. 1 Musa 48: 22 patudos tu Jos. 24: 32).
Adong ma di huta i sada sumur ni si Jakob (ay. 6) laos disi ma Jesus
maradi naung loja sian pardalanan. Hundul ma Ibana di lambung ni sumur i,
tar di hos ni ari ma i (tepat di jam 12 siang, di mana kondisi cuaca di
wilayah tersebut sangatlah panas). Pajumpang ma Jesus dohot parompuan
Samaria na naeng mambuat mual sian sumur i, laos dipangido Jesus ma
mual sian parompuan i. Tontu songgot manang sungkunsungkun do roha ni
parompuan Samaria i, boasa ma Jesus halak Jahudi mangido mual sian
parompuan na sian Samaria, ima apala musu ni halak Jahudi? (ida Joh. 4: 7
– 9). Somal do nian molo halak Samaria marpungu di sumur Jakob i laho
mambuat mual di manogot ni ari asa unang mohopan, jala laos di inganan i
ma nasida marsaor huhut manghatahatai taringot na ringkot di nasida. Hape
anggo parompuan di turpuk on borhat do tu sumur i di hos ni ari, di na so
adong dijumpang ibana angka jolma. Tontu adong do na naeng dipabotohon
turpuk jamita on taringot ise do parompuan na nidok di turpuk jamita on.
Molo dijaha sude na tarsurat di turpuk jamita on (Joh. 4: 1 - 42) tontu
idaonta ma anggo parompuan i diantusi do sahalak sipardosa. Parompuan on
nunga lima hali mardongansaripe tu lima baoa, jala baoa na di ibana i
nuaeng ndang dongannsaripe i dohononna (ay. 17 – 18). Gabe dipapulik
jolma di humaliang ma ibana jala ndang adong na mangantoi ibana. Molo
borhat do ibana di manogot ni ari mangalap mual di sumur i, gabe sihataan,
dipasiding jala gabe dipaila do ibana. Ido umbahen na borhat parompuan i
pukul 12 di hos ni ari, jala na pasti dang adong sahalak na jumpang na disi.
Marhite turpuk jamita on, Jesus manghatahatai dohot parompuan
pardosa di sumur Jakob. Sai berusaha do parompuan i manghuphupi
hadirionna tu Jesus, hape nunga tangkas ditanda Jesus ibana. Laos marhite
panandaion ni Jesus di ibana umbahen tangkas ma panandiaonna taringot
Jesus marhite pandohanna: “Tuan, panurirang do Ho huida” (ay. 19). Dung
ditanda ibana Jesus i, barani ma parompuan i pabotohon holsona ima
taringot parsombaon tu Debata dohot taringot mesias, naung
dipabagabagahon panurirang di padan na robi.
Didok ma di ay. 20 taringot parsombaon na somal naung diulahon
angka ompunasida, ima di atas dolok Samaria (ida 5 Musa 12: 5 dohot
Psalmen 122), hape halak Jahudi mandok ingkon Jerusalem do inganan
parsombaon tu Debata. Dolok na nidok ay. 20 ima dolok Gerizim (ida 5
Musa 11: 29; Jos. 8: 33; Panguhum 9).1 Hata ni parompuan on marharoroan
1
Sedikit penjelasan mengenai pertikaian tempat ibadah orang Samaria dengan Yahudi.
Kelompok Yahudi dipahami yaitu mereka yang tetap memegang teguh Hukum Taurat dan
sian perasaan keingintahuannya taringot inganan parsombaon na sintong
jala na dihalomohon ni Debata. Mansai ringkot do peranan ni bagas joro
(inganan parsombaon) di partingkian Padan na robi dohot Padan na imbaru,
ndada holan inganan parpunguan manang parsaoran laho mamuji Debata na
disomba jala dipuji bangso i. Bagas joro ima hataridaan parmianan ni
Debata di tongatonganasida, hataridaan ni pangaramotion ni Debata. Ido
umbahen ditaringoti didia do inganan partangiangan na sintong na
marpardomuan taringot didia do hasintongan parmianan ni Debata di
Jerusalem do manang di dolok Germizi, ala panurirang do didok rohana
Jesus i (ay. 19).
Dung i didok Jesus ma tu parompuan i di ay. 21 - 24: “porsea ma ho
di Ahu inang”. Alus ni Jesus on mangalehon pangantusion na tontu dohot
panandaiaon na sintong taringot Jesus. Ndada holan panurirang Ibana
songon na di roha ni parompuan i, alai Ibana do tahe dalan, hangoluan jala
hasintongan asa tung antus parompuan i mangatusi Jahowa Debata, ndada
Debata na dibatasi holan di sada inganan, ndang na dibatasi rupa marhite
angka ganaganaan na dibahen ugamo na asing, ndada dibatasi suhatsuhat ni

ikut terbuang ke wilayah kerajaan Babel selama masa pembuangan. Orang Yahudi
memandang orang samaria sebagai orang pendosa, yang tidak layak menerima
keselamatan dari Allah. Orang Yahudi dipahami sebagai bangsa yang layak disebut umat
Allah sebab mereka memegang teguh Hukum Taurat dan perayaan hari besar agama
mereka. Berbeda dengan orang Samaria, di mana mereka yang tetap tinggal di Samaria
dan telah melakukan kawin campur. Mereka tidak lagi merayakan perayaan agama
mereka seperti Paskah. Itulah sebabnya sesudah kembalinya orang Israel dari tanah
pembuangan mereka dan kembali ke Yerusalem, mereka sangat yakin bahwa merekalah
yang mewarisi janji keselamatan yang diwartakan oleh nabi – nabi pembuangan, dan
kondisi mereka pun dipulihkan melalui pembangunan kembali bait suci di Yerusalem.
Yerusalem yang dipahami sebagai tempat kediaman Allah hanya boleh dipakai oleh orang
Yahudi dan ibadah yang benar adalah ketika ibadah itu dilakukan di Yerusalem karena
Allah berdiam di sana. Sedangkan bagi orang Samaria, mereka tidak mengakui Yerusalem
sebagai tempat ibadah utama, melainkan mendirikan bait suci yang menjadi pusat
peribadahan mereka di dekat Gunung Gerizim. Gunung Gerizim mereka anggap sebagai
tempat suci pilihan Allah dan di situlah mereka menyelenggarakan ibadah mereka sendiri.
Sebagai kitab suci, mereka hanya mengakui Taurat Musa yang disadur sedikit sesuai
keyakinan mereka, yang disebut sebagai "Taurat Samaria". Sedangkan kitab – kitab
lainnya tidak diakui mereka sebagai kitab suci. Taurat Samaria disusun kurang lebih pada
abad II atau I sM dan pada kitab itulah berisi legitimasi betapa pentingnya gunung Gerizim
atau Sikhem sebagai tempat ibadah dan mereka pun menolak Yersusalem sebagai tempat
peribadahan yang benar.
pangantusion manang hasomalan na masa, ndada dibatasi angka aturan na
dipamasa angka panggomgom portibi on. Andul sian i do saluhutna jala
mangatasi saluhutna do hadirion ni Debata. Singkop situtu do hadirion ni
Jahowa ima hamuliaonNa, huasoNa, panggomgomionNa dohot saluhut
angka haluan na binahenNa di bagasan Jesus Kristus. i do umbahen didok
Jesus: “porsea ma ho di Ahu inang”. Ndada holan gabe sada panurirang
haroro ni Jesus tu portibi on, alai marhite Ibana do patar do hadirion ni
Debata.
Na ro ma tingkina, gabe ndang pola be dolok an manang Jerusalem
partangiangan tu Ama i (ay. 21). Ama na nidokna dison ima Jahowa
(YHWH: Debata Panompa langit dohot tano on, huaso dohot harajaonNa
mangatasi saluhut huaso dohot harajaon na adong di hasiangan on; na
manggomgom sian hatongtongon sahat tu hatongtongon). “Disomba hamu
do na so binotomuna; huboto hami do na husomba hami, ai bangso Jahudi
do haroroan i haluaon” (ay. 22). Sekilas pandang Yesus mengkritik dan
menegor sistem peribadahan yang dilakukan oleh orang Samaria. Dipatupa
halak Samaria partangiangan di dolok Germizi alai ndang apala tangkas
ditanda jala dibotonasida taringot hadirion ni Debata na disomba nasida. Ala
holan hasomalan sambing do diulahonnasida parsombaonnasida i.
Dipahombar muse tu angka naung masa di halak Samaria naung masa kawin
campur tu bangso na so mardebatahon Jahowa.2 Hata ni Jesus di ay. 22
dipahombar ma tu Jes. 2: 3 ima taringot Sion dohot Jerusalem na gabe
hapatean parsombaon ni sude bangso. Marrongoman ma angka bangso ro
sian luatnasida nangkok ma tu dolok Sion dohot Jerusalem jala sian i ma
didapotnasida pangajarion, uhum dohot hasintongan ni Jahowa Debata, jala
i do na dipeop halak Jahudi sahat tu partingkian ni Jesus di turpuk jamita on.
Di ay. 23 didok: “alai na ro ma tingkina jala nunga ro i nuaeng.”
Hata “alai” marlapatan marasing manang maralo tu naung dihatai na salpu
(ay. 22). Ro ma tingkina jala nunga ro i nuaeng. Hata i, pabotohon na ro ma
2
Catatan: pernikahan pada zaman Perjanjian Lama dan Perjanjian Baru tidak hanya
penyatuan dua pribadi (laki – laki dan perempuan), tetapi juga berhubungan dengan
agama atau kepercayaan yang masing – masing. Artinya jika seorang dari bangsa A
dengan agama A menikah dengan seorang dari bangsa B dengan agama B maka seorang
dari bangsa A tersebut harus ikut menyembah dengan apa yang disembah oleh bangsa B,
demikianlah sebaliknya. Jika dihubungkan dengan Samaria yang telah melakukan
pernikahan campur maka Samaria ikut dalam penyembahan allah yang disembah oleh
bangsa asing. Hal ini dikenal dengan istilah sinkritisme. Maka YHWH disandingkan dengan
Ba’al atau Asyera atau dewa yang lain (bdk. 2 Raj. 17: 29 – 30). Itulah sebabnya Yesus
mengatakan: kamu menyembah kepada yang tidak kamu kenal.
tingkina jala nunga ro tingkina dang be dibatasi inganan (dolok Gerizim
manang Jerusalem) inganan parmianan ni Jahowa Debata mangaramoti
bangsoNa. Halak na martangiang tu Jahowa, Debata ima halak na mian di
bagasan Tondi dohot hasintongan ima angka partangiang na tutu tu Jahowa
Debata jala songon i dipangido Ama i sian angka sipartangiang. Tondi do
anggo Debata (hata Gorik didok: pneuma ho Theos) (patudos tu 1 Musa 1:
2) na marlapatan anggo Jahowa Debata ima Debata na mangolu, na
marnida, manangihon jala na patupahon haluan tu sude angka na tinompa.
Tondi do Jahowa Debata na so boi dipenjara atau dibatasi holan di sada
inganan di sada rupa. Tondi do Jahowa Debata na manggohi saluhut
inganan na adong di portibi on, Tondi do Jahowa Debata na manggohi roha
dohot pingkiran, Tondi do Jahowa Debata na manggohi saluhut angka na
masa. Jala halak sipartangiang ingkon do martangiang di bagasan tondi
dohot hasintongan (hata Gorik didok: aletheia). Hasintongan na didokna
dison ima hasintongan ni Jahowa Debata, ndada hasintongan ni jolma
manang hasintongan na adong di portibi on. Hasintongan ni Debata ima
hadirion ni Jahowa, Debata Pargogo na so hatudosan, hataridaan
pamarentaon (pemerintahan) ni Jahowa, asi ni roha dohot holong ni roha ni
Jahowa.
Dung didok Jesus di ay. 21 – 24, didok parompuan i mandok Jesus:
huboto do, na naeng ro Mesias na margoar Kristus, ia dung ro Ibana,
baritahononna do saluhutna i tu hami (ay. 25). Padan taringot haroro ni
mesias sahat do tu halak Samaria. Marlapatan ndada holan tu halak Jahudi
taringot haroro ni mesias, sahat do tu halak Samaria jala tu sude bangso.
Pangantusion halak Israel (Samaria dohot Jahudi) mesias ima sahalak na
nimiakhan (diurapi dengan minyak yang khusus, minyak yang khas) gabe
sahalak raja, panurirang, manang malim di bagasan ulaon naung ditontuhon
tu ibana. Mesias naung dibagabagahon di padan na robi ima sahalak na boi
paluahon Israel (Samaria dohot Jahudi) sian panggomgomion ni bangso na
manggosagosa parngoluannasida (dalam hal ini adalah kerajaan Romawi)
jala sahalak na pinillit ni Jahowa gabe pardengganan parsaoran
(padamehon) Samaria dohot Jahudi.
Dung i didok Jesus ma tu parompuan i: “Ahu do i, na manghatai
dohot ho” (ay. 26). Alus ni Jesus di ay. 26 on ima penegasan taringot
hadirionNa. Ibana ma Mesias naung dibagabagahon angka panurirang di
padan na robi. Hamesiason ni Jesus ndada hombar tu pangantusion ni halak
Jahudi manang Samaria. Lobi sian pangantusion ni halak Jahudi dohot
Samaria taringot hamesiashon ni Jesus. Jesus i do Mesias. Ibana do dalan i,
Ibana do hasintongan i, Ibana do hangoluan. Ndang adong na boi sahat tu
Ama i (ima Jahowa) ia so marhite Jesus Kristus (patudos Johannes 14: 6).
Jesus do Mesias na paluahon jolma i sian parhatobanon ni dosa dohot
soropna ima hamatean salelenglelengna; Jesus do Mesias na padamehon
jolma i dohot Debata Ama songon i padamehon jolma dohot donganna
jolma; jala Jesus do hagogok ni hadirion dohot sangkap haluaon ni Jahowa
Debata.

III. Hahonaan ni Turpuk

Masuk ma hita tu Minggu Okuli na marlapatan sai tongtong
mangaranapi matangku tu Jahowa. Mangaranap do hita mangido asi ni roha
dohot holong ni roha tu Jahowa. Marhite turpuk jamita on dipaingot do hita
taringot pangaranapionta tu Jahowa songon hataridaan parsombaonta
Jahowa. Mangaranap mangido panumpahion ni Jahowa di ngolunta, di na
mamolus ragam angka naung dohot na naeng masa di ngolunta ganup. Sai
ditumpahi Jahowa ma hita gogo, habisukhon dohot pangantusion na tangkas
taringot saluhut pambahenan ni Jahowa di ngolunta. Di minggu okuli on
dipaingot do hita tu ende Psalmen 121: 1: “sai mangaranapi do matangku
dompak angka dolok: sian dia do ulaning ro pangurupion tu ahu? Laos
dialusi di ay. 2: “sian Jahowa Sitompa langit dohot tano on sambing ro
pangurupion ianggo tu ahu.
Marhite turpuk jamita epistol di minggu Okuli on diajarhon do hita
ndang tu dolok be hita mangaranap alai tu Jahowa Debatanta do naung patar
hadirionna singkop di bagasan Jesus Kristus. mangaranap mangido
pangurupion dohot panumpahion di saluhut ingananta be. Mangaranap do
hita tu Jahowa Debata mangidohon pandonganion, gogo, bisuk,
pangantusion songon i nang angka na denggan sian Jahowa Debatanta, asa
didongani, dipargogoi, diparbisuki hita di parngoluanta. Pangaranapionta tu
Jahowa ndang na dibatasi di sada tempat, di sada rupa ala dang terbatas
anggo Jahowa Debatanta. Hata on ndang na mandok asa ndang ringkot hita
borhat tu gareja manang tu parsaoran partangiangan Kristen; ndang na
mandok asa padoahon diri sian parsaoran. Alai turpuk jamita on
mangajarhon tu hita hadirion ni Jahowa na manggohi saluhut inganan di
sude inganan dohot tingki.
Pangaranapionta tu Jahowa dos do lapatanna i tu parsombaonta tu
Jahowa di bagasan Jesus Kristus. Parsombaonta tu Jahowa naeng ma sian
nasa roha, unang mardua ni roha, jala unang ganggu. Parsombaonta tu
Jahowa Debata ingkon do di bagasan Tondi dohot hasintongan. Margabus
do jolma molo didok di bagasan hasintongan do ibana martangiang hape
angka gabus, hata manggang dohot hata parbolatbolatan do haruar sian
pamanganna; margabus do jolma molo didok martangiang di bagasan
hasintongan molo dibaen do angka na so uhum tu angka donganna na gale,
jala ndang diharingkothon uhum na sintong; margabus do jolma molo didok
martangiang di bagasan hasintongan alai ndang olo ibana marasiniroha tu
angka na hurangan. Ala ni i, songon hataridaan parsombaonta na sintong, di
bagasan hasintongan ingkon boi do patar manang tarida marhite
panghataionta manghantindanghon hasintongan, hatoguan ni uhum,
pangurupion, ulaon parasinirohan, jala marsiadu laho patupahon angka na
dengan. I do parsombaon na dihalomohon ni Jahowa sian hita. Pos ma
rohanta sai diparbisuhi Jahowa ma hita laho patupahon parsombaon na tutu
manang na sintong. Amen.

Pdt. Daniel Bonardo Pane, M.Th.

MINGGU OKULI
12 MARET 2023
Evangelium: Psalmen 95: 1 – 11

Manomba Debata Sian Nasa Roha

I. Patujolo
Horas! Somba ma Jahowa Debatanta, amen haleluya! Sitompa langit
dohot tano on ro di isina, amen haleluya! Beta hita marsinggang di joloNa,
amen Haleluya. Ala ni denggan ni basaNa tu hita, amen Haleluya. Nda tama
endehononta patuduhon parsombaon dohot pamujionta tu Jahowa disiala
saluhut angka pambahenanNa di ngolunta sian na sorang hita tu portibi on
sahat tu sadari on. Ragam do naung itabolus di hasiangan on alai tung na so
hea dipasombu Jahowa hita punjung mangadopi dohot mamolus saluhutna i.
Turpuk jamita minggu on manaringot parsombaonta tu Jahowa, Debata na
sun badia. Parsombaon na songon dia do na ditaringoti turpuk jamita on? ai
ndang na saluhut parsombaon hape gabe dihalomohon Jahowa sian hita?
Asa antus mangalusi saluhutna i, masuk ma hita tu hatorangan ni turpuk.
II. Hatorangan Ni Turpuk
Turpuk jamita on ima ende ni parpsalmen na masoarahon panjouon
asa marsomba tu Jahowa Debata. Dipanghilalahon parpsalmen on do gogo
manang huaso ni Jahowa nang pangaramotion ni Jahowa di ngoluna. Di ayat
1–2 disosohon do asa mangendehon Jahowa jala mangolophon
Partanobatoan ni hatuaon. Marende ima ulaon na pabotohon na di bagasan
rohana marhite nada asa halak na mambege, mamboto jala mangantusi dia
do lapatan manang tona na dipasahat marhite ende i. Mangendehon Jahowa
jala mangolophon partanobatoan ni hatuaon ima sada panindangion na
mansai bagas taringot parsaoran jala panandaionna tu Jahowa, Debatana.
Hata mangendehon Jahowa ingkon do hata na haruar sian ateatena jala na
manghatindanghon pandonganion ni Jahowa di ngoluna. Jala marhite i halak
na mambege manang na manangihon hata ni ende i mangantusi tona ni hata
ni ende i jala marhite i lam ditanda nasida ma Jahowa, Debata.
Aha do alana umbahen parpsalmen mangolophon Jahowa?
Diparhatopot parpsalmen do taringot huaso dohot gogo ni Jahowa, Debata
na dihaporseana. Di ayat 3–5 dibaritahon do ulaon ni Jahowa, Debata na
manompa saluhut nasa na denggan sian na so adong gabe adong. Jahowa do
nampuna saluhut jala na mangatasi angka debata na adong di portibi on.
Torop do angka debata na di portibi on tarlumobi uju panurat ni turpuk on
na ganup bangso adong do debatana jala bangso i mambahen debatana
hombar tu na ringkot di bidang ni ngolunasida. Molo bidang partanian
adong ma debata na hombar tusi, songon i do di bidang na asing. Jala
dibahen nasida do debata i hombar tu na dihaporluhonnasida. Alai anggo
Jahowa ima Debata ima Debata na so ditompa tangan ni jolma jala Debata
na so dibahen hombar tu pingkiran ni jolma. Jahowa, Debata do nampuna
jolma i dohot na tinompana, jala sude debata na dibahen angka jolma adong
di toruNa. Guru di Jahowa do punsu ni angka dolok na marpardomuan tu
inganan ni angka panombaon sude angka bangso tu debatana. Tutu ma
Jahowa do Debata Pargogo na so hatudosan, jala Ibana do Raja nasa na
tinompaNa, jala guru tu Ibana do saluhutna.
Molo songon i do gogo ni Jahowa, Debata mansai tama ma hita
manungkap dohot marsomba, marsinggang tu jolo ni Debata na manompa
hita. Ibana do Debatanta jala hita ma bangso pinarmahanNa, jala birubiru ni
tanganNa. Sadari on, aut ditangihon nian soaraNa i! Hata “sadari on”
paboahon unang be marnalemba, unang be gok sidalian, unang be mandok
haduan ma i, manang jolo adong tingki. Sadari on, ima partingkian saonari
(segera) manangihon pangontangna, manangihon panjounNa marhite
saluhut hata dohot pambahenanNa. Parmahan na di tanganna adong tungkot
dohot linsinglinsing asa sude angka na pinarmahanNa ndang adong na
mandao manang lari sian na dihalomohon ni Jahowa. Ndang dihalomohon
Jahowa angka na pinarmahanNa mago alai sai dilului jala diajar do angka na
pinarmahanNa i asa hot jala mian di panggomgomanNa. Nang pe mansai
maol do diantusi dilapatai torop jolma taringot Jahowa na gabe parmahan di
ngoluna di ragam na masa di ngoluna.
Parpsalmen paingothon angka pangalaho ni halak Heber/ Israel na
mansai tangkang uju di Meriba songon ari uju masa pangunjunan di
halongonan. Pangalaho na masa di Meriba boi do itaida di 2 Musa 17: 1 – 7
na manggombarhon parange na so mandok mauliate di sude pambahenan ni
Jahowa di ngolunasida. Parange na so adong pos ni roha di pandonganion
dohot panarihonon ni Jahowa di ngoluna. Sai jotjot do roha biar, holso
dohot parange na sai marungutungut. Parange ni hatoban na so mananda
haluaon jala ndang mangalapati pandonganion manang parmahanion ni
Jahowa ni ngoluna. Parange ni hatoban na mansai tonggi di parhatobanon na
marhapatean tu hamagoan, jala ndang sahat tu hapatean ni tano na niuarihon
Jahowa tu nasida. Dang adong na sahat sundut na haluar sian parhatobanon
ni Misir hinorhon ni pangalaho manang parangenasida na sai
marungutungut jala ndang adong roha na unduk tu Jahowa asing ni si Josua
dohot si Kaleb (ida 4 Musa 14: 29 – 30). Hinorhon ni ungutungut jala
ganggu ni roha boi do mambahen jolma i ndang be tangkas manghilalahon
pangaramotion dohot panarihonon ni Jahowa di ngoluna. Laos tubu ma
parange na holan menuntut.
III. Refleksi – Teologi
Adong do na mansai ringkot siputihon sian turpuk jamita on:
1. Turpuk Jamita on manosohon hita asa sai tongtong hita
marhatopothon gogo manang huaso ni Jahowa na mangatasi
saluhutna. Debata na so ditompa pingkiran ni jolma, alai Debata na
manompa jolma.
2. Itahangoluhon ma pangaramotion dohot panarihon ni Jahowa di
ngolunta. Molo aut sugari boi itabilangi sude pambahenan dohot
panarihon ni Jahowa Debata di ngolunta, ra ndang hasuhatan jala
ndang tarhabilangan saluhutna. Ndang tarasam sude denggan basa ni
Jahowa. Molo songon i, tama ma nian hibul dirinta manomba Ibana.
Marsomba tu Jahowa ndang boi malua i sian mamelehon hibul dirina
gabe ampuna ni Debata, jala mangudut tu parange na unduk di hata
ni Debata.
3. Mansai tonggi dame do panghilalan molo boi dipanghilalahon
pandonganion dohot panarihon ni Jahowa di ngolunta. Disarihon do
ngolunta boi marhosa saonari, dohot ragam pasupasu ni Jahowa.
Antong, boasa be adong mian holso, hatahuton mandalanhon ngolu,
jala na sai jotjot menuntut na boi mambahen hita ndang sahat tu
inganan na naung niuarihon ni Jahowa marhite Jesus Kristus tu
angka na satia.
4. Minggu Okuli ima minggu na manjou hita asa mangaranap tu
Jahowa Debata (ida Psalmen 121). Mangaranap tu Jahowa tontu
adong na ditundalhon. Aha do na ringkot ditundalhon uju
mangaranap hita tu Jahowa. Ima bangkobangko na jat, parmusuon,
neang ni roha, hadatuon, parungutunguton, hansit ni roha, dohot
angka saluhut ulaon na so dihalomohon ni Jahowa (patudos 2
Timoteus 3).
5. Mangaranap tu Jahowa ingkon do sian nasa roha. Marhite panatapon
i adong ma parsombaon. Manatap tu Jahowa, Debata na badia jala
pargogo na so hatudosan. Sian Jahowa do ro pangurupion dohot
haluaon tu hita. Halak na sai tongtong mangaranap tu Jahowa ima
halak na marposniroha tu Jahowa, manghirim di angka
pambahenanNa na denggan i, marhasatiaon mangulahon na denggan
dohot mangurupi angka na gale nang na hurangan. Dapotan gogo
dohot tua ma ganup jolma na sai mangaranap tu Jahowa di ngoluna.
Amen.
Pdt. Daniel Bonardo Pane, M.Th

MINGGU LETARE
19 MARET 2023
Ep: Psalm.5: 8-13

Marlas Ni Roha Ala Porsea

 “Pantun do hangoluan jala tois do hamagoan” sada poda na mansai
arga na membangun peradaban ni bangso Batak. Karakter na terbangun
dibagasan hapantunon dohot toruk ni roha do padaohon hamusuon. Alai tois
do mula ni hamagoan. Sai dipodahon natoras do karakter on tu angka
ianakhon manang sundut na umposo asa manontong mangolu di bagasan
hapantunon dohot toruk ni roha asa adong bohal parngoluonna jala na so
jadi tois maradophon manang ise pe (santun terhadap siapapun dan jangan
Egois atau nakal dan kurang ajar), na maraleale, mardongan, na maruluan
baik pe na marbawahan. Molo talapati hata di hata Indonesia, Pantun ima
Santun, ramah jala tois didok ma i angkuh, biadap, kurang ajar, nakal,
ceroboh, suka melawan, bangkang. Hapantunon maradopon dongan ido
mula ni pardonganon, mangolu jala siat manang tudia pe, alai molo tois do
pangalaho hamusuon ma na ro.
Dipaingot si Daud do situasi ni ngoluna marhite tangiang tu Jahowa
na sedang mangadopi tantangan hebat sian angka musuna. Alai dang mabiar
ibana ala dihaporseai rohana do adong Jahowa mandongani ibana. Situasi on
paingothon upa ni haporseaon na mangolu na pargogoan ni Debata ibana
mandalanhon ngoluna. Dang pasombuonna naposoNa mangula sandiri
mangadopi sumbia ni hamusuon i. Turpuk on paingothon hita songon na
tarsurat di bibel i na mandok: “Onpe, aha ma dohononta disi? Molo Debata
donganta, ise ma alonta? (Roma 8: 31).
Tujuan utama di turpuk on ima ayat 12 dohot 13 i do : “Sai marlas ni
roha ma sude angka na marhaposan tu Ho, sai marendei ma nasida ro di
salelenglelengna ala ni ondinganmu nasida, sai marolopolop ma mida Ho
angka na holong roha di goarmu. Ai Ho do, ale Jahowa, mamasumasu na
tigor marroha i, songon lombulombu do dihaliangkon Ho asi ni rohami tu
ibana”. Porsea situtu do si Daud di bagabaga ni Jahowa na tongtong
mangaramoti huhut marmahani ngoluna. Na sintong do angka hata ni
Jahowa, songon perak naung nilala di bagasan balanga, pola pitu hali
tinapis. Ho do, ale Jahowa, mangondingi nasida, paluaonmu do ibana sian
halak na sansundut on, ro di salelenglelengna (Psalm 12: 7-8). On ma na sai
patogu rohana asa tongtong marsihohot jala marpos ni roha holan tu
Jahowa. Tung mansai marsihohot do roha arian borngin, “Sogot ma, ale
Jahowa, tangihon soarangku, sogot do ahu marhobas manopot Ho, jala
manatapnatap ahu. Ai ndang lomo roham mida hageduhon, ale Debata, jala
ndang tarsorang na geduk marroha i Ho (Psalm.5:4-5). Na porlu
siparrohahononta ia bagabaga ni Jahowa ndada tu angka na marhageduhon,
holan tu angka na sintong marroha do i. “Ndang manahan angka na
ginjang marroha maradophon pamerengmu, dihosom roham do nasa
siulahon na so uhum. Matua diago Ho do, ale Jahowa, angka sidon gabus,
jala dihagigihon roham do halak angka na tumahi mudar dohot
sipaotooto..” (Psalm.5:5b-7). Padohan on dipagomos muse di ayat 12 i: “Sai
marlas ni roha ma sude angka na marhaposan tu Ho, sai marendei ma nasida
ro di salelenglelengna ala ni ondinganmu nasida, sai marolopolop ma mida
Ho angka na holong roha di goarmu”.
Di konteks haporseaon ni halak Kristen, orang benar adalah orang
percaya yang dibenarkan karena iman kepada Tuhan Yesus Kristus, ia halak
na marhaposan (Orang benar) ima angka na patujolohon hasintongan
(kejujuran), hatigoran (keadilan), tigor marroha (kelurusan hati) jala ndang
margabus diadopan ni Jahowa. Halak na sintong marroha ima partigor roha,
ualonna pe tigor. Aangka i do na dapot asi ni roha jala tarpasupasu jala na
ondingan ni Jahowa.
Sai na pasupasuon ni Jahowa do angka na porsea i, jala malua sian
uhuman. Jala bagas ni angka naporsea ipe sai na suksuk pasupasu na so ra
suda. Poda 3:33-35, didok: “Ai marbiasbias do Jahowa mida halak na
geduk, alai rosu do Ibana tu halak partigor. Manginona do torutoru ni
Jahowa tu jabu ni parjahat, alai dipasupasu do ianggo undungundung ni
halak partigor. Ibana marengkelengkelihon halak pangelesi, alai dilehon do
asi ni roha anggo tu halak na unduk marroha. Hamuliaon do teanon ni
halak na bisuk sogot, alai luahonon ni haurahon do halak na oto i.” Sian on
ma taboto mandao do uhum sian angka na porsea. Apostel paulus pe doras
do paingothon bahwa sai na paluaonna do angka na porsea i ndada sian
gogo ni pambahenanna, alai sian asi ni roha ni Debata, didok : Gabe
dipintori do nasida dalan basabasa binahen ni asi ni rohana hinorhon ni
panobusion na di bagasan Kristus Jesus. Alasanna ndang margogo jolma
patigorhon dirina di adopan ni Jahowa, ai dang adong haluaon ni jolma sian
dirina sandiri. Alai martua ma ganup artigor di adopan ni Jahowa, ai jahowa
dibahen ngoluna. Martua ma angka na tigor roha ai sai asian ni Jahowa do
ibana, jala nasida do nampuna harajaon banua ginjang.
Keadaan marlas ni roha ndada bersifat partisis, olo mengkel nang pe
holan diduru, ni roha otomatis sikap dohot gejolak hati sintong pataridahon
ngolu ba marolopolop. Marlas ni roha ndada bersifat marsanggasangga,
marbagi di tingki, situasi dohot inganan, manang didia jala sadihari pe
tongma mian gejolak ni roha ni na marolopolop, ala hot jala manontong
mian Jahowa di ngoluna. Molo tahubunghon do haporseaon tu upa marlas ni
roha na menyangkut do i tu panandaion na sintong tu Jahowa. Ndang boi
longa, ingkon jelas. Ndang boi lomos manang leas, ingkon tepat do antong
hapeahan ni haporseaon i. Adong sada kisah na songon i:
 Adong ma sahalak na manjual hodana, didok ma tu sahalak panuhor:
Pajadi ma amang, asa diboto amang on kuda spesial do on, dang dapot
manang didia pe songon on mantapna, ba pokokna spesial ma”, ninna
Ibana tu panuhor i (atik pe i malona martigatiga asa intor langku). Bereng
amang ma da, nunga hulatik hoda on gabe hoda kristen. Hampir
tersinggung calon panuhor i ala didok hoda kristen: aha tung hamuma, bea
do dohot hoda sarupahononmu tu parugamo? “hoda kristen ?” ninna
panuhor i, ala masibotoan nasida sarupa marugamo Kristen. “on ma nian
hamu, bereng ma, jala nangkok ma hamu, molo naeng mardalan hoda on ba
tinggal mandok “Puji Tuhan” mardalan ma hoda on, molo naeng so do
tinggal dok “Haleluya” intor so do i. Nangkok ma amang. Simpul
dipatorang nampuna hoda on, na sai penasaran si panuhor. Dinangkohi ma
hoda i, huhut las rohana apalagi uju didok ibana “Puji Tuhan” mardalan
hoda on, didok ibana “halleluya” so hoda, songon i ma dibaen ibana sampe
pola hurang lobi satonga jam. Aman. Ujungna tarida do las ni rohana, saut
ma dituhor ibana hoda on. Sai semangat ma ibana manangkohi hoda on sai
dipandok ibana“Puji Tuhan” sai dinunuti hoda on mardalan diboan mulak
tu hutana. “Haleluya..”ninna so hodana on. Hape ala ni las ni roha na do
nian di dalan i gabe sai marendei ibana “Puji Tuhan…. Puji Tuhan….Puji
Tuhan..” torus mardalan hodana on. Ehh.. alai dang sadar ibana na adong
dijolona lombang, gabe songgot ma rohana mardongan panik, sai digorai
ibana gogo soaran, “eh…eh..eh berhenti…..so jo…stop….stop…. nga pas di
bibir ni lombang i, tong sai mardalan hoda on. Na untung intor sadar ibana,
Oh…tahe, kodena: “Haleluya” intor so ma antong hoda on, alai nunga
mattak tarontok ibana, bohi na pe nunga mamontar huhut keringat dingin.
Minggu on digoari minggu Letare na marlapatan marlas ni roha ma
hamu (bersukacitalah senantiasa). Minggu Laetare berlangsung tepat 21 ari
andorang Minggu Paskah, antara 1 Maret dan 4 April, di mana kejadian
pada bulan April dianggap tidak biasa. Parpudi sahali Minggu Laetare
dipatupa di bulan April ima 3 April 2011.

Pdt. Saidon Ambarita, STh

Praeses HKI Daerah III Toba Samosir
MINGGU LETARE
19 MARET 2023
Ev: Johannes 9 : 35-41

Marlas Ni Roha Ala Porsea

 Marnida do nian alai dang marroha, hira ima kondisi na masa di
turpuk on. Torop do nang nuaeng masa songon on. Mata pardagingonna
marnida alai ango tondina ndang marnida, ala mate do haporseaonna.
Dipabali angka natorop i halak Jahudi dohot angka siboto surat na
paihutihut Jesus do sahalak na mapitung na masihol manjanghon
hamamalum sian Jesus. Dampak ni ketidakjujuran i dohot pangiburuon na
sai balga gabe so diantusi nasida be tujuan ni na mangihuthon Jesus.
Dilabeli nasida do dirina songon parmahan na denggan jala daulat roha alai
mago anggo birubiruna.
Dibuhai do turpuk on sian pangajarion ni Jesus bagas ni sogo ni roha
ni halak Farise marnida Jesus. Topet di ari Sabat tongon diungka Jesus
simalolong ni sahalak na mapitung marhite gambo. Laos gambo ima
dibahen nasida manungkun Jesus, hira na mandok: laos gambo ma baenon
laho pamalumhon na marsahit? Dia dalanni gambo baenon tu mata. Cari
alasan, hanya untuk berdebat. Ala so tarjalona Jesus. Beama carana on gabe
halak ni Debata Ibana? Dang soal setuju manang so setuju nasida, alai boi
nihilala ala ni sogo ni rohana do. Masa ma peredebatan hatiha i antara
kelompok Farise dohot angka na mangihuthon Jesus, pola pasang
perdebatan i.
Adong do pemahaman di halak Jahudi molo na mapitung tubu
dianggab gabe dosa na balga. Ai gabe mabiar do natorasna marnida halak
Jahudi (22), gabe mardos ni roha ma angka Jahudi ingkon pabalionna sian
huria, tarlumobi angka na mamparhatopothon Kristus. Gabe sai dibulli
nasida do na mapitung i mandok: “Pasangap ma Debata! Huboto hami do,
pardosa Halak i”. Pandohan on seolaholah na umbadiaan nasida sian na
mapitung i, seakan memaksa asa unang dibela na mapitung i Jesus. Gabe
dibege jala dialusi Jesus do perdebatan nasida i huhut ma dibela na
mapitung i. On ma keadaan na jotjot didok: lempar batu sembunyi tangan.
Manutupi hahuranganna, dibulli donganna. Mandok parmahan na denggan
nasida didirina, alai dipabali do angka birubiruna. Sarupa ma i tu torop masa
na parpudion, manutupi dosana, pola dibunu ajudanna. So mararga dibahen
ulaonna nang mudar ni jolma i asa unang diboto jalak na ibana do sumber ni
dosa i, diumpanhon ma donganna.
Torangna dipatandahon Jesus ma diriNa Anak ni jolma i (Dan. 7:13).
Gabe lam bagasma panandaion ni na mapitung i taringot tu Jesus. Andorang
so jumpang nunga diboto ibana ai panurirang do Jesus (ay. 17), dungi didok
muse “na sinuru ni Jahowa” (ay. 33). Di turpuk on dipatuduhon Jesus ma
diriNa “anak ni Jolma(ay. 35-37). Pembelaan ni Jesus on ma mambahen na
mapitung on lam tang mananda Jesus. Nian dang piga halak na boi songon
pengalaman ni ibana. Justru godangan dope namananda Jesus holan sebatas
ala hinaringkotna, so tuk marnida tujuan ni Jesus ro paluahon ibana. So tuk
haporseaonna porsea boasa pola ro Jesus dilehon kesempatan boi jumpang
dohot Jesus. Alasanna alan holan sian pingkiran dohot panghilalaanna
dibahen landasan ni ngoluna mananda Jesus. Gabe sai dipakoras ma rohana
ndang tarjalo rohana Jesus. Sai ditulak ibana do haroro ni Jesus sipalua i.
Bahkan masuk tu horong ni halak Jahudi dohot Farise na semakin
manghasogohon Jesus, gabe diambati haporseaonna jonok tu haluaon i.
Nian boi doi alasan i, dang adong na hot parrohaon di portibion, na deba
lam dipajonok alai lam torop muse na manghasogohon, bahkan lam dipadao
dirina sian haluaonna, manghasogohon Jesus. Alai ganup na girgir ro u
Jesus sai na mangolu do ibana mananda haluaon i. Tauji ma, makin
berlimpah, lam gok holong, lam gok do hamonangona maralohon musuna
termasuk sumbia ni sibolis dohot dosa i. Songon i do huria i, molo lam
torop ruas i na benar benar ro tu Jesus lam tangkas panandaionna tontu
hadameon, haluaon dohot mantak pasupasu ma na ro. Mura ma las ni roha i
martubuan. Alai molo pola sadeba mangalului Jesus masihol di haluaon, na
debana i mangambati, manghasogohon Jesus tontu maolma tubu olopolop,
maol ma sahat haluaon i. Tangkas do disungkun Jesus na mapitung i,
mandok:”na porsea do ho di anak ni jolma i?”. Mulana i, dang dope jelas
panandaion i, gabe dialusi: “Ai ise do i, Tuhan, asa huhaporseai ibana”.
Dungi dipagomos Jesus ma roha ni na mapitung i mandok: “Na niidam, na
mangkatai dohot ho, I ma Ibana.
Sian kalimat on nian dang apala dipatorang posisi respek ni na
mapitung on. Ala na pasti intor dibalos ibana do gomos Jesus patuduhon
haporseaonna: Na porsea do ahu, ale Tuhan! Laos disomba ma Jesus.
Pandohan on rupani patuduhon respek ni na mapitung on na tung gomos do
las nirohana, intor dipatuduhon ibana do bukti ni haporseaonna. Berbeda
sian na torop i, sai dipaihutihut Jesus, sai olo mandok parmahan na denggan,
sai ringgas mandok porsea jala mananda Jesus alai dang tarida rupani ‘Bukti
ni haporseaonna’. Godangan ma i holan mandok, hape dang disosoi rohana,
ngoluna ro manghaol Jesus.
Aha do huroa jala songon dia do hataridaan ni na mananda Jesus?
Sungkup do holan mandok porsea alai dang rela mangihuthon? Hatiha
dapotan asiasi songon i ma las ni rohana, alai hatiha dang jumpa na dirohana
gabe mandao gabe adong muse na manguhumi Jesus. Sikap ni Jesus
mandok diriNa Anak ni jolma asa mura do jolma menyesuaikan diri, unang
sai adong keraguraguan. Hape, bayanghon ma, lam dipatutoru Jesus diriNa
gabe jolma asa malua jolma angka pardosa, hape jolma sandiri gariada lam
mandao. Loas on ma sa alasan ni halak Jahudi dohot Farise manghasogohon
Jesus, dang tarjalona hadirion ni Sipalua i ro marhite toruk ni roha. Jesus
ima Anak ni jolma, alai na badia do Ibana naung manotophon landasan ni
portibion huhut gabe panguhum ni portibion. Bahkan uhumanna do saluhut
angka raja dohot petinggi petinggi ni portibion. Sisoada do halak Jahudi
dohot Farise pola sahat tu naeng manguhumi Jesus (membulli). Justru
nasida do siuhuman ni Jesus. Laos ro ibana laho paluaon angka na gale na
marsahit. Sian toruk ni roha dohot holong do ibana mandapothon na
mapitung i gok asi ni roha. Ganup na manghilala dosana, angka na mangopu
berhak do i dapotan joujou ni Jesus na ro tu Ibana. Sebalikna sai na
uhumanna do angka na so olo ro i hinorhon ni ginjang niroha na gabe musu
ni angka na porsea, na so olo muba.
Hamubaon ni roha ni na maoitung i do mamboan ibana malum jala
dapotan las ni roha. Ai boi ibana jumpang dohot raja ni Hamalumon i.
Resorasi pikiran, cara pandang, intor dihaol ibana do Jesus, gabe siihuthon
Jesus ibana. Awalna na mapitung alai rohana marnida do di Jesus. Ndada
holan simalolong dipamalum alai dohot do rohana dipangolu. Roha na
marnida ima haimbaruon na umbalga jala nyata. Porsea do ibana di Anak ni
jolma i ima Sipalua. Petunjuk ma i ai torop dope jolma simalolong ni
pamatangna na marnida alai rohana dang mangolu. Sangat beresiko do roha
na songon i. Naeng idaonna jala naeng malum, naeng paluaona alai dang
diungkap rohana jala dang dilehon rohana tu Jesus, dang dilului rohana
haluaonna. Tu angka halak na magopu, na mago, na mmapitung do ro Jesus
i. Sian on taida na gagal do halak Farise dohot Jahudi marnida holong ni
Jesus i. Ndang diboto nasida na ro Jesus tu angka na lilu na masihol
jumpang dohot Ibana. Daniel 7 dohot Psalm 2 didok na marhuaso do Anak
ni Jolma i mangalehon hamalumon dohot haluaobe sidegedegean ni patna.
Dilehon Jesus do tu angka na porsea tu Ibana roha na marnida jala sadar ala
ni dosana na sai laon gabe sundat ibana pajumpang dohot Jesus haluaon i.
Istilah dosa dison disejajarhon dohot kebutaan, kebutaan mata partondion
lumobi. Sadar na holan Jesus do na tuk pamalumhon simalolongna, ndada
holan sebatas simalolong ni dagingna, naumbalga pamaluhon simalolong
partondionna, ima roha na magopu na sai laon. Gabe marnida do angka na
mapitung, na sadar botul mangharinghothon haroro ni Jesus.
Terkadang olo do jumpang hita dongan na so barani marsaor dong
donganna jolma ala perbedaan status sosial, ekonomi, kedudukan bahkan
jabatan. Dibagasanna adong ma i hinorhon ni perbedaan agama dohot
marga, gabe so sarobang gabe so saulaon. Artina nunga tung maol situtu
tubu las ni roha di angka punguan sisongon i. Hape dia ma? Hatiha molo so
disadari jolma i perbedaan status i, gabe tarsirang do nasida sian holong ni
Jesus, gabe mardosa ma nasida, ai so marroha. Ai so marnida simalolong
partondionna nang pe marnida simalolong pardagingonna. Artina dang
adong be holong molo so adong roha. Ai mapitung do tutu panghilalaanna,
dang sadar Jesus do na ringkot di ngoluna, maila ibana pajumpang dohot
Jesus ala umbiar mida angka pengaruh ni angka raja dohot petinggi ni
portibion.
Torop dope di pudian ni ari on na mangambati donganna (dibulli) na ro
tu Jesus, gabe penghambat keselamatan. Kebutaan rohani ma goarni on
na gagal marnida hamuliaon ni Kristus i, gagal mangantusi dalan
hasintongan jala na badia, ala nafsu jala holan pingkiranna dibahen
mananda haluaon i. Gok pamaloson, kelicikan dohot parmainanon
(skenario). Ndang ditanda ibana na Tuhan i do tujuan ni ngoluna,
hape sai dipajolo egoisna dohot pandanganna dibahen memahami
Jesus. Sai manontong ma ibana mian di hadosaon. Sotung ma hita
mangantusi na marlaok dosa alai dang tatanda hadirionta na
marhagaleon, dang tau hita na ringkot di haluaon, ai sai saguru di
dirionta hita mareoteot. Gabe sai tading hita di habusukon dohot
kecemaran, hape sai songon na mengemis. Coba ubah mindsetnya dulu
bukan apa yang kita mau, melaluinkan pikirkan, kejarlah apa yang
Tuhan mau, itu baru OK. Ganup na porsea boi do taarahon
manghangoluhon BE no. 182 ay 3 i na mandok: ” ... Kristen au,
hape hutondong, dalan hamagoan i . Ndanga dong perubahan, ndang
hamubaon, kan nga susa be. Ummansit dope angka halak sisongon i,
nga mapitung simalolong ni dagingna alai laos mapitung muse
simalolong ni rohana. Parah. Taingot ma tong: “Angka na mariluilu laho
manabur, marolopolop do sogot laho manggotil. Mardalandalan pe ibana
huhut tangis pausungusung boni sisaburhononhon, ro do ibana sogot
marolopolop mangusung angka tibalanna. (Psalm 126:5-6)
Boi do tapatudos tu hamamalum ni sahalak ina na mangendehon
BE 431: Adong na jolo sada ina naro tu Jesus i, Di jama rambu ni
ulosna, tung pintor malum I. Gomos ma tangkup Ibana, gomos haposi
i, Malum dohot tondimi di bahen Jesus i. Barani ho sai ro jumonok tu
Jesus Tuhanmi, Paboa ma sude na hansit, sudena sahaitmi
Gomos ma tangkup Ibana, gomos haposi i, Malum dohot tondimi di
bahen Jesus i. Cara pandang yang benar, diihot dohot kesadaran
perubahan, mananda Jesus dohot sikap perbuatan yang benar pula,
intor dihalaputi. Intor malum ma tutu. Sai unang ma adong sian hita
songon horong ni halak Farise dohot Jahudi,na gabe penghambat di
haroro ni jolma i tu Jesus. Bahkan na sai olo mambulli molo lam
ringgas donganna mandohoti ulaon partondion. Na lumea sian na lea
do anggo jolma sisongon i. Mengemis di haluaon i jala ditanda do
Jesus alai gabe mangiburu molo ro rap dohot nasida kelompok na
berbeda status dohot nasida. Gabe dang manghorhon hamamalum. Ai
rope haluaon i holan tu angka na ro tu Jesus do i na ro sian roha na
magopu, tertekan alai huhut sadar di hagaleonna. Jala ingkon tau ibana
dang adong haluaonna dina asing so holan dibahasan Jesus.
Sebalikna, songon dia do sikapta songon na porsea molo taida sai
adong dongan na dikucilhon ala perbedaan status? Adong do pandohan
: “There is not a more dangerous plague than when pride stops our
ears, so that we do not deign to hear those who warn us for our profit;
and it frequently happens that God purposely selects vile and
worthless persons to instruct and warn us, in order to subdue our
pride". Lapatanna : Tidak ada wabah/penyakit yang lebih berbahaya
dari pada pada waktu kesombongan menutup telinga kita, sehingga
kita tidak berkenan mendengar mereka yang memperingatkan kita
demi kebaikan/keuntungan kita, dan sering terjadi bahwa Allah secara
sengaja memilih orang-orang yang hina dan tak berharga untuk
mengajar dan memperingatkan kita, dengan tujuan untuk
menundukkan kesombongan kita.
Beha ma tutu padomuhon na berbeda status, apalagi songon dia
ma caranta mambege poda/sipaingot manang parguruan sian
status/levelta na tumoru sian hita. Yakin tung na maol situtu do i. Alai
naeng patuduhonon ni Jesus tu hita bukti ni holong i, ndang tarihot
ibana tu status dohot level ni jolma i. Sandok tu angka na magopu na
ro tu ibana do. Unang ma songon halak Farise i hita gabe sai tadok
donganta rendahan, gabe sai monang di pandohan hape dang tarida di
bukti ni holongta. Nian nunga atar tumorop halak na bahkan berlomba
menang debat alai dang monang patuduhon bukti ni holongna. Selesai
ma, asa boi marlas ni roha, pagomos ma haporseaonta Jesus alai
tumangka ma tatanda ibana haluaon i.Unang be sai menganggab
tumoru dongan mi, alai bersediama gabe dalan haluaon songon Jesus,
songon tanda ni minggunta sadarion, Letare na marlapatan marlas ni
roha. Amen

Pdt. Saidon Ambarita, STh

Praeses HKI Daerah III Toba Samosir

MINGGU JUDIKA
26 MARET 2023
Ep :Ulaon Ni Apostel 6 : 1 – 7

Ulahon Ma Hatigoran Dohot Hasintongan

I. Patujolo
 Buku Ulaon Ni Apostel digurithon sahalak na margoar si Lukas, jala
ibana do tong na manggurithon evangelium Lukas. Buku on mulana
ditujuhon tu sahalak non-Jahudi na porsea tu Jesus na margoar Theofilus
(1:1). Siala hatihai gok angka injil palsu na naeng papeolhon hasintongan ni
barita ni Tuhan Jesus. Lukas sandiri sahalak non-Jahudi jala holan sasada
ibana ma sahalak non-Jahudi na gabe panurat di buku na badiai. Ia si Lukas
sahalak tabib manang dokter, jala ibana gabe sisean ni apostel Paulus dohot
apostel Petrus. Tontu angka aposteli do sumber parbinotoan ni si Lukas
taringot tu barita ni Tuhan Jesus (Kol 4:14). Buku on marisi 28 bindu jala
adong 1007 ayat, digurithon hira-hira taon 63 Masehi di Rom, jala ondolan
ni buku on ima: Barita nauli ima huaso ni Tondi Porbadia na patupahon
hararat ni barita hasintongani.

II. Hatorangan Ni Turpuk

Somal do molo otik dope punguan i otik ma angka parsalisihan, alai
molo lam torop bilangan ni anggota ni punguan lam balga ma potensi
parsalisihan. Songoni ma na masa dipardalanan ni huria diparmulaani. Dung
martamba torop bilangan ni sisean i jadi masa ma parungut-ungutan ni halak
Junani dompak halak Heber, siala dihilala nasida hurang perhatian ni Huria i
tu angka parompuan na mabalu sian halak Junani. Hata marungut-ungut di
hata gorik ima γογγυσμος (gongusmos, grumbling) marlapatan menyatakan
sikap dibagasan menggerutu. Artina, hata marungut-ungut dison ndada
patoranghon tindakan paroaroahon jolma, alai pernyataan sikap ni halak
awam tu angka uluanna siala dihilala nasida adong ketidak-adilan. Sahat ma
barita i tu apostel na sapuluduai, jadi diparia angka aposteli ma sandok
punguan Huriai. Na menarik diangkui angka apostel i do hahurangan nasida
di na hurang perhatian tu angka parompuan na mabalu sian ruas halak
Junani. Tontu, ndada pola maila angka induk manang uluan molo memang
adong na hurang singkop dipangkobasionna, ndada mangorui sangap i,
gariada lam manamba sangap do i songon naniulahon ni angka aposteli. Jala
molo taparateatehon cara ni aposteli patupahon solusi ndada marhitehite
otoritas tunggal, alai marhite-hite paria/mengumpulkan sandok ruas i.
Dihata gorik dipangke hata Προσκαλέο (proskaleo, called), namarlapatan
rap manang marapot, manang sinodos ima bersama-sama. Artina solusi
persoalan ingkon dipatupa dibagasan kebersamaan, ndada dibagasan otoritas
tunggal dipardalanan ni Huriai. Alai hurang pe perhatian ni angka apostel i
di angka ulaon asi-asi, siala torop jala godang angka ulaon pangkobasion ni
angka aposteli. Asai do dipangido angka apostel i, dipillit ma 7 halak na
gabe team khusus tu pangkobasion asi-asi (diakonion/diakonia). Alai
parhalado diakonia i ingkon adong seleksina ima : Denggan baritana, gok
tondi (Yun : plereispneumatos) dohot pantas marroha (Yun : sophias,
wisdom). Dison ma antusanta ingkon lulus standar sian hata ni Tuhani do
angka jolma na tama gabe parhalado ni Debata, ndada siala roha-roha ni
jolma. Jala diondolhon angka apostel i unang be disatoi nasida urusan
praktis ni Huria, alai tu angka ulaon tangiang dohot jamita ma dihapadothon
angka aposteli. Siala dibagasan kebersamaan do dipatupa angka apostel i
dalan laho mambuat haputusan ni solusi, gabe las ma jala lomo ma roha ni
sahuria i. Laos dipillit ma 7 halak parhalado diakonia diparrapoton i ima :
Stephanus, Pilippus, Prokorus, Nikanor, Timon, Parmenas dohot si
Nikolaus. Laos dipajongjong ma angka nasida di jolo ni angka apostel i,
huhut martangiang, jala diampehon tangan tu nasida dalan mangojakhon
nasida. Ala sian sada ni roha do ulaon i dipatupa, tontu gabe mangkorhon
ma i tu hamajuon hararat ni parbaritaan barita nauli, lam ganda situtu ma
angka na porsea di luat Jerusalem, sahat tu angka malim Jahudi pe, gabe gok
na porsea jala mangoloi.

III. Hahonaan Ni Jamita

Goar ni mingguta sadarion ima Judika, na dibuat sian Psalmen 43 : 1
na mandok elohim shaphaten i namarlapatan luluhon au ale Jahowa (God
vindicate me). Jala dihata Latin didok judicum na patoranghon uhum na
sintong. Molo marsiajar hita sian turpuk jamitanta on, boi ma antusan ta,
molo mago manang humurang hasintongan dohot hatigoran di sada –sada
punguan, gabe i do bonsirna masa parungut-ungutan manang parsalisihan.
Alai baliksa, molo hot jala ojak do hasintongan dohot hatigoran di sada-sada
punguan tontu lam dao ma angka parungut-unguton manang parsalisihan.
Alai bangkoni jolma do molo silaf manang humurang di angka
pangkobasionna, gari angka apostel i boi silaf. Molo pe masa angka
nahumurang isarana parungut-ungutan manang parsalisihan, tongtong ma
ingkon dibagasan hasintongan dohot hatigoran mangalului solusi manang
dalan haruarna. Jala mangalului solusi di angka persoalan na dibagasan
hasintongan dohot hatigoran ima dibagasan musyawarah-mufakat, unang
haputuson na marbuni-buni manang otoritas tunggal. Tangkas pinaboa ni
turpuk jamitanta on, molo dapot haputuson dibagasan hasintongan dohot
hatigoran, tontu mangkorhon ma i tu hamajuan nipunguani, lam torop halak
na porsea, lam martamba-tamba bilangan ni angka naporsea. Asai dipangido
turpuk on hita asa dibagasan hasintongan dohot hatigoran ma angka ulaonta
asa masa hamajuon di ngolunta dohot di tonga-tonga ni Hurianta. Amen.

Pdt. Ewen Josua Silitonga

MINGGU JUDIKA
26 MARET 2023
Evangelium :Hesekiel 45 : 9 – 17

Ulahon Ma Hatigoran Dohot Hasintongan

I. Patujolo
Hesekiel marharoroan sian hata heber yekhezqe’l na marlapatan
Debata na mampargogoi. Hesekiel sandiri anak ni sahalak malim na tading
jala mangkobasi di Jerusalem (1:3). Si Hesekiel dohot do tarbuang tu Babel
rap dohot panurirang Daniel (Dan 9:2). Di Babel, Hesekiel ditanda natorop,
jolma ni Debata na manurirangi (14:14, 28:3). Mangoli do si Hesekiel
songon halak Jahudi na asing na dihabuangan, na maringanan di topi sunge
Kebar (1:1, 3:15-24, bnd. Psal 137:1). Jala panjouonna gabe panurirang
dijalo ibana hatiha ditano habuangan Babel do di sunge kebar. Buku
Hesekiel marisi 48 bindu jala adong 1273 ayat. Diperkirahon digurithon
hira-hira taon 590-570 sM di Jehuda dohot di Babel. Jala ondolan ni buku
Hesekiel ima: Panguhuman jala hamuliaon ni Debata, rimas jala holong ni
Debata.

II. Hatorangan Ni Turpuk

Adong piga-piga hal naboi ni sagi dibagasan turpuk jamitanta di minggu on,
ima :
I. Tangung-Jawab Tohonan Ni Angka Induk (ay 9)
Turpuk on secara khusus tu angka induk, molo dihata heber
dipangke hata nesie yisrael na marlapatan pangeran Israel (princes of
Israel). Jadi hata nesie manang induk patoranghon huaso manang tohonan
na adong di sasahalak jolma laho mangatur angka na di toruna. Jotjot
diulahon angka induk uhum manang penyalah-gunaan kekuasaan. Didok
Debata dihata heber ‫( ַר ב־‬rab, enough) na marlapatan paholang ma angka
ulaon si songoni. Molo tarajumi tahe, tohonan induk marharoroan sian
Debata do, alai boasa parulaonna justru pataridahon parange haportibion
isarana pangarupaon dohot hamagoan, boasa dipangke tohonan induk i gabe
manosak, mangonjar angka bangso ni Debata sian partalianna. Turpuk on
mangido ingkon adong ma reformasi diangka ulaon ni induk tu
hasintonganna ima mangulahon uhum (Ibr:tsedaqah) dohot hatigoran (Ibr :
mishpat).
Sintong Ma Angka Timbangan Pelean Muna (10-17)
Ia dihalak Israel dimasa Heskiel sistem pelean tu Debata ima
parsampuluan, jala aturan i diulahon malim di bagas joro dibagasan
legatimasi ni angka induk harajaon Israel. Artina ndada holan hepeng na
gabe pelean ni halak Jahudi kuno di bagas joro, dipasahat do eme, miak,
anak ni birubiru, na gabe pelean situtungon, pelean pardosaon, pelean
hamulitaeon, pelean pardengganan. Molo angka induk nunga papeol uhum,
tontu ditoruna pe ingkon lam peol do. Asa i do reformasi i ingkon parjolo do
masa sian ginjang dungi mangihut ma tutoru. Diulaon bagas joro pe nunga
dang sintong be angka timbangan, ampang (efa) dohot poting (bat). Molo
bat dohot efa ima satuan ukuran ni halak Heber kuno, na dipangke tu miak
manang gandum, sada bat manang efa dos tu 36 liter. Jala adong muse
ukuran na asing ima sada mas (syikal), ringgit (gera), dohot tail (mina). Di
halak Heber kuno sada mas (syikal) ima alat ukur timbangan, sada syikal
(mas) ima 11,4 gram. Molo tail manang mina ima alat ukur mata uang halak
Heber kuno na dos argana tu dinar, molo di zaman Jesus upa ni jolma
parkarejo harian saleleng 100 ari ima 100 mina manang dinar, berarti upa
karejo sadari ima 1 mina manang dinar (bnd. Luk 19:13). Artina, nunga
jotjot masa angka timbangan na manipu hatiha i di Israel sahat tu angka
timbangan pasahathon ragam pelean tu Debata di bagas joro i. Asai do di
turpuk on diulahi Debata muse paturehon angka pelean ni bangso i naung
somal margabus bangso i diangka peleanna.
III. Hahonaan Ni Jamita
Goar ni minggunta sadarion ima Judika, na dibuat sian Psalmen43:1
na mandok elohim shaphaten i na marlapatan luluhon au ale Jahowa (God
vindicate me). Jala dihata Latin didok judicum napatoranghon uhum na
sintong. Adong pandohan hata Batak na mandok: ‘Molo litok aek ditoruan,
tingkiron ma tu julu. Arti ni pandohan i patoranghon adong penyebab
utama di angka na masa, molo dipature masalah sian penyebab utama gabe
tio ma saluhutna. Ahama penyebab utama? Ima ulaon partondion ni jolma.
Molo nunga litok spritualitas ni jolma i, mangkorhon ma i tu halitokon di
sude parulaonna, mulai sian parumah -tanggaon, pansarian ni ngolu si ganup
ari, sahat tu angka parsaoran paralealeon, gok gabus. Dos do i songon
hansitan ipon; olo do mangontak hansitna sahat tu simanjujung jala olo gabe
demam. Dang na malum sahiti molo na ta inum obat hansit ulu manang
demam, alai holan ta inum obat hansit ipon tor malum do sude sahit i nang
ulu manang demam. Suang songoni ma, molo nunga ture partondionta,
nunga somal ta ulahon tsedeq (hatigoran) dohot mishpat (hasintongan)
dipartondionta, mangkorhon gabe sintong ma sude parulaonta siganup ari.
Amen.
Pdt. Ewen Josua Silitonga

MINGGU PALMARUM
2 APRIL 2023
Evangelium: Markus 11:1-1

Hosianna Ma Diginjang Ni Ginjangan

I. Patujolo
Somalna do molo ro sada raja manang panggomgomi disada negara
manang hata nuaeng didok ma i presiden. Molo ro sada presiden tu sada
luat manang sada daerah marragam do akka acara dipatupa akka kepala
daerah dohot akka masyarakat laho manomu-nomu presiden na naeng roi.
Adong mai berupa tor-tor manang tari-tarian ni budaya na adong di luat i
dohot akka naasing dope sai dipatupa doi laho manomu-nomu presiden
manang akka kepala pemerintahan naasing pe. Jala diturpuk on pe boi do
idaonta paboa na adong do upaya na pinatupa ni akka jolma laho manomu-
nomu haroro ni Jesus tu kota Jerusalem. Ditomu-tomu nasida Jesus layakna
songon sada raja. Diatihai, manghirim do rohani halak Israel di haroro ni
sahalak raja na boi paluahon nasida sian akka parukilon manang penindasan
na niae ni nasida. Jala dirajumi nasida Jesus ma raja na boi paluahon nasida.
Diparhatutu nasida pengajaran ni Jesus sangat luar biasa, jala diparhatutu
nasida do Jesus memiliki kemampuan na sangat luar biasa, na boi patupahon
halongangan. Diturpuk on boi do idaonta lasniroha ni akka natorop i na
manomu-nomu haroroni Jesus. Alai nadihirim ni bangsoi dang sesuai dohot
maksud dan tujuan ni Jesus i. ai dianggap nasida Jesus gabe sahalak raja na
manggomgomi/ memerintah nasida. Hape ianggo harajaon ni Jesus dang
songon harajaon ni akka raja-raja na diportibion. Jesus ima raja diatas ni
saluhut raja, harajaonna meliputi saluhut na diportibion.
II. Hatorangan Ni Turpuk
Dung jonok Jesus dohot akka sisean-Na di Jesrusalem, di suru
Jesusma dua halak sisean-Na laho tu sosor nadi jolonai jala dapot nasida ma
sada anak ni halode naso dung dope hinundulan. Di hatiai halode on
dipakke do gabe alat transportasi. Dungi diulahon sisean-Na i ma hombar tu
na didok ni Jesus, jala diboan nasida ma halode i tu Jesus. Jala diampehon
nasida ma ulos nasida tu atasna jadi marsihundulma Jesus disi. Songon
sahalak raja dang hoda dipakke Jesus alai halode do. Onma penggenapan ni
nubuatan nabi Zakaria (Zak. 9:9). Ia hoda ima simbol sian akka hagogoon
manang keperkasaan na gogo laho marporang (bnd. Yes 31: 1; 1 Raj. 4:26).
Alai Tuhan Jesus memilih halode do nalaho pakkeonna. Selain laho
menggenaphon na nidok ni nabi, sasintong na Tuhan Jesus naeng mandok tu
akka saluhut jolma na manomu-nomu ibana, paboa Ibana ma Mesias alai
dang Mesias na nidok mananng na nihirim ni bangso Israel. Tuhan Jesus
dang na laho memimpin bangso i laho mangulahon parporangan dohot laho
mangalele penjajah sian tano Israel. Alai Ibana ro laho mangalehon haluaon
tu akka jolma dohot laho padamehon akka jolmai dohot Debata.
Adong do piga-piga Ahli na mandok halak Israel biasa mamakke
akka bulung rata sian ladang (daun palem) dibagas joro ni Debata di tikki
perayaan pondok daun, jala nungnga diparade nasida hian i di bagas nasida
be, dungi ditikki pajumpang nasida dohot Jesus dipakke nasida ma i
manomu-nomu haroroni Jesus. Dipatupa nasida songoni ima songon sada
tanda penghormatan ni nasida tu halak na monang manang manomu-nomu
pahlawan perang na mulak sian parporangan. Jala dang holan i, torop do
halak na pahembangkon ulos nasida di dalan na naeng si bouluson ni Jesus.
Ditumu-tomu akka natorop i do haroroni Jesus songon sahalak raja na
mulak mamboan hamonangan. Tuhan Jesus memiliki misi naumbalga sian
na sekedar na paluahon bangso Israel sian akka penjajahan. Jala Tuhan Jesus
dang holan na laho paluahon bangso Israel alai laho paluahon akka jolmai
do sian gomgoman ni dosa. Dinalaho mandalanthon misi I pola ikkon mate
ibana di hau silang i, ikkon hassit ae on-Na humokkop akka jolmai. Boi do
bayangkononta songondia lungun ni roha ni Jesus di panomu-nomuonni
akka bangsoi na tung mansai meriah, alai dang diattusi nasida nadihirim
nasida marbalik do sian maksud ni Debata. Ia Tuhan Jesus ikkon mate do di
hau silang i.

III. Panimpuli
Marhite-hite turpuk on boido idaonta songonida balga ni holong ni
Debata tu hita akka natinoppana. Pola do di patutoru Debata dirina jala
dilehon anakna na sasadai laho manobus hita akka pardosai sian hamatean i.
Ai na mate do hita alani akka dosatta, alani dosattai mate ma hubunganta tu
Debata na manoppa hita, dohot na mangalehon hangoluan dihita. Alai ala
balga do holong ni Debata tu hita ido umbahen olo tarsilang Jesus i
humokkop hita. Alani ikkon mandok mauliate do Debata ala holong ni
rohana jala ala naung ditongos do anakna na sasadai laho manobus hita.
Onpe las ma rohatta “Hosianna Ma Diginjang Ni Ginjangan”. Ai nungnga
ro Jesus i mardongan asi dohot holong ni rohana na mamboan hadameon tu
hita, nungnga ro ibana laho paluahon hita ima marhite pengorbanan-Na di
hau silang i. jala nungnga ro Ibana mamboan hamonangan ni partondionta.
Dang marhuaso be akka parjahat i, ai nungnga ro Jesus laho
panjongjonghon harajonna tu portibion. Alani songon balosni holong ni
rohani Debata naung ta jalo di ngolutta, naengma nian hita mangolu di
bagasan hatigoran dohot dohot mangulahon hata-Na. Amen.

MINGGU PALMARUM
2 APRIL 2023
Epistel: Jesaya 50:4-9a

Hosianna Ma Diginjang Ni Ginjangan

I. Patujolo
Ragam do akka namasa dibagsan ngoluttaon, boi do masa akka
silasniroha, jala boido masa akka parukkiloni dibagasan ngolutta
namambahen sipata marukkil hita dibagasan ngoluttaon, sipata tubu do akka
ragam ni tekanan di ngoluttaon na baoi manguji haporseaonta tu Tuhani.
Alani rongkot do dihita laho mandapot pemahaman naimbaru dilaho
menghadapi berbagai bentuk rintangan dan tantangan sehingga boi hita
menghadapi berbagai bentuk tantangan dan rintangan di bagasan hadameon.
Songon Tema ni jamita ta “Hosianna Ma Diginjang Ni Ginjangan”.

II. Hatorangan
Ayat 4-6
Di pasingot Debata bangso Israel nasai holsoan dohot na manalahon
Debata alani akka parukkilon ni nasida di habuangan Babel. Diuhum
Debata nasida ala dang olo nasida mangoloi hata-Na songon naposo ni
Debata naung diutus laho mangulahon lomonirohani Debata. Naposoni
Debata nagagal do ianggo nasida. Marbeda sahali do dohot naposoni Debata
nanidiendehon di turpuk on. Diturpuk on naposoni Debata rela gabe sisean
na taat tu Debata. Tiop hari ibana hundul dibangku sikkola ni Debata laho
marguru tu Debata. Disendengkonkon pinggolna laho manangihon sude
akka pangajarion ni Debata (5).
Dinalaho mangulahon tugas panggilan-Na, dipaunduk do dirina
gabe sisean ni Tuhan. “dila” boi diartihon sebagai “bahasa” manang
“kemampuan laho makkatai” di lehon Tuhan Jahowa “dila sisean”
namarlapatan mai “diajari laho manghatahon aha naung binegena sian
Tuhan” dungi gabe boima mengalehon semangat naimbaru tu akka jolma na
gale dohot tu akka jolma na dibagasan sitaonon. Alai lobi siani, ombagas
siani dope maknana. Akka hata-hata ni naposo ni Tuhan ikkon manegashon
dohot menggarisbawahi hata ni Tuhan na mengampuni dohot na paluahon.
Ido na niigil ni Tuhan sian akka naposo-Na. Ganup ngoluni naposoni Tuhan
ikkon rade laho manorushon hata ni Tuhan naung binegena. Rade
namarlapatan tetap taat dohot setia nangpe akka jolma naasing manolak
barita nauli i (ayat 6).
Tuhan Jesus dinyatahon sebagai Israel sejati, naposo na taat secara
sempurna. “dila sisean” lapatanna Mesias ikkon makkatai songon naung
manjalo hatani Debata laho mangalehon gogo tu akka jolma na gale alani
dosai. Lidahnya tidak akan putus-putus memperkatakan firman Allah agar
dapat menguatkan hati yang kemah dan semangat yang pudar. “ganup
sogot” ima na pataridahon persekutuanna na manontong dohot Amai.
Bahkan ditikki akka jolma nanihobasanna menolak dan menganiaya-Nya.
Tetap do anggo Ibana mandalanton tugas-Na.
Ayat 7-9
 Kata kerja “mangurupi” (ayat 7dohot 9) ima na patuduhon tindakan
ni Debata. Ditonga-tongani parukkilon nabiasa tarbege tangiang laho
mangido pangurupion ni Tuhan. alai di turpuk on dibagasan posniroha do
mandok “sai urupan ni Tuhan Jahowa do au” jala dibagasan posni roha
ibana paimahon haroroni pangurupion sian Tuhan i. Di namanaon akka
parukkilon dohot akka penganiayaan naposo ni Debata dang porlu mabiar
apalagi maila laho manghatahon nasintong ala diboto ibana do bahwa ia
menyatakan kebenaran Allah. jala dihaporaeai ibana do na Debata
namandongani ibana dohot mambela ibana dan membuktikan kebenaran-
Nya.

III. Panimpulion
Marhite-hite sian nats on baoido idaonta songondia Tuhan Jesus
naung pataridahon tu hita ima nubuatan nabi Jesaya dang holan hata-hata,
manang holan sebuah tulisan, manang pengharapan kosong. Sudenai
nungnga digenapi Tuhan Jesus Kristus Tuhan ta na mamboan haluaon tu
ganup jolma na porsea. Songon bangso naporsea tu Jesus ikkon
tahamauliatehon do pertolongan dohot haluaoni dibagasan ngolutta. Alani
dang jadi be hita mabiar dohot ganggu haporseaotta molo tungpe ro akka
ragamni parukkilon dibagasan ngolutta, taingotma sai na dongananni Tuhan
i do hita marhite tondi naung dilehon tu hita ima tondi hagoon laho
mangalugahon ngoluttaon sian ragam gelombang ni akka parukkilon na
masa di ngolutta.

Pdt. Idris Simbolon, S.Th

KAMIS PUTIH
06 APRIL 2023
Epistel: 2 Musa 24 : 1 – 8

“Panghophopion Ni Jesus Kristus Na Paluahon”

IV. SIBONSIRI
Buku Musa Paduahon on marisihon taringot tu ulaon (upacara)
pajongjonghon parpadanan ni Debata dohot bangso Israel. Panurirang Musa
do na mamukka ulaon on marhite-hite na pasahathon sampulu Patik ni
Debata. Jala ulaon on ima ungkapan komitmen sian bangso Israel laho
mangihot sada parpadanan. Tung mansai serep do roha ni Debata jala
lambat tarrimas mida hagaleon dohot dosa ni bangso i. Dilehon do
partingkian na mansai leleng tu bangso Israel laho marhamubaon asa malua
nasida sian dosa huhut gabe bangso na badia. Boha do cara ni bangso Israel
asa manongtong dibagasan habadiaon ni Debata ? Konteks ni turpuk on
adong do ontangan na sian Debata tu bangso Israel laho mandapothon
Jahowa. Dipasahat Debata do asi dohot holong ni rohaNa (Sola Gratia)
marhite-hite parpadanan na pinatupaNa i tu bangso Israel.

V. HATORANGAN
Dipatupa ulaon (upacara) parpadanan ni Debata dohot bangso Israel
ima sada bentuk ulaon secara formal di na laho memateraihon padan naung
dioloi kedua belah pihak. Astuanna, Debata na gabe pihak parjolo ima
naung patuduhon pangaramotionNa tu bangso Israel jala bangso i ima na
gabe pihak kedua naung manghatindanghon paboa na mangoloi nasida di
sude patik ni Debata. Nunga marpadan bangso Israel laho mangulahon patik
ni Debata. Ulaon parpadanan ni Debata dohot bangso Israel dipatupa jala
dipukka marhite-hite na pasahathon mudar sian pelean situtungon dohot
mamotongi lombu bahen angka pelean hamauliateon di Jahowa. Mudar (Ibr:
dim) di Padan Na Robi ima songon gombaran ni hangoluan. Molo halak
Mesopotamia mangalapati ia jolma i ditompa sian mudar ni Debata asa
adong hangoluan. Ido umbahen mudar sian pelean situtungon i dipasahat ma
satonga tu langgatan (representasi ni Jahowa) patandahon hamauliateon ni
nasida ala satia do Debata mangaramoti jala marmudu-mudu pardalanan
parngoluan ni nasida. Jala satonga nai mudar sian pelean situtungon i
dipispishon ma tu bangso Israel dung dihatindanghon nasida ima songon
komitmen di na laho manangihon dohot mangulahon hata ni Debata.
Lapatanna, mudar i ma songon tanda naung dimateraihon parpadanan nasida
rap dohot Debata asa dapotan hangoluan nasida. Dimateraihon lapatanna
nunga diihot bangso Israel dirina dibagasan Hata ni Debata, alai ingkon
dipatuduhon ma i marhite angka ulaon nasida siganup ari maradophon
Debata dohot maradapohon bangso na asing.
Di turpuk on dilehon do tu panurirang Musa sada tugas laho
nangkok tu Dolok Sinai ima di na laho manjalo Loh Batu na marisihon
sampulu patik ni Debata dohot angka aturan nang peraturan taringot tu na
pajongjonghon bagas joro ni Debata. Hata ni Debata tu Panurirang Musa
mandok asa ro nasida mandapothon Jahowa. Ibana rap dohot si Aron,
Nadab, Abihu dohot pitupuluh tua-tua ni Israel parsidohot ditogihon. Alai
ingkon sian na dao do nasida marsomba tu Jahowa ala holan Panurirang
Musa do na boi nangkok jala jumonok mandapothon Jahowa. Alai anggo na
asing na i dang jadi jumonok jala bangso i pe dang jadi nangkok rap dohot
Panurirang Musa. Dung mulak sian Dolok Sinai dipaboa Panurirang Musa
ma tu sandok bangso Israel taringot tu Hata ni Debata dohot sude angka
aturan nang uhum naung dijalo ibana. Dung dipajojor Panurirang Musa Hata
ni Debata dohot sude angka aturan nang uhum, sahata ma bangso i
mangalusi songon naung disurathon di ayat 3 paboa “Sude hata angka na
pinaboa ni Jahowa, sai bahenonnami do”. Pandohan on ma na
membedahon bangso Israel dohot bangso na asing tanda napinillit ni Debata
nasida gabe bangsoNa. Ingkon unduk do nasida tu Hata ni Debata. Adong
dua hali bangso i mandok songoni ima na tarsurat di ayat 7 jala ditambai
nasida do mandok “tangihononnami do”. Didok nasida dua hali pataridahon
tekad nasida do i laho mangulahon hata na nidok ni Debata. Lapatan
pandohan ni bangso Israel paboa dang holan na mangulahon nasida alai
huhut do ditangihon. Manang sebalikna ndada holan manangihon nasida alai
ingkon do mangulahon Hata ni Debata. Sian on boi sada kesimpulan paboa
manangihon dohot mangulahon Hata ni Debata dang boi secara terpisah
manang didok ma sada kesatuan. Adong do tingkina hita manangihon Hata
ni Debata, jala adong do tingkina hita mangulahon Hata ni Debata. Ingkon
taingot ma, molo dang taulahon Hata ni Debata songon alogo na mangulus
sambing do i nang pe tatangihon.
Dung adong alus sian bangso Israel mangoloi Hata ni Debata,
disurathon Panurirang Musa ma sude Hata ni Jahowa, jala dipasogot ma
manogotna i, dipauli ma sada langgatan di bona ni dolok i dohot sampulu
dua tiang parningotan marguru sian na sampulu dua marga ni Israel dohot
maksud asa adong tugu/monumen na gabe tanda parsaoran ni Debata dohot
marga ni Israel. Dungkon ni i, disuru ma angka dolidoli sian halak Israel,
asa dipelehon nasida angka pelean situtungon. Boasa ingkon dolidoli ? Ala
memang dihatiha i dang adong dope jongjong songon sada persekutuan
angka malim. Jala Hata ni Debata do na mandok jala manjou sude bangso i
manjadi harajaon malimmalim dohot gabe bangso na badia.

VI. HAHONAAN
Mudar sian pelean situtungon na pinasahat ni bangso Israel
patandahon naung mardame Debata dohot nasida. Ima songon sada
gombaran di hita halak Kristen angka na porsea paboa mudar ni Kristus di
hau pinorsilang i, ima naung padamehon hita dohot Debata. Haluaon na
pinasahat ni Debata tu hita digonopi ma i marhite-hite Tuhanta Jesus
Kristus. Panghohopion ni Jesus Kristus do naung paluahon hita angka na
porsea marhite mudarna na durus di dolok Golgata. Dipelehon Jesus do
dirina laho manesa angka dosanta jala Debata marhite Jesus Kristus nunga
pasahathon padanNa tu angka na porsea ima pangaramotion dohot
pambahenanNa na burju i. Nuaeng, dijou do hita laho manghatindanghon
hasatiaon dohot haoloonta manangihon huhut mangulahon hataNa. Ingkon
sihol do rohanta laho pasonanghon roha ni Debata marhite-hite haunduhonta
di hataNa mardonganhon Tondi Porbadia. Ido umbahen di halak Kristen
adong ulaon parpadanan na badia, songon sada ulaon na naeng paingothon
paboa na adong do padan ni Debata dohot jolma i marhite-hite na
manganhon roti dohot manginum anggur. Roti dohot anggur ima songon
gombaran daging dohot mudar ni Jesus Kristus. Jadi, molo mangihuthon
ulaon parpadan na badia, ingkon adong do komitmen di hita asa lam tu
satiana huhut patuduhon haoloonta tu Debata tanda naung parjolo hita
manjalo hasatiaon dohot holong na pinatupaNa. Amen

Pdt. Andrian Simbolon, S.Th

Staff Sekretaris Jenderal

KAMIS PUTIH
06 APRIL 2023
Evangelium: Lukas 22 : 14 – 23

Panghophopion Ni Jesus Kristus Na Paluahon

I. SIBONSIRI
Parningotan Kamis Putih ima songon partording ni ulaon Paskah
laho marningot huhut nang mangulahon borngin parpudi mangihuthon
songon naung pinatupa ni Tuhanta Jesus Kristus rap dohot angka sisean uju
di panghobasionNa. Di parningotan Kamis Putih on marningot do hita di
panghophopion ni Jesus Kristus naung paluahon jolma manisia sian dosa.
Ulaon Kamis Putih na pinatupa ni Tuhan Jesus Kristus uju rap dohot angka
apostel ima rap hundul huhut marsipanganon. Ulaon on dipatupa ala sihol ni
rohaNa naeng mangan birubiru Paska rap dohot angka sisean andorang so
songgop dope angka sitaonon tu Ibana jala mate tarpajal Ibana di hau
pinorsilang. Konteks ni turpuk evangelium on ima partingkian ni Tuhan
Jesus Kristus di borngin na parpudi di na naeng mandapothon ari na laho
pasingkophon panghohopionNa i marhite hamamateNa di hau pinorsilang i.

II. HATORANGAN
Di angka ulaon molo dipatupa rap marsipanganon, songon sada
tanda ma i paboa adong na ringkot siingoton manang angka ulaon na ringkot
ma i. Isarana ulaon martading hata, dipatupa do angka na denggan termasuk
rap marsipanganon tarlumobi ala marpungu do angka na marholong ni roha
di ulaon i. Nian, dang na rap marsipanganon i na gabe mata ni ulaon
manang na umringkot di sada ulaon, alai na mambahen ringkot ulaon i ala
partingkian si songoni do dipakke laho manghatai sian roha tu roha
andorang so marsirang. Ido nang dipatupa Tuhanta Jesus Kristus andorang
so marsirang dohot angka siseanNa nang sude naung mangihuthon Ibana.
Parsirangon ima sada partingkian na mambahen lungun roha ni sasahalak
ala dang boi be rap dohot angka na hinaholonganna. Tung godang do jolma
dang lomo rohana molo adong parsirangon lumobi ma ala sinirang ni
hamatean. Songoni do na masa di panghobasion ni Tuhanta Jesus ala Tuhan
Jesus pe manghilalahon paboa na lungun do rohaNa ala ingkon marsirang na
ma Ibana rap dohot angka apostel.
Dipatupa Jesus do parsaoran rap dohot angka siseanna ima marhite
“Perjamuan Paskah” (ari raya mangan roti na so niasoman), ala mansai
masihol do rohaNa tu angka siseanNa jala partingkian on do dipakke
Tuhanta Jesus laho pasahathon na dibagasan rohaNa. Di tingki na mangan i
do dipaboa Jesus paboa naeng dapot ma partingkian partinaonanNa i.
Lapatanna, diboto Jesus do na naeng songgop nama sitaonon i tu Ibana.
Andorang so sahat Ibana tu hamatean, nunga diboto paboa ngolu dohot
angka panghobasionNa naeng sae ma di portibion jala ingkon marsirang
dohot angka naung mangihuthon Ibana. Alai ndada holan i, diboto do tong
paboa naeng ro ma Ibana gabe siparmonang. Di tingki na mangan i,
dipasahat Jesus do angka pangajarion na mansai porlu botoon ni angka
sisean dohot sude angka na porsea taringot tu padan na binahenNa.
Ditonahon do tu angka sisean na rap dohot Ibana asa manongtong
patupahon Perjamuan Paskah laho marningot sitaonon na niadopanNa.
Dipangke istilah anamnesis (Yunani) na marlapatan ingotma alai ingkon
manongtong do parningotan i. Molo di buku Padan Na Robi, diajarhon do
paboa adong do lapatanna molo marningot di angka sejarah. Songon bangso
Israel na disuru Debata laho patupahon Ari Paskah, marningot sude angka
pambahenan ni Debata naung paluahon nasida sian parhatobanon Misir. Jala
sahat nuaeng on, dipatupa nasida do ulaon na mansai bersejarah on. Tangkas
do taboto paboa sitaonon na dokdok na niadopan ni Jesus sudena i laho
patulushon sangkap ni Debata taringot tu haluaon. Ido umbahen dipatupa
halak Kristen do Parpadanan Na Badia ima laho paingothon sude angka na
porsea taringot tu sangkap ni Debata na mansai uli jala denggan pasahathon
haluaon tu jolma manisia. Ido inti ni pangajarion ni halak Kristen ima
haluoan dohot padan haroro ni Tuhan Jesus na paduahalion.
Ari Paskah marlapatan situtu do di halak Kristen paboa naung
manjalo haluaon sian Debata marhite-hite Jesus Kristus naung mate di hau
pinorsilang i. Di ayat 19 – 20 on ma songon cara ni naung ditotophon Tuhan
Jesus laho marningot Ibana, marningot di haluaon naung pinatupaNa huhut
paluahon jolma sian hagiot ni dosa tu hangoluan na saleleng ni lelengna.
Roti ima gombaran ni dagingNa, jala anggur ima gombaran ni mudarNa. Di
borngin i dipatupa Tuhan Jesus do perjamuan rap mangan dohot siseanNa.
Dihindat Ibana ma roti, dipasupasu ma dungi diponggoli laos diparlehon ma
i tu angka siseanNa huhut didok “Dagingku do on, na nilehon humongkop
hamu; ula hamu ma i, bahen parningotan di Ahu!”. Roti i ma na gabe
gombaran ni daging ni Kristus na ingkon mate. Songon i nang anggur
dilehon tu angka siseanNa huhut didok “Ia panginuman on, padan na
imbaru do i, marhite-hite mudarhu, na durus humongkop hamu!”. Anggur i
ma songon gombaran ni mudarNa na durus di dolok Golgata laho paluahon
hita angka pardosa. Marhite na manganhon dohot manginum di ulaon na
badia, saluhut dosanta diburi Tuhan Jesus, taruli hita di haluaon gabe
mardame hita dohot Debata jala marhite i ma hita na gabe partohap di
hangoluan na saleleng ni lelengna i naung pinaradeNa di surgo hasonangan
i.

III. HAHONAAN
Molo marningot hita di haluaon na pinatupa ni Debata marhite-hite
Jesus Kristus, sasintongna ingkon mangolu do hita dibagasan
hasintonganNa. Tarlumobi ala panghophopion ni Jesus Kristus naung
paluahon hita. Di parningotan Kamis Putih on, ima marningot borngin na
parpudi mandapothon tingki ari partinaonan ni Tuhan Jesus. Dipatupa Jesus
do rap mangan dohot rap minum dohot angka siseanNa. Naeng ma tangkas
di hita, panghophopion ni Kristus do na mambahen haluaonta. Sasintongna
nunga mardosa saluhutna jolma alani dosa ni na parjolo i jala ndang adong
jolma na tuk paluahon dirina sandiri sian hadosaonna. Ido umbahen asa ro
Tuhan Jesus Kristus tu portibion. Alani ma ringkot do sasintongna hita
marningot di angka ulaon naung dipatupa Tuhan Jesus humophop hita.
Angka naung manjalo haluaon sian Debata ingkon mardalan do dibagasan
haporseaon tu Debata marhite Jesus Kristus jala ingkon manongtong do
marningot di angka panaritaon dohot sitaonon ni Tuhan Jesus Kristus di
sude ngulmit ni parngoluon on. Hita naung dohot mamparsaulihon
panghophopion ni Tuhanta Jesus ingkon do patuduhon ngolu na imbaru na
hombar tu hataNa nang lomo ni rohaNa. Ala panghophopion ni Jesus
Kristus naung paluahon angka jolma manisia, tama do sude naung manjalo
haluaon i satia jala unduk di na laho paimahon haroroNa na paduahalion.

Pdt. Andrian Simbolon, S.Th

Staff Sekretaris Jenderal

JUMAT AGUNG
7 APRIL 2023
Epistel : Psalmen 22 : 18 – 25

Jesus Sihorhon Haluaon Salelenglelengna

I. Patujolo
Jotjot do tubu pangkilaaan ni jolma songon na ditadingkon Debata
ibana dipardalanan ni ngoluna ala ragam ni haporsuhon na so mansadi ro di
ngoluna. jala somal do tabege dingolu siapari on hata manang andung ni
halak “aha do Tuhan dosangku, boasa ingkon masa sisongonon?”. jotjot
do haporsuhon mambahen marsitaitan rohanta. jotjot do haporsuhon gabe
inganan pergumulan jala parporangan ni haporseaon tu Debata. Di sada sisi,
bernit ni sitaonon namasa di ngolunta mambahen hita gabe gale jala naeng
maninggalhon Debata, alai di sisi na asing haporsuhon i boi do lam
pasolhothon, lam patoguhon rohanta tu Debata. Haporsuhon i dipandang
sebagai dalan na dipadarade Debata lao manguji jala lao patuguhon
haporseaon dohot pangkiriman di angka na porsea. Jala ido na masa dingolu
ni angka na porsea. Ndang gabe jaminan ngolu ni halak naporsea di Kristus
Jesus ingkon marhasonangan ganup ari, dao sian angka persoalan dohot
parmaraan. Alai halak na porsea dimampuhon Kristus i do lao manaluhon
haporsuhon i, dipargogoi mangadopi parungkilon i asa gabe lam tu tuguna
haporseaonna dohot pangkirimonna tu Debata. Jesus sandiri pe ingkon
manaon sitaonon na dokdok do diportibion pola mate tarsilang ibana lao
paluahon angka na porsea, alani didok Tuhan Jesus Kristus diangka nanaeng
mangihuthon Ibana asa olo mamorsan silang na tu ibana i.

II. Pembahasan
Di Psalmen 22 on, tangkas dipabotohon ragam ni haporsuhon na ro
mardapotdapot na niadaopan ni raja David. Terancam do ngolu na hinorhon
ni musuna, dihaeleson halak do ibana pola dipatudos dirina songon gea,
diparengkelengkelhon halak do ibana jala mangupiri halak mina ibana.
Hansintan sude pamatangna, hira na tangging sude holiholina jala songon
pantis na malala ateatena dibagasan. Tung mansai godang do musu ni si
David nanaeng pamatehon ibana jala naeng mangahut harajaon i sian ibana.
Ndang adong sian hajolmaon na boi mangurupi jala paluahon ibana. Dungi
dibagibagi angka musuna, angka na manghasogohon ibana do ulos ni si
David jala mandabu todung do nasida maradophon bajubajunai. Ala posi ni
sitaonon i, pola do ibana manghilala na ditadingkon Debata Jahowa, didok
ibana “Ale Debatangku, Debatangku, boasa tung tadingkononmu ahu? Sai
mandaodao do angka hata ni anggukhon sianhatuaonhu” (ayat 2).
Diragam ni parungkilon na masa i margumul situtuma raja David
jala dison ma tarida parbue ni haporseaonna, ndaong gabe ditadingkon ibana
Debata, ndang madabu ibana tu pandelean jala ndang talu ibana mangalo
angka sitaonon i. Marposniroha situtu do raja David tu Debata,
nasotadingkonon ni Debata ibana, sai dipargogoi jala paluaon ni Debata do
ibana sian nasa musuna. Tu Debata sambing do ibana pasahathon angka
namasa i jala holan tu Debata do ibana manghirim pangurupion. Umbahen i
do marpangidoan si David tu Debata asa dipalua hosana sian musuna, sian
podang dohot sian sisilon ni biang, sian baba ni babiat jala maradophon
tanduk ni angka horbo jalang. Marhaposan situtu ibana tu Jahowa jala
porsea do ibana pangiringiring ni Jahowa alani asi ni roha do jambarna.
Ndung sidung sahat pangidoanna i tu Debata, laos dipasahat ibana
ma padanna tu Debata alai ditangihon do ibana, ala dipalua Debata do ibana
sian angka haporsuhon i. Marpadan ma raja David lao manjamitahon goarni
Jahowa tu angka hahaanggina jala sai pujionna goarNa di tongatonga ni
huria i. jala ndang holan i, diarahon ibana do sude pinompar ni si Jakob laho
pasangaphon Ibana, sude pinompar ni Israel manghormati Debata. Dison
dipataridahon si David do komitmen dohot hasation na polin mangulahon
padan na i tu Debata. Ndang holan dihata, ndang holan padan sambing ala
naung dialusi Jahowa tangiangna alai ndang lupa ibana, marsitutu do ibana,
marhasatiaon do ibana mangulahon padanna tu Debata.
Sian ragam ni haporsuhon na masa i, tubu ma panandaion na sintong
tu Debata, tubu ma haporseaon tu Debata alani dipabotohon raja David
alasan boasa ingkon pujian Jahowa Debata:
1. Parasiroha do Jahowa diangka halak na dangol. Didok raja David
“ndang lea rohaNa manang marbiasbiar mida pardangolan ni na
dangol”. lapatana ndang mardia imbar jolma i diadopan ni Debata,
halak na dangol manang halak na marlasniroha arga do i
diadopanNa. Songon na diaopi ni raja David, lea do ibana dimata ni
halak pola songon gea alai molo di adopan ni Debata arga do ibana,
dang dipasiding jala ndang marbiasbias rohaNa mida raja David.
Molo pe godang taida di hajolmaon marnida boi, pangkat dohot lan
na asing alai molo diadopan di Debata arga do hita saluhutna angka
na porsea di Ibana
2. Ndang ditabunihon Debata bohina maradophon halak na dangol.
Lapatanna ndang ditadingkon Debata angka jolma na dangol, satia
do Debata manarihon ngolu ni jolma. Tung pe marragam
parungkilon i, alai ndang gabe dipasombu Debata hita sahalaksa.
Manontong do asi ni rohana mandongani hita.
3. Ditangihon Jahowa do angka anggukangguk ni na dangol. Holong do
rohani jahowa tu angka na joujou tu Ibana alani ndang holan
manatap dohot managihon alai dohot do Jahowa paluahon angka na
dangol i sian hagogotan, parmaraan manang hamatean.

III. Refleksi
 Di Jumat agung sadarion, tangkas do taida songon dia pangkopkop
ni Jesus tu hita jolma na dangol on. Dipatuduhon Jesus do haradeonNa
manaon naporsuk i lao paluahon hita sian hurungan ni dosa dohot hamatean.
Nungga dipamonang Jesus hita maralohon hamagoan dohot hamatean i,
nuaeng naeng ma tongtong hita porsea jala satia mangihuthon Ibana,
tongtong hita manghangoluhon hataNa ai ai marhite hamatean dohot
haheheon na i dipatupa Jesus do haluaon di angka na porsea di Ibana.
Dipardalanan ni ngolunta siganup ari jotjot do ro angka ragam ni
parungkilon tu hita alai dipaingot turpuk jamita on hita, asa tongtong hita
mangalualu tu kristus i jala manontong ma hita marhaposan ti Ibana, ditatap
Jahowa do ngolunta. Sai paluaonna do hosanta sian angka musu dohot
angka hasusaan i. alani i tongtong ma hita satia mamujimuji Ibana sian nasa
roha dohot tondi jala tabaritahon Ibana tu angka hahaanggi, pinompar dohot
saluhut angka na humalianta.

Pdt. Suan Dame Siahaan, S.Th

JUMAT AGUNG
7 APRIL 2023
Evangelium : Heber 5 : 7 - 10

Jesus Sihorhon Haluaon Salelenglelengna

I. Patujolo
 Di Jumat Agung sadarion, marnigot do hita dipangkopkop ni Tuhan
Jesus Kristus Sipalua hajolmaon sian dosa dohot hamatean marhite
hamamateNai, ibana do Naposo ni Debata na tumaon na bernit alani ni
dosanta. Dipaandar tu hita hadirion ni Jesus i uju mangadopi angka sitaonon
na bolon i Ibana. Asa gabe tiruan di angka na mangolu ima panindangionta
taringot tu haporsuhan nang parungkilon di ngolunta. Debata sandiri nama
di bagasan Jesus Kristus na mangggarar utang dosa ni jolma i, asa saut
malua jolma sian dosa dohot hamatean. Marhite hamamate ni Jesus natigor i
boi hita saor dohot Debata, di patigor Jesus hita tu Debata. Ibana do patupa
haulaon diangka naporsea di Ibana. Alani lam naeng tangkas panandaonta di
Tuhan Jesus asa lam bagas haporseaonta mangoloi Ibana mandapothon
haluaon na manontong i.

II. Pembahasan
Sian mamaungka jongjong huria na parjolo i tongtong do adong
situhukon mangoloi Kristus i. ido nang na masa di halak Kristen na adong di
luat parserahan. Masa do ditongatonga ni huria angka ragam ni hamaolon
alani panggomgomi, lumobi na ro sian horong Jahudi. Dilelei, dipukkili jala
dipusa pola torop sian nasida na agoan hosa. Ala borat ni sitaonon i gabe
torop do sian nasida na gabe sumurut sian haporseaonna laos manadinghon
hakristenon. Siala sitaonon na niae halak Kristen i do disurathon buku
Heber on laho mamangkulingi, maniroi dohot pahot na porsea i asa unang
gabe mandele mangihuthon Jesus Kristus. So tung ganggu na porsea i
marpanindangion jala unang mabiar mamaritahon asi dohot holong ni roha
ni Debata di bagasan Jesus Kristus, marhite hamamateNa dohot
haheheonNa.
Turpuk jamita sadarion, paandarhon tu hita ia Jesus Kristus ibana do
Sintua ni Malim na pinabangkit ni Debata (ayat 5). Ibana gabe Sintua ni
malim mangihuthon horong ni si Melkisedek.
Adong 3 hal utama na ingkon ditiop sahalak malim manang imam di
tonga tongan i bangso Israel :
1. Sahalak malim/Imam dipabangkit demi kepentingan manusia lao
mangurusi perkara-perkara yang berkaitan dohot Debata. Alani
do di Padan Na Robi tangkas do dipabotohon ia salah satu ulaon
ni malim imam mamelehon pelean situtungon/korban
persembahan lao manobus dosa ni jolma.
2. Sahalak malim ingkon manghilala na masa di donganna jolma.
Ingkon mian rasa dekat dohot simpati dongan manisia. Ingkon
jumolo ibana pasahathon pelean/kurban bahen tobus ni dosana,
 ndung i ma ibana pasahathon pelean/kurban bahen panobusan
dosa ni jolma.
3. Malim dipabangkit Debata. Ndang boi sahalak jolma
manggangkat dirina sandiri gabe sahalak malim. Panjouon
sahalak gabe malim ingkon ro sian Debata do i.
Sian on, dipabotohon buku Heber on tu ganup hita. Ia Kristus i didok
do i Sintua Ni Malim na bolon. Tarida ma hasurungan ni Jesus sian
saluhutna malim na adong di bangso Israel. Debata do na pabangkithon/ na
pasahathon sahala sintua ni malim i tu Jesus Kristus ima di tingki pandidion
na badia di batang aek Jordan. Didok Debata tu Ibana: “AnakHu do Ho;
sadarion do Ho Hutubuhon” (Psalmen 2:7). Ibana ma Anak ni Debata
naung gabe jolma ro tu portibion lao paluahon jolma pardosa. Dipasahat
Debata do saluhutna Huaso tu Jesus Kristus, asa margogo Jesus i patupahon
haluaon di portibion. Diboto Jesus do saluhutna na masa di ngolu ni angka
manisia, angka hagogoon dohot hagaleon ni jolma i tangkas do diboto
Ibana. Jala diboto jesus do angka parungkilon na lao siadopanNa.
Tangan jolma Kristus, marrangam do parungkilon na diadopi Ibana,
dipaburuburu halak Farisi dohot siboto surat do Jesus, dihasogohon angka
panggomgomi do Jesus sahat tu na tarsilang songon halak sipardosa Ibana di
Golgata. Alani borat ni sitaonon ni, dipelehon do angka pangidoanNa dohot
elekelekNa mardongan angguk bolon dohot iluilu tu na boi paluahon Ibana
sian hamatean. Martangiang Jesus tu Ama i ndang na lao pataridaon
hagaleon na alai dipasahat ibana sude angka pangidoanna i pataridahon
haundukhon na tu Ama i, ingkon saut sangkap ni Ama i di portibion.
Sitaonon i tarida ma i uju rap Jesus dohot siseanna di porlak Getsemane.
Didok Jesus tu angka siseanna “Mansai marsak situtu do rohangku, hira na
mate do” (Mat.26:38). dipatungkap Jesus ma bohina tu tano martangiang,
ninna ma: “Ale Amang, namun na tarbahen, salpuhon ma siinumon on sian
Ahu! Alai tahe, unang marguru tu rohangku; roham do!”. sitaonon na luar
biasa do na diadopi Kristus i, na so hea songgop/diadopi tu jolma na asing.
Atik pe Kristus i Anak ni Debata, ndanda dihaginjangkon Ibana diriNa,
ndang dipangasangkon Jesus hadirionNa songon Debata, dipillit ibana do
songon napatuduhon hasereponNa. Ndang dipangasahon ibana HuasoNa i
laho manjua parungkilon i alai diguruhon Ibana do pangoloion marhite sian
na tinaonNa i. alani pangoloion/ketaaan tu Debata na marsuru Ibana do gabe
ditangihon Ama i Ibana gabe malua sian hatahuton i.
Di Jumat Agung on. Marningot ma hita di Naposo ni Debata na
tumaon na bernit. Posi jala parir situtu do naingkon diadopi Mesias i, dileai,
dipasiding jolma do Ibana,ditijuri, tartullang, mabugang, sipasipal sahat tu
na mate ibana di hau pinarsilang di Golgata. Alai ndang mangalo Jesus,
ndang dipangido Ibana Api sian banua ginjang lao manguhum nasida alai
baliksa didok ibana do asa marpamuati rohani Debata mida jolma on. ndang
alani dosaNa, ndang alani pangalahoNa umbana songgop i tu Jesus alai
alani ni dosa ni Jolma i.
Marhite pangoloionna di Debata na manggogoihon Kritus
mangadopi ragam ni hamaolon i, Yesus mencapai kesempurnaan/rimpas.
Dibahasa Yunani dipake kata kerja teleioun; sian kata sifat teleios
(sempurna yang artinya jika sesuatu itu dapat memenuhi dengan sempurna
tujuannya yang telah ditetapkan semula. Teleios lebih kepada funsinya).
Alani i ndung rimpas saluhutna na masa i gabe sihorhon Haluaon na
salelenglelengna do Kristus i. ndang hamateani ujungna, alai haheheonNa
do. Ai nungga monang Ibana, nungga ditaluhon hamatean dohot sibolis i.
Marhite hamamatena di hau pinarsilang gabe dipauli ibana hubungan jolma
i dohot Debata. Ndang marhite mudar ni hambing mannag anak ni lombu,
tung marhite mudarna sandiri naung durus di hau pinarsilang gabe dipatupa
haluaon salelenglelengna.Jesus do Mesias i jala Ibana do sihorhon haluaon
salelengnilelengna.

III. Refleksi
Nungga tarjalo hita haluaon na pinatupa ni Tuhan Jesus Kristus
marhite naung mate do Kristus i ala ni dosanta. Naung diparsilangkon Jesus
i singkat ni dosanta. Naung tartanom do Ibana jala dipahehe di ari patoluhon
bahen haluaonta. Tuhanta i sandiri do patupahon i di hita ganup angka na
porsea. Alani Marsihohot jala maporus ma hita tu Anak i, ima Jesus Kristus
sintua ni Malim na tutu. Nungga dipataridahon songon dia pangoloion ni
Anak i tu Debata, hita pe ingkon ta hangoluon ma pangoloion ta tu Kristus i.
tapasahathon hosa, ngolunta tu Debata, asa diramoti Debata Pargogo
Nasohatudosani do hita sahat ro di salelengnilelengna jala ipatau Debata ma
hita mangauhon hataNa. Molo ndung tapasahat saluhutna tu Ibana sai na
pargogoion na jala donganan do hita.
Nungga sahat tu hita haluaon i. Alai na marungkil dope hita tangan
di hasiangan on paima sahat hita tu hatongamon na di ginjang i, naeng ma
gomos hita maniop hata ni Tuhanta jala manghangoluhon songon naung
pinatupa ni Kristus i uju mangadopi sitaonon i Ibana. Nang pe hira na diloas
sangombar songgop na bernit tu angka siihuthon Jesus, ndada na so
margogo ibana paluahon, ndada naso diida hita di namasa i. alai dalan asa
hot jala togu angka na porseai nang pe ingkon tumaon na hansit. Ndang
adong jumpang haluaon di halak na tois di barita na uli na binoan ni Tuhan
Jesus, ndang adong be haporusan na asing laho mandapot haluaon i so holan
Jesus Kristus. Ibana do sihorhon haluaon salelenglelengna.

Pdt. Suan Dame Siahaan, S.Th

MINGGU PASKAH I
9 APRIL 2023
Epistel: Psalm 118 : 14 - 21

Dipahehe Rap Dohot Kristus

I. Patujolo
 Hata “haheheon” dibuat sian bahasa Junani i
ma anastasis, lapatanna “hehe” manang “jongjong”. Tikki dipahehe
sasahalak, naung hehe do ibana sian hamatean jala halak na sarupa do tong
na dipahehe. Nang pe di bahasa aslina hata “haheheon” dang dibahen di
akka Buku Heber manang Perjanjian Lama, alai sasintongna adong do
ajaran on dipaboa disi. Dipataridahon parpsalmen di son taringot tu toruk ni
roha dohot hamuliaon ni Tuhanta Jesus. PartinaonanNa dohot hatoguonNa
sahat tu na mangkamonanghon diri sian hamatean pe dibilangi parpsalmen
on do asa boi taihuthon di bagasan haunduhon ni roha. Dipangido muse tu
hita asa pasahathon diri tu habadiaon ni Jahowa, di si ma hita ringkot
mangkangoluhon hamuliaon ni Jahowa marhite haroro ni angka na porsea:
“Ungkap hamu ma di Ahu bahal ni hatigoran” (ayat 19). Diondolhon do
hatigoran tu bahal i, ndang boi ro angka jolma na so tigor manang jolma na
so porsea. Jala nunga dipahehe hita sian hamatean dosa i, rap ma hita ro tu
jolo Debata laho patuduhon las rohata.

II. Hatorangan Ni Turpuk

(Ay.14-16). Hasangapon Ni Debata. Molo ta jaha pengalaman ni
parpsalmen dipuji ibana do Jahowa marrumanghon ende manang psalm.
Diendehon ibana do pangalaho ni Jahowa na songkal i. Lapatanna dipuji
parpsalmen do hadirion ni Jahowa songon Pargomgom di saluhut manisia.
Ndang adong na so ginonggoman ni huasoNa, tung luhut do jolma i.
Tarbarita do goar ni Jahowa Sipargomgom di liat portibi on. Jala barita
hasangapon do di Goar ni Jahowa. Dipatimbul Jahowa do diriNa, asa tung
ditanda, diboto jala dihatindanghon liat portibi on hamuliaon ni Jahowa na
mangatasi angka langit. Disulingkit parpsalmen on do angka jadijadian ni
Jahowa. Diparata ibana muse pamerengna tu angka na tinompa ni Jahowa.
Jahowa do sitompa langit, bulan, bintang. Tung tangan ni Jahowa sandiri do
na pauliulihon angka jadijadian i. Gariada tangan ni Jahowa sandiri do
manggorga jolma i. Jala mangombushon hosa hangoluan tu ibana. Marhite
tangan ni Jahowa do gabe adong jolma i. Tung so tarpatudos do jolma i tu
hadirion ni Jahowa na marmulia i. Mansai denggan do molo itatailihon tu
angka jadijadian ni Jahowa. Mansai mangurupi haporseaonta do molo
taingot jala taparata di rohanta angka jadijadianNa i. Gabe paingothon hita
do i, huhut pasunggulhon pingkiranta nang panjaloonta di habalgaon ni
Jahowa. Laos ido patubuhon roha na ra laho manghatindanghon dohot
mambaritahon goar ni Jahowa na mangatasi sude angka jadijadian ni
Jahowa. Ndang tama sasintongna jolma i laho paburnang dirina di adopan ni
Jahowa.
 (Ay 17-18). Dipahehe Debata Marhite Jesus Kristus. Barita na uli
na binoan angka parbaritanauli ima mambaritahon barita haluaon, barita
hamubaon ni roha dohot barita taringot hangoluan saleleng ni lelengna.
Barita na uli na binaritahon angka Apostel ima angka ulaon dohot huaso
nang songon i asi roha ni Jahowa di angka na niasianNa. Patar do saluhut
angka pambahenan dohot haluaon na pinatupa ni Jahowa di bagasan
hadirion ni Jesus Kristus. Ido umbahen didok di ay. 17: “Ndang tagamon
mate ahu, sai na mangolu do ahu, asa hupajojor angka pambahen ni
Jahowa..” pajojorhon pambahen ni jahowa maol do tu halak Israel, jala
suang songoni barita hahehehon ni Tuhan Jesus, ima barita na mansi maol
tarjalo halak na so manghaporseai Jesus Kristus. Torop do angka na bisuk
laho mangalului hasintongan taringot haheheon ni Jesus. Sahat tu sadari on
pe torop dope na so porsea naung hehe Jesus sian angka na mate.
Hahehehon ni Jesus Kristus ndada holan haheheon ni tondi (kebangkitan
roh), alai hahehehonNa ima hahehehon ni pamatang (kebangkitan tubuh).
Apostel Paulus mandok di suratna 1 Kor. 15: 14 dohot 17: “ai anggo so hehe
Kristus sian angka na mate, rumar ma jamitanami, laos rumar ma nang
haporseaonmuna. Alai anggo so dipahehe Kristus (ima Jesus) i, magopo ma
haporseaonmuna, jala tong dope hamu di bagasan dosamuna.” Haheheon ni
Jesus Kristus ima hataridaan ni gogo dohot huaso ni Jahowa di bagasan
Jesus Kristus na so margogo do sibolis dohot hamatean i mangambat
haluaon dohot hangoluan na pinatupa ni Jahowa. Sibolis dohot hamatean na
jorbut na gabe upa tinuhor ni dosa ndang margogo maradapohon huaso
dohot gogo ni Jahowa marhite Jesus Kristus. Nunga dipatau Ibana hita
marhaporseaon, nunga diunsat sian hita ganggu ni roha. Ndang adong be
taboto haluaon di hita manang sian ise na asing asa sahat hita tu haluaon.
Nunga muba hadirionta dung haheheon ni Jesus sian na mate. Dipambibiari
sibolis i do hita mandok, asa ibana tangihononta, ganup ari do hita diunjuni
sibolis i asa tasoadahon panghophopon ni Jesus Tuhanta i. Ai disi ma tarida
habasaonNa dohot habasaron ni Debata, Sipalua hita. Ndada ala ni ulaonta
hatigoran umbahen na dipalua Ibana hita, tung sian asi ni rohaNa do,
marhitehite pandidion pangulahion tubu dohot marhitehite Tondi Parbadia
na paimbaruhon i. Naung nilehonNa i tu hita buas marhitehite Jesus Kristus
Sipalua hita. Asa gabe tigor hita, binahen ni asi ni rohaNa, jala sitean
hangoluan na pinarbagabagaNa, mangihuthon panghirimon i. Ai naung
jumpang do di hita hatauon ni haporseaon, na andul umarga sian sere dohot
angka arta na adong di portibi on, asa marsihohot ma hita disi, asa
marsangap goar ni Tuhanta jala bahenonta i tau pujipujian di Ibana.
 (ay.19 - 21) Mandok mauliate manang puji ma TUHAN. Hata
TUHAN ( hata Heber ‘adoney sian hata ‘adon). Hata ‘adon, ima hata na
dihatahon tu sahalak na sangap, na marmulia. Somalna do di angka raja, na
mora, jala na sangap. TUHAN na nidok sipujion manang hasahatan ni
mandok mauliate di son I ma Jahowa, Debata ni Israel i. hasangaponNa
dohot hamuliaonNa manghuphupi sandok tano on, jala di huasoNa i do
hasangaponNa dohot hamuliaonNa. Jotjot do tapuji sasahalak ala denggan
hata manang ulaonna. Tarlumobi ma tu Debata Jahowa, taronjar do rohanta
laho mamuji Ibana! Tingki taida tompaanNa, tarida ma Ibana pargogo na so
hatudosan. Dilehon do anakNa laho manobus hita, na patuduhon holongNa
na mansai balga. Tingki tajaha Psalmen 118, taboto ma na lomo do roha ni
panurat psalmen mamuji Jahowa. Angka na sangap di tano on, jala jolma na
dipasangap di tano on martingki do saluhutna, jala mate do nasida molo
tung jumpang ajalnasida. Molo mate do nasa jolma manang halak nasangap
i, mago ma hasangapon i di dirina, harajaon i pe ndang lohot be di dirina.
Martingki be do hasangapon ni angka jolma di tano on, jala martingki be
harajaonna. Molo pe nuaeng gogo harajaonna jala sangap, alai di sada tingki
mago do i sian dirina. Jahowa, Debatanta na ingkon sombaonta manongtong
do hasangaponNa jala na so marhaujungan. Nang pe laho salpu langit dohot
tano on, alai ianggo hasangapon dohot harajaon ni Jahowa tung na so jadi
salpu manang marujung. Marlapatan asi ni rohaNa i pe manongtong do.

III. Sipahusorhusoron
Boi do dapot rohanta songon dia pangkilalaan ni parpsalmen?
Diapuli Jahowa do bangso Israel suangsongoni parpsalmen, diparrohahon
do nasida ganup marsadasada. Bibel mandok, ”Hamatean manggomgomi,
binahen ni na sada ala ni pangalaosionna i.” Ala pinompar ni si Adam do
hita, mardosa jala mate ma hita. Alai, molo tahaporseai pelean tobusan ni
Jesus, tadapot ma laba sian asi ni roha ni Jahowa. Bibel paboahon, ”Alai
ganda pe dosa i, lam sumurung ma asi ni roha i. Asa songon na
manggomgomi jolo dosa i mantat hamatean, songon i do nang asi ni roha i
manggomgomi marhitehite hatigoran mangkorhon hangoluan na
salelenglelengna marhite sian Jesus Kristus Tuhanta i.” Rom 5:20,21.
Disesa Jahowa do dosanta. Mandok mauliate ma hita tu Jahowa ala disesa
dosanta. Ingkon marhamubaon ma hita jala marsitutu asa unang
mangulahon dosa. Suang songon i ma tu hita saonari. Panurat Psalmen
mandok, molo Debata ”pasabam angka parroha bojok, jala dililiti angka
bugangnasida (manang, lukanasida) i”. Tingki marsahit manang marsak,
pos ma rohanta na sarihonon ni Jahowa do hita. Sihol do rohaNa laho
mangapuli jala pamalumhon hansit ni rohanta. jala nunga dilehon diriNa jala
Dilehon do tu hita bisuk dohot gogo asa boi manaon hasusaan i. Amen.

Pdt. Kepler J. Bakara, S.Th

HKI Martoba

MINGGU PASKAH I
9 APRIL 2023
Evangelium Kolose 3 : 1-4

Dipahehe Rap Dohot Kristus

I. Pamuhai
Selamat Paskah ma dihita saluhut na ! Hamu angka dongan na
hinaholongan tarlumobi dohot natinobus ni Tuhanta Jesus Kristus. Tapuji
ma Tuhanta naung paloashon ngolunta marlas ni roha sahat tu sadarion,
tarlumobi manghalashon Pesta Hamonangan ni Tuhan Jesus Kristus i ma na
ginoaran “Pesta Paskah”. Tung tangkas do di endeta i na mandok
“Haleluya,Haleluya, nunga hehe Jesus I, Haleluya, Haleluya, nunga
hehe Jesus i”. On do pos ni rohanta jala gabe unok ni haporseaon ni sude
halak Kristen di portibion unang ragu jala sangsi hita taringot tu Haheheon
ni Kristus Jesus i. Ai didok Hata ni Tuhanta marhite panindangion ni
Apostel Paulus di 1 Koristus 15 : 14,17 “Ai anggo so hehe Kristus sian
angka na mate, rumar ma jamitanami, laos rumar ma nang
haporseaonmuna. Alai anggo so dipahehe Kristus i, magopo ma
haporseaonmuna, jala tong dope hamu di bagasan dosamuna” Asa ingkon
halashononta marhite na mandok mauliate tu Jahowa ai taruli hita di
haluaon na so tarasam dohot tartuhor hita i, holan alani basabasa dohot asi
ni rohana tu hita jolma pardosa on. On ma las ni rohanta di naung sahat tu
hita, huriaNa sadarion paborhathon hita anggiat sude mananda dohot
manghatindanghon huaso dohot haheheonNa i. Marojahan tu haheheon ni
Tuhanta Jesus Kristus na ta halashon/tapestahon parningotan sadari on, i do
dasar dohot panghirimon ta di na gabe dohot hita siihuthon Jesus Kristus,
laos on do nang ojahan di haporseaon ni halak Kristen taringot tu haheheon
ni angka donganta naung mate.
1. Peristiwa haheheon ni Tuhan Jesus Kristus i ma peristiwa kemenangan
na luar biasa, na so tarpingkiri jolma, na so hambatan ni portibion huaso
dohot sangkap ni Debata. Ndang peristiwa dongeng, turi turian, cerita
rakyat manang ilusi bayang-bayang. Alai sada fakta hal na nyata do di
portibion, i do umbahen ma tarhalongang angka parompuan dohot sisean
i, dung sabbat i marnida na masa i ala ndang di tanoman i be Jesus, batu
na mangalangkopi baba ni kuburan i nunga (guling) (Mat 28 :1 -10 ;
Mark 16 : 1-8 ; Luk 24 : 1 -12 ; Joh 20 : 1-18). Maol do siat tu roha ni
nasida atik pe tagan di ngolu ni panghobasion ni Tuhan Jesus nunga sai
di lumbahon ne hehe do Ibana di ari patoluhon (Joh 11:25-26 ; Mark
8 :31 ; 9 : 31 ; 10 :33-34) sahat tu na manaek tu banua ginjang paradehon
naung di angka na porsea di Ibana. Na ringkot sibotoonta paboa
peristiwa haheheon i do ndang ulaon namasa secara kebetulan manang
peristiwa na mendadak i alai sada ulaon naung ditahi/dipersiaphon
Tuhanta sandiri hombar tu sangkapNa.
2. Hamu angka dongan angka dongan nahinaholongan ni Tuhan Jesus
Kristus ! Huria kollose i ma sada kota di Asia na metmet di Timur ni
Efesus. Kota Efesus di hatihai gabe sada ibukota Provinsi di Asia na
metmet (Asia Kecil), didok ma i Turki si nuaeng. Masuk tu gomgoman ni
huaso bangso Roma do ujui.
Mangihuthon sejarah, ndada Apostel Paulus na panjongjong huria
on, alai nang pe songon i di patuduhon ibana do tanggungjawab moralna
marhite na paborhathon angka donganna lao pauliulihon haporseaon ni
huria i (1 :7 ; 4:12-13 ).
Tongon di hurungan do si Paulus manongos suraton. Di pangkulingi
ibana do ruas ni Kollose dalan patubuhon, huhut patoguhon haporseaon
ni huria mangadopi sumbia ni angka hamaolon, galumbang na
mangontak na naeng mangharomhon haporseaon ni huria i, atik pe dang
lupa si Paulus marningot las ni roha huria i ala marparbue do haporseaon
ni nasida jala mangerbang do huriaon na gabe songon pamatang ni
Kristus ( 1:3-4), atik pe mansai gogo do ajaran ajaran sesat i manegai
haporseaon ni huria i asa manadingkon haposeaon sian Tuhanta Jesus
Kristus. Di ancaman na songon I ma diarahon si Paulus huria Kolosse
ingkon do naeng tangkas marurat jala togu marhaporseaon tu Jesus
Kristus huhut jamot, jaga di sude angka na naeng mangagohon na porsea
i (2 : 7 – 8).

3. Hamu angka dongan sahaporseaon! Marhite turpuk ni jamita on di

paingot si Paulus huria Kollose songoni dohot hita halak Kristen
tarlumobi ma halak angka naung mananda haheheon ni Jesus Kristus
marhite Thema ni minggu ta sadarion “Dipahehe Rap Dohot Kristus”.

3.1. Manjalahi na di ginjang I (ayat 1-2).

Aha/ angka dia do nanidok ni Apostel Paulus na di ginjang i.
Boha na so ringkot be di hita na di tano on ? Hape hita mangolu di
tano on dope. Molo di pangido hita manjalahi na di ginjang na
nidok na mangula ulaon na tau lomo ni roha ni Debata, tapasaut ma
sangkap ni Debata marhite ngolu dohot ulaonta (Mateus 6 : 33).
Sebalik na angka na di tano on ima angka ulaon hagiot ni portibi,
na maralo tu ulaon ni Debata. Asa molo didok angka na di ginjang
i ma lului/jalahi hamu, marlapatan do i naeng pangkeon ta do angka
na ditano on, manang na adong di hita laho pasauthon sangkap tu
lomo ni roha ni Debata. Unang tapangke na adong di hita laho
 pasombu tagas, sangkap sangkap dohot hagiot ni portibion. Nunga
di tobus Tuhanta hita, di palua sian dosa,huaso ni sibolis lumobi
sian uhum hamatean alani ndang gabe sai mangadop/mangoloi tu
portibion be hita. Ingkon tu Tuhanta Jesus i na ma na maringanan
di banua ginjang, di siamun ni Debata.

3.2. Taparangehon ma Parange na imbaru(Ayat 3).

Ingkon balongkon do saluhut angka jolma na buruk rap dohot
parulaon na roa i, alai ingkon ihut do solukhononta jolma na
imbaru, songon pandohan ni Apostel Paulus di 2 korintus 5 : 17 na
mandok “Asa molo dibagasan Kristus halak, na tinompa na imbaru
ma i. Nunga salpu pangalaho na robi, gabe na imbaru. Angka
pangalaho na robi i ndang sai paianon be, unang be sai mangadop
tu daging, molo sai marparange tu daging hita, mate ma. Alai molo
ta pamate ulaon ni pamatang marhite tondi mangolu ma hita (Roma
6 :6 ; 8 : 12-13 ; Efesus 4 : 22-24). Dung dibunu, balongkononta
ma muse ima rimas,muruk,hajahaton,panginsahion dohot hata
barangsi ro di pangalaho na marsigabusan (ayat 5-8 ; Roma 6 : 2).

3.3. Na mardalan do hita di portibion alai huhut paimahon

hasangaponna (ayat 4).
Nunga mangolu hita nuaeng di bagasan haheheon ni Tuhanta Jesus
Kristus. Ta parhatopot do nunga mate, nunga hehe, jala manaek
Tuhanta Jesus Kristus tu banua ginjang jala hundul do nuaeng
Ibana di siamun ni Debata Ama i. Tahaporsea i do nunga mate hita
di bagasan hamatean na i, jala nunga hehe hita dibagasan haheheon
na i jala huhut nunga di panaek hita marhitehite hananaek na i. Ala
ni i si ingoton ni Rohanta na gabe kontrol ni ngolunta on holan sian
banua ginjang do, i ma Jesus naung hehe i. Molo manaek Tuhanta
Jesus tu banua ginjang berarti ndada ditadingkon boti hita di
hasiangan o. Alai na mandok/pabotohon do i tu hita ia Tuhanta
Jesus nunga morot jala humusor ibana sian pangalaho hajolmaonNa
mulak tu hamuliaonNa (dari kemanusiaanNya Kembali ke
IlahianNya).
Hamu angka dongan naung tinobus ni holong ni Tuhanta Jesus
Kristus ! Ala naung di tobus holong ni Tuhanta do hita sian gomgoman ni
dosa,sibolis tarlobi hamatean i, jala mian di portibion dope hita huhut di
bagasan pardalanan do hita nuaeng manopot surgo, inganan naung pinarade
Tuhanta Jesus, ima hasonangan sisaleleng-lelengna. Tusi do mata
haporseaon/partondionta di jou, diarahon tu saluhut angka na porsea i. So
tung lilian, lalapan hita di angka tawaran haulion na ro sian portibion, so
tung talu/tartading hita hinorhon angka hisap hisap dohot godaan angka na
ro sian portibi on. Ingkon hamonanghononta do i sude marhite na lam
pahibulon ngolu dohot parsaoran Rap dohot Tuhan i. Jaminan dilehon
Tuhanta tu angka na porsea ingkon monang do hita, ai Tuhanta Jesus
Kristus i pe si Parmonang do. Taingot ma huhut na ingkon sude do hita
mamolus hamatean alai ndang hamatean ujung ni ngolu ni halak Kristen,
angka na porsea ala adong do hape haheheon dohot haluaon di angka na
manghangoluhon hamamate dohot haheheon ni Tuhanta Jesus. Taingot ma
Debata do haroroan jala marhapatean tu Ibana do sude jolma/ngolunta on.
Pareahi ma i rap dohot Tuhanta. Amen.

Selamat Paskah 2023 !

Pdt. Kepler J. Bakara

SENIN, PARNINGOTAN II ARI HAHEHEON NI TUHAN

JESUS
10 APRIL 2023
Epistel: Job 19:25-27

Dipahehe Debata Naposona Laho Mamasumasu

I. Patujolo
Ndang holan turiturian sambing taringot tu parngoluon ni si Job.
Tutu situtu do mangolu si Job di tano Us (ida Job 1:1) na gabe tano ni
Edom, na maringanan di anggoni Laut Mati manang maringanan di julu
Arabia (ida Andungandung 4:21). Parngoluan ni si Job masa ma di inganan
ni Arab ndang di inganan ni Heber.
Alai ndang na pola tangkas binoto ise na manurathon buku on.
Marisihon angka hatahata na denggan jala na mansai uli do buku Job on, ala
mansai timbo jala une do angka poda na adong di buku i.
Buku on digoari Job hombar do tu ngolu ni si Job na gabe sahalak
tokoh utama na digurithon di buku on. Si Job i ma sahalak uluan di sada
ruma tangga, sahalak na mamora na biar mida Jahowa. Marianakhon pitu
halak baoa jala tolu boru, torop do pinahanna. Adong pitu ribu birubiruna
jala tolu ribu untona, jala lima ratus pasang horbona, jala lima ratus
halodena boruboru, angkup ni i mansai torop do nang naposona. Sumangap
do ibana sian saluhut halak na di habinsaran (ida Job 1:3). Alai tompu do
masa pangunjunan tu ibana, sude na adong di ibana huhut angka na
hinaholonganna pe mago do luhut.
Pamuhai ni buku on dihatahon do songon dia ma si Job, sahalak na
burju jala marnampuna di arta hamoraon. Tangkas do dipajojor Debata
songon dia burju ni si Job, pola didok, "ai ndang adong baoa tudoshon ibana
marroha di tano i, daulatna, tigorna, biarna mida Debata, jala dipadao
rohana sian hajahaton (ida Job 1:8). Alai dialusi sibolis i do mandok molo
tung burju pe si Job, na marpambuat do ibana di si, ala dilehon Debata do
pasupasu di ibana, angka ninna. Dung i adong ma dapotsa songon sada izin
laho mangunjuni si Job. Gabe dipamasa sibolis i ma angka na so denggan tu
parngoluon ni si Job, mate angka ianakhonna, mago nang artana, jala masa
muse sahit tu pamatangna. Nang pe masa luhutna i di ngoluna alai sai
marlambas ni roha do anggo si Job mangihuthon Debata jala ndang gabe
marrimas ibana mida Debata.
Angka na masa di ngolu ni si Job i ndang gabe mambahen mandele
jala laos mago haporseaonna tu Debata. Alai satia do ibana mangihuthon
Debata, ndang gabe mago haporseaonna. Marsihohot do ibana
mangkaporseai Debata. Dipangido ibana do asa anggiat nian malua ibana
sian pardangolanna.

II. Hatorangan Ni Jamita

 Di bindu 19 digurithon do songon dia alus ni si Job maradophon si
Bildad uju na ro ibana paduahalihon mangonai hatana tu si Job. Ditariashon
ibana do halak parjahat do si Job, jala na dapotan hamagoan do halak
parjahat (ida bindu 18). Alai dang tarjalo roha ni si Job hadirionna halak
parjahat manang halak pardosa songon angka naung nidok ni si Bildad tu
ibana (ida Job 19:3-4).
Dipajojor si Job do ise ibana sasintongna, ndang songon angka na
nidok ni si Bildad i, ndang na ala ni halak na jat si Job, alai ala na bonar do
ibana di adopan ni Debata. Hot do haporseaon ni si Job tu Debata jala ndang
manarita ibana dompak Debata nang pe masa pangunjunan tu ibana, mate
sude angka pinahanna, songon i nang angka ianakhonna jala ditadingkon
dongan saripena ibana.
Ayat 25
Na mangolu do Sipalua ahu jala na ingkon hehe do ibana sian atas ni
angka orbuk ni tano.
Di hamamasa ni parungkilonna, marsihohot do si Job di bagasan
haporseaon tu Debata, pos do rohana sai na paujungon ni Debata do
parsorionna i jala patimbulon ni Debata do ibana (ida Job 13:15; 14:14-15).
Dihaporseai si Job do Debata na gabe Sipalua. Somalna, sahalak Sipalua
dihaporseai do songon sada aleale na gok holong na sai ro mangurupi jala
mangalinggomi, mangurupi uju masa hagogotan (ida 3 Musa 25:25; 5 Musa
25:5-10; Rut 1:4; ida 1 Musa 48:16; 2 Musa 6:5; Jesaya 43:1; Hosea 13:14)
jala manogunogu alealena na di bagasan haporsuhon.
Panindangion ni si Job, marhadomuan do tu bagabaga taringot tu
Jesus Kristus si Palua, na naeng ro tu portibi on laho paluahon angka na
porsea di Ibana sian dosa dohot hamatean (ida Rom 3:24; Galatia 3:13; 4:5;
Epesus 1:7; Titus 2:14), paluahon sian hamagoan nang hamatean (ida Heber
2:14-15; Rom 8:23), mamboan haluaon na manontong (ida Johannes 3:16;
Rom 6:23), paluahon sian hamatean binahen ni dosa (1 Tessalonik 1:10) jala
mamboan hatigoran (ida Pangungkapon 19:11-21; 20:1-6).
Ayat 26
Idaonku do Debata nang pe malangke hulingkulingku.
Dibagabagahon si Job do haporseaonnna, molo tung pe malangke
hulingkulingna, alai sai na hehe do muse pamatangna jala idaonna ma
Debata sipalua naung hehe. Di turpuk on adong do bagabaga ni Debata
taringot haroro ni Kristus di angka ari parpudi, haheheon ni angka na mate
jala dilehon habonaron tu sude halak na satia mangihuthon Debata.
Porsea do si Job molo tung mate pe ibana, sai na idaonna do Debata.
Pos rohana ala saleleng ngoluna ndang hea ibana mangulahon dosa jala
ndang olo ibana manarita dompak Debata (ida Job 1:22). Di angka
pangantusion di Padan na Robi, angka halak naung mate na ingkon hehe do
(nang pe di hata Heber hata "haheheon" ndang adong tarsurat di angka Bibel
na marhata Heber, jumotjot didok di Padan na Robi i ma "syeol", lapatanna:
"kuburan" manang "inganan ni halak naung mate", ida Hosea 13:14; Job
14:13-15; Jesaya 26:19; Daniel 12:2, 13) bahenon ni Debata angka halak na
bonar jala na satia mangihuthon Debata. Alai molo di Padan na Imbaru
pangantusion taringot tu haheheon ni halak na mate i ma angka halak na
porsea tu Tuhan Jesus Kristus na gabe Tuhan jala Sipalua Jolma.
Ayat 27
Ahu sandiri matangku marnida.
Sihol ni roha ni si Job asa marnida Debata Sipalua na mangatasi
angka sihol ni roha di angka na asing mansai tangkas do tarida di buku on.
Dihasiholi si Job do jumpanganna sada tingki di na boi ibana marnida bohi
ni Debata na gok manobus manisia. Halak na porsea di Padan na Imbaru
mangkasiholi haroro ni Sipalua (ida 1 Korint 1:7; 2 Timoteus 4:8) jala ari
hagogok ni uju marhadirion joro ni Debata di tongatonga ni angka jolma, na
maringanan ma Ibana di tongatonganasida, jala nasida ma bangsona, jala
Debata sandiri saor tu nasida (ida Pangungkapon 21:3) jala idaonnasida do
Bohina (ida Pangungkapon 22:4).

III. HAHONAAN
Saleleng mangolu jolma di hasiangan on, angka parungkilon ni
parngoluan, na borat nang na neang, sai na adopanta do. Alai boha do hita
mangadopi saluhutna angka parungkilon ni ngolu na taadopi, jala songon
dia do hatoguon ni haporseaonta tu Tuhan Debata. Tung sarupa do ulaning
hita songon si Job?
Molo tapaihutihut buku ni si Job, tung dapotonta ma na so hea ibana
manarita dompak Debata di angka sude parungkilon (hamagoan arta nang
ianakhon jala hona panahit) na masa di ngoluna. Ndang gabe mandele ibana
manang mambuat dalan na maralo tu lomo ni roha ni Debata asa malua,
nang pe mansai dokdok do na niadopanna. Baliksa, angka parungkilon na
niadopanna i mambahen lam tu gogona do haporseaonna, lam dipajonok do
dirina tu Tuhan i, jala dipasahat ibana do dirina tu Debata. Mangolu nang
mate pe ibana, Debata do nampuna ibana (ida Job 1:21).
Marhite turpuk jamita Job 19:25-27 on dohot tema "Dipahehe
Debata NaposoNa Laho Mamasumasu", hita angka halak na porsea tu
Tuhanta Jesus Kristus nunga be dipahehe jala dipangolu muse haporseaonta
sian angka hamatean binahen ni dosa, jala gabe halak na dapotan pasupasu
sian Tuhan i do hita asa mangolu di bagasan ngolu na imbaru na di bagasan
Kristus jala gabe sinondang nang pasupasu tu angka dongan jolma. Songon
parngoluon ni si Job di ujungna i diramoti Debata do ibana, ala haburjuonna
mangihuthon, hatoguonna jala haporseaonna tu Debata (ida Job 42:12-17).
Sai anggiat ma di pesta parningotan paduahon di haheheon ni Jesus
on, sai lam diramoti Tuhan i ma hita laho mangadopi angka parungkilon na
borat manang na neang di bagasan parngoluonta si ganup ari. Amen.

Pdt. Ebert Marbun, S. Th

SENIN, PARNINGOTAN II ARI HAHEHEON NI TUHAN

JESUS
10 APRIL 2023
Evangelium: Ulaon ni Apostel 3:24-26

Dipahehe Debata Naposona Laho Mamasumasu

I. Patujolo
Tontu hea do hita marnida angka halongangan, na taida sian
parnidaanta sandiri marhite na marnida secara langsung manang marhite
angka media. Isarana molo di tingki si saonari on, molo di haportibion,
adong ma i na didokna, sulap; molo sian haporseaonta adong ma masa
angka hamubaon ni roha, hamamalum ni angka sahit nang pangaleleon di
angka tondi na jat na dipamasa di angka Kebaktian Kebangunan Rohani
(KKR) dohot angka na asing dope. Marnidasa tontu olo do ro
sungkunsungkun di pingkiranta, tung boha ma boi masa angka i? Songon
dia do ulaning patupahon i? Boi dohonon molo adong halongangan na masa,
sai longang do hita marnida i ala ndang boi tarpatupa hita, angka jolma
biasa.
Songon i do nang di turpuk jamitanta sadari on, na tong pataridahon
sada halongangan. Turpuk ni jamitanta i ma na tarsurat di Ulaon ni Apostel
3:24-26. Mamungka di bindu tolu turpuk jamitanta on, di ayat 2-8
disurathon do songon dia masa halongangan di bagas joro ni Debata na
pinamasa ni Apostel Petrus maradophon sahalak na pangpang sian
hatutubuna, gabe boi mardalan. Dijalo do hamamalum na i, di bagasan Goar
ni Jesus Kristus. Hinorhon ni halongangan na masa i gabe godang situtu ma
halak na longang, tarhalomong jala sungkunsungkun di bagas rohana be,
tung ise ma ulaning Jesus Kristus i? Boasa tung marhuaso situtu Ibana?
Denggan ma tapamanat marhite jamita on.

II. Hatorangan Ni Turpuk

Buku Ulaon ni Apostel dohot Evangelium Lukas disurathon sahalak
na margoar Lukas, sahalak Jahudi, sahalak panambari do ulaonna. Ndang
holan panuratna na sarupa, na manjalo manang na tinuju ni surat i pe tong
do sarupa, i ma sahalak na margoar Teopilus, halak na so Jahudi, sahalak
sian pinompar ni angka raja (golongan bangsawan). Teopilus marlapatan,
dongan ni Debata (ida Lukas 1:1-4; Ulaon ni Apostel 1:1-4). Tujuan
panuratan ni buku on, i ma:
1. Marhite buku on dipasahat si Lukas do sihol ni rohana laho
marbarita na uli tu angka halak na so Jahudi (non-Yahudi) nang tu si
Teopilus. Asa tarjangkon ni halak na so Jahudi barita haluaon na
sian Jesus i.
2. Mansai ringkot do hadirion ni Tondi Porbadia di parngoluan nang
misi ni huria. Dipajojor do pandidion na sian Tondi Porbadia i na
gabe haradeon ni Debata laho patoguhon huriaNa laho marbarita na
 uli jala mangihuthon ulaon pangkobasion ni Jesus. Mansai tangkas
do dipajojor si Lukas di buku on, na adong tolu hali hagogok ni
Tondi Parbadia dohot pangkulingNa (ida Ulaon ni Apostel 2:4;
10:45-46 dohot 19:1-7).
Turpuk ni jamita di ulaon parningotan paduahon di haheheon ni
Jesus, tarsurat di Ulaon ni Apostel 3:24-26. Dipajojor turpuk i do taringot tu
na marjamita Apostel Petrus di jolo ni na torop di Jerusalem. Marhite
jamitana dipasahat apostel i do tu angka na torop i asa unang ditulak nasida
Barita na Uli taringot tu hadirion ni Jesus Kristus, Tuhan jala sipalua jolma
(ida ayat 12-23). Ala, uju na mangolu dope Jesus, mansai godang do halak
na manjua Ibana jala ndang dijangkon nasida hadirion ni Jesus i, gabe
Tuhan di ngolunasida (ida ayat 13-15). Dirimpu nasida do hajonjongan ni
Jesus i holan sahalak panurirang sambing manang jolma biasa (ida ayat 18-
23).
Di na marjamita Apostel Petrus adong ma tolu na pinasahatna tu
angka na torop na adong di joro ni Tuhan i, i ma:

1. Bagabaga taringot tu haroro ni Jesus tu tongatonga ni portibi on

(ayat 13-24).
Dipahasat Apostel Petrus, sasintongna uju di tingki ni angka
natuatua ni Israel, i ma si Abraham, Isak dohot si Jakkob (ayat 13),
Musa (ayat 22) jala si Samuel (ayat 24), nunga adong dibagabagahon
goar ni Jesus, Anak ni Debata, na naeng ro tu tongatonga ni portibi
on laho paluahon jolma sian dosa. Haroro ni Jesus tu portibi on i ma
na gabe singkat ni pelean na gok (sempurna) di joro ni Debata,
pelean laho manobus jolma sian dosa (ida 3 Musa 5:14-19; Heber
9:11-28;10:1-18). Jesus do pelean na gok na so marlaok dosa,
mudarNa i ma na gabe singkat ni pelean laho manobus dosa ni jolma
manisia.

2. Bagabaga taringot tu Bangso Jahudi na niramotan nu Tuhan i

(ayat 25).
Padan pangaramotion ni Debata tu halak Israel on nunga
dipasahat uju i sian masa ni ompunasida si Abraham (ayat 25, 1
Musa 15:5-6; 16:10 dohot 18:18). Ditorushon do padan i sahat tu
Padan na Imbaru, padan pangaramotion ni Debata tu bangso Israel i
digohi marhite hadirion ni Tuhan Jesus Kristus sian pinompar ni
 Raja Daud (ida Mateus 1:1-17; Lukas 1:31-33), na ro tu portibi on na
gabe sipalua di jolma manisia pardosa.

3. Hehe do Anak sinuru ni Ama i jala dijou do Ibana asa bongot tu

bangso Israel, mamasumasu jala mamboan nasida tu haluaon
sian dosa (ayat 26).
Madabu do tu dosa halak Israel di Padan na Robi. Ala ni i
mansai ringkot do di nasida sahalak uluan/raja manang sipalua laho
manobus dosanasida, asa jumpang di nasida haluaon sian dosa jala
dapotan pasupasu sian Jesus Kristus, i ma haluaon si
salelenglelengna rap dohot Tuhanta Jesus Kristus (ida Johannes
3:36). Dipamalum Apostel Petrus do angka halak na pangpang sian
hatutubuna gabe mardalan (ayat 6). Halongangan i gabe sada tanda
do i paboa na tontong do Israel diramoti Tuhan nang pe naung
disoadahon nasida Jesus Kristus, Tuhan di parngoluannasida (ayat
14).
Marhite jamitana, naeng pasahaton ni Apostel Petrus tu angka na
umbegesa asa dijangkon nasida Jesus Kristus, gabe Tuhan di
parngoluannasida, na mangalehon ngolu na manontong (ayat 19-20).

III. Hahonaan
Di partingkian si saonari on godang do jolma na so manjangkon
Jesus na gabe Tuhan jala sipalua jolma manisia. Ragam do alana asa songon
i nasida. Alai godang do na marpingkiran holan jolma, manang panurirang
sambing do Jesus Kristus. Di pingkirannasida pe haheheon ni Jesus sian
hamatean i ndang tutu situtu, (dirimpu do i gabus, ida Mateus 28:13-15),
halongangan na pinatupa ni Jesus nang di na mangalele angka begu dohot
angka halongangan na asing ndang tutu i didok roha ni angka na so porsea i.
Tema ni jamita di parningotan paduahon di parheheon ni Jesus i ma
"Dipahehe Debata NaposoNa Laho Mamasumasu" (ayat 26). Ditogihon
Apostel Petrus do angka halak Israel asa:
1. Manjalo jala manjangkon Jesus marhite haheheonna (Paskah) na
gabe Tuhan jala sipalua ni angka siihuthon Ibana di bagasan
parngoluan siganup ari.
2. Marbalik jala paubahon roha sian nasa dosa ala naung mate do Jesus
humongkop jolma manisia, paluahon sian dosa marhite mudarNa na
durus di hau silang. Paradeonna ma inganan di angka na porsea di
Ibana, asa rap nasida dohot Jesus.
3. Halak Kristen ingkon gabe siboan pasupasu (gabe sira nang
panondang, ida Mateus 5:13-16) tu saluhut jolma. Ala naung
dipasupasu Debata do hita di parngoluonta si ganup ari, ingkon ma
hita gabe siboan pasupasu tu angka jolma, songon na tarsurat di 1
Musa 12:2 didok, "Hubahen pe ho gabe bangso na bolon, jala
pasupasuonku ma ho, jala pabalgaonku goarmu, asa gabe pasupasu
ho."
4. Tapelehon ma ganup ngolunta tu Jesus Kristus songon sada pelean
na mangolu jala na hinalomohon ni Debata. Didok di Rom 12:1, "Na
huapoi ma hamu, ale angka dongan, marhitehite asi ni roha ni
Debata: Pasahat hamu ma dagingmuna bahen pelean na mangolu, na
badia, na hinalomohon ni Debata; i ma hadaulaton ni na marroha."
Ala naung jumolo do dipelehon Jesus diriNa di hau pinarsilang laho
manobus angka dosa ni jolma manisia.

Pdt. Ebert Marbun, S. Th

MINGGU QUASIMODOGENITI
16 APRIL 2023
Epistel :Pangungkapon 21 : 5 – 7

Ditubuhon Paduahalihon Marhite HataniDebata

I. Patujolo
Buku pangungkapon marharoroan sian hata gorik apokalipto na
maralapatan diungkap Debata angka hahomion di angka ari na ro.
Dibagasan kanon buku pangungkapon dibahen di panimpuli, jala gok angka
simbol-simbol dipangke panurat buku on laho patoranghon hahomion ni
sangkap ni Tuhan i. Panurat buku on margoar si Johanes, na mangolu di
masa pangaleleon na posa di rezim ni kaisar Rom namanghasogohon
hakaristenon ima kaisar Nero dohot Domitianus. Angka kaisar Rom on
patupahon uhum panombaon tu kaisar, alai halak Kristen manulak i siala
holan Debata dibagasan Kristus sambing do napatut disomba, laos i do
bonsirna dilele jala dipusa halak Kristen ditingkii. Buku on marisi 22 bindu
jala adong 404 ayat, digurithon hira-hira taon 90-96 Masehi ditingki si
Johanes dibolonghon tu pulo namargoar Patmos (1:9), jala ondolan ni buku
on ima : Jesus do raja diginjang ni saluhut raja, Tuhan di ginjang ni saluhut
na margoar tuhan.

II. Hatorangan Ni Turpuk

Turpuk jamitanta sadarion paboahon taringot parnidaan ni si Johanes
ditingki diungkap Debata tu ibana angka na masa di ari parpudi, dipatudu
Debata ma tu ibana songon dia do banua ginjang dohot tano na imbaru.
Diida si Johanes hundul Debata di habangsaNa i jala didok di hata gorik
Ποιώ Παντα καινός (poieopantakainos, i will make all things new) na
marlapatan: Saluhutna do Hu paimbaru. Hata καινός (kainos, new) manang
imbaru patoranghon situasi na so dos dohot haportibion on. Tontu
haimbaruon na nidok ni Debata dison ima ngolu na so sarombang dohot
portibion, ngolu sisongoni ma na ingkon adong di hita dalan laho
manomunomu haroro ni ari parpudi. Jala dipangido Debata tu si Johanes asa
disurathon Hata i ai sintong jala haposan do Hata i. Hata surathon di hata
gorik dipake hata γραψω (grapho, writing) ndada marlapatan disurat songon
panurat ni pulpen tu buku, alai manghangoluhon Hata i. Jala terminologi
Hatai di hata gorik dipangke hata λόγος (logos, word) na patoranghon Jesus
i. Tontu boi ma antusanta, asa tarbahen hita jolma dapotan haimbaruon
nasian Debata, ingkon ta hangoluhon do Jesus i. Dungi didok Debata ma
muse tu si Johanes, nunga saut. Molo dihata gorik dipangke hata γινομαι
(ginomai, it is done). Artina, dibagasan Jesus i nunga sikkop be saluhutna,
dibagasan Jesus ido finalitas ni saluhut sangkap ni Debata, na so tarpauba,
na so tarunsatan jala tarambati, sandok ingkon saut do. Siala dibagasan
Jesus ido hagonopon hadirion ni Debata ditonga-tonga ni nasa na tinompa ni
Debata. Asai do didok hata on, dibagasan Jesus i do gabe patar ma tarida ia
Debatanta ima Debata naparjolo jala parpudi Λλψα και Ω (alpha kai
omega), Debata do bonana jala ujungna άρχήκαιτέλος (arche kai telos,
beginning and the end). Molo tarimangi turpuk on, lam antus ma tu hita :
Tutu do adong hasintongan jala haulion dohot hadenganon ni Debata
diganup nasa parugamoan di liat portibion. Ai holan dibagasan Jesus i do
hasingkopan, haulion dohot hadenganon ni Debatatai. Tontu, nasa jolma,
nasa na marhosa, nasa adat-budaya jala nasa parugamo ringkot do ibana tu
Jesus i asa dohot taruli di hasingkopan nauli na denggan na sian Debatai.
Jala molo ta paratehon muse adong kaitan ni Jesus dohot halak na
manean baga-baga ni Debatai. Hata panean di hata gorik dipangke hata
κληρονομήσει (kleronomesei, inherit) na patoranghon hak waris manang
mewarisi. Artina Jesus do alat legatimasi ni jolma diadopan ni Debata, asa
adong hakna manang bagianna di angka haluaoni, ndada be mudah-
mudahan manang semoga haluaon ni Tuhan i, alai gabe hak waris molo
dibagasan Jesus i do jolmai. Jala molo ta parate-atehon muse turpuk on,
dung dibagasan Jesus jolmai masa ma transformasi harkat-martabat ni jolma
i diadopan ni Debata. Sian jolma naramun jala pardosa, gabe jolma na
tardok angka ianakon ni Debata. Hata anak dihata gorik dipangke hata υίός
(huios, son) lapatanna: Gombaran ni bapana, hak waris ni amongna, dongan
jala na rap dohot amongna. Tontu lam antus ma tu hita antong lapatan
ianakon ni Debata. Nasa jolma na targoar ianakon ni Debata, tontu ibana ma
na gabe gombaran ni Debata di nasa parngoluanna, jala gombaran parange
ni Debata natarida dibagasan parangena, jala parsaoranna pe dohot Debata
berlangsung secara terus-menerus doshon parsaoran ni angka ianakon tu
amongna.

III. Hahonaan Ni Jamita

Goar ni mingguta sadarion ima quasimodogeniti na marharoroan
sian bahasa Latin, namarlapatan songon poso-poso na imbaru tubu, nauasan
jala marsigantung sian susu na tama sian natorasna.Tontu songon poso-poso
do hita diadopan ni Debata, ingkon uasan do hita di angka susu natama sian
natorasnta. Persoalanna nunga gabe ianakon ni Debata dirinta,
pangalahonta? Asa boi gabe ianakon ni Debata hita, ingkon ditubuhon do
hita paduahalihon dibagasan hata ni Debata, jala Jesus i do na dimaksud
Hata ni Debata i. Alani ndada mungkin jolma i boi gabe ianakon ni Debata,
molo ngoluna sandiri dang porsea jala manghangoluhon angka ajar dohot
patik ni Tuhani. Ditubuhon paduahalihon marlapatan ma i marhamubaon ni
roha, siala haporseaonta tu Tuhan Jesus. Amen.

Pdt. Ewen JosuaSilitonga

MINGGU QUASIMODOGENITI
16 APRIL 2023
Evangelium : Hesekiel 36 : 22 – 27

Ditubuhon Paduahalihon Marhite Hata Ni Debata

I. Patujolo
Hesekiel marharoroan sian hata heber yekhezqe’l namarlapatan
Debata na mampargogoi. Hesekiel sandiri anak ni sahalak malim na tading
jala manghobasi di Jerusalem (1:3). Hesekiel dohot do tarbuang tu Babel rap
dohot panurirang Daniel (Dan 9:2). Di Babel, Hesekiel ditanda natorop
jolma ni Debata na manurirangi (14:14, 28:3), jala mangoli do si Hesekiel
songon halak Jahudi na asing na di habuangan na maringanan di topi sunge
Kebar (1:1, 3:15-24, bnd. Psal 137:1). Jala panjouonna gabe panurirang
dijalo ibana ditano habuangan Babel di sunge kebar. Buku Hesekiel marisi
48 bindu jala adong 1273 ayatna, diperkirahon digurithon hira-hira taon
590-570 sM di Jehuda dohot di Babel. Jala ondolan ni buku Hesekiel ima:
Panguhuman jala hamuliaon ni Debata, rimas jala holong ni Debata.

II. Hatorangan Ni Turpuk

Turpuk jamita on paboahon situasi ni bangso Israel hatiha tarbuang
di Babel ima adong pangalapation na lilu di bangso Israel, di na
mangarajumi angka na masa di nasida. Sai dietong halak Israel do siala ni
nasida do Debata marpangulahi di angka hajahaton nasida, manang nasida
do tolak ukur ni Debata di na marpangulahi di hajahaton nasida. Alanii Ro
ma hata ni Debata marhite-hite panurirang Hesekiel laho patigorhoni, didok
Debata dihata Heber : ‫( ָקֶד שיׅא ם־ְלֵש ם‬qodes le-shemim, my holly for name
sake) namarlapatan: Alani habadiaon ni goarNa do Debata patupahon
pambahenanNa i. Diramuni Israel do goar ni Debata di tonga-tonga ni angka
bangso parbegu. Dihata heber diramuni di pangke hata ‫( ׅח ַלְלֶת ם‬hillaltem,
profane) namarlapatan dipangke goar ni Tuhan i tu angka pangalaho
manang kepentingan sekularisasi, manang haportibion, hisap manang hagiot
haportibion. Isarana: Hisap ni portibion do tujuanna, alai dipangke goar ni
Debata asa porsea halak jala boi dapot hagiot ni dagingna i. Artina asa
tarrimas pe Debata tu bangsoNa, dalan ni Debata do i laho pabadiahon (Ibr:
qodesh) goarNa na sun timbuli, naung diramuni halak Israel ditonga-tonga
ni bangso parbegu. Asa molo nunga diparbadiai Debata goarNa mulak ma
muse roha ni Debata tu bangsoNai laho paturehon bangsoNai muse. Molo
tarimangi turpuk on, torang ma dihita bawasanna tarorom Tuhani dope
rimasNa molo diangka hahuranganta alai baliksa rimas do Tuhan i molo
taramuni goarNa diadopan ni bangso-bangso parbegu (Ay.6). Molo taulahon
mangaramuni goar ni Debata, marhitehite mamangke goarNa tu dalan na so
patut, dang tarorom Debata rimasNa, sandok ingkon ro panguhumanNa. Jala
rimas ni Tuhan i pe ndada holan pasombu murukNa sambing, sai hira jolma
molo nunga tarrimas olo gelap mata. Alai dibagasan rimas ni Tuhani, sada
dalan doi tong laho mangurasi dosa ni bangsoNai, asa marpangulahi muse
roha ni Debata laho patureturehon bangsoNa na tangkang marrohai. Sada
sitiruon do on tu hita jolma, asa nasa murukta unang ma holan laho papuas
mohop ni roha, alai ingkon adong do tong unsur edukasi dibagasan
muruktai. Jala molo nunga muruk hita unang ma torus ngotngot ate-atei,
ingkon adong do tong roha marpangulahi songon na binahen Debata tu hita
jolma, ima : Dung salpu murukNa i tu bangsoNa natangkangi, diurasi ma
bangsoNai, dipaluhut jala boanon ni Debata muse mulak bangsoNa i tu
tanona.
Diturpuk on dipaboa Debata do, marhite-hite aek na tio do urason ni
Debata bangsoNa na tangkangi, na jotjot madabu tu dosa ni ganaganaan.
Dihata Heber mandok aek na tio dipangke hata ‫( ַמ ׅי םְטהֺוים‬mayim te howrim,
the water clean) na marlapatan aek diparbadia siala dibagasan aek i mian
goar ni Debata sun badia jala timbul, asai do aek na tio patoranghon aek
pandidion i, asa nasa na dididi dibagasan aek pandidion dibagasan goar ni
Debata Ama, Anak dohot Tondi Porbadia, nunga diurasi jala dipaias Debata
do ibana sian angka dosana. Jala nasa naung diurasi marhite aek pandidion i
dapotan roha na imbaru manang tondi na imbaru, molo dihata Heber
dipangke hata ‫(חְַָד ָש הֵלב‬lebhadasah, the new heart) dohot ְַ
‫(ָד ָש הדּוַח‬ruachchadash, the new spirit). Roha manang tondi na imbaru,
marlapatan ma i angka parbue ni Tondi Porbadia na pinatorang ni apostel
Paulus dibagasan Galatia 5:22-23. Jala dipaondol turpuk on muse, molo
nunga mian Tondi i dibagasan jolmai, jala diparbuehon jolma angka parbue
ni Tondi i dibagasan ngoluna, disi ma tarbahen jolma i laho mangaradoti
manang patupahaon angka uhum dohot patik ni Debata. Dihata Heber hata
mangaradoti di pangke hata ‫( ּתְֺש ְמדּו‬tismeru) manang hata ‫( ָֹש ַמד‬shamar)
namarlapatan :you will keep, diingot, dipeop, dihangoluhon. Astuanna, molo
didok diradoti berarti nunga dimudarhon, dihosahon, dipardaginghon be
uhum dohot patik ni Tuhani.

III. Hahonaan Ni Jamita

Goar ni minggunta sadarion ima quasimodogeniti na marharoroan
sian bahasa Latin namarlapatan songon poso-poso na imbaru tubu, nauasan
jala marsigantung sian susu na tama sian natorasna. Songoni ma hita angka
na porsea, sai songon poso-poso ma hita diadopan ni Debata, nauasan di
hata ni Debata, jala na marsigantung tu si ma ngolunta angka na porsea.
Hombar tu ojahan minggu: Ditubuhon paduahalihon marhite hata ni Debata.
Ise do hata ni Debata na dimaksud? Molo ta parateatehon dibagasan Johanes
1 : 1 + 14 dihata gorik didok : Έν αρχηην ό Λόγος καί ό Λόγοςην πρόςτον
Θεον καί Θεοςην ό Λόγος. Καί όΛόγος σαρξέγενετοκαίέσκήνωσενένή
μίνκαίέθάσσμεθα τήνδόεαν αυτούδόεανώζμονογενοϋζ παρα ΠατροςΠλήρηζ
χαριτοςκαίάληθειας (en arche enho Logos kai ho Logos en pros ton Theon
kai Theos enho Logos. Kai ho Logos sarxegeneto kai eskenosenen hemin kai
etheasametha ten doxanautoudoxanhos monogenous para
Patrosplerescharitos kai alethias) namarlapatan : Dimulana i nunga adong
Hata i jala saor tu Debata do Hata i jala Debata do Hatai. Gabe daging ma
Hata i jala maringan di tonga-tonga ni hita on, jadi huida hami ma
hasangaponNa ima hasangapon ni Anak sasada na sian Amai, gok asi ni
roha dohot hasintongan. Artina Jesus do nanidokna hata ni Debata i na tolap
patubuhon jolma pardosai paduahalihon. Jala tubu paduahalihon na
dimaksud ima songon dia hita sahat tu hambuaon ni roha na sintong dung
tajalo pangurasan na sian Debata marhitehite aek pandidion dohot pandidion
parohaion marhite-hite Tondi Porbadia. Amen.

Pdt. Ewen Josua Silitonga

MINGGU MICERICORDIAS DOMINI

23 APRIL 2023
Epistel: Psalmen 116:12-19

Dipaimbaru Asa Mangolu di Sangkap ni Debata

I. Patujolo
Di hata Heber, goar ni buku Psalmen ima “tehilim” na mangondolhon
makna ima: “angka ende olopolop/pujian”. Uju patupa parsombaon nasida
tu Debata di bagas joro Jerusalem, gumodang do dipangke hata “tehilim” na
ginurithon ni angka pande bisuk Israel sian sundut tu sundut. Mamungka
sian parhusoron nasida gabe sada bangso harajaon dung mulak nasida sian
tano habuangan Babel. Alai torang do diparrohahon parpsalmen i
mangalapati angka ari nang angka na masa nabinolus nasida uju di
Jerusalem, tano Babel, sahat tu na mulak nasida sian habuangan i. Mansai
tangkas jala tiur diida nasida pangaramotion ni Debata na so mansohot
saleleng partingkian manang di angka ari na salpu na dibolus nasida.
Psalmen on, ima sada karya sastra manang puisi na sinurathon ni
parpsalmen na marojahan tu realitas na hinangoluhon ni parpsalmen sandiri.
Sian mulana, Psalmen on nunga memiliki peran na mansai ringkot di ngolu
ni bangso Israel lumobi di angka ulaon patimbulhon goar ni Debata di ngolu
nasida. Songon ido nang huria na parjoloi, dipangke do Psalmen asa
masipaingotan di ganup gulmit ni ngolo nasida (ida. Kol. 3:16), jala sahat tu
tingki on godang do ende puji-pujian ni huria dienet sian buku Psalmen on.
Songon buku na marrumanghon karya sastra, secara umum isina
manghamham taringot tu ende, tangiang, pujipujian, hamauliateon, las ni
roha, olopolop (sukacita), dohot angka panindangion haporseaon tu Debata.
Boi do dohonon buku Psalmen on songon buku na marisihon “andungadung
(ratapan)”. ganup bindu Psalmen on godang na 150 bindu. Psalmen on boi
do dibagi tu lima horong, ima: bindu 1-41; bindu 42-72; bindu 73-89; bindu
90-106; dohot bindu 107-150. Sude bindu buku Psalmen on dipaujung
marhite: “pujipujian tu Debata na badia jala na songkal saleleng ni
lelengna”. Jadi, asa lam bagas parbinotoanta taringot tu Psalmen on,
tabereng ma turpuk Epistel naung dienet sian Psalmen 116:12-19 taringot tu
panindangion ni parpsalmen marhitehite “roha hamauliateonna tu Debata”.

II. Hatorangan
Molo tajaha Psalmen 116 sian ayat parjolo sahat tu ayat parpudi
(ay.1-19), pintor boi do dadapon ni rohanta, aha bonsirna umbahen pola
marsampulusia ayat. Alai di bagian paduahon, nagabe turpuk
Evanggelium, ditariashon ibana do angka aha sibahenonna di bagasan
paragamaonna marhite haporseaonna, ala godang ni na denggan naung
jinalona sian Debata (ay.12-19). Songon sahalak na normal parrohaon
dohot partondionna, ala panandaonna tu angka pambahenan ni Debata tu
ibana, dituktuk ibana andorana mandok: Tung beha ma pamaloshu tu
Jahowa, ala saluhut denggan ni uhumna i tu ahu! (ay. 12). Tama do nang
hita maniru parpsalmen on. Olo hita tangkas mananda angka dia naung
dibahen Debata tu ganup dirinta jala manukkun dirinta be aha bahenonta
balos ni nadenggan naung tajalo sian Ibana. Halak na so olo mangaranap
dohot mangakui aha naung dibahen Debata tu ngoluna, marungkil do i
mambahen balos ni na denggan tu Debata. Molo tinanda aha na denggan
nabinahen ni dongan sahuta, manang tulang, dongan tubu, hahaanggi, nang
boru tu diriniba, lao do roha mambalos angka nadenggan i tu nasida.
Somalna, nadenggan do balos ni nadenggan. Tabilangi ma jolo angka aha
na denggan naung dibahen Debata tu hita ganup. Ra olo do ndang
hajojoran i sude dison. Ganup do manjalo adong na khusus tu dirina be.
Tugasta do manungguli rohanta dohot roha ni donganta, asa mananda
nadenggan songon naung dibahen Debata tu ganup jolma na porsea di
Ibana.
Hombar tu haporseaon ni parpsalmen on, ndang denggan asal mate
boti angka na porsea tu Debata. Tung mansai arga do di roha ni Debata
hamamate ni akka naniasianNa (ay. 15). Jadi ndang lomo roha ni Jahowa,
asal mate boti angka naniasianNa i. Ikkon mate terhormat do, angka
naniasian ni Debata. Ingkon mate marlapatan tu harajaon ni Debata dohot
tu hajolmaon do hamamate ni naniasian ni Debata. Artina Ingkon mate di
bagasan Tuhan i ma angka naniasianNa. Ikkon mate maninggalhon jasa na
mansai arga molo mate naniasian ni Debata. ummarga sian nanidokna:
molo arimo mate maninggalhon bolangna, molo gaja mate maninggalhon
gadingna, molo mate jolma maninggalhon sangap digoarNa. Hombar tu
panindangion ni parpsalmen on, dilehon ibana do dirina gabe naposo ni
Debata manang gabe parhaladoNa; parpsalmen mandok: anak dari hamba-
Mu perempuan/anak ni hatobanMu (ay. 16). Di haparhaladoon on pe,
dihilala ibana do na Jahowa sambing mangaloas ibana gabe parhalado. Ai
ala na diharhari Jahowa do angka rante sian ibana jala ditanggali do
pangambati sian dirina umbahen boi ibana marhaladoi saluhut bangsoNa i.
Alani, gabe ditanda ibana hahuranganna, jala ditanda ibada Debata na
mangalehon godo marhite asinirohaNa na tung mansai balga i. Sangap do
dihilala ibana ulaon haparhaladoon i jala tung diparsinta rohana do i.
Tingki diparhaladoonna i, dipakke Debata do parpsalmen on lao manggohi
angka ulaon na mansai denggan di adopanNa, di tongatonga ni bangso i,
tarmasuk di alaman ni bagasNa dohot di parsitongaan ni Jerusalem,
marhaleluya ibana disi. Tung mansai sitiruon do pangalaho ni parpsalmen
on di tongatonga ni Huria Kristen nuaeng. Sian pangakuan ni parpsalmen
on, tarboto do na malua ibana sian hamaolon dohot pangunjunan i sian
gulmit ni ngolu na. Alani, digurithon ibana do pigapiga ondolan ni roha
mauliatena siala panggomgomion ni Tuhan i di ngoluna dohot disaluhut
bangso i.

1. Manjalo panginuman ni angka hatuaon

Parsidohot do ibana di tongatonga ni angka malim manjalo
panginuman na marisi anggur, songon simbol ni hatuaon. Panginuman na
songon i, dipatangkas Tuhan Jesus do tingki dipatupa Ibana parsipanganon
nabadia borngin i uju tarjehe Ibana. Ninna Tuhan Jesus “Sude hamu
manginum sian i. Ai mudarHu do on, mudar parpadanan i, naniusehon
humophop torop bahen hasesaan ni dosa” (Mat. 26:27c-28). Sai tahirim ma
asa parsidohot jala parjambar hita manjalo panginuman ni angka hatuaon i.
2. Joujou di goar ni Debata
Marlapatan do i, na tung mansai godang tingki dohot kesempatan
manang dalan na ture di ibana lao manjou goar ni Debata. UhumNa
mandok: “Ndang jadi dohonon goar ni Jahowa Debata, ianggo so ture
dalanna, ai hona uhumna do sogot angka na marsineang di goarNa”.
Martua do jolma na dipatolap Jahowa manjou goarNa. Ai tu namanjou
goar ni Jahowa do leononna haluaon, malua sian hagogotan, marmulia.
Songon hata ni Debata na mandok di Psalmen 50:15 “Jou ma Ahu jumpa
di ari hagogotan, asa hupalua ho, asa dipuji ho Ahu”. Tutu ma songon na
didok ni parpsalmen di bindu 91:15 “Jouonna ma Ahu, jadi alusanku ma
ibana, sai dongananku do ibana jumpa hagogotan, paluaonku do ibana, jala
marmulia ibana bahenonku”. “Jadi joujou ma nasida tu Jahowa di
hagogotannasida i, gabe dipalua Ibana nasida sian hagogotannasida i”
(Psa. 107:6;13;19;28). “Sian hagogotan do hupajoujou Jahowa, gabe
dialusi Jahowa ahu, di na pinalumbangna i ahu” (Psa. 118:5). Tabahen ma
dirinta be gabe jolma na torus manjou goar ni Debata. Kesempatan tusi
nunga tung tangkas dileon Tuhan Jesus Kristus. Sai olo ma hita gabe sijou
goar ni Jahowa marhitehite Jesus Kristus, ai martua do hita disi.

3. Manggarar angka bagabaga (nazar) na tu Jahowa

Nuaeng on somal do didok “janji iman”, i ma bagabaga tu Debata na
nionjar ni haporseaon dohot haserepon mandok mauliate. Ndang marasing
i tu bagabaga (nazar) nanidokna di psalmen 116 on. Olo do memang
sahalak naporsea tarallang “bagabaga”, alai na so jadi solsolan i, molo
masa na songon i. Panguhum Jefta misalna, tarallang bagabaga (nazar) na
do ibana, alai ndang gabe disolsoli ibana nazarna i, diulahon ibana do, ia
tung pe dipangido tikki tu Jahowa andigan boi ulahononna. Isarana songon
si Jefta na marporang mangalo halak Amon, marbagabaga do ibana
mandok: “Dung i marbagabaga ma si Jepta tu Jahowa, ninna ma: Molo
dipasahat Ho halak Amon tu bagasan tanganku: Manang aha na ruar
parjolo sian pintu ni bagashu manomunomu ahu, di na mulak ahu
marsonangsonang sian halak Amon, ingkon Jahowa nampunasa, jala
pelehononku do i bahen pelean situtungon” (Pangh.11:30-31). Hape
boruna sandiri do naruar parjolo sian baba pintu ni jabuna di na sahat si
Jefta tu huta mulak sian parporangan. Dung dua bulannari, dipasaut si Jefta
do bagabagana i tu Jahowa, dipelehon boruna i tu Jahowa, jala ndang
disikkat Jahowa boruna i marhite hambing, songon na tu si Abraham tikki
mamelehon si Ishak. Martua do si Jefta namanggoki bagabagana, nang pe
agoan boru ibana ala tarallang bagabaga ibana disi. (Jaha satorusna:
Pangh.12:1-7). Parpsalmen on manggarar bagabagana tu Jahowa jala
ndang margabusi ibana. Ndang songon angka jolma nadidok ibana “sude
pargabus”. Alai ditepati do bagabagana i.
4. Pasahathon pelean mardongan roha hamauliateon tu Debata
Apala di adopan ni sandok bangsoNa, di akka alaman ni Jahowa,
diparsitongaan ni Jerusalem. Pelean hamauliateon i songon sipanganon
jala dibagihon ma i tu angka jolma na ro tu bagas joro i, jala dipasisi do
deba gabe balanjo ni angka malim. Pelean i ndang na dipasahat
parpsalmen i laho patuduhon na boi sibahenon, ndang patuduhon ginjang
ni rohana, alai tung haserepon ni roha do dibahen laho pasangaphon
Debata. Marhite pelean hamauliateon i, lam martamba-tamba do hamoraon
ni na manggohi nazarna tu Debata. Sude bangso i manghalashon pasupasu
ni Jahowa na sahat tu nasida. Sai lam martambatamba ma jolma na olo
marnazar songon napinatupa ni parpesalmen i tu sude jolma na ro tu joro
ni Tuhan i.
III. Sipahusor-husoron
1. Naeng ma parsidohot hita songon parpsalmen on, di hata dohot
di pambahenan. Marhaleluya ma hita mangendehon angka asi ni
roha ni Jahowa tu ganub ngoluta be.
2. Joujou (seruan) tu saluhut pangisi ni hajanghajang/portibi asa
dipatupa pamujion tu hatimbulon ni goar ni Tuhan i”.
Panindangion ni hasiangan on tu hatimbulon goar ni Tuhan i.
Panindangion on ma na ingkon baritahonon ni portibion on
tarlumobi jolma manisia, ingkon manghatindangkon Debata do
panompa di saluhut. Tu pandohan on, naeng haporseaon jala
 panindangion ni jolma i mamboan saluhutna patupa pamujion tu
hatimbulon ni Debata, Partanobatoan ni saluhut halak na
manghabiari Ibana.
3. Marojahan tu haporseaon ni halak Kristen, nungna singkop ulaon
ni Debata dipanompaon-Na tu hasiangan on. Ibana do muse na
“mangaramoti, manobus, paimbaruhon, jala pasingkophon saluhut
na tinompa-Na molo dipujipuji Ibana marhite panindangion
mardongan roha mauliate.
4. Patut ma jolma patuduhon sorminan pangalaho na tama di Debata
alani denggan ni basa-Na, holong ni roha-Na, dohot asi ni roha-
Na. Marhite sikap na songon on, dapotan panginuman ni angka
hatuaon ma hita na porsea di Ibana.
5. Sada kewajiban do mambaritahon hatimbulon goar ni Debata,
apalagi halak naung manjalo pangurupion dohot denggan basa ni
Jahowa di ngoluna. Molo dipillit Jesus angka naporseai gabe
siseanNa, diperlengkapi do saluhutna diangka perlengkapan laho
mandok mauliate, mamuji, mamaritahon dohot
manghatindangkon Debata marhite Tuhan Jesus tu liat portibion.
6. Naeng ma tarida nean marhite pambahenan na denggan nang
marhite sikap dohot tingkah laku na tama, asa polin hita na mar-
Misericordias Domini hombar tu goar ni minggu sadarion.
7. Taingot ma Micericordias Domini: “Sai endehon ma angka asi ni
roha ni Jahowa”. Marhite panindangion na mangolu, marojahan
tu roha na marhamauliateon mamuji hatimbulon ni Tuhan i.
Selamat marhaimbaruon ma dihita salutna, huhut mangolu ma
hita di sangkap ni Debata. Amen.

Pdt. Uba Manatap Panggabean, S.Th

MINGGU MISSERICORDIAS DOMINI

23 APRIL 2023
Evanggelium 1 Petrus 1:17-23

Dipaimbaru Asa Mangolu di Sangkap ni Debata

I. Patujolo
Surat sada Petrus ima surat kiriman (pastoral) na ditujuhon tu huria
na marserak, ima di Pontus, Galatia, Kappadosia, Asia dohot Bitinia (ay. 1).
Tujuan ni 1 Petrus digurithon jala diditongoshon tu huria na marserak i, asa
paingothon huria i di ruhut-ruhut ni parange na denggan tudos tu pangalaho
ni Kristus songon ulu ni huria. Diampehon do huria i tu ngolu na marragam
hamaolon, pencobaan nang angka godang ni penderitaan. Mangadopi
berbagai keadaan na masa, songon tantangan, penderitaan, halumlamon, lan
angka na asing dope. Surat 1 Petrus on mangalehon sada pambohalion, asa
tama halak Kristen marpangalaho songon parbue ni haporseaon na
marsorminhon ngolu ni Kristus. Asa songon halak na boi tiruan nean halak
Kristen i marhite pangalaho na denggan jala na marojahan di bagasan
holong, songon angka apostel i na mambahen Jesus gabe tiruan nasida. Ala
ni, halak Kristen ingkon boi do patuduhon haporseaonna marhite
pambahenan dohot pangalaho nabiar jala unduk tu Debata, huhut boi
papatarhon ngolu na marholong ni roha na manontong, ias, jala uli tu
dongan jolma. Halak Kristen mansai porlu do mangolu di bagasan holong
niroha, alana holong ni roha i do pataridahon pangalaho na siihuthon Kristus
hita.

II. Hatorangan
1. Ayat 17
“Molo Ama digoar hamu Ibana”. ‘Ama’ dison ima Debata na gabe
Ama di saluhut bangso di portibi on na mangolu di bagasan habadiaon.
Dihatindanghon si Petrus do i asa mangonjar semangat dohot patoguhon
angka halak Kristen asa terlibat jala parsidohot nasida marpangalaho
habadiaon. Ala ni, ingkon do parateatehonon songon dia do hita
marpangalaho. Ama na ni maksud ni si Petrus ima: “Ama na manguhumi
nasa jolma na marguru tu pambahenanna”. Hata ‘manguhumi’ tuat do i tu
panguhuman na parpudi ni Debata Ama tu saluhut angka bangso-Na, dohot
panguhuman na torus taripar sian Debata diganup gulmit ni ngolu ni angka
jolma i. Dihaholongi Ibana do sude angka ianakhon-Na, jala diparade Ibana
do hatuaon tu nasida, asa hatuaon i gabe parjambaran diganup ngolu nasida
na porsea di Ibana, jala mardalan nasida di bagasan pangaramotion dohot
parenta na sian Debata. Ima balga ni holong ni Debata Ama i, holong na so
marpangansi do dibahen tu jolma i.
“Marhatahuton ma hamu marparange di tingki
paisolatanmuna”. Dihatindanghon si Petrus do paingothon angka jolma i,
molo di portibi on holan parsatongkinan do, ala ni do didok
‘paisolat/menumpang’. Alai, ngolu na maarpaisolat i do manontuhon
ngoluta di bagasan habadiaon sogot. Manjalo ngolu habadiaon do hita
manang na daong. Molo naeng manjangkon ngolu na saleleng ni lelengna i,
didok si Petrus asa marhatahuton hita saleleng di portibi on dope. Mabiar
ima: parbue ni holong tu Debata dohot panandaion na sintong tu Panompa
na sun gogo. Ngolu na marhatahuton dipatuduhon ma i marhite pangalaho
na unduk tu Debata Ama, nolu na marpanghirimon tu Ibana disude gulmit ni
parngoluon.

2. Ayat 18-19
Boasa si Petrus mengajari nasida asa marhatahuton tu Debata?
Manang na asa mandapot pasupasu do manang na asa mandapot haluaon?
Sasintongna ido. Saluhut halak na unduk dohot marhabiaran tu Debata
mandapot haluaon do nasida, dipasupasu jala ditobus marhite mudar na
mansai arga. ‘Panobuson’ i ma sada natinuhor sian parhatobanan. Johanes
8:34, “Dung i didok Jesus ma mangalusi: Na tutu situtu do na hudok on tu
hamu: Hatoban ni dosa do ganup na mangula dosa”. Marhite ayat on, patar
situtu ma jolma i nunga dirajai dohot diparhatoban dosa. Dosa na
mamparhatobanhon halak, tarida do i sian gogo ni jolma i naso tuk manjadi.
Ala ni do, dibuat Debata ma inisiatif laho paluahon jolma i sian
parhatobanon ni dosa i. Dilehon Debata Ama ma Anak-Na ima Tuhan Jesus
Kristus gabe panobusan ni dosa i. Jala holan i do dalan ni angka jolma i
layak gabe naposo ni Debata.
Panobuson na didok si Petrus dison, ima panobuson sian “cara
hidup yang penuh dengan kesia-siaan yang diwarisi dari nenek
moyang’. Tangkas do on patuduhon ngolu na mardosa, sia-sia papatarhon
ngolu nang pangalaho na ramun, dang marguna, jala digohi dohot
panghirimon na sia-sia naso mararga di jolo ni Debata. Ditobus jolma i,
“ndada binahen ni sere manang perak, angka na olo buruk, alai binahen ni
mudar ni Kristus na arga i do, na songon mudar ni birubiru na so
hasurahan, na so marlindang”. On ma na patuduhon dang adong na boi
manobus hita sian dosa dohot denggan so holan ala ni mudar ni Tuhan Jesus
Kristus na songon mudar ni birubiru na so hasurahan dohot na so
marlindang. Jala on do na papatarhon tu hita na holan Kristus i do
panggonopion ni birubiru di Padan na Robi, alai Kristus di Padan na Imbaru
i pataridahon haluaon na so marpangansi salelengnilelengna. On ma sada
jaminan haluaon na dipasahat Tuhan Debata tu hita jolma mandapot jambar
hangoluan ro disalelengnilelengna.
 3. Ayat 20
“Naung ditodo do Ibana hian tagan so ojak dope paortibion”. Jesus
Kristus ma na tinodo ni Debata andorang so ditompa dope luat portibi on,
Jesus Kristus do na tinurpukhon Debata laho patulushon aha na
hinalomohon ni roha-Na di luat portibi on. Alai boi do dadapon rencana ni
Tuhan laho manobus sude angka dosa ni jolma i dang tindakan darurat i,
manang dang rencana na mendadak i. Alai sangkap panobuson i nunga
adong andorang portibi on di tompa. Hamatean dohot haheheon ni Kristus i
dang ala ni na muba sangkap ni Debata laho mngadopi situasi na tarida i.
Alai, angka i nunga dipapatar i jumolo di bagasan sangkap ni Debata Ama,
asa dapotan haluaon dohot hangoluan saluhut halak na manghaporsea i
Ibana di bagasan Tuhan Jesus Kristus.

4. Ayat 21
“Marhite Ibana (Jesus) do dihaporseai hamu Debata”. Dang boi
tarjalo hita haporseaon na mangolu dohot manjalo asi ni roha ni Debata so
holan marhitehite Kristus. Ala ni, mansai tama do hita marningot Kristus
Jesus ‘suman ni Debata na so tarida i; na parjolo tubu sian nasa na
tinompa (Kol 1:15). Kristus do na gabe dalan ni angka jolma i asa sahat tu
Debata, jala holan Kristus do na boi pamonanghon dohot pasonanghon
rohata, gabe boi hita rot u adopan ni Debata marhite haporseon na
manontong maradophon Ibana. Ala ni, tardok ma hita angka ianakhon na
dihahologan-Na.
Dihatindangkon si Petrus do taringot tu haheheon dohot habadiaon
ni Kristus i, asa adong dasar ni haporsean ni saluhut jolma i na mansai togu.
On do partinandaan ni bangso i: marhite panobuson ni Kristus i, nungga
dijangkon Debata Ama dibagasan asi ni roha-Na. Ala ni do umbahen gabe
hehe Jesus dibagasan habadiaon-Na i. Hombar tusi, lam tama ma hita
mandok mauliate tu Debata marhite haporseaon dohot pangkirimon na
mangolu maradophon Ibana.

5. Ayat 22
“Paias hamu ma rohamuna, marpangoloion di
hasintongan”. Pangurasiaon dohot haunduhon diulahon dang ala ni
hagogoon sandiri, alai marhite Tondi Parbadia do anggo pangurasion i.
Ingkon sadarionta do hon ala ni pangurupion ni Tondi Parbadia i do
umbahen boi hita dibadiahon jala diurasi, dang ala ni usaha sandiri. Ala ni,
halak Kristen ingkon do huhut martangiang dibagasan pangkirimon na
mangolu di partondion, jala radot mangido gogo sian Tondi i asa diurupi
hita disude gulmit ni parngoluan. “Mangeahi haholongon na so marlaok di
dongan, asa masihaholongan situtu hamu sian nasa roha”. ‘Holong
pardoganon’ diterjemahkan do i sian hata Yunani, ima: Philadelphia, na
mardasor sian hata Phileo (cinta) manang Philia (kasih) dohot Adelphos
(saudara). Na marlapatan ma i holong na so marpangansi, holong na so
mardia imbar, holong na sintong maradophon dongan. Jala on do na
patuduhon holong ni halak Kristen songon holong ni Kristus Jesus tu
saluhut jolma di hau pinorsilang i. Joh 13:34-35 “Patik na imbaru ma
hulehon tu hamu: Naeng ma masihaholongan hamu; songon holong ni
rohangku di hamu, naeng ma songon i dohot hamu masihaholongan”.
Mansai godang do halak na marsihaholongan, alai holan sian sisi
luar do nasida masihaholongan, isarana: dipataridahon bohi na minar
(senyum), hata-hata na mansai lambok situtu dohot lan na asing. Alai, anggo
di rohana tung marapipudun songon gara. Songon i ma holong na
marpangansi (pura-pura). Alai, holong na digombarhon si Petrus tu nasida
ima ‘holong na so marlaok di dongan huhut masihaholongan situtu sian
nasa roha’. Jala dipatudos si Petrus do holong i songon holong “Agape”
lapatanna: ‘holong na so mementingkan diri sandiri’, manang ‘holong na so
marsyarat’. Holong agape on ma na naeng sipeopon ni saluhut angka halak
Kristen i. Ala identik do holong agape on tu holong ni Debata, na tubu sian
Debata marhite panandaion di Debata jala Debata i do holong i (1 Joh. 4:7-
8).

6. Ayat 23
“Ai nunga mangulahi tubu hamu, ndada sian boni na olo basebasean, sian
na manontong do: Binahen ni hata na mangolu jala na mian i, na sian
Debata”. Dipartudoshon si Petrus do posoposo na imbaru tubu tu sude
halak Kristen i, gabe sada panindangion do i diibana asa boi nasida gabe
halak naung diurasi, ias jala imbaru di bagasan Tondi. Dang songon boni na
olo basebasean, sega, busuk. Alai, boni na sintong na sian Debata Ama
dipaandar songon holong ni roha naung dilehon tu bagasan ngolu ni angka
naung porsea di Ibana. Marhitehite hata ni Debata na pangoluhon nasida,
mian ma di roha nasida holong na so marpangansi i. Songon panindangion
ni si Johanes di 1 Johannes 3:9 “Ganub naung tubu sian Debata, ndang
mardosa; ai na mian do di bagasan ibana bon ii. Ndang tarbahensa
mardosa, ai nunga tubu sian Debata ibana”. Songoni ma halak naung
disonggopi hata ni Debata sipangolu i huhut gabe mulak imbaru ma angka
jolma na porsea di Ibana.

III. Sipahusor-husoron
1. Turpuk jamita sadarion paandarhon ruhut-ruhut sipaihut-ihuton
songon dia halak Kristen marpangalaho di ngolu siganup ari hombar
tu haimbaruon naung jinalo na sian Debata. Jala holong ni roha na
polin ima sada kemampuan manghaholongi donganna di sude
halobian manang hahurangan na. Isarana ndang mandele baoa manang
boru-boru (ama manang ina) molo jumpang na hahurangan ni dongan
sajabu na. Godang do jolma na terkenal di portibion sai adong be do
hahurangan na, olo hahurangan i jumpa di pardagingon, parrohaon
(kejiwaan), moral na dohot ulaon na. Di ruma tangga, dang mandele
ina molo pada akhirna diboto hahurangan ni amantana, songon ido
nang sebalikna. Alai halak Kristen ingkon do mandalani ari-ari ni
ngolu na mardomu tu habadiaon ni pangalaho/parange na tama
maradophon Debata nang dongan jolma. Sada ojahan na mansai togu
di ngolu ni halak Kristen ima tongtong marroha mauliate di angka
pasu-pasu na jinalo sian Tuhan i. Hagogoon-Na do na mangurupi hita
mandalani partingkian na tabolus. Asa naeng ma ta argahon hata ni
Debata naung mian di rohata be.
2. Ngolu na marhaimbaruon di tonga-tonga ni halak Kristen dipahombar
ma tu poda ni Tuhan Jesus. Boi do adong perbedaan di tonga-tonga ni
ngolu ni godang halak, nang huria di partingkian nang humaliang hita.
Alai ingkon ingotonta do, saluhut do hita songon hapataran ni
pamatang ni Kristus. Ala ni, ingkon di bagasan hasadaon ni roha do
laho padimun-dimun holong marhite na saroha sapangkilaan.
3. Pangoromon ni diri. Somal na adong do tolu bangko di hajolmaon na
somal tarida dingolu siganup ari ima: mangulahon na jahat balos ni
nadenggan (parjahat na sumalin), paduahon patupa na denggan
balosni na denggan (bangko na somal diportibion). Patoluhon, patupa
na denggan balos ni na jahat. Na patoluhon on ma identitas-hadirion ni
halak Kristen. Patupa na denggan balos ni jahat (lam mamasu-masu
ma hamu). Asa boi tu sikap na sisongon on, ingkon marsiranggut do
halak Kristen mangorom diri (menahan diri), marhite na solo marhata
ansi-ansi (manginsahi) dohot lan angka na asing.
4. Sandok tarjou do halak Kristen marpangalaho na denggan asa gabe
pasu-pasu tu na humaliang halak. Siala ni i, halak Kristen ingkon do
mangorom diri tu ulaon na so tama di adopan ni Tuhan i, asa lam tang
hita dihaporseaon jala na marpangunsadean tu Tuhani ma ngoluta.
Tapatuduhon ma angka parbue ni pangalaho na marhaimbaruon jala
naung tangkas panandonta di saluhut pambahenan ni Debata. Taingot
ma Micericordias Domini: “Sai endehon ma angka asi ni roha ni
Jahowa”. Marhite panindangion na mangolu, marojahan tu roha na
marhamauliateon mamuji hatimbulon ni Tuhan i. Selamat
marhaimbaruon ma dihita salutna, huhut mangolu ma hita di sangkap
ni Debata. Amen.

Pdt. Uba Manatap Panggabean, S.Th

MINGGU JUBILATE
30 APRIL 2023
Epitel: Johannes 10: 1 – 10

Marlasniroha Ala Ni Pangaramotion Ni Debata

I. Patujolo
Providentia Dei (pemeliharaan Allah) i mapangaramotion ni Debata
di saluhut na tinompa, martujuan ma i laho: parjolo, Jolma (manisia)
mangaramoti tano dohot nasa isinya (manusia memiliki akal dan budi sesuai
dengan citra Allah mendapatkan tugas sebagai rekan kerjaNya bukan
hamba sahayaNya untuk memelihara segala ciptaan Allah); paduahon,
hangoluan naso dung mansadi jala mardalan hombar tu lomo ni roha ni
Debata. Molo masa bencana na mambahen hamagoan ni jolma dohot nasa
na tinompa, ndang bolas be Debata patuduhon lomo ni rohaNa, ala n ii,
ingkon ramotan ni Debata do saluhut na tinompaNa. Patoluhon, laho
hasangapon ni Debata. Diparsinta Debata do asa saluhut na tinompaNa laho
pasangap goarNa mardite hata dohot pambahenan ni jolma. Ai di tingki
jolma i patupa na denggan di bagasan goar ni Debata, disi do marsangap
Debata. Songon dia do pangaramaotion ni Debata di bagasan turpuk on,
pamanat ma!
II. Hatorangan Dohot Hahonaan
Adong dua rumang ni parmahan (Ibr. ‫ ָר ָעה‬ra`ah Yun. ποιμήν
poimen) maradophon birubiru – domba – Ibr. ‫ ֹצאן‬tso'n [tsone] Yun.
πρόβατον probaton) na marmahani (mangaramoti) na pinarmahanna;
parjolo, PARMAHAN NASO DENGGAN, parmahan naso tinanda ni
birubiru. Rumang ni parmahan on ndang adong biarna laho mangago angka
na pinarmahanna ala so ibana nampunasa. Tudos do gombaran on tu rumang
ni parmahan di buku Hesekiel 34: 1 – 10. Paduahon, PARMAHAN NA
TUTU, parmahan na umboto saluhut goar dohot soara ni dorbiana, songon i
nang sabalikna saluhut dorbiana tumanda soara ni parmahan. Ndada holan i,
luluanna ma na mago i, jala mulak boanonna na tardempar i, jala lilitanna do
na mabugang i, jala pargogoanna do na marsahit i.
…na so bongot sian pintu, … manjangkit sian dalan na asing, panangko
dohot pamangus do i. (ay.1). Tupa adong bara (kandang kawanan) na so
masuk tu rumang ni parmahan na denggan. (pat. Joh 7:21-23 dohot
"Parumpamaan Eme dohot simaremeeme" Mat 12:24-30). Adong na
manguji bongot sian na so dalanna, maralo tu ruhut na niaturhon ni Debata
marhite Jesus Kristus (pat. Joh. 3: 14 – 16).
Alai na bongot sian pintu i, i do siparmahan birubiru i. Ungkapon ni
sijaga pintu i ma di ibana jala dibege angka birubiru i do soarana; jala dijou
do angka birubiruna di goarna be, laho manogihonsa tu balian. Ia dung
diparuar sude na di ibana, sai di jolonasida ma ibana mardalan, gabe
diihuthon angka birubiru ma ibana, ai ditanda do soarana (ay. 2-4). Sipata
dipadomu gombaran (parumpamaan) di turpuk on. Jesus songon pintu ni
bara, (Joh. 10: 7), laos parmahan ni birubiru (Joh. 10: 11, 14). Jotjot do
masa songon i di evangelium Johanes dohot Padan Naimbaru: Jesus do roti
jala silehon roti (Joh. 6: 35, 51), Jesus do hasintongan dohot Sihatahon
hasintongan (pat. Joh. 8: 45 – 46; 14: 6), Jesus do dalan jala Sipatudu dalan
(Joh. 14: 6), Jesus do pelean laos Sipasahat pelean (pat. Surat Heber).
Pandohan “parmahan” somal didok di Padan Narobi tudutudu tu Debata
dohot Mesias (pat. Psalm 23; Psalm 80:1; Jes. 40: 10 – 11; 1 Pet 5: 1 – 4).
Partogi ni Jahudi digoari do "parmahan pargapgap - palsu" (Jer. 23; Yeh
34, Jes. 56: 9 – 12). “parmahan” songon "siradoti bagas ni Debata" (pat. Ef
4:11; Tit 1:5,7).
Ditangihon na pinarmahan do sora ni parmahan (Joh. 10:3)
pataridahon panandoan dohot haundohon na marondolan tu parsaoran
siapari. Ai jouonna ma angka dorbiana hombar tu goarna be. Tangkas do
ditanda Jesus na pinarmahanNa, marlapatan do i, paboa parmahan na
denggan, matua mananda sude biodata – identitas ni na pinarmahanna.
Pandohan “Ia dung diparuar sude na di ibana, sai di jolonasida ma ibana
mardalan, gabe diihuthon angka birubiru ma ibana, ai ditanda do soarana”
patuduhon pangaramaotion di haluaon dohot ruhutruhut siaganup ari (ay. 4
– 9). Laos boi do i paboa hasomalan laho palumehon dorbia di jampalan
bidang na marhandang di tingki borngin, alai di manogotna jouonna ma
angka dorbia tu jolona. Siala parsaoran siap ari ni parmahan dohot na
pinarmahan, matua manangihon sora ni parmahanna do birubiru i, ndang olo
paihutiuhut soara ni parmahan na asing (ay. 5). Huria na pinaojak ni Kristus
di portibi on, ingkon pajumpang do (laho maralo) dohot angka ‘parmahan
pargapgap’, i ma angka parpoda haliluaon (pat. 1Tim 4:1-3, 2Tim 4:3-4;
1Joh. 4:5-6). Pangajarion ni Jesus ndang diantusi na nasida (ay. 6) gabe
dipatorang ma astuanna tu nasida (7-10). "Itulah yang dikatakan Jesus
dalam perumpamaan kepada mereka" ini bukanlah kata yang normalnya
diterjemahkan sebagai "perumpamaan," namun ini berasal dari akar yang
sama. Bentuk ini hanya ditemukan di sini dan dalam Joh. 16: 25, 29 dan 2
Pet 2: 22. Meskipun ini adalah bentuk yang berbeda, sepertinya hal ini
bersinonim dengan istilah yang lebih umum yaitu "perumpamaan." Istilah
"perumpamaan" biasanya berarti menempatkan suatu kejadian yang umum
dari suatu kebudayaan disamping suatu kebenaran rohani sedemikian
sehingga membantu dalam pemahamannya. Namun demikian, ini bisa
menunjuk pada penyembunyian kebenaran dari mata-mata yang buta
secara rohani (pat. Joh. 16:29; Mr 4:11-12) Ala udut ni Johanes 9 do on,
“nasida” na nidokna dison i ma halak Parise. Astuan na pinatorang ni Jesus
didok do i: “NA TUTU SITUTU” (sesungguhnya – truly – Yun. Amen).
Lapatanna, kebenaran yang tidak terbantahkan paboa Jesus do PINTU
(Yun. θύρα thura, Ibr. ‫ ֶּד ֶלת‬deleth). Tudosan on paullop hasintongan paboa
‘holan’ JESUS DALAN NASINTONG (pat. Ay. 8, 10; 14: 6). Pandohan on
ma na digoari skandal ekslusifisme Injil (hatandian ni evangelium). Ai molo
BIBEL do pustaha ni Debata laho patandahon (penyataan) Debata,
marlapatan do i paboa holan sada do dalan jala hasintongan tu Debata, i ma
haporseaon di bagasan Kristus (pat. Ul. Ap. 4: 12; 1 Tim 2: 5; Joh. 8:12.).
Digoar do angka panangko (Yun. κλέπτης kleptes [klep'-tace] embezzler,
pilferer, thieves) jala pamangus (Yun. λῃστής lestes, robber, Mandailing:
panyamun Ind. perampok) sude na manjoloani (Yun. phro emou – came
before…mendahului) Jesus, i ma angka na di “duru” ni Jesus. Tung sura pe
joujou angka na manjoloani Jesus i tu angka birubiru ni Jesus, ndang
tangihonon ni birubiru i anggo nasida. Molo adong na olo manangihon soara
ni na ‘manjoloani’ Jesus, ndang birubiru ni Jesus na masuk sian PINTU inon
i, alai na mangangkat do i sian dalan na asing, i ma angka panangko dohot
pamangus. Ala konteks ni Johannes 9 dohot 10, Hari Raya Pentahbisan
Hanukkah (pat. Joh. 10: 22), tupa do turpuk on manudu tu tuntutan
keMesiasan ni halak Makabe. Alai tupa do ra marhadomuan tu angka halak
Parise tudosan ni parmahan pargapgap, manang parmahan siida gaji. (pat.
Jer. 23 dan Hes. 34). (Bahasa yang sangat abstrak dan riwayat sejarah
yang tidak jelas menyebabkan para penyalin-penyalin mula- mula
memodifikasi atau mengembangkan naskah ini dalam upayanya untuk
menerangkan artinya. Satu naskah kuno (ms D) secara sederhana
mengabaikan kata cakupan "semua" dan beberapa naskah-naskah kuno
awal (P45, P75, ‫ )*א‬mengabaikan frasa "sebelum Aku.")
Ahu do pintu i. Paluaon do ganup na bongot sian Ahu; na laho bongot
jala laho ruar ma ibana, dapotan jampalan (ay. 9-10) Anggo panangko,
holan manangkoi, maneati jala mangago do, umbahen na ro Alai anggo
Ahu, asa adong hangoluan di nasida, pola marlobilobi di nasida, umbahen
na ro.
Ay. 9 "Paluaon do ganup na bongot sian Ahu " Holan Jesus dalan tu
Debata (pat. Joh. 14: 6). Kata kerja "malua (paluaon)" di konteks on, ra
marhadomuan tu konotasi Padan Narobi taringot tu haluaon pardagingon.
Alai jotjot do panurat Johanes mamillit istilah-istilah na mambahen dua
pangantusion na bertumpang tindih, alai konsep haluaon partondion pe
ndada na gabe diorui di turpuk on (pat. ay Joh. 10:42). Ay. 10 "Panangko"
patuduhon motif na buni di angka parmahan pargapgap jala pataridahon niat
jahat ni angka parmahan naso hasea i. Roha laho manangko, maneati dohot
mangago do tahi ni angka parmahan naso tutu. Tudos do i songon Parorot
na manganhon sipanganaon ni na pinarorot naso mamingkirhon na
pinarorotna. Alai anggo Jesus, disarihon do angka birubiruNa. Roha na ahut
tu diri jala angka na impolan di perak, parmahan na niupaan, i ma angka
parmahan naso tutu (10: 12-13).
Alai anggo Ahu, asa adong hangoluan di nasida, pola marlobilobi
di nasida, umbahen na ro.
("Aku datang, supaya mereka mempunyai hidup, dan mempunyainya dalam
segala kelimpahan") Frasa ini sedemikian seringnya dikutip sebagai suatu
janji mengenai hal-hal material, namun dalam konteks hal ini berhubungan
dengan hal mengenal Jesus secara pribadi dan berkat-berkat rohani, bukan
kemakmuran material, yang dibawaNya. Hal ini bukannya hal memiliki
sedemikian limpah dalam kehidupan ini, namun mengenal dan memiliki
kehidupan yang benar! Sebagaimana Injil Sinoptik mencatat penekanan
Jesus akan Kerajaan Allah, Yohanes mencatat penekanan Jesus akan
kehidupan kekal.

III. Panimpuli
1. Jesus do PINTU, holan marhite PINTU i do dalan laho ruar dohot
laho bongot. PaluaonNa do ganup na bongot sian pintu i, i ma
haluaon di pardagingon dohot partondion.
2. Jesus do PARMAHAN NADENGGAN, na mangalehon
hangoluan dohot na ringkot di na pinarmahanNa pola marlobilobi.
3. HURIA, i ma birubiru ni Jesus. Birubiru: na niramotan ni Jesus
(Psalm 23: 1 – 6), na tangi di soara jala mangihuthon Parmahan.
4. Huria, i ma pamatang ni Kristus, hape Kristus i do Pintu dohot
Parmahan Nadenggan, ala ni, huria naeng ma gabe manifestasi
Kristus tu saluhut bangso gabe ‘harbangan’ manuju tu PINTU i,
ai holan i do dalan bongot tu harajaon Namanongtong, laos gabe
manifestasi Kristus patupahon parmahanion- providentia dei
(pemeliharaan Allah) tu saluhut na tinompa bahen hasangapon ni
Debata, Amen.

Panurat: siduamooll

MINGGU JUBILATE
30 APRIL 2023
Evangelium: Psalm 100: 1 – 10

Marlasniroha Ala Ni Pangaramotion Ni Debata

I. Patujolo
Psalm (Ibr. Mizmor) buku na marisi angka ende pujipujian manang
tangiang na diendehon mardongan uninguningan (tehillim manang tehillot),
sada buku na gumanjang di Pustaha Bibel Padan Narobi, pola sahat tu 150
bindu. Sian 150 bindu, 73 bindu sinurat ni Raja Daud, 12 bindu sinurat ni
Asaf, 11 bindu sinurat ni angka anak ni si Korah, 1 bindu sinurat ni si Musa
(Moses), 2 bindu sinurat ni Raja Salomo, 1 bindu sinurat ni si Heman, jala
50 bindu naso binoto panuratna (anonim). Bindu 100 masuk ma i tu horong
ni anonim, na marisihon joujou laho mamuji Debata di bagasan olopolop
dohot las ni roha siala sude pambahenan ni Debata di bangso na pinillit ni
Debata sian saluhut bangso.
Psalm 100 marisihon psalm pasahat pelean hamauliateon di bagasan
olopolop (sorsk-sorak, soara na gogo) marhite ibadah di Bagas joro. Ibadah
(parsaoran Nabadia tu Debata) i ma sada ulaon hatandian di angka na porsea
laho pataridahon intrekasi ni sasahalak manang punguan (luhutan)
maradophon na dirajumi ilahi (marhahomion).

II. Hatorangan Dohot Hahonaan

Dua bagian bolon do hinamham ni turpuk on, i ma: Joujou laho
mangolophon Debata jala pasahat hamauliateon (ay. 1-2,4) dohot Sibonsiri
ni Pamujion (ay. 3,5) Ay. 1-2: Marsaringar situtu do joujou laho
mangolophon Jahowa tu sandok tano on. Joujou i dibuhai dohot pandohan
Olophon ma Jahowa, ale sandok tano on (Bersorak-soraklah bagi
TUHAN, hai seluruh bumibumi (TIB) härîº`û lyhwh (la´dönäy) Kol-hä´äºrec
(BHT). Olopolop (sorak-sorak marhite soara nagogo) sian sandok tano on
ditujuhon tu JAHOWA. Jahowa, ima ehyeh asyer ehyeh (Ahu nuaeng Ahu
Sogot, Aku adalah Aku, Aku akan Ada seperti Aku akan Ada), Ibana
TUHAN ni saluhut (Ex. 3: 14). Psalm on dibuhai marhite panjouon tu
sandok tano on laho mamuji Jahowa di tingki i, alai laos joujou do on sahat
tu tingki on dohot tu tingki na naeng ro sahat ro di maranatha laho
beribadah tu TUHAN di bagasan Jesus Kristus. Joujou diuduti muse dohot
pandohan: Oloi hamu ma Jahowa marhitehite las ni roha, ro be ma
hamu tu joloNa marhitehite olopolop (Beribadahlah kepada TUHAN
dengan sukacita, datanglah ke hadapan-Nya dengan sorak-sorai!)
Mangoloi Jahowa (beribadah kepada TUHAN Ibr. `ibdû ´et-yhwh). Ibadah
(Ibr. Abad; Arab yaebud lapatanna: marsomba, unduk, patutoru diri tu jolo
Debata). Joujou laho mangoloi beribadah tu Debata ndada na Debata
memerlukan hita, alai i do lomo ni rohaNa, paboa ingkon sipangoloi jolma
tu Ibana laho mengabdikan diri marhalado di joloNa. Ndada holan unduk
sambing jolma i tu joloNa marhite ritual agama alai pasahathon diri tu
Debata, mangoloi Ibana sian nasa roha, sian nasa ateate dohot sian nasa
gogo. Lapatanna, memposisikan TUHAN di ginjang ni ginjangan, di langit
ni langitan.
Ay. 3: Boto hamu ma on: Jahowa do Debata; ibana jumadihon
hita, jala Ibana nampuna hita, bahen bangsona dohot birubiru
pinarmahanna. (Ketahuilah, bahwa TUHANlah Allah; Dialah yang
menjadikan kita dan punya Dialah kita, umat-Nya dan kawanan domba
gembalaan-Nya). Asa unang lipe ibadah i, ingkon holan tu Jahowa do, ai
(holan) Jahowa do Debata, dungkon ni Jahowa, ndang jadi bahenon Debata
gabe sisombaon, ai Jahowa do na marhuaso di saluhut inganan dohot tingki.
Ibana do na jumadihon dohot nampuna jolma jala mamillit bahen bangsoNa
dohot birubiru pinarmahanNa. Ndada jolma i na mamillit Debata. Didok
Jesus: Ndada hamu mamillit Ahu; Ahu do mamillit hamu jala hupadiri
hamu, asa laho hamu marparbue, jala asa mian parbuemuna i; asa dilehon tu
hamu nasa sipangidoonmuna sian Ama i marhitehite Goarhu (Yoh. 15: 16).
Marhite i ma Apostel Petrus manurat: Alai marga na pinillit do hamu,
hamalimon na raja, bangso na badia, houm na ginomgomanna, asa tung
dibaritahon hamu denggan ni harohaon ni Ibana, naung manjou hamu sian
na holom tu hatiuronna halongangan i (1 Pet. 2: 9). Ala Jahowa do
jumadihon dohot nampuna hita bahen bangsoNa dohot birubiru
pinarmahanNa, sian i tangkas taboto paboa Jahowa di bagasan Jesus Kristus
do na manarihon, mangaramoti (memelihara) ngolu pardagingon nang
partondion. Marhite ayat on tangkas ma holong ni roha ni Debata di huriaNa
songon birubiru pinarmahan. Jesus Parmahan Nadenggan na manogu
dorbiaNa tu jampalan nalomak, manogu tu aek natio, pasabam roha ni na
pinarmahanNa. Dison ma tangkas providential dei (pemeliharaan Allah) di
sandok hajolmaon dohot saluhut nasa na tinompa. Sungkunsungkun: Taboto
do i? Didok: Boto hamu ma on… (Ketahuilah...) Lapatanna, ingkon
mamoto do hita disi, sotung so diboto. Halak na ‘umboto’ paboa JAHOWA
do Debata di bagasan Jesus Kristus, JAHOWA di bagasan Jesus Kristus do
na jumadihon jala paojak huriaNa (bangsoNa) na pinarmahanNa, patut ma
ibana marlasniroha jala mamuji Debata huhut pasahat pelean hamauliateon
bahen hasangapon ni Debata.
Ay. 4: Bongot i hamu ma angka bahalna marhitehite
hamauliateon, angka alamanna marhitehite pujipujian, mauliate ma
rohamuna tu Ibana, puji hamu ma goarna (Masuklah melalui pintu
gerbang-Nya dengan nyanyian syukur, ke dalam pelataran-Nya dengan
puji-pujian, bersyukurlah kepada-Nya dan pujilah nama-Nya!). Par-psalm
manghara luhutan laho beribadah tu inganan parsaoran nabadia (bagasjoro)
asa bongot sian PINTU HARBANGAN. Ingkon sian “harbangan” i do dalan
masuk tu Bagasjoro i. Ndang targoar na laho beribadah bongot sian asing ni
harbangan i, alai panangko do i dohot pamangus (pat. Joh. 10: 1). Borhat
sian on ma didok di Endenta: “Ungap bahal na ummuli, bagas ni
Debatangki. Ai tusi do au naeng muli ganup jumping Minggu i. Hulului do
disi bohi ni Debatangki” (BE. 18: 1). Digohi Jesus ma turpuk on: “ Ahu do
pintu i. Paluaon do ganup na bongot sian Ahu; na laho bongot jala laho ruar
ma ibana, dapotan jampalan” (Joh. 10: 9) Laho mamongoti bahal i, ndang
bolas ‘tangan mangambe’ (tangan kosong) alai ingkon mangusung
hamaliateon do. Di hata Batak didok: “Molo laho ho tu huta ni tulang,
unang ho mangeal.” Sian antusanta ma paboa molo bongot tu joro ni Debata
ingkon mardongan pelean hamauliateon bahen pamujion tau hasangapon ni
Debata.
Ay. 5: Ai pardengganbasa do Jahowa, ro di saleleng ni lelengna
do asi ni rohana, jala marsundutsundut do hasintonganna (Sebab
TUHAN itu baik, kasih setia-Nya untuk selama-lamanya, dan kesetiaan-Nya
tetap turun-temurun). Turpuk on disimpuli marhite sibonsiri ni badah i, i
ma:
a. Pardenganbasa do Jahowa (TUHAN itu baik, Ibr. Tov: baik, denggan)
b. Ro di saleng ni lelengna do asi ni roha ni Jahowa (kasih setia-Nya untuk
selama-lamanya)
c. Marsundutsundut do hasintongan ni Jahowa (kesetiaan-Nya tetap turun-
temurun)

III. Pangarimpunan
1. JAHOWA di bagasan Jesus Kristus do Debata. Bahwa Dialah
Keberadaan yang mahasempurna, yang ada oleh diri-Nya sendiri, dan
mahamencukupi, serta sumber dari segala yang ada. Dialah Allah,
bukan manusia seperti kita. Dia adalah Roh kekal, tidak terpahami dan
tidak bergantung pada siapa pun, penyebab pertama dan tujuan terakhir.
Bangsa kafir menyembah makhluk ciptaan khayalan mereka sendiri,
manusialah yang membuatnya, dan oleh karenanya itu bukan Allah. Kita
menyembah Dia yang menjadikan kita dan seluruh dunia. Dialah Allah,
dan semua yang mengaku-ngaku sebagai ilah hanyalah kesia-siaan dan
dusta, dan ilah-ilah demikian telah ditaklukkan-Nya.

2. JAHOWA do Debata na tumompa hita dohot nasa na adong. Dia

mempunyai hak kepemilikan yang tidak dapat diganggu gugat atas kita
 dan atas segala sesuatu. Milik-Nyalah kita, untuk digerakkan oleh kuasa-
Nya, diarahkan oleh kehendak-Nya, dan diabdikan demi kehormatan dan
kemuliaan-Nya.
3. JAHOWA di bagasan Jesus Kristus Raja Namanongtong, na
berdaulat: Didok Jesus: “…Nunga sahat tu Ahu nasa huaso na di banua
ginjang dohot na di tano on” (Mat. 28: 18). TUHAN ialah Hakim kita;
TUHAN ialah yang memberi hukum bagi kita. Kita tidak bebas berbuat
semau kita, tetapi harus selalu dengan kesadaran nurani berbuat sesuai
dengan apa yang diperintahkan.
4. JAHOWA do na sumarihon ngolunta. Kita bukan hanya domba-
domba-Nya, yang ada dalam kuasa-Nya, melainkan juga kawanan
domba gembalaan-Nya, yang ada dalam pemeliharaan-Nya. Kawanan
domba yang diberi-Nya makan (begitu kita bisa membacanya), dan
karena itu merupakan kawanan domba tuntunan tangan-Nya, untuk
digunakan oleh Dia, karena kita kawanan domba gembalaan-Nya (95:7).
Dia yang menjadikan kita memelihara kita, dan memberi kita segala
sesuatu yang baik secara berkelimpahan untuk dinikmati.
5. Pardengganbasa do Jahowa, ro di saleleng ni lelengna do asi ni
rohana, jala marsundutsundut do hasintonganna (ay. 5): TUHAN itu
baik. Oleh sebab itu apa yang diperbuatnya baik. Kasih setia-Nya untuk
selama-lamanya. Kasih setia-Nya adalah mata air yang tak akan pernah
kering. Orang-orang kudus, yang sekarang menjadi bejana-bejana kasih
setia yang dikuduskan, akan menjadi tugu-tugu peringatan kasih setia
yang dipermuliakan sampai pada kekekalan. Bahwa Dia adalah Allah
kebenaran dan kesetiaan yang tak tergoyahkan: Kesetiaan-Nya tetap
turun-temurun, dan tidak satu pun dari firman-Nya akan jatuh ke tanah
menjadi usang atau ditarik kembali. Janji ini pasti bagi semua
keturunan, dari masa ke masa.

Panurat: siduamooll

MINGGU KANTATE
07 MEI 2023
Epistel: Psalmen 28: 1 – 9

Tangihon Jala Ulahon

I. Sibonsiri
 Surat Psalmen digoari do tehillim dibagasan bahasa Heber na
marlapatan ende manang puji-pujian. Jala surat Psalmen on ima sada
kumpulan puji-pujian, tangiang na dipapungu bangso Israel hatiha i. Jala
surat on pe dipakke bangso Israel do dibagasan punguan nasida. Dungi
dipamasuk ma tu Bible bangso Israel i. Dibagasan surat Psalmen on, adong
do puji-pujian tu Tuhan i, tangiang mangido pangurupion, mangido pasu-
pasu, manesa dosa, dohot angka lan na asing. Angka tangiang na di surat
psalmen on adong do na bersifat pribadi dohot bersifat nasional. Na bersifat
pribadi ima manggombarhon roha ni sasahalak (boi do ala marlasniroha
nang songoni habot ni roha), molo na asing manggombarhon kebutuhan
dohot roha ni bangso ni Israel. Alai umgodang do dibagasan surat ni
Psalmen on hata ungkapon haporseaon tu Debata alani nasida manjalo
pangurupion na sian Tuhan Debata, pengalaman haporseaon alani pasu-pasu
ni Tuhan na mansai godang tu bangso i. Surat Psalmen on, terbagi do piga-
piga bagian. Salah satuna ima Psalmen bindu 28 on na digurithon ni si
David na mamangke syair na mansai uli na digombarhon ibana. Inti ni bindu
on ima taringot tangiang ni Raja David mangido haluaon tu Debata.

II. Hatorangan
Dibukka par psalmen do dibagasan bindu on mandok “tu Ho do ahu
joujou, ale Jahowa, partanobatoanku, unang sai sip Ho, manundali ahu, asa
unang ahu molo tung laos sip Ho manundali ahu, doshon halak angka na
manuruk tanoman.” Pandohan on pabotohon songon dia do hasusaan na
diadopi par psalmen di ngoluna dohot semangat na manongtong dipasahat tu
Debata marhite-hite tangiangna. Adong do Sebagian jolma mandok dang
ringkot na martangiang dohot disertai alasan dang hea dialusi Debata
tangiangna. Nang pe sipata tumatangis jolma i martangiang, sai adong do
mandok paboa sip do Debata di angka tangiangna. On ma sada pandangan
na mambahen jolma gabe mago di angka panghirimon, gabe dang
mamereng be di angka na naeng masa tu joloan ni ari. On ma angka
pengalaman ni jolma na mambahen sungkun-sungkun rohana taringot tu
lapatan na martangiang.
Adong do imbarna na masa jala na dipanghilalaon par psalmen, siala
adong sada komitmen di ibana paboa ingkon ditorushon ibana do ngoluna
jala sai ingkon tu Debata do ibana joujou. Ala tangkas do diantusi jala
dihatindanghon par psalmen paboa Debata do partanobatoanna jala Debata
do hagogoon di ibana. Adong tolu bagian isi psalmen on, ima taringot tu
joujou ni par psalmen (ayat 1-2), na paduahon pangidoan asa unang ma
mago nasida songon halak parjahat (ayat 3-5), dohot mandok mauliate,
manghatindanghon haporseaoan dohot tangiang pangondianon (ayat 6-9).
Marhite psalmen on, ima songon pengalaman ni Raja David taringot
panghilalanna di tingki merasa ibana ditinggalhon Debata. Di sada
partingkian manghilala ibana sai hera dang ditangihon Debata tangiangna
jala sai holan na sip do Debata. Dang diboto ibana boasa tung sip situtu
Debata, jala merasa ibana dang adong be panghirimon i. Tung tangkas do
pangantusion par psalmen paboa haluaon i sian Debata do harorona. Alai di
bagasan ende on, dipikkiri ibana paboa naeng diuhum Debata ibana songon
halak parjahat. Dungi diuduti ibana do mangido tu Debata asa ditangihon
soarana na joujou i, ala ido pangidoan na pinasahatna marhite ende on. Tung
borat situtu do hape molo dang ditangihon jolma soaranta na joujou, lam ma
molo Debata na so manangihon. Sipata muruk do hita molo dang dibege
jolma soaranta manang mandokkon sada masukan ma isarana. Bahkan olo
gabe muruk hita alani na si songon i. Hea do hita mambahen on gabe sada
perenungan?
Dipatorang do dibagasan turpuk on songon dia do respon ni halak na
porsea asa tarida muse angka panghirimon i. Didok do asa martangiang
dibagasan roha na mandok mauliate jala mamuji pasangaphon Debata. Ala
holan Debata do boi dipangasahon di ngolu ni halak na porsea. Diajari do
hita marhite psalmen on asa unang mansohot hita na martangiang i. Sipata
do tapanghilalon songon na dao Debata ala dang dialusi dope tangiangta,
sude i ala asumsi negatif na adong di pikkiranta. Sada kepastian do paboa
ditangihon Debata do tangiangta lumobi ma ala nunga jou-jou hita tu Ibana
jala marpanghirimon di Ibana. Antong sai mamuji-muji ma hita tu Jahowa
jala ingkon sai puji-pujian ma haruar sian hita. Ai nunga ro Kristus tu
portibi on, dilehon diriNa tu hau pinarsilang asa malua hita sian dosa, gabe
mardame dohot Debata. Dungi mulak mangolu do Ibana sian namate jala
hehe manaluhon hamatean asa mangolu nang hita, nangkok tu banua
ginjang parade inganan ni naporsea, asa gabe sitindangi hita di saluhut
pambahenan dohot ulaon ni Debata nabolon i tu saluhut portibion.

III. Hahonaan
Ojahan minggu on “Tangihon Jala Ulahon”, on sada pandohan na
mansai tangkas arah dohot tujuanna. Disuru do hita manangihon sude angka
barita na uli ima Hata Ni Debata. Sialani ma ingkon tangi do hita di Hata Ni
Debata, alai unang holan na manangihon alai dang diulahon. Ingkon boi do
mardalan na dua on secara bersamaan. Antong unang lupa hita gabe
sitindangi do hita tu keluarganta nang nahumaling pe. Taarahon, tabeta-beta
ma saluhut nahumaliang hita mananda dohot manghilalahon pasu-pasu nang
haluaon pinatupa ni Tuhanta di bagasan Jesus Kristus. Unang ma adong
mamambeta-beta donganna tu angka ulaon naso lomo ni roha ni Debata, tu
hamusuon, tuparbolatan, tu namarhosom, tu hatangkangon. Alai marsibeta-
betaanma tu ulaon harajaon ni Debata asa malua hita nang keluarga dohot
saluhut ruas ni huria, Amen.

Pdt. Hotman Hutasoit, M.Th

Sekretaris Jenderal

MINGGU KANTATE
(Pesta Olopolop HKI)
07 MEI 2023
Evangelium Yakobus 1: 19-27

Tangihon Jala Ulahon

I. Patujolo
Mamuhai jamita on, jumolo ma hupasahat hami tu sude ruas ni huria
HKI: “Selamat Ulang Tahun pa-96-hon Huria Kristen Indonesia: Panjang
Umurnya, Kuat Imannya, Maju dan meningkat Pelayanannya. (alus ni ruas:
Amin).
Itaparhatopot do paboa di portibi on, nang di ngolunta sandiri pe
tahe, godang do na itadohoti, manang itapatupa pesta ulang tahun. Molo di
bangso Indonesia, Hari ulang tahun Kemerdekaan Negara Republik
Indonesia, ganup tanggal 17 Agustus, sai dihasomalhon bangsonta do pesta
rakyat. Laos di ganup perayaan 17 Agustus i, sai diparade masayarakat do
partingkian laho umbege pidoto ni Presiden, baik marsasahalak manang
marpungu rap dohot angka donganna di sada inganan. Somalna pidato i,
disiarhon secara langsung di Radio Republik Indonesia (RRI), alai di tingki
parpudi on nunga lam maningkat, ndang holan di radio be, alai nunga dohot
di Televisi, bahkan di media komunikasi dohot informasi na asing. Turpuk
Pidato Presiden Soekarno di tanggal 17 Agustus 1966, marjudul: “Jangan
Sekali-kali Meninggalkan Sejarah” na dipajompok “Jas Merah.” Mansai
istimewa do pidato on di masyarakat Indonesia, ala on ma pidato parpudi
sian nasida, gabe sai tongtong diingot jala dipaingothon masyarakat do i
sahat ro di tingki on.

II. Hatorangan
Huria Kristen Indonesia (goar naparjolo: Hoeria Christen Batak, na
dipajompok H.Ch.B) pe, adong do sejarahna, ima sada huria na jongjong na
nionjar ni sihol ni roha ni halak Kristen na maringan di Pantoan (onom
kilometer sian Pematang Siantar) marsaor dibagasan Tuhan marhite na
patupa parmingguon siganup minggu dohot ari raya Gereja. Punguan i
diuluhon ni tuan Frederik Panggabean na margelar Sutan Malu, (ima
sahalak na mangula di perkebunan di topi ni huta Pantoan, alai tammat
sian singkola Guru Huria di Sipholon Tarutung). Sian na mamuhai
parpunguan i, ndang apala ditolopi uluan ni gereja Zending na di Pematang
Siantar uju i. Alai hinorhon ni ringkot ni na marhuria i, dituntun natorop ido
patupa parmingguan di Pantoan toho di ari Minggu tanggal 1 Mei 1927.
Dung i di ari na mangihut muse, dipabotohon Tuan Sutan Malu do, naung
dipatupa nasida parmingguan di Pantoan, alai tongtong do ndang
marpanjalo uluan ni Gereja Zending i, laos sebalikna dilaporhon do Sutan
Malu tu Pamarenta Bolanda.
Uju dijou Pamarenta Bolanda Sutan Malu, ditangkasi Bolanda do
sibingkasi dohot ojahan ni huria na pinjongjong na i. Dialusi do sungkun-
sungkun ni Bolanda i marhite na mangenet hata ni Debata na tarsurat di
Jakobus 1: 22 na mandok: “Alai gabe siulahon hata i ma hamu, unang
holan pananginangi, angka na paotootohon dirina.” Jadi na mangulaon
hata I do hami umbahen na hupatupa hami parmingguon di Pantoan, ima
alus ni Tuan Malu Panggabean.
Di Pesta Parolopolopon ni HKI tahun 2023 on, ojahan ni hajongjongan
ni huria i, gabe jamita bolon tu hita saluhut huriaNa. Antong dia ma na
naeng sipareahanta sian turpuk jamita on, tangkas ma itapaihut-ihut.
1. Tangihon ma Hata ni Debata
Marhite buku Ulaon ni Aporstel 12: 17, 21:18, si Jakobus manggurithon
surat na on, uju ibana maringan di Jerusalem mangula laho
manjamothon huria na disi. Alai nangpe di Jerusalem ibana, dilehon do
rohana laho manjamothon nang ruas ni huria na sampulu dua marga na
maringan di parserahan (ay 1) manang di duru ni Jerusalem, laho
paingothon asa tongtong dipatuduhon nasida haporseaon i marhite-hite
parulan na andar jala paltak diida simalolong jala marpanghorhon tu
sandok ngolu nasida sandiri nang jolma na asing pe tahe. Hombar tu si,
marhite turpuk jamita on, dipangido si Jakobus do asa saluhut nasida:
a. Ringgas manangi-nangi.
Di parserahan di inganan na marragam, pasti do godang
parungkilon dohot pangunjunan na niadopan ni ruas ni huria i.
Nangpe perungkilon manang pangunjunan na diadopi ima na
marhadomuan tu angka na ringkot di ngolu siapari manang secara
ekonomi, alai somal do na masa i gabe marpanghorhon tu
haporseaon. Dohot hata na asing, ekonomi na do na bermasalah, alai
jotjot do ngolu ni haporseaon na dikorbanhon. Alani i, di paingot
huria i asa diadopi nasida ragam ni pangunjunan i dibagasan las ni
roha, ala sasintongna nasa pangunjunan mangkorhon “habegeton”
do i. Jadi molo sonson songgop pangunjunan, unang ditadingkon
nasida parsaoran i, alai ingkon diharinggashon nasida ma
manangihon hata ni Tuhan i. Marhite buku na badia I do, jumpang
hita na tau haposan dohot tiruan di Huria i, ima Jesus Kristus. Nang
pe Debata ibana, dirumari do diriNa jala disolukkon rupa hatoban.
Alai dipatimbo Debata do Ibana, jala dibasa-basahon Goar na
sumurung sian nasa goar, asa somba tu goar ni Jesus nasa ulu ni tot,
jala nasa na marsoara marhatopothon: Jesus Kristus do Tuhan.
(Bdk. Pilippi 2: 5-11). Lobi sian i dope, dihongkop, ditobus Tuhan
Jesus do jolma i, rimpas so marlindang di sandok parngoluonna. On
 ma sipatondit tu ganup huria molo tung mangadopi hinaragam ni
ngolu.
b. Bangkol manghatahon.
Sasintongna, nasa na ringkas managihon hata ni Debata,
marpanghorhon do i nang tu hata na haruar sian pamanganna. Lam
godang dibege huhut bagas pangantusionna di hata ni Debata, lam
manat do nasida manghatai, asa unang targasip. Adong do pandohan
bahasa Indonesia mandok: mulutmu adalah harimau-mu. Na
marlapatan do i, hata na haruar sian pamangan ndang boi be mulak
boti, alai ingkon dipertanggung-jawabhon do i dingoluna.
Si Jakobus mansai tegas do paingothon huria, asa unang sala
mandok sidohononna, isara na di ayat 13 mandok: unang ma didok
manang ise, jumpa taunjun ibana, na tarunjun do ahu sian Debata!
Ai ndang hea diunjuni Debata angka na porsea di Ibana, asa madabu
tu hajahaton, jala ndang dung diunjuni Debata manang ise pe tahe.
c. Bangkol tarrimas.
Ndang apala tangkas dipatorang si Jakobus, boasa dipaingot huria i,
asa unang tarrimas. Alai boi do dapot tu roha, molo godang
sipingkiran, ponjot panghilalan, sonson angka hamaolon, mura do
tubu rimas. Alai si Jakobus ndang pasiat alasan dia pe mambahen
sasahalak gabe tarrimas. Ala ni i do tangkas situtu disoarahon si
Jakobus mandok: bangkol tarrimas, ai ndang diulahon rimas ni
jolma hatigoran ni Debata (ay. 20).
Sasintongna ndang holan si Jakobus na paingothon asa bangkol
tarrimas, ai di angka buku na asing pe, godang do na manaringoti
asa ganup naporsea i pasiding dirina sian angka rimas. Si Salomo
mandok: alus na lambok paombun rimas, alai anggo hata na horas
mambahen marsijongjong ate-ate. Baoa parpiripiri pahehe
parsalisian, jala halak parmurukmuruk do si godang sala (Poda 15:
1; 29: 22).
2. Ulahon ma Hata ni Debata
a. Umboto na denggan ndang diulahon hona uhum.
Hea do sada pandita diprotes sahalak parompuan pangisi ni panti
jompo, ala ganup matangiang pandita i, sai dipangido asa disesa
Tuhan dosa nasida. Didok parompuan i ma: boasa si pangidoon ni
pandita i hasesaan ni dosa, ai sian nasogot ndang haruar ahu sian
kamarhu, berarti ndang adong huulahon nasala na gabe mantat dosa.
Dialusi pandita ima parompuan mandok: dibege inang do nasogot
marsoara na gogo na di sihambirang kamarmi? Aha do dibahen ho.
 Dungi dialusi parompuan i ma pandita i, ai memang mangido tolong
ibana, alai dirohangku, pangidoanna i tu pengasuh do i, jala pos do
rohangku sigop do angka pengasuh mangurupi ibana, gabe ndang
pola huurupi. Tole muse ala tanggung bogas ni sulamanhu, ba sai
ido hupuhuti. Dungi didok pandita i ma: sala jala dosa do, molo
diboto na denggan hape ndang diulahon. Songon na nidok ni si
Jakobus di Jakobus 4: 17 “Na umboto mambahen na denggan, gabe
ndang diulahon, na mardosa ma ibana disi.” Jesus sandiri pe, diajari
do sisesanna marhite umpama na mandok: “Ia anak somang, na
umboto na hinalomohon ni indukna, gabe so marhobas ibana jala
ndang diulahon lomo ni rohana, godangma linsing-linsing taononna.
(Lukas 12: 47).
Dibahen si Jakobus do tudos-tudos. Halak na managihon hata ni
Debata, alai ndang diulahon, tudos do i tu sahalak na marnida
rupana di sorminan, alai holan sambolus nangpe nunga tangkas
diida matana adong agong di bohina i.
b. Daulat jala so marlindang.
Adong do tolu ualon ni huria ima: marbarita na uli (Marturia),
marsaor dibagasan Tuhan (Koinonia) dohot mangula ulaon parasi ni
roha on (Diakonia). Ulaon na tolu on tudos do i tu dalihan na tolu.
Molo telpang sada gabe sabur ma na di atasna jala ndang marguna.
Si Jakobus mandok angka na mangulahon ulaon parasi ni roha on,
digoari do Halak na Daulat marroha jala so marlindang. Ulaon asi ni
roha dipatupa do dalan laho mangahtindangkon asi ni roha ni Tuhan
i, ai parjolo do Tuhan manghaholongi hita, Alani i, nang hita pe
tama do manghaholong donganta (Bdk 1 Johanes 4: 7-8). Holong ni
roha na itapatupa, unang ma manghirim balosna. Ai Jesus sandiri pe
mandok nasa na bahen tu sahalak na metmet i na tu Ahu do i.
(Mateus 25: 40).

III. Panimpuli:
Di Pesta olop-olop taon 2023 on, disungguli do hurianta asa gabe
huria na mangolu jala mangula di bagasan hata ni Tuhan. Songon dia do
Halak na mangolu dohot mangula di bagasan hata ni Tuhan? Di taon 2023
on nunga ditotophon huria HKI taringot tu pelayananna na berfokus tu
Pahembangkon Kreativitas Parhobas dohot Panghobasion / Pengembangan
Kreativitas Pelayan dan Pelayanan Huria Kristen Indonesia.
Masihol do hurianta, asa lam tu hembangna dohot tu majuna huria i. Boi do
i jumpang molo tongtong marsada roha HKI (Ruas, Parhalado, Pandita nang
Uluan), mangolu jala mangula di bagasan hat ani Tuhan, huhut mananda
silehon-lehon ni Tuhan i, laos sian i ma dipelehon tu Debata marhite huria i,
gabe ditumpak Debata pola marlobi-lobi, songon na nidok ni Jesus laos
sekaligus Ojahan ni panghobasion HKI taon 2023 na mandok: Ai ganup
paradongan lehonon do, as marlobi-lobi ibana (Mateus 25: 29.a). Amen.
Selamat Hari Ulang tahun ke-94 Huria Kristen Indonesia. Panjang
Umurnya, Kuat Imannya, Maju dan meningkat Pelayanannya. (alus ni ruas:
Amin).

Pdt. Hotman Hutasoit, M.Th

Sekretaris Jenderal

MINGGU ROGATE
14 MEI 2023
Epistel: Jona 2: 1-10

Unang Holsoan Hamu Agia Aha

I. Pamuhai
Di ngolu ni jolma ndang boi tarsirang sian hukum sebab akibat. Boasa
boi masa na masa dingolunta on, tontu adong sibonsirina. Jala, marhitehon i
boi ma idaonta angka naung itaulahon di angka ari naung salpu, i do na
mambahen hita boi sahat tu posisinta si nuaeng on.
Songoni ma na masa di Panurirang Jona. Tangkas do itaboto marhite
buku na badia taringot tu Panurirang Jona, na dibondut ihan raya ibana
dipardalananna na maporus tu Tarsis maradophon Jahowa, gabe tuat si Juna
tu Joppe. Ala manimbil panurirang i sian parsuruon na pinasahat ni Debata
tu ibana. Disuru Debata do Panurirang i laho martingting dompak Ninive ala
nunga pola maungaung hajahaton ni bangso i sahat tu jolo ni Debata.
Astuanna, asa malua bangso Ninive sian uhum dohot rimas ni Debata. Alai,
dimula na ndang tarjalo roha ni si Jona sangkap ni Debata. Ndang satolop si
Jona di angka naung tinontuhon ni Debata. Alani parulaon ni si Jona i, gabe
mangontak do tu humaliangna na adong di parau i, ima na ditompuhon
Jahowa Jahwoa habahaba siapalautus tu laut i. Alai, dipahindat jala
direonghon angka na di parau i ma si Jona tu laut i asa malua nasida na
parau i. Laos, so ma laut i sian gunsangna. Laos, dung dipahindat dohot
direonghon si Jona tu laut i dibondut ihan raya ma ibana. Alani, adong ma
hamubaon na masa tu si Jona.
Marhite na masa di si Jona on, aha do sangkap ni Debata dingolunta?
Molo ro hagogotan tu hita, lumobi ma alani parulaonta ingkon songon dia
do hita? Aha do hamubaon na adong di si Jona? Jala, aha do na boi idaonta
sian hamubaon ni si Jona i tu hita na mangolu dipartingkian sinuaeng on?
Aha do alus ni Jahowa di hamubaon i? Ra, angka sungkunsungkun i ma na
boi mangurupi hita laho manghangoluhon dohot mangauhon turpuk on di
parngoluanta sinuaeng on.

II. Hatorangan ni turpuk

Ay. 1-7. Pangarimangon na mamparbuehon panolsolion. Dung
dibagasan butuha ni ihan raya i si Jona migor martangiang do ibana tu
Jahowa, jala molo itabereng do di turpuk i tung tangkas do pangarimangion
di si Jona, joujou do ibana dibagasan hagogotanna i tu Jahowa pola sampe
mangangguhi . Dirimangi ibana do na Jahowa do mangareonghon ibana tu
bagasan pusupusu ni laut i, diauhon ibana do nunga bali ibana sian jolo ni
mata ni Jahowa. Dihaliangi aek i do si Jona, pola tos hosanna, jala lung i
pasampaksampakhon ibana. Marungkor do ibana sahat tu bona ni angka
dolok, ransangransang ni tano pe tarsordak humaliang ibana
salelenglelengna.
Sian angka na pinajojorna ondeng ditangiangna i, ima na patuduhon
adong pangarimangion di ibana di angka naung ni ulahonna i; na manimbil
ibana sian parsuruon ni Debata do ibana. Alai, dung dipajojor ibana
pangarimangonna i, migor udut do patuduhon panolsolion di ibana, ima
marhite angka pandohan ni tangiangna na mandok: “ditangihon Ho do
sorangki (ay. 2); alai tahe ulahananhu dope mamereng dompak joro
habadiaonMi” (ay. 5); Alai dipanangkok Ho ngolungku sian godung ale
Jahowa (: 7)”. Molo sian secara kejiwaan, boi do ra itabayangkon boha do
hancur ni jiwa ni si Jona di pambahenanna na manimbil sian Debata. Alai,
ndang olo ibana larut dikehancuran ni jiwana i, tung manolsoli do ibana,
pola sampe mangangguhi. Astuanna, molo pea dong pangarimangon di hita,
molo itabereng do si Jona, ndada holan pangarimangon i na ingkon adong di
hita, ingkon dohot do tutu panolsolion i. Astuanna, molo adong
pangarimangon di angka hasalaanta, ingkon saurdot do dohot panolsolion.
Alani, ndang marlapatan pangarimangon molo ndang adong panolsolion.
Jala, ndang boi masa panolsolion molo so jumolo adong pangarimangion di
angka hasalaanta. Laos, ndada holan sahat tu tahap, ingkon adong dope
udutna. Ima marhite ay. 8-10.
Ay 8-10. Padan hamubaon ni roha tu Debata. Dung sahat si Jona tu
tahap panolsolion i, migor dipatupa ibana do padan tu Debata marhite
hamubaon ni roha. Ima na mandok: “Jahowa do na diingot Ibana, Debata
do na pinuji ni si Jona, Jahowa do nampuna hatuaon”. Ia padan hamubaon
ni roha tu Debata na nidok ni si Jona, marharoan do i dung masa
pangarimangion dohot panolsolion. Astuanna, sian angka na masa si Jona
on, ingkon 3P do na masa molo itahilalaon hagogotan alani hasalaanta
ndang unduk tu parsuruon ni Debata di hita, ia 3P i, ima: pangarimangion,
panolsolion, padan. Astuanna, ndada boi tarsirang na ‘tolu P’ i. Ndang boi
itadok padanta tu Debata, molo so adong na dua nari i.
Alani, boi do itajalo haluaon sian Debata molo marsala hita? Sian si
Jona on, idaonta ma: boi do jaloonta haluaon i, alai itaargahon huhut
itaulahon ma ‘na tolu P’ asa dapotta i.

III. Haonahan (Aplikasi)

 Ra, itaingot do logu uju di Singkola Minggu hita molo taringot tu
Panurirang Jona, ima: Yunus di perut ikan, pom…pom…….. Karena
dia dikasihi Tuhan maka dia dibebaskan, dst. Sian ende i boi ma
 itabereng boha panghaholongan ni Debata tu si Jona, nang tu hit na
mangolu dibagasan tingki on.
 Molo pe ro hagogotan i, jala hita sandiri do na gabe sibonsiri ni
hagogotan i, songon si Jona. Hatop ma ro hita tu Tuhan Jesus
marhite tangiangta i. Jala, itaingot ma: unang adong pembelaan diri
di tangiangta i. Itabereng ma pola ni tangiang si Jona na so olo ibana
membela dirina di adopan ni Debata, ala tangkas do ulaonna do na
mambahen ibana gabe dibondut ihan raya i.
 Unang manimbil patupahon parsuruon ni Debata. Angka ragam ni
ulaonta siganup ari i ima na gabe dalan di hita laho patupahon
parsuruon ni Debata tu hita. Na ingkon boi itahangoluhon, ima:
adong be do hatandianna marningot parsuruon ni Debata. Astuanna,
ndang sarupa parsuruon ni Debata antara ianakhon dohot natoras,
ndang sarupa parsuruon ni Debata molo antara na mangula ulaon di
balian dohot na diperkantoran. Adong be do kehususanna dipasahat
Debata. Alani i, sotung manimbil hita di angka parsuruon naung
pinasahatNa i hita. Ae molo manimbil hita sian parsuruon naung
pinasahatNa tu hita, sotung ro rimas ni Tuhan i tu hita. Las ma
rohanta, jala dibagasan hahipason ma hita mangulahon parsuruonNa
i di angka ragam ni ulaonta i.
 Molo tung itahilalahon do na godang dosanta, unang mandele hita
alani i, ndang gabe pangambati i laho manjalo asi ni roha na sian
Tuhan Jesus i. Alai, na ingkon itaingot: ingkon adong “tolu P” di
hita: Pangarimangion na marparbuehon Panolsolion jala Padan tu
Debata asa marhamubaon ni roha. Laho mangurupi hita mangauhon
pandoahan on, itaingot ma logu ni BE. No. 174: 2 “Pardosa ho
didok roham, na so tama be dohot, d.u”. Marpardomuan tusi,
itaingot ma: marhite haheheon ni Jesus sian hamatean naung
itapestahon di ari naung salpu (itaingot pesta Paska i), nunga sae
dosanta i. Alani i, ingkon adong hamubaon ni roha.
 Itaingot huhut itahangoluhon ma pandohan: Tuhan itu tolerir kepada
pendosa yang menyesali dosanya.

Pdt. HERMAN TAMPUBOLON, M.Th

(Mahasiswa Doktoral Fak. Teologi UKSW, Salatiga, JaTeng)
MINGGU ROGATE
14 MEI 2023
Evangelium: Pilippi 4: 1-7
 Unang Holsoan Hamu Agia Aha

I. Pamuhai
Dung dipiliit Debata si Paulus gabe parbarita nauli tung marragam do
angka parungkilan na ni adopan ni si Paulus. Godang angka parsorian i ro tu
si Paulus, insarani pola sampe tarhurung ibana, pola dilele ibana, dohot
angka na asing hilalaonna holan laho patulushon ulaon ni Debata ima
marbarita nauli di ragam luat. Tung marparbue do ulaonna i, lam rarat do
harajaon ni Debata di panghabasion naung pinatupana, jala tung tangkas do
itahilalahon sahat tu tingki si nuaeng on.
Alai, diparbue ni ulaon panghobasionna i, sipata olo do masa angka
parsalisian ditongatong ni ruas ni huria i. Jala, molo masa na sisongon on
tontu tung marungkil do si Paulus mamingkirhon i. Tarida do sian turpuk
on, dina masa parsalisian antara si Euodia dohot si Sintike, ro do
pangapoion si Apostel Paulus. Ido tutu na boi itaida sian rimpunan ni turpuk
na gabe ojahan ni jamita di minggu Rogate di bagasan tingki on.
Songon ruas ni huriaNa hita, aha ma na ingkon siulahononta tu angka
donganta? Aha do tumpal di hita na manghaporseai Kristus i? Di
partingkian sinuaeng on, molo masa angka parsalisian di donganta, aha ma
na ingkon siulahononta? Ummotikna, ima na boi itauhal, tamba ni angka
panghonaan naung adong dipingkiranta be, laos huhut ma i tutu gabe mutiha
di haporseaonta.

II. Hatorangan ni Turpuk

Ayat 1-3. Pangapoion sian Apostel Paulus. Tung holong do roha ni
Apostel Paulus tu huria na adong di Pilippi i, tung diondihon Apostel i do
huria Pilippi ditangiangna, laos diparhatopot Apostel i do angka naung
pinarbadiaan ni Debata saluhut halak na adong di huria i, jala tarmasuk na
saor do huria Pilippi tu Barita na uli (1: 1-5). Ia si Euodia dohot si Sintike
ima dua halak parompuan, jala tarmasuk do nasida ruas ni huria di Pilippi,
naung tarsurat goar nasida di buku hangoluan i (ay. 3), jala parsidohot do
nasida na dua mandongani Apostel Paulus marungkil humophop Barita na
Uli i. Alai, masa ma parsalisian diantara nasida na dua, hape nunga dijalo
nasida Barita na Uli i. Ndada apala dipatangkas di turpuk on aha do
sibonsiri ni parsalisian ni na dua parompuan i. Alai, hinorhon ni masa i ma
umbahen diapoi Apostel Paulus nasida asa marsada ni roha di bagasan
Tuhan i. Jala, dipangapoionna i, tung dielek Apostel i do ima si Sinsigus,
sahalak na bontor (LAI: bontor= teman yang setia), rap dohot si Klemens,
dongan ni Apostel i, nang songon i angka dongan ni Apostel saulaon na
deba nari.
Tung disosohon Apostel i do angka donganna asa mangurupi si Euodia
dohot si Sintike, jala tontu parsuruon ni Apostel i asa mardame nasida na
dua, unang marsalisi, laos asa unang tung tu bagas na parsalisian ni nasida
na dua. Anggiat asa boi rap muse sauduran ruas ni huria i, lumobi ma nasida
na dua. Jala, ima na gabe sintuhu ni hataridaan ni na marsada ni roha di
bagasan Tuhan i. Ido tutu, tung arga do hasadaan ni roha dibagasan huria i.
Itaboto do, sasintongna tung na maol do patupa hasadaon ni roha di angka
parpunguan, tarmasuk do i sasintongna di bagasan huria i. Na paling
mendasar mambahen i maol ala: ndang mungkin sarupa sude parrohaon ni
jolma i; berbeda orang, maka tentu akan berbeda juga karakternya. Laos
alani perbedaan ni karakter i do na olo mambahen parsilisian, lumobi tahe di
tonga ni huria i.
Alai, atik pe masa parsalisian i, ndada habis pingkir Apostel i
manawarhon solusi do ibana di parsalisian i, ima na dielekelek Apostel i si
Sinsigus, si Klemens dohot dongan ni Apostel i deba nari. Astuanna, “pihak
ketiga/ orang ketiga” do si Sinsigus, si Klemen dohot angka dongan ni
Apostel i deba nari. Di pamingkiron ni jolma sinuaeng on, molo taringot tu
“orang ketiga” adong makna na negatif di pandohan i. Alai, di jolma ma i,
ndada molo di adopan ni Debata.
Astuanna, molo adong na marsalisi, “pihak ketiga/ orang ketiga” na
disosohon Debata ingkon do boi pademakhon/ padamehon angka
parsalisian. Ae molo Debata na manosoi, tontu rap dohot Tondi na sian
Debata do mangula nasida. Songon si Klemens, dohot na asing na i, boi do
auhononta, atik pe ‘pihak ketiga/ orang ketiga’ nasida, alai na pinaborhat ni
Debata nasida marhite sososo ni Apostel Paulus tu nasida, asa unang
marsalisi muse si Euodia dohot si Sintike di bagasan huria i.
Ay. 4-5. Marlas ni roha di bagasan Tuhan i. Dung disoso i Apostel i si
Sinsigus dohot na asing na i asa gabe ‘pihak ketiga’ di parsalisian ni si
Euodia dohot si Sintike, diuduti do mandok marlas ni roha di bagasan
Tuhan i. Tung diondolhon Apostel i do pandaohanna i, pola sampe didok:
‘huulahi ma mandok: Marlas ni roha ma hamu’. Ido tutu, marlas ni roha do
jambar ni halak na porsea. Marlas ni roha na nidok na dison, ndada na
mandok na so adong parsorian molo porsea tu Kristus, alai na mandok: atik
pe masa parsorion i, uruponNa do hita, laos marhite pangurupionNa
mambahen las rohanta, jala las ni roha i tontu di bagasan Tuhan i do i. Tung
sude do halak mangharingkothon marlas ni roha, alai aha do ukuranna? Ra
ragam do parbue ni pamingkirionta molo taringot tu marlas ni roha. Alai,
marhite turpuk on ingkon marlas ni roha dibagasan Tuhan i, ndada sian
ukuran ni pamingkirionta i. Laos, molo tolapta do manghongoluhon marlas
ni roha di bagasan Tuhan i, marhite i do boi hita pabotohon habasaron na
sian Tuhan i. Jala, dibagasanna i do na laho pabotohononta na donok do
Tuhan i.
Alani i, molo itahangoluhon do na marlas ni roha hita di bagasan Tuhan
i, hombar tu turpuk on, tung saurdot do i dohot parsuruon. Astuanna, aktif,
unang passif. Ido umbahen didok Apostel i ‘pabotohon hamu ma’. Unang so
hita, unang sip tu angka humaliangta dina laho pabotohon huaso ni Debata.
Holan halak na manghangoluhon na donok do Debata, tolapna marlas ni
roha di bagasan Tuhan i, ndada marlas ni roha di bagasan ni na asing.
Ay. 6-7. Unang holsohon agia aha, pabotohon ma tu Debata marhite
tangiang, jala dame ni Debata ma mangaramoti. Tutu, sae olo do ro holso
(B. Indoneisa: kekhawatiran) di ngolu ni jolma, jala ha-holso-on on olo do
termasuk na di habiari jolma. Disosohon Apostel Paulus do asa holso i
dipasahat tu Debata marhite tangiang dohot elek-elek mardongan mauliate.
Jala, boi do itarimangi manang itahangoluhon, molo uju ro holso i, alai molo
migor martangiang hita, mangelek tu Tuhan i, migor hilalaonta dame
panghilalaanta, lumumbang pangikiranta. Jala, molo songoni do
panghilalaanta uju martangiang hita, disi ma masa na nidok ni Apostel
Paulus di turpuk on, ima: ramotan ni Debata do ateate dohot pingkiranta di
bagasan Kritus Jesus i. Laos, marhitehon i pos rohanta lehonon ni Debata do
dalan di angka holsonta i. Alani, unang olo hita rajaan ni holso i.

III. Haonahan (Aplikasi)

 Molo masa parsalisian baik ditongatonga ni huria nang songoni di
humaliangta, ingkon do gabe ‘pihak ketiga/ orang ketiga na
pinaborhat ni Debata hita’, asa sidung parsilisian i, setidak-
tidaknya unang mambahen lam bagas parsalisian i. Posisinta
sebagai pihak ketiga/ orang ketiga na ni maksud na dison, ima
ingkon songon si Sinsigus, Klemens dohot angka na deba nari.
Itasungkun ma dirinta, molo orang ketiga do posisinta molo masa
parsilisian, apakah na pinaborhat ni Debata hita, manang na
pinaborhat ni sibolis i hita? Molo dame donganta na marsalisi,
manang gabe marsada, na pinaborhat ni Tuhan i do hita. Alai, molo
lam bagas parsalisian i alani posisinta, antong na pinaborhat ni ise
ma hita?
 Apalagi di kecanggihan jaman on, tung mura do mambahen jolma
marsalisi. Marhite turpuk on, tung dipangidohon Debata do asa
gabe songon si Klemens, Sinsigus dohot angka na asing na do i hita.
 Dibagasan Tuhan i ma italului dohot itahangoluhon las ni rohanta.
Jala, itahangoluhon ma hasisingkop las rohanta di bagasan Tuhan i
ima: di naung hehe Tuhan Jesus sian hamatean i (itaingot ma pesta
paskah naung itapestahon i di ari naung salpu i). Ndang adong
ummarga las ni roha sian las ni roha naung pinasahat ni Debata, ima
naung hehe anakNa i sian hamatean i.
 Ia minggunta sadarion ima: ROGATE, na marlapatan martangiang.
Adong do pigapiga ende di Buku Endenta i na marpardomuan tu
tangiang, ima: BE. No. 279 “Pasahat ma sudena”, dohot BE. No.
487 “Tung halak na margogo”. Marpardomuan tu turpuk na gabe
ojahan ni jamitanta di minggu on, dua ende i anggiat gabe motivasi
di hita laho lam manghangoluhon tangiang i. Alani, itapasahat ma
angka holsonta tu Ibana marhite tangiang, ae guru di Ibana do
luhutna. Jala, dokdok pe sitaonon alai molo sipartangiang do hita
ndang talu hita di sitaononta i.

Pdt. HERMAN TAMPUBOLON, M.Th

(Mahasiswa Doktoral Fak. Teologi UKSW, Salatiga, JaTeng)

HANANAEK NI JESUS KRISTUS

18 MEI 2023
 Epistel: Ibrani 12:1-6

Mangaporseai Jesus Naung Manaek tu Banua Ginjang

I. Patujolo
Parngoluon diportibion di gombaron doi tu sahalak jolma na
mandohoti sada pertandingan. Jala tujuan ni pertandingan I ima mandapot
hamonangan, sian garis awal/start si pemain nunga ingkon bersiap-siap,
berjaga-jaga jala di tonga dalan pertandingan I, pasti godang tantangan na di
adopina, godang angka musuh na mangela-ela ibana asa unang tolhas ibana
tu garis finish/akhir. Jala si pemain I ingkon focus, molo dang focus ibana,
dison ma ibana olo gabe talu jala dang dapot ni ibana hamonangan i.
pertandingan on namarlapatan doi ujian haporseaon saleleng mangolu di
portibion. Pertandingan I ingkon di ulahon dibagasan hanunuton/ketekunan
"dengan tekun" (Yun. _hupomone_), yaitu dengan kesabaran dan ketabahan
(ida Ibr 10:36; Fili 3:12-14). Garis finish ni parngoluonta ima
manghaporseai Jesus naung manaek tu banua ginjang. Ala ibana do
parhitean ta lao manopot Ama i. dibahen I marhite turpuk on di arahon hita
asa pahot, pa tang hon haporseaonta naung mate jala naung hehe jala naung
manaek Ibana tu banua ginjang laho paradehon inganan ni angka naporsea
di Ibana.

II. Hatorangan Ni Turpuk

1. Ngolu ni halak na porsea (ayat 1-2)
Didok si Jakobus “naso marguna haporseaon anggo so marulaon”
(2:20b) toho do tutu I, molo didok porsea, ai sibolis pe porsea do ia Jesus I
ima anak ni Debata alai naso olo do ibana marsomba tu Debata, marhite
turpuk on di ajari do hita ala na sai torop ni sitindangi humaliang hita,
tapeakkon ma nasa na pasorathon ro di dosa na girgir mangkaliangi, jala
marbenget ni roha ma hita marlojong tu bagasan paraloan, na sonson di
jolonta!. Parbue ni haporseaon na boi tabereng di bagasan turpuk on ima:
Naparjolo: Ta peakhon ma nasa na pasorathon ro di dosa na girgir na
manghaliangi. Di ajari hita asa padao diri sian na roa, mambulonghon dosa
na sai manonson hita, ala I do namangambat dalanta jonok tu adopan ni
Debata, alai molo nunga tapasiding I saluhutna, roha dohot ngolunta on pe
terarah tu adopan ni Debata. Napaduahon: Marbenget ni roha marlojong tu
bagasan paraloan na sonson di jolonta. Partandingan ni ngoluta on ingkon
taulahon dibagasan habengeton, jala hasadaron sian bagas dirinta asa unang
pintor mandele hita ditonga dalan laho manopot haporseaon tu Jesus
Kristus. Ai nunga parjolo Jesus manaon naporsuk ima naung mate tarsilang
Ibana di dolok Golgata, singkat ni las ni roha, tohapna i hian, so dietong i
hailaon, Alai marhamonangan do Ibana marhite gabe hundul di siamun ni
habangsa ni Debata.

2. Unang Marnaloja Hamu, Unang mandate Tondimuna (Ayat 3-4)

Paingotingot hamu ma Ibana, na pataontaonhon paraloan sisongon i
dompak Ibana sian angka sipardosa asa unang marnaloja hamu, unang
mandate tondimuna! Namarlapatan mai ingkon torus ma tabaen Jesus
sebagai teladan dan sebagai pembesar semangat hati kita. Kita harus
memandang kepada-Nya untuk mendapatkan pengarahan, pertolongan, dan
perkenanan dalam semua penderitaan kita. Kita harus mengingat Dia,
banyak merenung tentang diri-Nya, dan menerapkan apa yang telah
dilakukanNya kepada diri kita. Kita harus analogize, sebagaimana arti kata
tersebut, membandingkan penderitaan Kristus dengan penderitaan kita
sendiri. Dengan demikian kita akan mendapati bahwa sama seperti
penderitaan-Nya jauh melebihi penderitaan kita, baik dalam hakikat maupun
dalam kadarnya, demikian pula kesabaran-Nya jauh melebihi kesabaran
kita, sehingga menjadi pola sempurna yang dapat kita teladani. Jadi dang
sadia dope penderitaan nanialami ni jolma na bonar-bonar mangihuthon
Jesus, molo ta bandingon tu penderitaan na nialami ni Jesus di tingki
ngoluna di portibion. Dibahen I dipaingot hita asa Unang Marnaloja Hamu,
Unang mandate Tondimuna

3. Dihajar Tuhan I do nahinaholongan ni RohaNa (Ayat 4-6)

Durus do mudar ni Jesus laho humokhop jolma I, laho mangalo
parungkilon I, mangalo dosa I alai ndang hea Jesus mandele di adopan ni
Debata. Alai saluhutna marujung do sude na bernit I, manang na songon di
ape porsuk ni I songon dia pe ganjang nisitaonon I saluhutnai
dihamonanghon Jesus do marhite naung hehe Ibana sian na mate jala naung
manaek Ibana tu banua ginjang, dibahen I naeng ma nian songoni sude
halak Kristen na marlas ni roha di haheheon ni Kristus, unang lalap di angka
sitaonon na masa di ngolunta unang tapasuda tingkita holan manolsoli
manang mangandungi. Molo porsea hita di Jesus naung hehe sian na mate
jala manaek tu banua ginjang, ingkon barani ma ita membatasi tingkita
mamikkiri hasusaan manang sitaonon namasa di ngolunta. Ingkon
pangkeonta ma tingki gumanjang laho mangula ulaon na denggan, mamake
gumodang ari-ari ni ngolunta patupahon nasa nahasea di hangoluan on,
molo tung pe ro sitaonon di ngolunta hal na wajar doi ai Dihajar Tuhan I
do nahinaholongan ni RohaNa asa marhite I lam jumonok hita tu
adopanNa. Kita orang Kristen harus belajar selalu mengisi pikirannya
dengan penderitaan yang pernah Kristus alami (3), agar menyadar-kan
Kristen bahwa penderitaan bukan alasan untuk menyerah. Karena
perjuangan Kristen dalam melawan dosa belum apa-apa bila dibandingkan
dengan Kristus. Kristen pun harus mempunyai perspektif yang benar dalam
memandang penderitaan-penderitaan yang dialaminya. Di ari hananaek ni
Jesus Kristus di bagasan sadarion paingohon hita ganup manang sadihari pe
hita mangadopi hamaolon dohot hasusaan, taingot ma marujung do
saluhutna I di bahen Tuhan ta naung hehe jala manaek tu banua ginjang.

III. PANIMPULI
Mansai godang halak di tingki on, pasuda-suda tingki na dohot
gogona marningot angka sitaonon dohot hansit ni rohana tu dongan, gabe
ndang margogo ibana manguduti ulaon na denggan di ngoluna jala gabe
tarambat ibana marsaor dohot donganna, alai marhite namanaringoti hita di
hanaanek ni Kristus tu banua ginjang, molo porsea hita di Jesus naung
manaek tu banua ginjang, porsea ma tong hita na boi ta adopi angka na
lungun akka na paet, tapatuduhon ma di ngoluta siganup ari lasniroha dohot
panghirimon mangasahon huaso hananaek ni Kristus, sai monang ma hita
maralohon dosa, hisap-hisap ni daging ala nunga monang Jesus maraloon I
sude. Jala nunga manaek Ibana tu banua ginjang. Porsea ma hita disi, asa
hita pe gabe parsidohot hita haduan di inganan hangoluan
salelengnilelengna. Amen

Pdt. Idris Simbolon, S.Th

HANANAEK NI JESUS KRISTUS

 18 MEI 2023
Evangelium: Johanes 6:60-63

Manghaporseai Jesus Naung Manaek tu Banua Ginjang

I. Patujolo
Sahat tu sadarion memang sai adong dope jolma naso
manghaporseai hamamate dohot hananakkok ni Jesus tu banua ginjang, tung
dietong doi holan sarita sambing naso masuk ni akkal ni jolma. Songonima
di hatiha i uju na rap Jesus dohot siseanNa I, dung manghobasi Jesus di
portibion sai didok do tu siseanNa I ia anggo Ibana naikkon mate jala hehe,
dungi manaek do muse tu banua ginjang asa marhite I ma singkop
panghobasionna di portibion. Di patorang Jesus do tu siseanNa I ia anggo
Ibana ima roti hangoluan, roti na tuat sian banua ginjang, jala ise
namanganhon roti I dapotan hangoluan ma ibana, jala roti na ni maksud ni
Jesus disi ima Ibana sandiri (dagingKu) dohot mudarNa ingkon do inumon
ni jolma asa dapotan hangoluan. jala dung didok Jesus hata I, sude do jolma
mangetong hata naso masuk akkal ni jolma doi, “beha do bahenon ni halak
on mangalehon dagingNa panganonta? (52)” alai udut nii dipatorang Jesus
do aha lapatanna umbaen didok hata i. marhite panghataion ni Jesus tu
angka natorop I dohot sude siseanna I godang ma sian nasida ganggu
haporseaonna, alai godang do tong na dapotan pasu-pasu sian hata i.

II. Hatorangan Ni Turpuk

Sian bindu 6 on boi tabereng adong 3 golongan na mambege Jesus
ima: naparjolo halak Jahudi (41,52), ima golongan na manolak Jesus,
napaduahon halak natorop (60,66) na mangihuthon Jesus, napatoluhon 12
sisean ni Jesus (67). Molo ta bereng sian na tolu golongan on dipakke
sibolis do nasida asa unang porsea tu hata ni Jesus i. Pandohan ni Jesus di
ayat 60 “asa torop ma sian angka siseanNa na umbegesa mandok “hata na
kasar doi ise pabege-bege I?”” Adong piga-piga penafsir mangalapati hata
“kasar” ima sukar diterima. alai adong do muse na mangalapati hata kasar
“bukanlah sukar dimengerti, tetapi sukar untuk diterima” (bdk. NIV: This
is hard teaching. Who can accept it? (= Ini adalah ajaran yang keras. Siapa
yang dapat menerimanya?) maol do tarjalo roha ni nasida pangajarion ni
Jesus termasuk mai tu hamamateNa di hau pinorsilang (bdk. Yoh 12:34, 1
Kor 1:23).
Ndang lomo rohani nasida pangajaran na nidok ni Jesus I,
“manganhon daging ni Anak ni Jolma dohot manginum mudarNa” molo di
pahami secara hajolmaon dang tarlapati hita hata I jala ndang masuk ni
akkal ni jolma, gabe siallang jolma ma hita? Ninna roha nasida Ido umbahen
didok hata ni Jesus I, ima hata na kasar, alai molo tabereng di turpuk on
gabe marungut-ungut do nasida ndang adong sian nasida na mandok asa di
patorang Jesus muse aha do lapatan ni hata I. Boi ma tabereng di ay 41, ima
halak Jahudi do na marmungut-mungut, alai dibagasan turpuk on bali do
sahit na marmungut-mungut I tu sisean ni Jesus. diboto Jesus do aha na
diroha ni nasida marmungut-mungut angka siseanNa ala hata I jala
disungkun Jesus ma nasida, jadi alani I do hamu targasip? Pengajaran ni
Jesus naso tarjalo ni roha ni nasida ima: na mandok Ibana na tuat sian banua
ginjang (41,50,51,58) jala on ajaran na kasar do on di sipareon ni nasida.
Jala di uduti muse di ayat 62 beha nama anggo idaon muna Anak ni Jolma I
manaek tu ingananNa hian? Pandohan Anak ni Jolma ima menunjuk kepada
Yesus sebagai manusia. Tetapi kata-kata ‘naik ke tempat di mana Ia
sebelumnya berada’ menunjukkan pre existence (keberadaan sebelumnya)
dari Yesus, dan ini lebih cocok untuk ditujukan kepada keilahian Yesus.
Hata “daging” menunjuk tu penafsiran hurufiah yang dilakukan oleh orang-
orang Yahudi terhadap ajaran Yesus. Jadi, kata-kata Yesus ini maksudnya
adalah: ajaranKu harus ditafsirkan secara rohani, bukan secara hurufiah.
Atau bisa juga dikatakan bahwa maksud Yesus adalah: dagingKu tidak
memberi apa-apa. Berhentilah berpikir untuk makan dagingKu secara
hurufiah. RohKu, atau pribadiKulah yang memberi hidup
Angka sisean i, ima angka na mangihuthon Jesus, alai dung
ditangihon nasida pangajarion ni Jesus, gabe dihilala nasida dang boi be di
ihuthon nasida be Jesus. Jala hata na minaksud nasida ima, ingkon
manganhon daging dohot manginum mudar ni Jesus. HananangkokNa tu
Banua Ginjang, na paboahon situtu do sude naung didokNa i, gabe
manambai sogo ni roha ni halak na so manjalo hajolmaon ni Jesus na di
pelehon tu nasida marhite hamamateNa di hau pinarsilang. (Ay. 62). Jala
daging ni Kristus na mansai ringkot i, dang marparbuehon manang aha,
kecuali molo di lehon Tondi i hangoluan. Alai nang pe songoni, sude do
hata ni Kristus i digohi Tondi, ima Tondi na Pangoluhon. Akka Hata i di na
paluahon. Paraloan ni angka sisean tu HataNa i, patuduhon gale ni
Haporseaon ni angka sisean i. Dang holan Haporseaon na palsu na dapot ni
Jesus sian siseanNa i, alai molo tapaihut-ihut tu ayat berikutna adong do na
gabe berkhianat sahalak sian angka siseanNa i.
Injil Yohanes di surathon laho patanghon angka halak Jahudi
bahwasanya Jesus ima Mesias naung jinanjion ni Debata jala sipalua jolma
sian hadosaon. Asa sude jolma naporsea tu Ibana dapotan hangoluan
saleleng-nilelengna. Manaringoti ari hananaek ni Jesus dang boi gait rohanta
holan barita na somal sambing di bahen I na boi ta buat kesimpulan aha do
na naing siulahononta marite turpuk on? Ima ayat 60 : Taringot tu haroro ni
Jesus tu portibion maol doi tarjalo roha ni jolma molo dipakke
pikiranna /logika berfikir manusia, alai ingkon marhite haporseaon na togu
asa boi hita manjanghon Ibana di ngolunta ayat 61-62 : Diboto Debata do
aha na di bagasan rohanta, dison ma karakter ni Debata dipataridahon Jesus
ima Maha tau, andorang so makkatai dope siseanNai nunga diboto Jesus
aha nanaeng sidohonon ni nasida. ayat 63 : Tondi I do na pangoluhon
hadirionta di adopan ni Debata

III. PANIMPULI
Tema ni jamita ta ima “Manghaporseai Jesus Naung Manaek tu
Banua Ginjang” molo sian hajolmaon memang ndang tarjalo roha
peristiwa hamamate dohot hananaek ni Jesus tu banua ginjang alai ndang
adong naso tarpatupa Debata, jala ndang adong na boi managambati
sangkap ni Debata tu saluhut natinompaNa di portibion ima na ingkon ro do
Ibana marhite Jesus Kristus jala mate manobus hita jolma, baru naingkon
hehe Ibana di ari patoluhon, ari haheheon ni Jesus Kristus patuduon bahwa
nunga talu hamatean I, nunga sae sorop ni dosa I, alai hangoluan saleleng-
nilelengna nama nanilehonna tu hita jolma na porsea jala na mangulahon
parsuruonNa. Jadi tahaporseai ma naung manaek Jesus tu banua ginjang
sada tanda bahwa talu do hape hamatean I dibahen Tuhan ta Jesus Kristus.
Amen

Pdt. Idris Simbolon, S.Th

MINGGU EXAUDI
21 MEI 2023
Epistel: 1 Petrus 5:6-10
 Ditangihon Debatado Joujouni Naposona

I. Patujolo
Dibagasan parungkilon dohot pangaleleion sian halak Jahudi dohot
halak Rom do halak naporsea dihatiha i tagan digorithon Apostel Petrus
turpuk on. Jala dipasahat Apostel Petrus do angka poda do tu angka sintua
asa denggan nasida marhobas. Boasa ingkon paingoton ni Apostel Petrus
sintua i? Napinillit ni angka apostel dohot ruas do nasida asa gabe sintua
(Bahasa Gorik: “presbuteros”) laho marmahani ruas ni Debata, gabe
sitiruon dohot papunguhon pangurupion tu halak Kristen Jahudi na pogos
jalan na haraparon. Ala ingkon gabe sitiruon do nasida, umbahen pola
dipaingot apostel Petrus angka sintua i tarlumobi ma dibagasan parungkilon
do godang halak Kristen hatiha i.

II. Hatorangan Ni Turpuk

Ayat 6. Ginjang ni roha manghorhon hadadabu ni jolma tu dalan na
ramun. Ala jorbut do ginjang ni roha on, umbahen di paingot Apostel Petrus
angka sintua dihatiha i asa marserep ni roha. Gabe patupahon bada do
ginjang ni roha alai manghorhon dame nasumurung do anggo serep ni roha.
Ndang tama sada sintua manghobasi dibagasan ginjang ni roha alai ingkon
dibagasan torup ni roha do.
Ayat 7. Adong do di ayat pitu on hata “tingganghon” manang
“serahkanlah” (di Bibel bahasa Indonesia), ima molo di hata Gorik
“epiriptō”, namarlapatan ma i “mandanggurhon”, “pasahathon”. Lapatanna
ima ulaon nadiulahon sahali ro di salelenglelengna; mandanggurhon
manang pasahatton saluhutna ngolu on ro di sude angka holso ni roha tu
Debata. Holso ni roha dohot habiaran ro alani angka ragamni sitaonon.
Pasahathon sude holsoniroha tu Debata ndang mambahen jolma na porsea
gabe ndang mulaulaon alai ingkon dibagasan bisuk ni roha na sian Tuhan i
do hita laho mangadopi sude angka na maol na diparngoluon on.
Holsoniroha ima habiaran taringot tu nanaeng masa anon, sogot manang
haduan nang pen dang tarboto dope toho do i masa manang ndang.
Holsoniroha on ima hinorhon ni dosa dohot pangalaosion ni jolma marhite
hadadabu ni jolma tu bagasan dosa. Pasahathon ngolu dohot holsoniroha tu
Debata dipukka sian patutoru roha tu toru ni tangan ni Debata, ala ni tapar
ma idaon ni jolma naporsea pangaramotionNa di tongatonga ni parngoluon
on. Pangaramotion ni Debata ndang holan taringot tu sipanganon, siinumon,
pahean nang dohot parlinggoman, alai ihut do tu ngolu partondion ni
naporsea asa mangolu ibana.
Ayat 8. Didokhon Apostel Paulus do asa “torangma rohamuna”
(dibagasan bahasa Indonesia ima “sadarlah”), molo dibagasan bahasa Gorik
ima “nepho” namarlapatan ma i “tarjolma” manang “malua sian
hamabukon”. Unangma gabe mabuk jolma dibahen angka ginjang ni roha
dohot angka pangajarion na ramun sian angka panurirang pargapgap, ai i do
manghorhon gabe mura jolma i dielaela sibolis. Jolma na mabuk ndang
tonggor be parnidaanna, isara ni jolma na mabuk nungga ramun jala maol be
laho mangalapati pardalananna. Molo nungga ro si songon i mura ma ibana
diboan sibolis tu dalan naso ture. Haserepon ni roha do namanghorhon
tonggor ni parnidaan laho mangida angka ulaula ni sibolis asa unang
tarrobung jolma naporsea.
Ayat 9. Dipaingot Apostel Paulus do taringot tu dalan laho
manaluhon sibolis asa manghorhon hamonangon ingkon garang jala aloon
do sibolis dibagasan. Ndang jadi lehonon tingki tu sibolis asa unang dielaela
angka naporsea tu dalan na so ture. Aloon ma sibolis i dibagasan haporseaon
na togu. Hata “togu” (teguh) molo di bahasa Gorik ima “steros”
namarlapatan ma i “hot”, “togap”, “gogo”, “tang”. Jadi ingkon margogo jala
togap do angka naporseai laho mangadopi angka parungkilon namasa di
hatiha i, ai masa do pangaleleion tu halak Kristen sian hala Jahudi dohot
bangso Rom.
Ayat 10. Gabe ayat manang hata silehon panghirimon namangolu
ma ayat 10 on tu angka naporsea nang pe dibagasan parungkilon. Dapotan
hasangapon angka naporsea ndang alani ulaonna sandiri alai inisiatif ni
Debata do namanjou angka jolma i tu hamoraon ni asi nirohaNa. Ala Debata
do namanjou, sian Debata ma nang angka pangurupion naphothon
haporseaon dohot pangkirion ni angka naporsea. Unang be nian munggil
roha ni angka naporsea i dung dibege nasida ayat 10 on ai nungga tarjou
nasida tu harajaon ni Debata.

III. Sipahusorhusoron
Adongdo angka piga napinasahat tu hita marhite turpuk on naporlu
sirimangrimangionton:
1. Marserep ni roha
Marserep ni roha manang patutoru diri di adopan ni Debata
manghorhon hasangapon na sian Tuhan i. Ikkon marserep ni rohama hita
tarlumobi di angka sintua dohot parhobas, naeng ma nian songon na
nidok ni Jesus di Matius 23:12 “ai sipaoruon do ganup napatimbo dirina,
alai sipatimboon do na paoru dirina”. Molo nunga marhobas hita di
ladang ni Tuhan i, molo nunga taula nadenggan dibagasan ngolunta,
unang ma dirippu rohanta gabe siginjanghononton i alai parohon
hasangapon ma di goar ni Debata. Godang do jolma manghaginjangkon
dirina ala dirimpu rohana nunga godang naniulana i jala manghilala
ibana ditoruna do jolma naasing, hape dos do sude jolma i diadopan ni
Debata. Ala na nionjar ni holong dohot haserepon ni roha ma nian ganup
naporsea mangulahon panghobasion dohot angka ulaon nadenggan asa
manghorhon sangap di goar ni Jahowa.
2. Hot ni haporseaon
Godang do angka pargapgap jala parungkilon namasa, namambahen
sipata lomos haporseaonta di hasintongan dohot tu Tuhan i. Sian on do
sibolis i laho mangelaela hita asa madabu tu dalan na so denggan. Ala ni
togu dohot tang ni haporseaonta do bahenonta mangalo sibolis, angka
pargapgap, manang hatiha ro angka parungkilon ingkon do
marhagogoon hita laho mangadopi i saluhutna. Haporseaon na mangolu
ndang holan porsea alai ndang mulauaon. Haporseaon na mangolu ima
haporseaon namanghorhon bisuk laho mangulahon na denggan tu
tongatonga ni parngoluon dalan laho marsiurupurupan. Molo nunga tang
haporseaonta tatogihon ma angka dongansaripenta na sai munggilunggil
asa marhaporusan tu Jahowa nasida.
3. Panghirimon na mangolu
Nunga di jou Tuhan Debata hita laho manghobasi di tonga-tonga ni
huria na, ala ni i molo per o angka sitaonon nadokdok ndada be mabiar
hita di si ai Ibana do namanjou hita jala laos Ibana do namargogoihon
hita siapari. Marhite turpuk on, molo adong panghirimon tangkas ma
taboto ai ditangihon Debata do ganup angka joujounta. Amen.

Pdt. Mangaliup Simanjuntak, S.Th

MINGGU EXAUDI
21 MEI 2023
 Evangelium: 2 Samuel 22:1-7

Ditangihon Debatado Joujouni Naposona

I. Patujolo
Molo disungkun di hita ise do Debata di ngolunta, tontu marragam
do angka alus ni jolma taringot tu sungkunsungkun on. Jala molo nungnga
tatanda Debata, marhite aha do patuduhononta partinandaanta i. Molo holan
mananda alai ndang mangulahon manang aha porlu do sungkunon, toho do
partinandaan i? Ala ni i, boi do hita marsiajar sian raja David namanurihon
ise do Debata jala aha do na diula ni Debata dibagasan parngoluanna. Boi
do hita mambuat parsiajaran sian turpuk on, laho patuduhon partinandaanta
di Debata.
II. Hatorangan Ni Turpuk
Dibagasan turpuk on dipatorang do taringot tu pengalaman ni raja
David, i ma ditingki porlu ibana pangurupion, diparrohahon Debata do
ibana jala dapotna do holong sian Tuhan i. 2 Samuel 22 manurihon ende
pujian ni raja David ala ni sude panggonggomi ni Debata dibagasan
ngoluna. Nunga piga hali raja David dipalua jala diurupi Debata sian angka
alona, lumobi ma raja Saul. Dipuji ibana do Debata ai Debata do
partanobatoanna jala lombulombuna. Turpuk on boi do dibagi, ima:
1. Naparjolo, napatorangankon taringot tu ise do Debata dibagasan ngolu
ni raja David. Pengalaman ni raja David di turpuk on gabe mamboan
ibana tu panandaion ni raja David di Debata. Molo di raja David,
Debata i ma dolok batu, sipalua, partanobatoan, lombulombu, tanduk ni
partuaon, parondingondingan, haporusan, sipartumbak (ay. 2-3). Ndang
na holan ala manjaha pustaha na badia raja David umbahen na adong
partinandaan ni ibana. Ndang na holan ala ni na dibege ibana jamita
taringot tu huaso ni Debata. Alai dihilala raja David do langsung
diparngoluan ni ngoluna umbahen sahat jala dirajumi ibana holong ni
roha ni Debata, gabe manghorhon partinandaan ni ibana di Debata.
Holan dibagasan Debata do jumping ni raja David angka sisongon on.
2. Napaduahon, ima taringot tu aha do na diula ni Debata di tongatonga ni
ngolu ni raja David na gabe pembuktian taringot tu panandaon na i.
Dipatorang do di ayat 4-7, ima tagan di gora raja David goar ni Debata
dipalua ibana sian musuna. Dihaliangi ombak hamatean, sunge ni
hajahaton, rante ni banua toru, jorgong ni hamatean. Aha na masa di
parngoluan ni raja David, gabe dalan ni Debata laho pautuduhon
 huasoNa. Ala ni i ma di dokkon raja David di ayat 7, tagan targogot
ibana di tangihon Debata do joujou na.
3. Boha do dibahen raja David asa mananda hita di Debata. Molo marhite
turpuk on, didokkon do di ayat 4 dohot ayat 7, ima dijou raja David do
Debata. Parungkilon ndang mambahen raja David gabe laho
maninggalhon Debata alai gabe dalan di ibana laho patang
haporseaonna di Debata. Sian on ma tabereng, ndang marpangusandean
raja David di hasangaponni ibana nang pe raja ibana, alai marhapsan tu
Jahowa do ibana.
Aha do huroha na secara spesifik na dialami ni raja David umbahen
pola sai joujou ibana di goar ni Debata, jala pola gabe di dokkon ibana
dihaliangi ombak ni hamatean ibana? (ay. 5-6). Molo taparrohahon di bindu
21, boi do berengonta ima masa do haleon potir tolu taon lelengna (21:1),
masa do parporangan halak Pilistim dompak halak Israel (21:15), jala talu
do dibahen nasida si Goliat, jala angka halak na ganjang onom be jarijari ni
tangan dohot patna (21:19-10), jala sian tangan ni si Saul (1 Samuel 24:17-
19). Sude na i ala nipangurupuion ni Debata ditongatonga ni raja David.
Ndang dipasombu Debata nasida dipalealea bangso na asing. Ala gomos do
ditiop halak i haporseaon tu Debata, gabe manghorhon hamonangon ma
nasida. Ala ni sude pengalaman na uli i, dipuji jala diendehon raja David ma
pujipujiann tau pasangap goar ni Tuhan i.

III. Sipahusorhusoron
1. Ise do Debata di ngolunta
Ingkon adong do partinandaan di hita taringot ise do Debata di
ngolunta. Partinandaanta i unang ma nian tadapot holan sian mambege
jamita manang parsiajaran agama. Alai dibagasan ngolunta siapari ingkon
mardalan jala tapangasahon do Tuhan i laho mangadopi sude gulmit ni
ngolu on. Sian i, idaonta ma ise do Debata di ngolunta, ta hilala jala molo
tajamitahon holong ni Tuhan i, gabe jamita na mangolu ma i dibagasan
pardalanan ni ngolunta. Godang do angka sipaulionta di tongatonga ni
parngoluanta, jala godang do na maol, tarlumobi ma molo mambaritahon na
sintong hita sai adong do namanjungkati hita. Ala ni i ma, marhite
pengalaman ni raja David disosoi do hita asa marpangusandean hita di
huaso ni Debata. Ingkon tarimangi do aha do na boi diulahon Debata
marhite ngolunta nangpe maol sitaonon. Molo dapotan parungkilon hita,
tajou ma goar ni Debata, marpangusandeaon tu Ibana ma hita asa dapotan
hangoluan hita.
2. Aha do ulahononta laho pautuduhon panandaanta di Debata
 Ala nunga dirajumi raja David balga ni Debata jala nunga ditanda
ibana Debata secara langsung, dipatudu ibana ma partinandaanna i marhite
ende pujipujian laho pasangaphon Tuhan i. Nang di hita angka naporsea pe
ingkon do patuduhononta partinandaanta i diadopan ni Debata marhite
angka ende, musik, panghobasion, tangiang dohot angka lan naasing. Adong
do jolma napatuduhon partinandaanna marhite ulaon panghobasion tu angka
napogos. Adong na patuduhon partinandaanna marhite parkarejoanna,
adong napatuduhon partinandaanna marhite ende dohot musik, adong
marhite bangunan, lompalompa, pahean na uli, suansuanan, pamarentaan
nang angka lan naasing. Aha ma na tau ulahononta sadarion laho
pasangapon goar ni Tuhan i. Sitongka ma nian molo gabe ta tundali aha
naung ni ula ni Debata. Ingkon ingot do hita ai nunga godang na diula ni
Debata di ngolunta. Molo nunga tapatuduhon partinandaanta i, tatogutogu
jala tatogihon ma angka donganta naso mananda Debata jala naso olo dope
laho patuduhon haporseaon manang partinandaanna di Debata. Asa rap
marlasniroha hita laho mamujimuji holong ni rohaNa. Parsidohot ma hita
laho mangurupi jala manghobasi di ladang ni Tuhan i. Amen.

Pdt. Mangaliup Simanjuntak, S.Th

MINGGU PENTAKOSTA I
 28 MEI 2023
Epistel: 1 samuel 10:6-13

Jalo Hamu ma Tondi Porbadia

I. Patujolo
Di padan na robi (Perjanjian Lama), 1 dohot 2 Samuel termasuk
sada kitab do on, jala kitab on di goari do menurut Nabi Samuel, Nabi
Samuel ima sahalak Tokoh Alkitab na dihormati sebagai sahalak uluan di ni
bangso Israel na digohi Tondi na di pillit jala di pakke Debata laho
manguluhon bangso I (pemimpin rohani/Nabi). isi ni Kitab 1 samuel on
mengenai sejarah ni angka hakim dohot raja Israel, tolu peralihan na mansai
ringkot dalam kepemimpinan nasional: ima sian Eli tu si Samuel, sian si
Samuel tu si Saul, diuduti muse sian si Saul tu raja Daud, molo 2 Samuel
on focus doon holan patoranghon harajaon ni si Daud. Alai dibagasan
turpuk ta sadarion ima di 1 samuel 10:6-13. Turpuk on patoranghon ima si
Saul na di urapi Debata gabe sahalak Raja di tonga-tonga ni bangso Israel
(Saul menjadi raja pertama Israel karena bangsa itu menuntut seorang raja
"seperti pada segala bangsa-bangsa lain" (1Sam 8:5,20). Songon na masa
di hatiha I molo sahalak Raja ingkon do di urapi dohot miak jaitun na di
urapi sahalak namartoonan na adong hubungan khusus dohot Debata, ima
sahalak Nabi manang Imam bdk 1Sam 16:13; 1Raj 1:39; jala Upacara on ma
na pabadiahon sahalak raja I gabe raja na martohonan di adopan ni Debata.

II. Hatorangan Ni Turpuk

1. Diparboali Debata si Saul asa Gabe Raja (6-8)
Dibagasan turpuk on si Samuel mangulahon ulaon ni ibana gabe
sahalak nabi, mangalehon tu si Saul hatoguon na sian Debata mangojangkon
ibana gabe sahalak Raja. Molo tapamanat di ayat 1, dibuat si Samuel guri-
guri sada marisi miak, jala diusehon tu ulu ni si Saul. laos di umma ibana
huhut didok: nda naung miniahan ni Jahowa do ho bahen partogi ni bangso
naung niainNai. Di miahi laos di umma si Samuel si Saul (ay. 1). On ma
tanda Debata sandiri do na mamiahi si Saul, holan parhitean do ianggo si
Samuel. Naung di miahi Jahowa si Saul pasingkophon bahwa Debata do na
manjadihon Ibana gabe raja. dengan tanda yang seperti itu, imam besar
diurapi untuk memegang jabatannya, untuk melambangkan pemberian
karunia-karunia yang diperlukan untuk melakukan tugas-tugasnya, dan
tanda yang sama dipakai untuk melambangkan pengurapan raja. Sebab,
orang yang Allah panggil diberi-Nya kemampuan, dan kemampuan yang
tepat menjadi bukti kuat akan adanya amanat. Pengurapan dengan minyak
kudus ini, yang dilakukan pada waktu itu, menunjuk pada Sang Mesias
agung, atau Yang Diurapi, raja dari jemaat, dan imam besar pengakuan
iman kita, yang diurapi dengan minyak Roh, bukan dengan ditakar, tetapi
dengan tidak terbatas, dan yang berada di atas semua imam dan pemimpin
jemaat Yahudi. Memang, minyak yang dipakai Samuel itu, pasti, hanya
minyak biasa. Kita juga tidak membaca bahwa Samuel memberkati atau
mendoakan minyak itu. Akan tetapi, hanya dengan buli-buli minyak itu
Samuel mengurapi Saul, wadahnya rapuh, sebab kerajaannya akan segera
terpecah belah dan hancur, ukurannya sedikit, sebab Saul hanya diberi
sedikit Roh tercurah padanya dibandingkan dengan Roh yang tercurah
pada Daud
Nunga di urapi Jahowa si Saul namarhite Tondi ni Jahowa asa gabe
parsidohot ibana manurirangi di bagasan harajaonnai. Didongani jala di
urupi Debata do ibana lao mangulaon ulaonna. Di arahon si Samuel do si
Saul laho mangulahon pamarentaonna marhite na mangihuthon parsuruon ni
Debata dohot angka poda na pinasahat ni si Samuel. Na parjolo di ay 7 :
didok dung masa angka tanda I tu ho bahen ma guru roham na jumpang
tanganmu : namarlapatan asa si Saul mangulahon ulaonna di bagasan
habisuhon. Napaduahon dunghon tuat ibana tu Gilgal dison muse ujion ni
Debata do si Saul asa di bagasan hasabaron jala di gohi tondi ibana laho
paimahon si Samuel, pitu ari ma lelengna ibana paimahon asa ro si Samuel
mandapothon ibana. Sude na on di patupa Debata asa gabe sada syarat di si
Saul bahwa ia harus menunjukkan tingkah laku yang baik, dan, meskipun
seorang raja, harus bertindak sesuai petunjuk Samuel, dan melakukan
seturut yang Samuel perintahkan kepadanya. Orang-orang yang paling
hebat harus dapat menundukkan dirinya kepada Allah dan firman-Nya.

2. Jahowa Debata paubahon Roha ni Jolma marhite na songgop

TondiNa (ayat 9-10)
Di tingki Debata mangalehon tugas dohot huasoNa tu si Saul naung
nimiahanNa i, dibahen I Tondi ni Debata napapatarhon pandonganion dohot
pamarentaonNa dibagasan hadirion ni si Saul, asa boi ibana mangulahon
tugas panjouon ni Debata di bagasan nanigohian ni Tondi. Di pauba Debata
do roha ni si Saul marhite tondiNa. Songoni do nang hita pe molo nunga ta
pasahat dirinta on di gohi tondi ni Debata, laos Ibana sandiri nama ro
mangurupi hita, ahape na ta adopi di bagasan parngoluan on na talup do hita
mangadopi I saluhutna, apalagi ma molo naung di lehon Debata parsuruon I
tu hita, ibana naung mamillit jala mamake hita gabe parbarita nauli, laos
ibana na do tong na mampargogoihon hita mangulahon parsuruon i.

3. Si Saul gabe sahalak Raja dohot sahalak panurirang (Posisi Saul

adalah sebagai raja bagi Israel dan sebagai hamba di hadapan
Allah) (11-13)
Sungkun-sungkun do sude na marnida si Saul na mananda ibana
hian (aha do na masa tu anak ni si Kis dohot do si Saul hape di tonga-tonga
ni angka panurirang?) alai ndang ganggu roha ni si Saul di sungkun-
sungkun I tarida doi di ayat 13 “dung mansohot ibana manurirangi tolhas
ma ibana tu robean i” dipargogoi Debata do si Saul mangulahon ulaon na I,
ndang adong keraguan manang kebimbangan ni ibana dunghon di urapi
ibana gabe sahalak Raja di bangso I (atik pe di masa harajaon ni ibana na
selanjutna gabe manimbil do ibana sian adopan ni Debata) alai di bagasan
turpuk on di ulahon ibana do parsuruon ni Tondi ni Debata di bagasan
ngoluna. Saul sebagai hamba Tuhan. Israel kini memasuki era baru.
Dengan Saul sebagai raja, bisa terjadi pergeseran pemahaman tentang
siapa yang paling menentukan dalam kehidupan umat Israel. Untuk
menyadarkan Israel bahwa Tuhan sendiri yang memimpin, Saul dipilih dan
diurapi oleh Tuhan bukan oleh rakyat namun Allah sendiri yang memilih
Saul sebagai Raja. Tugas Saul terutama adalah menjalankan perintah Allah
atas Israel, bukan sebaliknya. Posisi Saul disini adalah sebagai raja bagi
Israel dan sebagai hamba di hadapan Allah

III. Panimpuli
Jolma na ginohi ni Tondi ima jolma na olo mangalehon diri diurapi
jala dimiahi Debata, asa marhite na ginohian ni Tondi sahalak jolma, tarida
ma I sian parbuena ima parniulaonna si ganup ari. Molo ta ida di bagasan
padan na robi (PL) si Saul ima Raja na parjolo di Israel na niurapan ni
Debata marhite tondiNa, alai “TONDI” nanilehonna tu si Saul ternyata dang
hot di hadirion ni si Saul boi mai ta bereng dung gabe raja ibana di bangso i
ndang sadia leleng nari manimbil do ibana sian dalan ni Debata, tondi I
ndang hot di dirina, Allah mengubah sifat batin Saul melalui pengurapan-
Nya dengan Roh Kudus (bd. ayat 1Sam 10:9). Perubahan ini tidak bersifat
permanen atau tanpa syarat, tetapi sesuatu yang dapat dipelihara hanya
oleh ketaatan kepada Allah. Kemudian Saul menolak untuk taat kepada
Allah sehingga, setelah itu Roh Kudus meninggalkannya (1Sam 13:13-14;
15:11; 16:14). Alai Penggenapan di Padan naimbaru boi ta bereng di
turpuk on si Samuel mangaronghom dua lambang kenabian tentang
pelayanan ni jesus: ima Jesus sebagai nabi, dohot Jesus sebagai imam, dan
raja. Jesus Sebagai nabi dohot imam Ibana ma na gabe perwakilan ni Debata
dohot bangsoNa. Nung ro Jesus tu portibion laho paluahon jolma sian sorop
ni dosa, naingkon tarsilang jala mate do Ibana humokhop jolma, dibahen I,
ise naolo manjanghon Ibana gabe raja jala sipalua sian hadosaon dapotan
ngolu saleleng-nilelengna ma ibana. Dibahen I, molo nunga ta jangkon tondi
porbadia di bagasan ngolu ta tondi I hot nama I saleleng-nilelengna di
ngoluta on (nunga hamu di buri, di parbadia, jala di pintori marhite goarni
Tuhan Jesus Kristus dohot marhite tondi ni Debata i mat 26:28) jesus
Kristus mengorbankan diriNya sekali untuk selama-lamanya. Dibahen I
“Jalo Hamu ma Tondi Porbadia” Amen

Pdt. Idris Simbolon, S.Th

 MINGGU PENTAKOSTA I
28 MEI 2023
Evangelium: Johannes 20:19-23

Jalo Hamu ma Tondi Porbadia

I. Patujolo
Molo adong na masa ulaon di sada inganan, tontu sahali adong do
detektif manang tim investigasi na laho papatarhon angka na masa jala ise na
tarlibat. Umbahen i do, ingkon dipatorang rentetan kronologi na, asa boi
dihaporseai torop halak. Alai na masa di tingki hamamate ni Jesus sahat tu
hahabangkit-Na, hurang do alat perekam/recorder dohot kamera. Maol do
tarjalo jolma sinuaeng on molo so adong dibege rekaman soara jala diida
foto na. Dison ma dipatangkas tu ganup na porsea tu Jesus Kristus, adong
pigapiga bukti nyata na laho patoranghon angka na masa di panghobasion-
Na di portibi on. Angkup ni i, asa tapamanat ma jo di Minggu Hasasaor ni
Tondi Parbadia (Hari Pentakosta I) na naeng sigurithononta sian turpuk
Johannes 20:19-23, marhite tema “Jalo Hamu ma Tondi Parbadia”.

II. Hatorangan Ni Turpuk

Dung marujung panaritaan ni Jesus sian hau pinorsilang, mansai
tahutan do angka sisean dohot parompuan na satia mangihuthon Ibana.
Boasa tahutan? Ala di tingki ari Sabbat (dung tolu ari sian hamamate-Na),
ndang tarida be bangke ni Jesus sian tanoman i ala nunga manggulang batu
na bolon (ida Mrk. 16:3-5). Laos longang angka sisean i, sampe disordak
pintu ni inganan nasida marsunggut sotung diida halak Jahudi gabe
mangalapor halaki tu sordadu Romawi asa diuhum angka sisean. Dison ma
dipapatar laos tarida ma misi ni Jesus pola ro tu portibion.
Ayat 19-20, Dame ma di hamu. Di bagasan Roha biar do nasida
uju dang rap be Jesus dohot nasida Jadi dung bot ari, di ari parjolo dung
salpu ari Sabbat, di naung sordak angka pintu ni inganan ni angka sisean i,
ala ni biar ni rohanasida mida angka Jahudi, ro ma Jesus jongjong tu
tongatonganasida, jadi didok ma tu nasida: Dame ma di hamu! Disurat si
Johanes do ianggo nasida mabiar tu halak Jahudi masuk ni akal doi ai na
saleleng on rap do nasida dohot Jesus tudia pe Jesus laho ro do nasida
mangihuthon langka ni Jesus, alai nung jumpang tingkina naingkon lao
nama IbaNa tumopot AmaNa, umbaen I do di tadingkon angka siseanNa I
dohot sude na mangihuthon Ibana. Alai Di gohi Jesus do padanNa molo
tabereng di pasal 14:18, ndang tadinghononKu hamu so marama na ro ma
Ahu mandapothon hamu. Ro Ibana di borngin I marnida angka siseanNa I
jala laos didok ma hata “Dame ma di hamu” tarsanggot situtu do roha ni
nasida, Alana disordak nasida do bagas I, jala ndang adong na mamboto
inganan I, mabiar situtu do saluhut nasida jala taroktoon mangida Jesus i.
Ala di bagasan hatahutan do angka sisean i, pola do ro Jesus
dinalaho patuduhon na tutu do Ibana naung bangkit (monang sian
hamatean). Sada fakta na ummarga ma on gabe bukti na pabotohon sintong
do barita hahabangkit-Na. Secara psikologis, boi do digombarhon hatahutan
ni nasida na di bagasan inganan na disordak pintu na, sahira dilelei angka
musu, na laho mambuat ngolu na. Umbahen i, uju ro Jesus di inganan I,
parjolo didok Jesus do tu nasida, “dame ma di hamu”. Hata on patoranghon
asa unang ganggu, tahutan, hitiron roha angka sisean. Sahira mago pusu do
nasida marnida na masa i jala boi do tong dohonon tarmali tondi. Dung
didok Jesus tu nasida dame ma di hamu, laos mulak ma sonang ma roha na.
Ndang sae holan hata i, alai laos dipatuduhon ma tangan-na dohot andora-
Na tu nasida, gabe las ma roha na muse.
Ayat 21, Songon sinuru ni Ama i Ahu, suruonku hamu. Surat ni
si Johannes on jotjot do dilapati relasi sian ginjang (Kristologi Atas). Sian
ginjang do haroro ni Jesus, i ma na sinuru ni Ama, ala holong ni roha-Na
(Joh. 3:16). Dipartingkian na parpudi on dihataon Jesus ma, asa adong
lanjutan ni relasi i. Na sinuru ni Ama do Ibana, gabe suruon ni Jesus ma
angka sisean. Balga situtu do misi ni Jesus na naeng sitorushonon ni angka
sisean i di portibion, suangsongoni ditorushon tu huria-Na, asa lam
mangherbang harajaon ni Debata di sandok portibion.
Ayat 22-23, Jalo hamu ma Tondi Parbadia. Songon na asing do
idaonta pandohan ni Jesus na sinurat ni si Johannes on molo dibandinghon
tingki hasasaor ni Tondi. Si Johannes pabotohon, ndang manundati ari
palimapuluhon dung hamamate (Hari Pentakosta), alai patoranghon, Tondi
na sian Ibana tarbilang Tondi Parbadia. Lapatan na, Tondi na diombushon i,
Tondi-Na do i. Ndang disi ondolan ni hata-Na i, jadi aha do? I ma nalaho
pahothon harohaon ni angka sisean i, asa unang tahutan, jala asa barani
nasida mamaritahon/paboahon naung hehe Jesus na diida nasida tangkas tu
torop halak. Barita na uli dison parjolo sahali asa tarbarita haheheon-Na,
gabe sitindangi ma nasida (menjadi saksi).

III. PANIMPULI
1. Hasasaor ni Tondi Parbadi sada basabasa tu ganup jolma na
tinobus-Na, asa barani jala girgir haporseanon.
2. Dipartingkian sisaonari on, angka na manjalo Tondi Parbadia,
ndang adong be sidalian na mandok, a lok ma angka na manjalo
tohonon i marbarita na uli. Alai, hehe ma ibana, pabotohon, tutu
do naung hehe Jesus sian na mate, pamonanghon ahu sian
pardosaon.
3. Tondi Parbadia do patuduhon dalan na tiur jala tigor asa unang
tarunjung jolma i. Tondi Parbadia ma tongtong mandongani angka
huria-Na, umbahen jongjong sahat tu tingki on. Amen

Pdt. Idris Simbolon, S.Th

 SENIN PENTAKOSTA II
29 MEI 2023
Epistel: 2 Petrus 1 : 16 – 21

Huaso Ni Tondi Ni Debata Na So Terbatas

I. Patujolo
Mansai maol do pasidingkon angka hasomalanhasomalan naso
marimpola manang parulaon ni hajolmaan na sai mangihuthon manang
marguru lomo ni roha hajolmaaon. Hombar sian turpuk 2 Petrus 1 : 16-21
on, patariashon hasangapon ni Tuhan Jesus na pinuji jala na pinasangap ni
Apostel Petrus on. Panindangion dohot balga ni haporseaon na dipatolhas
Apostel Petrus i do nasa naung jinalo manang hagogoon ni Debata Jahowa
na marpanghorhon dibagasan ngoluna.
Hamuliaon dohot hasangapon ni Tuhan Jesus na dipatuduhon marhite
hasasor ni Tondi na songgop di Tuhan Jesus na sian Debata Ama ima sian
pandohan “On do AnakHu, haholongan ni rohangKu; na lomo do
rohangKu di Ibana”. Sian pandohan na sahat jala nabinege nasida i, gabe
sitindangi ni Tuhan Jesus Kristus ma nasida pabotohon na pinasahat ni
Debata Jahowa do ulaon haluaon i di Tuhan Jesus Kristus.

II. Hatorangan Ni Turpuk

1. Hagogoon, Hatongamon ni Tuhan Jesus Kristus
Apostel Petrus mangarajumi dibagasan ngolunna gabe sitanda jala
sitindangi ni Tuhan Jesus Kristus naung manjalo ulaon marbaritahon barita
na uli i. Ndang be magihuthon nasa angka turiturian na piningkiran ni na
bisuk i, alai mangihuthon sian hasintongan dohot hagogoon ni Tuhan Jesus
Kristus do na pasauthon dohot pabotohon tu ibana. Ndada sian parhataan na
nialapsa sian hajolmaon alai sian na diida matana do hatongamonNa i.
Alani do sitindangi hasintongan ima diangka na manghatindangkon
sian na ni idana gabe porsea huhut mamaritahonsa, gabe torop ma na porsea.
Parbue ni panindangion i ma sinuaeng tung pe so diida alai porsea sian
parbaritaan na uli na pinasahat ni Apostel i. Songon na didok ni Jesus
Kristus uju rap dohot angka SiseanNa ditingki HaheheonNa sian na mate
huhut manghopol haporseaon ni si Tomas: “Jadi didok ma tu ibana: ala
diida ho Ahu, umbahen na gabe porsea ho. Martua ma angka na porsea,
atik pe so diida” (Johannes 20:29).
 2. Hamuliaon dohot Hasangapon ni Tuhan Jesus Kristus
Hasasaor ni Tondi Parbadia na manggohi Tuhan Jesus Kristus marhite
na ro soara sian banua ginjang na mandok: “On do AnakHu, haholongan ni
rohangKu; na lomo do rohangKu di Ibana”, gabe digokhi hamuliaon
dohot hasangapon ma Jesus Kristus jala patar do i diida diangka SiseanNa
uju rap nasida dohot Jesus didolok na badia, laos diida Sisean i ma muse na
manghatai ma Jesus rap dohot si Elia dohot si Musa. Panindangion dohot
pangungkapon sian Debata Jahowa do harorona, gabe hasintongan do i sian
nasa panuringaon ni angka Panurirang dohot Sisean ni Tuhan Jesus Kristus.
Alani do dijalo Apostel Petrus dohot Sisean i do panghobasion i hombar tu
angka na niida dohot na binege nasida. Diondolhon sian pandohan i do muse
marhite hamuliaon dohot hasangapon ni Jesus Kristus do gabe jaloonta
haluaon dohot sahat ro diharoroNa sogot ima panghirimon na mangolu na
mangalehon hangoluan salelengni lelengna.
3. Hot do Hata ni Debata marsinondang dohot siboan hatiuron
Panindangion dohot pangungkapon i ndada hape holan mangihut sian
na masa uju Apostel Petrus mamaritahonsa, alai sian Pandan na Robi pe
nunga dipatolhas. Gabe hot ma Hata ni Debata sian Padan Na Robi, Padan
na Imbaru sahat ditingki sinuaeng pe ro di na masa sogot sahat tu
maranatha. Laos Hata ni Debata i do na patuduhon dalan tu hangoluan dohot
hasintongan na marsinondang jala sibaon hatiuron dingolu ni hajolmaonta
dohot diportibi on.
Dipatolhas sian ay 9 on do “Jadi lam hot ma antong hata
panurirangon i di hami: jala tama marsitiopan tusi ma hamu, songon na
tu palito...............”, na so mardiaimbar hape jala hot do panindangion Hata
ni Debata, dibahen i asa unang dililuhon nasa angka pandohan manang
pangantusion na sian portibion na sai olo mambahen hagangguon ni roha
jolma i. Marhaposan situtu ma di Hata ni Debata.
4. Na tinogihon ni Tondi Parbadia gabe marbaritahon sian
parsuru ni Debata Jahowa
Mansai dasip jala dipaumbuk sian ayat 20-21 on na mandok :” On ma
parjolo boto hamu: Ndang dapot hatorangan ni nasa panurirangon na
tarsurat, anggo sian roha ni jolma”, astuanna hahomion jala hagogoon ni
Debata Jahowa do umbahen manjadi jala sahat hata panurirangon i, ndada
sian roha ni jolma. Songon i tongtong tarbahen na masa sian pangungkapon
na sinurirangkhon angka panurirang i pe na marhuaso jala marhagogoon na
sian Debata Jahowa do umbahen na masa songon panindangionna.
Songon i pandohan “............alai tinogihon ni Tondi Parbadia do
umbahen na marsoara angka jolma disuru Debata ”, na mangondolhon
Tondi Parbadia i do na patolhashon gabe marhagogoon ma jolma i, huhut
tarbahensa marpandohan marhite dibagasan goar ni Debata Jahowa. Naso
tarbahen jala manjadi do nasa angka na tinogihon ni Tondi Parbadia. Laos
ajaran ni Tondi i do tongtong hita mananda nasa na nilomo ni roha ni
Debata di ngolunta.

III. Panimpuli Dohot Refleksi

Manongtong ma hita na ginohan ni Tondi i, gabe mangihuthon parsuru
ni Debata Jahowa ma hita laho mangulaon nasa angka na nilomo ni roha ni
Debata. Na marlapatan ma i, na rap dohot Tondi i do hita laho mamaritahon
hagogoon dohot huaso ni Debata Jahowa dingolunta. Unang ma
marpangunsandean hita sian gogo dohot pingkiranta, alai saluhutna
tapasahat ma tu Debata Jahowa na mangalehon dihita nasa ragam ni ulaon ni
Tondi i dingolunta.
Haringgashon ma di na tumangihon dohot manghangoluhon huhut
mangulahon Hata ni Debata. Songon pandohan hata ni Debata : “Alai ninna
Ibana ma : Martua ma angka na umbege hata ni Debata jala na
umpeopsa!” (Lukas 11 : 28). Songon i tongtong na mangulahon Hata ni
Debata, laos pabotohon jala togihonon ni Tondi i do marpangalahoon dohot
mangulahon Hata ni Debata. Gabe marimpola ma nasa angka natinogihon ni
Tondi i molo marpangunsandean sian Hata ni Debata. Songon i tongtong
diparngoluonta asa gabe pasupasu ma nasa angka na mangulaon lomo ni
roha ni Debata, sian nasa parbaritaan na uli.
Huaso ni Tondi na so tarbatas do naung tajalo dibagasan ngolunta,
marhiteon nasa na tinogihon ni Tondi i marpanghorhon do dingolunta
siganup ari. Gabe hot hita dihaporseaon i jala gabe parsidohot hita muse
manghatindangkon hasangapon dohot hamulion ni Tuhan Jesus Kristus,
songon i gabe margogo hita be sian panondang ni hatiuron nasian Hata ni
Debata.

Pdt. Rommel R Simamora, S.Th

Pandita Resort Sampit – Korwil HKI Se-Kalimantan
 SENIN PENTAKOSTA II
29 MEI 2023
Evangelium : 4 Musa 11 : 24 - 30

Huaso Ni Tondi Ni Debata Na So Terbatas

I. Patujolo
Halongangan situtu do hasasaor ni Tondi Parbadia marhite sian
angka sisean ni Tuhan Jesus. Hasosonggop ni Tondi tu angka Sisean i,
ndada holan sian na marasing be angka pandohan/parhataan nasida, alai
masiantusan do nasida tung pe marasing be angka pandohan/parhataan i.
Songon i do muse, hasasaor ni Tondi i, ndang be mabiar manang tahutan
alai dipatuduhon nasida do dipangulaan ni Tondi i mamboan sar barita ni
Tuhanta gabe torop angka na porsea manguhithon Tuhan Jesus.
Songon na masa di Padan na Robi uju ditingki dipasahat Tuhan Debata tu si
Musa ulaon manguluhon bangso Israel tu tano naung diuarihon ni Debata
Jahowa. Sahalaksa do manguluhon bangso i natinogihon ni Tondi ni Tuhan
i. Tung mansai godang do jumpangsa angka parungutunguton ni bangso i,
dung haruar manang munsat sian Mesir, laos mangadopi pardalanan tung
mansai dao jala dokdok parniahapan ni bangso i. Songon na so tolap gogo ni
si Musa na ma mangadopi bangso i, pola do pandohanna :”Ndang tarusung
sasada ahu be sandok bangso on, madokdokhu do i di ahu.” (ay.14).
Ndang pasombuhon Debata Jahowa sasahalaksa laho mangadopi bangso i,
dipatuduhon jala diurupi Debata Jahowa do si Musa laho mamillit huhut
pasahathon tu Debata Jahowa pitu pulu halak sian sintua ni halak Israel, laos
buaton ni Debata ma tondi na songgop tu si Musa, laho ampehononna tu
nasida. Pangulaon ni Tondi ni Debata na tu si Musa songon i do
pasahathonna tu angka sintua na pitu pulu i, laho pasauthon sangkap ni
Debata ima mangalehon haluaon tu bangsoNa, jala mandongani nasida sahat
tu inganan napinasahat ni Debata Jahowa.

II. Hatorangan Ni Turpuk

Tondi Di Debata Jahowa Na Manggohi Jala Mangula
Dipatorang sian turpuk on do pangoloion jala haunduhon ni si Musa
maradophon Debata Jahowa. Na tutu do naginohan ni tondi do si Musa laho
mangulahon parsuru ni Debata tu ibana maradophon angka pitu pulu sintua
dohot saluhut bangso Israel. Debata Jahowa pasahathon ulaon manurirangi
tu pitu pulu sintua naung disonggopi tondi naung binuat Debata Jahowa sian
si Musa. Ndang na mandok na so martondi be si Musa ala hinorhon na
binuat sian ibana dipasahat tu pitu pulu sintua naung disonggopi tondi i.
Astuanna songon tondi na sahat tu si Musa, songon i do tongtong lehononna
marhiteon manurirangi ma nasida tu bangso i. Hasahatan pangantusion Hata
ni Debata gabe torop dilehon laho manurirangi. Asa marsiurupan ma nasida
marhite pangalehonon ni Tondi i, laho paneanghon ulaon tu bangso i.
Ajaran ni Tondi ni Debata laho manghatahon nasa hasintongan ni Debata
Jahowa tu bangsoNa, asa marguru jala diulahon nasida ma diangka parsuru
ni Debata Jahowa.

Tondi Di Debata Jahowa Ndang Tarbatasan

Pangantusion dohot parbinotoan ni jolma ndada boi mangambati jala
mambatasi parsaoran Tondi ni Debata. Si Eldad dohot si Medad sian pitu
pulu sintua na disonggopi tondi, manurirangi di ruar ni undungundung i
dibagasan parsaroan i. Sian turpuk on dipaumbuk ma pangulaon ni Tondi ni
Debata di si Eldad dohot si Medad na sai manongtong mangulon tondi i
diatasnasida. Na mangula ma Tondi i, gabe hobas jala malua sian tahutan
huhut ndang marnaloja nasida laho manurirangi. Dirajumi si Josua, anak ni
si Nun huhut patuduhon pangatusionna asa diambati nasida manurirangi
dibagasan parsaroan. Ai sian pangantusionna do pandohanna sian bagas joro
ni Debata do uli jala denggan panjaloon manang hasasaor ni Tondi i, songon
inganan poti parpadanan pe dibagas joro ni Debata do, asa unang ma nian
diboanboan tu angka luat naasing manang di luar ni bagas joro. Hasomalon
na diida jala na diulaon hajolmaon, olo do sipata gabe dipangke jala gabe
sipangambati do molo sian pangantusion ni jolma i. Gabe marsipangasahon
na binotona jala gogona nama dibahen jolma i laho mangaturhon angka
ulaon na dibagas joro ni Debata. Alani i do umbahen Tondi ni Debata ndada
sian parsuru manang na niaturhon ni jolma, alai Debata Jahowa do
mangondihon i tu ganup angka naung pinillitNa jala didia pe inganan
hasahatan ni Tondi i. Huaso dohot hagogoon ni Debata Jahowa ndang
tarbatas jala saguru di Ibana dol aho pasauthonNa.

Basabasa Ni Debata Jahowa Do Songgop Ni Tondi-Na

Dialusi si Musa do pandohan ni si Josua, anak ni si Nun (Ay.29) na
pabotohon ndada gogona palahoon jala tuk patupahon parsuru ni Debata
marhite hasongopon ni TondiNa di atas nasida. Marhite na dipangido si
Musa do tu adopan ni Debata Jahowa, asa adong mardonganthon ibana laho
manguluhon bangso Israel, laos dipataridahon Debata Jahowa do i dijolo ni
si Musa dohot saluhut bangsoNa. Basabasa ni Debata Jahowa do songop
Tondi-Na diatas ni angka naung pinillit jala dihalomoon Debata. Marhiteon
basabasa ni Debata Jahowa songgop TondiNa marpanghorhon ma i dingolu
ima:
1. Tuhan i do Tondi i; jala ia disi Tondi ni Tuhan i, disi do haluaon.
Alai anggo hita saluhutna angka na sinondangan ni hasangapon ni
Tuhan i, so huphup bohinta, paubaonNa ma hita gabe tudos tu
rupaNa, mandapothon ragam ni hasangapon marguru tu Tuhan ni
Tondi i. (2 Korin 3 : 17-18)
2. Basabasa na dilehon Debata marhiteon TondiNa gabe marhapistaran,
marhapandean dohot marparbinotoan dibagasan saluhut ulaon i. (2
Musa 31:3)
3. Ai dilehon Debata do tu hita tondi hagogoon, tondi haholongon,
tondi pangajarajaion diri, ndada tondi hatahuton. (2 Timoteus 1 :7)
4. Dibasabasahon Debata Jahowa ragam ni halalas ni roha dohot dame,
asa lam sumurung marpanghirimon, pinargogoan ni Tondi Parbadia.
(Roma 15:13)
5. Tondi ni Tuhan Jahowa laho mamaritahon barita na uli tu halak na
dangol, marsuru pauliuli parroha na bojok, maningtingkon haluaon
tu halak na tarhurung dohot halak na tarrante, maningtingkon taon
parasinirohaon, paulihon halak na marsak, dna (Jesaya 61)
6. Marparbue do pangulaon ni Tondi i: Holong dohot las ni roha, dame
dohot lambas ni roha, habasaron, habasaon, haporseaon,
halambohon, dohot hatomanon. (Galatia 5 : 22)

II. Panimpuli Dohot Refleksi

Diparngoluon sinuaeng hataridaan sian pangulaon ni Tondi ni
Debata Jahowa marhite haporseoanta sian marpanghirimon na mangolu
gabe panindangionta mamaritahon barita na uli i sahat ditingki sinuaeng pe.
Marhiteon Tondi i do umbahen gabe dipapatar Debata Jahowa do tu hita
ragam ni silehonlehonNa, gabe adong di hita angka parbinotoan dohot
habisuhon, hagogoon dohot habasaon, hadameon dohot ragam pasupasuNa.
Namangolu do Tondi ni Debata diparngoluon ni angka naporsea, gabe ngolu
na gok hadameon, na manghamuliateon di denggan ni basa ni Debata
Jahowa, ndang be holsoan manang marhabiaran dingolu, jala na gok las ni
roha do ngoluna.
Ndang sipangambati hita diparsaoran ni Tondi dingoluta sinuaeng.
Ai Tondi i mangarajai dibagasan roha, pikkiran dohot nasa ngolunta.
Marhataridaan do diangka pangulaon ni Tondi na sai mangalehon holong
dohot hadameon, las ni roha, dna, dibahen i unang manian sumurut angka
ringgasta mangulaon angka na denggan ditonga ini parsaoranta. Dipaholang
ma angka parmusuon, parsalisihaan dohot angka na manegai nasa angka
parsaoran na pinatomu ni Tondi i. Songon i nang di Huria ni Tuhan i, na
denggan do dilehon Debata diparsaoranta marhiteon bagas joro ni Tuhan i,
jala sian i do gabe botoonta hasintongan dohot hata ni Debata Jahowa na
binaritahon tu hita asa dibagasan hadameon dohot hasonangan nasian Tuhan
i. Tapaholang jala tapadao ma sian ngolunta angka parbolatbolaton dohot
nasa parsalisihan sian tongatonga ni huria ni Tuhan i.
Jangkon ma ngolum dipandonganion ni Tondi ni Tuhan i, dibahen i
ndada marguru sian lomo ni rohanta, alai marguru sian lomo ni roha ni
Debata Jahowa do. Na mangula jala didongani Tondi ni Tuhan i do hita
gabe antusanta ma marnida dohot mangulahon angka dia do na nilomo ni
roha ni Debata sian ngolunta. Tondi ni Tuhan patuduhon haluaon alani
ndang gabe sipangambati diangka na denggan sian pangulaon ni Tondi i.

Pdt. Rommel R Simamora, S.Th

Pandita Resort Sampit – Korwil HKI Se-Kalimantan
 MINGGU TRINITATIS
04 JUNI 2023
Epistel: Mateus 11 : 25 – 27

Debata Sitolusada Sitompa Saluhut

I. Sibonsiri
Ojahan Ni Saluhut Sian Buku Injil Matius 11 On Ima Hangoluan Na
Berpusat Tu Tuhan Jesus Kristus, Hita Na Porsea Tu Ibana Ingkon Nta
Hangoluhon Hasintonganna. Sian Ayat 25-27 Na Manekanhon Hasadaon Ni
Ama Dohot Anak Na Patuduhon Holong I Tu Hita Ganup Jolma, Asa
Marhite I Na Mangajari Hita Jolma Na Lao Manghaholongi Dongan Nta
Jolma Tarlomobi Manghaholongi Debata Ama Parhitean Haporsea On Nta
Tu Tuhan Jesus Kristus Asa Lam Mananda Hita Tu Hasintongan Ni Huaso
Ni Debata Tu Ganup Hita Jolma Marhite Tuhan Jesus Kristus Na Nta
Haporseai Di Bagasan Parngoluanta.

II. Hatorangan
Dibagasan Turpuk On Dipabotohon Ima Hasadaon Ni Debata Ama
Dohot Anak Ni Debata Ima Tuhan Jesus Kristus. Hasadaon I Boi Nta Ida,
Ima Parjolo Mamulai Sian Ayat 25; Dibagasan Ayat On Dipataridahon
Jesus Do Holong Pamujionna Tu Debata Ama, Sian Pamujion Ni Jesus Tu
Ama I, Songon Na Didok Jesus Hatana : Hupuji Ho, Amang, Tuhan Na
Manggomgomi Banua Ginjang Dohot Tano On. Jala Dibagasan Holong I
Do Hasadaon I Marhite Holong Pamujion Ni Anak Ni Debata Ima Tuhan
Jesus Kritus Na Mamuji Debata Ama, Ima Na Nunga Di Patudu Debata
Ama Holongna Tu Ganup Portibion. Marhite Holong I Do Gabe
Patimbulhon Las Niroha Jala Sian Las Ni Roha Ni Jesus Kristus didok ma
hataNa ima na lao mamuji Debata Ama. Boasa di patuduhon Jesus
pamujionNa tu Debata Ama? Ala diboto Jesus do Ama i na manggomgom
saluhut portibion. Pamujion ni Kristus tu Ama i na lao patuduhon saluhut
holongNa tu Debata Ama, marhite angka haburjuon na dipapatar Debata
Ama marhite ala ditamondinghon Ama i hata i sian jolo ni angka na pistar
dohot na marroha, gabe dipapatar Ama i tu angka siondihononhon. Sian
hata ditamondinghon hata i sian jolo ni angka na pistar dohot na marroha,
ima na paboahon tu hita angka hapistaran dohot marroha haportibion do i. I
do gabe ditamondinghon (disembunyikan), jala gabe di ondihon tu angka
jolma na gale manang siondihononhon manang orang kecil. Berarti marhite
i dang di halomohon Debata hita na mengandalhon angka hapistaran jala
marroha sian angka huaso haportibion, alana ditamondinghon Debata do
angka sisongoni, marhite i ingkon ma nian ta tundalhon angka hapistaran
jala parrohaon na mengandalhon haportibin. Jala dipapatar Debata do angka
na siondihononhon, Debata patuduhon angka holongna tu angka jolma na
memang toho marserep ni roha na lao pasangaphon Debata daong na
mengandalhon hapistaran na marhite haportibion. Ala holong na di
patuduhon Debata, ima Debata na manggomgomi banua ginjang dohot tano
on, gabe dipatuduhon Tuhan Jesus Kristus ma holongna tu Debata Ama
marhite pamujion. Jala pamujion na dipatuduhon Jesus tu Ama i, ima na lao
mangajari hita angka na ganup porsea tu Ibana asa manontong lao
patuduhon pamujionta tu Debata marhite Jesus Kristus, asa marhite
pamujionta i boi lam tarpasu-pasu pardalanan parngoluonta.
Di Ayat 26, diolohon Jesus saluhut na dihalomohon Debata Ama,
sian on boi nta ida hasadaon holong i marhite pangoloan ni Jesus tu na
dihalomohon Ama i. Dipatuduhon Jesus haundukonNa tu saluhut na
dihalomohon roha ni Debata Ama. Ima pangoloion Jesus na lao pataridahon
haunduhon ni roha jala gabe marsangap Debata Ama, Debata na
manggomgomi saluhut pargulmitan di portibion. Sian pangoloion ni Jesus i,
boi attusanta berarti saluhut na di halomohon Debata ima angka dalan
nadenggan tu sandok ganup portibion, tarlumobi tu pardalanan parngoluonta
angka na porsea tu Ibana. Alani salauhut na dihalomohon Debata dibagasan
parngoluonta ingkon ma i nian taulahon jala angka nadenggan na nta ulahon
i songon na dihalomohon roha ni Debata gabe parhitean mai tu angka
donganta naso mananda hasintongan ni Jesus Kristus.
Di Ayat 27, marhite hasadaon holong ni Debata Ama dohot Anak ni
Debata ima Tuhan Jesus Kristus, gabe saluhutnai dipasahat Amai tu
AnakNa ima Tuhan Jesus Kristus. Debata Ama pasahathon saluhut huaso
dohot hamuliaon tu Tuhan Jesus Kristus na lao mangalehon dame tu saluhut
portibion jala lao manesa angka dosa ni saluhut jolma. Tuhan Jesus na
naumpuna huaso jala dohot hamuliaon na sarupa dohot Debata Ama, na
gabe perantara na manjalo huaso dohot hamuliaon i na sian Debata Ama.
Saluhut paruuhuman (penghakiman) di pasahat Ama i tu Jesus Kristus,
Ibana dilehon wewenang na lao padengganhon manang memperbaiki
hubungan Debata dohot jolma na naung sega hinan. Jala Jesus na gabe
siboan Dame marhite holongNa tu ganup portibion tarlumobi tu saluhut
jolma. Ibana diporbadia i jala badia na gabe peguasa mutlak, na lao
mangatur jala magurus saluhut angka na masa di portibion na naung sega
hinan. Na lao mangulahon i saluhutna , Ibana dilehon huaso na dibanua
ginjang dohot na di tano on (Mat. 28:18), huaso mangarajai nasa daging
(Joh. 17:2), jala huaso paruhumon (Joh. 5:22). Marhite i gabe manontong tu
hita ganup jolma asa porsea jala marposniroha tu Tuhan Jesus. Diuduti muse
songon dia hajonokon ni Debata Ama dohot Anak ima Tuhan Jesus Kristus
na mandok ndang adong na mananda Anak i dungkon ni Ama i; Ama i pe,
ndang adong na mananda i, ia so holan anak i, na marlapatan hasadaon Ama
dohot Anak ima na lao patuduhon holongNa tu ganup portibion. Ala ni
ganup jolma na naeng laong mananda Debata ingkon porsea jala ro tu
adopan Jesus Kristus, ala hatiuron parbinotoan di sangap ni Debata adong
dibagasan bohi ni Kristus (2 Kor 4:6). Holong ni Debata tu ganup jolma na
mardosa marhite perantara na di pasahat huaso tu Tuhan Jesus Kritus. Jala
Jesus do dalan i dohot hasintongan dohot hangoluan. Ndang adong na sahat
tu Ama i, ia so marhite sian Jesus (Joh. 14:6).

III. HAHONAAN
Marhite turpuk jamita on diajari do hita marsihaholongan marhite
holong ni Ama dohot anak, ima songon na dipatuduhon Jesus pamujion tu
Debata Ama na manggomgomi banua ginjang dohot tano on. Ala ni hita na
ganup porsea ingkon do manontong songon Jesus ima mandok mauliate jala
nta puji Jahowa marhite angka tangiang jala parulaon nta siganup ari,
ingkon do nta puji Ibana na mangalehon hangoluan tu hita ganup jolma. Jala
sian holong ni Debata gabe ma nian patoruk dohot paserep roha hita. Ai
manontong do haluaon na pinarade dibagasan holongNa marhite holan
dibagasan Kristus i do saluhut haluaon jala hadameon na nunga diparade
tuhita saluhut angka jolma na porsea tu Ibana. Antong nta pataridahon ma
nian holong na dipatuduhon Kritus i marhite turpuk on, songon pamujion na
binahen Jesus na lao mamuji Debata Ama na manggomgomi banua ginjang
dohot tano on. Jala Kristus i do gabe parhitean nta asa mananda hita tu
Debata Jahowa. Ai holan dibagasan Kristus do lam magodang hita, antong
gok ma las ni rohanta, ndang adong na boi mambuat haluaonta i sian hita,
manontong do Debata marhite Tuhan Jesus Kristus satia dibagasan holong
ni rohaNa.

Pdt. Andrian Simbolon, S.Th

Staff Sekretaris Jenderal
 MINGGU TRINITATIS
04 JUNI 2023
Evangelium: 1 Musa 1 : 1 – 2, 26 – 28

Debata Sitolusada Sitompa Saluhut

I. SIBONSIRI
Minggu Trinitatis, ima minggu Hasitolusadaon Ni Debata na laho
paingothon hita di sangkap ni Debata taringot tu haluaon na pinatupaNa.
Minggu Trinitatis didok ma di bahasa Latin “Tres Personae, Una Subtantia”
na marlapatan tolu pribadi/personal/oknum, alai sada do anggo
hakekatna/substansina ima Debata. Tangkas do paboa Debata Ama
marsangkap laho paluahon jolma manisia sian dosa, laos dipatulus ma
sangkap i marhite-hite haroro ni Anak Ni Debata ima Jesus Kristus na ro tu
portibion mamboan haluaon, dame nang songoni hangoluan. Ai didok Jesus
do paboa Ibana do dalan i, dohot hasintongan dohot hangoluan jala ndang
adong na sahat tu Ama i, molo so marhite Ibana (bdk Joh. 14:6). Jala Tondi
Ni Debata ima Tondi Porbadia na mangarahon roha dohot pikkiran ni jolma
i asa manongtong marhaporseaon tu Ibana siala Ibana do dalan, hasintongan
dohot hangoluan i. Songoni ma gombaran ni minggu Trinitatis na naeng
paboahon sangkap na mansai uli jala denggan marhite-hite ulaon ni Debata
Sitolusada i.

II. HATORANGAN
Buku 1 Musa ima buku na parjolo sian sude isi na adong di Bibel
jala dikenal do buku on sebagai Buku Tora na marisihon taringot tu
panompaoan langit dohot tano dohot nasa isina ima na pinatupa ni Debata.
Ayat na parjolo di buku Musa na parjolo on do na gabe pengakuan ni
bangso Israel dohot habanggaon di nasida paboa adong do di Buku Tora
disurathon mula ni nasa na adong. Sian hatorangan ayat na parjolo on ima
parbinotoan taringot tu pambahenan ni Debata na mansai luar biasa
patupahon panompaon nasa na so boi dipikkiri sian hajolmaon termasuk
dohot sian teknologi tercanggih na adong di portibion. Siala dipatupa
Debata do panompaon i marhite-hite huaso na adong di Ibana, ai Debata na
marhuaso jala marmulia do Debata. Mansai tarida do huaso ni Debata di
angka proses panompaon na pinatupaNa nang songoni ulaon ni Tondi
dibagasan panompaon i. Buku 1 Musa on disurathon Panurirang Musa
dibagasan bahasa Heber di tikki pardalananna di Padang Gurun laho
mamboan bangso Israel ruar sian tano Misir ima tano parhatobanon i. Sian
ayat na parjolo on laho mangalehon pangantusion na mansai bagas tu hita
taringot tu panompaon ni Debata na parjolo, ima panompaon langit dohot
tano on andorang so ditompa Debata jolma i tumiru rupaNa tudos tu
pangalahoNa.
Debata Sitompa Saluhut, boi antusanta ia manompa lapatanna
mambahen manang patupahon sian na so adong hian gabe adong. Molo
jolma jotjotan do mambahen dang na manompa, molo adong pe ahli dang na
manompa nasida didok alai na menemukan. Siala memang sian na adong
hian do jolma mambahen bahkan menemukan sesuatu. Alai anggo
panompaon ni Debata di hata Heber dipakke hata “Bara” patuduhon holan
pribadi ni Debata do na tuk patupahonsa, jala dang adong na manompa
sarupa dohot na pinatupa ni Debata. Di bahasa Latin adong istilah “Creatio
Ex Nihilo” na patuduhon huaso ni Debata na tuk manompa langit dohot tano
dohot nasa isina marhite-hite hata ni Debata. Dungi ayat na paduahon on
naeng paboahon songon dia do kondisi manang situasi ni langit dohot tano
naung ditompa Debata. Ditangkasi do paboa tarulang ma tano i, gabe
halongonan jala holom di atas lung i, dung i mangareapreap ma Tondi ni
Debata di atas ni angka aek. Alai nang pe songoni situasi ni tano on, boi do
diaturhon Debata gabe bagak saluhutna marhite-hite na manompa angka isi
ni tano on gabe uli ma idaon sahat nuaeng on. Ido umbahen panompaon ni
Debata bahenon ma gabe sada kesaksian di ngolu angka na porsea, paboa
adong sangkap ni Debata na naeng pasahatononNa tu hita ima haluaon
dohot hasonangan i. Panompaon ni Debata tahaporseai do dang alani
kebetulan manang holan secara alamiah sajo umbahen na adong nuaeng on.
Alai tangkas do haporseaonta mandok paboa adong tano dohot langit dohot
nasa isina ima ditompa Debata. Andorang ditompa Debata jolma manisia,
jumolo do diparade sude angka aha na ringkot di parngoluon ni jolma, tarida
do kekhususan ni jolma i maradophon tompaan na asing.
Tangkas do disurathon di ayat 26-27 paboa ditompa Debata do jolma
i di ari paonomhon tumiru rupaNa tudos tu pangalahoNa, baoa dohot
boruboru do ditompa Debata. Tung mansai arga do jolma i ditompa Debata,
pola ma tumiru rupa dohot pangalahoNa sandiri. Aha do lapatanna jolma i
ditompa tumiru rupa dohot pangalaho ni Debata ? Alusna secara sederhana
ima asa gabe etalase/cerminan/gombaran ni Debata do jolma manisia di
parngoluonna laho patuduhon holong, hamuliaon dohot habadiaon ni Debata
huhut mangulahon hasintongan ni Debata. Molo secara fisik dang sarupa
Debata dohot jolma ala dang hea dope taida songon dia do bohi ni Debata,
alai didok sarupa dohot sagombar dohot Debata asa songon Debata ma nian
pangalaho ni jolma secara kualitas. Sumurung ma nian pangalaho ni jolma
sian sude angka na tinompaNa na asing ala tangkas tumimbo do ditompa
Debata jolma i, laos adong do huaso na dipasahat tu ganup jolma dung
dipasupasu Ibana. Aha ma tugas manang songon huaso na dipasahat Debata
tu jolma i, di ayat 28 didok : Marpinompari ma hamu, asa sopar hamu, jala
gohi hamu sandok tano on, jala patunduk hamu; jala raja i hamu dengke
angka na di laut dohot pidong angka na martongatonga langit ro di sude
binatang, angka na manjirir di atas tano on. Alai didok Debata songon i,
ndang na mandok boi gabe lomo-lomo ni jolma tu angka na asing na
tinompa ni Debata, alai na nidok na disi ima asa boi do jolma i
bertanggungjawab laho mangaradoti angka tompaan na asing na tinompa ni
Debata di portibion.

III. HAHONAAN
Marhite sian turpuk on, naeng ma tangkas pangantusion halak
Kristen taringot tu panompaon na pinatupa ni Debata. Ibana do manompa
langit dohot tano dohot nasa isina, jala ditompa do i saluhutna marhite-hite
huaso na adong di Ibana. Naeng ma bagas pangantusion di hita taringot tu
turpuk jamita on asa mangolu haporseaon dohot haunduhon ni roha laho
marsomba huhut pasangaphon Debata di ngolunta. Molo mangasahon logika
manang parbinotoan do laho mangalapati turpuk jamita on, dang tolap hita i
ala on ma na nigoaranna Debata na Transenden ima na so boi dijangkau
dohot pikkiran ni hajolmaon na mansai terbatas. Alai naeng ma nian hita
mangalapati panompaon ni Debata dibagasan haporseaon na mangolu siala
Debata nunga adong andorang so adong dope portibion. Sialani ngolunta pe
ingkon mamuji pasangaphon Debata. Marhite tema minggu di minggu
Trinitatis on na mandok Debata Sitolusada Sitompa Saluhut, anggiat asa hot
haporseaonta di Debata jala mamakke sude pasupasu na adong di hita bahen
hasangaponNa i, jala mangulahon angka ulaon na hombar tu lomo ni
rohaNa. Amen

Pdt. Andrian Simbolon, S.Th

Staff Sekretaris Jenderal
 MINGGU I DUNG TRINITATIS
11 JUNI 2023
Epistel: Hosea 5:15-6:6

Haporseaon I Do Na Paluahon

I. Sibonsiri
Buku Hosea on ima sada buku na termasuk tu kelompok kitab-kitab
Nabi, jala khususna buku Hosea on masuk tu buku naparjolo di horong ni
nabi-nabi kecil di Padan Narobi (PL). Goar ni buku Hosea on, mengarah tu
tokoh utama ima si Hosea bin Beeri, ima sada panurirang na mangolu di
harajaon Israel Utara (Samaria) di tingki harajaon ni Raja Jerobeam bin
Yoas. Di bahasa Gorik goar ni si Hosea ima hosyea namarlapatan
“Haluaon”. Godang na masa na niadopan ni si Hosea, humasusa bangsoi ala
holan mangasahon gogo nang pingkiran nasida, jala pola mangasahon gogo
ni bangso na asing, jala bersekutu dohot bangso Asyur, ndang mangasahon
Debata nasida. Tubu ma hamerosoton spiritual, hamerosoton ekonomi, lam
tu segana ma moral ni angka bangso i.
Latar-belakang ni Debata mamarentahon panurirang Hosea mabuat
si Gomer boruboru sibabijalang (perempuan sundal) dohot Manubuhon
dakdanak sian sibabijalang ima laho patuduhon pargoluan ni Bangso Israel
di tingki i nungga Marmainan (bersundal) manundalhon (menduakan)
Debata. Bangso Israel nunga berpaling manomba dewa Baal (Bnd. Hos.
2:15-16). Sian perkawinan ni panurirang Hosea dohot si Gomer boru ni
Diblaim, manubuhon tolu halak anakna ima; Jesreel, Lo-Ruhama, dohot
Lo-Ami. Goar-goar na dilehon ni Debata tu anak ni Hosea sude adong do
lapatan ni laho patuduhon na masa di Bangso Israel. Goar Jesreel Hos. 1:4-
5 “Dung i didok Jahowa ma tu ibana: Jou ma goarna si Jesreel; ai otik nari
marlulu ma ahu di angka utang mudar ni si Jesreel tu pinompar ni si Jehu,
jala ahu pasiaphon harajaon ni pinompar ni Israel. Jadi di ari na sasada i
ponggolhononku ma sior ni Israel di rura Jesreel.” Jadi goar ni anak Hosea
na parjolo ima na marlapatan Debata laho manguhum angka pinopar si Jehu
dohot pasiphon harajaon pinompar ni Israel. Goar ni anak paduahon digoari
ma i Nai Sohinasian “Lo-Ruhama” na marlapatan “ai ndang be
marpangulahi rohangku tu pinopar ni Israel, manang marpamuati rohangku
tu nasida (Hos. 1:6). Anak na patoluhon digoari ma “Lo-Ami” na
marlapatan ma i, ai ndang bangsongku hamu, jala ndang hamu nampuna ahu
(Hos.1:9). Ima gombaran na masa di situasi kondisi parngoluan ni Bangso
Israel hatiha i nunga lam merosot haporseaon nasida tu Jahowa. Turpuk ni
jamita on, sosososo mandokkon asa paubahon roha manghaporseai Jahowa.
II. Hatorangan Ni Turpuk
Molo diroha ni si Hosea, ianggo haporseaon i ima sada hubungan
dohot Debata. Napasti molo adong hubungan, adong ma ulaon nanaeng
siulahononhon, tarlumobi ma ulaon napinasahat ni Debata tu ibana. Dipillit
Debata do si Hosea gabe sada panurirang, nalaho padengganhon pangalaho
ni bangsoi na so suman di adopan ni Debata. Dipinsang jala dipaingot si
Hosea do taringot tu hajahaton, kesombongan, tarlumobi taringot tu
panombaon nasida tu dewa na di somba bangso Israel hatihai. Tegas do si
Hosea paingothon nasida di dok: naingkon manolsoli do nasida jala ingkon
mulak do nasida muse tu Debata. Dipataridahon ibana do ianggo Debata ni
Israel ima Debata natalup marroha jala parasi roha godang, naingot di angka
janjiNa tu angka naporsea di Ibana. Tuangka halak na so mananda dirina, na
so umboto hasalaanna tu Debata, naso manolsoli di angka dosana, ndang
ditangihon Debata alu-alu nasida molo ndang mangakku nasida di
hasalaanna jala ingkon do luluan na Debata marhite toruk ni roha. Panjouon
ni si Hosea tu bangsoi asa marhamubaon, dilehon ibana do kepastian bahwa,
nang pe diuhum Debata bangsoi ala ni dosana, alai Ibana do muse na
pamalumhon sian uhuman i asa ganup na mangulahon dosa gabe mananda
di asi dohot holong ni Debata. Hamubaon i mengarah tu haimbaruon sian
segi kehidupan rohani, ndungi mengarah tu panandaion tu Debata, jala ro
Debata songon udan mangalehon halambohon nang hangoluan marhitehon
pasu-pasuNa na so ra suda di angka na tigor marroha.
Diayat 1-3 ayat on berbentuk syair dohot ende na niendehon ni
saluhut bangsoi na mengarah tu nyanyian penyesalan. Sasintongna endeon
hape sada ende ziarah na dipangke angka para imam dohot sude bangsoi di
acara hari penyesalan nasional manang hari doa nasional, na dipangke
nasida menangkis serangan-serangan dohot angka ancaman sian bangso na
asing. Ende paula sambing do di bahen nasida ende pamujian i ndang na
marhitehon sian hamubaon manang panolsolion na sasintongna. Holan
sahali-sahali do diendehon nasida ende puji-pujian i (diacara khusus), jala
adong kesan berengon hera na manolsoli di hadosaonna hape daong, ndung
sae i ndang adong be diharingkothon nasida be. Diangka na masa si nuaeng
on pe godang do halak Kristen namangendehon ende puji-pujian tu Debata
holan sipaula sambing ndang sian roha na ias, alai holan mangihuthon
hasomalan sajo. Olo do dibagasan sataoni holan sahali sataon margareja,
manang di hari-hari tertentu isarana di ari Natal, paskah, manang angka
naasing holan disi ma binereng. Alai napaling parahna olo do bulus
dibagasan sataoni ndang hea di dege bagas Joroi, nungnga pola apala
mandosdos dihilala rohana martuhan dohot so martuhan. Songoni ma
namasa di turpuk on. Karena itu Nabi Hosea mengutipnya sebagai ungkapan
pertobatan yang terlalu dangkal dan tak memadai (ayat 4) disadari bangsoi
do Debata mangaribahi, laos Ibana pamalumhon, Ibana mambugangi, laos
Ibana manaoari (ay 1) adong hasadaron bahwa penyiksaan dohot
pengampunan, parsahiton dohot hamamalum ro sian tangan ni sa sahalak
(bdk Ayb.5:18). Atas dasar kepercayaan ima tarbege adong ajakan “beta ma
hita mulak tu Jahowa” alai sitoho do ianggo pandohan ni bangsoi naeng
mulak tu Jahowa? Tarpaima do muse bangsoi hamamalum i dalam waktu
singkat, (ay.2). “sai pangoluaonna do hita ndung salpu dua ari, tole patolu
arihon” (Bnd. Mzm.41:11). Alai di dok si Hosea holan hamubaon na
sasintongna/ sungguh-sungguh do naboi paulakhon roha ni Debata, ndang
haporseaon na palsu.
Ayat 4-6 dilehon panurirang Hosea do alus taringot tu ende
penyesalan ni bangsoi. Marhitehon ibana adong alus ni debata taringot tu
hamuabaon nasida, adong penyesalan alai boha do sasintongna? Adong
hasatiaon na sai di hirim Debata sian bangsoi maradophon Ibana, alai
holong nang hasatiaon ni bangsoi tu Debata holan saotik jala sipaula
sambing do, hatop mago tudoshon ombun manogot, jala tudoshon nambur
manogot, natibu manaek. Songoni ma pangalaho ni bangso Israel hatihai tu
Debata nasai jonjot manimbil sian Debata. dipaingot dibagasan turpuk on na
so satia bangso Israel tu perjanjian, yang mengakibatkan bahwa Allah
berfirman secara menghukum dan mengancam jala pola do di pangke angka
panurirangNa laho patupahon saluhutna i, laho mangurati dohot maniaphon,
mangago dohot mangaloha, paulihon dohot manuan (Bnd. Jer 1:10), alai
sasudena i laho mamboan hangoluan do tu angka bangsoNa. Boasa Debata
bertindak sebagai penghukum marhitehon angka panurirangNa nang
hataNa?, yaitu untuk menghasilkan kasih setia. Tuhan mau supaya bangsa
Israel tetap setia dan tinggal dalam perjanjian-Nya. Ai lomoan do rohangKu
mida asi ni roha, asa mida pelean; jala lomoan mida parbinotoan di Debata,
asa mida pelean situtungon (ay.6), arga do hita di Debata alani i ta argahon
ma tongtong Debata di ngolunta, ai hirim do Debata di hatuonta mananda
jala marhaporseon namangolu di Ibana, ai haporseaon tu Debata i do
napaluahon hita.

III. Hahonaan
Marhitehon hatorangan ni jamita di bagasan turpuk on, adong na
gabe sipahusor-husoron dibagasan parngoluonta, ima:
1. Mananda ma hita di Debata, ai marhitehon Ibana do adong
hangoluan dibagasan ngolunta sahat tu partingkian on.
2. Mamuji Debata sian nasa roha, ndang holan sipaula sambing.
Jala mamangke ganup partingkianta holan pasangap Debata.
3. Tatanda ma dirinta di adopan ni Debata, marhitehon hamubaon
ni roha sian pangalaho na so suman mulak mananda Debata,
mangulahon lomo ni roha-Na.
4. Adong komitmen mangihuthon Tuhan sian nasa roha dohot
haporseaon tu Debata, ai haporseon i do na paluahon,
pamonanghon dohot pamalumhon. God Bless! Amen!

Pdt. Saut Parluhutan Siagian, S.Th

(HKI Resort Asahan Tanjungbalai)
 MINGGU I DUNG TRINITATIS
11 JUNI 2023
Evangelium: Mateus 9 : 18 – 26

Haporseaon I Do Na Paluahon

I. Sibonsiri
Haporseaon (bahasa Heber: emun, emunah dohot he-emin) di 1
Musa 15:6 didok “Jadi porsea ma si Abram di Jahowa, gabe hatigoranna do
i dietong Jahowa”, (bahas Gorik: Pisteou) di Heber 11:1 didok “Alai anggo
Haporseaon i pos ni roha do i di angka sihirimon, jala pamotoan na tontu
taringot tu na so niida”. Songon dia do hataridaan ni halak na
marhaporseaon? Marhite Haporseaon adong panghirimon na mangolu
(Lukas 1:37 “Ai ndang adong na so tarpatupa Debata”), marhite Haporseaon
gabe boi malum sian ragam ni parsahiton, marhite Haporseaon gabe boi
malua sian hagogoon ni sibolis, marhite Haporseaon gabe boi margogo,
manahan jala monang maralohon angka sitaonon manang parungkilon di
portibion. Menurut ni si Jakobus, cara na paling ampuh manang efektif laho
patuduhon haporseaon ima marhite pangulaon. Jakobus 2:17 didok
“Haporseaon i pe songon i do, anggo so adong pangulaonna, naung mate do
hadirionna”.
Turpuk jamita on ima hataridaan ni halak namarhaporseaon tu
Tuhan Jesus Kristus, parjolo panghorhon ni haporseaon ni sada halak na
sangap ima si Jairus: Uluan dibagas Joro gabe boi mulak mangolu boruna.
Paduahon, panghorhon ni haporseaon sada boru-boru na tamanangon
bulanon leleng ni sampulu dua taon gabe boi malum sian parsahitonna. Ido
na naeng siuhalonta sian turpuk ni jamita di Minggu I Dung Trinitatis sian
Mateus 9:18-26.

II. Hatorangan Ni Turpuk

Turpuk ni jamita on adong 3 bagian na sangat penting naeng
sipatorangon sian Mateus 9:18-26 ima; Parjolo, ro ma sada halak na sangap
ima si Jairus: Uluan dibagas Joro marsomba tu Tuhan Jesus Kristus (ayat
18). Paduahon, Nanggo pala ulosNa hujama, mangolu ma ahu.
Haporseaonmi do na pangoluhon ho (ayat 21-22). Patoluhon, Tuhan Jesus
Kristus sahat di bagas ni na sangap i laho Paheheon boruna naung mate
(ayat 23-25).
1. Ro sada halak na sangap ima si Jairus: Uluan dibagas Joro
marsomba tu Tuhan Jesus Kristus.
 Di turpuk ni jamita on disurathon uju manghatai dope Tuhan Jesus
Kristus dohot angka siseanNa dohot angka natorop, pintor ro ma sada halak
na sangap ima si Jairus: Uluan dibagas Joro marsomba tu Tuhan Jesus
Kristus, huhut ma didok: “Ipe mate borungku, alai ro ma ho mangampehon
tanganMu tu ibana, asa sumuang mangolu” (ayat 18b). Uluan ni bagas Joro i
mangido tu Tuhan Jesus Kristus asa ro tu jabuna. Jala didok ibana muse tu
Tuhan Jesus Kristus asa diampehon tanganNa tu boruna i, jala na porsea do
si Jairus na mulak mangolu do boruna i. Marhite haporseaon na AKTIF
ndang na pasif gabe manghorhon panombaon na sintong tu Tuhan Jesus
Kristus, porsea do si Jairus, na marhuaso do Tuhan Jesus Kristus,
pangoluhon boruna naung mate i. Porsea situtu do si Jairus tu Tuhan Jesus
Kristus, molo diampehon tangan-Na na gok huaso, gogo dohot habalgaon
gabe terjadi halongangan boi mulak mangolu boruna naung mate i. Songon
na tarsurat di Ulaon ni Apostel 16:31 didok “Haporseai ma Tuhan Jesus asa
malua ho dohot isi ni bagasmi”. Na naeng dohonon ni turpuk ni jamita on,
holan marhite haporseaon ni si Jairus tu huaso, hagogoon dohot habalgaon
ni Tuhan Jesus Kristus gabe boi mulak mangolu boruna naung mate i.

2. Nanggo pala ulos-Na hujama, mangolu ma ahu. Haporseaonmi

do na pangoluhon ho.
Dipardalanan ni Jesus rap dohot sisean-Na laho tu jabu ni si Jairus:
Uluan dibagas Joro i, dung i tongon ma adong sada boru-boru na
tamanangon bulanon leleng ni sampulu dua taon, na ro sian pudi-Na
manjama rambu ni ulos-Na. Ai ninna di bagasan roha ni boru-boru na
tamanangon bulanon leleng ni sampulu dua taon i mandok, “Nanggo pala
ulos-Na hujama, mangolu ma ahu” (ayat 21). Tung porsea situtu do boru-
boru i tu huaso, hagogoon dohot habalgaon ni Tuhan Jesus Kristus laho
pamalumhon ibana sian parsahitonna. Dung i humusor ma Jesus, dibereng
ma boru-boru i, laos ninna ma: “Pos ma roham ale inang, haporseaonmi do
na pangoluhon ho” (ayat 22). Dung i hipas ma boru-boru i olat ni na
sangombas i. Di Lukas 17:19 didok “Haporseaonmi do paluahon ho”, Aha
do lapatan ni hata i? On do: “Huaso, Hagogoon dohot Habalgaon ni Tuhan
Jesus Kristus na tahaporseai, i do na Paluahon, na Pamonanghon jala na
Pamalumhon. Na porsea situtu do boru-boru i tu Tuhan Jesus Kristus, na
marhuaso do Jesus laho pamalumhon ibana sian parsahitonna.
 3. Tuhan Jesus Kristus sahat dibagas ni na sangap i laho Paheheon
boruna naung mate i.
Asa dung sahat Jesus ro di bagas ni na sangap i, diida ma angka
pangondasi dohot natorop oruk manang gaor alani naung mate do boru ni si
Jairus: Uluan dibagas Joro i (ayat 23). Boi sajo do natorop i gaor,
marsisungkunan mandok laho marhua dope Ibana ro tu jabu i, molo nunga
mate do boruna i? Aha do na boi diulahon Ibana? Jadi didok Jesus ma tu
nasida: “Laho ma hamu, ai ndada na mate si Betet on; na modom do” (ayat
24). Mambege i natorop i gabe diparengkeli nasida do Tuhan Jesus.
Menurut pamingkirion nasida ndang mungkin be boi mulak mangolu naung
mate. Ndang porsea nasida di huaso ni Tuhan Jesus na boi patupahon
halongangan. Asa dung dipalaho natorop i, bongot ma Jesus, ditangkup ma
tanganna, jadi mulak mangolu ma boru-boru i (ayat 25). On ma
halongangan bolon, holan Tuhan Jesus do na boi pamasaon mulak mangolu
naung mate. Huaso sian dia doi dijalo Tuhan Jesus? Didok di Mateus 28:18
“Nunga sahat tu Ahu nasa huaso na di banua ginjang dohot na di tano on”.
On ma naso mungkin di jolma alai mungkin do di Tuhan Jesus. Didok di
Lukas 1:37 “Ai ndang adong na so tarpatupa Debata”. Na naeng dohonon ni
turpuk ni jamita on, molo porsea hita tu Tuhan Jesus Kristus, ndang adong
na so tarpatupa ni Tuhan Jesus, jala ndang hamatean i ujung ni angka na
porsea, alai adong do hangoluan na saleleng-lelengna. Didok di Johannes
5:24 “Manang ise na porsea di Ahu, nunga sahat tu ibana hangoluan na
saleleng-lelengna; nunga taripar ibana sian hamatean tu hangoluan”.

III. Hahonaan
1. Haporseai jala hangoluhon ma Huaso, Hagogoon dohot
Habalgaon ni Tuhan Jesus Kristus di bagasan ngolum, ai i do na
Paluahon, Pamonanghon jala Pamalumhon ho sian nasa sitaonon,
parungkilon, parsahiton manang ragam ni panosak ni portibion
(Bnd. Lukas 17:19).
2. Sahit di Zaman saonari: Unang marpangusandean ho tu pikiranmu
dohot tu gogom sandiri maralohon gulmit ni ngolum di portibion
alai marpangunsandean ma hita jala mangasahon Goar ni Tuhan
Jesus Kristus asa dipalua jala dipamalum hita (Bnd. Poda 3:5-6).
3. Hita na porsea angka naung manjalo huhut manghangoluhon
haluaon dohot hahipason marhite Goar ni Jesus Kristus, asa
parsidohot ma hita mamaritahon barita haluaon dohot hahipason i
tu sandok portibion, gabe siboan misi ni Tuhan Jesus Kristus ma
 hita asa sandok jolma di portibion gabe porsea tu Tuhan Jesus
Kristus (Bnd. Mateus 28:19-20).
4. Urupi jala paingot angka jolma na sai tongtong tinggal di bagasan
haliluon na sai tongtong mangasahon jala mangalului gogo na
sian portibion laho pamalumhon manang paluahon ibana sian
sitaonon manang parungkilon di portibion. Porsea ma hita di
Huaso, Hagogoon dohot Habalgaon ni Tuhan Jesus Kristus na
Pamalumhon hita sian parsahiton dohot na Pangoluhon hita sian
hamatean (Bnd. Ulaon ni Apostel 16:31). God Bless! Amen!

Pdt. Saut Parluhutan Siagian, S.Th

(HKI Resort Asahan Tanjungbalai)
 MINGGU II DUNG TRINITATIS
18 JUNI 2023
Epistel : Jakobus 2 : 14 – 17

Satia Mangulahon Hata Ni Debata

I. Patujolo
Di tingki Huria mula-mula abad parjolo buku Jakobus on digoari
surat-surat am (umum), siala surathon ndada ditujuhon tu sasahalak manang
bersifat lokal atau ditujuhon tu sude halak na porsea, dohot tu halak na
porsea na dibagasan pangarantoan (Jak 1:1). Dihatihai gok do halak
mamangke goar Jakobus isarana : Jakobus anak Zebedeus apala dongan
tubu apostel Johanes (Mrk 15:40, Mat 27:56), Jakobus anak ni si Alfeus
(Mat 10:3, Mrk 3:18, Ul Ap 1:13), alai Jakobus panurat buku on ima na
didok saudara ni Tuhan Jesus (Mrk 6:3). Ibana dang dohot bilangan sian
sapuludua apostel, alai dung ari pentakosta Jakobus na gabe uluan halak
Kristen di Jerusalem (Gal 1:19, 2:9-12) jala Jakobus memiliki pengaruh
hatiha sidang parjolo angka apostel di Jerusalem (Gal 2:1-10). Ondolan ni
buku on ima haporseaon i ingkon mangkorhon diangka ulaon na denggan.

II. Hatorangan Turpuk

Molo nta paratehon turpuk on tangkas dipatuduhon hubungan
haporseaon dohot pangulaon. Molo dihata Gorik hata haporseaon ima
Πίστις pistis namarlapatan haporseaon (faith, belief, trust), posniroha
(confidence), hasatiaon (fidelity, faithfulness), asuransi (assurance), jaminan
(guarantee). Jala hata pangulaan ima έργον ergon na marlapatan karejo
(work), tugas (task), tindakan (action), pambahenan (a deed), usaha (labor).
Disulingkiti tupuk on do, tardok pistis (haporseaon) songondia ma ia pistis i
dang tarida ergonna (parulaan), tarbahen pistis singoni ma lao paluahon?
Artina menurut turpuk on, haporseaon i ndada holan hata-hata sambing na
so marhataridaan parulaonna (ay 14)
Di patudos si Jakobus ma i songon : Sahalak jolma na marsaemara
jala hurangan sipanganon siap ari, alai holan hata sambing ma ro sian halak
na mandok dirina halak porsea mandok tu nasida : Lao ma hamu
mardamedame, las ma roha muna, bosuron ma hamu, alai dang adong
nilehon anggo aha tu na ringkot digangingna, aha ma guna hata i (ay 15-
16)? Artinya, unang dipangke hata haporseaon lao paishon diri sian
tangung-jawab kemanusiaan, tangung-jawab solidaritas sosial tu angka na
pogos, na metmet jala na hurangan. Gariada, lam hita porsea tu Tuhan i, lam
marhataridaan ma antong tangung-jawab moral, tangung jawab
kemanusiaan, tangung jawab solidaritas sosial.
Asai didok si Jakobus Πίστις έάν μή έχω έργον νεκρόϛ ειμί κατα
εαυτοΰ pistis ean me echo ergon nekros eimi kata heautou na marlapatan
haporseaon na so adong parulaonna naung mate do hadirionna. Haporseaon
na so adong parulaanna didok naung mate, hata gorik na pinangke ima
νεκρόϛ nekros na marlapatan : Mate (dead), dang marhosa (unlifless),
parsatongkinan, fana (mortal), bangke manang mayat (corpse). Sian Analisa
teks on, gabe boi ma antusan nta, haporseaon na so adong parulaanna
diadopan ni Debata secara partondion, dos do i partondion na nungga mate,
partondion na so marhosa, partondion parsatongkinon, partondion na
nungga gabe bangke manang mayat (ay 17).

III. Haonaan Jamita

Hombar tu ondolan jamita di minggu nta on ima satia mangulahon
hata ni Debata. Hata mangulahon dison na nimaksud turpuk nta on ima :
έργον ergon na marlapatan karejo (work), tugas (task), tindakan (action),
pambahenan (a deed), usaha (labor). Artina, gabe sipaoto-oto do molo sai
didok dirina halak na porsea alai hataridaan tindakan, pambahenan, usaha,
tugas tangung-jawab iman dingolu siap siganup ari. Jala haporseaon na so
adong parulaanna dipatudos do i haporseaon νεκρόϛ nekros manang nungga
mate manang nungga gabe bangke. Tontu lam tamba antus ma hita antong :
Haporseaon na sintong, na dibagasan haporseaon itu hataridaan tangung
jawab moral, tangung jawab sosial tu angka dongan di humaliang secara
khusus ma tu angka halak na pogos jala na metmet. Jadi boi sambing do
molo sian hadagingon hajolmaon mangolu dope hita, alai molo dipartondion
di adopan ni Debata nungga leleng mate hita, siala dang adong hataridaan
parulaan sian haporseaon i. Ido boasa diarahon turpuk jamita on hita, asa
haporseaon nta i unang ma holan hata-hata, alai marhataridaan ma i
parulaon manang mangulahon hat ani Tuhan i.

Pdt. Ewen Josua Silitonga

 MINGGU II DUNG TRINITATIS
18 JUNI 2023
Evangelium: 2 Musa 19 : 1 – 8

Satia Mangulahon Hata Ni Debata

I. Patujolo
Molo dihata Ibrani buku on digoari syemot jala dihata Gorik didok
exodus na marlapatan haruar manang halaoon. Buku on mancaritahon
songondia haluaon bangso Israel sian parhatobanon Misir, laos disima
habungkas nasida gabe bangso ni Debata na manean tano na binagabagahon
Debata sian ompu nasida. Dibagasan bukuon dipatorang songondia
hapapatar huaso ni Debata secara historis diadopan angka bangso sileban.
Songondia Debata pahot padanNa dohot bangso i marhitehite uhum patik,
dipajongjong undung-undung ni Debata (Ibr : tabernakel). Secara tradisi
Jahudi panurat buku on ima si Musa jala dipamasuk tu horong pentateukh
ima buku na niporseai halak Jahudi na sinuraton si Musa.

II. Hatorangan Turpuk

Adong sada hasurungan bangso Israel sian angka bangso nasing
ima : Dipaloas Debata bangso i boi marnida hapapatar huasoNa marhitehite
simalolong simajujungna (ay 4). Molo dihata Ibrani didok ‫ ׇר ׇא ה ֵא ׇּת ה‬ra’ah (to
see, have experience), attah (prounon singular, thee, thou, ye, you) na
marlapatan na niida hamu manang na nialaman hamu. Artina sian hata raah
attah boi ma ta antusi ndada holan teori sambing huaso manang hagogoon
ni Debata, fakta do i na boi niida jala na boi nialaman. Boasa ingkon
patandaan jala patuduhon Debata huasoNa secara historis tu bangso i (ay 3)?
Dihata Ibrani didok ‫ ׇא ֵמ ר יֶעֹקב ּבִית‬amar Yaaqob bayith (saying of Jacob to
the house) dohot hata ‫ ׇנ ֵגד ִיְֹש ׇר ֵא ל‬nagad Yisrael (and tell of Israel). Adong
dua hata napinangke disi ima amar dohot nagad na marlapatan mandok (to
utter), mantaridahon (to be conspicuous), patujolohon (to front). Artina, asa
pe dipapatar Debata huasoNa tu hita jolma asa adong hata didohononta,
sipataridahonta, sipatujolohonta tu angka pinomparnta. Antong nasa
silehonlehon ni Debata na adong dihita ndada lao parburnangburnang diri
pangkeonta alai dalan manghatindanghon huaso dohot hasangapon Debata
do i asa dilehon tu hita. Asai unang holan arta dihasiangon etonganmu na
gabe siteanteanonmu tu angka pinomparmu, diginjang ni saluhutna Debata
pe ingkon ido parjolo bahenonmu gabe arta siteanteanonmu tu angka
pinomparmu. Ra molo sinungkun tu portibion aha do kunci sukses
kehidupan? Tor hatop ma dialuasi ima : Hamoraon, hasangapon dohot
hagabeon, ido memang somalna standar na pinangke haportibion secara
khusus hita halak Batak. Alai kunci sukses menurut hata ni Debata ndada i,
alai ima : ‫ ׇש ֵמע קֺו‬shama qol ima namarlapatan manangihon hata ni Debata
(obey my voice) dohot ‫ ְב ׅר ית את ׇש ֵמֵר‬berith eth shamar ima namarlapatan
mangaradoti padan ni Debata (keep my convenant). Artina kunci sukses
diadopan ni Debata ndada cukup holan manangihon alai ingkon dohot tong
mangaradoti, manangihon jala mangaradoti hata manang padan ni Debata
ido kunci sukses ngolu halak na porsea.
Ra molo adong famili nta manang keluarga nta na marpangkat na
timbo, isarana presiden, gubernur, bupati dohot lan nasing, nungga didok
halak na tabo na ngolu nta, siala nungga adong deking n agogo. Alai dang
sadiani molo maradophon turpuk on, siala naeng deking nta diturpuk on ima
Debata. Molo presiden, gubernur, bupati dohot lan nasing terbatas do
gogona jala dang manontong jabatannai, alai molo Debata no tarbatasi
huasoNa jala so marujung huasoNa. Dihata Ibrani didok ‫ְס ֻגׇּל ה ֹּכל ּׅכ י ַעם ֶאֶר ץ‬
segullah kol ki am erets na marlapatan hasianKu ma ho sian nasa bangso,
ai gok di Ahu do liat portibion (be a special above all people, for all the
earth is mine). Molo nta lapati hata segullah ima : Sumurung manang hasian
(special), arta milik ni Debata (property), permata (jewel), paling layak
(proper good). Molo nungga didok spesial manang hasian, tontu angka
sipatujolohonton ma on sian nasa na ringkot. Artina asal ma olo hita
manangihon jala mangaradoti hat ani Debata, gabe hasian ni Debata ma hita,
gabe spesial ma hita diadopan ni Debata, angka sipajolohon ni Debata ma
hita sian nasa jolma dihasianganon.

III. Haonaan Jamita

Hombar tu ojahan ni jamita di minggu nta on satia mangulahon hata
ni Debata, laos ido kunci sukses halak na porsea dingoluna. Alai hasatianta i
ndada holan satia manangihon hat ani Tuhani, alai ingkon sati mangaradoti
hata i. Molo nungga didok mangaradoti, tontu nungga dibagasan
pangantusioan, dibege, dipahusor, dipeop jala diulahon. Dibagasan na
mangaradoti hata ni Tuhani ido nungga parsidohot hita mambahen Debata
gabe siteanon tu angka pinomparnta, jala marhitehite mangaradoti hat ani
Debata i gabe hasian ni Debata ma ngolunta, gabe sumurung ma hita
diadopan ni Debata sian nasa jolma na adong liat portibion.

Pdt. Ewen Josua Silitonga

 MINGGU III DUNG TRINITATIS
25 JUNI 2023
Epistel: Jeremia 20 : 7 – 13

Mangihuthon Jesus Mamorsan Silang

I. Patujolo
Jeremia ima anak ni malim Hilkia di Anatot di luat Benjamin (1 : 1).
Jeremia dipabangkit masa ni Joiakim, anak ni si Josia, raja sian Juda sahat
ro di ujung nipasampulusada taonhon hinarajahon ni si Sedekia, anak ni si
Josia, raja ni Juda, sahat ro dihabubuang ni Jerusalem palimabulanhon (1 :
3). Sada halongangan na di patupa Debata tu si Jeremia ima tagan so
dijadihon di bortian nunga ditanda Debata ibana, jala nunga diparbadiai
Debata si Jeremia, huhut dipabangkit Debata ibana gabe panurirang tu
angka bangso (bnd. 1 : 5). Disoarahon Debata tu si Jeremia, asa unang
mabiar maradophon manang ise, siala Ahu donganmu, paluahon ho (bnd. 1 :
8). Hupabangkit ho laho mangurati dohot maniaphon, mangago dohot
mangalaho, paulihon dohot manuan, ima padan ni Debata tu si Jeremia
(bnd. 1 : 10).
Marragam do angka hamaolon dohot hasusaan na diadopi ni si
Jeremia. Ndang adong hasatiaan ni bangso Israel di Jahowa Debata.
Tongtong dope nasida manyomba ganaganaan, mamele jala mangulahon
marmainan di ngolu parsaripeon i atik pe nunga di habuangan Babel nasida.
Alani i, mangalualu panurirang Jeremia tu Debata ala ni dokdok ulaon na
pinasahat ni Debata tu ibana. Boasa masa na songon i di nasida.
Tapaihutihut ma hatoranganturpuk Jamita on

II. Hatorangan Ni Turpuk

Adong sada sarito, di sada partingkian adong sahalak amanta na
mansai ponjot parngoluonna di hilala ibana. Adong haporsuhon, hamaolon
di kondisi ekonomi, keluarga dohot angka sisolhot na asing. Sai marpingkiri
ma amanta on, tu ise ma ibana mansaritahon saluhutna, asa adong
pencerahan dibagasan ngoluna. Ingot ma ibana tu Amanta Pandita na
manghobasi di huria na disi ibana dohot keluargana marhuria. Dihubungi
ma amanta on ma amanta Pandita i, mangido partingkian asa boi amanta on
ro tubagas ni amanta Pandita on, laho marsarito di angka panggulmit di
bagasan ngoluna. Dung di hubungi, manghatai ma nasida jala dipatupa sada
partingkian asa pajumpang nasida.Dung i pajumpang ma amanta on, dibagas
ni amanta Pandita on. Masuk amang silahkan duduk, didok amanta Pandita
on, tu amanta i. Dung hundul amanta on, didok amanta Pandita on tu ibana,
andorang amang marsarito taringot na masa dibagasan ngoluni amang,
parjolo ma hita martangiang didok amanta Pandita on. Dung simpul
martangiang, dipersilahkan amanta Pandita on ma amanta i laho marsarito.
Marsarito ma amanta i, huhut amanta Pandita i mambege, jala sahalisahali
amanta Pandita on, menganggukhon simajujungna. Dung simpul marsarito
amanta i, ditogihon amanta Pandita on ma tu dapur. Sai sungkunsungkun
dibagasan roha ni amanta on, boasa diboan ahu tu dapur, inna amanta i
dibagasan rohana. Dung sahat didapur di buat amanta Pandita on ma 2
panci, jala dipeakhon panci on diginjang ni 2 kompor gas. Dung i diisi ma
aek tubagasan panci on, huhut dibuat ma sada wortel dohot sada telur sian
lemari es. Disungkun amanta Pandita on ma amanta i, songon dia
menurutmu amang ima wotel on? Dialusi amanta on, koras amang Pandita.
Molo telur on? Dibagasan telur i cair Amang Pandita. Sai marpingkiri
amanta on, ai aha do maksud sungkunsungkun ni amanta Pandita nami on,
inna dibagasan rohana. Dung i dipagalak ma kompor gas na dua i. Dung
marsigorgor aek dibagasan panci i, dipamasuk amanta Pandita on ma di
kompor sada ima wortel, dohot dikompor 2 ima telur. Dung pigapiga menit,
dipamate kompor gas na dua i huhut diangkat wortel dohot telur i. Didok
amanta Pandita on tu amanta i, songon dia saonnari wortel on amang? Gabe
lembek amang Pandita, inna amanta i mangalusi. Songon dia muse dohot
telur on, amang? Gabe keras/ padat amang Pandita, dialusi amanta i.
Amang, taibarathon ma aek na marsigorgor nangkin ima angka
hamaolon, haporsuhon dohot angka pergumulan dibagasan ngolum amang.
Saonnari na dia pillit on mu amang, lam lembek/ sumurut do haporseaonmu
songon wortel i, manang lam togu/ tang/ koras songon telur i mangadopi
hamaolon, haporsuhon dohot pergumulan dibagasan ngolum.
Pangidoannami tu hamu amang anggiat lam togu/ tang/ margogo mangadopi
saluhutna. Siala ingotma, parjolo Ibana mamorsan saluhutna. Boan
saluhutna holso ni roham amang tu Ibana, asa margogo mangadopi
saluhutna. Dung i ditogihon amanta Pandita on ma amanta i tu ruang tamu
huhut hundul. Mauliate ma amang Pandita, disaluhut angka gombaran dohot
tangiang na dipasahat amang tu ahu. Lam tenang pingkiranku mangadopi
saluhutna. Alani i amang, mauliate ma amang Pandita nami, marhehean na
nauli ma ahu da amang. Didok amanta Pandita i, andorang marhehean nauli
amang, martangiang ma hita didok amanta Pandita i. Dung simpul
martangiang, marhehean nauli ma amanta i huhut dipahusorhusor saluhutna
dibagasan rohana.
 Didok panurirang Jeremia diturpuk on, ingkon idaonna do
partubolon ni Jahowa tu angka halak na mangharingkothon hosanna. Ala sai
hata panguhuman do na pinabotohononna tu bangso i. dung i dielek si
Jeremia do bangso i asa maporus sian huta Jerusalem, ala ingkon
lengsehonon ni raja Nebukadnesar huta i dohot bagasjoro ni Debata. Alani i,
didok halak do na pengkhianat si Jeremia asa maporus sian huta i. Nang pe
manimbil halak Israel sian parpadanan nasida dohot Debata, marhitehite na
laho nasida marsomba debata sileban ni halak Kanaan. Manongtong do asi
ni roha ni Debata di bangso i tu habuangan Babel. Pitupulu taon lelenga
bangso i di buang tu Babel (Jer. 25 : 12). Ro Debata papunguhon nasida asa
mulak tu tano na niuarihon ni Jahowa asa gabe milik pusaka nasida. Asa
manongtong asi ni rohaNa tu bangso i. Siala di oloi Jeremia pandohan ni
Debata, gabe sireheon na torop i ganup ari ibana, siala tongtong ibana
mambaritahon denggan basa dohot asi ni roha Debata, (ayat 7). Jolma na lea
do ibana siala barita nauli sibaritahononna. Gok pangarupaon dohot
hamagoan tarlumobi pangareheon dohot insakinsak ganup ari di jalo si
Jeremia (ayat 8 – 9). Atik pe secara hajolmaon ndang margogo ibana, alai
tongtong ibana pasahathon saluhutna tu Tuhan i. Torop jolma tingki i
manghalomohon asa madabu si Jeremia siala mamaritahon Tuhan i (ayat
10). Dipasahat si Jeremia saluhutna tu Jahowa Debata, dihaporseai ibana,
Debata mamaloshon saluhutna (bnd. Rom. 12 : 19) (ayat 12). Didok Jeremia
“marende ma hamu, mamuji Ibana, siala Ibana paluahon halak na pogos
tondi sian tangan ni angka parjahat” (ayat 13).

III. Sipahusorhusoron
1. Unang hita manimbil marsomba tu debata sileban manang aha
pena masa dibagasan ngolunta. Songon na masa di bangso Israel,
mura – mura bangso i manimbil sian Tuhan i
2. Tatanda ma Ibana dibagasan ngolunta. Unang holan mamboto
Ibana dibagasan ngolunta.
3. Sada parsiajaran na arga di hita, asa tongtong marbarita nauli
hita, denggan manang na so denggan tingki na. Manang didia pe
hita mamaritahon hata ni Debata, tongtong satia hita di Ibana.
Amen

Pdt. Radean M. Lumbantobing

HKI Resort Panei Tongah
 MINGGU III DUNG TRINITATIS
25 JUNI 2023
Evangelium: Mateus 10 : 32 – 39

Mangihuthon Jesus Mamorsan Silang

I. Patujolo
Adong sada sarito, di sada partingkian adong sasahalak na
manghatai dohot surusuruan ni Debata. Di sungkun surusuruan ni Debata tu
sasahalak on, ninna, satia do ho tu Tuhan Jesus Kristus? Dialusi sasahalak
on “satia do ahu sahat ro di ujung ni ngolungku. Molo satia do ho tu Ibana,
olo do ho husuru? Ninna surusuruan ni Debata mandok ibana. Dialusi
sasahalak on “ aha nanaeng suruonmu ahu? Ninna sasahalak on. Disi adong
silang ganjangna 2 meter, jala lebarna 2 meter. Olo do ho mamorsan silang
i, manaripari batang sunge annon di joloan? Dibereng sasahalak on, ndang
borat silang i, sian hau do silang i, pasti do ringan silang i. Tegas didok
sasahalak on mangalusi sungkunsungkun surusuruan i, didok ibana “ olo do
ahu. Jadi diporsan sasahalak on ma silang i. Satonga jom ibana mamorsan
silang on, mansai borat dihilala sasahalak on silang i. Hirim rohana anggiat
ma adong huta asa mangido aek sitiotio ahu, inna dibagasan rohana. Adong
ma sada huta di bereng ibana, las situtu rohana. Ro ma ibana mandapothon
sada bagas, di tuktuhi ibana ma bagas on. Haruar ma pangisi ni bagas i.
Didok sasahalak on “boi do ahu mangido aek sitiositio, inang?” Nunga
mauas panghilalaanku. Dialusi inang i ” Boi amang, satongkin asa hubuat,
masuk ma hamu amang tu bagas”. Mauliate ma inang dison ma ahu. Di alap
inang i ma aek sitiotio, jala dipasahat tu sasahalak.
Mansai las rohana dung diinum ibana aek i. Didok ibana tu inang i
“mauliate ma inang”. Dung i didok ibana “boi do ahu maminjam gargaji
muna inang?” Laho tu aha amang? Didok inang i. Laho manggargaji silang
on, ninna sasahalak on. Satongkin da amang asa hubuat. Dung dipasahat
inang gargaji i, digargaji sasahalak on ma 25 cm silang i, asa ringan
pingkiranna. Dung i dipasahat sasahalak on ma gargaji on, mandok mauliate
ma ibana huhut marhehean nauli ma ibana tu nampuna bagas i.
Dipardalanan diporsan sasahalak on, silang i tong sarupa boratna, atik pe
nunga dipotong ibana 25 cm. Dihirim rohana adong ma sada huta, asa boi
ibana mangido aek sitiotio, huhut mangido gargaji. Adong ma dibereng
ibana sada huta, diebati ibana sada bagas, huhut mangido aek sititotio dohot
gargaji. Dung dijalo ibana gargaji sian pangisi ni bagas i, digargaji ibana 25
cm silang i. Dihirim rohana asa ringan diporsan ibana silang i. Dung
mandok mauliate jala marheheaon nauli ibana tu pangisi ni bagas i, diporsan
ibana silang i. Alai tong sarupa boratna, ndang na hurang. Atik pe nunga 25
cm di potong ibana silang i. Dihirim rohana adong ma huta asa dipangido
ibana aek sitiotio dohot gargaji. Hampir sajom ma ibana mamorsan silang i.
Adong sada huta dibereng ibana, jala dituktuhi ibana sada bagas, laho
mangido aek sitiotio dohot gargaji. Dung dipasahat pangisi ni bagas i aek
sitiositio dohot gargaji, di gargaji ibana ma 50 cm silang i. pasti lebih ringan
inna rohana. Dung mandok mauliate tu pangisi ni bagas i huhut marhehean
nauli ibana, diporsan ibana silang i. Alai tong sarupa boratna, ndang na
moru. Dina mamorsan silang i ibana, dibereng ibana adong sunge, songon
pandohan i surusuruan i. Didapothon surusuruan i ma ibana, jala didok
surusuruan i, mauliate hudok tu ho, nunga diporsan ho silang i sahat tuson.
Saonnari bahen ma silang i gabe titi, asa boi ho manaripari batang aek on.
Lebar ni sunge on 1,5 meter didok surusuruan on, silang i 2 meter, boi do ho
manaripari batang aek i marhite silang i, ninna surusuruan mandok
sasahalak on. Alai diingot ibana, nunga digargaji ibana silang i. 25 cm na
parjolo, 25 cm na paduahon, 50 cm na patoluhon. Total 100 cm manang
sameter nunga di gargaji ibana silang i. Beha na ma on, inna rohana. Didok
ibana tu surusuruan i, ndang boi hubahen silang on gabe titi asa boi ahu
manaripari batang aek on. Boasa? Didok alus ni surusuruan i. Ditonga dalan
nangkin bereng sada huta, jala nunga hugargaji sameter silang i. Boasa
gargaji on mu? Dialusi surusuruan i. Siala mansai borat huporsan silang i.
Umbege i ro ma rimas ni surusuruan i “nangkin dimula na i didok ho do boi
ho mamorsan silang i manaripari batang aek i! Marhapatean tu ho ma
saluhutna na di ula mi!” Ninna surusuruan i mandok ibana. Manetek ma
iluna huhut manungkap ma ibana manolsoli pangalahona. Martangiang
ibana tu Tuhan i siala saluhutna, jala dipasahat asi rohaNa tu Ibana, siala
nunga ndang satia ibana laho mamorsan silang i sahat ro di ujungna. Sian
sarito na hupaandar, tangkas asa tongtong hita satia mamorsan silang i asa
tama hita gabe siseanNa. Songon dia do ulaning asa tama hita gabe
siseanNa. Tapaihutihut ma hatorangan ni turpuk on.

II. Hatorangan Ni Turpuk

1. Ayat 32 – 33
Di ayat on dipasahat Tuhan Jesus ima sosososo asa tongtong ganup
jolma manghatindangkon Ibana di jolo ni ganup jolma. Unang jolma i, na
mangokui Ibana di jolo ni Damang dohot di jolo ni jolma. Molo disoadahon
jolma i Ibana, ndang na mandok halna metmet hasalaan na i, alai Jesus
mandok adong hubungan na erat Bapa dohot Jesus. Manang ise jolma na
patupahon hasalaan tu Jesus, tongtong sala di jolo ni Damang.
2. Ayat 34 – 36
Hata “podang” di ayat 34 on dipatudos tu Haroro ni Tuhan Jesus tu
portibion, ima manirang angka parsalisian di ganup jolma diportibion.
Parsalisian i ingkon boi do dituntashon dohot denggan marhite dame dohot
holong na sian Tuhan i. Molo tongtong dope adong “podang” dibagasan
pamatangta, aha ma labatta gabe siihuthonon ni Kristus. Sarupa do hita
dohot pangalaho na adong diportibion. Didok di Heber 4 : 12 “Ai mangolu
do hata ni Debata jala mahuaso. Umtajom do i sian podang sidua baba. Boi
do i manusuk jala manirang hosa sian daging, sumsum sian holiholi. Jala boi
patuduhon na adong di roha dohot na adong di pingkiranta”. Pandohan di
ayat 35, digurithon di Mikha 7 : 6 ”Ai anak i paotootohon amana, boru i
hehe dompak inana, parumaen dompak simatuana boru, musu ni baoa i ima
angka halak donganna sajabu”. Ayat 35 mandok Tuhan Jesus dibaritahon tu
sada kelompok dohot keluarga, adong do na porsea dohot na so porsea di
Ibana. Siala parjumpaan dohot Ibana, jolma manisia ingkon mamillit
mangihuthon Ibana manang na ndang mangihuthon Ibana.
Adong 2 horong ni jolma, ma mangihuthon Ibana dohot ndang
mangihuthon Ibana. Boasaadong na pabadahon anak tu amana? Siala nasida
porsea tu Jesus, siala anak boru i manjaloJesus, jala inana ndang manjalo
Jesus. Boasa disirang parumaen tu simatuana boru? Sialaparumaen na
manjalo Kristus, jala simatuana boru ndang manjalo Kristus. Di Lukas 12 :
51didok “Na dirimpu rohamuna do, na laho mangalehon dame Ahu tu atas
tano on, umbahen na ro? Nda tung, hudok ma di hamu: Panirangon do
tahe”. Ido umbahen didok di ayat 36 “Jala tung donganna sajabu gabe musu
ni jolma i”.
3. Ayat 37
Molo adong sasahalak nanaeng mangihuthon Kristus, ingkon parjolo
do Ibana sian na asing manang na ise pe i. Siala hubungan dohot Ibana
ingkon lebih erat dohot “intim” sian hubungan dohot donganna sa jabu.

4. Ayat 38
Mamorsan Silang ima gombaran sitaonon na ingkon disirang sian
jolma na asing. Manang aha pe na masa dibagasan ngolunts ingkon boi hita
manahan huhut mangulahon lomo ni rohaNa. Ayat 38 on na marlapatan
sasahalak na tama gabe siseanNa ima na olo mamorsan silang i di bagasan
ngoluna, jala olo disirang sian na asing.
5. Ayat 39
Na marlapatan di bagasan ngolunta on ingkon parjolo Ibana sa
dapotan hangoluan salelenglelengna hita saluhutna. Adong do jolma siala
ala ni hasangapon jabatan dohot angka lan na asing di portibi gabe “digadis”
haporseaonna gabe marbalik tu ugamo na asing. Taingot do si Munson -
Lyman dohot Apostel ni halak Batak si Nommensen na sumeahon
ngoluna ala ni Ibana, laho marbarita nauli, gabe mate martir nasida. Ringkot
do satia dibagasan Ibana.

III. Sipahusorhusoron
1. Manahan ma hita manang aha pe na masa (BE. No. 149 : 3) di
saluhut panggulmitningolunta
2. Satia ma hita mangihuthon Ibana mamorsan Silang i sahat ro di
ujung ni ngolunta
3. Josua 24 : 15d “Alai anggo ahu dohot donganhu sajabu, ingkon
Jahowa do oloan nami”. Taoloi ma Ibana diganup ulaonta, di
ganup ngolunta sahat ro di ujung ni ngolunta. Amen

Pdt. Radean M. Lumbantobing

HKI Resort Panei Tongah
 MINGGU IV DUNG TRINITATIS
2 JULI 2023
Epistel: Mateus 10:40-42

Manjangkon Ibana Dibagasan Serep Ni Roha

Tontu hea do hita manjangkon/menyambut angka dongan, isarana

tamu, halak na penting manang keluarga na ro sian huta jala ingkon denggan
do tatamue nasida. Ai tahaporseai do molo denggan tatamue angka dongan
jolma na ro tu bagasta, ingkon mangihut do godang pasupasu tu hita.
Songoni do na dimaksud Jesus tanda bukti manjangkon Ibana marhitehite
parbaritaon nauli. Dina marmabarita nauli ingkon tapatupa do angka na
denggan, patuduhon serep ni rohanta laho mangihuthon Ibana. Ai andorang
ayat jamita on tangkas dipatuduhon Jesus, parulaan ni angka jolma na so
mangihuthon Ibana sian serep ni roha. Ima angka na umholong tu natorasna,
ianakhonna, hosana jala ndang olo mamorsan silang na tu ibana. Songoni
ndang tama diadopanni Jesus, ai ndang patupahon na denggan i di Ibana.
Jamita on gabe hata apulapul dohot hata togartogar tu angka sisean
dohot halak na porsea tingki i dina naeng laho marbarita nauli. Ala diboto
Jesus, ndang sude jolma olo manjalo dohot manangihon barita nauli, sai
adong do angka na manulak hata i. Alai dipodahon Jesus, asa unang mabiar
nasida laho marbarita nauli. Ai adong do hasomalan ni halak Jahudi ima
manjangkon dohot patupahon na denggan tu angka jolma na ro tu
bagasnasida. Alani ndang porlu ganggu rohanasida laho mangulahon ulaon
panghobasionna marbarita nauli tu angka jolma. Barita nauli, ndang holan
sebatas hata/kalimat sijahaon. Alai ingkon tangkas dipatuduhon marhite
angka pambahenan dohot parulaan siganup ari. Alani ma ndang cukup holan
tadok. “huithon Jesus” manang “hujalo barita nauli i” molo ndang adong
hataridaan na dingolunta, gabus do i. Ai manjangkon na dimaksud Jesus
dison, sasintongna ndang holan persoalan manjalo. Alai ingkon mangulahon
dohot manghangoluhon barita nauli i ima ibana, Jesus Kristus. Sian on
tangkas tasadari angka jolma na porsea ima na sinuruni Debata manang
“Duta Kristus” diportibion. Nasida ma representasi ni Debata laho
patandahon dohot manghatindanghon huaso ni Debata. Ai marhite sikap
nasida ma nasa na adong diportibion boi mananda jala porsea tu Debata.
Molo Jesus ro tu angka halak na porsea, dohot do disi ro Debata ala nunga
sada Jesus dohot Debata, asa manang ise na manjangkon Jesus dohot do
ibana manjangkon Debata. On ma lasni rohanta, ndang marisuang be
ngolunta ala nunga muba statusta marhite pengorbananni Jesus. Status ima
na manosoi hita dibagasan hasatiaon dohot haserepon mangihuthon Ibana
marbarita nauli. Hasatiaon dohot haserepon i ingkon sian haporseaon na
polin maniop pangaramotionni Debata dingolunta. Alani sikap ni ngolunta
ingkon gabe sitindangi jala sitiruon.
Sikap gabe sitindangi dohot sitiruon i ndang holan adong dihalak na
porsea na marbarita nauli, alai ingkon dohot do adong dihalak na porsea na
manjangkon barita nauli i. Ai angka na manjangkon barita nauli i ingkon
dapotna do upa sian i. Songon dia rohana dohot responna manjangkon barita
nauli i songoni ma upa dapotna, gabe ndang marisuang manang aha
naniulana dibagasan Debata. Molo olo hita mangurupi angka ulaon
pangkobasion parbaritaon nauli tutu dapotta ma upa sian ulaonta i. Dison
tangkas dipatuduhon Jesus bentuk panjangkonon na denggan dibarita nauli
ima songon na painumhon aek tabar santahu tu sahalak na metmet. “Sahalak
na metmet” dison patuduhon angka dongan na tarpasiding, tartading dohot
hurangan. Haradeon dohot panamueon marhite haserepon ima sada na
umpenting dina marbarita nauli jala boi mulaionta marhite na rade manamue
angka dongan na tarpasiding, tartading dohot hurangan. Lapatanna dina
naeng manjangkon Jesus manang mangurupi ulaon parbarita naulion,
ingkon tamulai ma sian na mangulahon angka ulaon na denggan tu angka
dongan na metmet dihumaliangta. Ingkon tapaserep ma rohanta laho
mangurupi dohot manghaholongi angka donganta na gale, ai ido bukti
naung tajangkon, tajalo jala tahangoluhon barita nauli i ima Jesus Kristus i
dingolunta. Debata ndang hea marutang tu manang ise jolma diportibion.
Jala hita ndang boi menandingi/manaluhon Debata taringot tu silehonlehon.
Ndang hea Debata mambahen gabe rugi/hurangan jolma na olo
marsilehonlehon dohot manghaholongi donganna. Ai molo adong
kesempatan di hita laho mangalehon santahu aek tu donganta, sarupa na
mangalehon tu Debata do i. Molo tahaholongi donganta, sarupa na
manghaholongi Debata do hita disi. Molo tabahen na denggan tu donganta,
sarupa na mambahen tu Debata do i. Molo tabahen marlasni roha donganta,
sarupa na mambahen lasni rohani Debata do i. Alai ingkon hombar tu
lomoni rohani Debata jala ingkon marhite hataNa na badia i, unang gabe
manimbil. Ngolu na marhaporseaon ndang songon na marnipi, alai ingkon
tarida dingolu siganup ari. Sikap dohot karakterta songon halak na porsea
ingkon berdampak parohon dame dohot haulion tu angka dongan, ima ngolu
na gabe sitindangi. Alani tabahen ma panghataionta dohot pambahenanta
gabe sitindangi dihuaso ni Debata tu portibion. Unang ma portibion sai
holan na mambege angka hata, alai ingkon dohot do marnida marhite
panbahenanta. Manang aha pe potensi dohot pasupasu na dibasabasahon
Debata tu hita, ingkon tapangke ma i laho mangurupi angka ulaon
pangkobasion ni Debata diportibion. Amen.
Pdt. Elly Monalisa Sianturi
 MINGGU IV DUNG TRINITATIS
2 JULI 2023
Evangelium: Psalmen 89:15-18

Mangolu Dibagasan Hatigoran Dohot Asi Ni Roha Ni Debata

Hagogoon dohot hasatiaon ni Debata ndang boi

dipartudos/dibandingkan tu hagogoon dohot hasatiaon ni angka jolma
manang panggomgomi manang angka debata na ditano on. Ndang adong
surusuruan manang namarhuaso diliat portibion na boi dipartudos tu Debata.
Nampuna tangan songon Debata, manang nampuna soara na boi manghutur
songon Ibana. Hasatiaon dohot hatigoranni Debata tarida diharajaonNa i,
marhite angka surusuruan na manghobasi di Ibana dohot na mamujimuji
goarNa jala na rade mangulahon angka na sinuruni Debata dibagasan
haunduhon. Jotjot do jolma olo mangose angka hatana sandiri, jala
godangan ndang boi sitiopan hatani jolma, huhut ndang boi jolma manjaga
angka hata na ro tu ibana. Alai asing do anggo Debata, tung mansai gogo do
hatani Debata jala satia do Ibana diangka naung dihatahonNa i. Tung talup
do Debata mangulahon agia aha, ai ndang adong na so tarpatupa Debata,
alai ndang hea Debata mangose diangka uhum dohot hatigoranNa.
Parpsalmen dison naeng manghatindanghon holong satia dohot janji
ni Debata tu si Daud dohot tu pinomparna, na ingkon dipajongjong Debata
togu harajaonna salelengni lelengna (bnd.2 Sam.7:8-16). Janji ni Debata i
nunga mamolus godang angka tontangan dohot partingkian, alai ndang hea
Debata lupa di janjiNa i. Nang pe boi diida dibagasan sejarah bangso israel
janji on songon na so dilehon Debata. Isarana songon Jerusalem na hansur
dohot pinompar ni si Daud na so gabe panggomgomi be. Saluhutna i ndang
gabe mambatalhon janji ni Debata tu angka tingki na naeng ro. Satia do
Debata di janjiNa i jala diujungna patuduhononNa ma i marhite hatutubu ni
Sipalua sian pinomparni si Daud. Dasar haporseaonta di janji satia ni Debata
ima Ibana marhuaso disandok portibion. Ibana nampuna langit dohot tano
on, jala Ibana na mangarajai dohot mangaturhon saluhut sejarah parngoluan
ni jolma. Habonaron, hasintongan, holong dohot hasatiaonNa ima cara ni
Debata mangaramoti asa portibi naung golap dohot mardosa on ndang gabe
lam sega. Marhite ima parpsalmen dison maniop togu haporseaonna
dihasatiaon janji ni Debata. Sejarah pardalanan ni hakristenon ima bukti
janji ni Debata, haluaon marhite Jesus Kristus ima peristiwa na so boi
dihalupahon, na patuduhon holong ni Debata tu jolma dihasiangan on. Jadi
ndang adong be alasanta laho ragu tu hasatiaon ni Debata. Ala nunga
dipatuduhon Debata bukti holongNa na balga i jala ndang olo Debata
mangose janjiNa. Sungkun-sungkun dihita, dia ma siulahononta nuaeng?
Ima porsea jala pasahathon sude panghirimonta tu holong dohot hasatiaon ni
Debata.

Adong piga-piga na boi taparsiajari sian jamitaon, ima :

1. Karakter ni Debata na bonar diangka dalanNa jala basa diangka
pambahenanNa, ido gabe alasanni Debata laho paluahon jolma
sian dosa hombar tu sangkap ni rohaNa. Tangkas do tarida i sian
hatigoranni Debata na manguhumi jolma na mardosa, jala na so
olo muba manadinghon dosana. Alai tutu parasi roha godang do
ianggo Debata, ndang dihalomohon rohaNa jolma na mardosa i
mago dibagasan hadosaonna jala hot diparuhuman. Dipataridahon
Debata ma i marhite Jesus Kristus na pasingkophon hatigoran
dohot holongni rohani Debata tu saluhut jolma.
2. Hatigoran dohot holong ni rohani Debata mambahen jolma
martua, marlasni roha jala marolopolop ala mangolu nasida
dibagasan hatiuran ni Debata. Hatigoran mangajari jolma asa jaga
diangka sidalananna jala togu diangka naung dihaporseai
dingoluna. Lapatanna hatigoran i gabe dasar diangka jolma laho
mananda dia do ulaon na hombar tu lomoni rohani Debata dohot
na so dihalomohon Debata asa ulahononna. Holong ni roha
mangajari jolma asa manat diangka pambahenanna. Lapatanna
holong ni roha gabe dasar dijolma laho manghatindanghon/
patuduhon holong ni rohani Debata naung dijalona marhite angka
ulaon nauli na denggan siganup ari. Ala nunga parjolo Debata
patuduhon holong ni rohaNa, ido sitiruon ni jolma asa
patuduhononna muse tu angka na dihumaliangna.
3. Hatigoran dohot holong ni rohani Debata mangalehon hagogoon
dohot hamonangan tu angka jolma na porsea di Ibana.
Hamonangan i dipatangkas marhite hata “manuarang tanduknami/
tanduk kami meninggi”, lapatanna songon adong ro marlloppit
ganda semangat dohot hagogoon tu nasida. Na mambahen nasida
gabe boi mulak semangat muse jala dibagasan pos ni roha
mangadopi angka na masa dingoluna marhite pangaramotion
dohot pangurupion ni Debata na so tartaluhon agia aha. Alani
jolma na maniop hatigoran dohot holong ni rohani Debata ingkon
ndang mabiar laho mangadopi angka na masa, lasni roha arsak pe
bolusonna do i mardonganhon Debata. Songon hatani Debata na
 mandok, “donganonHu do ho rasirasa ro ajalni hasiangan on” ido
janji ni Debata tu angka jolma na manghaporseai Ibana.
Parpsalmen mangakuhon hatigoran dohot hasatiaon ni Debata ndang
adong tandinganna, manang hagogoon di ape di portibion ndang boi
menandingi hsmuliaon ni Debata. Hata ni raja Daud dison gabe ungkapan
sian rohanta ma i laho manghatindanghon hatimbulon dohot hasangapon ni
Debata na sun badia i. Marhite ungkapan on dipaingot hita asa biar mida
Debata jala unduk tu Ibana. Holan sasada Ibana do nampuna hatigoran
dohot hasatiaon na sun timbul i di sandok liat portibion dohot di harajaon
banua ginjang i. Amen.

Pdt. Elly Monalisa Sianturi

HKI Resort Khusus Efrata Hutabagot
 MINGGU V DUNG TRINITATIS
9 JULI 2023
Epistel : Ende 2: 8 – 13

“Manghaholongi Uhum Ni Debata” (Mencintai Hukum Allah)

I. Patujolo
Targoar do Ende ni si Salomo (Kidung Agung) on ima ende ni angka
sian si Salomo – nyanyian dari segala nyanyian’ yang diciptakan oleh
Salomo (1:1). Marharoroan sian hata Heber “Syir hasysyirim” manang
“syiru I asyar”, di Septuaginta: “asma asmaton”, na marlapatan ende na
mansai denggan sian nasa ende (terakbar, teragung). Di angka pande Pandan
Na Robi mandok ia kitab na digurithon si Salomo, manang angka ende na
ditujuhon tu si Salomo, manang angka ende na mambahen raja Salomon a
gabe sentral di angka baritana. Marharoroan do sian sude gaya syair ni ende
on sian na masa diharajaon Juda, di pesta panen na dipatupa, na marisihon
parolopolopon di bangso na manjalo dohot mamparsaulihon
panghaholongion ni Debata, na manghaholongi bangsoNa songon sada
rumang ni rumahtangga (suami-istri, laki-laki – perempuan yang sedang
jatuh hati yang saling memperhatikan, saling mengasihi dan bahkan saling
memberi diri satu sama lain). Ende sian si Salomo on hirahira digurithon di
zaman Helenis, ala dapot gaya Aramaisme (1:12; 2:7) dohot khas bahasa
Gorik (3:9). Sr. Elliot manggombarhon tujuan manang rimpunan ni buku
Ende sian si Salomo on ima: Menghormati dan meneguhkan keindahan dan
tatanan yang diletakkan Allah dalam semua ciptaan. Allah, hikmat, tatanan
dan kehadiranNya dapat ditemukan dalam segala sesuatu. Cinta yang
bergelora, sesungguhnya, dengan mudah terbuka untuk mengenal ‘nyala
api Yahweh’.” Di sude panompaon ni Debata na di portibion dohot ragam ni
angka patik manang aturan na binahen ni Debata patandahon haholongan na
satia laho mangatur jolma na tinompaNa I tu hadedenggan.panghaholongion
ni Debata na mambahen jolma I gabe hasianNa sahat rodi gabe “oroan”,
patuduhon naeng sude marture dibahen Debata parngoluan ni jolma di
portibion.
II. Hatorangan ni turpuk
1. Hasudungan ni roha i ro mandapothon hasoloan ni roha (8-10)
Sahalak na gabe hasudungan ni roha dison ima pangolin (laki-laki),
na gabe hasoloan ni roha dison ima oroan (perempuan), keduanya saling
memberi nama kebanggaan terhadap pujaan hatinya masing-masing.
Digombarhon do hata hasudungan dohot hasoloan i sada hubungan na so
tarsirang, naung martomu roha tu roha, angka na marsiantuasan na sada tu
na sada na i, angka na martitolopan, dohot angka marsilehonan angka na
denggan, jala angka na rap marparsaulihon. Di halak Israel digombarhon do
pangoli i ima Debata dohot oroan i ima bangso i. Panindangion ni
haporseaonnasida bangso Israel gabe oroan hasoloan ni roha ni Debata, jala
bangso i mambahen Debata gabe hasudungan ni rohanasida. Angka dia do
patandahon Debata na gabe hasudungan ni roha?
- Nunga ro ibana : pangoli i do jumolo mangalehon dirina,
manghalojahon asa pajumpang dohot na hinalomohon ni rohana.
Haroro ni Debata tu angka hasianNa jumolo do diaturhon saluhutna
denggan, ima marhite panompaon ni Debata andorang so tartompa
jolma na parjolo i di Taman Eden. Dungi diaturhon Debata ma
saluhutna tartompa i asa marsilehonan diri, marsipaturean na sada tu
nasa, mangalehon hangoluan, jala mardame sonang. Dungi, mansai
denggan do diaturhon Debata angka ari di panompaon i, jala didok
do: “Nunga denggan sude”. Asa tung taraur ngolu ni jolma na
parjolo i jala sahat ro di ujungna asa sahat tu “denggan sude”
dipatikhon Debata do taringot tu hangoluan dohot hamatean”.
Hombar tu sangkap ni Debata ingkon ma sahat tu hangoluan i. alani
do ditontuhon do diriNa na gabe dalan asa sahat tu tujuan semula
dohot tujuan akhir ni jolma ima hangoluan.
- Harorona maringkat dohot marhajinjang: Ditompa Debata jolma i
tumiru rupaNa tudos tu pangalahoNa. Ima na mabahen jolma gabe
hasoloan ni roha ni Debata. Jolma gabe representasi di sude angka
panompaon. Hadedenggan ni panompaon I tarida di hadedenggan ni
pangalaho ni jolma i (hubungannya kepada Allah dan kepada sesama
ciptaan). Sahat do dipatudos hasudungan i songon hije manang anak
ni ursa. Hije sada binatang na marlojong mansai doras (cepat
bertindak untuk mendapatkan keinginannya). Dihatindanghon do
Debata na sai tongtong bertindak mambahen las roha manang
marsonang-sonang saluhutna angka natinompaNa. Sian ‘dolok
habadiaon’ ro Ibana mandulo angka na tinompaNa I jala na so tupa
nok mataNa marnida saluhutna natinompaNa (pat. Ps.121:4).
Di sada bilut do oroan i marnida haroroni pangoli i. Pangoli
(hasudungan) na ro mandapothon hasoloan marsoara: “Hehe ma ho, ale
hasoloan ni rohangku, na mauliutus, jala ruar ma ho!”. Dihasiholi Debata do
parjumpanganNa dohot jolma na tinompaNa. Alani dosa i gabe adong
parsirangan ni jolma dohot Debata. Diusir si Adam dohot si Hawa sian
porlak Eden i ala so mangihuthon patik I, jala disoadahon panghaholongion
ni Debata naung mangaturhon angka na denggan saluhutna tu jolma na
parjolo i. alani dosa i ndang tartondong ni jolma i be habadiaon ni Debata.
Alai, Debata sandiri dibagasan holongNa na so tupa paholangjon diriNa sian
jolma i. Ibana sandiri mambahen huhut patupahon pardamen tu jolma
marhite Jesus Kristus. Dibagas bilut songon gombaran na sai adong do
mambahen tembok pemisahan di jolma tu Debata. Nang pe marsigogor roha
ni oroan naeng hatop pajumpang dohot pangoli i alai adong do bilut na
ingkon sibolusonna asa boi secara langsung pajumpang. Ndang tarbahen ni
jolma sian dirina laho mambolus ‘bilut’ na manabunihon
‘panghaholongionna’ maradaphon Debata. Alai Debata tung mansai tangkas
do umboto roha ni jolma na manghasiholi Debata dibagasan ngoluna. Alani
do didok: Hehe ma ho, ruar ma ho! Panghaholongion ni Debata tu jolma
dipatuduhon marhite na diribak Ibana hirehire i asa unang adong na
mangambati parjumpangan di holong na marsitomuan, asa Debata naung
patuduhon holong ni roha na mambahen jolma gabe hasoloan ni rohaNa,
nang jolma i pe tongtong ma barani dohot manjamothon ngolu na
mambahen Debata gabe hasudungan ni rohana.

2. Ro do angka na uli na denggan di angka na manghalomohon hata ni

Debata (11-13)
Perubahan besar na masa ima salpu partaonan ngali ni ari, mansohot
ari udan, gabe mullop bungabunga di ladang, tarbege soara anduhur titi.
Pangontak ni dosa na mambahen rimas ni Debata dipatudos do i songon
ngali ni ari, dohot ari udan na mambahen na so adong hangoluan di angka
suan-suanan dohot monjab angka pidong di asarna ala mabiar pangontak ni
udan dohot ngali ni ari i. dipanghilalahon bangso Israel do rimas ni Debata
na mambahen nasida gabe tarbuang, jala dao sian panatapan ni Debata.
Ndang tarbahen ni bangso i paluahon dirina. Habubuangnasida i gabe
mandate nasida jala manjalo reherehe sian bangso sileban naung pagosagosa
nasida. Ende si Salomo patuduhon asa ganup jolma menyadari dirina molo
holang sian adopan ni Debata, molo mangalaosi uhum manang hata ni
Debata. Hubungan na denggan i boi gabe holang jala mandao jala uhum ni
Debata ma na masa. Alai ianggo Debata dipatuduhon do hasatiaonNa sian
mulana na tongtong dibagasan holong ni rohaNa asa tu dengganna ngolu ni
jolma. Dibagasan holong ni roha ni Debata adong do hamubaon (perubahan
besar dan total), masa ma muse hubungan na denggan, surak-surak,
olopolop, keharmonisan satu dengan yang lainnya, ala nunga be adong roha
na marsiantusan angka dia ma na laho sihasiholan ni roha ni ganup. Debata
sai dihasiholi rohaNa do hita unduk mangulahon dohot mangahalomohon
hataNa, nang hita pe naeng ma songoni asa dapotan parbue hita di
hangoluan na pinadiri ni Jesus, ima hangoluan. Setiap orang yang
merindukan tindakannya selalu mengikuti firman Tuhan maka akan terjadi
perubahan besar dan secara total dalam kehidupannya. Tidak ada lagi rasa
duka, karena sudah digantikan dengan sukacita.

III. Panimpuli/Refleksi
Ndang adong na boi manirang hita sian haholongan ni Debata.
Dibagasan Jesus Kristus nunga dibahen pardamean dohot pardomuanta
dohot Ibana. Ido patandahon tu hita jolma na ingot Debata disangkapNa
manghaholongi jolma on, nanggo sada unang adong na mago. Tung masihol
do roha ni Debata asa ganup hita manghasiholi di parjumpangan na rosu di
angka parsaoranta laho mambege soaraNa. Soara ni Debata na marisihon na
dibagasan roha ni Debata na laho sihangoluhononta, naeng ma saluhutna
hita gabe jolma na sai tongtong mangalehon partingkian na arga situtu laho
mangulahon lomo ni roha ni Debata. Di zaman na mansai canggih (modern)
on boi do mangurupi hita di ragam ni aplikasi asa mananda halomoan ni
roha ni Debata siulahononta. Allah yang mampu mengatasi segala batas
ruang dan waktu manusia, menunjukkan kasihNya yang mencintai manusia
agar beroleh hidup yang kekal. Dia akan melakukan segala cara dengan
caraNya sendiri di dalam rencana keselamatan itu untuk menjadikan kita
selalu menjadi manusia yang berharga dan kesukaan hatiNya. Alani, naeng
ma gabe huria na sai tongtong manghasiholi parsaoranta hita saluhutna, asa
taboto jala boi taparguruhon hata ni Debata.

Pdt. Keyboard Seal Samperaja Munthe, M.Th

HKI Resort Bah Sampuran
 MINGGU V DUNG TRINITATIS
9 JULI 2023
Evangelium: Rom 7: 15 – 25

Manghaholongi Uhum Ni Debata

I. Patujolo
Huria Rom ima huria na nianganan ni angka halak Kristen diaspora,
ima halak Jahudi (4:1; &:4-6) dohot Junani (1:5,13; 11:13), na ro sian ragam
ni luat. Jadi, huria Rom ndada huria na pinajongjong ni Apostel Paulus, alai
na jongjong marhite halak Jahudi diaspora na rot u Jerusalem (peziarah).
Huta Rom ima na gabe pusat panggomgomion Kekaisaran Romawi. Surat
on digurithon si Paulus hirahira di taon 56 M di tingki marbarita nauli ibana
di Korintus, laho “memberikan karunia rohani” (1:1; pat.Ul.Ap.8:14-18; 2
Tim.1:6). Surat on ditongos tu huria Rom marhite si Tertius (16:22),
andorang so sahat tu Spanyol.
Halak Kristen di huta Rom ingkon do mangadopi ragam ni parasingan sian
budaya dohot ugamo. Sian sosial budaya ima mangihuthon budaya Romawi
na hierarchis, na tandi di parasingan induk somang (tuan) – hatoban,
etnisitas (kelompok-kelompok suku), parporangan laho maralohon angka
na so sa-kelompok/ugamo. Di huta Rom na ro sian ragam ni pangisina na
sian hatoban, angka na sangap, na mamora, penguasa politik, militer,
parboniagaan (pengusaha), lam tandi ma parasingan ni sosial
kemasyarakatan i. Di taon 49 M masa do pangusiron tu halak Kristen Jahudi
sian huta Rom ala ni hagunturon ala ni pangantusion taringot tu Krestos.
Hape “minoritas” do bilangan ni Kristen hatihai (hirahira 200 halak). Di
ragam ni na masa I do umbahen lam bidang do parasingan ni halak Kristen
Jahudi dohot Junani.
Di tongos si Paulus surat on, marbingkas do i adong parsualon dohot
parsalisian di halak Kristen na di Rom alani angka marimbai pangantusion
di panghaporseaonnasida di Jesus Kristus. Masa do angka parbolatan di
nasida na sai mangasahon hasumurunganna be, na mambahen gabe
martamba angka parungkilon di panghaporseaonnasida i. Digombarhon do
adong kelompokna gogo dohot kelompok na gale. Kelompok na gumogo
ima halak Kristen Junani ala ndang adong keterikatan di angka aturan-
aturan sipanganon dohot siinumon (bebas). Didok kelompok na gale ima
halak Kristen Jahudi ima angka na rihit jala jamot di angka aturan, patik,
unduk di angka turan tarlumobi taringot tu sipanganon. Jala na dua
kelompok on nang pe naung Kristen, sai manguhum-uhumi do nasida huhut
mangarehei. Di halak Kristen Jahudi na sai mangihuthon aturan dohot patik
dirajumi do dirina mandapot haluaon, diluar ni dirinasida ndang partohap
disi. Apostel Paulus mangondolhon holan marhite Kristus do adong haluaon
i, asa unang adong be na gabe ginomgoman ni patik. Ndada na
mansoadahon patik, alai ndang adong sipangasahononhon di patik i, ai
manongtong do jolma i madabu tu ulaon pardagingon na gabe tu hadosaon.
Sian latarbelakang ni hajahudion ni si Paulus, na sai tongtong
manjamothon parsiajaran dohot pangantusiuonna taringot tu patik, dirajumi
ibana do dirina naung “mahir” di patik i tongtong do ndang adong kepastian
na gabe rimpas pangalahona, tarlumobi ma pangantusion taringot tu
haluaon. Patik i mangaradoti ngolu ni jolma alai taringot tu pardagingon na
sai olo madabu tu hadosaon. Adong do partontangan di hadirion ni jolma i
keinginan untuk melakukan kehendak Allah alai alani dosa ndang tarbahen
ni jolma i mangulasonsa ala ginomgoman ni dosa. Halak Kristen ingkon
mandompakhon ngolu partondionna tu Tuhan Jesus Kristus, na patupahon
haluaon i, asa tarbahensa mangulahon lomo ni roha ni Debata ndada
mangihuthon jala dirajai rante ni dosa. Hagogoon mangulahon i ndada
dibagasan patik alai dibagasan Jesus Kristus do.

II. Hatorangan ni Turpuk

1. Parbue manang na hinangham ni patik dohot daging (15-20)
Mangihuthon Rm.7:1 “digomgomi patik i do jolma saleleng ibana
mangolu”, holan hamatean do na boi paholanghon jolma sian patik. Alai
nang pe songoni ‘hagogoon’ patik di jolma, ndang boi patik I mambahen
jolma rimpas saleleng mangolu, alani do parulaon ni jolma saleleng
mangolu nang pe mangaradoti patik tongtong dope mamparbuehon ‘parbue
ni dosa’. Di patikhon Debata do tu jolma na parjolo (Adam dohot Hawa) di
angka na laho siradotannasida asa mangolu, unang mate (1 Musa 2:17; 2:3).
Sai dihalomohon jolma na parjolo i do unduk mangihuthon naung
dipatikhon Debata tu nasida asa di nasida hangoluan. Alai di sumbia ni
sibolis na mangago nasida ndang tarbahensa be hot di patik ni Debata, gabe
diihuthonnasida do daging na laho mate i. Patik i dipasahat Debata Pargogo
na so hatudosan jala na Badia, laos patik i pe badia do jala marhagogoon
mamboan jolma mananda huhut mardalan tu Silehon hangoluan (ay.17).
Alai alani dosa i mambahen ndang tarbahen ni patik i manghangham ngolu
ni jolma tu hangoluan. Jolma na tinompa tumiru rupaNa dohot pangalahoNa
na margogo mangulahon patik ni Debata gabe ndang tarbahensa be
mangundukhon huhut mangulahon patik i ala nunga diundukhon dirina tu
ulaon daging (dosa). Dosa nunga mangararati, marhuaso di diri ni jolma i
umbahen ndang tarbahen be unduk di sude patik ni Debata. Jolma na
dibagasan dosa nunga dirajai ulaon dosa, jala parbuena na gabe tu hamatean.
Ndang tartiop ni patik i laho mangarajai jolma i asa unduk tu Debata ala
patik i pe ndang tarbahensa mambahen jolma malua.
Apostel Paulus patuduhon parungkilon ni hajolmaonna mangulahon
pardagingon i. “Huula” (katergazesthai, prassein, poiein), na marlapatan
adong parbuena hombar tu naniulana. Alai parbue na niulana i ndada na
hinalomohon ni rohana. Sian on tarida adong partontangan ni keinginan ni
jolma na songon na tinompa ni Debata dohot sumbia ni dosa i na
marhagogoon mangarajai ngolu ni jolma. Ido hataridaan ni dosa. Adong
paraloan ni jolma di dirina. Parbue ni daging (dosa) mansai patar do, jala
parbue ni ulaon dibagasan patik pe patar do nang i. alai hapapatar ni saluhut
parbue i, ndang tuk mambahen kepastian di haluaon (kemerdekaan) songon
nampuna ni Kristus. Ganup jolma na manghaholongi dirina na sai dirajai
dosa, jala sai mambahen hagogoon ni ruhut-ruhut pardagingon (budaya,
aturan, dna) na mangarajai dirina, ido mambahen jolma gabe sai tongtong
mangolu dibagasan daging. Apostel Paulus sandiri manghatindanghon din a
jamot ibana manjaga, mangguruhon patik i mambahen ibana gabe garang
mengalele huria i, alai dirajumi do i harugian tumimbanghon hamuliaon ni
panandaon di Kristus Jesus (Pil.3:1-11). Pardagingon dohot ruhut ni patik i
do mambahen ibana gabe gale laho mananda hamuliaon ni Jesus Kristus,
laos i do na mambahen ibana manghagigihon Barita Nauli i.
Patik ni Debata naung jinalo ni bangso Israel manogunogu bangso i
mananda na hinalomohon ni Debata. Ala sian Debata do patik i jala na badia
do i, alani do ingkon Tondi Parbadia do na manghangham ngolu ni jolma
asa tarulahonsa (Mat.22:43; 2 Ptr.1:21). Alai ganup jolma na mangolu
dibagasan daging (bukan berasal dari Allah, memusuhi Allah) sai tongtong
dope i mangulahon na maralo tu lomo ni roha ni Debata, nang pe naung di
ibana patik i.
Dihatindanghon si Paulus do hinadenggan (kalos = tak bercacat,
indah, mulia) ni patik i. Jesus sandiri pe mandok: “Unang ma dirimpu
rohamuna Ahu ro mangarumpakhon patik i, manang hata ni angka
panurirang i pe. Ndang ro Ahu mangarumpakhon, na pajongjonghon do
Ahu.” (Mat.5:17). Molo diulahon jolma patik i na pajongjonghon tujuan ni
patik i do ibana disi, alani do hinadengganna. Alai ala sai manongtong do
pangarajaion ni dosa di jolma na mambahen ulaon hadosaon, jala tongtong
jolma i dibagasan dosa i, ndang songon panompaon ni Debata tu jolma i be
hadirion ni jolma i. Ulaon dosa ndang boi gabe sidalian di angka ulaon
hajahaton na marragam, molo dung gabe halak Kristen. Dison ma na sai
tongtong dope jolma mangulahon na sian ‘daging na tartompa ni Debata’,
ido na mambahen jolma i manghagigihon uhum/patik/hata ni Debata di
bagasan ngoluna.
2. Jesus Kristus do margogoihon jolma mangulahon dohot
manghaholongi patik ni Debata (21-25)
Di halak Jahudi naung Kristen na sai tongtong dope mangihuthon
angka aturan-aturan di patik hajahudion i gabe madabu tu ‘kesombongan
rohani’. Ruhut-ruhut di aturan i do tanda na malua jolma, didok nasida,
andul sian i ndang tarbahensa be malua. Alai di parngoluanna godang angka
ulaon na maralo tu lomo ni roha ni Debata. Suang songoni halak Junani
naung Kristen nampuna kebebasan (ndang tarihot di aturan), i pe
mangulahon dosa. Kedua kelompok ini sama-sama mengalami tekanan luar
dari dirinya. Dalam manusia batinnya (nous) memiliki keinginan melakukan
yang baik, akan tetapi dari luar (dosa) selalu menekan mereka untuk
berbuat dosa. Apostel Paulus sandiri pe dihantindanghon do jolma
parbagasan (manusia batin – nous) manghalomohon jala naeng
mangulahon patik (nomos). ‘Nous’ diganup jolma i marhagogoon do
mananda panghorhon ni na mangulahon dohot manundalhon patik. Alai si
Paulus dihatindanghon do na sian duru ni dirina margogo laho patundukhon
diri ni jolma i tu ulaon dosa. Panghalomohonon ni roha di patik i ala
dirajumi do i dalan haluaon (3Musa 18:5; Rm.10:5; pat.Mat.7:24,26).
Ganup patik manghalomohon haundukon ni jolma laho mangulahonsa, molo
so diulahon hamatean i tung mansai patar do i. ‘Ruas ni daging dohot roha’
di sada pamatang ni jolma na nampuna hagogoon do taringot tu patik i, alai
ala ndang boi holan sian ‘dirina’ laho mangulahonsa. Alani do didok si
Paulus: “Oe ahu jolma na dangol on” (manusia celaka). Alani na sai
mangulahon dosa i hamatean do upana.
Paulus manghamauliateon di naung dipapatar Jesus haluaon na sian
diriNa. Jesus Kristus do dilehon Debata laho manghangham saluhutna
angka ruhut-ruhut dohot patik na nihalomohon ni ganup jolma. Molo tung
pe margogo halak Jahudi manjamothon patik i, dalannasida do i laho
mananda hagaleon ni ganup jolma sian pardagingon ai ganup jolma mardosa
do (3:23; 6:23). Jala songoni nang halak Junani (non-Jahudi) molo tung pe
dirajumi ha-Kristenon i adong kebebasan, asa saluhutna do jolma i
mandalani ngoluna hombar tu panghaporseaonna di Jesus Kristus.
3. Ruas ni daging, dohot roha naeng ma manghalomohon uhum ni
Tuhan i.
Ruas ni daging i do papatarhon angka na taula, na boi patar di ganup
jolma. Roha ima na mangonjar jolma marhite ruas ni daging laho
mangulahon na hinalomohon ni Debata. Naeng do ruas ni daging dohot roha
ni ganup jolma i dipaimbaru dibagasan Kristus. Asa ganup jolma (Jahudi
dohot Junani) rap mangulahon marguru tu Jesus Kristus na hinaporseaan
nasida i, ndang be angka ruhut-ruhut na so mangalehon jaminan haluaon i
na mangarajai ngolunasida. Molo sai dipangasahon do angka ruhut i ido lam
pabidang angka parbolatan. Jesus Kristus, na Sasada i do na mangalehon
jaminan tu ganup jolma taringot tu haluonna. Dilehon Tuhan Jesus do patik
naimbaru tu hita: “Patik na imbaru ma Hulehon tu hamu: Naeng ma hamu
masihaholongan hamu” (Joh.13:34), laos patik na niajarhon ni Jesus i do
manghangham saluhutna nasa patik dohot hata ni panurirang (Mat.22:40).
Di na masa sian sosial kemasyarakatan di huta Rom taringot tu
tuan-hatoban, na mora – na pogos, laos di ugamo Kristen Jahudi – Junani,
na mambahen adong parsalisian i, angka ulaon dohot ruhut na mamboan tu
hamatean do isaluhutna na so dung boi masihaholongan, hape nunga porsea
di Jesus Kristus. Alani ma ganup halak Kristen sian ragam ni luat, budaya,
aturan, huasa (jabatan), ingkon ma olo dipatunduk di patik holong ni roha
dibagasan Jesus Kristus, asa tarpatundukhonsa angka hagogoon ni dosa na
sai olo manosak parngoluan ni ganup jolma. Dipapatar Jesus do hadirionNa
na sai tongtong mandongani ganup na manghalomohon mangulahon hataNa
marhite pandonganion ni Tondi Parbadia. Asa ganup jolma naeng ma
marguru tu pangarajaion dohot pangajaran ni TondiNa, asa tarulahonsa.

III. Panimpuli/Refleksi
Di na rap mandalani hita di abad 21 on, lam patar do hita mandalani
angka hamaolon di tantangan siadopan ni halak Kristen laho
manghangoluhon haporseaonna. Lam patar do godang jolma na mambahen
parbolat-bolatan alani angka ruhut-ruhut, sahat do I nang tu ruhut ha-
Kristenon, isarana na manguhumi angka tata cara di implementasi ni hata ni
Debata di ulaon siganup ari. Adong do na manulak angka paradaton secara
total, na so manghalomohon angka adat i masuk tu ulaon ni huria. Sahat tu
partingkian on sai adong dope angka parsualon dia do hasisintongna di
hakristenon na laho siulahonon. Dungi adong muse kelompok na mambahen
kelompokna marhasurungan na gabe ‘marporang’ dompak kelompok na
asing na so saruhut di angka hasomalan. Sikap eksklusivisme, na mamaksa
kehendak, dohot na mamaksa ingkon songon na di ibana siulahonon ni
ganup jolma mambahen ndang dapot arga ni barita Nauli i. Jesus Kristus ro
tu portibion tu ganup jolma na marasing di angka ruhut-ruhut pardagingon
(hajolmaon). Dilehon Jesus tiruan di hita, na olo Ibana menembus ruang
batasan ni hajolmaon, asa ndang adong mardia imbar jolma i di Ibana.
Naeng ma ganup halak Kristen manghalomohon uhum manang hata ni
Tuhan Jesus na sai tongtong mangajarhon haholongon i. Holong tu ganup
jolma, na boi menjangkau dan menembus ganup angka hirehire ni
hajolmaon i. Huria Kristen Indonesia (HKI) na pinaojak ni Tuhan Jesus
gabe huria na boi menjangkau sude jolma marhite gabe huria na missioner
dohot berdedikasi. HKI dipaojak Debata ndada holan tu dirina, tu bangso
Batak, di Indonesia, alai ingkon do tu saluhut jolma.

Pdt. Keyboard Seal Samperaja Munthe, M.Th

HKI Resort Bah Sampuran
 MINGGU VI DUNG TRINITATIS
16 JULI 2023
Evangelium: Psalmen 65:1-9

Pangaramotion ni Debata maradaphon bangso na pinillitNa

I. SIBONSIRI
Buku Psalmen ima sada buku na mansai arga di tradisi dohot
Pamujion ni halah Israel (1 Kronika 15: 16-22; Psalmen 149:1—150:
6), mansai jotjot do buku Psalmen on, dipangke gabe tuntunan Ojahan jala
panikkopi di angka ulaon parugamoon na dipangke halak israel. Marragam
do angka na manaruthot buku Psalmen on, disurathon mai marhite sian: Si
Musa, David, Salomo, Asaf, Atan, Heman, dohot gelleng ni si Korah.
Adong 7 halak jolma na na tarsurat na manurathon buku Psalmen on, atikpe
adong do piga-piga bindu naso adong panuratna. Alai gonopma sude buku
Psalmen on terdiri sahat tu 150 bindu godangna.
Buku Psalmen di enet do on sian bahasa Gorid ima “Tehillim” na
margoar “Psalmoi” jala di bahasa Yunani “Psalterion” na marlapatan
“Puji-pujian” manang “buku Pujian” na mamangke alat musik gesek dohot
di iringi alat musik petik. Maragam do angka bentu jala gaya penulisan ni
buku Psalmen on, adong ma i marhite-hite bentuk Puji-pujian, Tangiang
pangidoan dohot Hata Hamuliateon. Saluhutnai dibagihon jala di suraton
marhite pembagian tu beberapa parbagianan nangkaning, jala na umpenting
asa dibotohon tu bagian dia do horongna, marhite fungsi dohot
pembagiaanna dimakna syair dohot sajakna.
Psalmen 65 on masuk mai tu horong ni “Hata hamuliateon” tu
Debata, dinasa dengan ni basaNa. Laos marhite i, ia turpuk on ima sada
Ende puji-pujian na mangkorhon perenungan na mansai bagas di siala
pambahenan ni Debata na mansai nyata dibagasan ngolu ni jolma. Tung
anduldo perkembangan ni hamajuon ni bangso Israel sian na marpikkiran na
jempek jala sempit tu pamingkirion na menyeluruh manang nasionalis.
Marhite imana dibagasan turpuk on dipaingot nasida tu nasa hinaburju ni
Debata dibagasan nglu nasida.

II. HATORANGAN
Turpuk jamita na di enet sian Psalmen 65 on, diarahon do hita tu
sada pamingkirion tu Huaso dohot hasangapon ni Debata marhitehite hinauli
ni PambahenanNa di portibion. Boidoi tangkas idaonta, marhite hira-hira
bohado responta manghajonjongkon pambahenan ni Debata i dibagasan
ngolu siadapari. Molo tapamanat pangarimangion ni si david di buku
Psalmen on, mansai tangkas do angka tangiang pangidoan na tu Debata.
Dipangiar Debata do parbinegeanna marhite-hite na binegena sude alu-alu
ni bangsona (ayat 3), laos songoni do, herbang do tangan ni Debata laho
manjalo saluhjutna sude jolma sian angka hadosaonna (ayat 4). Laos
marhite ima, dihamuliatehon sude jolma i, marhite na niulahonna be angka
hatua on naung dipandohanna be (ayat 2). Laos marhite hinauli ni hubungan
ni Debata dohot jolmai, dipuji si david ma Debata di angka alus naung
binahenNa, marhite tangiang naung maralus dibagasan halongangan (ayat 6-
9). Marhite hatorangan na diginjangi, tapamanat ma hatorangan turpuk
jamita ta na di enet sian Psalmen 65 on, na pataridahon, bohado pataridahon
puji-pujian tu Debata i:

a. Dipangiar Debata do asinirohana marhitehite na binegena alu-alu

ni bangsoNa.
Hinauli hinadenggan basa ni Jahowa, di angka pambahenanna dohot
di saluhut angka jadi-jadiannya, mamorsan sude angka namasa jala talup
manean mamboan saluhutna tu angka hadengganon. Dang adong na
jinadihon ni Debata gabe jadian na marisuang, alai marhite angka
pambahenanna manjadi doi, marhite dipataridahon huasona dohot
hasangaponNa na manjadi diliat portibion. Alai marhite asi ni roha ni
Debata dibagasan ngolu ni ganup jolma, sada namansai tangkas di paingot
dibagasan panindangion on: “Ingkon nalom ni roha Di Ho do puji-
pujian”. Huaso ni Debata na manjadi dibagasan ngolu ni ganup jolam,
tangkas doi tarida molo boi tapamanat di ngolunta. Songon pardalanan ni
bangso Israel na tongtong dipaingot di angka pambahenan ni Debata, di
Musa 14:14 di dok: Jahowa do marporang humongkop hamu, asal
hohom hamu. Dipangiar Debata parbinegeanna dibagasan pandaoni na
bolon na masa diadopan ni Bangsa Israel di tingki i. Alai marhite sahulutnai
sikap ahado nadipangido Debata na ingkon ulahonon ni nasida, di Jesaya
40:15, didok: “Ai songon on do hata ni Tuhan Jahowa, na badia ni Israel!
Marhitehite hamulakon dohot hahohomon jumpangan hatuaon hamu;
marhitehite hasabamon dohot marhitehite nalom ni roha maruli hagogoon
hamu”. Asa marhite saluhutnai dapot nasida ma Hatuaon, Hasabamon dohot
Hagogo on, na sian Debata dibagasan ngolu nasida.
Arga nai Hatuaon, hasabamon dohot Hagogoon na sian Debata,
ingkon adong dibagasan ngolunta be. Marhite i, pujion ma Debata di na
tumimbo, di bagasan Psalmen 65:2 didok asa sombaon di Sion ma Jahowa.
Jala marhite i ma dimanggonopi saluhutnai, ingkon gararon tu Ibada angka
baga-baga. Debata dibagasan hatimboonNa, dohot huasoNa, na
dilambangkon (simbol) dibagasan di na tumimbo ima di Sion. Ungkapan
Hata “Sion” parjolo sahali boi do i tajaha di bibelta di 2 Samuel 5:7, di dok
disi: Hape dipapatu si Daud do benteng Sion, i ma huta ni si Daud. Dimula
nai Sion di artihon doi songon sada benteng, manang na pertahanan, manang
hahotan na adong di Jerusalem. Jala marhite i muse, pangantusion na asing
taringot tu Sion, ima na menunjuk tu kota manang tempat. Jadi marhite i,
sion dilambangkan doi tempat pertahanan na adong di bagasan sada Kota,
jala dung dibagasan udut ni partingkion, Kota Sion manang Benteng Sion i,
dibahen ma goarna gabe Kota (Huta) David (1 Raja-raja 8:1; 1 Kronika
11:5; 2 kronika 5:2). Dibagasan pardalanan ni Harajoan ni si Salomo,
dipauli ma disi patupahon Bagas Joro ni Debata, jala sahat do perluasanna tu
kawasan Sion na humaling (Psalmen 2:6; 48:2; 132:13). Jala dipardalanan ni
angka harajaon manang kekuasaan, Huta Sion gabe dipangke mai laho
pataridahon jala simbol ni Jerusalem, manang penunjukan Huaso di Debata.
Mansai argado hata perlambang marhite simbol “Sion”on. Molo
secara theologis gabe dipangke do i nalaho pataridahon hadirion ni bangso
Israel, bangso na pinillit ni Debata (Jesaya 60:11), jala makna spiritual na
boi idaon ta ima Huta Sion merujuk tu Huta Jerusalem na pinaimana
(Jerusalem yang baru) (Heber 12:22; Pangungkapon 14:1). Jala marhite sian
ima, patubehenon ni nasida ende na imbaru jala manontong di huta Sion
(Pangungkapon 14:3).
Psalmen 65:3, dipataridahon do disi alu-alu ni ponjot i roha tu
Debata na manangihon tangiang. Mansai argado panghorhon ni tangiang di
ganup jolma na porsea. Sada silasniroha na mansai polin dibagasan
pardalanan ni haporseaon ni ganup jolma, ima molo tulus jala tolhas
(terwujud) nasa tangiangna. Marhiteima ima di pangiar par-Psalmen do
ditingkion suaranya tu Jahowa Debata na patulushon nasa tangiang.
Dipatubehehon Ibana do Ise Debata sijalo Tangiang, jala Ise do na Umbege
jala patulushon salutna nasa tangiang i. Debata namangalusi saluhutna
angka tangiang, jala alus ni Debata mangalobi i, lobi sian na piningkiran
(Efesus 3:20). Marhiteima alusan ni Debata do nasa tangiang na digomgom
jala marhite haporseaon na polin. Ai marhite panjangkonon ni Debata di
saluhut nasa tangiang i, ro ma saluhutna jolma dibagasan haporseaonna.

b. Herbang do tangan ni Debata dinamanjalo sude jolma sian

hadoasaonna.
Pardenggan basa do Jahowa, jala lambat dung tarimas. Marhite
hinaburju nai, ise ma Debata na sarupa dohot Ibana (Mika 7:18), alai
dipataridahon Ibana do dirina tu angka na tinompana (2 Musa 34:7). Jala
marhite nasa pambahenan na I ma, patutma jalo on ni Ibana nasa Puji-pujian
na marsangap. Di patubehon par- Psalmen do di Ayat 4 on, ai nunga be
sahat tu langit angka dosa na diporsan ni bangso i, jala nasa pambahenan na
jat pe nunga mangalobi i sian asi-asi na naeng patut siajaloon na. Ai marhite
sian ima, lam godang ma dosa napatar na mambahen dang dapotan be asi ni
roha i. Holan denggan basa ni Jahowa sambing nama na pataluphon jala
pamonangkon nasida. Asa boi dapot nasida angka silasniroha tu angka
joloan on (Psalmen 33:12). Gabe bangso na pinillit ni Debata ma nasida,
jala asa tarida pe nasida, holan sian bagasan asi ni roha ni Debata doi
(Johanes 6:44).
Par-Psalmen ayat 6, mangikrarhon, “tung na songkal do
pambahenan ni Debata di nasa pangalusina, marhitei taridama hatigoran
ni pambahenanNa, Ibana do Debata ni hatuan, jala gabe haposan di
saluhut ujung ni tanoon”. Marhite angka pambahenan ni Debata na
songkal jala halongangan i, tarida ma salutna haluaon na sian Debata i.
Dipataridahon pe angka jadi-jadian nai (halongangan), olo do i laho
mamangkulingi manang na mamincang nasida, disaluhutna pambahenan ni
ganup jolma i. Marhite pangkuling ni Debata dia angka pambahenan na,
gabe songgot-songgot dia angka parulaon tu na denggan na mai. Asa
tontong adong pangkirimon na mangolu di ganup jolma, ingkon tontong
manjaga habadiaon ni Debata (Jesaya 64:3).

c. Maralus do angka tangiang di angka halongangan.

Tongtong do dibagasan haporseaon na polin par Pesalmen laho
patolhashon nasa pambahenan ni Debata. Kepercayaan pemazmur kepada
Allah terungkap lewat kesungguhan berdoa. Tangian do parhitean dibahen
Debata, mangalusi sahutna angka nanaeng sibahenonna di portibion. Dialusi
Debata doi marhite huasona naso terbatas jala tarungkur i. Marhitei ma,
Psalmen 65 on mendorong hita asa manontong dibagasan nasa tangiangta.
Unang nean martangiang holan ala ni hinauli ni pandohan ni angka hata na
terangkai, alai martangiang ma hita dibagasan todi na sian Debata, asa
marhitei adong persekutuan na apit hita maradophon Debata. Molo porsea
jala yakin do hita dinasa tangiang ta na tapasahat tu adopan ni Debata,
dibagasan haporseaon na polin, maralus do saluhutna i.

III. HAHONAAN
Dipatubegehon do pambahenan ni Debata dibagasan ngolu,
dihaporseai par Pesalmen do ia ngolu on tontong do dibagasaan pasu-pasu
na marharoan sian Debata. Haporseaan ni par Pesalmen boi tarida mai,
marhite-hite nasa tangiang na pinasahaatna jala boi manjadi. Tangiang
pangidoan i dipasahat marhite kesungguhan dibagasan nasa tangiang na.
Dialusi Debata do nasa tangiang i, namartujuan laho paulihon sahutna alam
semesta, tarlumobi ma paulihon portibion (Psalmen 65:3,6). Allah
menjawab doa dengan kuasaNya yang tidak terbatas. Kuasa Allah terbukti
jika kita memandang tegaknya gunung-gunung dan tenangnya gelombang-
gelombang lautan. Pemazmur melukiskan bahwa Allah berdaulat
sepenuhnya atas ciptaanNya baik di darat dan di laut.
Dipabotohon par Pesalmen do muse, ia salutna jolma ingkon
pasahathon dirina tu adopan ni Debata, menyaksikan jala marnida angka
mujijat halongangan na binahen ni Debata, jala saluhutnya i tarpatupa/
terjadi dang na ala kebetulan, alai alani huaso, ketetapan, dohot hata
(firman) ni Debata na manontong, na iangkon patar tu adopan ni nasuhutna
jolma, jala saluhutna jolma ingkon manjalo i dibagasan biar mida Jahowa,
jala ingkon mambahen sikap: menaruh rasa hormat tu Debata (Psalmen
65:9). Tanda halongangan (mujijat), namasa dibagasan ngolu ni Jolma, ima
sada Huaso ni Debata na mansai balga (patar). Saluhutna do boi di patupa
(diciptakan Debata): Gunung berapi, marragam ni hamalumon, dohot angka
ulaon na masa na mambahen habut roha. Sahutna i boi doi ture, so holan ala
ni pangaramotion ni Debata. Ibana do pataluphon saluhutna. Masa pe angka
na masa di pardalan ni ngoluon. Unang hita tahuton, ai Debata do na
marhuaso diatas ni saluhutna. Amen.

Pdt. Andri Tridimensi Simorangkir, S.Th

 MINGGU VI DUNG TRINITATIS
16 JULI 2023
Epistel: Matius 13: 1-9

Pangaramotion ni Debata maradaphon bangso na pinillitNa

1. SIBONSIRI
Buku Mateus, on ima sada buku na mansai ampit songon sada dasar
ni Parbaritaon taringot tu Barita na Uli (Injil). Buku on na sinurathon ni si
Mateus sian suku Lewi, anak ni si Alfeus (sian bahasa gorik Ἀλφαίος,
Halphaios; jala di enet muse sian bahasa Inggris: Alphaeus), sahalak na
marulaon Pemungut Cukai, jala di angka tingki na asing muse diulahon
ibana do Papungu Pajak. Dibagasan na parjumpang si Mateus dohot Tuhan
Jesus, gabe adong ma perubahan ni ngoluna secara total, ala di jalo ibana na
mangihuthon Jesus di angka ulaon Pelayananna (Matius 9:9; Markus 2:14;
Lukas 5:27–28). Ulaon na mansai arga di ngolu ni si Matius ima hamubaon
ni rohana laho mangihuthon Jesus (Mateus 10:2-4). Laos marhite i ma,
mansai godang do kesaksian, panindangion dibagasan rentetan barita na
gabe fakta, na boi di surathon si Mateus on songon sada catatan peristiwa.
Buku ni si Mateus on di surathon tingki pertengahan Abad na
parjolo, na sinurasthonna secara khusus tu halak Jahudi na mangkorhon mai
laho pataridahon angka hasingkopon ni angka Ulaon Pangkobasion ni Jesus.
Mansai marragam na di taringoti dibagasana buku ni si Mateus on, alai
namansai ampit jala arga ima taringot tu Harajaaon ni Debata, na laho
mangalusi nasa nubuatan taringot tu haroro ni Mesias na tarsurat di nasa
Padan Narobi (Matius 4:14; 8:17; 13:35; 21:4). Di buku Mateus on
dibahendo goar ni lambang ni Mesias marhitehon “Anak ni si David”, na
laho manggombarhaon mai, na sada silsilah dohot garis keturunan do mulai
sian si David, Jehuda dohot di Abraham (Mateus 1:1-3). Laos on ma
hasingkopon na Napataridahon, Peranan ni haroro ni Jesus sian mulana di
Padan Narobi ima nalaho mangalusi sude alus dohot panghokkop ni Debata
di nasa natarsurat di padan na robi na dipasahat ni Debata na sahat tu halak
Israel.
Marragam do angka metode dohot gambaran na dipangke di buku
Mateus on laho manggombarhon taringot tu Ulaon ni Jesus, adong ma mai
marhitehite Pangajarion dohot Perumpamaan (tudos-tudos), nalaho
manggombarhon saluhutna taringot tu Harajaaon ni Debata. Jala turpuk
jamita on na tarsurat sian Mateus 13:1-9 on, on ma sada tudos-tudos na
manggambarhon taringot Harajaon ni Debata na di gombarhon marhite tano,
manang jenis-jenis ni tano, nagabe hapeahan ni saluhut suan-suanan na
naeng tubu. Marhiteima tasulingkit ma barita na uli nanaeng pahebaheba on
ta o.

2. HATORANGAN
Dibagasan turpuk on, tangkas do dipatorang taringot boasa Tuhan
Jesus mambahen bentuk panga-jarionna marhitehite perumpamaan. Molo
sian hadirion ni angka apostel i, mansai songgot do roha nasida di bentuk
pangajarion na di patupa ni Jesus merhite perumpamaan i, jakla marhite
keraguan na masa ditingki i, gabe adong do sungkun-sungkun di angka
nasida angka Apostel i, boasa dibahen Tuhan Jesus pangjarion marhitehite
perumpamaan i, laon i ma nagabe alus na mansai arga, didok: atik pe di
bege nasida taringot tu tudos-tudos taringot tu Harajaan ni Debata alai dang
di antusi nasida ahado lapatanna.
Saluhutna angka sungkun-sungkun taringot tu angka pangajarion
taringot tu perumpamaan i, di alusi Tuhan Jesus mai, marhite pangajarion na
lebih sederhana, asa boi diantusi nasida ruhutna atikpe sasintongna sian
pangantusion i, haporseaon nasida songon na maol do laho manjalo angka
perubahan i. Saluhutna angka perumpamaan i na dipatorangna tu angka
sisean i, dihehon do tondi laho mangarti (diberi pengertian), di saluhut
angka tujuan ni Debata di sana pangajarionna (Mateus 13:11).
Perumpamaan na dipatorang di Buku ni si Mateus 13:1-9 on bai ma ta
sulingkit dibagasanan angka pembahasan pemahaman:

a. Ayat 1-2 : dibagasan ayat na pamuhai on, dipatorang dison na gabe

pambonsiri dibagasan perumpamaan na mangkatai Tuhan Jesus tu
angka jolma na torop na adong di huta Kapernaum, digombarhon do
disi na hundul-hundul Tuhan Jesus di parao na adong di topi tao
Galilea, jala agak di julur otik tu tao i (asa adong pembatas), gabe
sahera na manggombarhon sada inganan teater alam na dipersiaphon,
laos saluhutna angka na torop i hundul ma ditopi ni tao Galilea i. Laos
mangkatai ma Ibada tu saluhutna angka na torop i. Sada Ulaon
situsional do on napinatupa diganup uluan ni angka halak jahudi, di
angka parbaritaan ni angka informasi si pasahaton nasida be (Mateus
5:1; 15:29; 24:3; 26:55).
b. Ayat 3 : di buhai Tuhan Jesus angka pangkataion taringon tu
angka perumpamaan i. Ima perumpamaan taringot tu harajaon ni
Debata, na dipatorang taringot tu ulaon na manaburhon boni.
Dibagasan panurathonon di bagasan buku on ima bagian sian Injil
 Sinoptik, adong do manang na piga na gabe hamiripon ni barita
taringot tu na manaburhon boni on, boi ma i tajaha marhitehite
(Mateus 13; Markus 4; Lukas 8). Saluhutna nalaho patorangkon
taringot tu hasarupaon ni barita taringot ulaon na manabur boni.
Digombarhon do disi sada propesi na mansai arga na dipangke ni
Tuhan Jesus ima sahalah Pangula na adong dibagasan pardalanan
ditopi ni Huta. Penabur i, na haluar jala manadingkon sada huta na
laho mangulahon boni i di parbinsar ni ari, jala mulak muse annon
ibana di bot ni ari tu bagasan bagas nasida, gabe sada gombaran jolma
na laho manabur jala mulak muse annon sian panaburan dibagasan
lasniroha (Panguhum. 19:16-21; Ruth 2:2, 17, 18). Ditingki na
manaburhon boni i nasida, di boan ma tas tempat ni boni i, jala
disilangkon ma tas i di tubuh ni panerak i, jala jolma na di gombarhon
na manaburhon boni i, di pirpirhon ma boni i di tanganna, jala
diserakhon mai, sopola diboto tujuan ni arah ni siserakhononna. Alai
napasti, jolma na manerakhon boni i, diboto ibana do tangkas, ia boni
nanaeng si serakhonon nai, cukup do laho bagihononna.
c. Ayat 4 : turpuk on patorangkan ulaon ninamanaburhon Tuhan
Jesus di na parjolo, ima “ditopi ni dalan” manang “mamiltik di
dalan”, dibagasan bahasa Gorik, ia hata “dalan" dienet doi sian hata:
Hodos na boi doi menunjuk tu dalan na balga, manang dalan na
geleng, alai molo dibagasan turpuk on, menjurus doi tu dalan na
geleng. Dalan na adong di huta israel jotjotdo di pagari marhite angka
batu na disusun songon pagar pembatas, marhite angka pagar i, dang
mura-mura masuk angka pinahan na laho manegai porlak i (4 Musa
22:24; Poda 24:30, 31; Yesaya. 5:5). Dalam i ima sada dalan na
geleng, alai atik pe songoni dalam i gabe dalan utama doi laho
parlewatan ni ganup jolma na laho naeng marulaon. Dalan i, nunga
dilewati ganup jolmai bei mar taon-taon lelengna, marhiteima nungan
mansai koras, togu ia dalan si lewatan i. Marhiteima, boni na
disuathon panabur i, dang boi be masuk tu tanoi, jala boni i holan
tergeletak namai di ujung ni tanoi, jala gabe mura mai idaon, jala
pidong na martong-tonga langit pe tangkas ma di ida jala tangkas
pardompahanna. Gabe murama panganonna ai mengambang do bulir i
di atas ni tano.
d. Ayat 5-6 : dibagasan na manaburhon dinapaduahon i, disampakkon
ma boni i tu tano na marbatu, molo di huta israel sada hal na biasa do
anggo si songonon on, alana hampir 65 % tano ni israel adong ma i
marhitehite na adong batuna. Bahkan di piga-piga wilayah mansai
 maoldo dapotta tano na denggan, soholan batu na koras si idoan. Mura
do sasintong na tubu suan-suanan i, di topi manang sela-sela ni angka
batu i, alai molo nunga ro be lasniari gabe mura ma melos bahkan
mate suan-suanan i, ala uratna dang masuk bagas tu tanoi, jala aek na
gabe sumber ni ngolu pe terbatas do. Marhiteimana, suan-suanan na
tubu di batu i pe, mura ma mate (Lukas 8:6).
e. Ayat 7 : dibagian na manaburhon boni na patoluhon on, madabu
mai tu parsihupian (semak berduri). Parsihupian dibuatdoi sian bahasa
gorik “a¡kanqa, akantha”, na tubu dibagasan parsihupian, ima suan-
suana na mansai hatop partubuna, jala hatop timbo, laho mangimbangi
angka suan-suanan na adong di topina manang di duruna (Job 31:40;
Yeremia. 4:3; Mateus. 7:16; Heber. 6:8), alai alai ni godang ni
parsihupian i, gabe parsihupian i do na gebe mengambil alih partubu
ni boni i (Poda 24:30-34). Marhitei mansai porlu di paias porlak i,
marhite di potong di paias saluhutna sahat tu angkar-akar ni saluhutna
parsihupian i. Boasa ingkon sahat tu akar ni parsihupian i di paias, asa
unang be mura-mura tubu muse, gabe olo muse annon manegai suan-
suanan na uli i, Ai ido karakter ni parsihupian i, halan na naeng
manegai do.
f. Ayat 8 : dibagian na paobathon on, na sinuan ni Tuhan Jesus on,
digombarhon do dison manabu tu tano na denggan, jala marparbuemai
saratus hali lompit, onompulu hali lompit dohot tolupulu hali lompit.
Alai marhite penelitian na adong di huta i, ia hasil bulir na sianuanton
angka pangula, boi do imenghasilkan di 7-10 hali lompit sian godang
ni boni na di suanhon. Marhitei sada halongangan do jala mujijat na
mansai bolon do ia gombaran na pinatorang ni Tuhan Jesus, taringot
ni godang ni bulir nanaeng sipanenon, molo di suanhon di tano na
denggan. Denggan partubuna, denggan pertumbuhanna, jala denggan
parbue ni suan-suananna. Ido na ummarga, molo sian mulana pe,
borhat sian hadengganon.
g. Ayat 9 : ayat na parpudion, laho mempertegas di sasa poda na
mansai arga, ia poda tu saluhutna jolma na marpinggol, asa di pinggol
mai, asa di bege mai. Poda tudos-tudos na gabe gombaran ni Harajaon
ni Debata, na laho manggombarhon didia do tubu saluhutna Hata,
poda, barita nauli na dijalona be di bagasan ngoluna. Asa unang
marisuang parbaritanaulian i, alai asa saluhut na mambege boi
mamillit na dumenggan di bagasan ngoluna be. Salah mamillit, salah
di panjangkononna jala parbuena. Tangihon ma, jala suan ma di na
dumenggan.
3. HAHONAAN
Mansai arga hian do hata tudos-tudos berupa perumpamaan na di
gombarhon ni Tuhan Jesus di turpuk on, hata na mansai tegas na dipatupa
laho manutup turpuk on. Ia nasa jolma na mambege saluhut na maean
mangulahonsa. Sada fenonena namansai sering do i terjadi dibagasan
pardalanan ni ngolunta. Marhite na mansai godang ganup ruas ni Huria
naung manjalo hata ni Debata na jinalona sian Bagas joro ni Tuhan ta, alai
molo taida, berdeba-beda do respon nasida laho manghangoluahon hata ni
Debata i.
Songon turpuk jamita taaon, saluhutna bulir i ditabur, alai maragam
do hapeahanna jala hatutubuna. Molo isara penekananna, sude do ganup
jolma nunga be mambege barita na Uli i, alai maragam do na pinikkiran ni
ganup jolma taringot tusi: adong mai na holan na mamingkiri dirina sandiri,
adong na mambege alai dang mangantusi, adong na ambege alai
dipangasahon do pikiranna laho mambahen pangantusion na asing, alai
memang sada ma Umarga, dinamambege nasida di angka Poda jala diulahon
i, dibagasan pardalanan ni Ngoluna. On ma na pinatorang ni Tuhan Jesus,
boasa ingkon marhite hata tudos-tudos manang perumpamaan di gombarhon
taringot tu Harajaon ni Debata i. Ala memang barita nauli di haroro ni
Mesias i, nung be digombarhon i, sian mulanai sian angka panindangion ni
Panurirang Jesaya sahat tuna mangudutina, asa boi diboto nasida taringot tu
haroro ni Jesus i, atikpe maol di antusi nasida.
Tabegena suara ni Debata na manggora hita, malua sian haholomon,
jala tajalo ma hatiuron i marhite-hite na paradehon tano na denggan di
bagasan rohatta be. Dipasu-pasu Tuhan ma hita. Amin.

Pdt. Andri Tridimensi Simorangkir, S.Th

 MINGGU VII DUNG TRINITATIS
23 JULI 2023
Epistel : Psalmen 86 : 1 – 11

Marhaporseaon Jala Magodang Dibagasan Tuhan

I. Patujolo
Dihata Ibrani digoari do buku on tehillim na marlapatan pujipujian tu
Debata, molo dihata Gorik digoari do bukuon psalmoi na marlapatan ende
na niiringan alat musik. Ia panombaon ni halak Jahudi tu Debata, musik
mansai ringkot do, siala marhitehite ende do dipangke halak Jahudi lao
patuduhon haporseaon dohot holongnirohana tu Debata. Maragam do angka
panurat di buku psalmen on isarana Musa, bani Korah, bani Asaf, Salomo,
Etan, Heman dohot si Musa, alai si Daud do na umgodang manuraton pola
adong 73 psalmen sian 150 bindu dibagasan buku on. Dihaporseai angka
psalmen na tarsurat dibuku on ima angka tangiang manang pujian tu Debata
na ginohan Tondi Porbadia, lao patuduhon bagas ni parsoaran ni Debata
dohot jolma i.

II. Hatorangan Turpuk

Adong do pandohan na mandok : Molo mangido tangan ingkon
ditoru, maksudna molo hita na porlu ingkon mangelek ma hita asa dapotan
asiniroha. Molo dingolu nta on, gok do jolma mangharingkoton pasupasu ni
Debata, isarana : Hamamalum sian sahit, dibuka dalan pansarian ngolu siap
ari, dilehon ari dohot cuaca na dengan, ganjang ni umur dohot lan nasing.
Alai dina mangidoi ibana, ndada na mangelek paserepon roha tu adopan ni
Debata, gariada dihaginjanghon ibana do dirina, so dipardulihon lomo
niroha ni Debata. Alai si Daud dang songoni, dung gabe raja ni Israel di
Daud gok do angka na marlate roha lao mandabuhon si Daud sian
hundulanna, gok akkal dohot pangotootoion dipatupa asa mandabu si Daud
sian harajaonna i. Jala diboto si Daud dang taralo ibana i sude molo
mangasahon dirina sandiri, ingkon raphon Debata do ibana asa boi monang
manaluhon saluhut pangagoi. Dibagasan hagogotanai dipaserep si Daud ma
dirina lao mengelek asiniroha ni Debata, asa taruli pasupasu ni Debata.
Sipata olo tubu sungkun-sungkun, boasa sahalak raja na sanggap i olo jala
boi paserephon dirina tu adopan ni Debata, alai hit ana so diadia maol jala
bangkol lao paserephon dirinta tu Debata?
 Songondia do haserephon roha na pinatuduhon si Daud dina
mangido pangurupion ni Debata dihagogotanna? Tangkas pinaboas ni
turpuk on ima :
a. Nirajuman si Daud jolma na pogos, dangol do ibana molo ni adopan
ni Debata, nang pe sahalak raja ibana (ay 1). Artina arta, pangkat na
timbo i dang mambahen ginjang roha ni si Daud tu adopan ni
Debata, ai diboto si Daud do alani Debata do i asa adong diibana, ai
mulana pe jolma na pogos jala dangol do ibana.
b. Dipangidohon si Daud asa diramoti Debata rohana, asa tongtong
marhaposan tu Debata (ay 2). On do na mambahen hita dang sarupa
dohot si Daud, ia molo raja Daud parjolo do paisonna rohana tu
Debata dungi mangihut ma angka na dengan na asing. Alai molo
hita, olo dang dos parohaion dohot pangkataion manang pabahenan.
Molo binege hatana jala niida pambahenanna mansai denggan do,
alai rohana gok haramunon. Lupa hita, ia Debata nta siida roha dohot
piapia ndada siida hata-hata.
c. Dihatinghon si Daud do holan tu Debata sambing do ibana joujou
manipat ari, jala pos do roha ni si Daud pardengan basa do Debata
jala na marpamuati, ingkon tangihononNa angka na joujou tu Ibana
(ay 3-7). Artina satia do si Daud tu Debata, hatop manang leleng
nialusan ni Debata angka joujouna. On do hahurangan nta halak
Kristen dipartingkianon, dang manahan, hatop mandele jala hatop
manimbil. Tutu do hita joujou tu Tuhani diangka hagogotan na masa
tu hita songon raja Daud, alai ingkon songon na dirohanta i dang
ingkon songon na diroha ni Tuhan i. Joujou nta i sahira lao mangatur
Tuhan i, ndada lao pasauthon lomoniroha ni Tuhan I angka joujou
nta i alai lao pasonangkon dirinta sandiri, sahira alat pemuas hagiot
nta ma ta bahen Tuhan i, ido boasa dang margogo angka tangiang
joujou nta.
d. Niangkuan si Daud do, gok do angka sipelebegu na so mananda
Debata jala jotjot do nasida patupahon hamaolon dingka halak na
porsea. Alai pos do roha ni si Daud, ditingkina ingkon marbalik do
angka sipelebeguon lao marsomba tu Debata, alani sangap jala
timbul ni goar ni Debata (ay 8-10). Ra, molo sinungkun molo
sahalakmu na gabe halak na porsea ditongatonga angka sipelebegu,
gabe tadinghonomu do Tuhani jala sarombang dohot sipelebegu na
torop i? Alai ia raja Daud daong, dihametmetonai do patuduhonna
huaso ni Tuhanna, asa ditanda nasida be ise do Debata jala gabe
dohot nasida manomba Tuhan i. Dison do beda nta dohot raja Daud,
 molo ditongatonga ni Huria songoni ma ganjang-ganjang tangiang
nta, alai molo minoritas hita disada-sada luat tor maila do hita
martangiang, maila hita patuduhon halak na porsea do hita siihuton
Jesus i.
e. Ia raja Daud nang pe ibana sahalak raja, alai dang gabe dalan
hasonangan portibion na diharingkoton ibana, songon na somal na
masa ditano on. Alai dalan ni Debata do na diharingkoton ibana, ido
boasa didok raja Daud : Sai ajarhon ma tu ahu ale Jahowa dalanMu
asa marpangalaho ahu dibagasan hasintonganMi (ay 11). Artina,
nasa na adong di raja Daud, pangkeonna do i lao manghangoluhon
dalan ni Debata, laos on do beda nta halak Kristen dipartingkianon.
Jotjotna i hita manadinghon dalan ni Jahowa ima marhitehite
parmingguan manang ulaon partondion, siala lao manambahi arta
manang sumisik isarana mansari. Jotjotnai hita manadinghon dalan
ni Jahowa ima parmingguon siala hagiot lao manambahi sanggap
isara maradat di ari Sabbat I dohot lan nasing.

III. Haonaan Jamita

Hombar tu ondolan jamita nta di minggu on ima : Marhaporseaon
jala mangodang dibagasan Tuhan. Molo ro hagogoton tudia do ho
marhaporseaon dohot mangodang? Tu serep niroham marsaor dohot Debata
do manang dibagasan pandeleanmu? Sude na masa dingolu nta on, nang las
niroha nang habot ni roha, molo nta tatap jala nta lapati do sude na masa
dibagasan haporseaon tu Debata, mangodang ma hita dibagasan asiniroha ni
Debata, jala patibuhon nialuasan ni Debata angka joujou ni tangiangnta.
Alai baliksa, molo sude na masa ditongatonga ni ngolum dilapati dibagasan
pandelean, mangodang ma hita dibagasan parungkilon jala na hatophon tu
hamatean sisalelengnilelengna do i.

Pdt. Ewen Josua Silitonga

 MINGGU VII DUNG TRINITATIS
23 JULI 2023
Evangelium : Matius 13 : 31 – 35

Marhaporseaon Jala Magodang Dibagasan Tuhan

I. Patujolo
Ondolan buku Mateus ima Jesus do sipalua Anak ni Debata na
mangolu (Mat 16:16). Dibuku Mateus dang pola disuraton ise goar
panuraton tangkas, alai menurut angka bapa-bapa gereja na mangolu ditaon
130 masehi, manghaporseai si Mateus panurat bukuon ima sahalak sian
sapuludua sian sisean ni Tuhan Jesus, ima si Mateus halak Lewi na
dimulana sahalak sijalobeo (Mat 9:10, 10:3, 9:9). Dimulana buku Mateus
disuraton tu halak Jahudi na porsea tu Tuhan Jesus, ido boasa dibukuon
dipatuduhon keterkaitan Jesus dohot padan na robi songon tarombo ni Jesus
(Mat 1:1-17), Jesus do Anak Daud na binabagabagahon padan narobi i (Mat
1:1, 9:27, 12:23, 15:22, 20:30-31, 21:9). Holan Mateus do na mamangke
istilah harajon surgo ima istilah khas haJahudion.

II. Hatorangan Turpuk

2.1. Harajaon Banuaginjang Doshon Batu Siarum (31-32)
Dibagasan turpuk on dipatorang Jesus do hadirion ni harajaon banua
ginjang i tudos tu batu siarum na binuat sahalak lao manuburhon boni di
porlakna. Batu siarum molo dihata Gorik dipangke hata κόκκος σίναπι
kokkos sinapi (a grain of mustard) na marlapatan butir sawi. Molo di
pertanian halak Jahudi boni na umgeleng sian boni suansuanan ima butir
sawi manang batu siarum. Alai nang pe metmet butir ni sawi i molo tarsuan
jala tubu boni i, laos ido na umbalga sian angka suansuanan ingkau rata pola
hira hau na boi pidong marasar disi. Tontu boi ma antusan nta unang layas
tu angka na metmet, asa molo metmet pe jolma i alai mangolu dibagasan
hasintongan ni Debata, ingkon umbalga jala umsumurung sian nasa jolma
nasing. Dos do i songon Jesus na metmet molo niida sian parekonomian
siala Jesus ro sian keluarga tukang ni hau do. Molo ni ida sian status sosial
mansai metmet do Jesus, siala Jesus marharoroan sian huta Nazaret ima huta
na gelleng jala na dipangantusion halak Jahudi huta ni angka na so mananda
Debata (kafir), dang songon kota Jerusalem na balga jala na sanggap i. Alai
siala na ro sian Debata do Jesus, gabe umbalga jala umsanggap Jesus sian
Jerusalem i. Suang songoni do tong hat ani Tuhan i, mansai metmet do hata
ni Tuhan i molo niida sian angka jolma na pararatonsa, alai idia dibege jala
dipeop hat ani Tuhani, gok huasona lao paluahon jala pauliulihon ngolu ni
jolma i. Jadi hasurungan nta dingolu nta on ndada niukur sian hadirion
hajolmaonta, alai niukur sian haolonta manangihon jala mangulahon hata ni
Tuhani.

2.2. Harajoan Banuaginjang Doshon Itak Niasoman (33)

Dipatudos Jesus muse Harajaon Banuaginjang i tudos tu itak na
niasoman, molo dihata Gorik dipangke hata ζύμη zume (leaven) na
marlapatan permentasi manang ragi (ferment). Otik do ragi manang na
niasoman i alai boi do tuk lao mangasomi itak sahat tolu ampang jala asom
saluhutna na binaen ragi na saotik i. Molo nta lapati boi ma antusan nta
molo niadopan ni Debata ndada quantitas na gabe tolak ukur alai qualitas
do. Otik pe alai molo dengan do kualitas na, ido na tama lao mangokhi
saluhut. Qualitas na nimaksud secara teologis ima haporseaon dohot
parsaoran ni jolma i tu Debata. Artina, metmet pe jolma i sian hadirionna
alai molo mangolu do ibana dibagasan haporseaon dohot parsaoran na tama
dohot Debata, angka jolma sisongoni do justru na marhonaan tu hadenggan
tu saluhutna sian jolma na tardok sanggap jala na mamora i. Tontu diarahon
hita asa manangkasi diri nta be, standar dia do na ta pangke lao mangalapati
ngolu nta on, standar ni Debata do manang standar ni jolma. Molo standar ni
jolma do, ingkon dipungka sian angka na targoar na sanggap, na mora, na
gabe. Alai molo standar ni Debata, justru dipungka sian angka na metmet
asa tu hasurungan. Alani i, molo so dibagasan Tuhani ngoluna, tontu angka
na sanggap dimulanai ingkon marujung tu angka haporsuhon. Alai molo
dibagasan Tuhani hita, molo dimulana metmet hadirion nta alai diujungna
ingkon dibagasan hasangapon.

2.3. Pangajarion Jesus Marhitehite Umpama (34-35)

Ia Jesus pinatorang turpuk on pasahaton angka pangajarion ingkon
marhitehite umpama, artina Jesus ndada tipe jolma situlluk mata ni horbo,
alai ingkon adong dialog. Dipangke Jesus pe umapa dipangajarionNa asa
mura ditangkup jala diingot angka na umbegesa. Umpama tong asa dohot
umbegesa mamingkiri jala pahusorhusor umpama i, siala umpama ingkon
mambahen na umbegesa gabe lam tertarik lao mangantusina. Asing ni i
umpama mambahen pangajarion i dang murahan, tor hatop ni antusan.
Umpama i patuduhon mansai arga jala buni do pangantusion hat ani Debata,
na ingkon diparade jolma i dirina, pingkiranna lao pahusorhusoronsa asa
tarantusi nasida. Umpama i dipangke Jesus asa manutup celah sian angka
pangunjunan ni sibolis marhitehite angka parjahat dihumaliang na naeng
mangalului hasalan, huhut papeolhon pangantusion na sintong sian
pangajarion i.

III. Haonaan Jamita

Hombar tu ondolan jamita nta di minggu on ima marhaporseaon jala
mangodang dibagasan Tuhan i. Turpuk on lao mangarahon hita asa unang
mabiar manang tahuton lao mangkatahon manang mangkatindanghon
hasintongan hata ni Debata siala hametmeton hadirion parngoluanta.
Gariada dihametmeton nta i ma lam nta pasolhot dirinta tu Debata, asa gabe
halongan hita dihumaliang nta. Asing ni i unang layas roha nta tu angka na
metmet, manat hita, ai dipangke Debata do angka na metmet lao patuduhon
hagogoon ni huasoNa. Tontu hametmeton ngolu nta i ingkon nta arahon asa
mangodang ma i dibagasan haporseaonta tu Debata, ai ido dalan asa idaonta
angka na dengan tu joloan ni ari on. Mamungka sadarion unang be hita
umbege hata ni jolma siala na mamora ibana, siala na marpangkat ibana.
Alai nta bege ma hata ni jolma siala sintong ni pangkataionna, nang pe
ibana metmet.

Pdt. Ewen Josua Silitonga

 MINGGU VIII DUNG TRINITATIS
30 JULI 2023
Epistel: 2 Korint 13:5-13

Debata Na MAndongani Jala Na Mangondihon

I. Patujolo
Turpuk jamita on ima surat na paduahon sian Apostel Paulus tu huria
na adong di huta Korint. Laos surat on ma na gabe panimpuli tu huria na
adong di huta Korint. Tangkas do ta antusi ia huta Korint ima huta na
berkembang di jala gabe pusat ekonomi, pendidikan, budaya, politik dohot
angka na asing. Alai laos di huta Korint on do dapoton angka roha nang
pangalaho na maralo tu ulaon lomoniroha ni Tuhan Jesus Kristus.
Dibagasan pergumulon do huria I mangadopi angka ragam ni jolma na
berbeda latar belakang, laos dibagasan pergumulan do nasida mangadopi
angka potensi dohot ragam ni kemampuan, jala dibagasan pergumulan do
huria I mangadopi angka konflik namasa na mandok dirina do na hebat jala
na sintong, salah do naasing, leas marnida naasing jala gabe ginjang rohana,
marlumbalumba laho manggulut angka pangkat. Alanii disurathot Apostel
Paulusma turpuk on tu huria i. di pangujungi surat on ima turpuk sadarion,
ditaringoti Apostel i di angka poda nang si paingot parpudi tu huria I, asa di
haroro ni Apostel Paulus na patoluhon tu huta Korint, unang adong be na
didapot na so marhamubaon dope sian angka ulaon hajahaton. Alai naeng
ma nian dapoton ni Apostel I huria Korint dibagasan ngolu na imbaru,
mangasahon Tuhan Jesus Kristus. Dibagasan turpuk on ditaringoti si Paulus
do molo ro ibana mandapothon huria I, ndang be maralangalang ibana
dirohana (Ay.2), lapatanna, molo dibagasan hajahaton dope nasida pasti ma
muruk, manang tarrimas ibana marguru tu huaso na ni lehon ni Tuhan I, alai
molo dibagasan hamubaon jala manghangoluhon Kristus do dapoton ni si
Paulus huria I, tontu las ma rohana, jala ulaon lasnirohama di harorona
mandapothon huria i. Ai laho paulihon (membangun) do harorona ndanda
laho manegai. Molo pe juppa ni Apostel I nasida dibagasan na so
marhamubaon dope jala gabe posi pe pambaenanna na pasti tujuan
utamanya adalah naeng pauliulihon huria I (Ay. 10).

II. Hatorangan
Di jolo ni turpuk on, sai songon na sangsi dope huria Korint tu
haapostelon ni si Paulus, pola songon na dipangido nasida tu sipaulus sada
bukti parnidaan di nasida paboa tutu Kristus manghatai tu ibana, ala
memang sian pamerengan ni halak Korint sai hena na gale do si Paulus,
gabe songon na so porsea nasida di hagogoon ni Kristus. Jala molo
pangantusian halak Korint, ndang margogo Debata mangalehon gogo tu
nasida, ai mate do ibana di hau silang songon tanda hagaleonna. Jotjot dope
halak Korint marida hagogoon ni Jesus nang si Paulus secara fisik, hape
nang pe mate Kristus alanai hagaleon ni jolma I do, jala na mulak mangolu
do Ibana binahen huaso hagogoonNa. Nang si Paulus I pe tahe margogodo
alan ni Kristus dohot alani haporseaon ni huria I tu Jesus Kristus (ay.1-4).
Di tahi ni Apostel Paulus di nanaeng ro mandapothon Huria Korint na
patoluhon, naeng ma niang unang be adong halak na porsea di Tuhan Jesus
alai parulaonna ndang pataridahon paboa siihuthon Jesus ibana. Jala molo
pe dibagasan ragam ni sitaonon nasida din a manghaporseai Tuhan Jesus
Kristu, ingkon adong ma posniroha panghirimon na mangolu pabua Debata
mandongani jala manondihon ngoluna. Dibahen I didok si Palus asa sude
ma huria I mananda hadirionna paboa naung di janghon jala mangolu
dibagasan Kristus. Antong sude ma nasida manguji hadirionna ganup
manang na dibagasan haporseaon do nasida di Tuhan Jesus? Sadar do nasida
paboa naung Jesus Kristus dibagasan nasida, lapatanna disadari nasida do
panobuson ni Tuhan Jesus marhitehite na tarsilang I Ibana?? Manang na
sebatas status do nasida manghaporseai Jesus? Dibahen I dipamanat si
Paulus nasida, jangan hanya mengoreksi orang boleh, tetapi tidak mampu
menilai diri sendiri. Jadi molo ndang hantus manang molo so sadar huria I
paboa naung Jesus Kristus dibagasan nasida, ndang Manahan nasida di
ragam ni sitaonon/ tidak tahan uji (Ay. 5). Di sungkun-sungkun ni Apostel I,
naeng ma nian adong intropeksi/penilaian di huria I marhite na menguji
hadirionna be asa hot di haporseaon na be, ai molo hot do haporseaonna di
Tuhan Jesus na tau do ibana (tahan uji), alai molo so hot be haporseaonna,
holan sebatas status do haporseaonna, na so tau ma ibana (tidak tahan uji).
Nang pe dibagasan sungkungsungkun si Paulus tu huria I alai anggo
ibana marposniroha marpanghirimon tu huria I, na pasti marsihohot do huria
I di haporseaonna di Tuhan Jesus. Laos dibagasan posniroha di si Paulus
tumangianghon huria asa dipaholang dirina sian nasa ulaon na jahat. Jadi
molo pe idaon gale si Paulus alai margogo do ibana marhite huaso ni
tangiang na, jala dibagasan hagaleonna do ibana tumangianghon huria I,
ndanda naeng paburnangburnang hadirionna (menombokan diri), asa idaon
tama di adopan ni huria I, alai memang sian tulus ni roha do ibana
martangiang asa naeng ma nasida mangulahon na denggan jala unang be
mangulahon ulaon na roa (Ay.6-7). Memang godang dope di huria I na so
manahan uju ro pangunjunan, siala sai olo dope nasida mangalo
hasintongan, jala seolaholah songon na margogo nasida molo mangalo
hasintongan. Dibahen ido idaon sai hera na gale idaon secara fisik si Paulus,
ala memang manaon do ibana di hasintongan, ndang margogo ibana
maralohon hasintongan alai terus do ibana berjuang mangulahon
hasintongan. Ido disoarahon di tangiang na asa margogo jala togu rahani
huria I molo pe ragam hasusaan na namangunjuni nasida molo manghophop
hasintongan dibagasan Jesus Kristus (Ay. 8). Marhite on boi do idaon ta, on
ma dalan ni Debata mandongani jala mangondihon huria I, asa tongtong uli
roha, parange nang haporseaon nasida di Tuhan Jesus. Dipangujungi surat ni
Apostel Paulus on dipatuduhon Debata ma pangaramotionNa tu huria I
marhitehite apostelNa si Paulus. Dipabotohon tu nasida dibagasan Tuhan
Jesus do dapotan las niroha, dibahen I las ma roham molo marsitaonon alani
Tuhan Jesus. Dungi didok muse di bagasan Tuhan Jesus do dapoton
kesempurnaa/ hatoguon dibahen I dioloi ma jala unang ditulak molo adong
na mangalehon panoguon dohot apopao dibagasan Tuhan Jesus. Jala
dipabotohon muse dibagasan Tuhan Jesus do dapoton hasadaon ni
pamingkirion sian na marragam, dohot dibagasan Jesus do adong dapoton
dame. Dibahen I dipaboa si Paulus tu huria I asa marlasnoha, olo ma nasida
dipatogu dohot diapoi, sada ma roha nang pingkiran nasida nang pe
berbagai latar belakang ni huria I, diradoti ma dame, marsitabian. Asa molo
diulahon do I sai na donganan ni Debata Ama, Anak nang Tondi Parbadia I
ma nasida.

III. Hahonaanna
1. Jangan penar menilai orang dari luarnya. Godang do jolma boi
menilai, nang marnida hahurangan ni donganna alai jotjot lupa marnida
kelemahan sendiri (Bandingkan Mat. 7:3). Bahkan lebih senang menilai
dan mengkritik kekurangan orang lain, dan tidak terima bila di kritik
atau diingatkan. Nian idaon do Jesus songon na so margogo/marhuaso,
ala ni lea ni na niadopanNa tarlumobi di namate Ibana di hau silang,
alai marhite turpuk on naeng dohononna, molo pe Mate Jesus dibagasan
hagaleon alai margogo situtu do Ibana marhite huasoNa, na hehe jala
mulak mangolu Ibana. Unang ma nian halak Kristen nilai kemasan tung
massai uli alai isi (haporseaon) na ndang hombar tu status siihuthon
Kristus, alani ndang boi menghakimi seseorang, apakah dia seorang
yang menghidupi imannya. Alai marhite turpukon naeng ma nian hita
songon hata ni tuhan ta di Luka 14:11 ai nasa na patimbohon dirina,
 sipaoruon do; jala na paoru dirina, ido sipatimbbon. Namarlapatan
tumagonan do hita lea idaon ni jolma alai arga diadopan ni Debata.
2. Marsihohot di haporseaon paboa naung ditobus Jesus Kristus.
Adong istilah Kristen KTP (Kristen Tanpa Pertobatan), unang be nian
adong pandohan on tu halak Kristen di sude luat, holan status di KTP
(Kartu Tanda penduduk) na do mandok paboa na Kristen ibana, alai
pangalaho nang parulaonna ndang dope songan sada Kristen siihuthon
Kristus Jesus. Godang do jolma tu madinghon status ha Kristennon na
holan humongkop arta, jabata, reputasi, parkarejoan, keuntungan dohot
lan angka na asing. Jala adong dope halak Kristen molo adong
parsahiton manang ragamni parungkilon ndanda hagogoon na sian
Debata dilului jala dipangido, alai hagogoon ni portibi on do dilului
dohot dipanido. Tontu nasa halak Kristen na so marsihohot di
haporseaonna boi dohohon ibana ma Kristen KTP. Ancaman ni si
parjahat terus menggerogoti haporseaon ni angka na porsea, dari segala
cara baenonna do dalan asa unang be marsihohot angka siihuthon
Kristus i. dibahen I ingkon manat ma nian sude halak Kristen di
haporseaonna di Tuhan Jesus, unang marisuang panobuson ni Tuhan
Jesus, dibahen I did ok di hata ni Debata 1 Korint 16:13 “Dungo ma
hamu, marsihot marhaporseaon, tang ma hamu jala margogo”
3. Marragam do cara ni Debata mandongani jala mangondihon
huria na. Molo di turpuk Jamita minggu na tarsurat di 1 Musa 28: 10-
22, cara ni Debata mangaramoti jala mangondihon si Jakob marhite
parnipion. Molo di turpuk jamita on, cara ni Debata mandongani dohot
mangondihon huria I ima marhitehite naposoNa Apostel Paulus, na
paingothon nasida. Lan dope ragam cara ni Debata laho mandongani,
mangaramoti jala mangondihon hita. Ingkon boi do pos roha nang pe
dibagasan ragam ni parungkilon adong haporseaon marhite
parungkilon i, naeng do patuduon ni Debata huasoNa na mandongani
jala mangondihon hita. Dibahen I molo hot hita di haporseaon di
Tuhan ta, jala Manahan di ragam ni parungkilon, manghophop
hasintongan, pasidinghon nasa hajahaton, mangulahon na denggan ,
mangalului huhut mangeahi dame, sai di dongani jala di ramoti Tuhan
Debata do hita. Antong sai didongani asi ni roha ni Tuhan Jesus
Kristus, dohot holong ni roha ni Debata, dohot parsaoran Tondi
Parbadia ma hita saluhutna! Amen.

Pdt. P. Simangunsong, S.Th

 HKI Resort Parsingkaman

MINGGU VIII DUNG TRINITATIS

30 JULI 2023
Evanggelium: 1 Musa 28:10-22

Debata Na MAndongani Jala Na Mangondihon

I. Patujolo
Ndang adong jolma dungkon ni Tuhan Jesus di portibion na
mangolu dibagasan kesempurnaan, nang pe singkop di ibana hamoraon,
hagabeon dohot hasangapon, laos parpangkat na timbo, laos pejabat,
namora, nang na gogo sahali pe, pasti do sude adong hahurangan/
kelemahan, nang hasalaan ganup jolma i. Jala jotjot do nasa jolma na
marhagaleon nang hahuranan tarlumobi ma namangulahon hasalaan gabe sai
songon na dilelelele, ganggu rohana gabe tubu ma di rohana biar, laos
berupaya ibana paholang diri (melarikan diri) asa unang dituntut hasalaan na
i. Tarsongoni do na niadopan ni si Jakob di turpuk ta di minggu on,
diongkuhon jala disadari si Jakob do nasalah ulaon na binahen na
maradophon hahana si Esau, na manjalo pasupasu anak buha baju sian
amana si Isak tagan so mate dope ama na i. Dung ampe pasupasu ni ama na
i tu si Jakob, gabe tubu ma pangiburuon dohot rimas di haha na si Esau laos
tubu tahi ni rohana naeng mamunu anggi na si Jakob. Hape tarbortikma tahi
ni si Esau i tu ina na si Rabekka paboa naeng bunuon ni si Esau angina si
Jakob, marhite i pintor sigap ma ina na i paboahon tu si Jakob asa borhat
lintun (melarikan diri) tu huta ni ibotona/ tulang ni si Jakob ima si Laban tu
huta Padang-Aram (28:1). Nang pe dibagasan biar ni roha si jakob borhat
jala diboto ama na nang ina na do huta halintunan na alai ndang dipaboa
natuatua na i tu si Esau paboa na lintun si Jakob sian bagas nasida. Jala di
pardalanan mandapothon huta ni tulang na i si Jakob nang pe di paborhat
natoras na ibana alai roha biar, marhagaleon, loja, ganggu ndang adong be
hasonangan di ibana, maninggalhon huta na, maninggalhon natoras na laho
mandapothon huta ni tulang na na so hea dope di dalani ibana (hidup dalam
situasi gunda gulana). Sian pardalanan ni si Jakob on idaon ta ma tangkas
pandonganion jala pangondianon ni Jahowa di ibana, laos ido na naeng
idaon ta di turpuk jami ta on, paboa ndang pasombuon ni Debata si Jakob
dibagasan habiaran, kegelisahan, terhempit, cemas, gale, gunda gulana
rohana, alai di patuduhon Debata do diriNa tu si Jakob paboa Debata do na
mandongani jala na mangondihon ibana.
II. Hatorangan
Turpuk jamita on pataridahon paboa manongtong do Debata
marningot angka bangso/huriaNa. Sian mulai panompaon, nungga dibaen
Debata angka padan sahat ro di haroro ni Tuhan Jesus tu Portibion tangtong
dipatuhon padan holongNa, salut na i paboahon na manongtong do Debata
marningot nasa na porsea di Ibana. Jadi sian padan na robi, tu padan na
imbaru sahat ro tu partingkian nuaengan on tongtong do Debata marningot
angka huriaNa. Jala sian na so pamotoan jala panagamon ni angka na
porseai do cara ni Debata mangaramoti dohot mangondihon huriaNa. Laos
ido na masa di si Jakob dung borhat ibana sian Beerseba laho tu Haran
dalanna lintun sian huta na (ay.10), laos marborngin ma ibana di si, ala
kondisi mata ni ari pe nungga mate (ay.11). dina so panghirimon na dohot
dina so panagamanna, dina tarpodom ibana dibagasan kondisi na loja, roha
na mabiar, cemas, gelisa, gunda gulana, marningot namasa di ngoluna gabe
tarpodom, jala di namodom i marnipi ma ibana, jala di nipi nai di ida ibana
sada tangga na timbo, sian tano sahat tolhas tu ujung ni langit, laos diida
ibana angka surusuruan ni Debata marnaek mijur (ay.12). Tangga na ni ida
na i paboa adong ungkap dalan tu surgo sian portibi on, sian tafsiran ni na
deba mandok mangihuthon tu hata ni Debata na tarsurat di Johannes 14:6
“didok Tuhan Jesus: Ahu do dalan i dohot hasintongan dohot hangoluan.
Ndang adong na sahat tu Ama i, ia so marhite sian Ahu” tangga
mandapothon Ama ima Jesus. Surusuruan na marnaek mijur (naik turun),
manggombarhon na mangula do angka surusuruan ni Debata manghobasi tu
angka anak ni Debata di portibi on.
Dibagasan nipi si Jakob diida ibana jongjong Jahowa jala di
patandahon diriNa tu si Jakob (ay.13). Parnidaan ni si Jakob di nipina paboa
na roi ima Debata, Debata ni Ompungna si Abraham, Debata ni ama na si
Isak, laos naeng mandok ahu do Debatam tu si Jakob. Sian turpuk on di
patandahon Debata do hadirion Na paboa marhuaso situtu do Debata sian na
robi sahat tu partingkian on, jala dipatuduhon Debata diriNa tu si Jakob, asa
adong pos ni roha, hatoguan (penghiburan/sumber kekuatan dan
keselamatan) di si Jakob na dibagasan hagangguon ni roha. Sian panandaion
ni Debata tu si Jakob paboa, ditanda Debata do ibana ima pomparan ni si
Abraham dohot si Isak (pomparan na naeng pasupasuon ni Debata sian
mulana), tudutudu ma i, paboa sian najolo ndang hea lupa Jahowa di angka
naung jinou jala pinillitNa sahat tu angka pinomparna. Ndada holan
panandaion diri Debata alai asa pos roha ni si Jakob ala di bagasan nipi na i
di lehon Debata do tu ibana pasupasu ima angka pomparan (keturunan),
tano na pinodoman na i tu sude pomparanna, nang portibi on tarpasupasu ala
ni ibana (ay. 13-14), Dibahen Debata do PadanNa ima pandonganion,
pangaramotion dohot pangondianon ni Debata, laos ido gabe ojahan ni
Jamita di minggu on. Dung i dibahen Debata muse padan Na tu si Jakob
ndang pasombuon ni Debata si Jakob nang pomparan na nda jolo pasahaton
na sude angka bagabaga nang padan na pisahatNa tu si jakob (ay.15).
Dung sae Debata pasahat pasupasu dohot padan nang bagabagaNa
dibagasan nipi ni si Jakob, gabe tarsunggul ma ibana. Seolaholah dung
tarsunggul ibana sude angka ganggu ni rohana na parjolo gabe mago so
pamotoan, habiaran na ndang be tu persoalan ni ngoluna na parjolo alai
nungga gabe muba, gabe mabiar ma ibana paboa na songkal (dasyat) situtu
do inagnan na pinodoman na i, didok ibana inganan i gabe bagas ni Debata
jala baba pintu ni langit, ala memang idope parjolo sahali si Jakob
pajuppang dohot Debata ni Ompung na, dohot Debata ni ama na. Dung
tarsunggul si Jakob pittor humalaput do ibana hehe manogot na i patupahon
batu partinandaan (tugu), laos di miakhi batu i asa badia, jala dibahen ma
goar ni inagan i Bet-El (bagas ni Debata/ Rumah Tuhan). Ndang be
dibagasan ganggu niroha si Jakob laho bongot tu huta ni tulang na i, dung di
jalo ibana pasupasu, padan dohot bagabaga na sian Debata (ay. 16-19).
Sasintong na humurang dope pangantusion ni si Jakob taringot tu
pasupasu andorang so dijalo pasupasu ni Tuhan i, seolaholah pasupasu i
holan mamingkiri hamoraon, hagabeon hasangapon di portibion songon
naung jinalona pasupasu sian ama na si Isak, hape sai tong dang jumpang na
hasonangan, nang ketenagan jiwa, nang tondi ndung pe di jalo pasupasu sian
Debata, padan dohot bagabagaNa tu ibana gabe adong ma ketengan jiwa
dohot tondina. Alana pasupasu sian Debata ndada holan manghatahon
hinaringkot ni ngolu di haportibion alai dohot do hinaringkotni partondion.
Dung adong ketenangan ni roha di si Jakob gabe tubu ma bagabaga
nang sangkap nauli, ima manjadihon Debata ni si Abrahan, Isak gabe
Debatana, dung i dipelehon ma dirina bahen panghobasion tu hinaringkot ni
ulaon ni Debata di portibi on, jala di baen sada bagabaga hamauliateon ni
rohana marhite pelean sa parsapulu na tu Debata baen hasangapon di
Debata, paboa dihaporseai rohana do Debata do na mamasumasu ngoluna
(ay. 20-22).

III. Hahonaanna
1. Sai na adong do dalan ni Debata, marningot, mandongani, dohot
mangondihon huriaNa. Setiap jolma pasti ada kekurangan,
 kelemahan nang kesalahan, jala pasti do setiap na mangulahon
hasalaan mabiar, ganggu, jala diupayahon do lintun (melarikan diri)
sian hasalaanna, alai ta ingot ma pambaenan ni Debata songon tu si
jakob, dibagasan hagaleon, ganggu ni rohana ro do Debata mangalehon
gogo tu ibana din a so pamotoan jala panagaman na. Nang pe di hita
ingkon adong do pos ni roha paboa na adong do Debata mandongani
jala mangondihon hita di sude angka habiaran ni roha ta, memang
ndang ta antusi manang sadihari tingkina, manang di dia inganan na,
alani i pos ma roha ta adong do Ama ta Tuhan Jesus inganan
pangalualauan ta di ganup angka ragam ni parungkilon ta.

2. Tarjou do hita gabe siihuthon Jesus na mamorsan silang i. Ragam

ni parungkilon dohot sitaonon marganti soring manahopi ngolu on,
dibahen i songon Kristen na pinillit jala jinou ni Tuhan ta hita ingkon
antus hita mangalapi makna mangihuthon Jesus, ima na ingkon
mangihuthon dohot manghangoluhon ngolu dibagasan holong.
Manghaholongi Debata, manghaholongi dongan jolma, dohot
manghaholongi musu. Namangihut nasa siihuthon Jesus ingkon
mamorsan silang, lapatan na siap mangadopi segala persoalan molo
tung pe mansai dokdok sitaonon i, alai dibagasan Kristus na boi do
adopan dohot boluson ta i saluhut na, songon si Jakob nang pe batu di
parbantal alai empuk/lambok do di hilala molo dung pajumpang dohot
Tuhan i. Na gabe sungkunsungkun di hita di partingkian on, boa ta
hangoluhon dope panjouon ni Tuhan ta ?, manang na marbalik do hita
sian Tuhan ta, ta pangke bantal na empuk/lambok alai sai hera
namamodomi batu dope hita. Alani i dibagasan Jesus adong do
hagogoon, pangapulon, hahisaron, lasniroha dohot angka na asing. Hot
ma hita manghaporseai Tuhan ta Jesus kristus i.

3. Manongtong do Debata mangaramoti, mandongani, jala

mangondihon huriaNa. Pasupasu, padan nang bagabaga ni Debata
pasti do terjadi dibagasan angka na manghaporseai Ibana. Songon si
Jakob pomparan ni si Abraham, si Isak nang hita pe, hot do pasupasu,
padan, nang bagabagaNa. Nang pe nian dibagasan hasalaan do si Jakob
na merebut pasupasu sian amana, na seharusna ingkon tu haha na si
Esau, alai ringkot botoon ta dibagasan ni situasi i, dipaloas Debata do
masa i ala sian si Jakob do angka pomparan na tarpasupasu gabe
huriaNa. Dibahen i ndang paloason ni Debata na tarpillit jala na tarjou
mangadopi parungkilon sahalaksa, alai manongtong do Debata
 mandongani jala mangondihon huriaNa. Antong ta baen ma Jahowa
dibagasan Tuhan Jesus gabe Tuhan asa sahat hita tu Ama i, jala
dapotan tumpal hangoluan hita. Debata do na mandongani jala
namangondihon jolma na manghaposi Ibana asa adong pos ni roha,
hatoguan (penghiburan/sumber kekuatan dan keselamatan) di ngoluna.
Songon sada na porsea hita paboa naung di tobus Jesus hita sian nasa
dosa, gabe sada kebanggaan do di hita paboa sai manongtong do
Debata mandongani jala mangondihon hita. Antong ta jaga, ta
jamothon ma haluaon na pinasahatNa i. Jala hotma pos niroha di hita
na pasti Debata mangaramoti, mamasumasu, mandongani jala
mangondihon hita, unang be adong na sangsi di kehadiran pasupasu ni
Debata.

4. Ngolu na lam dumenggan diadopan ni Tuhan. Adong do jolma na

lupa di pambahenan ni Debata di tonga ngoluna uju malua ibana sian
ragam ni parungkilon songon mara, parsahiton, bangkrut, turun
jabatan, dohot angka lan na asing. Jotjotan dope jolma i ro tu Debata
uju mangadopi parsitaonon, alai dung malua sian sitaonon na i, lupa do
ibana tu Debata. Intap ni on marhite turpu on, dipangido do tu hita,
molo dung ta jalo pasupasu na sian Debata marhite na mandongani jala
namangondihon nasa ngolu ta nang ulaon ta, ingkon mangolu ma hita
dibabagasan ngolu na lam dumenggan di adopan ni Debata, marningot
sude pambaenanNa na tu hita. Godang nuaeng cara ta patupahon na
dumenggan di adopan ni Tuhan ta marhite na mamelehon diri
mangulahon angka ulaon na ringkot di keluarga, parsahutaon, punguan
marga tarlumobi ma ulaon di huria i songon gabe sada parhalado, ruas
na ringgas marminggu, ruas na aktif mangihuthon ulaon huria,
mangalehon gogo nang roha di pembangunan huria, pasahathon pelean
sian parbue na niula paboa na porsea hita Debata do mangaramoti
dohot mamasumasu nasa ulaon ta. Songon si Jakob dung juppa ibana
dohot Tuhan i marhite parnipion lam tarida do perubahan ngoluna, di
hangoluhon do ngolu na lam dumenggan diadopan ni Debata. Ngolu na
lam dumenggan diadopan ni Debata, tarida doi sian ulaon na niulana di
ngoluna, apakah angka ulaon na denggan diulahon asa idaon tama do,
manang asa adong do maksud dibalik ulaon nai? Ala ni i tarida do
ngolu na dumenggan diadopan ni Debata molo mangulahon dibagasan
tulus ni roha. Amen
 Pdt. P. Simangunsong, S.Th
Pendeta HKI Resort Parsingkaman
MINGGU IX DUNG TRINITATIS
06 AGUSTUS 2023
Epistel: Parjamita 3:11-15

Silehonlehon Ni Debata do Sipanganon Dohot Siinumon

I. Patujolo
Ia buku parjamita on ima nanigurithon ni anak ni si Daud, si Salomo
raja di Jerusalem. Buku parjamita on marharoroan sian terjemahan sian hata
ibrani “qohelet” laptanna “halak na manjou tu bagasan luhutan, asa dipatupa
pangajaran”. Godang do isi ni pangajarionna marharoroan sian pengalaman
ni ngoluna ndang sian isi ni patik dohot isi ni pangajarion ni angka
panurirang. Alani do godang do manulingkiti isi manaringoti
parbinotoan/habisuhon dohot hamoraon. Jala digurithon buku on hirahira
antara taon 400 sahat tu taon 200 SM. Di bagasan buku on tung mansai
andul do perbedaan ni Jahowa Debata dohot jolma. Tarida disi kebebasan ni
Debata dohot angka rahasia ni angka dalanNa, na so talup boi sinulingkitan
ni jolma. Boi taida sian bindu 6:12, didok disi: “Tung ise umbotosa manang
aha na denggan di jolma i bahen hangoluanna saleleng di ariari ni ngoluna,
angka na laho salpu songon halinu? Ise tahe tarbahen pabotohon tu jolma i
manang aha na masa di hasiangan on ia dung salpu ibana. Marhite sian
pandohan on tubu ma pangarimpunanna: Ndang adong na hot tongtong, na
laho salpu do sudena, songon alogo sambing do luhutna.
Marhite ojahan ni minggutta sadarion: “silehonlehon ni Debata do
sipanganon dohot siinumon”. Boi taida i sian sejarah panompaon i, dung
jolo ditompa Debata do angka na ringkot di jolma i baru pe asa ditompa
jolma i muse. Ima holong ni Debata na marpanarihon ngolu ni jolma i. Alani
tung pe diloas Debata jolma i marhangalutan laho mangula ulaonna asa
dapot sipanganon dohot siihumonna, ingkon ingot do hita jala tahaporseai
ianggo hajajadina saguru di Debata do luhutna.

II. Hatorangan ni Turpuk

Alai anggo di Ibana denggan do saluhutna i dibahen di tingki
halehetanna; ditompahon do huhut roha hangoluan salelenglelengna tu
bagasan rohanasida, holan na so dapot jolma i sulingkitonna jadijadian na
jinadihon ni Debata sian mulamula sahat ro di ujung (ayat 11). Hata
“denggan Bahasa ibrani tob” molo taida do di kisah sejarah panompaon i
tung mansai jotjot do didok “nunga denggan diida Debata”. Sian on boi
taida paboa dung ditompa do angka natinompana i sude asa didok nunga
denggan sasude manang dung dipasupasu do angka jolma i asa denggan
sasude. Berarti sude na dipatupa manang naditompa di jolma ingkon
jaloonna do sian unduk ni roha ala nunga dibahen jala dipasupasu Debata
angka na di jolma i di bagasan hadengganon. Hape nian di terjemahan
Alkitab didok do “Indah Bahasa ibrani yafe” ima sada istilah estetis.
Marhite sian hata on boi ma dohononta dipauli Debata do portibion manang
Allah memperindah dunia ini. Lapatanna dipatupa Debata do luhutna angka
i na masa di tingki halehetanna uli jala bagak. Di bagasan udut ni ayat on,
aha do huroha natinompa manang nanipauli Debata di bagasan hadirion ni
jolma i? Natinompa manang nanipauli ni Debata di bagasan hadirion ni
jolma i ima roha hangoluan. Ditompa roha hangoluoan i asa adong do
pangkeonna laho paturehon dohot paulihon angka na tinompa i asa lam
denggan jala uli. Nang pe ditompa Debata roha hangoluan di bagasan
hadirion ni jolma i ndang boi talup laho manulingkiti ulaon rahasia
panompaon ni Debata sian mula sahat ro di ujungna. On ma keterbatasan ni
hadirion ni jolma i martimbangkon hadirion ni Debata. Antong aha ulaon ni
roha hangoluan naung tinompa i? Ulaonna ima paulihon angka natinompa i
asa lam uli jala marhangoluan singkop partibi on hombar tu na sinangkapan
ni Jahowa Debata.
Di bagasan pangajarionna, Parjamita on mandok ndang adong na
dumenggan di jolma i, ia so marlas ni roha dohot mambahen na denggan
saleleng di ngoluna (ayat 12). Sian pandohan on sai hira na muncul do sikap
hedonisme ima sikap yang mementingkan kenikmatan hidup di atas segala-
galanya dohot mangulahon ulaon na denggan hombar tu hata ni Debata.
Marlas ni roha ala na dipasupasu Jahowa Debata, jala marhite las ni roha i
dapat ma marpangulahon na denggan. Molo taulahon pe na denggan ingkon
sian las ni rohama. Alai laho mangalusi sikap na songon on boi do jolo
tapamanat pandohan ni ayat 13 na mandok: “Angkup ni tahe manang ise
jolma na mangan manang na minum dohot marnida na denggan marhite sian
ulaonna, silehonlehon ni Debata do nang i”. Didok didok angka jolma naung
marsipanganon dohot naung marsiinumon nang naung marnida na denggan
sian ulaonna, silehonlehon ni Debata do. Alani on do pengakuan ni
parjamita, molo pe marlas ni roha jolma i di ngoluna, naung jumolo
marhangaluton do ibana mangalului i sian ulaonna termasuk ma i manjalo
pasupasu siganup ari sipanganon dohot siinumon. Diuduti ma ma muse,
ndada holan marlas ni roha jolma i manganhon dohot minumhon
silehonlehon ni Debata, alai dohot do tahe jolma i maslas ni roha marnida na
denggan marhite sian ulaonna. Sialani, unang ma molo nunga boi marnida
na denggan siala ulaonna gabe patubu ginjang ni roha jolma i, alai lam
patoruk roha ma di adopan ni Debata. Ai ulaon ni Debata do na mangalehon
i, dilehon do las ni roha, dilehon do sipanganon dohot siinumon, dilehon do
nang tingki parsatongkinan na arga i sipangkeonta laho mangula ulaonta..
Haporseaon ni parjamita taringot luhut nabinahen ni Debata ingkon
hot do i ro di salelenglelengna, ndang adong naboi manambai tusi, manang
mangorui sian i (ayat 14). Molo tung pe martiti be do luhutna na di
hasiangan on boi ulahonon ni jolma: na tubu dohot na mate; na manuan
dohot namangurati na sinuan; na mambugangi dohot na pamalumhon; na
mangalohai dohot na pamalumhon; na tangis dohot na mengkel; na
mangandungi dohot na manontor; na mambolongkon batu dohot na
papunguhon batu; na masiummaan dohot na mandao sian na masiummaan;
na mangalului dohot na mangago; na mangaramoti dohot na
mambolongkon; na mangaribahi dohot na manjarumi; na mauhon boti dohot
na marhatai; na manghaholongi dohot na mardemak alai ndang boi bahenon
ni jolma i manambai dohot mangorui angka na binahen ni Debata. On ma
hahomion na mamolin dohot harimpason pambahenan ni Debata. Lomo
manang na so lomo pe roha ni jolma i, olo manang ndang olo pe jolma i
songon i ma sasintongna hahomion ni Debata. Dipatupa Debata pe songon i
asa marhabiaron do jolma i mida Debata. Sebutan marhabiaron tu Debata
dipatudos do i tu hata “hormat kepada Tuhan”, “segan manang berhati-hati
kepada Tuhan”. Alani sude nabinahen ni Debata di bagasan portibi on
ingkon marbiar do do hita mida Debata.
Diuduti Parjamita on ma muse marpandohan, “manang aha na masa
nuaeng, naung dung masa do, jala manang aha na masa sogot pe, nunga
dung masa do i di na robi; ai diulahi Debata do mangalului naung dung
salpu i” patuduhon nadiulahi Debata do patupahon angka naung masa i
masa muse di bagasan hasiangan on jala marhite sian pandohan i mustahil
do adong na imbaru muse. Pandohan hata “naung dung masa” marharoroan
ma i sian hata nirdaf adalah niphal dari radaf marlapatan “mengikuti
(dalam arti positif), manang “mengejar” (dalam arti negatif). Jadi boi do
ditujuhon hata nirdaf on tu halak na tertindas. Jadi marhite sian
pangalapation i boi ma berengonta, sai diulahon Debata do mangalului
angka na tertindas di halak Israel.

III. Hahonaan
 Sai adong do na mengalami kebingungan taringot tu ngolu on,
bahkan gabe pesimis mandalani ariari ni ngolu on. Alani aha? Buku
Parjamita on manggurithon “Tung na laho salpu do luhutna”, “alogo
sambing do tutu luhutna”. Molo songon i do, angka na taulahon i
marlapatan do i? Alusna marlapatan. Ndang adong na dumenggan lapatan di
hita jolma on, ia so marlas ni roha dohot na mambahen na denggan saleleng
di ngoluna. Ndang na marlapatan marlas ni roha huhut mambahen na
denggan so padohot mula ulaon. Marlas ni roha jala mambahen na denggan
gabe bagian na mararga di hita di tingki mangula ulaonta hita. Sian ulaonta
na mararga i dapotan sipanganon dohot siinumon hita napinasupasu ni
Debata. Ai sudena sipanganon dohot siinumon na adong di hita silehonlehon
ni Debata do i. Memang Molo tapingkiri do sude ulaonta i gabe alogo
sambing do luhutna, olo ma hita pesimis na mempengaruhi caratta mangula
ulaon i. Marhite sian sikapta na optimis jala positif, mangurupi do i laho
menikmati ngoluon marhite sian hasil na taula. Alani tung songon dia pe
borat ni parungkilonta tingki on, molo taulahon jala tanikmati do i, di tingki
helehetanna denggan do i sude patupaon ni Debata. Ala tahaporseai do, na
rap dohot Tuhan i do hita mangula ulaonta jala diatur Debata tingki na lehet
mangusehon pasupasuNa tu hita. Alani tabangun ma pikiran positif, asa
unang berakhir ngolunta on siasia. Molo tung adong pe sian hita na tertindas
alani ketidakadilan, gabe ndang adong boi marsipanganon dohot
marsiinumon, ingkon pos do rohanta sai diulahi Debata mangalului halak na
songoni asa paluaonna jala pasupasuonna. Pos ma roham “semuanya indah
pada waktunya”. Amen

Pdt. Andar Lubis, S.Th.

 MINGGU IX DUNG TRINITATIS
06 AGUSTUS 2023
Evangelium: Mateus 14:13-21

Silehonlehon Ni Debata do Sipanganon Dohot Siinumon

I. Patujolo
Evangelium Mateus ima buku na parjolo di Padan na Imbaru na
marisihon barita na uli nanisurathon ni si Mateus sahalak petugas pajak
(sijalo beo) na gabe sisean ni Tuhan Jesus. Sian buku on boi dapot hita
taringot tu tarombo nang partuturon ni ni Tuhan Jesus (bindu 1). Panuraton
ni buku Evangelium ni si Mateus on martujuan patoguhon haporseaon ni
halak na porsea jala paboahon naung singkop ma saluhut panurirangon ni
angka panurirang di Padan na Robi songon dalan padengganhon parsaoran
ni saluhut jolma tu Debata Ama. Buku Mateus on ndada holan naeng
paboahon barita pangulahon ni Jesus Kristus di portibi on, alai lobi sian i
adong do naniigilna ima asa saluhut panjaha mangihuthon jala pasauthon
saluhut pangajarion na pinasahat ni Jesus Kristus tu angka sisean dohot tu
angka natorop.
Marragam do cara na pinangke ni Jesus Kristus pararathon barita
taringot tu harajaon ni Debata. Adong do i marhite pangajarion na mura
antusan sian dalan parumpamaon, adong do marhite na patupa tanda
halongangan. Jala di bagasan turpuk on, Jesus Kristus pararathon harajaon
ni Debata marhite napatupa tanda halongangan. Nian Barita taringot tu
Halongangan ditamuei Tuhan Jesus lima ribu halak marhite lima roti dohot
dua dengke tarsurat do i di na opat injil (Mateus 14:13-21; Markus 6:31-44;
Lukas 9:12-17; Johannes 6:1-14). Sian na opat injil i paboahon tu hita
ianggo sipanganon dohot siinumon ima kebutuhan primer (pokok) do on di
hajolmaon na ingkon sipenuhan. Alai ingkon ingot do hita kebutuhan
sipanganon dohot siinumon on marharoroan do i sian Tuhan Debata, nang
pe ingkon pangkeon ni jolma gogona laho mangula ulaonna (Pat. II
Timoteus 2:10). Molo taida do sian situasi dohot kondisina, tung godang do
tutu angka jolma na mangihuthon Jesus asa dapotan sipanganon dohot
siinumon pardagingon, ndada asa dapotan sipanganon partondion marhite
hasintongan hata ni Debata. Molo songon i do pangidoanta sian Tuhan
Jesus, olo do mandao Tuhan i sian hita ai ndada di pasupasu sipanganon
dohot siinumon pardagingon hajaraon ni Debata di hata ni Debata. I do
umbahen na didok Tuhan Jesus di Mateus 6:33, “sai jumolo ma lului hamu
harajaon ni Debata dohot hatigoran, dungi tambahononna do sude angka
ondeng tu hamudo”. Alai jotjot do timbul sungkunsungkun: Molo di tingki
so adong do sipanganon pardagingon taihuthon Tuhan Jesus? Jala molo di
tingki adong do sipanganon pardagingon taihuthon Tuhan Jesus? Tontu di
dua situasi i ingkon tongtong do ihuthononta Tuhan Jesus, manang aha pe
na masa. Ai saluhut jolma do dipasupasu Tuhan Debata. Boi taida di
bagasan turpuk on, Ai dungkonsa diida Tuhan Jesus angka natorop na ro
mandapothon Ibana nunga male, sian asi ni rohaNa dipatupa Ibana do
halongangan bolon, boi mangan pola sahat tu na lima ribu halak holan
marhite lima roti dohot dua dengke.

II. Hatorangan ni Turpuk

Laho pamurahon hita mangantusi turpukon boi ma idaonta sian
andorang so turpuk on. Dung dibege Jesus naung dipisikhon parangan ni si
Herodes ulu ni si Johannes pandidi jala diboan tu boru ni si Herodias di atas
pinggan borhat ma Jesus marparau tu sada luat na lungun asa punjung
sasadasa. Boasa mamunjung sasadasa? Di bagasan turpuk on dang apala
didok sialana, alai boi ma dohonon Jesus lao tusi ala na marsak do rohaNa
ala nunga dipamate parangan ni si Herodes si Johannes Pandidi Sitotas
dalan i jala naeng mangulon ibana satongkin sian ulaon pararathon barita
harajaon ni Debata. Boasa pola dipamate si Johannes Pandidi? Boi ma
dohonon sada sialana alani huaso hagogoon napinatupa ni Jesus tu angka
natorop. Molo taida marhite sian ayat sebelumna ayat 1-2 bindu 14 on ala
naung dibege raja Herodes do sar barita ni Jesus naung patupa ulaon
hagogoon. Didok si Herodes ma tu angka naposona: Ibana do si Johannes
pandidi; naung hehe do i sian angka naung mate, umbahen na tapartupasa
angka ulaon hagogoon. Dirimpu raja Herodes do napatupa huaso hagogoon i
si Johannes pandidi, hape Tuhan Jesus do napatupa hagogoon i.
Napaduahon siala ima ala dipodai si Johannes pandidi do raja Herodes, na
solo roha ni raja Herodes marnida boru ni si Herodias dongan saripe ni
anggina si Pilippus na pola maruari ibana, marbagabagahon mangalehon
manang dia pe sipangidoonna, ujungna dilehon raja Herodes ma ulu ni si
Johannes pandidi di atas pinggan tu si Herodias.
Alai nang pe mamunjung Jesus sasadasa tu luat na lungun sai tangi
jala sai manigor ditopot angka natorop i do Jesus tu inganan i laho mangido
asi ni rohaNa. Pandohan “asi ma rohana” patuduhon paboa Tuhan Jesus
tongtong do patuduhon asi ni rohana tu ganup jolma. Daong olo Tuhan
Jesus mangida halak na marsahit, halak na male halak na mauas, na loja jala
na sorat so dihaholingi. Ai didok Tuhan Jesus do di Mateus 11:28, “Ro ma
hamu tu Ahu, hamu angka na loja jala na sorat, asa hupasonang hamu”.
Jala diida Tuhan Jesus do sihol nang holong ni roha ni natorop na mansai
godang i na ro mandapothon Ibana. Angka na marsahit, marhite sian asi ni
rohaNa dipamalum do. Alani halak na sai ro mandapothon Tuhan Jesus jala
nauasan di hamamalum ni parsahiton jumpangsa do parsaulian sian Tuhan
Jesus. Di inganan halongonan na so adong boi luluan sipanganon dohot di
tingki naeng bot na ma ari na nunga tung maol muse mangalului
sipanganon, marasi ni roha do angka sisean i tu angka natorop i asa boi nian
angka natorop i marsipanganon. Didok sisean i ma tu Jesus asa dipamuli
angka natorop i asa laho nasida tu angka huta manuhor sipanganon. Pola
pikir ni angka sisean i molo pe ro nasida mangihuthon Tuhan Jesus nunga
adong be persiapan hepeng sipangkeon ni natorop i manuhor sipanganon
jala adong do di sude angka luat stock sipanganon di angka partigatiga. Alai
andul do ianggo alus ni Jesus tu sisean i, “ndang pola laho nasida, lehon
hamu ma nasida mangan!”. Alus ni angka sisean i tu Jesus ima holan lima
roti dohot dua dengke sambing do hupeop hami dison. Molo taida do sian
godang ni roti i dohot dengke i ba holan sipanganon botari do i di sisean i
dohot Tuhan Jesus, ianggo dohot do angka natorop i manganton i hurang do
i. Songon i ma pamikiron hajolmaon ni angka sisean i. Hape didok Jesus do
asa boanonna jala lehononna na lima roti dohot dua dengke i tu Ibana.
Marhite haunduhon ni sisean i mangalehon i dohot haunduhon ni natorop i
hundul di duhutduhut, ternyata asi ni roha ni Tuhan Jesus tu angka natorop i
marparbue na godang do. Ditiop Tuhan Jesus ma na lima roti dohot dua
dengke i, manaili ma Ibana tu ginjang laho mamasumasu. (Pambahenan ni
Tuhan Jesus on tudos do songon nabinahen ni angka ama ni halak Jahudi di
angka jabuna molo naeng mangan, marhite hata pandohan: pinuji ma
Debata, Jahowa Debata Amanami, Raja ni portibi on, na manubuhon angka
sipanganon sian tano). Marhite sian pamujion nang tangiang ni Tuhan Jesus
i terjadi ma pelipatgandaan ni roti i gabe godang. Dungi dibagi ma roti i,
diparlehon ma tu angka siseanna asa di nasida mangalehon tu natorop i. Di
pingkiran ni angka sisean i na so memungkinkan boi mangalehon mangan
angka natorop i, tusi do jumolo dipataridahon Tuhan Jesus tanda
halongangan i laos marhite nasida do disuru Tuhan Jesus laho mambagihon
angka sipanganon i tu angka natorop i. Na so mungkin di jolma alai
mungkin do i anggo di Tuhan Jesus. Mangan do luhutna natorop i jala pola
sahat tu nabosuran bahkan adong dope ebaeba na lobi pola sahat tu
sampuludua ampang (angka “dua belas” mempunyai makna simbolis dan
menunjuk kepada kelimpahan yang lengkap, bnd.uga Flp. 4:19). Tindakan
papunguhon angka ebaeba i ima tindakan na so diulahon nasida sikap acuh
tak acuh, alana molo adong do sikap acuh tak acuh tu ebaeba ni sipanganon
di hajolmaon boi do i mambahen gabe marpogos. Sian bilangan ni
sipanganon ni angka sisean dohot Jesus boi mangan lima ribu halak baoa so
dohot dope dietong parompuan dohot angka dakdanak.
III. Hahonaan
Marhite sian turpuk on boi ma idaonta hahonaanna ima parjolo:
ianggo sipanganon dohot siinumon marharoroan sian Debata Jahowa do i.
Di ayat 16 didok paboa ingkon lehonon ni angka sisean i do sipanganon ni
natorop i. Memang parsuruon ni Tuhan Jesus on sada hal na aneh do on di
pingkiran ni angka sisean i, ai so adong be sipanganon siluluon di
halongonan dohot jala mareak boat ari nama. Sian parsuruon ni Tuhan Jesus
on disuru do angka sisean i patupa pelayanan sosial tu angka natorop i ima
na paradehon sipanganon di nasida. Boha do bahenon nasida patupa
pelayanan tu natorop i? Dipatupa nasida pelayanan i holan marhite na
mangalehon (mau berbagi) nasa adong di nasida ima lima roti dohot dua
dengke jala marhite na marhaunduhon nasida mangulahon parsuruon ni
Tuhan Jesus i.
Marhite sian ulaon pelayanan ni angka sisean on taida ma mutihana
na parjolo ima na olo do nasida berbagi. Molo olo hita berbagi, dang
hurangan manang habis sian hita bahenon ni Debata. Justru molo olo hita
berbagi, lam berkelimpahan do hita. Ndang soal molo naeng godang dapot
hita ba godang ma talehon, alai molo marbagi hita ingkon sian tulus ni roha
ma nian. Mutiha na paduahon ima huaso ni Kristus Jesus di bagasan
keterbatasan ni jolma. Jotjot do hita putus ala so mampu hita mangulahon
pelayanan lumobi ma mangalehon parbue ni nataula tu dongan na hurangan.
Molo terbatas jala otik do sinadonganna, adong ma na mandok ndang
mampu au mangalehon tu dongan, hape di na otik i do marhuaso Tuhan
Debata manggandahon gabe godang. Nean adong do jolma godang do di
ibana sinadonganna, alai ndang mampu ibana marbagi tu donganna, on ma
nanidokna siholit mangging. Alai taida ma sian turpuk on nang pe sian lima
roti dohot dua dengke dipasupasu Tuhan Debata gabe bosuran angka
natorop. On ma nian daya dorong semangat di hita mangulahon pelayanan
sosialta tu dongan na hurangan, berbagi karena peduli. Nang pe otik alai
godang panghorhonna bahenon ni Debata asal ma olo hita mangalehon sian
tulus ni rohanta. Unang ma na otik i tetap gabe otik, alai sian na otik i gabe
godang ma i bahenon ni Debata. Alani tahaporseai ma sian Tuhan Debata do
sipanganon dohot siinumon, ulahon ma ulaon pelayanan tu angka na
hurangan, pasupasuon ni Debata ma hita. Amen

Pdt. Andar Lubis, S.Th.

MINGGU X DUNG TRINITATIS
13 AGUSTUS 2023
Epistel: Mateus 8 : 5-13

Gabe Pasupasu Di Bagasan Tuhan

Molo taendehon jala talapati BE. 761 i apalagi di refren i mandok :

Di na mamolus sandok ngolu on, gok do na marsak gale. Boan sinondang tu
na holom i, asa margogo muse.
Bahen ma ahu parhiteanMu, pasupasuM mabaor ma i. Ale Tuhan hu patupa
ma au, baen pasupasu tu dongan sude. Pandohan na mansai marimpola
“Bahen ma ahu parhiteanMu, pasupasuM. Dang sude boi dapotan silua gabe
pasupasu tu dongan jala na maol do i.
Diajari turpuk on do hita manguhal sada unok sian buku evangelium
Mateus on taringot tu Jesus songon Raja Ibana jala mamboan harajaon
banua ginjangtu portibion. Naeng boanonna ma harajaon banua ginjang
marhuaso di harajaon portibi laos ganup pangisi ni harajaon i baenonna gabe
harajaon Banua ginjang. Laos Ibana sandiri do na gabe Raja disi si
ongkuhonon ni saluhut angka raja nang saluhut na ginonggomanna.
BoanonNa ma haluaon dung jolo mansohot baenonna angka aturan sitiruon
marhite holong na balga i, asa tangkas ganup pangisi ni harajaon i mananda
Ibana. Ro do Ibana patupahon halongangan bolon, termasuk pamalum angka
na marsahit.
Godang do pihak pihak na so tuk manjangkon harororo ni Jesu di
portibion. Na deba, naeng mangihuthon Jesus holan sekedar mamereng na
masa. Adong mai naeng malum jala mambege barita taringot ise do Jesus na
ro i alai dang olo manjonok tu Jesus. Alai apala na tumangkas diturpuk on
adong dua horong dipatorang ima: Na parjolo, Horong ni halak Jahudi
dohot Farise na paihutihut Jesus alai mangolu dibagasan pangiburuon. Dang
tarjalo ni horong on Jesus jala dang lomo rohana molo ingkon bongot Jesus
mamboan barita haluaon i. Paduahon, ima Induk ni soldadu na sangat
peduli tu angka naposona. Topet hatiha i posa sahit ni naposona. Dung
dibege Ibana na ro Jesus tu tu huta i, intor sigop do dilului ibana
mangelekelek anggiat olo Jesus pamalumhon naposona i.
I. Sahalak Induk ni Soldadu (perwira, Pejabat Tinggi) na sangat
marroha tu naposona.
Sai adong dope jumpang halak si songon on dipudian ni ari on. Sahalak
Perwira tinggi na so mangasanghon huasona dohot gogona marnaposo.
Nang so sadia be jumpang, molo taida angka na baru viral, adong angka
perwira tinggi ditembak mate, pembunuhan berencana tu naposona dalan
manutupi dosa dohot pangalaosionna. Sikap kepedulian ni induk ni soldadu
on nunga apala tangkas andorang so marsahit naposona i jala andorang so
sahat dope Jesus tu huta i. Tarbege do barita na olo ibana manghaholong
bangso i mamboan tu hamonangon, dame sude pangisi ni luat i termasuk
mangurupi ditanggung ibana pajongjonghon Pembangunan bagas joro
(Lukas 7:5). Dang sian ibana ruar barita i, alai tung sian pamangan ni torop
bangso i do. Boi do idaonta taringot tu kepedulian ni induk ni soldadu on,
ima :
1. Na ro ibana mangelekelek Jesus anggiat olo pamalumhon naposona
(hamba/budak/ajudan).
Induk ni soldadu i mandok: " Ale Tuhan, sai peak do naposongku di
jabungku; na sarion do ibana, mansai bernit diahap” (Tuan, hambaku
terbaring di rumah karena sakit lumpuh dan ia sangat menderita.").
Nunga tung maol luluan kepedulian sisongon. Hebatna, ala di jaman i
sahalak budak/naposo masa kekaisaran Romawi sama sekali tung so
diargai do. Sian on boi tahilala dang dietong ibana naposona i ibarat
songon barang/benda na gabe alat songon na binahen ni na deba.
Memang secara status, tumimbo do ibana dao sian naposona i, alai dison
sangat sangat mararga situtu dibaen. Dietong ibana do naposona sarupa
derajatna songon jolma na mararga jala layak dilindungi. Dang persoalan
ala mantap jala bisuk naposona, alai dianggab layak dilindungi dohot
undangundang rodi hak hidupna.
2. Keteladanan Abadi/Tiruan na denggan-Menghargai sesama dohot
mengormati hak hidup. Dipatupa ibana tiruan na denggan sian roha na
mangolu tu ganup naposona na patut sitiruon ni ganup jolma di portibion
songon dia do sikap maradophon dongan nang naposo. Jotjot do sian
hadirionta nang horong ni halak Kristen hita gabe tabahen do status,
hamoraon, posisi, jabatan, hoaso, mambahen sada penilaian dohot
memperlakukan dongan tumoru bahkan seolaholeh dang jolma
hadirionna. Godang do halak na na naeng patimbohon harkat dohot
martabatna sandiri molo dung marpahean na arga, sillak, molo dung
marmobil fortuner, sian perabot ni jabuna na balga i dohot na asing.
Dang tau ibana mangantusi ia arta na sian portibion parsatongkinan jala
 na lao salpu do i. Laos songon i do nang martabat ni jolma i na boi muba
do jala salpu. Alani i, unang ma maoto hita, laos jolma i pe so
marbajubaju ibana ro tu portibion, so intor marmobil, so intor marjabatan
dohot na asing i. Tiruan na denggan jala na mangolu i do na ummarga,
asa unang ma adong na merasa diri hebat manang terlalu besa gabe
tabahen donganta songon sidegedegean ni pat manang holan alat songon
mesin produksi. Tatiru ma soldadu i na mansai mangargahon ngolu dohot
hamalumon ni naposona i.
3. Berjuang asa rap marhangoluan jala malum. Sahalak perwira tinggi
diparhadaphon dohot naposo na sedang marsahit. Pandang na parjolo di
hita, ima hatiha molo dung marsahit naposo i otomatis dipandang gale,
dang margogo be. Istilahna tidak produktip lagi. Molo pe marsahit
manang dia ngoluna, torop dope na asing naeng melamar na gabe
singkatna. Manang paling tidak, boasa pola ingkon korbanhononton
modal na arga, mangalului parubatan holan paubathon naposo (hamba),
sai godang karejo. Antar hira songon i ma di godang na masa. Alai Induk
ni soldadu on, praktis sangat berbeda prinsipna. Berjuang do ibana
marhite ragam usaha demi arga ni naposona i. sadar, ingkon taangkui
tung so margogo do sahalak jolma laho menyelesaikan persoalan ni
ngoluna molo holan sian gogona sandiri. Diingot induk ni soldadu on do
hata ni bibelta i na mandok: “Songon on do hata ni Jahowa: Marjea ma
baoa na marhaposan tu jolma, manang tu bolon ni botohonna, gabe
dipasurut rohana sian Jahowa, …. Alai martua ma baoa na marhaposan
tu Jahowa, jala Jahowa haporusanna dibahen. (Yeremia 17:5+7). Porsea
situtu do ibana manang ahape sitaonon ni ngoluna sai na jumpang sa do
jalan keluarna. Intor ingot do ibana di Jesus Kristus Sipalua i na gabe
sasadasa solusi dohot pertolongan, asa ma olo hita ro tu ibana.
4. Tanggungjawab dohot toruk ni roha ni sahalak Pemimpin.
Salah satu hal na mambahen hatop tergerak roha ni Jesus ima rasa
tanggung jawab dohot toruk ni roha ni induk ni soldadu on ma.
Haputusan na na ingkon dapothononna Jesus, so pola maretongetong sian
dia baenon pasiubatni naposona i cukup mambaen madetuk roha ni Jesus.
Ale Tuhan, na hurang tama do ahu, tung degeonmu jabungku; dok ma
hata sisandok, asa hipas naposongki! Ai gari ahu, jolma na nirajaan, na
mangarajai soldadu; molo hudok tu na sada: Tu sadu i ma ho!, laho do
ibana; ia tu na sada: Tu on ma ho!, ba, ro do ibana; jala ia hudok tu
naposongku: On ma bahen!, jadi i do dibahen. (Matius 8:8-9). Na
lomoan roh ni Jesus mida angka jolma na bertanggungjawab bahkan na
toruk roha.
 5. Parhaporseaon na mangolu (balga-Iman yang besar)- Mandodo roha.
Intor didok induk ni soldadu i do mangalusi Jesus: … “dok ma hata
sisandok, asa hipas naposongki!”, laos tarida do sian sikap ni induk ni
soldadu on na so adong sangkap manggurui Jesus manang merasa
ummalo ala boi diparenta ibana angka naposona. Nang pe so sian
pihak ni sisean ibana manang horong ni halak siboto surat manang
Jahudi, ternyata olo do hape ummura porsea sisongon di hata ni Jesus.
Status/jabatan dohot na asing i dang gabe jaminan hataridaon ni balga
manang na mangolu haporseaonna. Sian angka sikap na di ginjang on
ma tarida ternyata buka status manang level mambahen sasahalak i boi
gabe pasupasu tu donganna. Terbukti dang dope disulingkit taringot tu
hadirion ni naposo i diturpuk on, alai na pasti ndang tu dirina induk ni
soldadu i patuduhon haporseaon na mangolu. Dang tu dirina dilului
ibana jumolo hamalumon i. Jadi intina “SAUT MA HITA GABE
PASUPASU TU DONGAN”

II. Pangalaho/Respek sitiruan sian Jesus

Patut do antong balga tantangan ni Jesus sian ragam horong ni halak
Jahudi, Farise bahkan Romawi na selalu bersikap ingin menginterogasi
molo adong hal-hal di luar nalar undang-udang dohot batasbatas hukum na
berlaku di luat i. Gabe torop ma na naeng patangkuphon ibana. Alana molo
pola do saut ojak baenon ni Jesus harajaon banua ginjang di portibion akan
semakin memunculkan ekses perlawanan dohot kegaduhan maon di
kalangan Jahudi-Romawi. Pasti do i. Di roha ni angka raja di portibion molo
soal parubatan dohot hamalumon do adong do rumah sakit rodi angka
dokter spesialis. Molo alani na manangianghon do adong do pengurus
sannhedrin di bagas joro, adong do angka siboto surat dohot angka parhobas
ni huria. Hape terlalu egois do hita memandang haroro ni Jesus dohot versi
harajaon banua ginjang i holan sebatas kesembuhan manang sebatas
beriman. Alai na umbalga porsea tu Jesus, manjanghon Ibana huhut
manjanghon hamalumon na binoanna i do. Na umbalga muse ima masalah
kesembuhan dan pertobatan dunia (Restorasi), termasuk dibagasanna
kesembuhan dunia, yang tidak terukur oleh dunia dan segala parhobasna.
Hamamalum (restorasi) dunia na boi saut holan di diri ni Jesus boi saut. Jala
holan di Jesus do adong haluaon i. Sadar do perwira i dang sian ibana
hamalumon i holan na manghobasi do ibana huhut mempersiaphon haroro
ni haluaon i, mermpertanggungjawabhon asa boanon ganup na marsahit
gabe dapotan hamalumon sian Kristus Jesus. Jala muse dang sian angka raja
ni portibion umbahen na sai gabe pangambati nasida di hamalumon. Ingkon
bukaonna jala dohot do tong nasida bertanggungjawab di haroro ni
hamamalum ni portibion.
Songon sahalak warga Kristen (siihuthon Kristus) hita, nunga songon dia
respekta, alusta, tingka kepuasan ni rohanta angka naung berkesempatan
manjalo asiasi sian Debata? Songon sada warga kerajaan sorga hita aha do
naung tabahen aluasta tu Tuhan i? naung sungkup ninna rohanta ro
marminggu, tapasingkolah gellengta, tapodai angka donganta. Dang dope.
Adong do inti naung mago sian ngolunta, ima Unduk Ni Roha. Coba jo
tabilangbilangi sikapta maradophon Tuhan i naung mangalehon ragam ni
haluaon di hita, sadar do hita na so adong tarbahen hita laho pamalumhon
ngolunta, na so tuk gogonta laho mangondihon ngolunta? Sotung do
dilehon Debata kesempatan tu hita gabe i dalanta marginjang ni roha. Gabe
so taingot tanggungjawabta maradophon portibion songon harajaon ni
Debata, gabe lupa hita marunduk ni roha tu Jesus raja ni Huria, raja ni
Haluaonta i? Hape tabotoma ingkon unduk do hita tu sude hata ni Jesus ulu
ni huria laos Ibana do Raja jala mual ni hangoluan dohot haluaonta, raja ni
saluhut do Ibana, tuan ni saluhut tuan. Memang dang hal na gampang
mangulahon toruk ni roha, alana nunga dilatik portibion hita sedemikian
rupa terkadang harus egois bahkan menjadi tuan di angka ugasanta be,
ujungna dang tau hita gabe ginjang rohanta mago ma toruk ni roha dang
adong be roha saling menghargai, mago ma tanggung jawab. Alani, intina
“SAUT MA HITA GABE PASUPASU TU DONGAN”
Asal unang percaya diri berlebihan, dumenggan ma lam tapangolu
haporseaonta be di Jesus asa lam tuk hita mangantusi huhut pangolu di
bagasan hataNa. Dang pola ganggu rohanta molo tung jumpang angka jolma
na percaya berlebihan alai maol do ro tu Jesus, ai so diulahon hata ni Jesus i.
Dang boi ibana gabe siulahon hata ai dang mian harajaon banua ginjang
ibana. Dang boi ibana dapot gabe pasupasu tu dongan. Dang luluanta asa
gabe sihaporseaan ni jolma hita di portibion. Sungkup ma holan Jesus na
mangalehon kelayakan tu hita masalah haporseaon dohot tanggung jawab.
Alana molo holan sian portibion do dapot hita kepercayaan dang adong
mian disi tanggungjawab dohot toruk ni roha. Haporsean na sejati pasti do i
tarida molo tahangoluhon tiruan ni Jesus i. laos udut ma muse molo olo hita
masiadu songon induk ni soldadu nangkin, na so holan mamingkirhon dirina
sandiri, da so pola berbicara taringot tu status alai bertangggung jawab jala
peduli lingkungan dohot naposona. Botul botul do dihaporseai ibana Jesus,
gabe dipopai Jesus ma ibana huhut dipuji na so dung jumpang di portibion
parrohaon sisongon i: “Gari di halak Israel, ndang jumpang Ahu
haporseaon na songon i!” Mangolu di bagasan Tuhan pasti do melalpaui
saluhut tatanan ni portibion. Apalagi ma jelas parbue ni haporseaon i tu
Jesus. Gabe didok Jesus ma tu ibana : “Torop do na ro sogot sian purba
dohot sian pastima, gabe dongan sapanganan ni si Abraham dohot si Isak
dohot si Jakkob di harajaon banua ginjang i. Alai anggo angka anak ni
Harajaon i hian, sipabalion do i sogot tu na holom marimpotimpot; disi ma
masa angguhangguk dohot na patungoripon. Laos didok Jesus ma mandok
induk ni soldadu i: Laho ma ho, jumpang ho ma hombar tu haporseaonmi!
Jadi hipas ma naposona i di na sangombas i. Dang jaminan ala sian purba
manang sian pastima harorona gabe dohot bongot tu tarajaon banua ginjang.
Gariada uhumanna do sogot angka anak harajaon i tu na holom
marimpotimpot ala dang dilahon parsuruon ni Tuhan i. Na umbalga didok tu
Induk ni soldadu i, “Laho ma ho , jumpang ho ma hombar tu haporseaonmi!
Jadi hipas ma naposona i di na sangombas i”. Parsuruon na umbalga jala
boi dibuktikan bahwa ganup na mangulahon porsea tu Jesus sipalua i gabe
pasupasu ma ibana, malum jala hipas ma naposona i. Sandok intina
“SAUT MA HITA GABE PASUPASU TU DONGAN” Amen

Pdt. saidon Ambarita, STh

Praeses HKI Daerah III Toba Samosir
 MINGGU X DUNG TRINITATIS
13 AGUSTUS 2023
Evangelium : 1 Musa 39 : 1 – 6

Gabe Pasupasu Di Bagasan Tuhan

“Martua ma baoa na mangkabiari Jahowa, na lomo roha situtu di

angka patikna!” (Psalm. 112:1 ). Tua ima pasupasu ni Jahowa tu angka na
tuk gabe haposanna. Marolopolop belum tentu na martua. Ragam do
pasupasu ni Debata tu ganup jolma, hombar tu panjaloonna be. Na porlu
siingotonta, gumodang do pasupasu i na bersifat pasupasu universal,
isarana sondang ni mataniari, alogo dohot na asing i. Laos adong do
pasupasu na bersifat komunal napinasahatna tu sekelompok halak na
mangolu di bagasan dame (Psalm. 133:1-3), ima angka pasupasu na
berhubungan dohot kebutuhan bersifat kelompok ala hinaringkot ni
kelompok i sandiri isarana, kebutuhan budaya, kebutuhan makanan pokok
dohot pendidikan. Sian na dua Jenis pasupasu on tubu ma muse pasupasu na
bersifat personal, songon na tu si Musa, pasupasu personal alai tujuan
bersifat Komunal dohot universal mendunia. Turpuk on paingothon
hubungan dua pamilliton ni Jahowa di dua halak na sangat berhubungan ima
kasus Josep dohot Musa.
Parjolo, Dipillit jala dipabangkit Jahowa si Josep tudos songon si
Musa tarpasupasu laho mamboan bangso Israel ruas sian huta habunganna
sian Misir. Nang pe dang saluhutna nasida bongot tu huta parpadanan i, alai
martua do ibana songon sada dalan ni Debata paluahon Bangso i. Andorang
so i dipatorang do tangkas proses pamilliton i marhite na dituhor si Potipar
naposo ni Firaun do Ibana sian Marga Ismael, diboan ibana mulak tu Misir.
Cerita sejarah mula habuangan ni bangso i dipatorang do tangkas
marharoroan sian pangiburuon ni hahaanggina di si Joseop, gabe didabu
ibana tu sumur. Tung mansai tangkas do pangaramotion ni Jahowa di
naposoNa na daulat roha i. Dang rodi si na denggan roha ni si Josep, sahat
ibana tu Misir di jabu ni si Potipar, andap do pandonganion ni Jahowa di si
Josep, gabe halak na martua ibana di bagas ni halak Misir na so
sahaporseaon dohot ibana. Tuk do dipatuduhon ibana hagogoon ni Jahowa
di ibana gabe pola (i)takjub, las roha ni si Potipar manungkun si Musa
taringot tu Debatana, dung diida rajana i na nidonganan ni Jahowa ibana,
jala ditumpak Jahowa sude mula ni tanganna i. Jadi (ii) lomo ma roha ni
rajana i mida si Josep, (iii) gabe parhaladona ibana; jala dipabangkit ibana
gabe siramoti jabuna, (iv) jala sude na di ibana i, dipasahat do tu tangan ni si
Josep. Jadi olat ni na pinabangkitna i ibana bahen siramoti jabuna, ro di sude
na di ibana i, dipasupasu Jahowa ma bagas ni halak Misir i ala ni si Josep,
manjadi do ditumpak Jahowa sasude na di ibana i, di jabu dohot di balian.
Paduahon, tontu sahali ndada asal dipasahat Jahowa pasupasu i tu
sahalak jolma, sai na adong do alasan dahot dasor na tontu umbahen
dipasahat. Asing ni na tarpillit ibana adong do syarat, terutama masalah
kelayakan jala dilayakkan. Angka dia ma syarat i? (i) Tu angka na biar
mida Jahowa dohot na manghalomohon Patikna (Psalm.113:1) Biar mida
Jahowa ima hubungan holong dohot komunikasi na mansai lohot di angka
na pinargooan ni Jahowa dohot lomo roha di hata ni Jahowa arian nang
borngin. Biar mida Jahowa dohot manghalomohon patikna i do hataridaan
ni halak na gabe haposan ni Jahowa, patuduhon holan Jahowa do guru di
ganup gulmit ni ngoluna. Memang na so mungkin do biar sasahalak i tu
Jahowa molo dang olo manang dang diharinggashon hata ni Jahowa.
Otomatis do i. Jadi dang tarsirang biar mida Jahowa dohot manghalomohon
hataNa. Molo biar do rohanta berarti andul do i sian roha ni halak portibion
na gumodangan umbiar mida portibion, isarani siubeon, dongan jolma
bahkan angka kepentingan ni portibion. Biar mida Jahowa na marlapatan do
i, mamparsangapi (menghormati) Jahowa huhut berkewajiban mangulahon
tonaNa huhut padaohon diri sian laranganNa sian saluhut roha nang
pangalahona. Pangaramotion ni Jahowa do mambahen si Josep gabe halak
na sukses manontong ulaonna, marhasil nang pe mangolu di bagas ni tuanna
di Misir.
(ii) Andorang so tapabagas rohanta na gabe pasupasu si Josep di
bagas ni Potipar, ringkot do botoonta angka dia ma pasupasu ni Jahowa tu
angka na biar mida Jahowa, ima:
1. Sangap ma pinomparna i sogot di tano on, dapotan pasupasu ma sundut ni
angka partigor sogot. Ndada holandi sada generasi antong pasu-pasu on
alai dohot do tu pomparanna marsangap. Dang sai holan disi, ganup na
mian di ibana na mangihuthon ibana (tigor marroha) gabe bangso na
tarpasupasu. Ido bagabaga ni Jahowa na umbalga. Dohot do hahaanggina
manghilala hoaso, hamoraon dohot usaha ni si Josep. Sanga do mabiar
hahaanggina mida si Josep ala ni angka pangalaha, alai dang songon i
roha ni si Josep. Boanonna do bangso i mulak tu tano na binagabagahon
ni Jahowa (tu si Musa). Boi ma tapatudos bagabaga on songon na tu si
 Abraham na mangalehon tano inganan hatuaonna, bagabaga pinompar
jala na tarpasupasu secara pardagingon dohot partondion. Molo biar mida
Jahowa jala dihalomohon hataNa sai na usehonNa ma bagabaga i di
ngolu ni na porsea i rodi pinomparna marsundutsundut, bahkan ro di hita
tu pinomparta marsogot gabe bangso na marhagogoon sian Jahowa. Nda
tung so godang hamaolon diadopi si Josep, Musa nang si Abraham laho
mangulahon tona ni Jahowa. Na pasti, secara kemanusiaan, nunga hasea
gabe jolma na martua si Josep di bagas ni Potipar, ai dipasahat tu ibana
mengawasi, mangatur saluhut bagas rodi pangisi ni tuanna i. Bahkan
pengaturan ekonomi rumah tangga pe dipasahat do tu ibana. Jadi boi
dohonon hira so adong be na hurang. Alai diingot ibana do tujuan utama
pamilliton ni Jahowa di Ibana. Boi jadi do molo pataridahu pe dibaen
ibana persoalan ibadahna tu Jahowa, gabe hona uhum ma ibana maon,
ditembak mate, ai so sahaporseaon ibana dohot si Potipar bahkan tu
Mesir manang Firaun. Na ingot Ibana gumogo do Jahowa sian saluhut
raja ni portibion. Hape ala pangaramotion ni Jahowa i, gabe lomo do roha
ni si Potipar mida si Josep ala ni na nidongan ni Jahowa Ibana. Gabe
lomoma roha ni si Firaun mida Debata ni si Josep.
Marhite turpuk on taboto tangkas uju di Misir si Josep mamboan angka
hahaangina (kelurgana) rodi amana tu Misir na berdampak gabe torop
bangso israel di Misir na tading di Gosyen. Marhite pangaramotion dohot
haradeon ni Jahowa mamasumasu si Musa mambahen marhasil ulaon,
usaha nang mamora iba.
2. Lehonon ni Jahowa hamoraon marlobilobi di bagasan jabuna, jala hot do
hatigoranna i ro di salelenglelengna. Pasupasu on ma na sangat
berhubungan tu pandohan : “Sai jumolo ma lului hamu harajaon ni
Debata dohot hatigoranna, dung i tambahononna do sude angka ondeng
tu hamuna! (Mat 6:33). Ingkon i do hataridaon ni komitmen na sintong.
Hita pe, molo tahilala do pangaramotion ni Jahowa, ingkon boi do
saluhut humaliangta manghilala pangaramotion ni Tuhan i, tu uluanta,
keluarga, natoras nang anakhonta, nang saluhut na mian di humaliangta.
Songon pantas ni roha ni si Josep dohot dihilala si Potipar na lomo roha
mida ibana, gabe lomo rohana mida Jahowa. Coba tajaha detail : Jadi
dung diida rajana i na nidonganan ni Jahowa ibana, jala ditumpak
Jahowa sude mula ni tanganna i. Jadi lomo ma roha ni rajana i mida si
Josep, gabe parhaladona ibana; jala dipabangkit ibana gabe siramoti
jabuna, jala sude na di ibana i, dipasahat do tu tangan ni si Josep ”
(ay.3-4). Mangolu di bagasan pangaramotion ni Tuhan i do mambahen
ganup na na biar mida Jahowa jala manghasiholi hataNa do dapotan
 pangaramotion angka haposanNa. Respon na umbalga tarida sian pihak
ni Potipar mangalehon kepercayaan na luar biasa, ima dilehon haposan tu
ibana, dipanaek pangkatna gabe pemimpin dohot marhuaso na paduahon
di lingkaran huaso ni Potipar (langsung menjadi orang kedua). Dungi
berdampak gabe dipasupasu Jahowa bagas ni halak Misir, huta ni Potipar
i: “Dipasupasu Jahowa ma bangsa ni halak Misir, di ditumpak Jahowa
sasude na di ibana i, di jabu dohot di balian. Diturpuk ditogihon hita
marningot tona na mandok: “Ringkoti hamu huhut hasonangan ni huta
habuanganmuna na hubahen i, jala tangiangkon hamu nasida tu
Jahowa, ai molo marhasonangan huta i, marhasonangan ma dohot
hamu”(Jeremia 29:7). Ibana sandiri pe lam jonok ma hubungan
komunikasina dohot raja i (..maka Yusuf mendapat kasih tuannya, dan ia
boleh melayani dia; kepada Yusuf diberikannya kuasa atas rumahnya dan
segala miliknya diserahkannya pada kekuasaan Yusuf”)
Jadi, dang buni parngoluon ni ganup halak na tinumpakan ni
Jahowa. mangolu jala boi doi hilalaon ni humaliangna. Saluhut na mangolu
di humaliangna manghatindanghon hamoraon, pangaramotion dohot huaso
ni Jahowa, termasuk angka na so tumnda Jahowa hia. Keadaan sisongon boi
tarida sian pola hangoluon na berlandaskan integritas, dohot kwalitas ni
ngolu i. Saluhut do hita manghasiholi sukses ulaonta, gabe jala mamora jala
dang adong na sala disi. Alai na rumingkot marhite hamoraon, marhite
kesuksesan, marhite hagabeonta i naeng ma tong tapataridahon ia saluhutna
i tajalo holan sian Debata do jala ingkon sian pamotoan ni Debata sambing
do i ulahononta. Na boi do hubunganta dohot humaliang, torop ni alealenta,
torop halak ro mangadopi ulaonta, mura dapot hita angka pangidoanta, alani
adong di iba songon ni dok ni deba: “adong diiba adong ma dongan i”. Ido
pe na masa. Alai taboto ma, na so sinadongan i, mambahen jaminan
marolopolop hita, monang bangso i, malua bangso Israel sian habuangan.
Ndang sinadongan manang Uang na paluahon. Alai Jahowa do. Unang ma
nian gabe tubu kesombongan rohani di hita, na mandok, ala parminggu,
partangiang do ahu dohot keluargaku, umbahen godang arta hamoraonku,
hamu pe boi do hutuhor, gabe ninna rupani. “money rules”?, bukanlah
segalanya. Alat Tuhan na terbaik, terpilih songon si Josep dohot na asing i
dipillit Jahowa dohot tujuan tarpasupasu gabe pasupasu tu saluhut.
Naeng ma ingkon lam pataridahon sangap ni Debata.
Antar torop dope halak na so tuk manghilala pangaramotion ni
Debata di ngoluna bahkan ragu bahwa saluhut na jinalona manang na adong
di ibana. Bahkan dang maol luluanta halakna na manghilala ala ni malona,
IQ-na, alani ringgasna mula ulaon bahkan ala ni nasibna do umbahen
mamora, hasea jala dapotan pasupasu na balga ibana. Gabe dang mabiar
ibana mida Jahowa dang dilului ibana Jahowa di ngoluna. Alai ingotma,
holan tu angka na biar mida Jahowa jala na manghasiholi hataNa do
usehonon ni Jahowa ragam pasupasu. Ndang mungkin tu angka na holan
mamingkiri dirina (egois), Jahowa mangausehon pasupasuNa. . Boi tajaha:
“Hatigoran do saluhut hata ni pamanganku, ndang adong na geduk di
bagasanna, manang getegete nanggo sada. Luhutna i unur do di halak na
marroha, jala sintong di halak naung dapotan parbinotoan. Sai jangkon
hamu ma pangajaranku, unang tagonan perak; jangkon hamu parbinotoan
lobi sian sere palangki. Ai ummarga do hapistaran sian mutiha, jala saluhut
mata intan ndang tarpatudos tusi. Ahu, Hapistaran i maringan tampak
dohot habisuhon, jala jumpang Ahu do parbinotoan ni panuturion. Biar
mida Jahowa do manghagigihon na jat, roha haginjangon dohot
hajungkaton; pangalaho na jahat pe dohot pamangan getegete pe na
huhagigihon do. (Poda8:9-13). Biar mida Jahowa ima angka halak na
manghasogohon hajahaton, na manghasogohon ginjang ni roha, na gok
pangangkalion.
Pardalanan pasupasu na nialaman ni Jahowa di si Josep na tontong
magasahon pangaramotion ni Jahowa huhut diparsangapi Jahowa gabe
dang mardosa ibana tu Jahowa. Nian dang sude jolma na tuk memahami i,
sai na maol do i apalagi prosesna agak leleng. Gabe sai intor luluanna ma
usaha manang jalan pinas mamingkiri sian gogo nang kepentinganna. Ingot
keberhasilan bukan di tangan kita, alai di Jahowa na mangalehonsa do.
Talului ma pangaramotion ni Jahowa jala pelehonon diri dalam
segala hal, gabe dapot hita ma angka ragam pasupasu i. Debata baen dongan
mi lao mangula ulaon i, songon ende i. Ibana do mandongan hita bahkan di
dalan na maol sahali, asa dapot hita kesuksesan bahkan meraih keberhasilan
na so mungki pe, molo Jahowa dongan, aha na so tarpatupa Debata. Nda
ido?
BE. 465: 1-2 : “Sai naeng las roha, tondi nang pamatangta
mengendehon: “Pasupasu lehononMu i do bagabagaMi, Songon angka udan
nene sai tu au manetek i.Nang tu au, nang tu au, patetekhon i tu au. O
Amang sai ro apuli dohot au na marsak i, Sai pamalum nang rohangku na
tongtong marsahit i. Dohot au, dohot au, sai pamalum dohot au Saluhut do
pasupasu lehonon ni Jahowa tu angka na biar mida Jahowa huhut
manghalomohon /manghasiholi hataNa. Ndang gabe dihomolhomol
pasupasu na ro tu ibana, alai ingkon boi humaliang manghilala, pardagingon
nang partondion. Asa martua hita huhut dohot tua, pasupasu tu angka
pinomparta haduan ala diramoti Jahowa. Amen
 Pdt. Saidon Ambarita, STh
Praeses HKI Daerah III Toba Samosir
MINGGU XI DUNG TRINITATIS
20 AGUSTUS 2023
Epistel : Psalmen 67:1-8

Saluhut Bangso Manghamauliatehon Asi Ni Roha Ni Debata

I. Patujolo
Ende (Psalmen) on, i ma pamujian tu Debata marningot saluhut
sangkap dohot padanNa tu bangso Israel, na marmula sian Abraham (bnd 1
Musa 12:1-3, 4 Musa 6:24). Dipanghilalahon laos dihatindanghon
ParPsalmen on do Asi ni roha ni Tuhan i, hombar tu angka padan ni Debata.
I ma, na dipillit ni Debata bangsoNa nang parpsalmen on bahen parhitean ni
Debata, papatarhon diriNa na songkal i, asa ganup na tinompaNa dapotan
asi ni roha dohot haluaon.
Sada sintuhu ni pangidoan ni bangso i di bagasan turpuk on i ma,
pangidoan nasida tu Debata asa tongtong satia Debata laho patuduhon
pangaramotionNa tu bangsoNa margogo situtu paluahon bangso i. Asa
saluhut bangso marnida pambahenan ni Debata na gok hasintongan jala
tongtong mamasumasu bangsoNa. Laos digoari do nang turpuk on, songon
ende hamauliatehon ni roha ni bangso i, i ma laho manghalashon pasupasu
ni Debata. Dirajumi do, olop-olop jala panghirimon do di
ibana/parpsalmen/bangso i molo dilehon Debata jolma i mamuji jala
pasangapon Debata. Parsombaon hinorhon ni pambahenan ni Debata, gabe
tuk portibion mananda dalan dohot haluaon na sian Debata. Laos on do na
naeng siondolhononton di turpuk jamitanta on.

II. Hatorangan ni Turpuk

1. Marsomba jala Mangelek asi ni roha ni Debata
Di ayat 2 on, i ma elekelek di bagasan tangiang pamujian. Pangidoan
di bagasan pamujion na tarida sian istilah “asi rohaM”, “pasupasu hami”
dohot “marsinondang ma bohiM mandongani hami”. Tangiang pangidoan
asa saut sangkap ni Debata. Boi do on patudoson tu tangiang ni Tuhan Jesus
tagan so tartangkup dope Ibana. Jala rumusan tangiang pangidoan on,
hampir mirip do tu tangiang pasupasu na pinasahat ni angka imam (bnd 4
Musa 6:24-26). Tangiang pasupasu na pinasahat ni imam maradophon
saluhut ruas. Suang songoni i do nang di ayat on, tangiang pangidoan
mangondihon saluhut jolma, bangso nang pangisi ni portibion asa dapotan
pasupasu (bnd ayat 7).
Dipataridahon do, Tuhan i sambing do inganan jala hasahatan ni
pangidoan na tutu. Inganan haroroan ni pasupasu dohot sinondang
(hatiuron) asa mangolu jala mardalan jolma i di gomgoman sinondangan ni
Debata. Pangidoan pangondianon bahen olopolop di portibion. Molo diboto
jolma i haluaon dohot dalan ni Tuhan i, i do na manghorhon olopolop dohot
las ni roha ni portibion. Dalan dohot haluaon i gabe ojahan (patron) ni
saluhut panggulmit ni portibi on.
Molo didok “dalan ni Debata, boi do i pahamanta saguru
dihahomion ni Debata. Marojahan di sangkapNa, HataNa, uhumNa dohot
angka na asing. Adong huaso naumbalga jala na tingkos laho mangaturhon
portibi on hombar tu sangkap ni Debata. Hahomion na so marojahan tu
dalan manang na piningkiran ni jolma. Sada panghirimon tu harajaon ni
Debata (pemerintahan Allah) na manghorhon hasintongan dohot keadilan tu
ganup jolma, naso marpili. Mangolu di bagasan dalan ni Debata, i ma na
mangolu di bagasan hasintongan dohot keadilan ni Tuhan i.
Di ayat 3 on, adong kata “hatuaon” ,molo di hata Indonesia
“keselamatan” molo mangihuthon hata Heber “haluan do. Lebih mendekati
do hata Indonesia “keselamatan” (haluaon). Asa saluhut bangso marnida
pambahenan ni Debata. Jala molo tauji marnida pasupasu ni Debata tu si
Abaraham raphon pomparanna ditujuhon do i ndada tu Isarel sambing
dibagabagahon pasupasu i alai tu sandok portibi on do (1 Musa 12:3, 18:18).
Jala pasupasu ni Debata patar ma tarida di na rade jolma tumangihon hata ni
Debata (1 Musa 22:18, 26:4-5). Dibahen i, dalan ni Debata na manghorhon
olopolop dohot las ni roha i ma haluaon i, na dipasingkop Tuhan i marhite
harorona di bagasan Kristus Jesus.

2. Olopolop tu saluhut bangso

Hombar tu hatorangan nangkin, olopolop do molo saut asi ni roha ni
Tuhan i, i ma diboto portibion dalan ni Debata jala diboto haluaon na sian
Tuhan i. Molo dilehon Debata do i, manghorhon pamujion do i tu Debata,
ala las ni roha ni jolma. Lam ditanda portibion Debata na tarida marhite
panarihononNa. Ungkap simalolong nang pingkiran ni jolma i, mansai
denggan jala uli do hape dalan dohot haluaon na sian Tuhan i.
Dipanghilalahon tigor ni uhum ni Tuhan i, jala manogu sude marga, naso
marpili. Di ayat 4-5 dipaandar do joujou tu ganup bangso i asa parsidohot
nasida manghamauliatehon denggan basa ni Debata. tudos tu bangso Israel
sandiri nasida sandiri pe taruli do jala maengalami huhut mangangkuhon
haluaon na pinatupa ni Debata di nasida.
Tindakan ni Tuhan Debata na balga i ditomutomu jala dijangkon do i
marhite sorak-sorak, ala mamarenta do Debata di bagasan hasintongan
dohot habonaron yang memulihkan kesejahteraan sesuai dohot hukum na
berlaku, laos boi do didok muse paboa dilehon do keadilan, molo adong
dipihak tertentu na merasa tertindas. Dalan dohot haluaon na sian Tuhan i,
ndada holan tu jolma i, dohot do nang tano i mangolophon. Mangolophon
marhite mulak tu hakekat fungsional keutuhan panompaon ni Tuhan i.
Taboto do naung tinoruan ni Debata tano i ala ni pangalaosion ni jolma i,
jala na manghorhon hasusaan tu jolma i sandiri. Molo taida di Kejadian/1
Musa 3:14,17, “...Karena engkau mendengarkan perkataan istrimu dan
memakan dari buah pohon, yang telah Kuperintahkan kepadamu: Jangan
makan dari padanya, maka terkutuklah tanah karena engkau; dengan
bersusah payah engkau akan mencari rezekimu dari tanah seumur
hidupmu:” Nuaeng, tano i pe nunga be denggan mangalehon gogona, na
tongtong mangambai las ni roha di jolma i.

3. Saluhutna manghabiari Debata

Ayat 6-8 : Las ni roha ala ni pasupasu ni Debata tung patar do na
dirajumi songon silehonlehon ni Debata di bagasan ngolu nasida. Asa
marhite na masa sisongon i bangso na dumao pe mangantusi ise do Tuhan
Debata, Debata ni Israel i, jala mabiar mida Ibana, jala manghaholongi
huhut mangongkuhon hagogoonNa. Dung ditanda jolma i dalan dohot
haluaon ni na sian Tuhan i, sude bangso na di tano on mamuji Debata. Las
ni roha ala Debata na mangarajai na mamarenta di bagasan hasintongan
dohot keadilan. Debata mamasumasu saluhutna, i ma Debata na manompa
nasa na adong, Debata nampuna jala na mangarajai portibion dohot nasa
isina. Dikesadaran baru on (ngolu na dipaimbaru) sada pasupasu do di jolma
i molo diloas Tuhan i hita mamuji pasangaphon goarna na badia i. Haboion
dohot hagogoon laho mamuji pasangaphon Tuhan i boi tarbahen jolma i,
molo dilehon Debata asi ni rohaNa, pasupasuNa,dohot sinondangNa. Dung
dilehon Debata i, gabe boi ma jolma umboto dalan dohot haluaon na sian
Tuhan i. Adong kesadaran praktis ni jolma i, manghamauliatehon naung
jinalona dohot naung pinarsaulihonna. Kesadaran na manghorhon pamujion
gabe saluhut jolma marsomba dohot manghabiari Debata.

III. Sipahusorhusoron
 Di igil turpuk jamita on do ngolu ni angka na porsea i asa marhuraja
Tuhan Debata manang mamarenta nasa bangso asa unang adong anggota
manang ruasna dikorbankan ala ni prestise (wibawa yang berkenaan
dengan prestasi atau kemamapuan seseorang, status sosial,
kehormatan, kedudukan yang dimiliki oleh suatu individual) dohot
golongan na asing. Alai justru naeng mangarahon sude parhuaso i asa
marnida haluaon ni sandok bangso, songon Israel naung ruar sian tano
Mesir, mangalehon ruang hidup, songon Israel na marpadan tu Debata,
jumadihon tano na gabe partalian nasida.
Sangkap ni Debata mangalehon pasupasuNa tu hita, ingkon
mampanghorhon na balga ma i tu halak na asing, na so mananda Debata.
Marhite pasupasu naung tajalo, gabe tandaon ni halak ma dalan ni Debata,
botoon nasida ma ise do Debata na mamasumasu hita. Laos marhite
pasupasu na tajalo i ma patandahon haluaon na sian Debata gabe torop ma
jolma antong mamujimuji Debatanta jala marlas ni roha. Ingkon boi do hita
na porsea mian di bagasan hadameon mangolu dohot halak na asing ala ni
pasupasu ni Debata. Marhite pasupasu na tajalo adong ma pamujion,
hamauliateon, las ni roha dohot olopolop sian hita na manjalo dohot sian
halak na marnidasa.
Tung pasupasu na balga do kemerdekaan nanilehon ni Debata tu
bangsonta. Sisungkunonta tu ganup dirinta : aha do sangkap ni Debata tu
bangsonta molo dilehon kemerdekaan i ? Sasintongna, asa ganup warga
negara mamangke kemerdekaan i mamboan ngolu na maduma, na
berkeadilan tu sude rakyat , na mambahen las roha ni Debata.
Tahamauliatehon ma Asi Ni Roha Ni Debata naung sahat taripar tu bagasan
ngolunta paboa na dapotan haluaon do hita, tarpasupasu ngolunta. Antong
tapapatar ma hadirion ni Debata tu portibion marhite pasupasu ni Debata na
tajalo. Amen.

Pdt. Royopo Simamora, STh

HKI Resort Khusus Sidikalang Kota
 MINGGU XI DUNG TRINITATIS
20 AGUSTUS 2023
EVANGGELIUM : ROM 11:1-2a;29-32

Saluhut Bangso Manghamauliatehon Asi Ni Roha Ni Debata

I. Patujolo
Dalan lam mangantusi turpuk bindu 11 on naeng ma jumolo tajaha
bindu 9-10, ala jumolo ditaringoti pamilliton ni Debata tu bangso Israel na
gabe bangsoNa. Alai molo dikenyataanna, nasida na sian Israel alai dang
halak Israel, manang nasida pinompar ni si Abraham alai dang tardok gabe
ianakhon ni si Abraham. Dison ma tarida kegagalan ni bangso Israel na
targoar bangso na pinillit ni Debata, hape ia angka bangso na asing dapotan
haluaon hinorhon ni haporseaonna.
Di bagasan Surat Apostel Paulus na tu halak Rom na gabe
digambarho do disi paboa adong kesan paboa na masa do ketegangan
antara halak Jahudi dohot halak naso Jahudi. Golongan halak Kristen Jahudi
jotjot mempertahanthon angka peraturan-peraturan keagamaan Jahudi na
tarsurat di Padan Na Robi, isarana manaringoti makanan haram-halal,
perayaan Sabat dan berbagai kewajiban agama lainnya. Sementara golongan
Kristen non Jahudi merasa paboa dang adong kewajiban nasida laho
mematuhi angka uhum, aturan- peraturan ni Hajahudion jala dianggap
nasida luhutna tahe sude bebas marhaluaon di bagasan Kristus.
Digurithon Apotel Paulus ma suratna on laho mambahen tona asa
adong solusi di permasalahan na adong di huria Rom. Dalam rangka solusi
terhadap permasalahan konkret yang ada dalam gereja Roma itulah Rasul
Paulus menyampaikan secara panjang lebar pokok-pokok pemberitaannya
yaitu keselamatan hanya oleh Kasih Karunia Allah dalam Kristus.

II. Hatorangan ni Turpuk

Turpuk on dimulai marhite sungkunsungkun dohot alus na pasti,
didok: “Tung dibolongkon Debata do bangsoNa? Dao mai!”. Apostel
Paulus pasahathon suratna on tu huria Rom, ia hatiha i ruasna ima sian
horong ni halak Jahudi dohot na so Jahudi. Jala isi ni suratna on mansai
ampit do nang tu partingkian nuaeng. Beha do Debata mamereng/menilai
bangso na pinillitNai (Jahudi) dipangalahona, hape nuaeng Debata nunga
mambahen sada padan (janji) na imbaru di bagasan AnakaNa Jesus Kristus?
Manang gabe dohonon ma, ia halak jahudi i ingkon manang naung
dibolongkon Debata? Alusna: dang! Memang ingkon dohonon do tung
torop halak Jahudi na so manjalo Kristus i dingoluna, jala bahkan terang-
terangan do nasida manjua manang dang manjalo taringot Barita Na Uli i.
Alai nang pe songon i tung tangkas do dipatorang Apostel Paulus na so hea
Debata manjua manang maninggalhon bangso na pinillitNa. Dibuktihon
Apostel Paulus do i marhite na hombar tu dirina, ia ibana sandiri tong do
sahalak sian Jahudi, pinompar ni si Abraham, marga Benjamin (ayat 1).
Angka halak jahudi tongtong do dihaholongi Debata, pamillitonNa nang
angka pasupasuNa tong do sahat tu halak Jahudi. pamillitonNa dohot
pasupasuNa i digoari do na bersifat: tidak bisa diubah (Rom 11:29).
Kepedulian dohot pasupasu na naeng sipasahatonNa na bersyarat do ima
molo unduk jala mandalanhon angka na hinalomohon ni Debata. Sialani i do
asa didok: “dang hea Debata mambolongkon bangsoNa”. Tapatudos ma i
tu na tarsurat di Psalmen 94:14 : “Ai dang tagamon bolongkonon ni Jahowa
anggo bangsoNa, manang tadingkononNa parjambaranNa”. Jadi umat
Tuhan tidak akan ditolak oleh Allah karena mereka adalah umat pilihan
Tuhan. Orang yang dipilih oleh Allah bukanlah orang-orang biasa tetapi
orang-orang yang telah dikenal oleh Allah sebelumnya atau sudah dipilih
dari sejak sebelumnya, orang-orang itulah yang tidak ditolak oleh Allah atau
yang akhirnya akan menerima keselamatan Allah dalam Yesus Kristus.
(ayat 2)
Ala bangso na pinillit do nasida, haluaon i pe nunga milik nasida, sai
i ma na tongtong dipangasahon nasida, ujungna gabe madabu tu sada
pemahaman na margoar: Kesombongan Rohani: (pat. Mateus 3:9 “Jala so
tung didok hamu di bagasan rohamuna: si Abraham do amanami! Ai hudok
ma tu hamu: Tarjadihon Debata do anak di si Abraham sian angka batu
on”). Hape laos pingkiran dohot pangalaho si songon i do na so
dihalomohon Debata. Dang jaminan i, ai holan na unduk huhut marhabiaran
tu Debata do asa taruli di asi ni roha ni Debata ima Haluaon. Rasa aman dan
percaya diri yang berlebihan justru akhirnya membuat bangsa tersebut tidak
lagi berupaya untuk menggumuli apa yang sesungguhnya menjadi kehendak
Allah. Bahkan lebih jauh lagi tanpa disadari mereka menjadikan dirinya
sebagai penentu keselamatan dan oleh karena itu mereka sesungguhnya
tidak lagi membutuhkan Allah sang Sumber keselamatan. Inilah awal
malapetaka: merasa mendapatkan keselamatan dari Allah tetapi ternyata
justru tidak mendapatkan sama sekali. Laos tapatudos ma tu hata ni Tuhan
Jesus na tarsurat di Mateus 19:30 mandok: “Alai lan do angka naung
parjolo hian gabe parpudi, jala parpudi hian gabe parjolo”.
Toho jala taboto do, sude jolma do dihaholongi Tuhan i. Angka na
porsea dihasintongan ni Tuhan i paluaonNa do sian hadosaonna, alai angka
na manggoari dirina siihuthon Kristus manang halak Kristen hape dang
dihaporseai Jesus kristus na gabe Sipalua na singkop dingoluna, ujungna sai
na hamatean do jambarna.
Pamilliton dohot holong ni Tuhan i “satu kali dan untuk selamanya”
. Nang pe jotjotan jolma i sai mangolu di bagasan hatangkangonna, alai
holong ni Tuhan i dohot huasoNa tongtong do paingothon jala manogunogu
bangsoNa asa lam mananda dirina di adopan ni Tuhan i, asa tung taruli di
asi ni roha ni Tuhan i. Ndang tarpalua jolma i dirina sian hadosaonna holan
mangasahon hadirionna nang haburjuonna ia so holan sian asi ni roha ni
Tuhan i. Jika bangsa Israel diselamatkan karena perbuatan mereka atau
karena garis keturunan mereka, maka itu bukan lagi kasih karunia Allah,
tapi itu menjadi arogansi manusia. Sialani i do tangkas dihatindangkon
Apostel Paulus songon na tarsurat di Rom 11:6 “Alai molo binahen ni asi ni
roha, ndang be sian parulaon; aut unang i, ndang be goaron i asi ni roha!”.
Di ayat 30-32 dijelaskan mengenai ringkasan dari rencara Allah dan
maksud Allah yang selalu didasarkan atas kemurahanNya. Allah telah
menghakimi semua manusia. Yahudi maupun bukan Yahudi telah penuh
dengan dosa, Allah telah menggunakan kebutuhan dan ketidakmampuan
manusia sebagai suatu kesempatan untuk menunjukkan kemurahan pada
seluruh umat manusia yang dicakup dalam lingkungan penebusan.

II. Sipahusorhusoron
Sude do hita manghalomohon asa sai diusehon Debata pasupasuNa
tu hita ganup tingki saleleng mangolu. Ndang hea lupa hita manangianghon
i. Nang pe tutu, toropan dope hita na mangantusi, ia pasupasu i holan angka
na tabo ma, isara ni pandaraman na denggan, hahipason, ianakon na burju,
jabatan na timbo, pangomoan, pardalanan na mulus tanpa hambatan,
prestasi na meningkat; maol do hita mandok, paboa sangkap parbinotoan
sian Debata do molo masa di hita parsahiton, pergumulan, sitaonon,
hapogoson, harugian, kecelakaan dohot na suman tusi, ndang piga halak hea
binege manangianghon paboa sian pamotoan ni Jahowa do angka i. Hape
sian angka sitaonon, hamaolon, parungkilon na masa di tonga ni ngolunta si
ganup ari, i do dalan ni Debata di na laho patandahon dirNa tu hita, asa hita
pe lam tatanda jala taboto dina laho pajonokhon dirinta tu Ibana, asa
dapotnta angka silas ni roha, boi ma antong haruar hita sian angka
permasalahan hidup..
Panjouon ni Debata tu hita gabe angka siihuthon jala sitindangi
Ibana di ngolunta on tapatupa i marhite tahi dohot asi ni rohaNa. Molo sian
hadirionnta sambing ndang marhatauon hita gabe naposoNa/IanakhonNa,
alai holan asi ni roha ni Debata i do na patauon hita gabe marhatauon.
Nunga taruli hita di haluaon na sian Debata marhite Tuhan Jesus Kristus jala
marhite asi ni RohaNa na manontong i. Martua ma saluhut angka
bangso/jolma na marhaposan tu asi ni roha bolon dohot habonaron ni
Debata Pardengganbasa i, huhut manghalungunhon manghamauliatehon
haluaon i di bagasan saluhut pardalanan ni ngoluna.
Na di ari Kamis, 17 Agustus 2023 ima ari Ulang Tahun
Kemerdekaan ni bangsonta na pa- 78-hon, on ma bukti holong dohot asi ni
roha ni Tuhan i naung tangkas tajalo, i do umbahen didok di Galatia 5:1.a
“Asa saut malua hita, umbahen na dipalua Kristus i hita”. Boi bebas hita
mangula angka ulaonta so pola digugai bangso na asing. Ndang dipasombu
Tuhan i angka na marsitaonon molo tongtong joujou jala marhaposan tu
Ibana, ido umbahen dilehon kemerdekaan on tu hita. Molo dung dilehon,
antong aha ma tanggungjawabnta na hombar kemerdekaan on? Alusna
holan sian Hata ni Tuhan i do : “Hot ma hamu jongjong, antong, jala unang
be olo hamu patuduhon ni auga parhatobanon i”. (Galatia 5:1.b); “Ai
angka naung malua do hamu, alai unang ma pinangke haluaon i
mangondingi hajahaton, songon angka naposo ni Debata ma tahe!” (I
Petrus 2:16). Pasupasu ni Tuhan i ingkon argahononta. Jumpang hita las ni
roha on ndada alani hagogoon manang hamaloonta, alai sian asi ni roha ni
Tuhan i do. Antong ingkon taparhatopot, Haluaon i ima sian Holong dohot
Asi Ni Roha ni Tuhan i. Na ro do pasupasu i sian Tuhanta. Ai Ibana do
nampuna saluhutna. Ndang maol di Tuhanta mamasumasu hita
martimbanghon manguhum hita. Amen

Pdt. Royopo Simamora, STh

HKI Resort Khusus Sidikalang Kota
 MINGGU XII DUNG TRINITATIS
27 AGUSTUS 2023
Epistel: Markus 8: 27 – 30

Panghatindanghonon Jesus I Do Mesias, Sipalua!

I. Patujolo
Horas! parhorasan Trinitatis ma sian ahu panurat tu hamu saluhutna.
Autsugari ro sungkunsungku tu hita, ise do Jesus di ngolum? Jala boha do
panandaionmu taringot Jesus na tahaporseai? Goar ni Jesus ndang na gabe
hata na imbaru di parngoluan on. torop do jolma mananda Jesus Kristus jala
manghaporseai Jesus Kristus hombar tu haringkotan ni ngoluna, holan andul
sian haringkot ni ngoluna ditadinghon ma Jesus Kristus i; adong do na
mananda Jesus Kristus jala dihatindanghon do siihuthon Jesus Kristus ibana
alai anggo roha dohot pingkirianna ndada tu Jesus Kristus. Jesus Kristus na
ditanda dohot na dihatindanghonna holan sebatas pangantusion ni ugamo.
Nang pe adong do pigapiga jolma na margoar Jesus, isarana Jesus Navas,
Gabriel Jesus, Juan Jesus, Jesus Manuel Corona dohot lan na asing, alai
ndang na gabe Mesias manang Sipalua nasida, songon Jesus Kristus, Anak
ni Debata; Hata ni Jahowa naung gabe daging jala saor tu jolma.
Anggo turpuk jamita on ima sungkunsungkun ni Jesus ima
panangkasionNas taringot ise do Ibana sian panandaion ni torop jolma, jala
ise do Ibana hombar tu panandaion ni angka sisean. Sungkunsungkun on
patubuhon panghatindangion taringot hadirion ni Jesus Kristus, ima Mesias
manang Kristus naung dibagabagahon jala naung disuriranghon angka
panurirang di Padan Na Robi. Boha do panandaion ni torop jolma taringot
Jesus Kristus, jala boha do panandaion ni angka Sisean taringot Jesus
Kristus? asa lam tu antusna panandaionta taringot Jesus Kristus, masuk ma
hita tu hatorangan ni turpuk.

II. Hatorangan ni Turpuk

Panurat buku Markus on ima si Markus, sahalak Jahudi na mian di
Rom rap dohot si Petrus. Molo goar hajahudionna ima si Johannes jala goar
ni haromawionna ima Markus. Somal do di hatiha i sasahalak margoar dua
habangsaon isarana Paulus: molo di Jahudi digoari Saulus jala di Romawi
digoari Paulus; Dorkas: molo di Jahudi ima Tabita alai molo di Gorik didok
Dorkas (Ulaon ni angka apostel 9: 36). Parasingan ni goar on boi do
patuduhon ibana sahalak Jahudi alai mian di luar Jerusalem; manang
sahalak Jahudi na mangula di pamarentaon na manggomgom uju i. Sian
pangantusion on boi ma antusan digoari pe si Markus ima surat na dipasahat
tu halak Jahudi na mian di Rom manang di luar huta Jerusalem dohot tu
halak na so Jahudi asa taruli nasida di panandaion na tangkas jala na sintong
taringot Jesus na dibaritahon angka apostel.
Evangelium Markus on disurathon hirahira taon 55 – 65 Masehi, ima
partingkian na mansai dokdok jala na gok sitaonon diadopi angka apostel
dohot angka na porsea. Sitaonon na diadopan marhaororan do sian si Nero
na mambahen na so uhum tu sude halak Kristen na mian di gomgomanna
songon i pasahathon hata na so tutu maradophon halak Kristen asa tung
marutang hosa halak Kristen. Ido umbahen dipaluar ma patik asa dilele,
ditangkup, dihurung jala ingkon dibahen hansitan saluhut halak Kristen
songon i angka apostel. Alai saluhut na masa i ndang na boi pasohon
manang mangorui hiras ni roha angka apostel mambaritahon Jesus Kristus,
Anak ni Debata Jahowa ima saluhut parngoluan ni Jesus Krsitus uju na mian
dope Jesus i di portibi on, nang pe sai adong do deba halak Kristen
mananggalhon haporseaona asa malua ibana sian sitaonon dohot
parungkilon na pinamasa si Nero tu nasida. Di sitaonon na mansai hansit i
lam marhiras ni roha ma angka apostel laho mambaritahon barita hamuabon
ni roha; barita haluaon ima barita ni Jesus Kristus asa lam tu toropna angka
na porsea jala manghatindanghon tutu do Jesus Kristus ima Tuhan (bdk.
Pilippi 2: 11) sian Jerusalem sahat tu luat tano on (ida. Mat. 28: 19; Luk. 24:
47; Ul. Apostel 1: 8).
Sahat ma barita na uli i tu huta Rom (ibukota kerajaan Romawi) na
dibaritahon si Simon Petrus. Di tingki pambaritahonon i ma disurathon si
Markus angka na binarithon si Petrus i dalan laho mangapuli,
mampargogoihon jala patoguhon haporseaon ni halak Kristen di na
mamolus ragam na masa di hasiangon on. Deba sian barita na dibaritahon
jala na diajarhon si Petrus tu si Markus ima taringot panandaion na tangkas
taringot hadirion ni Jesus Kristus i sandiri. Laos i ma jamita di minggunta
sadari on.
Di tonga pardalanan ni Jesus rap dohot angka sisean i ima
mardonokhon Kaesarea Pillipi, ro do sungksunsungkun Jesus tu angka
siseanNa: ise do Ahu didok halak? (ay. 27). Sungkunsungkun on ndada na
laho manguji angka sisean taringot ise do hadirion ni Jesus di angka jolma,
ala nunga tung godang angka tanda halonganan na binahen ni Jesus songon
na niida angka sisean; tung godang manangihon pangajarion ni Jesus
taringot harajaon ni Debata, taringot ngolu na marhadaulaton songon i
habaranion ni Jesus pasingothon angka malim asa saluhut angka malim
mangulahon ulaon hamalimon i di bagasan hasintongan dohot hatigoran ni
Jahowa Debata. Laos dialusi angka sisean i ma Ibana: adong mandok: si
Johannes pandidi, na deba mandok si Elia, manang sahalak sian angka
panurirang i do (ay. 28). sude pandapot na gabe alus ni angka sisean ima
panandaion di pardagingon, panandaion na hombar pingkiran dohot na
nihirim nasida ima taringot haluaonnasida sian panggomgomion harajaon ni
Rom.
Marhite alus ni sisean di ay. 29 on torop do jolma na mananda Jesus
songon panurirang bolon songon na panurirang naung adong di padan na
robi isarana: Elia. Sahalak panurirang na boi papitahon ngolu hadaulaton ni
halak Israel maradophon parsombaon tu Ba’al jala panurirang naung
disuriranghon si Maleakhi (ida Mal. 3: 23). Sahalak panurirang na barani
pasingothon si Ahab, raja Israel (Samaria) ala ni pengaruh Isebel, halak
Sidon manang Penesia songon i dohot parsombaon tu Ba’al, debata ni Sidon
manang Penesia, songon i nang angka tanda halonganan na hea masa
dipatupa Jahowa marhite si Elia isarana: taringot sagusagu dohot miak ni
sahalak ina na mabalu di Sarpat dohot na pangoluhon anak sasadasana (1
Raja. 17). Manang songon si Johannes pandidi na barani pasingothon si
Herodes (Luk. 3: 19) dohot mambaritahon barita hamubaon ni roha tu halak
Jahudi di sunge Jordan. Panandaion dohot panghirimon sisongon i do
panandaion dohot panghirimon torop halak tu Jesus Kristus. Elia dohot
Johannes ima sitotas dalan (pembuka jalan, perintis) dalan tu Mesias
manang Sipalua songon naung dipasuriranghon angka panurirang di padan
na robi, ndang sahat dope panandaion nasida na tutu do Jesus i Mesias
manang Sipalua, ima hagogok ni panurirangon angka panurirang manang
hataridaan songon na dibaritahon ni si Johannes (ida Mark. 1: 7 – 8).
Udutna, di ay. 29 diulakhon Jesus manungkun paduahaliion tu
siseanna na mandok: “Ia hamu, ise ma Ahu didok hamu?” sungkunsungkun
paduahon on marasing do sian sungkunsungkun na parjolo.
Disungkunsungkun paduahonon ima panandaion na tangkas angka sisean
taringot Jesus, Gurunasida. Jala dialusi si Petrus ma mandok: “Kristus (hata
Heber: Mesias) i do Ho!” (patudos Mat. 16: 16; Luk. 9: 20). Alus ni si
Petrus on ima alus na tegas jala dang adong ganggu manang alus na asal
ima alus ni si Petrus i. Hata Kristus di pangantusion ni halak Jahudi ima
sahalak na nimiakhan marhite miak na hushus jala sahalak na istimewa.
Keisimewaan ni mesias manang Kristus di halak Jahudi ima taringot
ulaonna dohot parsuruon na hushus. Somal do di halak Jahudi angka malim
mamiakhi sahalak na ditodo, dipillit laos pabotohon ibana ma mesias.
Mesias di pangantusion ni Jahudi ima sahalak na gabe raja manang malim
jala pangusean miak na hushus di simanjujung sasahalak ima hataridaan
hagogok ni Tondi ni Jahowa di ibana. Ndada miak i mambahen sasahalak
gabe istimewa alai Tondi ni Jahowa na niusehon tu ibana. Ala ni i, molo
naung digohi Tondi ni Jahowa, tontu saluhut parngoluonna dohot
parulaonna ima mangulahon saluhut ulaon na gabe halomoan i Debata.
Marasing do hamesiason ni Jesus sian pangantusion hamesiason na
niantusi halak Jahudi. Ndada marhite jolma Jesus dipapatarhon gabe mesias,
ndada halak na mamillit manang manodo dohot mangusehon miak tu
simanjujung ni Jesus, jala ndada jolma na manotophon (melantik atau
mengangkat) Jesus gabe mesias. Alai Jahowa Debata, Ama ni Jesus Krsitus.
Ndada aek na nididihon si Johannes pandidi gabe pengesahan hamesiason
ni Jesus jala papatarhon hagogok ni Tondi Jahowa di bagasan Jesus Kristus,
alai Jahowa Debata, Ama ni Jesus Kristus i do, ndada sian hajolmaon ni si
Johannes maningtinghon na tutu do Jesus Anak ni Debata alai Jahowa
Debata i sandiri do (Luk. 3: 22; Mark. 1: 11). Tutu do Jesus ima Kristus
manang Mesias, alai ndada songon pangantusion ni halak Jahudi
hamesiason ni Jesus, ima na gabe raja jala sipalua halak Jahudi sian
panggomgomion harajaon ni Rom jala paluahon halak Israel sian
penjajahan ni harajaon ni Rom. Ndada laho manggohi na piningkiran ni
halak Jahudi hamesiason ni Jesus, lobi sian i tahe ima paluahon saluhut
jolma sian parhatobanon dohot penjajahan dosa dohot hamatean na jorbut i;
ndada laho pajongjonghon harajaon songon harajaon na adong di portibi on
anggo hamesiason ni Jesus, alai pajongjonghon harajaon ni Jahowa Debata
manaluhon saluhut harajaon na adong di hasiangan on; ndada papatarhon
raja songon hasomalan Jahudi na singkop di alat parporanganna, alai
papatarhon na tutu do Jesus, Raja ni saluhut raja, jala Tuhan di saluhut
angka tuhan, na manggomgom sian na manongtong sahat ro di na
manongtong. Jesus Kristus ima hagogok ni na nihatahon ni si Johannes, na
gabe Panggomgom jala Panguhum na sintong (Mark. 1: 7 – 8).
Dipopai Jesus do angka sisean asa unang pintor dipaboaboa tu torop
jolma. Ndang dapot dope tingkina tarjalo jolma i Jesus gabe mesias manang
Kristus hombar tu sangkap haluaon na disangkapi Jahowa Debata. Molo pe
tarbarita Jesus na tutu Mesias manang Kristus pangantusion dohot
panandaion na hombar tu pardagingon do. tarlumobi na ingkon manaon
sitaonon na porsuk, pola mate tarsilang alai hehe do di ari patoluhon.

III. Hahonaan ni Turpuk

 Di minggu XII dung Trinitatis on, boha do panandaion dohot
panghatindangionta taringot Jesus, Anak ni Debata? Autsugari disungkun:
“tutu do hita mananda Jesus i?” Adong na mandok, hutanda hami do! ai
molo so hutanda hami boha do hami manghatahon taringot Ibana? Alai
molo diuduti muse sungkunsungkun, molo na ditanda do Jesus i, boha do
panandaionta taringot Ibana? Torop do jolma mananda taringot Jesus
songon:
1. Pangobati/ dokter: halak na marsahit do ro tu dokter, ima gombaran ni
jolma na mangalului, joujou, olo ro tu Jesus manang pasahathon dirina
tu Jesus holan di tingki haringkotna. Molo masa parsahiton, sitaonon,
parungkilon manang ragam panaritaan disi do ibana naeng ro tu Jesus.
Laos marpadan: O Jesus, asi rohaM, pamalum ma ahu, urupi ahu, palua
ma ahu. molo malum jala malua do au sian sahithon, molo malua au sian
sitaonon dohot parungkilon on lam jonok ma ahu tu Ho, ringgas ma ahu
mandohoti parmingguon manang partangiangan. Alai molo lam posi do
na niaena i dilului do dalan na asing na boi paluahon ibana sian i sude.
Molo malua sitaonon, parsahitonna disi ma ibana ndang ro be tu Jesus
jala dang diingot be padanna i, dung hipas jala malua sian sitaonon
dohot parungkilon laho do tu mall, tu pantai, liburan, tu lapo, huria i pe
dang diingot songon i nang partangiangan na dipatupa.
2. Tokoh manang sahalak na terkenal: ima halak na holan mananda
taringot ni Jesus songon panandaionna tu sahalak tokoh manang halak
na ditanda torop jolma. Isarana Ir. H. Joko Widodo, molo didok: ditanda
hamu do ibana? Pintor ro do alus: hutanda do ibana. Walikota Solo,
Gubernur DKI, jala Presiden na papituhon di Indonesia on. Toho do jala
sintong do alus i. Panandaionta taringot Jesus: Tubu sian si Maria na
gabegabean sian Tondi Parbadia; Mesias; na boi pangoluhon naung
mate; na mate di hau pinarsilang; na mulak mangolu di ari patoluhon;
manaek tu surgo...dna. Alai holan parbinotoan do i panandaionna ala na
niajarhon angka pangajari; jamita na dibege; ninna tu ninna.... dna. Tung
so adong sihol rohana laho rap marsaor dohot Jesus Kristus marhite
parmingguon, partangiangan, manangihon hataNa, jala na pasahathon
dirina hibul tu Jesus Kristus.
3. Sahalak ahli ekonomi manang multi tasking person: ima halak na
mambahen Jesus i holan laho manggohi na ringkot ni ngoluna nang
dagingna. Isarana: molo na mananda Jesus naeng ma mamora,
marpangkat, dapot hundulan di hasangapon. Ido umbahen molo masa
partingkian mamillit caleg manang calon uluan manang partogi di sada
luat na so hea ro tu Huria pintor tompu ro do ibana tu Huria asa
 ditangianghon jala dipillit, dilehon ma hepengna gabe hamauliateonna tu
huria songon ingotingot tu ruas i. Molo talu ibana, pintor di sogo rohana
tu huria i jala ndang hea be ro tu parmingguon manang tu partangiangan.
Songon i do molo monang pe ibana, pintor dang ingot be ibana na
marhuria dohot na marTuhan Jesus.
4. Ahli sullap, ima halak na mangantusi Jesus disi dipangido na ringkot tu
Jesus, disi ma nian pintor rade. “bimsalabim” na dipangido di
tangiangna ingkon masa songon na dipangido i jala pintor hatop ma
masa. Molo so masa, didok ma pargabus jala gabe mandele.

Boha do hita nuaeng mananda Jesus i gabe Kristus manang Mesias? Di

Minggu XII dung Trinitatis patandahon hita taringot Jesus ima Kristus
manang Mesias. Ndang na gabe paluahon jolma i sian hapogoson di
pardagingon manang di arta, ndang na holan paluahon jolma i sian
sitaononna. Alai di ginjang saluhutna: dipalua do hita sian angka hagiot
dosa dohot ihotihot ni dosa dohot hamatean salelengna. Panandaionta
taringot Jesus ingkon sahat do tu manghatindanghon nang
panghangoluhonhon taringot Jesus. Manghaposi Ibana, jala pasahathon
hadirionna gabe ampuna ni Tuhan Jesus. Manang aha pe na masa di
parngoluan on na so tupa jumpa pandeleon di panghobasionna manang di
ulaonna na denggan i. Ala Jesus i do na gabe pangondingan manang
partanobatoan jala na so tupa meret asi ni roha dohot bagabaga i sian hita
molo marsihohot hita manghaposi Tuhan Jesus i. Marsangap ma Jahowa.
Amen.

Pdt. Daniel Bonardo Pane, M.Th.

 MINGGU XII DUNG TRINITATIS
27 AGUSTUS 2023
Evangelium: 2 Samuel 7: 25 – 29

Panghatindangion Bagabaga Haluaon Na Sian Jahowa

I. Patujolo
Horas ma tu hita saluhutna! Dame dohot asi ni roha na sian Jahowa
Debata, na sumurung sian saluhutna angka roha dohot saluhut pangantusion
ni jolma ima na tongtong mangaramoti jala manggohi hita saluhutna, amen.
Ra, hea do hita mandapot bagabaga sian jolma na asing. Tontu bagabaga i
ima angka panghirimon na manghorhon las ni roha, pangomoan dohot na
boi pasonang roha. Hata bagabaga jotjot do dipasahat sasahalak na naeng
gabe uluan, caleg manang na gabe partogi di sada luat. Dipasahat do
bagabaga dalan asa ditanda halak ibana; dalan menarik hati dan perhatian
halak dipillit jala pasauthon sangkapna i. Torop jolma boi mandok jala
mambahen bagabagana, alai ndang songon toropna jolma boi pasauthon
sude angka na binagabagahonna i. holan dapot na niluluanna, dung hundul
ibana di hundulanna na sangap i ndang ingot be ibana di bagabagana i, jala
ndang ingot tu jolma na manangihon bagabaga i. tubu ma pandelean dohot
kekecewaan sian angka naung manangihon jala mandapot bagabaga i.
Jamita minggu XII dung Trinitatis on ima tangiang ni raja Daud
taringot bagabaga Jahowa Debata na sahat tu Ibana. Bagabaga na sahat tu si
Daud ima bagabaga taringot sipalua manang panggomgom na marharoroan
sian pomparanna. Asa lam tu antus hita mangantusi taringot tangiang ni si
Daud na marpardomuan tu bagabaga ni Debata tu ibana, masuk ma hita tu
hatorangan ni turpuk jamita on.

II. Hatorangan ni Turpuk

Buku II Samuel ima udut ni buku I Samuel na manaringoti taringot
panggomgomion ni raja Daud sian luat Judah (tungkan dangsina ni Israel
(ida II Sam. 1 – 4)) sahat tu saluhut bangso Israel na sampulu dua marga
(Israel Utara dohot Israel Dangsina (ida II Sam. 5 – 24)). Sian hatorangan i
boi ma anutsanta buku II Samuel on pabotohon taringot sejarah harajaon ni
Israel dungkon gabe raja ibana taon 1010 – 970 andorang so tubu Jesus
Kristus na disurathon sada kelompok teolog Israel na digoari kelompok
deutronomis.3
Dungkon gabe raja si Daud manggomgom saluhut Israel (utara dohot
dangsina) dipanghilalahon ibana do pandonganion, pangaramotion, dohot
keberpihakan ni Jahowa Debata di ngoluna sandiri. Jahowa Debata do na
mamillit jala na manotophon si Daud marhite si Samuel gabe raja
gumomgom Israel singkat ni si Saul (1 Sam. 16: 1 – 13). Ndada holan na
mamillit jala manotophon Jahowa tu si Daud, dohot do na mandongani,
mangaramoti jala paluahon si Daud sian ragam angka na jat na dipatupa
angka bangso humaliang Israel (1 Sam. 17: 42 – 58; 1 Sam 30 – 31) dohot
si Saul na so manghalomohon si Daud gabe raja gumomgom Israel (I Sam.
19: 1 – 7; 20: 24 – 34; 26: 1 – 12) sahat tu punsu ni harajaonna
manggomgom saluhut marga Israel.
Nang pe nunga sahat tu punsu harajaonna adong dope na hurang
dipanghilalahon ibana, songon na hurang singkop harajaonna manggomgom
Israel jala patuduhon habalgaon dohot hamuliaon harajaon Israel rea di
sandok Israel dohot di sandok bangso humaliang Israel. Na hurang ima
ndang ojak jala ndang jongjong dope bagas joro di harajaonna. Jala
marsangkap ma si Daud laho pajongjong bagas joro, jala dipabotohon ma
sangkapna i tu panurirang Natan (2 Sam. 7: 1 – 3). Molo hasomalan bangso
Timur Dekat Kuno (Ancient Near East) mansai ringkot do hajongjongon
bagas joro di sada harajaon. Ndada holan inganan parsaorannasida laho
patupahon parsombaon tu debata na disomba jala dihaporseai alai hataridaan
dohot hapapataron hagogoon, hamuliaon, hasangapon ni debata na disomba.
Molo dipaadop tu Israel, Bagas Joro ima hataradiaan dohot hapapatar ni
hagogoon, hamuliaon, dohot hasangapon ni Jahowa Debata dohot hapapatar
na mian do Jahowa di tongatonga harajaon ni Israel. Tutu do andorang so
jongjong bagas joro i, nunga dipajongjong bagas parlapelapean inganan
3
Kelompok Deutronomis merupakan sebutan yang diberikan kepada para teolog penafsir
kitab Taurat (Kejadian, Keluaran, Imamat dan Bilangan) yang kemudian membuat
menuliskan ulang empat kitab Taurat tersebut yang disebut dengan kitab Ulangan.
Kemudian menuliskan ulang mengenai sejarah Israel setelah Israel sampai ke tanah
Kanaan sampai kepada kehancuran Israelpai ke tanah Kanaan sampai kepada kehancuran
kerajaan Israel (kitab Yosua, Hakim – hakim, I dan II Samuel, I dan II Raja-raja, I dan II
Tawarikh). Kelompok Deutronomis menekankan mengenai otoritas atau pemerintahan
Allah terhadap Israel baik pada masa pra monarkhi, monarkhi sampai kehancuran
monarkhi Israel. Pada buku II Samuel kelompok Deutronomis menggunakan beberapa
sumber yang ada sebelumnya termasuk sumber Natan (2 Sam. 12) dan Gad (2 Sam. 24)
ketika mereka menjadi nabi pada saat pemerintahan Daud.
habadiaon ni Jahowa Debata na digoaranna undungundung habadiaon ni
Jahowa (tabernakel) inganan parpunguan Israel. Di tabernakel i adong do
bilut inganan na sun badia, ima inaganan parmianan poti parasian (tabut
perjanjian) na marisihon replika batu na tarsurat Torah, manna dohot
tungkot ni si Aron. Ima hataridaan Jahowa sandiri na mian rap dohot bangso
Israel jala manggomgom saluhut Israel.
Tung mansai uli situtu do sangkap ni si Daud on molo hombar tu
hadirionna dohot marnida hamuliaon harajaon ni Israel na ginomgomanna
dohot dipanghatindanghononna taringot tu pangaramotion, pandonganion
dohot haluaon na dipatupa Jahowa sandiri tu ibana. Nunga patut nian
dipajongjong si Daud sada bagas na timbo jala bagas joro na bidang jala na
balga na gabe inganan parmianan ni Jahowa. Jolma do marsangkapi
dalanna, alai Jahowa do na patontuhon dalanna dohot patulushon lomo ni
rohaNa. Ndang ditolopi Jahowa sangkap ni si Daud laho pajongjong bagas
joro i (2 Sam. 7: 4 – 16). Nang pe disundati Jahowa sangkap ni si Daud
marhite panurirang Natan alai dipasahat do bagabaga ni Jahowa Debata tu
ibana, ndada holan tu ibana sahat do tu pinomparna di na manggom Israel
(ida 2 Sam. 7: 4 – 16 patudos tu 1 Sam. 16: 11 – 13; 2 Sam. 8: 6, 14; Psalm.
89: 27). Ndung dipasahat si Natan saluhut na nihatahon Jahowa taringot na
so jadi si Daud pajongjong bagas joro di Jahowa jala taringot bagabaga
pandonganion, pangaramotion dohot haluaon na dipatupa Jahowa tu si Daud
sahat tu pinomparna, masuk ma ibana tu bilutna martangian (2 Sam. 7: 17).
Di partangianganna i jumolo ma dirujiruji si Daud hadirionna dohot
mangarimangi parulaonna boasa tung disundati Jahowa sangkap na denggan
na disangkapi si Daud laho pajongjonghon bagas joro i, jala tung aha ma
keistimewaan hadirionna umbahen pola ingkon jaloonna bagabaga
pangaramotion, pandonganion dohot haluaon na pinatupa Jahowa tu ibana
sahat tu pinomparna (2 Sam. 7: 18 – 21). Dung dirujiruji si Daud hadirionna
jala dirimangi taringot parulaonna i tubu ma panghatindanghononna taringot
hatimbulon hagogoon, hasangapon dohot hamuliaon ni Jahowa Debata ni
Israel mangatasi saluhut hagogoon, hasangapon dohot hamuliaon ni saluhut
debata na disomba sude bangso di sude inganan dohot di sude tingki.
Hagogoon, hasangapon dohot hamuliaon ni Jahowa na so boi disuhat
marhite ruang, bilut dohot saluhut nasa na adong di portibi on. Jahowa do na
mamillit jala manodo Israel gabe bangsoNa jala Jahowa sandiri do na
manotophon Ibana gabe Debata ni Israel (2 Musa 6: 7; 3 Musa 26: 12;
Psalmen 57: 7). Laos dihatindanghon si Daud ma saluhut pambahenan ni
Jahowa na patuduhon gogo dohot hasangaponNa na so hatudosan na
manaluhon gogo dohot hasangapon debata ni Misir marhite na pinalua Israel
sian parhatobanon Misir (ida 2 Sam. 7: 23–24 patudos 2 Musa 15; 5 Musa
3–4).
Antong ale Jahowa Debata! Sai pahot ma hata naung
pinarbagabagaMi taringot tu naposoMon dohot tu pinoparna (ay. 25). Hata
on martudutudu tu bagabaga manang padan naung nihatahon Jahowa hian tu
si Daud marhite si Natan. Alai molo ndang marhasatiaon si Daud dohot
pomparan ni si Daud di saluhut aturan dohot uhum ni Jahowa, na so jadi
masa angka bagabaga songon na dipabotohon si Natan i. Sada sian
bagabaga na nihataan ni si Natan ima taringot haroro ni mesias na sian
pomparan ni si Daud. Mesias ima na nimiakhan ni Jahowa jala na digohi
Jahowa marhite TondiNa. Sahalak na saluhut hadirionna digohi hasintongan
dohot hatigoran uhum ni Jahowa Debata. Laos i do na gabe merasa terharu
si Daud manjanghon bagabaga i (pat. Ay. 26 – 28). Ala naung sahat do
bagabaga i tu si Daud marpangidoan ma si Daud sada hot ma ibana dohot
pinomparna di hasintongan dohot hatigoran patik dohot uhum ni Jahowa,
jala na so jadi pinomparna madabu tu ulaon na maralo tu hasintongan dohot
hatigoran patik dohot uhum ni Jahowa (ay. 29).
III. Hahonaan ni Turpuk
Boha do nuaeng panghatindanghononta taringot pandonganion,
pangaramotion dohot angka haluaon ni Jahowa naung masa di ngolunta
saluhutna? Aha do na boi bahenonta songon na hataridaan
panghatindanghonon i asa saluhut jolma na asing marnida dahot
manangihon panghatindanghonon i. didongani, diramoti, disarihon do
ngolunta on di ragam angka na masa di hasiangan on. uju marsahit
dipasupasu do angka obat, sipanganon dohot siinumon na diparsaulihon
manghorhon hahipason; uju adong na tahirim, diparbisuki jala diramoti do
hita di saluhutna i marhite angka ulaonta asa dapot na niluluan jumpa na
nihirim; disarihon do ngolunta di angka sipanganon dohot siinumon songon
i angka silasniroha asa boi hita denggan mulaulaon di ganup hauma, di
ladang, di kantor, di partigatigaan dohot di saluhut ingananta mangula na
denggan hombar tu profesinta ganup. Asa marhite angka naung ulaonta i
dalan ni Jahowa manarihon na ringkot di ngolunta. Songon i di saluhut
angka pasupasu naung itajalo na so tarpajojor saluhutna ala ni godangna.
Aut sugari dipajojor saluhut pasupasu, angka panarihonon ni Jahowa di
ngolunta sian na tubu hita di hasiangan on sahat tu sadari on dang siat
portibi on ingananna.
Manang dung dapot na niluluan, dung marhahipason, dung dapot
angka na pinarsinta gabe mandao ibana sian Jahowa, jala didok rohana ala
ni gogona, hamaloon dohot hadirionna umbahen boi ima taruli di angka
pansamotan dohot na denggan di ngoluna. Manang molo dang hombar tu na
tapaido manang suhar sian na tahirim gabe dalanta mandele manang
mandok na so sintong uhum ni Debata di ngolunta. Boha do panandion
dohot panghatindanghononta di saluhut pambahenan ni Jahowa? On do na
gabe renungan di ngolunta marhite jamita on.
Bagabaga pangaramotion, pandonganion dohot haluaon na sian
Jahowa ndada holan tu si Abraham, si Ishak, si Jakob dohot ndada holan tu
si Daud. Marudut do bagabaga i tu partingkian si saonari, tu sundut
sisaonari sahat ro disalelengnilelengna. Molo marhasatiaon do hita tu Ibana,
marhasatiaon sahat ro di ujung ni ngolunta saut ma bagabaga i tu hita.
Marhasatiaon di na mangulahon hatigoran dohot hasintongan patik dohot
uhum ni Jahowa di ngolunta; burju di angka ngolu marhadaulaton na
sintong jala na so tupa be adong ganggu ni roha di panarihonon dohot di
pandonganion ni Jahowa di ngolunta. Marmulia jala marsangap ma Jahowa
marhite panghatindanghonta di bagabaga haluaon na naung dipatupa jala na
naeng sipatuoan ni Jahowa muse di ngolunta, amen.

Pdt. Daniel Bonardo Pane, M.Th.

MINGGU XIII DUNG TRINITATIS

 03 SEPTEMBER 2023
Evangelium: 2 Korint 8: 1-7

“Manghobasi Dibagasan Holong”

I. Sibonsiri
Panghobasion Apostel Paulus di na mangebati piga-piga luat laho
mamaritahon barita nauli pasang surut do panghobasionna, alana dang holan
apostel Paulus na patupahon pardalan pamaritaan barita nauli alai dohot do
angka sisean ni Jesus na asing. Ido umbahen adong do piga-piga luat na
didalani Apostel Paulus naso adong dope huria gabe dipajongjong ma di luat
i parpunguan manang huria. Alai adong do luat na didalani Apostel Paulus
nunga adong jongjong huria manang parpunguan ni halak Kristen disi
songon di luat Rom.
Di Taon 52-57 M dina manghobasi Apostel Paulus huhut do ibana
papunguhon pangurupion sian angka luat manang huria dijumpangina,
songon huria na adong di Galatia, Makedonia, Akhaya suang songoni huria
na adong di Asia kecil. Dohot tujuan angka pangurupion naung dipapungui
laho mangurupi angka halak na badia nang huria na adong di Jerusalem.
Dang tangkas songon dia na masa di Jerusalem alai masa do haleon na balga
di Jerusalem pola do sampe amnghorhon tu panghobasion nang parpunguan
ni halak Kristen di Jerusalem.
Sian huria naung mangalehon pangurupion adong do sada huria naso
mangalehon roha laho mangurupi ima huria na di Korintus, laos i do na
mambahen Apostel Paulus manongos nang manggurithon turpuk on. Laos di
pabotohon ma marhite turpuk on ringkotna songon ojahan minggunta
sadarion “Manghobasi Dibagasan Holong”

II. Hatorangan
Ayat 1-3, Dison adong naing sipabotohon ni Apostel Paulus ia ibana
tongtong dope di luat Makedonia manghobasi, ala surat on digurithon di luat
Makedonia taon 56M. Huhut di pabotohon tu huria i, ia huria na adong di
Makdeonia dohot Akhaya paputushon mambahen pangurupion tu angka
dongan na hurangan di Jerusalem (Rm. 15:26). Sikap na binahen ni angka
huria do na didok ni Apostel Paulus asi ni roha ni Debata (kasih karunia).
Jala dipatangkas do muse dia do pambuatna umbahen didok Apostel
Paulus songoni : “..atik pe di bagasan pangunjunan…haporsuhon godang…
sungkot ni hinapogosnasida do habasaon na lumobi.” na dipasahat disi sada
kritikan tu huria na adong di Korint marimbangkon situasi ni halak Korint
dang sadiana dope ekonomi ni huria na adong di Makedonia alai nasida
patupahon pangurupion tu angka dongan sahaporseaon na adong di
Jerusalem.
Marimbangkon situasi ekonomi ni halak Korint angka huria na asing
singkat ni pangurupion naung nipasahat ni huria i didok Apostel Paulus do
“..nasa tarpatupa nasida, lobi tahe sian gogona; jala sian lomona do!”
tangkas do digurithon Apostel Paulus surat on naing mangalehon
perbandingan tu huria na adong di Korint, na mandok haporseaon ni huria di
Makedonia saurdot dohot pambahenan nasida pola do didok si Paulus
“huhatindangkon do”. Dang dipatupa nasida holong na mamparbuat jala
sian ias ni roha nasida do mangalehon pangurupion i. baliksa do na masa di
huria Korint adong piga-piga na mandok ia si Paulus dang na tutu Apostel ni
Kristus jala holan barani marhite surat, alai molo patumpol bohi dang
mungkap. Dibaheni do sian pandohan ni si Paulus na marjanji mangebati
huria Korint alai sundat do borhat si Paulus tu huria i.
Ayat 4-5, saurdot tu 2 Korint 9: 7 huria na adong di Makedonia dina
patuduhon holong nasida tu dongan sahaporseaon na adong di Jerusalem.
Mangihuthon ayat on pambahenan ni huria di Makedonia na naeng
parsidohot mangurupi, tung maol do jumpang di huria Korint na patupahon
pangurupion alai mardongan ungu-ungut dohot muruk ni roha ala dang
dihaporseai nasida sahat pangurupion na dipasahat nasida i tu hapeahanna.
Dison pe apostel Paulus dang holan naing pabotohon pangurupion i alai
huhut do dipabotohon apostel Paulus do parjolo do nasida mangalehon diri
tu Tuhan tarida ma angka halak na di Makedonia manjalo do nasida
haporseaon naung di baritahon apostel Paulus taringot Jesus Kristus, dung i
pe asa tu hami (angka apostel, na manghobasi barita nauli, angka na badia).
Dang sian paksaan ni Apostel Paulus alai mangihuthon lomo ni roh ni
Debata do.
Ayat 6-7, sian surat naung digurithon Apostel paulustu huria Korint
dipangido si Paulus do ima si Titus laho patorushon ulaon asi ni roha naung
dipatupa songon angka huria na adong di Makedonia. Mangihuthon
hasurungan ni huria Korint naung jumolo manjalo Kristus ima haporseeaon,
parbinotoan, haringgason nang pangkaholong nasida tu parhobas ni
Kristus, asa dipatupa ma muse di huria i ulaon asi ni roha ima pangurupion
dibagasan holong naso marpangansi tu angka halak na badia na adong di
Jerusalem na mangharingkoti pangurupion i.
III. Hahonaan
1. Mangihuthon turpuk nang ojahan minggunta on, dipangido do tu
angka na porsea nuaeng panghobasion ingkon do dipatupa
dibagasan holong. Lapatanna ingkon do tangkas diboto ia
panghobasion i, dang holan patupahon parmingguan sambing
naso manghorhon tu haporseaon tu na mangalehon
panghobasioni ima Jesus Kristus. Alai ingkon do dipatupa suma
tu lomo ni roha ni Debata, asa tanda ma disi panghobasion i
manghakkam holong na ingkon dipatudu tu dongan na
mangharingkothon pangurupion.
2. Panghobasion na dipatupa dang naing mambuat paruntungan
sian ulaon i, alana panghobasion ingkon ro sian ias ni roha dohot
roha na tutu. Songon huria na di Makedonia pangurpion nasida
ima parbue ni panghobasion nasida tu Tuhan. Ido parbue ni
haporseaon suang songoni asi ni roha ni Debata naung di jalo
nasida. Tung pe dibagasan pangunjungan dohot haporsuhon
godang, dang mangambati nasida laho patuduhon panghobasion
na mangasahon holong.
3. Pangurupion na mangasahon panghobasion dibagasan holong
ingkon do dipatupa saluhut angka na porsea jala dang mardia
imbar (na pogos, na mora, huria na metmet manang huria na
balga). Saluhut na adong di huria i sotung di homol-omol
manang dianggap gabe gogo ni jolma, alai tung do alani asi ni
roha ni Debata. Dibaheni dang adong dalan laho dang patupahon
ulaon asi ni roha na didok dison pangurupion. Tanda ma antong
hita nang huria i naung mangula Debata mangalehon nasa na
ringkot di ngolunta. Amen.

Pdt. Wahyu M. Sirait, S.Th

Resort Rangkom

MINGGU XIII DUNG TRINITATIS

 03 SEPTEMBER 2023
Epistel: 2 Kronika 9: 1-8

“Manghobasi Dibagasan Holong”

I. Sibonsiri
Suman tu ngolu ni halak porsea ingkon do diboto martangiang, alana
ngolu ni halak porsea ima tangiang. Tudos tusi dung monding raja David di
todo ma si Salomo na manggantihon posisina gabe panggomgomi di bangso
Israel. Na parjolo di ulahon si Salomo dung hundul di harajaonna dang
jumolo dipature ibana angka aturan suman tu dipangido rohana. Alai jumolo
do ibana laho manangkok tu sada dolok ima dolok Gibeon laho asa
mamelehon pelean situtungon dompak Debata jala lomo roha ni Debata laos
didok tu raja Salomo “Pangido ma manang aha silehononku tu ho” (1 Raja-
raja 3:5)
Tarida ma disi na jongjong si Salomo gabe panggomgomi di bangso
Israel, dang na naeng roha hadagingon dibaenna laho manggomgomi di
bangso Isarael, disadari ibana do na pajongjong ibana gabe raja dang jolma
alai Debata sambing do. Jala na dipangido si Salomo dang ginjang ni umur,
hamoraon, hosa ni angka musuna, alai na dipangido si Salomo tu Debata
ima roha na tumimbang uhum manang bisuk na sian Debata do (1 Raja-raja
3: 11-13). Jala on ma na gabe sada kelebihan si Salomo marimbangkon
angka raja na asing. Dibaheni ala pangidoan ni Salomo i, dilehon Debata do
naso pinangidona jala on do na naing pinaandar di turpuk sdarion.
II. Hatorangan
Dung simpul patupahon pelean situtungan dompak Debata si Salomo
di dolok Gibeon, pittor adong ma dua borua naso suman pangalahona
marsoal alani ianakhon nasida. Jala di situasi on dipangke si Salomo do
bisuk na sian Debata laos dibaen raja i ma sada haputuson na mansai
denggan jala mambaen longang angka jolma na umbege haputusan i (1
Raja-raja 3: 28). Dungi tarbarita ma habisukon ni raja Salomo sahat tu
bangso Saba alani i, ro do raja boruboru ni bangso i mandapothon luat Israel
laho mamastihon barita naung binege na i.
Ayat 1-2; dina ro raja boruboru ni bangso Saba mandapothon
Jerusalem naeng masiujian huhut do diboan parangan na mansai tongam,
unto, hushus na marragam, sere dohot mata intan. Laos dipaboa ma na
adong na naing sinungkun raja boru-boru Saba i na dibagasan rohana
dompak Raja Salomo. Alani habisukon ni Raja Salomon dang adong na
buni nanggo sada sian roha ni si Salomo. Lapatanna na sinungkun ni raja
boruboru i tu Raja Salomo boi do dipatorang ibana laos taralusi do sude
sungkun-sungkun nanggo sada pe danga adong na lipe sian na pinatorang ni
si Salomo.
Ayat 3-6: dung simpul panggomgomi ni na dua luat i manghatai,
dina so porsea raja boru-boru i angka hata naung dibegena sian halak, ido
umbahen pola didapothon raja i luat Jerusalem laho mamastihon barita
naung dibegena i. Jala dung sahat nasida tu luat Jerusalem dang holan di
raja Salomo hape habisukon i dibaen na. Alai tarida do dipangaturon ni raja
Salomo tu angka na manamue tamu suang songoni pangaturon ni
parhundulni angka naposo ni Raja Salomo (ay. 4). Na ingkon do tarida dang
holan tu diri sandiri hape angka pasu-pasu ni Tuhan ni binaen, alai ingkon
do manghorhon tu angka humaliang, molo so boi humaliang na godang
setidaknya tarida ma i binaen tu angka halak na adong na mangisi bagas i
sandiri.
Siala ni ido dang holan hata-hata hape naung binege ni Raja boru-
boru i taringot hapistaran ni raja Salomo, alai sian naung binege nai
mangihuthon naung di dalani raja Saba I huta Jerusalem tangkas do di ida
Raja i, dang sahat dope satonga naung binege nai sian hapistaran ni si
Salomo didapotna.
Ayat 7-8: Marhite angka fakta naung di ida ni raja Saba i hapistaran
ni si Salomo pola do manghorhon tu pangatur ni pangisi ni harajaan ni si
Salomo tarlongang situtu do raja Saba i, jala didok raja i do tu angka pangisi
harajaan i “martua ma halak angka parhaladom”. Dison ma hape na didok
molo targoar do nampuna bagas i sahalak na tarpasupasu dang holan
nampuna bagas i sonang jala marlasniroha alai saluhut halak na adong
dibagas i ingkon do taruli pasu-pasu naung didapotna. Dang holan i, marhite
naung taruli pasu-pasu ndang jadi hape baenon gabe dalan laho
mamparsangap diri alai molo lomo pe rohani halak na asing marnidasa
ingkon mulak doi tu na mangalehonsa ima Debata.
III. Hahonaan
1. Marhite turpuk on tangkas do dina ro panggomgomi luat Saba
pajumpang dohot Raja Salomo ala adong binegena barita
taringot tu hapistaran ni Raja Salomo, jala naing mamastihon
hasintonganna tutu do manang daong. Alai diluar jangkauan ni
Raja Saba i do hape barita naung binege na i dung pajumpang.
Bahkan longang situtu do raja i dang adong dope satonga barita
na binege nai tanringot tu hapistaran ni si Salomo.
2. Angka pasu-pasu na pinasahat ni Debata tu hita ingkon do boi
taruli angka humaliang marhite pasu-pasu i, unang holan
 dihomol-homol holan tu diri sandiri. Alana dang boi tardok
tarpasupasu halak alai dang tarida dampakna tu humaliang, jala
manghorhon do i tu ginjang ni rohana jala madabu ma tu dosa.
3. Raja salomo do tarpasu-pasu marhite pangidoanna tu Debata,
alai sahat do hata na martua tu angka naposo ni Rajai na
marhalado di harajaanna. Nang hita pen a marhalado di bagas
joro ni Debata, molo naeng didok martua hita ingkon taloas do
nampuna bagas i mangarajai roha nang pingkiranta asa Ibana na
mangaturhon martua hita na marhalado hasangapon ma di
Debata nampuna bagas joro i.
4. Molo manghobasi tontu ingkon ro do sian ias ni roha, tontu
songoni do nang angka naposo ni Raja Salomo manghobasi dina
ro tamu ni Raja i. Molo dang jumpang roha na unduk tontu raja i
pe maila jala muruk tu angka parhalado na. nang hita angka na
dilehon Debata laho manghobasi di bagas joro i, panghobasion
ingkon do sian roha na ias jala dang mambuat paruntungan.
Alana ingkon do tagamon pasu-pasu ni Debata dipasahat tu hita
nglounta marhite panghobasionta dibagasan holong.

Pdt. Wahyu M. Sirait, S.Th

Resort Rangkom

MINGGU XIV DUNG TRINITATI

10 SEPTEMBER 2023
 Epistel: Mateus 18:15-20

Dihalomohon Debata Do Hamubaon Ni Roha Ni Parjahat

I. Patujolo
Secara harafiah, bertobat namarlapatan do I marbalik 180 % sian
angka pangalaho nahumurang, dohot angka hajahaton. Ditingki marbalik
hita tu Jesus, na marbalik do hita sian dosa. Dilapati do pertobatan on
songon perubahan pikkiran na mamparbuehon hamubaon ni pangalaho.
Tema ni minggunta sadarion ima “Dihalomon Debata do hamubaon ni halak
Parjahat” na tarsurat di Mateus 18:15-20. Evangelium Mateus digurithon si
Mateus sisean ni Jesus. ima sahalak sijalo beo, halak Jahudi i. Evangelium
Mateus on, sada buku na marisihon torop hatorangan taringot tu pardalanan
ni Jesus Kristus. Ojahan ni minggunta sadarion mangalehon tu hita
pangantusion taringot tu hamubaon ni roha. Marhite turpuk on, idaonta ma,
songon dia do sasintongna pangalaho ni halak Kristen na hinalomohon ni
Tuhan Jesus.

II. Hatorangan
Molo ta baca ayat sebelumnya, Jesus mangajarhon umpama Sada
biru-biru na mago, na di tujuhon tu halak parjahat jala na diartihon
"tersesat", jala di ayat selanjutna sidung nats Jamita on, mangajarhon
umpama ni hasesaon ni sala ni dongan jolma. Ima di hatiha si Petrus
manukkun tu Jesus, ninna : Piga hali do Hita ingkon manesa dosa ni
donganta tu Hita? Alai ninna Jesus ma: ndada holan 7 hali, alai ingkon 7
hali pitupulu hali ma, namarlapan pengampunan tanpa batas (Unlimited).
Molo ta bereng secara sekilas, teks on ndang adong menceritakan
songondia hamumulak ni parjahat Manang hamubaon ni halak parjahat, alai
menghatahon songondia sikap ta Manang gereja memandang akka donganta
na mengulahon kesalahan Manang dosa. Lantas, aha do hubungan ni teks
on tu tema Minggu ta sadarion? Molo ta jaha jala ta parsiajari Ima teks on,
di tulis asa akka halak na porsea dang sembarangan be mengulahon uhum
ketika donganna Jolma mengulahon sala/dosa. Sebab, hatiha i, sering do
terjadi akka penguhuman na semena-mena tu angka Jolma na marsala,
Manang na didokkon " main hakim sandiri". Ndang adong, na berpikir
songondia do akibat Manang konsekwensi na tu akka na mengulahon
panguhuman sada-sada halak na mangulahon salaon. Ala ni i, Jesus
mengalehon pengajaran tu akka siihuthon ibana asa Unang sembarangan
mengulahon panguhuman tu sada-sada Jolma na mangulahon hasalaon
Manang na mardosa.
Di ayat 15 dihatahon do, ‘molo mardosa donganmi, topot jala ajari
ibana, holan hamu padua’ ndang gabe uhumon (jangan dihakimi). Mangajari
namarlapatan, manghatahon hasintingan tu dongan jolma asa disolsoli
pangalona na humurang i. sadalan doi dohot na tarsurat di Lukas 17:3 na
mandok ‘anggo dung mardosa donganmu, podia ibana, jadi molo dipauba
rohana, sesa ma dosa nai.’ Marhite I, manang aha pe hasalaon ni donganta,
ikkon parjolo do ta podai, molo ditangihon ibana poda I, namarlapatan,
ditopoti, disolsoli jala muba pangalahona, tontu dapotta ma ibana gabe
donganta muse dibagasan Kristus.
Alai molo so ditangihon do poda ta I, jala dang ditopoti hasalaon na
I, ta arahon ma donganta sada manang dua nai songon sahalak sitindangi
laho patangkashonsa (Mat. 18:16). Selanjutna di ay. 17 pasahathon masalah
Manang hasalaon tu sahalak Pandeta, Sintua Manang pangula ni huria na di
anggap na boi silehon poda, jala boi do maminsang sian Ruhut
parmahanion ni jemaat/huria na berlaku. Nuaeng, pertanyaan na dosa na
songon dia do na di maksud ni teks on? Merunut tu ay, 6-14 Ima dosa tu
akka penyesat-penyesat halak na porsea Manang nabi palsu, asa akka dak-
danak, remaja, Naposo Manang na tua-tua manimbil sian dalan ni Debata.
Lapatan Hata ni Jesus na mandok: Tatapma ibana songon Sada halak
na so mananda Debata dohot si jalo beo, na pinasiding sian persekutuan
jemaat Manang na didok di ekskomunikasi, jala dang boi parsidohot dibagas
ketentuan Manang kegiatan khusus di gereja/jemaat. Jesus, marsuru
siseanna laho pasiding akka Jolma na so olo mengangkuhon hasalaon na
Manang na so olo marhamubaon ni roha. Dison, ndada Jesus mangajarhon
bahwa na mardosa Ima Gabe musuh, alai Mengajarhon songon dia gereja
membimbing sian Ruhut parmahanion jala tetap menganggap Nasida Gabe
dongan sahaporseaon, sehingga Nasida benar-benar mengalami pertobatan
Manang mulak tu Kristus, Molo nunga Muba Rohana, ingkon jangkonon do
ibana Muse di tongah-tongah ni parpunguan i.
Ninna Jesus, Molo mardos ni roha Manang dua sian hamu di Tano
on, tumanianghon Manang Hata pe, jaloommuna doi sian damang, konteks
on Ima hatiha Kristus secara khusus mangalusi tangiang dibagasan iman.
Di nalao mambahen keputusan di Sada gereja, ndada holan
keputusan ni sahalak Jolma, melainkan ingkon adong dua Manang tolu
halak Manang lobi. Molo adong 2 Manang 3 halak sapunguan Sai na
donganan ni Jesus do Punguan i namarlapan Jesus mengingani roha Nasida.
Di samping i, teks on pe menekanhon bahwa pandonganion ni Jesus ndada
holan alani jumlah ni jemaat melainkan dibagasan haporseaon dohot roha na
tulus.

III. Panimpuli
1. Sering do Gereja Manang Hita Jolma bingung di nalao manontuhon
sikap tu akka Jolma na mardosa/marsala. Sering do bahkan,
membiarkan akka dongan ta Molo mangulahon na sala holan alani
mabiar ibana tersinggung, Manang menganggap " dang urusanhu i".
Di samping i, adong do Muse na mangalea i, mengejek, membenci
bahkan Muse manghata-hatai di pudi. Adong ma Muse na membenci
dosa jala membenci Jolma na mangulahon dosa Manang hasalaon i.
2. Pengucilan "halak na di pasiding" sian akka parpungan ni akka na
porsea Ima Sada disiplin gereja na di praktikkan sian gereja mula-
mula (1 Kor. 5), na memang sangat sulit Lao di lakukan Manang di
aktualisasihon di jemaat Manang di tongah-tongah ni parngoluan.
Namun, porlu do di garis bawahi bahwa tujuan utama na Ima, di
nalaho mendidik jala mendisiplinkan gereja Manang jemaat, asa setiap
halak na mardosa mulak mengihuthon Kristus Manang marhamubaon
ni roha. On ma na didok dalan laho melindungi fungsi dan kemurnian
ajaran gereja.
3. Marlasniroha ma Hita di nalao mengulahon hamubaon ni dongan ta na
mardosa asa ikkon mandapot haluaon na selelengni lelengna.
4. Hita na halak na porsea "Gereja" ikkon barani do mengulahon Manang
menegakkan disiplin tu saluhut akka jemaat, asa Unang tercemar
Manang semena-mena mangulahon dosa/hasalaon. Disiplin gereja
nuaeng, patoguhon huriani Tuhan i Gabe huria na so marlindang jala
na Badia.
5. Ruhut parmahanion ni huria, Sada keputusan bersama do na bersifat
rohani, naso boi di Pangke tu haporluon sambing, alai ikkon tu ulaon
partondion do.

Pdt. Boy F. Tampubolon, S.Th, CPS®

HKI Resort Sirata Daerah IV DAKOTA

MINGGU XIV DUNG TRINITATIS

 10 SEPTEMBER 2023
Evangelium: Hezekiel 33:7-11
“Dihalomohon Debata Do Hamubaon Ni Roha Ni Parjahat”

I. Patujolo
Kitab Hesekiel ima sada sian Kitab na adong di Padan na Robi,
suratan on masuk ma tu horong Kitab Panurirang na balga, buku on marisi
godangna 48 bindu jala hapeahan inganan ni buku on di holang ni Kitab
Jeremia dohot sampuludua panurirang nametmet sian Alkitab (bibel) Ibrani
jala dohot molo marsurathon Septuaginta ima diholang buku Jeremia dohot
Daniel. Hesekiel targoar sada panurirang Yahudi na mamboan barita nauli
hatiha di tano buangan bangsoNa (tahun 593-771 SM) ditingki
panggomgoman ni bangso Babilonia jala diuluhon raja Yoyakin na sian
bangso Yehuda dohot raja Nebukadnezar sian Babel. Panurat buku on ima
panurirang Hesekiel. Dimasa ni pangulahonon ni panurirang Hesekiel,
bangso Israel mangulahon naso hinalomohon ni Debata ima naso olo
mangulahon akka nadenggan. Hombar tusi ditomos Debata panurirang
Hesekiel asa paingothon bangsoNa jala mulak mangulahon lomo ni rohaNi
Debata.

II. Hatorangan
Di bindu 33 on dipabotohon panghirimon ni bangso Israel, Debata
pasahathon hataNa marhitehon panurirang Hesekiel asa marhumabon ni
roha dohot hatorangan taringot dapotan haluaon tu bangsaNa. Adong impola
na boi sipaihut-ihuthonon di turpuk ni jamita on:
1. Debata na marsuru jala patotophon naposoNa (ayat 7)
Hesekiel ima goar Ibrani na marlapatan “dipargogoi Debata”. Di ayat
on dipabotohon ia panurirang Hesekiel namarhaporseaon na togu jala
tongtong paingothon bangsoNa asa manadinghon dosa jala mulak asa
manjalo haluaon na sian Debata. Yesus Kristus tarsongon sada na gok
huaso laho pasahathon hata ni Debata tu saluhut manisia. Suang songoni
nang dohot panurirang Hesekiel ditomos gabe songon sada panjaga bangsi
ni Debata, tung borat situtu siulahonon ni si Hesekiel songon sada
panurirang, asa hombar tu siulahononna adong sihatindanghonon (tanggung
jawab). Umbaenna tung gomos situtu dipaimahon si Hesekiel asa
marhamubaon ni roha bangso, ido ditotophon Debata Debata si Hesekiel
songon sada “sipenjaga” ima namartugas songon sada silehon poda,
pamissang di akka pangalaho namaralo tu lomo ni Debata, jala paingothon
bangso Israel asa mulak di dalam lomo ni roha Debata. Panjaga tugas ni
Hesekiel hombar ma tu pangkuling ni sarune ima songon sada partanda
nanaeng namasa insara akka mara manang hamatean. Takkas situtu
dipaandar turpuk on ima na ditomos sasahalak manisia asa manjaga manisia
na asing gabe songon tanda asi ni Debata, tudos ma songon haroroni Jesus
Kristus na ro songon sada manisia laho patuduhon balgani asi ni roha ni
Debata di jolma. Songon sada naung tardok jolma na porsea di Debata totop
manjaga diri asa tongtong mardalan di dalam lomo ni rohaNi Debata molo
tung ro akka sitaonon di ngoluta. Tarlumobi di na mangadopi akka
parsiajaran naso hombar nidok Debata manang didok pengajar sesat asa hot
manongtong marhaporseaon di Jesus Kristus. Molo marsiajar jala marnida
tu akka naung masa ima gok ni jolma na baliksa manadingkon haporseaonna
molo masa parungkilon na dokdok di parngoluanna, na mangalului alusni
jala solusi sian akka sitaonon na ro di sasahalak jolma tu naso hombar tu
lomo ni roha ni Debata. Jala hita naung gabe jolma na marhaporseaon didok
asa manongtong mamodai jala paingothon akka dongan jolma (Luk. 17:3).
2. Ruhut ni akka siulahonon marhite hataNa dohot pabotohon asa
marhamubaon ni roha (ayat 8-9)
Di turpuk dipabotohon akka nanaeng siulahonon ni si Hesekiel marhite
hataNa. Panurirang Hesekiel ikkon mamissang jala paingothon akka jolma
parjahat asa tumadingkon dalanna. Jala molo sahat ro di ujung ni ngoluni
siparjahat i dang manadinghon dalanna da ikkon tungguon (tanggungjawab)
ni Debata ma tu si Hesekiel ima songon sada tugas massai dokdok tu si
Hesekiel, alai molo naung dipasahat si Hesekiel hata poda asa
marhamubaon ni roha alai dang diulahon sahalak jolma parjahat, nda ikkon
mate ma ibana dohot hasalanna (dosana) alai ianggo si Hesekiel mangolu
ma ala na manontong mangulahon naung sinuruhon ni Debata. Artianna
molo manang ise na olo umbege jala manjalo hata poda manang sipaingot
namangolu ma ibana gok akka pasu-pasu ni Debata, alai manang ise naso
olo manangihon jala mulak manadinghon dalanna na maralo tu lomo ni
Debata hona uhumNa ma ibana. On ma sada parsuruon ni Debata tu si
Hesekiel asa tongtong jala mangaradoti bangso Israel songon sada sipasahat
akka na pinangido ni Debata asa malua sian rimas jala padaohon sian
hamatean.
Tangkas situtu dipabotohon marhite turpuk on asa molo adong sada
panurirang (naposo ni Debata) tongtong mampariateatehon situtu akka
jolma. Dibasagan pasahathon hata ni Debata mardongan hata na gok huaso
asa boi paubahon roha ni jolma asa tung boi dijalo jala boi gabe sitindangi
ni hata ni Debata. Disinuaeng gok jolma naso olo manangihon hata ni
Debata na pinasahat ni akka parhalado (imam) alani hurang di akka metode
manang dinahurang tangkas pasahathon akka jamita umbaenna gok jolma na
holan sipanangi alai dang di dorong asa olo mangulahon akka jamita naung
ditangihon nasida. Marhite turpuk on dipabotohon asa molo naung manjalo
tohonan songon sada naposo ni Debata tarsongon panurirang Hesekiel, na
ikkon tau gabe sitiruon asa saurdok hata na didok di jamita (poda) dohot
pangulahonon di ngolu siganup ari, tontu sahali ndang boi ulahononta molo
so mardonganthon Tondi Parbadia hita. Songon nidok ni si Paulus asa hita
naung manjalo di Tondi gabe sipangalehon poda mardonganthon
halambokhon.
3. Paluahonon ni Debata bangso na molo marhamubaon ni roha (10-11)
Ai nasa Surat i, sinihathon ni Debata do; jala hasea mamodai,
maminsang, paulihon, manogu di bagasan hatigoran (2 Tim. 3:16). Hata ni
Debata gok huaso maradophon jolma na marhaporseaon (Yoh.1:1-3, 14).
Tarsurat do hata na mandok sian parbuena do tandaon hau na, jala nang
ngolu ni jolma naung manjalo hata ni Debata tarida do parbuena di ngolu
siganup ari. Diarahon asa tongtong marningot mardalan di dalan ni Debata
ima songon tanda asi ni rohani Debata di jolma, asa unang mate dibagasan
dosana.
Ndang dihalomon ni Debata molo mate parjahat i andorang so mulak
manadinghon dalanna, manontong do Debata paingothon hita asa unang sai
lalap mangulahon akka namaralo tu lomo ni rohaNa. Asa molo dalan naso
hinalomonhon ni Debata na pasti dapotan uhum ma ibana. Jala manontong
Debata paingothon asa mangolu hita di akka dalam hatigoran. Dipaingot
hita asa mulak jala manadinghon dalanna na salah i, asa mangolu dibagasan
gomgoman ni Debata marhite tondiNa. Jadi marhitehon panuruhon ni
Debata tu hita asa gabe sitindangi ni hataNa hita na manongtong satia na
mangulahon akka na dipatuduhon ni Debata. Asa molo olo hita pajonokhon
dirinta na pasti dang paholang on ni Debata bohiNa sian hita. Na
manongtong do Debata massarihon na ringkot di ngolunta. Songon na
pinasahat ni panurirang Hesekiel asa mangulahon hombar songon hata jala
pangidoan ni Debata jala marhamubaon ni roha. Asa molo naeng manjalo
haluaon na sian Debata na ikkon mangolu dibagasan hasintongan. Ai ndang
dihalomohon Debata hamamate ni parjahat so ingkon manadinghon dalanna.

III. Panimpuli/Hahonaan
1. Gabe sipanindangi do hita tu saluhut bangso ima haluaon na sian
Jesus Kristus.
2. Tungguon ni Debata do di tikkina tu hita hombar na taulahon
taga di ngolunta, dipangido hita asa mangolu dibagasan
 habadiaon, manadinghon dalan na maralo di Debata jala asa
manjalo haluaon na sian Jesus Kristus.
3. Songon halak Kristen, ikkon manongtong do hita mangarahon
diri tu pinangudo ni Kristus, jala dang sada parulahonon na mora
si ulahonon, paholang diri sian dosa ima sada tugas na borat
situtu, siala ni do jolma tongtong mangolu dibagasan dosa siala
ni maralohon akka sitaonon gabe mangalului alusna hatop. Asa
marhite hataNi Debata dipaingot hita asa manghalungunhon
haluaon na sian Jesus Kristus.

Pdt. Boy F. Tampubolon, S.Th, CPS®

HKI Resort Sirata

MINGGU XV DUNG TRINITATIS

17 SEPTEMBER 2023
 Epistel: Jesaya 45: 20 – 25

Marsada Roha Huhut Patutoru Diri

I. Sibonsiri
Minggu Trinitatis, ima minggu Hasitolusadaon Ni Debata na laho
paingothon hita di sangkap ni Debata taringot tu haluaon na pinatupaNa.
Minggu Trinitatis marlapatan tolu pribadi/personal/oknum, alai sada do
anggo hakekatna/substansina ima Debata. Tangkas do paboa Debata Ama
marsangkap laho paluahon jolma manisia sian dosa, laos dipatulus ma
sangkap i marhite-hite haroro ni Anak Ni Debata ima Jesus Kristus na ro tu
portibion mamboan haluaon, dame nang songoni hangoluan. Ai didok Jesus
do paboa Ibana do dalan i, dohot hasintongan dohot hangoluan jala ndang
adong na sahat tu Ama i, molo so marhite Ibana (bdk Joh. 14:6). Jala Tondi
Ni Debata ima Tondi Porbadia na mangarahon roha dohot pikkiran ni jolma
i asa manongtong marhaporseaon tu Ibana siala Ibana do dalan, hasintongan
dohot hangoluan i. Songoni ma gombaran ni minggu Trinitatis na naeng
paboahon sangkap na mansai uli jala denggan marhite-hite ulaon ni Debata
Sitolusada i.

II. Hatorangan
Turpuk ni jamita sadarion masuk tu Jesaya paduahon manang Deutro
Jesaya (40-55), na manaringoti parsorion ni bangso i di habuangan, dohot
bagabaga taringot tu haluaon nasida sian habuangan. Turpuk on manaringoti
pardengganan na pinatupa ni Debata tu bangsoNa Israel dohot haluaon sian
habuangan Babel marhite raja Kores, asa mulak jongjong muse Jerusalem.
Di turpuk jamita on dipatuduhon, Debata Jahowa do patupahon
pardengganan tu bangso Israel, naposoNa i. Debata do na mamillit nasida
gabe bangsoNa. I ma hasurungan nasida sian angka bangso na asing. Asi ni
roha ni Debata do i di nasida. Soala hadengganon nasida dipillit nasida gabe
bangsoNa. Hape ndang diargahon bangso i pamilliton dohot asi ni roha i,
ditundalhon nasida do Jahowa. Ndang unduk nasida tu Jahowa, gariada
debata ganaganaan do disomba nasida. Ala ndang satia nasida tu Jahowa,
diloas nasida tarbuang, anggiat marhite i ditanda nasida Jahowa parasiroha i.
Hape nang pe naung parir diahap nasida di habuangan i, ndang ra muba
rohanasida. Nang pe ndang ra muba nasida, mangula do Debata di habungan
i, dibagabagahon do tu nasida haluaon marhite asi ni rohaNa.
 Huria ni Tuhanta, sasintongna nunga diontang Debata hita sude
angka na tinompana asa marhamubaon jala mulak tu Ibana laho manjalo
haluaon na pinatupaNa. Ido barita nauli na sahat nuaeng on disoarahon tu
halak na porsea paboa nunga diparentahon Debata sude huria i laho
marbarita nauli sahat tu ujung ni portibion. Ido umbahen didok di ayat 22
asa sude bangso i mangadop manang dompak tu Debata asa martua jolma i.
Nian boi dohonon dang ulaon na mura on alana ingkon adong do proses
taringot tusi ala berkaitan tu haporseaon. Di bagasan turpuk on disoarahon
panurirang Jesaya do asa mulak bangso i tu Debata dohot hatorangan paboa
Debata rap dohot sude angka na tinompaNa. Tangkas do di panompaon i,
sian na so adong hian gabe adong do dipatupa. Songoni nang ngolunta on,
adong hita dang alani hagogoonta manang hamaloonta, alai holan ala ni
huaso dohot habalgaon ni Debata sambing do umbahen adong hita di
portibion. Na paduahon umbahen disoarahon panurirang Jesaya asa mulak
bangso i tu Debata ima siala Debata do na naeng pasahathon haluaon tu
bangso i. Holan parhitean do anggo panurirang Jesaya pasahathon sangkap
ni Debata di ngolu ni bangso i.
Sian turpuk on tarida do hasatiaon ni Debata ala memang Debata na
satia do anggo Tuhanta nata pe olo sipata dang satia bangso na pinilitNa i.
Dao do perbedaan ni Debata dohot gana-ganaan na disomba bangso i ala
haliluonna. Molo gana-ganaan ringkot situtu do di nasida pengakuan, alai
anggo Debata dang na i na umringkot ala parmulak nasida do manadinghon
na jahat i. Nian secara psikologis mansai marsak do anggo bangso i siala
diparhatoban, ido umbahen diurupi Debata nasida mulak sian tano
parhatobanon i. On do na naeng tangkas botoonta nian, paboa dang adong
na tuk mangimbangi huaso ni Debata lumobi ma di portibion. Nang songon
dia pe kemajuan teknologi nuaeng on, pasu-pasu ni Debata do i na
pinasahatNa marhite-hite angka na pamajuhon. Unang nian tapangasahon
gogo manang huaso ni portibion ala parsatongkinan do sudena. Taingot ma,
songon dia panurirang Jesaya pasahathon tu bangso i asa mulak muse tu
Debata, songoni ma nang rohanta asa marhamubaon jala marpangusandean
holan tu Debata.

III. Hahonaan
Marhite-hite turpuk on dipangidohon tu hita angka na porsea asa
marsada roha huhut patutoru diri. On ma na gabe sipahusor-husoron di
gulmit ni ngolunta. Ala nunga tajalo rupani haluaon na sian Debata
umbahen mangolu hita nuaeng, tama do hita angka na porsea marsada ni
roha di na laho mangulahon manang mempertanggungjawabhon haluaon
naung pinasahat ni Debata. Unang ma nian satonga roha laho
manghaporseai Debata alai ingkon marsihohot ma nian. Na mangihut
patutoru diri, unang ala naung tajalo haluaon sian Debata gabe
sihaginjanghononhon di ngolunta angka na porsea, alai asa lam tapatutoru
do dirinta paboa dang adong gogonta hian di na laho mangalo dosa i. Asa
lam tu serepna ma nian roha ni angka na porsea dung manjalo haluaon na
sian Debata i. Amen

Pdt. Hotman Hutasoit, M.Th

Sekretaris Jenderal

MINGGU XV DUNG TRINITATIS

(Minggu Paralealeon dohot Gereja EKK Ham)
 17 SEPTEMBER 2023
Evangelium: Pilippi 2: 1-11
Marsada Roha Huhut Patutoru Diri

I. Patujolo
Manuk ni pea langge, hotek-hotek laho marpira, sirang marale-ale,
lobian matean ina. Sada pandohan ni Halak Batak na manggombarhon arga
dohot ronsot ni angka na marale-ale. Molo marsirang na marale-ale, tung
mansai lungun rohana, lobi sian lungun ni roha uju matean ina. Ise do
goaron ale-ale di Halak Batak, ima dongan saparmeaman, dongan
satorbang, dongan saulaon dohot dongan sahuria dohot na asing dope tahe.
Di ulaon adat Batak, ale-ale dipatudos do i songon sihal-sihal di
dalihan na tolu. Somal do di ganup dalihan na tolu i, sai adong do batu na
metmet (na digoari sihal-sihal) ima na marguna laho manungkol ganup batu
na bolon na tolu i, asa unang moleng-oleng, alai sabalikna asa hot di
haojahanna be. Ido umbahen di ganup parhataan di adat pe, sai tarbege do
pandohan ni natua-tua na mandok dalihan na tolu, paopat sihal-sihal.
Jadi di Halak Batak, sasintongna ale-ale (sihal-sihal), mansai balga do
tohonanna dohot panghorhonna, ai saluhut batu dalihan na tolu i
mangharingkothon sihal-sihal. Songon i prinsip ni ngolu ni Halak Batak,
molo so adong ale-ale na ro di ulaonna, mansai lungun situtu rohana.
II. Hatorangan
Di minggu sadari on, itagoari do minggu parale-aleon. Hurianta HKI
marale-ale dohot sada Distrik (molo di HKI margoar Daerah) sian gereja
Jerman na di huta Ham na margoar Evangelische Kirchen Kreis (EKK) Ham
di Jerman, mamungka sian taon 1978, jala ganup bulan September
itahalashon manang itapestahon do paralealeon i, songon na tapatupa suang
sadari on.
Dia ma nanaeng sitangkasanta dohot siradotanta di Jamita on, di
minggu parale-aleon sadarion.
1. Rajumi donganmu sumurung sian dirim (ay 1-4)
Adong do pandohan ni Halak Batak na mandok: sada ma hamu songon
daion aek, unang dua songon daion tuak. Pandohan on, pataridahon
paboa mansai dihasiholi Halak Batak do hasadaon. Jala ragam do
dipatupa Halak Batak laho patulus hasasada i. Aut sura diuji godang ni
punguan na nidohotan ni jolma di portibi on, ra olo do gumodang
punguan ni Halak Batak. Adong do punguan marga (Sa ama, sa ompu,
sangkabona, dohot sahorong). Diihuthon do nang punguan ni hula-hula,
tulang, adong dope punguan huta, dohot dongan sahuta di Bona Pasogit,
dohot lan na asing.
 Di tupuk on pe disoarahon apostel Paulus do paboa ringkot situtu do
hasadaon i, di na nidokna: sada parrohaon, sada haholongon, sada roha,
sada pingkiran muna. Lapatanna, mansai uli situtu do jala
marparbuehon las ni roha do ganup molo jumpang hasadaon i. Alai
ingkon tongtong do jamot hita, paboa mansai solhot do hasadon dohot
parsalisian. Alani i di nasa parsaoran sipasidingon do nasa pangalaho na
patubu parsalisian, isarana na holan mangharingkothon dohot
manaringoti na ringkot di dirina, jala ndang mar-parrohahon na ringkot
di donganna, baliksa tahe ndang di lehon tingki laho manangihon soara
dohot na ringkot di donganna. Sipasidingon do pangalaho na songon
on, molo itahasiholi naeng jumpang hasadaon di angka parngoluon
dohot parale-aleon.
Di angka parsaoran manang parale-ale on pe, sipasidingon do angka
pangalaho na tarhitup. Lapatanna, ingkon rade do hita pabotohon secara
tebuka tu angka dongan, angka na ponjot di roha. Ai laos disi ma boi
angka dongan tuk laho mangalehon angka na tau mangurupi manang
poda/nasehat asa mananhan manang malua sian parungkilon i. Ra
marragam dope lan na asing sijamothonon, asa jumpang hasadaon ima
marhite holong ni roha, ai diparbaga Debata do las ni roha dohot pasu-
pasu na godang tu angka na marsaroha. (Buku Ende No. 122: 3)
2. Kristus do suhat-suhat ni haulion ni ngolu jolma (ay 5-11)
Adong dua pandohan ni Halak Batak na jojot disoarahon jala
dihangoluhon, ima: Parjolo, Holong mangalap holong. Tangkas do i, ai
mansai godang do dipajongjong halak Batak Punguanna, laos mansai
godang do nang dibahen goar ni punguan i, holong mangalap holong.
Somalna, ndada asal dibahen goar ni punguan i, alai goar i
manggombarhon isina, manang songon na somal itabege dipandohan ni
Halak Batak: Goarna ma daina.
Alai di turpuk on didok do: songon parrohaon ni Kristus Jesus ma
Parohaon muna. Songon dia do imbar ni parrohaon ni Kristus Yesus
martimbangkon parrohaon ni Halak Batak, secara khusus taringot tu
holong?. Jesus manghaholongi jolma, ndada ala naung parholong roha
jolma i, manang laho mamalos holong ni jolma i. Alai sebalikna, Jesus
mang-haholongi jolma uju dibagasan dosa dope jolma i. Si Paulus di
turpuk jamita on, mansai tangkas do paandarhon suhat-suhat na patut
siihuthonon ni jolma, ima na rade mangarumari diri pola manolukhon
rupa hatoban, olo patutoru diri pola mate tarsilang laho papatarhon
holong na mamolin tu jolma manisia.
Napaduahon, batas ni jolma manesa hasalaan ni donganna, ima sintap
ni tolu hali.
Uju didapothon angka siseanNa Jesus, dipatupa nasida di pangarata-
rataion taringot tu harajaon ni Debata dalam bentuk diskusi. Godang do
 sungkun-sungkun ni sisean i, tarmasuk si Petrus mandok: Tuhan, sintap
ni piga hali do sesaonku sala ni donganku, pola do pitu hali?
Sasintongna sungkun-sungkun na sekaligus pandapot ni si Petrus on,
nunga melebihi hasomalan ni Halak Batak, ai ditangkasi si Petrus,
mandok: pola do pitu hali?. Mangalusi sungkun sungkun i, ndada
diolohon Jesus mandok pitu pulu hali, alai sintap ni pitupulu hali pitu
do. Pangajarion ni Jesus on, ndada holan na mandok boti, alai mansai
tangkas do jumpang ngolu na songon i di nasa pangulahonon ni Jesus,
ai ndang marnaloja manang marpansohotan Jesus manalpuhon
hasalalaan ni jolma, baliksa tahe, diusehon do mudarna, bahen tobus ni
dosa ni jolma i (Jaha: 1 Korint 6: 20).
3. Na patutoru diri nasida do sipatimboon.
Saluhut jolma di portibi on masihol do di hasangapon. Halak Batak pe
diparsinta do asa taruli di hasangapon raphon hamoraon dohot
hagabeon. Sitiruon do dilehon Tuhan Jesus uju ro tu portibi on. Ima na
olo Ibana patutotu diri, alai ndada gabe ditoru, olo Ibana mate alai dang
margogo hamatean i maniop Ibana. Disi ma patar huaso ni Debata, lobi
sian nasa hagogoon di portibi on, nang dibanua toru ro di Banua
Ginjang pe tahe. Ai dung dibolus hamatean i, sude do somba tu goar ni
Jesus, jala na marsoara marhatopothon Jesus Kristus do Tuhan.
Di pangjarion ni Jesus on pe tangkas do didok: manang ise na naeng
sangap, ima na gabe pangoloi di donganna (Mateus 20: 26)
III. Panutup
Di tingki parpudi on, itapahembang do parale-aleon ni Hurianta, ndada
holan parale-aleon tu EKK Ham, alai lam martamba do parale-aleon ni HKI,
isarana tu Yayasan Bahteraku, Gereja GMIM di Manado, Gereja Onnuri di
Korea dohot piga-piga Perguruan Tinggi di Indonesia, nang angka Lembaga
oikumene Internasional di luar Negeri pe tahe. Sasintongna, di bagasta di
keluarga nang di masyarakat, na marale-ale do hita. Jala di angka parale-
aleonta di portibi on, itaingot ma paboa naung ditodo Jesus Kristus hita ale-
aleNa. Naeng ma patar parale-ale on i, marhite na satia hita mangulahon
Hata dohot Patik ni Kristus I (Johanes 15: 14; Galatia 6: 2). Amen.
Pdt. Hotman Hutasoit, M.Th
Sekretaris Jenderal

MINGGU XVI SETELAH TRINITATIS

24 SEP 2023
 Epistel: Filipi 1:21-30

Tuhan Memulihkan Keadaan Umat-Nya

I. Pendahuluan
Surat Filipi bersama dengan surat Efesus, Kolose, dan Filemon
disebut sebagai kelompok surat penjara, karena dituliskan saat rasul Paulus
berada dalam penjara. Dari kesaksian kitab Kisah Para Rasul kita dapat
mengetahui bahwa ada beberapa kali rasul itu dipenjara; di Efesus (Kis
19:1-21), di Kaisarea (Kis 24: 24-26:32) dan tahanan rumah di Roma (Kis
28:11-30). Kemungkinan rasul Paulus menulis surat Filipi dari salah satu
kota tersebut.4
Selain memberitahukan tentang penderitaan yang dialaminya, surat
kepada jemaat Filipi ini dimaksudkan untuk mengingatkan jemaat Filipi
agar tetap setia kepada Injil Kristus. Jemaat Filipi dan setiap orang memang
berpeluang sama seperti Paulus dalam persoalan yang sama (Fil 1:30; 2:17-
18), tetapi mereka tidak boleh takut terhadap penderitaan yang disebabkan
oleh pemberitaan Injil. Rasul Paulus menguatkan jemaat Filipi dengan
mengatakan; “Segala perkara dapat kutanggung di dalam Dia yang
memberi kekuatan kepadaku” (Fil 4:13). Dilain pihak, lewat suratnya, rasul
Paulus juga ingin mengucapkan terimakasih kepada jemaat Filipi karena
telah menolongnya dengan berbagai pemberian dan doa (Fil 1:5; 4:10-19).
Dan tidak lupa juga ia memberikan suatu kepastian tentang Injil Kristus saat
menyinggung soal hukum taurat (Fil 3:2-11). Sebab telah timbul satu
perdebatan ditengah jemaat itu, masihkah para pengikut Kristus harus
tunduk kepada taurat atau tidak. Dengan tegas rasul Paulus mengatakan
bahwa kepercayaan kepada hal-hal yang lahiriah adalah satu kerugian besar
dibanding Kristus. Kebenaran karena iman, itulah yang menyelamatkan (Fil
3:4b-11).
Terkesan sangat akrab, demikian hubungan rasul dengan jemaat Filipi
sangat dekat sekali. Ini ditandai dengan surat kepada jemaat Filipi ini
bersifat pribadi. Paulus sejak dulu memang mempunyai hubungan yang
sangat dekat dengan jemaat Kristen Filipi. Selain jemaat itu adalah jemaat
pertama yang didirikan di bumi Eropah, jemaat itu dipuji karena telah
menjaga tetap utuh dan tidak terpecah oleh karena pandangan-pandangan
4
Dari berbagai pertimbangan, penjara di Kota Efesus diduga lebih tepat sebagai tempat
penulisan surat Filipi. Diperkirakan penulisan surat ini adalah tahun 54 atau 55 ses.Masehi
(Bnd. Duyverman,M.E.Drs; Pembimbing Kedalam Perjanjian Baru: Jakarta BPK-
GM,1996:Hal.133-134).
yang merusak tentang iman dan perilaku Kristen (Fil 1:3-11). Hanya ada
satu hal yang memusingkan Paulus dalam jemaat Filipi. Beberapa orang
Kristen sedang bertikai satu sama lain. Paulus menyebut dua wanita yang
rewel, Euodia dan Sintikhe (Fil 4:2-3).
II. Pembahasan
Rasul Paulus tidak ingin penderitaannya selama di dalam penjara
menjadi kekuatiran yang mendalam bagi jemaat Filipi. Ia menjelaskan
melalui suratnya bahwa apa yang dia alami malah telah berdampak positip
bagi pemberitaan Injil. Bahkan ia juga dengan jelas menyatakan dalam
suratnya tentang ambisinya yang utama dalam hidupnya hanyalah untuk
selalu membawa kemuliaan bagi Yesus. Saat meringkuk dalam penjara (Fil
1:12), bahkan kematian fisik hanya untuk memperdalam pengalaman hidup
di dalam Kristus (Fil 1:21). Bagi Paulus Kristus adalah pusat eksistensinya.
Di dalam Dia terletak maksud dan tujuan hidupnya. Itu sebabnya ia
mengatakan; “Karena bagiku hidup adalah Kristus dan mati adalah
keuntungan.” Paulus lebih menyukai maut ketimbang penjara, namun
sebaliknya ia kemudian melihat alasan yang lebih baik mengapa Allah
membiarkan dia hidup sejenak lebih lama, yakni: “supaya kamu makin maju
dan bersukacita dalam iman (Fil 1:25). Menderita demi Injil bukanlah tanda
kekalahan, melainkan tanda kemenangan. Atas dasar ini Paulus berharap
agar jemaat Filipi tidak begitu mengkhawatirkan penderitaan yang
dialaminya dalam pemberitaan Injil Kristus atau merasa gentar terhadap
penganiayaan yang menimpa atas diri mereka sendiri (Fil 1:27-30). Seorang
percaya yang mengaku hidup adalah Kristus, berarti mengaku juga bahwa
mati adalah keuntungan. Keuntungan yang berarti “kesempatan” untuk
memuliakan Kristus oleh penderitaan bahkan kematian sekalipun.
Paradok antara hidup di dunia dan kematian dalam Fil 1:23 itu bagi
Paulus sebenarnya hanya untuk memberi arti pada hidup seorang hamba
Kristus selama di dunia ini untuk memberitakan dan memuliakan Kristus
(Fil 1:20). Itu sebabnya dia berpandangan bahwa hidup di dunia ini berarti
bekerja memberi atau menghasilkan buah. Maksudnya adalah buah yang
dihasilkan oleh pekerjaan menuai. Itu berarti bukan Paulus, tetapi Kristuslah
yang telah pertama sekali menabur dan menanam. Dan sekarang ia akan
menghasilkan atau mengumpulkan buah dari apa yang ditaburkan Yesus
Kristus yaitu; buah penobatan orang-orang berdosa, buah iman, buah puji-
pujian, dll.
Atas dasar argumentasi teologis inilah rasul Paulus menasehati jemaat
Filipi supaya mereka bertekun atau tetap berjuang di dalam iman (Fil 1:27-
30).
 Dalam Fil 1:27 Paulus mengatakan;”Hanya, hendaklah hidupmu
berpadanan dengan Injil Kristus..” ini adalah suatu peringatan atau tuntutan
yang harus dilaksanakan. Kata “hidup berpadanan dengan Injil Kristus”
disini diterjemahkan dari kata politeuesthai. Kata ini sebenarnya berarti
hidup atau berlaku sebagai suatu warga negara atau kerajaan. Lewat kata ini
Paulus mau mengingatkan anggota jemaat kepada status mereka sebagai
warga dari kerajaan sorga (Fil 3:20). Bersama-sama mereka merupakan
suatu polis (kota, negara atau kerajaan) dan tiap-tiap anggota jemaat adalah
warga dari polis itu. Dan oleh sebab itu jemaat Filipi diminta supaya mereka
benar-benar hidup berpadanan atau sesuai dengan status mereka sebagai
warga kerajaan sorga; bersatu, tolong-menolong, saling menghormarti,
bersama-sama berjuang melawan raja kegelapan di dalam dunia.
Perintah hidup berpadanan dengan Injil berarti hidup berpadanan
dengan Kristus. Maksud Paulus adalah mengingatkan jemaat Filipi, bahwa
mereka juga sedang berada dalam perjuangan iman yang menuntut kesatuan
di dalam Roh Kristus; sehati sejiwa berjuang untuk iman yang timbul dari
berita Injil. Tanpa persatuan jemaat tidak mungkin mereka dapat teguh
berdiri dan berjuang dengan baik. Terispirasi dari prajurit-prajurit dalam
medan pertempuran, rasul Paulus mengingatkan mereka agar senantiasa
teguh (steko), sehati sejiwa berjuang (synathleo) dan tidak gentar
(ptyreomai). Faktanya mereka sedang berhadapan dengan lawan
(antikeimenoi) yang adalah penentang jemaat dan penentang Injil Kristus.
Hal ini tidak perlu disikapi dengan gentar. Justeru kesatuan jemaat akan
menjadi tanda atau petunjuk keselamatan mereka satu pihak dan kehancuran
dipihak lawannya. Bagaimana itu terjadi? Sebab Tuhan Allah
mengaruniakan kepada jemaat-Nya bukan saja untuk percaya, melainkan
juga untuk menderita bagi Dia (Fil 1:29).
III. Penutup
Mengesankan sekali saat rasul Paulus dalam Fil 1:21 mengaitkan hidup
(zen) dengan kata politeuesthai (hidup sebagai warga negara). Kata
politeuesthai pertama mengindikasikan jemaat Kristen sebagai warga negara
di dunia, lalu kemudian diberi arti yang baru sebagai warga kerajaan sorga.
Ini mau menyatakan bahwa orang percaya adalah memiliki dua kewargaan
dan memiliki kewajiban di keduanya. Dalam kaitannya dengan kata zen
(hidup), orang percaya sebagai warga negara harus menyadari bahwa
hidupnya di dunia ini adalah demi dan bagi kemuliaan Kristus sesuai
tuntutan Injil. Dari perspektif ini maka konsekwensi dari pemberitaan Injil
berupa penderitaan tidak akan dilihat lagi sebagai penderitaan, melainkan
sebagai sukacita, kehormatan dan keuntungan. Penderitaan adalah
kesempatan memberi manfaat bagi petumbuhan iman jemaat Tuhan.
Penderitaan adalah tanda keselamatan.

IV. Pokok-pokok kotbah

1. Hidup adalah kesempatan untuk memuliakan Tuhan.
2. Menderita demi Injil Kristus adalah merupakan latihan iman.
3. Penderitaan adalah sukacita, kehormatan dan keuntungan.
4. Penderitaan adalah tanda keselamatan.

Pdt.S.Simamora,S.Th

MINGGU XVI SETELAH TRINITATIS

24 SEPTEMBER 2023
Evanggelium : Kejadian 8: 15 – 22/1 Musa 8:15-22
 Tuhan Memulihkan Keadaan Umat-Nya

I. Pendahuluan
Riwayat air bah dalam Kej 8:15-22 ini adalah satu rangkaian yang
utuh mulai dari pasal 6 hingga 10. Bagian ini ditempatkan menyusul kisah
kejatuhan manusia ke dalam dosa dan pengusiran dari taman Eden (Kej 3
dan 4) sebagai berita tentang pemulihan umat-Nya dari akibat dosa yang
mematikan dan menyengsarakan. Satu pola yang jelas terlihat dari
rangkaian cerita itu adalah; dosa, penghukuman dan pemulihan - dengan
satu pesan penting bahwa Tuhan tidak menghendaki kematian manusia,
melainkan selalu pada rencana kehidupan yang kekal.
Kisah air bah seolah mengulang kembali kisah awal penciptaan.
Alur ceritanya identik. Pada awalnya hanya ada air, lalu menyusul tanah,
tumbuhan, hewan dan manusia. Selama Nuh di dalam perahu yang tertutup
rapat dan tidak dapat melihat keluar, saat itulah Tuhan memulihkan bumi
seperti saat pertama sekali diciptakan. Saat itu seolah Allah
mengesampingkan Nuh sejenak, sementara Ia memberesi bumi yang telah
rusak akibat dosa, lalu menempatkan Nuh kembali mulai dari garis awal
kehidupan diciptakan. Bahkan apa yang dikatakan oleh Tuhan Allah kepada
Adam dulunya, juga disampaikan kepada Nuh; “Beranak cuculah dan
bertambahbanyaklah serta penuhilah bumi.” (Kej 1:28; 9:1).
Inisiatip pemulihan akan selalu terjadi dari pihak Tuhan Allah dalam
kaitannya dengan rencana Allah atas manusia di bumi. Dalam kisah air bah
ini, Allah melihat Nuh sebagai seorang yang istimewa dimata-Nya dan
memilih dia untuk diselamatkan. Melalui Nuh diharapkan kemudian akan
dilahirkan anak-anak manusia yang taat kepada Tuhan. Tentu saja Nuh yang
telah mendapat kasih karunia di mata Tuhan (Kej 6:8), benar-benar
menerima perintah-Nya dengan seutuhnya. Dimulai dari membangun
sebuah bahtera menurut spesifikasi yang Tuhan perintahkan. Berikut
logistic, berbagai jenis makhluk dan orang-orang yang bersama-sama
dengan Nuh untuk diselamatkan. Semua ini dilaksanakan menurut petunjuk
langsung dari Tuhan Allah.
Dan satu hal yang penting kemudian adalah pasca peristiwa air bah
itu. Allah menyesali cara pemulihan dengan pendekatan penghukuman yang
mematikan dan membinasakan. Ini terlihat dari respon Tuhan Allah atas
persembahan yang dinaikkan oleh Nuh (Kej 8:21) yang kemudian
diteguhkan dalam pasal 9:11. Disini relasi baru antara Tuhan Allah dengan
manusia bukan lagi dalam bentuk dosa dan hukuman, malainkan anugerah
dan keselamatan. Inilah yang terlihat dari peristiwa Nuh ini; kepercayaan
yang bersifat lahiriah benar-benar tidak akan memperbaiki hubungan
manusia dengan Allah. Keselamatan akan diterima apabila kepercayaan itu
bersifat rohani yakni iman yang ditunjukkan lewat ketaatan sama seperti
Nuh. Itu sebabnya peristiwa Nuh kemudian diartikan sebagai yang rohani.
Kehidupan dalam perahu Nuh dianggap menjadi model kehidupan sorgawi
(Mat 24:36-39;Luk 17:26-30). Dan imanlah yang ditunjukkan oleh Nuh
lewat ketaatannya untuk melaksanakan perintah Tuhan dalam
mempersiapkan perahu untuk menyelamatkan keluarganya (Ibrani 11:7).
Dan yang lebih penting lagi, rasul Petrus menghubungkan peristiwa air bah
menjadi kiasan baptisan yang dikaitkan dengan kematian dan kuasa
kebangkitan Kristus. Ketaatan dan pertobatan yang tercermin dalam
baptisan menjadi syarat memperoleh keselamatan (1 Petrus 3:21).
II. Pembahasan
Ketaatan Nuh dalam mempersiapkan perahu itu sebelum peristiwa
air bah datang, ditunjukkan sama dengan ketaatannya sesudah air bah itu
surut (Kej 8:15-22). Nuh tidak keluar dari perahu meskipun ia sudah tau
bahwa air bah sudah surut. Ini ditandai dengan burung merpati yang ketiga
(setelah burung gagak dan merpati) tidak kembali lagi kedalam perahu (Kej
8:7-12). Ia masih harus menunggu perintah Tuhan untuk keluar dari
bahtera/perahu itu. Nuh sepenuhnya menggantungkan hidupnya kepada
pemeliharaan Tuhan Allah. Tuhan telah mempersiapkan jalan keselamatan
bagi Nuh dan keluarganya pada awalnya, maka dia membiarkan Tuhan juga
akan menyempurnakan keselamatan itu pada akhirnya. Nuh tidak keluar
dari perahu itu dengan kehendaknya sendiri, melainkan dengan sabar
menantikan kehendak Tuhan.
Setelah menunggu beberapa waktu lamanya, perintah Tuhan datang
kepada Nuh dan mereka pun keluar dari perahu itu. Rupanya kehidupan
keluarga Nuh masing-masing terpisah selama dalam perahu. Nuh bersama
anaknya laki-laki tinggal terpisah dengan kelompok isteri dan menantunya
perempuan. Barangkali ini adalah model tradisi yang diikuti hingga saat ini,
dimana di dalam gereja itu tempat duduk jemaat laki-laki berbeda dengan
kaum perempuan. Sebab gereja juga menggambarkan suasana kehidupan
sorgawi (prototipe sorgawi bnd.Mat 24:30; Mat 22:30).
Tentulah rasa syukur yang besar ada di dalam hati Nuh, sebab dia dan
seluruh keluarganya telah berhasil selamat. Nah, dalam Kej 8:20, ketaatan
iman Nuh berlanjut dalam wujud syukur yang ditunjukkannya dengan
memberikan persembahan korban bakaran kepada Tuhan Allah. Yang
pertama dilakukan oleh Nuh pasca keluar dari perahu adalah mencari sebuah
tempat yang tinggi dan mendirikan sebuah mezbah bagi Tuhan. Itulah
mezbah pertama yang didirikan di bumi yang sudah dibersihkan. Disini
dikatakan bahwa Nuh mempersembahkan miliknya yang terbaik berupa
korban bakaran (ola). Korban bakaran ini adalah menandai darah atau
nyawa, yang berarti bahwa kehidupan adalah milik Allah. Allah senang Nuh
menyadari imannya, lalu Allah memberkati dia dan berjanji untuk
memberkati juga keturunannya. Sekalipun Tuhan tau bahwa dalam hati
anak-anak manusia itu nantinya masih akan terus berdosa. Dari sinilah kita
akan melihat kaitan selanjutnya kisah ini dengan tebusan nyawa atau darah
Adam yang akan ditanggung oleh keturunannya yakni Yesus Kristus. Tuhan
Yesus Kristus tidak berdosa dan tidak mungkin berdosa, tetapi Ia menjadi
korban pengganti dan penebusan akibat dosa keturunan manusia. Ia menjadi
korban persembahan yang sempurna yang berkenan bagi Allah untuk
pengampunan dosa manusia di kayu salib. Dan dengan cara itu juga Yesus
Kristus menggenapi di dalam diri-Nya anugerah Allah yang menghidupkan.
Setiap orang yang berada di dalam pengorbanan Kristus itu akan beroleh
pengampunan.

III. Penutup
Perikop ini menyaksikan bahwa dosa itu sudah dan akan terus
menjadi sifat yang melekat dalam diri manusia itu (Kej 8:21;”yang
ditimbulkan hatinya adalah jahat….” bnd Kej 6:5). Patokan dosa adalah
kekudusan Allah. Oleh sebab itu dosa diartikan sebagai penentangan atas
apa yang dituntut oleh kemuliaan Allah.
Sama halnya dosa dinilai dari perspektif kekudusan Allah, demikian
juga tindakan Allah atas dosa itu terjadi sebagai konsekwensi dari
kekudusan dan kemuliaan-Nya. Tuhan Allah tidak membiarkan dosa yaitu
ketidak acuhan manusia terhadap-Nya. Tindakan khasnya adalah murka
Allah. Murka Allah tidak boleh dianggap rendah seolah keluar dari hati
yang busuk, dendam, kebencian sebagaimana hati manusia, melainkan
sebagai ungkapan ketidaksenangan Allah akan kejahatan akibat dosa itu.
Manusia diciptakan untuk hidup di hadapan Allah dan dalam persekutuan
dengan Dia. Manusia memiliki tanggungjawab untuk selalu menyenangkan
hati Allah.
Peristiwa Nuh menjadi sebuah pelajaran tentang murka Tuhan atas
dosa. Tentang nasib buruk yang akan dialami oleh manusia dan berkat
pemeliharaan dan keselamatan yang akan diperoleh atas ketaatan iman
kepada Tuhan Allah. Allah membenci dosa dan akan menghukum setiap
orang oleh karena kefasikannya. Tetapi sebaliknya, Ia mengasihi dan
memulihkan (mengembalikan kesemula dalam naungan anugerah Allah)
hidup orang benar yang taat serta menyelamatkannya. Peristiwa air bah
tidak berakhir pada masa Nuh, namun menjadi simbolisasi dari peristiwa
yang akan datang. Air bah merupakan penghakiman Allah di akhir zaman
(Luk 17:26, Mat 24:37). Dan sama seperti keselamatan yang dianugerahkan
Allah kepada Nuh, air bah menjadi lambang keselamatan yang diperoleh
manusia melalui baptisan (1 Pet 3:20-21).

IV. Pokok-pokok kotbah

1. Tuhan Allah membenci dosa dan orang fasik.
2. Allah memelihara hidup orang yang taat dan percaya.
3. Kita telah menerima baptisan. Itu berarti kita telah dipersatukan
dalam kematian dan kebangkitan-Nya untuk hidup kekal.
4. Setiap orang mesti merespon kasih Allah dengan ketaatan kepada
firman-Nya. Itulah persembahan yang berkenan dan menyenangkan
hati Tuhan.

Pdt.S.Simamora,S.Th

MINGGU XVII DUNG TRINITATIS

1 OKTOBER 2023
Epistel: Poda 4:20-27
 Benget Mangulahon Lomo Ni Roha Ni Debata

I. Patujolo
Bindu 4 on marharoroan ma on sian panindangion ni si Salomo na
pandarahon taringot tu dua dimensi dalan di hangoluan. Na sada ma i
habisuon na sada nari hajahaton. Nunga dihangoluhon si Salomo habisuhon
marhite panindangionna jala dideskipsi (digombarhon) pamilliton di na dua
dalan di parngoluon. Hata parpudion i ma laho manosou na umposo
marhite bukti naung dihangoluhon ibana asa memillit dalan habisuhon.
Marhite turpuk Poda 4:20-27 paandarhon pusat ni habisuhon. Nunga parjolo
hian disuru tu hita laho manurathon hata bisuk on di rohanta, saonnari muse
disuru ma hita laho manjaga roha, ai sian i do ruar angka mual ni hangoluan.
Asa dipasahat si Salomo do hata on ai diboto ibana do manjaga roha, i ma
pusat sian hadirionta. Molo roha na bisuk hita, pambahenanta pe gabe bisuk,
alai molo rohanta maoto, haotoon ma nang pambahenta i.

II. Hatorangan ni Turpuk.

Di ayat 20-21, Di Poda 1:8 dijou do bangso Israel tumangihon patik.
Di Poda 2:1 asa tumangihon hata, parenta, di Poda 3:1 asa unang
manghalupahon patik, alai manghangoluhan parenta i. Di poda 4:1 asa
tumangihon natoras jala di poda 4;10 asa tumangihon hatana.
Dungi marpangidoan ma su Salomo asa mamarateatehon angka hata,
jala ditangihon sude pandohan i (hata). Halak na sai torus manjaha (unang
mago sian pamerengan) jala di dimomosi dibagasan roha. Di Israel, roha
(hati) ima pusat ni pingkiran, sangkap dohot emosi. Ingkon jahaon,
marsiajar jala manghangoluhon hata i nasida di ngolu siganup ari.
Ayat 22. Ai hangoluan do i di angka na jumpangan disi, jala gabe
hahisaron di sandok dagingna. Ayat on na boi masa ma on di halak naung
manghangoluhon hata i. Sahat ma tu nasida hangoluan dohot hahisaron.
Hangoluan na ditawarhon i ma ngolu partondion, ngolu na rap mardalan rap
dohot Tuhan i. Hahisaron na mansai porlu, ai dao ma ibana sian boruboru si
babijalang gabe malua ma sian sahit na menular. Marhite i ma halak na
tumangihon hata i dao ma sian sahit jala taruli hahipason ma ibana. Jala
nasida na so jadi sun siap daging nasida (Poda 5:1).
Ayat 23. Sian saluhut sijagaonmi, gumodang ma jaga roham, ai sian
i do ruar angka mual hangoluan. Mangihuthon pangantusion ni halak Israel,
roha i ma pusat keberadaan ni jolma. Ima pusat ni pingkiran, sangkap nang
emosi. Laos i do muse gudang ni parbinotoan, tarlumobi ma i taringot tu
Tuhan. Jadi, impolana i ma laho manjagasa marhite bisuk na sian Tuhan i
jala manghangoluhonsa. Aut roha nasida tertuju tu bisuk ni Tuhan i, sude na
masa di ngoluna manghorhon hadedenggan do i di ibana. Alai molo
mangihuthon portibion do di rohana, patupa jut ni roha ma i. Alani i ma na
ingkon jagaon nasida ro roha nasida.
Mual hangoluan, ima gambaran kemakmuran. Di dunia kuno, mata
mual mamboan kelimpahan. Godangan do di Israel logo ni ari. Jadi mual
ima sumber daya na mansai arga di bangso Israel. Jadi lapatan ni on tu
habisuhon i ma ma habisuhon mamboan kelimpahan na gabe sumber
kelimpahan.
Ayat 24. Alani paholang ma sian dirim ansiansi ni pamangan, jala
padao sian ho bibir sijubajabi. Na so jadi do tangi tu halak na manghatahon
angka ansiasni jala parbibir sijubajabi. Ansiansi ni pamangan dohot bibir ni
sijubajabi laho paagohon konsetrasinta do i. Ai pargabuson, manipulasi,
kelicikan dohot tipu daya sude na on menyesathon do i sian dalan
habisuhon. Marhite na padao diri sian ansiansi ni pamangan dohot sian bibir
ni sijunajabi, gabe mansai hatop ma marnida tu jolo (melihat lurus ke
depan). Alani i ma ayat on mangajarhon hita asa manjaha pamangan,
songon na nidok ni Poda 5:2 ...”jala dipajop bibirmu parbinotoan (bibir kita
harus memelihara pengetahuan).
Ayat 25. Sai mamulus tu jolo ma matami mamaereng, jala langkop
ni matam manuju tigor tu jolom. Di Poda 4:20, hata pandohan ni si Salomon
ndang manirpang sian malolongna. Alani i ma dipodahon ibana ma asa
memastikan paboa mata dohot langkop ni mata manuju tigor tu jolo hombar
tu hata habisuhonna. Nasida ndang mangihuthon dalan na asing (Poda 4:27),
manang umbege hata ansiasni ni pamangan dohot bibir ni si jubajabi, alai
konsentrasi tu dalan bisuk dohot parbinotoan ni Debata, diadopan ni halak
na pantas marroha di hapistaran, alai anggo mata ni halak na oto
mangarambang do sahat ro di ujung ujung ni tano on.(Poda 17:24).
Ayat 26-27. Sai timbangi ma pangalangka ni patmu, asa tung
marsihohot saluhut dalanmu. Manulus tu jolo, na ingkon jamot
mamarateatehon dalan na diado na ingkon dalanan. Ingkon pastihonon na do
paboa dalan sidalanaonna i dalan na tigor. Na so jadi manirpang tu siamun
manang tu hambirang. Ingkon mardalan ma ibana di dalan na tigor, ima
pabotohon paboa naung dipalua patna sian hajahaton (Poda 5:8).
Parateatehon ma cara mata berjalan akan menjadi cara dia berjalan. Aha na
hita ida laos i do mempengaruhi aha na taulahon.
III. Sipahusorhusoron
1. Dihalomohon si Salomo do tu hita marhite pandohan ale anaha sai
parateatehon ma hatangki.... di tingkat na paling dasar, roha na
 tarjaga tangi do halak na songon on di angka hata ni Debata, ai na
tumangihon hata ni Debata mangurupi hita asa lam tajaga rohanta.
Asa molo jumpa parmingguon manang partangiangan tangihon ma
na nidok ni parjamita unang sai holan menilai parjamita i, malo do
manang ndang psahat baraita na uli i. Marmanat ma di nasa na
tapingkiri. James Meritt mandok diboto pelatih pelatih sepak bola
do tim na dia ma na mengontrol garis crimmage na biasana
memenangkan pertandingan. Laos dihatahon ma muse, pikiran ima
garis latihan di baagsan ngolunta, jala ise pe na mengendalikan garis
latihan, mengendalikan ngolunta. Alani di dok Apostel paulus di
Pilipi 4:8. Angkup ni i, ale angka dongan, pingkiri hamu ma nasa
parange na sintong, na daulat, na tigor, na bontor, na uli, na
denggan begeon ro di sude na targoar haburjuon, na tau pujipujian
2. Marmanat ma di angka na tahatahon.Adong pandohan.” Tongkat dan
batu dapat mematahkan tulangku, tetapi kata-kata tidak akan pernah
menyakitiku”. Onma pandohan ni halak na oto. Hata na boi do
manegai roha (menghancurkan hati). hata boi paholang
pardonganon. Hata boi memecah gereja, hata boi menghancrkan
parumatanggaon. Hata boi patupa hasesega dohot duka.. Alani i
didok paholang dirim sian sijubajabi, ai boi do i manegai parsaoran
dohot manegai angka na asingnai.Didok Yesus di Mateus 12:36-37
Alai hudok ma tu hamuna: Ingkon maralus do jolma sogot di ari
uhum i taringot tu nasa hata na so gabeak na hinatahonna i.
Ai marguru tu angka hatami do ho pintoranna manang uhumonna
sogot.

Pdt M Simanjuntak
HKI Resort Khusus Helvetia

MINGGU XVII DUNG TRINITATIS

1 OKTOBER 2023
Evangelium: Jakobus 5:7-11

Benget Mangulahon Lomo Ni Roha Ni Debata

I. Patujolo
Salah satu alasan boasa ndang marnapuas halak di ngoluna? Tontu
alusna alani na so adong habengeton. Ai sai tarbururu ma halak na songon
on di ngoluna sai pintor naeng matop nian masa (terjadi), pintor hatop adong
na hinirimna dna. Alani i ma di bindu 4, nunga diajari Tuhan i hita taringot
boha do hita mangadopi na masa di ngoluon. Saleleng on taboto do paboa
naung marsiajar hita ia ketidakpuasan marharoroan ma i sian si jahat, egois
di bagasan dirinta. On ma sibonsirisa boasa gabe berdebat, sombong
(jungjat), manguhumi dohot kasar, terlalu fokus tu materi dohot angka na
parsatongkinan di tano on.
Alai saonnari sahat ma hita tu Yakobus 5:7-11 asa benget hita
mangula lomo ni roha ni Debata. Di Bindu 5:1-6 dipinsang si Jakobus do
angka halak na mora na jahat na na pis rohana mida angka na pogos na
bonar. Dungi muse di ayat 7-11 beralih ma sian na maminsang halak na
mora na jahat tu tu halak na digosagosa huhut mangapuli halak na pogos na
satia, asa tongtong marbenget ni roha mangulahon lomo ni roha ni Debata.

II. Hatorangan ni Turpuk.

Di ayat 7 di dok :”Antong pabenget hamuma”. Hata benget, sian
hata makrosthymesate sian hata makros na marlapatan panjang dohot
thymos na marlapatan tempa. Jadi idena asa boi diatur emosi ni sasahalak
untuk jangka panjang. Alani i bengetma. Halak na porsea asa monongtong
marbenget ni roha ditingki uju ro parungkilon manang hasusaan. Jala
diparrohahon ma patupahon na denggan asa dumenggan situasi na
humaliang jala tongtong bersemangat dihabengeton. Saleleng partingkion
hasusaan, arahon ma rohan tu jolo tu harororo ni Tuhan. Huria na parjolo i
mangolu do di panomunimuon tu haroro ni Tuhan naung jonok.
Pangkirimon nasida i ma di tingki masa keadilan dipasahat ma tu angka
penindas dohot na tertindas. Di haroro ni Tuhan, diuhumi ma halak parjahat
jala halak na porsea dapotan upa ma hinorhon ni hasatiaon nasida tu Kristus
(Poda 14:14, Mat 5:12).
Esensi habengeton tangkas ma i tarida di sahalak parhauma na
benget paima ari parudan, laho pabornokhon tano i asa boi masa manuan.
Parhauma na pekerja keras sada contoh na denggan ma on patuduhon
habengeton. Parhauma boi mangula hauma i sahat tu na manuani ladang i,
alai parhauma i pe ingkon mangkirim do tu Tuhan i asa dilehon udan dohot
matianiari di tingkina asa denggan partubu ni suan suanan i jala marparbue.
Parhauma nunga marsiajar jala manghaporseai tu huaso ni Tuhan asa
denggan suan suanan nai, songon i ma nang si Jakobis manjou hita asa
manghaporseai Tuhan i di tingki masa hasusaan ni ngolu. Di ayat 8,
sarupa songon parhauma i na ingkon benget jala marsihohot, ai nunga
donok ari ni Tuhan i. Benget, i ma sikap na pataridahon benget di masa
parungkilon dohot ketidakadilan. Ndang apala patuduhonon
parungutunguton, pandelean saleleng masa parungkilon i. Dison ma ingkon
fokus tu Tuhan. Ai dapot hita do gogo ala ni harororo ni Tuhan na maboan
ngolu na saleleng lelengna.
Di ayat 9. Dipatolhas si Jakobus do asa di paso halak na porsea
marhoi, asa unang diuhumi, ai Jesus do Hakim na jongjong di jolo ni pintu
paruhuman i. Marningot harororo ni Jesus na naeng ro, ala ni halak na
porsea asa pasohon parsualon na di patorang ni si Jakobus di bindu 4.
Di ayat 10, dipatolhas si Jakbus do contoh habengeton, ima angka
panurirang na marjamita marhitehite goar ni Tuhan, ai nang pe ingkon
mangadopi parungkilon nasida alai alani habengeton i, ndang mansohot
nasida marsoara marhite goar ni Tuhan i. Sasahalak na mangadopi
parungkilon na boi di tarapul molo adong tudostudo gabe manghorhon
benget ni roha ma ibana. Songon panurirang Jeremia na di Jeremia 38, na
tarrante (dipenjara) si jeremia binahen ni si Zedekia di penjara di tano na
margambo jala dipasombu sahat tu na mate. Alai hata na haruar sian ibana
ima na di Jeremia 38:20, sai tangihon ma siara ni jahowa...” ndang marhoi
ibana hinorhon ni na masa i, alai dipasahat di dirina tu Tuhan i.
Di ayat 11. Taparhatua do angka naung matrhabengeton. Halak na
bertahan jala benget, i ma halak na dipasupasu (lih. Bahagia atau beruntung,
makarizomen). Dparidahon si Jakobus ma sada contoh kesabaran na
terkenal jala na dihormati, ima si Job. Dihalomohon Tuhan i do habengeton
ni si Job, laos habengeton na i mambahen marganda pasupasu (Job 42:12).
Ketabahan dohot daya tahan tarida do di ngolu ni si Job. Benget di ayat on
terkait do on songop na di ayat 7-8 na mengacu tu sikap panjang sabar na so
marhoi di tingki masa parungkilon. Bertahan do si Job jala tabah. Agoan
arta do ibana, ianakhon, hahipason. Diparsorionna i dipertahanhon ibana do
haporseaonna. Disimpuli si Jakobus do:” ai parasiroha bolon do tuhan jala
partalup ni roha
.
III. Sipahusorhusoron
Andigan ma hita marbeget ni roha:
Ditingki ro angka na masa na marragam i, sai songon na so boi
takendalihon, ditingki halak ndang boi diubah tu arah na dudenggan,
ditingki ro parungkilon na so boi tarjelashon. Alani i disuru Tuhan i ma hita
molo nunga ro nama sai asa marbenget ni roha. Satia ma mangulahon lomo
ni roha ni Tuhan i. Mangula hata ni Tuhan i ma hita sambil mengunggu
hasil. Jala panimpuli tabegema di Jesaya 40:31. “Alai angka na
marhaposan tu Jahowa maruli hagogoon mardapotdapot, gabe marhabong
ni lali laho manaek. Marlojongi nasida ndang olo loja, mardalani nasida
ndang olo mandate”. Ditingki paimahon, ditingki marbenget ni roha,
dilehon Tuhan do gogo tu hita, unang marhoi, manongtong ma
manomunomu Tuhan i.Amen.

Pdt M Simanjuntak
HKI Resort Khusus Helvetia

MINGGU XVIII DUNG TRINITATIS

8 OKTOBER 2023
Epistel: Lukas 11:37-42

Dihalomohon Debata do Hatigoran dohot Hasintongan

I. Patujolo
Sada hasomalon na binahen ni jolma bertujuan asa lam tu denggan
na parniulaan ni jolma i. Budaya na pinatupa ni halak Jahudi “mamburi”
sada gombaran na patuduhon budaya dan agama boi do rap mardalan.
Budaya na pinatupa ni jolma mangurupi asa unang mangulahon angka na
jat. Isarana di halak Batak, didok do “pantang” molo mandok angka hata na
rurang, di pakke do hata “sattabi” di tinggki manghatai di jolo ni angka na
torop na patuduhon rasa hormat. Godang do jolma na so mangantusi budaya
sada ulaon na hinalommon ni Debata, alani ido umbahen nueng on godang
angka ugamo na luli, didok doi panombombaan tu debata sileaban. Songoni
ma nang di buku Lukas dipataridahon do sada budaya manang na kebiasaan
jala marhite i do pola muruk Jesus ala dirippu do roha ni nasida nungga
mardosa Jesus ala naung mangose patik ni nasida.

II. Hatorangan Ni Turpuk

1. Ingkon uli luar nang di bagasan, ingkon uli dipanghataion nang
dipangalaho
Di Judea dijou angka halak Farisi do Jesus laho mangan. Adong do
sada kebiasaan manang ulaon na somal, ikkon jolo marburi asa
marsipanganon. Di adat ni halak Jahudi, marburi sada uhum naung tarsurat
sian oppu ni nasida. Alai uhum i ndada haiason nang tu hahipason. Dibahen
nasida do marburii gabe sada ulaon na bersifat ritual manang formalitas.
Ditingki i Jesus dang diula na marburi i, jala on ma sada perhitean laho
mencobai sekaligus menyerang Ibana ima marhite halak Parisi dohot angka
Siboto Surat. Sasintonga na dang na lomo roha ni nasida marnida Jesus, alai
di jou nasida do Ibana laho mangan di borngin i. Dilalui nasida do
hahurangan manang cela ni Jesus asa adong dalan ni nasida laho
manjehehon Jesus. Sasitongana ulaon i (marburi) ndada na maralo tu patik
ni Debata, alai ndada ingkon siulahonon atau tidak wajib dilakukukan.
Diroha ni halak Parise ulaon agama ima mangulahon uhum nang
angka ritual. Barclay manggombarhon aek na pinakke ni halak Jahudi laho
mamburi biasana disimpan asa unang hodar. Ditingki marburi di usehon ma
aek sian tangan atas sahat tu jari-jari, dung i digosok jala di paisa. Ia roha ni
angka si boto surat i digohi angka ulaon na jat, digosa nasida do angka na
gale jala na so mardihadiha. Ringgas do nasida marburi tangan, marburi
angka pinggan ni nasida dung simpul mangan, alai dang adong roha laho
paishon angka na jat sian roha ni nasida (37-41). Ia halak Jahudi idaon do
nasida badia dipanghataion nasida alai pangansi jala dang ture pangalaho ni
nasida.
2. Mangulahon holong ni roha songon tanda na porsea di Tuhan Jesus
Ditingki mangetong pelean angka siboto surat nang halak Parise i
sian angka na torop i, tung manasai manat. Di etong nasida do sude arta pola
do di etong piga kambona suan-suanana, mamoro arta ni dongan. Didok do
nasida angka si boto surat, alai dang di ulahon holong, asi ni roha nang
hatigoran. Umbahen i do tung muruk situtu do Jesus, di pinsang do angka
halak Parise i, pola do didok “marjea ma hamu Parise”. Marhite hata ni
Jesus na mandok marjea ndada na patuduhon sogo ni rohaNa Ibana, alai
paingothon do nasida ala sian ias roha jala unang marpangansi. Pelean na
didok ni turpukkon ndada na mandok salah pelean nasida, alai dilehon ma i
marhite ias ni roha, unang pola di paksa. Ia pelean na mangolu ima
pangalaho na tontong sadalan dohot dalan ni Debata.

III. Sipahusorhusoron
Dihalomoon Debata do hasintongan, ai ikkon hasintongan sian roha
nang parange. Godang do masa di ngolu ni halak Kristen nuaeng on
berengon badia marhite na ringgas ro tu parmingguan nang di angka
panghataian, sai hira na jonok hian dohot Debata, alai dang sadalan
pangalaho na dohot na hinalomohon ni Debata, hape di ula do dosa. Didok
ibana halak Kristen alai diparhatoban, digosa jala dilonjan do donganna,
ibuat do arta naso artana. Jala dinueng do godang do angka pemimpin
gereja songon angka naung pinilit ni Debata alai dang diulahon hata ni
Debata. Godang do angka sintua nang pandita naso mangulahon ulaon na
pinasahat ni Debata tu nasida. Attong tapelehon ma dirita gabe pelean na
mangalu tu Debata na tontong basa dibagasan ngoluta. Amen.

Pdt. Wyn Nico Ignatius Sibarani, M.Th

MINGGU XVIII DUNG TRINITATIS

8 OKTOBER 2023
Epistel: Lukas 11:37-42

Dihalomohon Debata do Hatigoran dohot Hasintongan

I. PATUJOLO
Na mangula do Panurirang Jesaya di Juda dohot Jerusalem, uji ngolu
ni si Usia, Jotam, Ahas, Hiskia, angka raja ni Juda (740 – 701 Andorang so
Kristus/Sebelum Masehi). Na manurirangi do si Jesaya tu bangso ni Debata,
pinagodanggodang ni Debata (Jes. 1:2), na gabe marbalik sian Debata.
Mansai roa do pangalaho ni bangso i di adopan ni Debata. Manjahati (Jes.
1:16, mangulahon pangarupaon, papeol uhum tu na sopot so marama, ndang
olo mangondingi angka na mabalu (Jes. 1:17), angka sintua gabe
panggunturi dohot gabe dongan ni angka panangko. Saluhut nasida
mangapian di sisip, jala dilului angka silehonlehon (Jes. 1:23), dapot
tabantaban sian na dangol di bagasan angka jabunasida (Jes. 3:14-15).
Tabantaban sian na dangol naeng bahenonna pamonangkon parporangan,
asa mendapat kenyamanan politik, paundukhon bangso-bangso na gabe
musu.
Gok roha utiutian sian habinsaran do nasida, jala angka parsibalik
mata, songon halak Palistim, jala satahi tu anak ni na pulik marga. Gok
perak dohot sere tanonasida i, jala ndang tarlilit artanasida i, jala gok angka
hoda tanonasida, pola ndang habilangan angka huretanasida. Gok angka
ajiajian tanonasida, marsombado nasida tu jadijadian ni tanganna, tu na
pinauli ni jarijarina (Jes 2:6-9). Marnida pangalaho angka parjahat i,
digurithon panurirang i ma ende taringot tu bangsona, hasianna i na
marporlak anggur di punsu ni sada dolok na napu/subur (Jes. 5:1), denggan
do diurus porlaki, dipature angka pangula ni porlak do tano nang parbuena.
Tung manghirim do di parbue na tonggi, hape na asom do diparbuehon,
gabe tarhirim ma ibana (menghasilkan kekecewaan).

II. HATORANGAN NI TURPUK

1. Punsu ni dolok na napu (ayat 1)
Tubu do sada sungkunsungkun marhite ayat on, adong do punsu ni
dolok na napu? Ai somalna di rura/toruan do habaoran ni aek, laos ido
mamboan angka unsur hara gabe mambahen napu tano na adong di toru
ni sada dolok. Alai marhuaso do Debata manarihon dolok i, dibahen do
napu marhite na parohon aek marhite ombun nang udan. Jala somalna,
lam ummetmet do tano di punsu ni dolok sian na di toruan/kaki gunung.
On ma gombaran na patuduhon, na dipillit Debata do bangso Israel;
bangso na metmet gabe bangso na sangap (berada di puncak), laos sian
 bangso i do haroroan jala hataridaan ni huaso nang hasangapon ni
Debata.
2. Debata mangarade saluhut (ayat 2)
Songon pangula di hauma, dung jumpangna tano na napu; pungkaonna
ma paulihon tano i, dipangkuri, dijomputi angka batu sian tano i, laos
disuanhon lopok (bibit) na denggan tusi
3. Parbue na asom (ayat 3-4)
Kecenderungan pingkiran ni jolma sai holan mangula na jat di adopan
ni Debata. Nungnga godang dibahen Debata pangurupionNa,
panarihononNa, laho marmudumudu jolma i, alai tumagon do di roha ni
jolma i mangolu di bagasan hajahatonna. Ndang adong be na so
pinarade ni Debata, ala ni umbahen didok “Tung aha dope sibahenon
nian tu porlak anggurhu na so Hubahen tusi, boasa sai hupaimaima
parbuena, parbue na tonggi hape na asom do diparbuehon”. Partingkian
na arga jala na denggan i ndang diparar dohot denggan.
4. Uhum sipatupaon ni Jahowa tu hasudungan ni rohaNa na tangkang i
(ayat 5-7)
a. On pe pabotohononHu ma tu hamu sibahenonku tu porlak anggurhu,
umpatonhu ma handangna, ndang adong be hasonangan. Bangso na
asing sai ro laho manurbu bangso i. Asa suda digagat binatang,
lohaonku ma parikna asa diluntak.
b. Bahenonku ma ibana gabe halongonan, asa unang dirantingi manang
dipangkuri. Asa tubuan suga dohot sihupi. Jala dohononku angka
ombun asa unang mangalehon udan tu ibana.
III. SIPAHUSORHUSORON
Alai porlak anggur ni Jahowa Zebaot ima pinompar ni Israel dohot
angka baoa sian Juda, suansuanan hasudunganNa. Songon i do hita angka
Ruas ni Tuhanta, naung tinobusNa marhite mudar ni Kristus. Nungnga
tajalo asi ni roha ni Debata, marhite ragam ni angka na denggan. Molo
naung tajalo angka na denggan, sai taparbuehon ma na denggan, gabe
pasupasu ma hita ala nungnga pasupasu sian Debata. Amen.

Pdt. Wyn Nico Ignatius Sibarani, M.Th

MINGGU XIX DUNG TRINITATIS

15 OKTOBER 2023
Epistel: 2 Musa 32:1-14
 Marpamuati Rohani Jahowa Alani Asi Ni Rohana Tu Bangsona

I. Patujolo
Hea jala jotjot do tabege “orang sabar dikasih Tuhan” halak na
sabar dihaholongi Debata. Nadidokna hasabaron dinalaho mangadopi
angka persoalan ditonga tonga ni pardalanan ni ngoluna. nangpe olo do
sipata didok halak “haotoon” do anggo sai sabar. Ra ido gabe didok muse
“adong do batasan kesabaran”. Gabe sai jotjot halak mura marbada, mura
marsalisih. Tongtong marlaba do angka nasabar. Boi do dibagasan
habasaron I marsiajar laho marparohahon angka namasa, jala olo do
dibagasan habasaran I jumpangna alusni angka parungkilonna. Nangpe maol
mangulahon I, alai molo halak nasabar I ima halak namargogo. Alai halak
naparmuruk, namura emosi justru ido napatuhon hahuranganna.
Ringkot patubuhon ni bangso Israel sikap “sabar” asa unang mura-mura
loja paimahon. Memang dang sadari manang dua ari dipaima ima bangso
Israel haroroni si Musa tuat sian Dolok Sinai. Opat puluh ari opat puluh
borngin ma lelengna si Musa dung nangkok tu Dolok Sinai(2 Musa 24:18).
Nga tung ngol-ngolan bangso Israel paima ima haroroni si Musa tuat sian
Dolok Sinai. Tangkas do Borhat pe si Musa nangkok tu Dolok Sinai hombar
tu Hatani Jahowa mandok “Nangkok ma ho mandapothon Ahu tu dolok on
asa hulehon tu angka batu namasurat dohot patik ro di uhum, angka naung
husurati asa adong dipodahononmu tu nasida”(2 Musa 24:12). Tangkas do
tujuan ni si Musa nangkok tu Dolok Sinai ima laho manjalo Surat Uhum
dohot Patik sian Debata.
II. Hatorangan ni Turpuk
Alani leleng leleng ni Si Musa tuat sian Dolok Sinai,nunga lam
mauas bangso di panggomgomion. Jala sosundat lam moru haporseaon
nasida dung dao si Musa sian tonga tonga ni nasida. boi do toho: molo
adong sada pemimpin naung somal maniroi mangajari, menarihon nasida
naseleleng on, rodi angka naringkot disipanganon nasida saleleng on. sian
on tanda ma si Musa sada Uluan naung dihilala nasida pambahenan saleleng
on parmudu muduonna. Molo adong nasala dipinsang, molo adong pe
mardosa diajari tu dalan nadenggan, molo adong na rapar, mauas dilehon
sipanganonna dohot siinumonna. Tung tangkas do parmudumuduon ni
Jahowa tu bangso I marhite si Musa. Hape dung lam dao jala leleng si
Musa di dolok Sinai, tung mauas situtu nasida. Lam mura nasida dilulihon
pikiran nasida, ai dang adong be naboi songon si Musa mamparrohahon
nasida. Ido umbaenna didok nasida “ai dang huboto namarhua hami dohot
si Musa on, namanogihon hami sian Mesir”. Lapatanna adong do biar
nasida alani lelengni si Musa I, boi do dipikkri nasida naso mulak be si
Musa, jala boi do adong kecurigaan nunga maninggalhon nasida, laos
songon I boi do dietog nasida naung mate si Musa di pussu ni dolok I, ala
diida nasida marsilam silam api di dolok i.
Hita pe sipata olo nian songon bangso on, songon nadidokna
“pekerjaan yang membosankan adalah menunggu”. Hira-hira molo leleng
ro donganta jala nunga manimbil sian parjanjian, gabe ngolngolan hita olo
do tadok: toema dang natohoi bei, mulak mahita. Hira namandele do hita.
lapatanna dang natarharaphon ni bangso i be haroroni si Musa I ditonga
tonga ni nasida. Nian nunga dipasahat si Musa tu si Aron (Harun) dohot tu
si Hur asa gabe Uluan dibangso I paima tuat ibana sian dolok Sinai
songonmanggomgomi bangso I (2 Musa 24:14). Somalna molo disuru
manang gabe pangganti(Pendelegasian) ulaon, marlapatan ma molo adong
haputusan ni si Aron dosdoi nang haputusan ni sian si Musa nangpe holan
manggantihon satongkin ibana. Ise naso bangga silehon tugas nagabe Uluan,
nangpe dang boi sude nagabe Uluan. Ise do si Aron o? boasa ikhon ibana?
Si Aron ima Hahana(kakak) ni si Musa naung dijou Tuhan gabe juru bicara
ni si Musa. Ditingki disuru Debata si Musa manogihon bangso I haruar sian
Mesir, ala naso malo si Musa dang manghatahon tona ni Debata Jahowa tu
Bangso Israel, dungi di dipillit Debata ma si Aron ma dongan disuru Debata
laho manghatahon i. tugas ni si Aron ima sada Imam, Ai Debata sandiri
manjou ibana gabe Imam. ibana ma tardok imam naparjolo di Israel.
Tarsongon hata mandok “bagaikan anak ayam kehilangan
induknya”. Molo ditinggalhon indukna hape, pintor marserak, jala masiboan
dalanna, lomobi nang mangsahon dirina be, ala dang adong be
marparrohahon. Hape si Aron takkas do dipajongjong naung dipasahat si
Musa tu Ibana nagabe Uluan ni bangso i. Na so diporsea do nasida di
panggomgomion ni si Aron, manang di ida nasida si Aron marmeam meam?
Memang dang apala tangkas dipasahat di turpuk on. alai tangkasma dipaboa
dison: dung dipangido “didesak” nasida si Aron asa mambaen Debata
nasida sandiri. Nunga be di liluhon sibolis nasida dung ditinggalhon si Musa
nasida.
Tung mura do munggil bangso Israel sian Debata Jahowa, hape
naung tangkas dijalo nasida parmudu muduonNa salelengleng on ima
paruarhon nasida sian tano parhatobanon Mesir i. Jala marsada do roha ni
sude bangso I mandapothon si Aron. Adong do kensan nadipaksa manang
didesak si Aron, gabe mabiar ibana, jala boi do gabe mogap ibana, laos di
oloi si Aron muse. Boi dohonon si Aron I sada imam naso adong ketegasan
dohot tanggungjawab. Pamurahu ma ibana mangoloi I, laos so adong
panimbangion sian ibana. sasintongna molo sada uluan namarhabiaran tu
Debata ikhon do mangorai bangso ala maralo tu Patik parjolo dohot
paduahon. alai laos ditolopi hatani bangso I mangulahon dosa. Mambaen
Debata sandiri ima Patung lombu sian sere. Laos ibana sandiri do muse
mangarahon bangso I mangulahon I, songon mangajari perayaan perayaan
nasomal marhite angka pelean nasida.
Sahalak parmahan ikhon do bertanggungjawab jala diboto mamboan
angka biru biru tu inganan nadenggan, ndada mamboan asa madabu tu dosa.
Israna molo adong penumpang dibagasan mobil bus, keselamatanna
tergantung do tu supirna. Jala manang tudia pe diboan, pos dorohani angka
penumpang I tu supir i. Alai sahalak si Aron songon panggomgomi di
bangso i naung dipillit si Musa, gabe disalahgunakan do kepercayaan i.
Molo nunga lilu do Uluanna, angka pangihutna pe pasti do lilu. Molo tajaha
do si Buku ni si Musa palimahon: Muruk situtu do Debata tusi Aron asa
hona uhum ibana, alani tangiang ni si Musa do umbaenna dao si Aron sian
rimas ni uhum ni Debata(5 Musa 9:20).
Nunga mardosa situtu be bangso Israel , laos diajari si Aron nasida
manomba ganaganaan, songon dohot Pesta raya, dungi pasahat pelean tu
debata nasida nadibaen nasian sian lombu i. jala pola do sipasombu nasida
tagas (hawa nafsu) manortori jala marminum minum nasida sude. Molo di
ayat 25 didok do “..naung gabe hijang, nunga dipahijang si Aron bahen
haurahon” bahasa Indonesia “ seperti kuda lepas dari kandang”
namarlapatan nunga marsonang sonang pardagingon nasida marsaimara
(ketelanjangan,kesenangan seksual) ima naung dihagigihon Debata. Ima
pangidoan ni nasida, mambaen asa sonang rohani nasida, jala tarpapuas
nasida pardagingon nasida.
Diboto do Debata dosa ni nasida I, dirimpu nasida do Debata Jahowa I naso
marnida. Hape Saluhut do diboto Debata ahape na niula nasida, ai Ibana do
na manompa hita. Nunga mardosa be bangso I, jala nunga manimbil be sian
Debata manomba gana ganaan. Nunga diboto Debata pardosaon ni bangso I,
dunngi ro ma hatani Debata Debata tu si Musa ninna “tuat ma ho, nunga
marroha mago”.(7). Nadidok na Nunga mago nasida sian dalan ni Debata
ala naung dipillit nasida Debata nasida sandiri ima patung-patung i. Molo
halak naung manomba debata na asing ima Halak naung mago, ala nunga
dipadao ibana Debata sian dirina. Jala hagigion ni Debata do molo olo hita
manimbil(menduakan/selingguh) tu Debata na asing. Ido umbaen namuruk
gabe paro rimas ni Debata do I. Hassit do molo diduakan(diselingkuhi),
apalagi manimbil, hape nunga tangkas nian di dai jala dijalo nasida parmudu
muduon ni Debata Jahowa alai pintor ditinggalhon bangso I do Debata.
Halak naso mandok mauliate I sasintongna halak naung marhaposan tu
dirina sandiri, ndada tu Debata. “tibu nai nasida manimbil sian dalan naung
Hupatuduhon i..”(8) Debata sandiri do naung mangajari nasida asa
marpangalaho nadenggan jala asa tongtong mardalan dihasintongan ni
Debata. nadidokna disi “songon hau naso hot uratna, mura do I marumpak
alani alogo”. Songon I ma retes ni haporseaon ni bangso I, ndada haru
leleng do pe dijou Debata nasida gabe bangso napinallitna, nunga pintor
ditinggalhon bangso I Debata jala manimbil sian Debata. tumagon do
mamillit Debata sileban na binaen nasida sian sere.
Tarida do dison gogo ni hisap hisap ni daging ni bangso I. lapatanna
boha asa pasonang rohana, asa puas nang hisap hisap ni dagingna dibaen ma
Debata nasida sandiri. Sasintongna patung I holan symbol doi, sasintonhna
dos do mambaen nasida sandiri songon Debata. Nasida do mangaturhon
songon lomo nirohana. Anggo Debata Jahowa ikhon songon lomorohani
Debata Jahowa do, ndada songon lomo nirohana nasida. boi dohonon
bangso Israel on, tung maol diarahon, jala maol manghamuliatehon na
andong. Alani ido didok Jahowa “idama tung natangkang marroha do
bangso on”(ayat 9). Gabe sada kesimpulan napatuduhon hatangkangon ni
bangso I marhite hite naso unduk tu Jahowa mangihuthon lomo nirohaNa.
Alani pangalaho ni bangso Israel I gabe laos muruk jala tarrimas
situtu ma Debata Jahowa. Dang Diboto bangso Israel, Laho pe si Musa
pajumpang dohot Debata di Dolok Sinai ima asa patupahon patik dohot
aturan do tu bangso I, asa adong songon dasor ni nasida mangihuthon Tuhan
Jahowa. lapatanna holan laho tu hamajuon dohot hadengganon ni bangso
ido. Holan satongkin dope,dung tundal si Musa, pintor manimbil nasida jala
maralo tu Tuhan I. Berjuang do si Musa nangkok tu dolok jala sampe pola
40 ari 40 borngin marsiajar patik nasian Tuhan I asa adong pasahathonna
jala ajarhononna tu bangso I.
Ahabe lapatanni patik I, nunga mardosa bangso Israel? marisuang
doi sude? Laos ido umbaen na gabe tarrimas Debata Jahowa asa
mangarimpashon(memusnahkan) bangso i. Anggo di Debata, ahape boi do
masa. Dang adong naso tarpatupa Debata. Jala molo nunga sangkapna
nasaut dang adong be naboi mangambati i. Alai Anggo diturpuk on tajaha,
dung didok Debata marsangkap laho mangarimpashon bangso i. Mangelek
do si Musa sitangiangna tu Debata, asa tung marpangulahi rohani Debata
marnida BangsoNa i. “boasa tung marsigogor rimasMu ale Jahowa…..
Sian tangiangni si Musa ada adong 3 rimpun ni tangiangna dipatolhas,
naparjolo: Dipaingot ibana Debata diangka pambahenan dohot haburjuon
ni Debata naparuarhon bangso Israel sian Mesir, paduahon: asa disundati
Debata rimasnai asa unang gabe sisurang goarni Tuhan Jahowa dihalak
Mesir, sotung didok “diboan pe nasida sian Mesir asa rimpashononna do
nasida. Songon na manjaga habadiaon, “nama baik” ni Tuhan I asa unang
gabe roa diadopan ni halak lomobi ma halak Mesir. Unang ma songon
nadidokna “hurimpu parhunikan hape pargadongan, hurimpu parsaulian
hape tu hamagoan”. Lapatanna marisuang ma halak Mesir mangihuthon
Debata Jahowa. napatoluhon: dipaingot si Musa do Debata diangka janjiNa
na tu si Abraham, si Ishak, di Jakob naung dipasahat naung dibaga bagahon
tu nasida ima “ahu mapatorophon sogot pinomparmu songon bintang
nadilangit… nangpe tung maralo nian rimasnai tu baga bagana hian tu
angka umpuni Israel, nian dang hea Debata lupa diangka baga bagana. Alai
laos alani ima muse dung dipatolhas si Musa I ditangiangna.
Ditanginghon Debata do tangiang ni angka napartigor. Diboto si
Musa do hape songon dia do lomo niroha ni Debata. jala ditangihon Debata
pe tangiangna, ndada sasintongna ndada saluhut alani tangiang dohot alasan
nabinaen ni si Musa, alai natutu do parasiroha do anggo Jahowa.Alai sian si
Musa on, boi marsiajar hita martangiang, mangalek tu Debata dibagasan
serep niroha, jala ditangihon do angka tangiangni natigor roha.

III. Panimuli/Hahonaan
1. Mangolu ma hita dibagasan hasetiaan tu Debata. Halak nasetia
do naolo rade paimahon Haroroni Tuhan. Manang sadihari pe tuat si
Musa I, tongtong ma manontong HasetiaonNa. Unang baen
alasanmu alani angka pardagingon, manang alani angka namasa
dingolum gabe moru hasetiaonmu jala laos maninggalhon parsaoran
nabadia ni Tuhan i. manang ahape namasa, ihon satia do
mangihuthon Tuhan i.
2. Halak naporsea ikhon gabe haposan jala parmahan napaluahon.
Molo naung dipasahat tanggungjawab, manang naung dibangkit
gabe sada uluan, baik ma nadilantik manang gabe Urusan manang
ahape ulaonta, ikhon do mamboan ulaon I tu angka nadenggan.
Haposan ma dihata, haposan dipabahenan, nang dipangalaho pe,
gabe sitiruon. Ndada laho mangajari tu naso denggan, manang
manolopi angka haputusan namaralo tu Hatani Debata. Halak naung
dihaporsea gabe sada uluan ikhon tutu ma gabe parmahan, asa unang
lilu, alai gabe panoniroi, pangajari, pamoda I, biar mida Jahowa
3. Dihasogohon Debata do halak naporsea na manimbil sian Ibana.
Dang lomo rohani Debata hita manimbil sian dalanna nasintong,
apalagima manomba gana gana muse. Dihasogohon Debata sian
 Bangso I ima didok nasida Debata ni Israel do DebataNa, alai dioloi
jala disomba muse debata na asing. Jala nasida sandiri do manompa
debata sandiri, hombar tu hisap hisap ni dagingna. Halak naso
mangoloi Debata ima halak na holan marhaposan tu dirina sandiri.
4. Marpamuati do rohani Jahowa alani Asi nirohana tu bangsoNa.
Holong ni Debata naso rasuda. Jala dang hasuhatan asinirohaNa tu
hita. Jesus Kristus naung ro I ima tanda natutu do manontong
Holong dohot asinirohaNa tu hita. Nangpe dibagasan dosa hita, alai
parasiroha do dope manesa dosanta, molo olo hita manopoti dosanta.
Parrimas do Debata tu angka namanimbil sian Ibana. molo manimbil
hita, ndada gabe malua Uhum I sian hita. manang ise namardosa
ikhon do bertanggungjawab didosana. Alai manang ise mardosa, jala
olo ro tu Debata mananda hagaleonna, janghonon ni Debata ma
ibana.

Pdt.Ampu Supariadi Hutasoit, S.Th

Resort Langkat

MINGGU XIX DUNG TRINITATIS

15 OKTOBER 2023
Evangelium: Matius: 22:1-14

Torop Do Natarjou Alai Otik Do Natarpillit

I. Patujolo
Adong hata batak mandok “Gokhon do sipaimaon jou jou do
sialuson”. Molo naung sahat gokhon on ikhon jala denggan ma adopan.
Lumobi ma diulaon hita halak batak. Molo naung ro do gokhon baik sian
paranak manang sian parboru pintor rade do rohanta maniti ari boha asa boi
hita ro diulaon i. Napasti baenonta boha asa boi adopanta jala unang
mambaen kecewa na manggokhon hita. songon I nang angka pangaradeonta,
tandok, tortor, tumpak dohot Ulos angka nasing muse. Gari dao pe ulaonni
nangpe ikhon kaluar sian kantongta gabe harugianta doi asalma taadopi
pesta i. Sude nai diulahon, boha asa gohan lasniroha ni hasuhuton lumobi
namangontang.
Molo tajaha do surat Injil ndada sahali on be Jesus mambaen parumpamaan
taringot “harajaon ni Debata”. Angka Parumpamaan taringot Harajaan ni
Debata ima perumpaan songon sada namora(Mat.20:1-16), songon
dakdanak(Mat.18:1-5), songon panabur boni(Mat 13), Anak boru
nasumpulu(Mat 25) dohot na asing nai dope. Jala dang naholan taringot
“harajaon ni Debata ” Jesus mambaen parumpamaon dohot angka
pangajarion na asing pe jotjot do Jesus mamakke parumpamaan. Di turpuk
on didok parumpamaan Harajaon ni Debata tarpatudos tu sada Raja
mamestahon ianakhonna mangoli.

II. Hatorangan ni Turpuk

Molo didok marpesta pasti mai ulaon lasniroha. Asa manggohi
lasniroha nasida pasti adong do nani ontang na nasida. Dison didok sahalak
Raja do nampunasa ulaon manang “suhut bolon”. Tontu boi tardok Raja ima
halak nasangap, jala nanihormatan ni saluhut. Napasti Bolon do ulaon I, jala
angka na ni undang na pe pasti do torop, rodi angka sisolhotna, nang angka
rekan pejabat. Songon ido somalna molo marpesta angka uluan nasangap.
Jala Ise naso lasroha molo sahat undangan I, apalagi muse nampunsa ulaon I
ima sahalak raja namarhasangapon.
Alai Ironis manang “ngeri hian” do namasa diturpuk on, dung sahat
Gokhon I . Nunga Rade be sude angka nahombar tu ulaon I rodi angka
sipanganon laho menyambut angka undangan ni pesta i. Disuru Raja I ma
manjou naposona, molo dihalak batak songon parhobas ima angka parboru.
Raja I nagabe suhut disuru ma angka boruna(parhobas) laho manjou angka
ontangna asa ro. Mandok nunga siap jala nunga rade be ulaon pesta
lasniroha i. Alai dang adong naro nanggo sada. Molo di hata halak hita
batak didok “Gokhon do sipaimaon , jou jou do sialuson”. Nunga tingkos
nabinaen ni Raja I songon hasuhuton di Pesta i. di Gokhon jala adong do
muse panjouon I, dang adong olo ro.
Dungi diulai Raja ido muse marsuru naposona, didok “paboa hamu
ma tu angka naginokhonnan muna, nunga rade sipanganon,….nunga rade
saluhut…. Lapatanna Raja I ima hasuhuton di Pesta nunga tangkas
paboahon haradeonna, haradeon namanjanghon, manamue , dohot naringkot
disipanganon nasida pe. Alai marsidalian do nasida dibaen “…tois niroha
nasida, nasada laho tu hauma, nasada laho tu partigaa tigaan”. Aha do
huroa mambaen borat nasida ro tu Pesta? Alani toisna gabe marsidalian
nasida.
Sasintongna parumpaan on laho mengencam halak Jahudi do
hatihai. Songon halak Jahudi naung saleleng on manghirim diharajaon ni
Debata marhite hite mesias. Naeng didok Jesus: nunga saut be Harajaon ni
Debata I songon gokhon asa masuk tu harajaon ni Debata. Gokhon I tu
halak namanghirim saleleng on diharoroNa. Raja I nampuna Ulaon I ima
Tuhan Jesus, naro tu portibion laho “manjamu hita, narade manamue hita di
perjamuan Pesta i. Saonnari rodo GokhonNa jala Jou jouNa,alai dang
adong naro, jala laos martois niroha mambaen sidalianNa. Halak Jahudi
naleleng on sai radot di Patik ni Tuhan I, alai laos do adong do parulaonna,
songon angka siboto surat naso porsea di harajaon ni binuan ni Tuhan
Jesus. Songon angka Namarsangap ni Israel naso olo manjanghon
pangajarion ni Tuhan I marhite angka panurirang songon sejarah dipadan
narobi.
Dirimpu rohani nasida do Naposo nasinuru ni Raja I gabe alo nasida,
gabe manggunturi nasida. dipusa nasida mai. Naposo ni Debata Ima angka
SiseanNa, angka parjamita, angka panurirang, songon I angka naung
pinabangkitna gabe ula-ulaNa. Hape NaposoNa i ima perwakilan ni Raja
laho manjou nasida asa ro tu Pesta i. Holan namanjou do uloan nasida, hape
gabe dipusa jala dibunu do nasida. Sahalak naposo ni Debata ima angka
naung dipabangkit Debata ima manjou nasa jolma tu Harajaaon ni Debata
asa Dapotan Haluaon.
Nangpe dang ro nanggo sada naung ginokhonna I, dang gabe mago
buti Lasniroha ni Raja i. pasti do adong kekecewaan molo adong sahalak
namarulaon manggokhon alai dang ro naginokhonnai. Alai didok Raja I
“Nunga rade nian nahasea tu pesta I, alai dang tau angka napinio”. Didok
Jesus “dang tau”(bhs Indonesia:”tidak layak”). Wajar do rajai mandok
songon I, Ala dang denggan respon ni angka na niundang I tu ibana. angka
naso tarharaphon be, angka pangalaho naso rade dijou, nagok sidalian I,
dang tau I mandapot harajaon ni Debata I, dang tau I manjalo inganan ni
haluaon i.
Nang soro angka naung ni gokhon nai, dang sumurut lasnirohana
nangpe adong kekecewaanna. Disuru do muse naposoNa tu angka dalan
balobung, asa diarahon angka saluhut najumpangna. Lapatanna manang ise
naolo diarahon. Nadidokna naung godang hape naung manghirim, tardok
porsea naung gabe sasaran ni halaon I, dang gabe jaminan olo ro manopot
Tuhan i.
Ido umbaen didok Raja I “manang ise jumpangmu”. Lapatanna Rade
do tangan ni Jahowa manjou manang ise naolo ro tu Ibana. didok do “na
jahat dohot nadenggan” ima namanggohi Pesta i. dang sumurut Lasniroha ni
nampunasa Ulaon I hape, ai torop do manang ise naro tu Pesta i. Halak
naung jumpangan ni Jahowa, ima halak naung marlasniroha. Martua ma
halak najumpangan ni naposona, tarjou ibana, jala rade rohana jonok tu
Debata. Pasti do gok lasniroha ganup halak naung jumpangan I ro tu Pesta i.
Alai adong sahalak tamue ni Raja “naso marpahean pesta”. Tontu halak naro
tu pesta nda ikhon denggan do paheanna patuduhon haradeonna mangadopi
pesta i. Merasa do ibana parsidohot marlasniroha dipesta I, hape dirina pe
dang diparrohahon. Marsipaula do ibana songon naung layak manjalo
lasniroha hape diboto Debata do rohana. nda haleaon do nabinaenna,
manang hailaon do nabinaenna disi molo so denggan paheanna. Ipe didok
Jesus do “nabeha do parmasuk mu tuson amang? Ai dang marpahean Pesta
Ho?
Nangpe sahalak Raja ibana, nampuna ulaon I songon “hasuhuton” di
Pesta I ditanda ibana do angka tamuena, jala diparrohahon ibana do songon
dia pangalahona, sikapna di Pesta i. ndang gabe sibuk ibana sandiri ibana
ala nampuna ulaon. Anggo di Halak Batak, Olo dope ra hasuhuton ipe dang
ditanda angka halak naro tu paspestaan I alani torop na. alai anggo Raja I
sumurung do. Jesus Kristus I songon sahalak raja I, nampuna huaso di
HarajaonNa. Ganup namasuk tu Harajaonnai pe ima halak naung tangkas
tarjou hombar tu pangalohana dohot sikapna.
Songon sahalak naso marpahean pesta I gabe ditali patna dohot
tanganna laos dibolonghon,masa ma angka anguk anguk…” Jesus do
nampuna Harajaon I, Di Ibana do Hunsi ni Hangoluan i. Lapatanna molo ro
hita tu Debata, ikhon ma dibagasan hahormarton, dibagasan habadiaon,
ndada leas niroha. Nangpe adong namardosa, adong na denggan masuk
harajaonni Debata, ndada diparsoalhon Tuhan i. Alai halak naso marhite
marpahean hasintongan ni Kristus, namangolu dibagasan Kristus ido
namanjalo jambarna tu api narongko. “Alai Lan do nadijou alai saotik do
natarpillit”. Ise do natarjou? ise do natarpillit i? lapatanna natarjou ipe hape
nda gabe jaminan naung parsidohot diharajaon ni Debata. Alai naung
tarpillit I tontu ima angka halak naung dijanghon Debata, halak naung
dipakke Debata, jala Halak naung parsidohot Di Harajaon ni Debata.

III. Panimpuli/ Siparhusorhusoron

1. Tinggil jala oloi ma hita di Jou jou ni Tuhan i. Molo tardok halak
naung porsea ikhon ma nian olo hita mangoloi jou jou ni Tuhan i.
Marragam situtu di panjouon ni Tuhan I asa mardalan hita
dihasintonganna. Tung unang be marsidalian hita, masiboan
alasanna, masiboan sahitna, dang boi hita manjua asal olo hita rot u
Tuhan I mangoloi HataNa jala mardalan tu lomo nirohaNa.
2. Rade Do Tuhan I manamue hita. Holan Tuhan Jesus do songon
panamue na burju. Lapatan ungkap jala rade do rohana manamue
hita manang sadihari pe ro hita tu Ibana. Dang Hea adong Sordak ni
pintuNa,nangpe di Ibana nampuna Hunci Hangoluan i. Alani I
binsan adong mangolu hita, ro ma hita, ai rade dibaen Tuhan tai
ganup napinapinganido nirohanta di ibana do, ibana do Bona ni
hangoluan, Ibana do haroroan ni pasu pasu. Alani I haringgashon ma
ro tu Tuhan Jesus. didok do “ro ma hamu tu Ahu, hamu angka
naloja....(Mat.11:28),Ai do dalani, dohot hasintongan dohot
Hangoluan …(Joh.14:6), Au Ho Roti Hangoluan i(Joh.6:48).
3. Tuhan Jesus do Hunsi ni Haluaon. Tangkas diboto Tuhan ido
manang ise naro tu Pesta i. Halak Natarjou ipe naso ro mangalusi
joujouNa I,dang tau i dohot di HarajaonNa. Jala halak naso denggan
marpangalaho, namarsipaula parsidohot, dang dapot Haluaon i.
Holan Tuhan Jesus do berhak mamillit ise do na bongot tu
HarajaonNai. Sian tonga tonga ni natarjou I pe, diboto Debata ise
natau sipillitonna.”Jadi dilehon do tu Ibana huaso na manguhumi ala
Anak ni Jolma I Ibana (Joh.5:1). Ditingki di boto Ibana naso layak
ibana dipiliit pintor di tali ma dungi dibolonghon. Tuhan Jesus do
nampuna “uhum” jala manguhumi namangolu dohot namate. Ibana
do manontuhon, jala manirang angka naporsea dohot nasoporsea i.
4. Godang do natarjou alai otik do Natarpillit. Tuhan Jesus umboto
do manang ise natau parsihot di harajaonna. Jala dang sude tarjou,
garipe naung digokhon hape anggo solo olo, nga pasti dang dohot i.
Hape adong do natarjou, jala olo ro tu Pesta I, alai anggo dang sian
ias nirohana, roha namarpangansi, jala marsipaula hona uhum sian
Debata. “nda saluhut halak mandok :Ahu Tuhanna bongot t
harajaon banua ginjang I, holan angka namangulahon lomo niroha
ni Damang nadibanua ginjang ido”(Mat.7:21). Jala dung ari parpudi
ipe, ditanda Debata do angka biru biruNa, nasai sihol tu asinirohaNa,
siulahon HataNa, jala naolo mamelehon dirina mangurupi angka
nagale. Ganup naso mangulahon I didokma “Dang hutanda hamu,
laho ma hamu sian lambungHon.(Mat.7:23).

Pdt. Ampu Supriadi Hutasoit,S.Th

Resort Langkat

MINGGU XX DUNG TRINITATIS

22 OKTOBER 2023
Epistel : Lukas 10:21-24
 Debata Do Sibahen Haluaon

I. Patujolo
Huria ni Tuhanta, somalna molo adong sahalak na tabereng na
berprestasi sai jotjot do tasungkun ise do guruna. Angkup ni na mamuji
murid na berpresatasi i tung godang do halak na mangakui dohot mamuji
guru ni murid na marhasil i. Keberhasilan ni murid tong do keberhasilan ni
guru. Ndang hapalang las ni roha guru molo marparbue do angka
parsiajaran-parsiajaran na pinasahatna tu angka muridna. Turpuk ni
jamitanta di tingki on ndang tarsirang sian ayat 1-20, ima na
dilatarbelakangi las ni roha ni Jesus di siseanNa na pitu pulu i naung mulak
sian huta dohot inganan parsuruan ni Jesus. Mansai las situtu roha ni Jesus
ala ro siseanNa mamboan barita las ni roha ima naung monang siseanNa i
mangalo sibolis dibahen huasoNa.

II. Hatorangan Ni Turpuk

“Dipataridahon Jesus tu siesanNa na Pitu Pulu i las ni rohaNa.
Halalas ni roha ni Jesus ima lam tu toropna na porsea tu Debata Jahowa jala
naung tarsurat goar ni angka na porsea i di banua ginjang (ay. 20). Di
halalas ni roha ni Jesus didok mauliate tu Debata Ama, Tuhan sigomgom
banua ginjang dohot tano. Di tingki na marolopolop i Jesus didok ma
“Kegirangan Suci” na pinabangkit ni Jahowa sandiri marhite Tondi
Parbadia. Namangudut tamba las ni roha ni Jesus diida monang angka
siseanNa i maralohon tondi na jahat i ima sibolis i madabu sian ginjang
songon porhas (ay. 18). Nang di hita pe angka ruas ni huria sai dihalomohon
Debata sian ngolunta on hamubaon ni rohanta tau halalas ni rohaNa. Molo
tapamanat sian ayat 21 on “ala ditamondinghon Ho i sian jolo ni angka na
pistar dohot na marroha”. Di 1 Korint 1:18 didok “Ai haotoon do hata na
taringot tu silang i di roha ni angka na laho mago; alai hagogoon ni Debata
do i di hita na dapaotan haluaon”. Ia haluaon na pinatupa ni Debata ima
rahasia sian halak na pistar dohot marroha. Kemungkinan Lukas laho
manungguli angka halak Jahudi na pistar na targoar halak Farisi na manulak
Jesus. Dohot tu halak Junani na sai mangutamahon pingkiran mangalului
harajaon ni Debata. Asa bongot tu harajaon ni Debata ingkon songon
dakdanak (18:17), na marlapatan ma i ingkon sadar na metmet do hita
maradophon Tuhan i, serep marroha, dohot sederhana. Tung na so dapotan
haluaon na sian Jahowa jolma i molo mangasahon bisuk na sian portibi on
so marhite habisuhon ni Debata (bnd. 1 Kor. 1:21).
 Hahomion ni Damang dohot Anak-Na tung tangkas tarida sian
pandohan, saluhutna i, nunga dipasahat Damang tu Ahu. Porsea situtu do
Damang tu Anak-Na i naung mangampehon bisuk, parbinotoan dohot huaso
(otoritas) tu Jesus Kristus. Ibana ma Pangamai na bolon na patureturehon
saluhut na harajaon ni Debata. Jesus Mangadar hatana tu angka siseanNa
taringot tu jabatan dohot hundulan na gabe Raja Mesias ima harajaon
hasintongan (Pat. Joh. 18:33-39). Ndang adong na mananda Anak i dungkon
ni Ama i ia so holan Anak i. Pandohan on mandok tung so adong na umboto
ise do Anak dohot dalan ni pikkiranNa ia so Ama i. Tarida situtu ma
hasudungan ni parpadanan ni Jesus dohot Ama i naung sangkabona. Padan
ni Jesus dohot Ama i patuduhon tu hita jolma laho mambungka parniidaanta
asa mangolu dibagasan parpadanan rap dohot Debata.
Didok Jesus tu angka siseanNa i, tung marolopolop ma hamu naung
umboto pamotoan hahomion ni harajaon ni Debata i (8:10). Nunga jumpang
siseanNa i ia Jesus ima Sipalua “Mesias” na dibasabasahonNa tu nasida.
Pandohan ni Jesus “Martua ma angka mata na marnida na niidamuna”
naung jumpang haluaon na sian Debata Jahowa. Naung dibagabagahonNa
sian Padan Na Robi nunga saut di tingki Padan Na Baru sahat tu partingkian
on. Martua situtu angka siseanNa i ditudoshon tu angka panurirang-
panurirang dohot angka panggomgomi andorang so ro Kristus tu portibi on
naeng idaonna dohot begeonna hahomion harajaon ni Debata tung so
dapotna. Sipangingot ma nang tu hita ruas ni huria na mangolu dungkon
Padan na Baru tung martua situtu sian ngolu ni jolma di Padan Na Robi.
Tarida situtu ma nian haringgasonta na manghangoluhon Debata do sibahen
haluaon.

III. Panimpuli
Adong piga na boi sirajuman sian turpuk ni jamitanta on:
1. Dijou jala disuru do hita gabe siseanNa laho mambaritahon
harajaon ni Debata
Tahamuliatehon ma tu Ibana molo diparar dope hita laho
pararathon barita harajaon ni Debata tu sandok portibi on.
kesempatan na arga do na pinasahat ni Tuhan i tu hita molo tung
dipangke hita laho mambaritahon harajaon ni Debata.
2. Ulaon ma panjouon dohot parsuruhon ni Tuhan i
Ulaon na borat do panjouon ni Kristus, ai tung godang angka
hamaolon-hamaolon na taadopi laho pararathon barita Na Uli.
Gomos ma hita martangiang tu Tuhan asa dilehon hita gogo
mangulahon parsuruonNa i.
3. Jaloonta do parbue ni ulaon parsuruon ni Tuhan i molo benget
taulahon
Martua situtu do halak na na manghabengethon ulaon parsuruon
ni Tuhan i, mangasahon asi ni rohaNa parsidohot ma hita di
haluaon na binasabasahon Tuhanta tu angka na benget
mangulaon parsuruonNa sahat di ujung ni ngolunta. Pos ma
rohanta jala porsea ma hita ai Debata do sibahen haluaon.
Amen.

Pdt. Donni Alex Siburian, S.Th

MINGGU XX DUNG TRINITATIS

22 OKTOBER 2023
Evangelium : Jesaya 45:1-7
 Debata Do Sibahen Haluaon

I. Patujolo
Hampir do sude halak hea manaon haporsuhon manang krisis di
tonga-tonga ni ngoluna. Boi do i krisis di partondion, relasi dohot krisis
perekonomian. Di kondisi na sisongoni tung berharap do hita adong ro
pangurupion laho paluahon sitaonon na borat i. Situasi partingkian di Jesaya
45:1-7 on bangso Israel sedang di habuangan Babel (Deutro Jesaya 40 – 55).
Hansit do diae nasida di habuangan i, jala diharingkothon bangso i do asa
adong na paluahon nasida sian habuangan i. Tarida do bagabaga haluaon i
tu bangso Israel. Halak Israel na tarbuang uju i ima sian golongan atas sian
Jehuda jala nasida borhat ndang sekaligus alai secara bertahap. Parborhat ni
nasida adong tolu gelombang sian taon 598 dohot 582 SM. Na tarbuang i, i
ma angka bangsawan, malim dohot angka pegawai tinggi ni kerajaan rap
dohot torop angka ahli pertukangan. Dipaloas do Nasida pajongjong bagas
di Babel dohot mangulahon angka ulaon na boi gabe ngolungolu nasida di
inganan i huhut mangulahon ruhut parugamaonna. Alai, nasida ndang boi
malua sian kerja paksa na binahen ni harajaon Babel. Dung ditingki Raja
Kores (Cyrus/Sirus-Raja di Iran Selatan/Persia) na marhuaso di Babel
dilehon do kebebasan tu bangso na nirajaan ni Kores i pajongjonghon angka
inganan parpunguan manang bagasjoro.

II. Hatorangan Ni Turpuk

Ayat 1:
Ia Raja Kores marhuaso dung 40 taon ma lelengna bangso i di
habuangan Babel. Huta Jerusalem nunga hancur so adong be na tading na
gabe boi inganan. Kores ima sasahalak raja non Juhudi na diurasi (diurapi)
Jahowa. Debata mamiahi-melantik Koresy gabe sipalua tu halak Israel. Sada
hasomalan do molo di Israel melantik sada raja ingkon diulahon
panurirangNa, taingot Raja Saul, Daud, dna. Debata do na mengangkat Raja
Kores laho manggonopi bagabagaNa. Ditiop Debata do tanganna siamun
papatuhon angka bangso parbegu dijolona. Dilehon Debata do huasoNa
mangalehon gogo dohot manungkoli si Kores. Diiring Jahowa do si Kores
jala mamparrohaon sude gerak-gerik dohot angka sangkapna songon Si
Elisa na mameak tanganna tu atas tangan ni raja i di tingki manangging sior
i (2 Raja 2:13:16). Tarida ma panjouon ni Debata tu si Kores ndang
mamereng bohi, latar belakang, suku, bangso ni sasahalak laho patuduhon
huasoNa. Misi ni Jahowa marhite na miniahanNa si Kores ima laho
paluahon bangso na pinillitNa i sian habuangan Babel. Marhite huaso ni
Jahowa diharhari sinjata sian gonting ni angka raja, mangungkap di jolona
angka pintu dohot bahal. Pandohan on patuduhon tu hita tung so adong do
na boi manghambati ulaon ni Debata di liat portibi on.
Ayat 2-3:
Halak na pinillit ni Debata pasti mampu mangulahon na nidokNa ala
Debata do mandongani ibana huhut ndang mandao sian ibana, songon si
Kores na taida dison didongani Debata ibana mardalan dijolona. Ganup ari
do si Kores diramoti Jahowa manang aha pe na diulahonna sai mardongan
huaso ni Jahowa. Ndang alangalang Jahowa mandongani jala mamasumasu
ganup pardalanan ni si Kores pahornopon angka buntulbuntul, ropuhonNa
angka pintu tombaga jala segaanNa angka sordak bosi. Ndang adong nangga
sada na boi mangalo ulaon ni Tuhan i. Digohi Tuhan i do si Kores marhite
hamoraon ima arta na dihaholomon dohot homitan angka na tinabunihon
angka raja-raja. Martamba ma arta si Kores sian hamonangan ni angka
bangso-bangso na ditaluhonona. Dipasupasu jala diramoti Tuhan do ibana
marhite saluhut pambahenan ni Debata. Natinujuni roha Debata marhite
basa-basaNa i ima asa ditanda si Kores do Jahowa Debata na manjou goarna
i. Denggan situtu do angka pasupasu na pinasahatNa tu hita angka jolma on
ima patauhon ai sian Ibana sambing do saluhutna i. Alai, na jumotjot taida
di partingkian on ai marhite hamoraon na jinalona i gabe lupa do jolma i ai
Jahowa do na manumpahi sasudena i.
Ayat 4
Pandohan “Ala ni Jakob naposongKi dohot ala ni Israel na Hupillit i
umbaen na Hujou goarmu” asa ditanda si Kores do ia si Jakob ima sahalak
naposoNa jala bangso Israel ima bangso na pinillitNa. Ndang ditanda si
Kores ia Debata na marsuru ibana ima Debata bangso Israel. Ngolu ni si
kores magodang di parugamaon na manomba ganaganaan, tung so ditanda
ibana do Debata na sasintongna. Tung pe songoni, ditanda Tuhan do ibana
jala dipangke do si Kores laho paluahon bangso Israel. Malua do halak
Israel sian habuangan i dung diharuarhon Raja Kores sada maklumat/ dekrit
mandok ingkon mulak sude bangso Israel na tartaban tu Jerusalem. Sude
ulaula ni bagas joro na sanga diboan tu Babel na binuat ni Raja
Nebukadnesar dipaulak tu ingananna. Di jou jala dipillit do Kores paluahon
bangsoNa i. Asa panjouon tu ganup diri ni jolma adong do sialana, ala ni i
ganup halak naeng ma manungkun dirina be aha do tujuan ni panjouon na tu
ibana sandiri asa sian ima taboto jala taulahon ma hombar tu panjouon na tu
ibana.
Ayat 5-7
 Hasintongan na mandasor di pandohan “Ahu do Jahowa, jala ndang
adong be Debata dungkon ni Ahu”. Ndang adong debata di liat portibi on na
boi mambahen songon na binahen ni Debata Jahowa. Dipatandahon Ibana
do diriNa asa diboto halak Ibana i ma: Sijadi hatiuron dohot sitompa
haholomon, sibahen hadameon dohot sitompa hamagoan. Jotjot do Debata
patudu hagogoonNa asa mananda halak di huasoNa songon na masa tu si
Firaun ( Bnd. 2 Musa 9: 14, 16, 8:6; 9: 26). Pandohan sitompa hamagoan di
ayat 7 ndang boi bahenon i sahira patokan na Debata do parohon hamagoan
alai patudu huaso i ni tanganNa nang pe so olo Ibana mambahen hamagoan
tu jolma. Debata sibahen hangoluan do alai gabe hamagoan do tu halak na
so mangulahon lomo ni rohaNa. Jolma i do mamboan ibana tu hamagoan ala
so diihuthon lomo ni roha ni Debata. Ala ni taihuthon ma Debata asa unang
adong di rohanta Debata do na mambahen hamagoan tu hita.
Raja Kores paluahon bangso i sian habuangan Babel jala tong do
diurupi ibana bangso i laho pajongjong bagas joro na adong di Jerusalem.
Ulaon ni panggomgomi ima asa angka na nirajaanna i aman. Terbatas do
haluaon na nibinahen ni Raja Kores i tu bangso Israel. Alai nang pe
terbatas, naeng ma diparhaseang bangso i nian kebebasan manang haluaon
gabe langkah awal tu haluaon na sasintongna. Ringkot situtu do di ganup
ngolunta be asa boi manghangoluhon ulaon na metmet laho patupahon
hadengganon na umbidang. Pemanfaatan situasi yang genting untuk
kebaikan bersama. Tarlumobi ma di bangso Israel diloas Debata dope malua
sian hamaolon i. Naeng ma nian dipanghilalaon dalan ni Debata i ima
naung dijou jala tarpillit do tu haluaon na sasintongna. Hita pe di ngolu
partingkian si nuaeng on digoari songon “Israel na Imbaru” ima angka halak
siihuthon Jesus Kristus i. Sapala naung dijou Tuhan i hita gabe sitean
Harajaon ni Debata taulahon ma i.

III. Hahonaan Ni Turpuk

Marulakulak do di sejarah bangso Israel bangkit sahalak
panggomgomi na dipangke Debata laho paluahon bangso na pinillitNa i sian
angka pangaleleion (penindasan). Sada sikap na naeng tasikapi sian turpuk
on i ma asa adong di roha ni jolma i mangolu roha hatigoran dohot roha na
pangoluhon-paluahon. Olo paluahon sian keterdesakan-rela manuturi tohap
ni jolma na sintong. Tapadao ma roha na mambuat kesempatan dalam
kesempitan, alai naeng ma tapangke kesempatan i laho patuduhon angka na
denggan tu halak na so mananda Debata. Dipangke Debata do halak na so
mananda Ibana gabe ulaulaNa, ima na patuduhon otoritas penuh ni Debata
tu angka na tinompaNa. Tarlumobi ma hita naung tarjou gabe siihuthon
Kristus disuru do hita mamaritahon Barita na Uli marhite angka
silehonlehon ni Debata tu hita tu angka jolma na dihumaliangta so pola
mamereng latar belakang nang kedudukanna. Mamereng kondisi ni zaman
nuaeng on, mansai torop do jolma na ‘terjajah’ manang na
dipaporsukporsuk sibolis dohot portibi on. Godang do halak na dibagasan
sitaonon, nang hasusaan hinorhon ni dosana, hasalaanna, nang angka faktor
keadaan dohot lingkungan. Na tarjou do hita angka siihuthon Kristus
mangurupi nasida, paluahon nasida sian hasusaanna, ingkon tahilalahon do
sian Debata do mual ni pasupasu na tajalo i, asa mulak muse tu Ibana
marhitehite pambahenanta tu angka na dihumaliangta. Molo Raja Kores
halak na so porsea tu Ibana boi pangkeonNa gabe dalan haluaon tu angka
bangso, lam ma hita angka naung hinonghopNa i? Ndada holan tarjou be
hita alai nunga gabe panjouon haporseaonta i di Kristus secara otomatis
mangulahon ulaon asi ni roha ni Tuhan i. Tema ni ojahan di Minggunta
mangarahon hita ai“ Debata do sibahen haluaon” ai holan di Debata
sambing do haluaon i, nunga ditobus Jesus hita sian hadosaonta gabe
parjambar hita dihaluaon na pinatupa ni Tuhan Jahowa . Amen.

Pdt. Donni Alex Siburian, S.Th

MINGGU XXI SETELAH TRINITATIS

29 OKTOBER 2023
Epistel : Ulangan 34: 7-12
 “Keberanian Memimpin Karena Pertolongan Allah”

I. Pengantar
Lazim kita dengar suatu ungkapan dalam teori kepemimpinan
perkataan berikut ini “Pemimpin yang berhasil adalah pemimpin yang
mampu melahirkan pemimpin baru dalam organisasinya”. Ungkapan itu
menggambarkan bahwa kaderisasi dan pemuridan berjalan dengan baik,
sosok pemimpin untuk generasi berikutnya dipersiapkan dengan matang
oleh pemimpin sebelumnya. Musa pemimpin Israel yang kharismatis itu
mempersipakan Yosua sebagai sosok pemimpin baru yang akan
menggantikannya. Yosua yang akan memimpin bangsa Israel memasuki
tanah terjanji Kanaan. Kitab ulangan pasal 34 adalah pasal penutup yang
mengisahkan riwayat kehidupan Musa. Diceritakan mengenai peralihan
kepemimpinan dari Musa kepada Yosua. Kisah mengenai suksesi kedua
pemimpin tersebut terjadi setelah kematian Musa.

II. Penjelasan Nas

Akhir masa kepemimpinan Musa berakhir ketika ia meninggal dan
estapet kepemimpina itu diteruskan oleh Yosua. Musa disaksikan dalam
kitab Ulangan 34: 10-11 sebagai pemimpin yang hebat, yang dikenal Tuhan,
nabi yang penuh kuasa, bahkan dikatakan dengan sangat jelas bahwa tidak
ada lagi nabi yang akan muncul seperti dirinya. “Seperti Musa yang dikenal
Tuhan dengan berhadapan muka, tidak ada lagi seorang nabi yang bangkit
di antara orang Israel, dalam hal segala tanda dan mukjizat, yang
dilakukannya atas perintah Tuhan di tanah Mesir”.
Musa adalah orang yang “dipilih Tuhan”, relasi dan perlakuan Allah
padanya sangat istimewa, ia dikenal Tuhan dengan berhadapan muka; ia
dirahmati Tuhan melakukan banyak tanda dan mukjizat; ia yang memimpin
bangsa pilihan Allah menuju pembebasan ke Tanah Terjanji. Tetapi suatu
ironi bahwa Tuhan tidak menginjinkan Musa menikmati hasil
perjuangannya setelah melewati begitu banyak rintangan dan masa-masa
sulit, Musa tidak diizinkan Tuhan masuk ke tanah terjanji. Ia hanya boleh
melihat tanah itu dari kejauhan di atas gunung Nebo, dipuncak Pisga. Di
atas bukit itulah Tuhan berkata kepada Musa “Kepada keturunanmulah akan
Kuberikan negeri itu. Aku mengizinkan engkau melihatnya dengan matamu
sendiri, tetapi engkau tidak akan menyeberang ke sana” (Ul. 34:4).
Kematian Musa adalah suatu keputusan Allah yang tidak bisa
ditentang kehendak siapapun bahkan oleh Musa sendiri. Apa penyebab
kematiannya dan mengapa ia tidak diperkenankan memasuki Kanaan?
Keterangan dalam ayat 7 perikop ini menyebutkan keterangan yang kontras
antara kematian dan kondisi fisik Musa saat itu di mana “Musa berumur
seratus dua puluh tahun, ketika ia mati; matanya belum kabur dan
kekuatannya belum hilang”. Kondisi fisik Musa menunjukkan bahwa ia
sebenarnya masih sanggup untuk memimpin Israel merebut dan menduduki
tanah perjanjian, tetapi Tuhan tidak mengijinkannya. Ia dikuburkan oleh
Tuhan sendiri di suatu lembah di Moab. Tempat itu hanya Tuhan yang tahu.
Orang Israel berkabung selama 30 hari atas kematian Musa. Musa adalah
satu-satunya orang yang dikenal Tuhan dengan berhadapan muka. Hanya
melalui Musa Tuhan menyatakan kuasa dengan mukjizat-mukjizat-Nya
yang sangat besar atas orang Mesir dan atas umat-Nya (10-12). Nampaknya
kematiannya adalah sesuatu konsekuensi yang harus diterimanya karena
dosa dan kesalahannya sendiri. Kematian Musa berhubungan erat dengan
tidak masuknya ia ke tanah Kanaan sebagai hukuman ilahi atas
pemberontakannya melawan Tuhan di Meribah (Bnd. Ulangan 32:48-52;
Bilangan 20:2-13).
Musa Mati tetapi kepemimpinan umat Tuhan tidak berakhir.
Kaderisasi kepemimpinan berjalan dengan baik. Tuhan telah
memerintahkan Musa mempersiapkan Yosua untuk memimpin Israel
memasuki Kanaan. Musa adalah pemimpin yang mempunyai otoritas untuk
memimpin bangsa Israel. Otoritas itu diwariskan pada Yosua. Memang
otoritas itu berasal dari Tuhan, namun pewarisan itu terjadi melalui
perantaraan Musa (Ul 31). Sehingga, “Yosua penuh dengan roh
kebijaksanaan, sebab Musa telah meletakkan tangannya ke atasnya. Sebab
itu orang Israel mendengarkan dia dan melakukan seperti yang
diperintahkan Tuhan kepada Musa” (Ul 34:9). Meskipun Musa mati dan
tidak memasuki tanah terjanji, namun karya pembebasan Allah tetap terus
terlaksana.
Sejak awal Musa sudah mempersiapkan Yosua sebagai
penggantinya, ia memberikan pengalaman serta penerapan kepada Yosua. Ia
membimbing hingga ke dalam hal yang sangat praktis. Ketika bangsa Israel
harus menghadapi bangsa Amalek dalam pertempuran, Musa menjadikan
Yosua panglimanya. Ketika dibutuhkan pengintaian dari suku Efraim,
Yosua yang diutusnya. Begitupun ketika Musa membutuhkan seorang
hamba, Yosua yang dipilihnya. Dalam banyak hal Musa memberikan
kewenangan kepada Yosua untuk menegaskan bahwa Yosua memiliki
potensi untuk menjadi pemimpin. Ketika tiba saatnya, Musa
memperkenalkan Yosua di hadapan Israel sebagai pemimpin masa depan
(bnd. Bilangan 27:18-22; Ulangan 31:7; 34:7). Di atas semua kaderisasi dan
pembinaan itu, urapan dan kekuatan yang bersumber dari Tuhan membuat
Yosua mampu meneruskan kepemimpinan Israel.

III. Penutup
Musa adalah hamba Tuhan yang taat. Dalam kisah Musa, kita
menemukan kenyataan, bahwa sehebat-hebatnya manusia yang “dipilih”
Tuhan, bahkan ketika dijadikan Pimpinan, manusia itu tetap tidak berhak
lupa diri, sebaliknya ia harus taat dan setia pada kehendak Tuhan. Karena
sesungguhnya siapapun dirinya, manusia itu hanyalah hamba Tuhan.
Hamba, sejatinya taat dan setia pada tuannya. Hamba, sejatinya tidak
bermegah atas kehidupan yang merupakan pemberian tuannya semata.
Musa, nabi besar pilihan Tuhan pun menyadari penuh hal tersebut. Tanpa
protes, tanpa bertanya, ia menerima segala yang Tuhan katakan dan
putuskan. Ia menerima keputusan Tuhan untuk tidak mengizinkannya
memasuki Kanaan. Baik Musa maupun Yosua adalah hamba yang setia dan
taat, otoritas dan keberanian memimpin diperoleh dari pengurapan Tuhan.
Baiklah kita selalu memohon penyertaan Tuhan untuk merahmati
keterpilihan kita dengan karunia kerendahan hati, ketaatan dan kesetiaan.
Amin

Pdt. Berton Silaban, S.Th

MINGGU XXI SETELAH TRINITATIS

29 OKTOBER 2023
Evangelum : 1 Tesalonika 2: 1-8
 “Keberanian Memimpin Karena Pertolongan Allah”

I. Pendahuluan
Dari pribadi Rasul Paulus kita dapat menggali banyak sekali nilai-
nilai keteladanan hidup sebagai pekabar Injil, dari kisah hidupnya kita
banyak menimba semangat dan keteguhan dalam menghidupi panggilan
sebagai seorang hamba yang setia. Kesungguhan dan komitmennya kepada
Injil Kristus memberinya daya tahan dalam penderitaan, memberinya
keberanian untuk mengabarkan Injil Kristus dalam keadaan yang sulit
sekalipun. Pada perikop 1 Tesalonika 2: 1-8 ini kita akan melihat bagaimana
Paulus menjelaskan sumber kekuatan dan kebaranian itu. Surat 1 Tesalonika
ditulis oleh Paulus (1 Tesalonika 1:1). Paulus menulis surat-surat ini kepada
jemaat Tesalonika dari Korintus selama perjalanan misionarisnya yang
kedua sekitar 50–51 M. Tesalonika adalah kota ramai dan makmur di
kerajaan Yunani kuno Makedonia karena dua fitur penting: kota tersebut
dibangun di pelabuhan alami yang terbaik di Laut Aegean, dan itu terletak
di jalan raya utama yang menghubungkan Roma dengan Asia. Semangat
memberitakan Injil yang dimiliki Paulus sangat berkobar-kobar bersama
dengan rekan-rekannya: Silas,Timotius, dan Lukas melakukan perjalanan
melintasi Laut Aegean menuju Makedonia (Kis 16:6–12). Dari sisni Paulus
merintis pekabaran Injil sampai ke Eropa.
Setelah berkhotbah di Filipi (Kis. 16:12–40), Paulus dan Silas
melakukan perjalanan ke Tesalonika. Di Tesalonika Paulus dan Silas
menghadapi pencobaan yang berat, mereka diusir dari kota oleh para
pemimpin Yahudi (Kis. 17:1–9). Kemudian, Timotius melaporkan kepada
Paulus bahwa para orang Kristen di Tesalonika tetap setia terlepas dari
penganiayaan yang mereka hadapi. Pelayanan dan penginjilan yang
dilakukan Paulus tidak pernah surut meski menghadapi beragam tantangan
dan kesulitan. Semangatnya tetap berkobar dan penuh keberanian
menyaksikan Injil Krtistus. Mengapa ia begitu berani dan bersemangat?
Perikop khotbah minggu ini dari 1 Tesalonika 2: 1-8 akan menjelaskan
rahasia keberanian dan semangat yang dimiliki Paulus dan rekan-rekannya.

II. Penjelasan Nas

1. Berani Karena mengandalkan Pertolongan Allah (ayat 1-2)
 Perkataan Paulus dalam ayat 1-2 ini bukanlah sebagai pembelaan
diri, tetapi untuk menegaskan bahwa usaha dan perjuangan Paulus dan
kawan-kawan adalah semata-mata berasal dari Tuhan. Tuhanlah yang
memilih dan memanggil mereka sebagai pemberita Injil bukan karena usaha
dari manusia. Hanya karena kasih karunia sajalah mereka dapat
memberitakan kabar baik sampai ke Tesalonika. Segala yang mereka alami
sewaktu mereka di Filipi yaitu penganiayaan dan hinaan dari orang-orang
yang menentang Injil, mereka anggap sebagai suatu penghormatan atas
pemilihan Tuhan atas mereka, karena itulah mereka percaya, jika Tuhan
yang telah memilih dan memanggil mereka, maka Tuhan tidak pernah
meninggalkan mereka bahkan Tuhan akan memberikan pertolongan tepat
pada waktunya. Paulus dan kawannya telah mengabarkan Injil dengan kuasa
Roh Kudus, lalu Roh Kudus menempelak dosa-dosa orang di Tesalonika.
Dengan kuasa Roh Kudus mereka dilahirkan kembali dan diberi keyakinan
akan keselamatan mereka. Injil dikabarkan dengan penuh keberanian dan
dengan penuh kuasa Roh Kudus sehingga menyebabkan hati para pendengar
bertobat. Karena pertolongan Roh kudus pelayanan rasul Paulus berhasil
dan berdampak, kedatangannya menjadi tidak sia-sia. Banyak orang
menjadi percaya dan diselamatkan.
Perkataan Paulus di ayat 2 merujuk pada apa yang dialaminya di
daerah Filipi (Kisah 16: 22-24) Sebelum pergi menuju ke Tesalonika Paulus
harus mengalami banyak penderitaan. Di Filipi banyak orang bangkit
menentang mereka. Lalu pembesar-pembesar kota itu menyuruh
mengoyakkan pakaian dari tubuh mereka dan mendera mereka. Setelah
mereka berkali-kali didera, mereka dilemparkan ke dalam penjara. Kepala
penjara diperintahkan untuk menjaga mereka dengan sungguh-sungguh.
Sesuai dengan perintah itu, kepala penjara memasukkan mereka ke ruang
penjara yang paling tengah dan membelenggu kaki mereka dalam pasungan
yang kuat. Walaupun ditentang, didera, dipenjara dan dibelenggu, paulus
tidak putus asa, mengeluh ataupun berhenti melayani Tuhan. Justru
sebaliknya ia makin giat dan rohnya tetap berkobar-kobar bagi Tuhan.
"Karena pemberitaan Injil inilah aku menderita, malah dibelenggu seperti
seorang penjahat, tetapi firman Allah tidak terbelenggu." ( 2 Timotius 2:9).
Sama halnya di tempat lain, Paulus juga tidak lepas dari ancaman di
Tesalonika. Tetapi Tuhan memberi keberanian kepada Paulus untuk tetap
mewartakan Injil. Keberanian Paulus bukan didasarkan pada dirinya sendiri
tetapi oleh pertolongan Allah, kebaranian yang berasal dari Allah.
Mengimani sepenuhnya pertolongan dari Allah akan meberi keberanian dan
keteguhan.
2. Memiliki motivasi yang benar (ayat 3)
Dalam pelayanannya, Paulus mengatakan bahwa pemberitaan Injil
yang dilakukannya tidak lahir dari kesesatan, maksud yang tidak murni
apalagi dari tipu daya. Dalam ayat 3 dikatakan, ”Sebab nasihat kami tidak
lahir dari kesesatan atau dari maksud yang tidak murni dan juga tidak
disertai tipu daya.” Kata “nasihat” (Yun: paraklesis) yang turunannya
adalah “parakaleo” diartikan sebagai: panggilan yang datang; mengajak;
mengundang, berseru; menasihati; menolong; menghibur; dan memberi
dorongan. Paulus meyakinkan jemaat Tesalonika bahwa pengajarannya atau
nasehatnya Tidak lahir dari kesesatan. Kemudian Paulus menambahkan
bahwa nasehatnya tidak lahir dari maksud yang tidak murni. Kata “tidak
murni” (Yun: akatharsias dari kata akatharsia ), arti kata ini menunjuk
kepada ketidakmurnian secara moral, artinya Paulus mengingatkan jemaat
di Tesalonika bahwa nasihatnya bukan dari maksud yang tidak bermoral.
Lalu Paulus juga menegaskan bahwa nasehatnya Tidak disertai tipu daya.
Kata “tipu daya” (Yun: dolo dari kata dolos) artinya: dengan tipu muslihat,
kelicikan, dengan tipu daya, dan yang menipu. Paulus menasihati jemaat
Tesalonika dengan motivasi yang benar, karena dia menasihati tidak lahir
dari kesesatan, tidak dari maksud yang tidak murni dan tidak disertai dengan
tipu muslihat. Pernyataannya dipertegas dalam ayat 4 dengan mengatakan, “
karena itulah kami berbicara, bukan untuk menyukakan manusia, melainkan
untuk menyukakan Allah yang menguji hati kita.”

3. Memiliki tujuan untuk menyenangkan Allah (ayat 4-6)

Rasul Paulus melayani dengan hati yang tulus. Ia tidak memiliki
maksud tersembunyi (mencari keuntungan bagi diri sendiri) dan ia tidak
mencari pujian bagi dirinya. Dalam pelayanannya Paulus mempunyai tujuan
yang benar. Dengan merinci beberapa tujuan itu paulus menjelaskan
tujuannya melayani adalah Untuk menyenangkan Allah. “Sebaliknya,
karena Allah telah menganggap kami layak untuk mempercayakan Injil
kepada kami, karena itulah kami berbicara, bukan untuk menyukakan
manusia, melainkan untuk menyukakan Allah yang menguji hati kita” (ayat
4). Paulus dan rekan-rekannya melihat bahwa pelayanan pekabaran Injil
adalah suatu pekerjaan yang dipercayakan oleh Allah sendiri, karena itu ia
melayani dan berbicara tidak seperti menyenangkan manusia-manusia
sebaliknya Allah yang menguji hati manusia, yang mempercayakan
pelayanan itu. Para pelayan sering tergoda untuk menyenangkan hati
manusia dengan tidak mengatakan dan melakukan apa yang benar
melainkan mengatakan apa yang sedap didengar telinga saja. Paulus
tidaklah demikian, dalam setiap pelayanannya ia bertujuan untuk
menyenangkan Allah. Pelayanan utamanya bukan untuk menyenangkan hati
manusia. Hati manusia memiliki begitu banyak keinginan dan maksud yang
bertentangan dengan Allah. Bagaimana mungkin ketika kita berusaha
menyenangkan hati manusia juga akan menyenangkan hati Allah? Dengan
demikian, sekalipun melayani sesama adalah juga melayani Allah, tetapi
menyenangkan hati sesama belum tentu juga menyenangkan hati Allah.
Perkataan Paulus pada ayat 4 “Allah telah menganggap kami layak”
hendak menjelaskan bahwa kerasulannya bukan karena dorongan dirinya
sendiri melainkan karena Allah yang menguji dan mempercayakan Injil itu
kepadanya. Paulus bahkan tidak membayangkan bahwa dia akan menjadi
orang percaya. Cita-citanya waktu itu adalah memberangus orang Kristen.
Dan maksud yang keluar darinya itu akhirnya dicampakkan karena Allah
telah ‘memberangusnya’. Keinginan dan cita-cita pribadi digantikan dengan
keinginan dan kehendak Allah. Allah menganggap bahwa Paulus telah
teruji, sehingga dipercayakan akan Kabar Baik. Karena itu, Paulus berbicara
bukan untuk menyenangkan manusia melainkan untuk menyenangkan
Allah.
Dalam rangka untuk menyenangkan hati Allah, maka Paulus dalam
pelayanannya melakukan tiga hal: Pertama, Tidak pernah bermulut
manis. Ia tidak menggunakan kata-kata yang bernada bujuk rayu,
menggunakan perkataan yang menyanjung atau menjilat untuk tujuan
mengambil hati. Paulus tidak pernah melakukan hal ini dalam pelayanannya
di Tesalonika, karena itu pelayanannya menjadi berkat. Kedua, Tidak
pernah mempunyai maksud loba yang tersembunyi. Frase “Tidak pernah
mempunyai maksud loba yang tersembunyi” diterjemahkan “tidak dengan
alasan keserakahan”. Paulus melayani tidak dengan tujuan untuk mencari
keuntungan atau keserakahan, melainkan dia melayani hanya untuk
menyenangkan Allah saja, akibatnya pelayanannya menjadi berkat. Ketiga,
Tidak mencari pujian dari manusia. Dalam ayat 6 berkata “juga tidak
pernah kami mencari pujian dari manusia, baik dari kamu, maupun dari
orang-orang lain, sekalipun kami dapat berbuat demikian sebagai rasul-rasul
Kristus.” Paulus sama sekali tidak mencari kemuliaan atau kehormatan
untuk dirinya sendiri. Dengan kata lain, Paulus tidak mencari kehormatan
dari manusia melainkan dari Allah saja.

4. Melayani dengan ramah dan dengan penuh Kasih (ayat 7-8)

 Dalam ayat 7-8, Paulus menjelaskan dua cara yang benar dalam
melayani jemaat yaitu: Pertama, Dengan ramah. “Tetapi kami berlaku
ramah di antara kamu, sama seperti seorang ibu mengasuh dan merawati
anaknya. Seorang ibu dengan kasih sayang yang besar akan merelakan
hidupnya bagi anak-anaknya. Dipenuhi dengan penuh perasaan, Paulus
membandingkan perasaannya dengan perasaan seorang ibu pengasuh yang
merawat anak-anak dengan lemah lembut, dia menyusui mereka seperti
anak-anaknya sendiri. Demikian juga yang kelihatan dalam apa yang Allah
lakukan melalui Yesus Kristus Tuhan kita. Paulus menjadi seperti ibu yang
merawat anak-anaknya dan inilah cara yang benar dalam melayani jemaat
yang dipercayakan Tuhan. Kedua, Dengan kasih. Dalam ayat 8 berkata
“Demikianlah kami, dalam kasih sayang yang besar akan kamu, bukan saja
rela membagi Injil Allah dengan kamu, tetapi juga hidup kami sendiri
dengan kamu, karena kamu telah kami kasihi.” Kasih membuat ia melayani
bukan hanya dengan kata-kata saja, melainkan melalui seluruh hidupnya.
Paulus melayani dengan kasih sayang yang besar akan jemaat yang
dipercayakan Tuhan kepadanya, sehingga pelayanannya menjadi berkat.

III. Penutup
Kadangkala dalam pelayanan kita terobsesi menjadi disenangi dan
menyenangkan banyak orang, kita lupa bahwa tujuan utama dari semua
panggilan pelayanan kita adalah untuk menyenangkan Allah. Dalam perikop
khotbah ini Rasul Paulus mengingatkan bahwa motivasi pelayanan adalah
untuk menyukakan hati Allah, bukan untuk menyukakan manusia. Untuk
menyukakan hati Allah, Rasul Paulus berjuang memberitakan Injil dengan
berani dan setia walaupun ia harus menghadapi orang-orang yang
menentang pemberitaan Injil (2:16). Semangatnya tidak kendor walaupun ia
berkali-kali harus masuk penjara. Didorong oleh hati yang tulus, Paulus
dalam melayani tidak memiliki maksud tersembunyi (mencari keuntungan
bagi diri sendiri) dan ia tidak mencari pujian. Sebaliknya Ia melayani jemaat
dengan penuh keramahan dan kasih seperti seorang ibu yang mengasuh dan
merawat bayinya. Kasih membuat kita melayani bukan hanya dengan kata-
kata saja, melainkan melalui seluruh hidup kita.

Pdt. Berton Silaban

MINGGU XXII DUNG TRINITATIS

 05 NOVEMBER 2023
Epistel: Roma 12 : 1 – 2

Pasangap Ma Debata Marhite Hamoraonmu Dohot Dagingmu

I. Patujolo
Turpuk jamitaon difokushon pasangaphon Debata marhite daging.
Panghorhon ni dosa gabe ramun jala jorbut do pangalaho ni jolma. Molo
tasulingkiti panghorhon ini dosa i ndang tarbahen jolma i be mangulahon
lomo ni roha ni Debata. Jotjot nama jolma i mangoloi hagiot ni
pardagingonna. Gabe hasomalan nama dietong roha ni jolma i laho
mangulahon dosa. Ndang dapot be roha nadaulat maradophon Debata.
Ndang tarula jolma i be laho pasangaphon Debata marhite
daging/pamatangna. Diturpukon diarahon do hita laho mangantusi
pasangaphon Debata sian roha na daulat tu Debata marhite daging naung
dipaimbaru marhite mudar ni Kristus. Boasa diondolhon si Paulus
pangajarion sisongoni tu Huria Rom? Ala sanga lipe pangantusion ni ruas i
hinorhon ni pangajarion naro sian pangajari namangondolhon parugamoon
ni halak Jahudi.

II. Rangrang Ni Turpuk

Ayat 1 : Na huapoi ma hamu ale angka dongan marhitehite asi ni
roha ni Debata. Pasahat hamu ma dagingmuna bahen pelean namangolu,
nabadia, nahinalomohon ni Debata; ima hadaulaton ni namarroha.
Diarahon turpukon do hita laho mangantusi “Hadaulaton ni
Namarroha/Ibadah Yang Sejati”. Di hata Heber, hata Ibadah ima “avoda”; di
hata Yunani “latreia lapatanna : Melayani/Mengabdi. Sian hata
“avoda/latreia” boa dohononta hadaulaton ni namarroha/ibadah yang sejati
ima “mamelehon saluhut ngoluna tu Debata sian nasa ateate dohot sian nasa
roha”. Tudos tu pandok ni si Paulus diturpukon suhatsuhat ini hadaulaton ni
namarroha ima “Pasahat hamu ma daging muna bahen pelean namangolu,
nabadia, nahinalomohon ni Debata”. Diturpukon sipasahaton tu Debata ima
daging, ndang arta/hamoraon. Saotik tasulingkiti taringot tu daging
nadipelehon tu Debata. Dipadan Narobi (PL), daging namangolu dipamate
gabe pelean situtungon sipasahaton tu Debata. Alai molo di Padan
Naimbaru (PB), daging naung mate dipangolu gabe pelean pardengganan tu
Debata, ima AnakNa Jesus Kristus. Hata “daging” sipelehonon tu Debata
diturpukon ima daging naimbaru naung ditobus Jesus Kristus sian dosa
dohot hamatean. Daging naung dipaimbaru marhite mudar ni Kristus, nunga
gabe badia jala dihalomohon Debata.
Marhite hata ni Tuhan napinasahat ni si Paulus tu Huria Rom
diturpukon, dipodai nasida asa marhadaulaton ni roha tu Debata marhite
saluhut gulmit ningoluna. Naeng pasangapon nasida Debata marhite ngolu
naung dipaimbaru dibagasan Jesus Kristus. Saluhut pardalanan ningoluna
pelehononna tu Debata. Ndang holan di Bagas Joro nasida patuduhon roha
nadaulat tu Debata, alai diparngoluon siganupari tongtong nasida patuduhon
roha nadaulat tu Debata. Molo napistar diportibion di dokma istilahna
“Hidup Ini Adalah Ibadah”.
Ayat 2 : Jala unang gabe sarombang hamu dohot portibion; alai
gabe imbaru ma hamu, dung muba pingkiran muna, asa tau hamu
manimbangi lomo ni roha ini Debata, i ma nauli, na hinalashonNa dohot na
sun denggan.
Roha na daulat tu Debata ima ngolu nahibul marsihohot tu Debata.
Molo si Paulus mandok unang gabe sarombang dohot portibion. Ngolu ini
jolma i tu Debata ndang boi meoleol manang mumbang lonong songon
kapal selam, manang songon bunglon naboi martungkar kulitna. Alai ingkon
marsitutu jala marsihohot do manghophop Tuhan i di gulmit ni ngoluna.
Asa dapot pangalaho nasongoni, ido umbahen didok si Paulus “alai gabe
imbaru ma hamu/berubahlah oleh pembaharuan budimu”. Naboi
paimbaruhon jolma pardosa ima Debata marhite panghophop ini AnakNa
Jesus Kristus. Panghorhon ni ngolu naung dipaimbaru marhite mudar ni
Kristus do tarbahen jolmai marsihohot dohot marsitutu mamelehon hibul
ngoluna tu Debata. Ndang margogobe huaso ni portibion laho mangelaela
jolmai asa sarombang dohot portibion. Ima gogo dohot huaso ni Debata laho
manghophop jolma pardosai, asa mulak denggan hombar tu lomo ni rohaNa.
Molo napistar diportibion di dokma istilah panghophop ni Debata tu jolma
pardosa i “Memanusiakan Manusia”.
Marhite turpukon dipasahat si Paulus tu Huria Rom, asa boi
dihangoluhon roha na daulat tu Debata ingkon jolo gabe jolma naung
dipaimbaru dibagasan Jesus Kristus (Pat. 2 Kor. 5 : 17). Ngolu naimbarui
dibagasan Kristus manopa jolmai gabe jolma nabisuk dohot napantas
marroha. Mudar ni Kristus i paimbaruhon jolmai sian daging naung busuk
gabe daging namarbisuk. Gabe margogoma jolma i manontong patuduhon
roha nadaulat tu Debata, gabe saurdot panghuling dohot pangalaho.
III. Hahonaan Tu Jamita
Memang molo jujur hita mangida hakristenon si saonari, tung jotjot
dope hita marpangalaho sarombang dohot portibion. Tung mansai maol
dope taulahon manontong marroha daulat tu Debata. Jotjot dope hita halak
Kristen martabuni dipahean parduru songon nabadia, hape roha parbagas
mansai ramun. Nunga tajalo panobusion marhite mudar ni Kristus, alai
balosna jotjot do tumatangis tabahen Tuhan ni. Isarana, hea do hubereng
hami sahalak Parhalado tung mansai ulido berengon pardalanna sian pahean
parduru. Denggan marjas, diboan tas na marisihon Agenda, Bibel dohot
jubahna. Tingki marminggu tung mansai denggan berengon pamangke ni
jubahna laho maragenda. Tung mansai badia ma berengon tingki parsaoran
dohot Debata diparmingguon i. Simpul parmingguon, laho ma amanta
Parhalado on tu Lapo, didapot ma di lapo i angka ama naso marminggu
sambil marjudi. Dibungka Parhaladoonma Jas na dohot dasina laos
digantunghon di lapo i, dungi pintor dohot ma ibana marjuji rap dohot na so
marminggu i. Dirimpu amanta Parhalado i do huroha molo gantung Jas na i,
gantung ma dohot tohonan haparhaladoon i, boi ma ibana marjuji. Jolma
sisongonon ndang Parhalado namarroha daulat maradophon Debata. Ai
holan di bagas joro do ibana songon na daulat maradophon Debata, simpul
sian bagas joro nunga dipelehon dirina sarombang dohot portibion.
Si Paulus mandok, roha nadaulat tu Debata ima saurdot jolma
parduru dohot jolma parbagas mangoloi lomo ni roha ni Debata. Ndang boi
asing dipamangan, asing di roha/lain dimulut, lain di hati. Ndang boi hita
gabe jolma namunafik maradophon Debata. Hira nabadia do begeon
hatanta/jamitanta, alai holan naguntur dohot keluargana dijabu. Sai jotjot
marhata ni Debata tu donganna, alai manangkoi ulaonna. Roha nadaulat tu
Debata ima sai dipasangap Debata marhite parange nadenggan di saluhut
pardalanan ni ngoluna. Dihangoluhon jala dihaporseai pamatangna nunga
dipaimbaru Tuhan Jesus marhite mudarNa na durus di Golgota. Panghophop
ni Tuhan i tongtong diramoti asa margogo laho mangihuthon Tuhani.
Marhite Jamita on, diarahon turpukon do hita mamillit dalan napatut
hombar tulomo ni roha ni Debata. Molo taulahon roha nadaulat tu Debata
taruli ma hita dibagabaga nang diragam ni pasupasu sian Debata. Saonari
nang marsogot nang haduan pe sai namarhasonangan do ngolunta
dipasupasu Tuhani. Ala ni i, lului hamu ma Jahowa asa mangolu hamu !
(Amos. 5 : 6a). Amen!

Pdt. Norton Sinaga, S.Th, M.PdK

HKI Resort Khusus Mangsang Batam
 MINGGU XXII DUNG TRINITATIS
05 NOVEMBER 2023
Evangelium: 05 November 2023

Pasangap Ma Debata Marhite Hamoraonmu Dohot Dagingmu

I. Patujolo
Boi dope tahilala panarihonon ni Debata do naadong dingolunta
marhite arta manang hamoraon? Manang taetong do ala nigogonta dohot
malonta molo godang artanta huhut mamora hita? Mangalusi
sungkunsungkunon naeng hangoluhonta hata ni Tuhan di Poda 10 : 22
“Pasupasu ini Jahowa do mambahen mamora, jala ndang mardongan
hangaluton dibahen”. Nang pe naung tajalo Barita Nauli, alai sai adong dope
jumpang hita diparngoluonon parngoluon ni jolma “mardebatahon
mammon/hepeng/arta”. Parngoluon ni jolma sisongonon digombarhondo
“songon na minum aek laut; lam diinum lam tu uasna”. Artai nama
namangatur dohot mangarajai ngoluna. Ndang dapot hita dingolu ni jolma
sisongonon roha namarpanarihon tu donganna. Naeng do holan namngonsop
mudar ni dongan na jolma parngoluon ni jolma si songonon, digoari ma
ibana “lintah darat”. Tarpatupa jolma naung mardebatahon arta dope laho
pasangaphon Debata dibagasan ngoluna marhite hamoraon dohot dagingna?
Hombar tusitusion do naeng sigatanta di turpuk jamita on.

II. Rangrang Ni Turpuk

Ayat 9 : Pasangap ma Jahowa marhite sian hamoraonmu dohot
marhite sian patumonaan ni sandok pangomoanmu.
Bangso Israel dipillit do Debata gabe bangso nanimiahanNa. Taruli
pasupasu do sandok parngoluaon ni Bangso Israel, nang angka suansuanan
rodi pahanpahanan. Marhite turpukon, disosoi Debata do bangsona asa
pasangaphon Jahowa sian patumonaan ini sandok pangomoanna. Boasa
ingkon pasangaponna Jahowa? Hata “Pasangap Jahowa” mandok ndang
nahurangan Debata diangka sipanganon, alai naeng tangkas botoon ni
bangsoNa paboa Debata do nampuna tanoi, halak dagang jala paisolat do
nasida (3 Musa 25 : 23). Jala Debata do nang mamasumasu saluhut naniula
ni tangan nasida umbahen manjadi jala manggotil nasida marlompit ganda.
Hata “Pasangaphon Jahowa” marlapatan do i muse asa naeng tangkas
botoon ni bangsoNa “naeng jumolo Debata taruli (prioritas) disaluhut angka
naniula ni bangsoNa”. Hinorhonni i do umbahen diparentahon Debata tu
bangso Israel : “Ingkon boanonmu do patumonaan sian tanomi masuk
tubagasan jabu ni Jahowa, DebataM...” (2 Musa. 23 : 19). ; 3 Musa 23 ).
Songoni do di 3 Musa 23 : 11 di dok Jahowa tubangsoNa : “Paboama tu
halak Israel jala dohononmu ma tu nasida : Ia dung sahat hamu tu tano
silehononHu tu hamu, jala sanga hamu manggotil gogona i, ingkon
boanonmuna ma tibalan parjolo sian patumonaanmuna i tu malim”. Ruhut
“Patumonaanon” tongtong do diihuthon sundut naumpudi dipomparan ni
bangso Israel (Pat. 5 Musa. 26 : 1-11).
Marojahan sian parenta ni Jahowa tu bangsoNa dung sahat nasida di
tano Kanaan, gabe andor sipaihutihuton do i to pomparan ni bangso Israel
sahat tu panggonggomion ni si Salomo gabe raja di Israel. Dihangoluhon si
Salomo do naummarga do Debata dipardalanan ningoluna umbahen naboi
ibana mamora jala maduma. Songon panghaporseaon ni si Salomo di
Jahowa, naengma songoni bangso nanigonggomanna manghangoluhon
Jahowa disandok gulmit ni ngoluna. Raja Salomo paingothon bangsona asa
unang manghalupahon Jahowa silehon pasupasu i. Unang ala ni
arta/hamoraoni mambahen holang sian Jahowa (lupa kacang dari kulitnya).
Unang ala ni arta/hamoraoni gabe dalan ni sibolis manegai parsaoran ni
nasida dohot Debata. Unang ala ni arta/hamoraoni gabe patubu dosa dohot
ginjang ni roha. Alai marhite arta/hamoraon namarharoroan sian pasupasu
ini Jahowa, naeng ma nasida manontong mandok maulite tu Jahowa silehon
pasupasu i. Dalan nasida mandok maulite tu Jahowa ima marhite
pasangaphon Jahowa disaluhut hamoraon manang arta naung pinasahat ni
Debata. Jala ingkon tongtong dihangoluhon bangsoNa, Jahowa do
naummuli/prioritas disandok gulmit ni ngoluna, ai Debata do manarihon
saluhut naringkot dingolu ni natinompaNa.
Ayat 10 : Jadi marsipinjot ma angka sopom, jala sirnip tuak anggur
angka pangilanganmu.
Parbue ni pangoloion ni bangsoNa di Hata ni Debata, di dok si
Salomo do : “Jadi marsipinjot ma angka sopom, jala sirnip tuak anggur
angka pangilanganmu”. Dalam Bahasa Indonesia dikatakan : “maka
lumbung-lumbung mu akan diisi penuh sampai melimpah-limpah, dan
bejana pemerahanmu akan meluap dengan air buah anggurnya”. Naeng
berengonta sian turpukon ima, parsaoran nadenggan tu Jahowa marhite
napasangaphon Ibana sian “Patumonaan Naniula” mambahen las roha ni
Debata. Dipatuduhon Jahowa ma las ni rohaNa mida jolma napasangaphon
Ibana marhite pasupasu hangoluan dohot hadumaon. Pasupasui di barita raja
Salomo di dok : “Jadi marsipinjot ma angka sopom, jala sirnip tuak anggur
angka pangilanganmu”. Hadirion ini si Salomo namanghangoluhon poda ni
Debata marhite amana si Daud mambahen si Salomo gabe jolma
natarpasupasu, jala gabe pasupasu tunahumaliang. Di barita ini 1 Raja-raja.
3 : 14-15 di dok : “Dung i molo sai tong marparange ho di angka dalanHu
laho mangaradoti angka patikHu dohot tonangKu, songon parange ini
amangmu si Daud, tumpahanHu ho huhut sarimatua. ...Jadi dung sahat ibana
tu Jerusalem, jongjong ma ibana dijolo ni poti parpadanan ni Jahowa, jala
dipelehon angka pelean situtungon, dibahen huhut angka pelean
hamauliateon, jala dilehon mangan saluhut naposona”.

III. Hahonaanna Tu Jamita

Dipiga inganan pelayanan di bona pasogit, adong dope dapot diluat i
molo dapot tingkina gotilon/panen sai jumolo dipatupa “mamonamona”.
Ulaon patumonaan naniula dipatupa ingkon jumolo pasahaton parbue
naniula i tu Debata marhite naposoNa di Bagas Joro. Dipasahat ma i tingki
“Pesta Gotilon” nadipamasa ditongatonga ini huria i. Dihaporsea i ruas ni
huria do songon hata ini Debata na di dok di Buku Ende No. 373 : 1
“Mangula hita jolma manabur boni i. Alai anggo jadi na di Debata do i.
Dilehon las ini ari, nang nambur, udan pe. Tongtong dipanumpakna
marguru sasude. Nasa uli basa ro sian Debata. Ipe Ibana pujima, huhut
haposi da”. Marhite pelean patumonaan naniula i, dihangoluhon ruas ni
huria do dalan nasida laho mandok mauliate tu Debata ala ni pasupasuNa :
gabe naniula, sinur napinahan, horas dihajolmaon. Porlu do dilestarihon
Pelean patumonaan naniula ditongatonga ni huria asa manontong ngolu
napasangaphon Debata marhite hamoraon najinalona sian Debata. Tugas ni
huria do melestarikan kearifan lokal patumonaan naniula gabe sada warisan
nadenggan tu sundut naumposo songon napinatupa ini si Salomo tu bangso
Israel.
Molo pinamanat partondion ni ruas naung manghangoluhon denggan
basa ni Jahowa, adong do jumpang pangalaho napasangaphon Jahowa
marhite hamoraon naung jinalona sian Debata. Adong do keluarga naolo
pasahathon tano inganan pargarejaan; biaya pembangunan gareja manang
bagas ni Pandita; mangalehon mobil dinas tu huria. Suang songoni do molo
dipatupa huria pesta penggalangan dana, sian hamoraon napinasahat ini
Debata dipasahat angka ruas do bantuan/sumbangan. Molo pinamanat
parngoluon ni jolma nasai manontong pasangaphon Jahowa marhite
hamoraonna sai lam martambatamba do hamoraonna. Baliksa, parngoluon
ni angka jolma nasai mangholit tu Tuhani, lam marpogos jala ndang adong
namasa dingoluna. Disonma hinaringkot nipangauhononta di hata ni endenta
Buku Ende No. 470 : 5 “Sere, arta, hepeng pe buat ma di Ho sude. Tondi
nang pamatanghi, ingkon Ho oloan ni i”. Dohot di hata ni Tuhan Jesus di
Mateus 6 : 33 “Sai jumolo ma lului hamu harajaon ni Debata dohot
hatigoranNa, dung i tambahononNa do sude angka ondeng tu hamuna”.
Amen!

Pdt. Norton Sinaga, S.Th, M.PdK

HKI Resort Khusus Mangsang Batam
 MINGGU XXIII DUNG TRINITATIS
12 NOPEMBER 2023
Epistel: Amos 5: 18-20

Masipauliulian Di Na Maimaima Haroro Ni Tuhan

Tarsar do bangsonta Indonesia bangso na marripehon (dihuni)

parugamo na utusan (religius). Tarida do i sian godang tanda dohot
sitindangi (banyak bukti yg kuat). Parjolo, diokui do 6 ugamo di bangsonta
on. Paduahon, sude do ruas ni na 6 ugamo i berengon ringgas mangihuthon
poda ni ugamona (beribadah dgn sangat khusuk). Patoluhon, godang do
angka ruas ni ugamo i na burju mamelehon sinadonganna, siala i godang ma
idaon angka tempat ibadah na mansai uli jala marmengomengo
marjongjongan. Paopathon, sude do ruas i mangalo na dietong manggugai
dirina marsomba tu Tuhanna, ima ala ni hangkotna. Godang dope angka
bukti na mangihut na boi tapajojor tamba ni on. Alai parsoalanna, nunga
sude ulaning angka parugamo na utusan i sintong paradehon ngoluna tu ari
sogot marhite na patupa ngoluna marimpola sadari on?.
Ngolu na marimpola (penuh makna) lapatanna ndang sae holan intap
ni ringgas maribadah, balga pelean na pinasahatna, girgir pajongjonghon
tempat ibadah, dna. Alai ingkon ngolu na marhabadiaon (kesalehan hidup)
do jala na marpangontak na denggan tu sude rumang ni hajolmaon manang
di dia, manang ise dohot manang tongon boha parture ni ngoluna. Alai molo
tullom (kasat mata) hita marnida parripe ni bangsonta on, atik ibana kristen
manang non kristen pe, hira ibana nama idaon naung mulak sian surgo i ro
muse tu tano on. Ibana nama dietong na umbadiaan sian donganna, na lobi
sintongan na marugamo i. Ujungna asing ni dirina dohot ruas ni ugamona
dietong do i kafir. Alai nang pe songon i fanatikna ndang sadia pangontak
na denggan tu na humaliangna, gariada jotjot manegai, manusai dohot tahi
pamagohon donganna do dipingkiri, tarlumobi ma tu naso saugamo dohot
ibana. Tabereng ma bangsonta lam simbur pe tempat ibadah martubuan,
laos songon i do nang parsimbur ni hajahaton, teroris, korupsi, pelanggar
hukum, dna tubu. Roa molo dohonon holan topeng do hape na marugamo i.
Songon i ma tong na masa na uju i di bangso Israel di ombas ni
panurirang Amos. Ringgas situtu do nasida na marugamo i, burju pasahat
peleanna di bagas joro, alai pangalahona siganup ari ndang ture. Ndang
adong sintong diradoti tona ni Jahowa, jala patikNa pe ditoishon do, gok
gabus dohot marsipaula pangalahona, digadis hatigoran, dipapeol uhum sian
na gogo alai tajom dibahen tu na pogos (Amos 2:4+6). Jompok hata
dohonon, parugamo na utusan do nasida, alai ndang adong roha holong
maradophon donganna jolma (mengabaikan kehidupan sosial). Siala i ma
umbahen didok Jahowa marhite panurirang Amos di jamita on; Marjea ma
nasida, mangapian ma nasida di ari ni Jahowa. Ndang adong be laba nasida
na marugamo i, ai haholomon do ari ni Jahowa di nasida, ndada hatiuron
(ayt.18).
Saurdot tu si do nang singotsingot ni jamita Evanggeliumta minggu
on. Dipaingot asa taparade ma ngolunta tu ari sogot marhite na patupa ngolu
na marimpola mamungka sadari on (mempersiapkan hari esok dengan
menjadikan hidup hari ini bermakna). Ondolanna, ingkon pungkaonta do i
sian ngolunta sandiri. Ala parsaoran dohot Debata di na marugamo i bersifat
pribadi do i. Secara pribadi do hita paradehon dirinta, alana haluaon sogot
pe panjaloan pribadi do i. Ndang boi bonsengon dongan asa rap bongot tu si.
Jadi silangkahon langkana be do, siboan palito dohot miakna be. Antong
mamungka sadari on molo tung torop pe taida na humaliangta marsipaula
(munafik) na marugamo i, unang taihuthon i. Tapungka ma sian dirinta
sandiri gabe parugamo na sintong, na manghangoluhon hata ni Debata
sintong di parngoluonta siganup ari. Parugamo na sintong jala na denggan
ndang gabe teroris, dihosomi halak, mabiar halak marnidasa ala ekstrim
dohot radikal, gabe so boi nok simalolong di lambungna, ndang maralang
manggadis donganna, dna. Alai ingkon tarsormin do hata ni Debata di
pangalahonta siapari tu na humaliangta. Halak na marnidasa pe parsidohot
manaksihon Kristus, mandai dengganbasaNa dohot manghilalahon sintong
ni na marugamo. Antong masipauliulian ma hita sama hita, Amen!.

Pdt. Manamba Tua Pasaribu, S.Th

 MINGGU XXIII DUNG TRINITATIS
12 NOPEMBER 2023
Evangelium: 1 Tesalonika 5: 1-11

Masipauliulian Di Na Maimaima Haroro Ni Tuhan

Di sada tingki dung borngin, ro do sahalak ama mangalap

(menjemput) anakna tu gareja. Mangihuthon perkiraan ni amanta i nunga
hira sae be anakna i marguru koor naposo, ala nunga pukul 22.00 wib. Dung
sahat amanta i di lambung gareja i diparkirhon ma mobilna di tempat parkir
na adong di si. Sian bagas mobilna i dibereng do anakna i jongjong
tardingkan pintu ni gareja i, alai ndang sadar anakna i naung ro bapana
manomu ibana. Dipahohom amanta i do di bagas mobil i huhut dianahon
sadia leleng do asa lulululu anakna i di panomu (jemputan) ni amana. Pola
sampe 30 menit amanta i mamarohahon, dibereng sai momar do anakna i
paidaida angka donganna. Dipangolu amanta i ma klakson ni mobilna dalan
manait roha (menarik perhatian) ni anakna i, alai tong do ndang dirorahon.
Dipangolu ma muse klaksonna songon tanda naung ro do amana i
mangalapsa, alai tong ndang dibege. Diklakson ma muse sahalinari huhut
manggora amanta i, dung pe i asa tarsadar anakna i naung ro do hape amana.
Dung didapothon anakna i, manjonokhon mobil i disungkun ma, “Sian dia
do ho bapa, nunga leleng iba tarpaima” ninna. “40 menit na salpu nunga di
son bapa, alai ndang diparrohahon ho”, ninna amanta i mangalusi.
Tarsonggot do anakna i umbege alus ni bapana i.
Angka dongan tudos ianakkon ni amanta i ma jotjot ngolunta, na sai
lalap paberengbereng dongan dohot sibuk/lalap di ulaonta sandiri, ujungna
ndang lao be rohanta marningot ari ni Tuhan i. Ndang sadar hita hape naung
sai diparrohahon amanta Debata do pangalahonta.
Ndang na mura asa sai tongtong marbulus ni roha (tetap memusatkan
perhatian) paimaima haroroNa, ala mansai godang na di portibi on na sai
tapingkirhon dohot taangananganhon. Dung i jotjot do siala hasonangan
dohot dame ni rohanta, gabe pamenakhu ngolunta. Dibahen na pasonanghu
manang na pasibukhu i ma mambahen gabe tahalupahon (kita
kesampingkan) taringot tu na paingotingot haroroNa. Siala ni i, jamita on
manungguli hita, asa unang be tarlalap, unang tarpodom songon halak na
leban. Alai totop ma hita marjagajaga huhut sadar paboa di sada tingki, sian
naso panagamanta pasti ro do Ibana.
 Boha do bahenonta asa totop marjagajaga, hape so taboto sadihari
harorona?. Aha do siulahononta?. Angka dongan, sasintongna ndang be soal
“aha do sijagahononta?” unok ni parsoalan, alai “boha do na marjagajaga?”,
i do. Tangkas do diboto ruas ni huria Tesalonika unok ni parsoalan on.
Diboto nasida do paboa nunga jonok ari ni Tuhan i, jala boha parroNa
(ayt.1-2), alai busisaon (gelisah) do nasida ala so diboto hapastianna. Ndang
holan halak kristen Tesalonika na songon i, alai angka tokoh kristen di ari
na parpudi on pe torop do na suman tusi. Molo tapaihutihut do pardalan ni
hakristenon, ndang otik be tokoh kristen na marusaho manjujur kepastian ni
ari haroro ni Tuhan Jesus na paduahalihon i, nang pe borhat holan sian
informasi dohot petunjuk na minim situtu. Nang pe so adong kepastian
hasintongan ni panjujurion i, alai torop do tong halak kristen na
manghaporseaisa. Memang mangihuthon pingkiranta, denggan ma nian tutu
molo adong kepastian di hita, ujungna ndang sai torus be busisaon bahenon
ni naso pasti i. Alai boha, nunga sintong be cara marjagajaga ni halak
kristen na sai manjujur ari haroroNa i?.
Apostel Paulus mandok; Ndang!. Ala saboha pe dibahen na malo
manjujur ari haroro ni Tuhan i, ndang hea marhasil i. Toho do tutu molo
taharhari do ragam panjujuron ni angka na hea manjujur ari haroro ni Tuhan
i, nanggo sada pe ndang adong na sintong. Isarana; sekte Leeds na di Inggris
mandok taon 1806 ro nama ajal ni hasiangan on, ternyata meleset do. Sekte
Mirelis mandok di 23 April 1843, meleset do. Sekte Mormon mandok di
Desember 1891 nama, tong meleset. Komet Halley mandok di taon 1910 do,
tong meleset. Sekte Coalition mandok di 31 Desember 1982 nama, tong
meleset. Sekte Gerbang Surga muse mandok di 26 Maret 1997 nama, tong
meleset. Si Nostradamus mandok di taon 1999 nama, tong sala. Sekte Y2K
mandok di taon 2000 nama, meleset tong. Ro muse si Noone di 5 Mei 2000
do, tong sala. Songon i Gereja Rhema Pentakosta Filadefia Balendah
Bandung Selatan niuluhon ni Pdt. Mangapin Sibuea mandok tgl 10
Nopember 203 do bisikan ni Tondi i, ternyata salah. Ronald Weinland
mandok di taon 2008 do kiamat, tong sala. Na parpudi Harold Camping
mandok 21 Oktober 2011 do, tong meleset.
Mangihuthon Apostel Paulus ia angka usaha sisongon i ndang holan
patubuhon harugian materi, alai laos dohot do rugi di partondion. Siala i ma
ndang adong gunana jujuronta i, ai songon panangko borngin do harorona,
tompu ndang adong na umbotosa. Ala tompu do haroroNa, songon
pambebeon tu na gabegabean do ndang adong haporusanna (ayt.2-3; Pat.
Jer.4:31). Jadi nang pe sai tajujuri ariari i, ndang tolap hita pasidinghon naso
pasti i. Alai nang pe songon i ndang pola ringkot hita busisaon, na ringkot
marjagajaga be ma manang sadihari pe taho parrona.
Tamba ni na pasingothon angka halak na busisaon binahen ni ari na so pasti
i, tong do dipasingot ibana angka halak na so parduli di haroro ni Tuhan i.
Didok ibana, “molo didok halak, dame do jala mora so adong, di si ma
tompu tahop tu nasida hamagoan i…” (ayt.2). Dibahen i ma asa saluhut hita
masipaingotan jala masipauliulian, asa unang tarpodom songon halak
sileban, asa unang pasonanghu manang sabalikna gabe busisaon (ayt.11).
Ala anak hatiuron jala anak arian do hita, antong marjagajaga na sintong
ima marroha na torang (ayt.5-6), Amen!

Pdt. Manamba Tua Pasaribu, S.Th

 MINGGU XXIV DUNG TRINITATIS
19 NOVEMBER 2023
Epistel: Jakobus 1: 22 – 25

Unang Halupahon Debata

I. Patujolo
Adong manang piga margoar Jakobus di Padan Naimbaru: Jakobus,
Anak ni Sebedeus, anggi ni si Johanes, sisean ni Jesus (Mt 4:21; Mk 3:17;
Lk 9:28, 54; Ul.Ap. 1:13a; 12:2.—), Jakobus, Anak ni Alpeus (Mat 10:3;
Mrk 3:18; Luk 6:15; Kis. 1:13b). Tupa sarupa do i dohot Jakobus, Anak ni
Maria (Mat 27:56; Mrk 16:1; Luk 24:10); di Mrk 15:40 digoari Jakobus
nametmet/ naumposo, Jakobus, anggi ni Jesus (Mat 13:55; Mrk 6:3; 1 Kor.
15:7; Gal 1:19; 2:9, 12; Ul.Ap.. 12:17; 15:13; 21:18; Jak. 1:1), Jakobus, ama
ni sahalak Apostel Judas (Luk 6:16a; Kis 1:13c) Jakobus, sijalo beo (si
Levi) (Mrk 2:14). Alai anggo panurat ni Surat Jakobus on i ma si Jakobus
dongan saina ni Jesus (Mat. 13: 55), i ma Apostel na nidok ni si Paulus (Gal.
1: 19).
Digoari do Surat Jakobus on surat na marisi teologi paraenese, i ma
teologi marisi taringot tu angka poda di ngolu siapari na marisi angka etika
praktis. Adong hata poda mandok: “Sada pambahenan dao dumenggan sian
saribu hata”, na marlapatan ganup angka jolma na porsea diadophon tu
angka tantangan na maol laho mambuktihon hata ni Tuhan di tongatonga ni
ngoluna, ndang holan fasih manghatahon hata ni Tuhan. Tuhan Jesus
Kristus dipangido tu hita asa mangulahon hata i jala ndang holan
pananginangi. Jakobus mandok: “Haporseaon i pe songon i do: anggo so
adong pangulaonna, naung mate do hadirionna” (Jakobus 2:17). Jadi,
“manumpak do haporseaon i tu angka ulaonna, jala sian angka ulaon i gabe
rimpas haporseaon i” (Jak.2:22).
Sian surat on tangkas do dipataridahon tu praktek hakristenon
Jahudi. Surat on disurathon asa manogihon dohot margogoihon angka halak
Kristen Jahudi na adong di tano parserahan na mangadopi angka
parungkilon (Jak. 1:1-4). Ringkot dope dihilala si Jakobus mamodai angka
halak na porsea asa unang mangolu di bagasan hagiot ni daging alai lam
satia manghangoluhon ajaran ni Kristus. Sian surat ni si Jakobus on taida do
angka kutipan-kutipan na sintong sian jamita ni Jesus di Dolok. I ma
pengaruh na umbalga ajaran ni Jesus taringot Patik Naumbalga (Mrk.12:29-
31). Didok si Jakobus do paboa haporseaon anggo so adong pangulaonna
naung mate do hadirionna. Haporseaon na songon dia na na nidokna? I ma
porsea hita sada do Debatanta. On ma patik na ummangat: “shema Israel”
(tangihon ma ale Israel) i ma porsea holan tu sada Debata jala
manghaholongi Debata di ganup angka na masa ditongtonga ni bangso i.
Manguduti ma tu bukti holong ni bangso i tu Debata ima marhite
pambahenanna na rap marsihaholongan. Surat ni si Jakobus on manogunogu
Kristen na parjolo, na marharoroan sian Jahudi asa mangurupi angka jolma
na patut siurupan. Jakobus manogihon angka halak na porsea ndang holan
mambege hata ni Tuhan, alai mangulahonsa marhite angka pambahenanna, i
do hadaulaton na sintong i ma: mandulo angka na so marama, so marina
dohot angka na mabalu di haporsuhonnasida.

II. Hatorangan Dohot Impola

Parjamita mangajarhon: Tagonan do hata ni halak na pistar
pabegebegeon (Ibr. shama` {shaw-mah'} dengar - tangihon)
marsonangsonang, sian suraksurak ni sada raja di tongatonga ni halak na
oto. (Parj. 9: 17); Asa sian na tumangihon (ἀκοῆς, noun genitive feminine
singular common from ἀκοή - hearing – report or news – pendengaran
suatu berita) do ro haporseaon; ia panangihon i, sian hata ni Kristus do
(Rm. 10: 17); Martua ma angka na umbege (ἀκούοντες verb participle
present active nominative masculine plural from ἀκούω – to hear:
mendengar) hata ni Debata jala na umpeopsa! (Luk. 11: 28). Sian pandohan
on, Parjamita, Apostel Paulus dohot TUHAN JESUS mandok paboa ringkot
situtu do manangihon (umbege). Apostel Jakobus pe mandok: Ganup
jolma, girgir ma ibana mananginangi (ἀκοῦσαι, verb infinitive aorist active
from ἀκούω to hear: mendengar),… (Jak. 1: 19). [“Jika kita cepat untuk
mendengar sesigap ketika kita hendak berbicara, maka akan ada lebih
sedikit kemarahan, dan lebih banyak manfaat dalam pertemuan-pertemuan
kita. Ingat, Manikhea berdebat dengan Augustinus, dengan suara ribut dan
tidak sabar orang itu berteriak-teriak, Dengar aku! dengar aku! Sang bapa
gereja menjawab dengan biasa-biasa saja, Nec ego te, nec tu me, sed ambo
audiamus apostolum – bukan aku yang harus mendengar engkau, bukan
pula engkau yang harus mendengar aku, tetapi marilah kita berdua
mendengarkan Rasul Yakobus.”] Alai Apostel Jakobus manggombarhon
sasahalak na manangihon hata ni Tuhan alai ndang diulahon jala tarsongoni
ma sahalak jolma i jongjong di jolo ni kaca sorminan, dibereng dirina, alai
dung laho ibana sian sorminan i, gabe ndang ditanda be rupana. Halak na
holan manangihon hata ni Tuhan (so pola mangulahon) na marlapatan ma i
na paotootohon dirina. Sia hata aslina paralogizomenoi na marlapatan
penipuan. Paralogisme, i ma penalaran naso masuk akal, na disangajo
manang so disangajo. [Immanuel Kant mandok: paralogisme mengarahkan
orang lain ke dalam kesalahan, masih menyimpan kebenaran untuk diri
sendiri. Ini lebih merupakan penipuan diri sendiri, ilusi yang tidak
terhindarkan tanpa cadangan kebenaran…Alasan menjerat diri sendiri
dalam paralogisme di bidang dimana penipuan diri dapat mengambil
bentuknya yang paling radikal, bidang psikologi rasional; akal melibatkan
dirinya dalam penipuan diri sendiri mengenai dirinya sendiri (Jhon Sallis,
The Gathering of Reason, edisi ke-2 Univ. Negeri New York Press, 2005)].
Dalan pingkiran na sisongoni tangkas do i halak na paotootohon, i ma na
mambahen dirina malua sian kewajibanna na sasintongna ingkon diulahon.
Apostel Jakobus naeng patuduhon songon dia do na sasintongna
mampargunahon hata ni Tuhan i (ay.23-25). Mampargunahon hata ni Tuhan
boi do diparsiajari marhite kaca/cermin jala disima tarida tu hita angka
kotoran na adong di bohinta asa boi tapaias dohot taubati. Nang songoni ma
hata ni Tuhan i na pataridahon angka dosanta, asa marhamubaon hita sian i
jala asa mandapot hasesaan ni dosa. Hata ni Tuhan papatarhon tu hita angka
hasalaan asa taboto padengganthon na salah i. Adong do kaca/cermin na
mamuji halak alai na memang na sintong i ma hata ni Debata ndang na
kaca/cermin na holan mamuji diri. Molo tapuji diri, i ma hasalaanta sandiri.
Hasintongan i adong di bagasan Jesus Kristus na so mamuji manang ise pe i.
Sai ditangihon ma hata ni Tuhan asa hata ni Tuhan ma na patuduhon angka
parange na sala laho padengganon. Hata ni Tuhan tangkas patuduhon tu hita
na sasintongna songon dia do hadirionta. Apostel Paulus manggombarhon
dirina ndang peka tu angka hasalaanna alai ro ma patik i, gabe mangolu ma
dosa i (Rm. 7: 9). Mangolu do anggo ahu najolo so marpatik dope, dirajumi
do dirina na sintong, jala ditatap do dirina ndang holan ias alai uli sian
portibi on. Alai dung ro ma patik i, di tingki kaca/cermin i dipatuduhon tu
dirina, dosa i gabe mangolu baliksa gabe mate.
Alai na mamereng torus tu bagasan uhum haluaon na sun denggan i
jala mian disi, i ma na martua marhite sian pangulaonna i, anggo so
pananginangi na manghalupahon, siula ulaon i tahe ibana (ay.25), Apostel
Jakobus ndang mandok alani pambahenan gabe tarpasupasu alai dibagasan
pambahenanna. Pambahenan na denggan holan dalan di hita na patuduhon
diri na tarpasupasu, alani i ndang pambahenan umabahen gabe dipasupasu.
Pasupasu i ndang didapot sian pamotoan, alai dibagasan na mangulahon
hataNa hombar tu lomo ni rohaNa. Molo diboto hamu i, martua ma hamu
mangulahonsa (Joh. 13:7). Ndang holan manghatai, alai mardalan dibagasan
hata ni Tuhan na mamboan hita sahat tu ngolu na saleleng ni lelengna.
III. Panimpuli
Syair logu di KJ. No. 432 : “Jika padaku ditanyakan apa yang akan
kusampaikan dalam dunia yang penuh dengan cobaan. Aku bersaksi dengan
kata, tetapi juga dengan karya menyampaikan kasih Allah”, na paingothon
pambahenan ni halak Kristen i ma manangihon huhut mangulahon hata ni
Tuhan i. Spiritualitas, i ma hataridaan ni na hinaporseaan di bagasan
pangalaho. Di hata Batak didok: INGKON SAURDOT DO HATA DOHOT
PAMBAHENAN. Molo pambahenan ‘masitundalan’ tu hata, digoari do i
paralogis, na mangotootoi, panipu. Panipu tu dirina sandiri, laos panipu tu
na humaliang. Hata denggan jala uli, alai pambahenan tung mansai jobut,
isarana: Sahalak ‘bere’ mangalangkai (melangkahi) simanjujung ni tulangna
na topet modom, andorang so dilangkai didok ‘bere’ i ma: “Santabi,
Tulang!” On ma na digoari “santabi londos.” Lupa ibana di ruhutruhut.
Suangle do haporseaon, molo so saurdot haporseaon dohot parulan
(kenyataan) targoar do i: paraloger, panipu, pangotootoi. Kita mendengar
supaya melakukan. Sering mendengarkan firman Allah atau mendengarkan
dengan penuh perhatian tidak akan bermanfaat bagi kita jika tidak disertai
dengan melakukannya. Sekalipun kita mendengar khotbah setiap hari dalam
seminggu, dan malaikat dari sorga adalah pengkhotbahnya, namun jika kita
berhenti hanya pada mendengar, itu tidak akan pernah membawa kita ke
sorga. Oleh sebab itu, Rasul Yakobus sangat menegaskan hal ini bahwa kita
harus melakukan apa yang kita dengar. “Harus ada pengamalan di dalam
batin dengan merenung, dan pengamalan dalam bentuk perbuatan yang
bisa dilihat bila kita memang sungguh-sungguh mau taat kepada firman”.
Tidak cukup hanya mengingat apa yang kita dengar dan bisa
mengulanginya, memberikan kesaksian untuknya, memujinya,
menuliskannya, dan memelihara apa yang kita tulis. Yang membuat
semuanya ini lengkap, dan yang akan memahkotainya, adalah bahwa kita
juga harus menjadi pelaku firman. Na manghalupahon Debata do angka
manangihon HataNa alai ndang diulahon. Amen!

Panurat: siduamooll
 MINGGU XXIV DUNG TRINITATIS
19 NOVEMBER 2023
Evangelium: 5 Musa 8: 7 – 18

Unang Halupahon Debata

I. Patujolo
5 Musa disurathon martujuan laho pabotohon tu sundut na umposo
Israel (generasi muda Israel) na naeng masuk tu tano Kanaan asa
manghangoluhon patik naung diuarihon di dolok Sinai marhite covenan
padan ni Debata dohot bangsoNa.. Marhite buku 5 Musa patangkashon ia
molo patik i sahali do dilehon Debata Jahowa tu saluhut pinompar ni Israel
(ida, 5 Musa 5:22). Dibahen i, songon tanggung jawab / tugas ni sundut na
tumua do pabotohon hinabalga asi ni roha ni Debata tu bangso i, marhite na
mangalehon patik i (tradisi Sinai , ida 5 Musa 6 : 4-9). Secara khusus, bindu
27-30, marrumanghon induk teologi ni buku 5 Musa on, ima taringot tu
pasupasu (berkat) dohot torutoru (kutuk). Bangso Israel taruli di pasupasu na
sian Debata do molo mangolu jala mangula huhut manjamothon uhum
dohot patik i. Alai sabalikna do na masa uhum manang patik i parohon
torutoru tu bangso i, molo ndang satia bagso i tu uhum/patik i (Yahweh
ekhad/Yahowa sasadasa do oloan).
Simusimu ni buku 5 Musa:
1. Musa paingothon bangso Israel taringot peristiwa-peristiwa besar
saleleng 40 taon partingkian na parpudi. Ditogu ibana bongso Israel
marningot pambahenan ni Debata mangiringiring Israel haruar sian Misir
sahat tu tano Kanaan mamolus laut na dipahiang Debata, mangaramoti
Israel saleleng di parhorsihan. Marhite i naeng tongtong marningot,
unang manghalupahon pandonganion, panarihonon ni Debata di bangso
na pinillit ni Debata, i ma dalan gabe roha pangoloi tu Debata.
2. Musa mangarataratai Patik Nasampulu, jala pahantushon taringot ndang
jadi marangkup bahenon Debata dungkon ni JAHOWA. Ai tung
hasogiron ni roha ni Jahowa do molo marsomba bangsoNa tu debata na
asing dungkon ni JAHOWA.
3. Musa paingothon bangso Israel taringot tu ihotihot ni padan ni Debata,
padan naso boi mose.
4. Yosua dipabangkit manggontihon si Musa (dung monding) laho
menguluhon Israel, bangso pinillit ni Debata, sahat tu Tano Kanaan laos
marbagi partalian ni Israel di Tano Kanaan.
 Di turpuk jamita on, dipaingot si Musa do bangso Israel i ma bangso
na pinillit ni Debata. Saleleng 40 taon lelengna bangso i rap dibagasan
pardalananna jala ragam do angka naung dibolus bangso i. Jala godang do
parsiajaran naung didapot bangso i na so boi dihalupahon nasida.
Pardalanan ni bangso i ndang holan manaringoti taringot angka naung salpu
i alai gabe persiapan tu ari sadarion dohot tu ari na mangihut. Saleleng 40
taon, dipaloas Debata do bangso Israel di halongonan na manghilala angka
parungkilon, hamaolon, dohot pangunjunan. Dihilala do na malean, mauas
dohot hasusaan di hatihai. Di hatahuton i, dihilala bangso i do angka
ancaman sian angka bangso na asing, alai dipatupa Debata do sipanganon,
pahean dohot angka haporluan na asing. Di tingki ma diida Debata songon
dia hasatiaon bangso i maradophon Ibana. Dihaholongi Debata do bangso i
jala diajari songon ama na mangajari anakna (ay.5).

II. Hatorangan Dohot Impola

Diarahon si Musa do bangso i asa mangaranap tu jolo, tano Kanaan,
tano habaoran ni susu dohot situak ni loba (´eºrec zäbat Häläb ûdübäš
[BHT] a land that floweth with milk and honey [KJV]), ndada holan
deskripsi fisik alai pandohan teknis mandok Tano PALESTINA hombar tu
pustaha –dokumen Ugarit dohot Mesir (5 Musa 6: 3), tano mansai napu,
hinorhon ni napuna, molo disaburhon boni bolas pat (simanjojak) dibahen
manirami songon porlak plawija ala tano i godang dolok dohot rura na
disirami dohot udan sian langit. Untuk orang padang pasir, tidak ada berkat
yang lebih besar dari pada air biasa yang cukup (5 Musa 11: 10 – 11),
ndada songon tano Mesir na marsigantung tu irigasi sian batang aek Nil na
ingkon memakai kincir di logo ni ari, jala banjir molo ari parudan. Jala tusi
ma diboan Debata bangso i. Huta Kanaan, i ma tano na denggan, tano na
marbatang aek, marmual dohot martao, angka na mabaor di rura dohot di
dolok. Ra gumodang do batang aek di huta i didapot bangso Israel ala
jumolo di zaman si Abraham nunga dihali halak Kanaan angka sumur di
tano i. Tano Kanaan mamparbuehon angka na denggan na marlompit ganda,
jala ndang holan angka kebutuhan pokok alai mangihut do tu kenyamanan
dohot pangapulion na mangolu tu angka bangso i. Secara psikologis pe
diharingkhothon Debata do bangso dipamalum saluhutna. Sian kebutuhan
pokok ni bangso i pe dipatupa Debata do ima na so pola marhangaluton
panganonmu rotim disi, jala ndang hurangan di manang aha.
Bangso Israel jotjot do dipaingot asa gabe bangso na marsihohot jala
mangasahon goar ni Debata jala ndang holan asa mangolu bangso i alai asa
boi marpinompari bangso i di tano i. Marhite pardalanan na ganjang di
halongonan, Debata nunga mangajari bangso i asa lam antus nasida di
hagogoon ni Debata sian hagogoon ni portibi on. Ndang dibagasan
parungkilon na mansai dokdok be bangso i ala nunga dipataridahon Debata
padanNa tu bangso i marhitehite pangaramotionNa tu bangso Israel. Nunga
didapot bangso i be hamoraon, jala ingkon tau do bangso i mandok mauliate
tu Debata ala nunga ditogihon tu tano na denggan. Sahali nai dipaingot si
Musa do bangso i asa unang lupa diri molo dung masuk bangso i tu tano
Kanaan. Bangso Israel ingkon torus do mangingot songon dia do suasana di
halongonan di tingki bangso i ndang boi mangolu molo so alani Tuhan.
Molo dihalupahon bangso i do, ingkon mago situtu do bangso i. songon
bangso parbegu angka naung niago Jahowa maradophon hamu, suang
songoni i ma bangso i, ala so ditangihon bangso i soara ni Jahowa.
Ay. 7-9: Di tingki bangso Israel mamasuki tano Kanaan, mansai
denggan do tano i ala godang do batang aek, mata mual dohot tao, dohot
angka adaran nang dolok bahen hatubuan ni angka suansuanan isarana: eme
(Ibr. Hi††â, KJV. wheat: gandum), jagung (Ibr. Sü`örâ KJV. barley:
jelai), hau anggur (Ibr. gephen), hau ara (Ibr. te’en) dohot dalimo (Ibr.
rimmown), tano na marmiak Jetun (Ibr. zêt šeºmen) dohot marsituak ni loba
(Ibr. dübäš), tano na ugan, naso adong hurangna di hangoluan siapari, jala
tano na boi bahen tambang bosi dohot tombaga. Jumpa masa ranggapuri
(kemarau panjang) tingki panurirang Elia, ala ni uhum ni Debata do na
masa i (1 Raj. 17: 1 – 18:46), jala nang sahat tu tingki na umpudi pe boi do
masa sisongon i laho paingothon jolma laos uhuman tu angka pardosa (8:
19-20; 11: 17)
Ay. 10 – 16: Ditonai hinan do asa mangaramoti diri unang ginjang
rohanasida ia dung maduma ala ni tano na denggan laho pertanian,
peternakan dohot pertambangan, jala gabe lam ganda sinamotnasida. Ai olo
do ala dung denggan ngolungolu (maduma) gabe tundal sian adopan ni
Debata gabe lupa mandok mauliate huhut mamuji Jahowa, Silehon
hangoluan i. Sotung gabe lupa bangso Israel di angka uhum dohot aturan ni
Debata, na paruarhon Israel sian parhatobanan Misir. Ai uju mamolus
parhorsihan, dipalua do nasida sian angka ulok dohot hala na marbisa. Jala
dilehon do tu nasida aek siinumon uju maringan di tano na hasang, naso
adong aek, gabe diparuar aek sian dolok batu. Dilehon do sipanganon
siapari marhite manna paima tolhas nasida tu Kanaan. Panurirang Hosea
manurirangi Israel: Hape * ahu do nian Jahowa Debatam olat ni tano Misir,
jala Debata dungkon ni ahu, ndang adong tinandam, jala ndang adong
sipangolu dungkon ni ahu. Ahu hian marhamaol ho di halongonan di tano na
mohop situtu. Alai dung jumpangan * panjampalan nasida hubahen, bosur
ma nasida, dung bosur nasida, ginjang ma rohanasida, alani dihalupahon
nasida ahu (Hosea 13: 4 – 6).
Ay. 17 – 18: Dipaingot do nasida sotung gabe paginjang roha
maradophon Debata marhite na mandok di bagas rohana: Gogongku sandiri
dohot huaso ni tanganku mangomo di ahu hamoraon on. Ingkon manat do
mangarajummi kesuksesan dohot hamoraon (pat. 5 Mus. 8:18; Jak. 4:13-
17); jaha: Asi ni roha ni YHWH tu Israel (5 Mus. 9:4-6). Ala ni, dipatihi do
nasida asa tongtong paingotingoton ni rohanasida Debata na mangalehon
gogo laho mangomo angka arta. I ma padan na tongtong dipahot songon tu
angka ompunasida na uju inane hot sahat ro di ujungn.

III. Panimpuli
Jotjot do jolma di tingki marsingkor ngoluna, sai dinunuti do
martangiang tu Debata, angka na denggan dope diula, serep rohana
maradophon donganna jolma jala biar mida Jahowa. Alai ia dung malua sian
hapariron, lam denggan ngolungoluna, lam tamba arta, sukses sintasintana,
gabe ginjang rohana, lupa martangiang, gabe mangula hajahaton jala gabe
ndang biar mida Jahowa.
Nang uju marsahit, jotjot do jolma mangido pangurupion sian
Debata laho pamalum sahitna: songon sampulu halak na huliton (kusta)
dung malum, sia halak gabe lupa mandok mauliate (Luk. 17:17)
Marhite jamita on, dipaingot do: JANGAN SESEKALI
MELEUPAKAN SEJARAH (JASMERAH) asa unang adong be songo SI
MARDAN manang songon peribahasa Bagai kacang lupa akan kulitnya.
“…Sai burju ma ho rasirasa mate; dung i lehononku ma tu ho tumpal
hangoluan i! (Pangk. 2:10). Amen.

Panurat: siduamooll
 MINGGU UJUNG TAON HURIA
26 NOVEMBER 2023
Epistel: Jesaya 65: 17-23

Maimaima Di Langit Naimbaru Dohot Tano Naimbaru

I. Pamuhai
Songon naung itaboto, ia buku ni panurirang Jesaya marisi tolu bagian,
ima: Proto Jesaya (Bindu 1-39) na patorangkon boaboa ni dosa bangso
Israel tu adopan ni Debata Jahowa marhite panghataion nang songoni
parulaonna nasida. Deutro Jesaya (Bindu 40-55), na patorangkon: ngolu ni
bangso Israel uju di tano habuangan Babel, jala masa pe i alani dosa nasida
do tu Debata Jahowa, laos marhite na masa i di bagasan ngolu na so
marpinghirimon do nasida. Trito Jesaya (Bindu 56-66), na patorangkon:
parngoluon ni bangso dung ruar sian tano habuangan Babel, jala mulak do
nasida tu Jerusalem. Udutna, adong do dipasahat Debata angka bagabagaNa
na patupahon las ni roha tu bangso i.
Alani i, ia turpukta on ima masuk do tu horong na patoluhon, na
pabotohon tu hita situasi ni bangso i nunga ruar sian tano habuangan Babel.
Marpardomuan songon naung ni dok nangkin, adong do angka bagabaga ni
Debata tu bangso i. Angka aha ma bagabaga ni Debata tu bangso i? Boi
dope itahangoluhon bagabaga ni Debata i tu hita na mangolu di partingkian
sinuaeng on? Songon dia situasi na pinatupa ni Debata di sososo ni
bagabaga na pinasahatNa i? Angka ise do na boi mandai bagabaga ni Debata
i?
Ima sungkunsungkun na boi itabereng sian turpuk on laho patanghon
dohot paradehon dirinta di bagabagaNa i.

II. Hatorangan ni Turpuk

Andorang so masuhanta tu tu ayat ni ojahan ni jamitanta, denggan na
itaida ma jo tu bindu 65: 1-16. Disi dipatorang do angka uhum na masa tu
halak na mardosa, jala jambar haluaon tu angka halak partigor, laos diuduti
ma hatuaon tu angka naposo ni Debata (ay. 15). Ia partigor, boi do
dohononta saurdot do i dohot naposo ni Debata. Ala angka partigor masuk
do i tu horong ni angka naposo ni Debata. Marhite i, boi do dohononta ia
turpukta on ima udut ni sian ayat na sebelumna. Alani, boi ma itabahen
pandapot, ida turpukta on dikhususkan tu angka partigor manang naposo ni
Debata.
 Ay. 17-19. Langit dohot tano na imbaru mangkorhon las ni roha di
jolma nang di Debata. Debata sandiri do na manompa langit dohot tano
naimbaru i, jala dipatorang do na so ingoton be angka na parjolo i, jala
ndang ingoton manang tarsunggul be roha ni Debate ima: angka hadosaon
naung ni ula bangso i. Laos alani i, masa ma angka las ni roha di angka
partigor manang angka naposo ni Debata i, jala salelenglelengna do i masa
saluhutna, ndada parsatongkinan. Jala, langit dohot tano na imbaru i, Debata
sandiri do patupahon i, Ibana do na manompa i saluhutna. Di angka naung
tinompa ni Debata langit dohot tano na imbaru las do roha ni Debata
marnida saluhutna i, tarmasuk angka las ni roha na masa tu angka partigor
manang naposo ni Debata i. Ndang adong angka soara partangisan manang
soara anggukangguk.
Songon itaboto, molo masa soara anggukangguk dohot partangisan
manggombarhon angka arsak ni roha do i. Ndada mungkin jolma
manggukangguk molo las roha, pasti do i na tongon di bagasan lungun ni
roha. Alai, ndang masa be i molo di tano dohot langit naimbaru na tinompa
ni Debata I, parolopolopon nama nama na masa.
Ay. 20-23. Manghasaulihon saluhut na pinarade ni Debata. Dung
maringanan di langit dohot tano na imbaru na tinompa ni Debata, tontu
parsaulihonon nasida nama angka na adong disi. Ia angka na pinarsaulihon
nasida ni rangkum dibagasan tolu bagian, ima: ganjang ni umur marhite
ndang adong be disi posoposo sisaotik ari, manang na ubanon na so gok
arian, d.u(ay. 20), hangoluan marhite na paulion nasida bagas, manuan hau
anggur, d.u (21-22), ndang hilalaon be loja dina mangula, manubuhon anak,
d.n.a (23).
Astuanna, ia angka partigor manang naposo ni Debata parsaulihonon do
angka naung ni pajojor ondeng. Jala saluhut na i Debata sandiri do
paradehon i tu angka nasida. Tontu, manggombarhon las ni roha do
saluhutna i, jala holan di tano dohot langit na imbaru i do boi itadapot i. Ala
Debata sandiri do na mandok i, unang ragu hita, laho tu hita do i asal ma
itatotophon di rohanta tung so olo hita manimbil sian dalan naung
tinontuhon ni Debata. Jala molo itaauhon huhut itahangoluhon do na
partigor manang naposo ni Debata hita tardok ma hita pinompar ni na
pinasupasu Debata hita sahat di angka pomparanta (23)

III. Haonahan
1. Holan angka partigor manang naposo ni Debata do na boi
hilalaonna manang daionna langit dohot tano naimbaru. Angka ise
do na tardok partigor manang naposo ni Debata? Ima halak naung
 patupahon haimbaruon (pertobatan) di bagasan rohana, jala
haimbaruon ni martahan sahat tu ujungna, ndada mamereng partabo
ni roha dohot angka na asing. Ima hataridaan di hita laho maimaima
tano dohot langit na imbaru na tinompa ni Debata di hita. Marhite i,
apakah kita sudah termasuk orang yang melakukan pertobatan
yang kekal, tidak sementara, di ngolunta on? Unangunang, holan di
ari Minggu, manang uju mangihuthon angka parpunguan ni halak
Kristen di bagasan rohanta na tardok tingki na lehet laho patupa
haimbaruon ni roha?
2. Di naung dipatupa Debata tano dohot langit na imbaru di angka
partigor, jala molo itahubungkon tu parngoluonta si nuaeng on. Dia
na rumingkotan di hita, apakah tano dohot langit naimbaru i do
manang angka na di portibi on? Ndada na mandok ndang ringkot
mangalului angka na di portibion, alai unang lalap hita hinorhon ni
i, itaingot ma adong inganan na rumingkot di hita naung pinarade ni
Debata. Boha, tagamonta do parsidohot hita disi?
3. Ndang tugasta laho mamboto manang manafsir sadihari do parro ni
tano dohot langit naimbaru i. Alai, itaingot ma tugasta ima
manongtong paradehon diri manang sadihari pe parro na, marhite
na patupahon haimbaruon ni roha asa tarmasuk hita tu horong ni
partigor manang naposoNa i.

Pdt. HERMAN TAMPUBOLON, M.Th

(Mahasiswa Doktoral Fak. Teologi UKSW, Salatiga, JaTeng)
 MINGGU UJUNG TAON HURIA
26 NOVEMBER 2023
Evangelium: Pangungkapon 21: 1-4

Maimaima Di Langit Naimbaru Dohot Tano Naimbaru

I. Pamuhai
Umumna Buku Pangungkapon na tu si Johannes marisihon taringot tu
angka aha do na masa di partingkian na naeng ro tu angka halak na porsea tu
angka huria na pitu i. Jala, tontu manosoi angka haporseaon ni ruas huria i
asa tang huhut toras laho manghaporseai Tuhan i, atik pe mangadopi angka
hamaolan ala manghatindangkon haporseaonna.
Minggu ujung taon parhuriaon manang didok do i minggu tutup
liturgi, laos marhite i masuhanta ma minggu taon baru parhuriaon, ima:
masa-masa advent I-IV. Somal do hita molo uju di minggu ujung taon
parhuriaon marningot angka donganta naung jumolo monding. Jala, ra dina
marningot dongan naung jumolo i, olo do dibagasan pingkiranta hira na
mabiar, marlobok tarontok laho mangadopi hamatean i, ala ragam ni
alasanta be. Laos marhite i olo do sipata hira tawar-menawar dohot Tuhan i
na mandok: molo boi unang ma jo nian, ala songon on, songon an. Asing
halak tontu asing be do ra alasanna alani aha mabiar mangadopi hamatean i.
Dibagasan tingki on, turpuk na gabe ojahan ni jamita mangurupi hita
laho mangadopi angka biar ni roha. Ae manang boha pe ingkon bolusanta
do hamatean i, songon naung masa tu angka donganta naung jumolo
monding i. Anggiat marhite turpuk on na marpardomuan tu ujung taon
parhuriaon on, laos huhut marningot angka donganta naung jumolo i, ndang
be mabiar hita, alai mambahen lam togu haporseaonta sadihari pe ro
pangalap ni Tuhan i tu hita angka na tinompa na.

II. Hatorangan ni turpuk

Ia surat Pangungkapon tu si Johannes on ima marisihon Sian surat ni si
Johannes tarida do songon dia gombaran ni Surgo i. Jala, tung tarida do
gombaran ni las ni roha di bagasan ni i. Angka aha ma gombaran ni las ni
roha i?
 Ay. 1-2. Parnidaan na imbaru, ima: banua ginjang naimbaru dohot
tano naimbaru, ala nunga salpu banua ginjang dohot tano na parjolo i, jala
tuat sian Banua Ginjang sian Debata ima Jerusalem na imbaru, na pinature
songon oroan na sinanggulan mandapothon harajaanna.
Gombaran na parjolo on, ima patuduhon ndada songon na parjolo i
manang songon hita uju di portibion be situasi na itahilalaon dung sahat hita
Banua Ginjang dohot tano na imbaru i. Na laho salpu do sude angka na
adong di portibion. Molo adong dapotta naimbaru, tontu las do rohanta alani
imbaru na adong di hita, alai haimbaruon na martingki do i sasintongna
molo haimbaruon na sisongoni, ae holan salpu saminggu, sabulan, manang
sataon dohot tu angka tingki na naeng ro, ndada be baru i, nunga boi
dohonon ndang imbaru be i. Ima haimbaruon di jolma i. Alai tandi do
haimbaruon na sian Debata na laho pasahathonNa tu hita marhite Banua
Ginjang dohot tano naimbaru i, na pinatardihon ni si Johannes marhite
pangungkapon na ro tu ibana i. Jala dina nidok na: na pinature songon oroan
na sinanggulan mandapathon harajaonna, patuduhon haulion ni Banua
Ginjang dohot tano i do i. Molo mamereng angka na uli tontu sonang do
roha, jala molo itabereng na uli migor minar do bohinta, laos boi do
mangkorhon lambok ni roha molo marnida na uli i, laos mungkin boi do
itagombarhon situasi na asing molo jumpangta na uli. Ummotikna, parbue
na mamereng na uli boi moru stress ni pingkiran, boi lumumbang
panghilalaanta. Insarana: mamereng haulion ni Tao Toba, d.n.a. Sandok,
tung berpengaruh do hape haulion i laho patupahon suasana las ni roha tu
halak na mamereng.
Sian gombaran na pinatuduhon ni turpuk on, astuanna marhite
parnidaan ni si Johannes on tung patar do hape las ni roha, na marparbuehon
parolopolophon marhite Banua Ginjang dohot tano na imbaru i, ima
Jerusalem na imbaru i. Ido jaminan di hita halak na porsea na pinasahat ni
Debata tu hita. Aha do hataridaan ni las ni roha na dipasahat Debata di
Banua Ginjang dohot tano na imbaru i? Idaonta ma i sian na mangihut di
toru on.
Ay. 3-4. Patar do Banua Ginjang manang Surgo i, jala Debata do na
mangapus angka iluilu. Dina binege ni si Johannes soara na mandok: “On
do joro ni Debata di tongatonga ni angka jolma; na maringanan ma Ibana
di tongatonga nasida, jala nasida ma gabe bangsoNa, jala Debata sandiri
saor tu nasida”. Angka halak na porsea i Banua Ginjang na imbaru i do na
gabe jambar di ibana, laos Debata patuduhon na di tongatonga nasida do
Debata. Jala, saluhutna i na Debata sandiri do na saor di hita. Laos udut ni i,
adong jaminan di angka na porsea i na apusan ni Debata iluilu sian mata ni
angka na porsea i, jala ndang adong hamatean, arsak ni roha dohot
anggukangguk, na hansit, jala nunga salpu na parjolo i. Tutu, sada
panghirimon do on hita angka na porsea, na adong di portibion. Ragam do
angka sibolusanta di portibion na olo mambahen hita maradu marabur ilunta
alani parsorionta, alai molo manahan hita di haporseaonta i, ndang manimbil
hita sian dalan ni Debata, ingkon boi do bolusanta i. Marhite turpuk on
margogo ma hita, itaingot ma na saor do Debata di hita; jala ndang
manongtong hita di portibion, ndang portibion jambar ni halak na porseai,
alai Banua Ginjang dohot tano naimbaru naung pinarade ni Debata do.
Manat ma hita di parsorion na ro di ngolunta on, sotung do hinorhon ni i
gabe laos mandao hita sian Debata. Tolap ni Debata do mangalehon las ni
roha atik pe ro angka parungkilon na mambahen hita tariluilu, marsak, d.n.a.
Debata do mual ni pangapulion di hita na porsea.
Sian gombaran naung pinatorang ondeng, manosohon hita asa unang
mandele di saluhutna na masa di ngolunta on. Parsotingkinan do sude na
masa dingolunta di portibion. Molo pe ro las ni roha nang arsak ni roha di
ngolunta saleleng di portibion ndada manongtong i, adong be do tingki na.
Holan sada do na manongtong ima Banua Ginjang dohot tano naimbaru
naung pinarade ni Debata i do na manongtong di hita. Holan on, ingkon
porsea do hita tu Ibana naung paradehon inganan na imbaru i, jala ndang
adong be angka iluilu, arsak, hansit di si.

III. Haonahan
1. Ganup jumpang Minggu ujung taon parhuriaon, itaingot do angka
donganta naung jumolo monding. Sosososo do i tu hita na
paingothon ia hita pe ingkon adopanta dohot bolusonta do
hamatean i. Dina marningot angka donganta naung jumolo i hita,
itadok ma tu dirinta di bagasan haporseaonta: mangarade ma ho
ale tondingku, manang sadihari ro panjouon ni Tuhan i. Ia molo
tolapta mandok songoni tu dirinta, hataridaan ni na so mabiar do
hita, jala hapataran ni haporseaonta tu Kristus i do dina laho
mamolus hamatean i manang sadihari pe parro na, ala patar do
Banua Ginjang dohot tano na imbaru, ima Jerusalem na imbaru di
 hita na pinarade ni Debata tu hita angka na manghaporseai Ibana.
Laos hapataran sian dirinta na rade do hita maimaima langit dohot
tano na imbaru na laho pasahathon ni Debata tu hita.
2. Asing jolma, asing do tong parsorion na ro tu ibana. Sajabu pe olo
do tong marasingasing parsorionna. Tandi do parsorion na ro tu
Ama dohot Ina, nang songoni molo sebagai ianakhon. Jala, di
parsorion na ro tu hita i, olo do pola sampe ro iluilu. Alai itaingot
ma pargogoon ni Debata do hita mamolus saluhutna i, laos marhite
hagogoon na sian Ibana i, jumpangta ma las ni roha na
manongtong i molo ndang manimbil haporseaonta sian Debata.
3. Itaingot ma, hasisingkop ni hapapataran langit dohot tano na
imbaru ima di tingki parro ni Jesus Kristus muse tu portibion.
Alani, mangarade ma hita marhite na manongtong haporseaonta tu
Ibana manang andigan pe ro Kristus muse tu portibion.

Pdt. HERMAN TAMPUBOLON, M.Th

(Mahasiswa Doktoral Fak. Teologi UKSW, Salatiga, JaTeng)
 MINGGU ADVENT I
03 DESEMBER 2023
Epistel: Psalmen 80: 1 - 8

Jaga Jala Dungo Ma Hamu Manomunomu Haroro Ni Kristus

I. Patujolo
Horas!!! Salam advent. Masuk ma hita di minggu Adven parjolo na
dipataridahon na pagalakhon sabatang lilin sian opat lilin na jonjong di jolo.
Jala di minggu Adven parjolo on disuarahon do taringot tu ajal ni hasiangan
on dohot managam haroro ni Jesus Kristus na paduahalion, ima Sipalua!
dung salpu angka harajaon, hasangapon dohot hamuliaon nasa na adong di
hasiangan on. Managam haroro ni Jesus Kristus sai diadophon do dohot
sitaonon, parungkilon dohot haporsuhon na masa di hasiangan on.
Tung ise be na boi paluahon ahu sian sitaonon dohot parungkilon na
masa on? sadihari do salpu sitaonon, haporsuhon dohot parungkilon na masa
on? tung na so margogo do Jahowa laho paluahon ahu sian sitaonon,
parungkilon dohot haporsuhon on? tontu hea do tubu sungkunsungkun on di
angka jolma na marsitaonon, na marungkil manang mangadopi haporsuhon
bolon huhut na paimahon sadihari ma salpu saluhutna i. Turpuk jamita
epistel on ima sada ende ni parpsalmen na marisihon sihirimon, panagamon
ni parpsalmen managam haroro ni Sipalua, ima Mesias na paluahon ibana
sian sitaonon dohot parungkilon na masa tu ibana. Aha do harua na masa tu
ibana jala haluaon na songon dia do dihirim ibana marhite endena on?
antong, masuk ma hita tu hatorangan ni turpuk asa boi taralus jala aha do na
naeng sidohononna tu hita marhite ende psalmen on.

II. Hatorangan ni Turpuk

Anggo Psalmen 80 on ima psalmen na marisihon ende sian si Asap
(ay. 1). Asap ima anak ni si Berekhya pahompu ni si Simea, ima sahalak na
malo di musik sian horong ni marga Lewi pomparan ni Gerson, ima malim
uju Daud raja manggomgom harajaon bolon Israel. Asap manurathon 12
psalmen ima psalmen 50, 73 – 83 rap dohot si Heman dohot si Etan ima
parende na marende di Bagas joro (ida 1 Kronika 25: 1 – 31; 2 Kronika 5:
12; 20: 14; 29: 13; 35: 15; Esra 2: 41; 3: 10; Neh. 7: 44; 11: 17; 12: 27 –
47). Sian hatorangan i boi ma idaonta anggo si Asap martugas ma uju Daud
sahat tu Salomo manggomgom harajaon ni Israel na bolon. Ende na sian si
Asap on dipangke do gabe ende hadaulaton (nyanyian liturgi) halak Judah
na dijaha responsoria.
Nang pe mangula si Asap gabe parmusik dohot panurat ende uju si
Daud dohot si Salomo, alai disurathon ulang do ende na i di uju Hiskia
manggomgom Judah (hirahira taon 729 – 687 andorang so tubu Jesus) sahat
tu Amon raja Judah (696 – 642 andorang so tubu Jesus). Sian partingkian on
boi do idaonta psalmen on disurathon jala diendehon andorang so masa
dope habuangon jala andorang so masa hasesega Yerusalem. Aha do na
masa hatiha i? andorang so Hizkia gabe raja Judah masa do perang saudara
Israel utara (na ginoaron Efraim manang Samaria) maralohon Israel
dangsina (na ginoaron Judah) ima uju panggomgomion Yotam dohot Ahas
manggomgom Judah. Uju i Israel Utara digomgomi raja Pekah mardongan
dohot Siria na ginomgoman si Rezin maralohon Judah na mardongan dohot
Asyur na ginomgoman ni si Tiglat-Pileser III dohot Salmaneser V. Talu
manang salpu ma harajaon ni Israel Utara songon i harajaon ni Siria, jala
Judah pe gabe negara boneka harajaon ni Asyur. Disi ma Judah gabe
madabu tu dosa ala diulanasida ma angka na so uhum tu angka na pogos
dohot na sopot so marama sopot so marina songon i nang angka na mabalu,
Hatigoran ni uhum dipapeol, panguhum boi disisip (disuap), masa ma
korupsi, pajak pe dipatimbo asa boi lehononna deba tu Asyur jala
pasingkophon angka naung sega uju masa parporangon maralohon Israel
Utara – Siria naung talu i. Songon i nang pardebataon na disomba, ala
negara boneka ni Asyur do harajaon ni Judah tontu halak Judah ingkon do
parsidohot marsomba tu debata ni Asyur. Dang margogo be raja ni Judah
maralo raja ni Asyur jala gabe songon hatoban ni raja Asyur do anggo raja
Judah.
Laos na masa i ma na naeng dialo si Hiskia dungkon hundul ibana
gabe raja manggomgom Judah. Dipatupa si Hiskia do paraloanna maralohon
Asyur, marhite na olo ibana rap dohot angka bangso na maralo tu Asyur
isarana Mesir, jala disegai manang dirumpakhonna parsombaon ni Asyerah
ima debata ni Asyur di dolok parsombaon Arad. Tontu patubuhon rimas ni
Asyur do pangalaho ni Hiskia on jala na boi panghorhon lam tu hansitna
angka sitaonon manang parungkilon na dipanghilalahon halak Judah.
Mardongan ma Hiskia tu harajaon Misir maralohon Asyur, alai talu do
nasida maralohon Asyur, uju Sanherib manggomgom Asyur. Dung masa i,
lam tu hansitna ma masa tu halak Judah jala lam tu dangolna ma
pambahenan ni Asyur tu. Dung marujung ngolu si Hiskia, nangkok ma si
Manasye manggomgom Judah dung i diuduti ma si Amon. Uju
manggomgom si Manasye dohot si Ammon di Judah lam tu lumlamna jala
lam tu holomna na masa di harajaon i, lam marsilomolomo angka na mora
dohot na sangap manggosagosa angka na pogos, na mabalu dohot na sopot
so marama sopot so marina, lam tu hansitna ma partinaonan, dohot
parungkilon na masa tu halak Judah na pogos, angka na mabalu dohot na
sopot so marama dohot so marina. Hatigoran ni uhum lam tu peolna, angka
panguhum pe disisip asa ndang manghonai uhum angka na mora dohot na
sangap. Lobi sian na hea masa uju panggomgomion ni si Yotam dohot si
Ahas na masa uju manggomgom si Manasye dohot si Amon. Angka ulaon
hadaulataon pe dang diharingkoton be. Songon bangso na so adong raja
manang parmahan ma Judah, songon anak ni manuk naung magoan
indukna. Marserak jala lam tu gogona anggukanggukna mangalului
pangurupion asa dipalua sian saluhut angka na masa i.
Ayat 2
Di ayat 2 on adong tolu pandohan manang panjouon ni parpsalmen
na pabotohon taringot hadirion ni Jahowa Debata, na gabe Parmahan dohot
na badia: parjolo ale Siparmahan Israel! Parmahan na nidokna ima Jahowa
Debata. Sekilas pandang hata Siparmahan Israel paingothon hita taringot
ende ni si Daud taringot Jahowa na gabe Siparmahanna (ida Psalmen 23).
Ise do Israel dison? Ndada bangso Israel na nidokna dison, alai si Jakob
naung marganti goar gabe Israel dung masa parsiranggutan ni si Jakob di
sumur Jabok (1 Musa 32: 23 – 32). Tung dipanghilalahon si Jakob do
songon dia parmahanion ni Jahowa Debata di ngoluna uju mangulahon
gabus ibana tu amana si Ishak; uju masa pelarianna ala biar ni rohana mida
hahangna si Esau tu huta ni si Laban, tulangna laos na gabe simatuana;
ragam do hinahansit dohot sitaonon ni si Jakob uju masa i saluhutna. Nang
pe songon i, tung so tarbunihon do holong dohot panarihonon songon i nang
parmahanion ni Jahowa di Ibana. Ndang na mandok na diampini Jahowa
saluhut dosa dohot pangalaho na jat ni Jakob, alai ragam do dalan na
binahen Debata dalan laho pasingothon, paingothon si Jakob di hasalahanna
jala dalan ni Jahowa patuduhon hasintongan ni uhumNa dohot holong ni
rohaNa tu si Jakob. Dipatorang jala dibaritahon si Jakob ma saluhut
panghilalaonna di bagasan parmahanion ni Jahowa tu ianakhonna ima si
Josep uju na mangaing anak ni si Josep ibana, laos mamasumasu dua
ianakhon ni si Josep ima si Epraim dohot si Manasse (1 Musa 48). Tung
mansai sonang jala na so tupa hurangan manang aha pe ibana mian di
bagasan parmahanion ni Jahowa, Debata. Dipapos do rohana taringot tu
panarihonon, pangondihonon, pangaramotion ni Jahowa di ngoluna, dao ma
angka ganggu, biar ni roha songon i nang pandelean. Paduahon, Siadu
Josep, songon birubiru. Martudutudu do on tu na masa tu si Josep uju na
digadis angka hahangna ibana tu halak Misir. Ndang na dipasombu Jahowa
si Josep punjung mangodopi angka hata na so tutu dohot pambahenan na so
uhum sian inanta ni si Potifar di luat Misir. Jahowa sandiri do marmahani
ngolu ni si Josep nang pe dihurung ibana holan ala ndang olo ibana
mangoloi hagiot daging ni inanta ni si Potifar. Alai nang pe songon i, ndang
mansohot pandonganion dohot parmahanion ni Jahowa tu si Josep.
Diparbisukhi jala dilehon Jahowa tu si Josep parbinotoan jala pangantusion
umbahen boi ibana pabotohon pangantusion taringot nipi ni si Parao. jala
pangapation nipi i, pabotohon taringot pambahenan ni Jahowa sandiri do na
patupahon haluaon tu halak Misir marhite si Josep. Na patoluhon Na
marhabangsahon kerubim, na martudutudu tu habadiaon dohot
hasangapon habangsa ni ni Jahowa Debata. Angka surusuruan Kerub
martugas do i laho manjaga angka benda – benda na badia ni Debata. Somal
do surusuruan Kerub dipapeakhon marhite ukiran kayu di inganan hapataron
habadiaon harajaon dohot hasangapon ni Jahowa, isarana di poti parasian
(tabut perjanjian).
“Tangihon ma hami” (ha’azînāh) ima sada pangidan ni sasahalak na
mangidohon panatapon na hibul (fokus untuk mendengar, memberi hati
untuk mendengarkan). Hata ha’azînāh molo marharoroan sian sahalak na
gale tu na gogo, sian na lea tu na sangap, sian jolma tu Debata ima
mangidohon asi ni roha, mangidohon pangurupion dohot haluaon di konteks
hagaleon, haleaon, hadosaon dohot sitaonon manang parungkilon. Halak na
manangihon ima halak na mangolu. Antong panjouon “tangihon ma hami”
ditujuhon do tu Jahowa, Debata na mangolu jala na marsangap na
marsihundul di habangsaNa na gok hamuliaon. Tangihon ma hami, ima hata
pangidoan halak Judah asa tung tangi, manatap ma Jahowa di alualu, di
anggukangguk, holso dohot na masa di parngoluan ni halak Judah. Songon
Jahowa na manatap jala manangihon joujou, anggukangguk halak Heber uju
parhatobanon di Misir, jala panangihonon i marudut tu haluaon na
pinatupaNa (ida 2 Musa 3: 7 – 8; 2 Musa 6: 5 – 7), songon i ma pangidoan
halak Judah tangiangnasida di ay. 2 on
Ayat 3 – 8
Ima pangidoan manang tangiang ni halak Judah na naeng ditangihon
Jahowa:
1. Sungguli ma hagoonmu di jolo ni Epraim dohot Benjamin dohot
Manasse, jala sai ro ma Ho mangurupi hami (ay. 3). Ayat on
paingothon hita di 4 Musa 2: 17 – 22; 10: 21 – 24. Ima angka
parangan na dipapungu hombar tu margana. parangan ni Efraim
dohot Manasse ima paranagan na gumogo di angka bangso Israel
 Utara, jala parangan ni si Benjamin, siampudan ni si Jakob sian si
Rahel (1 Musa 35: 16 – 20) jala marga na ummetmet na jotjot
diperebutkan bangso Israel Selatan (Judah) dohot Israel Utara (pat. 1
Raj. 12: 20 – 21). Jahowa do na mampargogoihon jala pamonanghon
parangan Efraim dohot Manasse songon i Benjamin maralohon
angka bangso – bangso na marporang maradophon Israel.
2. Ale Debata, sai pasuang ma hami, jala pasihar bohiM, asa malua
hami (ay. 4). Ima sambutan jemaat na mangendehon psalmen on.
Ende on ma marisihon pangidoan jala panghirimon asa dipasuang
ma nasida jala dipasihar bohiNa asa malua nasida sian sitaonon,
parungkilon dohot ragam haporsuhon na masa. dipasuang ma nasida
(dipulihkan) mulak muse songon hataridaan bangso ni Jahowa,
bangso na pinarmahan ni Jahowa, bangso na na pinillit Jahowa gabe
bangso na papatarhon hamuliaon dohot huaso ni Jahowa na so
hatudosan, manghirim di hasadaon ni bangso i songon na masa uju
masa si Daud (bandingkan ay. 19; Ende Andung 5: 21; Jer. 31: 8).
Sai marasiroha ma Jahowa marhite sondang ni bohiNa, jala angka
musuna pe mabiar, tahuton jala munsat sian Judah. Molo masa
songon i, malua ma nasida sian sitaonon, parungkilon dohot ragam
angka haporsuhon.
3. Ale Jahowa, Debata Zebaot, sadia leleng on marmusu tihus Ho mida
tangiang ni bangsoM (ay. 5). Ayat on mempertegas pangidoan ni
Judah mangidohon haluaon sesegera mungkin terjadi. Tung
dipanghilalahon bangso Judah do na masa sitaonon, parungkilon
dohot haporsuhon ima ala rimas ni Jahowa tu bangso Judah ala dang
hombar be pangalaho dohot pambahenan ni bangso i tu na
hinalomohon ni Jahowa. Dohot do bangso i ingkon marsomba
debata ni Asyur ala daerah/ kerajaan jajahan ni Asyur do Judah.
Molo pe dipagogonasida tangiang jala manganggukhi ndang na gabe
i dalanna umbahen so rimas ni Jahowa. Tung hansit situtu bangso
Judah i mida piarpiar rimas ni Jahowa marhite angka na
pasombuonna masa hajahaton ni. “Jahowa, Debata Zebaot” (ay. 5, 8
dohot ay. 15) ima panghatindanghonon ni Judah taringot huaso,
hamuliaon dohot gogo ni Jahowa na so hatudosan mangatasi jala
manggohi saluhut nasa na adong di hasiangan on dohot sandok nasa
na ditompa. Panghatindanhonon diadophon do tu na masa tu halak
Judah ima bangso na so margogo be.
4. Dipapanganhon Ho do tu nasida (Judah) roti iluilu, jala
dipanginumhon Ho do tu nasida (Judah) iluilu martahutahu (ay.6),
 dibahen Ho do hami ripe badaan ni hombar hundulnami, jala sai
dielesi angka musunami do hami (ay. 7). Dua ayat on gombaran
sitaonon, na hansit dohot haporsuhon na dipanghilalahon Judah,
molo pe saluhut na dipanghilalahon i dipasahat secara hiperbola na
manggombarhon borat jala dokdok situtu hansitna na ditaonnasida i.
sitaononna i gabe siparengkelon, gabe olok-olokan bangso
humaliangna (ida Psalmen 79: 4). Somal do masa sisongon i molo
sega sada bangso na gogo hian, gabe siparengkelon jala olok-olok do
tu angka bangso na asing, khususnya musuna. Olok – olok on ima
mangengkelhon nunga talu be Jahowa Debata ni Israel i tu debata ni
Assyur, ima Asyerah. Ndang margogo be Jahowa mangurupi jala
paluahon Judah sian angka na masa i.
5. Dungi i dialusi ruas ma muse di ay. 8 songon di ay. 4, ditabahon ma
Debata Zebaot ima panghatindanghonon ni hadirion ni Jahowa,
Debata. Debata na pargogo na so hatudosan. Gogo dohot huasoNa
mangatasi saluhut gogo dohot huaso nasa na adong di tano on di
sude inganan dohot di sude tingki. Ibana na so talu maralohon
Asyerah songon na niengkelhon bangso humaliang i. Jahowa do na
paloashon masa saluhutna i, Jahowa do na patupahon pamalosan tu
angka naung masa i, jala Jahowa sandiri do na manalpuhon
saluhutna i. ima haluaon tu dihirim Judah marhite endena on.

III. Hahonaan ni Turpuk

Marhite hatorangan ni turpuk adong do 5 poin na gabe hahonaan ni
turpuk jamita on:
1. Sadari on ndang marhaujungan dope sitaonon, parungkilon dohot
haporsuhon masa tu ganup jolma. Jala ndang adong nanggo sada
jolma na so hea marsitaonon, marungkil manang manghilalahon na
hansit na bernit dohot ragam haporsuhon na masa nang pe na masa
ala na binahen ni jolma manang na binahenna sandiri. Molo pe
adong jolma na mangasahon gogona, mangasahon siadonganna,
mangasahon saluhut na di ibana mangadopi saluhutna, jala na asing
mangasahon donganna na dianggap boi mangurupi ibana malua sian
sitaonon, parungkilon manang haporsuhon na masa, jala adong muse
na manghirim jala mangasahon Jahowa laho mangurupi jala
paluahon ibana sian sitaonon, haporsuhon dohotn ragam parungkilon
na dipanghilalahonna. Boha do hita di tingki saonari, halak na dia do
hita molo masa sitaonon, parungkilon dohot haporsuhon na masa? na
mangasahon gogo dohot siadongan manang hadirionna manang na
 mangasahon donganna manang portibi on manang mangasahon
Jahowa Debata?
2. Naeng ma hita mangasahon Jahowa Debata. Halak na mangasahon
Jahowa ndang na mandok na holan hundul, modom ibana paimahon
pangurupion dohot haluaon na pinatupa ni Jahowa. Halak na
mangasahon Jahowa ima halak na tongtong manghirim di
panumpahion, pangurupion dohot haluaon na sian Jahowa; halak na
mangharinggashon manjaha, mamparsiajari, mamparhusorhusor laos
manghulahon hata ni Jahowa. Dung i marparbue ma saluhutna i di
angka ulaon parasinirohaon, ulaon parange na denggan songon
parbue na manjaha, mamparsiajari, mampahusorhusor hata ni
Jahowa.
3. Unang ma mardosa hita molo songgop sitaonon, parungkilon dohot
haporsuhon. Torop do halak na marsitaonon, marungkil dohot
mangadopi haporsuhon gabe patubu dosa marhite: mencurigai
seseorang menjadi dalang atau pelaku gabe marungkil, marsitaonon
ibana; menyalahkan diri sendiri secara akut. Boi do itabahen
sitaonon, parungkilon manang haporsuhon na masa gabe rujiruji
taringot ulaon na salah naung diulahon. Molo masa i, tubu ma roha
panolsolion jala roha na olo paubahon dirina. Dang be jumpang di
rohana, na so marlapatan be ibana, manang na so mararga be hita.
Marhite turpuk jamita on mangajarhon tu hita, molo pe marsitaonon,
marungkil manang mangadopi haporsuhon na masa unang ma nian
ala ni pangalahonta manang upa na binahenna sandiri. Molo pe masa
sisongon i, marhamubaon ni roha jala unang be ulahon angka
hajahaton i. naeng ma sitaonon, parungkilon dohot haporsuhon ala ni
togu ni haporseaonta, ulaonta na sintong dohot na denggan. Nang pe
sipata gabe siparengkelon do i sian angka jolma na so togu
marhaporseaon ima jolma na so mardebatahon Jahowa.
4. Adong do hata ni ende ni sian panbers mandok: haruskah hidupku
terus begini dengan derita yang tiada akhir, ke manakah jalan yang
harus kutempuh agar kubahagia, laos di reffrein didok “Aku tak
sanggup lagi menerima derita ini, aku tak sanggup lagi menerima
semuanya”. Marhite hata ni ende i boi do botoonta songon dia do
hansit, borat jala bernit ni sitaonon na niadopanna jala hirahira na so
margogo ibana di sitaonon na masa tu ibana. Tudia ma dalan
sidalanon, tudia ma langka silangkahon asa boi malua sian sitaonon
manang parungkilon na ragam haporsuhon na masa.
5. Di minggu Adven I on paingothon hita taringot ajal ni hasiangan on,
ajal ni hasangapon dohot hamuliaon na adong di portibi on, ajal ni
gogo dohot pangkat, ajal ni saluhut na masa dohot nasa na adong di
portibi on. salpu do saluhutna nasa adong di hasiangan on. dang
adong na hot. Alai anggo Jahowa, Debata Panompa jala Parasiroha
dohot Pargogo na so hatudosan na hot ro di salelengna do. Ibana na
ro laho mangurupi jala patupahon haluaon tu hita. Ibana na
manalpuhon saluhut angka na masa di hasiangan on, jala papatarhon
hatongtongon huaso dohot hamuliaon ni Jahowa. Di Ibana ma
harajaon, hasangapon dohot hamuliaon sadari on, ro di saleleng ni
lelengna, amen.

Pdt. Daniel Bonardo Pane, M.Th.

 MINGGU ADVENT I
03 DESEMBER 2023
Evangelium: Markus 13: 24 – 37

Jaga Jala Dungo Ma Hamu Manomunomu Haroro Ni Kristus

I. Patujolo
Horas... jumolo ma hupasahat tu hamu sude parhalado dohot ruas ni
huria tabe dohot parhorasan songon i nang hata: selamat taon baru huria ma
di hamu saluhutna! Marasing do pamuhaion taon di huria dohot taon Masehi
di ganup taon. Taon huria dimuhuai sian minggu Advent 5, anggo taon
Masehi dimuhai ma sian 01 Januari. Jala sahalinai hupasahat ma tu hamu
saluhutna: Selamat Advent, selamat taon baru huria ma di hamu saluhutna!
Horas.. Horas. Horas.
Turpuk jamita evangelium di taon baru huria jadala di minggu
Adven I sadari on manaringoti taringot akhir zaman laos diuduti haroro ni
Anak ni Jolma, mamboan haluaon dohot haimbaruon. Ndada songon
haroroNa na parjolo haroroNa paduahalion. Ndada di laho mate be Ibana
muse patupahon haluaon sian dosa dohot hamatean songon na parjolo i.
haroroNa na paduahalion ndada laho gabe pelean panobusion dohot
pardamean songon na parjolo i, alai gabe panguhum na tigor dohot na badia,
laho papatarhon hamuliaon harajaon ni Jahowa dohot manggohi taringot
hasusuda angka harajaon, hamuliaon, hasangapon dohot saluhut na masa di
hasiangan on nang pasiaphon hagogoon, hamuliaon dohot hasangapon sude
angka debata na disomba jolma. Asa lam antus hita mangantusi taringot
haroro ni Anak ni jolma i songon na disurat di turpuk jamita on, masuk ma
hita tu hatorangan ni turpuk.

5
Dalam tahun liturgi gereja-gereja protestant (misalnya, HKI, HKBP, GKPI, dsb.) maupun
gereja Katolik Roma, minggu Adven dijalankan selama 4 minggu. Setiap minggunya
memiliki thema yang berbeda-beda, dimana thema-thema tersebut memiliki suatu
dimensi eskatologis. Ada pun thema-thema yang dituliskan ialah: (1) Adven I yang
memiliki thema Tuhan yang akan datang pada akhir zaman; (2) Adven II yang memiliki
thema pertobatan untuk menyongsong Tuhan; (3) Adven III yang memiliki thema
kedatangan Tuhan di dunia ini sebagai penyelamat. (4) Adven IV yang memiliki thema
sukacita menyongsong Tuhan (Pujian Maria).
II. Hatorangan ni Turpuk
Evangelium Markus on ima na sinurat ni si Markus hirahira taon 64
– 67 M uju panggomgomion ni kaisar Lucius Domitius Ahenobarbus
manang Nero Claudius Caesar Germanicus na jotjot ditanda kaisar Nero, 6
ima kaisar na mansai bringas jala na mambahen na so uhum tu halak
Kristen di panggomgomionna. Di panggomgomion si Nero on ma apostel
Simon Petrus pabotohon tu si Markus taringot Jesus Kristus ima taringot
panghobasionNa, tanda halongangan na binahenNa, huasoNa, hamuliaonNa
dohot pangajarionNa. Laos disurathon si Markus ma saluhutna i di bukuna
on, jala digoari ma bukuna on Markus. Turpuk jamita on ima sada sian
pangajarion ni Jesus taringot hapapataron harajaon, hasangapon dohot
hamuliaon ni Jahowa Debata. Hapapataron harajaon dohot hamuliaon ni
Jahowa ima hasalpuon dohot hasusuda saluhut hasangapon dohot hamuliaon
nasa na adong di hasiangan on. hapapataron harajaon, hasangapon dohot
hamuliaon ni Jahowa ima hapapatar ni partingkian panguhuman ni Jahowa
na tigor jala na sintong i. Molo manghatahon taringot hatigoran dohot
hasintongan ni uhum tontu manghorhon dua pangantusion: ima
panguhumon (penghukuman/ punishment) dohot tumpal haluaon
(kebebasan/ keselamatan).
Dung sidung Tuhan Jesus patupahon pangajarion na di bagas joro di
Jerusalem (Mark. 13), borhat ma Ibana manadinghon bagas joro i. Laho
borhat manadinghon bagas joro i, ro ma sahalak sian angka sisean mamuji
haulion batu dohot tongam ni angka jabu na di huta i (ay.1). Tontu batu
dohot angka jabu na nidokna dison martudutudu ma tu angka jabu na adong
di humaliang bagas joro. angka jabu ni ise do na adong dihumaliang bagas
joro? ima jabu harajaon ni si Pilatus, angka na mora (bangsawan), halak na
sangap, na mangula di pamarentaon, dohot angka malim, songon i nang
haulion dohot tongam ni bagas joro na di Jerusalem i. Alai dialusi Jesus ma:
“diida ho do jabu angka na bolon on? ndang pasombuon nanggo dua batu
martinditindi na so gargaronna” (ay. 2). Hata on martudutudu tu hasesega ni
6
Kaisar Nero dengan nama lengkap Nero Claudius Caesar Augustus Germanicus
merupakan kaisar yang sangat bengis dan kejam bahkan kaisar yang tidak memiliki hati
manusia selama pemerintahannya. Tanggal 18 Juli 64 M Nero membakar kota Roma dan
membuat tuduhan bahwa orang Krsiten yang telah membakarnya. Tuduhan ini membuat
orang Kristen mengalami penindasan, tekanan, pengejaran, dan penangkapan. Orang
Kristen diperhadapkan dengan binatang buas yang lapar, yang siap menerkam orang
Kristen. Tidak ada tempat yang aman bagi orang Kristen pada masa pemerintahan Nero.
bagas i. Alus ni Jesus on maralo do tu hata pamujion na nidok ni sisean i
(ay. 1). Haulion ni bagas na di humaliang bagas joro, di sada tingki sega jala
gargar do saluhutna i. Ndang adong na hot jala marhaujungan do saluhutna
na masa di hasiangan on. Alus ni Jesus taringot hasesega ni bagas i
martudutudu do i tu ajal ni hasiangan on dohot haroro ni Anak ni Jolma na
ro di bagasan hasangapon dohot hamuliaon ni Jahowa Debata, jala haroro ni
Anak ni Jolma i manalpuhon hamuliaon, hasangapon dohot hatongamon
saluhut nasa na adong di hasiangan on.
Jumpang ma ari i, dung salpu haporsuhon ondeng, mangholom ma
mataniari jala ndang marsinondang be bulan, mardabuan ma angka bintang
sian langit i jala humuntal ma angka hagogoon ni parlangitan (ay. 24 – 25).
Haporsuhan dia do na nidokna dison? Ima angka na masa di Mark. 13: 3 –
23 isarana angka pangaleleon, panggosagosaion, pangalaho na so uhum,
dohot ragam haporsuhon na marharoroan sian angka panggomgomion,
angka malim, nang sian angka horong na so manjanghon manang na
manulak Jesus gabe Sipalua (Kristus/ Mesias), angka na manghaholongi
dirina, impolan di perak, parhata manggang, parroha haginjangon, angka
panginsahi, na so marningot lagu, angka na tois, na so marroha holong,
pangoseose, panihasnihas, na so umboto mangorom, parmurukmuruk, na so
marholong ni roha di na denggan, parjehe, parroha na neang, sipaburnang
diri, holongan di hisap ni daging asa di Debata, angka parrumang
hadaulaton alai marpangalahon na so denggan (songon halak farisi).
Mangholom ma mataniari dohot bulan jala ndang be dipatuduhon
haulion dohot hatongamon marhite sondangna ala nunga salpu be saluhutna.
Martudutudu ma holom ni mataniari dohot bulan tu hagogoon dohot
hasangapon bangso na mardebatahon mataniari (isarana Mesir, Roma,
Yunani) dohot bulan (isarana Persia, Mesopotamia). Songon i nang bintang
maraburan sian langit jala humuntal ma angka hagogoon ni parlangitan.
Jumpa ma ajal ni hagogoon dohot haulion ni angka parangan ni langit ima
angka bintangdohot sude angka na adong di langit. Saluhutna i martudutudu
tu haulion dohot hasangapon saluhut nasa na adong di hasiangan, sude
harajaon, hagiot dohot huasona. Laos songon i do bangso manang harajaon
na mambahen bintang dohot sude angka na di langit gabe sisombaonna
(isarana Persia, Yunani dohot Roma). Saluhutna i ingkon do marujung jala
ndang adong na hot di angka harajaon dohot di hasangaponna i.
Idoanasida ma Anak ni jolma i ro marhitehite ombun, mantat
hagogoon dohot hasangapon godang (ay. 26). Ise do Anak ni jolma na
nidokna di turpuk on? ima Jesus Kristus. somal do hata “Anak ni Jolma”
martudutudu tu sahalak naung dipillit jala naung ditotophon gabe panuriang
manang mesias. Panjouon Anak ni jolma marpardomuan do i tu parsuruon
ni Jahowa Debata tu Anak-Na, ima Jesus Kristus (pat. Joh. 3: 16 – 17); Hata
ni Jahowa naung gabe jolma jala mian rap dohot jolma (pat. Joh. 1: 14).
Panjouon Anak ni jolma tu Jesus ima pabotohon hajolmaon hata ni Debata
naung gabe jolma, jala pabotohon partinaonan, hamamateNa dalan laho
panobusion ni jolma sian dosa. Anak ni jolma martudutudu do tu hamulian
ni Jesus di haroroNa, di tingki i ma dipapungu ma saluhut jolma dohot
harajaon gabe sada marharajaon, ima harajaon ni Jahowa Debata. Ro ma
Anak ni Jolma i marhitehite ombun (hata Indonesia didok: awan – awan;
molo hata Gorik: nefele; molo di hata Inggris: cloud). Pangantusion taringot
ombun ima hureta ni Jahowa Debata pabotohon huaso dohot hamuliaonNa,
jala haroroNa na gabe Raja di saluhut angka raja jala Debata di saluhut
debata. Anak ni jolma, ima Jesus Kristus ro papatarhon huaso dohot
harajaon, huaso dohot hamuliaon ni Jahowa jala Ibana gabe Raja ni saluhut
angka raja. Ndang adong na boi dipatudos hagogoon dohot hasangapon na
naeng dipapatar Jesus Kristus merhite haroroNa nang pe saluhut hagogoon
dohot hasangapon saluhut angka na adong di sude inganan dohot tingki
dipapungu ndang adong na boi dipatudos tu hagogoon dohot hasangapon ni
Jahowa Debata marhite haroro ni Anak ni jolma. Dung masa haroroNa i,
papunguonNa ma saluhut angka na pinillitna i sian desa na ualu, sian suhi ni
tano sahat ro di suhi ni langit (ay. 27) ima na pabotohon saluhut jolma na
mangolu dohot na mate songon i nang pardisurgo papunguanna do di
adapon habangsa ni Anak ni jolma i. Ingkon somba do saluhut nasa ulu ni
tot di adopan ni habangsa Anak ni jolma i.
Diumpahon Jesus saluhut na masa i marhite umpama hau ara 7 (ay.
28). Di Luk. 13: 6 – 9 ima umpama ni Jesus Kristus taringot hau ara na so
marparbue. Tarida do hau sian parbuena, jala molo parbue tontu
marharoroan do sian bona manang hau inganan parbuena. Molo hau ara
7
Pohon ara (bhs. Latin: ficus carica) dikenal sebagai pohon dengan buah yang banyak
manfaat baik kepada manusia maupun kepada hewan lainnya dapat tumbuh bahkan di
tanah bebatuan. Pohon ara sering dihubungkan pada janji – janji Allah mengenai
kemakmuran dan peringatan yang dipakai para nabi (Yer. 5: 17; Hos. 2: 12; Yoel 1: 7, 12;
Hab. 3: 17). Pohon ara juga sering ditanam bersamaan dengan pokok anggur sebagai
lambang kesejahteraan dan kemakmuran (1 Raj. 4: 25; Mi. 4: 4; Zak. 4: 10 bdk. 2 Raj. 18:
31; Yes. 36: 16). Pohon ara yang lambat buahnya membutuhkan jangka waktu tertentu
untuk berbuah dan ketika pohon itu tidak berbuah maka akan ditebang sebagai lambang
pemusnahan, tetapi ketika berbuah terlebih bersamaan dengan pokok anggur yang juga
berbuah maka lambang perdamaian dan karunia Allah. Pohon ara adalah pohon yang
kuat, rindang seperti yang dinaiki oleh Zakheus ketika ia hendak melihat Yesus.
ingkon do mamparbuehon ara (nang pe di partingkian sisaonari adong do
hamajuon parbinotoan na boi sada suansuanan alai marragam parbuena na
mamangke sistem cangkok). Ndada asal marparbue alai parbuena i pe
ingkon do berkualitas, bermutu. Hau ara ima gombaran hadameon,
pandumaan, parasinirohaon ni Jahowa Debata, jala hatoguon tontu parbuena
ima parbue ingkon do patupahon holong, hadameon, ulaon parasinirohaon,
tidak menindas, tidak mengeksploitasi jala togu di angka ulaon na denggan
(ida Gal. 5: 22 – 23) mardongan panghirimon di saluhut panumpahion dohot
pangurupion ni Debata di ngoluna. Ndang masa be ganggu dohot holsoan,
ndang masa be parbadabadaon, hosom, pangiburuon dohot angka ulaon na
suman tusi (Gal. 5: 19 – 21 patudos 2 Tim. 3: 2 – 8). Dipangke Tuhan Jesus
do angka tanda na masa di hau ara i ima tanda taringot partingkian na masa.
Ia dung martunasi punsuna jala rungkar bulungna, ima tanda naung jonok
partaonan las (ay. 28). Hata on martudutudu tu angka na masa ima ragam
sitaonon, ragam angka ulaon na jat, ragam angka pangoseose dohot
mangulahon na so uhum, masa penindasan manang ketidakadilan ima
angka pangalaho na masa tanda lam jonok nama ajal ni hasiangan on. molo
masa sisongon saluhutna i, naung jonok hasonggopona (ay. 29), ima
hasonggopon ajal ni hasiangan on dohot haroro ni Anak ni jolma i. Laos
Tuhan Jesus mempertegas marhite hata: “situtu do hatangkon tu hamu: na so
tupa bangso on, so jolo songgop sasudena i” (ay. 30).
Ndang adong na hot di hasiangan on jala marhaujungan do saluhutna
nasa na adong di hasiangan on. hasangapon, haulion, hamuliaon songon i
nang na hansit, sitaonon, siporsanon dohot huaso na jahat pe salpu do
saluhut nasa na ro sian portibi on. Ndang adong na hot (ay. 31). Ndang
adong na boi diboan nanggo sarihit pe huaso, sangap, arta, sihumisik,
pangkat dohot saluhut na masa dohot na di ibana boi boanonna molo
jumpang masa haroro ni Anak ni jolma i. alai anggo hatangKi ndang olo
salpu. Ima hata ni Jahowa, Debata na marsangap jala marmulia. Hata ni
Jahowa, ima na so marharoroan sian portibi, na so ditompa jala ndang boi
dirampas manang dipaso angka hagogoon dohot huaso na adong di portibi
on. Hata ni Jahowa marharoroan do i sian Jahowa, marhite Hata i do
ditompa langit dohot tano ro di saluhut nasa na adong di hasiangan on,
songon i angka na adong di langit (seluruh bima sakti). Hata ni Jahowa na
marharoroan sian Jahowa na mian rap dohot Jahowa sian hatongtongon tu
hatongtongon.
Sadihari do masa i saluhutna? Sungkunsungkun on tontu
mengarahkan pangantusionta partingkian masa i saluhutna. Di hata Gorik
adong 2 hata taringot partingkian ima: parjolo hata kronos, ima partingkian
ni hajolmaon dohot hasiangan on. partingkian on ima partingkian na lam tu
jonokna ari haujunganna. Lam martamba umur manang partingkian ni jolma
di hasiangan on marlapatan lam jonok nama ajalna sian hasiangan on. Lam
martamba umur ni portibi on marlapatan lam jonok ma ajal manang
hasusuda partingkian ni portibi on. hata na paduahon ima kairos, ima
partingkian ni Debata. Partingkian kairos on martudutudu do tu partingkian
na so marhaujungan, na hot jala manongtong. Sadihari do masa i saluhutna?
Ndang na gabe kronos manontuhon sadihari partingkianna, jala ndang boi
disuhat partingkian (hata Gorik: horas (jam, waktu, tanggal, hari, bulan,
tahun, abad)) di hasiangan on. alai Jahowa sandiri do na mambuhul sadihari
masa partingkian i (kairos). Lam jonok ro ajal ni hasiangann on (kronos)
lam jonok ma ari haroro ni Anak ni jolma (kairos) i.
Ise do na umbotosa masa partingkian haroro ni Anak ni jolma i?
ndang adong na umbotosa, nang surusuruan na di banua ginjang (parangan
pardisurgo) nang Anak i pe; holan Ama i! (ay. 32). Ayat on pabotohon
hahomion ni Ama i ima Jahowa. Debata ni Israel, Debata pargogo na so
hatudosan jala na so tarhadodoan saluhut sangkapNa. Jahowa, Debata na
manongtong jala hasangaponNa i manggohi saluhut portibi on. Holan
Jahowa na umbotosa ala di tanganNa do saluhut partingkian nasa na adong
(kronos dohot kairos). Guru tu Ibana do saluhut partingkian na masa, jala
guru tu Ibana do Hata na sian Ibana. Ayat on martudutudu ndang guru tu
Hata i anggo nampunasa Hata, ingkon saguru tu nampuna Hata i do angka
Hata na sian Ibana, marlapatan Jahowa do nampuna Hata, jala Jesus Kristus
do Hata ni Jahowa. Ndang tarsirang Nampuna Hata sian Hata na nidokNa,
ai hataridaan ni nampuna Hata do Hata na dihatahon. Ndang tarsirang
Jahowa, Ama i sian Jesus Kristus, AnakNa, ai hataridaan ni Ama i do Jesus
Kristus. ido umbahen didok, holan Ama i do na umbotosa!
Antong tagam ma hamu, dungo ma hamu ai ndang diboto hamu,
manang sadihari tingkina i! (ay. 33). Ay. 33 on ndang na laho pabiarbiarhon
alai parenta laho paradehon diri. Dungo ma hamu jala jaga situtu ndang
patuduhon sihabiaran manang kewaspadaan yang besar. Aha do siparadeon
jala aha do sipatupaon? Unang dok di bagasan roham, ingkon mangulahon
na denggan ma ahu asa sahat au tu surgo, manang ingkon hulehon ma
diringku dohot sude artangku tu angka na pogos asa sahat au tu surgo.
Ndang ala ni pambahenan hita asa sahat hita tu surgo, manang tu hangoluan
i. jala ndang na gabe tiket haburjuonta, ulaon na denggan dohot sipatupaonta
i tu harajaon ni Debata. Antong aha do lapatanna hita mangulahon na
denggan, manghaburjuhon pangajarion dohot ngolu marhadaulaton dohot
patupahon na denggan i molo ndang boi pasahathon hita tu Surgo, ima
harajaon ni Ama i? Jesus Kristus mandok: “Ahu do dalan i, Ahu do
hasintongan, Ahu do hangoluan! Ndang adong na sahat tu Ama i anggo so
marhite Ahu” (Yoh. 14: 6). Sian pandok ni Jesus i holan marhite jala di
bagasan Jesus Kristus do hita boi sahat tu Ama i, ima Jahowa Debata dohot
harajaonNa. Halak na porsea ima halak na mian di bagasan Jesus Kristus,
antong halak na mian di bagasan Jesus Kristus ima halak na mamparbuehon
hasintongan, hatigoran, uhum na sintong dohot na tigor, marhadaulaton na
sintong, mangulahon parasinirohaon dohot nasa ulaon na denggan. Halak na
porsea i ma hau ara jala angka ulaonna i ma parbue hau ara i.
Di ayat 34 dipangke Jesus umpama taringot halak na marhutasada na
manadinghon jabuna, disagihon do huaso tu angka naposona, tu ganup
siulaonna be, jala sijaga pintu i didokhon marjaga. Halak na dison ima
Jahowa, Debata jala Panompa na so hatudosan. Jabu nanidokna dison ima
portibi on (kosmos) dohot saluhut nasa na tinompa songon i nang angka
planet dohot bima sakti na adong. Jahowa do nampuna i saluhutna.
Disagihon do huaso tu naposoNa ima angka jolma na ditompa tumiru
rupaNa (1 Musa 1: 27). Asa marhite huaso i boi ma jolma mamangke
denggan, melestarikan dohot manjaga jabu i (portibi on). Naposo na
nidokna dison ima angka malim, pamarenta, polisi, pangobati, pangajari,
dohot angka ulaonna asing dilehon huaso hombar tu ulaon na siulahonna.
Asa marhite ulaon i boi mamparbuehon parbue songon halak na mian di
bagasan Jesus Kristus. Sijaga pintu ima parangan (polisi, tentara),
panguhum (hakim, pengacara atau seorang yang mengerti hukum) ima
halak na pajongjonghon uhum na tigor dohot na sintong, jala patoguhon
uhum i tu saluhut jolma di hasiangan i. Antong dungo ma hamu, ai dang
diboto sadihari ro tuan nampuna bagas i, manang bot ni ari manang di tonga
borngin, manang di na martahuak manuk, manang di torang ni ari. So tung
jumpangsa hamu modom, di na ro Ibana tompu! (ay. 35 – 36). Ayat on tontu
ma laho mempertegas asa dungo ma angka na porsea jala na manangihon
hata i (ay. 37). Unang ma gabe tarpodom. Somalna halak na tarpodom ima
halak na: maranganangan, na loja, na so mulaulaon. Halak naung tarpodom
ndang diboto be aha na masa jala ndang diboto be aha siulahonna.

III. Hahonaan ni Turpuk

Turpuk jamita on mangarimpun tolu hahonaan:
1. Partingkian ni si Markus uju panggomgomion ni si Nero. turpuk on
pabotohon anggo kaisar Nero dohot harajaonna ima harajaon na olo
salpu. Molo pe uju i harajaon ni Rom di panggomgomion ni si Nero
gabe harajaon na gogo, na tongam, sihabiaran angka harajaon di
 humaliangna, di sada tingki salpu jala gargaron ma harajaon i. salpu
do harajaon i jala saluhut tahitahi dohot uloan na jahat i pe salpu.
Martingki do tarida hasangapon dohot hagogoon harajaon ni si Nero
jala ro ma tingkina sega ma harajaonna i marhite na bunuh diri si
Nero di bagasan hasangapon dohot hamuliaon ni harajaonna na salpu
i. ragam do angka pangalaho na jat dohot na bernit dibahen si Nero
tu halak Kristen di sandok harajaon ni Rom tarlumobi na adong di
huta Rom. Alai nang pe songon i, diajarhon jala disosoi do halak
Kristen unang gabe mandele jala gale marhaporseaon jala hot di
panghirimon tu Jahowa Debata. Haroro ni harajaon ni Debata nunga
masa di padan na robi, di partingkian ni Jesus, di partingkian padan
na imbaru dohot di tingki sinuaeng. Ia disi dipapatar Goar ni Jahowa,
disi ma harajaon ni Debata patar. harajaonNa i manalpuhon harajaon
na jat. Harajaon ni Jahowa do manaluhon jala manegai harajaon ni
Misir; harajaon ni Jahowa do manaluhon jala manegai harajaon ni
Babel; harajaon ni Jahowa do manaluhon nang harajaon ni Rom; jala
harajaon ni Jahowa do manaluhon dohot manalpuhon saluhut
harajaon na adong di portibi on. Harajaon ni Jahowa do manalpuhon,
maniaphon, manegai harajaon na jahat, harajaon na lalim, harajaon
na patupahon na so uhum tu na ginomgomanna. Harajaon ni Debata
do harajaon dame, harajaon na adong di bagasna uhum na sintong.
Harajaon ni Debata do manaluhon harajaon ni sibolis pangago dohot
harajaon ni dosa na jorbut i marhite Jesus Kristus.
2. Di partingkian sisaonari managam dope hita haroro dohot hapapatar
ni harajaon ni Jahowa marhite haroro Anak ni jolma i, ima haroro ni
Jesus Kristus na paduahalion. Ndada songon harorona na parjolo
anggo haroroNa na paduahalion on. HaroroNa paduahalion ima gabe
panguhum na tigor dohot na sintong, na ro ma Ibana manguhumi na
mangolu dohot na mate. Antong aha do na boi siparedeonta
andorang so masa dope haroro ni Jesus na paduahalion i? Hita na
mangolu di tingki saonari, aha na boi siparadeon? Paradeon ni
rohanta ima parbue ni haporseaonta, parbue na mian hita di bagasan
Jesus Kristus. Halak na mian di bagasan Jesus Kristus ima halak na
mamparbuehon parbue ulaon na denggan, marhadaulaton na sintong,
pajongjonghon uhum na sintong, ulaon parasinirohaon dohot lan na
asing.
3. Unang be tarpodom jala tongtong ma dungo. Somal do molo dung
sahat minggu Adven godang do halak Kristen dang be
manghangoluhon paradehon diri marhite marhamubaon ni roha
dohot ngolu na lam pajonokhon diri tu Jahowa. Torop do halak
Kristen molo sahat di minggu Adven gabe gok sihobasan, gok
sipingkiron gok sipatupaon, hape manghorhon halojaon, ungutungut,
parsahiton, parbadaon, dohot angka ulaon na hombar tusi. Dihirim
jala dipangidohon do di minggu Adven asa manghorhon hadameon,
las ni roha, ulaon parasinirohaon, dohot hamubaeon ni roha lam tu
denggan ni parsaoran na markeluarga, marhuria songon i na
marsahuta dohot na maraleale. Dungo ma hita! Unang be lalap holan
mangoloi hisap ni daging dohot hagiot ni portibi on. Dungo ma hita.
Ai uju di hasianganon do hita boi paradehon diri. Hidup ini adalah
kesempatan kita mempersiapkan diri menantikan Sukacita dan
kemenangan dalam kerajaan Allah melalui buah iman dan buah Roh
sebagai bentuk ibadah kita sesungguhnya di minggu adven. Salam
Advent

Pdt. Daniel Bonardo Pane, M.Th.

 MINGGU ADVENT II
10 DESEMBER 2023
Epistel: Pangungkapon 19:6-10

Manomu-nomu Raja Hatigoran Jala Na Sangap

I. Patujolo
Pangungkapon dalam bahasa Yunani ima “Apokalupsis”
Namarlapatan mai penyingkapan selubung penutup. Kitab Pangungkapon
on ima kitab parpudi di bagasan Alkitab na mangungkaphon akka rumangni
na lao terjadi di akhir zaman. Sian Kitab Pangungkapon on boi botoonta
informasi tentang model sempurna sian pujian dohot penyembahan na
sifatna alkitabiah, na surgawi, nadihalomohon Tuhan dohot Huria-Na.

II. Hatorangan Ni Turpuk

Dung dibege si Johanes soara pujian ni na torop I tu Debata, dungi di
jumping ni ibana ma muse hasampuran raya ni biru-biru i. Pangungkapon
19:6-10 on ma maparhon relasi intim antara Tuhan dohot umatna manang
gareja-Na. hasampuran raya ni biru-biru i manggombarhon keintiman relasi
antara Kristus dohot gareja-Na. Akka jolma nabadia ima gareja ni Tuhan,
ima naikkon mangulahon akka ulaon na denggan ima na gabe sada bukti ni
holongna tu Tuhan. Gareja ni Tuhan ikkon manomba Tuhan sajo do
dingoluna jala dang olo manduahon Tuhan ima marhite akka na manomba
gana-ganaan. Dung diboto bahwa Debata manghalomohon relasi na intim tu
gareja-Na, alani saleleng manomu-nomu haroro ni Jesus na padua halihon,
gereja manang umat Tuhan ikkon setia mangulahon akka ulaon nauli jala na
denggan.
Di gombarhon mai songon sepasang pengantin baoa dohot borua na
manggombarhon sada pardalanan ni hubungan na intim antara Jesus Kristus
naboi di dipakhilalahon akka jolma na porsea nadi haholongi Debata.
Keintiman dohot Tuhan boi do di rajumi jolma ditikki Jesus manobus dosa
na di hau silang i. Ditiki gereja manang umat Tuhan komitmen laho marsada
dohot Jesus, Disima nasida lam manghaholongi Debata jala lam sarupa
dohot Ibana. Dungi umat Tuhan lam menyadari dangadong nanggo sada
naboi manirang nasida sian holong ni Debata. Manangna alani aha pei
kehilangan, kehancuran, penganiayaan, bahkan tu hamatean pe dang baoi
manirang akka bangso ni Debata sian Holong-Na.
Haleluya Tuhan Debata ta na marhuaso nungnga gabe raja, tu hita
akka bangsona. Ibana do na mangalehon gogo tu gereja mula-mula na
manaon naporsuk alani tekanan kaisar Romawi dohot Yudaisme, jala dang
marnaso laho mangalehon gogo tu huria-Na saleng-lelengna. Nungnga di
lehon tu ibana abit na saksak jala na ias sialithononna abit na saksak songon
gaung pengantin ima gombaran akka ulaon nauli sian akka jolma naung
diparbadiai ni Debata.
III. Panimpulion
Tema ni jamita sadarion ima “Manomu-nomu Raja Hatigoran
Jala Na Sangap” bodado hobado hobasta laho manomu-nomu Raja
hatigoran jala na sangap i, manang na nungnga songondia akka persiapanta
laho manomu Raja ni hatigoran nasangao i? ai nungnga dilehon Debata tu
hita abit na saksak jala na ias si alithononta songon gaun ni pengantin.
Marhite-hite i naeng manian hita gabe naposo ni Debata na badia di akka
pangalaho, dipakkataion, dohot disude panggulmiton ni ngolunta. Akka
jolma naung pinarbadiaan ni Debata hita naeng ma nian akka ulaon nauli
jala akka parange nauli na boi terpancar sian ngoluntaon jala sai tontong ma
hita setia hita di Haporseaonta tu Tuhan i nang songondia pe akka ragam ni
nalao siadopanta sahat rodi harorono Raja Hatigoran Jala Nasangap i Amen.

Pdt. Idris Simbolon, S.Th

 MINGGU ADVENT II
10 DESEMBER 2023
Evangelium: Zakaria 9:9-10

Manomu-nomu Raja Hatigoran Jala Na Sangap

I. Sibonsiri
Nabi Sakaria ima anak ni si Berekhya, pahoppu ni si Ido (1:1)
Sakaria ima kepala Imam Ido (Neh.12:16) jala marharoroan ma imana sian
suku Lewi dunghon masa Habuangan mangula ma ibana di Jerusalem gabe
sahalak Imam dan Nabi. Kitab Sakaria on di bagi ma on 2 bagian Bagian
naparjolo: ima hata ni Debata taringot tu baga-baga paulihon bagas joro ni
Debata (520-518-Za1:1-8:23) Bagian napaduahon: ima hata ni Debata
taringot tu baga-baga taringot tu Israel dohot Mesias na naing ro (Za 9:1-
14:21). Molo tapamanat do di bindu sebelumna, boi ma idaonna na masa
hatiha i. Bangso na pinillit ni Debata na sai mangula dosa dohot hajahaton,
alai laos sai marnamulak do roha ni Debata mida nasida. Ndang dipasombu
Debata nasida dibagasan parhatobanon ni Babel, alai dijou jala diboan
Debata do nasida mulak tu huta ni ompu nasida i. Alani i, dijou jala
dipangke Debata do panurirang Sakaria lao pasahathon hataNa tu bangso
anggiat nian gabe sipangoloi nasida di hata ni Debata, asa unang be masuk
nasida tu pangunjunan manang parhatobanon ni bangso sileban. Alani i
dipasahat si Sakaria tu nasida asa olo paubahon roha, asa unang to rimas ni
Debata tu nasida. Ai molo gabe sipangoloi nasida tu Debata, ndang adong
bangso na boi mangalo nasida, ai Debata do na mamasumasu pardalanan
nasida. Di turpuk on di pasaat si Sakaria do baga-baga taringot tu
panggomgom hadameon, dang di pasombu Debata nasida manaon naporsuk
I, uju tartaban nasida jala di gomgomi bangso na asing, alai hot do holong ni
Debata di nasida. Boha do turpuk on gabe marimpola di parngoluonta
saonari manang dohot di parngoluon ni huria, talapati ma hatoranganna
II. Hatorangan
Ay 9 ”Maria-ria situtu ma ho ale boru Sion, marolop-olop ma o ale boru
Jerusalem, ida ma na ro ma Rajam tumopot ho, partigor ibana jala
siparmonang, na serep do rohana jala marsihundul di Halode dohot di anak
ni Halode inaina,
Surat on ima baga-baga taringot tu panggomgoman hadameon, ise
do Raja hadameon on i? ima Tuhan ta Jesus Kristus Sipalua hita. “Maria-
ria situtu ma ho” hata on ima hata surak-surak lasniroha naung ditaluhon
Jesus Kristus angka alo ni bangso na pinillit nai hata maria-ria ima di
tujuhon tu saluhut bangso (jahudi dohot non jahudi) ale boru Sion,
marolop-olop ma ho ale boru Jerusalem” hata on jotjot do di hubunghon
tu ari penghakiman, alai di turpuk on hata on mengarah tu holong ni Debata
naung pinatupana tu pomparan ni Abraham, Ishak dohot si Yakub. “ida ma
na ro ma rajam tumopot ho” jotjot do dipangke si Sakaria hata on, ini
digunakan dalam Injil untuk masukNya Yesus dengan kemenangan ke
Yerusalem (Mat 21:5, Yo 12:15) “partigor ibana jala siparmonang”
mengarah kepada kitab para nabi untuk menggambarkan pemerintaan etis
dari Mesias (Yes 9:7, 11:44,5) Mesias disebut sebagai “Yang benar dalam
nyanyian hamba yang menderita (Yes 53:11)”. “na serep do rohana jala
marsihundul di Halode dohot di anak ni Halode inaina”. Hata on
pataridahon ia Mesias na naing ro I ima parroha na lambok, serep jala
manghophop bangsoNa, sada symbol doi didok marsihundul di halode,
marlapatan mai, ima ai holan Raja do na boi manghunduli Halode (keledai),
di bahen I on ma parjolo sahali sahalak Raja manghunduli Halode,
penjabaran on ima Ibana nanaing ro sian keturunan ni kerajaan Yehuda (2
Sam 7), na serep marroha dan hamba yang menderita.
Secara umum buku sakaria on tarsongon nubuatan manang
pangirimon di ari sogot. mangirim do bangso ni Debata asa ro Jahowa lao
paulihon nasida jala mamonanghon nasida sian angka musuna. Ala ni dosa
ni jolma do tartaban Jesus tu hau pinorsilang, jala ingkon mate lao
humophop manisia. Sesa pe dosanta ndang alani hagogoon dohot alani
haburjuonta, ai molo tajujur do nuaeng pangalaosionta siganup ari
maradophon Debata, ra dang adong nanggo sada sada pe na lao tu Ama i. on
ma baga-baga na dileon Debata marhite nabi Sakaria tu bangso I, asa adong
panghirimon ni nasida ai dang salelengna hape nasida manaon naporsuk I,
alai marhite na olo nasida paubaon roha ai ro nama Mesias naung
jinanjihonNa I laho tumopot bangso i
Ay 10, Jala Ahu ma maniahapon angka hureta sian Epraim dohot angka
Hoda sian Jerusalem, siap dohot sior tu hamusuon, dungi baritahononna
ma hadameon tu angka bangso parbegu, jala masuk tu gomgomanna sian
laut tu laut jala sian batang aek Euprat sahat ro di angka ujung ni tanoon”.
Turpuk on patoranghon haroro ni Mesias I ima naing mamboan
hamonangan dohot haluaon. Holan sian Tuhanta do na tuk mangalehon
hadameon tu ganup bangso. Dijagai jala diulosi do angka bangso-Na sian
musu (ay. 8) asa diuhum nasida asa unang mangulahon dosa be, jala
manjadi on nasida gabe bangso-Na (ay. 10). Ibana do Raja siboan Dame na
pasadahon saluhut bangso asa unang marbadai/marporang sasama nasida.
Jala asa unang marporang gabe diparhatoban dongan na manisia dohot buat
hosana. Umbahen i do pola ro Jesus Kristus na laho padameon. Ai Ibana do
Raja na tinongos ni Debata asa dame portibion. Dipeleon do diri-Na bahen
garar ni utang ni dosanta. Pola do diparsilanghon Ibana ganti panguhuman
tu hita hian gabe diporsan-Na. Haburjuhon bahen tanda holong-Na tu ganup
manisia, asa mardame do Debata dohot jolma na tinompa-Na. on ma na di
ulaon Jesus. Ro do Ibana laho mambaritahon hadameon tu angka bangso
parbegu, namarlapatan disi, ia Jesus I ro tu saluhut jolma na adong di
portibion ndang marimbar nanggo sada, ndang holan tu halak jahudi Ibana
ro alai tu sude jolma, naso mananda Ibana. sian laut tu laut jala sian batang
aek Euprat sahat ro di angka ujung ni tanoon”. Lapatan ni hata on ima,
barita nauli nanaing sibaritahononNa I ingkon do sahat tu sude luat na
adong diportibion, jala ingkon sude jolma maria-ria lao manomu-nomu
haroro ni Ibana. Antong, tapaserep ma dirinta, asa ro hadameon i na sian
ginjang, laos i do tuk hita mamboan dame tu donganta jolma.

III. Panimpuli
Di sungguli si Sakaria on do hita taringot tu haroro ni Mesias ima
Jesus Kristus na ro di bagasan goarni Tuhan mamboan dame dohot haluaon,
di bahen I boha do pangaradeonta di na laho manomu-nomu Raja Hatigoran
jala Raja na sangap i? na pasti parjolo sahali ingkon paradeonta ma dirinta,
tapaias ma rohanta, dung I boi ma hita maria-ria jala marlas ni roha lao
manomu-nomu Ibana. Ta ihuton ma Ibana naung ro marhite-hite goar ni
Tuhan, alani I manang tu dia hita mangalangka ingkon do mamboan pasau-
pasu hita tu saluhut humaliangta. Di togihon do hita asa maria-ria dohot
marlasniroha di na laho manomu-nomu haroroNa I. raja na ro I ima na sian
Debata jala raja I ima Debata sandiri, songoni nang Jesus, Ibana do Kristus
manang Mesias, Ibana pujian olop-olop, jala tu Ibana ma soara ni jolma
namanjou-jou. Songon parngoluon ni bangso na pinillit nai, atik pe alani
dosa nasida tartaban alai dang dipasombu Debata nasida manaon naporsuk I
salelengnilelengna, dilehon do baga-baga tu nasida na ingkon ro do Raja
siboan Dame ima Tuhan ta Jesus Kristus, songon I do nang hita saonari,
godang do hamaolon ta di na laho mangadopi parngoluon ta, godang
tantangan ta di na laho mampartahanhon haporseaonta siala ni hagiot-
hagiot ni portibion alai marite turpuk on di paingot hita asa olo hita
mangarade laho mangalehon dirinta asa di pimpin Debata hita di nalaho
mangadopi na masa i. di bahen I maria-ria jala marolop-olop ma hita laho
manomu-nomu Rajanta i. Amen
Pdt. Idris Simbolon, S.Th
 MINGGU ADVENT III
17 DESEMBER 2023
Epistel: 1 Samuel 2: 1-10

Dipatimbul Rohakku Do Tuhan I

I. Sibonsiri
Tangiang ni si Hanna di epistelta on, ima uju diboan ibana anakna si
Samuel tu Silo. Dung hira sirang susu anakna si Samuel, diingot ibana do
baga-bagana nauju i asa pasahatonna anakna i tu adopan ni Debata. Jadi uju
martangiang ma ibana rap dohot sinondukna Elkana, dihatahon ibana balga
ni rohana di adopan ni Jahowa mardongan angka peleanna.
Sahalak ina na hol (mandul) do iangga si Hanna inanta ni si Elkana
sian huta Rama di dolok Epraim. Nunga leleng marruma tangga ibana dohot
sinondukna Elkana, alai ndang dope tikkina gabe-gabean. Sai manghirim
ibana anggiat asa tung adong nian anak tinubuhonna, hape dang masa i
dope. Lam lungun do rohana tahe ai sai digitihi si Penina imbangna do
rohana, ala sai hol dope ibana. Ai dua ripe ni si Elkana, si Hanna ma sada
jala napaduahon si Penina goarna. Nangpe rap nasida nangkok tu Silo bagas
joro inganan pamelean tu Debata siganup taon pasahat peleanna, alai sai
tong dope direhe jala bais si Penina tu si Hanna, ai nunga gabean si Penina
maranak marboru (pat. 1 Sam. 1:4). Ala ni i sai marsak rohana, gondok jala
hansit situtu dihilala dipanggitihi ni si Penina. Gabe sai tumatangis ibana,
pola jotjot dang tarbahensa mangan alani lungun ni rohana. Songoni ma
ganup taon dihilala si Hanna ala pambahen ni imbangna si Penina. Nian
diapuli amantana si Elkana do rohana, mandok; “Ale Hanna, boasa tung
tumatangis ho? Jala boasa so olo ho mangan? Jala boasa sai gondok roham?
Nda tagonan ahu di ho sian anak sampulu? Nang pe songoni diapuli
amantana i ibana, alai dang natarapul dope rohana.
Idaonta ma impola ni Minggunta sadari on, namargoar Reminiscere
namarlapatan; Sai ingot ma ale Jahowa denggan ni basaM.” Marhite
tangiang ni si Hanna, patar ma lapatan ni Reminiscere; Tarilu-ilu si Hanna
martangiang di adopan ni Jahowa di Silo, huhut ma ibana marbaga-baga
(bernazar), di tangiangna didok: “Ale Jahowa Zebaot! Molo ditatap roham
pardangolan ni naposomon, jala diingot Ho ahu, jala ndang halupahononmu
naposomon, jala dilehon Ho tu naposomon sada anak, lehononku ma ibana
muse tu Jahowa saleleng mangolu ibana, jala ndang jadi hona raut
parnabung uluna”. (1 Sam. 1: 10). Songoni ma tangiangna mangido anggiat
diungkap Tuhan i bortianna, jala tubuhononna anak.
 Tung leleng do martangiang si Hanna, jala jonok do sian inganan
namartangiang i hundul disi malim Eli, di lambung ni tiang bagas joro i.
Gabe sai diparrohahon si Eli ma pangalahona uju martangiang. Ndang
tarbege ianggo soara ni si Hanna alai sai ubit-ubit bibirna. Pola dijonohi si
Eli ibana jala gabe dirippu namabuk alani anggur, gabe disungkun; sai dia
lelelengon ho mabuk? Hape ndang na mabuk si Hanna, jala dialusi ma
malim Eli; Sitokka ma i ale tuanku, alai na gondok roha do ahu, rohangki do
nahuusehon di adopan ni Jahowa, ai sian ponjot dohot arsak ni rohangku na
godang i ahu mangkatai rasirasa nuaeng. Dungi didok malim Eli ma tu si
Hanna; “Laho ma ho muli mardamedame! Sai na lehonon ni Debata ni
Israel tu ho na pinangidom sian Ibana”.
Dimanogotna i mulak ma nasida tu jabuna di Rama. Ditopot si
Elkana ma si Hanna jala saor dohot jolmana i, gabe marningot ma Jahowa di
ibana. Gabegabean ma si Hanna, jala ditubuhon anak sada, dibahen goarna
si Samuel, namarlapatan “sian Jahowa ibana hupangido”.
Hombar tu baga-baga ni si Hanna uju martangiang di joro di Silo di
taon-taon nasalpu, dung sirang susu dakdanak i diboan ma si Samuel tu Silo.
Ihut diboan nasida peleanna anak ni lombu tolu dohot itak sada Epah dohot
anggur sapoting. Diboan ma si Samuel, tu si Eli jala didok si Hanna ma:
Santabi ale tuangku, ahu ma parompuan i na jongjong di lambungmon na
jolo, martangiang tu Jahowa. Dakdanak on do na hupangido uju i, gabe
dibasa-basahon Jahowa tu ahu na pinangido ni rohangku sian Ibana.
Dibahen i pasahatonku ma ibana tu Jahowa saleleng mangolu ibana.

II. Hatorangan
1. Marolop-olop ma Sipartangiang Bahenon ni Jahowa (:1-5)
Ianggo na ujui jolma nadangol do si Hanna, gondok, godang arsak jala
ponjot rohana. Alai ndang be ingonton i apala nuaeng ai nunga marbasa-
basa Jahowa tu ibana. Jolma namarlas ni roha dohot namarolop-olop nama
siingot di ibana. Ndada holan dagingna marolop-olop alai dohot do nang
tondina, ai Jahowa patimbul dohot mangurupi ibana. Asa dang be hape
tarbahen angka musu mangitihi manang patutoru ibana. Ido tutu Jahowa do
pangurupi, jala manang ise namartangiang tu Jahowa, sai patimbulonNa do
ibana jala bahenonNa marolop-olop.
Dihatindanghon si Hanna marhite tangiangna; Nabadia do Jahowa jala
bonar, ndang adong tudosanna. Diboto do tikkina patimbulhon angka
sipartangiang. Alani i, sai tu Jahowa ma tapangalu-aluhon angka arsakta ai
Jahowa do partanobatoanta (parlinggoman/ pangalu-aluan). Nang pe na sai
laon jolma na dangol ngoluna, alai molo Debata do napintumbul ibana,
timbul do i nang diadopan ni angka munsuna. Ndang tarbahen angka
naginjang marroha be manenga-negahon diri tu angka si partangiang ai
dipamponggolhon Debata do hajahaton ni parjahat maradophon si
partangiang, doshon Jahowa mamonggoli sior ni ulubalang. Asa dang be
manahiti manang mamunu sior hajahaton. Masa ma songon parhusor ni
sorha ni padati, ai Jahowa do mandasing roha. Marhohos hatogaron ma
angka naung mandate na sai laon, jala angka na rapar marlanggelangge
muse, tubuan anak angka na hol. Pola masa dohot; Na lobian na sai laon
gabe laho do mansari sipanganon jala merus boti sitorop anak hian.
2. Jahowa do Napatimbulhon Jolma Nang Paijurhonsa (meninggikan dan
merendahkan (:6+7B -9)
Songon sorha ni padati do parngoluon na di hasiangan on todoshonon.
Boi do napogos nasailaon gabe mamora nuaeng, nalea gabe marsangap
muse jala hundul di tonga-tonga ni angka nasangap, nadangol gabe
marolop-olop taruli pasu-pasu sian Tuhan, namatemane gabe dapotan
hangoluan dohot namartua. Alani i guru di Jahowa do ngolunta. Di ayat 6
didok; “Jahowa do na mambunu (mematikan) dohot na pangoluhon; Ibana
patuathon tu banua toru dohot panangkokkon muse.” Jala di ayat 7 B;
“Ibana do paijurhon, laos Ibana patimbulhon muse.” Jahowa margogo
patimbulhon jolma naso targoar hian, laos songoni balikna, ibana do
paijurhon (merendahkan) angka naginjang roha dohot parendephon angka
siparroha najahat. Haru tahe guru di Ibana do hosa ni hajolmaon; mate
manang mangolu. Ai Debata do nampuna ojahan ni tano on.
3. Anakhonhi do Hamoraon Di Ahu (: 7)
Adong ende do ni hita Batak; “Anakhonhi do hamoraon di ahu”.
Songoni do nang si Hanna diparhatopot do, naung mamora ibana sian nalea
hian nasailaon, alai targoar namamora dung dilehon Debata tu ibana si
Samuel nasorang sian bortianna. Ringkot do mangarimangi hita di hata ni
ayat on. Boha do bahenonta asa gabe tardok, anahonki do hamoraon di ahu?
Nang si Hanna ndang masa boti umbahen didok ibana Jahowa mambahen
mamora di naung dilehon di ibana anak. Dung dipasahat ibana parngoluon
ni anakna i tu Jahowa, baru pe asa dihatahon ibana songoni.
Anakhonta i do hamoraonta dohot hamuliaonta. Unang ma balik
antong, hatiha so margelleng keluarga i dope, tardok namamora do nasida.
Hape dungkon ni naung tubu jala adong anak manang boru, gabe marpogos
keluarga i. Ai tangkang jala jahat anakhonna mansuasaehon arta ni amongna
dohot inongna. Nasonang hian do keluarga i, ala i alani pangalaho ni
gellengna, gabe susa jala diago arsak, ala parjahat anakhonna. Naeng ma
tahe songon pandok ni si Hanna, gabe mamora ibana dung tubu anakna, jala
asa boi masa songoni nang di kelarganta, tapasahat ma ngolu ni anakhonta i
tu Debata, ringgas ma hita mamboan anakhonta tu huria, tu parmingguan
namanjalo hata ni Tuhan i.
Sai naponjot do rohana, dangol jala marsak, songoni ma ngolu ni si
Hanna dihatahon ibana uju dang adong dope dakdanak tinubuhonna. Alai
nuaeng gabe namarolop-olop nang tondina, namarlas ni roha, jala timbul
dohot tandukna, huhut jolma namamora. Nasangap ibana nuaeng di adopan
ni angka jolma siginjang roha, namanjahati dohot di adopan ni jolma
namamusui ibana. Saluhutna i dungkon ni naung dilehon Tuhan i
pangidoanna marhite tangiang; asa tubuan anak ibana.
4. Timbul do Hagogoon ni Mesiasna (yang diurapiNya :8)
Haporseaon ni si Hanna mandok; “Sai na tunduk do bahenon ni
Jahowa halak angka na mangalo Ibana; mangkuling ronggurna di banua
ginjang di atas nasida; Jahowa manguhum angka ujung ni tano on sogot, jala
lehononna hamuliaon tu Rajana, jala patimbulonna sogot tanduk ni
Messiasna.” Molo manguhum Jahowa jala mandasing (menguji) di sandok
ujung tano on, sai na tunduk do angka parjahat. Ndang tarpangasahon jolma
i ngolu dohot pambahenanna di adopan ni Jahowa, alai dapot taruli olop-
olop do angka sipartangiang jala naporsea di Tuhan i. (pat ayat 10).

III. Hahonaanna dohot Panimpuli

Sian barita nauli nasahat tu hita taringot parniahapan ni ngolu,
haporseaon nang dohot tangiang ni si Hanna, boi do buatonta nagabe
hahonaanna di bagasan ngolunta:
1. Jolma Sipartangiang jala namamuji-muji Tuhan i ma hita, ai nang Jesus
pe diajari do angka siseanna asa martangiang. Didok Jesus; “Asa manang
aha pangidoanmuna marhitehite Goarhu, patupaonku do, asa marsangap
Ama i di bagasan Anak i! Molo dipangido hamu manang aha sian Ahu
marhitehite Goarhu, patupaonku ma i. (Johannes 14: 13-14)
2. Marragam do namasa di ngolunta on sian angka jolma naasing, nang sian
angka donganta na jonok pe. Parungkilon nabalga do di si Hanna
hinorhon na hol i ibana laos digitihi imbangna muse ibana. Jotjot gondok,
marsak jala maheu ibana gabe marsahit rohana. Alai di tikki sisongoni
parniahapanna, dilului rohana do Tuhan jala mangalu-alu tu Jahowa.
Diuusehon ibana sitaononna, jala dipangido asi ni roha ni Debata asa
tung dilehon napinarsitta ni rohana. Ditangihon Debata do si Hanna, jala
dibahen las rohana. Asa nang hita pe nuaeng, tu Debata ma hita mangido
di bagasan Jesus sai patupaonNa do sihol ni rohanta. Tapuji ma Jahowa
mardongan olop-olop.
3. Anakhon nagabe si lasniroha do angka anakhonta di tonga ni bagasta asal
ma tatangianghon burju tu Tuhan i. Doshon si Hanna dipasahat do
anakna si Samuel tu Debata. Ganup nang hita pe asa silas ni roha angka
anakhonta tapasahat ma parngoluonna, sangkapna tu Tuhanta. Unang ma
mangasahon botohon, hapistaronta dohot sangkapta sambing pagodang
dakdanak. Molo ringgas hita mamboan anakhonta tu joroNa mamuji
Tuhan i jala manangihon hataNa, pos do rohanta pasu-pasuon ni Tuhanta
do nang angka anakta.
4. Jahowa do Sipatimbul angka naporsea. Marhuaso do Debata patimbul
angka naporsea, namartoruk ni roha jala sipartangiang. Nalea boi do
sangap jala hundul di tonga-tonga ni angka nasangap, napogos boi
mamora, nagale gabe margogo, molo Debata patupahonsa. Ido
dihaporseai rohanta ro di salelengna.
5. Tapasahat ma peleanta tu Tuhanta, pelean las ni roha ai ditumpahi jala
dipartumpali do hita di ngolunta. Ndang marsombu-sombu Tuhanta di
sitaononta, alai diapuli, ditogu-togu do hita di dalan nadenggan.
Dipasahat do nadumenggan di ngolunta asa tarbahen hita marolop-olop.
Alani i tapasahat ma peleanta nadumenggan.

Pdt.Hopol M. Sihombing,STh
HKI Resort Khusus Teladan Medan
 MINGGU ADVENT III
17 DESEMBER 2023
Epistel: 1 Samuel 2: 1-10

Dipatimbul Rohakku Do Tuhan I

I. Sibonsiri
Minggu on masuk ma hita Minggu Adven napatoluhon, jala ojahan
ni Jamitanta: Dipatimbul rohangku do Tuhan i. Molo di Bibel i dibahen
judulna “Ende Puji-pujian ni si Maria”, jala aha do bonsir na umbahen
marende pujian patimbul Tuhan i si Maria. Taida ma:
1. Boa-boa halongan na sian Suru-suruan Gabariel
Di Lukas 1: 26-38, dipatorang do disi parjumpangan ni suru-suruan
Gabariel dohot sada anak boru namargoar si Maria. Disuru Debata
suruanNa (pardisurgo) borhat tu Nasaret na di Galilea manopot si Maria
pomparan ni si Daud. Ditabi ma ibana didokma:
a. Naniasiaan, didongani Tuhan i ma ho, ai dapotan asi ni roha do ho di
Debata!
b. Gabegabean ma ho, tubuan anak ma ho; Jesus ma bahenonmu
Goarna. Balga ma Ibana muse, goaron do Ibana Anak ni
Natumimbul i; lehonon ni Tuhan Debata do tu Ibana habangsa ni si
Daud, amana i.
Disungkun si Maria do nian pardisurgo Gabariel, songon dia ma
pangalaho ni i (bagaimana itu terjadi). Dialusi ma ibana, sian Tondi
Parbadia do i masa. Gabe didok si Maria ma: Naposo ni Tuhan i do
ahu. Sai saut ma tu ahu songon na nidokmi!
Alani barita nabalga i tung mansai las do rohana manjalo di nanidokna; “Sai
saut ma tu ahu songon na nidokmi” (Luk.1:38) laos alani i do umbahen
dipuji jala dipatimbul si Maria Tuhan i.
2. Barita sian si Elisabet; si Maria do inan ni Tuhan i.
Di Luk 1: 39-45, ditopot si Maria do si Elisabet (ripe ni Sakarias) tu
huta Juda. Dinasahat ibana tu bagas i, ditabi si Maria si Elisabet.
Umbege tabe i, manggunjal do posoposo di bortian ni si Elisabet laos
digohi Tondi Parbadia ma dohot si Elisabet. Laos marsoara nagogo ma
hatiha i si Elisabet manghatahon; “Dapotan pasupasu do ho di
tongatonga ni angka ina; dapotan pasupasu do na pinarorotmi.” Ndang
holan i, alai dohot do dihatahon si Elisabet marhite Tondi Parbadia
nasonggop tu ibana, mandok: “Marhua ma pola ro ina ni Tuhanki
manopot ahu on! (1:43). Di ayat on, didok si Elisabet, ia si Maria ina ni
 Tuhan i. Tarhalomong si Maria umbege i, jala las rohana ai
halongangan bolon do i. Si Elisabet marhata na sian Tondi Parbadia
dompak bohi (secara langsung) mamaritahon tu si Maria, paboa ibana
do ina ni Tuhan i.
Marlas roha si Maria ai ditatap Debata do haetehon ni naposona.
Naposo nametmet (rendahan) do si Maria alai alai dipatimbul Debata ibana.
Dipillit Debata si Maria patulus baga-baga nabolon sian Debata hombar tu
nabinagabagahonNa hian tu ompu nasida Abraham. Gabe ro ma tu rohana
mamuji-muji dohot pasangap Debata marhite endena on.

II. Hatorangan
1. Marlas ni Roha Mamuji Tuhan i (: 46-49)
Marende puji-pujian si Maria patimbulhon Tuhan i. Marende sian nasa
roha (segenap jiwa) ibana jala Mariaia dohot tondina. Ndada holan di hata
dohot pamanganna natabo begeon sambing endena, alai marende
partondion. Diendehon ibana gabe panindangion ala balga ni pambahenan
Debata na tu ibana. Ditodo Tuhan isi Maria, tarpillit sian saluhut angka anak
boru na di portibi on gabe ina ni Sipalua ni sandok portibi on ima Jesus
Kristus.
Patut do antong Mariaia nang tondina mida Debata, ai dipabangkit
ibana, ditatap haetehon dohot hagaleonna. Ndang apala jolma nasangap
keluarga ni si Maria, alai ala dipillit Debata Nabadia ibana, gabe marsundut-
sundut saluhut jolma naporsea mandok; Namartua do si Maria. Targoar
(terkenal) ma ibana di saluhut luhutan ni Israel dohot nasa luat di tano on.
2. Asi Ni Roha Ni Debata Di Angka Namanghabiari Jahowa (:50-53)
Dipatubegehon si Maria do di endena, namasa dohot nanaeng masa
di ngolu ni angka partigor ima jolma namanghabiari Jahowa, songoni nang
tu angka jolma parjahat, angka siginjang marroha. Tuhan sandiri do pamasai
di ngolu ni saluhut jolma, ai naung songgop do Harajaon banua ginjang.
Diendehon si Maria:
a. Suksuk (berlimpah) do asi ni roha (basa-basa, pasu-pasu) ni Jahowa
pasahatonna tu ganup jolma namanghabiari Ibana, jala marsundut-
sundut pamasaonNa. Sai patimbulonNa (pabangkitonNa) do angka
namet-met (orang-orang kecil), ima angka na somarama-somarina,
namabalu, napogos, naburo, naginosa-gosa dohot angka namanaon
angka ulaon naso uhum (ketidakadilan). Diparbohali do angka namale,
pola suksuk dilehon sipanganonna be. Antong haroro ni Jesus Sipalua,
mangalehon upa haluaon dohot pasu-pasu tu angka natigor marroha.
 Magurupi angka partigor asa unanga mago jala punu alani angka huaso
portibi dohot angka parjahat.
b. Alai ndada songoni tu angka parjahat dohot jolma na ginjang marroha.
Dipaserak doi, dipaijur habangsana (direndahkan), jala nang pe nasida
lobian nasailaon di angka arta sinadongan dohot sipanganon, alai gabe
rumar jala ndang adong nadenggan sijamaon ni tanganna muse,
hurangan jala rapar do muse dipalao sian adopanNa. Ndang parsidohot
di hatuaon nabinoan ni Sipalua i ai dipalao do nasida, nangpe di
adopanNa rade angka naringkot di ngolu ni saluhut jolma.
3. Diingot Debata Bangso Napinillitna Dohot Baga-BagaNa (:54-55)
Dihatahon si Maria di ayat 54-55 on; mulak roha ni Debata mida jolma
pardosa:
a. Dipainuinu (diurupi, dijaga, diramoti, diparorot) Tuhan i do manontong
Israel bangso napinillitNa i. Haroro ni Jesus nanaeng sorang i tu Israel
dohot tu portibi on, ulaon ni Jahowa do i laho mangurupi sian huaso ni
dosa dohot paluahon sian nahansit, pardangolan ni jolma. Asi ni roha
nasian banua ginjang do i masa, nasian Tuhan i. Mansai balga asi ni
roha ni Tuhan tu portibi on, di angka naolo mahamubaon, tapatudos ma
tu hata natarsurat di Johannes 3:16: “Ai songon on do holong ni roha ni
Debata di portibi on, pola do Anakna na sasada i dilehon, asa unang
mago ganup na porsea di Ibana, asa hangoluan na salelenglelengna di
ibana.”
b. Mulak muse roha ni Jahowa jala marpamuati rohaNa marningot bangso
napinillitNa, Israel. Mulai sian angka panurirang, lelang ni 400 taon
ndang mangkuling Debata tu Israel. Ndang ro hataNa jala ndang disuru
be panurirang manungguli nasida. Mandao Tuhan i hinorhon ni dosa ni
hajolmaon. Alai dunghon ni i diingot Debata muse angka baga-baga
naung niuarihonNa tu angka ompunasida Abraham. Ido nanidok ni
Jesaya naujui; “Dibahen i apala Tuhan i sandiri ma mangalehon sada
tanda di hamu: Ida ma, gabegabean ma sada namarbaju, jala
tumubuhon sada anak, jala bahenonna ma goarna: Immanuel.
(Jes.7:14). Immanuel namarlapatan: donganta ma Debata. Immanent =
dekat. Ai nunga mandao Debata ala ni dosa i, pola dang mangkuling
Ibana mar 400 taon, dang disuru be panurirangNa, alai nuaeng di na ro
Jesus, jonok do Ibana, jala di tonga-tonganta.
c. Dipasahat Tuhan Jahowa baga-bagNa tu si Abraham alai dohot do i
nang tu pinomparna marsundut-sundut. Diboto si Maria do tarombo ni
si Abraham, gabe didok ibana pomparan ni si Abraham ompu ni
naporseai do ibana. Laos sian i do lam tangkas taboto, hasintongan ni
 hata ni Tuhan ni natarsurat di Jesayas 54:10 “Ai munsat pe angka
dolok, jala humuntal angka robean, alai anggo asiasingku na so tupa
munsat sian ho, jala padan ni hadameonku na so tupa humordit, ninna
Jahowa siasii ho.”
III. Hahonaanna dohot Panimpuli
1. Marhite perikope on, dipaingot do asa manontong hita mamuji
pasangap Tuhan i, songon si Maria ina ni Jesus. Ingkon patimbulonta
do Tuhan i di bangasan nasa panggulmit ni ngolunta, ai dilehon do tu
hita barita las ni roha, diingot do hita pomparan ni si Abaraham, diingot
do baga-bagaNa angka narobi i asa dapotan pasu-pasu dohot haluaon
nang hita. Marpamuati rohaNa mida hita pardosa asa mardame hita tu
Debata jala dapotan hangoluan sisalelenglelengna. Songon si Maria,
pamujion dipasahat ibana tu Debata, dipatimbul rohana do Tuhan i ala
balga ni sangkap dohot ulaon ni Tuhan i di bagasan ngoluna. Ditodo
Debata si Maria gabe hite asa sahat Sipalua i tu tano on paluahon
saluhut jolma, hombar tu baga-baga di padan na robi. Dohot do do
dihatahon ni si Elisabet tu ibana “ina ni Tuhanki” (Luk 1: 43), ina
namartua napinasu-pasu (1:42).
2. Sai papataron ni Debata do haluaon dohot pasu-pasu tu angka jolma
namanghabiari Jahowa dohot jolma nabonar marroha. Alai baliksa,
dipaserak Debata do angka naginjang marroha, songoni angka nagogo,
dipaijur (dipatutoru) Tuhan i angka namora najahat dohot na so
marroha holong tu angka napogos,
3. Debata do mangaramoti, mangurupi dohot marmudu-mudu hita ai Ibana
nampuna hita. Alani i sai na pujionta do Debata sian nasa roha, dohot
nasa pikkiranta.
4. Marhite barita nauli naung sasahat tu hita sian Buku Nabadia i, asa
dohot hita marhatopothon; ia Debata marhuaso do manodo jala mamillit
manang ise nagabe parhiteaan hasahatan ni baga-baga haluaon tu
portibi on. Ndang mardia imbar di Tuhan i ragam ni status sosial,
jabatan, huaso, lan angka naasing dope. Alai ditodo Tuhan i do jolma na
dibagasan habadiaon, na manghabiari Jahowa jala satia maradophon
hataNa. Umbahen i tarlumobi di Adven patoluhon on (3) asa
marhamubaon hita, jala tapadao ma dirinta sian angka bakko dohot
pangalaho namaralo tu lomo ni roha ni Tuhanta. Laos tatiru ma
parrohaon ni si Maria namarsihohot ibana daulat marroha mardongan
biar tu Jahowa.

Pdt.Hopol M. Sihombing,STh
 MINGGU ADVENT IV
24 DESEMBER 2023
Evangelium: Yesaya 35:1-4

Ro Do Debata Paluahon BangsoNa

I. Pendahuluan

Ia bukku ni si Yesaya on marhorong tu Proto Yesaya do (bindu 1-

39), naginurathon di masa harajaon Jehuda (Harajaon Selatan) na di asupi
harajaon ni Asyur, ima sada bangso na tung massai mergogo di tikki i. Alali
hattus do tu roha ni si Jesaya ia na mangasupi bangso Jehuda satutu na dang
na bangso Asyur alai tung alani dosa ni bangso Jehuda i do umbahen na
gabe na gabe masa sitaonon na dokdok tu nasida. Bangso Jehuda gabe si
jogal rukkung, dang satia tu uhum ni Debata di bagasan pangalaho dohot
hata nasida. Dang tarida be di ngolu nasida pamilliton ni Debata. Balik do
gabe si alo umu ni Debata nasida. Masa ma haleon, guttur dohot angka
poltik, ekonomi dohot agama nasida pe gabe dang kondusif. Parrohaon
dohot ngolu partondion nasida gabe sumurut tu hasesega. Boi dohonon gabe
jumorbut do pangalho nasida sian bangso-bangso na leban. I do umbahen
hona uhum nasida huhut mago ma sian tonga-tonga nasida pangkirimon tu
haluaon dohot haimbaruon tu ngolu na dumenggan.
Alai sai tongdo dionjar si Jesaya roha ni bangso i asa marsihohot
nasida marhaporusan tu Debata. Mangolu di bagasan uhum dohot lomo ni
roha ni Debata. Huhut di sosoi nasida tu uhum na naeng leanon ni Debata tu
angka sialaosi patik iam marhite hite hamatean tu angka naso tumangihon
hata ni Debata. Andul sian i, di pajojor si Jesaya do, baga-baga na sian
Debata molo diuanduk nasida roha nasida manundulhon dirina sian angka
dosa. Na hona uhum ni Debata do saluhut bangso na naeng maneganega
bangso napinillitNa i (bindu 34) tung haluaon ma na ro tu bangso ni Debata.
Sian i, tarida ma ia si Jesaya pasahathon uhum ni Debata, huhut
bagabaga haluan tu nasida molo dipauba roha nasia, gabe siihuthon uhum ni
Debata. Molo dung ro tikki na di hagogok ni bagabaga ni Debata tu nasida
gabe Marlas ni roha ma halongonan dohot tano bangkalbangkal jala
marolopolop ma adaran jala marbunga songon bunga pansur. Marbunga
situtu ma i jala marolopolop, masa ma tutu parolopolopon dohot pariaiaon.
Hamuliaon ni Libanon dibasabasahon tusi rap dohot hinauli ni Karmel
dohot Saron. Idaonna sida ma hamuliaon ni Jahowa, hatongamon ni Debata.
II. Hatorangan.
Ayat 1-3
Ia dosa manghorhon hasesega dohot angka parungkilon. Halongonan
gabe sada tudosan jorbut ni panghorhon ni dosa. Alai Debata bona ni
hangoluan i, pamalumhon jala paulihon angka na sega gabe mulak tu
haimbaruon asa gebe tu haulion. Gabe marlasni roha jala marolopolop ma
bangso i dibagasan ngolu naimbaru.
Ayat 4
Marhite hata” Dok hamu ma tu angka parroha na tahuton: lapatanna,
hataon dipatudu tu sude bangso ni Debata na tahuton, mago panghirimon,
jala angka namarroha na bile. Di dok tu nasida: Pir ma tondimuna, unang
hamu mabiar! Ida ma Debatamuna i ro martubolhon dohot mamaloshon! Ho
do ibana tongon paluahon hamu. Hata “Debata muna i ro, lapatanna: tahi ni
Debata do nanaeng paluahon bangso Na i. dang hum roha ni debata di angka
sitaonon ni bangso Na. Di pa pos si Jesaya ma roha ni bangso i, bahaso
Debata sandiri do na ro nanaeng palua bangso Na sian asupasup ni bangso si
leban. Tudos tu masa ni si Musa, di palua Debata bangso Na sian angka
parungkilon nasida.
Tung masasi tangkas do panggohi ni halumbaon ni Debata taringot
tu haluaon nasida ima marhitehite hatutubu ni Kristus Jesus, ima Tuhan si
palua i. Marhite-hite Tuhan Jesus, di gohi ma bagabaga ni Debata taringot tu
haluaon ni bangso i. Tutu situtu ma gabe tubu panghirimon di bangso Israel.
Marhitehite Jesus dipaimbaru ma sude ngolu nasida. Angka nabile, naso
margogo, natuhutan, gabe dapotan pangkirimon. Lobi sian napinikkiran ni
bangso i dapot nasida sian Debata. Dang haluon sian bangso panjaja haluan
nasida, alai lobi sian i, haluan na ummarga, i ima haluan ni ngolu nasida
sian hamatean na saleleng ni leleng na. jala haluaon i dang massadi di
nasida, alai huhut sahat tu nuaeng on, manang ise na olo gabe bangso ni
Debata dapot haluaon sian hamatean asa sahat tu hangoluan na salelng ni
leleng na.
Dibagasan partingkian na massai maol on, jotjot do hita naeng lilu
huhut mabiar gabe mago angka panghirimon. Boi do alani angka tekanan ni
situasi ekonomi na tung massai maol, angka parbigason na sursar, tekanan
di angka parkarejoan, manang angka parngoluan ni kehidupan social na
asing. Tung massai godang do angka asup, mara, haberniton, pangondol ni
angka ulaon, kesewenang-wenangan, korupsi, penyalahgunaan huaso dohot
jabatan demi kepentingan diri sendiri. Godang dope angkana asing naboi
manegai angka pikkiran dohot ngolu ni jolma di partikkian on. Gabe mago
angka las ni roha dohot angka pangkirimon. Andul angka haberniton,
sitaonon, parungkilon, kecewa, parbadaan dohot angka na asing, gabe
margogo ni ngolu ni jolma. Gabe tubu ma roha na bile.
Alai marhite-hite hata ni Debata di bagasan tingki on dipaingot jala
diajari do hita asa unang mabiar. Di dok do: “Pir ma tondimuna, unang
hamu mabiar! Ida ma Debatamuna i ro martubolhon dohot mamaloshon!” ai
adong do Debatanta di tongatonganta na lao paluahon hita. Margogo do
Ibana mambaen halongonan bage tano na imbur. Asalma satia hita tu Ibana,
jala si ihuthon hataNa, poaluaon na do hita sian sude hageduhan ni portibi
on. Bukkaon Na ma parnidaan (mata hati) ni rohanta, gabe taida ma angka
ula-ula ni tanganNa na tung massai marhuaso laho paluahon hita sian angka
parungkilan.
Bangso ni Debata do hita marhitehite Tuhan Jesus, parsidohot do
hita di holong ni Debata na sun bolon i. masape hageduhon dohot
hagunturon pangonjor ni dosa protibi on, alai molo hita angka naporse tu
Jesus ikkon do marsihohot dibagabagana, naso tupa pasombuon na hita di
sude angka sitaonon ta. Ai naro ma Ibana laho paluaon hita.

III. Panimpuli
Marhite-hite minggu on, ima minggu Adven IV, ima na
manomunomu hatutubu ni Tuhan ta Jesus Kristus, tama hita
marpanghirimon di haluaon ni binoan ni Jesus Kristus tu hita di partingkian
on. Didaonima angka sahitta,. Diapusi ma angka ilutta, dipargogoi ma hita
diangka dalanta. Jouonta ma Ibana dibagasan haporseaon, alusan na ma hita,
di sesa ma angka dosanta, jala sahat ma hita tuhangoluan na saleleng ni
leleng na. Satia ma hita sahat tu ujung ni ngolunta. Taparade ma rohanta. Ai
na ro ma Ibana paluahon bangsoNa. Amen.
 MALAM NATAL
24 DESEMBER 2023
Evangelium . Mat 1 : 18-23

Donganta Ma Debata

1. Selamat Ari Natal ma di hita saluhutna! Hamu angka dongan na

hinaholongan ni Tuhanta Jesus Kristus. Nunga sahat hita tu pesta puncak
“las ni rohanta” saborngin on, tgl 24 Desember 2023 i ma na sai tagoari
Pesta Natal, Pesta parningotan di hatutubu ni Tuhanta Jesus Kristus.
Sandok sude do mar las ni roha molo tangkas taauhon di borngin na
holom, i ma pesta holong, na ingkon siauhononta di ganup haporseaonta,
ima : Boha nunga tutu tubu Tuhanta i di ngoluku, ngolu ni keluarganami,
ngolu ni haporseaon ni ruas, parhalado ni Hurianta on ? Molo naung tutu
do tubu ibana di ngolunta, aha do na gabe siparbuehonon, sipatuduhonon
(Dia ma parbuena ) ? Naeng do tangkas sungkun-sungkuni alusanta be
asa boi taputihi huhut tahangoluhon, ai ndada holan hasomalan las ni
roha sambing songon las ni roha pardagingon, lobi sian i las ni roha
partondion do/pesta iman na mangarahon ngolunta asa gabe jolma si
parholong songon Tuhan naung jumolo manghaholongi hita. Naeng do
adong haimbaruon ni ngolu haporseaonta tu joloan on marhite naung
tahalashon, tajangkon saborngin on pesta haroro ni Tuhan Jesus, Sipalua
i.
2. Hamu angka dongan na hinaholongan di bagasan Jesus Kristus !
Boha sahat do gok las ni roha I di hita nuaeng, siala hatutubu ni Jesus
sipalua i ? So tung do pilit las ni roha i ala salah pangantusion di
namanghalashon Pesta Natal on. Nian ingkon ta akui do marmacam sikap
ni hita jolma patuduhon las ni rohanta di Ari Pesta Natal on. Boi do
angka dakdanak las rohana ala angka na mamangke baju baru (ni ingot
ma i tingki SM/SD iba uju i ), ala ni tabo ni sipanganon, uli jabunta ala
tagabagai/tabunga-bungai, galak lilin di sepanjang kota dohot di mall,
hiasan muse terpajang tulisan “Merry Christmas, na deba ala ni godang
ni angka pesta pesta natal ta dohoti, Punguan an- on, dohot di gereja
dope, sektor, Lembaga, Adong do muse na mamangke partingkian on boi
liburan dohot keluarga huhut ziarah mulak tu Bona Pasogit, saling
berkunjung dohot lan angka na asing dope. Dang na sala i angka dongan,
alai na naeng si dohononta unang ma gabe holan pesta pardagingon
sambing, manang hasomalan taulahon (tradisi). Alai sintong-sintong ma
pangontakna tu ngolu ha kristenonta/partondion ni hita songoni dohot
 keluarganta be anggiat marimpola Pesta Natal 2023 on. Alani pinasahat
ma jo muse tu hita saluhut amanami, inanami, sekkola minggu, remaja
naposo, angka pangaranto ro di sude Parhaladonta na ro di garejaon
bornginon, Selamat Natal ma di hita saluhutna.
3. Hamu angka dongan na hinaholongan dibagasan Jesus Kristus !
Apala di pesta Natal parpunguan borngin na tahalashonon, marsoara do
Tuhanta ro mandok tu hita “Ai saut ma tahi ni Debata” marhite sian
naung sinangkapNa, di naung jotjot pinalumbahonNa marhite angka
panurirangNa (Jesaya 7 : 14 ; Mikha 5 :2). Na so tahi-tahi ni jolma, so
ala ni haburjuon ni hita jolma, ndang alani ulaon na denggan manang
alani na sai taturuti/taulahon patik i asa ditongos Debata Tuhan Jesus,
Sipalua i. Holan basa-basa do, tahina na sumurung do i tu portibion dalan
laho paluahon, manobus hita jolma sian hamagoan.
Molo tangkas tapaihut-ihut nangkin, dipaboa do di turpuk saborngin
on sinurat buku ni si Mateus, dipakke Debata si Yosep dohot si Maria, na
gabe di patujolo laho manjalo hasahatan ni haluahon i atik pe ndada holan
laho tu nasida haluaon i ( Universal). Unik, mistery do, ndang siat tu roha,
sian na so hapingkiran ni si Josep do na masa i ala dimasa pertunangan ni
nasida dope,diboto si Josef naung gabe-gabean si Maria (mengandung),
hape so adong nasida masipadonohan (sebelum mereka hidup sebagai
suami istri). Secara pikkiran hajolmaon, ala parroha na bonar si Josep (ayat
19) disadari ibana na so adong ulaon ni ibana na salah, gabe tubu do tanda
tanya besar, curiga, boha na mangalangkup/ berzinah do si Maria tu baoa na
asing nian ndang adong ayat manghatahon i. Josep songon sahalak na bonar
mempergumulhon na masa i sahat tu na loja ibana mamingkiri huhut
manangkapi dohot sipsip naeng manirangkon si Maria. (jaha 5 Musa 23 :18
; 3 Musa 19 : 29 ; 5 Musa 22 : 23-29; na manaringoti aturan uhum tu
sahalak borua manang baoa angka na mangulahon haramunon). Alai ia
gabegabean pe/mengandung si Maria ndada ala ulaon haramunon manang
perzinahan, ndang sian dirina sandiri, manang sian ulaon ni sahalak jolma.
Alai justru ulaon ni Debata do. Gabegabean pe ibana sian Tondi Porbadia
do. Dungi muse na di pabotohon Debata do tu si Josep marhite di nipi na
suru-suruan ni Tuhan i na mandok tu ibana : O Josep, anak ni si Daud,
unang alang roham mangalap si Maria gabe donganmu saripe muse, ai na
sian Tondi Porbadia do na nanaeng tubu i. Di bereng/diboto si Josep pe si
Maria gabegabean sasintongna na di ungkap Debata do parnidaan/
simalolong na. Alani Tondi Porbadia dohot sangkap HALUAON na sian
Debata do umbahen na gabegabean si Maria. Ndang porlu siraguhonon ni si
Josep, ndang adong hape hadomuan ni ulaon pardagingon, hagiot ni
hajolmaon jala ndang adong hadomuan na dohot tu pelanggaran patik
manang aturan ni hajolmaon. Alai apala ulaon na balga do sian Debata, i ma
haluaon ni sandok bangsoNa, ala ni ido umbahen na ro Debata pahothon
roha ni si Josep asa dohot ibana ambil bagian di sangkap ni Tuhanta i,
marhite na mandok “Unang alang roham” mangalap si Maria gabe
donganmu saripe (ayat 20). Jala pola do sahat tu na sinuruna si Josep
mambaen goar ni na tubu i “JESUS = SI PALUA” ( ayat 21).
4. Hamu angka dongan na hinaholongan dibagasan Jesus Kristus ! Ia
Hatutubu ni Jesus tu portibion laho paluahon jolma/hita do sian dosa
songon i dohot biar ni roha tarlumobi laho mandongani hita (Immanuel,
Ayat 23). Dihorhon pangalaho ni jolma na parjolo i, mamungka madabu
si Adam dohot si Hawa tu dosa gabe di tubuhon i do biar ni roha
hasusahan dohot hamatean. Alai las ma rohanta ai ala marhite hatutubu ni
Jesus, Sipalua i gabe di solungkon pos ni roha na imbaru tu jolma
marhite na mandok “Unang mabiar hamu, ai barita halalas ni roha
godang do huboan tu hamu, parsaulian ni sandok bangso i. Ai
naung tubu do dihamu sabornginon di huta ni si Daud, ima Kristus
Tuhani Sipalua I (Lukas 2 : 10 -11). Asa barita las ni roha do na tajalo
bornginon ndada holan las ni roha pardagingon alai lumobi las ni roha
partondion ta.
Taparhatutu do nang sahat tu tingkion tung mansai torop do angka na
masa gabe mambaen hita mabiar sian berbagai aspek na so hagoaran hita.
Ndang boi enteng roha taringot tu si. Alai ingkon marposni roha do hita
manghaporseai hata ni Tuhanta na mandok na Immanuel do Ibana, na rap
do Tuhanta di ngolunta, di keluarganta, diulaonta, di hurianta, di bangsonta
(bnd Joh 1 : 14 “Gabe daging ma hata i jala maringan di tonga tonga ni hita
on”). Artina na so di pasombu Debata hita mardalan sandiri, mamolus dohot
mamingkiri angka na patut si pingkiran dohot sisarihononta, alai urupanNa
do hita molo olo hita gabe inganan / Parhitean ni Tuhanta laho ula-ula ni
Tuhan i songon si Josep dohot si Maria mamboan Haluaon tu bangsonta, na
humaliangta lumobi di huriana. AMEN.
Selamat Hari Natal ma dihita!

Pdt. Kepler J. Bakara, S.Th

 NATAL
25 DESEMBER 2023
Lukas 2:15-20

SALUHUT BANGSO UMMPUJI JALA PASANGAPHON DEBATA

Patujolo:
Buku Lukas ima na sinurathon si Lukas sahalak dokter jala dongan
Ap. Paulus marbarita na uli (Kol 4:14; 2 Tim 4:11). Buku I disurthon ibana
songon sada sejarah haluaon na binoan ni Tuhan Jesus tu portibion, na
dimulai sian boaboa hatutubu ni Johanes pandisi, hatutubu ni Jesus,
panghobasionNa, sitaonionNa, hamateanNa, haheheonNa sahatbtu
hahinsatonNa tu Banua ginjang.
Turpuk on dimulai sian pabotohon tingki hatutubu ni Jesus,
dipabotohon ingananna, partinandaan di nasida, na dipabotohon surusuruan
tu angka parmahan na marborngin di ladangi. Di Halak Jahudi, parmahan,
ima parkarejo kasar, ulaon na lea mandamanda, jala ndang sanga ro tu bagas
joro ni Debata laho manguras diri, dohot mangula uhum ni ugamo. Siala ni i
nasida dang patut gabe sahalak sitindangi, hape tu nasida do ro surusuruan I
mandok: unang mabiar hamu, ai barit ani halalas godang do huboan tu
hamuna, parsaulian ni sandok bangso. Ai naung tubu do di hamu
sabornginon, di huta ni si Daud, sipalua I, ima Kristus Tuhan i. Tompuma
adong dongan ni surusuan I torop angka parangan parbanuaginjang, dipuji
ma Debata manedok: Hasangapon ma di Debata di ginjang, dame ma di tano
on, di angka jolma halomoan i.

Hatorangan:
1. Beta ma hita tu Betlehem, taida ma na masa on, na pinabotohon ni
Tuhan i
Nangpe parmandamanda nasida, dao sian joro ni Debata, alai diboto do
huta ni si Daud, ima Betlehem. Marsitogian nasida naeng mangida na
masa i. Boasa? Aha na menarik sian barita i umbaen na ingkon borhat
nasida? Ala naeng dohot nasida mangida hasintongan ni hata ni Tuhan
I, mangida halalas ni roha godang, parsaulian ni sandok bangso. Naeng
parsidohot nasida mangida Sipalua I, ima Kristus Tuhan i. Halalas ni
roha godang do Jesus I. HatutubuNa paintophon biar ni roha ala ni
dosa, pajonokhon Debata tu portibion, padamehon jolma tu Debata,
mangalean hasintongan tu jolma, paluahon jolma sian uhum ala ni dosa,
jala mangalehon hangoluan na saleleng ni lelengna. Alanii do Jesus
 didok parsaulian ni sandok bangso (dang holan tu Halak Jahudi alai
saluhut bangso do dipauli jala dipalua Jesus i).
2. Jumpangsa do si Maria, Josep dohot posoposo i
Borhat do parmahan i mangihuthon partinandaan na pinabotohon ni
surusuruan i taringot tu na masa i. Jumpangsa do songon na pinabotoon
ni surusuan i tu nasida. Alanii, dibaritahon nasida ma boaboa, naung
dihatahon tu nasida taringot tu dakdanak i. Ndang tarintopi pamangan
nasida, tung ingkon dihatahon nasida barita taringot tu Jesus i.
Parmahan na so boi dipake songon sahalak saksi di pengadilan, hape
nuaeng manghatindangkon Jesus.
3. Mulak parmahan I, dipasangap jala dipapuji-puji do Debata
Mulak parmahan i mandapothon na pinarmahanna, mulak laho mangula
songon na somal, jala mungkin pandangan ni jolma pe tu nasida tong do
songon na somal. Alai nuaeng adong na berubah di nasida, ima nasida
na saleleng on digohi biar ala ni dosana, digohi biar ala ni tantangan
dohot ancaman di ulaonna, biar ala dao sian keluarga, biar ala ni borat
ni parngoluon dohot pendapatan na hurang, nuaeng gok halalas ni roha
godang, gok pujipujian ala nunga diida jala ditanda nasida Jesus sipalua
nasida i. Ai parjumpangan nasida dohot Jesus mambaen tangkas idaon
jala botoon nasida tujuan ni ngolu nasida na marTuhan i. Alaniido
nasida mulak pasangap jala papujipuji Debata.

Panimpuli:
1. Beta hita mangida na pinabotohon ni Tuhan i.
Unang holan mambege, manangihon barita ni Tuhan I, alai dapothon
Tuhan I, jumpangi Tuhan I, ida ma na masa i. Dapothon Jesus i tu
bagasjoroNa, pestahon ari hatutubuNa, asa parsidohot ho mangida
hasintongan ni Hata ni Tuhan I.
2. Naeng dapotan halalas ni roha godang ho? Naeng dapotan
parsaulian ni sandok bangso ho? Parguruhon hata ni Tuhan I, ihuthon
songon na dipabotohon hata ni Tuhan i. HataMi do sulusulu ni pathu
jala hatiuron di dalanhu (Psalm 119:105). Jesus do Hata ni Tuhan I,
Jesus do sulusulu dohot hatiuron na patuduhon dalan haluaon I, Jesus
do na patiurhon parnidaan dohot dalanmi. Ihuthonma Ibana asa
jumpangmu na niluluanmi. Di bagasan Ibana, jumpangmu do
hasintongan ni Hata ni Debata. Amos 5:4-6: Lului hamu ma Ahu, asa
mangolu hamu. Lului hamu ma Jahowa asa mangolu hamu. Jesus na
tapestahon ari hatutubuna sadarion, ro tu portibion asa tandaon ni
jolmai Tuhan i. Jesus do Tuhan I, Ibana do halalas ni roha godang,
 parsaulian ni sandok bangso. Luluima jala dapothon Ibana di inganan
naung dipabotohon tu ho, jumpangmu do Jesus i, jumpangmu do
haluaonmi.
3. Gabe sitindangi ni hata ni Tuhan i ma hamu
Godang do Halak na manghatindanghon na so sintong. Boasa? Ala
dang di bagasan hasintongan I ibana, jala dang dapotna hasintongani.
Ganup naung jumpang hasintongani (Jesus i), i do na boi
manghatindanghon hasintongan ni Tuhan i. Ai nunga jumpangna
hasintongani, jala dapotan hasintongan I ibana. Alani i do, ibana gabe
sitindangi hata ni Tuhan I, sitindangi hasintongan i.
4. Saluhut bangso umpuji jala pasangap Debata.
Tung tu saluhut bangso do halalas ni roha dohot parsaulian na sian
Jesus i. Ibana do Tuhan ni saluhut bangso. Alanii do didok di Filipi 2:
10-11: asa somba tu Goar ni Jesus nasa ulu ni tot, na di banua ginjang i
dohot na di tano, nang na di toru ni tano, jala nasa na marsoara
marhatopothon : Jesus Kristus do Tuhan bahen hasangapon ni Debata
Ama.

Pdt. Meri Pitta Ulina

Kolportage HKI
 NATAL II
26 DESEMBER 2023
Epistel: Johannes 1:9-14

Jahowa Do Raja

IV. Patujolo
Dipillit Debata do bangso Israel gabe bangso-Na. Debata Jahowa na
badia do, jala ingkon mangolu di bagasan habadiaon ma bangso-Na i. Asa
boi mangolu di bagasan habadiaon, dilehon Debata Jahowa ma patik na
sampulu i tu bangso Israel marhite si Musa. Marhite na mangulahon patik i
ma asa mangolu di bagasan habadiaon bangso i. Alai di pardalanan ni
ngoluna, ndang tolap ni bangso i laho mangulahon patik ni Debata, sai
jotjotan do bangso i madabu tu bagasan dosa. Badia Debatana, alai ramun
ianggo bangso-Na. Ala so boi be jolma i laho patigorhon dirina asa badia di
adopan ni Debata ala naung bagas pardosaon nasida, marsangkap ma Debata
laho paluahon bangso i. Sangkap ni Debata Jahowa ima naeng tuat Ibana tu
portibion laho mamboan haluaon dohot hangoluan tu saluhutna jolma. Ro
do Ibana tu portibion marhite Jesus Kristus.
Jadi, boha do haroro ni Jesus Kristus manopot sude angka pardosa
na di portibion? Jala aha do panghorhonna tu angka jolma na olo na
mangihuthon Ibana? Antong laos tapaihutihut ma hatorangan ni turpuk on.

V. Hatorangan Ni Turpuk
Judul perikop ni turpuk on ima “Hata i na gabe daging” jala on ma
tema di pamuhai barita nauli na sinurat ni si Johannes. Hata na gabe daging,
dilapati ma i “inkarnasi” ni Debata. Berinkarnasi do Debata sian “Hata”
gabe “Daging” manang jolma ima marhite Jesus Kristus. Molo tajaha turpuk
on sian ayat 1 na marlapatan doi ia Jesus Kristus nunga rap dohot Debata
Jahowa sian mulana. Naeng diarahon si Johannes do angka na manjaha
suratna on tu tradisi panompaon ima marhite Hata ni Debata na manjadihon
saluhutna, ndang adong nanggo sada sian naung jadi i, naso marhite sian
Hata ni Debata.
Na gabe sungkunsungkun ima, boasa gabe Daging Hata i? Alusna,
ala naung madabu tu bagasan dosa manang haholomon do portibi on
umbahen ringkot panondang i marsinondang. Hata i gabe Daging laho
manondangi portibi na dibagasan haholomon, marlapatan doi ia haroro ni
Jesus Kristus ima na laho mangalo haholomon, jala on ma na gabe tujuan
haroro ni Kristus hombar tu na sinurat ni si Johannes. Di bagasan Kristus
adong do sinondang i, Kristus i do panondang na sintong, na manondangi
nasa jolma.
Haroro ni Sipalua (Mesias) nunga dibaritahon sian Padan Na Robi
marhite soara ni angka panurirang. Sahat do bagabaga i tu bangso Israel asa
mamboan nasida tu haluaon dohot hangoluan. Sai tarpaima do bangso i di
haroro ni Mesias naung binaritahon panurirang i, ala holan Ibana nama na
boi paluahon bangso i sian parungkilon nang sitaononna. Dung ganjang
ariari na dibolus nasida, saut ma bagabaga ni Debata i tu bangso Israel, ro
ma Mesias i, Raja Hadameon, Raja na gok holong, marhitehite Jesus
Kristus. Nunga tung leleng nasida paimahon Mesias i, alai dung ro Mesias i
gabe ndang ditanda portibion Ibana. Sasintongna na ingkon jangkonon
nasida do haroro ni Jesus Kristus i, hape gabe ditulak nasida do. Ro Mesiasi
i naeng mamboan haluaon dohot hangoluan laos ditulak portibion do Ibana.
Di turpuk on didok, molo adong na manjanghon Ibana, dilehon
Debata do huaso asa gabe anak ni Debata nasida, angka na porsea di goar-
Na. Adong do hadiah manang upa sijaloon ni angka na manjangkon Ibana
ima huaso jala asa gabe anak ni Debata nasida. Molo hasomalan di
parngoluon on, didok anak ni amongna, marlapatan doi adong hubungan
darah sian nasida. Alai molo didok gabe anak ni Debata, ima angka naso
tubu sian mudar manang sian sangkap ni daging, manang sian sangkap ni
baoa, tung sian Debata do. Na gabe anak ni Debata ima na olo mangulahon
lomo ni roha ni Debata, lumobi ma pangajarion ni Jesus Kristus. Angka
anak ni Debata mangolu do dibagasan haserepon ni roha, gabe tiruan do
Kristus di angka anak ni Debata.
Gabe daging ma Hata i jala maringan di tongatonga ni hita on. Ala
so boi jolma mangolu di bagasan habadiaon, sai tong mangulahon dosa, ro
ma Mesias i, gabe Daging ma Hata i. Haroro ni Mesias manang Raja i,
naeng padengganhon hubungan ni jolma tu Debata do ala naung sega
hubungan i panghorhon ni dosa-dosa na niulahon nasida. Jesus Kristus ro
mamboan haluaon sian dosa, haimbaruon parngoluan, jala hangoluan na
saleleng ni lelengna. Haroro-Na dibagasan asi ni roha dohot hasintongan ni
Debata. Jesus Kristus ima Hata ni Debata na badia jala hot ro di saleleng ni
lelengna. Jesus Kristus ma Hata ni Debata na gabe Daging. Yesus Kristus
adalah Firman yang berinkarnasi, yang menjelma menjadi manusia. Arthur
W. Pink mengatakan bahwa yang tidak terbatas menjadi terbatas, yang
tidak kelihatan menjadi kelihatan, yang transenden menjadi imanen, yang
jauh menjadi dekat, yang melampaui pencapaian pikiran manusia menjadi
dapat dilihat.
 Jadi huida hami ma hasangapon-Na, ima hasangapon ni Anak
Sasada na sian Ama i (ay.14). Marhite turpuk on dipatorang si Johannes do
tu hita angka na porsea na rap do ibana ujui dohot Jesus Kristus jala diida
ibana ma hasangapon-Na i. Dihatindanghon ibana do i muse di surat parjolo
ni si Johannes na mandok : “Na adong sian mulana, na hubege hami, na
niida ni matanami, na hupanotnoti hami, jala na jinama ni tangan nami,
taringot tu hata hangoluan i” (1 Johannes 1:1). Di turpuk i didok si Johannes
do Jesus i “Hata Hangoluan” naung dibege, diida, jala dipanotnoti ibana,
jala rap do ibana dohot Jesus Kristus i. Panindangion ni si Johannes on laho
patoranghon tu angka na manjaha suratna manang saluhutna angka na
porsea, ia “Hata” i na sintong do gabe “Daging”. Tujuan panindangion ni si
Johannes on asa lam torop jolma na porsea di Jesus Kristus (Hata na gabe
Daging i). Ibana do Raja na tuat sian hasangapon-Na i tu portibion. Ibana
ma Raja na olo manesa dosa ni angka bangso-Na, ndang diuhum bangso-Na
i alai disesa do dosana marhite Holong-Na i. Ibana do Raja sipujion ni
sandok portibion jala na marsangap.

VI. Sipahusorhusoron
Turpuk ni epistel di pesta natal na paduahon on naeng mangarahon
hita angka na porsea laho mangarajumi pambahenan ni Debata tu hita. Ala
ni dosa-dosanta, umbahen ro do Ibana sian harajaon-Na i tuat tu portibion.
Gabe Daging ma Hata i jala maringanan di tongatonga ni angka jolma.
Ingkon tuat do Raja Na Sangap i holan laho paluahon jolma pardosa. Ise do
haroa jolma i umbahen dipalua sian dosana? Sasintongna haroro ni Jesus
Kristus ndang ala ni haburjuon ni jolma i umbahen disesa dosana, alai
saluhutna i ala basabasa ni Jahowa sambing do. Tung mansai balga situtu do
pambahenan ni Debata Jahowa marhite Jesus Kristus tu angka pardosa na di
portibion. Tama do Ibana sipujion jala tapasangap di sandok parngoluanta.
Ndang adong sahalak raja pe di portibion na sarupa dohot Raja Hadameon i.
Tajangkon ma haroroNa i di bagasan ngolunta, ai manang ise na
manjanghon Ibana dilehon do huaso jala asa gabe anak ni Debata. Las do
roha ni jolma molo didok ibana anak ni Debata, antong jangkon ma haroro-
Na di bagasan haporseaon na togu. Pasahat ma mauliate tu Ibana ala
saluhutna pasupasu dohot pambahenan-Na di tongatonga ni parngoluanta.
Pasahat ma i marhite ende pujipujian jala hatindanghon ma di humaliangta,
haroro ni Kristus i (Hata na gabe Daging) mamboan haluaon dohot
hangoluan tu portibion. Amen.

Pdt. R.A.S Simatupang, S. Th

 NATAL II
26 DESEMBER 2023
Evangelium: Psalmen 96:1-13

Jahowa Do Raja

I. Patujolo
Sahalak raja na manguluhon bangsona marhite habisuhon dohot roha
na pantas manghorhon las ni roha di bangsona. Hatiha na mangadopi
hasusaan bangsona, sai na ro do pangurupion sian raja i ala tung mansai
holong do rohana tu bangsona. Marhaserepon do ibana, ido umbahen lam
tamba las ni roha di bangsona. Godang pe angka persoalan manang
parungkilon ni angka bangsona, ndang adong naso boi diselesaihon ibana,
sai adong do jalan keluar manang solusi sian raja i. Sangap do raja i di
adopan ni bangsona jala sai unduk do bangsona di angka aturan na binahen
ni raja i. Marlas ni roha do bangso i jala mangolu di bagasan hadameon.
Di pesta Natal paduahon on sahat ma barita nauli sian Psalmen 96:1-
13 dohot tema “Jahowa do Raja”. Jahowa do Raja na gok huaso jala
dibagasan habonaron dohot holong. Beha, marlas ni roha do manisia na
gabe bangso na diuluhon Raja i? Antong tapaihutihut ma hatorangan ni
turpuk on.
II. Hatorangan Ni Turpuk
Buku Psalmen marisihon ende pujipujian sian raja David
(parpsalmen) ala naung dirajumi ibana pandonganion ni Jahowa dohot
pasupasu-Na di pardalanan ni ngoluna. Tarpillit si David gabe raja, ala
Jahowa do na mamillit ibana. Mandok mauliate do raja David tu Tuhan i di
saluhutna, dipasahat ma i marhite ende pujipujian hasangapon di Tuhan
Jahowa. Ala naung parjolo ibana mangarajumi pambahenan ni Jahowa di
ngoluna, umbahen diarahon ibana ma bangso Israel laho mamuji dohot
pasangaphon Jahowa marhite ende pujipujian. Parpsalmen gabe sada sosok
teladan tu angka na porsea laho mamuji dohot pasangaphon Tuhan i.
Disoarahon si David do tu bangso Israel asa mangendehon sada ende
na imbaru tu Tuhan Jahowa jala ingkon sude do mangendehon hasangapon-
Na i. Molo didok ende na imbaru ima na marlapatan naeng lehonon ni tano
on na dumenggan tu Jahowa. Isi sian ende na imbaru i ima na mandok
Jahowa do Raja. Ende na imbaru ima ende na ruar sian bagasan roha na
imbaru, ima angka naung mangolu di bagasan haimbaruon ni Jahowa.
Ndang habilangan pasupasu dohot pambahenan ni Jahowa di sandok tano
on, ende pujian na imbaru gabe sada cara laho mandok mauliate tu Tuhan
Jahowa molo tung pe ende na imbaru i ndang sebanding dohot pambahenan-
Na i.
Mangendehon ende na imbaru tu Tuhan Jahowa jala mamuji Goar-
Na huhut mamaritahon hatuaonNa ganup ari, ima na naeng siulahonon ni
angka jolma manisia. Dang dipangido Tuhan i asa digarar pambahenan-Na
marhite arta manang sinamot na adong di portibi on, alai holan marhite
mandok mauliate do tu Ibana huhut mamaritahon hatuaon-Na i. Raja David
naeng mangarahon bangso Israel asa dohot marpanindangion taringot
hatuaon ni Jahowa, jala didok di turpuk on ndada holan tu bangso i sandiri
nasida mamaritahon hatuaon ni Jahowa alai dohot do tu bangso parbegu asa
marsomba bangso i tu Tuhan Jahowa, na marlapatan doi asa lam torop
angka na porsea di Tuhan i jala mangolu di bagasan lomo ni roha-Na. Na
songkal do Jahowa mangatasi sude angka debata. Molo tung godang pe
angka debata sileban di tano on, alai ndang adong na boi disejajarhon tu
Tuhan Jahowa na sangap i ala Ibana do nampunasa luhutna huhut na
manjadihon angka langit jala marhuaso di saluhutna, ido umbahen tama
situtu do Ibana pujion jala pujion i dipasahat ma sian ias ni roha.
Jahowa do raja. Saluhut bangso ditogihon laho mamuji Tuhan
Jahowa jala mangendehon ende pujipujian na imbaru. Songon sahalak raja
na sangap di adopan ni angka natorop, songoni ma digombarhon hadirion ni
Jahowa na marmulia i. Parpsalmen manogihon asa marsomba tu Tuhan
Jahowa marhite pahean na marhadohoan. Marsomba tu Jahowa na
marlapatan ma i paunduk roha nang ngolu laho marsomba tu Ibana. Porlu do
pasangaphon Jahowa marhite na marsomba tu Ibana, ndada holan hata
sambing na dipasahat. Marsomba tu Jahowa ndada diulahon songon
rutinitas sambing, alai ingkon hibul do sian roha na ias jala marsomba
dibagasan tondi dohot hasintongan (pat. Joh. 4:24). Marsomba tu Jahowa di
bagasan tondi boi diulahon angka na porsea jala naung mangolu di bagasan
haimbaruon.
Jahowa do Raja di bangsoNa, Raja na mangatasi angka raja, Raja na
manguhum di bagasan hatigoran. Ganup jolma naeng ma hatigoran na masa
di ngoluna. Di halak Kristen, hatigoran i ima hatigoran na marharoroan sian
Jahowa. Sai dipuji parpsalmen on do huaso dohot pambahenan ni Jahowa.
Tarjou do angka na porsea laho mangihuthon hatigoran ni Jahowa. Di
bagasan ende pujipujian on, dipasahat parpsalmen do naso paloason ni
Jahowa angka parjahat laho manggugai bangso-Na, lumobi ma tingki
dibagasan hagaleon bangso i. Sian on boi do tandaon ia hatigoran ni Jahowa
gabe pangondingan di angka na gale dohot na dangol.
 Jahowa do Raja. Marhite huaso dohot hasangapon-Na i, tuat do Raja
i tu portibion gabe jolma, ima Jesus Kristus. Raja na ro mamboan holong ni
Debata tu portibion, mamboan haimbaruon tu jolma, mamboan haluaon
dohot hadameon. Haroro Jesus Kristus, Raja jala Sipalua i, Harajaon-Na hot
do saleleng ni lelengna, ndang songon harajaon na di portibion na holan
parsatongkinan. Nunga ro Ibana marhite na sorang di Betlehem, Raja na
serep marroha na mamboan hangoluan tu saluhutna manisia manang ise na
porsea tu Ibana. Marhite pangungkapon na sahat tu si Daniel, dung talu nasa
huaso portibi ro ma sahalak songon anak ni jolma, jala dilehon ma tu Ibana
pamarentaon dohot hamuliaon. “Dungi huida muse di bagasan angka
pangungkapon borngin, gabe ida ma, ro sahalak marhitehite ombun di langit
i, songon anak ni jolma, jala sahat ibana tu Ibana naso suda ari-Na, jala
tarboan ibana tu jolo-Na. Jala dibasabasahon ma tu ibana pamarentaon
dohot hamuliaon dohot harajaon, jala saluhut bangso, houm dohot halak
parpanghuling marragamragam marsomba tu ibana. Ro di saleleng ni
lelengna do pamarentaonna, naso tupa munsat sian ibana, harajaonna pe
naso tupa pesan do” (Daniel 7:13-14). Ende pujian ni parpsalmen patoguhon
haporseaonna taringot ise Jahowa di ngoluna. Jahowa do Raja, nunga
marpahean hamuliaon Ibana, marpahean tongon Jahowa, nunga dihohoshon
hagogoon : jadi hot ma portibion, ndang tagamon humuntal. Hot do
Habangsa-Na sian na robi, sian saleleng ni lelengna (pat. Psalmen 93:1-2).
Kristus do Raja. Porsea do hita tu Jesus Kristus na gabe Raja, Tuhan,
dohot Sipalua. Hata ni Debata sian Joh.18:37 didok: “Dung i ninna si Latus
ma mandok Ibana : Asa raja do ho? Jadi ninna Jesus ma mangalusi: Songon
nanidok mi ma tutu. Raja do ahu. Umbahen na tubu Ahu jala umbahen na ro
Ahu tu portibion, asa Huhantindanghon hasintongan i. Ganup na sian
hasintongan i tangihonon ni i do soarang-Ku” (Joh. 18:37). Jesus Kristus na
ro i, na tapestahon di Natal paduahon on, Ibana do Raja na bonar jala
marhasangapon. Saluhutna angka na porsea ingkon mamuji dohot
pasangaphon Ibana ala ni denggan ni basa-Na dohot pambahenan-Na na
songkal i. Ndang adong alasan ni angka na porsea ndang mandok mauliate
di saluhut pasupasu ni Jahowa lumobi ma di haluaon na binoan ni Jesus
Kristus na ro tu portibion. Ibana do Raja jala na patut sipujion, antong
endehon ma ende pujipujian na imbaru i tu Ibana jala marsomba ma tu
Rajanta i, gok huaso dohot hasangapon do Ibana ro di saleleng ni lelengna.
III. Sipahusorhusoron
Di masa Natal on, nunga dipaboahon tu hita saluhutna ia Raja na
Bonar jala Sipalua i nunga ro marhite Jesus Kristus, jala haroroNa mamboan
haluaon tu sandok tano on. Ibana ma Raja Hadameon i, na gok holong jala
na Badia. Jahowa do Raja, mangatasi angka raja-raja na adong di tano on.
Turpuk on manogihon hita asa marsihohot marsomba tu Jahowa jala mamuji
Goar-Na. Pamujianta tu Ibana ndada holan di masa Natal on, alai hot ma i
saleleng mangolu hita di hasiangan on. Mamuji Ibana di saluhut angka
pasupasu-Na naung sahat tu hita, ima na gabe responta tu Ibana.
Marhite turpuk on, ditogihon do hita laho marbarita nauli tu saluhut
bangso asa lam torop bilangan ni angka na porsea jala masuk tu harajaon ni
Debata. Torop dope naso mananda jala dang porsea tu Tuhanta i marhite
Jesus Kristus, asa gabe turgasta ma i angka na porsea laho marbarita nauli.
Manghatindanghon Tuhan Jahowa di saluhut pambahenan-Na i marhite
ende pujipujian na tapasahat tu Ibana.
Pesta Natal on laho manogihon hita ndada holan mamestahon
hatutubu ni Jesus Kristus marribu taon naung salpu, alai ingkon marpanatap
do hita tu jolo, ia angka na porsea ingkon ma lam togu haporseaonna, lam
jonok tu Tuhan i, jala ndang lupa marsomba tu Ibana, Raja na Bonar i. Hot
ma haporseaon ni angka na porsea i sahat tu ujung ni parngoluan ala adong
do panghiriman ni angka na porsea ima hangoluan na saleleng ni lelengna
na dilehon Raja na gok huaso i di tingki ro Ibana (Jesus Kristus) padua
halihon tu portibion. Antong, tongtong ma tapasahat pamujionta tu Ibana
jala unduk hita maradophon Jahowa, Rajanta i. Amen.

Pdt. R.A.S Simatupang, S. Th

HKI Res. Bukit Batrem
 MINGGU DUNG ARI HATUTUBU NI TUHAN JESUS
31 DESEMBER 2023
Epistel: Epesus 1: 3-6

Debata do uluan jala mual ni apulapul

I. Patujolo:
Surat Efesus nasinurat ni Apostel Paulus ditikki ibana tarhurung di
penjara Roma hirahira taon 61-62 sesM. Tona naniondoshonna tu huria i;
ima hasadaon dibagasan Kristus. Surat na paandarhon Teologi dohot
ruhutruhut marpangalaho (Etika) na seimbang. Manang dibagi gabe 2
bagian namarasing alai tontong marsirahutan nasada tu naasing; ima bindu
1-3 Namarisihon pangajarion Teologia; Bindu 4-6 marisihon angka poda
sipaingot dohot angka poda marpangalaho. Marhite ojahan marteologianna
di bindu 1-3 gabe ojahan tu pangajarion marpaangalaho di Bindi 4-6. Bindu
1-3 ima napatorangkon taringot tu angka hata pasupasu dohot Tangiang
(1:3-23), napahimpuhon jala pasingkophon tanda pasupasu ni Tuhan Debata
nasingkop jala dirahuti dibagasan hasadaon dohot Kristus Jesus (2:1-3:13).
Tangkas do disuarahon barita nauli di surat Efesus on “Alai tarpatupa Ibana
do andul lumobi sian na tapangido manang tapingkiri, hombar tu hagogoon
na mangkorhon di bagasan hita. Di Ibana ma hasangapon di tongatonga ni
huria i jala di bagasan Kristus Jesus ro di saluhut sundut salelenglelengna!
Amen” (3:20-21).

II. Hatorangan ni Turpuk:

Sude angka naporsea dijou gabe jolma natarpasupasu dipardalanan
ni ngoluna; alai ndang sude jolma tarpasupasu. Pasupasu nanidokna di
turpuk on ima pasupasu partondion namarharoroan sian Debata Ama. Jolma
nataruli di angka pasupasu, tama mamuji Tuhan Debata mual ni Pasupasi i.
Ala ni ido Rasul Paulus manjou hita mamuji Debata Ama mual ni pasupasu
nasahat tu hita jolma: “Pinuji ma Debata, Ama ni Tuhannta Jesus Kristus,
naung umpasupsuhon tu hita ragam ni pasupasu partondion sian banua
ginjang, di bagasan Kristus” (ay 3). Pasupasu Partondion ima: pasupasu
dibagasan pamillitonta gabe anak ni Debata. “Ai dipillit do hita di bagsan
Ibana, andorang so ojak dope tano on, asa badia hita jala so hasurahan di
adopanna i, dibagasan holong ni roha” (ay 4). Pamilliton i ndang ala ni
hebatta manang ala ni pistarta alai tung sian asi niroha ni Debata sambing do
sian sangkap lomo ni rohaNa. Debata do namalillit hita gabe anakNa asa
badia hita ai nabadia do Debata namamillit hita. Jadi massai tangkas
diturpukon tujuan ni pamilliton i ima Asa badia hita jala ndang martihas di
adopanNa tanda na anak ni Debata hita. Ngolu namarhabadiaon ima ngolo
naso mangulahon naramun jala naso martihas di adopan ni Debata, on ma
ngolu nanihalomohon ni Debata dibagasan Jesus Kristus. Mangolu
marhabadiaon marlapatan doi manirang diritta sian angka hagiot ni
portibion jala marsihohot mangolu mangulahon lomo n iroha ni Tuhan
Jesus. Hita mangolu di tongatonga niportibion, alai pangalahotta andul
marasing sian pangalaho portibi; nagiot mangulahon dosa. Gabe tanda hita
anak ni Debata naung tarihot dohot tarpasupasu di Pamilliton hapolinon
marhabadiaon. Pasupasu on boi tadai jala tahalashon holan dibagasan
Kristus Anak ni Debata na badia i. Jala marhite Jesus Kristus dipillit jala di
todo Debata hita gabe angka anak halomoan ni rohaNa (ay5). Massai
ringkot do hita pagomos parsaoranta manang haporseaonta dohot Debata
marhite napasarisari lomo ni roha ni Debata (ndang pasarisari arta
portibuin), ai ido artatta naummarga. Ala ni i massai ringkot idaonta
diturpuk on pasupasu ni Debata na sahat tu hita jolma ndang sian segi materi
(parartaon portibi) alai pasupasu partondion na andul ummarga, dumenggan
sian saluhut arta na di tano on. Songon nanidok ni Tuhan Jesus “ia disi
artam disi do nang roham” (Mat 6:21). Molo tabahen do arta partondioni
naummarga jala marsilongkot di rohatta berarti mamora ma hita di
partondion. Ima arta naso tarallang ngitngit jala naso boi takkoon ni
panakko. Dohot tajom didok Tuhan Jesus di Mateus 16:26 “Ai aha ma
antong gunana di jolma, nang liat portibi on diomo, anggo mago do
tondina? Aha ma tarlehon jolma bahen tobus ni tondina?” mago tondina
dison ima mate manang agoan hosa. Hosa ummarga sian sude arta di
tanoon. Hosa pasupasu ni Debata namassai arga namangkonjar hita
pasangap Debata silehon hosa hangoluani. On ma Pasupasu namassai arga,
namambahen hita mamora dipasupasu partondion namakkonjar hita gok
lasniroha dohot olopolop pasangapon Debata. Aha pe masa dingolutta
manontong do hita marhabadiaon jala matontong pasangap Debata. “Onpe,
na mangan manang na minum hamu, manang dia pe diula hamu: Bahen
hamu ma saluhutna i, pasangaphon Debata” (Pat Roma 10:31). Sude gulmit
ni ngolutta diarahon Pasangap goar ni Debata.

III. Panimpuli
Sude do jolma marsitta sittahon MAMORA manang MARARTA.
Jala tabo do ngolu molo mamora ai marhasunkupan sude angka
naniharingkotton. Molo ni hataan hamoraon, pintor morot do pingkiranta tu
arta portibion, hape adong do pe hamoraon MANAG ARTA diluar ni arta
portibion nauntimbo jala ummarga pangabahanna; Ima mamora di arta
partondion. Ai molo mamora hita dipartondion, gabe Anak ni Debata hita,
teanonta ma sude hamoraon ni Debata Ama naadong dibanua ginjang dohot
na adong di tanoon. Naringkot ingkon jumolo mahita mangalului harajaon
ni Debata ima arta partondioni, dungi tambahononna ma sude angka ondeng
(Mat 6:33). Debata do mual ni pasupasu di ngolutta. Amin

Pdt. Salome Nainggolan S.Th.MM

Kepala Departemen Koinonia HKI
 MINGGU DUNG ARI HATUTUBU NI TUHAN JESUS
31 DESEMBER 2023
Ev : Jeremia 31 : 7-9
Debata do uluan jala mual ni apulapul
I. Patujolo:
Ditongatonga ni panguhumon ni bangsoNa, Debata parholong i
tontong papatarhon holongNa tu bangso pardosa i; asa taruli bangsona
dihasesaan ni dosa, jala manjalo pardengganan sian Debata. Debata
manurathon padan pardamean di roha nang ateate ni bangsoi jala ussatonna
uhum; ai ndang margogo jala tuk bangsoi mangaradoti dohot mangulahonsa.
Debata manggohi padanNa marhite haroro ni Tuhan Jesus napatupa
Haluaon ni bangsoNa. Haloan sahat tu angka jolma naolo ditogutogu jala
mananda Asi ni rohaNa na andul umbalga sian rimasNa. Di padan haluaon
nanilehonNa, Dabata sandiri manogunogu, mangajari bangsoNa mananda
dohot manjalo haluaoni marhite pangkirimon, haposeaon dohot haholongon
ni roha. Diparade Tuhan Jesus do angka nahinirim ni bangso i jala
ditogutogu mananda denggan basaNa marroha mauliate.
II. Hatorangan ni Turpuk
Turpuk jamita on manogihon hita asa bagas manullikkit
haporseaonta tu Tuhan i, nungga olat ni dia hita mananda dohot mangauhon
angka padan nahot nanipasahat ni Tuhan i dingolutta. Dibagasan hapapatar
ni holong ni roha ni Tuhan i, sude nasa jolma dijou parsidohot tu halasan
lasni roha nasian Tuhan i. “Ai songon on do hata ni Jahowa: Marhinsa ni
roha ma hamu marsuraksurak mida si Jakkob, jala marolopolop ma hamu
mida ihutan ni angka bangso parbegu! Pangiar hamu ma soaramuna
mamujimuji jala dok hamu ma: Sai palua ma ale Jahowa bangsom, pasipasi
ni Israel” (ay 7). Joujou dohot panogihonon ni Tuhan tu halasan las ni roha
on marlakku di situasi keadaan ni bangso i nadibagasan pardagolan dohot
hasusaan di habuangan Babel. Artina ditongatonga ni pardangolan dohot
sitaonon boi do tubu lasniroha ala ni pangurupion Asi ni roha ni Tuhan i.
Sude nahassit nadokdok nadirohattai dibuat Tuhan Jesus (Pat BE 452:2,3).
Tuhan manjanjihon parngoluon na gok lasni roha tu sude jolma; na gok
iluilu / tangis). Songon pandohan ni ojahan minggu sadarion “Debata do
uluan jala mual ni apulapul”. Naroma tikkina paubaon ni Tuhan jala
apulionna jala pasupasuonna bangsoNa; dohot syarat ingkon manontong ma
Tuhan i Partogi jala pangurupi di ngolu ni Jolmai. Uju masa angka sitaonon,
parungkilon dohot haberniton di ngolutta, margogo do hita paposhon rohatta
ingkon urupion ni Tuhan i do hita mamolus sude ragam ni hamaolon i
dingolutta ! jala porsea do hita pangurupion ni Tuhan i ndang hea tarlambat.
Ai umbalga do holong, Asi ni Roha ni Tuhan i tu hita sian hita
mangkaholongi diritta sandiri. Untandaan do Tuhan i di diritta sian hita
sandiri mananda diritta. Alani do di sude namasa dingolutta tontong ma hita
marlas ni roha (Pat Filippi 4:4). Aha do alasan natogu manang nahot di hita,
boasa ingkon manontong marlas ni roha mangadopi ragam namasa
dingolutta?
1. Tuhan Pargogo na so hatudosan, jala parasiroha situtu nungnga
manggotap jala mangaropuhi huaso namanundati/ mangaratte hita
bongot tu halasan las ni roha i. Ima dosa mual ni Sitaonon, sorop ni
hamatean. Alai di hadosaon ni jolma i, ro Tuhan i dibagasan
holongNa nabalgai, manesa dosa ni jolma manisia asa malua jolma i.
(Pat Joh 3:16). Onma alasan namassai arga di hita jolma boasa
ingkon marlas ni roha; ala naung diagotap Tuhan i rante ni dosa.
Ndang margogo be dosa i manjorat hita mananda jala marsaor dohot
Tuhan i. Ngolu naholang sian Hata ni Tuhan, ima ngolu
napaholangkon las n iroha dohot pasupasu sian dirina.
2. Tuhan do naparadehon dohot pasahathon las ni roha i di ngolutta.
Tuhan do mual ni lasniroha. Angka jolma naung nananda jala mian
di Asi n iroha ni Tuhan, mian ma dihasesaan ni dosa; jala mian
dohot mangolu ma jolmai di las ni roha nagok jala hot na manontong
dingoluna. Tuhan manontong manogunogu, mamarmahani jala
mangurupi dohot manarihon sude narikkot di pardalanan ni ngolutta,
asal ma manontong hita mian jala porsea di HataNa. Haporseaon,
Pangkirimon, Haholongonta tu Tuhan ndang hea mambahen hita
mandele. Tuhan natontong gabe partogi jala pangurupi di ngolumta.
Dungi angka na ro. “tutu huhut tumatangis dohot marhuraja, Ahu ma
manogihon nasida tu angka batang aek di dalan na hornop”. Ala ni I
manontong ma hita marlas niroha di ngolutta mangadopi aha masa
pe ai pardalanan ni ngolutta on nungnga diboto jala di atur Tuhan,
hombar tu partikkian naung binuhulNa.
III. Panimpuli
Sude do jolma manisia parampuna di hahurangan, hagaleon dohot
dosa. Manang didok dihata na asing sange do jolma i mardosa. Ndang
adong sada pe sian jolma nasempurna. Sude do jolma adong persoalanna,
gale jala sude do hea madabu tu hapariron, sitaonon dohot iluilu. Alai dia do
hasurungon ni naporsea namarsihohot marhaporseaon tu Tuhan Debata?
Hasurungonta songon naporsea mamolus ragam ni sitaonon dohot
parungkilon ndang madabu hita tu pandelean alai boi manontong
marlasniroha. Digodang dohot borat ni si taononta, Debata mangalehon
gogo jala mangurupi hita mamorsan sude namasa i gabe neang jala sonang
pakkilalaanta mamolus sude namasai. Songon pandok ni ojahan ni
minggutta Debata do uluan jala mual ni apulapul di ngoltta. Amin.
Pdt. Salome Nainggolan S.Th.MM
 MINGGU UJUNG TAON
31 DESEMBER 2023
Ep : 5 Musa 31 : 7 – 8

Di Ibana Ma Hasangapon Ro Di Salelenglelengna

I. Patujolo
Molo dihata Ibrani buku on digoari sefer devarim jala dihata Gorik
didok deutronomion na marlapatan angka hata, poda, wejangan na
niulangan dicaritahon. Buku on dipamasuk tu horong buku pentateukh ima
na secara tradisional diakui 5 buku na digurithon ni si Musa. Dung diboto si
Musa naing ro tingkina na ingkon marujung ngolu ibana, jala ditanda si
Musa parange ni bangso i na tangkang marroha. Asa unang songon angka
pangalaho ni ompu nasida i, diulahi si Musa muse mancaritahon angka
uhum manang patik ni Debata tu bangso i. Buku on marisi 34 bindu jala
adong 959 ayat, na digurithon hira-hira taon 1405 sM di dolok Pisga di tano
Moab diperbatasan tano Kanaan. Jala ondolan ni buku on ima : Haimbaruon
padan ni Debata dibagasan haimbaruon ni roha na mangoloi Tuhani.

II. HatoranganTurpuk
Turpuk jamitanta diminggu on ima taringot diujung pardalanan ni si
Musa, na ingkon ro ma tingkina, jala dang taripar ibana tu tano Kanaan. Jala
dipillit Debata ma si Josua na gabe panganti ni si Musa, jala ingkon
ditangan ni si Josua do sahat jala taripar bangso i tu tano na pinarbaga-baga
ni Debata tu nasida, ima tano Kanaan. Ia si Musa las do rohana diangka
sangkap ni Debata, ndada marungut-ungut ibana ala na ingkon diganti si
Josua ibana, gariada las rohana, jala dijolo ni natorop luhutan bangso i
diojakhon si Musa si Josua. Dipaboa si Musa ma tu si Josua kunci sukses di
namangulahon parsuru ni Debata, ima na dihata heber didok : ‫ׇא ַםץ־ׇח ַזק‬
(ametschazaq, good courage be strong) na marlapatan pir ma tondim
(chazaq) jala marsihohot (amets). Diayat 7 dipatorang turpuk on tu hita, ai
diboto si Musa do hahurangan manang hagaleon ni hita jolma molo ro
angka hamaolon ima : Tahuton (‫ׅת יׇר א‬tira, fear) dohot godoron (‫ֵת ׇח ת׃‬tehat,
dismayed) artina molo taoloi tahuton manang godoron, gabe dang taruli hita
diangka huaso pandonganion ni Debata. Jala baliksa, molo ta pasomal-
somal dirinta dibagasan roha namarsihohot jala tondi na pir, gabe taruli ma
hita diangka huaso pandonganion ni Debata.
Molo tardok hita halak na porsea, sahalak na marTuhan, alai molo ro
angka hamaolon tor ganggu rohanta, tor tahuton, tor godoran, nda na
paleahon Tuhan i hita disi, sai hira umgogo ma hamaolon i sian Tuhan
Debatantai, asai ganggu rohanta di huaso pandonganion ni Tuhani? Ido
boasa didok si Musa hata i tu Josua. Saonari sahat ma hatai di hita ruas ni
Huria. Um margogo do Tuhan Debatanta sian ragam persoalan manang
hamaolon na ro tu parngoluanmu, asai unang tahuton, unang godoron, alai
marsihohot ma roham jala pir ma tondim dibaga-baga pandonganion ni
Jahowa Debatam. Antar songon dia ma pandonganion ni Tuhan i
digombarhon dibagasan turpukta on? Adong opat pangantusion
pandonganion ni Tuhan Debata dihita angka na porsea na so olo tahuton jala
godoron, ima :
a. Jahowa sandiri ma dalan diadopanmu
b. Debata mandongani ho
c. Dang marsombu Debata
d. Dang tadinghononna ho
Molo tarimangi tangkas turpuk jamitanta on, sasintongna molo
marsitutu hita na marTuhan i, dang adong be alasanta laho tahuton manang
godoron, siala adong do Tuhan Debata na mangurupi hita, jala um gogo do
Tuhanta i sian nasa ragam hamaolon i. Alai na hurang pos do rohanta tu hata
ni Tuhanntai, umtinggil hita tu hata-hata ni namasai di portibion
martimbanghon hata ni Debata, laos i do na mambahen mintop
haporseaonta, gabe tubu jala margogo ma hatahuton manang hagodoron
dibagasan ngolunta. Ingot ma, dipasingot turpuk jamita on hita angka na
porsea, dihasogohon Debata do roha na tahuton manang godoron.

III. Hahonaan Ni Jamita

Goar ni minggunta sadarion ima ujung ni taon, jala ondolan ni
jamitanta ima : Di Ibana ma hasangapon ro di salengnilelengna. Molo sahat
hita diujung taon, tontu nunga tabolus pardalanan sataon bolon; gok las ni
roha, arsak jala habot ni roha. Alai nang pe songoni, boi do hita sahat tu
ujung ni taon on, molo sian partondion sada halongangan bolon do i na sian
Debata tu ngolunta ganup marsada-sada. Molo ta parsangapi sasahalak,
tontu siala na taetong do ibana tolap mangurupi, mamodai jala
patureturehon ngolunta. Songon hita na mamparsangapi natorasta, siala
taetong jala tahilala do natorasta mangurupi, mamodai jala patureturehon
ngolunta. Ondolan ni jamita on mangarahon hita asa ta pasahat ma
hasangapon sisaleleng ni lelengna holan tu Debata. Alai boha ma carana boi
hita mamparsangapi Debata, molo ro hamaolon tor tahutan jala ganggu
rohanta di angka pangurupion, pamodaion jala huaso ni Debata na
patureturehon ngolunta? Ingkon umbalga do haporseaonta sian angka
hatahutonta, di situasi sisongoni ma gabe marsangap ma Tuhan i, laos disi
ma dipapatar Tuhan i huasoNa di nalaho parmudumuduhon ngolunta. Alani
i, dipangido turpuk jamitaon asa tagotaphon ma roha na tahutan jala na
godoron sian ngolunta, tapapos ma rohanta dihuaso ni Debatanta songon
ende no. 775 “unang holsoan, unang tahutan, di Debatanta soada na hurang.
Unang holsoan, unang mabiar, haposi Debata”. Amen.

Pdt. Ewen Josua Silitonga

 MINGGU UJUNG TAON
31 DESEMBER 2023
Evangelium : Heber 13 : 20 – 21

Di Ibana Ma Hasangapon Ro Di Salelenglelengna

I. Patujolo
Buku Heber dang goar ni na manggurithon buku on alai secara
tradisional dihaporseai huria na parjolo na manggurithon ima apostel
Paulus. Secara tradisional buku on digurithon laho mamodai, paposhon roha
jala mangapuli halak Kristen Ibrani na adong dipangarantoan Italia na
berbahasa Gorik, asa tongtong porsea tu Tuhan Jesus (13:24), siala hatihai
masa pangalelean tu halak na Kristen. Dibuku on godang mancaritahon
pangajarion ni Jesus dohot adat ni Jahudi. Buku on marisi 13 bindu jala
adong 303 ayat. Digurithon hira-hira taon 67-69 Masehi di huta Miletus
Italia (13:24). Jala ondolan ni buku on, ima patoranghon hasurungan ni
Tuhan Jesus sipaluai.

II. Hatorangan Ni Turpuk

Turpuk jamitanta on marisi poda dohot tangiang haluaon sian apostel
Paulus tu angka na porsea tu Tuhan i diragam ni angka situasi namaol na
niadopan nasida. Songon dia ruas ni Huria i ingkon tongtong holong rohana
tu dongan (13:1), partamue (13:2), ingot di angka na tarhurung jala na
manaon na porsuk (13:3), sangap dibaen pardongansaripeon unang diramuni
(13:4), unang marholong ni rohatuhepeng, posrohatuTuhani (13:5-6). Ingot
di angka na manguluhon jala napaboahon hata ni Debata, unang muba roha
songon Kristus na hot nantuari, sogot sahat rodi saleleng ni lelengna (13:7-
8). Unang olo diela-ela poda haliluon, pos roha tu huaso ni Tuhan Jesus
(13:9-15), unang lupa mambahen na denggan dohot ulaon asi ni roha
(13:16), tangihon jala oloi angka na manguluhon hamu (13:17).
Tangianghon angka na marhaladoi hamuna asa margogo ibana diulahon
marhaladoi (13:18-19).
Adong hata na mandok: Ndang mangkuling sada tangan laho
martopap, maksud ni hatai mandok ndang mungkin adong pangkuling ni
partopapon molo so sauduran manang dua tangan. Suang songoni ma, ndada
mungkin jalaoonta asi ni roha ni Debata si pardamei molo hita sandiri dang
olo sauduran manang sadalanan dohot sangkap ni Tuhani. Diayat 20 on
tangkas dibaritahon apostel i tu hita ise do Jesus i? Adong piga-piga
pandohan na dipangke apostel i laho patoranghon ise do Jesus i dibagasan
turpuk on, ima : Θεοςτήςείρήνη (theosteseirenes, God of peace)
namarlapatan Debata sipardame, Ποιμένα τώνμέγας (poimena ton megas,
shepherd of the great) namarlapatan siparmahan bolon, jala
ΚύριοςέγώΙέσούς (kuriosego Iesous, Jesus lord of us) namarlapatan Jesus
Tuhanta. Lam tangkas ma taboto, ia Jesus ima Debata Sipardame, parmahan
bolon jala Tuhan. Asai unang be ganggu hita dihaporseaontai, siala lam
leleng sai lam martamba do poda haliluon napasoadahon haDebataon ni
Jesus. Diayat 21, tangkas dipaboa apostel i Jesus i do upanta, Jesus i do
gogonta, Jesus i do na patauhon hita asa tongtong hita patupahon ulaon na
denggan jala halomoan ni roha. Hata patauhon dihata gorik dipangke hata
καταρτίζω (katartizo, euip) namarlapatan: Mandongani, pahothon,
patandaphon, mangalinggomi. Artina, sian hata kartatizoon boi ma antusan:
Molo holang ngolunta sian Jesus, tontu ingkon angka na ramun jala na roa
ma angka parbue ni ngolunta. Alai molo hot jala manontong do hita
dibagasan Jesus i, angka nauli jala na denggan ma parbue ni ngolunta.
III. Hahonaan Ni Jamita
Goar ni minggunta sadarion ima ujung ni taon, jala ondolan ni
jamitanta ima: Di Ibana ma hasangapon ro di saleng ni lelengna. Molo sahat
hita di ujung taon on, tontu nunga tabolus pardalanan sataon bolon na gok
las ni roha, gok arsak jala habot ni roha. Alai nang pe songoni, boi do hita
taripar sahat diujung ni taon on, molo tarimangi sada halolangan bolon do i
na sian Debata tu ngolunta ganup marsada-sada. Laos marhite-hite angka na
masa na nunga tabolus i boi ma antusanta, ai dipangke Debata do sude
angka na masa; las ni roha nang habot ni roha laho patulushon sangkapNa tu
hita ima sangkap haulion dohot hadengganon, nasipata jotjot maralo tu
sangkap ni rohanta. Nunga diparmudumudu Tuhan i hita sahat tu ujung ni
taon on, antong aha do balosnai talehon tu Tuhani? Ndada sere manang
perak na dipangido Tuhan i sian hita, alai tapasahat ma nasa hasangapon
saleleng ni lelengna. Pasahathon sangap tu Tuhan i, ima marhite-hite
taulahon lomo ni rohaNa ima ulaon na dengan, jala tapadao sogo ni rohaNa
ima ulaon dosa. Jala ulaon pasahathon sangap tu Tuhan i ndada ulaon
parsatongkinan, manang ulaon sian roha-roha na mubauba. Alai ingkon
saleleng ni lelengna, molo dihata gorik di pangke hata αίών ό αίών
(aionhoaion, ages of the ages) na marlapatan hot, so mubauba. Nasa na
ditano on boi sambing muba, taon, ari, bulan, tingki mubauba. Alai sada na
so boi muba sian ngolu halak na porsea ima : Mangulahon na denggan, jala
padaohon diri sian ulaon dosa. Amen.

Pdt. Ewen Josua Silitonga