Perkawinan Sasuku

Assalamualaikum..
Kali ini kelompok kami ingin menampilkan film tentang perkawinan sasuku yang
akan kami mainkan bersama teman-teman sekelompok.

NAMA ANGGOTA KELOMPOK

1.AULYA MELANI PUTRI (PENULIS NASKAH)
2.MEIZIL RUBEN (SUTRADARA)
3.A RIZQI SAPUTRA (NARATOR)
4.RANGGA DESRA NOPENDRA (EDITOR)

PEMERAN
1.FIRDAUS PUTRA (AHMAD)
2.INTAN RAFIFAH (SITI)
3.AZZAHRA MUFLIHA (MARNI)
4.ZENO FAHMI AKBAR (IWAN)
5.ZASKIA AULIA (BU AMINAH)
6.DAFFA MULIHADI (PAK MAHDI)
7.DANDA YUNI SAPUTRA (DT.RAJO MANGKUTO ALAM/EDI)
8.MAHARANY YUANITA ARDA (JAMILA)
9.AURELYA SELKI (IBU YARNI)
10.ADITYA PRATAMA (FATIH)
11.NASWA SALSABILA (RATIH)
12.ZULIZAH (CACA)

AHMAD : PEMERAN UTAMA

SITI :PEMERAN UTAMA
MARNI :MANTAN AHMAD
IWAN :SUAMI MARNI
BU AMINAH :IBUNYA SITI
PAK MAHDI :AYAHNYA SITI
DT RAJO MANGKUTO ALAM :MAMAK DI KAMPUNG
JAMILA :ADIK SEPUPU
IBU YARNI :IBUNYA JAMILA
FATIH :ANAK IBU RATIH
RATIH :IBUNYA FATIH / BAKO SITI
CACA : SAHABAT SITI

PEMERAN PEMBANTU
ELAN (AULYA)
NEVAN (RUBEN)
YOGI (PUTRA)
GIO (RANGGA)
 Kisah iko tajadi di sabuah kampuang Luhak Sakato, yang dima
kampuang ko urang padusunannyo ramah dan kuek jo pasatuan adat
Minang dan santun jo
agamo. Kaluarga Pak Mahdi tamasuak kaluarga yang kuat jo pasatuan
adat. Beliau sabana dihargoi samo urang-urang di kampuangnyo. Pak
Mahdi punyo saurang anak gadih yang banamo Siti. Dikisahkan Siti ko alah
lamo manjalin kasiah jo Ahmad.
Carito ko dimulai katiko si Ahmad jo Siti sadang mangecek di taman.
Tibo-tibo se si Ahmad ko nio mangecek serius jo si Siti untuak
kalanjutan hubungan mereka baduo.

ADEGAN 1
Ahmad : ’’Adiak, uda kamangecek serius jo adiak. Baiko diak, kito alah lamo
manjalin cinto,uda nio hubungan awak iko lanjut ka janjang
pernikahan. Ba’a diak karancaknyo? Apo adiak nio?
Siti : “Iyo uda sayang, iyo bana tu da. Iti lai tau da. Alah lamo siti
baharok uda kamangecek serius ka Siti, Siti sanaaang mandangannyo
da,siti nio bana manikah jo uda.” (tersenyum)
Ahmad : “Makasi yo adiak sayang! Alah nio manarimo cinto uda untuak
ka janjang nikah. Uda sayang banaa jo siti.
Siti : ’’Iyo samo-samo uda. Siti pun sayang bana jo uda, indak
saba Siti kamanunggu hari nan bahagia tu
Ahmad : “Kini baiko ajolah diak, uda nio batamu samo urang tuo adiak,
untuak maminang adiak.”
Siti : “Jadih da, bilo uda nio karumah siti?”
Ahmad : “Sacapeknyo diak, insyaallah minggu nan kadatang.”
Siti : “Jadih da, beko Siti sabuik ka amak jo apak siti.”
Ahmad : “Iyo diak sayang.” (tersenyum)
(sadang lamak lamak nyo mangecek. Kebetulan bana mantan pacar
Ahmad, si Marni lewat samo pasangan barunyo).
Marni : “Eeeeh, tunggu dulu sayang! Yang duduak tadi tu kayaknyo Marni
kenal lah.” (sambil mundur)
Iwan : “Emangnyo tu siaa diak?
Marni : “Capeek se lah daa!”
(Marni jo Iwan pun menghampiri si Ahmad jo si Siti).
Marni : “Ondehhhh! Kecek den sia lo tadi ko, ruponyo mantan
lamo den mah. Sajak bilo uda bapacaran jo paja ko da?” (menyenggol
siti)
Ahmad : “Oiiii, kau mah Mar. Manga kau ikuik campua juo, kok kamanga den
tu urusan den. Lah lamo den bapacaran jo siti ko, lai tau kau?”
Marni : “Alahh, gaya uda lai! kabalagak pulo uda jo den,indak iri aden jo
udado. Den alah nikah da, iko pasangan den, lai tau uda. Oh yo, bilo
kalian baduo kamanyusul bantuak kami baduo ko? iyo kan sayang?’’
Iwan : “Iyo adiak sayang, jadih inyo nan si Ahmad mantan adiak
ko? Ganteng uda lai ndak?”
Marni : “Oh, kalau uda dibandingan jo uda Ahmad ko, jauh tingga uda mah,
uda buruak nyo, hahah. (tertawa) maaf yo sayang
bagarahnyo da. Hahaha..
Iwan : “Iyo diak sayang, bantuak karancak pulo adiak mah. Hahaha!”
Marni : “Hahah, alah tu ma sayang. Maaf uda Ahmad, bilo ko kalian
kamanyusul bantuak kami?”
Ahmad : “Oh, kau caliak se lah bisuak Marni, pasangan ma nan paliang
romantis! Aden undang bagai kau. Datanglah kau Marni jo laki kau
ko.”
Marni : “Jadiah da, kami tunggu! Marni pai lu
da, daaa uda Ahmad!” (melambaikan tangan)

(Siti maraso camburu karano perlakuan Marni. Siti indak saba

mananti hari pernikahannyo, agar Marni indak manggaduah
baliak).
(Sesampai nyo di rumah, Siti sacapek
mungkin maagiah tau urang tuanyo tentang rencana Uda Ahmad
yang akan segera meminangnyo).

ADEGAN 2
( katiko siti balari kaarah rumahnyo siti talando jo caca)

Caca :”aduuuhhhh…..”
Siti “:maaf maaf dak sangajo do”
Caca :”ehh sitii kiro ma, mangapo siti dak maliek - liek bajalan bagageh se
ma ado apo tu?”
Siti :”hati siti kini sedang sanang bana ma ca”
Caca :“ado apo tu siti caritoanlah ka caca”
Siti :”siti ka di pinang dek ahmad ca”
Caca :”wiihh bilo tu ti, sanang caca mandanga ee ma, akhir ee ti dipinang jo
dek urang”
Siti :”kecek ahmad ma lai sacapek ee nyo tibo ka rumah ma ca “
Caca :”ooo.. iyoo duluan jo siti kiro ee ma, lah dari ketek wak bakawan laii
batinggaan se caca surang”
Siti :”hahahhhh ba aa jo lai ca lah itu lo takdir ee, caca susul siti secapek
ee bisuk yo”(tertawa terbahak-bahak)
Cacaa :”kok ado jodoh ca bisuk ca nyusul ma hahahhhh”(sambil tertawa
kecil)
Siti :”yolah ca siti pulang ka nyabuik ee ka amak lu”

ADEGAN 3
(Siti pun menuju kerumahnya)

Siti : “Amaaaakkk... Siti nio kamangecek jo amak, duduklah amak

dakek Siti dulu agak sabanta!”
Bu Aminah : “Iyooo nak, kamangecek apo Siti?” (duduk)
Siti : ’’Baiko mak, minggu bisuak insya Allah uda Ahmad nio batamu
ka rumah awak mak, uda Ahmad ka maminang Siti.”
Bu Aminah : “Iyo bana tu Siti? Iyo lah nak, beko amak kecekan jo apak kau Siti,
bia apak kau maimbau sanak wak sadonyo.”
Siti : “Iyo mak, parasaan Siti sanang bana kini mak,karano urang nan Siti
cinto akhirnyo kamaminang Siti.
Bu Aminah : “Iyo nak, Rancak nah tu.”

ADEGAN 4
(pak mahdi pun tibo di rumah pas bu aminah dan siti sedang berbincang
soalnya siti akan dipinang oleh ahmad)

Pak mahdi :”assalamualaikum”

Bu aminah :”waalaikumsalam”
Siti :”waalaikumsalam, lah pulang apak ma”
Pak mahdi :”iyooo tadi sabantanyo, apo yang kalian kecek an tu?serius bana
bantuk ee ma?”
Siti :”ibuk se laa yang jalehan ka apak”
Bu aminah :”baiko pak anak wak siti nyo ka dipinang dek urang”
Pak mahdi :”siapo ka maminang siti minah?”
Bu aminah :”ahmad namo ee pak”
Pak mahdi :”tu bilo nyo ka kasiko?”
Siti :”keceknyo lai sacapek ee ma pak”
Pak mahdi :”oooo gituu beko sore apak pai ka rumah sanak wak sado ee apak
kecek an berita ko ka bako kau gai apak kecek an”

ADEGAN 5
(sore harinya pak mahdi pun datang kerumah adik perempuannya yaitu
bakonyo si siti)

Pak mahdi :”assalamualaikum” (sambil ketok pintu tok tok tok…..)

Fatih :”waalaikumsalam” (sambil membuka pintu)
Fatih :”eh adang ma masuk lu dang ado apo dang kasiko?”
Pak mahdi :”mano ama ang nyo?”
Fatih :”ama pai kalua tadi dang, tunggu sabanta dang palingan sabantalai
pulang ama”

ADEGAN 6
(tidak lama kemudian ratih pun pulang)

Ratih :”assalamualaikum”
Pak mahdi :”waalaikumsalam’
Fatih :”waalaikumsalam”
Ratih :”ehh ado uda ma, minum teh da fatih ko dak nyo buek an adang ee
minum”
Pak mahdi :”kopi se lah buek an den lah lamo lo den dak minum kopi kau”
Ratih :”jadii daa”

(ratih pun buek an kopi untuk pak mahdi)

Ratih :”ko da minum lah dulu da”

Pak mahdi :”makasih lah buek an kopi ko”(sambil minum kopi)
Ratih :”manga uda kasiko da? Ado apo tu?”
Pak mahdi :”jadi giko ratih siti nyo ka di pinang dek urang jadi aden kasiko
manyampaian berita ko kasiko”
Ratih :”ondeh anak pisang jolong den lah kadi pinang lo dek urang”
Fatih :”bilo lo siti ka di pinang dek urang dang?”
Pak mahdi :”kecek nyo ma lai sacapek ee nyo ka rumah awak ma yang laki laki
tu”
Ratih :”tu ado kabakumpu lo bisuk da?”
Pak mahdi :”iyoo kau harus pai yo ratih”
Ratih :”idak bana uda suruh den, den lai ka pai jo nyo anak pisang den aaa
baru iko lo yang ka mancubo lu”
Pak mahdi :”jadii den tunggu di rumah bisuk yolah uda pulang lu yo, ka
mangecek an ka mamak siti bagai, assalamualaikum””
Ratih :”waalaikumsalam elok-elok da”

ADEGAN 7
(pak mahdi pun pulang dan menuju kerumah mamak edi)

Pak mahdi :”assalamualaikum”(ketuk pintu tok tok tok)

Mamak edi :”waalaikumsalam, masuklah dik duduk”
Pak mahdi :”jadi maksud kadatangan kasiko nio ngecek an ka mamak kalau siti
ka dipinang dek urang kalau dapek mamak tibo”
Mamak edi :”jadii pasti mamak tibo, ehh dak minum lu?”
Pak mahdi :”dak usah lah mak tadi lah minum di rumah ratih”
Mamak edi :”oooo gituu tu bilo awak ka bakumpu?”
Pak mahdi :”bisuk malam mak kumpu keluarga se lu mak”
Mamak edi :”jadii jadii bisuk mamak tibo kasitu”
Pak mahdi :”itu nyo mak pulang lu mak, assalamualaikum”
Mamak edi :”waalaikmsalam”

ADEGAN 8
(malam itu pun keluarga besar siti datang)

Ratih :”assalamualaikum”
Fatih :”assalamualaikum”
Mamak edi :”assalamualaikum”
Pak mahdi :”waalaikumsalam masuk masuk”(mempersilahkan duduk)
Bu aminah :”sitii…”(teriak)
Siti :”iyooo ma tunggu sabanta”
Bu aminah :”buek an minum bako jo mamak iti ko aa nak”
Siti :”iyoo mak”

(siti pun buek an minum)

Siti :”iko dang,uwo minumlah”(mengasih minum)

Mamak edi :”makasih nakan”
Siti :”iyoo dang samo samo”
Bu aminah :”minum lah da uni minumlah”
Ratih :”iyo ka baralek jo awak kiro ma, bisuk uwo japuik jo agiah bungo
piti”
Siti :”iyoo bana tu wo?”
Ratih :”iyoo lah nyo anak pisang jolong yang dak ka uwo japuik dak ka
mungkin do kok bisa 7 hari 7 malam awak baralek”(tertawa kecil)
Siti :”uwoo ado ado se ma”(tertawa kecil”

(semuanya dibincangkan mamak edi dan ratih pun pulang)

(Saminggu sudah tu, hari yang ditunggu-tunggu alah tibo. Ahmad pun
bakunjuang karumah Siti)

ADEGAN 9
Ahmad : “Asalamualaikum..” (menokok pintu)
PakMahdi : “Iyo, wa’alaikumsalam, masuak-masuak!Mariduduak
disiko awak basamo!”
Ahmad : “Iyo pak!” (sambia duduak)
Pak Mahdi : “Minah, oi minah, tolong ambiak an minum!”
Bu Aminah : “Iyooo, iyo daaa, tunggu sabanta!”
Pak Mahdi : “Dari ma nak Ahmad tadi ko, apo maksud dan tujuan nak Ahmad
datang kamari?”
Ahmad : “Iyo pak, maksud tujuan awak kasiko, awak nio maminang anak
gadih apak si Siti. Karano kami baduo alah lamo
manjalin cinto, alangkah rancak nyo hubungan iko dilanjuik an
ka janjang parnikahan pak.”
Pak Mahdi : “Oh, iyo bana tu nak Ahmad. Lai sarius nak Ahmad tu? Alah
siap Ahmad kabarumah tanggo jo anak apak si Siti?”
Ahmad : “Yo pak, kini ko awak alah karajo pak, insyaallah awak siap.”
Pak Mahdi : “Iyo, kini apak kabatanyo ka mamak Siti lu yo, mintak pasatujuan
mamaknyo. Ba’a manuruik pandapek mak Edi?”
Mamak Edi : “Makasih sabalumnyo, kini ko nak Ahmad alah siap manaruihan
hubungan ka janjang pernikahan. Sabalum itu, awak harus tau titiak
tarangnyo selah, saudara Ahmad barasal dari kampuang mano dan
apo suku nak Ahmad?”
Ahmad :“kampuang wak di koto marapak,suku wak chaniago pak.”
Fatih :”hah caniago?”
Ratih :”apo…!(sambil berdiri)

Pak Mahdi dan mamak Edi takajuik mandanga kato

Ahmad, karano suku ahmad samo jo suku kaluarga siti.
Pak Mahdi yang mulonyo sanang manyambuik kadatangan Ahm
ad kini baganti luko. Dari baliak pintu, Siti mandangaan
pambicaroan tu. Karano kurang jaleh, Siti barusaho mandangaan
labiah jaleh.

ADEGAN 10
Mamak Edi : “Hmm, maaf sabalunnyo yo nak Ahmad, bukannyo kami malarang
niek elok nak Ahmad ko, tapi suku nak Ahmad jo kami samo.”
Ahmad : (takajuik) “Apo? Makasuik mamak Edi apo? Awak
indak mangarati, tolong dijalehan. (cameh)
Mamak Edi : “Baiko Mad, maksud carito mamak, kalian baduo tu ciek suku. Kalo
sasuku tu indak buliah manikah,karano akibatnyo hukum adat akan
mambaliak sadonyo ka kalian baduo, beko ado-ado se nan
tajadi.”
Ahmad : (tadiam) “Yo, mak.”

. Hati Ahmad saraso ramuak mandanga panjalehan dari

mamak Siti. Ahmad indak manyangko bisa mode ko jadinyo
Rasonyo Ahmad ingin pai dari rumah Siti karano
indak kuek untuak manarimo kanyataan iko,
tapi ahmad mancubo untuak tetap manahan
raso yang ado di dalam hatinyo.
Pak Mahdi : “Maaf nan sagadang-gadangnyo ateh namo kaluarga kami. Mulai kini
juo Ahmad indak usah bahubungan lai jo si Siti, iko untuak kabaikan
kalian baduo nantinyo.”
Ahmad : (diam sabanta) “Iyo pak, awak tarimo. Tapi sampai mati pun awak
tetap mencintai anak apak si Siti, awak indak bisa malupoan Siti do
pak.”
(Siti yang mancigok di baliak pintu pun tanyato
mandanga apo yang tajadi di ruangan tu. Siti yang indak
tarimo masuak ka ruangan tu)
Siti : “Indak mungkin!” (manangih) “Siti cinto jo uda Ahmad pak, Siti
indak bisa hiduik tanpa uda Ahmad pak.”
Mamak edi :”kau dak bisa jo inyo do siti, kau jan mambantah jo apo keputusan
aden ko”(nada marah)
Pak Mahdi : “Indak ado carito doh, kini juo kau lupoan cinto kau jo paja tu.”
Siti : “Siti indak bisa pak, dang. Uda jan diam da, jaweklah siti da!”
Pak Mahdi : “Apo lai nan kadijaweknyo, kini juo nak Ahmad pailah dari siko!”
Ahmad : “ Iyo pak, awak pai jauh dari kampuang iko pak. Asal apak tau
cinto Ahmad ka Siti indak kan baranti sampai di siko pak, awak indak
bisa kehilangan siti pak. Siti, maafkan uda Ahmad, Siti. (Pai dengan
barek ati)
Siti : “Uda Ahmadddd tungguuu..”
Ratih :”alah ma siti nikah sasuku tu dak akan elok kamungko ee do!”

ADEGAN 11
(elan rafi yogi dan gio lewat di depan rumah siti)
Elan :”woii woii calik tu aaa di rumah siti ado apo tu”
Nevan :”iyoo ma ribuik-ribuik bantuk ee ma”
Yogi :”awak intip se lah lu jan kasitu lo lai anta di situ sedang ado masalah
keluarga “
Gio :”iyoo jo ma batuh kecek yogi tu siko lah wak lu”

Pak Mahdi, ratih dan mamak Edi manahan Siti. Siti yang taruih
mambarontak akhirnyo lapeh dari ganggaman tangan bapak dan
mamaknyo, siti pun lalu balari
mangaja Ahmad. Namun, Siti alah kahilangan jajak
uda Ahmad, kini hatinyo subana bana hancua, aia matanyo
mengalia dareh. Tanpa
disangajo Siti menyenggol Marni yang kebetulan sadang lewat.
Siti : “Udaaaa…. tungguuu, di ma udaaa???” (tersenggol marni)
Marni : “Hoiiiii, kalau jalan tu pakai matolah, dima kau latak an mato tu!
Ooohh kau ruponyo mah Siti.”
Siti : “ma, ma maaf.”
Marni : “Iyo, manga kau manangih siti? Ibo bana den caliak kau Siti.”
Siti : “Jan mangecek juo kau lai marni, sakik kapalo den mandangaan
cameeh kau tu.”
Marni : “Ooops sorry Siti, aden indak tau doh. Baa rasonyo, lai
lamak ndak. Eeewww..”
Siti : “Pai kau dari siko.” (sambia manangih)
Marni : “Iyo, iyoo, iko aden kapai haahh. Dada Siti (malambaian tangan)

ADEGAN 12
Siti pun kahilangan jajak, indak batamu jo uda Ahmad, dan Siti pun
akhirnyo pulang ke rumah di perjalanan pulang siti pun ketemu dengan elan
nevan yogi dan gio.”

Elan :”ehhh sitii dek apo siti?”

Siti :”dak do ba aa do lan”
Elan :”iyo bana? Tadi ribuik-ribuik nampak dek kami di rumah?”
Nevan :”iyo siti ado apo tu sabuik an lah ka kami”
Siti :”makasih kalian alah perhatian ka siti, siti lai dak ba aa do”
Elan :”sriuss ko siti? Bia lan antaan pulang lan takuik siti beko tajadi yang
idak-idak dijalan”
Siti :”dak usahlah siti dak nio marepotan kalian do”
Elan :”dak do kami repot do iyo kan gess?”
Nevan yogi gio :”iyoo capeklah siti kami antaan”
Siti :”makasih yo kalian lah elok ka siti”

(mereka pun mengantarkan siti pulang)

ADEGAN 13
(Setelah kajadian yang tajadi jo hubungannyo basamo Siti, Ahmadtaruih
bapikia untuak mancari solusinyo, tiboa-tibo HP Ahmad berdering).

Ahmad : “Hallo, assalamu’alaikum.”

Jamila : “Wa’alaikumsalam.”
Ahmad : “Maafo, iko sia ko?”
Jamila : “Iko Jamila da, ba’a kaba uda kini? Lae elok-elok se?”
Ahmad : “Lai, uda lai elok-elok jo diak.”
Jamila : “Uda indak baduto kan? Jamila alah tau da, apo nan tajadi jo uda
samo padusi yang banamo Siti tu.”
Ahmad : “Kok iyo Jamila tau apo yang tajadi samo uda, kini apo tujuan
Jamila manalepon uda diak?”
Jamila : “Jamila manalepon uda tu untuak maajak uda ka Malaysia. Sebab
Jamila ka pai marantau ka situ. Uda, ko ibu nio mangecek jo uda.”

ADEGAN 14
Mandanga saran dari adiak sapupunyo, Jamila, Ahmad jadi tertarik untuak
ikuik basamo adiak sapupunyo tu ka Malaysia, agar jauah dari kampuang
halamannyo. Walaupun harus bapisah jauah jo Siti, gadis yang di cintonyo.

Ahmad : (malamun)
Ibu Jamila : “Hallo Ahmad, hallo!”
Ahmad : (takajuik)”Ha, hallo, iyo ibu, ado apo bu?”
Ibu Jamila : “Manga kok diam jo ang, dari tadi ibu panggiah-panggiah lae.”
Ahmad : “Indak ado do bu.”
Ibu Jamila : “Pasti ang mamikian padusi tu ndak?”
Ahmad : “indak ado do bu”
Ibu jamila : “jan panduto jo ag mad. Amak la tau dari si Marni mantan wa ang,
kini ba’a dipikiran Ahmad? Kalau pandapek ibu iyo rancak ag ikuik
ka Malaysia jo Jamila, buliah bisa ang manjago adiak ang di rantau
urang nak, capek jo lambek ang bisa pulo malupoan Siti nak.”
Ahmad : “Iyo lah bu, Ahmad satuju samo pandapek ibu, bisuak pagi Ahmad
barangkek ka tampek ibu. Tapi sabalun Ahmad barangkek ka
 Malaysia bisuak bu, izinkan Ahmad untuak pae mancaliak Siti bu,
walaupun dari jauah.”

Suaro azan bagitu jaleh tadanga di telingo Ahmad, saolah-olah

mamanggianyo untuak segera beribadah, salasai melaksanakan
ibadah sholat subuah, ahmad pun segera barangkek, untuak pai
karumah saudaranyo, yaitu ka rumah jamila dan ibunyo.

Ahmad : “Assalamu’alaikum,” (ndak ado yang manjawek) “Mano lah urang

ko, ndak ado lo ibu jo mila ko dirumah do ndak.”
(ndak lamo Jamila dan ibunyo datang dari balakang Ahmad, mereka
baduo baru se pulang dari pasa)
Ibu Jamila : “Ondeee, alah sampai ang nak, jam bara ang barangkek? Masuak
lah nak, Mila bawa balanjoan ko ka dalam nak!”
Jamila : “Iyo bu. Masuaklah uda Ahmad! Tambah ganteng se uda kini ma.”
(tersenyum)
Ahmad : (Cuma tersenyum)

ADEGAN 15
(saminggu kemudian caca bertamu kerumah siti sedangkan siti sedang duduk
di depan rumahnya sambil melamun)

Caca :”assalamualaikum”
Siti :”(siti hanya melamun dan tak menjawab salam dari caca)”
Caca :”sitiiii, dek apo siti kok malamun se?”(sambil menyenggol siti)
Siti :”eh caca bilo caca tibo?”
Caca :”tu ma dek malamun jo dak tau urang tibo,apo yang siti pikian?”
Siti :”hehehe dak do do ca”(sambil nyenggir)
Caca :”ba aa acara patang ti lai lancarkan?”
Siti :”idak ca kacau sado ee ca”
Caca :”apo yang tajadi ti caritoan lah ka caca”
Siti :”dak tau do ca anta dari mano ka di mulai mancaritoan ee”(siti pun
menangis)
Caca :”jan mananggi lo siti tarik nafas cubo caritoan ka caca”(sambil
memeluk siti)
Siti :”kiro ahmad sasuku jo siti ca,sakik hati siti danga ee ca”
Caca :”hah sriuss ti?sabalum ee dak do ti tanyo suku ee do?”
Siti :”idak ca dak do takana dek ti nanyoan itu do ca”
Caca :”kok itu yo barek ma ti, tu ba aa kini, saran caca si cubo ti ikhlasan
kalau lah sasuku tu iyo lah payah bana ma jan malawan hukum adat ti
itu pasan caca ciek nyo”
Siti :”iyo ca tapi untuk ikhlas tu dak mudah do ca barek hati iti ca”
Caca :”iyo ti cubo lambek lambek pasti bisa caca yakin siti pasti bisa, caca
pulang lu ti tadi ado paralu di chet dek ama caca”
Siti :”iyo ca elok-elok di jalan yo ca”
Caca :”iyo ti caca pulang lu’9sambil jalan pulang)

ADEGAN 16
Satu bulan balalu, salamo tu Siti indak pernah mandapek kaba
tentang Ahmad. Kegiatan Siti tiok hari hanyo melamun, indak nio makan,
di pikirannyo hanyo uda Ahmad. Sampai kini Siti masih tertekan
perasaan karano indak kuek manarimo masalah yang tajadi, indak sedikit
pun parasaannyo barubah terhadap Ahmad, malah siti semakin marinduan
laki-lakitu. HP Siti babunyi, tanyato tu pasan dari uda Ahmad. Ahmad pamit
ingin pai marantau jauah.
(Pak Mahdi yang kebetulan lewat, marabuik HP Siti)

Siti : (kringgg) “Hah dari uda Ahmad.” (sanang dan mambaco

pesan)
Pak Mahdi : (merampas HP Siti) “Alah den kecekan ka kau, jan bahubungan jo
si Ahmad tu, tapi kau indah mandanga, kareh kapalo
bana kau.” (mambantiang HP)
Siti : (Diam dan manangih)

(Tibo-tibo Bu Aminah datang).

Bu aminah : “Ado apo kooooo, manga uda? Pagi-pagi alah ribuik -

ribuik se, malu awak jo urang.”
Pak Mahdi : “Iyo, ajaan la anak kau ko haaa, tantang silsilah adat
nagari awak! Bia mangaratinyo.”
Bu Aminah : “Iyo iyoo. Pailah uda karajo lai, alah jam bara hari ko ha?”
(Bapak Siti pai karajo. Siti langsuang maambiak HP-nyo dan
mamaluak HP-nyo sambia manangih)
BukAminah : “Saba yo nak, amak indak tau katajadi
modeko, dangaanlah kecek apak kau tu, apo nan
 dikatokannyo tu batuah. Amak indak nio beko ado se nan tajadi jo
anak gadih amak nan rancak iko. (mamaluak dan mengusap-usap
kapalo anaknyo)
Siti : “Iyo mak, Siti lai tau. Tapi Siti indak bisa malupoan
uda Ahmad, alah banyak kenangan Siti basamo uda Ahmad mak.”
Bu Aminah : “Iyo nak, amak tau parasaan Siti, tapi itu untuak kabaikan Siti juo.
Siti : (hanyo bisa diam)

ADEGAN 17
Pado akhirnyo Siti masih juo indak bisa
manarimo kanyataan yang tajadi. Siti depresi dan nyaris kehilangan akal
sehatnyo karano kasiah tak sampainyo.siti sangat mancintoi Ahmad, begitu
juo Ahmad yang sangat mancintainyo. Tapi apo nio dikato, mereka indaklah
bajodoh. sado urang manentang cinto mereka. Meskipun indak bisa basamo,
namun cinto tu akan selalu ado untuak salamoa-lamonyo, karano cintio alah
manyatu di satiok deru nafas yang berhembus.
Tanpa sapangatahuan Siti, tanyato Ahmad maliek Siti dari
kajauhan. Ahmad maraso sadiah samo apo nan tajadi. ahmad
maranuangkan sadolah yang tajadi. Namun sadonyo alah berakhir, Siti
bukanlah untuknyo, dan ahmad bukanlah untuak Siti.

Ahmad : ‘’Maafkan uda Siti, uda ndak bisa babuek apo-apo, memang cinto kito
indak bisa basatu.”
Tibo tibo indak sangajo Siti maliek Ahmad dari kajauahan.
Siti : “Uda Ahmad!!” ( panggia siti maimbau dengan suaro maibo, Ahmad
pun ndak tega dan bajalan manuju ka rumah Siti)
Ahmad : “Adiak maafkan uda yang alah mambuek seso hati adiak salamo ko.
Kini uda mintak lupoan lah uda diak. “
Mandanga permintaan Ahmad, siti pun manangih. Ibu aminah
yang dari tadi diam, ndak tega mancaliak anak nyo manangih.
Bu Aminah : “Ahmad.. amak mintak, tolonglah ang bahagian Siti
jago nyo elok elok”
(Siti pun takajuik mandanga pakatoan amak nyo. Ahmad yang
mandanga binguang)
Ahmad : “Maksud amak baa mak? Yo ndak ngarati Ahmad do.”
Bu Aminah : “Amak nio ang nikahan siti. Ndak talok den maliek anak gadih den
tiok hari manangih gara gara waang.”
Siti : “ Amak siti sayang jo amak. Tapi iko ndak mungkin mak.”
Bu Aminah : “Ndak ado yang ndak mungkin di dunia ko nak” ( mangganggam
arek tangan Siti) Ahmad ang baok la siti ko jauah dari siko. Amak
akan merestui dan mandoan kalian dari siko.”
Siti : “tapi maaaak!”
Bu Aminah : “Ndak do tapi tapi do nak, capek lah kau ambiak baju baju tu dan pai
dari siko sabalun apak kau pulang dari sawah. Jan sampai managang
lo apak kau tu mancaliak si Ahmad di siko nak. Tau lo urang sabaliak
nan kamalu kau jo nak.”
Ahmad : “Makasih amak lah maagiah kapacayoan jo Ahmad, Ahmad janji
akan manjago Siti sapanuah hati ahmad.ahmad akan buktikan ka amak
kalau ahmad mampu buek Siti bahagia.”
Bu Aminah : “ Yo nak, kini capek la pai sabalun gaek tu pulang.”
Siti pun bagageh mangamehan baju baju nyo, sudah tu Ahmad
dan Siti pun pamit jo mintak doa restu dan pai maninggaan kampuang
halaman dengan raso barek hati dan isak tangih pai ka Malaysia. Tibo
di Malaysia ibu Jamila dan Jamila takajuik karano Ahmad mambaok
Siti ka Malaysia. Jamila yang maliek kabaradoan Siti maraso ndak
sanang karano Jamila kesal Maliek siti sajak tau keluarga Siti
menentang hubungan Siti jo Ahmad. Siti pun maraso indak lamak lo
jo keluarga Ahmad, karano sabalun nyo keluarga Siti alah manulak
Ahmad dan kini malah Siti yang tibo dengan perasaan indak tau diri.
Jamila : “Uda Ahmad, manga uda baok paja ko kamari da? Beko berang apak
nyo ka uda beko!”
Ibu Jamila : “Mila, ndak buliah kau mode tu do. Baa ka baa juo siti tu ka jadi ipa
kau Mila.”
Jamila : “Maksud amak, uda Ahmad jadi nikah jo Siti? Bukannyo keluarga
Siti indak satuju jo uda Ahmad karano sasuku?”
Ahmad : “Hanok se lah kau diak, iko urusan uda. Yang manjalani uda, jadi
ndak usah ikuik campua.”
Ibu Jamila : “Lai danga Mila? Jadi bia selah. Uda kau ko alah gadang jadi nyo
bisa manilai ma yang elok dan buruak nyo. Jadi usah la risau.”
Jamila : “Iyo mak, Mila tau.” (kesal)
Siti : “Sabalum nyo Siti minta maaf ka ibu jo Jamila karano uda Ahmad
mandapek’an perlakuan yang indak sepantasnyo dari keluarga Siti.”
Ibu jamila : “Ndak baa nak, kini ko baa Mad? Bilo ka ag nikahan Siti, Mad?”
Ahmad: : “Insya Allah dalam bulan ko bu.”

ADEGAN 18
Siti dengan ragu manelepon amak nyo untuak maagiah kaba. Karano takuik
yang manjawek telfon apak nyo, siti mauruangan niek manelfon. Tapi siti
bapikia ndak mungkin apak nyo yang ka maangkek telfon nyo. Karano apak
nyo pasti pai ka sawah. Katiko siti ka manelfon yang maangkek telfon tanyato
pah mahdi, apak nyo siti.bukan ibu aminah.

Siti : “Halo mak, assalamualaikum mak.”

(Namun pak Mahdi hanyo diam, ndak majawek salam siti. Tapi Siti
taruih mangecek.)
Siti : “Mak, hari sabtu bisuak insya Allah Siti ka manikah jo uda Ahmad.
Mohon doa restunyo mak, dan sampaian ka apak Siti mintak doa restu
dari apak.”
Pak mahdi : “ jadi jo kau manikah jo paja tuh!( berang) asli kareh angok kau.
Alah den kecek an ka kau jauahan nyo. Tapi tanpa sepengetahuan den,
kau bae pai jo nyo. Kini kau minta restu dari den! Saumua iduik aden
ndak marestui hubungan kau jo paja tu. Ndak sudi den do.”
(mambantiang telfon)

Samantaro tu di sabarang nagari, siti taduduak dan tadiam

sambia mamaluak telfon tu dan manangih tatahan karano ndak
talok mandanga kato apak nyo yang manusuak ulu hati dan
mancabiak cabiak jantuangnyo.

Bu Aminah : “Manga uda? Mambantiang telfon. Sia yang manelfon? Kayak tu

bana bantuak nyo. Kalau rusak telfon tu lai ado pitih uda ka mambali
nyo”
Pak mahdi : “Pitih den banyak dalam karuang! Tanang selah den balian kau 100
buah telfon palak ko. Lai tau kau anak kau tu yang manalfon. Nyo
minta restu ka aden. Kayak kolah jadinyo kau manjaoan anak ndak tau
dek untuang tu, panek manggadangan se den. Tau mode tu ancak anak
baruak yang den gadangan bale guno jo alah gadang. Bisa jo manjek
karambia.”

ADEGAN 19
Pak mahdi pun pai ka sawah dengan kesal.samantaro ibu aminah hanyo
taduduak tapaku manahan sakik dihati,Dan pingsan.Akhirnyo ahmad dan
siti pun melangsungkan pernikahan nyo di nagari urang. Ndak bara dari
sanak saudara Ahmad yang datang ka pesta perkawinan nyo yang di adokan
dengan mandoa se. Samantaro dari sanak kaluarga siti ndak ciek nyo yang
tibo dalam prkawinannyo. Siti maraso kecewa karano ndak ado yang tibo
saat perkawinannyo.
 10 tahun balalu, namun buah hati yang di tunggu ndak
kunjuang tibo. Namun dengan tawakal Siti taruih badoa agar di
agiah keturunan dari yang Maha Kuaso. Malangnyo nasib ndak
dapek di tulak, antah sisiak nan ndak elok, antah sang kuaso
punyo kahandak lain. Ahmad suami tacinto tibo-tibo se balangga
saat pulang dari karajo. Ndak dapek manahan luko yang diagiah
sang Maha Kuaso Siti pun manangih sakancang-kancang nyo,
ndak dapek rasonyo manahan raso luko ko.

Siti : “udaaaaaaa,, baa capek bana uda pai maninggaan siti da,, (taisak
isak) kato uda sakik sanang awak tangguang basamo. Tapi manga uda
pai sacapek ko da. Udaa jago da baok la Siti pai jo uda, jan tinggaan
siti surang di siko da.”( mangguncang guncang badan Ahmad)
Ibu Jamila : “Alah tu nak jan manangih jo! Ikhlasan lah Ahmad tu pai bia tanang
nyo di sinan naaak.” (mamaluak Siti sambia manangih )
Jamila : “Sadolah nyo gara-gara kau Siti! Kau pambaok sial se.” (manulak
Siti) “Uda den mati gara-gara kau, ko karma untuak kau karano la
malanggar adat nagari. Sandainyo uda den ndak manjadi jo kau
mungkin inyo alah bahagia, punyo anak jo padusi yang lebih oke dari
kau.”
Siti : “ Jadi kato kau aden ndak oke do!”
Ibu Jamila : “Alah tu nak, alah malu wak jo urang yang mancaliak. Iko lah
suratan dari Tuhan Yang Maha Kuaso. Tarimo se ikhlaskan.”
Setelah kamatian Ahmad, Siti hanyo bisa manguruang diri di
kamar manangih atas nasibnyo. Siti pun manyasa manga ndak
mandanga kato apak nyo. Andai Siti mandanga kato apak nyo
mungkin ndak taka ko jadi nyo. Dengan raso barek hati Siti nio pulang
ka kampuang halamannyo, dan malupoan apo yang tajadi jo dirinyo.
Siti : “Bu, sabalunnyo Siti minta maaf. Siti ingin pulang ka kampuang bu,
Siti ndak talok disiko bu.”
Ibu Jamila : “Iyo nak, ibu lai mangarati. Pailah tanagan hati tu baru pulang”
Siti : “Insyaallah hati Siti la tanang, bu.”
Jamila : “hehh! Dasar ndak tau diri kau Siti. lamak di hati kau se pulang
tanpa marasoan apo yang ibu den rasoan!”
Siti : (tadiam)
Ibu Jamila : “Sudah la tu Mila. Bialah Siti ko pulang! Ibu ndak baa baa gai do.”
(batuak batuak)
Jamila : “Kau caliak tu, gara gara kau ibu den sakik!”
Ibu jamila : “Alah tu Milaaaaaa!” (tabatuak batuak)
Siti : “Sakali lai maafan Siti bu, Jamila alah manyusahan ibu jo Jamila.
Siti pamit lu bu, Mila assalamualaikum.”
Ibu jamila : “Waalaikumsalam. Hati hati di jalan yo Siti.”
Jamla : “Pai kau jauah jauah jan baliak jo kasiko!”
Siti : “yo bu.” ( manunduak an wajah)

ADEGAN 20
Siti pun akhirnyo pulang ka kampuang tacinto, tampeknyo di laihan dan
batamu jo Ahmad. Sesampainyo di rumah, Siti langsuang mancari amak
nyo.

Siti : “Assalamualaikum. Amak, amak siti pulang!” ( sambia balari

mancari amak nyo)

Indak di sangko Siti basobok jo apaknyo di halaman

balakang rumah nyo basamo mamak Edi, yang sadang maasah
pisau untuak mandabia kambiang.
Siti : “Pak, Siti pulang pak.” ( suaro bergetar)
Pak Mahdi : “Brani jo kau pulang ka rumah ko. A jo nan kau cari di rumah ko?”
Siti : “Dima amak pak?”
Pak Mahdi : “Nio tau kau dima amak kau tu? Kau caliak la di sampiang rumah!”

Siti pun dengan bahagia balari mancari amak nyo di

sampiang rumah. Namun apo nan tajadi? Siti pun tadiam dan
balari sambia manangih manamui apak nyo dan maamak Edi.

Pak mahdi : “Lah sanang hati kau kini! Iko akibatnyo. Gara-gara mamikian kau,
amak kau jadi sakik sakik dan maningga. Anak macam apo kau Siti,
manyusahan urang gaek. Kini ko juo kau pai dari ruimah ko! Kau tu
aib bagi keluarga den. Gara kau sawah jo kabun den hilang dek tanah
longsor!”
Siti : “Baa kok sado nyo salah Siti pak?”’
Pak mahdi : “ masih kau tanyo jo apo salah kau? Lai bapikia dek gara gara kau
manikah jo ahmad kau la malanggar adat.dan kau tau, ko akibat nyo
nan kau dapek. Kini ma laki kau tu! La nyo caraian kau dek nyo atau
nyo selingkuaan e kau mako tu kau pulang ka siko”
Siti : “Uda ahmad maningga pak.”(manangih)
Pak Mahdi : (tadiam dan tagak sambia mamegang pisau) “Kini ko kau pai dari
siko. Aden ndak nio punyo anak mode kau. Kau ndak anak den. Kalua
kau dari rumah den!” ( maacuangan pisau ka arah siti)
Siti : “Tapi pak.” ( berlari mendekat)
Pak mahdi : “Pai kau!” ( spontan manusuak Siti yang mandakek)
(Mamak Edi yang maliek kajadian ko langsuang tagak.)

Mamak edi :”manga ang mahdi! Ang bunuh kamanakan den di mungko mato den
surang”(nada marah)
Pak mahdi :”dak singajo do da”(shock+cemas sambil melihat siti yang sudah
tergeletak berlumuran darah)
Mamak edi :”walaupun itu kesalahan nyo dak seharus ee ang bunuh anak ang
surang do!pai lah ang dari lai baliklah ang ka rumah dunsanak
ang”(marah)

pak mahdi pun pergi sambil merasa bersalah, dan elan pun melihat siti yang
sudah berlumuran darah lalu mengumumkannya ke masyarakat
setempat,elan pun menelvonkan ke nevan kalau siti sudah meninggal lalu
nevan memberitahu ke fatih kalo siti sudah meninggal,fatih langsung
memberi tau ke bu ratih tentang siti yang sudah meninggal, masyarakat pun
berdatangan untuk melihat siti,karna siti sudah tidak bernafas lagi maka siti
dinyatakan meninggal dunia, warga dan kerabat dekat menylenggarakan
jenazah siti sampai ke rumah terakhirnya yaitu liang lahat)

(pak mahdi pun pergi kerumah ratih dan berharap bahwa ratih belum
mengetahui semua berita yang terjadi pada siti)

Pak mahdi :”ratihh ratihh bukak pintu”(sambil menggedor pintu)

Ratih :”ado apo ko da”(nada ketus)
Pak mahdi :”maanga lo kau gitu ka den”
Ratih :”lah ma da, kecek uda dak tau dek den apo yang uda lakuan ka anak
uda surang, pai la uda dari siko”(mengusir)
Pak mahdi :”dak lo berhak kau ma usi den dari siko do iko rumah amak den”
Fatih :”ehh…. jan mangare lo dang mangecek ka ama lai, rumah ko lah di
paruntuk an untuk ama den”(nada marah)
Ratih :”rumah ko lah di again dek mak ka den jadi uda dak do hak uda di
siko do, den dak sudi jo urang yang mambunuh anak ee surang, sado
ee bisa di maafan jo kapalo dingin manusia dak luput dari kesalahan”

(pak mahdi pun pergi setelah mendengar kata-kata dari ratih yang
menyakitkan dan akhirnya pak mahdi pun menjadi gelandangan)
(dari kisah ini menceritakan bahwa kawin sasuku emanglah dibolehkan oleh
agama namun kawin sasuku dilarang dalam adat)

SELESAI