Raymond Melana
Aaa aku tu deka nampung tengkurung rekung ti bedau nuntung nunda bejung pelalung pakau tapang. Aku tu deka nampung kumbai panjai nunda perangai nambangka tali gelikang Aku tu deka nampung sera nyawa ke bedau menta-enta nunda jala turun tiga mengkang di ripang
Aku nusika kitai dalam pasal pelanduk enggau Tekura Nyadi Pelanduk enggau Tekura bejalai, kenu, Pelanduk sehari-hari-hari-hari-hari-harihari
Lembang pelakang, pulang ke ai Sungai diulu, sungai diili Niti nasan jalai jani Kelama-lama-lama-lama-lama peda orangkebut-kebut makai daun riang Datai diau dia, kenu malik pelanduk
Nyau kelama-lama-lama, dinga, kenu, tampun ensenga nyau munyi auh nama.
Dia deh tekura Dia meh tekura, kenu, diau dia. Jadi pelanduk,kenu,udah tekura tama ensenga, pelanduk pen lalu mupuk meh belalai di baru kayu. Dia meh terumbu kayu, dia meh iya belalai.
Ngewuk anak empeliau adau napatka randau kubal tusu. Kenyalang ngenggang puchuk jarau napatka kembayau
Lengkaka, kenu, pelanduk nya, enda lama sesempa rampang pinang. Entudi enda lama mati nunda sengki belipat punggang
Ngading apai enggau anak nya, kenu Nyau baum ngabas ensenga
Kumbai berari, kenu. Datai de dia, kenu, kelengah-lengah, dinga , kenu, kumbai ukui nyau landu. Kumbai ukui orang ngabas ensenga
Meda tekura.
Kenu ku utai
Aa dia, kenu, kelama iga kebangai utai, kenu, tekura niki bukit sigi, meda sabar panjuk nembiak ngenjing nyau ngeraran, kenu, sabar panjuk.
Nurun ke baruh bukit sepiak. Datai di emperan meda orang, kenu, kulap-kulap makai buah buan. Datai dia
Aa, dia meh seduai bejalai. Bejalai berari-ari-ari-arirai-ari Lembang pelakang, lembang ke ai. Sungai diulu, sungai diili. Kelama-lama, niti bukit.
Limpang pelanduk ngagai sabar panjuk nembiak lalu dipangka panjuk. Dipangka panjuk nembiak Peda mata pelanduk nyau betai iyas. Nyau melut igi mata pelanduk. Nyawa nyau rangangrangang, kenu, dia. Iya empu nyau tepengkering.
Aa, udah nya, dia tekurapelanduk udah pangka panjuk, iya pen belalai, di ungkap kayu. Di baruh kayu. Diwan pelanduk dia semalam-malam-malam-malammalam-malam-malam. Kelama-lama nya, kenu
Semalau pen nyau kuchaukuchau nepan jarau gitik-gitik Manuk pen lalu engkukuk baru lanjau nepan gelanggang luan bilik
Dia deh nembiak papa perenggang Kesuli agi mekang Nyau baum ngabas panjuk
Aa.. Nyau kenu,nembiak bekerungkak. Dinga agi jauh nyau bekechawang nembiak.
PANGKUR KEJUR !
Peda nembiak ti mit-mit, kenu, nyau chungin mua, kenu. Bisi kedua nyau ka nyabak, takut. Nyadi kedua ke nyau besai agi
PANGKUR KEJUR !
PANGKUR KEJUR !
Aa, tinggalka bangkai pelanduk. Tinggal sida ngabas ke ujung, pelanduk tu tadi angkat. Angkat pelanduk tu tadi, lalu idup. Bejalai pelanduk. Bejalai, kenu, pelanduk tu nurun bukit, nyau berari-ari-ari-ari-ari-ari
Bejalai-jalai-jalai-jalai-jalai Kelama iga kebangai utai, dinga utai regup-regup niti emperan, bejalai. Kelama makin semak, kelama makin rantap rentak
Bejalai seduai. Seduai pen lalu sama bejalai. Bejalai, kenu, seduai. Malam hari seduai bemalam. Siang hari seduai iya bejalai. Malam hari seduai iya bemalam. Siang hari seduai iya bejalai. Tiga hari ketiga malam seduai iya bejalai
Aa, dia seduai, kenu, lalu duduk seduai, kenu, ba punggar batang kayu purang. Duduk entap seduai iya dia besikap sama nyerugang.
Duduk seduai iya dia, lalu nyandih seduai iya dia, ba pun kayu.
Ngetatka peluh ampuh seduai iya nelusur tubuh punggan belakang. Agi ngetatka peluh lisah seduai iya enda tau ditanjah kena ikan enseluang. Dia duduk seduai. Duduk seduai dia. Kelengah-lengah-lengah-lengahlengah
indahka nuan chibai Unggal Tekura. Ari buli sigi nyin kemari bulan penyelangan, mimit da nyawa nuan nyau ka bekata ilang lela, ai
Ari buli sigi nyin kemari bulan ta nyumbuk. Mimit da mega nyawa nuan nyau deka jengkara laya repuk, kena sintak panjuk, beumpanka buah buan mudai.
Nya seduai, kenu, bebantaika batu akal. Aa, dia, kenu, seduai iya bebantaika batu akal, kenu Dibantaika enggi tekura, kenu, mesai pinang muda. Dibantaika enggi pelanduk, mesai pinang tuai.
Lapar perut pen nyumut nyumai berapi. Nyawa pen enda matah nyawa bunga sugi.
Ikak lelak enda berenti.
Bejalai, kenu, iya Malam bepegaika lutan bara api. Siang hari seduai iya beseligika matahari. Hari ujan seduai iya megai tanggi.
Bejalai seduai iya. Nyau kelama-lama kebangai utai
Setaun nampun di bukit, sebulan nandan di langit, seduai ke bejalai, kenu. Dia bulan pen nyau enda alah tiap, taun pn nyau enda alah anggap.
Dia deh pelanduk tu tadi nyau madahka diri nyau lemi di pati papan pinggang, lembut di tut pala kepayang. Makin disingkang, makin enggai.
Makin disingkang, makin enggai. Makin disingkang, makin nyau enggai angkat pelanduk. Nyau tesungkur-tesungkur pelanduk.
Kaki iya nyau beluit. Iku iya nyau ditikupka iya ke baruh.
Nyawa nyau enggai merangap.
Makin kelama makin rapas, makin kelama makin nyau ayas, nyawa iya nyaut tekura. Lalu ditanya tekura berari-ariari-ari-ari
macham utai meh ditanya tekura.
Tekura pen lalu bejalai. Kejangka diri, kenu ku, hari panas.
Tumbuh mata panas tekura pen lalu ngejangka diri ari pelanduk.
Aa , lengkaka tekura enda lama iga sesempa rampang pinang Entudika enda lama mati nunda sungki belipat punggang
Aku ngading pelanduk
Pelanduk pen nyau tinggalka tekura nyau ngiga telu anak mensia, pelanduk pen angkat makai buan nyepi perut diri lapar. Makai buan sekenyang-kenyang. Makai dia, kenu Kemas makai, kemas utai, kenu Nyau pelanduk nya gali.
Aa, nyadi Lengkaka pelanduk enda lama iga sesempa rampang pinang Entudika enda lama mati nunda sungki belipat punggang Ngading tekura Tekura nya tadi pen sejurus itung sejam, kenu, iya bejalai, iya pen lalu rembus di jalai ke tebang.
Aku ka ngading kitai mensia. Anak enggau apai nya baum ngambi kayu. Bebai ngambi kayu.
Nyau seduai meapai Nurun seduai meapai ngambi kayu, niti jala ke tebang beari-ari-ariari-ari-ari. Enda lama iga kebangai utai, sekali kenu, nyau meda tekura, nyau rungkap-rungkap-rungkap.
Aa Iya pen lalu dibai orang. Dibai orang. Udah orang nanchang enggau akar, enggau nama, kenu, orang nya pen lalu ngambi kayu. Mai kayu pulai. Pulai orang nya. Bejalai. Bejalai beari-ari-ari-ari-ari. Iya datai di rumah
Sida pen nyau makai lemai. Udah makai lemai, udah utai, kenu, diau dia
Udah sida makai lemai, kenu, utai, diau diapelanduk enggau tekura, iya nya tadi, kenu, tekura nya tadi..
Aa dia, kenu Tinduk meh orang kemunuk manau ini mejamka selanjan mata tisi Tinduk nyenyak beregak jarang jari Tinduk lejur melakau sintau kemarau hari
Daun kelapan daun pingan Siti belayar kerapi kebas Tinduk dua belas kenyap semalam
Hari pen teberingkas tawas
Bejalai tekura. Regup-regup-regup, kenunengah bilik begadaigadai-gadai-gadai. Iya meh datai ba sabung lantai enggau pemetung bisi lubang besai, tekura lalu labuh. Labuh, kenulalu terus ninggang tansang manuk.
Tekura pen lalu mai sigi. Udah tekura mai telu sigi, tekura pen lalu muai diri ari tansang, lalu bejalai mupuk
Sedini-dini-dini Hari pen tawas orang pen nyau angkat nyumai, kenu berapi.
Meda tekura nadai