Assalamu'alaikum warahmautullahi wabarokatuh
Sagung para rawuh Rahimakumullah,
Alhamdulillahi rabbil alamin, wash shalatu was
salamu' alaa asyrafil anbiyai wal mursalin, wa'ala
aalihi wa ash-habihi ajma'in, amma ba'du .
Dumateng poro sepuh pinisepuh ingkang satuhu
kinebekten
Dumateng almukarom KH Fauzi Arkan soho poro
alim ulama, poro haji hajah, ingkang rinten ndalu
sinanding kitab suci wahyuning illahi ingkang
tansah kulo mulyaaken.
Dumateng bapa soho ibu para rawuh ingkang
satuhu bagyo mulyo.
Alhamdulillah, sumangga puji lan syukur tansah
kita aturaken dumatheng Allah SWT, awit saking
taufik,hidayah soho inayah tuwin kewelasan-Ipun
kita sedaya keparing kasempaten makempal
wonten dalemipun bopo Hardiyanto kanthi saperlu
ngawontenaken adiacara halal bihalal kanthi
sehatwalafiat.
Sholawat saha salam mugi tansah katetepna
dumatheng nabi junjungan kita, Nabi Agung
Muhammad SAW, keluarga, sohabat, saha para
penderek kalebet kula sedaya.ingkang kito tenggo
syafaatipun ing yaumul akhir.
Para rawuh ingkang satuhu bagyo mulyo
Sepisan, kito ngaturaken agungeng panuwun awit
saking kerawuhan panjenengan sedaya. Mugi niat
ikhlas panjenengan sedaya tindak saking griya
dumugi ing papan menika kecatet dados
satunggaling amal kesaenan datheng Allah SWT.
Atur panuwun ugi kawulo aturaken dateng sedoyo
wargo singosaren dalasan poro mudotaruno RT
06/05 singosari,adicoro meniko boten badhe
kalampahan tanpo pambyantu,eguh pertikelipun
sadoyo,mugi Gusti Allah paring nugroho awit
saking amal kasaenan panjenengan .
Maturnuwun ugi katur dateng grup Qosidah Al-
makin saking salatiga ingkang sampun
ngregengaken swasono saking purwo madyo
ngantos wasano mugi tambah syiaripun ing pundi
kemawon.
Dados umat Islam sampun saprayoginipun kita
sedaya anggadahi sifat welas saha asih tumrap
sesami, khususipun majeng sesami muslim ugi
muslimah, ingkang sampun temtu lebet
kesugengan sabendinten anggadahi raos khliaf,
klintu ugi dosa satunggal lan satunggale.  Mila
saking menika lebet kesempatan halal bihalal
menika kita sami ngajak para rawuh, kagem
paring pangapunten satunggal saha
satunggalipun, mbikak penggalih kaliyan raos
sabar, inggil ridha Allah nyuwun apunten ugi
pangapunten kalepatan teng antawis kita sedaya
sae disengaja utawi mboten disengaja.
Wonten kesempatan menika ugi badhe dipunisi
siraman rohani “Hikmahipun Halal Bihalal” konjuk
dening bapa Kyai Haji Fauzi Arkan saking Salatiga.
Saderengipun saestu kita aturaken agungeng
panuwun kecaosan bapa kyai FA kagem rawuh ugi
nyaosaken ceramah dhateng majelis menika.
Para rawuh bapak/ibu ingkang kawulo urmati.
Kulo nglenggono budi dayaning manungso kirang
sampurno, menaawi anggenipun panitia
penyelenggara halalbihalal wanci nampi rawuh
panjenengan kirang tanggap tangguh gupuh,
nyuwun agungin samudro pangaksami
Mekaten ingkang saged kulo aturaken, menawi
wonten galap gangsuling atur, kulo nyuwun
pangapunten.
Pinongko panutupin atur....
Wabilahitaufiqwalhidayah,
Wassalamualaikum Warahmatullahi Wabarakatuh.