ACARA PARMINGGUON PESTA PARJOLO

PARNINGOTAN DI HASASAOR NI TONDI PARBADIA

HKBP DISTRIK X MEDAN ACEH
Minggu, 31 Mei 2020
---------------------------------------------------------------------------------

“ TONDI NI JAHOWA NA MANOGU TU HASONANGAN “

(Jesaya 63:11-14)

1. Joujou Tu Parsaoran.
*)U=Uluan/Liturgis; R=Ruas

U: Na marpungu do hita sadari on di Bagas Joro on, laho mamuji dohot

pasangap Goar Ni Debata. Na marningot do hita sadari on di haroro ni
Tondi Parbadia, na tongtong mangaramoti jala mangajari hita, tu dalan
lomo ni roha ni Debata.
R: Didok Tuhan Jesus do andorang so manaek Ibana tu Banua Ginjang: “
Jala pangidoonKu ma tu Ama i, asa dilehon tu hamu sada
Pangondian na asing, asa Ibana mandongani hamu salelengna. I
ma Tondi Hasintongan i, na so tarjalo portibi on. Alai anggo
Pangondian i, i ma Tondi Parbadia, sisuruon ni Ama i marhitehite
GoarHu, ajarhonon jala paingothonon ni i do tu hamu nasa na
Huhatahon i tu hamu “.
U: Mauliate ma tutu di Amanta Debata, na mangalehon TondiNa tu hita,
na mangajari, manogu jala margogoihon hita mangolu tu lomo ni
rohaNa. Ai dibagasan ngolu sisongon i do hita gabe martua.
R: Tapuji ma tutu Tuhanta Debata, ala ni sude denggan basa dohot
asi ni rohaNa.
U: Martangiang ma hita dibagasan rohanta, paloas ma Tondi Parbadia
masuk tu rohanta, jala tadingkon ma jolo nasa na diroha nang
pingkiranta.
--------- Martangiang na hohom/ huhut organ marende angonangon -------

2. Marende BE No 644: 1-3 “ Ro Ma Ho Parasiroha “

Ro ma Ho Parasiroha, sai pagirgir rohangkon/
Mangendehon denggan basa nilehonMu di au on/

1
 Tiruonku ma suruan, mangendehon sangapMi/
Pujionhu Ho Jahowa, partanobatoanki.
Na malua do tondingku, ala hagogoonMi
Pos rohangku boanonMu, diringkon tu Surgo i/
Jesus sai lului au, atik tung na lilu au/
Na dihophop Ho do au, na mambaen mangolu au.
-----organ/musik-----
---------jongjong--------
Ganup ari au marutang, na so hagararan au/
Ndang tarasam denggan basa, na binaenMu na tu au/
Sai tarunjun do rohangku maninggalhon holongMi/
Sai sahapi ma rohangku, ngolungki di Ho ma i.

3. Votum – Introitus – Tangiang

*) U=Uluan/Liturgis; R=Ruas

U: Marhitehite Goar Ni Debata Ama, dohot Goar Ni AnakNa Tuhan

Jesus Kristus, dohot Goar Ni Tondi Parbadia, na tumompa langit
dohot tano on.
R: Amen.
U: Songon on ninna Tuhan Jahowa: LehonongKu ma tu hamu roha na
imbaru, dohot Tondi na imbaru tu bagasan ateatemuna i; Jala
unsatonku do roha batu sian dagingmuna, jala lehononku tu hamu
roha na marpanghilalaan. Jala lehononKu ma TondingKu tubagasan
ateatemuna. Ahu do mambahen asa marparange hamu dibagasan
angka patikHu, angka uhumHu pe radotanmuna, jala patupaonmuna
do.
U&R: (Mangendehon: Haleluya.....Haleluya.....Haleluya....)
U: Ale Tuhan Debata Amanami, Ho do manondangi jala mangajari roha
ni angka na porsea di HataM, marhitehite Tondi Parbadia.
R: Sai buhai ma rohanami, asa ture parrohaonnami marhitehite
TondiM, asa tongtong gok dame rohanami, manghalashon
hagogoonNa i. Sai suru ma Tondi Parbadia tu rohanami, asa
tung huparhatopot hami: Ho hangoluannami.
U: Asa lohot tu Ho hami, marhitehite haporseaon na sintong, jala asa
tongtong huhalashon hami pasangaphon goarMu, na tarpuji ro di
saleleng ni lelengna.
U&R: Amen.
---------Hundul

2
4. Marende BE No 461: 1-2 “ Songgop Tu Hami ”
Songgop tu hami na dijolomon, o Tondi Ni Debatangki/
Uhir patikMu tu rohangkinon, O Tondi Ni Debatangki/
Bereng siholhu diharoroMi/ Molo Ho ro nda hisar tondingki/
Didihon ma tu au on apiMi, O Tondi Ni Debatangki.
Suru TondiM paluahon au on, palua ma O Debata/
Bereng dagingku tondingku dison, palua ma O Debata/
Dao ma pangambat di soaraMi/ Hisap ni daging sandok diringki/
Na mangarsahi tongtong TondiMi/ Palua ma O Debata.

5. Patik.
*) U=Uluan / Paragenda; R=Ruas.

U: Patik di minggunta sadari on ima Panindangion ni Haporseaon

taringot di Tondi Parbadia.
Debata Tondi Parbadia do na manjou, mangajari huria i jala
patongtonghon dibagasan haporseaon dohot habadiaon dibagasan
Barita Na Uli bahen hasangapon ni Debata.
R: Marhitehite poda on taalo jala tatulak do poda na mandok: Boi
do songgop Tondi Parbadia tu jolma marhitehite
panghobasionna sandiri, so pola marhitehite sian Barita Na Uli.
U: Laos songon i taalo jala tatulak do poda na mandok: Holan marhite
na siarsiaran dohot na marhata sileban do songgop Tondi Parbadia.
R: Laos songon i tatulak jala taalo do poda na mandok: Na so pola
ringkot marubat, sae do molo holan martangiang tu Tondi
Parbadia. Jala na mambahen panurirangon gapgap
mangasahon Tondi Parbadia.
U: Laos songon i parsaoran na masalpuhu, na matorbanghu, ala naung
digohi Tondi Parbadia ninna. Sudena taalo jalak tatulak on, i ma
angka poda na mangasahon Goar Ni Tondi Parbadia di na so ture
dalanna.
Antong rap mangido gogo ma hita tu Tuhan Debata, laho
mangulahon patikNa i.
U+R: Ale Tuhan Debata, sai pargogoi ma hami, mangulahon na
hombar tu patikMi. Amen

6. Koor

7. Marende BE 681: 1-2 “ Ale Amang Asi RohaM”

3
 Ale Amang asi rohaM di au pardosa on/
Unduk do rohangkon nuaeng marsomba dijoloM/
Unang jujur unang jujur, angka dosangki/
Sai salpuhon sai salpuhon, sian rohaMi.
--------- jongjong --------
Amang sai pargogoi ma au dihasiangan on/
TondiM pasaor tu tondingkon, pamalum rohangkon/
Sai usehon sai usehon TondiMi tu au/
Asa monang maralohon parungkilon au.

8. Manopoti Dosa
*) U=Uluan/Liturgis; R=Ruas

U: Di na ro hita saonari marsomba tu adopan ni Debata mangido

hasesaan ni dosanta, boan ma dosanta i saonari tu adopanNa,,,,,,,,,,,
peakhon ma sude. Peakhon ma, unang adong be tabunihon,,,,,,,,,, ai
diboto Debata do i. Paboa ma saonari tu Debata,,,,,,,,,,, pajojor ma,
asa dihita hasesaan ni dosa. Dok ma saonari: ...............
(----------Martangiang na hohom -----------)
( Huhut organ angonangon mangendehon BE No 686 dua ayat)

U: Taulahi ma muse pasahat dirinta tu adopan ni Debata, dibagasan

ende on, sai songon na martangiang. Panghilalahon ma pandokmu
tu Debata:

R: (Mangendehon BE No 686: .......

“ Ramun do au dijoloMi/ gok dosangki urasi au/
O Jesus birubiru i.../ di son do au patau ma au.
Na ro do au tu joloMi/ gale do au urupi au/
O Jesus ala mudarMi/ di son do au patau ma au.
U: Ale Tuhan Debata Amanami pargogo na so hatudosan, parasiroha
mida hami na dangol on. Na ro do hami tu joloM manopoti
dosanami na godang i.
R: (Mangendehon BE No 686: ----
“ Ramun do au dijoloMi/ gok dosangki urasi au/
O Jesus birubiru i.../ di son do au patau ma au).
U: Dibagasan hajahaton do hami tubu, jala ndang adong haporseaon
dibagasan rohanami hian; saluhut do hami manimbil sian angka
dalanMu, mansai godang do pangalaosionnami di patikMu.

4
 R: (Mangendehon BE No 686: ----
.” Na ro do au tu joloMi/ gale do au urupi au/
O Jesus ala mudarMi/ di son do au patau ma au. )
U: Alai ingot ma hami ale Tuhan, ala ni denggan ni basaM dohot asi ni
rohaM. Sai unang paingotingot angka dosa ni haposoonnami, dohot
pangalaosionnami. Sai ingot ma hami hombar tu asi ni rohaM dohot
denggan ni basaM. Ale Tuhan Jesus, marpamuati ma rohaM di
dosanami na godang i. Amen
Songon on do Hata Ni Tuhan Jahowa: Ro ma hamu tu Ahu, asa
mangolu tondimuna. Tung sura rara dosamuna songon abit bunga
dapdap, bontar do bahenongHu songon itak. Nang pe rara songon
abit hasumba, gabe songon hapas do muse. Hasangapon ma di
Debata na di ginjang.
U&R: Amen.
----------- Hundul
-----Hohom satongkin manghalashon Asi Ni Roha Ni Debata di hasesaan ni dosanta--
---------Huhut organ mangendehon saayat BE 718----------

9. Marende BE 718:3-4 “ Hubege Jesus Manjou”

Aloonku ma diringku, aloonku ma diringku/
Porsanonku ma silangku, mangihuthon Jesus Tuhanki/
Sai ihuthononku Jesus, sai ihuthononku Jesus/
Sai ihuthononku Jesus, huihuthon Jesus Tuhanki.
LehononNa hagogoon, lehononNa hagogoon/
Dohot tumpal hangoluan, di Banua Ginjang na sonang/
Sai ihuthononku Jesus, sai ihuthononku Jesus/
Sai ihuthononku Jesus, huihuthon Jesus Tuhanki.

10. Epistel: Galatia 5:16-26

*) U=Uluan/Liturgis; R=Ruas

U: Hata Ni Debata turpuk di minggunta sadari on, ima na tarsurat di

Galatia 5:16-26. Alai on do hudok: Marguru tu Tondi i ma hamu
marparange; unang pasaut hamu hisaphisap ni daging.
R: Ai na maralohon tondi do sangkapsangkap ni daging, jala
maralohon daging i do sinangkap ni tondi: Na masialoan do i,
asa unang dipasaut hamu pinangido ni rohamuna.
U: Alai molo ditogihon Tondi i hamu, ndang ginomgoman ni patik
hamu.

5
 R: Alai tandap do parulaon ni daging, ima parmainanon,
hahodaron, pargadambuson, hasipelebeguon, hadatuon,
parmusumusuon, parbadabadaon, pangiburuon, rimasrimas,
pargutugutuon, parsalisian, partahitahion, bunubunu,
parmabuhon jala angka na suman tusi.
U: Naung hupaboa na jolo tu hamu, songon i do nang nuaeng: Ndang
teanon ni angka na mangulahon si songon i Harajaon Ni Debata.
R: Alai angka on do parbue ni Tondi: Holong dohot las ni roha,
dame dohot lambas ni roha, habasaron, habasaon, haporseaon,
halambohon dohot hatomanon. Ndang maralo patik dompak
angka sisongon i.
U: Alai angka na ginomgoman ni Kristus Jesus, diparsilanghon do
dagingna, rap dohot angka hisaphisap dohot sangkapsangkap.
R: Ia dung dipangolu Tondi i hita, taparangehon ma Tondi i.
U: Unang ma taeahi hasangapon na rumar; unang masiasapan manang
masilatean. Songon i ma sahatna. Martua do na tumangihon Hata Ni
Debata jala na umpeopsa.
U&R: Amen.

11. Koor

12. Marende BE No 464: 1-2 “ Huboan Ma Diringku”

Huboan ma diringku, Tuhan hibul tu Ho/
Ai au do tinobusMu, umbaen tarbaen au ro/
Pagalak ma rohangku, di son managam au/
TondiMi ma suru, na boi manggomgom au.
-------- jongjong --------
Ho Sipalua ahu, sun hinagogoMi/
HataM do huhaposi, na so boi muba i/
Pagalak ma rohangku, di son managam au/
TondiMi ma suru, na boi manggomgom au.
13. Manghatindanghon Haporseaon
U: Rap ma hita manghatindanghon haporseaonta i, songon na
hinatindanghon ni donganta sahaporseaon di sandok portibi on:
R: Ahu porsea, di Debata Jahowa..................................Amen

6
 ---------Hundul
14. Koor
15. Tingting
16. Koor
17. Marende BE 697: 1---“ Molo Ho Do Huihuthon”
*)Pasahat pelean IA&IB

Molo Ho do huihuthon, dame sonang rohangki/

Sai horas jala martua, nasa na hinophopMi/
Ho tongtong ihuthononku, Jesus na palua au/
Ho sambing do oloanhu, alanii martua au.
---------- organ/musik ---------
Na rade do au manaon, mangasahon padanMi/
Molo Ho na margogoihon, talu haholomon i/
Ho tongtong ihuthononku, Jesus na palua au/
Ho sambing do oloanhu, alanii martua au.
---------- organ/musik ---------
Hupelehon ma diringku, mangihuthon lomoMi/
Ndada be na olo salpu, na manggohi rohangkon/
Ho tongtong ihuthononku, Jesus na palua au/
Ho sambing do oloanhu, alanii martua au.
---------- organ/musik ---------
Marparange na badia, ma au diadopanMi/
Sai patau ma au tiruan, songon pinangidoMi/
Ho tongtong ihuthononku, Jesus na palua au/
Ho sambing do oloanhu, alanii martua au.
18. Jamita: Jesaya 63:11-14
19. Marende BE 792: 1----- “ Pasupasu Hami O Tuhan “
*)Pasahat pelean II
Pasupasu hami O Tuhan, sai usehon dameMi
Sai ampehon tanganMi Tuhan, lehon tu au gogoMi
Diportibi on baen ma au Tuhan, habaoran ni las ni roha
Tu na marsak i, tu na dangol i, gabe pangapuli i
Pasupasu hami O Tuhan, ..........
Diportibi on baen ma au Tuhan, monang maralohon dosa
Dibaen gogoMi talu musu i, sibolis pangago i.
Pasupasu hami O Tuhan, ..........

7
 ---------- organ/musik--------
Diportibi on baen ma au Tuhan, sipatupa hadameon
Baen ma hataMi saor tu roha ni, na masihosoman i
Pasupasu hami O Tuhan, .........
Diportibi on baen ma au Tuhan, siradoti haholongon
Togutogu ma hami on Tuhan, marparange na denggan
Pasupasu hami O Tuhan, .........
---------- organ/musik--------

20. Tangiang Panutup -----jongjong

*) U=Uluan/Liturgis; R=Ruas

U: Ale Debata Amanami na di Banua Ginjang, Ho do haroroan ni

saluhut silehonlehon na denggan, dohot nasa ulibasa na mauliutus.
R: Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus dijoloM. Pasupasu ma i
jala ramoti, asa huparhaseang hami pelean on, patimbulhon
harajaonMu ditongatonga ni huriaM, dohot di portibi on.
U: Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami.
U&R: (Mangendehon: Nasa na nilehonMi..............................du).
U: Ale Tuhan Debata Amanami, na so tarasam do godang ni
silehonlehonMu di hami. TondiM Na Badia i dilehon Ho tu hami
jolma, sumonggopi hami na lea on.
R: Na ummarga i do dilehon Ho tu hami, jala gumodang do i sian
portibi on, dohot sian pangisina sudena. On pe mauliate ma
rohanami, jala pujionnami ma Ho, alani sude habalgaon dohot
hamuliaonMu, naung pinapatarMu tu hami. Sai lehon ma
Tondi ParbadiaMi tu huriaM, asa diajari, dirajai, dipatiur,
diparbadiai, jala dipatongtong hami mian di Barita Na UliMi.
U: Ale Tondi Parbadia, sai pasada ma huriaM na pinapungupunguMi,
asa masijaloan jala masihaholongan, songon angka ruas ni
pamatang ni Tuhan Jesus Kristus Na Badia i.
R: Sondangi jala patiur ma hami, asa hutanda hami angka dosa
sipasidingonnami. Sai buas ma Ho manesa dosanami, asa lam
badia jala imbaru hami ganup ari, asa tarbahen hami saor di
huriaM na badia i, sai masuhi ma rohanami ale Tondi
8
 Parbadia, asa huhajongjonghon hami: Ho do ulu ni huriaMi.
Sai tambai ma silehonlehon tu huriaMi, asa lam ganda torop ni
angka sihajongjonghon hasintonganMu. Sai sondangi jala
pasupasu, sude parpunguan ni halak Kristen, asa tau nasida
saor tu parpunguan sogot.
U: Sai sungguli ma angka na tarpodom, jala pargogoi ma angka na
gale. Sai songgoti ma angka na neang dohot na tangkang marroha,
asa ditinggalhon nasida hajahatonna be. Sai parrohai ma angka na
bojok marroha, jala apuli ma angka na marsak, dohot angka na
dangol, asa unang diruparupa portibi on angka na mangoloi Ho. Sai
tatap ma angka na targogot, dohot na pinaburuburu ni halak, alani
haporseaonNa di Tuhan Jesus. Sai ajari ma nasida maralus, jala
mian ma Ho dibagasan nasida.
R: Sai ramoti ma pingkiran ni angka panggomgomi, panguhum
dohot angka raja, asa tigor uhum nasida, asa tiur rohana
mambahen na denggan, jala asa dihabiari nasida ari
paruhuman sogot. Sai patogu ma haporseaonnami, asa
tongtong huingot hami: naung sesa dosanami, jala boanaonMu
hami tu hangoluan sogot. Sai sungguli panghirimon na
mangolu di hami, asa pos rohanami nang malangke daging on,
pangoluonMu do sodot, asa masuk hami tu hangoluonMi ro di
salelengna.
U: Ale Amanami na di Banua Ginjang,................................du
U&R: (Mangendehon: Ai Ho do nampuna Harajaon,...........du)
U: (Tangiang pasupasu:....)
U&R: (Mangendehon: Amen........Amen........Amen......).

Mei 2020
HKBP Distrik X Medan Aceh